Majar Anak Ketun
Majar Anak Ketun
”
Keleh ikau sinta [Yehowa], Hatallan keton, hapan salepah ateim: Parahan jete hapan cara ikau belom tuntang hapan gawim. Ela samasinde mangalapean kare parentah je inengaku akan keton andau toh. Keleh ajar akan kare anakm. Keleh keton mamandere intu huang huma tuntang intu luar huma, metoh
”
malayan tuntang metoh bagawi. —DEUTERONOMIUM 6:5-7.
Huang Ah PALAJARAN
HALAMAN
1
Ije Rahasia je Manampa Itah Hanjak ........................................ 4
2
Rebeka Handak Manampa Yehowa Hanjak .............................. 6
3
Rahab Percaya dengan Yehowa ................................................ 8
4
Iye Manampa Bapa ah tuntang Yehowa Hanjak ....................... 10
5
Samuel Tatap Manjadi Anak Je Bahalap ................................... 12
6
Dawid Dia Mikeh ..................................................................... 14
7
En Puji Ikau Mangkeme Kabuat tuntang Mikeh? ...................... 16
8
Yosia tuntang Kawan Sobat ah je Bahalap ................................ 18
9
Yeremia Tarus Bakesah tahiu Yehowa ....................................... 20
10
Yesus Santar Manumun ............................................................ 22
11
Ewen Manyurat Buku tahiu Yesus ............................................. 24
12
Aken Paulus je Bahanyi ............................................................. 26
13
Timoteus Rajin Mandohop Uluh Beken .................................... 28
14
Karajaan je Mamarentah Hapus Bumi Kareh ............................ 30
3
1
Ije Rahasia je Manampa Itah Hanjak
En ikau puji mahining rahasia?—1 Hong Alkitab, tege ije rahasia je istimewa. Ara te rahasia suci. Jite inyewut rahasia awi huran jatunti je mangatawa. Tuntang, jite inyewut suci awi bara Hatalla. Kawan malekat handak tutu mangatawan rahasia te. En ikau handak katawa kea?— Jaman huran, Hatalla manampa hatue tuntang bawi je sulak ah. Ara Adam tuntang Hawa. Ewen inenga eka melai je bahalap tutu, je inyewut Taman Eden. Jaka Adam tuntang Hawa manumun auh Hatalla, ewen tuntang anak esun ewen tau manampa bumi manjadi firdaus je 1 Hong genep palajaran, ahir paisek tege tanda jituh (—). Jite arti uluh bakas musti tende hanjulu mangat anak tau manjawab ah.
MBASA BARA ALKITABMU Markus 4:11 1 Petrus 1:12 Genesis 1:26-28; 2:8, 9; 3:6, 23 Mateus 6:9, 10 Masmur 37:11, 29
4
bahalap, kilau Taman Eden. Ewen tau melai hong hete sampai katatahi. Tapi, narai je inggawi ewen?— Adam tuntang Hawa dia manumun Hatalla. Awi te itah wayah tuh dia melai hong Firdaus. Tapi kuan Hatalla, Iye kareh akan manampa bumi tuh jadi bahalap, tuntang uras uluh tau belum hanjak sampai katatahi. Kilenampi cara? Nah, katahin ribuan nyelu, jatunti je mangatawa. Jite masih rahasia. Metuh Yesus melai bumi, iye mangesah rahasia te akan uluh are. Kua, Karajaan Hatalla ih je tau manampa bumi manjadi firdaus je bahalap. Awi te Yesus hamauh, itah musti badoa mangat Karajaan te capat dumah. En ikau hanjak mangatawan rahasia tuh?— Tapi mingat, baya uluh je manumun Hatalla je tau melai hong Firdaus. Hong Alkitab, tege are kesah bara uluh je manumun Hatalla. Handak dia ikau mangatawan kesah ah?— Ayo, ngatawan eweh bewei tuntang kilenampi cara ah itah tau manyuntu ewen.
Kuam, narai je handak tutu ingatawan awi kawan malekat tuh?
PAISEK:
ˇ ˇ ˇ ˇ
Mbuhen itah wayah tuh dia melai hong Firdaus? Rahasia istimewa narai je ingesah hong Alkitab? Narai kuan Yesus tahiu rahasia te? Narai je musti nggawim mangat tau melai hong Firdaus? 5
2
Rebeka Handak Manampa Yehowa Hanjak
Rebeka ije biti bawi je sinta dengan Yehowa. Aran bana Isaak. Iye kea sinta dengan Yehowa. Pea Rebeka hasundau dengan Isaak? Narai bukti Rebeka handak manampa Yehowa sanang? Ayo nantuani kesah ah. Isaak te anak Abraham tuntang Sarah. Ewen melai hong Kanaan. Uluh je melai hete dia menyembah Yehowa. Nah, Abraham dia handak Isaak kawin dengan bawi je dia menyembah Yehowa. Awi te, iye manyuhu pambantu ah je satia haguet mangguang kula jalahan Abraham melai Haran. Aran pambantu te Elieser. Iye musti tulak akan Haran uka manggau sawan akan Isaak. Elieser haguet dengan kare pambantu je beken. Tanjung jalanan ewen kejau tutu. Jadi, ewen mimbit sapuluh kungan unta uka metun bahata tuntang hadiah. Tapi, kilenampi Elieser tau manyundau bawi je pas akan Isaak? Nah, melai Haran, ewen tende tukep ije sumur awi ewen katawan are uluh bakumpul melai hete uka manduan danum. Limbas te, Elieser balaku doa dengan Yehowa, ’Amun aku kareh balaku danum dengan ije biti bawi melai hetuh, tuntang iye manenga akanku tuntang kawan untaku, baarti iye je intih-Muh.’ 6
Rebeka handak lulang-luli manduan danum akan unta-unta
Dia tahi limbas te, Rebeka dumah ka sumur. Iye bahalap tutu bau-mata, kuan Alkitab. Maka Elieser balaku danum denga, tuntang Rebeka tumbah, ’Yoh, aku duan akam. Akan kawan untam kea, lah.’ Coba mikir! Unta bahut are tutu mihup, jadi Rebeka musti lulang-luli manduan danum akan ewen. Coba payah melai gambar. Iye cangkal tutu, ie dia?— Elieser hanjak tutu awi Yehowa mahining doa. Palus Elieser manenga hadiah je bahala-halap akan Rebeka. Awi te Rebeka marawei Elieser tuntang uluh je umba denga uka hasupa dengan kaluarga. Elieser mangesah akan ewen buhen iye dumah ka Haran. Iye kea hamauh, Yehowa jadi mamintih Rebeka uka manjadi sawan Isaak. Kaluarga Rebeka hanjak tutu, ewen dia mangahana Rebeka kawin dengan Isaak. Tapi kuam, en Rebeka handak dengan Isaak?— Rebeka katawa amun Yehowa je mandohop Elieser. Jadi, metuh kaluarga Rebeka misek en handak
PAISEK:
ˇ ˇ ˇ ˇ
MBASA BARA ALKITABMU Genesis 12:4, 5; 24:1-58, 67
iye umba ka Kanaan tuntang kawin dengan Isaak, iye numbah, ’Yoh, aku handak.’ Dia pire, Rebeka tulak dengan Elieser. Metuh sampai hong Kanaan, Rebeka kawin dengan Isaak. Awi Rebeka manampa Yehowa hanjak, iye imberkat Yehowa tuntang manjadi tatu hiang Yesus! Amun ikau kilau Rebeka tuntang manampa Yehowa hanjak, ikau kea imberkat Yehowa.
Eweh Rebeka te? Buhen Abraham dia handak Isaak kawin dengan bawi Kanaan? Kilenampi Elieser manggau bawi je pas akan Isaak? Kilenampi cara ah mangat itah imberkat kilau Rebeka?
Rebeka umba ka Kanaan dengan Elieser tuntang kawin dengan Isaak
3
Rahab Percaya dengan Yehowa
Coba ikau mikir kilenampi amun ikau melai Yerikho. Kota te tege hong Kanaan. Uluh hong sambil gantaum dia percaya dengan Yehowa. Tege ije biti bawi je melai hong kota te, ara Rahab. Metuh Rahab kurik, iye are mahining uluh mangesah uluh Israel. Suntu ah, kesah Musa je mamimpin uluh Israel balua bara Mesir palus dimpah Laut Bahandang. Iye kea mahining Yehowa mandohop ewen manang hong kare parang kalahi. Metuh jadi hai, iye mahining kabar uluh Israel bakemah tukepYerikho! Ije alem, due utusan rahasia Israel tame benye-benyem akan Yerikho uka manampayah kaadaan hong hete. Ewen dumah akan huma Rahab. Balalu, Rahab marawei ewen bamalem melai ekaa. Alem te kea,
MBASA BARA ALKITABMU Yosua 2:1-24; 6:1-5, 14, 15, 20-25 Ibrani 11:31
8
raja Yerikho mahining kabar, tege utusan rahasia hong kota ah je bamalem hong huma Rahab. Raja dia rajin, maka iye manyuhu tentara uka manekap ewen. Tapi, Rahab manyahukan ewen hong hunjun huma. Balalu iye hamauh dengan tentara te, ’Endau puna melai hetuh ewen, tapi ewen jadi balua bara kota tuh. Amun ketun capat manyasah ewen, ketun pasti sampet manekap ewen!’ En kuam, buhen Rahab mangalindung utusan rahasia te? — Awi iye percaya dengan Yehowa, iye kea yakin Yehowa pasti manenga petak Kanaan akan uluh Israel. Helu bara utusan rahasia te buhau bara huma Rahab, ewen bajanji metuh Yerikho inyarang kareh, Rahab dengan kaluarga inyalamat. Tapi, tege ije je musti inggawi Rahab. En katawam narai jite?— Kuan ewen, ’Tali bahandang musti inguakmu melai basenguk. Dengan mawi jite, uras uluh je tege melai humam tau salamat.’ Rahab manumun kuan ewen. Narai je manjadi limbas te?— Pire-pire andau limbas te, uluh Israel baris mangaliling kota te. Tapi ewen dia hamauh narai bewei. Ewen mangaliling kota te sinde kali jandau, ewen kea manggawi katahin jahawen andau. Tapi, andau kauju, ewen mangaliling ah uju kali. Limbas te, ewen mangombak haya-hayak.
Rahab mangalindung due utusan rahasia tuh awi iye percaya dengan Yehowa
Palus Yehowa mampalungkang tembok kota te. Tapi, huma je tege tali bahandang ah dia rusak. Nah, coba payah hong gambar. Je kueh huma te?— Iyoh, Rahab dengan kaluarga salamat! Narai je ilajar muh bara kesah Rahab?— Rahab percaya dengan Yehowa awi iye jadi mahining kahebat Yehowa. Metuh tuh ikau balajar kea kilenampi kahebat Yehowa. Pasti ikau percaya dengan Yehowa kea, ie dia?— Bahalap tutu! Yehowa manyalamat Rahab dengan kaluarga PAISEK:
ˇ Kesah narai bewei je puji Rahab hining metuh iye kurik? ˇ Narai je Rahab nggawi uka mandohop utusan rahasia bara Israel? Buhen iye handak mandohop ewen? ˇ Narai janji utusan rahasia te akan Rahab? ˇ Narai je tau numun muh bara Rahab? 9
4
Iye Manampa Bapa ah tuntang Yehowa Hanjak
En ikau nampayah anak bawi je melai gambar?— Iye anak bara Yepta. Alkitab dia mansanan aran anak te, tapi Alkitab mangesah iye manampa bapa ah tuntang Yehowa hanjak. Ayo itah mambasa tahiu Yepta tuntang anak bawi ah. Yepta uluh je bahalap atei. Iye rancak majar anak ah tahiu Yehowa. Iye kea ije biti hatue je bahanyi tuntang pamimpin je bahalap. Awi te, uluh Israel mintih iye uka mamimpin ewen metuh perang. Ije katika, Yepta balakudoa dengan Hatalla helu bara tulak perang. Yepta bajanji, amun iye manang, uluh je pangkasulak ah manambang iye metuh buli inenga akan Yehowa. Uluh te akan melai tuntang mandohop hong human
Yepta majar anak ah tahiu Yehowa
MBASA BARA ALKITABMU Ulangan 6:4-6 Hakim 11:30-40 1 Korintus 7:37, 38
Narai janji Yepta dengan Yehowa? 10
Hatalla je inyewut tabernakel katahin iye belum. Tabernakel te eka uluh Israel baibadat dengan Hatalla. Ampi, Yepta manang! Eweh uluh je manambang Yepta metuh iye buli?— Iyoh, anak bawi ah! Tikas iye ih anak Yepta, tuntang Yepta musti bapisah dengan anak ah. Yepta pehe tutu atei ah. Tapi, Yepta jadi bajanji dengan Yehowa. Anak ah hamauh, ’Bapa jadi bajanji dengan Yehowa, jadi Bapa musti malalus ah.’ Anak Yepta pehe atei kea. Melai tabernakel, iye dia tau kawin tuntang manak. Tapi iye handak tutu mandohop bapa malalus janji tuntang manampa Yehowa hanjak. Aka, jite labih penting bara kawin tuntang manak. Awi te, iye tulak malihi huma tuntang melai hong tabernakel katahin iye belum. Kuam, en iye manampa bapa ah tuntang Yehowa hanjak?— Iyoh, pasti! Ikau kea tau manumun iye. Amun ikau manumun tuntang sinta dengan Yehowa, ikau akan manampa uluh bakasmu tuntang Yehowa hanjak.
PAISEK:
ˇ ˇ ˇ ˇ
Anak Yepta handak mandohop bapa ah malalus janji, aluh bahali
Genep nyelu, kakawala dumah maja iye
Eweh Yepta te? Narai janji Yepta dengan Yehowa? Buhen anak Yepta pehe atei? Narai je paling penting akan anak Yepta? Narai je tau nyuntum bara anak Yepta?
5
Samuel Tatap Manjadi Anak Je Bahalap
Metuh Samuel masih kurik, iye melai hong tabernakel tuntang mandohop melai hete. Tabernakel iete eka uluh baibadat dengan Yehowa. En katawam buhen Samuel tau sampai melai hete? Je sulak ah, itah payah helu kesah tahiu Hana, indu Samuel. Sulak ah, Hana handak tutu tege anak, tapi dia tau. Awi te iye balakudoa. Iye bajanji dengan Yehowa, amun iye tege anak, iye akan manenga anak te uka melai tuntang mandohop hong tabernakel. Yehowa mahining lakudoa tuntang Hana ahir ah manak anak hatue. Hana manenga aran anak ah Samuel. Maka Hana malalus janji. Metuh umur Samuel telu atau epat nyelu, Hana mimbit iye
MBASA HONG ALKITABMU 1 Samuel 2:22-26; 3:1-21
12
akan tabernakel mangat Samuel manempu Yehowa melai hete. Metuh te, imam hai hong tabernakel iete Eli. Due anak ah te imam kea. Nah, tabernakel iete eka uluh baibadat dengan Yehowa. Uluh je melai hete musti bahalap taluh gawi. Tapi, kawan anak Eli papa tutu taluh gawi. Samuel mangatawan uras taluh gawin ewen. En Samuel umba-umba manggawi taluh papa?— Ampi dia, iye tatap manjadi anak je bahalap, kilau je iajar uluh bakas ah. Kuam, awi kawan anak Eli papa taluh gawi, narai je musti inggawi Eli?— Sapuna Eli musti malait anak ah tuntang mangahana ewen bagawi hong huma Yehowa. Tapi Eli manalua ewen. Jadi, Yehowa basingi dengan Eli tuntang kawan anak ah. Maka Yehowa handak mahukum ewen. Ije alem, metuh Samuel lagi batiruh, iye mahining tege je mantehau iye, ’Samuel!’ Iye langsung hadari mangguang Eli. Tapi kuan Eli, ’Aku jatun mantehau ikau.’ Kajadian te baulang sampai telu kali. Metuh Samuel dumah akan je katelu kali, Eli hamauh denga amun iye kana tehau hindai maka iye musti tumbah, ’Hamauh ih Yehowa, aku mahining.’
Samuel manyampai peteh Yehowa akan Eli
Samuel manumun kuan Eli. Dia pire limbas te, Yehowa hamauh dengan Samuel, ’Sanan akan Eli, aku akan mahukum kaluarga ewen awi taluh gawi ewen je papa.’ Kuam, en mangat manyampai peteh kilau te akan Eli?— Akan Samuel, jite bahali. Iye mikeh manyampai peteh te. Aluh kalute, iye tatap malalus narai je inyuhu Yehowa. Tuntang, narai je ander Yehowa tutu manjadi. Kadadue anak Eli matei, tuntang Eli kea matei. Samuel manenga suntu je bahalap akan itah. Iye tatap manjadi anak je bahalap aluh uluh je tukep iye papa taluh gawi. Kilenampi dengam? En ikau handak manjadi anak je bahalap kilau Samuel? Amun ikau manyuntu iye, ikau tau manampa Yehowa tuntang uluh bakasmu hanjak.
PAISEK:
ˇ ˇ ˇ ˇ
Narai janjin Hana dengan Yehowa? Kilenampi taluh gawin kawan anak Eli hong tabernakel? Yehowa manyuhu Samuel manggawi narai? Suntu bahalap narai je tau numum bara Samuel? 13
6
Dawid Dia Mikeh
Amun ikau mikeh, narai je inggawim?— Mungkin ikau manggau bapam atawa indum. Tapi, beken bara ewen, tege hindai je tau mandohop ikau. Iye labih kuat bara eweh bewei. En ikau katawan eweh Iye?— Iyoh, jite Hatalla Yehowa. Ayo, itah mbasa kesah Alkitab tahiu ije biti anak tabela je ara Dawid. Iye percaya Yehowa santar tau mandohop iye. Dawid manjadi uluh bahanyi. Metuh Dawid masih kurik, uluh bakas ah majar iye uka sinta dengan Yehowa. Jadi, metuh Dawid manaharep kare hal je mampakikeh, iye dia mikeh. Iye katawan Yehowa sobat ah, jadi iye yakin Yehowa tau mandohop. Ije katika, metuh Dawid lagi maurus kare tabiri ah,
MBASA HONG ALKITABMU Masmur 56:3, 4 1 Samuel 17:20-54
14
tege singa hai je manamput tabiri ah! En katawam narai je inggawi Dawid? Iye manyasah singa jite tuntang mampatei singa jite! Puji kea, bahuang je hai manyarang tabiri ah, bahuang jite impatei kea awi Dawid! Kuam, buhen Dawid tau bahanyi tutu?— Iyoh, awi Yehowa mandohop iye. Sinde hindai, Dawid mamparahan kahanyi ah. Metuh te, uluh Israel lagi perang malawan uluh Pilistin. Tege ije tentara Pilistin je biti ah hai tutu, iye ije biti raksasa! Ara Goliat. Raksasa jite mambaka tentara Israel tuntang Yehowa. Goliat kea manggau tentara Israel je bahanyi kalahi denga. Tapi, jatunti uluh Israel je bahanyi malawan iye. Metuh Dawid mahining jite, iye hamauh dengan Goliat, ’Aku je malawan ikau! Yehowa pasti mandohop aku, tuntang ikau pasti kalah!’ Kuam, en kah jite taluh gawi je bahanyi?— Iyoh, bahanyi tutu. Coba payah narai je manjadi limbas te. Dawid manduan alat akan manting batu, tuntang lime kabawak batu. Limbas te, iye manukep raksasa jite. Goliat mambaka Dawid awi iye masih tabela tutu. Tapi, Dawid hamauh, ’Ikau mangguang aku mahapan pedang, tapi aku mangguang ikau hapan aran Yehowa!’
Dawid dia mikeh awi iye percaya Yehowa tau mandohop ah
Limbas te iye manduan ije kabawak batu, Sambil dari-dari, iye medak batu jite kan kuluk Goliat. Batu jite mentuk buah lingkau ah! Goliat manjatu tuntang matei! Tentara Pilistin mikeh tuntang mandari arep ewen. Buhen anak tabela kilau Dawid tau mampakalah raksasa kahain
PAISEK:
Goliat?— Awi Yehowa mandohop ah. Yehowa paham kuat! Narai je tau ilajar itah bara kesah Dawid?— Yehowa labih kuat bara eweh bewei. Tuntang, Iye sobatmu. Jadi mingat, amun ikau mikeh, Yehowa tau mandohop ikau mangat bahanyi!
ˇ Narai je inggawi Dawid metuh singa tuntang bahuang manyarang tabiri ah? ˇ Metuh Goliat mambaka Yehowa, narai kuan Dawid dengan Goliat? ˇ Kilenampi cara Dawid mampakalah Goliat? ˇ Buhen Dawid dia mikeh dengan singa, bahuang, tuntang raksasa? ˇ Narai je tau ilajar itah bara kesah Dawid? 15
7
En Puji Ikau Mangkeme Kabuat tuntang Mikeh?
Kuam, narai je kamean anak tuh?
Isebel handak mampatei Elia
16
Coba payah gambar anak kurik tuh. Iye mangkeme kabuat tuntang mikeh ampi. En ikau puji mangkeme kilau te?— Uras uluh puji mangkeme kilau te. Alkitab bakesah tahiu sobat-sobat Yehowa je puji mangkeme kabuat tuntang mikeh. Ije bara uluh te Elia. Ayo itah balajar tahiu iye. Elia belum tahi helu bara Yesus dumah. Iye melai hong Israel. Metuh te, Ahab manjadi raja. Iye dia menyembah Yehowa. Ahab tuntang sawa, Isebel, menyembah Baal, Hatalla palsu. Awi te, are uluh Israel umba-umba menyembah Baal. Ratu Isebel jahat tutu. Iye handak mampatei uras uluh je menyembah Yehowa. Iye kea handak mampatei Elia! Maka, narai je inggawi Elia?—
MBASA HONG ALKITABMU 1 Raja 19:3-18 Masmur 145:18 1 Petrus 5:9
Elia mandari arep ah! Iye buhau kan padang pasir tuntang manyahukan arep ah huang goa. Kuam, buhen iye manyahukan arep ah?— Iyoh, awi iye mikeh. Sapuna, Elia dia perlu mikeh, awi iye katawan Yehowa tau mandohop iye. Yehowa jadi puji mamparahan kuasa akan Elia. Suntu ah, Yehowa puji manjawab doa Elia dengan mampuhun apui bara langit. Yehowa kea pasti tau mandohop Elia hong kaadaan tuh! Metuh Elia melai goa, Yehowa misek denga, ’Narai gawim hong hetuh?’ Elia manumbah, ’Baya aku ih je menyembah ikau. Tuh tisa aku kabuat, aku mikeh kana patei.’ Elia manyangka penyembah Yehowa jadi lepah kana patei. Tapi Yehowa mahibur Elia, ’Dia, masih tege 7.000 biti je menyembahku. Ela mikeh. Are tugas beken je musti nggawim!’ Kuam, en Elia hanjak mahining te?— Narai je ilajarmu bara kesah Elia?— Ikau dia perlu mangkeme kabuat tuntang mikeh. Masih tege kakawalam je sinta dengan Yehowa tuntang sinta dengam kea. Beken bara te, Yehowa paham kuat tuntang handak mandohop ikau! Jadi sapuna ikau dia kabuat. En jite manampa ikau hanjak?— PAISEK:
ˇ Hong jaman Elia, en uras uluh Israel menyembah Yehowa? Eweh je inyembah ewen? ˇ Buhen Elia mandari tuntang manyahukan arep ah huang goa? ˇ Narai kuan Yehowa dengan Elia? ˇ Narai je ilajar itah bara kesah Elia?
Kilenampi Yehowa mandohop Elia?
8
Yosia tuntang Kawan Sobat ah je Bahalap
En puji ikau mangkeme bahali mawi taluh je bahalap?— Are je mangkeme bahali. Alkitab bakesah tahiu ije anak je ara Yosia mangkeme bahali uka malalus narai je bahalap. Tapi, tege kawan sobat je mandohop ah. Ayo, itah mbasa kesah tahiu Yosia tuntang kawan sobat ah. Yosia iete anak bara raja Yehuda je ara Amon. Amon iete raja je jahat. Iye menyembah patung. Metuh Amon matei, Yosia mangganti bapa manjadi raja Yehuda. Tapi, metuh te umur Yosia haru hanya nyelu! Kuam, en iye kea jahat kilau bapa?— Ampi dia! Yosia anak je manumun dengan Yehowa bara kakurik ah. Awi te, iye baya handak bakawal dengan uluh je sinta
Yehowa. Tuntang kawan sobat ah mandohop Yosia uka malalus je bahalap. Eweh bewei sobat Yosia te? Ije bara je beken iete Sepanya. Iye te nabi. Iye rancak mampingat uluh are mangat dia menyembah patung.
MBASA HONG ALKITABMU 2 Kronika 33:21-25; 34:1, 2; 35:25
Sepanya mampingat uluh are mangat dia menyembah patung 18
Dengan kalute, ewen tatap mandinun berkat Yehowa. Yosia handak mahining Sepanya. Awi te, Yosia dia menyembah patung, tapi menyembah Yehowa. Sobat Yosia je beken ara Yeremia. Ewen te sapantaran ih, tuntang huma ewen hakatukep. Ewen due rantep tutu. Metuh Yosia matei, Yeremia manampa ije lagu uka mingat Yosia. Yeremia tuntang Yosia hakadohop malalus taluh je bahalap tuntang manumun Yehowa. Narai je tau nyuntum bara Yosia?— Yosia handak manumun Yehowa, bara kakurik ah. Iye baya handak bakawal dengan uluh je sinta Yehowa. Jadi, mintih kawal je sinta Yehowa tuntang mandohopmu malalus taluh je bahalap!
Yosia tuntang Yeremia hakadohop mangat ewen tau malalus taluh je bahalap
PAISEK:
ˇ ˇ ˇ ˇ
Eweh aran bapa Yosia? En kah bapa Yosia raja je bahalap? Sifat narai je imparahan Yosia bara kurik? Nyewut due aran sobat Yosia. Narai je tau nyuntum bara Yosia?
19
9
Yeremia Tarus Bakesah tahiu Yehowa
Amun itah bakesah tahiu Yehowa, tau tege uluh je dia rajin. Ewen mambaka itah atawa basingi dengan itah. Jite manampa itah mikeh bakesah tahiu Yehowa. En puji ikau mangkeme kilau te?— Hong Alkitab, tege sarita tahiu ije biti anak tabela je ara Yeremia. Iye sinta tutu dengan Yehowa, tapi iye puji bapikir handak terai bakesah tahiu Yehowa. Ayo, itah mbasa kesah ah. Metuh Yeremia masih tabela, Yehowa manyuhu Yeremia mampingat uluh are mangat tende manguan taluh papa. Akan Yeremia, jite bahali. Tuntang, Yeremia mikeh manggawi te. Iye hamauh dengan Yehowa, ’Aku dia katawan musti mander narai dengan ewen. Aku masih tabela.’ Tapi, Yehowa tumbah, ’Ela mikeh. Aku tau mandohop ikau.’
MBASA HONG ALKITABMU Yeremia 1:4-8; 20:7-9; 26:8-19, 24; 38:6-13
Buhen uluh are basingi dengan Yeremia? 20
Jadi, Yeremia nampara mampingat uluh are amun ewen dia hubah, ewen akan ihukum. Kuam, en kah uluh are te handak manumun auh Yeremia?— Dia. Ewen malah mambaka iye atawa basingi denga. Malah tege je handak mampatei iye! Kuam, kilenampi angat atei Yeremia metuh te?— Iye mikeh tutu. Iye hamauh, ’Aku dia handak hindai bakesah tahiu Yehowa.’ Tapi, en kah iye buju-bujur jadi manyarah?— Dia, iye dia manyarah. Iye sinta tutu dengan Yehowa, jadi iye dia tau tende bakesah tahiu Yehowa. Awi Yeremia dia manyarah, Yehowa mangalindung iye. Suntu ah, Yeremia puji inamean akan sumur je kisak awi uluh jahat. Iye dia inenga panginan tuntang taluh ihup. Uluh te malihi Yeremia mangat iye matei. Tapi, awi pandohop Yehowa, iye salamat! Narai je tau ilajarmu bara kesah Yeremia?— Aluh kadang iye mikeh, iye tarus bakesah tahiu Yehowa. Ikau kea mungkin puji mangkeme je sama. Tau tege uluh je mambaka ikau atawa basingi dengam metuh ikau bakesah tahiu Yehowa. Ikau mungkin mahamen atawa mikeh awi te. Tapi, ela manyarah. Tarus ih bakesah tahiu Yehowa. Iye pasti mandohop ikau, sama kilau Iye mandohop Yeremia.
PAISEK:
ˇ ˇ ˇ ˇ
Awi pandohop bara Yehowa, Yeremia salamat
Yehowa manyuhu Yeremia manggawi narai? Buhen Yeremia puji handak manyarah? Kilenampi cara Yehowa mandohop Yeremia? Narai je tau nyuntum bara Yeremia? 21
10
Yesus Santar Manumun
En kah ikau santar manumun uluh bakasmu?— Kadang, manumun uluh bakas te bahali. En katawam dia Yesus santar manumun Yehowa tuntang uluh bakas ah?— Amun ikau mbasa kesah tahiu Yesus, ikau tau labih manumun dengan uluh bakasmu, aluh jite bahali. Ayo itah payah kesah ah. Helu bara Yesus belum hong bumi, iye melai hong surga dengan Bapa, Yehowa. Melai bumi, Yesus tege uluh bakas ah kea. Ara Yosep tuntang Maria. Kilenampi ewen sampai tau manjadi uluh bakas Yesus?— Yesus, je sulak ah belum hong surga, imindah pambelum ah kan huang kanain Maria. Awi te, Yesus tau lahir tuntang belum melai bumi. Tikas Yehowa je tau mamindah pambelum Yesus kilau te! Limbas te, Yesus sasar hai huang kanain Maria,
MBASA HONG ALKITABMU Lukas 1:30-35; 2:45-52 Epesus 6:1 Ibrani 5:8
22
sama kilau awau beken je sasar hai huang kanain indu. Kira-kira jalatien bulan limbas te, ahir ah Yesus lahir. Kute kesah ah sampai Yesus manjadi anak Maria tuntang Yosep. Yesus sinta tutu dengan Bapa, Yehowa. Metuh umur Yesus 12 nyelu, iye mamparahan sinta jite. Metuh te Yesus tuntang kaluarga mangguang Yerusalem uka malalus Paskah. Tanjung jalanan te kejau kea. Hong jalanan buli, Yosep tuntang Maria harun katawan amun Yesus jatun. Kuam, hong kueh Yesus?— Yosep tuntang Maria capa-capat haluli kan Yerusalem tuntang manggau Yesus. Ewen pehe atei awi hindai sundau dengan Yesus. Tapi telu andau limbas te, ahir ah ewen manyundau Yesus. Iye tege melai bait! Narai je inggawi Yesus hong hete?— Iye balajar tahiu Bapa, Yehowa. Iye sinta tutu dengan Yehowa, tuntang iye handak mangatawan kilenampi cara mampahanjak Yehowa. Tuntang, metuh Yesus hai kea, Yesus santar manumun Yehowa. Yesus tatap manumun aluh kadang bahali tuntang dia mangat. En kah Yesus manumun Yosep tuntang Maria kea?— Iyoh, Alkitab mansanan, iye manumun ewen. Narai je tau nyuntum bara Yesus?— Ikau musti tumun uluh bakasmu, aluh jite kadang bahali. Jadi, en ikau handak manumun ewen?—
Narai je inggawi Yesus hong bait?
PAISEK:
ˇ Kilenampi kesah ah sampai Yesus manjadi anak Yosep tuntang Maria? ˇ Metuh Yosep tuntang Maria manggau Yesus hong Yerusalem, hong kueh ewen manyundau iye? ˇ Narai je tau nyuntum bara Yesus? 23
11
Ewen Manyurat Buku tahiu Yesus
Yudas Mateus Yakobus
Yohanes
Markus Lukas Petrus
Paulus Narai je ilajarmu bara ewen tuh?
En katawam eweh bewei je tege hong gambar tuh?— Ewen te Mateus, Markus, Lukas, Yohanes, Petrus, Yakobus, Yudas, tuntang Paulus. Ewen belum hong katika je sama dengan Yesus. Ewen kea manyurat buku tahiu Yesus. Buku-buku tuh tege huang Alkitab. Ayo itah balajar tahiu kare penulis tuh. Telu bara ewen iete murid Yesus je puji mambarita kabar bahalap atawa manginjil. Eweh bewei ewen?— Mateus, Yohanes, tuntang Petrus. Rasul Mateus tuntang 24
Yohanes tukep tutu dengan Yesus, tuntang ewen ije-ije manyurat buku tahiu Yesus. Rasul Yohanes kea manyurat buku Pangarinah, dengan telu surat beken je inyewut Ije Yohanes, Due Yohanes, tuntang Telu Yohanes. Rasul Petrus manyurat due surat beken je inyewut Ije Petrus tuntang Due Petrus. Huang surat je kadue, Petrus manyurat Yehowa puji hamauh bara surga. Metuh te Yehowa mansanan tahiu Yesus, ’Tuh anak-Ku. Aku sinta denga, tuntang Aku sanang denga.’ Dia baya ewen, hong gambar tuh tege uluh beken je manyurat tahiu Yesus kea. Ije bara ewen iete Markus. Metuh Yesus inekap, kira-kira Markus tege hong hete tuntang manampayah kajadian te kea. Je beken hindai iete Lukas. Iye ije biti dokter. Mungkin, iye manjadi uluh Kristen limbas Yesus matei. Due penulis beken je tege hong gambar te iete kawan andi Yesus. Eweh bewei ewen?— Ewen iete Yakobus tuntang Yudas. Sulak ah, ewen dia percaya dengan taluh je iajar Yesus. Malah ewen, manyewut Yesus gila. Tapi ahir ah ewen percaya dengan Yesus tuntang manjadi murid ah. Penulis beken hong gambar iete Paulus. Helu bara manjadi uluh Kristen, ara Saulus. Sulak ah, iye bajilek tutu dengan uluh Kristen, tuntang iye manggawi kapapa akan ewen. Tapi, en katawam buhen Paulus handak manjadi uluh Kristen?— Nah,
PAISEK:
Ije katika, Paulus manguan jalana kan luar kota. Limbas te, salenga tege auh kutak bara Surga. Ampi te Yesus! Iye misek dengan Paulus, ’Buhen ikau jahat tutu dengan kawan muridku?’ Limbas kajadian te, Paulus hubah tuntang ahir ah manjadi uluh Kristen. Paulus manyurat 14 buku je tege huang Alkitab, nampara bara buku Roma sampai buku Ibrani. Genep andau itah mambasa Alkitab, ie dia?— Dengan mambasa Alkitab, itah tau mangatawan are tahiu Yesus. En ikau handak mangatawan labih are hindai tahiu Yesus?—
MBASA HONG ALKITABMU 2 Petrus 1:16-18 Markus 3:21; 14:51 Yudas 1 Kisah 9:1-18
ˇ Rasul kueh bewei je manyurat buku tahiu Yesus? ˇ Eweh aran due biti andi Yesus je manyurat Alkitab? ˇ Kilenampi kesah ah sampai Paulus manjadi uluh Kristen?
25
12
Aken Paulus je Bahanyi
Metuh tuh, itah akan balajar tahiu ije anak tabela je puji manyalamat mama. Aran mama ah te Paulus. Itah dia katawa aran anak tabela tuh. Tapi je pasti, iye uluh je bahanyi tutu. En handak ikau katawa narai je inggawi ah?— Hong Yerusalem, Paulus inamean kan penjara awi iye rancak bakesah tahiu Yesus. Tege are uluh jahat je bajilek dengan Paulus. Jadi ewen manampa rencana, ’Ayo itah balaku dengan kapala pasukan uka manyuhu tentara ah mimbit Paulus kan pangadilan. Kareh itah manyahukan arep, metuh Paulus mahalau, itah patei iye!’
MBASA HONG ALKITABMU Saritan Gawin Kare Rasul 23:12-24 Mateus 24:14; 28:18-20 1 Timoteus 4:16
26
Aken Paulus mahining rencana jahat tuh. Narai je inggawi ah? Iye mangguang penjara tuntang mansanan rencana ewen te akan Paulus. Paulus langsung manyuhu iye uka mangesah ah akan kapala pasukan tahiu rencana jahat te. Kuam, en jite mangat akan aken Paulus?— Dia, awi kapala pasukan uluh je bakuasa. Tapi, aken Paulus bahanyi bapander denga. Kapala pasukan langsung manduan kaputusan. Iye manyuhu kira-kira 500 biti tentara uka mangalindung Paulus! Ewen musti mimbit ah kan Kaisarea alem te kea. En Paulus salamat?— Iyoh, awi uluh jahat te dia tau manyarang iye! Rencana ewen balang. Narai je tau ilajarmu bara kesah tuh?— Ikau kea tau bahanyi kilau aken Paulus. Ikau musti bahanyi bakesah tahiu Yehowa. En ikau handak jadi anak je bahanyi tuntang tarus bakesah tahiu Yehowa?— Amun ikau bahanyi, ikau tau manyalamat uluh beken.
Aken Paulus mansanan akan Paulus tuntang kapala pasukan tahiu rencana jahat te
PAISEK:
ˇ Narai je handak inggawi pire-pire uluh jahat dengan Paulus? ˇ Narai je inggawi aken Paulus? Buhen iye inyewut uluh je bahanyi? ˇ Narai je tau nyuntum bara aken Paulus? 27
13
Timoteus Rajin Mandohop Uluh Beken
Timoteus anak tabela je rajin mandohop uluh beken. Iye rajin mawi jalanan uka mandohop uluh beken. Awi te, pambelum ah are mimbit kahanjak. Ikau handak katawan kesah ah?— Timoteus melai huang kota Listra. Bara kakurik ah, tambi ah Lois, tuntang indu ah, Eunike, jadi majar iye tahiu Yehowa. Awi te, Timoteus rajin tutu mandohop uluh beken balajar tahiu Yehowa.
Metuh Timoteus tabela, Paulus misek, en iye handak umba manginjil kan kotakota beken. Timoteus tumbah, ’Aku handak!’ Iyoh, Timoteus siap mawi jalanaa uka mandohop uluh beken. Timoteus tuntang Paulus mangguang Tesalonika hong Makedonia. Mangat sampai ka hete, ewen musti mananjung kejau tutu, haru ewen tau mandai kapal. Huang kota te, ewen mandohop are uluh
Indu tuntang tambi Timoteus majar iye tahiu Yehowa
balajar tahiu Yehowa. Tapi, tege pire-pire uluh je dia rajin tuntang handak mawi ewen. Awi te, Paulus tuntang Timoteus buhau bara hete tuntang manginjil akan eka beken. Pire-pire bulan limbas te, Paulus manyuhu Timoteus haluli kan Tesalonika uka manampayah kaadaan kawan pahari melai kanih. Hong Tesalonika, masih tege uluh je dia rajin denga. Tapi, Timoteus tatap haluli kan kota te awi iye mamikir kaadaan kawan pahari melai hete. Harian andau, Timoteus mimbit barita bahalap akan Paulus. Kaadaan kawan pahari je melai hong Tesalonika bahalap ih! Timoteus haya-hayak manginjil dengan Paulus katahin pire-pire nyelu. Akan Paulus, Timoteus iete uluh je paling cocok uka mandohop sidang-sidang jemaat. Buhen? Awi Timoteus sinta Yehowa tuntang kawan pahari ah. En kah ikau sinta dengan uluh beken tuntang handak mandohop ewen balajar tahiu Yehowa?— Amun ikau manggawi jite, ikau tau mangkeme kasanang tuntang kahanjak huang pambelum, kilau Timoteus.
PAISEK:
ˇ ˇ ˇ ˇ
Timoteus mangkeme kahanjak huang pambelum
MBASA HONG ALKITABMU
2 Timoteus 1:5; 3:15 Saritan Gawin Kare Rasul 16:1-5; 17:1-10 1 Tesalonika 3:2-7 Pilippi 2:19-22
Hong kueh Timoteus tuntang kaluarga melai? En handak Timoteus umba Paulus? Buhen? Kilenampi Timoteus haluli kan Tesalonika? Kilenampi mangat ikau tau mangkeme kasanang tuntang kahanjak huang pambelum kilau Timoteus? 29
14
Karajaan je Mamarentah Hapus Bumi Kareh
Tuh, itah handak balajar tahiu ije karajaan. En katawam Karajaan narai jite?— Iyoh, Karajaan Hatalla. Karajaan tuh akan manampa bumi manjadi firdaus. En ikau handak balajar labih are tahiu Karajaan tuh?— Genep karajaan inguasa awi ije biti raja. Iye mamarentah uras uluh hong karajaa. En katawam eweh Raja bara Karajaan Hatalla?— Iye te Yesus Kristus. Yesus melai hong surga. Dia tahi hindai, iye manjadi Raja bara uras uluh hong bumi! Kuam, metuh Yesus manjadi Raja kareh hong
30
hapus bumi, en itah tau mangkeme kahanjak hong pambelum?— Itah pasti belum hanjak kareh! Hong Firdaus, jatunti uluh je hakasingi. Uras uluh hakasinta. Jatun hindai uluh haban atawa matei. Uluh babute kareh tau manampayah tuntang uluh badengen tau mahining. Uluh je batimpang kareh tau hadari tuntang manangkajuk. Uras uluh sukup panginan ah. Uras metu hakawal. Ewen kea dia tau mangapehe itah. Uluh je jadi matei tau belum hindai. Kalute kea dengan pire-pire uluh je jadi ilajar itah kilau
Narai je handak nggawim hong Firdaus?
Rebeka, Rahab, Dawid, tuntang Elia. Ewen tau belum hindai! En ikau handak hasupa dengan ewen kareh?— Yehowa sinta tutu dengam. Iye handak ikau mangkeme kahanjak. Amun ikau tarus balajar tahiu Yehowa tuntang manumun Iye, ikau tau belum katatahi hong Firdaus je bahalap! En ikau handak belum melai Firdaus?— PAISEK:
ˇ ˇ ˇ ˇ
MBASA HONG ALKITABMU Yesaya 2:4; 11:6-9; 25:8; 33:24; 35:5, 6 Yohanes 5:28, 29; 17:3
Eweh aran Raja bara Karajaan Hatalla? Kareh, akan eweh bewei Yesus manjadi Raja? Metuh Yesus manjadi Raja hong hapus bumi, kilenampi kaadaa? Amun ikau handak belum katatahi hong Firdaus, narai je musti inggawim? 31
5 2015 Watch Tower Bible and Tract Society of Pennsylvania Majar Anak Ketun Je Mampalua Saksi-Saksi Yehuwa Indonesia Jakarta, Indonesia Cetakan September 2015 Buku tuh dia injual, tuntang inyadia akan bagian bara gawin palajaran Alkitab hong hapus dunia je inunjang bara panengan sukarela. Kecuali inyurat asal ah, uras nas induan bara Surat Barasih Barita Bahalap. Teach Your Children Dayak Ngaju (yc-DK)
yc-DK 150929
Made in Japan Inampa hong Japang
