OOOetgave van:‘Dialekvereiniging Veldeke Venlo’. ‘n Vereiniging met hert veur de volkscultuur en veur de plaatselike dialekte in de regio Venlo. Opgerich 20 januari 1947.
deKroedwis
2 - 2014
Dialekvereiniging
e l d e k e Ve n l o
1 gaef um Veldeke Gaef um óg modertaal,
Inhald Jónkvrouwe Veldeke - Hans Jacobs
3
Nae toch - Jan Maas
4
Verslaag Declamatiewedstrieje in Venlo - Gertie Bourgonje
5
Waordzeuker - Henk Geenen
6
Versjlaag Declamatiewedsjtried Tegele - Truus Verbong
7
Ós plaetske aan de Maas - Bertje
9
Oetgaon - Wim Roeffen
10
As - Jan Maas
11
De kersjtanjelbuim van den Bas - Sjeng Stoffels
12
Semper Fidelis - Hein Baur
13
Nach van ‘t Limburgse leed en Oeuvrepries 2014 - Frans van de Rijdt
14
De wachkamer - Jeanne van Kraay-Apeldoorn
15
In memomiam Arnold Wassen
16
Cursus Venloos laeze en schrieve veurjaor 2014 - Marij Bongers
18
Daagbook van ‘ne lieraar - Hein Baur
19
Van herte door de roete nao boete geschöp beej Van Klavere Bert Driessen
21
Theetied met Veldeke - Frans van de Rijdt
23
Gewoeën gelökkig - Jeu Thissen
27
Oplossing puzel - Henk Geenen
28
Kóm ens veur - Henk Buskes
29
Bekroeënde leedjes - Wim Roeffen
30
Colofon
31
2
Jónkvrouwe Veldeke door Hans Jacobs, Venloos
’t Waas boete hiel good waer En de Jónkvrouwe drónk eine sloek beer. “Ik drink mich mood in,” zag ’t beej ’t drinke En de zoogs um aan plezerige dinger dinke. “Ik heb ’t dan waal nog noeëts gedaon, maar vanmiddaag gaon ik op de golfbaan staon!” Jónkvrouwe Veldeke waas genuued door einen hier. Allein ziene naam, dae wis ’t neet mier… Um half dreej stónd ’t beej ’t golfpark veur de deur. Eine gael truitje aan en ein bóks greun van kleur. “Noow bin ik sjiek, zelfs ein bietje bekak.” En ónder zien sportschoon, einen hoeëgen hak. Dao kwaam zien aafspraok aan, Jan-Kees van Graote, met ein golftas vol golfclubs, in alle maote. Hae begós met ein harde G zich veur te stelle, zien hendje bestónd oet waal doeezend alde velle. “En ik bin Veldeke,” zag ós Jónkvrouwe metein. “Dus geej hit Jan-Kees, maar wat ziet geej klein?” Had ik veur deze aafspraok maar bedank. Daen alde waas neet mier dan anderhalve maeter lank. “Zullen wij naar de afslag van hole one gaan?” Maar dae golfpraot kós de Jónkvrouwe ‘niet verstaan’. “Wat is uw handicap,” vroog Jan-Kees in Wassenaars plat. “Waat? Ik heb gen handicap, ouk noeëts gehad!” Wat meinde dae Jan-Kees zich waal neet? Met dae heb ik binne de kortste kiere keet! Toen vroog hae: “Ik heb de pitchvork, jij ook?” Noow woort de Jónkvrouwe link op det Hollands hötje look… ‘Watbleef? Neump geej mich ein bitch?” En zoeë opins, in eine flotte flits, houwde de Jónkvrouwe daen golfer op ziene kop met eine golfclub, en ’t heel maar neet op. ’s Aoves weer thoes, allein veur d’n t.v. pakde het d’r ein golfbukske beej. Wie ’t alle golfregels had bekeke veulde het zich waal ein bietje beschete. Dae kleine kale had niks verkierd gezag. Allein maar golfterme en de Jónkvrouwe schoot in de lach. Noow had ’t ens 18 kier de ‘hole’ kinne völle Had ’t neet begrepe waat daen alde waas aan ’t lölle…
3
Nae toch
door Jan Maas, Venloos
Hojje pap, hojje mam kind geneet d’r noow maar ens good van de hebs ‘t verdeend vluch MH17 vertrek deure waere geslaote motore gestart de reis vingk aan op waeg nao… ’ne gas óngehoebelde bepaole ’t letste doel vuuel verdreet en elend hojje pap, hojje mam.
4
Verslaag Declamatiewedstrieje in Venlo door Gertie Bourgonje, Venloos
De veurróndes vónde plaats op 24, 25 en 27 maart. De finale op d’n 11e april 2014 in de Venlonazaal. Dit jaor waas ikzelf veur d’n ieërste kier betrokke beej de organisatie van de declamatiewedstried. Aafgeloupe jaore ging ik eders kier met mien kleindochter mei as det zien gedichje veurdroog. Ik woort dao van allemaol die kinder die eur gedichje veurdroge zoeë óntreurd en vónd ‘t leuk um heej mien steinke aan beej te kinne drage. Zoeë ouk dit jaor ware de kinder allemaol weer van die kleine kunstenaerkes . Naodet de kinder eur gedichje kóste veurdrage beej de veurselectie, bleve d’r 40 kinder euver die nao de finale doorginge. Allemaol hadde zeej dao eur eige ” fanclub” van paps, mams, breurkes, zuskes, opa, oma, juf of meister beej zich, zoeëdet zeej zich allemaol in eur moeëjste kledje of pekske kóste prissentere. ’t Ein kind wat mier op zien gemaak dan ’t ander, hebbe zeej ‘t allemaol geweldig gedaon. Zoeënuuedig krege zeej nog ein gerösstellend wäördje van Hans Jacobs. De beste dreej van iddere categorie woorte beoerdeilt door de juryleje Ine van de Vorst, Mirjam van Elderen en Petro Janssen van ‘t Frans Boermans theater. OETSLAEG: Groep 3/4 1e plaats: Eefke Koninkxs van b.s De Springbeek met ”Dreej maedjes op ein hekske” 2e plaats: Jans Vaesen van RK b.s. Groeneveld met ”Mien Hundje” 3e plaats: Judith Driessen van o.b.s. de Koperwiek met “Mien Hundje” Groep 5/6 1e plaats: Quin Schatorie van RK b.s. Sint Willibrordus met ” ‘t Leukste kind” 2e plaats: Shainy van Cleef van Venlose Montessorischool met ”Ik wil zoeë gaer” 3e plaats: Alessia Mega van RK b.s. De Meule met ”Waorum?” Groep 7/8 1e plaats: Juul Brueren van TCV Hertog Reinoud met ”Ein Vrindin” 2e plaats: Jaydie Rutten van Obs De Koperwiek met ”Rammele van d’n hónger” 3e plaats: Rik Martens van Obs De Koperwiek met ”Later” Van herte perficia veur idderein!! Wies volgend jaor!!
5
Waordzeuker door Henk Geenen
Wäörd die heejbaove verborge zien:
6
Versjlaag declamatiewedsjtried Tegele door Truus Verbong, Tegels
Op vriedig 18 april 2014 vóng de finale plaats van de Tegelse declamatiewedsjtried van Veldeke, in ’t Zaelke in Tegele. Op gójje vriedig dus. En waoröm det gójje vriedig hét, woort ós daen aovend al flot dudelik! Tegele bars van ’t talent in alle laeftiéde. Maar leefs 32 kinger hadde zich vasgebete in ’t versje van eur keuze en presenteerde det aan ’t publiek asof ze det al jaore doon. Vur vuuel kinger is det ouch éch zoeë want versjillende sjnuutjes ware ós al bekend. Weej hebbe wir genaote van ‘t begin wies ‘t eind. Theo Hamakers presenteerde d’n aovend nao ’t äöpeningswäördje van veurzitter Henk Buskes. Theo makde met idder kink ’n präötje en zörgde det de microfoon op gójje huuegte sjting: van hiel lieëg, toet hiel hoeëg, en alles wat dao tössenin zit. De thema’s van de versjes varieerde van lekker knóddele met water toet sjtiekem rouke…. vur elk wat wils. Complimente dus aan de sjriévers Franc van Baar, Herman Bors, Susan Janssen, Annelies Holtman, Leonie van Hulten, Leo de Ronde en Truus Verbong die ouch dit jaor wir de kinger hebbe geprikkeld met ’n versje wat eur aansjprook.
Ouch volgend jaor zal de Tegelse werkgroep wir zien uuterste bés doon, öm ’t Tegels dialek laevetig te haje en kent ge wir op ’n niej aanbod van versjes raekene.
7
De jury besjting dit jaor oet 3 minse van de wiekraod Tegele, te weite de hiere Ger Hensen, Huub Smit en Barry Huskes. Ouch zeej gove aan det ’t niveau hoeëg loog en det jurere gen gemekkelik klusje is. Toch is eur det good gelök en woorte aan ’t eind van d’n aovend de volgende winnaers bekend gemak: Baovebouw 1. Prescilla Reutelingsperger 2. Dawn Geraads 3. Mila Thönissen
Sjtiekem Sjtiekem Lekker laeze
Leo de Ronde Leo de Ronde Susan Janssen
Middebouw 1. Zoë Kuijpers 2. Soleil Thönissen 3. Bram Nellen
Sjoëlkrank Herman Bors Waas ich maar altied baby gebleve Herman Bors Raegenlaarze Leonie van Hulten
Óngerbouw 1. Jasmijn Heiligers 2. Cas Rijvers 3. Sadé Tuithof
Waterwerke Hiel gezónk Waterwerke
8
Leonie van Hulten Leonie van Hulten Leonie van Hulten
Ós Plaetske aan de Maas door Bertje, Tegels
Tösse ’t sjoeëne greun versjaole loog ós plaetske aan de Maas. D’n Eike besjreef ’t in verhaole wie sjoeën ’t bi-j ós vruger waas. Woeë ’t baekske vruger sjtroumde gaon wi-j nao ’t ziekenhoes. En woeë de sjouw van Thisse sjtoumde zien noow bejäörde hiel erg thoes. Woeë wi-j vruger ginge wandele op de waeg dao nao de bös sjteit ’t noow hiel vol met huzer en ’t verkier versjteurt de rös. Woeë wi-j keke nao det tremke, as det laeg dem berg op ging. Jao, ’t zien vervlaoge jaore, ’t is allein herinnering. Woeë miene pap de panne laajde en ich öm ’t aete brach, en hae zelf ’t lank ömspaajde jaa, me sjoefde daag en nach. We ginge ouch de aende vore in de wieërd, dao bi-j d’n Bas. Ós kesjtieël meug neet verdwiene bi-j de aadheid in de kas. Och, wat ging d’r vuuël verlaore in ós dörpke langs de Maas, want we merke door de jaore Pas wie sjoen ós Tegele waas. 9
Oetgaon
door Wim Roeffen, Venloos ’t Waekind steit weer veur de deur, we meuge weer met vrinde ónderein, ós lekker gaon begaje. Det geit noeëts fout, want altied hebbe weej plezeer. En neet det weej ós daoveur vol hove te laje. Nae, weej gaon waal stappe, det lever nog dan gaer dae joeks en jen, dao kinne weej ós good mei ammezere. 't Is dae kwazel, dao kump ‘t meistal toch op neer. En waer neet serieus, det hoofs se ech neet te perbere. Weej neme waal ein pilske, maar aaf en toe ouk neet. Want pils allein hoof de stumming neet te bepaole. En zoeëwiezoeë, beej miene weet geit 't toch vuuel mier um al die sterke verhaole. Maar ouk d’n disco, det vinde weej waal tóf. Dao zien weej dök te vinde, want daovan is 't leuke det met daen disco, weej bes waal hebbe gebóf. Vandao det weej dae dan ouk regelmaotig doon bezeuke. As weej maar neet hove te danse, want det is niks veur ós. Det gek gespring kins se baeter aan de maedjes euverlaote. Ós is det neet gegaeve, zien dao ouk noeëts neet aan begós. As emus ós oeëts vruueg, zien weej geliek in alle staote. D’n aovend is veurbeej, we hebbe ós good geammeseerd. We wille nao hoes, maar zeuke lang nao ózze fiets. Dae had ik toch in de rekke beej de Loco geparkeerd? Maar jummich, wie zund, is mich dae toch alweer gestriets. Ik vroog mich aaf: “Wat noow gedaon?” Waas meug, en woel waal gaer gaon slaope. Toen bin ik van ermen ozel maar te voot gegaon. Maar sleep de ganse nach met mien ouge aope. 10
As
door Jan Maas, Venloos As ’n bord ’nen telder hit ’n vaatdukske schóttelslet ’t huuske d’n eimer en ’n kónt ’n vot me miezele zaet taege zachjes raegene maar majjeme taege harde as me meug is en oetrös in ‘ne praos en me zaet ouk nog ens taege ’t letste oet de kan draos
‘t duit duueje as de snieë smilt ‘t hudje van ’n ei ‘n döpke wuurt geneump
let dan good op… en zeker as me smeis taege sóms zaet me geit fiete as me wegrent en zich ein fim smeert as me hónger haet
wao watte…? neet altied watte zien maar ‘n widvrouw ouk neet altied wit miere, zeikdieëme heite me ’n zevezölders gezich haet as die neet weggaon ‘ne mins dae fioeël speult dermkiedelaer hit
‘nen treuzelaer met aete ‘n fiemelkónt neump en eiges gekaokde soep zelf gemak haet
dan mót me zich ech aaf gaon vraoge of me neet in Venlo zit en waere óg beschute met sókkerkäörkes aangebaoje dan….jao dan hoof geej neet lang mier te raoje! 11
De kersjtanjelbuim van den Bas door Sjeng (Stoffels) van d’n Eike, Tegels
’t Kesjtiël de Holtmühle, ein van de weinige monumenten die nag in Tegele euvergebleeve zien, waar vruuger in de naozoomer ein aardig aantrêkkingspunt vur de jeug. Det wi-j dao zoë gaer haer ginge, kwaam neet, ömdet we de neteur wôlle bezichtige, want det zoot-er bi-j ôs neet in; det woord auch in de sjoël neet veurgehaaje, öm leefde vur de neteur te hebbe. Nae, wi-j kwaame öm dao ônger de kersjtanjels te sjmiéte, want die sjtinge d’r genôg. Wat taengeswaordig de Kesjtiëllaan is, hoot vruuger de Bassergelei. Toet vur kort woord det kesjtiël nag bewônd dôr de femilie van Basten Batenburg; daovan die aafkorting. – Det kesjtiël en ’t gehiële lankgood woord einfach “bi-j d’n Bas” genump.
In den tiéd, det de taam kerstanjels riép waare, ginge wi-j geregeld nao de Bassergelei, of d’r niks te hasse waar. Det lökde neet jidder kiér, want de gardesjas – det waar d’n opzichter van den Bas – waar dao dökker öm toezich te haaje, detter niks verneeld woord mêt dêt sjmiéte ônger de kerstanjels en ‘t loupe op ’t naeve ligkende lank, want dao woord nag al get verneeld. Thoés woorte ein paar dieke klöppels mei genaome, öm de kerstanjels van de buim te ketse. Op de Bassergelei looge doe nag gên huuzer, allein de aaj kesjtiëlspaort, woë we waal ein bietje sjruf vur haaje, want dao woord vertêld, det ein van die teurkes – de moezetoore – gebroek woord as gevangenis öm kinger, die gesjnap woorte, op te sjloéte. Daoröm haaje we auch zónne sjrik vur de gardesjas. Maar as de baan veilig waar, woord d’r mêt de klöppels ônger die kersjtanjelbuim gesjmeete. De booze, die neet aope ginge as ze op de grônk veele, woorte met de klômp gemangeld wies de kersjtanjels d’roét kwaame, die den veur in de bloés geduujd woorte. Oet: “Ich kên mich nag good herinnere” Met toesjtumming van de erve in aad Tegels euvergenaome
12
Semper Fidelis door Hein Baur, Venloos
Ik loup mei gewoeën door de stad um ze te ruke Ik zeen kinder bergemuuske speule, achter de struke Ik bin Venlonaer in doon en laote, in hert en niere As ik op de Parade bin, heb ik altied wat te viere Pap en Mam, twieë oet ’n gans stök Brachte mich groeët, doeën beej de brök Ik loup mei euver de Kade beej Petatte Wiel En ik zeen de parlevinker met idderen boeët in ziene kiel Op de Joedemert zuus se ein paar kwante En aaf en toe mienen eigen ome en gekke tante En veur det ik ’t weit staon ik veur d’n Gouden Tijger Ein pilske wuurt mich aangebaoje, wat ik noeëts weiger Opa en oma woeëne heej toch um d’n hook? En wónderbaarlik huur ik in mien oer ’t Venloos gevlook In ’n scheetgebedje vraog ik God um heej te meuge blieve Wónderbaarlik luuet Hae mich alles oetgebreid opschrieve Zoeëdet andere minse dit stedje van plezeer ouk kinne belaeve De kins namelik maar aan ein stad dien leefde gaeve In mien gedachte is d’n tied stil blieve staon Wao is idderein noow toch haer gegaon? Ik stiefel nao ’t hertje van dees stad die ik zoeë leef heb Want dao stónd langen tied mien kinderbed Want wae ’t stedje van de reubezekskes neet kint, det is ’n gemis. Maar ik zeg altied weer: Venlo Semper Fidelis!
13
De Nach van ‘t Limburgse Leed en de œuvrepries 2014 door Frans van de Rijdt, Venloos Same met de organisatore van de Nach van ‘t Limburgse Leed reik Dialekvereiniging Veldeke Venlo veur d’n achste kier einen œuvrepries oet aan eine persoeën of groep dae de meziek in ‘t Limburgs dialek breid oetdruueg euver gans Limburg en daoboete. Dit jaor gebeurt det ónder de Nach van ‘t Limburgse Leed op zaoterdaag 20 september en velt de ier te beurt aan ‘t duo UM & UM ( Wim Hendrix en Math Craenmehr) oet Hors, zeej viere dit jaor dat zeej al 33 jaor op de Limburgse podia staon. ‘t Duo Um&Um zingk en speult al die jaore leedjes met fijnzinnige tekste en smeis scherpen humor (noeëts platvloers!) gebaseerd op de actualiteit. Ze zien onderscheije aan de Narrenuniversiteit Limburg met d’n titel ‘Drs. Humoris Causa’, en daonao gepromoveerd tot “Dr. in de humor” en ouk nog beneump tot perfessor. Dreej maol stónde zeej in de Zoepkoel op de Boetegewoeëne Boetezitting. ‘t Duo UM & UM is ouk inkele jaore met ‘t Limburgs Symphonie Orkest op paad gewaes um op te traeje beej de bekinde vastelaoveskónserte.
14
De wachkamer
door Jeanne van Kraay-Apeldoorn, Venloos Vanmorge heb ik mich opgepak. Ik had ’n aafspraok met mienen hoesarts gemak. Neet det ik krank waas, ik had ouk gen pien maar ik meus dao gewoeën veur cóntrole zien. Dus zóch ik ’n plaetske in ’n hukske en blajerde maar wat in ’n bukske. D’n inhald van de speulhook loog al euveral verspreid met vechtende kinder, zoeë wie det euveral geit. De hoofs niks te zegge, hald dien oere maar aope d’n eine kin neet aete, d’n andere neet slaope. Ik hoort van emus eure ganse laevesloup en alles wat ze kwiet woel en det waas ‘ne hielen houp. Veer bevallinge woorte oetveurig bespraoke de straot die vlak veur eur deur waas aopegebraoke. Twieë scheidinge van de kinder, ruzies met de bure in zó’n wachkamer kriegs se nog ens wat te hure. Alle inge ziektes die ‘ne mins kin kriege um euver schandale in de wiek nog maar te zwiege. Ik gaef wieselik maar gen kómmentaar bin haos aan de beurt, truues ik mich maar. Wat interessere mich andermans perbleme en mót me alles maar as waorheid aanneme? Gelökkig waer ik gerope en kin ik gaon pleite van al daen trammelant wil ik gaar niks weite. Net as idderein kreeg ik ouk mien pekske te drage en det wuurt neet lichter door allein maar te klage. ’t Laeve geit door, ik bekiek ’t van de positieve kant en det is boete de wachkamer nog bes interessant!
15
Herinnering aan Nol Wassen door Herman Bors, Ruivers
Op 24 mei 2012 öpende ich in mien mailbox ‘n berich van 4 regels omdat mijn tijd gekomen is en er zal geen respijt zijn… en dáár, waar niets te dromen is daar zal ik ,,uit de tijd” zijn….. was getekend: Ar(nol)d Wassen Óngevier ein jaor later versjeen oet ’t nieks ‘ne mail met wäörd die sjproke van ein naderend aafsjied. Ein versjlaag van ‘ne aangekondigde doeëd. ’t Hoes lik d’r, sjtatig, ónaangetas door de tied. Pesjtoer Vranckenlaan 47. Hiej wónt de sjriever. Hae kent zien lot zoas idderein zien eindbesjtumming wet. De man sjteit op. Geit nao de raam. Kiek. Verwónjert zich. Dit is miene waereld, dink d’r. Hiej höb ich gelache, hiej höb ich leefgehad. Hiej vónje verdreet en troeës ein sjuulplaats. Hiej greujde mien kinjer op. Op dees plek zin mien verhaole, mien gedichte en mien liedjes óntsjtaon. Vraemp, realiseert d’r zich, óm in de verleje tied te dinke. In waas, in ware, in is gewaes. Hae zeuk ‘ne sjtool. Probeert rös te vinje. Hae sjteit weer op, löp nao ziene tuin. Wet det de aerd op ‘m wach. Hiej waerde de zinne opgegrave die zich meujteloos aanein lete sjmede toet evergreens. Oetgesjtruide wäörd die as ‘ne truukgesjpeulde film häör vaste plek opeisde in ‘ne teks. Melodieë die zoe vanzelfsjpraekend klónke det ’t leek asof de miense ze al kende oet ein vurrig laeve. In dit hoes waerde al die liedjes gebaore die genne laeftied höbbe ómdet ze jónk en aad tegeliek zin. In ziene kop zitte ze opgesjlage, de vraoge en de antjwaorde, de thema’s en häör oetwerking, de wäörd mit häöre rijmende echo. Mer daonaeve löp d’r ein anger scenario: ’t aafrónje. Asof d’r ’n dreijbook veur gesjreve is, zoe sjluut zich waerdig de weijer van activiteite in de wintjer van ’t sjrieverslaeve: Wissewasjes sjtaon haer plek aaf, ’n letste optraeje biej ’t niejaorsconcert, de Veldeke-oeuvrepries van ’t Limburgs Leed, ‘n succesvol letste vastelaovesleedje, de hoofdrol in ‘Koppig Limburg’ en ‘t Ruivers volksleed in brons vasgelag. Asof idderein d’r teveure weet van haet gehad. omdat mijn tijd gekomen is en er zal geen respijt zijn… en dáár, waar niets te dromen is daar zal ik ,,uit de tijd” zijn….. ‘ne Sjriever kent zien lot zoeas idderein zien eindbesjtumming wet. Mer zien werk blief... zoeas ‘ne boum behaje blief in ein meubelsjtök. En die herinnering, det is ‘ne vorm van ontmoete. Nol, veur zulle dich nag dök taegekómme.
16
Nol
door Piet Relouw, Ruivers Ich haaj eine goeje kennis, en dae bön ich noew verlaore. We zoge ós neet iddere daag, mer det waas gen bezwaor. Mer, noews doew d’r neet mier bös, is mich dudelijk gewaore, det ‘t eigelijk vuuel te weinig waas, ós die paar kier zeen per jaor. Doew höbs in die laeve neet stil gezaete, haajs ein rieke fantasie. Sjreefs euver de waereld óm dich haen, euver de gewuuenste dinge. Euver de Ruiver, de revue, de vastenaovend,
of euver de harmonie. En, óm det kompleet te make, doew kós der ouch nog euver zinge. Gelökkig höbs se ós det naogelaote, ouch veur mich ein rieke erfenis. Sjoeën, óm nog ens nao te luustere, net ofs dich die verhaole weer vertels. Óndanks dien haengaon d’r zelf biej bös, d’r hielemaol niks verangerd is. En dich, vanoet dae angere waereld, ein stökske van ós biej dich hels.
17
Verslaag van de cursus ‘Laeze en schrieve in ’t Venloos’, veurjaor 2014 door Marij Bongers, Venloos
Dao zote weej dan beej Frans in de benkskes, minnigein van ós met roeëje wengskes. 14 Lierlinge met vuuel iefer en ao zoeë fanatiek, woele hiel gaer Venloos liere schrieve.
Dus weej aan de slaag met ’t lesbook van Frans, idderein dach: “Aha, heej leet mien kans!” Maar aojei veel det nog effe taege, det zeg ik óg, weej hadde ós dao toch ein bietje op verpielik. Want wat bleek gaondewaeg de cursus tóch idderskier, minnigein van ós had zich ’t Venloos gans verkierd aangelierd. Poeh, poeh en beej de euverhuringe en ’t dictee, zote weej te kume wie einen alden hiep. Maar Frans bleef röstig, det dan weer waal en weej, weej schreve ós ’t potloeëd kaal. Gaondewaeg alle – veural – gezellige lesse, met zeker de opmerkinge van ós tössedoor! Wiste weej wat veur vleis weej in de kuup hadde en pakde Frans ós weer ens duchtig beej de kladde. Dan krege weej ein opdrach truuk met waal twelf of dertieën foute, weej hadde ’t geveul det weej sebiet op kóste zoute. En op de letste beejeinkóms op de vieftieënde mei, ware weej tóch waal waat gespanne. Wie hadde weej ’t d’r vanaaf gebrach? Det waas ónder ós gezwege en gezag …. Veur ós ein vraog en veur Frans ‘ne weet! En ao waat deej det pien, eintje kreeg ’t getuugschrif neet! Maar die is zoeë fanatiek, in ’t naojaor beej de ieërsvolgende cursus, haolt die ’t döbbel en diek! Frans en ouk Susan names alle 14 van ós bedank veur alle lieërzame lesse, weej kinne d’r nog hiel lang euver klesse besse!
18
Daagbook van ‘ne lieraar door Hein Baur, Venloos
As lieraar kin ik truukkieke op vuuel jaore werkzaam te zien, in mien vak as lesboer. Ik zal iddere kier ein herinnering vertelle oet mien loupbaan. De ieërste herinnering kump nog oet d’n tied van mien opleiding. Ik meus ein les gaeve op ’n schoeël in Belvend, same met miene kammeraod Sjaak. Wat ein gedeuns. Ein les met ’n laevend bieës, waas de opdrach. Alla. Dit good veurbereid met Sjaak en met det knienke, wao ’t um ging (weej hadde gekaoze veur ein les met ‘ne laevende knien). Weej dus ein knienke besteld en gerisserveerd in ’t Hagerhaof beej de Kinderboerderie. Alles zoeël klaor staon, op d’n daag det we die les meuste gaeve. Ze gove dae knien gen aete, zoeëdet hae dan op schoeël lekker zoel aete en de kinder in de klas toe kóste kieke. Zoeëgezag zoeëgedaon. D’n bewusten daag, ’s morges vruug nao de kinderboerderie um de knien aaf te haole. Weej ware op tied dao, zoeëdet alles zónder stress zoel verloupe. De pedagogiek-lieraar van ós schoeël (kweek in Venlo), kwaam kieke um de les te be-oeërdeile. Weej ware neet bang umdet alle andere lesse en stageopdrachte allemaol good ware gewaes. Dus weej zoele det waal kneitse met die les. Op de kinderboerderie hadde ze de knien vergaete klaor te zitte. Dus wachte. Det kosde tied. Toen flot dae knien op de achterbank van mienen auto neer gezatte. En flot nao Belvend gereje. Dae ganse knien vergaete. Weej woele neet te laat kómme. Dus reej ik wie ‘n wild verke. Straothoebels op en straothoebels aaf. Treinspaor euver. Holderdebolder. Eine kier flink remme. En dan beej die schoeël veurzichtig rieje, waeges de dao loupende schoeëlkinder. Och, de knien. Hielemaol vergaete. “Ocherm, daen erme knien,” zag Sjaak. Weej keke um, nao de achterbank. En dao zoot det knienke in ein hökske van kiepegaas, te bibbere van ings. Weej hadde dae ganse knien ech knats vergaete en dao zoot-e dan. Hielemaol allein, ineingekraope in ein hukske van die kouw. As of hae in ’t kotje zoot. Twieë minute veur aanvang van de schoeël kwame weej aan. Dae van ós schoeël (kweek in Venlo) bezeukende lieraar waas d’r al. Weej haolde dae knien oet d’n auto. Hat dae van ings geschete wie ein brandwaerslang, de ganse achterbank hat hae vol geschete. Alles van dae nate greun-gaelen tattie; zoog d’r vaerder oet wie vogelpoep (guano). Alles kómpleet oet zien hökske geloupe en de ganse achterbank, ónder zien hökske, waas
19
vol met det grei. D’n auto rook wie eine ploems (WC-keet op d’n haof). Flot nao binne en drek met de les begós. De theorie waas flot verteld aan de kinder. Maar ’t toeëne van det knienke ging hielemaol verkierd. Hae zoot apathisch in ‘n hukske en bewoog zich amper. Aete deej hae gaar neet. Huppele woel hae ouk neet. Zien neuske, det hae altied bewoog, zoot stil aan zien köpke. ”Jao,” zag meister Nijssen, dae ós les meus be-oeërdeile, “det waas ein schot nao achter, met dae psychisch gestoorde knien.” Weej krege dan ouk ein “onvoldoonde” veur ós les. D’n hier Nijssen ging en godsamme, ’t waas neet waor hè. Ózze lieraar waas net good en waal weg, dao begós dae knien inens op te laeve. Hae vroot de wortel dae we hadde meigenaome. Hae huppelde rónd. ‘t Neuske ging steeds op en neer. Hae goof geluudjes van zich. Leet zich aaie. Deej alles wat hae beej ós les neet deej. De lieraar van de klas op schoeël goof ós asnog ein voldoonde. Dae knien woort d’n gansen daag getrakteerd op knuffels en nao de middaagpauze op vuuel greunte en fruit. Vanaaf daen daag, as we nao Belvend reje en we zagte “daen erme knien”, dan loge weej döbbel van ’t lache en andere metriejers snapde d’r niks van. Oetintelik zien weej allebei, al zeg ik ’t zelf, toch nog goje lierare gewaore.
20
Van herte door de roete nao boete geschöp beej Van Klavere. door Bert Driessen, Venloos
Smeis is ’t tied um de filosoof oet te hange. De letste kier det ik det waord hoort, waas thoes aan de keuketaofel beej mien elders. Filosoof waas ein stoofgerech det de Hollanders heiten bliksem neume. Maar neet allein met petattepuree en appelemoos veur d’rbeej, maar ouk met dräödjesvleis en louk in läögskes tösse de puree met baove op ein körsje van gooj bótter en paneermeel. Det historisch aete brach mich op ‘t idee um ens te gaon grave in de geschiedenis van ‘t kaarte en in ‘t biezónder ‘t rikke. Wied kwaam ik neet want d’r zien gen standaardwerke bekind wao in vanalles steit beschreve.
lank staekveurwerp), de roete zien de koupluuj (vorm en glans van diamante, dus riekdóm) en klavere stónd veur de boere. Taege ‘t midde van d’n achtieënden ieuw ware ze nao ‘t speule zoeë zat, det d’r eine mót hebbe gedach: “Laote we de printjes döbbel op die kaart zitte. Dan mak ‘t ouk niks oet wie we de kaart mótte vashalde.” Niks slummer as minse!
Truuk nao ut rikke. Kinnelik is ‘t ‘n speul det wat mier in de zudelike streke woort gespeuld want ‘t is veural bekind oet Limburg, Braobant en in Bels. Kinne de speulers zich, dan is ‘t mekkelik, maar hebs se d’r van verscheie plaatse Kaartspeule bestaon al ieuwe, maar zien dan mótte ze zich hiel wat oetligge. In waorschienlik begós beej de Chineze de loup d’r jaore óntstónde d’r vuuel in de zevenden ieuw. Heej zien ze pas variante. Edere streek haet zien eige bekind rónd viertieënhónderd. Umdet regels. D’r zien euvereinkómste met d’r in die middelieëuwe slech leech andere kaartspeule zoeëas bridge, whist waas maar waal vuuel beer, hebbe ‘ne en wieze. Allemaol speule ze met veer, gas slumme kaerels ‘t kaartspel bedach behalve as d’r eine döbbeldiekesjemdet we op vandaag nog hebbe. Dees baojempotteglazer haet. Dan speule wieze kwame oet ‘t land van de stekze met ‘nen blinde. Spesjaal is ouk det mik. Daorum hebbe weej zeker ouk in allemaol dees spelkes gen jokers vuuel kaartterme van eur euvergenaozitte. Die zitte gewoeën aan de taofel. me. Ein kaertje ligge veur de lol waas In eders geval mót der waal gecóncenvruger neet zoeë gewoeën want zelfs treerd gespeuld waere en is ‘t tiedes toen makde ze d’r ruzie euver. D’r is ‘t speul zoeë stil, des se ein speld kins nog niks veranderd, want nao ‘n poetje hure valle op ‘t karpet. Daonao kin ‘t wuurt der ouk beej ós aan de taofel good oorlog zien want as der emus neet sóms heftig gepraot. In de middelieëu- good kaart kin ónthalde, dan is dae we neumde ze ein kaartspel zelfs ein dökker de Sjaak. Maar duchtig schelde printebook van d’n duvel. baat neet want d’n eine kier bis se ‘ne D’r woort bedach det de herte te kloeëtzak en d’n andere kier kinne ze make had met alle geistelike, de schödich kösse vanwaege de goje kaart. ppe ware de militaire (de kop van ‘n
21
Relasies waere duchtig op de proof gesteld op zónne kaartaovend. Spelkes bis se allein taege de res, of is de res taege dich. Smeis gufs se ‘ne slaag weg of kriegs se der juus genne, maar ‘t is neet zó’n gewelddadig spel as toepe want heej wuurt neet gehouwd. De paus mót van ‘t rikke of bridge aevel niks hebbe dink ik, want in minnig spelke speuls se met ‘ne partner. Maar dudelik is ’t waal, want d’r zien regels, en die zien heilig. Hebs se lichamelike perbleme dan hebs se niks aan de kaarttaofel te zeuke. Kleureblinde weite ‘t verschil neet tösse kleure duit beure, hebs se gen hoeëgere telschoeël gehad wuurt ‘t lastig um kaart of slaeg te telle, eigewieze kaarte altied krangsum en die met ‘n zwake blaos mótte te dök nao eur eige gezeik luustere. De naamgaeving van de spelkes is nog neet aan bod gewaes. Rikke is niks veur zelfzuchtige, want de speuler kees d’r veur um 8 slaeg of mier met ‘ne maat te make. D’n avendans is aafgeleid van ‘t Franse abondance en det beteikent groeëte hoevuuelheid. In det geval kins se 9 slaeg of mier allein doon met ein troef nao keuze. Pieke kump van ‘t waord piccolo/pico det klein beteikent. De speuler is dan tevreje met eine slaag. ‘nen Inkeling snap d’r niks van en guf de pieker mier as eine slaag. ‘t Wuurt misère (groeëte noeëd) beej genne slaag of zelfs aope
misère as nao de vièfde kaart alle kaarte op tafel kómme. As dit speul dökker door dezelfde wuurt gespeuld weit ik neet wae de groeëtste noeëd haet! Beej dreej äös mót d’r troela gerope waere. Det waord is aafkómstig oet ein andere taal namelik ‘t Ingels (Trull). ‘t Sleit op ‘n net vrouwmes of juus op ein aafgelekde bóttram. Dan houwt d’r eine op ‘nen aos en dae meug ‘t dan zegge. Veur egotrippers is ‘t letste en deurste spelke. Solo tout is alles allein, in ós geval met troef. Maar umdet weej allemaol wat sosjaals aan ós hebbe, speule weej dit speul zelde. Daorum kómme weej überhaupt nao ‘ne kaartaovend. Schaele kwazel vertelle en veural neet te serieus zien.
Kaarte is en blief ein bietje aafwisselend. Net wie in de filosoof, de mós door de puree haer um aan ‘t vleis te kómme.
22
Theetied met Veldeke door Frans van de Rijdt, Venloos
Martin (ózze penningfoekser) had ‘t idee nao veur gebrach um iets niets te organisere veur ós leje en begunstigers in de plaats van ‘t Klasjenere met Veldeke. Det waar verslete, det wilt zegge det d’r idderskier minder minse kwame um nao det Klasjenere te luustere en te kieke. ’t Waas veur ‘t bestuur van de krink dan ouk ein groeëte vraog of de leje en begunstigers waal zoele wille kómme um same met ós thee te drinke met iets lekkers d’r beej. Aevel neet allein theedrinke, maar ouk ein sjiek programma dao rónd umhaer: de acteurs van ‘t Volkstheater Frans Boermans met ‘n stel muzikante en Jaques Paul Joosten met Jeroen van den Berg op de toetse en netuurlik ‘n stel kwante kinder die ein gedich veur kwame drage. De prissentatie kwaam in hand van Hans Jacobs dae ouk inkele gedichte veur zoel wille drage. ‘t Bedene aan taofel meus gebeure door de bestuursleje van de krink. Gelökkig ware d’r zat minse die ‘t idee kwant genóg vónde en zich inschreve um same met ós thee te drinke en genete van alle optraejes dae middaag. Mier as 100 minse vónde op zóndaagmiddaag 27 april de waeg nao de Venlonazaal. Mathijs met zien ploog had zich, in de veurbereiding, good gegaeve: de taofels ware netjes gedek met moeëje taofellakes en ‘n bleumke d’r op. ‘t Bestuur had zich oetgesloof um veur moeëje theetasse te zörge. De zaal zoog d’r prima oet!! De minse kwame binne en krege ein nummer veur de taofel wao ze kóste gaon zitte, heej en dao meus nog waal wat geschaove waere met gaste die gaer beejein woele zitte, maar det ging allemaol prima. De gaste hebbe waal iers gezónge: Martin Doesborg waas daags te veure beneump tot lid in de orde van Oranje Nassau en Wiel van Aarsen waas jäörig dae zóndaag en det kóste weej neet zoeëmaar veurbeej laote gaon! Nog ens: Perficia van ós allemaol!! Daonao kóste weej zörge det de tasse gevöld woorte en woorte de gebakjes binne gebrach: moeëj op ‘n plateau.’t Zoog d’r smakelijk en kleurig oet, ós gaste vónde det ouk en makde d’r good gebroek van.
23
As ‘t plateau laeg begós te waere, kwaam d’r ein niej zoeëdet d’r gennen brazzel op de taofels stónd. In d’n tössetied zörgde Ine van der Vorst, Claar Boots, Mirjam van Elderen, Juul Stokbroekx, Mariëlle Billekens en Annemarie Verberkt, begeleid door Gé van den Heuvel, Marc Comuth en Roland Peeters veur veurdrachte in ós Venloos dialek. Ze deje de sketch “Wasdaag” en zónge de leedjes “Manne meine” en “de Floddergats” oet ‘t letste stök van ‘t Volkstheater. Gelökkig waas Sef Peeters, de regisseur van ‘t Volkstheater, ouk thee aan ‘t drinke en Hans Jacobs vroog um of hae met zoel wille doon met ‘t letste leedje en Sef woel det waal. Hans loos ‘n stök veur oet zien letste book “Vruike zuk menke” en ‘n stök oet ‘t book van Funs van Grinsven. De kinder die d’r ware droge op eur eige wies eur gedichte veur en det waas veur ós gaste geweldig um te hure. Zeej krege dan ouk ein geweldig applaus net as de acteurs en musici van ‘t Volkstheater. De middaag woort aafgeslaote met ein sjiek optraeje van Jaques Paul Joosten same met Jeroen van den Berg. J.P. zóng leedjes van Stef Bos wat door de aanwezige gaste geweldig op pries woort gesteld gezeen de reakties en ‘t applaus nao aafloup. Achteraaf meuge weej gerös zegge det Theetied met Veldeke door de aanwezige good is bevalle umdet ouk vuuel gaste nao aafloup vertelde det zeej ‘t volgend jaor ouk weer met thee kómme drinke beej Veldeke!
24
25
Theetied met Veldeke
26
Gewoeën gelökkig door Jeu Thissen, Venloos
Noeëts ein medalie gevierd, noeëts gelaef as rieke vent. Noeëts met ‘n lintje versierd, waal dök emes te hölp gerend. Noeëts nog op d’n televisie, noeëts met ‘n foto in de krant. Noeëts gelaef met de illusie nog bekind te waere in ’t land. Noeëts veur schilder geposeerd, noeëts in ein tiedschrif beschreve. Noeëts in de klei geboetseerd, maar altied oet beeld gebleve. Noeëts academisch gestudeerd, noeëts geloupe met groeëte winse. Altied opnie waal geperbeerd good te zien veur alle minse. Noeëts vraoge um kómplemente, maar waas se euveral kins vinde in dörpe, staej en kóntinente det zien de ech-goje minsevrinde.
27
Te koup beej: Bookhandel Koops Venlo Benders Plusshop Limburgs Museum Venlo
Noow te koup Venlose winskaarte
Veur ’t broedspaar! Met innig meilaeve
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
‘ne Schoeëne verjäördaag!
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
‘t Is ‘ne jóng!
Van herte perficiat!
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
’t Is ‘n maedje!
Dialekvereiniging Veldeke Venlo 2011 Teikeninge: Leonie Stikkelbroek Tekste: Diana Vullings-Smeets Drökkerie: MKB-Print Venlo
8 kaarte met enveloppe in ‘n mepke veur 5 4,95
Oplossing puzel door Henk Geenen, Venloos
28
Dialekvereiniging Veldeke Venlo © 2014
Veur iddere gelaegenheid ‘n kaertje. 8 verschillende winskaarte met Venlose gedichjes.
Kóm ens veur door Henk Buskes, Venloos
As geej dees Kroedwis krieg, hebbe de meiste van ós leje en begunstigers de vekansie achter de rök. Haopelik heb geej d’r van genaote en d’n accu kinne oplaje. As d’r nog minse op vekansie gaon, wille weej die beej veurbaat ein schoeën vekansie toewinse. Op zóndaag 27 april hadde weej ’n nieje aktiviteit: ‘nen “High Tea” middaag ónder de naam “Theetied met Veldeke”. Heejbeej krege de gaste ein programma met zang, declamatie door inkele kinder, stökke oet ein theaterstök van Frans Boermans en veurgelaeze stökskes oet ein book van Hans Jacobs (dae deze middaag ouk prissenteerde) en Funs van Grinsven. Veur d’n ierste kier 120 bezeukers en ’t waas ‘ne gezellige middaag met thee en gebak neteurlik! Op zóndaag 19 april 2015 wille weej dan ouk weer ‘ne dialekmiddaag ónder de naam “Theetied met Veldeke” in de Venlonazaal halde. We hebbe ouk de cursus Venloos laeze en schrieve gehad en we hebbe al weer aanmeldinge veur de volgende cursus dae start op 17 september. Dit doon we al jaore en d’r zien idders kier weer kandidate die ’t kwant vinde um ós Venlose taal baeter te liere beheerse. D’r hadde zich 14 persoeëne opgegaeve. De feestelike oetreiking van ‘t getuugschrif waas op 15 mei 2014. De minse die de cursus Venloos schrieve gevolg hebbe zoele die kinnis mótte kinne gebroeke um zelf te gaon schrieve: ein gedich of ‘n verhäölke in ós schoeën dialek. Dit is neet mekkelik en dök dörve of weite minse neet wie ze dit mótte doon. Daorum wille weej eur aanbaeje um te helpe. Jan Maas wilt dit gaon doon, hae zelf haet ervaring opgedaon in de elf jaor as lid van de dialekschrieverskrink Midde-Limburg. Jan haet dao vuuel gelierd en wilt det met eventuele kandidate deile. Op zaoterdaag 20 september 2014 is de oetreiking van de Veldeke œuvrepries veur ‘t Limburgse leed tiedes De Nach van ‘t Limburgse Leed. D’n œuvrepries 2014 is veur “Um & Um” oet Hors. Zeej make al 33 jaor tekste in ‘t dialek en drage die euver gans de pervins oet. En det neet allein met vastelaovend. Op zóndaag 26 oktober 2014 um 14.00 oor is dit jaor, met eine nieje naam, “de slumste Venlonaer” in de Venlonazaal. Veurhaer waas dit “Tieën veur Venloos”. D’n taalwedstried met daobeej vraoge euver groeët Venlo. De oetdaging veur de echte dialekle(e)fhebbers. D’r zien minse die al jaore mei doon um det ‘t zoeë tóf maar ouk lierzaam en gezellig is. Op deze middaag zulle ouk de winnaers van de Veldeke trofee (faatse) oet d’n optoch van Venlo en Blierik eure pries kriege oetgereik. Op vuueler verzeuk hebbe weej weer de winskaarte in ‘t Venloos dialek laote
29
drökke. Dees hiele schoeëne winskaarte zien te koup beej Plusshop Benders, Bookhandel Koops en beej ‘t Limburgs Museum veur de pries van € 4.95 veur 8 winskaarte met enveloppe. Zóndaag 5 oktober 2014 gaon weej ós vreejwilligers in ‘t zunke zitte. Eine kier per jaor wille weej ós vreejwilligers extra bedanke veur eur beejdrage die ze levere veur Veldeke. Zónder dae inzet en hölp van dees vreejwilligers zoele weej ós werk neet kinne doon. Weej zien aan ‘t bekieke of weej in december ein nieje aktiviteit kinne gaon opzitte veur en rónd de Kersdaag. As d’r mier bekind is, zulle weej dit op tied laote weite en ouk op ós website plaatse.
Bekroeënde Jocus Leedjes door Wim Roeffen, Venloos
Jaorelank bin ik bezig gewaes met ‘t verzamele van alle bekroeënde Jocus leedjes vanaaf d’n ierste leedjesaovend in 1935 wies noow. Det is ‘n flinke klus, maar oetintelik is ‘t allemaol gelök. De verzameling wuurt oetgegaeve in 3 deile: • Deil ein, met de 100 aldste leedjes umvat de periode 1935-1972 en wuurt in september 2014 geprissenteerd; • Deil twieë met ouk weer 100 leedjes umvat de periode 1972-1996 en zal waere oetgebrach in september 2015 en • Deil dreej met 85 bekroeënde en nog 15 (neet bekroeënde) evergreens umvat de periode 1996-2017 en zal waere oetgebrach in oktober 2016. Heej kinne dan nog juus de bekroeënde leedjes van seizoen 2016/2017 in waere meigenaome. Daomei is ‘t kómplete rippertwaar van 80 jaor Jocus leedjes gedocumenteerd en vasgelag veur ‘t naogeslach. Neet allein de tekste, maar ouk veurzeen van noeëte. Op 12 september um 20:00 oor is de prissentasie van deil 1 in Kefee De Vergulde Gaper in Venlo. ‘t Ierste deil wuurt oetgereik aan Sjraar Peetjens. Same met Jónk Belaege waere ‘ne gas leedjes oetgeveurd. Inteikene veur deil 1 kin wies 1 september door € 12,50 euver te make op raekeningnummer NL34 RABO 0181 6740 41 t.n.v. W. Roeffen en ónder vermelding van Bekroeënde leedjes. Aafhaole op zaoterdaag 13 september tösse 16 en 17 oor beej de Vergulde Gaper. Vanaaf 13 september te koup veur € 15,--.
30
Colofon
Dees oetgaaf is nummer 2 van d’n 33e jaorgank. De Kroedwis wuurt bezörg beej alle leje en begunstigers van Dialekvereiniging Veldeke Venlo. Redaktie Kroedwis Indredaktie: Suzanne van de Rijdt Redaktieleje: Hein Baur, Henk Geenen, Gerard van Gestel, Jan Maas, Frans van de Rijdt en Piet Steunenberg Te bereike Redaktieadres : Noord Buitensingel 65, 5911 EL Venlo Telefoon : (077) 851 67 69 E-mailadres :
[email protected] Opmaak Kroedwis: Gerard van Gestel De kroedwis op ‘t veurblaad: Gon Doesborg Teikening Jónkvrouwe Veldeke: Piet Camps De Kroedwis drök: Drukkerij Vijgenboom Sikkertariaat Email:
[email protected] Internet: www.veldeke-krink-venlo.nl Veldeke De vereiniging Veldeke Limburg is in 1926 opgerich. Doelstelling is um de Limburgse Volkscultuur laeventig te halde. Dialekvereiniging Veldeke Venlo is ein van de 11 kringe van Veldeke Limburg. Dialekvereiniging Veldeke Venlo besteit oet de plaatse Árce, Baolder, Belvend, Blierik, Bree, Grevors, Helje, Kessel, Lómm, Tegele, Velde, Venlo en Zaerum. Gelieerde organisatie : Stichting Henric van Veldeke
31
32