Grunneger Gebak & Pankouk Resept’n
Woar ist te find’n
• • • • • • • • •
Poffert (n soort Keek)...............................................................................................................1 Grunneger Pankouk..................................................................................................................2 Grunneger Rolletjes..................................................................................................................3 Eulieboll’n...............................................................................................................................4 Eulieboll’n mit Krent’n...............................................................................................................5 Gistpankouk mit Rezien en Kanail...............................................................................................6 Appelflapp’n............................................................................................................................7 Wentelteefjes...........................................................................................................................8 Spekdikk’n..............................................................................................................................9
1. Poffert (n soort Keek)
Wat der veur nödeg is: . 250 gram zulvriez'nd bakmeel . 0,2 liter lauwe mêlk . 300 gram rezien'n of krent'n . 1 ai . snoefke zôlt . 1 tude vanille sûker Hou 1. 2. 3. 4. 5. 6.
mout je t doun: Dou d ingrediëntn in n kom en mix 't tot der n stevig daig (stoetdaig) ontstoat. Smeer d poffertpaan in mit bôtter en bestreu hom mit paneermeel of grovve riest. Dou 't daig din in d poffertvörm, d vörm veur d helfte vulln. Zet d vörm in n paan mit wôtter. 't wôtter sikkom 1 uur aan d kook holdn. Povvertpaan oet 't wotter hoaln en 10 minuutn kôlt loatn wordn. Din d kouk oet d vörm hoaln.
2. Grunneger Pankouk
Wat der veur nödeg is: . 2 aier . 5 theelepels zôlt . 500 gram widde meel . 1 liter mêlk . Bôtter (noar aign smoak) . 300 gram krent'n Hou 1. 2. 3. 4.
mout je t doun: Dou d aier in n kom en klop ze lös. Voug d zôlt, d gezeevde meel en d mêlk tou, moak der n mooi beslag van. D krentn wass'n, oetloatn lekk'n en deur 't beslag ruiern. n klontje bôtter in d koukepaan loatn smelt'n, wat beslag derin schepp'n en de pankauk aan baide kant'n goar en goltbroen bakk'n.
3. Grunneger Rolletjes Wat der veur nödeg is: . 250 gram meel . 125 gram bôtter . 250 gram poeiersûker . zôlt . sitroensap . 3 aier . 1 eetlepel kanail . slagroom Hou 1. 2. 3. 4. 5. 6. 7.
mout je t doun: D botter schoemeg ruiern en d poeiersûker der bie doun, mit n snoefke zôlt en n poar drupkes sitroensap. Ain veur ain d aier der deurhên ruiern. Doarnoa d gezeevde meel en kaneel der deurhên ruiern. n woafeliezer bebottern en verhittn. Schep 1 eetlepel beslag in 't middn van 't woafeliezer. D woafel aan baide kant'n snel goltbroen bakk'n. D haite woafel derekt oproll'n om n steel van n soeplepel of n rond holtn stokje, doarnoa oafkoeln loatn. Bak zoo ook d rest van d woafels.
Veur 't opdainn d woafel hom inspuit'n mit opgeklopte slagroom.
4. Eulieboll’n Wat der veur nödeg is: . 1750 gram zulvrieznd bakmeel . 1½ liter koumêlk . 120 gram widde basterd sûker . zôlt (mes puntje) . 90 gram vaarse gist of 33 gram instant gist ( dreugt ) . 6 aier . 6 zakjes vanillesûker . 4 liter zunnebloum eulie Hou 1. 2. 3. 4. 5. 6. 7.
mout je t doun: Aalle produktn moutn op koamertemperatuur weezn. Zeev 't zulfrieznd bakmeel deur n zeev in n groode emmer (10 liter). Löz 't gedreugde gist op in beetje laauw waarm wôtter, moak n koeltje in 't middn van d meel en dou hier 't gist in ('t vaarse gist behandeln joe op dezulfde wieze aas gedreugde gist). Moak 't mêlk n beetje laauw waarm en geit dit in 't middn van d meel soamn mit 't sûker, vanille sûker, zôlt en aier en ruier dit gout deur mekoar tot n mooie dikke beslag. Lêg nou n waarme douk over d emmer en loat 't beslag eevn riezn op n waarme plek en tocht vrei, loat 't beslag minstens n uur riezn tot n luchtig beslag. Moak 't eulie waarm in d frituur of n hooge paan op 175 groadn Celsius. Mit n nadde sloataang of 2 nadde groode leepels scheppn joe 't beslag oet d emmer en loatn d euliekaukn beslag veurzichteg in t heite eulie gliedn bak d euliekaukn mooi goltbroen en loat ze oetlekkn op keukn papier (perbaier bie d eerste euliekaukn of ze gout goar binn).
5. Eulieboll’n mit Krent’n Wat der veur nödeg is: . 1750 gram zulvrieznd bakmeel . 1½ liter mêlk . 120 gram widde basterd sûker . zôlt (mes puntje) . 90 gram vaarse gist of 33 gram instant gist ( dreugt ) . 6 aier . 6 zakjes vanillesûker . 4 liter zunnebloum eulie . 600 gram krentn Hou 1. 2. 3. 4. 5. 6. 7. 8.
mout je t doun: Aalle produktn moutn op koamertemperatuur weezn. Zeev 't zulfrieznd bakmeel deur n zeev in n groode emmer (10 liter). Löz 't gedreugde gist op in beetje laauw waarm wotter, moak n koeltje in 't middn van d meel en dou hier 't gist in ('t vaarse gist behandeln joe op dezulfde wieze aas gedreugde gist). Moak 't mêlk n beetje laauw waarm en geit dit in 't middn van d meel soamn mit 't sûker, vanille sûker, zôlt en aier en ruier dit gout deur mekoar tot n mooie dikke beslag. Lêg nou n waarme douk over d emmer en loat 't beslag eevn riezn op n waarme plek en tocht vrei, loat 't beslag minstens n ketaiertje riezn tot n luchtig beslag. Meng nou d krentn deur 't beslag. Moak 't eulie waarm in d frituur of n hooge paan op 175 groadn Celsius. Mit n nadde sloataang of 2 nadde groode leepels scheppn joe 't beslag oet d emmer en loatn d euliekaukn beslag veurzichteg in 't heite eulie gliedn bak d euliekaukn mooi goltbroen en loat ze oetlekkn op keukn papier (perbaier die d eerste euliekaukn of ze gout goar binn).
6. Gistpankouk mit Rezien & Kanail Wat der veur nödeg is: . 300 gram bloum . zôlt (1 mespunt) . ½ liter mêlk . 15 gram gist . 2 theelepels kanail . 75 gram rezienn . zunnebloum eulie (scheutje) . sûker of stroop (noar aign smoak) Hou 1. 2. 3. 4.
mout je t doun: Zeev d bloum boovn n kom en voug 't zôlt tou. Verwaarm d mêlk laauw waarm en löz 't gist op in wat laauwe mêlk. Moak n koeltje in d bloum, geit doar d gist oplössing in en voug d kanail tou. Moak vanoet 't middn mit n holtn leepel - scheutje veur scheutje d restant vaan d laauwe mêlk bieschenknd - n mooie gladde beslag. 5. Was d rezienn en loat ze gout oetlekkn. 6. Schep aansloet'nt d rezienn deur 't beslag. 7. Loat 't beslag - oafdekt mit n nadde douk - 1 uur op n waarm plekje riezn. 8. Loat in n koukenpaan wat eulie waarm wordn. 9. Dou hier n kwart van 't beslag in en drai d paan vlug ront, zodat 't beslag d haile boom bedekt. 10. Loat d gistpankouk op n leeg vuurke aan d onnerkaant mooi goltbroen bakkn en drai hem om as d boovnkaant hailemoal drög wordn is. 11. Bak din ook d annere kaant snel broen. 12. Bak vervolgns d andern en hol d gebakkn gistpankoukn waarm.
Dein 't op mit sûker of stroop.
7. Appelflapp’n Wat der veur nödeg is: . 1750 gram zulvrieznd bakmeel . 2 liter mêlk . 120 gram widde basterd sûker . zôlt (mes puntje) . 90 gram vaarse gist of 33 gram instant gist ( dreug ) . 6 aier . 6 zakjes vanillesûker . 4 liter zunnebloum eulie . 10 stuks goudrenetten of rode boskoop Hou 1. 2. 3. 4. 5. 6. 7. 8.
mout je t doun: Aalle productn mottn op koamertemperatuur weedn. Zeev 't zulvrieznt bakmeel deur n zeev in n groode emmer (10 liter). Löz 't gedreugde gist op in beetje laauw waarm wotter, moak n koeltje in 't middn van d meel en dou hier 't gist in ('t vaarse gist behandeln joe op dezulfde wieze aas gedreugde gist). Moak 't mêlk n beetje laauw waarm en geit dit in 't middn van d meel soamn mit 't sûker, vanille sûker, zôlt en aier en ruier dit gout deur mekoar tot n mooie dikke beslag. Lêg nou over d emmer n waarme douk en loat 't beslag eevn riezn op n waarme plek en tocht vrei, loat 't beslag minstens n ketaiertje riezn tot n luchtig beslag. Moak 't eulie waarm in d frituur of n hooge paan op 175 groadn Celsius. Schil d appels steek 't klokhoes deroet en snie d appels in plakkn van 1,5 centimeter dik, dreug d appels oaf mit keukn papier en bestreu ze mit sûker en kanail. Hoal d appels deur 't beslag en loat ze in 't eulie gliedn en bak ze goltbroen, loat ze oetlekkn op keukn papier.
8. Wentelteefjes
Wat der veur nödeg is: . 8 plakkn witstoet (olt stoet) . 300 ml mêlk . 1 ai . 50 gram sûker . kanail of sitroenrasp (noar aign smoak) . klontje botter Hou 1. 2. 3.
mout je t doun: 't ai ruiern mit d sûker en kanail en/of sitroenrasp. Mêlk derdeur ruiern. Stoet hierin waikn en op n nait te heit vuurke aan weerskantn goltbroen bakkn in botter.
9. Spekdikk’n Wat der veur nödeg is: . 500 gram Roggemeel . 750 gram Garste- of Tarwe-bloum . 4 aier . 1 liter mêlk . n snoefke zôlt . 200 à 250 gram stroop . 250 gram broen sûker . 30 gram bôtter . 3 dröge wôst'n . 200 gram rookspek Hou 1. 2. 3. 4. 5. 6. 7.
mout je t doun: Aale bestandail'n moutn op koamertemperatuur weed'n. n Oavend van 't veurn 't meel en d mêlk mengen. Volgnde dag aale bestanddail'n deur mekoar ruiern tot n dik beslag, moar zunder wôst en spek. Op d haite Woafel- of Kniep koekjesiezer n poar plakjes spek en wôst lêgn. Hierop 't beslag geitn. Door weer boovn op, spek en wôst lêgn. Dou nou 't iezer dicht en bak de kouk op n haalf hoog vuurke, goar en goltbroen.
