Ooch in 2011 geet carnaval viere heij bei os in zumpelveld vanzelf

1957

2011

2011 Oeësgaaf: Nommer 30

Redaksie: G. Enge, Prinsesjtroaës 11, Kloeëstesjtad

Ooch in 2011 geet carnaval viere heij bei os in zumpelveld vanzelf Versjpreijing: Gratis (dankzij o’s adverteerders) hoeës-a-hoeës (dankzij de ex-Prinse)

--

Leef Woeësj-joepe Ut deed miech veul plezeer um dit joar, mieë iesjte joar als wethouder, aan alle vasteloavendsgekke in os schun Zumpelveld ee woad tse moage richten. Oop weg noa dis drei döll daag is ut god um tse wisse en tse zieë wie sjpringleavend ut Vasteloavendsleave in os Woeësj-joepe riech is. En mit ee vast tse sjtelle wat vuur ing schun historie vier heij in oongertusche hant oopgebouwt. Ing historie die is uvverlaanne mit “sjtoom” in oos schun kloeësterstedche. Vasteloavend is ee volksfes vuur gidderinge. Joonk en aod, groeës en kling oane doa in ee oongersjeet tse wille maache, oop wat vuur maneer daan ooch. Vier viere dit fes tsezame, erm in erm. Vier moote d’r tsezame vuur zurge dat vier dit volksfes in zieng groeëte en mit zienge inhoud oop ing schun en waardige maneer in sjtand hoade. Ooze vasteloavendsvereine zunt in oos Zumpelveld zier actief, went me d’r vasteloavendsagenda bekiekt, zient vier dat dea bomvol sjteet en dat d’r vuur gidderinge wel get vuur zieng gading d’r bei is. Speciaal wil iech alle jubilarissen, alle jubilerende oongerdele en alle jubilerende vasteloavendsvereine oes Zumpelveld proficiat wunsche. Iech dink dat ut gepast is um, aan d’r vuurovvend van de vasteloavend, alle luuj die al druk bezig zunt um dit fes tse lotte sjlaage noeë al va hatse doavuur tse bedanke. Want oane dea i-zats van die luuj zou ut, dink iech, mer inge doede boel zieë. Doarum wunsch iech de Woeësj-joepe mit al zieng afdelingen hieël veul succes en fantastische vasteloavendsdaag tsow. Vier zalle oos, hof iech, teage koome. Vasteloavend tsezame. D’r wethouder van onger angere vasteloavendszake.

Joep van der Aa

--

EURERS Ambition Travel Wij verzorgen al uw dagtochten en meerdaagse reizen met of zonder hotel vooral voor groepen en verenigingen. Vraag om een offerte en vrijblijvend advies.

Touringcarbedrijf Ambition Travel J.H.H. Vliex Stationstraat 55 6369 VH Simpelveld

Moderne luxe touringcar voorzien van: Airco - Toilet - Mini-bar - DVD GPS - Audio/cd - Slaapzetels

Tel. 045 - 5661300 Fax 045 - 5661301 [email protected]

--

Vasteloavend 2011 in Zumpelveld Zamstig 08-01-2011

Prinseproklamatie

Oad Zumpelveld

20:33 oer

Zoondig 09-01-2011

Jeugdpr.proklamatie

Oad Zumpelveld

14:11 oer

Zamstig 15-01-2011

Blommekunniginnebal

Oad Zumpelveld

20:33 oer

il Finesse

20:11 oer

Mondig

17-01-2011 46ste Galabal

Zamstig 22-01-2011

Jeugdprinssetreffe

Plaar

20:11 oer

Zamstig 29-01-2011

Volkszietsong

il Finesse

20:11 oer

Zoondig 06-02-2011

Bezuk Kirchhof

Zum Pony

13:00 oer

Zoondig 06-02-2011 Reseptie Hoeëghede Maxime

14:11 oer

Zamstig 26-02-2011

Auw Wieverbal

Alle Wieëtsjafte

20:11 oer

Vriedig

Sjlusseluvverdraach

Gemeentehoes

20:11 oer

Zamstig 05-03-2011

Uffening Kingerkarnaval

op d’r Maat

13:33 oer

Zamstig 05-03-2011

Mis in ’t plat

Remigiuskirch

17:45 oer

Zamstig 05-03-2011

Karnavalsoavend Tac / Wnk Oad Zumpelveld

04-03-2011

21:00 oer

Zoondig 06-03-2011 Groeësse Optsoch Opsjtelle Brandstr. 13:33 oer Dienstig 08-03-2011 30ste Klonetrekke

d’r Kloonemaan

15:11 oer

Dienstig 08-03-2011

d’r Kloonemaan

23:11 oer

d’r Kloon Begrave

Zamstig 02-04-2011 Halfvasten Blommebal Oad Zumpelveld

--

20:33 oer

--

Ooch in 2011 geet carnaval viere heij bei os in zumpelveld vanzelf Mit dat winnende motto i gezonde durch t Michelle habets gunt de Woeesj-joepe mit alle gowe mot t sezoen 2011 tegemoet Vier wisse ooch als Woeesj-joepe dat geet nit ummer van zelf, maar wents te wits dat doa inge ganse hoof luuj hinger schtunt en kei heel doa a a mit wirke ken me hoffe dat dat waal geet lukke. Pak diech de afdelinge vaan de Woeesj-joepe zonger oeszondering tse zame bringe vier dat al joare tot ee got ing, wat dan ooch gewardeerd weat durch al die luuj. Doa bei numme vier zicher gear os eege sponsore die wat tse vinge zunt op os eege site www.woeesj-joepe.nl Ooch moage vier alle luuj van Zumpelveld en doa boesse wat os schteune egaal op welke maneer bedanke. Want in dizze tsiet mot me tse vreije ziee mit alles wat me kriet. Me vroat zich wel ins aaf of dat waal allemoal tse hoale is in dizze nit ummer gemekkeliche tsiet, mer an de ander kant ken me ooch dinke dat al die schun festiviteite van de Woeesj-joepe fungere wie ing oeslos klep, der miensch mot zich joa ens kinne amusere. En dat is wat vier Woeesj-joepe wille of ut noe mit jonk of oud is dat deed der nit tsow. Amusere dat hant ooch os hoeeghede gedoa t aafgelofe joar of t noe der prins Maurice woar of de blomme kuningin t Stefanie of der jeugdprins Jouri en och nit tse vergese de prinses t Truus van der dames road van elf, gideringe hat op ing leuke en eege maneer doa in vulling aa gegoave. Moage vier dan ooch alvas danke zaage teage uuch allemoal ooch de familiee wat doa bei gehure. Vier wisse allemoal dat t geweun durch geet bei de Woeesj-joepe de tsiet shteet nit stil en der schtunt al werm 3 neu hoeeghede tse wade vuur geproclameerd c.q gekoaze tse weade vuur t sezoen 2011 hun wunsche vier alvas ing schun tsiet in hun regerings joar tsow. De prinses van der dames road van elf die is al bow 2 mond umgang want op der 14 november woeet t Trees als prinses geproclameerd en dat maat t aling mer spannender wen dat dieng eege vrouw is want doe leafs toch ee joar neaver ing prinses. Bej deze wunsche vier als road van elf de prinses t Trees en der dames road van elf hieel veul schpas en plezeer tsow. Ja leef luuj langzaam mer zicher wil ich toch schloes maache an mie verhaal want ich bin bang dat der special van der prinse road angesch tse dik weat. Der prinse road wunsche vier succes mit t verspreide van der special woa me toch ing schun schtond mit um kriet vuur dat me dem gans geleaze hat. Wier zage viere teage gidder afdeling wat nog ing activiteit vuur de boeg had hieel veul succes en hoffentlich kinne vier doa bei werm inge hoof luuj begrusse. Dan rest mich nog uuch allemoal zoonger inge tse vergese ee gezonk en vuurspoedid 2011 tse wunsche. ZUMPELVELD ALAAF.

Vuurzitter road van elf, Jos Kicken. --

POLICE

BOCCIA

Tommy Hilfiger

Dorpstraat 8 - Simpelveld Tel. 045 - 544 41 93 www.juwelierkicken.nl

Wij wensen u een Voorspoedig Nieuwjaar Prisma

Z

I

N

Z

I

Wij wensen u een Voorspoedig 2011

3!.$2! -%)34%23

N s(%2%.-/$% WIJWENSENUEE !2 *! 7 %5 .) ' ,) :! s-!.5&!#452%. s"!"9 !24)+%,%. +LOOSTERSTRAAT 3IMPELVELD s*/.'%-/$% 4ELEFOON 

Wij wensen u een Voorspoedig 2011

--

D’r nuije vasteloavends sjlager 2011 mit Kruuts & Kweer Op donnesjtig d’r 11de vaan d’r 11de woeet onger inge himmel vol rean de vasteloavend 2011geopent bei d’r kloonemaan. Ondanks d’r rean houwe toch werm veul woeësjjoepe dur weg noa gen durp gevonge um dat schun moment mit de hoeëghede en alle afdelinge mit tse maache. Tswei daag spieder d’r 13 november vong in partycentrum Oud Zumpelveld de sjlagerzietsong plaatjs woa ooch noe werm veul luij d’r weg hin houwe gevonge um tse komme kieke welke persoen of groep d’r winnaar woeet. Um hoafnung woeet durch d’r road vaan elf de opening van de sjlager zietsong gedoa. Gesjtart woeet durg d’r Prinse-road die vuur de letste moal d’r sjlager braate van ut vurig joar, doa noa woeet durg tswei kinger groepe op ing geweldige manneer hunne sjlager gepresenteerd. Ee dingk is sicher die kinger houwe sicher allemoal inge pries verdeent veur de meute. Doa noa gong ut richtig los 10 geweldige sjlagere gonge uvver de buhn en zoe wie me wit kin mer inge d’r winnaar ziee en dat woar dit joar d’r groep Kruuts & kweer die noa tswelf joar mithelle miee wie verdeent d’r sjlager 2011 houwe gewonne. Dea sjlager hat d’r tietel Sjmier, pratsj get sjmienk en kluur. Jonge en meadjer vaan d’r groep Kruuts en Kweer proficiat mit dea dik verdeende winnende sjlager dea vier de komende vasteloavend nog duks zalle heure. Refrein: Los noeë mer goa Kiek miech ins sjtoa Sjmier, pratsj ger sjmienk en kluur Wool dat iech nog tswantsig woar Joa, joa, joa Los noeë mer goa Kiek miech ens sjtoa Sjmier, pratsj get sjmienk en kluur Wool dat iech nog tswantsig woar. Couplet 1: De sjrumpels en de sjpange joa joa joa Die lotte miech zoeë hange joa joa joa Die maache miech zoeë sjobbig Wat mot iech noeë toch doeë Iech woar zoeë geer nog fieffig jonk en vroeë Mer da zeat ing sjtim in miech Koom duch noeë get goods aa diech. Couplet 2: De kluure greun geel en blauw joa joa joa Die sjmier iech miech dan in de vauw joa joa jao Mieë hats vingt aa tse kloppe Krien pieepele in d’r boech Iech bin nit miee tse sjtoppe wees noeë wat iech mot doeë Da pak iech miech d’r prul bei jee En veul iech bin wer op de bee. --

Ooch ut jeugdcomité maat ziech oop vuur ee nuij seizoen. Aan alle kinger va Zumpelveld. Oop ut moment dat dizze vasteloavendsspecial bei uuch oop de mat vilt is de Krismes alwerrem hinger d’r ruck en maache alle carnavalisten ziech werrem oop vuur die drei dul daag die dit joar gans sjpieë in ut joar valle. Nemlich begeen meëts. Vuurdat ut zoeë wied is, is d’r genog tse doeë vuur de Zumpelvelder kinger die vasteloavendsgek zunt. Oop zoondig d’r nuungde jannewaar is alwerrem oos kingerzietsong. Heij wead de nuij kingerhoeëgheed vuur ut gekke joar 2011 gekoaze. Vuurdat ut zoeë wied is kenne alle kinger, papa’s en mama’s en opa’s en oma’s in ut partycentrum Oud Simpelveld genieten van ee geweldig programma wat groeëtendeels durch kinger oe soos eege durp uvver de buun wead gebraat. En alvurens vier de tse zieë kient wea de nuij hoeëgheed wead mot d’r iesjt natuurliech aafsjied genoame weade van oze noeë nog regerende jeugdprins Joerie I. Aan d’r Joeri en zienge pap en mam, d’r Bert en ut Mariet zaage vier hieël hatselich dank vuur ut mithelle in d’r Zumpelvelder kingervasteloavend. Ut woar ee super joar tsezame mit uuch. Speciaal moote vier ut Nadine, ut schwester van d’r Joeri nog bedanke. Vuur ee joar hat ut, speciaal vuur zienge broor, nog kingerhofnar gesjpilt. En zoeë houwe vier gans speciaal broor en schwester als prins en hofnar. Vuur dit alles nogmaals danke aan de familie Jaspers. En went d’r Joeri dan werrem plaatsj had genoame in de rangen van d’r jeugdroad van elf, dan is ut tsiet um tse kieke wea de nuij jeugdhoeëgheed geet weade! Went uur dat wilt wisse, dan nuudige vier uuch geer oes oop zoondig d’r nuungde jannewaar, vanaaf 14:11 oer in ut partycentrum Oud Simpelveld. Sjpieder in d’r mond hant vier nog ee gans speciaal evenement binne de grenze van oos durp gehoald. Ut jeugdprinsentreffe van d’r Bond Carnavalsverenigingen Limburg, d’r BCL vingt da plaatsj in ut Paterkloeëster. Dizze middig zalle ziech jeugdprinsen en prinsessen - 10 -

oes gans Limburg en vaan ut Belsj en ut Duutsj treffe i Zumpelveld. Dizze middig is alling mer vuur luuj die doavuur oesgenuudigt zunt. Mer ut sjprikt vuur ziech dat dit ee evenement wead woamit vier d’r kingervasteloavend i Zumpelveld oop de kaat kenne zette i gans Limburg. En wint ut daan oop die drei dul daag aa geet dan hant de kinger van d’r jeugdroad ziech noch losse zieë oop allerlei zietsonge in durper bei oos erum. En mit de vasteloavensdaag zalle zieë tsezame mit de hoeëghede en alle anger kinger va Zumpelveld ziech losse zieë oop d’r Jeugdkarnaval oop vasteloavendszamstig en bei d’r groeëse optsoch oop zoondig. Zoeë ziet uur mer als kink in d’r Zumpelvelder vasteloavend hoefste diech noeëts tse vervele. En went ut uuch sjiek liegt um dit allenuij va kot beij mit tse maache. Kalt daan ins mit inge van de lede van ut jeugdcomité um tse vroage watste moots doeë um d’r beij tse kenne zieë. De leden van ut jeugdcomité zunt oop dit moment d’r Marc Franssen, ut Francis de Bruin, ut Carmelita Schmetz, d’r Roy Weeren, d’r Rutger van Dinther en ut Natascha en d’r Patrick Leclaire. Vier hoffe veul kinger tse kenne begrusse in d’r kingerroad van elf en wunsche alle luuj va Zumpelveld ee geweldig 2011 tsouw. Vuur noeë, bis sjpieder en… Zumpelveld Alaaf

Jeugdcomité C.V. Woeësj-joepe

- 11 -

Galaorde Simpelveld St. Jozefklooster 3 november 2010 “Wij zouden graag met u willen spreken, kan dat?” Daar begon het mee. Een telefoontje van de Prinseroad. Wat zouden die van mij willen vroeg ik mij af. Het zal wel iets zijn voor de Wijnrank. Maar nee, het was niet voor de Wijnrank ook al speelde dat wel een rol in het geheel. Het was om mij te vragen of ik galaordedraagster wilde zijn dit jaar. Ik had er nog nooit van gehoord. Nu weet ik een heleboel van de Prinseroad en meer nog van ons dorp. Het was helemaal geweldig. Het is nog steeds geweldig. Ik heb genoten van de saamhorigheid die ik van dichtbij mocht meemaken tijdens de carnaval en het hele jaar door. Ik heb niet eens geweten dat er zoveel dans en muziekavonden zijn. Ook op straat en in de winkels kwam ik mensen tegen die niet meer onbekend waren vanwege de prettige en gezellige bijeenkomsten rond de carnaval. Ik blijf het nog steeds als een eer voelen en hoop nog lang te mogen blijven doen wat aan de grondslag lag van deze onderscheiding: het werk bij kinderen en jeugd. En zoals al eerder gezegd, deze eer geldt niet alleen mij maar ook al mijn medezusters en medewerk(st)ers van de Wijnrank. Met dankbaarheid zal ik terugdenken aan de leden van de Prinseroad van Zumpelveld die mij zo’n mooi jaar deden beleven en waardoor ik Simpelveld nu beter ken en nog meer weet te waarderen. Zuster Marie-Anne

Leef luuj, dut ung boodsjappe beij de adverteerders want zie sjteune de Zumpelvelder Vereine! - 13 -

- 14 -

Nuij seizoen vuur Dans- en Showgroep Accelerando Veul luuj i Zumpelveld en omsjtreeke zalle ze wel kenne: “Dans en Showgroep Accelerando oes Zumpelveld” Dur dansgroep is ee begrip in de omgeving en treant al joare op bij de moddervereniging de Woeësjjoepe en anger carnavalsvereniginge. Ut seizoen begint vuur de vrouwluuj va dur groësse groep ummer mit eng spectaculaire opening op ut BCL-treffe. Carnavalsvereniginge oe gans Limburg koome hei op aaf en ut is ummer werem inge geweldig gezellige daag! Accelerando hat noch 2 groepen, namelijk de klinge, va 3 bis 8 en de jeugd, va 8 bis 15 joar. Och hei wead vuur geeker seizoen heël getraind om enge sjunne dans neer tse zette. In de vereniging drieënt het op de 1ste plaatsj um perfectie, mer zeer sicher ooch de gezeligheid en dat weten de meadjes va Accelerando sicher tse bringe! Bis an de drei doll daag zet gikkere groep zie betste beentje vuur om het publiek dur letste nueu dans tse lotte zieë. Vanaaf februar 2008 hat Accelerando eng nuij afdeling, namelijk Dance 4 Joy. Dit is enge gardegroep onger leiding va et Stephanie Kleeven. Joarelaank bekend als het dansmarieche van de Woessjoeppe. Onger leiding va dis actieve dame zunt 12 vrouwluuj van verschjillende leeftsiete actief binnen de groep. Och dansen verschillende dames solo. Ze hant et afgeloope joar hiel veul succes gehad op de toernooien, woaonger dur topper op de Euromaster 2010! Neaver de geweune trainingen weade durch de activiteitencommissie ooch leuke dinger geregeld, dink mer ens a Sinterkloas, Krismis en speurtochten. Ut is nit vuur nuks dat vier al bijnoa 57 joar besjtund , et bliet ummer gezellig en ut is noch ummer eng sjpass vuur tse doeë vuur gekkeringe, zoewel bestuur, dansende leden, schjteunende leden en alle luij die intern en extern bezig zunt om alles in goeie banen tse leiden. Natuurlich sjtund vier ummer ope vuur nuij leden, duur zut welkom om ins noa eng training tse koome kieke..Uur kent ooch ozze website bezukke: www.accelerandosimpelveld.nl. Vier zient os zeer zeker mit die daag en vuur wunsche uuch allemaol ee super seizoen en vuul sjpass en plezeer! 3x Alaaf!

- 15 -

Een Voorspoedig 2011

Elk artikel E 1,00 Powered by Top 4 Group bv W.M.C. Spronck

Heerlen - Maastricht - Eindhoven Sittard - Roermond - Genk (B) - 16 -

Leef karnavaliste: In mei 2009 bin iech durg ut An Kamps gevroagt woede um prinses van d’r dameselveroad tse weade. Vanaaf doe woar ut ing nerveuze en geheime tsiet, ongerangere ’t kleed moet weade oesgezoet, want de foto’s moete weade gemaacht. Vanaaf 15 november, noa de proklamatie op de dameszietsong woar ut druk mer veural hieel gezellig mit als hoegtepunt d’r optsoch op zoondig. Iech wil daan ooch gidderinge bedanke mit name de vrouwluuj van d’r dameselveroad en alle anger lede

van de Woeësj-joepe. Ee speciaal woad van dank wil iech richte aan ’t Gertie van der Linde dat in d’r optsoch als vervangster woar veur mienge hofnar ’t Marjan. Vanaaf dis plaatjs wunsch iech de nuij damesprinses van hatse proficiat mit heur oesverkiezing. En wunsch iech ut Trees en d’r Jos ing sjun vasteloavend 2011.

- 17 -

- 18 -

Hoafvaste-Blommebal 2011 D’r 2e april 2011 is ut werm zoe wiet,da hotte vier de exblommekunninginne, werm os alum bekende hoafvaste-bal. Ut is waal nog get vrug, want vier motte iesch nog ins gezellig karnaval viere, zoe wie vier dat in Zumpelveld gewend zunt. Mer vier kenne uuch noe al verstelle dat ut werm ee geweldig programma wead. En zoe ziet os programma oes :

Inge Mystery Guest Promi Bröör Wuste Wustensohne Dans- en Showgroep Magic Rythm Vier hoffe uuch allemoal doa tse kinne begrusse. Schrieft uuch dur datum mer alvast op,zoedat uur ut nit vergease kent. Doabeij wille vier natuurlich ooch alvas danke zaage aan alle luuj die os in ’t aafgeloofe joar egaal in welke vorm dan ooch gesjteund hant.Vier wunsje uuch daan och alvas ee gelukkig en gezonk nuij joar tsow. Missjien zient vuur os dur 2 april beij ’t Gerda en d’r Remi.

- 19 -

- 20 -

Doebele Forto D’r Doebele Forto is ut vasteloavendsseizoeën. 2010 – 2011 begonne mit ee geweldig Joeks Kapellen Festival op Zamstig 30 oktober 2010. De sjtimmung zoat d’r al got in op disse aovend. Dat festival hant vier alwerm vuur de 26e kier georganiseerd. Alle kapellen woare winnaar, evvel ’t kent mer eng kapel d’r groeëse wesselbecher mit noa heem numme. Dis joar woar Oam Zat oes Waubach d’r sjtolse winnaar. Aafgeloafe zommer, in de tsiet dat bei os “Radio stilte” is, hant vier werm veer nui leden in ozze verrein kenne begrusse. Hei zunt vier da óch hieël erg vroeë mit. Zicher in eng tsiet woa in giddere verrein ut aantal leden tseruk leuft. Dis vasteloavendsseizoeën hant vier óch enge 33 joarige jubilaris in os midde. Dea jubilaris is d’r Piet Vankan. D’r Piet is al joare eng vaan de vaste “sjuuvere” (sjuuftrombone) bei d’r Doebele Forto. Ut feit dat vier al werm ee lid hant dea zoevöal joar bei os mit bloast, is ee tseeche dat vier godsedank mer hieël winnig verloof in ozze verrein hant. De mieëtste Forto leden zunt honkvast. Kalm aa gunt vier os ópmaache vuur ‘t 44 joarig besjtao van d’r Doebele Forto. Dat fes zalle vier viere op Zamstig en Zondig d’r 4e en 5e Februaar 2012. Vier zalle op tsiet hei uvver nog get van os losse huure. Rest os nog uuch allemoal ee gezonk en gelukkig 2011 tsow tse wunsje en natuurlich eng geweldigge vastloavend, Zumpelveld Alaaf Besjtuur en Leden Doebele Forto

- 21 -

46e Gala-bal 17e janewaar 2011

Georganiseerd durch de jonge van d’r Prinse-road Leef luuj, op mondig d’r 17e jannewaar is het werrum zowiet. Dan zal alwerrum de 46ste Gala-bal plaatsjvinge. Dizze aovend wead gehoade in d’r zaal van d’r Raymond en ut Simone Vaessen, i il Finesse. Graat wie al die anger joare hat de programmacommissie och dit joar werrum ee sjprankelend programma mit artieste oes binne,- en boesseland wisse tse sjtrikke. Ut hoeëgtepunt va dizze aovend is zoe wie d’r wist ut oesroffe va d’r 58ste Gala-orde drager. Dis ieër geet noa inge persoeën dea ziech verdeensteliech hat gemaacht vuur os gemeensjap. Dit alles wead natuurlich werrum meuchlich gemaat durch ozze sjponsore en vanaf dis plaatsj wille vuur alvast dankjewel teage hun zaage. Vuurdat de zietsong geet beginne, zal orkest “Sensation” d’r zaal alvast in de richtige sjtimmung bringe. Doabei zal d’r Leon Franzen van GTF oes Boches er vuur zurge dat uur weat vuurzieë van de richtige klanke! Um iech al een biesje inge indruk tse geave, zalle vuur uuch heij onge al inge greep oes os program presentere. Noadat d’r prezzident, d’r

Frans Bodelier

alle luuj welkom hat geheese, zal d’r dansgroep

“Magic Rythm”

graat wie vurrig joar werrum d’r sjpits aafbiese inge geweldige dans. - 22 -

Doanoa zalle de lachsjpieëre va de luuj op de proof weade gesjteld mit ing buut va “d’r Tulpen Heini”. Dizze Duutsjkallende Belsj zal zich menig troäntje va sjpas beij de luuj uvver de bakke losse rolle! Heinoa blient vuur op ut Belsj, want “Domm en Dööl” kunt noa tswei joar werrum tseruk op os Gala-bal. Mit hun sjun peksjere aa zalle zieë d’r zaal wer veul sjpas en moeziek bringe. En went d’r dinkt dat d’r noa d’r Tulpen Heini oesgelaache zut, vergeas ut mer. Want och “Trio Ongeplök” is werrum tseruk en zal uuch lotte geniete va veul wietse en gezank. Dus gelaache zal er genog weade. Ut hoeëgtepunt va dizze aovend is natuurliech ut oesroffe va

“D’r Gala-orderdrager 2011”

D’r ganse zaal zal daan in sjpanning waade welke persoeën noa vuur gehoald zal weade en dizze order in ontvangst moach neume. Noadat vuur dizze maan of vrouw in ut zuntje hant gezat, gunt vier werrum wieër in d’r program mit d’r Winnende sjlager va 2011, gezonge durch de jonge en meadjere va “Kruuts & Kweer”.

Heijnoa is ut da tsiet um d’r zaal flink tse losse sjwinge, want de jonge va “Bonanza” zalle mit hun drumsjteller d’r zaal zicher op d’r kop zitte.

- 23 -

Zoe gunt vuur langzaam richting ut einde en maache de meadjere va dansgroep “Magic Rythm” vuur de tsweide en litste kieër dizze oavend hun opwaading. Wea dinkt datse beij d’r sjloesnummer op row kens koome, zit got d’r neaver, want ginge winniger wie “d’r Erwin” va Mestreech zal mit zieng bekende nummers wie “ut Reuzenraad” en nog veul mieë ut programma va ee sjpetterend eind vuurzieë Zo wie d’r hat geleaze hant vuur werrum ee geweldig programma vuur uuch in ee gezat, durrum hoffe vuur uuch allemoal tseruk tse zieë op d’r 17de jannewaar 2011! Wilt d’r heij geer beij zieë, kaate zunt alling tse verkriege beij de jonge va d’r Prinse-road of onger d’r telefoonnommer 045-5444411

- 24 -

AUTORIJSCHOOL PUNTELSTRAAT 34 SIMPELVELD

BONTEN TEL. 045-5440700

RIJKSGEDIPLOMEERD

2007 Wij wensen u een VOORSPOEDIG 2011

Leef luuj, dut ung boodsjappe beij de adverteerders want zie sjteune de Zumpelvelder Vereine! - 25 -

Leef Vasteloavensvrung ’T Geet gód mit de Auw wieverbal i Limburg! Mer d’r “loof”vaan de luuj hat ziech natuurlich waal ee biesge verlaat. Zumpelveld woar vrugger de Hoopts-sjtad vaan de Auwwieverbal i ZuudLimburg. Wenn-ste urgens i Limburg zeas dat-ste oes Zumpelveld kuns, da zaage hieël veul luuj va bóvve de vóftsieg: “Ach joa, Zumpelveld…, doa bin ich vrugger duks oesgegaange mit de Auwwieverbal!!” “T woar och wirklich get oes went in die tsiet Auwwieverbal woar hej i gen durp. De auto’s sjtoonge links en reëts langs d’r weg geparkeerd, vaan in d’r Boaks bis op gen Boanehei. Alle wieëtsjafte (en dat woare ders doe nog inge ganse hóóf) woare aafgelaane vol, de mitglieder vaan d’r Road va 11 moete zoegaar a gen duur sjtoa um ’t ereen en eroesgoa vaan al die luuj tse reguleere. Op eemoal woar evvel sjloes mit die groesse Auwwieverbal. Wie vuurhens al gezaat, “d’r loof vaan de luuj” verleat ziech eebe. Doabej woar d’r móndigoavend natuurlich vuur ummer mieë luuj ginge passende oavend mieë um bis midde i gen naat oes tse goa. Wie doe besjlósse woët um de Auwwieverbal op d’r zamstig tse hówwe, woar ’t al lang tse sjpieë. De luuj hówwe allang urgens aangesj hun heil gezoeët, i Vallekeberg, i Oche, zoegaar noa Kölle woeët gegaange. De létste tsiet weade och Gullepe en Vóls ummer drukker bezoeët durch Auwwiever. Zumpelveld is doamit ee groeës evenement kwiet woeëde, mer motte vier dat berujje? Vier dinke ’t nit! De Auwwieverbal die vuur noen hant , moag daan waal klinger zieë, mer oonger os Woeësj-joepe familië gevierd, sjluut ze waal veul besser aa bej de essentz vaan de Auw wieverbal. Went nämlich um tswellef oer de maskere aafgunt, da wit gidderinge wea die koekkemom woar die diech al d’r ganse oavend d’r brej um d’r baat gesjmiert hat. Dat is die sjpass en die vrujd woa ’t ziech mit de Auwwieverbal um drieënt. In dea trant wille vier die sjun traditioën i Zumpelveld hoeg hówwe, en vuur hóffe dat uur dat mit ós wilt doeë. Doarum, leef vrauwluuj va Zumpelveld, sjrieft uuch d’r 26e Fibrewaar op d’r kalender, sjtreuft uuch de Koekkemom aa en helt werm allenuj mit! ’T Grusse uuch de Auw Wiever va Zumpelveld,

ZUMPELVELD ALAAF

- 26 -

Wij wensen u een Voorspoedig 2011 - 27 -

FRITURE “ORANJEPLEIN” Verse frites van eigen geschilde aardappelen Voor zuurvlees, goulash, schnitzels, saté enz. Alles uit eigen keuken. Tevens 60 zitplaatsen We Geluk nst u een kig N ieuwja ar

Saida Elghanfoud

Oranje plein 1a Simpelveld tel. 045-5446624

Openingstijden: ma. gesloten di., wo., do. van 12.00-23.00u vr., za. van 12.00-02.30u zo. van 14.00-23.00u

\BRILLEN\CONTACTLENZEN\OPTOMETRIE\ \KLOOSTERSTRAAT\!$3IMPELVELD\ \ \

- 28 -

Marjo’s Magic Rythm Vuur mich is ut ing ieëer dat ich gevroaged bin ee sjtuksje tse schrieve in dizze Carnavals-sjpesjel. Ut allerieeësjte wil ich gidderinge bedanke vuur de gelukwunsje, cadoos, blomme en de belangsjtelling wie ich mie 50 joarig lidmaatsjap gevierd han van mienge verein der balletgroep Magic Rythm. Ut woar inge onvergessliche daag. Ee sjun fes en natuurlich de verrassing van der oavend wie ich oes heng van der burgemeester ing koninlijke onderscheiding kroog. Gidderinge hieël hatzeliche dank doavuur. Der balletgroep Magic Rythm is eegentlich zoee lang wie ich mich herinnere kan ongerdeel van mie leëve gewea. De ieësjte kieër dat ich han opgetroane, wees ich nog got. Dat woar op der maat i Zumpelveld als dansmarieche. Ich woar doe ee joar of 5 geleuf ich. Tzesame mit mieng mam bin ich ummer bezig mit de vrouwluuj van der dansgroep. Ieësj danset ich zelver mit, doanoa wie ich doa tse oad vuur woeëd, bin ich de klinge goa traine. Mit ing pause wie ozze zoon der Mark is geboare, han ich mich doanoa ooch op ut nieëne van de kleijjer tzowgelaat. Noe doeën ich dat noch ummer mit veul plezeer en train ich al veul joare alle drei de groepe. Giddere mondig bin ich tze vinge bij der Maxime in der zaal. Gidder joar sjpanne vier oos in um werm nuj dens tze bedinke, mit nuj kleijer en sjong die doabei passe. Ich doeën dat noch ummer mit veul sjpass en hof dit noch joare vol tse kinne howwe. Ooch ut komend caranavals-tzesoen hof ich dat vier uuch werm sjun shows kinne bringe. Namens Magic Rythm nogmaals gidderinge bedankt vuur de sjun tziet en dat vier noch lang als verein mit moage doeë aan ozze caranaval.

Margo Schreuders-Slangen.

- 29 -

- 30 -

Leef Vrung vaan d’r Zumpelvelder Vasteloavend! Vier, de Jonge vaan ’t Optsóchcommité, sjtunt alwerm paraat um uuch inge sjunne optsóch tse verzurge. Mer dis joar zal dat nit vaan alling goa. Uur weest allenuj dat i gen durp flink gebouwt wead. Dat hat och zieng oeswirking op d’r optsóch. De Maatsjtroas is aafgesjlósse, en och d’r Maat zellever kenne vuur nit mieë broeche als ontbindingsplaatsj vaan d’r optsóch. Dat heesjt dat vuur ós get nujts motte losse i-valle. Op dit moment zitse vuur um d’r dusch mit d’r Road va 11 en de gemingde um tse bekiekke wat de bétste nuj route is. Zoeëget is natuurlich nit gemekkelich, en me deet ’t in zoeë inne vaal natuurlich noeëts vuur gidderinge gód. Mer vuur hóffe dat uur begrip hat vuur de situatie en dat vuur och dis joar werm op uung mitwirking kenne rechene. Wieër zunt vuur vroeë dat vuur uuch ee nuj mitglied kenne vuursjtelle: D’r Noël Wierts. Hea is natuurlich ginge onbekande i gen durp en zal os als Tsóchkommissioneer kome versjterke. Wieër hant vuur noch tse melde dat ózze Vuursjtanksroad Franklin Schmetz al 2x11 joar bej ’t optsóchcommité is (intern jubileum). Hea wead bevurdert noa UvvesjteTsóchkommissioneer. Wieër is dis joar d’r Marc Hermans al 1x11 bej ’t optsóchcommité en bej de Woeësj-joepe. Hea is doamit HooptsTsóchkommissioneer woeëde. Doa neaver hant vuur dis joar och nuj ordens kreage, die besser aa-sjlisse bej os kostuum, en die och verwirkt weade in os nuj logo. Vier vrujje os op alles wat os dis tsezoen tse waade sjteet, en hóffe dat vuur tsezame werm ee sjun fés d’rva kenne maache. ’T Grusse uuch de Jonge vaan ’t Optsóchcommité, mit ee dreifach:

ZUMPELVELD ALAAF!!

- 31 -

Tseruukblik van der Jeugdprins Joerie 1 Leef Woeësj-joepe en Juupkes. Went dier dizze special kriet lupt mie carnavalsjoar als jeugdprins Joerie 1 langsaam aaf. ’t Is va begeen aaf ee geweldig joar gewea. In Juni kroog iech van de Mam en der Pap tse huure dat iech prins moaget weade va Zumpelveld. Dat woar vuur miech mienge gruutste wunsj. Mie sjwester Nadine wool gear mienge hofnar weade dat woar ee groeës geluk went het how al ee paar joar ervaring op zienge ruk. In juli woeët al noa ’t Belsj gevaare saame mit d’r Rutger um vuur ing prinsemutsj tse goa kieke, alling how d’r Rutger vergeasse tse vroage wienieë die Belsje d’r winkel op howwe, zoë koam ’t dat vier de weach dernoa wer tsruuk ’t Belsj op moeëte wie d’r kroam waal op woar. Diezelfde weech hant vier ooch de pins geregeld en mienge waan vuur d’r optsog oesgezoeët en doe begos ’t waade op de prinseproclamatie. Mit de Krismes hant vier ’t de res van de familie vertseld en die sjtonge natuurlich allemoal versjteld. D’r tsweide januaar zoot bei os heem de boet vol um d’r verjoardaag van mie sjwester Nadine tse vieëre dat eegelich d’r 3e verjoardaag hat Dea oavend hoëte vier dat als groëte prins d’r Maurice van d’r Erkens woar oesgeroffe en dat vonge vier al allenuj geweldig nujts. ’t Zondes woar ’t da eindelijk e zoewiet, wie ver ’t murgens de gerdienge op maachete woar ’t boesse wies van de sjnei, ee gans klee biesje opjereegt han iech miech ’t narrepak aagedoa en donoa zunt vier saame noa d’r Jos Friengs getrokke woa iech noa ing geweldige zietsong woeët geproclameerd als Prins Joerie 1. Dea oavend han iech volgens miech mie felicitaties en muultjes gehad wie ooit doavuur in mie leave! Ing weach sjpiëder woar ’t tsiet um de nuj blommekuningin tse keeze dat woët ’t Stephanie van d’r Heijze , ing geweldige aavulling bei d’r Maurice 1 mit zienge nar ’t Carmeliet en iechzelf mit mienge nar ‘t Nadine en iech bin sjtolz drop tse moage zaage dat vier binne de kotste kieëre vrung vuur ’t leave zunt gewoeëde! Vanaaf mieng proclamatie woar bow jidder weekend wel urgens get tse doë woa vier hin moëte goa soewie ’t jeugd BCL, inge janse hoof recepsies me ooch de zietsonge va anger vereins , ing van de hoeëgtepunte - 32 -

vong iech de EK sjnuutswerpe op ’t duutsj. Op d’r Vasteloavendszamstig woar ’t eindelijk tsiet vuur de generaal repetitie, saame mit d’r Bram 1 van de Huls dea nit alling mienge vrunk me ooch noch d’r uvverbuurjong is zunt vier van bei d’r “zum Ponny” in inge sjieke auto noa ’t jeugdcentrum gevaare en doa hant vier tsezaame d’r kingervasteloavend gesjtart en van doe aaf kos d’r DJ Flügel volle gaas geave drei daag lang! ’t Allersjunste woar natuurlijk d’r optsoch op d’r zondig . Doavuur wil iech de jonge van de gemeente noch ins extra bedanke die de ganse naat hant durchgewirkt um de weag sjneivrei tse maache en tse hodde! De luuj sjtonge massaal langs d’r weg en rôffete alaaf en durch alle sjnuuts dea iech moét oeswerrefe han iech van de kou gaar ging las gehad. E e paar luuj wil iech toch extra bedanke, De mam en d’r Pap, mie sjwester Nadine. Mieng oma, de tantes en de noonke vuur ’t seere van os hoes; de luuj van ’t jeugdcommitee, de jonge van d’r Elleveroad die os geweldig hant opgevange , ’t Saïda en natuurlijk d’r Minus , ’t Stephanie en ’t Carmeliet en d’r jeugdroad van Elf. Leef luuj va zumpelveld, iech han noe al ee joar gehat wat iech noëts in mie leave gon vergésse! Mienge opvolger wunsj iech dan och noe al ’t allerbetste tsow. Iech sjlis dan aaf mit ee dreifaach kräftig Zumpelveld Alaaf! Jeugdprins Joerie d’r 1e

- 33 -

HENK SCHNACKERS bekijkt het ook van de andere kant

Uw specifieke wensen, eisen en verwachtingspatroon vormen het uitgangspunt bij het leveren en plaatsen van kunststof kozijnen. Wij willen ‘samen met u één team’ zijn. Een gewaardeerde waarborg dat elke opdracht ook van uw kant wordt bekeken. U kiest voor STIPTE afspraken van offerte tot en met plaatsing, KWALITEIT in product en vakbekwame monteurs en DOORZICHTIGE lever- en garantie-voorwaarden. U kiest voor een veelzijdige onderneming, die ‘alles in één hand’ biedt om ‘samen met u’ tegen een optimale prijs-kwaliteitverhouding te beantwoorden aan uw kunststof kozijnen-wensen.

HENK SCHNACKERS KUNSTSTOF KOZIJNEN Wiebachstraat 8 • 6466 NG Kerkrade (Parkstad industrie nr. 5154) nabij RODA stadion T 045 563 05 20 F 045 563 05 19 • www.schnackers.nl

- 34 -

Blommekunnigin Stefanie I, zeat alvas dankjewel, ’t woar geweldig D’r 2e jannewaar 2010 woët d’r Maurice Erkens oesgero’fe als Prins Maurice III van C.V. De Woeësjjoepe i Zumpelveld, en d’r daag doanoa woët d’r Joerie I geproklameerd als Prins Joerie I van de kling Woeésjjüpkes. Vanaaf dat moment woar vuur miech de vonk uvver gesjlage en wo’s iech zicher dat iech miech kandidaat gong sjtelle um tsezaame mit die tsweij Hoeëgheede de rej voal tse maache als Blommekunnigin Stefanie I, en dat vuur ’t regeringsjoar 2010. Mer wat doeret dat lang bis d’r 9e jannewaar, en op ens woar d’r daag doa lot vier zaage d’r daag van de woarheed. Iech how natuurlich teage allemoal mieng vrung en bekende Lotte wisse dat iech geer Blommekunnigin wool weade dis joar, en al gauw woor dan ooch duudelijk dat iech ’t zou weade. Mieng auwesj en mienge broor woare alvas get ieder noa heem gekoame van ee weekendje mit de familie, en dat woar vuur miech dan ooch ee geweldig fes gewoëde. Tsezaame mit d’r road van elf hant vier ee geweldig programma moage beleave, allemoal tse veul um op tse neume mer ee aantal hoeëgtepunte wil iech toch geer neume. D’r mondig noa dat iech gekoaze woar moeët iech al in mie kleed sjtoa um noa de Gala-bal tse goa, en dat woar vuur miech inge van de versjillende gezellige oavende welke iech tsezaame mit d’r Maurice en d’r Joerie en de leede van d’r Road van Elf han moage mitmaache. D’r 31e jannewaar woar d’r daag van de receptie tsezaame mit d’r Prins Maurice en d’r Jeugdprins Joerie en de Galaordedraagster Zuster Marian hant vier hiel veul hengkes moage geavenwoabeij iech alvas geer dangke zaan aan allemoal die luuj, familie, vrung, kennisse en vereniginge, die sjpeciaal vuur os proficiat tse wunsje gekoame woare, dat vong iech geweldig. Op zondig d’r 14e fibberwaar woar d’r groeëte daag want toen zunt vier in d’r groeëte optschoch durch de ssjtroase van Zumpelveld moage trekke, jonge want ing menigte van luuj wat doa op os sjtong tse waade en mit veul plezeer allaaf woare an ’t ro’fe, en dat woar ee geweldig fes tsezaame mit alle luuj wat geer feste viere dunt ondanks de kou en d’r sjnej. Geer wil iech dan ooch ee paar luuj sjpeciaal bedanke en dat zunt de dames van ’t damesteam van de s.v. Zumpelveld woabeij iech geer zaan dames bedankt vuur die geweldige herinnering, ooch zaan iech geer danke aan d’r Wiely en ’t Miriam Houben, ’t Saida van d’r Big Snack en d’r Jarno en ’t Bianca van Cars en More allemoal vuur de geweldige ongersjteuning hartsjtikke bedankt doavuur. D’r letste daag van ’t tsezoen woar d’r deesdig tsezaame mit de kloone ooch ee hoe”gtepunt um nit tse vergeasse. - 35 -

Langszaam mer zicher kunt ooch noe gouw vuur miech d’r daag dat iech aftreane mo’t mer vuur dat iech dat goan doeë zaan iech geer danke aan gidderinge en in ’t biezonger mieng auwesj want oane d’r sjteun van heun how iech dat noeëts kinne beleave, en dan mieng vrung d’r Paul en ’t Mandy vuur ’t vertseere van ’t hoes en dat zie miech ummer tser zieje gesjtange hant ooch de auwesj van d’r Maurice en d’r Joerie wil iech geer persuunlich bedanke en ‘’t Jenifer mieng kapster wat ummer d’r vuur paraat sjtong dat iech ummer sjun d’rop sjtong. Ooch zaan iech geer danke aan ’t Truus vuur de blomme die durch heur ummer frisj woare. Rest miech noe nog tse zaage ee extra woad van dank aan de lede van d’r Road van Elf van de Woeësj-joepe en gidderinge dea vuur miech mie regeringsjoar als Blommekunnigin Stefanie I onvergeasliech gemaacht hant, Dankjewel. Als letste wil iech geer danke zaage en dat mit pieng in de ooge aan d’r Maurice en d’r Joerie en natuurlich ooch aan ’t Carmelita en ’t Nadien vuur de geweldige plezeerige tsiet die vier tsezame hant moage beleave, dat zal miech alle tse leave beij blieve zoe sjun wie vier ’t hant moage haan, DANKJEWEL en dan nog ins aan gidderinge oane oeszongering, vuur ’t mit leave van os regeringstsiet. Rest miech noe nog ing kier tse zaage ee dreijmoal kreftig Zumpelveld Alaaf.

- 36 -

- 37 -

Mie joar als prins als prins Maurice III Vuur miech woar ‘groeesse prins’ va Zumpelveld tse moage ziee inge dreum dea is oesgekome, sicher noadat iech in 1997 al ‘klinge prins’ woar gewea! Wie iech in mei va vurrig joar ut verlossende telefoontje kroog, woar iech dus och gans in de wolke. Ut sjwoarste woar dan och um al die monde tse motte sjwiege. Mieng familie wos d’r waal va, mit oeszongering van mie sjwesterke ut Daisy, want dat zou ut toch nit vuur zich kenne houwe. Wat is inge prins oane hofnar, dus dat moeet oech nog geregeld weade. Iech hoevet doa uvver och nit lang tse dinke wea dat zow motte ziee! Wie iech ut Carmelita doavuur vroaget woar ut antwoord da och meteen JOA! Noa al die monde waade woar ut dan och zoewiet, de proclamatie! Iech woar best wel nerveus. Samen mit mieng vrung en inge angere op de brancard (zoee liechet ut graat alsof iech ut nit zow weade) woeed iech noa vuure gebraat. D’r prizzedent d’r Patrick Leclaire kondigde miech aa als PRINS MAURICE D’R DREIDE! In ut begeen woar ut nog iffe wenne, mer wie miech al die luuj koame felicitere, koeet ut vuur miech dan och icht beginne! Wie iech ut oavends gans sjpiee heem koam, zooch iech dat miee hoes fantastisch woar verseerd in de kluure ROEE, GEAL en GRUNG. Dit howwe de mam en d’r Jan aafgesjprooche mit ut Marlies en d’r Herman Donlou. Iech wil dis luuj dan och va hatse bedanke dat zie dit vuur miech hant gedoa. Noa ee paar sjtundjes sjloffe koeet iech werrum vrug oes de veere (nit die van mieng mutsj, want dat woare d’r wel erg veul), want iech moaget noa de kingerzietsong goa. Iech woar natuurlich gans benujd wea neaver miech koam tse sjtoa als ‘klinge prins’. Noa ing geweldige zietsong woeed doa d’r Joerie I (Jaspers) als jeugdprins va de Woeesjjoepe geproclameerd. Wat han iech ing sjun tsiet gehad mit d’r Joerie, zieng auwesj en zie sjwesterke. Iech wool dus durrum och dis luuj bedanke vuur de geweldige tsiet die vuur tsezame hant moage beleave. Mer dan woar vuur nog nit compleet, want vuur miste nog ing blommekunnigin. En iech how och al mienge vuurkeur, want iech ha nummer gezaat, wint iech prins wead, da wead ut Stefanie (Heyse) mieng blommekunnigin. En gelukkig sjtoong ut Steef op ut einde va d’r oavend mit alle blomme in heng! Och wil iech va dis plaatsj ut Stefanie en zieng auwesj bedanke, want och mede dankzij dis luuj han iech ee fantasties tsezoen gehad.

- 38 -

D’r mondig doa op woar de galabal va d’r prinseroad va Zumpelveld. Wat woar dat inge sjunne oavend, mit als hoeegtepunt de oesrieching va d’r gala-orde aan de Zuster Marie-Anne. Iech woal durrum och de zuster bedanke vuur de geweldige tsiet. Doanoa koame inge ganse hoof sjun dinger, zo wie de Volkszietsong. Ut is geweldig um tse ziee wie de luuj oes eege durp zoe git sjuns op de planke kenne bringe. Inge va de hoeegtepunte woar mieng receptie. Geweldig um tse ziee wieveul luuj miech zunt koome felicitere, mit als hoeegtepunkt ut einde van de zietsong, woa mieng vrung tsezame miech inge onvergeaslieche daag hant bezurgd. Langzaam mer sicher goong ut dan och op de vasteloavend aa. Blauw sjuut, Forto oavend mit inge hoof joeks, prinsetreffe i Oche, allemoal geweldig um mit tse maache. Op vriedig vuur de vastelaovend begoon ut da echt tse kriebele. Ieesj d’r sjoeelecarnaval va de Meridiaan en ut aovends woar ut da zowiet. Iech kroog d’r sjlussel va ZUMPELVELD tijdens de sjlusseluvverdraach. De drei dol daag koeete noa richtig beginne! Noadat vuur op zamstig inge geweldige kingercarnaval houwe gehad, brooch op zondig d’r groeesse daag aan! D’r opsoch zow durch de sjtroase va Zumpelveld trikke! Mer iech woar toch wel nerveus, want de naat van tsevuure vool d’r sjnei mit bakke oes de loeet! Gelukkig hant vuur i Zumpelveld geweldige jonge va de gemeentewirke, die uvversjtonden hant gemaat um ut parkoer sjneivrij tse krieege. Jonge wat wil iech uuch va hatse bedanke, want oane uuch how iech bow ginge opsoch gehad! En wat woar ut inge geweldige opsoch, mit veul luuj langs de ziej en de jonge en meadjere va d’r voetbalkloep die vuur d’r waan hant geloofe. Langzaam met sicher goong ut richting het einde va de vasteloavend 2010 en op carnavalsdiensdig 23.11 goonge de kappe aaf. Ut doong wel pieng, mer ut woar waal ing unvergeaslieche tsiet. Vuurdat iech aaf goan sjlisse, wil iech waal ing aantal luuj geer bedanke; Op de ieesjte plaatsj mieng pap, mam, d’r Jan, mienge broor d’r Roy e n ut Dunja en mie sjwesterke ut Daisy, umdat ziee ummer vuur miech kloar sjtoonge en uvveral mit miech hing goonge. Ut Ria Grond vuur zieng hulp, Ut Marlies en d’r Herman Donlou vuur ut tseere va miee hoees. Mieng vrung, die uvveraal mit hin goonge en ummer aan mieng zie sjtoonge. Mienge jeudprins d’r Joerie en zieng familie en mieng blommekunnigin ut Stefanie en zieng familie, woar iech ing geweldige tsiet mit han gehad. Gala-orde draagster Zuster Marie-Anne en damesprinses ut Truus wil iech natuurlich och nit vergease tse bedanke. Wier wil iech och nog ut Marian en d’r Jos Beckers en d’r Theo en ut Marjo Meijer bedanke. En nit tse vergease d’r Road va Elf va de Woeesj-joepe en alle anger afdelinge. Mer inge persoen wil iech extra bedanke, dat is mienge hofnar ut Carmelita en heur vrundin ut Sandy. Iech wil dit sjtuk dan och geer aafsjlisse mit ee donderend en kreftig;

ZUMPELVELD ALAAF! - 39 -

- 40 -

- 41 -

rspoedig 2011

Voo Wij wensen u een

- 42 -

‘t Letste woad is ummer vuur d’r vuurzitter ooch in 2010 Ja leef vasteloavendsvrung, langszaam mer zicher is alwerm ee joar vuurbeij woavaan iech moag zaache, ‘t is alwerm van alles verénderd vuural vuur d’r Prinseroad, woa vier os inge ganse hoof zurch vuur gemaacht hant is alwerm daat iech waal got gekoame neamlich de veréndering va eegeneer van ‘t Partycentrum Frijns noa Partycentrum “IL FINESSE”. Vuurop gesjteld wille vier natuurlich danke zaage vuur de sjun en gezellige 41 joare op welke maneer woa vier ummer tsezaame hant moage wirreke mit d’r Jos Frijns van kings aaf hat hea os ummer mit road en daad beijgesjtange, en zicher vuur zieng financiele beijdrage gidder joar, wille vier natuurlich geer danke zaage vuur al die joare. Zicher sjteet, dat alles vuur os werm op nuij begonne is, mer ee dingk is zicher ooch d’r Raymond en ’t Simone wille vier alvas bedanke vuur de manneer woaop zie os hant ontvange vuur ’t organisere van de Herrezietsong. Ooch wille vier heun alvas veul succes wunsje en zicher hoffe dat vier werm mienstens 40 joar mit heun wiër kinne in os daat iech waal i-gewikkeld verhaal. Mer ee dingk is zicher dat vier al van de mitwirking nit alling van d’r Raymond en ’t Simone mer zicher ooch van de ganse Fam Vaessen inge werme ontvangst hant moage beleave. Zicher in de beleaving van dea opzet van dea nuij i-gerichte zaal, en da nog ens ing kier woa kiet me urgens onger ing Herrezietsong van die lekker hapjes vuur gesjotteld. Raymond dankjewel, dat woar geweldig! Inge road wil iech daan ooch aan alle luuj kwiet, komt zelver mer kieke op d’r 17e jannewaar went vier werm in dizze zaal mit d’r zelfde opzet de Gala-Bal moage hoade, ooch doa zunt werm van allerhand sjpannende momente tse beleave zoewie ’t bekend maache van d’r Galaordedrager(ster) 2011. Doa umhin hat d’r Prinse-road werm vuur een gevarieerd programma gezurgd en iech geleuf dat ’t werm super geet weade. Dus verzichert uuch van ing entreekaat zoedat dier zicher van inge sjtool zut, want doa zunt zoe wie dier wit mer alling zitplaatsje, en dan hitsj ’t ummer op is op. Went vier wier kieke noa de vasteloavendsdaag zelf, dan kinne vier os dis joar richtig got oesleave want vier kinne dis joar echt lang geniette want dis joar mote vier echt ee paar moal d’r antsoch lotte reinige vuur dat hea werm vuur ee tsietje voet gehange weat en angesj loofe vier ’t gevoar dat vier hem voet kinne zette. Wat de vasteloavend zelver betreft hoffe vier werm op ee auwerwets Zumpelvelder fés in gen durp. En went vier dat hant gehad kint d’r Prinse-road zich langzaam goa op maache vuur ‘t 5x11 joarig jubileum in 2012, en iech geleuf dat ’t daan get sjpeciaals geet weade, mer doa uvver de nieëkste oesgaaf van d’r Special 2012 mieë. Noe rest miech nog dat iech alvas gidderinge ee gelukkig en gezongk nui-joar tsow wil wunsje en hoffentlich koome vier os op ing van die versjillende fesdaag teage zoedat iech dat nog persuënlich ken doeë. Daan wil iech nog geer gidderinge oane oeszongering bedanke vuur welk ing manneer daan ooch woa vier ’t aafgeloofe joar d’r sjteun van hant gehad. Nogmaals dankjewel allemoal, zoe wie iech dat ummer zaan “Bedankt vuur ’t mithelle” alwerm. Tsezaame rófe vier dan ooch geer oes ee dreij-moal krèftig Woeësj-joepe Alaaf. - 43 -

- 44 -