Richtwark van de Kreisverband Auerk in 't Klootscheten un Boßeln e. V. § 1 - Naam un Stee (1) Unner de Naam "Kreisverband Auerk in 't Klootscheten un Boßeln" hebben sük all Klootscheter- un Boßelverenen van de oll Landkreis Auerk an de 20.09.1931 in Bernuthsfeld unner Gerhard Buss, Hauptschoolmester in Tannenhusen, tosamensloten. (2) De Kreisverband Auerk bildt mit de Kreisverbanden Nörden, Esens, Wittmund, Freebörg un Leer tosamen de Landesverband Oostfreesland, de mit de Landesverband Ollenbörg to de Freeske Klootscheterverband e. V. tosamensloten is. (3) De Kreisverband hett sien Stee in Auerk mit de Adreß van de smaals 1. Vörsitter un is in dat Vereensregister bi dat Amtsgericht Auerk unner de Nr. 456 indragen. (4) De Kreisverband Auerk is Lidd van de Landessportbund Nedersassen e. V. over de Freeske Klootscheterverband e. V. un maakt in Overeenstimmen mit de hör Leitregels sien Saken sülvst.
§ 2 - Wat breckt worden sall (1) De Kreisverband arbeidt blot un liek för dat allgemeen Nütt in de Bedüden van de Deel "Stürbegünstigt Doon" van de Ofgavenregel. De Kreisverband will dat oll Fresenspill, dat Klootscheten un Boßeln un de Freeske Mehrkampf plegen un stönen, de Moderspraak un de olle Wennsten in Oostfreesland hegen un plegen, umdat de aardegene freeske Volkskracht un dat hele Volk erhollen word. Dat Richtwark word utföhrt heel besünners dör de Stön van Arbeid un Öven up dat Rebett Sport. (2) De Kreisverband is sülvstlos flietig, he verfolgt neet toeerst egenwirtschaftliche Saken. Middel van de Kreisverband düren blot för dat Umsetten van dat Richtwark verbruukt worden. De Leden (§ 4 van dit Richtwark) kriegen keen Gaven ut Middel van de Kreisverband. De Ledenbidragen van de Verenen worden för Richtwarksaken insett, sowied se neet för nödige Utgaven för de Arbeid van de Kreisverband bruukt worden. Daar dürt keeneen dör Utgaven för Saken, de neet to de Upgaven van de Kreisverband hören, of dör to hoge Gaven vörtrucken worden. (3) De Kreisverband is rassisch, politisch un konfessionell neutral.
§ 3 - Upboo (1) To de Kreisverband hören de Klootscheter- un Boßelverenen van de Oldkreis Auerk bit up enige Utnahmen un he is upstünds in veer Klootscheter- un Boßelkuntreien unnerdeelt. (2) De Verenen hebben hör egen Leitregels. De düren aver neet in Tegenproot to dat Richtwark van de Kreisverband stahn.
2
§ 4 - Ledenskupp (1) Lidd in de Kreisverband könen Klootscheter- un Boßelverenen un Sportverenen mit Boßelof Klootscheterofdelen worden, wenn se neet al en anner Klootscheter- un Boßelverband tohören. Mit dat Bitreden kriegen all Leden van de Vereen togliek en Ledenskupp ohn Stimmrecht in de Kreisverband. De gliektiedige Ledenskupp in mehr Verenen is tolaten. (2) Over de Upnahm un Ledenskupp van en Vereen bi de Kreisverband entscheddt de Vörstand van de Kreisverband. Dat Uttreden van en Vereen ut de Kreisverband kann elke Jahr smaals to de 30.06. geböhren. De Verklaren, dat een utreden will, un en Protokoll van de Vereensbesluten daarover sünd as Inschrieven an de Kreisverband to stüren. (3) Dat Utsluten van en Vereen, de Lidd is, kann geböhren, wenn he dat Ansehn van de Kreisverband schaadt of tegen dit Richtwark verstött. De Andrag up Utsluten van en Vereen, de Lidd is, mutt bi de Vörstand stellt worden. Disse hett de Plicht, de Andrag akkeraat to unnersöken, de van dat Utsluten bedrohte Vereen Gelegenheid to en Tegenproot to geven un all nödige Faststellens to treffen. Over dat Utsluten word up de tokomen Ledenversammeln mit Stimmenmehrheid entscheddt.
5 - Bidrag (1) De Kreisverband treckt van de Ledenverenen en Jahresbidrag in, over de sien Höcht de Vertrederversammeln beslutt. (2) De Ledenvereen, de mit de Kreisverbandsbidrag langer as twee Jahr in Rüggstand is, kann ut de Kreisverband utsloten worden. Over dat Utsluten beslutt na § 4 Deel 3 van dit Richtwark de Vertrederversammeln.
§ 6 - Gebruuk van Bihülp, Bidragen usw. Over de Gebruuk van de Middels, de to Greep sünd, entscheddt de Vörstand unner Ankiek van dat Richtwark un de Geschäftsregels van de Kreisverband.
§ 7 - Organen van de Kreisverband Organen van de Kreisverband sünd: a) b) c) d)
de Vörstand de vergroterte Vörstand de Vertrederversammeln de Spölutschuß
§ 8 - De Vörstand (1) De Vörstand is Geschäftsdrager van de Kreisverband un word van de Vertrederversammeln för de Dürte van twee Jahr kört. Sien Amtsberechtigung hollt eerst up, wenn en Neeiwahl dörföhrt is. (2) He besteiht ut: a) de 1. Kreisverbandsvörsitter
3
b) c) d) e) f) g) h) i) j) k)
de 2. Kreisverbandsvörsitter de 3. Kreisverbandsvörsitter de Schriftföhrer (geschäftsföhrende Vörstandslidd) de Geldverwahrer de Jungvolkpleger de Froolüplegerin de Boßelüpperste de Klootscheterüpperste de Mehrkampfüpperste de Schriever
Somit besteiht de Vörstand van de Kreisverband ut 11 Vörstandsleden. (3) Vörstand van de Kreisverband in Sinn van § 26 BGB sünd all dree Kreisverbandsvörsitters. Smaals twee van hör sünd gemeensaam vertrederberechtigt. (4) De Vörstandsamten na § 8 Deel 3 van dit Richtwark könen neet in een Person verenigt worden. (5) Wenn en Vörstandslidd in de Wahltied utscheddt, kört de vergroterte Vörstand (§ 9 van dit Richtwark) een Lidd daarto. De tokomen Vertrederversammeln mutt disse Towahl tostimmen. (6) Bi 't Utscheden van de 1. Kreisverbandsvörsitter is binnen veer Week en Neeiwahl van en besünner Vertrederversammeln dörtoföhren. (7) De Vörstand bedrifft de lopende Geschäften un föhrt mit Hülp van de vergroterte Vörstand de groterde Upgaven un de Beslutens van de Vertrederversammeln ut. De Ledenverenen könen to dat Dörföhren van de Upgaven mit herantrucken worden. (8) Bi all Saken, de drock sünd un de man nich upschuven dürt, kann de 1. Kreisverbandsvörsitter, bi Hinner sien Vertreder of de sien Vertreder, alleen entscheden. (9) De Vörstand kann eerst besluten, wenn tominnst seß Vörstandsleden togegen sünd. He beslutt mit Stimmenmehrheid. (10)De Vörstand mutt de vergroterte Vörstand over belangrieke Saken un over Entschedens van de Kreisverband unnerrichten.
§ 9 - Vergroterte Vörstand (1) a) b) c) d) e) f) g) h) i)
De vergroterte Vörstand besteiht ut: de Leden van de Vörstand de Stellvertreders van de Vörstandsleden de Üpperste van de Utwiesstee de Gereedskuppspleger de Utbildenspleger de Üpperste för Sportbundsaken de Üppersten van de Kuntreien de Staffelföhrers de Baas van de Meldestee för de Ergebnissen
4
j) de Ehrenvörstandsleden k) un enige Leden, de düchtig in de Kreisverband mitarbeiden, un de van d' Vörstand as Bisitters för een Wahltied beropen worden. (2) De vergroterte Vörstand na Deel 1a) bit i) word för twee Jahr kört. (3) De 1. Kreisverbandsvörsitter, bi Hinner sien Stellvertreder of de sien Stellvertreder, is togliek Vörsitter van de vergroterte Vörstand un föhrt de Versammeln. (4) a) b) c) d)
De vergroterte Vörstand is bi all belangrieke Saken antohören, besünners bi: Beraden van belangrieke finanzielle Saken un Veranstaltens Hülp för de Arbeid van d' Vörstand Vörbereiden van Andragen un Vörslagen för de Vertrederversammelns Richtwarkverannerns (§ 13 Deel 2 van dit Richtwark)
Bi Noodsaken kann he nettso as de Vörstand van sük ut besluten. (5) De vergroterte Vörstand kummt binanner: a) wenn dat för de Belangen van de Kreisverband nödig is, man b) tominnst all twee Maant He kann besluten, wenn mehr as teihn van sien Leden togegen sünd. (6) De vergroterte Vörstand faat sien Beslutens mit Stimmenmehrheid. (7) De vergroterte Vörstand hett de Plicht, de Ledenverenen over belangrieke Ofsichten un Beslutens to unnerrichten.
§ 10 - Vertrederversammeln (1) De Vertrederversammeln is dat boverste Organ van de Kreisverband. (2) In de Vertrederversammeln hebben smaals een Stimm: a) de Leden van de Vörstand in de Sinn van § 26 BGB (1., 2., 3. Vörsitter), b) smaals een Vertreder mit Vullmacht van de enkelde Ledenverenen. (3) An de Beslutens mutten sük de Organen van de Kreisverband un ok de Ledenverenen un de hör Leden hollen. De faste Vertrederversammeln finnen in 't Vörjahr as Jahreshauptversammeln un in d' Harvst as faste Vertrederversammeln statt. (4) Besünner Vertrederversammelns sünd intoropen: a) wenn § 8 Deel 6 van dit Richtwark intreddt, b) wenn de vergroterte Vörstand dit mit ?-Mehrheid van de Lü, de togegen sünd, ut egen Anstöt beslutt; c) wenn 1/3 van de stimmberechtigte Ledenverenen van de Kreisverband dit dör en sinnvull Andrag verlangt. (5) De Vörstand hett up de Jahreshauptversammeln, de he elke Jahr inropen mutt, en Jahresbericht un en Jahresofreken to geven, un de Versammeln mutt over de Entlasten van de Vörstandm besluten.
5
§ 11 - Förm un Inropen (1) De Vörstand röppt de Vertrederversammeln unner Angaav van de Dagsörder in. (2) To de Vertrederversammeln mutten de stimmberechtigte Leden twee Week vör de Tied en schreven Nögen kriegen. Bi Drockde kann de Tied för 't Inladen up fiev Daag ofkört worden. (3) Andragen för de Vertrederversammeln sünd intogeven: bit to de 15.03. för de Jahreshauptversammeln bit to de 15.07. för de Harvstversammeln (4) Over dat Tolaten van all sinnvull Andragen, de in de Vertrederversammeln (ördentlik of besünnern) buten de Dagsörder stellt worden, entscheddt de Vertrederversammeln mit en ?-Mehrheid van de Stimmberechtigten, de togegen sünd.
§ 12 - Vörutsettens för dat Besluten (1) Elke ördentlik inropene Vertrederversammeln stimmberechtigte Vertreders komen sünd.
kann
besluten,
nettgliek
wovöl
(2) Wenn dat um dat Uplösen van de Kreisverband (§ 41 BGB) geiht, mutten 2/3 van de stimmberechtigte Vertreders (§ 10 Deel 2) togegen wesen.
§ 13 - Beslutens (1) Daars word dör Handteken of dör Befragen van de enkelde stimmberechtige Vertreders ofstimmt. Wenn een en stimmberechtigte Vertreder dat beandraggt, mutt geheem ofstimmt worden, mit Utnahm over en Andrag na § 11 Deel 4. (2) Verannerns an dat Richtwark bruken en ?-Mehrheid van de stimmberechtigte Leden, de to de Vertrederversammeln komen sünd. Se mutten in de Nögen to de Vertrederversammeln besünners utwesen worden. De Verannerns gellen eerst, na dat se dör de Vörstand na § 8 Deel 3 van dit Richtwark in dat Vereensregister wurren. (3) Bi en Verannern van dat, wat de Kreisverband berecken sall (§ 2 van dit Richtwark), is dat Tostimmen van all Ledenverenen nödig; Leden, de neet togegen sünd, mutten en schreven Tostimmen ofgeven. (4) För dat Besluten van de Uplösen van de Kreisverband is na § 41 BGB en 4/5-Mehrheid van simmberechtigte Leden nödig, de togegen sünd, daarna mutt Deel 2 Satz 2 inhollen worden. (5) All anner Ofstimmens un Wahlen geböhren mit eenfache Stimmenmehrheid van de stimmberechtigte Leden, de togegen sünd. (6) Bi all Ofstimmens van de Vörstand, de vergroterte Vörstand un de Vertrederversammelns gellt en Stimmengliekheid as Oflehnen.
6
§ 14 - Beschrievenlaten van de Versammelnsbeslutens (1) Over de Beslutens van elke Versammeln, is en schreven Schrift to maken. (2) De schreven Schrift is van de Vörsitter van de Versammeln un van de Protokollschriever to unnerschrieven. (3) De schreven Schriften van de Versammelns van de vergroterte Vörstand un van de Vertrederversammelns mutten an all Ledenverenen un de Leden van de vergroterte Vörstand stürt worden. (4) De Beslutens gellen för de Ledenverenen un de Leden van de vergroterte Vörstand, wenn keen schreven Tegenproot binnen 10 Daag na Togang bi de 1. Kreisverbandsvörsitter inleggt worden is.
§ 15 - Boken-Nakiekers (1) De lopende Kuntroll van dat Kassenwark liggt bi twee Nakiekers, waarvan elke Jahr een up de Jahreshauptversammeln neei to kören is. En Weerwahl is verboden. De Wahl gellt för twee Jahr. Boken-Nakiekers düren neet Leden van de vergroterte Vörstand wesen. (2) De Boken-Nakiekers mutten de In- un Utgaven un de hör ördentlike Indragen mögelkst tweemaal, man tominnst eenmal in 't Jahr unverwachts nakieken. Se mutten na 't Dörkieken van de Boken un Unnerlagen de In- un Utgaven dörgahn un dat ördentlike Indragen nakieken. (3) Up de Jahreshauptversammeln mutten se daarover berichten, wat bi dat Boken-Nakieken vandag komen is.
§ 16 - Geschäftsjahr Dat Geschäftsjahr löppt van de 1. Januar bit to de 31. Dezember. § 17 - Spölbedriev (1) All Veranstaltens van de Kreisverband, sowied sük dat um Weddspillen hannelt, sünd in de Weddspillvörschriften, de de Kreisverband rutgifft, upföhrt un regelt. För de Freeske Mehrkampf so as bi 't Boßeln un Klootscheten buten de regionale Kuntrei gellen de Weddspillvörschriften van de FKV of LKV OS. (2) De Kreisverband hett de Mögelkheid, Strafen uttoproten. Disse sünd in de Strafenlist van de Sportgerichtsördnung van de Kreisverband genauer regelt.
§ 18 - Kreisverbandsgericht (1) De Kreisverband bildt en Kreisverbandsgericht. Dat Kreisverbandsgericht besteiht ut 5 Lü. 4 Lü worden van de Vertrederversammeln för de Dürte van 2 Jahr kört. De Kreisboßelüpperste is dör sien Amt Lidd van dat Kreisverbandsgericht un föhrt de Vörsitz.
7
(2) För de ördentlike Leden van dat Kreisverbandsgericht is van de Vertrederversammeln smaals een egen Vertreder to kören. De Kreisboßelüpperste word van sien Vertreder vertreden. (3) Tostännigheid un Dörföhren regelt de van de Vertrederversammeln to beslutende Sportgerichtsördnung. Se is Deel van dit Richtwark. § 19 - Schiedsgericht (1) De Kreisverband bildt en Schiedsgericht as Berufungsinstanz to dat Kreisverbandsgericht. Dat Schiedsgericht besteiht ut dree Leden, de van de Vertrederversammeln för de Dürte van 2 Jahr kört worden. (2) Dat Schiedsgericht kört sien Vörsitter ut sien Riegen. (3) De Sportgerichtsördnung is för dat Dörföhren van 't Schiedsgericht gliek uttoleggen. (4) § 18 Deel 2 S. 1 gellen ok daarna. § 20 - Ehrengericht De Kreisverband bildt keen egen Ehrengericht. Bi Käkeleen, de neet dat Spölrebett angahn, is dat Ehrengericht van de FKV antoropen. Bi 't Anropen is de Vörsitter van de Kreisverband daarover mit schreven Schrift to unnerrichten. § 21 - Uplösen (1) De Kreisverband kann dör van de Vertrederversammeln (§ 13 Deel 4 van dit Richtwark) uplöst worden. (2) Dat Uplösen geböhrt dör de Vörstand (§ 8 van dit Richtwark). (3) Bi Uplösen, Upheven of Utwesen van de bit do gellende Sinn van de Kreisverband sünd de Middels na 't Ofdecken van all, wat noch in d' Rieg to maken is, för de allgemeen Nütt bi de Heimatpleeg, besünners dör 't Fördern van Arbeid un Öven up dat Rebett Sport, smaals een Halv an de Oostfreeske Landskupp un an de Landessportbund Nedersassen e.V. to geven. § 22 - Inkrafttreden van dit Richtwark Dit neei tosamenstellt Richtwark up oostfreesk Platt is up de Vertrederversammeln an 27.04.2001 besloten un in Kraft sett worden.
