MERUAN DALAM PENGERINDU PETARA

‘MERUAN DALAM

PENGERINDU PE TARA’

s

lv-IA 140815

ˇ Baka ni nuan ulih nunjukka diri amat rinduka Petara? ˇ Baka ni nuan nemu kemaya nuan ulih arapka ati nuan? ˇ Baka ni chara nuan milih orang ke enggau begulai nunjukka sapa nuan nya? ˇ Nama kebuah chara nuan meda penguasa bekaul enggau chara Petara meda nuan? ˇ Nama kebuah ngasika ajar Petara pasal ulah ulih nguntungka nuan? ˇ Baka ni nuan ulih puas ati enggau kereja nuan? ˇ Nama ulih nulung nuan ngemansangka pengeran deka ngasika Jehovah?

‘MERUAN DALAM

PENGERINDU PE TARA’ BUP TU DIEMPU

Photo Credits: ˛ Page 134: Mixa/age fotostock ˛ Page 201: ˘ bilderlounge/Tips RF/age fotostock

˘ 2014 Watch Tower Bible and Tract Society of Pennsylvania ‘Meruan Dalam Pengerindu Petara’ PENGELUAR

Watchtower Bible and Tract Society of New York, Inc. Wallkill, New York, U.S.A. Chelak Jun 2015 Bup tu disedia kena belajarka Bup Kudus di serata dunya. Disukung ari pemeri nitihka peneka ati diri. Semua ayat Bup Kudus diambi ari Bup Kudus Baru Iban. NW dikena nyalin ayat Bup Kudus ke diambi ari New World Translation of the Holy Scriptures dalam jaku English. “Keep Yourselves in God’s Love” Iban (lv-IA) Made in Japan Digaga ba Jipun

RIPIH ISI PELAJAR

LAMBAR

1. ‘Reti Rinduka Petara’ 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 5 2. Baka Ni Nuan Ulih Ngetanka Ati ti Beresi? 9 9 9 9 9 9 9 9 9 9 9 9 14 3. Rinduka Sida ti Dikerinduka Petara 9 9 9 9 9 9 9 9 9 9 9 9 9 9 9 9 9 24 4. Nama Kebuah Bebasaka Penguasa? 9 9 9 9 9 9 9 9 9 9 9 9 9 9 9 9 9 36 5. Baka Ni Nyeraraka Diri Ari Dunya 9 9 9 9 9 9 9 9 9 9 9 9 9 9 9 9 9 9 50 6. Baka Ni Milih Pemerindang ti Badas 9 9 9 9 9 9 9 9 9 9 9 9 9 9 9 9 62 7. Kati Nuan Bebasaka Nyawa Baka Petara? 9 9 9 9 9 9 9 9 9 9 9 9 9 74 8. Petara Rinduka Orang ti Tuchi 9 9 9 9 9 9 9 9 9 9 9 9 9 9 9 9 9 9 9 9 9 86 9. “Seliahka Ulah ti Kamah” 9 9 9 9 9 9 9 9 9 9 9 9 9 9 9 9 9 9 9 9 9 9 9 9 97 10. Pengawa Melaki-bini—Pemeri Ari Petara 9 9 9 9 9 9 9 9 9 9 9 9 9 110 11. “Awakka Adat Melaki-Bini Dibasa” 9 9 9 9 9 9 9 9 9 9 9 9 9 9 9 9 9 121 12. “Nyebut Jaku ti Manah Kena Ngemansangka” 9 9 9 9 9 9 9 9 133 13. Pengerami ti Enda Ngerinduka Ati Petara 9 9 9 9 9 9 9 9 9 9 9 9 144 14. Lurus ba Semua Pekara 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 160 15. Lantang Ati Meda Asil Kereja Kitai 9 9 9 9 9 9 9 9 9 9 9 9 9 9 9 9 9 171 16. Laban Meh Sitan Sereta Chara ti Dikena Iya Nipu 9 9 9 9 9 183 17. “Negapka Pengarap Kita ti Pemadu Kudus” 9 9 9 9 9 9 9 9 9 9 196 Penerang 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 206

Nuju Orang ke Rinduka Jehovah:

“Kita deka nemu pemendar, lalu pemendar deka ngelepaska kita,” ku Jesus. (John 8:32) Kati jaku tu meransang nuan? Ya, taja pan kitai diau ba “hari ti penudi” ke penuh enggau pemula, kitai ulih tetemuka pemendar. (2 Timoti 3:1) Agi nuan ingat maya nuan baru nemu pemendar ke dipadah ari Bup Kudus? Maya nya, nuan balat amat gaga ati! Taja pan kitai patut ngulihka penemu ti bendar ari Bup Kudus, lalu selalu bekunsi ke pemendar nya enggau orang bukai, kitai mega patut idup sejalai nitihka pemendar nya. Kena ngereja tu, kitai patut meruan dalam pengerindu Petara. Baka ni? Jaku Jesus ba malam sebedau iya mati nyaut tanya tu. Ku iya madah ngagai bala rasul iya ke tetap ati: ‘Enti kita ngasika pesan aku, kita deka meruan dalam pengerindu aku, baka aku ke udah ngasika pesan Apai, lalu meruan dalam pengerindu Iya.’—John 15:10. Peratika, Jesus meruan dalam pengerindu Petara laban iya nitihka pesan Apai iya. Pia mega enggau kitai kemaya hari tu. Ngambika meruan dalam pengerindu Petara, kitai patut nitihka pemendar nya ba pengidup ninting hari. Ba malam ti sama, Jesus madah: “Enti kita nemu utai tu, kita bulih berekat enti kita ngereja sida.”—John 13:17. Arapka bup tu ulih terus nulung nuan nitihka pemendar ari Bup Kudus ba pengidup, ngambika nuan ‘meruan dalam pengerindu Petara . . . ngagai pengidup ti meruan belama iya.’—Jude 21. Orang ti Megai Saksi-Saksi Jehovah

PELAJAR 1

‘Reti Rinduka Petara’ ‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’ —1 JOHN 5:3.

KATI NUAN rinduka Petara? Enti nuan udah nyerahka diri ngagai Petara Jehovah, nuan tentu deka nyaut “Ya.” Kitai endang patut rinduka Jehovah, laban tu chara kitai malas pengerindu ari Iya. Bup Kudus madah: ‘Kitai rindu laban Petara udah dulu rinduka kitai.’—1 John 4:19. 2 Jehovah udah dulu ngayanka pengerindu Iya. Iya meri kitai dunya ti manah endur diau. Iya nyediaka utai ti diguna kitai. (Matthew 5:43-48) Iya nyaga utai ti diguna kitai ba pengarap. Iya meri kitai Bup Kudus. Nambahka nya, Iya ngasuh kitai besampi ngagai Iya sereta besemaya deka ningaka sampi kitai, lalu deka meri roh kudus kena nulung kitai. (Masmur 65:2; Luke 11:13) Kelebih agi, Iya ngirum Anak ti pemadu dikesayau Iya nyadi Penebus ngambika kitai ulih dilepaska ari dosa enggau pemati. Naka meh pemesai pengerindu Jehovah ke kitai!—Bacha John 3:16; Rome 5:8. 1, 2. Nama kebuah nuan rinduka Petara Jehovah? 5

Nyerahka diri enggau baptisa nya tanda kitai berengkah ngasika Jehovah

Jehovah deka kitai meruan bulih penguntung ari pengerindu Iya. Tang, tu bepanggai ba kitai empu. Bup Kudus meransang kitai: ‘Meruan dalam pengerindu Petara . . . ti deka mai kitai ngagai pengidup ti meruan belama iya.’ (Jude 21) Leka jaku “meruan” nunjukka kitai patut terus ngereja utai. Kitai patut malas pengerindu Iya ngena chara ti patut. Tang 3

3. (a) Nama patut digaga kitai enti deka meruan dalam pengerindu Petara? (b) Nama tanya ti patut diperundingka kitai, lalu dini kitai tau bulih saut iya?

‘Reti Rinduka Petara’

7

tanya ti patut diperundingka kitai, ‘Baka ni aku nunjukka pengerindu ngagai Petara?’ Rasul John nyaut: ‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’ (1 John 5:3) Kitai patut meratika reti ayat tu laban kitai deka ngayanka diri amat rinduka Petara. ‘RETI RINDUKA PETARA’

Nama utai ku rasul John maya iya nulis ‘reti rinduka Petara’? Dia iya madah pasal pengerindu kitai ngagai Petara. Ulih nuan ingat kemaya nuan belabuh rinduka Jehovah? 5 Kingatka maya nuan baru belajarka pemendar pasal Jehovah enggau tuju Iya, lalu manggaika pengarap ba Iya. Ari nya nuan ulih nemu, nuan mensia ti bedosa lalu nadai kaul enggau Petara. Taja pia, Jehovah udah ngena Jesus muka jalai ngambika nuan tau bulih pengidup ti sempurna ke udah dilenyauka Adam. (Matthew 20:28; Rome 5:12, 18) Nuan tentu beterima kasih ngagai Jehovah ke udah nebus nuan ngena Anak Iya. Tu ngasuh nuan belabuh rinduka Petara ke udah ngayanka pengerindu ti dalam ngagai nuan.—Bacha 1 John 4:9, 10. 6 Tang, rinduka Jehovah nya semina pun aja. Pengerindu ti bendar ukai semina asai ati tauka nyebut, “Aku rinduka Jehovah.” Baka pengarap, pengerindu ti bendar diayanka ari pengawa. (James 2:17) Reti iya, pengerindu ti diayanka ari pengawa ngagaka 4

4, 5. (a) Nama ‘reti rinduka Petara’? (b) Terangka baka ni nuan belabuh rinduka Jehovah. 6. (a) Baka ni pengerindu ti bendar diayanka? (b) Pengerindu ngagai Petara nulung nuan ngereja nama?

‘Meruan Dalam Pengerindu Petara’

8

ati orang ti dikesayau. Pia mega, enti nuan udah balat rinduka Jehovah, nuan deka nitihka chara pengidup ti ngelantangka ati Jehovah. Kati nuan Saksi ti udah dibaptisa? Enti udah, pengerindu enggau penaluk ngagai Jehovah nulung nuan mutuska utai ti pemadu beguna ba pengidup. Nuan nyerahka diri ngagai Jehovah deka ngereja peneka Iya, lalu dibaptisa. (Bacha Rome 14:7, 8.) Baka ni nuan ulih ngamatka semaya nuan ngagai Jehovah? Peratika nama dipadah rasul John. “KITAI NGASIKA PESAN IYA”

John nerangka reti rinduka Petara: “Kitai ngasika pesan Iya.” Nama pesan Petara? Jehovah meri kitai sekeda pesan enggau terang ba Bup Kudus. Chunto, Petara enda ngasuh orang mabuk, ngereja ulah ti kamah, nyembah engkeramba, ngenchuri enggau bula. (1 Korint 5:11; 6:18; 10:14; Epesus 4:28; Kolosi 3:9) Ngasika pesan Petara reti iya kitai idup sejalai nitihka ajar Iya ti udah dipadah enggau terang ba Bup Kudus. 8 Nama patut digaga kitai ngambika ngerinduka ati Jehovah? Kitai ukai semina ngasika ukum Petara, tang patut nemu chara Iya berunding. Jehovah enda nyediaka semua ukum ti patut dikena ba pengidup kitai. Bisi maya iya, Bup Kudus enda madah enggau terang pasal sekeda pekara. Nya alai, kitai patut ngaga pemutus kediri empu. Bup Kudus enggau terang 7

7. Nama sekeda ari pesan Petara, lalu ngasika pesan nya nyengkaum nama? 8, 9. Baka ni kitai ulih nemu utai ti ngerinduka ati Jehovah, taja pan enda dipadahka enggau terang ba Bup Kudus? Beri chunto.


9

madahka chara Jehovah berunding. Lebuh belajarka Bup Kudus, kitai belajar pasal utai ti dikerindu enggau utai ti dipegedi Jehovah. (Bacha Masmur 97:10; Jaku Dalam 6:16-19) Kitai deka nemu ulah enggau pengawa ti ngerinduka ati Iya. Mayuh agi kitai belajar pasal pemanah enggau chara Jehovah ngereja pengawa, deka agi kitai nitihka chara Iya berunding. Nya alai, taja pan ukum ba Bup Kudus pasal sekeda pekara enda dipadah enggau terang, kitai ulih nemu “semua peneka Tuhan.”—Epesus 5:17. 9 Chunto, Bup Kudus nadai madahka kitai pasal cherita wayang tauka program TV ti ngayanka penyai tauka ulah kamah ti enda tau dipeda. Kati kitai amat begunaka ukum ti madahka enggau terang kitai enda tau meda cherita nya? Kitai nemu runding Petara pasal semua utai nya. Bup Kudus madah: “Iya [Jehovah] begedika orang ke mangah.” (Masmur 11:5) Iya mega madah: ‘Petara deka ngakim orang ke ngereja ulah ti kamah, enggau orang ke butang.’ (Hebrew 13:4) Enggau beratika ayat tu, kitai nemu utai ti dikedeka Jehovah. Nya alai, kitai anang teperindang meda cherita ba wayang, internet, TV enggau utai bukai ke ngayanka pengawa ti dipegedi Petara. Kitai ngerinduka ati Jehovah enti kitai enda meda pemerindang ti ngayanka ulah ti jai.1 10 Nama kebuah kitai deka nitihka pesan Petara? Nama kebuah kitai deka idup sejalai nitihka penemu 1 Peda Pelajar 6 ba bup tu, ngambika nemu baka ni chara milih pemerindang ti manah. 10, 11. Nama kebuah kitai milih ngasika Jehovah, lalu baka ni kitai nunjukka diri ngasi?

10


Petara ninting hari? Kitai milih chara pengidup nya ukai ketegal kitai deka rari ari kena ukum tauka nyeliahka utai ti tau ngemedis. (Galatia 6:7) Tang, kitai ngasika Jehovah laban nya peluang manah dikena ngayanka pengerindu ngagai Iya. Baka seiku anak ke keran deka ngagaka ati apai iya, kitai mega keran deka ngagaka ati Jehovah. (Jaku Dalam 23:15) Iya Apai kitai, lalu kitai rinduka Iya. Nadai utai ti ulih ngelantangka tauka ngemuaska ati kitai, kelimpah ari ngasuh ‘Jehovah gaga ati.’—Jaku Dalam 12:2. 11 Nya alai, kitai ngasika Petara ukai ketegal dipejal.1 Kitai ukai semina ngasi maya senang tauka maya bisi penanggul ti mit aja. Tang, maya bisi penanggul ti besai, kitai pan patut ngasi “enggau pengabis ati.” (Rome 6:17) Kitai ngasaika utai ti ditulis pemasmur ba Bup Kudus ke madah: “Aku gaga ati ke pesan Nuan ti dikerinduka aku.” (Masmur 119:47) Ya, kitai rindu deka ngasika Jehovah. Kitai nemu kitai endang patut ngasika Iya enggau pengabis ati, ukai ketegal dipejal. (Ulang Adat 12:32) Kitai deka Jehovah muji kitai baka Iya muji Noah ke ngasika Iya. Bup Kudus madah: ‘Noah lalu ngereja semua utai nitihka asuh Petara.’—Pemungkal 6:22. 12 Baka ni asai ati Jehovah enti kitai ngasika Iya? Bup Kudus madah kitai ngasuh Iya “lantang ati.” (Jaku Dalam 27:11) Kati kitai ke ngasi amat ngagaka 1 Indah bala antu ke jai semadi deka ngasika Jesus. Lebuh Jesus ngasuh bala antu ke jai pansut ari sekeda orang ke dirasuk sida, bala antu nadai chara bukai tang ngaku kuasa Jesus lalu ngasika iya. —Mark 1:27; 5:7-13. 12. Ni maya kitai ngagaka ati Jehovah?


11

ati Jehovah? Amat, lalu bisi kebuah ti manah mega! Lebuh Jehovah ngaga kitai, Iya meri kitai peluang bibas milih. Reti iya kitai ulih milih deka ngasika Petara tauka enda. (Ulang Adat 30:15, 16, 19, 20) Enti kitai ngasika Jehovah ketegal kitai balat rinduka Iya, kitai ngagaka ati Iya. (Jaku Dalam 11:20) Kitai mega milih jalai pengidup ti pemadu manah. “PESAN IYA UKAI UTAI TI MAR DITITIHKA”

Pasal pesan Jehovah, rasul John nulis: “Pesan Iya ukai utai ti mar dititihka.” Leka jaku Gerika “mar” ba 1 John 5:3 reti iya “berat.”1 Peneka Jehovah ulih diterima tauka enda mar dititih. Ukum Iya ulih dititihka mensia ti enda sempurna. 14 Chunto, kaban rapat nuan minta tulung maya iya pindah ke rumah baru. Iya bisi mayuh kutak deka diangkut. Sekeda kutak nya lempung, lalu ulih diangkat kediri. Tang bisi mega kutak ke berat, lalu patut diangkat dua iku orang. Kaban nuan milih kutak ke ulih diangkat nuan. Deka iya ngasuh nuan ngangkat kutak ke enda ulih diangkat nuan kediri? Enda. Iya nemu nya ulih ngemedis nuan. Pia mega, Petara ti bisi pengerindu enda meri pesan ti kelalu mar dititihka nuan. (Ulang Adat 30:11-14) Iya enda ngasuh kitai ngereja utai ti ngenusah. Jehovah 13

1 Leka jaku Gerika ti sama dikena nyalin “berat” ba 1 John 5:3 mega dikena ba Matthew 23:4 kena ngambarka utai ti “berat,” iya nya atur sereta adat ti digaga sida pengajar Adat enggau orang Parisi ke orang mayuh. 13, 14. Nama kebuah pesan Petara “ukai utai ti mar”? Beri chunto.

12


nemu naka ni kitai ulih nitihka pesan Iya laban “Iya nemu utai ti udah dikena ngaga kitai. Iya ingatka kitai tu endang amau.”—Masmur 103:14. 15 Pesan Jehovah enda mar dititih. Pesan Iya nguntungka kitai. (Bacha Isaiah 48:17.) Nya alai, Moses ulih madah ngagai orang Israel kelia menya: ‘Jehovah Petara kitai lalu ngasuh kitai ngasika semua adat nya, lalu nangika Iya. Enti kitai ngereja nya, Iya deka seruran ngemataka bansa kitai, lalu ngasuh bansa kitai seruran kaya-raja.’ (Ulang Adat 6:24) Kitai mega pechaya Jehovah meri kitai ukum ngambika kitai meruan bulih penguntung. Baka ni nya? Jehovah nya Petara ti bisi pemintar enggau penemu. (Rome 11:33) Nya alai, Iya nemu utai ti pemadu manah ke kitai. Jehovah mega endang pengerindu. (1 John 4:8) Sebarang utai ti disebut enggau digaga Iya bisi kaul enggau pengerindu. Nya alai, semua pesan ti diberi Jehovah ngagai nembiak Iya bepun ari pengerindu. 16 Tang, tu ukai reti iya ngasika Petara nya utai ti senang digaga. Kitai patut ngelaban utai ti jai ba dunya tu laban “semua dunya di baruh kuasa Sitan.” (1 John 5:19) Kitai mega patut belaban enggau tubuh ti enda sempurna ke selalu deka ngelanggar ukum Petara. (Rome 7:21-25) Tang, pengerindu kitai ngagai Petara ulih ngasuh kitai menang. Jehovah merekat orang ke rindu sereta ngasika Iya. Iya meri roh kudus “ngagai orang ke ngasika Iya.” (Kereja Rasul 15. Nama kebuah kitai pechaya pesan Jehovah meri penguntung ngagai kitai? 16. Nama kebuah kitai deka ngasika Petara, taja pan kitai enda sempurna sereta idup ba dunya ti jai?


13

5:32) Roh kudus ngasilka pemanah ti ulih nulung kitai ngasika Petara.—Galatia 5:22, 23. 17 Ba bup tu, kitai deka meratika ajar Jehovah pasal utai ti patut dikereja kitai, lalu baka ni asai ati Iya pasal pemutus ke digaga kitai ba pengidup ninting hari. Enggau tu, kitai patut beratika sekeda pekara ti beguna. Kesatu, Jehovah enda kala mejal kitai ngasika ukum enggau ajar Iya; Iya deka kitai ngasika Iya ari ati. Kedua, Jehovah deka kitai idup nitihka chara ti ulih mai berekat diatu, lalu nuju pengidup belama iya. Ketiga, enti kitai ngasika Jehovah enggau pengabis ati, kitai nunjukka diri amat rinduka Iya. 18 Kena nulung kitai nemu utai ti betul enggau utai ti salah, Jehovah meri kitai asai ati ti beresi. Tang, asai ati ti beresi patut dilatih ngambika ulih ngiring kitai enggau manah. Ba Pelajar 2 kitai deka belajarka pekara tu. 17, 18. (a) Nama deka diperatika kitai ba bup tu, lalu nama patut dikingatka kitai? (b) Nama deka dipelajarka ba Pelajar 2?

NAMA RUNDING NUAN? ˇ Baka ni nembiak Jehovah ngasika Iya, lalu nama kebuah kitai patut beratika utai tu? —Ulang Adat 5:28-33. ˇ Baka ni Jehovah meda pengawa kitai ke ngasika Iya?—1 Samuel 15:22, 23. ˇ Nama ulih dipelajarka kitai ari Jesus ke ngasika Petara?—John 8:29. ˇ Nama kebuah kitai patut ngasika Jehovah? —Pemandang 4:11.

PELAJAR 2

Baka Ni Nuan Ulih Ngetanka Ati ti Beresi? “Intu ati kita beresi.” —1 PETER 3:16.

PIKIRKA seiku orang benung bejalai maya malam hari. Nama patut dibai iya ngambika enda labuh, lalu nentuka nadai utai nyadi ba iya? Iya patut ngemai lampu pichit dikena betenggauka jalai. 2 Enti nuan nadai lampu pichit, nuan enda ulih meda jalai. Nuan engka labuh tauka utai ti enda manah engka nyadi ba nuan. Lampu pichit ulih nyelamatka nuan. Iya disempamaka baka ati kitai ke diberi Jehovah. (James 1:17) Ati ulih ngiring kitai. Enti diguna enggau manah, ati ulih nulung kitai bulih pengidup ti menyana. Aram kitai beratika baka ni ati ulih diguna. Kitai deka berandauka: (1) Baka ni penemu ba ati ulih dilatih, (2) nama kebuah kitai patut berundingka ati orang bukai, lalu (3) baka ni ngetanka ati ti beresi ngenataika berekat. NAMA RETI ATI, LALU BAKA NI ATI ULIH DIGUNA 3 Dalam Bup Kudus, “ati” reti iya “penemu ba diri empu.” Enda baka utai idup bukai ba dunya tu, Petara ngaga kitai ngambika ulih ngelala diri empu. Kitai ulih meresa diri empu sereta ngelala utai ti betul enggau sa1, 2. Nama kebuah orang begunaka lampu pichit maya bejalai malam hari, lalu baka ni lampu pichit disempamaka baka ati? 3. Nama reti “ati,” lalu nama kebuah mensia enda baka utai idup ti bukai?

Baka Ni Nuan Ulih Ngetanka Ati ti Beresi?

15

lah. Ati baka hakim, iya ulih nulung kitai meresa pengawa, ulah enggau utai ti dipilih kitai. Iya nulung kitai ngaga pemutus. Enti kitai ngaga pemutus ti manah, kitai bulih pengelantang. Tang enti kitai ngaga pemutus ti salah, kitai deka bulih penusah. 4 Kenyau ari pun mensia udah digaga ngembuan penemu ba ati diri empu. Adam seduai Hawa nunjukka diri bisi penemu ba ati diri empu. Seduai iya nemu malu pengudah bedosa. (Pemungkal 3:7, 8) Tang sayau amat, pengudah ngelanggar ukum Petara, ati seduai iya enda ulih nulung baka ke udah. Enggau tu, seduai iya sengaja ngelaban Petara Jehovah enggau ukum Iya. Laban sempurna, seduai iya nemu utai ti udah digaga diri. Nya alai, seduai iya enda ulih pulai baru ngagai Petara. 5 Enda baka Adam seduai Hawa, mayuh mensia ke enda sempurna nejuka diri diiring ati ti beresi. Chunto, Jop madah: “Aku enggai sekali-kali badu ngumbai diri ngena. Aku endang nemu diri nadai udah ngereja utai ti salah.” (Jop 27:6) Jop endang bisi ati ti beresi. Iya nejuka ati iya ngiring iya ngereja pengawa enggau ngaga pemutus. Nya alai, ati iya enda ngukum, ngemalu sereta nyalahka iya. Peratika bida entara Jop enggau David. Lebuh David enda bebasaka Saul, raja ke dipilih Jehovah, “David belabuh enda nyamai ati.” (1 Samuel 24:5) Tu mai penguntung ngagai David. Iya ngajar David ngambika enda ngulang penyalah nya agi. 6 Kati semina nembiak Jehovah ke bisi penemu ba ati? Peratika jaku rasul Paul: “Orang bansa bukai nadai 4, 5. (a) Baka ni kitai nemu Adam seduai Hawa bisi penemu ba ati diri empu, lalu nama penyadi ketegal seduai iya ngelanggar ukum Petara? (b) Beri chunto nunjukka ati ti beresi ulih nulung nembiak Petara. 6. Nama nunjukka semua orang bisi penemu ba ati?


16

ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat. Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadangkadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah.” (Rome 2:14, 15) Indah orang ke enda nemu ukum Jehovah kekadang diiring penemu ba ati sida nitihka ukum Jehovah. 7 Taja pia, penemu ba ati kekadang ulih salah. Nama kebuah? Kingatka chunto lampu pichit. Enti iya deka abis bateri, iya enda ulih nenggau jalai enggau terang. Baka nya mega enggau penemu ba ati kitai. Enti kitai enda belajarka Bup Kudus, kitai engka enda ulih ngelala bida entara utai ti betul enggau salah. Pia mega, enti kitai bisi pengingin ati ti salah, penemu ba ati ulih mai kitai ngagai jalai ti salah. Ngambika penemu ba ati ulih diguna, kitai begunaka iring roh kudus Jehovah. Paul nulis: ‘Ati aku ti beresi diiring roh kudus lebuh aku besaksi.’ (Rome 9:1) Baka ni kitai ulih nentuka ati kitai sejalai enggau roh kudus Jehovah? Kitai patut matih iya. BAKA NI PENEMU BA ATI ULIH DILATIH

Baka ni nuan ulih ngaga pemutus nitihka penemu ba ati? Sekeda orang nitihka peneka ati maya ngaga pemutus. Sida engka ngumbai, “Tu enda ngachau aku.” Pengingin ati ulih ngachau penemu ba ati. Ku Bup Kudus: “Sapa nemu ati mensia? Nadai utai ti nemu agi nga8

7. Nama kebuah penemu ba ati kekadang ulih salah? 8. (a) Baka ni pengingin ati ulih ngachau penemu ba ati, lalu nama patut dikemeratka kitai maya ngaga pemutus? (b) Nama kebuah bisi ati ti beresi aja enda chukup? (Peda nota ba baruh lambar.)


17

kal ari ati mensia. Iya kelalu balat sakit lalu enda ulih digeraika.” (Jeremiah 17:9) Enti pia, utai ti dikingin ati enda patut dikemeratka maya ngaga pemutus. Tang, kitai patut ngemeratka utai ti ngerinduka ati Petara Jehovah.1 9 Enti pemutus digaga nitihka penemu ba ati ke udah dilatih, nya nunjukka kitai nangika Petara, ukai nitihka pengingin ati diri empu. Chunto, Nehemiah bisi kuasa minta penyampau chukai ti patut dibayar orang ba Jerusalem. Tang, iya enda ngereja nya. Nama kebuah? Iya enggai ngenusahka nembiak Jehovah enggau ngasuh Iya enda lantang ati. Ku Nehemiah: ‘Aku enda baka nya, laban aku nangika Petara.’ (Nehemiah 5:15) Kitai patut nangika Apai ti di serega. Tu meransang kitai ngiga iring ari Bup Kudus maya ngaga pemutus. 10 Chunto, peratika pasal ngirup ai bisa. Kitai ulih nanya diri empu, Ulih aku ngirup ai bisa maya begelumu? Kesatu, kitai patut berundingka nama ajar Bup Kudus pasal pekara tu. Bup Kudus madah Petara nadai nagang enti kitai ngirup ai bisa enggau pengumbas iya. Tang, Bup Kudus muji Jehovah ketegal meri wain kena ngelantangka ati mensia. (Masmur 104:14, 15) Taja pia, Bup Kudus nagang orang ke ngirup ai bisa kelalu mayuh 1 Bup Kudus madah bisi ati ti beresi aja enda chukup. Chunto, Paul madah: “Aku nadai nemu diri udah ngereja penyalah, tang ukai reti nya aku nadai penyalah. Tuhan ke ngakim aku.” (1 Korint 4:4) Indah Paul ke merinsa orang Kristian menya engka ngereja nya ari ati ti beresi, laban sida ngumbai Petara ngemendarka pengawa sida. Nya alai, ati kitai ukai semina beresi ba mata kitai empu, tang mega beresi ba mata Petara.—Kereja Rasul 23:1; 2 Timoti 1:3. 9. Nama reti nangika Petara, lalu baka ni tu bekaul enggau penemu ba ati kitai? 10, 11. Nama ajar Bup Kudus pasal ai bisa ti patut diperatika, lalu baka ni kitai ulih nitihka iring Petara pasal pekara tu?

18


sereta kelalu ragak maya ngirup. (Luke 21:34; Rome 13:13) Nambahka nya, Bup Kudus madah mabuk nya penyalah ti besai, sama baka ngereja ulah ti kamah.1 —1 Korint 6:9, 10. 11 Orang Kristian nitihka ajar Bup Kudus kena matih penemu ba ati iya. Enggau tu, iya ulih ngelala bida entara utai ti betul enggau salah. Nya alai, maya ngaga pemutus sekalika deka ngirup ai bisa tauka enda, kitai patut nanya diri empu: ‘Nama kebuah pengawa begelumu nya diatur? Kati iya ragak sereta enda ulih ditagang? Baka ni aku empu deh? Kati aku begunaka ai bisa kena rari ari penusah? Kati aku tetagangka diri deka ngirup?’ Lebuh beratika ajar Bup Kudus enggau berundingka tanya tu, kitai patut besampi minta iring ari Jehovah. (Bacha Masmur 139:23, 24.) Enggau tu, kitai minta Jehovah ngiring kitai ngena roh kudus Iya. Kitai mega matih ati kitai ngambika sejalai enggau ajar Bup Kudus. Tang, bisi agi utai ti patut diperundingka kitai maya ngaga pemutus. NAMA KEBUAH KITAI PATUT BERUNDINGKA ATI ORANG BUKAI? 12 Nuan engka enda nyangka penemu ba ati orang Kristian enda sebaka. Sekeda ngumbai siti-siti pengawa nya enda salah; sekeda agi ngumbai iya salah. Chunto, bisi orang ngumbai enda salah ngirup ai bisa maya begelumu enggau pangan diri. Tang, bisi sekeda orang enda nyamai ati enggau pengawa nya. Nama kebuah ati 1 Mayuh lutur madah orang ke gian ngirup enda ulih ngirup ai bisa, taja pan pengumbas iya; ba sida, “pengumbas iya” reti nya sida enda tau ngirup ai bisa agi. 12, 13. Nama kebuah penemu ba ati orang Kristian enda sebaka, lalu baka ni kitai mutarka pekara tu?


19

sida tau enda sebaka, lalu baka ni tu bekaul enggau pemutus ti deka digaga kitai? 13 Mayuh kebuah ati orang enda sebaka enggau pangan diri. Chara pengidup sida enda sebaka. Bisi mega nemu pengelemi diri laban kala tusah muai pengawa ti ditagang Bup Kudus. (1 Raja 8:38, 39) Chunto, orang ke kala gian ngirup enda nyamai ati enti meda ai bisa. Enti iya datai ke rumah nuan, ati iya engka nagang iya ngirup ai bisa. Patut nuan enda nyamai ati? Patut nuan ngansak iya ngirup? Enda. Sekalika nuan nemu kebuah iya enggai ngirup tauka enda, pengerindu nuan ngagai iya deka ngasuh nuan berundingka ati iya. 14 Rasul Paul beratika penemu ba ati orang Kristian maya kurun keterubah selalu enda sebaka enggau pangan diri. Bisi sekali, sekeda orang Kristian enda nyamai ati pasal pemakai ti udah diberi ngagai engkeramba ke dijual ba kedai. (1 Korint 10:25) Tang, tu enda ngachau ati Paul. Paul nemu engkeramba ukai utai idup, lalu semua pemakai datai ari Jehovah sereta enggi Iya. Paul mega nemu, orang bukai enda sepenemu enggau iya pasal utai tu. Sekeda engka nyembah engkeramba sebedau nyadi orang Kristian. Nya alai, sebarang utai ti bisi kaul enggau nyembah engkeramba ulih ngasuh sida enda nyamai ati. Baka ni Paul mutarka pekara tu? 15 Paul madah: ‘Kitai ke kering patut sabar enggau orang ke lemi, lalu ukai deka ngelantangka diri empu aja. Laban Kristus ukai datai ngelantangka diri.’ (Rome 15:1, 3) Nitihka Paul ditu, kitai patut berundingka ati bala menyadi Kristian, baka Jesus empu. Pasal pekara tu, Paul madah iya tau enda makai dagin enti nya 14, 15. Nama utai ti ngasuh ati orang Kristian maya kurun keterubah enda sebaka, lalu nama dipadah Paul?


20

ngasuh bala menyadi Kristian enda nyamai ati.—Bacha 1 Korint 8:13; 10:23, 24, 31-33. 16 Pia mega, anang ngansak orang nitihka penemu ba ati kitai. Awakka sida ngereja utai nitihka penemu ba ati sida empu. (Bacha Rome 14:10.) Kitai ngena ati ngakim diri empu, ukai ngakim orang bukai. Kingatka jaku Jesus: “Anang ngakim, ngambika kita enda diakim.” (Matthew 7:1) Semua kitai patut nyeliahka diri ari ngakim pemutus ti udah digaga orang bukai nitihka ati sida empu. Tang, kitai patut ngiga chara nambahka pengerindu enggau penyerakup, ngeringka pangan diri, ukai ngelabuhka pangan diri.—Rome 14:19. BAKA NI ATI TI BERESI NGENATAIKA BEREKAT Rasul Paul nulis: “Bepegai . . . ba ati ti beresi.” (1 Timoti 1:19) Bisi ati ti beresi ba mata Jehovah nya berekat. Kemaya hari tu mayuh orang nadai ati ti beresi. Paul ngumbai sida bisi “ati ti asai ke disar ngena besi ti angat.” (1 Timoti 4:2) Besi ti angat ngasuh kulit betu, lalu ninggalka bekau betu sereta enda ulih ngasai. Mayuh ati orang enda ulih ngasai tauka nagang sida ari ngereja utai ti salah. Ati sida enda nemu malu tauka ngasaika diri salah, taja pan ngereja penyalah. 18 Iya ke amat, enti kitai ngasaika diri salah, reti iya ati ti beresi madahka kitai udah ngereja penyalah. Ngasaika diri salah ulih meransang kitai nesal ati ke penyalah ti udah digaga. Indah penyalah ti besai pan engka ulih diampun enti kitai enda ngulang penyalah nya. 17

16. Nama kebuah kitai enda tau ngakim ati orang bukai? 17. Nama penyadi enggau ati mayuh orang kemaya hari tu? 18, 19. (a) Nama pemanah enti ati kitai ulih ngasaika diri salah? (b) Nama patut digaga enti ati kitai terus nyalahka kitai ketegal kala ngereja penyalah, taja pan udah nesal ati?

Ati ti dilatih ngena Bup Kudus ulih nulung nuan nentuka sekalika ulih ngirup ai bisa tauka enda

Chunto, Raja David kala ngereja penyalah ti besai. Tang, iya diampun ketegal amat nesal ati ke penyalah diri. Iya begedika penyalah iya, lalu enggau naka ulih ngasika ukum Jehovah. Tu nulung David nemu Jehovah nya “manah . . . sereta ngampun.” (Masmur 51:1-19; 86:5) Tang baka ni enti kitai agi ngasaika diri salah, taja pan kitai udah nesal ati? 19 Kekadang, ati balat nyalahka diri taja pan kitai udah nesal ati. Tang anang enda ingat, Jehovah besai agi ari ati kitai. Kitai patut pechaya, lalu nerima pengerindu sereta pengampun ari Iya. (Bacha 1 John 3: 19, 20.) Kelimpah ari nya, ati ti beresi ngenataika pengelantang ba ati enggau runding. Mayuh orang ke udah ngereja penyalah ti besai ngasaika utai tu, lalu sida

Ati ti beresi ulih ngiring kitai dalam pengidup, sereta mai pengelantang ba ati enggau runding

ulih ngetanka ati ti beresi maya nyembah Petara Jehovah.—1 Korint 6:11. 20 Bup tu digaga kena nulung nuan bulih pengelantang enggau ngetanka ati ti beresi ba dunya ke dipegai Sitan tu. Endang amat, bup tu enda nerangka semua ukum enggau ajar ari Bup Kudus ke patut dikena nuan maya bisi penusah. Pia mega, anang ngarapka pekara ti bekaul enggau ati ti beresi digaga nyadi ukum ti betulis. Kebuah bup tu digaga kena nulung nuan belajar enggau nitihka ajar Bup Kudus dalam pengidup nuan. Tu deka matih enggau nyediaka ati nuan, ngambika nulung nuan ngelala bida entara utai ti betul enggau sa20, 21. (a) Nama kebuah bup tu digaga? (b) Nama peluang ti dikemisi kitai, lalu baka ni kitai patut ngena iya?


23

lah. Adat Moses ngasuh orang nitihka adat ti betulis. Tang, “adat Kristus” ngasuh kitai idup nitihka ajar Bup Kudus enggau ati ti beresi. (Galatia 6:2) Enggau tu, Jehovah meri kitai mayuh agi peluang milih. Taja pia, Bup Kudus nagang kitai ngena peluang nya “ngelalaika penyai.” (1 Peter 2:16) Kitai patut ngena peluang nya ngayanka pengerindu ngagai Jehovah. 21 Enggau besampi sereta berundingka chara ti manah nitihka ajar Bup Kudus lalu ngereja iya, nuan deka neruska pengawa manah ke udah digaga nuan maya nuan baru ngelala Jehovah. Nuan “matihka diri ngelala bida entara utai ti badas enggau utai ti jai.” (Hebrew 5:14) Ati ti dilatih ngena Bup Kudus ngenataika berekat ngagai nuan ninting hari. Baka lampu pichit ke ulih nenggau jalai nuan, ati ti beresi ulih nulung nuan ngaga pemutus ti ngerinduka ati Apai ti di serega. Tu nulung nuan meruan dalam pengerindu Petara. NAMA RUNDING NUAN? ˇ Kitai nemu Jehovah seruran ngemataka kitai. Baka ni penemu tu ulih nulung kitai nyaga ati ngambika meruan beresi?—Hebrew 4:13. ˇ Baka ni ati Josep ti beresi nulung iya nulak penguji?—Pemungkal 39:1, 2, 7-12. ˇ Nama kebuah begunaka ati ti beresi enti deka semak ngagai Jehovah?—Hebrew 10:22. ˇ Nama kebuah kitai patut berundingka ati orang ke enda sama pengarap enggau kitai? —2 Korint 4:1, 2.

PELAJAR 3

Rinduka Sida ti Dikerinduka Petara “Enti nuan begulai enggau orang ke bepenemu-dalam, nuan deka nyadi orang ke bepenemu-dalam.” —JAKU DALAM 13:20.

ORANG ulih disempamaka baka kapas. Kapas senang nginsap ai. Baka nya mega, orang senang nitihka ulah, chara berunding enggau pendiau orang ke begulai rapat enggau sida. 2 Bup Kudus pan bisi madah pasal pekara tu: “Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida. Enti nuan bepangan enggau orang ke beli, nuan deka rusak.” (Jaku Dalam 13:20) Kati nuan setuju kitai senang nitihka ulah orang ke begulai enggau kitai? Ya, laban kitai saum pengasai ati enggau orang ke begulai enggau kitai, nya alai sida ulih ngubah kitai nyadi manah tauka jai. 3 Ngambika meruan dalam pengerindu Petara, kitai patut begulai enggau orang ke ulih ngubah kitai nyadi menyana. Baka ni chara iya? Kitai ulih ngereja nya enggau rinduka sida ti dikerinduka Petara, lalu begulai rapat enggau sida. Pikirka, sapa orang ke bisi pemanah baka pangan Jehovah? Aram kitai merati1-3. (a) Nama dipadah Bup Kudus pasal orang ke enggau kitai begulai? (b) Baka ni kitai milih orang ke enggau begulai ngambika kitai nyadi menyana?

Rinduka Sida ti Dikerinduka Petara

25

ka sapa orang ke dikerinduka Petara. Enti kitai nitihka penemu Jehovah, kitai ulih milih orang ke manah enggau begulai. SIDA TI DIKERINDUKA PETARA

Jehovah milih orang ke nyadi pangan Iya. Kati Iya bisi hak milih? Iya Pemerintah ti Pemadu Tinggi ba dunya, lalu nyadi pangan Iya nya peluang ti pemadu manah. Sapa orang ti dipilih Iya nyadika pangan? Jehovah semak ngagai sida ti pechaya sereta manggaika pengarap ba Iya. Chunto, Abraham dikelala ketegal pengarap iya ti nyulut. Nadai pengarap ti pemadu besai agi ari apai ti sanggup nyerahka anak diri nyadika pemeri ngagai Petara.1 Tang laban bisi pengarap ti besai, ‘Abraham ngira Petara ulih ngangkatka orang ari mati,’ nya alai iya sanggup “nyerahka anak iya Isak.” (Hebrew 11:17-19) Ketegal Abraham bisi pengarap sereta ngayanka diri ngasi, Jehovah ngumbai iya “pangan Aku.”—Isaiah 41:8; James 2: 21-23. 5 Jehovah deka kitai tetap ati sereta ngasika Iya. Iya rinduka orang ke tetap ati ngagai Iya lebih agi ari utai bukai. (Bacha 2 Samuel 22:26.) Baka ke udah dipelajar ba Pelajar 1 bup tu, Jehovah gaga ati enti orang ngasika Iya ari ati. Jaku Dalam 3:32 madahka: “Iya 4

1 Enggau ngasuh Abraham ngereja tu, Jehovah ngambarka Iya empu deka nyerahka anak tunggal Iya nyadika genselan. (John 3:16) Tang, Jehovah nagang Abraham nyerahka Isak nyadi pemeri, lalu nganti iya ngena bedus.—Pemungkal 22:1, 2, 9-13. 4. Nama kebuah Jehovah bisi hak milih orang ke nyadi pangan Iya, lalu nama kebuah Jehovah ngumbai Abraham “pangan Aku”? 5. Baka ni Jehovah meda sida ke tetap ati ngasika Iya?

26


ngaga orang ke lurus nyadika pangan Iya.” Sida ke nitih peneka Jehovah enggau tetap ati deka nerima kangau ari Iya: Sida ulih tama ngagai “Rumah Sembiang” Iya. Dia sida ulih nyembah sereta besampi ngagai Iya.—Masmur 15:1-5. 6 Jehovah rinduka sida ti rinduka Jesus. Ku Jesus: ‘Orang ke rinduka aku deka ngasika pesan aku, lalu Apai aku deka rinduka iya, lalu kami duai Apai deka datai ngagai iya, lalu diau enggau iya.’ (John 14:23) Baka ni kitai ngayanka pengerindu ngagai Jesus? Enggau ngasika semua pesan Jesus, nyengkaum ngerembaika berita manah sereta nyadika orang murid iya. (Matthew 28:19, 20; John 14:15, 21) Kitai mega nunjukka diri rinduka Jesus enti kitai ‘nitihka singkang iya,’ iya nya neladan jaku sereta pengawa Jesus enggau naka ulih kitai. (1 Peter 2:21) Jehovah gaga ati meda sida ke rinduka Jesus bebendar nitihka teladan Anak Iya. 7 Pengarap, tetap ati, ngasi sereta rinduka Jesus enggau chara pengidup iya, nya sekeda ari pemanah ti dikedeka Jehovah ba pangan Iya. Genap iku kitai patut nanya diri empu: ‘Kati pemanah enggau chara pengidup Jesus bisi ba orang ke begulai rapat enggau aku? Kati aku begulai rapat enggau pangan Jehovah?’ Endang sigi manah enti begulai rapat enggau pangan Jehovah. Orang ke terus neladan Petara sereta ngerembaika berita manah pasal Perintah Iya enggau ransing ati, ulih nguntungka kitai. 6. Baka ni kitai ngayanka pengerindu ngagai Jesus, lalu baka ni asai ati Jehovah ngagai orang ke rinduka Anak Iya? 7. Nama kebuah nya manah enti kitai begulai rapat enggau pangan Jehovah?


27

Sida ulih ngubah kitai ngambika keran deka ngerinduka ati Petara.—Peda kutak “Sapa Begulai Rapat Enggau Nuan?” ba lambar 29. BELAJAR ARI TELADAN BA BUP KUDUS

Bup Kudus ngembuan mayuh teladan pasal orang ke bulih penguntung ketegal begulai enggau orang ke menyana. Nuan ulih macha pasal kaul entara Naomi enggau menantu iya Rut, entara tiga iku nembiak Hebrew ke bisi kaul ti rapat ba Babilon, sereta kaul entara Paul enggau Timoti. (Rut 1:16; Daniel 3:17, 18; 1 Korint 4:17; Pilipi 2:20-22) Aram kitai meda siti chunto ti nyulut: kaul entara David enggau Jonatan. 9 Bup Kudus madah pengudah David munuh Goliat, “Jonatan balat amat tetarit ati ngagai David, lalu belabuh rinduka iya baka ke rinduka diri empu.” (1 Samuel 18:1) Tu ngepunka kaul entara seduai iya, taja pan umur seduai iya jauh bida. Seduai iya tetap begulai manah nyentuk ke Jonatan mati maya beperang.1 (2 Samuel 1:26) Nama kebuah seduai iya bisi kaul ti rapat enggau pangan diri? 10 David enggau Jonatan bisi kaul ti manah laban seduai iya bela rinduka Petara, lalu deka meruan 8

1 David “agi biak” maya iya munuh Goliat, lalu iya beumur kirakira 30 taun maya Jonatan mati. (1 Samuel 17:33; 31:2; 2 Samuel 5:4) Jonatan beumur kira-kira 60 taun maya iya mati. Reti nya, Jonatan 30 taun tuai ari David. 8. Nama utai ti ngerinduka ati nuan pasal kaul entara (a) Naomi enggau Rut? (b) tiga iku nembiak Hebrew? (c) Paul enggau Timoti? 9, 10. Nama kebuah David enggau Jonatan bisi kaul ti manah?

28


tetap ati ngagai Iya. Seduai iya sama ngayanka pemanah ti ngerinduka ati pangan diri. Jonatan tetarit ati meda pemerani enggau pengeransing David ngenanka nama Jehovah. David bebasaka Jonatan laban iya nyukung atur Jehovah, lalu iya berundingka David lebih ari iya empu. Chunto, peratika nama penyadi maya David balat tusah ngerarika diri ari Raja Saul ke jai, ngagai menua puang. Raja Saul nya apai Jonatan. Jonatan nunjukka diri tetap ati maya iya ‘betemu enggau David . . . iya meransang David lebuh David madahka ngagai iya pasal Petara.’ (1 Samuel 23:16) Pikirka baka ni asai ati David maya Jonatan datai meri sukung enggau peransang ngagai iya!1 11 Nama ulih dipelajarka kitai ari chunto Jonatan enggau David? Utai ti pemadu beguna, iya nya bisi kaul ti manah enggau Petara. Enti kitai semak enggau sida ke nyembah Jehovah, tetap ati ngagai Iya, sereta bisi ulah ti manah, dia kitai ulih bekunsi penemu, asai ati, sereta utai ti udah nyadi ba pengidup ke ulih meransang kitai. (Bacha Rome 1:11, 12.) Kitai ulih tetemuka sida ti meruan tetap ati ngagai Petara entara bala ke sama pengarap. Kati semua orang ke datai gempuru ba Palan Gempuru nya manah enggau begulai magang? Enda. 1 Ba 1 Samuel 23:17, Jonatan madah empat iti pekara kena meransang David: (1) Iya enda ngasuh David takut. (2) Iya madah Saul enda ulih ngemediska David. (3) Iya ngingatka David deka nyadi raja baka ke udah disemaya Petara. (4) Iya besemaya deka nyadi lumur dua pengudah David. 11. Nama ulih dipelajarka nuan ari kaul entara Jonatan enggau David?


29

MILIH ORANG ENGGAU BEGULAI RAPAT

Indah ba entara orang ti sama pengarap, kitai patut milih sapa orang ti tau enggau begulai ngambi12

12, 13. (a) Nama kebuah kitai patut milih orang ke enggau begulai, indah ba entara orang ti sama pengarap? (b) Nama penusah ba orang Kristian keterubah ke ngasuh Paul meri jaku tangkan?

SAPA BEGULAI RAPAT ENGGAU NUAN? Ajar Bup Kudus: “Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?” —Jaku Dalam 17:17.

Tanya diri empu ˇ Kati orang ke begulai rapat enggau aku pangan Jehovah enggau Jesus?—John 15:14, 16; James 2:23. ˇ Kati orang ke begulai enggau aku nulung aku ngemansangka ulah ti manah? —1 Korint 15:33. ˇ Kati orang ke begulai enggau aku bisi ngerara enti aku ngereja penyalah?—Masmur 141:5; Jaku Dalam 27:6. ˇ Kati bala ke sama pengarap deka begulai enggau aku enti sida meda ulah enggau chara aku bejaku? —Jaku Dalam 12:18; 18:24; 1 John 3:16-18.


30

BAKA NI KITAI BULIH KAUL TI MANAH ˇ “Terubah iya, aku tusah begulai enggau orang ke sama pengarap. Tang, seruran enggau nginjil sereta ngajar pasal Bup Kudus nulung aku ngemansangka pemanah baka sabar, tan ati, enggau pengerindu. Lebuh aku terus ngemansangka pemanah tu, orang ke bisi pemanah ti sama deka begulai enggau aku, lalu diatu aku bisi sekeda orang ke manah enggau begulai.” —Shivani. ˇ “Aku besampi ngambika bulih orang enggau begulai ba entara orang ke sama pengarap. Tang, aku ngasaika sampi aku enda disaut. Dia aku nemu, aku enda bebendar deka ngiga orang ke enggau begulai rapat. Pengudah aku nitihka utai ti disampi, Jehovah nyaut sampi aku.” —Ryan.

ka pengarap kitai dikemansang. Patut tu ngasuh kitai tekenyit? Enda. Sekeda ari menyadi Kristian engka ngambi timpuh ti lama kena mansang ba pengarap, baka sekeda buah ngambi timpuh ti lama endur mansau. Nya alai, ba tiap iti endur gempuru, kitai meda sida enda sama pemansang ba pengarap. (Hebrew 5:12–6:3) Endang amat, kitai patut sabar enggau rinduka sida ti baru tauka lemi ba pengarap, laban kitai deka sida mansang dalam pengarap.—Rome 14:1; 15:1. Kekadang, kitai patut nyaga kaul kitai enggau orang ti sama pengarap. Sekeda ari sida engka bisi ulah ti enda manah. Sekeda engka ringat tauka udu 13


31

sebana. Orang Kristian kurun keterubah pan napi penusah ti sama. Taja pan mayuh ari sida iya tetap ati, tang bisi mega ari sida ngembuan ulah ti enda manah. Ketegal sekeda orang Kristian ba Korint enda bepegai teguh ba ajar Kristian, rasul Paul nangkan sida: ‘Anang nejuka orang nipu kita: “Orang ke jai ngerusak moral ti menyana.” ’ (1 Korint 15:12, 33) Paul ngingatka Timoti, indah ba entara orang Kristian pan bisi sida ke ngembuan ulah ti enda manah. Timoti enda diasuh begulai rapat enggau orang ke baka nya.—Bacha 2 Timoti 2:20-22. 14 Baka ni kitai ulih nitihka ajar ari jaku tangkan ke diberi Paul? Enggau nyeliahka diri ari begulai enggau orang ke ngasuh kitai lemi ba pengarap, enda ngira sida iya Saksi-Saksi Jehovah tauka ukai. (2 Tesalonika 3:6, 7, 14) Kitai patut nyaga kaul kitai enggau Jehovah. Kingatka, baka kapas ke nginsap ai, pia mega kitai senang nitihka ulah enggau chara pengidup orang ke begulai rapat enggau kitai. Chunto, enti kitai nyepuhka kapas ke dalam ai kamah, kitai enda ulih ngarapka kapas nya nginsap ai ti beresi. Pia mega, enti kitai begulai rapat enggau orang ke ulih ngasuh kitai lemi ba pengarap, kitai enda bulih penguntung.—1 Korint 5:6. 15 Kitai gaga ati laban agi ulih ngiga orang ti manah enggau begulai ba entara orang ti sama pengarap. (Masmur 133:1) Baka ni nuan ulih ngiga orang ke meruan tetap ati ngagai Petara? Enti nuan terus 14. Baka ni kitai ulih nitihka ajar ari jaku tangkan ke diberi Paul pasal orang ke enggau begulai? 15. Nama patut digaga nuan ngambika ulih begulai enggau orang ke tetap ati ngagai Petara?

32


neladan Jehovah enggau nitihka chara pengidup ti dikedeka Iya, orang ke bisi pemanah ti sama mega deka semak enggau nuan. Lalu nuan mega patut nguji ngiga chara ngambika ulih begulai enggau sida. (Peda kutak “Baka ni Kitai Bulih Kaul ti Manah,” ba lambar 30.) Giga sida ti ngayanka pemanah ti deka diayanka nuan. Titihka ajar Bup Kudus ti ngasuh kitai rinduka pangan diri enda ngira bansa, menua tauka chara pengidup. (2 Korint 6:13; bacha 1 Peter 2:17.) Anang semina begulai enggau orang ke serebak enggau nuan aja. Kingatka, Jonatan jauh tuai ari David. Sida ke tuai tu mayuh penemu sereta ulih bekunsi utai ti udah nyadi ba pengidup. Tu meri penguntung ngagai nuan enti begulai enggau sida. LEBUH PENANGGUL NUNTUNG 16 Penanggul ulih nyadi ketegal orang ke sama pengarap enggau nuan bisi mayuh macham ulah enggau chara pengidup. Orang ke sama pengarap engka nyebut tauka ngereja utai ti ngemediska ati kitai. (Jaku Dalam 12:18) Kekadang penanggul nyadi ketegal ulah ti enda sama, salah sangka tauka enda sepenemu. Patut kitai enda nyamai ati ketegal penanggul tu, lalu ngenyauhka diri ari bala ti sama pengarap? Enda, enti kitai amat rinduka Jehovah enggau sida ti dikerinduka Iya. 17 Jehovah patut nerima pengerindu enggau sembah ti pengabis ati ari kitai, laban Iya ngaga semua

16, 17. Enti orang ke sama pengarap ngemediska ati kitai, nama kebuah kitai enda patut nyurutka diri ari gerempung Jehovah?

Nuan ulih ngiga orang ke manah enggau begulai ba entara orang ke sama pengarap

utai. (Pemandang 4:11) Nambahka nya, gerempung ti dikena Iya begunaka sukung ari kitai. (Hebrew 13:17) Nya alai, enti orang ke sama pengarap ngemediska ati tauka ngasuh kitai enda nyamai ati, patut kitai nyurutka diri ari gerempung Jehovah kena nunjukka diri enda puas ati? Enda, laban ukai Jehovah ti ngemediska ati kitai. Kitai enda patut ninggalka Jehovah enggau nembiak Iya enti kitai rinduka Iya!—Bacha Masmur 119:165. 18 Pengerindu ngagai bala sama pengarap meransang kitai ngambika ulih begulai manah enggau 18. (a) Nama patut digaga kitai ngambika nyaga pemaik enggau bala sama pengarap? (b) Nama berekat enti kitai ngampunka orang ti ngemediska ati kitai?


34

pangan diri. Jehovah enda ngarapka kitai sempurna, lalu baka nya mega enggau kitai. Pengerindu nulung kitai enda ibuhka penyalah ti mit, laban kitai nemu semua kitai enda sempurna, lalu bisi ngereja penyalah. (Jaku Dalam 17:9; 1 Peter 4:8) Pengerindu nulung kitai terus “ngampun pangan diri.” (Kolosi 3: 13) Kekadang enda senang nitihka ajar tu. Kitai engka mengkang pedis ati enti kitai nejuka pikir ti enda manah. Kitai ngumbai nya chara kitai deka bejera orang ti ngemediska ati kitai. Tang ke amat, enti kitai mengkang ringat, tu ulih ngenusahka kitai. Ngampunka orang ti ngemediska ati kitai ulih mai mayuh berekat. (Luke 17:3, 4) Tu meri pengelantang ba ati enggau runding kitai, nyaga pemaik enggau bala sama pengarap, lalu kelebih agi nyaga kaul kitai enggau Jehovah.—Matthew 6:14, 15; Rome 14:19. NI MAYA MUTUSKA KAUL

Bisi maya kitai enda diasuh begulai enggau orang ke kala sama pengarap enggau kitai. Tu nyadi enti sida agi ngulang penyalah ti ngelanggar ukum Petara, tauka agi nitihka ajar pengarap pelesu, sereta madahka diri enggai agi nyadi Saksi-Saksi Jehovah. Bup Kudus ngasuh kitai badu “begulai” enggau sida.1 (Bacha 1 Korint 5:11-13; 2 John 9-11) Tu engka tusah enti orang nya diri sebilik, tauka kala begulai rapat enggau kitai. Tang, kitai patut ngayanka diri 19

1 Kena nemu mayuh agi baka ni chara kitai nyaga kaul enggau orang ke dibuai ari gerempung tauka enggai agi nyadi Saksi-Saksi Jehovah, peda Penerang ba lambar 207-209. 19. Ni maya kitai badu begulai enggau orang ke kala sama pengarap?


35

tetap ati ngagai Jehovah enggau ukum Iya lebih agi ari semua utai. Kingatka, tetap ati enggau ngasika Jehovah patut dikemeratka kitai. 20 Jehovah udah ngatur bala tuai gempuru muai orang ke enda nesal ati ke penyalah diri. Tu nunjukka Jehovah rinduka kitai, lalu meri kitai peluang ngayanka pengerindu ngagai Iya. Nama kebuah? Siti kebuah muai orang ke enda nesal ati laban kitai ngayanka pengerindu ngagai nama Jehovah ti kudus sereta bebasaka ukum Iya. (1 Peter 1:15, 16) Tu nyaga pengelikun gerempung Jehovah. Sida ke tetap ati ulih dijaga ari orang ke tau ngasuh pengarap sida lemi, ngambika sida terus nyembah Petara ba gerempung Iya, laban nya endur ti selamat ba dunya ti jai tu. (1 Korint 5:7; Hebrew 12:15, 16) Lebuh Jehovah ngajar orang ke enda nesal ati ngena chara nya, Iya nunjukka diri rinduka orang nya. Jehovah nemu chara nya ulih nulung sida nemu penyalah diri, lalu nitihka chara ti patut ngambika ulih pulai baru ngagai Iya.—Hebrew 12:11. 21 Endang amat, orang ke enggau begulai rapat ulih ngubah kitai. Nya alai, kitai patut pandai milih orang ke enggau begulai. Enti kitai milih pangan Jehovah enggau begulai sereta rinduka orang ti dikerinduka Iya, kitai deka dikelingi orang ke pemadu manah enggau begulai. Sida ulih nulung kitai mengkang ngerinduka ati Jehovah. 20, 21. (a) Nama kebuah muai orang ke enda nesal ati ari gerempung Jehovah nunjukka pengerindu Iya? (b) Nama kebuah kitai patut pandai milih orang ke enggau begulai?

PELAJAR 4

Nama Kebuah Bebasaka Penguasa? “Bebasaka semua orang.” —1 PETER 2:17.

KALA nuan beratika baka ni gaya anak mit enti iya diasuh ngereja utai ti dikenggai iya? Ari mua iya nuan nemu iya enggai. Iya ninga utai ku apai indai, tang iya enggai ngereja utai ti diasuh sida. Kekadang, tu nyadi ba semua kitai. 2 Bebasaka penguasa enda senang. Bisi nuan ngasaika nya? Enti bisi, nuan mega sama enggau orang bukai. Kitai diatu diau ba maya orang ke enda entu bebasaka penguasa. Tang Bup Kudus madah, kitai patut bebasaka sida. (Jaku Dalam 24:21) Enggau tu, kitai ulih meruan dalam pengerindu Petara. Nama kebuah kitai tusah deka bebasaka penguasa? Nama kebuah Jehovah ngasuh kitai bebasaka sida, lalu nama ulih nulung kitai? Baka ni kitai ulih nunjukka diri bebasaka sida? NAMA KEBUAH TUSAH?

Aram kitai meda dua kebuah kitai tusah bebasaka penguasa. Kesatu, kitai enda sempurna; kedua, mensia ke bekuasa megai kitai mega enda sempurna. Men3

1, 2. (a) Nama kebuah kitai tusah bebasaka penguasa? (b) Nama tanya deka diperundingka kitai? 3, 4. Baka ni dosa enggau pengidup ti enda sempurna belabuh, lalu nama kebuah dosa ngasuh kitai tusah bebasaka penguasa?

Nama Kebuah Bebasaka Penguasa?

37

sia belabuh bedosa enggau enda sempurna pengudah Adam seduai Hawa ngelaban kuasa merintah Petara ba kebun Eden kelia menya. Nya alai, dosa bepun ari ngelaban Petara. Nyentuk ke diatu, kitai bisi ati deka ngelaban.—Pemungkal 2:15-17; 3:1-7; Masmur 51:5; Rome 5:12. 4 Ketegal bedosa, kitai jampat sumbung. Mimit aja orang ke baruh ati, nya alai kitai patut bebendar ngemansangka sereta ngetanka pemanah tu. Taja pan udah betaun tetap ati ngereja peneka Petara, kitai engka ulih nyadi sumbung enggau kih. Chunto, Korah udah tetap ati enggau nembiak Jehovah ngelaban mayuh penusah. Tang iya inginka kuasa mayuh agi, lalu berani nguluka orang ngelaban Moses, orang ke pemadu baruh ati maya nya. (Penyampau 12:3; 16:1-3) Pikirka mega Raja Usiah. Iya tama ngagai Rumah Sembiang, lalu ngereja pengawa ke semina ulih digaga sida imam. (2 Bansa Israel 26:16-21) Ketegal sumbung sereta ngelaban, seduai iya diukum. Chunto tu ulih nyadika lalau kitai. Kitai patut nyeliahka penyumbung ti ngasuh kitai tusah bebasaka penguasa. 5 Kelimpah ari nya, mensia enda sempurna ke bekuasa ngasuh orang enda entu bebasaka sida. Sida jai, kasar tauka udu nekan. Nambahka nya, sejarah nunjukka mayuh orang ngena kuasa sida enggau chara ti salah. (Bacha Pengajar 8:9.) Chunto, Saul nya orang ke manah sereta baruh ati maya Jehovah milih iya nyadi raja. Taja pia, iya nyadi sumbung enggau chemuru, lalu merinsa David. (1 Samuel 9:20, 21; 10:2022; 18:7-11) Udah nya, David nyadi raja ti pemadu 5. Baka ni mensia ke enda sempurna ngena kuasa enggau chara ti salah?


38

manah ba Israel. Iya pan ngena kuasa enggau chara ti salah. Iya ngambi bini Uriah orang Iti, lalu ngatur ngambika Uriah mati maya beperang. (2 Samuel 11: 1-17) Endang amat, mensia ke enda sempurna tusah deka ngena kuasa enggau manah. Enti sida ke bekuasa enda bebasaka Jehovah, sida balat agi ngena kuasa enggau chara ti salah. Seiku lelaki ke gawa enggau perintah ba Britain madahka, sepemanjai sejarah sida tuai Gereja Katolik udah ngena kuasa sida nekan enggau merinsa mayuh orang. Ketegal tu, aram kitai berundingka tanya: Nama kebuah kitai patut bebasaka penguasa? NAMA KEBUAH BEBASAKA PENGUASA?

Chara ti pemadu manah bebasaka penguasa, iya nya bisi pengerindu—pengerindu ngagai Jehovah, orang bukai enggau kitai empu. Ketegal kitai rinduka Jehovah lebih ari semua utai, kitai deka ngagaka ati Iya. (Bacha Jaku Dalam 27:11; Mark 12:29, 30.) Kitai nemu kuasa merintah Iya udah dilaban ba kebun Eden menya, lalu mayuh mensia udah nyukung Sitan sereta nulak Jehovah nyadi pemerintah. Kitai gaga ati deka nyukung Jehovah. Lebuh kitai macha Pemandang 4:11, kitai nemu semina Jehovah ke patut nyadi Pemerintah ba dunya! Kitai nyukung kuasa merintah Jehovah enggau nerima perintah Iya ba pengidup ninting hari. 7 Bebasa ukai semina ngasi aja. Kitai ngasika Jehovah laban kitai rinduka Iya. Tang bisi maya iya kitai tusah deka ngasi, baka anak mit ba genteran keterubah 6

6, 7. (a) Pengerindu kitai ngagai Jehovah meransang kitai ngaga nama, lalu nama kebuah? (b) Baka ni kitai ngayanka diri tunduk?


39

tadi. Maya nya kitai patut tunduk. Jesus pan tunduk ngagai peneka Apai iya, taja pan tusah. Ku Jesus madahka Apai iya, ‘Ukai nitihka peneka aku, tang awakka peneka Nuan nyadi.’—Luke 22:42. 8 Kemaya hari tu, Jehovah bejaku ngagai kitai ngena Bup Kudus enggau bala pengari Iya ba dunya tu. Nya alai, kitai patut tunduk ngagai kuasa merintah Jehovah enggau bebasaka sida ke dipilih Iya megai kitai. Enti kitai ngelaban sida—chunto, enggai nerima jaku ajar enggau lalau ari Bup Kudus ke diberi sida—kitai ngemediska ati Petara. Lebuh orang Israel mutap sereta ngelaban Moses, Jehovah ngumbai sida ngelaban Iya.—Penyampau 14:26, 27. 9 Kitai mega nunjukka diri bebasaka penguasa ketegal kitai rinduka orang bukai. Nama kebuah? Chunto, pikirka enti nuan nya soldadu. Pengelikun semua soldadu bepanggai ba pengawa sida ke begempung, ngasi sereta nitihka jaku tuai soldadu. Enti nuan ngelaban kuasa tuai soldadu nya, semua soldadu deka bulih penusah. Pia mega, Bup Kudus madahka Jehovah bisi “bala soldadu.” (Isaiah 13:4) Iya Tuai Soldadu bejuta iku melikat. Kekadang, Jehovah ngumbai nembiak Iya ba dunya tu mega soldadu. (Esekiel 37:1-10) Enti kitai ngelaban tuai gempuru ke dipilih Jehovah, bala menyadi Kristian ke bukai mega deka bulih penusah. (1 Korint 12:14, 25, 26) Enti anak ngelaban apai indai, diri sebilik deka tusah. Nya alai, kitai ngayanka 8. (a) Kemaya hari tu, tunduk ngagai kuasa merintah Jehovah nyengkaum nama, lalu baka ni asai ati Jehovah pasal pekara tu? (b) Nama ulih nulung kitai mendingka jaku lalau enggau nerima jaku ajar? (Peda kutak ba lambar 46-47.) 9. Nama kebuah pengerindu ngagai pangan diri meransang kitai bebasaka penguasa? Terangka.

Laki ke nyadi orang Kristian neladan Jesus maya megai pengawa nyadi tuai bilik

pengerindu ngagai orang bukai enggau nunjukka basa sereta begempung enggau pangan diri. 10 Kitai mega bebasaka penguasa laban nya mai penguntung ke kitai. Lebuh Jehovah ngasuh kitai bebasaka sida, Iya selalu nyebut penguntung ke diulih kitai enti ngereja nya. Chunto, Iya ngasuh anak ngasika apai indai enti deka bulih pengelantang. (Ulang Adat 5:16; Epesus 6:2, 3) Iya ngasuh kitai masa tuai gempuru ngambika kitai kering ba pengarap. (Hebrew 13: 7, 17) Lalu Iya ngasuh kitai tunduk ngagai perintah mensia kena nyaga pengelikun kitai.—Rome 13:4. 11 Enda ke nuan setuju nemu kebuah Jehovah nga10, 11. Nama kebuah tunduk ngagai penguasa meri penguntung ke kitai?


41

suh kitai tunduk ulih nulung kitai bebasaka penguasa? Aram kitai beratika tiga chara nunjukka basa ngagai penguasa. BASA BA RUANG BILIK

Jehovah empu ngaga atur ba ruang bilik. Iya ngatur ruang bilik ngambika enda charut, tang mujur. (1 Korint 14:33) Iya ngasuh laki nyadi tuai bilik. Laki bebasaka Tuai iya, Jesus Kristus, enggau neladan chara Jesus ngintu nembiak Jehovah. (Epesus 5:23) Nya alai, laki enda patut rari ari tanggungjawap iya tauka udu nekan sereta mangah. Tang iya patut megai tanggungjawap, bisi pengerindu, nemu berunding sereta nelap enggau anak bini. Iya patut nemu kuasa iya baruh agi ari enggi Jehovah. 13 Bini nyadi penulung laki iya. Iya mega bisi kuasa ba ruang bilik laban Bup Kudus ngasuh anak ningaka “utai ti dipadahka apai indai.” (Jaku Dalam 1:8) Endang amat, kuasa iya baruh agi ari enggi laki iya. Bini bebasaka kuasa 12

12. Nama tanggungjawap laki ke diberi Jehovah ba ruang bilik, lalu baka ni iya ulih ngemujurka tanggungjawap nya? 13. Baka ni bini ngemujurka tanggungjawap iya ngambika ulih ngerinduka ati Jehovah?

42


KUASA SAPA PATUT DITITIHKA AKU? Ajar Bup Kudus: ‘Jehovah empu deka nyadi raja kitai.’—Isaiah 33:22.

Tanya diri empu ˇ Nama patut digaga enti aku diasuh ngelanggar ukum Jehovah?—Matthew 22:37-39; 26:52; John 18:36. ˇ Nama patut digaga enti aku ditagang nitihka pesan Jehovah?—Kereja Rasul 5:27-29; Hebrew 10:24, 25. ˇ Nama ulih nulung aku ngasika orang ke bekuasa? —Rome 13:1-4; 1 Korint 11:3; Epesus 6:1-3.

laki iya enggau nulung laki iya ngemujurka tanggungjawap nyadi tuai bilik. Iya enda patut ngemaruhka, nguingka runding tauka nganti penuduk laki iya. Tang, iya nyaup sereta nyukung laki iya. Enti iya enda setuju enggau pemutus ti digaga laki iya, iya ulih madahka runding diri enggau basa, tang iya tetap tunduk. Enti laki iya enda nyembah Jehovah, iya engka bisi penanggul ba ruang bilik. Tang enti iya tetap tunduk, tu ulih meransang laki iya nyembah Jehovah. —Bacha 1 Peter 3:1. 14 Lebuh anak ngasika apai indai, sida ngagaka ati Jehovah enggau ati apai indai sida empu. (Jaku Dalam 10:1) Anak ke semina bisi apai tauka indai mega patut ngasika apai tauka indai iya. Sida mega patut nemu apai tauka indai beguna bendar ke saup enggau su14. Baka ni anak ngagaka ati apai indai enggau Jehovah?


43

kung ari sida. Diri sebilik ke ngereja tanggungjawap ti udah diberi Jehovah deka bulih pengelantang. Tu meri basa ngagai Petara Jehovah, ke ngepunka ruang bilik. —Epesus 3:14, 15. BASA BA GEREMPUNG JEHOVAH

Jehovah milih Anak Iya nyadi Tuai ba gerempung Jehovah. (Kolosi 1:13) Jesus ngasuh “ulun ke tetap ati sereta bepenemu-dalam” nulung nembiak Petara ba dunya tu semak ngagai Iya. (Matthew 24:45-47) Kemaya hari tu, ulun ke tetap ati sereta bepenemu-dalam nya dikumbai Orang ti Megai Saksi-Saksi Jehovah. Baka ba kurun keterubah, tuai gempuru ba gerempung Jehovah nerima lalau enggau ajar ari Orang ti Megai, sekalika nengah surat tauka bala pengari baka tuai ti ngabas. Enti kitai bebasaka kuasa tuai gempuru, kitai ngasika Jehovah.—Bacha 1 Tesalonika 5:12; Hebrew 13:17. 16 Tuai gempuru enggau penulung sida sama enda sempurna baka kitai. Tang, tuai gempuru nya “pemeri” kena nulung nembiak Jehovah ngambika kering ba pengarap. (Epesus 4:8) Tuai gempuru dipilih ngena roh kudus. (Kereja Rasul 20:28) Baka ni? Laban sida patut nitihka syarat ke dipadah ba Bup Kudus. (1 Timoti 3:1-7, 12; Titus 1:5-9) Bala tuai gempuru ke milih bala menyadi Kristian ke lelaki, iya ke ulih nyadi tuai gempuru, besampi minta iring ari roh kudus Jehovah. 15

15. (a) Baka ni kitai nunjukka diri bebasaka kuasa Jehovah ba gerempung Iya? (b) Nama ajar Bup Kudus ke ulih nulung kitai ngasika sida ke nyadi tuai? (Peda kutak ba lambar 48-49.) 16. Nama kebuah kitai ngumbai tuai gempuru dipilih ngena roh kudus?


44

Bisi maya iya nadai tuai gempuru tauka penulung sida ke ulih ngereja pengawa ke patut dikereja sida. Chunto, ngatur gempuru sebedau nginjil. Nya alai, bala menyadi Kristian lelaki ke bukai iya ke udah dibaptisa ulih nganti sida. Enti nadai, nya baru menyadi Kristian indu ke udah dibaptisa ulih ngereja nya. Tang, iya patut betudung pala.1 (1 Korint 11:3-10) Atur tu meri peluang ngagai bala menyadi Kristian ke indu ngayanka diri bebasaka atur Jehovah pasal orang ke bekuasa, sekalika ba ruang bilik tauka ba gerempung Jehovah. 17

BEBASAKA PERINTAH MENSIA

Orang Kristian ke bendar nentuka sida nitihka ajar ba Rome 13:1-7. (Bacha.) Seagi-agi Jehovah ngelakka perintah mensia bisi, sida beguna kena nyaga pengelikun enggau nyediaka utai ti diguna rayat. Kitai bebasaka sida enggau nitihka undang-undang ti udah ditetapka sida. Kitai mayar chukai, enda nipu maya ngisi pom ari perintah, lalu nitihka undang-undang ti bekaul enggau kitai, diri sebilik, pengawa dagang tauka reta. Tang kitai enda tunduk ngagai perintah mensia, enti sida ngasuh kitai enda ngasika Petara. Kitai nitihka teladan sida rasul: ‘Kami enda tau enda ngasika Petara, ukai ngasika mensia.’—Kereja Rasul 5:28, 29; peda kutak “Kuasa Sapa Patut Dititihka Aku?” ba lambar 42. 18

1 Peda Penerang ba lambar 209-212 kena nemu ni maya betudung pala. 17. Nama kebuah menyadi Kristian ke indu betudung pala maya ngereja pengawa ba gerempung Jehovah? 18, 19. (a) Baka ni nuan nerangka ajar ba Rome 13:1-7? (b) Baka ni kitai bebasaka perintah mensia?


45

Kitai mega bebasaka perintah mensia ari ulah kitai. Kekadang kitai betemu enggau bala perintah. Rasul Paul betemu enggau Raja Agripa enggau Gabenor Pestus. Seduai iya mayuh pengurang, tang Paul bebasaka seduai iya. (Kereja Rasul 26:2, 25) Kitai nitihka teladan Paul enti kitai bebasaka bala perintah enda ngira sida bepangkat besai tauka mit. Ba sekula, nembiak Kristian bebasaka cikgu enggau semua orang ke gawa dia. Endang amat, kitai ukai semina bebasaka orang ke nerima pengarap kitai; kitai mega bebasaka orang ke ngelaban Saksi-Saksi Jehovah. Sida ke enda nyembah Jehovah ulih meda basa kitai.—Bacha Rome 12:17, 18; 1 Peter 3:15. 20 Aram kitai bebasaka orang bukai. Rasul Peter nulis: “Bebasaka semua orang.” (1 Peter 2:17) Lebuh orang meda kitai bebasaka sida, sida rindu ati. Kemaya hari tu, orang jarang bebasaka orang bukai. Enti bebasaka orang bukai, kitai nitihka pesan Jesus: “Awakka penampak kita manchar ngagai orang, ngambika sida meda pemadas pengawa kita lalu ngemuliaka Apai kita ti di serega.”—Matthew 5:16. 21 Kemaya hari tu, orang ke baruh ati nerima pemendar pasal Petara. Enti kitai ngayanka basa ba ruang bilik, ba gerempung Jehovah enggau ba dini-dini endur, tu ulih meransang sekeda orang nyembah Petara enggau kitai. Naka meh pemanah tu! Taja pan orang nya enda nyembah Jehovah enggau kitai, tang kitai pechaya bebasaka orang bukai ngerinduka ati Petara Jehovah, lalu nulung kitai meruan dalam pengerindu Iya. Tu berekat ti besai! 19

20, 21. Nama sekeda berekat ke diulih enti bebasaka orang ke bekuasa?

46


“PENDINGKA JAKU LALAU, LALU TERIMA JAKU AJAR”

Pengawa Sitan ke udu ngelaban enggau belaya mayuh dipeda nyadi ba dunya kemaya hari tu. Bup Kudus ngumbai Sitan “pemerintah ti merintah kuasa ti di langit,” lalu iya ‘benung bekereja ba orang ke enda ngasika Petara.’ (Epesus 2:2) Mayuh orang kemaya hari tu deka bibas, enggai di baruh kuasa orang bukai. Tang sayau amat, ulah tu ngerampit sekeda orang ba gerempung Jehovah. Chunto, tuai gempuru meri jaku lalau pasal ulah ti kamah tauka pemerindang ti kasar, tang sekeda orang engka enggai nerima jaku lalau nya. Genap iku kitai patut nitihka jaku ba Jaku Dalam 19:20: “Pendingka jaku lalau, lalu terima jaku ajar, ngambika nuan bulih penemu-dalam kena nuan idup jemah ila.” Nama ulih nulung kitai nitihka ajar ba Jaku Dalam nya? Peratika tiga kebuah orang enggai nerima jaku lalau tauka jaku ajar, lalu peratika penemu ari Bup Kudus. ˇ “Jaku lalau nya enda ngena ba aku.” Kitai engka ngasaika jaku lalau nya enda ngena ba kitai tauka orang ke meri jaku lalau nya enda nemu utai ke amat nyadi. Terubah iya, kitai engka enggai ningaka jaku lalau nya. (Hebrew 12:5) Laban semua kitai enda sempurna, ulih kitai ngubah chara kitai berunding? (Jaku Dalam 19:3) Kati bisi kebuah jaku lalau nya diberi? Enti bisi, kitai patut beratika kebuah iya. Bup Kudus ngajar kitai: “Seruran kingatka utai ti udah dipelajarka nuan. Pelajar nuan nyadika pengidup nuan - jaga iya enggau manah.”—Jaku Dalam 4:13. ˇ “Aku enggai meda chara iya ngajar aku.” Bup Kudus madah jaku lalau patut diberi ngena chara ti patut.


47

(Galatia 6:1) Bup Kudus mega madah: ‘Semua bela udah bedosa magang lalu jauh ari mulia Petara.’ (Rome 3:23) Semina mensia ke sempurna ulih meri jaku lalau ngena chara ti betul. (James 3:2) Laban Jehovah ngena mensia ke enda sempurna ngajar kitai, nya alai anang beratika chara jaku lalau nya diberi. Pendingka jaku lalau nya, besampi, lalu pikirka baka ni nitihka jaku lalau nya. ˇ “Sapa iya ti deka ngajar aku!” Enti pengurang ba orang ke meri jaku lalau nya ngasuh kitai enggai nerima jaku lalau iya, kitai patut ngingatka utai ti udah dikerandauka kitai tadi. Pia mega, enti kitai ngasaika umur, pengelandik tauka tanggung pengawa ba endur gempuru ngasuh kitai enggai nerima jaku lalau, kitai patut ngubah chara kitai berunding. Lebuh jeman Israel menya, raja bisi tanggung pengawa ti besai. Tang iya nerima jaku lalau ari bala nabi, imam enggau rayat iya. (2 Samuel 12:1-13; 2 Bansa Israel 26:16-20) Kemaya hari tu, gerempung Jehovah ngena mensia ke enda sempurna meri jaku lalau, lalu orang Kristian ti kering ba pengarap gaga ati nerima sereta bejalaika tanggung pengawa nya. Enti kitai bisi tanggung pengawa ti besai tauka pengelandik ari orang bukai, kitai patut nemu berunding sereta baruh ati nerima enggau nitihka jaku lalau nya, ngambika nyadi teladan ngagai orang bukai. —1 Timoti 3:2, 3; Titus 3:2. Iya ke amat, semua kitai patut nerima jaku lalau. Aram meh kitai nerima jaku lalau, nitihka iya, lalu beterima kasih ke pemeri Jehovah, iya ke ulih nyelamatka nyawa. Jaku lalau nya nunjukka Jehovah rinduka kitai, lalu kitai deka meruan dalam pengerindu Iya.—Hebrew 12:6-11.

48


“NGASIKA TUAI KITA”

Orang Israel menya patut diatur enggau jampat. Moses seiku aja enda ulih ngemataka bejuta iku orang Israel ke bejalai ba menua puang. Nama digaga iya? “Moses milih orang ke landik ari semua orang Israel, lalu ngasuh sida nyadi tuai megai orang mayuh, megai beribu, seratus, lima puluh, enggau sepuluh iku orang.”—Pemansut 18:25. Utai ti sama mega nyadi ba gerempung Jehovah kemaya hari tu. Nya kebuah bisi tuai ti ngatur pengawa nginjil, tuai ti ngemataka endur gempuru, tuai ti ngemataka sekeda endur gempuru ba pelilih menua, enggau Komiti Pampang Opis. Ketegal atur tu, genap iku tuai tu ulih ngemataka enggau manah nembiak Jehovah ke dipegai sida. Sida tuai tu betanggungjawap ngagai Jehovah enggau Jesus.—Kereja Rasul 20:28. Atur gerempung tu ngasuh kitai ngasi sereta tunduk. Kitai anang baka Diotrepes ke enda bebasaka orang ke nyadi tuai maya iya menya. (3 John 9, 10) Tang kitai deka nitihka jaku rasul Paul: ‘Ngasika tuai kita, lalu nunduk ngagai sida, laban sida ngemataka semengat kita, lalu sida enda tau enda madah ngagai Petara pasal semua pengawa ti udah dikereja sida. Awakka sida ngereja pengawa nya enggau ati ti gaga, ukai enggau ati ti tusah laban nya nadai pulai ke penguntung kita.’ (Hebrew 13:17) Sekeda ngasi maya sida setuju enggau utai ti diasuh orang ke nyadi tuai. Tang, sida enggai tunduk maya sida enda setuju eng-


49

gau utai ti diasuh tauka enda nemu kebuah sida patut tunduk. Kingatka, tunduk nyengkaum ngasi, taja pan kitai engka enda setuju. Nya alai, genap iku kitai patut nanya diri empu, ‘Kati aku ngasi sereta tunduk ngagai orang ke nyadi tuai?’ Endang amat, Bup Kudus enda madahka semua atur ti dikena bejalaika gerempung Jehovah. Tang, Bup Kudus madah: “Semua utai patut dikereja enggau menyana sereta meruan atur magang.” (1 Korint 14:40) Orang ti Megai ngasika utai ti diasuh enggau nyediaka mayuh macham atur sereta jaku lalau ngambika gerempung Jehovah ulih dipejalaika enggau menyana. Orang Kristian ke lelaki nyadi teladan maya sida nitihka atur. Sida nemu sida patut nerima atur ari orang ke udah dipilih ngemataka gerempung Jehovah sereta ngasika sida. (James 3:17) Nya alai, semua orang gaga ati beserakup sereta bejalaika pengawa enggau menyana baka ke dikedekaka Petara, laban Iya Petara ti beberekat.—1 Korint 14:33; 1 Timoti 1:11. Jaku Paul ba Hebrew 13:17 mega madahka, ulah ti enda ngasi ulih ngenusah. Tu ngasuh sida ke nyadi tuai ngereja pengawa “enggau ati ti tusah.” Pengawa ti kudus tu nyadi pengawa ti berat enti orang ke dijaga sida ngelaban sereta enggai nyukung. Tu nadai pulai ke penguntung kitai. Endang amat, bisi penusah bukai mega enti orang enggai ngasika atur ari Jehovah. Enti iya kelalu sumbung enggai tunduk, iya ngenyauhka kaul iya enggau Apai ti di serega. (Masmur 138:6) Aram meh kitai seruran ngasi enggau tunduk.

PELAJAR 5

Baka Ni Nyeraraka Diri Ari Dunya “Kita ukai enggi dunya.” —JOHN 15:19.

LEBUH malam ke penudi Jesus nyadi mensia ba dunya tu, iya madahka pengirau diri pasal utai ke deka nyadi ngagai murid iya jemah ila. Iya mega besampi pasal pekara nya ngagai Apai iya: ‘Aku ukai minta Nuan ngambi sida ari dunya, tang minta Nuan nyaga sida ari iya ti jai. Sida ukai enggi dunya, baka aku ke ukai enggi dunya.’ (John 17:15, 16) Dalam sampi tu, Jesus ngayanka penalam pengerindu ngagai murid iya, lalu nunjukka jaku ke dipadah iya sebedau nya beguna bendar: “Kita ukai enggi dunya.” (John 15:19) Nyadi, Jesus enggau terang nunjukka bala murid iya patut nyeraraka diri ari dunya! 2 Nitihka Jesus, “dunya” nunjukka semua mensia ke nadai kaul enggau Petara. Sida diperintah Sitan, berundingka diri empu aja sereta sumbung. (John 14:30; Epesus 2:2; 1 John 5:19) Endang amat, ‘bepangan enggau dunya, deka nyadi munsuh Petara.’ (James 4:4) Baka ni kitai ulih nyeraraka diri ari dunya, lalu meruan dalam pengerindu Petara? Kitai ulih ngereja tu enti: (1) mengkang taluk ngagai Perintah Petara ke dipegai Jesus sereta enda enggau politik ba dunya tu, (2) ngelaban roh dunya, (3) ngintu diri sereta begari enggau chara ti pa1. Nama dipadahka Jesus lebuh malam ke penudi iya nyadi mensia ba dunya tu? 2. Nitihka Jesus, “dunya” nunjukka nama?

Baka Ni Nyeraraka Diri Ari Dunya

51

tut, (4) puas ati enggau pemisi diri, lalu (5) ngerasukka semua senyata Petara. Aram kitai berandauka lima pekara tu. MENGKANG TALUK SERETA ENDA ENGGAU BEPOLITIK 3 Jesus enda enggau bepolitik, tang iya madahka pasal Perintah Petara ti di serega, ke deka endur iya nyadi Raja. (Daniel 7:13, 14; Luke 4:43; 17:20, 21) Nya alai, lebuh Jesus ba mua Pontius Pilate ke nyadi Gabenor Rome, Jesus ulih madah: “Perintah aku ukai ari dunya tu.” (John 18:36) Bala murid Jesus nitihka teladan iya, talukka iya enggau Perintah iya, lalu madahka orang pasal Perintah nya. (Matthew 24:14) Rasul Paul nulis: ‘Nya alai, kami nyadika pengari Kristus, laban Petara bejaku ngena kami. Kami bebendar ngarika Kristus ngumbuk kita, mai kita bebaik enggau Petara.’1—2 Korint 5:20. 4 Laban pengari ngarika menua bukai, sida enda masuk champur tauka nyukung parti politik ba menua ti endur sida nyadi pengari. Sida nyukung perintah ke diarika sida. Pia mega enggau bala murid Jesus ke udah dipilih nyadi “peranak serega.” (Pilipi 3:20) Kitai beterima kasih ke sida ketegal ransing ngerembaika injil 1 Kenyau ari Pentikos 33 M., Jesus nyadi Raja atas murid iya ke diiri ngena roh kudus ba dunya tu. (Kolosi 1:13) Ba taun 1914, Jesus nerima kuasa merintah atas “perintah dunya.” Nya alai, diatu orang Kristian ke diiri ngena roh kudus nyadi pengari Perintah Petara.—Pemandang 11:15.

3. (a) Nama runding Jesus pasal politik? (b) Nama kebuah kitai ngumbai bala murid Jesus ke diiri ngena roh kudus nya pengari? (Nyengkaum nota ba baruh lambar.) 4. Baka ni orang Kristian ti bendar ngayanka penaluk ngagai Perintah Petara? (Peda kutak ba lambar 52.)

52


ORANG KRISTIAN KETERUBAH ENDA ENGGAU BEPOLITIK

Sejarah nunjukka orang Kristian keterubah enda enggau bepolitik sereta enda enggau beperang. Bup The Beginnings of Christianity madah: “Orang ke ngepunka pengarap Kristian bejagajaga ngambika enda ngembuan pengingin deka enggau bepolitik.” Pia mega, bup On the Road to Civilization madah: “Orang saru penemu pasal orang Kristian keterubah, lalu pemerintah ke enda arapka Petara enda rinduka sida. . . . Orang Kristian enggai ngereja sekeda pengawa ti diberi ngagai rayat Rome. . . . Sida enggai megai pengawa politik.” Pasal orang Kristian keterubah sereta pengawa ke bekaul enggau perang, Peter Meinhold teoloji ari Jereman madah: “Orang Kristian ke nyadi soldadu dikumbai ngereja utai ti enda patut.” Dalam karang iya pasal perang enggau pengarap Kristian, Jonathan Dymond, seiku penulis pasal pengarap madahka, ba siti timpuh pengudah Jesus mati, bala murid Jesus “enggai enggau [beperang]; enda ngira nama utai nyadi, sekalika sida dikemaluka, tauka dijil, tauka dibunuh.” Dymond mega madah: “Pekara tu enda ulih disakal.” Seiku agi penulis madahka, enti “pengarap Kristian enda tuchi agi,” nya baru orang Kristian nyadi soldadu.

pasal Perintah Petara. Sida nulung bejuta iku “bedus ti bukai” ke enggi Jesus, ngambika ‘bebaik enggau Petara.’ (John 10:16; Matthew 25:31-40) “Bedus ti bukai” tu mega nyadi pengari Jesus, lalu nyukung sida ke diiri


53

ngena roh kudus. Kedua-dua raban tu begempung nyukung Perintah Petara, lalu enda nyukung politik ba dunya tu.—Bacha Isaiah 2:2-4. 5 Orang Kristian ti bendar enda nyukung politik ba dunya tu ukai ketegal sida taluk ke Jesus aja. Orang Israel menya diau ba siti menua aja, tang kemaya hari tu, orang Kristian diau ba serata dunya tu. (Matthew 28:19; 1 Peter 2:9) Nya alai, enti kitai nyukung parti politik, pengawa nginjil pasal Perintah Petara enggau penyerakup kitai deka rusak. (1 Korint 1:10) Pia mega, maya perang kitai engka belaban enggau bala sama pengarap iya ke patut dikerinduka kitai. (John 13:34, 35; 1 John 3:10-12) Nya alai, Jesus bisi kebuah ti manah ngasuh bala murid iya enda enggau beperang. Lalu, iya mega ngasuh sida rinduka munsuh sida.—Matthew 5: 44; 26:52; peda kutak “Kati Aku Tetap Enda Enggau Bepolitik?” ba lambar 55. 6 Orang Kristian ti bendar nyerahka diri ngagai Petara, ukai ngagai mensia, gerempung mensia tauka bansa. Ku 1 Korint 6:19, 20: “Kita ukai enggi kita empu. Laban kita udah dibeli ngena rega ti besai.” Nya alai, taja pan “Raja Besai [pemerintah mensia]” patut nerima basa, chukai, sereta tunduk ti dikemendarka Petara, tang bala murid Jesus meri utai enggi Petara, ngagai Petara. (Mark 12:17; Rome 13:1-7) Tu nyengkaum sembah, pengerindu ti pengabis ati sereta penaluk ari sida. Sida mega sanggup nyerahka nyawa diri ketegal Petara.—Luke 4:8; 10:27; bacha Kereja Rasul 5:29; Rome 14:8. 5. Nama kebuah orang Kristian kemaya hari tu bebida ari orang Israel menya, lalu nama patut digaga sida? 6. Nama runding nuan pasal Raja Besai pengudah nuan nyerahka diri ngagai Petara?


54

NGELABAN “ROH DUNYA” Siti agi chara orang Kristian nyeraraka diri ari dunya iya nya ngelaban roh ti jai. Paul nulis, ‘Kitai udah nerima, ukai roh dunya, tang roh ti datai ari Petara.’ (1 Korint 2:12) Ngagai orang di Epesus, iya nyebut: ‘Kita agi diau nurutka . . . chara dunya, nitihka pemerintah ti merintah kuasa ti di langit, iya nya roh ti benung bekereja ba orang ke enda ngasika Petara.’—Epesus 2:2, 3. 8 “Roh” dunya nya kuasa ti enda ulih dipeda, ngasuh orang enda ngasika Petara sereta nitih “utai ti dikinginka tubuh, utai ti dikinginka mata.” (1 Timoti 6:9, 10; 1 John 2:16) “Kuasa” roh tu bisi ba tubuh ti enda sempurna. Iya enda ngetu nyerang kitai, lalu iya mega baka angin ke bisi ba dini-dini endur. Iya mega “bekereja” belubah-lubah ngasuh orang ngereja ulah ti enda manah baka berundingka diri empu aja, sumbung, amu, deka idup bibas sereta udu ngelaban.1 Reti iya, roh dunya belubah-lubah ngasuh ulah Sitan tumbuh ba ati mensia.—John 8:44; Kereja Rasul 13:10; 1 John 3:8, 10. 9 Kati ulih roh dunya tumbuh ba runding enggau ba ati nuan? Ulih, enti nuan enda bejimat. (Bacha Jaku Dalam 4:23.) Tu engka belubah-lubah datai ari kaul nuan enggau orang baka ke manah, tang iya enda rinduka Jehovah. (Jaku Dalam 13:20; 1 Korint 15:33) Nuan mega ulih nerima roh ti jai tu ari litaricha ke enda manah, pornografi tauka laman web orang ke nulak Jehovah, pemerindang ti enda manah enggau main ti be7

1 Peda Reasoning From the Scriptures, lambar 389-393, dikeluarka Saksi-Saksi Jehovah.

7, 8. Nama reti “roh dunya,” lalu baka ni roh tu “bekereja” ba orang ke enda ngasika Petara? 9. Baka ni roh dunya ulih tama ngagai runding enggau ati kitai?


55

pekit. Reti iya, roh dunya ulih datai ari sapa-sapa tauka sebarang utai ti ngayanka runding Sitan. 10 Baka ni kitai ulih ngelaban roh dunya ti jai tu, lalu meruan dalam pengerindu Petara? Enggau ngena semua utai ti disediaka Jehovah ba pengarap sereta seruran besampi minta bantu ari roh kudus Iya. Jehovah 10. Baka ni kitai ulih ngelaban roh dunya ti jai?

KATI AKU TETAP ENDA ENGGAU BEPOLITIK? Ajar Bup Kudus: ‘Perintah aku ukai ari dunya tu.’—John 18:36.

Tanya diri empu ˇ Baka ni aku nerangka nabi bendira nya bekaul enggau nyembah engkeramba?1—Pemansut 20:4, 5; 1 John 5:21. ˇ Lebuh nerangka kebuah enda enggau ngintu hari besai ti bekaul enggau menua, baka ni aku nunjukka basa maya bekunsi enggau orang bukai pasal pengarap aku? —1 Peter 3:15. ˇ Nama kebuah aku enda nyukung parti politik tauka enggau ngereja pengawa ti bekaul enggau perang? —John 13:34; 1 John 3:10-12. 1 Peda Penerang ba lambar 212-215.

56


bekuasa agi ari Sitan tauka dunya Sitan ti jai tu. (James 4:7) Nya alai, kitai patut semak ngagai Jehovah dalam sampi! NGINTU DIRI SERETA BEGARI ENGGAU CHARA TI PATUT 11 Chara ngintu diri, begari enggau nyaga pemeresi ulih nunjukka sapa orang nya. Nitihka seiku orang ke bejaku ba TV, chara begari ba mayuh menua majak enda manah, diatu nadai bida chara begari entara indu sundal enggau indu ke bukai. Indah nembiak indu ke agi mit “enda mereti begari sereta ngayanka tubuh,” nitihka siti riput ari surat kabar. Bisi mega orang enda kemas begari. Tu ngayanka ulah ti ngelaban, enda mereti enggau enda bebasaka diri. 12 Nembiak Jehovah begari enggau kemas, beresi, manah dipeda, lalu betempat. Kitai “ngena gari ti patut,” enggau “ngereja pengawa ti badas” ke ngam enggau orang indu tauka orang lelaki iya ke ‘nangika Petara.’ Endang amat, tuju kitai ukai deka minta puji, tang ngambika ‘meruan dalam pengerindu Petara.’ (1 Timoti 2:9, 10; Jude 21) Ya, kitai deka bajik tauka sigat ‘ari ati . . . , ti pemadu berega di mua Petara.’—1 Peter 3:3, 4. 13 Kingatka, chara kitai ngintu diri sereta begari ulih ngubah chara orang meda pengarap ti bendar. Leka jaku Gerika “patut” reti iya bebasaka asai ati tauka runding orang bukai. Nya alai, kitai patut berundingka ati orang bukai, ukai peneka diri empu pasal chara ngintu diri sereta begari. Kelebih agi, kitai deka ngenataika basa ngagai Jehovah enggau nembiak Iya, 11. Baka ni roh dunya ngubah chara orang begari? 12, 13. Nama ajar Bup Kudus pasal chara kitai ngintu diri sereta begari?

lalu ngayanka diri nyadi nembiak Petara ngereja ‘semua utai nya ke mulia Petara.’—1 Korint 4:9; 10:31; 2 Korint 6:3, 4; 7:1. 14 Chara ngintu diri, begari enggau nyaga pemeresi beguna bendar maya kitai nginjil tauka datai ngagai gempuru Kristian. Tanya diri empu: ‘Kati pemeresi enggau chara aku begari ngasuh orang udu beratika aku? Kati chara aku begari ngasuh orang enda nyamai ati? Kati aku ngira peneka diri empu chara aku ngintu diri, pasal chara ngintu diri Kati begari enggau nyaga pemeresi enggau begari, lebih agi ngenataika basa ngagai Jehovah? ari utai ti ulih ngasuh aku megai pengawa ba endur gempuru?’—Pilipi 4:5; 1 Peter 5:6. 15 Bup Kudus enda madahka enggau terang chara ngintu diri, begari enggau nyaga pemeresi ngagai orang Kristian. Jehovah enda nyekat kitai milih tauka chara kitai berunding. Tang Iya deka kitai nitihka ajar Bup Kudus, iya nya “matihka diri ngelala bida entara utai ti badas enggau utai ti jai.” (Hebrew 5:14) Kelebih agi, Jehovah deka kitai ngayanka pengerindu ngagai Iya enggau 14. Pasal nyaga pemeresi enggau chara kitai begari, nama tanya ti patut ditanya kitai empu? 15. Nama kebuah Bup Kudus enda madahka enggau terang chara ngintu diri, begari enggau nyaga pemeresi?

orang bukai. (Bacha Mark 12:30, 31.) Taja pan bisi lalau ke baka tu, kitai agi bisi peluang milih mayuh macham chara ngintu diri enggau begari. Tu ulih dipeda kitai maya nembiak Jehovah ngena mayuh macham chura gari ba endur gempuru sida di serata dunya tu. PUAS ATI ENGGAU PEMISI DIRI Roh dunya ulih nipu sereta ngasuh bejuta iku orang ngumbai duit enggau reta, utai ti mai pengelantang. Tang Jesus madah: “Pengidup mensia ukai bepanggai ba pemayuh reta tengkira.” (Luke 12:15) Jesus nadai madah kitai enda begunaka duit tauka reta. Tang iya ngajar, pengelantang ba pengidup deka diu16

16. Baka ni roh dunya limpang ari ajar Jesus, lalu nama tanya ti patut ditanya kitai empu?


59

lih orang ke “seranta dalam roh” sereta puas ati enggau pemisi diri. Reti iya, sida ngenuluka kaul enggau Petara ba pengidup sida. (Matthew 5:3; 6:22, 23) Tanya diri empu: ‘Kati aku amat pechayaka ajar Jesus tu, tauka aku ditesatka “apai pemula”? (John 8:44) Nama diayanka ari jaku, tuju ati, utai ti dikemeratka, enggau chara pengidup aku?’—Luke 6:45; 21:34-36; 2 John 6. 17 Bup Kudus madahka kitai, “kereja utai ti diasuh.” (James 1:22) Peratika sekeda penguntung ke diulih sida ke meruan puas ati enggau pemisi diri. Sida bulih pengelantang ti bendar maya ngereja peneka Petara. (Matthew 11:29, 30) Sida nyeliahka pengingin ati ti ulih ngemedis. (Bacha 1 Timoti 6:9, 10.) Puas ati enggau utai ti dikemisi nulung sida bisi mayuh agi awak enggau diri sebilik sereta bala menyadi Kristian. Sida ulih tinduk jenak. (Pengajar 5:12) Sida ngasaika pengaga ati ketegal ulih meri enggau naka ulih sida. (Kereja Rasul 20:35) Lalu, sida “penuh laban pengadang” sereta bisi pengelantang ba ati enggau runding. (Rome 15:13; Matthew 6:31, 32) Berekat tu amat berega! RASUKKA ‘SEMUA SENYATA PETARA’ Sida ke meruan dalam pengerindu Petara mega dijaga ari Sitan, ke enggai meda orang Kristian bulih pengelantang enggau pengidup belama iya. (1 Peter 5:8) Paul madah: “Kitai ukai beperang ngelaban isi enggau darah, tang ngelaban bala pemerintah, ngelaban perintah, ngelaban kuasa dunya ti petang tu, enggau ngelaban kuasa roh ti jai di langit.” (Epesus 6:12) Leka jaku 18

17. Padahka sekeda penguntung ke diulih sida ke meruan puas ati enggau pemisi diri. 18. Baka ni Bup Kudus nerangka pasal munsuh kitai, chara iya nyerang kitai enggau chara kitai ngelaban iya?

60


“ngelaban” nunjukka kitai belaban ukai ari jauh, tang semak. Pia mega, leka jaku “pemerintah,” “perintah,” enggau “kuasa dunya” nunjukka roh ti jai udah ngatur pelan nyerang kitai. 19 Taja pan kitai bisi pengelemi enggau pengurang, kitai ulih menang. Baka ni? Enggau ngerasukka ‘semua senyata Petara.’ (Epesus 6:13) Pasal senyata tu, Epesus 6:14-18 madahka: ‘Nya alai bediri kita, lalu tanchangka pemendar nyadika belulang ba punggung kita, enggau pengelurus nyadika terabai dada kita, enggau ati ti seruran sedia deka nusui Berita Manah pasal pemaik, nyadika kasut kita. Nambahka nya, ambi pengarap nyadika terabai kena kita madamka semua laja ti beapi-api ti ditimbakka Sitan. Lalu ambi pengelepas nyadika selapuk kebal kita, enggau jaku Petara nyadika pedang roh. Besampi dalam roh tiap kali kita besampi, ngena semua macham sampi enggau peminta.’ 20 Laban senyata tu disediaka Petara, kitai deka dijaga enti seruran ngena iya. Enda baka soldadu ke amat, ke engka bisi ngetu beperang, orang Kristian enda ngetu beperang nyentuk ke Petara ngemunaska dunya Sitan enggau muai bala antu ke dalam Lubang ti pemadu dalam. (Pemandang 12:17; 20:1-3) Nya alai, anang alah maya nuan ngelaban pengelemi diri tauka pengingin ti salah, laban semua kitai patut “mandam” diri empu ngambika mengkang tetap ati ngagai Jehovah. (1 Korint 9:27) Endang amat, kitai patut irau ati enti enda belaban! 21 Kelimpah ari nya, kitai enda ulih menang enti be19. Terangka senyata ari Petara. 20. Nama kebuah perang kitai enda sebaka enggau perang soldadu amat? 21. Baka ni kitai ulih menang ba perang rohani?


61

panggai ba diri empu aja. Nya alai, Paul ngasuh kitai “seruran” besampi ngagai Jehovah. Kitai mega patut mendingka Jehovah enggau belajarka Bup Kudus sereta selalu begulai enggau bala “soldadu” Iya, laban kitai enda kediri aja ba perang rohani! (Pilimon 2; Hebrew 10:24, 25) Orang ke tetap ati ba pekara tu ukai aja deka menang, tang mega deka kering ba pengarap maya sida dilaban. BESEDIA NGETANKA PENGARAP NUAN 22 “Laban kita ukai enggi dunya,” ku Jesus, “nya alai dunya begedika kita.” (John 15:19) Nyadi, kitai patut selalu besedia ngetanka pengarap kitai. (Bacha 1 Peter 3:15.) Tanya diri empu: ‘Kati aku nemu nama kebuah Saksi-Saksi Jehovah kekadang enda sepenemu enggau orang mayuh? Lebuh aku ditekan ba penemu, kati aku amat pechayaka nama utai ti dipadah Bup Kudus enggau Orang ti Megai nya betul? (Matthew 24:45; John 17:17) Lalu, maya ngereja utai ti betul ba mata Jehovah, kati aku ukai semina besedia deka bebida, tang mega gaga ati ketegal bebida?’—Masmur 34:2; Matthew 10: 32, 33. 23 Kesuah agi, pengeran kitai ke deka nyeraraka diri ari dunya deka diuji ngena chara ti enda dipeda. Chunto, baka ke udah dipadah, Sitan nguji nembiak Jehovah ngena pemerindang ba dunya tu. Baka ni kitai ulih milih pemerindang ti manah ke ulih ngasuh kitai lantang ati sereta bisi ati ti beresi? Pekara tu deka dipelajarka kitai ba Pelajar 6. 22, 23. (a) Nama kebuah kitai patut selalu besedia ngetanka pengarap kitai, lalu nama tanya ti patut ditanya kitai? (b) Nama deka dipelajarka kitai ba Pelajar 6?

PELAJAR 6

Baka Ni Milih Pemerindang ti Badas ‘Kereja semua utai nya ke mulia Petara.’ —1 KORINT 10:31.

PIKIRKA nuan deka makai sigi buah apel, tang udah nya nuan meda iya bisi jai. Nama deka digaga nuan? Nuan ulih: (1) makai buah nya nyengkaum iya ke jai, (2) muai buah nya nyengkaum iya ke manah, tauka (3) muai begian ke jai, lalu makai begian ke manah. Ni bagi dipilih nuan? 2 Pemerindang mega baka buah nya. Bisi maya nuan deka merindang diri, tang nuan beratika mayuh pemerindang kemaya hari tu ngayanka ulah ti jai. Nya alai, nama deka digaga nuan? Sekeda nerima semua pemerindang enda ngira iya manah tauka jai. Bisi mega nyeliahka semua pemerindang ngambika ulah enggau runding sida enda dilimpangka. Iya ke bukai bejimat nyeliahka pemerindang ti jai, lalu merindang diri enggau pemerindang ti manah. Ni bagi dipilih nuan ngambika meruan dalam pengerindu Petara? 3 Mayuh ari kitai milih iya ketiga. Kitai endang begunaka pemerindang, tang milih iya ke manah. Nya alai, kitai patut nentuka ni bagi pemerindang ke manah enggau iya ke jai. Keterubah, aram kitai beran1, 2. Nama deka digaga nuan maya milih pemerindang? 3. Nama deka dikerandauka kitai diatu?

Baka Ni Milih Pemerindang ti Badas

63

dauka baka ni pemerindang ti dipilih kitai bisi kaul enggau Jehovah. ‘KEREJA SEMUA UTAI NYA KE MULIA PETARA’ 4 Seiku Saksi ke udah tuai, iya ke udah dibaptisa ba taun 1946 madahka: “Aku nentuka diri bisi datai ba tiap iti ceramah baptisa, lalu mendingka enggau manah, baka ke aku empu deka dibaptisa.” Nama kebuah? Iya nerangka, “Seruran ingatka diri udah nyerahka diri empu ngagai Petara, ulih nulung aku meruan tetap ati ke Iya.” Nuan tentu setuju enggau utai ku iya. Ingatka semaya diri deka ngena pengidup nuan nyembah Jehovah meransang nuan ngambika ulih betan. (Bacha Pengajar 5:4.) Iya mega nulung nuan beratika peneka Jehovah enggau utai bukai ba pengidup nuan, nyengkaum pemerindang ke sejalai enggau penemu Petara. Rasul Paul nerangka utai tu maya iya nulis ngagai orang Kristian jeman iya suba: ‘Nemuka kita makai tauka ngirup, tauka ngereja sebarang utai, kereja semua utai nya ke mulia Petara.’—1 Korint 10:31. 4. Baka ni kitai ke udah nyerah diri ngagai Petara bisi kaul enggau chara kitai milih pemerindang?


64

Semua utai ke digaga kitai ba pengidup bekaul enggau sembah kitai ngagai Jehovah. Dalam surat iya ngagai orang Rome, Paul ngena leka jaku ti ulih meransang bala sama pengarap. Ku iya: ‘Aku minta kita nyerahka tubuh kita nyadi piring[pemeri] ti idup, ti kudus, ti dikerinduka Petara. Nya meh jalai kita patut nyembah Iya.’ (Rome 12:1) Tubuh kitai nyengkaum runding, ati, enggau pengering. Semua tu dikena kitai nyembah Petara. (Mark 12:30) Paul ngumbai sembah ti pengabis ati nya pemeri. Jaku tu bisi reti. Nitihka Adat Moses, pemeri ti bisi penimpang enda diterima Petara. (Adat Lewi 22:18-20) Baka nya mega, enti sembah kitai enda tuchi, iya mega enda diterima Petara. Nama kebuah? 6 Paul ngelalau orang Kristian ba Rome: “Anang . . . nyerahka tubuh kita ngagai dosa.” (Rome 6:12-14) Ba Rome 3:13-18, Paul nerangka pengawa ti ngasuh tubuh bedosa. Pasal mensia ti bedosa, ku Bup Kudus: “Nyawa sida penuh laban jaku sumpah.” Orang Kristian ngasuh tubuh iya enda tuchi enti iya ngena tubuh iya ngereja pengawa ti bedosa. Chunto, enti orang Kristian kemaya hari tu sengaja meda utai ti enda manah, baka pornografi tauka cherita ti ngayanka pengawa balat ngemedis orang bukai, iya “nyerahka [mata iya] ngagai dosa,” lalu ngasuh tubuh enda tuchi. Sembah iya ke enda agi tuchi enda diterima Petara. (Ulang Adat 15:21; 1 Peter 1:14-16; 2 Peter 3:11) Naka meh pengerugi enti milih pemerindang ti jai! 5

5. Baka ni Adat Lewi 22:18-20 nulung kitai nemu reti ayat ba Rome 12:1? 6, 7. Baka ni orang Kristian ngasuh tubuh iya enda tuchi, lalu nama penyadi iya?


65

Pemerindang ti dipilih orang Kristian ulih meri penguntung tauka pengerugi ngagai sida. Nya alai, kitai deka milih pemerindang ti ngemansangka, ukai ngamahka sembah kitai ngagai Petara. Aram kitai berandauka baka ni kitai ulih nentuka sekalika pemerindang nya manah tauka jai. 7

“BEGEDIKA PENYAI” Pemerindang bisi dua bengkah: (1) pemerindang ti patut diseliahka orang Kristian, enggau (2) pemerindang ti engka ulih diterima orang Kristian. Keterubah, aram kitai berandauka pemerindang ti patut diseliahka orang Kristian. 9 Baka ke dipadah ba Pelajar 1, sekeda pemerindang ngayanka pengawa ti ditagang Bup Kudus. Chunto, laman Web, cherita wayang, program TV sereta lagu ti nyebut pasal beleman, bemanang enggau angkunka reta, ngayanka pornografi tauka ulah ti kamah enggau jai. Ketegal pemerindang tu ngerusak ulah, lalu enda sejalai enggau Bup Kudus, orang Kristian patut nyeliahka iya. (Kereja Rasul 15:28, 29; 1 Korint 6: 9, 10; Pemandang 21:8) Enggau nulak pemerindang ti jai, nuan nunjukka diri ngagai Jehovah nuan endang “begedika penyai,” lalu seruran ‘ngelengkaka penyai.’ Enggau tu, nuan bisi “pengarap ti bendar.”—Rome 12:9; Masmur 34:14; 1 Timoti 1:5. 10 Sekeda engka ngumbai pemerindang ti ngayanka ulah ti jai enda ngawa. Ku sida, ‘Aku semina meda 8

8, 9. (a) Padahka dua bengkah pemerindang. (b) Nama pemerindang ti patut diseliahka kitai, lalu nama kebuah? 10. Nama runding pasal pemerindang ti ulih ngenusah, lalu nama kebuah?

66


cherita ba wayang tauka ba TV, tang aku enda nunda ulah jai ba cherita nya.’ Runding ti baka nya nipu sereta ulih ngenusah. (Bacha Jeremiah 17:9.) Kati kitai amat “begedika penyai” enti kitai rindu meda cherita ti ditagang Jehovah? Enti kitai suah meda penyai, ati kitai enda ulih ngelala bida entara utai ti betul enggau salah. (Masmur 119:70; 1 Timoti 4:1, 2) Tu ulih ngubah ulah kitai tauka runding kitai pasal pengawa salah ke digaga orang bukai. 11 Tu endang bisi nyadi. Sekeda orang Kristian ngereja penyai, laban sida udu meda cherita ti ditagang Bup Kudus. Sida bulih pemedis, lalu nemu diri “ngetau utai ti ditanam.” (Galatia 6:7) Tang, pemedis tu ulih diseliahka. Enti nuan ngisi runding enggau utai ti manah, nuan deka bulih penguntung.—Peda kutak “Nama Pemerindang ti Patut Dipilih Aku?” ba lambar 67. NGAGA PEMUTUS NITIHKA AJAR BUP KUDUS 12 Aram kitai berandauka sebengkah agi pemerindang, iya nya pemerindang ti ngayanka pengawa ti enda ditagang tauka dikemendarka Bup Kudus enggau terang. Lebuh milih pemerindang ke baka tu, orang Kristian patut mutuska diri empu pemerindang ti badas. (Bacha Galatia 6:5.) Taja pia, kitai bisi iring maya ngaga pemutus tu. Bup Kudus ngembuan ajar tauka batang ajar ke ulih nulung kitai nemu chara Jehovah berunding. Enggau beratika ajar tu, kitai nemu 11. Baka ni jaku ba Galatia 6:7 nya betul pasal pemerindang? 12. Baka ni Galatia 6:5 nulung kitai milih pemerindang, lalu nama iring ti dikemisi kitai kena ngaga pemutus?


NAMA PEMERINDANG TI PATUT DIPILIH AKU? Ajar Bup Kudus: “Begedika penyai; bepegai teguh ba utai ti badas.”—Rome 12:9.

Kati Petara lantang ati enti . . . ˇ leka lagu ke didinga aku tusah ngasuh aku berundingka utai ti tuchi?—1 Korint 6:9, 10. ˇ aku nunda chara bejaku enggau ulah orang ke ba cherita ke dipeda aku?—Luke 6:40. ˇ aku main video game ke ngasuh aku nunda pengawa ke balat ngemedis tauka ngereja ulah ti kamah?—Masmur 11:5, 7. ˇ ajar Bup Kudus ke dipadah aku ngagai orang bukai enda dikena aku maya milih pemerindang?—Rome 2:21.

67

68


“semua peneka Tuhan” nyengkaum pemerindang ti dipilih kitai.—Epesus 5:17. 13 Tang kitai nemu, ukai semua orang Kristian bisi runding ti sama pasal utai ti manah enggau jai. (Pilipi 1:9) Pia mega, orang Kristian engka enda sebaka utai ti dikerindu ba pemerindang. Nya alai, kitai enda 13. Nama ulih nulung kitai nyeliahka sebarang pemerindang ti enda dikerinduka Jehovah?

Nitihka ajar Bup Kudus maya milih pemerindang nyaga kitai ngambika enda lemi ba pengarap


69

ulih ngumbai semua orang Kristian ngaga pemutus ti sama. Taja pia, enti kitai nejuka ajar Bup Kudus nyaga runding enggau ati, kitai deka nyeliahka sebarang pemerindang ti enda dikerinduka Jehovah.—Masmur 119:11, 129; 1 Peter 2:16. 14 Lebuh milih pemerindang, nuan mega patut ngira jam nuan. Taja pan pemerindang nya ulih diterima, penyampau jam ke dikena nuan nunjukka nama utai ti dikemeratka nuan. Endang amat, sembah ngagai Petara utai ti pemadu beguna ba orang Kristian. (Bacha Matthew 6:33.) Nama ulih digaga nuan ngambika sembah ngagai Petara mengkang dikemeratka ba pengidup nuan? Rasul Paul madah: “Idup enggau bejimat, ukai baka orang ke beli, tang baka orang ke bepenemu-dalam. Kena semua peluang kita enggau badas.” (Epesus 5:15, 16) Netapka penyampau jam ba pemerindang nulung nuan mayuh agi awak kena “milih utai ti pemadu badas,” iya nya pengawa ti ulih ngemansangka pengarap nuan.—Pilipi 1:10. 15 Kitai mega patut berundingka naka ni pemerindang nya ulih diterima. Nama reti iya? Peratika chunto buah apel tadi. Kitai ukai semina muai senentang ke jai aja, tang mega nentuka naka ni ke patut dibuai. Nya alai, kitai patut nentuka naka ni pemerindang nya ulih diterima. Orang Kristian ukai semina nyeliahka pemerindang ti ditagang Bup Kudus, tang mega nyeliahka pemerindang ti enda entu jai tauka 14. (a) Nama patut diperundingka nuan lebuh milih pemerindang? (b) Baka ni kitai mengkang ngemeratka sembah ngagai Petara ba pengidup? 15. Nama kebuah kitai patut berundingka naka ni pemerindang nya ulih diterima?


70

nyengkaum pengawa ke ulih ngerusak kaul kitai enggau Jehovah. (Jaku Dalam 4:25-27) Nitihka ajar Bup Kudus ulih nulung nuan ngereja nya. UTAI “TI TUCHI”

Lebuh milih pemerindang, orang Kristian patut berundingka penemu Jehovah. Bup Kudus madahka pengasai ati Jehovah enggau ukum Iya. Chunto, Raja Solomon madahka sekeda utai ti dipegedika Jehovah, baka “dilah ti bula, jari ti munuh orang ke nadai penyalah, ati ti berundingka akal ti jai, kaki ti beguai bejalaika ngereja penyai.” (Jaku Dalam 6:16-19) Baka ni runding Jehovah bekaul enggau nuan? Ku pemasmur: ‘Jehovah rinduka orang ke begedika penyai.’ (Masmur 97:10) Pemerindang ke dipilih nuan patut nunjukka nuan begedika utai ti dipegedi Jehovah. (Galatia 5:19-21) Kingatka mega, utai ti digaga nuan maya kediri nunjukka sapa nuan ke bendar. (Masmur 11:4; 16:8) Nya alai, enti nuan ngayanka pengasai ati Jehovah ba pengidup, nuan deka seruran 16

16. (a) Baka ni kitai nunjukka diri ngembuan runding Jehovah ba pengidup? (b) Nama kebuah nitihka ajar Bup Kudus patut nyadi jalai pengidup nuan?

Sebedau milih pemerindang, orang Kristian patut nanya diri empu ˇ Kati pemerindang nya ngachau kaul aku enggau Petara? ˇ Kati pemerindang nya ngachau ati aku? ˇ Kati pemerindang nya ngenusahka ati orang bukai?


71

milih pemerindang nitihka ajar Bup Kudus. Tu meh jalai pengidup ti patut dikembuan nuan.—2 Korint 3:18. 17 Nama agi patut digaga nuan ngambika sejalai enggau runding Jehovah maya milih pemerindang? Peratika tanya tu, ‘Baka ni tu tau ngachau aku sereta kaul aku enggau Jehovah?’ Chunto, sebedau milih cherita ke deka dipeda, tanya diri empu, ‘Baka ni jalai cherita tu ulih ngachau ati aku?’ Aram kitai beratika ajar Bup Kudus pasal pekara tu. 18 Pilipi 4:8 ngajar: “Perundingka utai ti bendar, ti manah, ti lurus, ti tuchi, ti badas, ti nelap, ti pemadu menyana, ti tau dipuji.” Ditu Paul ukai nyebut pasal pemerindang, tang iya nyebut pasal ati ke patut berundingka utai ti dikerindu Petara. (Masmur 19:14) Tang, ajar Paul nya ulih dikena ba pemerindang. Baka ni? 19 Tanya diri empu, ‘Kati cherita ba wayang tauka TV, video game, lagu tauka pemerindang ti bukai ngasuh aku berundingka utai “ti tuchi”?’ Chunto, pengudah nuan meda cherita ba wayang tauka TV, nama utai ti lekat ba runding nuan? Enti runding nuan manah enggau beresi pengudah meda cherita nya, pemerindang nya badas. Tang, enti cherita ke dipeda nuan nya ngasuh nuan berundingka utai ti enda tuchi tauka kamah, pemerindang nya enda badas, 17. Sebedau milih pemerindang, nama tanya ke patut ditanya kitai empu? 18, 19. (a) Baka ni ajar ba Pilipi 4:8 nulung kitai nentuka sekalika pemerindang kitai nya badas tauka enda? (b) Nama sekeda ajar Bup Kudus ke ulih nulung nuan milih pemerindang ti badas? (Peda nota ba baruh lambar.)


72

lalu ngerusak. (Matthew 12:33; Mark 7:20-23) Nama kebuah? Laban mikirka utai ti kamah ulih ngachau pengelantang ba ati ke dilatih ngena Bup Kudus sereta ngerusak kaul nuan enggau Petara. (Epesus 5:5; 1 Timoti 1:5, 19) Ketegal pemerindang nya ulih ngerusak nuan, nya alai seliahka iya.1 (Rome 12:2) Titihka teladan pemasmur ke besampi ngagai Jehovah: “Anang ngasuh mata aku merening ngagai utai ti ngasuh aku sumbung.”—Masmur 119:37. BERUNDINGKA ORANG BUKAI Paul madah pasal ajar Bup Kudus ke patut diperatika maya ngaga pemutus. Ku iya: “Semua utai tau dikereja magang, tang ukai semua utai nya ulih ngemansangka pengidup kitai. Anang berundingka diri empu aja, tang berunding ke orang bukai.” (1 Korint 10:23, 24) Baka ni ajar tu bekaul enggau milih pemerindang ti badas? Nuan patut nanya diri empu, ‘Baka ni pemerindang ke dipilih aku bekaul enggau orang bukai?’ 21 Ati nuan engka ulih nerima pemerindang ke dikumbai “tau dikereja.” Tang, enti bala menyadi Kristian ke bisi ati ti nagang sida nerima pemerindang nya, nuan tau enda nerima pemerindang nya. Nama kebuah? Laban nuan enggai “bedosa ngelaban” sida tauka “bedosa ngelaban Kristus.” Baka ke dipadah Paul, tu ngasuh bala ke sama pengarap tusah deka te20

1 Sekeda ajar Bup Kudus ke ulih dikena bekaul enggau pemerindang bisi ba Jaku Dalam 3:31; 13:20; Epesus 5:3, 4; enggau Kolosi 3: 5, 8, 20. 20, 21. Baka ni 1 Korint 10:23, 24 bekaul enggau milih pemerindang ti badas?


73

tap ati ngagai Petara. Nuan patut beratika lalau tu: “Anang ngenusahka ati orang.” (1 Korint 8:12; 10:32) Orang Kristian ti bendar kemaya hari tu nitihka ajar Paul. Sida nyeliahka pemerindang ke enda “ngemansangka” pangan diri, taja pan “tau dikereja.”—Rome 14:1; 15:1. 22 Bisi siti agi kebuah kitai patut berundingka orang bukai. Orang Kristian ke bisi ati ti nagang sida nerima pemerindang enda patut ngansak orang bukai nitihka ati sida. Enti iya ngansak orang nitihka ati iya, iya baka seiku deriba ba jalai besai ke ngansak deriba bukai nitihka pengelaju iya. Peneka iya nya enda ulih diterima. Orang Kristian ke bisi pengerindu patut bebasaka ati enggau runding bala sama pengarap, enti pemerindang nya enda ditagang Bup Kudus. Enggau nya, iya ngasuh “semua orang nemu penyiru” iya. —Pilipi 4:5; Pengajar 7:16. 23 Baka ni nuan nentuka nuan milih pemerindang ti badas? Nulak semua pemerindang ke ngayanka pengawa ti enda manah, iya ke ditagang Bup Kudus. Titihka ajar Bup Kudus kena milih pemerindang ke enda dipadah enggau terang, sekalika ditagang tauka dikemendarka. Seliahka pemerindang ti ulih ngerusak ati nuan, lalu sanggup nyeliahka pemerindang ti tau ngasuh orang bukai kelebih agi bala sama pengarap enda nyamai ati. Arapka pemutus nuan ngenataika mulia ngagai Petara, lalu ngasuh nuan enggau diri sebilik meruan dalam pengerindu Iya. 22. Nama kebuah orang Kristian patut berundingka orang bukai pasal pemerindang? 23. Baka ni nuan nentuka nuan milih pemerindang ti badas?

PELAJAR 7

Kati Nuan Bebasaka Nyawa Baka Petara? “Nuan endang pun pengidup.” —MASMUR 36:9.

APAI kitai ti di serega udah meri kitai utai ti amat berega, iya nya idup nyadi mensia ke ngembuan pengelandik sereta ulih neladan kualiti Iya. (Pemungkal 1:27) Kitai beterima kasih ke pemeri tu laban iya ulih nulung kitai berunding nitihka ajar Bup Kudus. Enggau tu, nuan ulih nyadi orang ke kering ba pengarap, rinduka Jehovah, lalu “udah matihka diri ngelala bida entara utai ti badas enggau utai ti jai.”—Hebrew 5:14. 2 Ulih nitihka ajar Bup Kudus endang beguna kemaya hari tu, laban dunya kitai majak tusah diatur nyentuk ke ukum enda ulih mungkur tiap iti pekara ti engka deka nyadi ba pengidup. Tu ulih dipeda kitai ba ubat sereta chara berubat ti ngena darah. Nya alai, enti deka ngasika Jehovah, kitai patut nemu berunding nitihka ajar Bup Kudus pasal pekara tu. Enti kitai meretika ajar Bup Kudus, kitai ulih ngaga pemutus ti ulih ngemuaska ati sereta meruan dalam pengerindu Petara. (Jaku Dalam 2:611) Peratika sekeda ajar Bup Kudus tu. 3

NYAWA ENGGAU DARAH NYA TUCHI Jehovah keterubah iya nunjukka kaul entara nya-

1, 2. Nama pemeri ari Petara ti berega kemaya hari tu, lalu nama kebuah? 3, 4. Ni maya Bup Kudus keterubah iya nunjukka darah nya tuchi, lalu tu nitihka ajar Bup Kudus siti ni?

Kati Nuan Bebasaka Nyawa Baka Petara?

75

wa enggau darah, pengudah Kain munuh Abel. Jehovah nunjukka nyawa enggau darah nya tuchi. Petara bejaku enggau Kain: “Darah menyadi nuan nyabak ngangauka Aku ari tanah.” (Pemungkal 4:10) Ba mata Jehovah, darah Abel ngambarka nyawa iya, ke udah dibunuh. Darah Abel ngangau minta balas ari Petara.—Hebrew 12:24. 4 Pengudah Bah maya jeman Noah, Petara ngemendarka mensia makai dagin jelu, tang enda ngasuh sida makai darah. Ku Petara: “Kita enda tau makai dagin ti agi bedarah, laban darah ngundan seput. Aku deka meri ukum bunuh ngagai sebarang sapa munuh orang.” (Pemungkal 9:4, 5) Pesan tu diberi ngagai semua peturun Noah enggau semua kitai nyentuk ke diatu. Pesan tu neguhka utai ti dipadah Petara ngagai Kain, iya nya darah ngambarka nyawa semua utai idup. Pesan tu mega nunjukka Jehovah deka ngukum semua mensia ke enda bebasaka nyawa enggau darah.—Masmur 36:9. 5 Adat Moses mega nunjukka nyawa enggau darah nya tuchi. Adat Lewi 17:10, 11 madahka: “Enti orang . . . makai dagin ti agi bedarah, TUHAN deka ngelaban sida, lalu Iya deka badu agi ngumbai sida nembiak Iya. Seput semua utai ti idup endang dalam darah. Nya kebuah TUHAN udah bejaku ngasuh semua darah dituang magang ba alta, kena muai dosa orang mayuh. Darah, iya nya nyawa, muai dosa.”1—Peda kutak “Darah Ulih Ngampunka Dosa,” ba lambar 76. 6 Enti darah jelu ke udah dibunuh enda dikena ba alta, darah nya patut dituang ke tanah. Reti iya, nyawa 1 Pasal Adat Lewi 17:10, 11, Scientific American madahka: “Darah dikena idup.” 5, 6. Baka ni Adat Moses nunjukka darah nya tuchi enggau berega? (Peda mega kutak ba lambar 78.)

76


DARAH ULIH NGAMPUNKA DOSA Ba Bup Kudus, darah disamaka enggau nyawa. Nya alai, ba jeman Israel menya, orang ke nesal ati laban udah ngelanggar perintah Jehovah, ulih meri jelu ba atas alta Petara nyadika pemeri. (Adat Lewi 4:27-31) Pemeri tu ulih ngampunka dosa iya, tang ukai belama iya. Baka ke dikena ba Bup Kudus, leka jaku “ngampun” bisi kaul enggau leka jaku “tebus,” lalu reti iya “nukar” tauka “nutup,” baka penutup ti ngam kena nutup sigi kontina. Endang amat, nadai jelu ti ulih “nutup” tauka nebus dosa mensia. Tang, meri jelu kena ngampunka dosa ngambarka tebus ti sempurna ke deka dikena ngampunka dosa jemah ila.—Hebrew 10:1, 4. Tebus tu disediaka nengah “tubuh Jesus Kristus ti diberi sekali aja ke belama-lama iya.” (Hebrew 10:10) Nyawa Jesus ti sempurna digambarka ngena “darah Kristus ti berega, baka darah anak domba ti nadai penimpang tauka petik,” sama rega enggau nyawa ti udah dilenyauka Adam. (1 Peter 1:19) Nya alai, ngena chara ti manah, pengelurus udah dijapai, lalu kitai tau bulih “pengelepas ti meruan belama iya.”—Hebrew 9:11, 12; John 3: 16; Pemandang 7:14.

pulai baru ngagai Pun pengidup. (Ulang Adat 12:16; Esekiel 18:4) Tang, orang Israel enda ibuh muai semua darah ari dagin jelu. Asal jelu nya udah dibunuh sereta darah iya pansut manah, orang Israel ulih makai iya enggau ati ti beresi, laban tu nunjukka sida bebasaka Pemeri Nyawa.


77

David, “orang ke ngerinduka ati [Petara]” meretika ukum Petara pasal darah. (Kereja Rasul 13:22) Bisi sekali lebuh iya balat aus, tiga iku soldadu iya bejalai ngerenchah kem munsuh, nyauk ai ari telaga, lalu mai ai nya ngagai iya. Nama digaga David? Ku iya: “Aku baka ke ngirup darah orang ke udah berambunka nyawa nyauk ai nya!” Ba mata David, ai nya disempama baka nyawa enggau darah soldadu iya. Taja pan aus, iya “nyiuhka ai nya” ngagai Jehovah.—2 Samuel 23:15-17. 8 Kira-kira 2,400 taun pengudah Jehovah meri pesan pasal darah tauka kira-kira 1,500 taun pengudah Adat Moses digaga, Iya ngasuh bala tuai gempuru Kristian ti keterubah nulis: ‘Dalam runding roh kudus enggau dalam runding kami, kami enda patut nating kita enggau utai bukai, kelimpah ari atur tu, iya nya: anang makai pemakai ti udah diberi ngagai engkeramba, anang makai darah, anang makai jelu ti mati dichekal, anang ngereja ulah ti kamah.’—Kereja Rasul 15:28, 29. 9 Nyadi, bala tuai Kristian ti keterubah nemu darah nya tuchi, lalu ngena darah enggau chara ti salah nya sebaka enggau penyalah besai ke nyembah engkeramba tauka ngereja ulah ti kamah. Orang Kristian ti bendar setuju enggau pekara tu. Pia mega, laban runding sida sejalai enggau ajar Bup Kudus, sida ulih ngelantangka ati Jehovah maya ngaga pemutus pasal darah. 7

CHARA BERUBAT TI BEKAUL ENGGAU DARAH Saksi-Saksi Jehovah nemu, “anang makai darah”

10

7. Baka ni David ngayanka diri bebasaka darah? 8, 9. Kati runding Petara pasal nyawa enggau darah berubah pengudah gerempung Kristian didirika? Terangka. 10, 11. (a) Nama penemu Saksi-Saksi Jehovah pasal nerima darah enggau empat bengkah bansa darah? (b) Ni maya orang Kristian tau enda sepenemu pasal darah?

78


BEBASAKA NYAWA JELU Taja pan Jehovah ngemendarka kitai munuh jelu nyadi ke pemakai enggau gari tauka ngelindung diri, kitai patut ngena kuasa ti diberi tu enggau manah. (Pemungkal 3:21; 9:3) Kitai enggai baka Nimrot, ke munuh jelu kena ngerinduka ati. (Pemungkal 10:9) Tang, kitai patut neladan Jehovah ke rindu ngintu semua jelu, nyengkaum burung pipit ke mit.—Jonah 4:11; Matthew 10:29. Pengerindu Petara tu diayanka ba Adat Moses. (Pemansut 23:4, 5, 12; Ulang Adat 22:10; 25:4) Sejalai enggau Adat tu, Jaku Dalam 12:10 madah: “Orang ke menyana nemu ngintu jelu tupi sida, tang orang ke jai, merinsaka jelu tupi sida.” Enda lama da agi orang ke jai tu deka dipunaska.

reti iya enda nerima darah, meri darah tauka nyimpan darah diri ngambika dikena maya begunaka iya. Ketegal bebasaka ukum Petara, sida mega enda nerima empat bengkah bansa darah: sel darah mirah, sel darah burak, platelet enggau plasma. 11 Kemaya hari tu, empat bengkah bansa darah tu ulih dibagi ngagai begian darah ke mit agi, ti ulih dikena enggau mayuh chara. Kati orang Kristian ulih ngena begian darah ke mit agi nya? Kati sida ngumbai iya “darah”? Kitai patut mutuska pekara tu kediri empu. Tu nyengkaum chara berubat baka nuchi buah pinggang, nganchurka darah (hemodilution), enggau nyelamatka darah (cell salvage) diri empu, asal darah nya enda pansut tauka disimpan.—Peda Penerang, ba lambar 215-218.


79

Kati Jehovah ibuhka pemutus ti digaga kitai? Ya, laban Iya rindu ati deka nemu runding enggau tuju ati kitai. (Bacha Jaku Dalam 17:3; 24:12.) Pengudah besampi minta iring ari Jehovah enggau mansik bansa ubat tauka chara berubat ti deka diguna, kitai patut nitihka ati ti udah dilatih ngena Bup Kudus. (Rome 14:2, 22, 23) Endang amat, orang bukai enda patut ngansak kitai nitihka runding sida. Kitai mega enda patut nanya, “Nama deka digaga nuan enti bisi penusah ke sebaka enggau aku?” Ba pekara tu, genap iku orang Kristian patut “mai ma diri empu.”—Galatia 6:5; Rome 14:12; peda kutak “Kati Aku Ngumbai Darah Nya Tuchi?” ba lambar 81. 12

UKUM JEHOVAH NGAYANKA PENGERINDU IYA Ukum enggau ajar ba Bup Kudus ngayanka Jehovah nya, Pengaga Ukum sereta Apai ti balat ibuhka nembiak Iya. (Masmur 19:7-11) Taja pan pesan “enda tau makai darah” ukai chara nyaga pengerai, tang iya amat ngelindung kitai ari penusah ke nyadi pengudah nerima darah. (Kereja Rasul 15:20) Iya ke amat, mayuh orang ke landik ba pengawa berubat ngumbai chara beputung ke enda ngena darah, nya chara ti pemadu manah kemaya hari tu. Tu nunjukka ngagai orang Kristian ti bendar, Jehovah ngembuan pengerindu enggau penemu ti pemadu dalam.—Bacha Isaiah 55:9; John 14:21, 23. 14 Pengibuh Petara ke nembiak Iya maya jeman Israel menya ulih dipeda ari ukum Iya. Chunto, Iya deka orang Israel ngaga reraga ba tisi perabung rumah sida, 13

12. Baka ni kitai patut meda sereta mutarka pekara ti bekaul enggau ati? 13. Nama diayanka ukum enggau ajar Jehovah pasal Iya? Terangka. 14, 15. (a) Pengerindu Petara ngagai nembiak Iya diayanka ba ukum ni? (b) Baka ni nuan nitihka ajar tu ngambika nyaga pengelikun?

80


kena nyeliahka penusah ari nyadi maya ngereja pengawa ba perabung. (Ulang Adat 22:8; 1 Samuel 9:25, 26; Nehemiah 8:16; Kereja Rasul 10:9) Petara mega ngasuh ngurung sapi ke mangah. (Pemansut 21:28, 29) Enda nitihka pesan tu nunjukka diri enda bebasaka nyawa orang bukai, lalu ngujungka diri berutang darah. 15 Baka ni nuan ulih nitihka ajar ari ukum nya? Uji pikirka pasal rengka pengangkut nuan, chara nuan deriba, jelu tupi nuan, rumah enggau endur nuan bekereja sereta pemerindang ke dipilih nuan? Ba sekeda menua, mayuh orang ke biak bebadi laban sida enda nyeliahka utai ti tau ngemedis. Tang, orang biak ke deka meruan dalam pengerindu Petara bebasaka nyawa, lalu enda berantuka nyawa enggau ngereja pengawa ti tau ngemedis. Sida enda ngumbai diri enda nemu pedis. Tang sida nyaga diri enggau manah, lalu nyeliahka pengawa ti tau ngemedis.—Pengajar 11:9, 10. 16 Indah nyawa anak ke bedau ada pan berega ba mata Petara. Lebuh jeman Israel menya, enti orang ngemediska indu ke ngandung, lalu sekalika indu nya tauka anak dalam kandung iya mati, Petara ngumbai orang ke salah nya pemunuh, lalu pemunuh nya patut kena ukum “nyawa balas nyawa.”1 (Bacha Pemansut 21:22, 23, NW.) Pikirka asai ati Jehovah maya Iya meda mayuh anak mit dibuai ari kandung ninting taun, ketegal orang berundingka diri empu tauka beberatka ati sida ti kamah. 17 Baka ni enti indu kala bebuai anak, sebedau iya 1 Peratika, Bup Kudus nadai madah pasal umur anak ke ba dalam kandung, kena nentuka ukum ari Jehovah. 16. Nama ajar Bup Kudus ke bekaul enggau bebuai anak? (Peda mega nota ba baruh lambar.) 17. Baka ni nuan ulih ngelantangka ati orang ke kala bebuai anak, sebedau iya nemu pemendar ari Bup Kudus?


81

KATI AKU NGUMBAI DARAH NYA TUCHI? Ajar Bup Kudus: “Enda tau makai darah.” —Kereja Rasul 15:20.

Tanya diri empu ˇ Baka ni aku nerangka empat bengkah bansa darah enggau begian darah ke mit agi?1 ˇ Nama kebuah aku patut mutuska diri empu sekalika aku deka nerima tauka nulak begian darah ke mit agi, tauka nerima sekeda chara berubat ke begunaka darah aku empu? —Rome 12:2; Galatia 6:5. ˇ Baka ni aku nerang ngagai lutur kebuah aku nerima tauka nulak begian darah ke mit agi?—Jaku Dalam 13:16. 1 Peda Penerang ba lambar 215-216, kena nemu mayuh agi.

nemu pemendar ari Bup Kudus? Ulih Petara ngampunka iya? Ulih! Jehovah ulih ngampunka iya ngena rega tebus Jesus, enti iya amat nesal ati. (Masmur 103:8-14; Epesus 1:7) Indah Jesus empu madah: “Aku datai, ukai deka


82

ngangauka orang ke lurus, tang ngangauka orang ke bedosa ngasuh sida nesal ati.”—Luke 5:32. SELIAHKA RUNDING TI TAU NGEMEDIS! Enda ngemediska orang bukai aja enda chukup. Jehovah deka kitai muai utai ti ngasuh kitai berutang darah, iya nya pemenchi. “Semua orang ke begedika pangan diri endang pemunuh,” tulis rasul Paul. (1 John 3: 15) Orang nya ukai semina enggai meda menyadi ke sama pengarap, tang ngarapka iya mati. Pemenchi iya engka diayanka ngena pemula tauka jaku petenah, ti ulih ngasuh iya kena ukum ari Petara. (Adat Lewi 19:16; Ulang Adat 19:18-21; Matthew 5:22) Nya alai, buai meh semua penyai ke bisi ba ati kitai!—James 1:14, 15; 4:1-3. 19 Orang ke bebasaka nyawa baka Jehovah sereta deka meruan dalam pengerindu Iya, mega nyeliahka semua pemangah enggau pengawa ti kasar. Masmur 11:5 madahka, Jehovah “begedika orang ke mangah.” Ayat tu ukai semina madah pasal kualiti Petara; tang madah pasal ajar ti ulih ngiring ba pengidup. Tu nulung sida ke rinduka Petara nyeliahka sebarang pemerindang ti meransang pemangah enggau pengawa ti kasar. Pia mega, ketegal Jehovah nya ‘Petara ti meri pemaik,’ tu ngasuh nembiak Iya ngisi runding enggau ati sida ngena utai ti badas, menyana enggau tau dipuji, ke ulih meri pemaik. —Bacha Pilipi 4:8, 9. 18

NYELIAHKA GEREMPUNG TI BERUTANG DARAH Ba mata Petara, dunya Sitan tu berutang darah. Bup

20

18. Nitihka Bup Kudus, nama ngasuh orang berutang darah? 19. Baka ni orang ke nitihka ajar Bup Kudus meda ayat ba Masmur 11:5 enggau Pilipi 4:8, 9? 20-22. Nama penemu orang Kristian pasal dunya tu, lalu nama kebuah?

Baka ni aku ulih nerang ngagai lutur pasal pemutus aku bekaul enggau ngena begian darah ke mit agi?

Kudus ngumbai politik ba dunya tu baka jelu mangah ti udah munuh mayuh orang, nyengkaum nembiak Jehovah. (Daniel 8:3, 4, 20-22; Pemandang 13:1, 2, 7, 8) Pengawa dagang enggau penemu sains begempung enggau gerempung politik, ngasilka senyata ti ngenataika mayuh duit. Endang amat, “semua dunya di baruh kuasa Sitan”! —1 John 5:19. 21 Laban bala murid Jesus nya “ukai enggi dunya,” lalu mengkang enda enggau bepolitik sereta perang, sida nyeliahka utang darah ba diri empu enggau ba bala mayuh.1 (John 15:19; 17:16) Sida nitihka teladan Jesus, iya nya enda ngelaban orang ke merinsaka sida. Tang, ngayanka pengerindu ngagai munsuh sida sereta besampika sida. —Matthew 5:44; Rome 12:17-21. 22 Kelebih agi, orang Kristian ti bendar nyeliahka kaul enggau ‘Babilon ti Besai,’ gerempung semua pengarap 1 Peda Pelajar 5, “Baka Ni Nyeraraka Diri Ari Dunya.”

84


pelesu ba dunya. Tu gerempung ke pemadu mayuh berutang darah. Jaku Petara madah: “Darah sida nabi, darah nembiak Tuhan, enggau darah semua orang ke udah dibunuh di dunya, ditemu magang dalam nengeri nya.” Nya alai, kitai ditangkan: “Pansut ari iya, kita ke nembiak Aku.”—Pemandang 17:6; 18:2, 4, 24. 23 Ninggalka Babilon ti Besai ukai semina pansut ari iya. Tu mega nyengkaum begedika pengawa jai ti diterima tauka dikemendarka pengarap pelesu, baka ngereja ulah ti kamah, enggau bepolitik sereta amuka pengaya. (Bacha Masmur 97:10; Pemandang 18:7, 9, 11-17) Pengawa tu suah ngujungka utang darah! 24 Sebedau megai pengarap ti bendar, genap iku kitai engka bisi nyukung dunya Sitan sereta enggau berutang darah. Taja pia, laban kitai udah ngubah ulah kitai, manggaika pengarap ba tebus Jesus, lalu nyerahka diri ngagai Petara, kitai bulih pengampun enggau jaga ari Petara. (Kereja Rasul 3:19) Jaga tu ngingatka kitai pasal nengeri alai ngerarika diri maya jeman Bub Kudus.—Penyampau 35:11-15; Ulang Adat 21:1-9. 25 Baka ni atur tu dipejalaika? Enti orang Israel tekelanjur munuh orang, iya ulih rari ngagai nengeri alai ngerarika diri. Pengudah hakim mutuska pekara nya, orang ke tekelanjur munuh orang patut diau ba nengeri nya, nyentuk ke imam besai mati. Udah timpuh nya, iya tau diau ba sebarang endur ti dikedeka iya. Naka meh pemanah atur ti ngayanka penyiru Petara sereta nunjukka nyawa mensia berega ba mata Iya! Kemaya hari tu, nengeri alai ngerarika diri sebaka enggau atur ari Petara ke nye23. Nama reti pansut ari Babilon ti Besai? 24, 25. (a) Baka ni Petara nunjukka penyiru Iya ngagai orang ke berutang darah ti udah nesal ati? (b) Tu ngingatka kitai pasal atur nama maya jeman Bub Kudus?


85

diaka tebus Jesus, kena nyaga kitai maya ke enda sengaja ngelanggar pesan Petara pasal nyawa enggau darah. Kati nuan beterima kasih ke atur tu? Baka ni nuan ngayanka diri beterima kasih? Siti chara nya enggau mai orang bukai nerima atur ke udah disediaka Petara tu, laban “penusah ti besai” nyau semak.—Matthew 24:21; 2 Korint 6: 1, 2. BEBASAKA NYAWA ENGGAU NGEREMBAIKA BERITA MANAH 26 Utai ti nyadi ba nembiak Petara kemaya hari tu, ngingatka kitai pasal nabi Esekiel ke diasuh Jehovah nyaga pengarap orang Israel. “Nuan enda tau enda madahka ngagai sida jaku tangkan ti diberi Aku ngagai nuan,” ku Petara. Enti Esekiel enda ngereja utai ti diasuh, iya deka betanggungjawapka pemati orang Israel. (Esekiel 33:7-9) Tang Esekiel ngasi, lalu enda berutang darah. 27 Kitai nemu dunya Sitan udah ba pengujung iya. Nya alai, Saksi-Saksi Jehovah ngumbai tanggungjawap madahka hari Petara deka bebalas nya bekaul enggau Berita Manah pasal Perintah Petara. (Isaiah 61:2; Matthew 24:14) Kati nuan bisi bebendar enggau pengawa tu? Rasul Paul beberatka pengawa nginjil. Nya alai, iya ulih madah: ‘Aku enda betanggungjawapka nyawa kita, laban aku nadai kala enggai madah ngagai kita semua juluk ati Petara.’ (Kereja Rasul 20:26, 27) Tu chunto ti patut dititihka kitai! 28 Enti kitai deka meruan dalam pengerindu Petara, kitai ukai semina bebasaka nyawa enggau darah aja. Kitai mega patut mengkang tuchi tauka kudus ba mata Petara, baka ke deka dipelajarka kitai ba Pelajar 8. 26-28. Baka ni utai ti nyadi ba kitai kemaya hari tu sebaka enggau iya ke nyadi ba jeman nabi Esekiel, lalu baka ni kitai ulih meruan dalam pengerindu Petara?

PELAJAR 8

Petara Rinduka Orang ti Tuchi “Nuan mandangka Diri tuchi ngagai orang ke tuchi.”—MASMUR 18:26.

SEBEDAU ngemai anak keluar bejalai, indai nentuka anak iya udah mandi sereta ngena gari ti kemas enggau beresi. Iya nemu pemeresi nya pulaika pengerai anak. Iya mega nemu chara ngintu anak ngambarka sapa apai indai anak nya. 2 Apai kitai ti di serega, Jehovah, deka nembiak Iya beresi. Bup Kudus madah: “Nuan mandangka Diri tuchi ngagai orang ke tuchi.”1 (Masmur 18:26) Jehovah rinduka kitai; Iya nemu ngintu pemeresi nya ulih ngena1 Leka jaku “tuchi” dalam Bup Kudus ti asal, kekadang dikena ba pemeresi diri, tang kesuah agi ba ulah tauka pengarap. 1-3. (a) Nama kebuah indai nentuka anak iya kemas enggau beresi? (b) Nama kebuah Jehovah deka nembiak Iya beresi, lalu nama meransang kitai nyaga pemeresi?

Petara Rinduka Orang ti Tuchi

87

taika penguntung ke kitai. Jehovah mega ngarapka kitai ngenataika puji ngagai Iya. Endang amat, pemeresi enggau ulah kitai ti manah ngenataika mulia ngagai Jehovah enggau nama Iya ti kudus.—Esekiel 36:22; bacha 1 Peter 2:12. 3 Ketegal nemu Petara rinduka orang ti beresi, tu meransang kitai nyaga pemeresi. Kitai deka chara pengidup kitai ngenataika basa ngagai Iya laban kitai rinduka Iya. Kitai mega deka meruan dalam pengerindu Iya. Aram kitai beratika nama kebuah kitai patut nyaga pemeresi, pemeresi nyengkaum nama, lalu baka ni kitai ulih nyaga pemeresi. Tu nulung kitai nemu ni utai ti patut diubah manah agi. NAMA KEBUAH KITAI PATUT BERESI? Siti chara Jehovah ngiring kitai iya nya ngena teladan Iya. Bup Kudus meransang kitai nunda ‘teladan Petara.’ (Epesus 5:1) Tu batang kebuah kitai patut nyaga pemeresi: Jehovah, Petara ke disembah kitai nya beresi, tuchi sereta kudus ba semua utai.—Bacha Adat Lewi 11:44, 45. 5 Pemeresi Jehovah ulih dipeda ari kualiti enggau chara Iya ngereja pengawa. Kitai meda tu ari utai ti digaga Iya. (Rome 1:20) Dunya tu mega digaga nyadi alai diau ti beresi ke mensia. Jehovah udah ngatur kaul entara semua utai idup ngambika ulih meresi angin enggau ai. Nya alai, dunya tu ulih meresi diri empu. Nyadi, pemeresi endang utai ti beguna ba Petara ke “ngaga dunya.” (Jeremiah 10:12) Kitai mega patut nyaga pemeresi. 6 Siti agi kebuah kitai patut nyaga pemeresi laban Jehovah, Pemerintah kitai ti Pemadu Tinggi, deka nembiak 4

4, 5. (a) Nama batang kebuah kitai nyaga pemeresi? (b) Baka ni pemeresi Jehovah ulih dipeda ari utai ti digaga Iya? 6, 7. Baka ni Adat Moses madahka pemeresi nya syarat ngagai orang ke nyembah Jehovah?


88

Iya beresi. Ba Adat ke diberi Jehovah ngagai orang Israel nunjukka kaul entara pemeresi enggau sembah. Adat madahka maya Hari Pengampun Dosa, imam besai patut mandi dua kali. (Adat Lewi 16:4, 23, 24) Bala imam ke bejalaika pengawa diasuh nuchi jari enggau kaki sida sebedau meri pemeri ngagai Jehovah. (Pemansut 30:1721; 2 Bansa Israel 4:6) Adat madahka kira-kira 70 iti pekara ti ulih ngamahka tubuh sereta ngasuh sida enda ulih nyembah Petara. Enti orang Israel sengaja nyembah Petara maya sida enda tuchi, sida patut diukum bunuh. (Adat Lewi 15:31) Sida ke enggai nuchi diri nitihka Adat, nyengkaum mandi enggau masu gari, patut diukum bunuh. —Penyampau 19:17-20. 7 Taja pan kitai enda agi di baruh Adat Moses, tu nulung kitai nemu nama runding Petara pasal pemeresi. Nya alai, Adat nunjukka pemeresi nya syarat ngagai orang ke deka nyembah Petara. Jehovah enda berubah. (Malaki 3:6) Jehovah semina nerima sembah kitai “ti tuchi, ti bendar.” (James 1:27) Nya alai, kitai patut nemu utai ti dikedeka Iya pasal pekara tu. BERESI BA MATA PETARA NYENGKAUM NAMA? Ba Bup Kudus, pemeresi ukai semina ba tubuh aja. Beresi ba mata Petara nyengkaum semua pekara ba pengidup kitai. Jehovah deka kitai beresi ba empat pekara tu—pengarap, ulah, runding sereta pemeresi diri. Aram kitai beratika semua pekara tu. 9 Tuchi ba pengarap. Reti iya, kitai nadai kaul agi enggau pengarap ti bula. Lebuh orang Israel ninggalka Babilon, lalu pulai baru ke Jerusalem, sida diasuh nitihka jaku 8

8. Jehovah deka kitai beresi ba empat pekara. Padahka. 9, 10. Nama reti tuchi ba pengarap, lalu nama patut diseliahka orang Kristian ti bendar?


89

peransang tu: “Angkat ari menua Babilon, . . . anang negu utai ti enda tuchi. Intu diri kudus.” (Isaiah 52:11) Orang Israel pulai baru ke Jerusalem ngambika sembah ngagai Jehovah ulih diaduka baru. Sembah tu patut tuchi, iya nya enda dikamahka enggau ajar, pengawa sereta adat ba pengarap orang Babilon ti enda bebasaka Petara. 10 Kemaya hari tu, orang Kristian ti bendar patut bejimat ngambika enda dikamahka pengarap pelesu. (Bacha 1 Korint 10:21.) Kitai bejimat laban pengarap pelesu bisi ba dini-dini endur. Pengarap pelesu ngajar mayuh ajar ti bula. Chunto, sida ngajar orang ke udah mati nyadi semengat. Nya alai, orang ke pechayaka ajar sida nganjung pemakai ngagai pendam ngambika diberi ngagai orang ke udah mati. (Pengajar 9:5, 6, 10) Orang Kristian nyeliahka adat ti bekaul enggau pengarap pelesu.1 Kitai anang ngasuh orang bukai nagang kitai ari nitihka ajar Bup Kudus pasal pengarap ti tuchi.—Kereja Rasul 5:29. 11 Ulah ti Tuchi. Tu nyengkaum nyeliahka semua ulah ti kamah. (Bacha Epesus 5:5.) Nya alai, kitai patut ngembuan ulah ti tuchi. Ba Pelajar 9, kitai diasuh nyeliahka “ulah ti kamah” ngambika meruan dalam pengerindu Petara. Orang ke butang ti enda nesal ati ‘enda ulih bempu Perintah Petara.’ (1 Korint 6:9, 10, 18) Ba mata Petara, sida “ngereja penyai.” Enti sida enda ngembuan ulah ti tuchi, “endur alai sida nya . . . pemati ti kedua.”—Pemandang 21:8. 12 Tuchi ba runding. Runding bekaul enggau utai ti 1 Peda Pelajar 13 ba bup tu kena nemu bagi pengerami enggau adat ti patut diseliahka orang Kristian ti bendar. 11. Ulah ti tuchi nyengkaum nama, lalu nama kebuah kitai patut ngembuan ulah ti tuchi? 12, 13. Nama kaul entara runding enggau utai ti dikereja, lalu baka ni kitai ulih nyaga runding ngambika tuchi?


90

dikereja. Enti kitai ngelakka runding ti salah tumbuh ba pikir enggau ati, nyau kelama kitai deka ngereja pengawa ti enda tuchi. (Matthew 5:28; 15:18-20) Tang, enti kitai ngisi runding enggau utai ti tuchi, kitai deka diperansang ngetanka ulah ti tuchi. (Bacha Pilipi 4:8.) Baka ni kitai ulih nyaga runding ngambika tuchi? Siti chara nya, kitai patut nyeliahka sebarang pemerindang ke ulih ngamahka runding kitai.1 Nambahka nya, kitai mega ulih belajarka Bup Kudus ninting hari.—Masmur 19:8, 9. 13 Ngambika meruan dalam pengerindu Petara, kitai patut nyaga pengarap, ulah enggau runding kitai tuchi. Aram kitai belajar pekara keempat, iya nya pemeresi diri. BAKA NI KITAI ULIH NYAGA PEMERESI DIRI? Pemeresi diri nyengkaum pemeresi tubuh enggau reta kitai. Kati pemeresi diri bisi kaul enggau orang bukai? Bisi. Baka ke udah dipelajar, Jehovah deka kitai nyaga pemeresi diri ukai semina ketegal ulih nguntungka kitai, tang mega ketegal kitai ngambarka sapa Jehovah nya. Peratika baru chunto keterubah tadi. Meda anak ke selalu kamah tauka enda diintu ngasuh nuan bisi runding ke enda manah pasal apai indai iya. Kitai enggai chara ngintu pemeresi diri tauka chara pengidup kitai ngemaluka Apai ti di serega, tauka ngasuh Berita Manah ke dikerembaika kitai enda diterima orang. Paul nulis: ‘Kami nadai mempang jalai orang, ngambika orang enda ulih besalahka pengawa kami, tang dalam semua utai enggau ngena semua macham chara kami udah ngayanka diri amat ulun Petara.’ (2 Korint 6:3, 4) Nya alai, baka ni kitai ulih nyaga pemeresi diri? 14

1 Ba Pelajar 6 bup tu, kitai udah belajarka baka ni milih pemerindang ti badas. 14. Nama kebuah pemeresi diri bisi kaul enggau orang bukai?

Pemeresi diri nyengkaum pemeresi tubuh enggau reta kitai

Pemeresi tubuh. Taja pan adat enggau chara pengidup ba siti-siti menua enda sebaka, kitai bisi sabun enggau ai kena mandi ninting hari, lalu nentuka kitai enggau anak kitai beresi. Nyaga pemeresi ti manah nyengkaum masu jari ngena sabun enggau ai sebedau makai tauka nyediaka pemakai, pengudah ngena jamban enggau pengudah ngintu anak ke udah bira. Tu ulih nyeliahka penyakit sereta nyelamatka nyawa. Iya ulih nagang virus enggau bakteria ti tau nganu ari ngelekai, lalu nulung orang nyeliahka penyakit chirit tauka muang ai. Ba sekeda menua, orang engka nadai jamban ti meruan. Sida engka numbak lubang maya deka bira, lalu udah nya ngelamun tai sida, baka ke digaga orang Israel menya.—Ulang Adat 23:12, 13. 15

15, 16. Nama reti nyaga pemeresi ti manah, lalu baka ni enggau gari kitai?


92

Gari kitai mega patut selalu dibasu ngambika beresi enggau manah dipeda. Gari orang Kristian enda ibuh mar tauka nitih setail baru, tang iya patut beresi, kemas enggau pengumbas iya. (Bacha 1 Timoti 2:9, 10.) Enda ngira dini alai kitai, kitai deka pemeresi tubuh ‘mai puji ngagai ajar ti diberi Petara ti Juruselamat kitai.’—Titus 2:10. 17 Rumah enggau reta. Rumah kitai engka enda manah tauka mar, tang iya patut beresi sereta manah dipeda. Baka nya mega, enti kitai ngena rengka pengangkut ngagai gempuru tauka maya nginjil, kitai nentuka iya beresi ari dalam enggau luar. Anang enda ingat, pemeresi rumah enggau reta kitai ulih ngambarka sapa Petara ti disembah kitai. Pia mega, kitai ngajar orang Jehovah nya Petara ti tuchi. Iya deka “ngerusak sida ke nyadi pengerusak dunya,” lalu Perintah Iya deka ngubah dunya kitai tu nyadi paradais. (Pemandang 11:18; Luke 23:43) Kitai endang deka pemeresi rumah enggau reta kitai nunjukka kitai diatu nyediaka diri, ngambika ulih diau ba dunya baru ti deka datai. 18 Endur kitai nyembah Petara. Pengerindu ngagai Jehovah meransang kitai bebasaka Palan Gempuru kitai, laban nya endur nyembah Iya. Lebuh orang ke baru datai ngagai Palan Gempuru, kitai deka sida bisi runding ti manah pasal endur gempuru kitai. Kitai patut selalu meresi sereta ngaduka endur gempuru ngambika iya manah dipeda. Kitai bebasaka Palan Gempuru kitai, enti kitai nyaga pemanah iya enggau naka ulih. Endang peluang ti manah enti kitai ngena jam kitai nulung meresi sereta “ngaduka” endur kitai nyembah Petara. (2 Bansa Isra16

17. Nama kebuah rumah enggau reta kitai patut beresi sereta manah dipeda? 18. Baka ni kitai bebasaka Palan Gempuru?


93

el 34:10) Kitai mega nyaga pemeresi ba endur gempuru maya gempuru besai. NUCHI DIRI ARI ULAH ENGGAU PENGAWA TI ENDA TUCHI 19 Kitai patut nyeliahka ulah enggau pengawa ti ngasuh tubuh kitai enda tuchi, baka nginsap, makai buah pinang, balat ngirup ai bisa, enggau ngena utai ti tau ngasuh gian sereta enda ulih berunding enggau betul. Bup Kudus enda madahka enggau terang semua ulah enggau pengawa ti enda tuchi kemaya hari tu. Tang, iya ngembuan ajar ti ulih nulung kitai nemu baka ni asai ati Jehovah pasal utai nya. Laban kitai nemu runding Jehovah, pengerindu kitai ngagai Iya meransang kitai milih jalai pengidup ti diterima Iya. Aram kitai berandauka lima ajar Bup Kudus ti ulih dikena kitai. 20 ‘Laban kitai bisi semaya tu, menyadi, aram kitai nuchi diri empu ari semua utai ti ngamahka tubuh enggau roh kitai, lalu nyadi pemadu kudus nangika Petara.’ (2 Korint 7:1) Jehovah deka kitai bibas ari pengawa ti tau ngamahka tubuh enggau ngerusak runding. Nya alai, kitai patut nyeliahka utai ti ulih ngasuh kitai gian. 21 Bup Kudus meri kitai kebuah ti berat kitai patut “nuchi diri empu ari semua utai ti ngamahka.” Peratika, 2 Korint 7:1 belabuh munyi tu: “Laban kitai bisi semaya tu.” Nama semaya tu? Baka ke dipadah ba ayat ke dulu agi, Jehovah besemaya: “Aku deka nerima kita, lalu Aku deka nyadi Apai kita.” (2 Korint 6:17, 18) Pikirka: Jehovah besemaya deka nyaga sereta sayauka nuan baka apai ti sayauka anak iya. Tang Jehovah deka ngamatka semaya tu, enti 19. Nama patut diseliahka kitai ngambika tubuh tuchi, lalu baka ni Bup Kudus nulung kitai ba pekara tu? 20, 21. Jehovah deka kitai bibas ari pengawa ti baka ni, lalu nama ajar ti patut dititihka kitai?

94


KATI AKU TUSAH DEKA NGEREJA UTAI TI BETUL? Ajar Bup Kudus: “Aku mandam tubuh aku lalu ngaga iya nyadi ulun aku, enggai ke aku enda bulih prais lebuh aku udah nusui Berita Manah ngagai orang bukai.”—1 Korint 9:27.

Tanya diri empu ˇ Lebuh aku ngasaika diri deka ngereja sekeda ulah ti enda tuchi, kati aku besampi minta roh kudus Petara kena nulung aku ngelaban pengingin nya? —Matthew 6:13. ˇ Kati orang ke begulai enggau aku, cherita ke dipeda aku, sereta lagu ke didinga aku, ulih ngachau aku nyeliahka ulah ti jai? —1 Peter 4:3, 4. ˇ Nama kebuah udah ngereja utai ti manah ukai reti iya kitai ulih ngereja utai ti bedosa?—Matthew 23:25-28. ˇ Nama kebuah aku sanggup merinsa baka Jesus ketegal deka ngereja peneka Petara? —1 Peter 2:21; 4:1. ˇ Baka ni aku nerang ngagai orang bukai kebuah aku enda nginsap?—Rome 12:1, 2. ˇ Kati enti aku ngereja penyalah nya baru, reti iya aku enda ulih ngubah diri?—Rome 7:21-25.


95

nuan nyeliahka sebarang utai ti ngamahka tubuh enggau runding. Nya alai, anang nejuka ulah tauka pengawa ti kamah nagang nuan bulih kaul ti semak sereta berega enggau Jehovah! 22 ‘Rinduka Jehovah Petara nuan enggau pengabis ati nuan, enggau pengabis semengat nuan, enggau pengabis runding nuan.’ (Matthew 22:37) Jesus milih pesan tu nyadi pesan ti pemadu besai. (Matthew 22:38) Jehovah patut nerima pengerindu ke baka nya ari kitai. Enti deka rinduka Iya enggau pengabis ati, semengat sereta runding, kitai patut nyeliahka pengawa ti ulih ngasuh umur kitai enda panjai, tauka ngasuh kitai enda nemu berunding. 23 “[Jehovah] ke meri pengidup enggau seput, enggau semua utai bukai, ngagai semua mensia.” (Kereja Rasul 17: 24, 25) Nyawa datai ari Jehovah. Kitai rinduka Iya, nya alai kitai deka bebasaka nyawa. Kitai nyeliahka sebarang ulah tauka pengawa ti ngerusak pengerai kitai, laban kitai nemu pengawa nya nunjukka diri balat enda bebasaka nyawa.—Masmur 36:9. 24 “Rinduka pangan nuan baka nuan ke rinduka diri empu.” (Matthew 22:39) Ulah enggau pengawa ti enda tuchi ukai semina ngachau orang ke ngereja pengawa nya, tang mega orang ke semak enggau iya. Chunto, asap insap orang ke nginsap ulih ngerusak pengerai orang ke semak enggau iya. Sida ke ngemedis orang ke semak sida ngelanggar perintah Petara ke ngasuh kitai rinduka orang bukai. Jaku sida ke ngumbai diri rinduka Petara nya semina jaku ngapa.—1 John 4:20, 21. 25 “Nunduk ngagai orang ke megai perintah enggau ngagai orang ke megai kuasa.” (Titus 3:1) Ba mayuh menua, ngembuan tauka ngena sekeda dadah nya pengawa 22-25. Nama ajar Bup Kudus ti ulih nulung kitai nyeliahka ulah enggau pengawa ti enda tuchi?

96


‘BA PETARA SEMUA UTAI ULIH MAGANG’ Ku Helen,1 “Maya beumur 15 taun, aku udah belabuh nginsap ninting hari sereta ngirup ai bisa enggau bala kaban aku maya ujung minggu. Udah nya, taja pan aku indai tunggal sereta bisi tiga iku anak, aku belabuh gian makai dadah. Pengidup aku enda meruan. Taja pia, aku belabuh belajarka Bup Kudus, lalu enggau tulung ari Jehovah, aku ulih ngubah pengidup aku. Tu amat tusah, kelebih agi ngetuka diri ari makai dadah. Aku enda ulih mujur enti enda ditulung Jehovah. Tang, diatu aku ngasaika pengamat jaku Jesus: ‘Ba Petara semua utai ulih magang.’ ”—Matthew 19:26. 1 Nama udah ditukar.

ti ngelangar undang-undang. Orang Kristian ke bendar enda ngembuan tauka ngena dadah enggau chara ti salah. —Rome 13:1. 26 Ngambika meruan dalam pengerindu Petara, kitai patut mengkang tuchi ukai semina ba siti tauka dua iti pekara aja, tang ba semua pekara. Ninggalka sereta nyeliahka ulah enggau pengawa ti enda tuchi engka enda senang, tang iya ulih dikereja.1 Tu meh chara pengidup ti manah, laban Jehovah seruran ngajar utai ti nguntungka kitai. (Bacha Isaiah 48:17.) Kelebih agi, enti mengkang tuchi kitai puas ati, laban nemu diri ngambarka Petara ti dikerindu kitai, lalu ulih meruan dalam pengerindu Iya. 1 Peda kutak “Kati Aku Tusah Deka Ngereja Utai ti Betul?” ba lambar 94 enggau ‘Ba Petara Semua Utai Ulih Magang,’ ba atas. 26. (a) Nama patut digaga kitai ngambika meruan dalam pengerindu Petara? (b) Nama kebuah mengkang tuchi ba mata Petara nya chara pengidup ti pemadu manah?

PELAJAR 9

“Seliahka Ulah ti Kamah” “Nya alai bunuh semua pengingin dunya ti dalam kita, baka: pengawa bambai, ulah ti kamah, runding ti kamah, pengingin ti jai, enggau pengamu (reti nya nyembah engkeramba).”—KOLOSI 3:5.

SEIKU orang nurun nginti ngagai endur ti dikerindu iya. Iya bisi berundingka bansa ikan ti deka diginti, lalu milih umpan ke deka dikena. Enda lama pengudah nikauka tali ginti ke ai, ginti iya ngentun, lalu iya bulih ikan. Iya tuchum laban udah ngena umpan ti betul. 2 Kira-kira 3,500 taun ti udah, seiku lelaki ke benama Balaam benung berundingka umpan ti deka dikena iya ngelimpangka nembiak Petara. Orang Israel benung bepalan ba Emperan Menua Moap, ba entara Menua ti Disemaya. Balaam ngaku diri nyadi nabi Jehovah, tang ke amat, iya orang ti amu ke diupah nyumpah orang Israel. Tang ketegal Jehovah masuk champur, Balaam nyau merekat orang Israel. Ketegal deka bulih upah, Balaam berunding enti iya ulih ngasuh orang Israel bedosa, iya nemu Petara deka nyumpah nembiak Iya empu. Nya alai, Balaam nyediaka umpan—indu Moap ke biak sereta bajik.—Penyampau 22:1-7; 31:15, 16; Pemandang 2:14. 3 Kati pelan Balaam mujur? Ya. Bepuluh ribu iku lelaki orang Israel kena umpan “beleman enggau indu bansa Moap.” Sida belabuh nyembah petara orang Moap, nyengkaum petara kamah ke dikumbai Baal 1, 2. Baka ni Balaam ngumpan nembiak Jehovah? 3. Kati pelan Balaam mujur, lalu nama kebuah?

98


di Peor, ke disembah sida enggau pengawa besetubuh. Ketegal tu, 24,000 orang Israel dibunuh ba entara Menua ti Disemaya. Naka meh pemalat penusah tu!—Penyampau 25:1-9. 4 Nama ngasuh penusah tu nyadi? Mayuh ari orang Israel bisi ati ti jai lalu ninggalka Jehovah, ke udah ngelepaska sida iya ari Ejip, meri sida pemakai maya sida ba menua puang sereta ngiring sida ngagai menua ti disemaya enggau selamat. (Hebrew 3:12) Pasal pekara tu, rasul Paul nulis: “Kitai enda tau ngereja pengawa ti kamah, baka sekeda sida, lalu dua puluh tiga ribu iku sida mati dalam sehari.”1—1 Korint 10:8. 5 Cherita ba bup Penyampau ngembuan mayuh ajar ti beguna ngagai nembiak Petara kemaya hari tu, ke deka tama ngagai menua ti disemaya ke besai agi. (1 Korint 10:11) Chunto, dunya ti gila seks kemaya hari tu ngambarka orang Moap menya. Tang kemaya hari tu, 1 Pemayuh ke dipadah ba bup Penyampau nyengkaum 1,000 iku “orang Israel ti udah nguluka orang” ke diukum bala pemesai, lalu nyengkaum sida ke diukum Jehovah.—Penyampau 25:4, 5. 4. Nama kebuah beribu iku orang Israel ngereja ulah ti kamah? 5, 6. Kemaya hari tu, nama ulih dipelajarka kitai ari penyalah orang Israel ba Emperan Menua Moap?

Emperan Menua Moap

“Seliahka Ulah ti Kamah”

99

iya nyadi ba serata dunya. Kelebih agi, ninting taun beribu iku orang Kristian ngereja ulah ti kamah—utai ti sama dikena ngumpan orang Israel. (2 Korint 2:11) Kelia menya, Sisa Imri enggau berani ngemai indu orang Midian tama ngagai langkau kain iya. Pia mega, orang ke begulai enggau nembiak Petara kemaya hari tu, udah ngelimpangka bala menyadi Kristian enggau ulah ti kamah.—Penyampau 25:6, 14; Jude 4. 6 Kemaya hari tu, kati nuan ngasaika diri ba Emperan Menua Moap? Ulih nuan meda berekat nuan ba dunya baru ti deka datai? Enti ulih, nuan patut enggau naka ulih nitihka pesan: “Seliahka ulah ti kamah.”—1 Korint 6:18. NAMA RETI ULAH TI KAMAH? Ba Bup Kudus, “ulah ti kamah” (Gerika, por·neia) reti iya ulah seks ti ditagang Bup Kudus. Tu nyengkaum butang, nyundal, besetubuh sebedau kawin (nyengkaum seks ngena mulut enggau “utai” orang ke lelaki tauka indu sereta seks ari burit), enggau megai “utai” orang ke ukai laki tauka bini diri kena ngemuaska ati ti kamah. Tu mega nyengkaum seks entara indu sama indu tauka lelaki sama lelaki sereta beleman enggau jelu.1 8 Bup Kudus enggau terang madah: Orang ke ngereja ulah ti kamah enda ulih terus enggau gerempung Jehovah sereta enda ulih nerima berekat idup belama iya. (1 Korint 6:9; Pemandang 22:15) Pia mega, diatu sida 7

1 Kena nemu reti ulah ti kamah enggau ulah ti ngemalu, peda “Questions From Readers” ba The Watchtower kena 15 Julai, 2006, ke dikeluarka Saksi-Saksi Jehovah. 7, 8. Nama reti “ulah ti kamah,” lalu nama penyadi ngagai orang ke ngereja iya?

100


udah merinsa diri empu ketegal enda ulih dikearap, ngemaluka diri, ngerusak ruang bilik, nyalahka diri, ngandung ngampang, bulih penyakit sereta mati. (Bacha Galatia 6:7, 8.) Nama kebuah ngereja ulah ti tau ngemedis enti iya ulih diseliahka? Tang sayau amat, mayuh orang enda berunding panjai. Sida ngelakka diri diumpan ngereja ulah ti kamah—ke selalu bepun ari pornografi. PORNOGRAFI—UTAI TI NGUJUNGKA ULAH TI KAMAH 9 Ba mayuh menua, pornografi bisi ba kedai majalah, ba lagu, ba TV enggau kemayuh agi ba Internet.1 Kati iya ulih ngenusah? Ulih! Orang ke meda pornografi engka gian ngeluchu, lalu “nurutka pengingin sida ti jai.” Tu ngasuh gila seks, bisi pengingin ti salah, ngerusak ruang bilik, lalu ngujungka sarak.2 (Rome 1:2427; Epesus 4:19) Seiku pemansik ngumbai gila seks nya baka penyakit kanser. “Iya majak besai lalu ngelekai, iya enda ulih lenyau, lalu tusah diubat sereta digeraika,” ku iya. 10 Peratika ayat ba James 1:14, 15: “Kitai diuji pengingin kitai empu, ti ngumpan lalu manjuk kitai; udah nya, lebuh pengingin nya udah ngandung, iya ngadaka dosa, lalu dosa, lebuh iya udah chukup tuai, ngadaka pemati.” Nya alai, enti pengingin ti jai tama ngagai runding nuan, jampat-jampat meh muai iya! Chunto, enti nuan enda sengaja tepedaka pornografi, jampat-jampat 1 “Pornografi,” reti iya gambar, utai ti ditulis tauka bunyi ti tau meransang ulah ti kamah. Pornografi ngayanka gambar orang ngereja ulah ti kamah entara dua iku orang tauka lebih. 2 Ngeluchu deka dikerandau ba Penerang, lambar 218-219. 9. Kati pornografi ulih ngenusah? Terangka. 10. Baka ni kitai ulih nitihka ajar ba James 1:14, 15? (Peda mega kutak ba lambar 101.)


101

nguing ke bukai tauka madamka komputer, tauka ngalihka cherita TV. Nya alai, enggau naka ulih meh nyeliahka pengingin ti kamah sebedau iya ngujungka nuan ngereja ulah ti kamah!— Bacha Matthew 5:29, 30. 11 Petara ngansak kitai: “Nya alai bunuh semua pengingin dunya ti dalam kita, baka: pengawa bambai, ulah ti kamah, runding ti kamah, pengingin ti jai, enggau pengamu (reti nya nyembah engkeramba).” (Kolosi 3:5) Endang amat, tu enda senang. Tang kingatka, kitai bisi Apai ti pengasih enggau nelap ati endur kitai minta tulung. (Masmur 68:19) Nya alai, jampat-jampat ngiga 11. Maya ngelaban pengingin ti kamah, baka ni kitai nunjukka diri arapka Jehovah?

NGULIHKA PENGERING KENA NGETANKA ULAH TI TUCHI

“Lebuh aku agi biak, aku udu meda pornografi enggau ngeluchu,” ku seiku nembiak lelaki. “Kaban ke sama sekula enggau aku ngumbai ulah nya enda salah maya berangkat bujang. Tang nya ngerusak penemu ba ati aku, lalu ngujungka aku ngereja ulah ti kamah. Udah nya, aku nemu diri nyau alah laban pengingin ba ati diri. Taja pia, aku ulih ngelaban ulah ti kamah nya enggau tulung ari Jehovah sereta bala menyadi Kristian. Diatu aku bejimat milih orang enggau begulai ketegal aku udah nemu orang bukai ulih ngelimpangka aku. Aku mega nemu, seruran besampi sereta belajarka Bup Kudus nya beguna ngambika aku enda ngereja ulah ti jai nya agi. Ari ke alah laban pengingin ba ati diri, diatu aku nyadi pengerintis biasa.”

102


Iya maya bisi runding ti kamah. Besampi ngambika bulih “kuasa ti besai,” lalu limpangka runding ngagai utai bukai.—2 Korint 4:7; 1 Korint 9:27; peda kutak “Baka Ni Aku Ulih Muai Ulah ti Jai?” ba lambar 104. 12 Raja Solomon nulis: “Bejimat lebuh nuan berunding, laban gaya pengidup nuan ditempa runding nuan.” (Jaku Dalam 4:23) “Runding” nunjukka “ati” kitai ke bendar ba mata Petara. Pia mega Petara meda “ati” kitai—ukai runding orang bukai—kena nentuka kitai bulih pengidup belama iya tauka enda. Amat, pekara tu nentuka pengidup kitai. Nya alai, Jop ke tetap ati udah besumpah enda merening ngagai indu enggau ati ti kamah. (Jop 31:1) Naka meh pemanah teladan Jop ke kitai! Pia mega, pemasmur besampi: “Anang ngasuh mata aku merening ngagai utai ti [nadai guna].”—Masmur 119:37. DINAH MILIH UTAI TI SALAH Baka ke udah dipelajar ba Pelajar 3, orang ke begulai enggau kitai ulih ngasuh kitai nyadi manah tauka jai. (Jaku Dalam 13:20; bacha 1 Korint 15:33.) Peratika chunto Dinah, anak dara Jakop. Taja pan Dinah dibesaika enggau manah, tang iya salah pilih orang ke enggau begulai, iya nya indu bansa Kanaan. Baka orang Moap, orang Kanaan mega tebilang enggau ulah ti kamah. (Adat Lewi 18:6-25) Ba mata lelaki bansa Kanaan, nyengkaum Sekem—“orang ke pemadu dibasa” dalam ruang bilik iya—Dinah nya nadai bida enggau indu bansa Kanaan ke rindu ngereja ulah ti kamah.—Pemungkal 34: 18, 19. 13

12. Nama reti “runding,” lalu nama kebuah kitai patut nyaga iya? 13. Sapa Dinah, lalu nama kebuah iya salah pilih orang ke enggau begulai?

Ngena Internet ba endur ti ulih dipeda orang bukai

Dinah engka enda tepikir deka ngereja ulah ti kamah maya iya meda Sekem. Tang, Sekem sama enggau orang Kanaan ke bukai maya bisi pengingin ngereja ulah ti kamah. Dinah nadai daya agi, laban Sekem udah nabanka iya lalu “masung iya”. Taja pan Sekem udah nya “bisi amat ati” ke Dinah, tang nya enda ulih ngubah utai ti udah digaga iya ba Dinah. (Bacha Pemungkal 34: 1-4.) Lalu, ukai semina Dinah aja ke bulih penusah ketegal pengawa iya. Ketegal Dinah salah pilih orang ke enggau begulai, bisi penusah bukai nyadi lalu ngemaluka sida sebilik.—Pemungkal 34:7, 25-31; Galatia 6:7, 8. 15 Ari penusah tu, Dinah engka nemu jera. Sida ke rindu sereta ngasika Jehovah enda ibuh nyepi penusah baka Dinah. Ketegal sida ningaka Petara, sida “begulai 14

14. Baka ni Dinah ke salah pilih orang enggau begulai ngenataika penusah? 15, 16. Baka ni kitai tau bulih penemu ari Petara? (Peda mega kutak ba lambar 109.)

104


BAKA NI AKU ULIH MUAI ULAH TI JAI? Ajar Bup Kudus: “Begedika utai ti jai, rinduka utai ti ngena.”—Amos 5:15.

Tanya diri empu ˇ Kati aku nyeliahka utai ti ulih meransang aku bisi pengingin ti salah?—Matthew 5:27, 28. ˇ Kati aku berunding enggau dalam pasal penusah ti ulih nyadi ketegal bisi pengingin ti salah?—Jaku Dalam 22:3. ˇ Nama patut digaga aku kena muai ulah ti jai? —Matthew 5:29, 30. ˇ Kati aku besedia deka berandau enggau apai indai tauka menyadi Kristian ke kering ba pengarap pasal penusah aku? —Jaku Dalam 1:8, 9; Galatia 6:1, 2. ˇ Baka ni aku nunjukka diri bepanggai ba Jehovah ngambika mujur muai ulah ti jai? —Jaku Dalam 3:5, 6; James 1:5.

enggau orang ke bepenemu-dalam.” (Jaku Dalam 13:20a) Nya alai, sida nemu “utai ti patut dikereja,” lalu nyeliahka penusah enggau pemedis.—Jaku Dalam 2:6-9; Masmur 1:1-3. 16 Penemu ari Petara ulih ditemu sida ke ngiga iya. Penemu tu diulih enggau seruran besampi sereta belajarka Jaku Petara, nyengkaum utai ti disediaka ulun ke te-


105

tap ati sereta bepenemu-dalam. (Matthew 24:45; James 1:5) Kitai mega patut baruh ati ngambika ulih nerima ajar Bup Kudus. (2 Raja 22:18, 19) Chunto, orang Kristian engka ulih nerima ajar ti madahka ati iya ulih ngakal enggau tau ngemedis. (Jeremiah 17:9) Tang, enti iya ngereja utai ti salah, kati iya baruh ati nerima tulung enggau jaku ajar ke diberi ari orang ke rinduka iya? 17 Pikirka pekara tu. Seiku apai enda ngasuh anak dara iya pansut enggau seiku lelaki Kristian, enti nadai orang enggau seduai iya. Indu nya nyaut: “Kati apai enda pechayaka aku? Kami enda ngereja utai ti salah!” Iya engka rinduka Jehovah, lalu bisi tuju ati ti manah, tang kati iya nitihka penemu ari Petara? Kati iya ‘nyeliahka ulah ti kamah’? Tauka “nitihka penemu diri”? (Jaku Dalam 28:26) Nuan engka bisi ajar Bup Kudus ti bukai ke ulih nulung apai enggau anak dara iya berundingka pekara tu.—Peda Jaku Dalam 22:3; Matthew 6:13; 26:41. JOSEP NYELIAHKA ULAH TI KAMAH Josep, menyadi tiri Dinah, rinduka Petara sereta nyeliahka ulah ti kamah. (Pemungkal 30:20-24) Lebuh agi mit, Josep udah meda penusah ti nyadi ketegal menyadi iya Dinah, milih utai ti salah. Penusah tu enggau pengeran Josep ke deka meruan dalam pengerindu Petara, nyaga Josep maya iya ba Ejip. Bini Potipar “tiap hari” ngumbuk Josep tinduk enggau iya. Endang amat, Josep enda ulih badu kereja sereta ninggalka tuan iya Potipar pia aja! Iya patut napi pekara tu enggau pintar sereta berani. Iya suah madahka diri enggai ngagai bini Potipar, lalu nyeliahka diri ari iya.—Bacha Pemungkal 39:7-12. 18

17. Terangka siti pekara ti ulih nyadi ba diri sebilik, lalu baka ni apai ulih nerangka ngagai anak dara iya. 18, 19. Nama penguji ti dilaban Josep, lalu baka ni iya mutarka penguji nya?

106


Peratika: Enti Josep selalu berundingka pasal indu nya tauka seks, ulih iya ngetanka penaluk ngagai Petara? Tentu enda. Ari berundingka utai ti enda manah, Josep ngemeranka kaul iya enggau Jehovah. Tu ulih dipeda ari jaku iya ngagai bini Potipar. “Laki nuan,” ku Josep, ‘nadai nagang aku ngena semua utai dalam rumah tu, kelimpah ari nuan empu. Nya alai, baka ni ku aku tau ngereja utai ti kamah tu, lalu bedosa ngelaban Petara?’—Pemungkal 39:8, 9. 20 Pikirka pengaga ati Jehovah meda Josep ke agi biak ulih ngetanka penaluk iya tiap hari, taja pan iya jauh ari diri sebilik. (Jaku Dalam 27:11) Udah nya, Jehovah mutarka penusah Josep. Iya ukai semina ngelepaska Josep ari rumah jil, tang mega ngaga iya nyadi gabenor enggau ngatur pemakai ba Ejip! (Pemungkal 41:39-49) Endang amat utai ti dipadah ba Masmur 97:10: ‘Jehovah rinduka orang ke begedika penyai. Iya nyaga seput bala nembiak Iya. Iya ngelepaska sida ari kuasa orang ke jai’! 21 Pia mega, kemaya hari tu mayuh nembiak Petara nunjukka sida “begedika utai ti jai, rinduka utai ti nge19

20. Baka ni Jehovah mutarka penusah Josep? 21. Baka ni seiku Saksi lelaki ke agi biak ba menua Afrika ngetanka penaluk iya?


107

na.” (Amos 5:15) Seiku Saksi lelaki ke agi biak ba menua Afrika madah seiku indu ke sekelas enggau iya besemaya deka beleman enggau iya, enti iya nulung indu nya maya peresa matematik. “Aku jampat-jampat nulak peminta iya,” ku iya. “Enggau ngetanka penaluk, aku ulih tetap nyaga rega diri ke berega agi ari emas enggau pirak.” Amat, dosa engka meri pemerindang ti enda lama, tang iya mai mayuh pemedis. (Hebrew 11:25) Pia mega, pemerindang nya nadai guna enti dibandingka enggau pengidup belama iya ketegal ngasika Jehovah. —Jaku Dalam 10:22. NERIMA TULUNG ARI PETARA TI PENGASIH Ketegal enda sempurna, semua kitai bebendar ngelaban pengingin tubuh enggau ngereja utai ti betul ba mata Petara. (Rome 7:21-25) Jehovah pan nemu, “kitai tu endang amau.” (Masmur 103:14) Kekadang, kitai ngereja penyalah ti besai. Ulih kitai diampunka? Ulih! Endang amat, orang ke ngereja penyalah engka bulih penusah. Taja pia, Petara seruran “ngampun” orang ke nesal ati enggau orang ke “ngaku” dosa sida.—Masmur 86:5; James 5:16; bacha Jaku Dalam 28:13. 23 Nambahka nya, Petara udah nyediaka “pemeri” ngagai gerempung Kristian—bala tuai gempuru ke bepenemu sereta keran deka nulung. (Epesus 4:8, 12; James 5:14, 15) Tuju sida ngambika nulung orang ke ngereja penyalah bulih kaul ti manah enggau Petara, lalu “bepenemu-dalam” ngambika iya enda ngulang penyalah ti sama.—Jaku Dalam 15:32. 22

22, 23. (a) Enti kitai ngereja penyalah ti besai, nama kebuah kitai ulih diampunka? (b) Baka ni orang ke ngereja penyalah ulih ditulung?

108


“BEPENEMU-DALAM” Bup Kudus madah pasal sida ke “beli” enggau sida ke “bepenemu-dalam.” (Jaku Dalam 7:7) Ketegal lemi ba pengarap enggau kurang peneleba ngereja peneka Petara, orang ke “beli” enda entu nemu berunding sereta enda nemu ngaga pemutus enggau manah. Baka seiku orang bujang ke dipadah ba Jaku Dalam 7:6-23, iya engka ngelakka diri ngereja penyalah ti besai. Tang, sida ke “bepenemu-dalam” seruran nitihka ati ti beresi, besampi sereta belajarka Bup Kudus. Taja pan enda sempurna, sida enggau naka ulih nentuka runding, pengingin, pengasai ati sereta tuju pengidup sejalai enggau peneka Petara. Enggau tu, iya “kasihka diri empu,” lalu bulih berekat.—Jaku Dalam 19:8. 25 Tanya diri empu: ‘Kati aku amat pechaya ukum Petara nya betul? Kati aku amat pechaya nitihka ukum Petara ulih mai pengelantang?’ (Masmur 19:7-10; Isaiah 48:17, 18) Enti nuan bisi kakang ati, putarka iya enggau jampat. Berunding enggau dalam pasal penusah ketegal enda ngasika ukum Petara. Nambahka nya, ‘asaika pemadas Jehovah’ enggau idup sejalai nitihka ajar Bup Kudus sereta ngisi runding nuan enggau utai ti manah —utai ti bendar, ti lurus, ti tuchi, ti badas sereta ti pemadu menyana. (Masmur 34:8; Pilipi 4:8, 9) Nuan ulih pechaya, bendar agi nuan ngereja nya, dalam agi pengerindu nuan ngagai Petara. Nuan mega rinduka utai ti dikerinduka Iya, lalu begedika utai ti dipegedika Iya. Josep enda sempurna. Tang, iya ulih ‘nyeliahka ulah ti kamah’ laban iya nejuka Jehovah ngiring iya betaun-taun, lalu meri iya pengeran deka ngelantangka ati Jehovah. Arapka nuan mega baka nya.—Isaiah 64:8. 24

24, 25. (a) Baka ni orang bujang ke dipadah ba Jaku Dalam 7:623 nunjukka diri “beli”? (b) Baka ni kitai ulih “bepenemu-dalam”?


109

AYAT BUP KUDUS KE PATUT DIPERATIKA “Begedika utai ti jai, rinduka utai ti ngena.” —Amos 5:15. “Barang sapa merening ngagai indu enggau ati ti kamah, udah butang enggau indu nya dalam ati iya.”—Matthew 5:28. “Orang ke ngereja ulah ti kamah, bedosa ngelaban tubuh diri empu.”—1 Korint 6:18. “Aku mandam tubuh aku lalu ngaga iya nyadi ulun aku, enggai ke aku enda bulih prais lebuh aku udah nusui Berita Manah ngagai orang bukai.” —1 Korint 9:27. ‘Kita deka ngetau utai ti ditanam kita empu. Enti kita nanam nitihka pengingin tubuh, kita deka ngetau pemati, tang enti kita nanam nitihka iring roh kudus, kita deka ngetau, ari roh kudus, pengidup ti meruan belama iya.’—Galatia 6:7, 8. “Bunuh semua pengingin dunya ti dalam kita, baka: pengawa bambai, ulah ti kamah, runding ti kamah.”—Kolosi 3:5. “Kita patut nemu nagang pengingin tubuh diri ngena jalai ti kudus sereta menyana, ukai ngembuan pengingin ti kamah.” —1 Tesalonika 4:4, 5. 26 Petara ngaga “utai” orang ke lelaki enggau indu, ukai dikena main-main, tang ngambika kitai ulih beranak betelesak sereta ngambika laki bini ulih rapat agi enggau pangan diri. (Jaku Dalam 5:18) Penemu Petara pasal melaki-bini deka dikerandauka ba Pelajar 10 enggau Pelajar 11.

26. Nama deka dikerandauka ba Pelajar 10?

PELAJAR 10

Pengawa Melaki-bini —Pemeri Ari Petara “Tali begembar tiga, mar diputuska.”—PENGAJAR 4:12.

KATI NUAN rindu datai pengerami melah pinang? Mayuh orang rindu laban pengerami nya ngagaka ati. Nuan meda orang ke melah pinang ngias diri enggau naka pemanah. Seduai iya mega amat gaga ati! Maya nya, seduai iya tuchum, lalu baka ke ulih meruan jadi melaki-bini. 2 Taja pia, kemaya hari tu kitai meda mayuh ruang bilik enda meruan. Kitai ngarapka orang ke baru kawin ulih meruan, tang kekadang kitai engka bepikir: ‘Kati ruang bilik nya ulih lantang? Ulih iya meruan?’ Saut ngagai tanya tu bepanggai ba sekalika laki tauka bini arapka sereta nitihka ajar Petara pasal melaki-bini. (Bacha Jaku Dalam 3:5, 6.) Sida patut ngereja nya ngambika meruan dalam pengerindu Petara. Aram kitai meda saut Bup Kudus ngagai empat iti tanya tu: Nama kebuah deka kawin? Enti deka kawin, sapa patut dipilih nuan nyadika kaling? Baka ni nuan nyediaka diri sebedau kawin? Lalu, nama ulih nulung laki bini meruan lantang? NAMA KEBUAH DEKA KAWIN? Sekeda pechaya kawin ngenataika pengelantang. Enti enda kawin, sida ngumbai diri enda mujur tau3

1, 2. (a) Pasal orang ke baru kawin, nama selalu dipikir kitai, lalu nama kebuah? (b) Nama tanya ti deka dikerandauka kitai ba pelajar tu? 3. Nama kebuah kitai enda patut kawin ketegal hal ti mit?

Pengawa Melaki-bini—Pemeri Ari Petara

111

ka nadai pengelantang. Tu enda amat! Jesus, lelaki ke bujang, ngumbai enda belaki bebini nya berekat, lalu meransang orang ngetanka berekat tu enti sida ulih. (Matthew 19:10-12) Rasul Paul mega berandau pasal penguntung orang ke enda kawin. (1 Korint 7:32-35) Jesus tauka Paul nadai madahka enda tau kawin; tang ke amat, “nagang orang belaki bebini” nya “ajar antu.” (1 Timoti 4:1-3) Kelimpah ari nya, orang ke enda belaki bebini ulih ngereja peneka Jehovah enggau mayuh agi. Nya alai, anang deka kawin ketegal hal ti mit. Chunto, deka kawin ketegal diansak bala kaban ke serambau. 4 Kati bisi kebuah deka kawin? Bisi. Kawin mega pemeri ari Petara. (Bacha Pemungkal 2:18.) Nya alai, kawin ulih meri penguntung enggau berekat. Chunto, ruang bilik ti meruan nguntungka diri bilik. Anak begunaka ruang bilik ti meruan ari apai indai ngambika ulih ngemesaika sida, rinduka sida, ngajar sereta ngiring sida. (Masmur 127:3; Epesus 6:1-4) Tang, kitai ukai kawin ketegal deka bisi anak aja. 5 Peratika ayat ba tajuk pelajar tu: “Dua iku manah agi ari siku, laban enti seduai iya begulai, seduai iya bulih agi gawa. Enti sema siku ari seduai iya teterap, siku ga bisi ngangkatka iya. Tang enti orang diau kediri-diri, lalu iya teterap, nya amat tusah, laban orang nadai nulung iya. Lebuh chelap, dua iku tau bekimbit tinduk, lalu ngangatka isi pangan diri, tang baka ni ku kitai ulih ngangatka diri enti kitai tinduk kediri-diri? Dua iku ulih ngelaban orang ke nyerang, tang enti iya ngelaban 4. Nama kebuah ruang bilik ti meruan manah endur ngemesaika anak? 5, 6. (a) Nitihka Pengajar 4:9-12, nama sekeda berekat ari kaul ti rapat entara melaki-bini? (b) Baka ni ruang bilik disempamaka baka tali begembar tiga?

112


kediri-diri, iya alah. Tali begembar tiga, mar diputuska.” —Pengajar 4:9-12. 6 Kelebih agi, ayat tu madah pasal kaul ti berega. Endang amat, nyadi melaki-bini nya kaul ti pemadu rapat. Baka ke dipadah ba ayat tadi, kaul nya ngenataika tulung, pengelantang sereta pengelikun. Ruang bilik ti teguh ukai bepanggai ba laki bini aja. Tali begembar dua engka senang putus. Tang, tali begembar tiga tusah deka putus. Enti laki bini beberatka Jehovah, ruang bilik seduai iya baka tali begembar tiga. Ruang bilik ti meruan endang bepanggai ba Jehovah. 7 Pengawa besetubuh semina dikemendarka entara melaki-bini aja. Reti iya, pengawa tu meri pengelantang ke seduai iya. (Jaku Dalam 5:18) Taja pan orang biak ke bedau belaki bebini udah ngelui pengingin seks ti balat, iya agi napi pengingin tu. Enti enda ditagang, pengingin tu ulih ngujungka ulah ti kamah. Paul nulis jaku lalau tu ngagai orang ke bedau kawin: “Enti sida enda tetagangka pengingin diri, sida patut jadi enggau pangan diri, laban manah agi sida jadi melaki-bini, ari ke merinsa natka diri tetengukka pangan diri.”—1 Korint 7:9; James 1:15. 8 Enda ngira nama tuju orang deka kawin, sida patut bisi runding ti betul. Paul madah, orang ke jadi melaki-bini “deka dituntung penusah dunya.” (1 Korint 7: 28) Orang ke udah kawin napi penusah ke enda diasaika orang ke bedau kawin. Tang, enti nuan milih deka kawin, baka ni nuan ulih ngurangka penusah, tang nambahka pengelantang? Siti chara nya milih kaling enggau manah. 7, 8. (a) Nama jaku lalau ti dipadah Paul ngagai orang Kristian ke bedau kawin, tang bisi pengingin seks ti balat? (b) Nama dipadah Bup Kudus pasal orang ke jadi melaki-bini?


113

SAPA PATUT DIPILIH NUAN NYADIKA KALING? 9 Paul nulis lalau tu: “Anang besulu enggau orang ke enda arap.” (2 Korint 6:14) Jaku sempama Paul tu pasal seiku orang ke betanam. Enti dua iku jelu ti jauh bida pemesai tauka pengering ditangkun begulai, kedua-dua jelu nya deka sama merinsa. Pia mega, enti dua iku orang ke enda sama pengarap jadi melaki-bini, seduai iya udu betelisih enggau belaya. Enti seiku rinduka Jehovah, tang seiku enda entu tauka enda rinduka Jehovah, utai ti dikemeranka seduai iya ba pengidup enda sebaka, lalu tu ulih ngujungka seduai iya sama merinsa. Nya alai, Paul ngelalau orang Kristian semina kawin enggau ‘nembiak Tuan.’—1 Korint 7:39. 10 Kekadang, orang Kristian ke bedau kawin ngumbai jadi enggau orang ke enda sama pengarap nya manah agi ari ke sunyi. Nya alai, sekeda ari sida enda nitihka lalau Bup Kudus, lalu kawin enggau orang ke enda nyembah Jehovah. Kesuah agi, pengujung iya ngenusahka ati. Udah nya, sida nemu diri udah kawin enggau orang ke enda ulih endur sida bekunsi utai ti pemadu beguna ba pengidup. Sida mega ngasaika diri sunyi agi ari ke bedau kawin. Tang manah amat, mayuh orang Kristian ke bedau kawin arap sereta ngasika lalau ari Petara. (Bacha Masmur 32:8.) Taja pan sida bisi ati deka kawin, sida mengkang enda belaki bebini datai ke sida tetemuka kaling ti sama nyembah Petara Jehovah. 11 Endang amat, ukai semua nembiak Jehovah ulih 9, 10. (a) Baka ni Paul ngambarka penusah enti kawin enggau orang ke enda sama pengarap? (b) Nama penyadi enti kawin enggau orang ke enda sama pengarap? 11. Nama ulih nulung nuan milih kaling enggau manah? (Peda mega kutak ba lambar 114.)

114


ORANG KE BAKA NI PATUT NYADI KALING AKU? Ajar Bup Kudus: “Seduai iya deka nyadi setubuh.”—Matthew 19:5.

Tanya diri empu ˇ Nama kebuah nya beguna nemu berunding sebedau kawin?—1 Korint 13:11; Matthew 19:4, 5. ˇ Taja pan aku udah chukup umur endur kawin, baka ni aku tau bulih penguntung enti aku nganti dulu? —1 Korint 7:32-35. ˇ Enti aku deka kawin, nama kebuah nya beguna kaling aku orang ke tetap ati ngereja peneka Jehovah? —1 Korint 7:39. ˇ Baka ni lalau Bup Kudus ulih nulung menyadi Kristian ke indu nemu pemanah ke patut dikemisi kaling iya?—Masmur 119:97; 1 Timoti 3:1-7. ˇ Baka ni Jaku Dalam 31:1031 ulih nulung menyadi Kristian ke lelaki milih kaling enggau manah?


115

nyadi ke kaling. Enti nuan bisi ati deka kawin, giga meh orang ke ngembuan ulah, juluk ati ba pengarap sereta rinduka Petara, baka nuan empu. Ulun ke tetap ati sereta bepenemu-dalam udah nyediaka mayuh litaricha pasal pekara tu. Nuan patut besampi ngambika ulih beratika lalau ari Bup Kudus, lalu nitihka lalau nya ngaga pemutus ti berat tu.1—Bacha Masmur 119:105. 12 Ba mayuh menua, selalu iya apai indai milih kaling ke anak sida. Mayuh orang setuju enggau atur tu laban apai indai bepenemu agi sereta bisi peneleba ngaga pemutus pasal pekara tu. Pengawa sabung jadi ke diatur apai indai selalu mujur, baka orang jeman Bup Kudus kelia. Chunto, Abraham nganjung ulun iya ngiga bini ke Isak. Tu nyadika teladan ngagai apai indai kemaya hari tu. Abraham enda meda duit enggau pangkat. Tang, iya ngiga orang ke nyembah Jehovah nyadika bini Isak.2—Pemungkal 24:3, 67. BAKA NI NUAN ULIH NYEDIAKA RUANG BILIK TI MUJUR?

Enti nuan berunding amat deka kawin, nuan patut nanya diri empu, ‘Kati aku udah sedia?’ Saut iya 13

1 Peda ba Pelajar 2 bup Rahsia Kebahagiaan Keluarga, ke dikeluarka Saksi-Saksi Jehovah. 2 Sekeda ari nembiak Jehovah ke tetap ati kelia menya, baka Abraham enggau Jakop bisi lebih ari seiku bini. Maya nya, Jehovah agi ulih nerima pengawa sida ke bebini mayuh. Jehovah enda ngepunka pengawa tu, tang Iya ngemataka pekara tu. Taja pia, orang Kristian anang enda ingat, Jehovah enda agi ngasuh nembiak Iya bebini lebih ari seiku.—Matthew 19:9; 1 Timoti 3:2. 12. Nama adat pasal ngiga kaling ke bisi diatur ba mayuh menua, lalu nama chunto ba Bup Kudus ke ulih nyadika teladan? 13-15. (a) Baka ni jaku lalau ba Jaku Dalam 24:27 ulih nulung lelaki ke agi biak ke deka bebini? (b) Baka ni indu ke agi biak nyediaka diri sebedau belaki?

116


ukai semina bepanggai ba pengerindu, seks, deka bisi kaling tauka deka bisi anak. Tang, orang ke deka kawin patut berundingka juluk ati pangan diri. 14 Lelaki ke agi biak ke deka bebini patut berundingka lalau tu: “Sediaka pengawa nuan di luar, sediaka umai nuan; udah nya baru nuan nirika rumah.” (Jaku Dalam 24:27) Nama reti ayat tu? Kelia menya, enti lelaki deka kawin, iya patut nanya diri empu, ‘Kati aku sedia deka nyaga enggau melanja anak bini?’ Iya patut gawa dulu, ngintu umai, tauka utai ti ditanam iya. Pia mega kemaya hari tu. Lelaki ke deka kawin patut besedia megai tanggungjawap. Iya patut bagas gawa. Bup Kudus madah, lelaki ke enggai melanja anak bini, enda nyaga pengasai ati sereta utai ti diguna diri sebilik ba pengarap, jai agi ari orang ke enda arap!—Bacha 1 Timoti 5:8. 15 Indu ke deka belaki mega patut sanggup nerima sekeda tanggungjawap ti berat. Bup Kudus madahka sekeda pengelandik enggau pemanah ke patut dikemisi bini, kena nulung laki iya enggau ngintu sida sebilik. (Jaku Dalam 31:10-31) Lelaki enggau indu ke beguaiguai deka kawin, tang enda besedia megai tanggungjawap, nya semina berundingka diri empu aja, enda berundingka kaling iya. Tang iya ke pemadu beguna, orang ke deka kawin patut nitihka ajar Bup Kudus. 16 Nyediaka diri deka kawin nyengkaum berundingka tanggungjawap ke diberi Petara ngagai laki bini. Laki patut nemu nama reti nyadi tuai ba ruang bilik. Tu ukai reti iya ulih ngintu ruang bilik enggau peneka ati. Tang, iya patut neladan chara Jesus nyadi tuai. (Epesus 16, 17. Nama jaku lalau ari Bup Kudus ti patut diperundingka orang ke deka kawin?


117

5:23) Pia mega, bini patut nemu tanggungjawap iya. Kati iya deka “nunduk ngagai laki”? (Epesus 5:22) Iya udah dibaruh kuasa Jehovah enggau Jesus. (1 Korint 11:3) Nya alai, iya patut tunduk ngagai laki iya. Ulih iya nyukung sereta tunduk ngagai laki iya ke enda sempurna? Enti enda ulih, manah agi iya enda ibuh kawin. 17 Nambahka nya, laki bini patut besedia maya kaling sida begunaka sida. (Bacha Pilipi 2:4.) Paul nulis: “Genap iku kita patut rinduka bini diri, baka kita ke rinduka diri empu, lalu bini patut masa laki.” Enggau tulung ari roh kudus, Paul nemu bini patut bebasaka laki. Lalu laki patut rinduka bini.—Epesus 5:21-33. 18 Nya alai, maya bepangan ukai maya kena merindang diri. Nya maya kena ngelala pangan diri enggau dalam agi, sekalika orang nya ulih tauka enda nyadika kaling. Nya mega maya belajar nagang diri! Selalu iya, maya nya seduai iya bisi pengingin deka ngereja pengawa ke semina tau dikereja orang ke udah kawin. Tang, orang ke amat rinduka pangan diri, deka nyeliahka sebarang pengawa ti ulih ngerusakka kaul orang ke dikesayau enggau Petara. (1 Tesalonika 4:6) Nya alai maya nuan bepangan, nuan patut nemu nagang diri; nuan deka bulih penguntung ari lalau tu, sekalika nuan kawin tauka enda. BAKA NI RUANG BILIK NUAN ULIH MERUAN BELAMA IYA? 19 Enti laki bini deka ruang bilik sida meruan belama iya, sida patut bisi runding ti betul pasal begulai

18. Nama kebuah patut nemu nagang diri maya bepangan? 19, 20. Nama kebuah penemu orang Kristian pasal kawin enda sebaka enggau penemu orang kemaya hari tu? Terangka.

118


enggau pangan diri. Ba novel enggau cherita TV tauka wayang, selalu iya ba pengujung cherita nya madahka orang gaga ati jadi melaki-bini. Iya ke amat, jadi melaki-bini ukai pengujung, tang baru pun iya—tu pun ari utai ti diatur Jehovah ngambika meruan belama iya. (Pemungkal 2:24) Sayau amat, penemu kemaya hari tu ukai baka nya. Nitihka sekeda adat, orang ngumbai jadi melaki-bini nya baka “nanchangka tali.” Sida engka enda nemu sempama nya endang amat ba laki-bini. Nama kebuah? Tali ke ditanchang enggau tegut enda mudah tebuka, tang iya mega ulih dibuka. 20 Mayuh orang kemaya hari tu ngumbai kawin nya ukai utai ti tetap. Sida deka kawin laban sida ngumbai nya ulih ngemuaska utai ti dikedeka sida, tang sida deka sarak maya bisi penanggul. Kingatka sempama ke dikena Bup Kudus pasal kawin—tali. Chunto, tali kapal digaga ngambika tan, enda mudah berambut tauka tusut, maya ngelaban kudi. Pia mega, pengidup melaki-bini patut meruan. Kingatka, Jesus madah: ‘Nadai orang tau nyeraraka utai ti udah ditampilka Petara.’ (Matthew 19:6) Enti nuan deka kawin, nuan patut bisi runding ti sama. Kati tu ngenusahka nuan? Enda. 21 Laki bini patut ngetanka runding ti betul enggau pangan diri. Enti seduai iya beratika pemanah pangan diri, nya ulih mai pengelantang. Kati seduai ulih bisi runding ti manah taja pan sama enda sempurna? Jehovah nemu pengurang kitai, nya alai kitai patut bepanggai ba Iya ngambika bisi runding ti manah. Pemasmur nanya: ‘Enti Nuan, O Jehovah nuliska dosa kami, sapa tan?’ (Masmur 130:3) Pia mega, laki bini patut 21. Nama runding ti patut bisi ba laki bini, lalu nama ulih nulung seduai iya ngereja nya?


119

bisi runding ti manah sereta ngampunka pangan diri. — Bacha Kolosi 3:13. 22 Pengidup melaki-bini ulih ngenataika berekat ti besai enti iya tan ari taun ke taun. Bup Kudus madah pasal pengidup Abraham seduai Sarah maya seduai iya 22, 23. Baka ni Abraham seduai Sarah nyadi teladan ti manah ngagai laki bini kemaya hari tu?

Orang ke bepangan patut mai orang bukai keluar enggau seduai iya

120


tuai. Seduai iya mega bisi penusah ba ruang bilik. Pikirka Sarah ke beumur kira-kira 60 taun, ninggalka rumah iya ti manah ba menua Ur ti kaya, lalu diau ba langkau kain sepemanjai pengidup iya. Tang, iya tunduk ngagai laki iya ke nyadi tuai bilik. Iya nyadi kaling enggau penulung ti manah ke Abraham. Iya mega nulung ngemujurka pemutus laki iya enggau basa. Lalu iya enda pepura tunduk ngagai Abraham. Indah “dalam ati diri,” iya ngumbai Abraham tuan iya.1 (Pemungkal 18:12; 1 Peter 3:6) Iya bebasaka Abraham ari ati. 23 Endang amat, tu ukai reti iya Abraham seduai Sarah selalu sepenemu. Bisi sekali Sarah madah pasal utai ti “balat ngenusahka ati” Abraham. Tang, ketegal perintah ari Jehovah, Abraham enggau baruh ati ningaka jaku bini iya, lalu tu ngenataika berekat ngagai ruang bilik seduai iya. (Pemungkal 21:9-13) Laki bini kemaya hari tu, ke udah kawin bepuluh taun, ulih belajar mayuh ari Abraham seduai Sarah. 24 Ba gerempung Kristian, beribu iku orang udah bulih pengelantang ba ruang bilik—bini bebasaka laki, laki rindu sereta masa bini, lalu sama ngenuluka peneka Jehovah ba pengidup. Enti nuan deka kawin, arapka nuan milih kaling enggau manah, nyediaka diri, lalu enggau naka ulih ngintu ruang bilik enggau meruan, ngambika ulih ngenataika mulia ngagai Petara Jehovah. Enggau tu, nuan enggau kaling nuan meruan dalam pengerindu Petara. 1 Taja pan Pemungkal 18:12 madahka Sarah ngumbai Abraham “laki aku,” dalam leka jaku asal reti iya “tuan aku.” 24. Ruang bilik ke baka ni ngenataika mulia ngagai Petara Jehovah, lalu nama kebuah?

PELAJAR 11

“Awakka Adat Melaki-Bini Dibasa” “Lantang ati diau enggau bini ke enggau nuan jadi.” —JAKU DALAM 5:18.

KATI nuan udah kawin? Enti udah, kati nuan enggau kaling nuan lantang ati, tauka seduai bisi penanggul ti besai? Kati nuan enggau kaling nuan enda rapat? Kati nuan ngetanka kaul enggau kaling nuan, tang enda mega bulih pengelantang? Enti pia, nuan tentu berasai irau sereta tusah ati laban ruang bilik nuan nyau enda lantang. Nuan tentu deka ruang bilik nuan ngenataika mulia ngagai Jehovah, Petara ti dikerindu nuan. Taja pia, anang ngumbai penanggul nuan enda ulih diputarka. 2 Kemaya hari tu, mayuh laki bini Kristian bisi penanggul ba ruang bilik. Taja pia, sida ulih tetemuka chara kena ngeringka kaul sida. Nuan mega tau bulih pengelantang ba ruang bilik. Baka ni? SEMAK AGI NGAGAI PETARA ENGGAU KALING NUAN

Nuan enggau kaling nuan ulih semak agi enggau pangan diri enti seduai semak agi ngagai Petara. Nama kebuah? Peratika chunto tu: Dua iku melaki3

1, 2. Nama tanya deka dikerandauka kitai ba pelajar tu, lalu nama kebuah? 3, 4. Nama kebuah laki bini ulih semak agi enggau pangan diri, enti seduai iya bebendar semak ngagai Petara? Terangka.

122


Enti dititihka, penemu ari Bup Kudus ulih ngeringka kaul entara melaki-bini

bini bediri ba kaki bukit. Seiku ba kaki bukit sepiak kanan, lalu seiku agi ba kaki bukit sepiak kiba. Lebuh ba kaki bukit, seduai iya jauh ari pangan diri. Tang, maya seduai iya majak niki ngagai tuchung bukit, seduai iya majak semak enggau pangan diri. Nama ulih dipelajarka nuan ari chunto tu? 4 Sembah ke diberi nuan ngagai Jehovah ulih disempamaka baka niki bukit. Ketegal nuan rinduka Jehovah, nuan bebendar deka ngereja peneka Iya, baka nuan ke bebendar niki bukit. Taja pia, enti nuan enggau kaling nuan enda rapat enggau pangan diri, seduai baka ke niki bukit ari sepiak-sepiak. Tang, nama

“Awakka Adat Melaki-Bini Dibasa”

123

nyadi enti seduai majak niki? Seduai majak semak enggau pangan diri. Pia mega, bendar agi seduai semak ngagai Petara, semak agi seduai enggau pangan diri. Endang amat, semak ngagai Petara ulih ngasuh kaul seduai rapat agi. Tang, baka ni seduai ulih ngereja tu? 5 Siti chara nya, seduai nitihka lalau pasal melakibini ari Bup Kudus. (Masmur 25:4; Isaiah 48:17, 18) Nya alai, peratika jaku lalau ke diberi rasul Paul. Ku iya: “Awakka adat melaki-bini dibasa semua orang.” (Hebrew 13:4) Nama reti nya? Jaku lalau nya nunjukka adat melaki-bini amat berega sereta patut dibasa. Lalu, tu meh penemu Jehovah pasal adat melaki-bini —Iya ngumbai nya utai ti berega. PENGERINDU NGAGAI JEHOVAH ULIH MERANSANG NUAN 6 Endang amat, nuan enggau kaling nuan udah nemu adat melaki-bini nya berega sereta tuchi. Jehovah empu ngepunka atur nyadi melaki-bini. (Bacha Matthew 19:4-6.) Taja pia, enti nuan bisi penanggul ba ruang bilik, semina nemu adat melaki-bini nya patut dibasa enda chukup, kena meransang seduai rindu sereta bebasaka pangan diri. Nya alai, nama ulih meransang seduai? Paul madah, “awakka adat melaki-bini dibasa.” Ditu Paul ngansak kitai bebasaka adat melaki-bini. (Hebrew 13:1-5) Enggau tu, nuan ulih diperansang ngemanahka kaul enggau kaling nuan. Nama kebuah?

5. (a) Nama siti chara ngambika ulih semak agi ngagai Jehovah enggau kaling diri? (b) Nama penemu Jehovah pasal adat melaki-bini? 6. Nama lalau Paul pasal adat melaki-bini, lalu nama kebuah patut nitihka lalau nya?

124


Peratika baka ni nuan meda ayat Bup Kudus ti bukai, iya nya perintah ngaga orang nyadi murid Jesus tauka datai begempuru. (Matthew 28:19; Hebrew 10:24, 25) Endang amat, kekadang enda senang nitihka perintah tu. Orang engka enggai ninga utai ti dipadahka nuan maya nginjil. Nuan mega engka tusah deka datai begempuru ketegal udah lelak bekereja. Taja pia, nuan tetap nginjil sereta datai begempuru. Sitan enggau orang bukai enda ulih nagang nuan! Nama kebuah? Laban pengerindu nuan ti dalam ngagai Jehovah meransang nuan ngasika pesan Iya. (1 John 5:3) Nama asil iya? Nginjil enggau datai begempuru meri pengelantang sereta pengering kena ngereja peneka Petara. (Nehemiah 8:10) Nama ulih dipelajarka kitai? 8 Pengerindu nuan ngagai Jehovah meransang nuan ngasika perintah nginjil enggau datai begempuru, taja pan bisi penanggul. Pia mega, pengerindu nuan ngagai Jehovah ulih meransang nuan ngasika jaku lalau Bup Kudus “awakka adat melaki-bini dibasa,” taja pan bisi penanggul. (Hebrew 13:4; Masmur 18:29; Pengajar 5:4) Nambahka nya, enti nuan bebendar nginjil enggau datai begempuru, tu ulih ngenataika mayuh berekat ari Petara. Pia mega, enti nuan bebendar masa adat melaki-bini, nuan bulih berekat ari Jehovah.—1 Tesalonika 1:3; Hebrew 6:10. 9 Nya alai, baka ni nuan ulih masa adat melaki7

7. (a) Nama perintah ari Bup Kudus ke dititihka kitai, lalu nama kebuah? (b) Nama asil ketegal nitihka perintah nya? 8, 9. (a) Nama ulih meransang kitai bebasaka adat melaki-bini, lalu nama kebuah? (b) Nama dua bengkah pekara ti deka dikerandauka kitai?


125

bini? Nuan patut nyeliahka ulah ke ulih ngerusak adat melaki-bini. Nambahka nya, nuan patut ngeringka kaul enggau kaling nuan. SELIAHKA JAKU ENGGAU ULAH TI ENDA BEBASAKA DIRI MELAKI-BINI

Seiku menyadi Kristian ke indu madahka: “Aku besampi ngagai Jehovah ngambika bulih pengering kena betan.” Betan ari nama? Iya nerangka: “Laki aku ngemediska ati aku ngena jaku. Telih ba ati aku enda ulih dipeda, tang jaku jai iya baka, ‘Nuan tu ngenusahka aja!’ enggau ‘Nuan tu nadai guna!’ udah ngemediska ati aku.” Indu nya madahka utai ti balat ngirauka ati—jaku jai ba ruang bilik. 11 Naka meh penyinu meda laki bini ngena jaku ti jai enggau pangan diri, ke ulih ngasuh tusah ati sereta tusah deka suman! Endang amat, ngena jaku ti ngemediska ati ngagai pangan diri enda bebasaka adat melaki-bini. Baka ni enggau nuan empu deh? Nuan ulih nanya kaling nuan enggau baruh ati, “Kati jaku aku kasar tauka ngemediska ati nuan?” Enti kaling nuan selalu ngumbai jaku nuan kasar tauka ulih ngemediska ati, nuan patut berubah.—Galatia 5:15; bacha Epesus 4:31. 12 Kingatka, chara nuan bejaku enggau kaling nuan bisi kaul enggau Jehovah. Bup Kudus madah: “Enti orang ngumbai diri orang ke bepengarap, lalu enda nagang dilah diri, tang nipu diri empu, pengarap sida nya nadai guna.” (James 1:26) Jaku nuan bekaul 10

10, 11. (a) Nama ulah ti enda bebasaka adat melaki-bini? (b) Nama tanya ti patut diperundingka enggau kaling kitai? 12. Baka ni sembah nuan tau nadai guna ba mata Petara?

126


enggau sembah. Tu utai ti berat. Anang nipu diri empu. (Bacha 1 Peter 3:7.) Nuan engka bisi pengelandik enggau pengeransing ngereja peneka Petara, tang enti nuan sengaja ngemediska ati kaling nuan ngena jaku ti jai, nuan enda bebasaka adat melakibini, lalu sembah nuan ngagai Petara nadai guna. 13 Laki bini patut bejimat ngambika enda ngemediska ati pangan diri enggau enda sengaja. Peratika dua chunto tu: Seiku indai tunggal selalu betalipaun minta penemu ari menyadi Kristian ke lelaki ke udah bebini. Seduai berandau lama ba talipaun; seiku menyadi Kristian lelaki ke agi bujang selalu begulai nginjil ninting minggu, enggau seiku menyadi Kristian ke indu ke udah belaki. Orang ke udah kawin ba chunto tu engka bisi tuju ti manah; tang, baka ni ulah sida ulih ngemediska ati kaling sida? Seiku bini ke napi pekara tu madah: “Meda laki aku ngena mayuh jam sereta kelalu ibuhka menyadi Kristian ke indu ti bukai, ngemediska ati aku. Aku baka ke enda diguna.” 14 Kitai nemu laki bini ke napi pekara tu ulih ngemediska ati pangan diri. Kaling sida enda nitihka pesan Petara: “Lelaki ninggalka apai indai iya, lalu begulai enggau bini iya.” (Pemungkal 2:24) Endang amat, sida ke udah kawin agi bebasaka apai indai diri; taja pia, Petara ngasuh sida beberat agi ke kaling diri. Pia mega, orang Kristian rinduka pangan diri; tang, sida patut beberat agi ke kaling diri. Nya alai, orang Kris13. Baka ni laki bini ulih ngemediska ati pangan diri? 14. (a) Nama pesan dipadah ba Pemungkal 2:24 pasal melaki-bini? (b) Nama patut ditanya diri empu?


127

tian ke udah kawin enda tau ngena kelalu mayuh jam tauka kelalu rapat enggau menyadi Kristian ke ukai kaling sida, laban nya ulih ngasuh seduai iya belaya sereta enda rapat enggau pangan diri. Tanya diri empu, ‘Kati aku meri awak, betatika sereta nunjukka penyayau ngagai kaling aku?’

128


Pia mega, enti orang Kristian ke udah kawin kelalu rapat enggau orang ke ukai kaling sida, nya ulih ngemediska diri empu. Tang sayau amat, sekeda menyadi Kristian ke udah kawin bisi ati ngagai orang ke kelalu rapat enggau sida. (Matthew 5:28) Tu ngujungka sida ngereja ulah ti enda bebasaka adat melaki-bini. Peratika nama dipadah rasul Paul pasal pekara tu. 15

“AWAKKA LAKI ENGGAU BINI MERUAN TETAP ATI NGAGAI PANGAN DIRI”

Pengudah Paul ngasuh “adat melaki-bini dibasa,” iya nambahka jaku lalau: ‘Awakka laki enggau bini meruan tetap ati ngagai pangan diri, laban Petara deka ngakim orang ke ngereja ulah ti kamah, enggau orang ke butang.’ (Hebrew 13:4) Ditu, Paul madah pengawa besetubuh semina entara “laki enggau bini” aja. Nya alai, orang Kristian nitihka jaku lalau tu: “Lantang ati diau enggau bini ke enggau nuan jadi.”—Jaku Dalam 5:18. 17 Orang ke besetubuh enggau orang ke ukai laki tauka bini diri enda bebasaka ukum Petara. Amat, mayuh orang kemaya hari tu ngumbai pengawa butang nya enda salah. Tang, enda ngira nama penemu orang pasal butang, anang ngasuh nya ngubah ukum Petara. Laban ukai mensia, tang ‘Petara deka ngakim orang ke ngereja ulah ti kamah, enggau orang ke butang.’ (Hebrew 10:31; 12:29) Nya alai, orang Kristi16

15. Nitihka Matthew 5:28, nama kebuah orang Kristian ke udah kawin enda tau kelalu rapat enggau orang ke ukai kaling sida? 16. Nama dipadah Paul pasal adat melaki-bini? 17. (a) Nama kebuah orang Kristian enda nitihka penemu orang pasal butang? (b) Baka ni kitai ulih nitihka teladan Jop?


129

an ke bendar nitihka penemu Jehovah. (Bacha Rome 12:9.) Kingatka Jop madah: “Aku udah besumpah madahka diri enggai merening ngagai indu enggau ati ti kanji [kamah].” (Jop 31:1) Ya, kena nyeliahka ulah ti tau ngujungka butang, orang Kristian ke bendar patut nyaga mata sida, lalu anang inginka orang bukai ke ukai laki tauka bini diri.—Peda Penerang ba lambar 219-222. 18 Ba mata Jehovah, pengawa butang nya penyalah ti besai. Nitihka Adat Moses, orang ke butang enggau nyembah engkeramba deka diukum bunuh. (Adat Lewi 20:2, 10) Orang Israel ke nyembah engkeramba, bula ke semaya sida enggau Jehovah. Pia mega, orang Israel ke butang, bula ke semaya sida enggau laki tauka bini diri. Sida enda tetap ati. (Pemansut 19:5, 6; Ulang Adat 5:9; bacha Malaki 2:14.) Nya alai, sida betanggungjawap ngagai Jehovah, Petara ke tetap ati sereta tau dikearap.—Masmur 33:4. 19 Endang amat, orang Kristian enda agi dipegai Adat Moses. Tang, ketegal nemu pengawa butang nya penyalah ti besai, tu ngasuh kitai nyeliahka diri ari pengawa nya. Nama kebuah? Peratika dua chunto tu: Deka nuan tama ke gerija, besugang, lalu besampi ngagai engkeramba? Nuan tentu madah, ‘Enggai!’ Tang, kati nuan deka ngereja nya enti diupah ngena mayuh duit? Nuan tentu nyaut, ‘Enggai!’ Endang amat, nyembah engkeramba utai ti chukup jai 18. (a) Ba mata Jehovah, nama kebuah pengawa butang nya penyalah ti besai? (b) Baka ni pengawa butang nya sama enggau nyembah engkeramba? 19. Nama ulih nulung orang Kristian nyeliahka pengawa butang, lalu nama kebuah?

130


laban nya ngasuh enda tetap ati ngagai Jehovah. Pia mega, pengawa butang nunjukka orang enda tetap ati ngagai laki tauka bini diri sereta ngagai Jehovah. (Masmur 51:1, 4; Kolosi 3:5) Nya alai, anang ngereja pengawa butang ke ulih ngasuh Sitan gaga ati. Kitai patut bebasaka Jehovah sereta nitihka adat melakibini. BAKA NI NGERINGKA KAUL ENTARA MELAKI-BINI

Kelimpah ari nyeliahka ulah ti enda bebasaka adat melaki-bini, nama agi chara ngenalamka basa ngagai kaling nuan? Kena nemu tu, bandingka pengidup melaki-bini baka siti rumah. Jaku enggau ulah ti nunjukka basa ngagai pangan diri, baka utai ti dikena ngias rumah ngambika manah agi. Enti seduai rapat enggau pangan diri, nya baka rumah ti diias enggau manah. Enti pengerindu seduai majak lenyau, nya baka rumah ke kusung sereta enda diias. Ketegal nuan keran deka ngasika pesan Petara, “awakka adat melaki-bini dibasa,” nuan tentu diperansang ngemanahka kaul entara diri melaki-bini. Pia mega, utai ti berega enggau patut dibasa, patut diaduka tauka dikemanahka. Baka ni? Bup Kudus madah: “Ulih penemu-dalam, rumah digaga, lalu ulih pemereti ati, rumah didirika. Ulih penemu, bilik diisi enggau utai ti manah sereta berega.” (Jaku Dalam 24:3, 4) Peratika, baka ni jaku tu ulih dikena ba melaki-bini. 21 Entara utai ti “berega” ke ngasuh ruang bilik lantang nya pemanah baka pengerindu, nangika 20

20. Nama nyadi ba sekeda laki bini? Terangka. 21. Baka ni kitai ngeringka kaul entara melaki-bini? (Peda mega kutak ba lambar 131.)


CHARA NGEMUJURKA RUANG BILIK DIRI Ajar Bup Kudus: “Genap iku kita patut rinduka bini diri, baka kita ke rinduka diri empu, lalu bini patut masa laki.”—Epesus 5:33.

Tanya diri empu ˇ Nama pemanah kaling aku, lalu baka ni aku ulih nunjukka iya berega ba aku?—Jaku Dalam 14:1; 31:29; 1 Peter 3:1, 6; 4:8. ˇ Kati aku bebasaka kaling aku enggau berundingka penemu sereta asai ati iya?—Pilipi 2:4. ˇ Kati aku ngampunka pengurang kaling aku? —Matthew 6:14, 15. ˇ Kemaya penudi iya aku madahka penyayau ngagai kaling aku?—Pelandai Solomon 2:9-14. ˇ Nama juluk ati kami duai ba pengarap? —Matthew 6:33, 34; 1 Korint 9:24-27. ˇ Baka ni aku ulih meransang kaling aku macha Bup Kudus sereta berundingka ayat ninting hari enggau aku?

131

132


Petara sereta kering ba pengarap. (Jaku Dalam 15: 16, 17; 1 Peter 1:7) Tu ulih ngeringka kaul entara melaki-bini. Tang, bisi nuan berundingka baka ni bilik ke dipadah ba Jaku Dalam diisi enggau utai ti berega? “Ulih penemu.” Ya, enti dititihka, penemu ari Bup Kudus ulih ngubah runding orang sereta meransang sida ngenalamka pengerindu ngagai pangan diri. (Rome 12:2; Pilipi 1:9) Nya alai, lebuh seduai berundingka lalau Bup Kudus ari ayat ninting hari, The Watchtower tauka Awake! pasal diri melaki-bini, seduai baka ke ngiga ni bagi pemanah ke ulih dikena ngerapatka kaul seduai. Ketegal seduai rinduka Jehovah, seduai nitihka lalau tu. Enggau tu, seduai deka rapat agi sereta bulih pengelantang. 22 Endang amat, laki bini patut bebendar ngayanka pemanah, bejalaika tanggungjawap, sereta meri awak ngagai pangan diri. Seduai mega tau lantang ati laban udah nitihka pesan Bup Kudus: “Awakka kita berebut ngayanka basa ngagai pangan diri.” (Rome 12:10; Masmur 147:11) Kelimpah ari nya, enggau bebendar bebasaka adat melaki-bini seduai deka meruan dalam pengerindu Petara. 22. Nama berekat diulih kitai enti bebendar bebasaka adat melakibini?

PELAJAR 12

“Nyebut Jaku ti Manah Kena Ngemansangka” “Anang mansutka jaku ti jai, tang semina nyebut jaku ti manah kena ngemansangka.” —EPESUS 4:29.

ENTI NUAN meri siti pemeri ngagai orang ti dikesayau, baka ni asai ati nuan enti iya sengaja ngena pemeri nya enggau chara ti salah? Chunto, nuan meri iya kerita, tang udah nya nuan nemu iya enda bejimat mai kerita nya, lalu ngemakalka orang bukai. Enda ke nuan pedis ati? 2 Ulih bejaku nya pemeri ari Jehovah, ke meri “semua pemeri ti menyana, ti pemadu badas.” (James 1:17) Pemeri tu ngasuh mensia bebida ari jelu. Iya ulih nulung kitai nunjukka runding enggau pengasai ati. Pemeri tu mega ulih dikena enggau chara ti salah, baka kerita tadi. Kitai ulih ngemediska ati Jehovah enti kitai enda bejimat bejaku sereta ngemediska ati orang! 3 Ngambika meruan dalam pengerindu Petara, kitai patut ngena jaku ti dikedeka Petara. Jehovah enggau terang madahka gaya jaku ti ngerinduka ati Iya. Bup Kudus madah: “Anang mansutka jaku ti jai, tang semina nyebut jaku ti manah kena ngeman1-3. (a) Nama pemeri ti diberi Jehovah ngagai kitai, lalu baka ni pemeri tu ulih dikena enggau chara ti salah? (b) Ngambika meruan dalam pengerindu Petara, baka ni chara kitai patut bejaku?

Jaku ti manah ngenyelapka ati

sangka pengarap orang, ba maya ti patut, ngambika jaku nya meri berekat ngagai orang ke ninga.” (Epesus 4:29) Aram kitai berandauka kebuah kitai patut nyaga jaku, jaku ti patut di seliahka sereta baka ni kitai ulih “nyebut jaku ti manah kena ngemansangka.” NAMA KEBUAH KITAI PATUT NYAGA JAKU KITAI

Siti kebuah kitai nyaga jaku laban jaku bisi kuasa. Jaku Dalam 15:4 madah: “Jaku ti siru mai pengidup, tang jaku ti jai ngelemika semengat.” Nya alai, jaku ti siru ulih ngeringka semengat orang ke ninga. Tang, jaku ti jai ngelemika semengat. Endang amat, jaku kitai bisi kuasa kena ngemedis tauka nyuman. —Jaku Dalam 18:21. 5 Siti agi ayat Bup Kudus madah: ‘Leka jaku ti disebut enggau enda berunding, ngasuh ati balat telih baka diachuk pedang.’ (Jaku Dalam 12:18, NW) 4

4, 5. Baka ni sekeda ayat Bup Kudus madahka jaku bisi kuasa?

“Nyebut Jaku ti Manah Kena Ngemansangka”

135

Jaku ti disebut enggau enda berunding ulih ngasuh ati balat tusah sereta ngerusak kaul. Kala nuan ngasaika ati nuan balat pedis maya ninga jaku jai? Tang ayat ti sama bisi madah: “Jaku ti disebut enggau bejimat, ulih nyuman.” Jaku ti disebut enggau berunding ulih nyumanka ati ti pedis sereta ngemanahka kaul. Agi nuan ingat maya orang ngena jaku ti manah ngasuh nuan lantang ati? (Bacha Jaku Dalam 16:24.) Nya alai, kitai patut ngena jaku ti manah ngambika orang lantang ati, ukai pedis ati. 6 Kekadang, kitai enda ulih nyaga jaku diri. Nya alai, kebuah kedua kitai patut nyaga jaku diri laban kitai bedosa enggau enda sempurna. Jaku ti disebut datai ari ati, lalu “kenyau ari sida agi biak, runding [ati] sida endang jai.” (Pemungkal 8:21; Luke 6:45) Nya alai, enda senang nyaga jaku diri. (Bacha James 3:2-4.) Taja pia, kitai agi ulih ngubah chara bejaku ngambika manah agi. Baka orang ke nyemerai nanjak ai, kitai mega patut ngelaban pengelemi diri ke enda ulih nyaga jaku. 7 Kebuah ketiga kitai patut nyaga jaku diri laban kitai betanggungjawap ngagai Jehovah. Jaku kitai ukai semina bekaul enggau orang bukai, tang mega enggau Jehovah. James 1:26 madah: “Enti orang ngumbai diri orang ke bepengarap, lalu enda nagang dilah diri, tang nipu diri empu, pengarap sida nya nadai guna.” Baka ke udah dipelajar kitai, jaku mega bisi kaul enggau sembah. Enti jaku kitai enda dijaga—nyebut utai ti selalu ngemediska 6. Nama kebuah enda senang nyaga jaku diri? 7, 8. Baka ni jaku kitai bekaul enggau sembah ngagai Jehovah?

136


ati—sembah kitai enda beguna ba mata Petara. Nya alai, kitai patut nyaga jaku kitai!—James 3:8-10. 8 Kitai endang bisi kebuah ti berat nyaga jaku diri. Sebedau kitai meda gaya jaku ti ulih ngemansangka, aram kitai berandauka gaya jaku ti enda patut disebut orang Kristian ti bendar. JAKU TI NGELEMIKA SEMENGAT

Jaku ti kamah. Jaku sumpah enggau jaku kamah selalu dikena orang kemaya hari tu. Mayuh orang ngena jaku ti kamah maya sida ringat tauka betundi. Taja pia, jaku ti kamah ukai dikena betundi. Kirakira 2,000 taun ti udah, rasul Paul ngelalau orang Kristian ba Kolosi nyeliahka “jaku ti kamah.” (Kolosi 3:8) Paul madahka orang Kristian ba Epesus enda tau ngena jaku ti “enda senunuh,” indah “enda patut” disebut ba bala orang Kristian ti bendar.—Epesus 5:3, 4. 10 Jehovah enggau orang ke rinduka Iya enggai ninga jaku ti kamah. Lebuh madah pasal “utai ti dikereja mensia,” Paul ngumbai “runding ti kamah” nya nyengkaum jaku ti kamah. (Galatia 5:19-21) Tu penyalah ti besai. Nya alai, orang ke selalu ngena jaku ti kamah ulih dibuai ari gerempung Jehovah enti iya enggai nesal ati.1 9

1 “Runding ti kamah” bisi mayuh reti sereta nyengkaum mayuh macham penyalah ti bukai. Taja pan ukai semua penyalah tu ulih ngasuh orang dibuai ari gerempung Jehovah, tang enti iya enggai nesal ati, iya ulih dibuai.—2 Korint 12:21; Epesus 4:19; peda “Questions From Readers” ba The Watchtower 15 Julai, 2006. 9, 10. (a) Nama bansa jaku ke selalu dikena orang kemaya hari tu? (b) Nama kebuah kitai nulak jaku ti kamah? (Peda mega nota kaki ba baruh lambar.)


137

Bejakuka orang, betenahka orang. Endang amat, orang udu bejaku pasal orang bukai. Chunto, kitai engka madahka berita manah pasal orang ke baru dibaptisa tauka orang ke begunaka peransang. Orang Kristian ti keterubah ibuhka bala menyadi Kristian sida; sida mega bekunsi penemu ti manah enggau pangan diri. (Epesus 6:21, 22; Kolosi 4:8, 9) Taja pia, bejakuka orang ulih ngemedis enti kitai ngaga jaku tauka madahka utai ti tau ngemalu orang bukai. Kelebih agi, tu ulih ngujungka kitai betenahka orang. Betenahka orang reti iya “nyebut utai ti bula kena ngemalu sereta ngenyaika nama orang bukai.” Chunto, orang Parisi betenahka Jesus kena ngenyaika nama iya. (Matthew 9:3234; 12:22-24) Jaku petenah selalu ngujungka laya. —Jaku Dalam 26:20. 12 Ba mata Jehovah, pengawa ngemaluka orang tauka ngasuh orang belaya nya penyalah ti besai. Iya begedika orang ti “nyungkak pengachau nyadi entara pangan.” (Jaku Dalam 6:16-19) Leka jaku Gerika “betenah” dikumbai di·abo·los. Leka jaku tu mega disalin nyadi “Antu,” lalu tu gelar Sitan ke betenahka Petara. (Pemandang 12:9, 10) Endang amat, kitai patut nyeliahka jaku ti ulih ngasuh kitai niru Sitan. Nya alai, anang ngena jaku petenah ti tau ngasuh “belaya” enggau “bepechah-belah.” (Galatia 5:19-21) Nyadi, sebedau nampung cherita orang bukai, tanya diri empu: ‘Kati nya amat? Patut 11

11, 12. (a) Nama reti bejakuka orang, lalu baka ni tu ulih ngemedis? (b) Nama kebuah nembiak Jehovah patut nyeliahka jaku petenah?

138


aku nampung cherita nya? Kati manah enti aku bekunsi pasal cherita nya?’—Bacha 1 Tesalonika 4:11. 13 Jaku ransi. Baka ke udah dipelajar, jaku ulih ngemedis. Endang amat, kekadang ketegal enda sempurna, kitai nyebut utai ti ngasuh kitai nesal. Taja pia, Bup Kudus nangkan pasal jaku ke diseliahka orang Kristian. Paul madahka orang Kristian: “Buai semua dengki, tebiat ngeransi, pengeringat, jaku laya, tebiat bejakuka orang, enggau semua ati ti begedi.” (Epesus 4:31) Enti kitai ngeransi orang ngena jaku jai enggau petenah, kitai ulih ngemaluka orang lalu ngasuh orang ngasaika diri enda beguna. Kelebih agi ngagai anak mit, jaku ransi ulih ngasuh sida lemi semengat.—Kolosi 3:21. 14 Siti agi gaya jaku ti dikutuk Bup Kudus, iya nya ngemalu sereta ngemaruhka orang bukai enggau enda bepampul. Orang ke bisi tebiat tu ngenusahka diri empu. Iya ulih dibuai ari gerempung Jehovah enti iya enda nesal ati tauka enggai berubah. Iya mega ulih lenyau berekat idup belama iya ba dunya baru. (1 Korint 5:11-13; 6:9, 10) Nya alai, enti kitai ngena jaku kamah, bula tauka ngeransi, kitai enda ulih meruan dalam pengerindu Petara. Jaku tu ngelemika semengat. “JAKU TI MANAH KENA NGEMANSANGKA” 15

Baka ni kitai ulih ngena jaku nitihka pene-

13, 14. (a) Nama nyadi ngagai orang ke ninga jaku ransi? (b) Nama agi gaya jaku ti dikutuk Bup Kudus, lalu nama kebuah orang ke bisi tebiat tu ngenusahka diri empu? 15. Nama bansa jaku ti “manah kena ngemansangka”?


139

ka Petara? Kingatka, Bup Kudus ngansak kitai “semina nyebut jaku ti manah kena ngemansangka.” (Epesus 4:29) Jehovah rindu ati enti kitai ngena jaku ti ngemansang, meransang sereta ngeringka semengat orang bukai. Nya alai, kitai patut berunding dulu sebedau bejaku. Bup Kudus nadai madahka enggau terang bansa jaku ti patut dikena kitai. (Titus 2:8) Jaku ti “manah kena ngemansangka” nya jaku ti menyana, amat, sereta manah. Aram kitai beratika sekeda chunto jaku ti ngemansangka. —Peda kutak “Kati Jaku Aku Ngemansangka?” ba lambar 140. 16 Jaku puji. Jehovah enggau Jesus nemu jaku puji nya beguna. (Matthew 3:17; 25:19-23; John 1: 47) Kitai mega patut muji orang bukai. Nama kebuah? Jaku Dalam 15:23 madah: “Naka meh pengaga tetemuka leka jaku ba maya ti ngena.” Tanya diri empu: ‘Baka ni asai ati aku maya dipuji? Enda ke iya ngagaka ati enggau meransang aku?’ Endang amat, jaku puji nunjukka orang bukai ibuhka nuan, lalu utai ti dikereja nuan berega ba mata sida. Tu ulih ngeringka pengarap sereta meransang nuan bebendar agi ngereja pengawa jemah ila. Enti nuan beterima kasih ke puji ti diterima nuan, nuan mega patut enggau naka ulih muji orang bukai.—Bacha Matthew 7:12. 17 Nuan patut matih diri ngiga pemanah ke bisi ba orang bukai, lalu muji sida. Ba endur gempuru, 16, 17. (a) Nama kebuah kitai patut muji orang bukai? (b) Kemaya kitai ulih muji orang ba endur gempuru? ba diri sebilik?

140


KATI JAKU AKU NGEMANSANGKA? Ajar Bup Kudus: “Awakka jaku kita seruran badas.”—Kolosi 4:6.

Tanya diri empu ˇ Kemaya penudi iya aku muji orang? —1 Korint 11:2; Pemandang 2:1-3. ˇ Kati aku bebasaka orang bukai enggau nyebut terima kasih?—John 11:41. ˇ Maya berandau, kati aku semina berundingka diri empu aja, tauka aku mega bisi berundingka ati orang bukai?—Pilipi 2:3, 4; James 1:19. ˇ Kati utai ti ditemu aku ngemansangka orang tauka ngelemika semengat orang, enti aku nyebut iya?—Jaku Dalam 15: 1, 2. ˇ Baka ni asai ati aku pasal ngena jaku ti kamah, lalu baka ni runding aku nunjukka utai ba ati aku? —Luke 6:45; James 3: 10, 11.


141

nuan engka bisi ninga ceramah ti badas, meda nembiak Kristian mansang ba pengarap tauka meda menyadi Kristian ke tuai tetap ati datai gempuru, taja pan bisi penanggul ketegal udah tuai. Jaku puji ti diberi ngagai sida tu ulih meransang sereta ngeringka pengarap sida. Ba diri sebilik, laki bini patut muji sereta nunjukka penyayau ngagai pangan diri. (Jaku Dalam 31:10, 28) Jaku puji mega ulih meransang sereta ngagaka ati anak. Apai indai, giga meh peluang muji anak kita enti sida bisi ulah ti manah sereta bebendar ngereja pengawa. Jaku puji kita ulih ngasuh sida berani, ngeringka pengarap sida sereta meransang sida bebendar agi ngereja utai ti betul. 18 Jaku ti meransang. Jehovah balat ibuhka “orang ke tusah ati.” (Masmur 147:3) Bup Kudus ngansak kitai meransang pangan diri sereta “meransang orang ke takut.” (1 Tesalonika 5:11, 14) Kitai ulih pechaya Petara rindu ati meda kitai meransang bala menyadi Kristian ke tusah ati. 19 Tang, nama ulih disebut nuan kena meransang menyadi Kristian ke lemi semengat tauka tusah ati? Anang ngumbai diri patut mutarka penusah iya. Tang, kesuah agi ngena jaku puji aja ulih nulung iya. Tunjukka ngagai orang ke tusah ati, kitai ibuhka iya. Chunto, nuan ulih besampi enggau iya ngambika iya nemu, iya dikerindu Jehovah enggau bala bukai. (James 5:14, 15) Padah nga18, 19. Nama kebuah kitai patut enggau naka ulih meransang menyadi Kristian kitai, lalu baka ni kitai ulih ngereja nya?

142


gai iya, bala menyadi Jehovah rindu ati enti kitai Kristian ti bukai begungena jaku ti ngemansangka naka iya, lalu iya mega orang bukai berega ba sida. (1 Korint 12:12-26) Bacha ayat Bup Kudus ti nunjukka Jehovah amat ibuhka iya. (Masmur 34:18; Matthew 10:2931) Meri awak bekunsi “jaku ti siru” enggau orang ke lemi semengat ulih nulung iya ngasaika diri berega sereta dikerindu.—Bacha Jaku Dalam 12:25. 20 Jaku lalau ti beguna. Kitai enda sempurna, nya alai kitai seruran begunaka jaku lalau. Bup Kudus ngansak kitai: “Pendingka jaku lalau, lalu terima jaku ajar, ngambika nuan bulih penemu-dalam kena nuan idup jemah ila.” (Jaku Dalam 19:20) Ukai semina tuai gempuru aja ke ulih meri jaku lalau. Apai indai mega ulih meri jaku lalau ngagai anak. (Epesus 6:4) Menyadi Kristian indu ke tuai meri jaku lalau ngagai menyadi Kristian indu ke biak. (Titus 2: 3-5) Pengerindu meransang kitai meri jaku lalau ti enda ngemediska ati orang ke ninga. Nama ulih nulung kitai meri jaku lalau ke baka nya? Peratika tiga chara ke ulih nulung kitai meri jaku lalau ti beguna: 20, 21. Nama ngasuh jaku lalau senang diterima?


143

tuju orang ke meri jaku lalau, kebuah meri jaku lalau, lalu chara jaku lalau diberi. 21 Jaku lalau ti beguna bepanggai ba orang ke meri jaku lalau. Tanya diri empu, ‘Ni maya aku senang nerima jaku lalau?’ Lebuh nuan nemu orang ke meri jaku lalau nya ibuhka nuan, bisi tuju ati ti manah sereta enda nganu, nuan deka senang agi nerima jaku lalau iya. Nya alai, enti nuan deka meri jaku lalau ngagai orang bukai, nuan tentu deka bisi ulah enggau tuju ati ti manah. Jaku lalau ti badas bepanggai ba ajar Bup Kudus. (2 Timoti 3:16) Sekalika ngena ayat ari Bup Kudus tauka enda, jaku lalau patut sejalai enggau ajar Bup Kudus. Nya alai, bala tuai gempuru patut bejimat ngambika enda mansutka penemu diri maya meri jaku lalau; tauka ngelimpangka ajar Bup Kudus kena nyukung penemu sida empu. Jaku lalau mega badas agi enti diberi enggau chara ti betul, ngambika senang agi diterima sereta ngeringka semengat orang ke nerima iya.—Kolosi 4:6. 22 Endang amat, ulih bejaku nya pemeri ti berega ari Petara. Pengerindu kitai ngagai Jehovah patut meransang kitai ngena pemeri tu enggau manah, ukai enggau chara ti salah. Kingatka, jaku kitai bisi kuasa—ulih ngemansangka tauka ngelemika semengat. Nya alai, aram meh kitai ngena pemeri tu nitihka chara ti dikedeka Petara—“kena ngemansangka.” Jaku kitai ulih meransang orang bukai sereta nulung kitai empu meruan dalam pengerindu Petara. 22. Baka ni nuan deka ngena pemeri ulih bejaku?

PELAJAR 13

Pengerami ti Enda Ngerinduka Ati Petara ‘Uji giga utai ti ngerinduka ati Tuan.’ —EPESUS 5:10, NW.

‘ORANG ke amat nyembah Apai, deka nyembah Iya dalam roh enggau pemendar, laban nya gaya orang ke dikedekaka Apai nyembah Iya,’ ku Jesus. (John 4:23) Lebuh Jehovah tetemuka orang ke baka nya—baka Iya tetemuka nuan—Iya ngasuh sida datai ngagai Iya empu enggau Anak Iya. (John 6:44) Naka meh pemanah peluang tu! Taja pia, orang ke rinduka pemendar ari Bup Kudus patut ngiga “utai ti ngerinduka ati” Tuan, laban Sitan nipu semua orang.—Epesus 5:10; Pemandang 12:9. 2 Peratika utai ti nyadi semak Bukit Sinai lebuh orang Israel ngasuh Aron ngagaka sida seiku petara. Aron setuju, lalu ngaga anak sapi emas kena ngarika Jehovah. ‘Pagila kitai deka begawai ngemesaika Jehovah,’ ku iya. Kati Jehovah deka meda pengawa nyampurka pengarap ti bendar enggau pelesu? Enggai. Iya munuh kira-kira 3,000 iku orang ke nyembah patung anak sapi emas. (Pemansut 32:1-6, 10, 28) Nama ulih dipelajarka kitai ari cherita tu? Enti kitai deka meruan dalam pengerindu Petara, kitai patut “anang negu utai ti enda tuchi,” lalu nyaga pengarap ngambika tuchi.—Isaiah 52:11; Esekiel 44:23; Galatia 5:9. 1. Orang ke baka ni diasuh Jehovah datai ngagai Iya, lalu nama kebuah sida patut bejaga-jaga ba pengarap? 2. Terangka baka ni Jehovah meda orang ke nguji nyampurka pengarap ti bendar enggau pelesu.

Pengerami ti Enda Ngerinduka Ati Petara

145

Sayau amat, pengudah bala rasul mati, orang ke ngaku diri Kristian belabuh nyampurka pengarap Kristian enggau adat sereta pengerami ari pengarap pelesu. (2 Tesalonika 2:7, 10) Lebuh nuan beratika sekeda pengerami tu, sida ngayanka ulah dunya, ukai ulah ti dikedekaka Petara. Iya ke amat, pengerami ba dunya tu: Ngayanka pengingin tubuh, ngemansangka ajar pengarap pelesu enggau pengawa bemanang—tanda ti nyulut ba ‘Babilon ti Besai.’1 (Pemandang 18:2-4, 23) Kingatka mega, Jehovah empu meda baka ni adat pengarap pelesu dichampurka enggau pengarap ti bendar. Kemaya hari tu, Jehovah mega agi begedika pengerami ke baka nya.—2 John 6, 7. 4 Orang Kristian nemu sekeda pengerami enda ngerinduka ati Jehovah. Nya alai, kitai patut nyeliahka pengerami nya. Aram kitai beratika kebuah Jehovah enda rinduka pengerami nya, lalu tu ulih nulung kitai meruan dalam pengerindu Petara. 3

KRISMAS—DATAI ARI ORANG KE NYEMBAH MATA HARI 5 Bup Kudus nadai madah pasal pengerami hari pengada Jesus. Iya ke amat, nadai orang nemu kemaya iya ada. Tang, kitai ulih pechaya iya ukai ada kena 25 Disember, maya nya musin chelap ba sekeda menua.2 1 Peda kutak “Patut Aku Enggau Pengerami Nya?” ba lambar 148149. 2 Nitihka penerang ari Bup Kudus enggau sejarah dunya tu, Jesus engka ada kena 2 S.M. kena bulan Etanim nitihka kelinda orang Judah. Tu sama enggau bulan September/Oktober nitihka kelinda kemaya hari tu. 3, 4. Nama kebuah kitai patut beratika ajar Bup Kudus pasal adat enggau pengerami? 5. Nama kebuah kitai tau pechaya Jesus ukai ada kena 25 Disember?

146


Lebuh Jesus ada, Luke madah: “Bala pengibun bedus diau di padang” ngibun bala bedus sida. (Luke 2:8-11) Enti “bala pengibun bedus diau di padang” sepemanjai taun, kitai ulih ngumbai 25 Disember maya Jesus ada. Taja pia, menua Betlehem benung musin chelap sereta bisi ujan enggau seleju maya bulan Disember. Nambahka nya, Josep seduai Maria nuju Betlehem ketegal Raja Besai Augustus meri atur ngasuh ngerejister nama diri. (Luke 2:1-7) Lebuh maya nya, mayuh orang enggai dipegai pemerintah Rome. Nya alai, enda patut Raja Besai deka ngasuh orang datai ngerejister nama diri maya musin chelap benung balat. 6 Hari Krismas ukai datai ari Bup Kudus, tang ari pengerami pengarap pelesu, baka Saturnalia orang Rome, pengerami ke dikena ngintu Saturn, petara umai. Pia mega, orang ke nyembah petara mata hari ke dikumbai Mitra, ngintu “hari pengada mata hari ke enda ulih dialahka” kena 25 Disember, ku New Catholic Encyclopedia. “Hari Krismas belabuh diintu maya pengarap nyembah mata hari benung tebilang ba menua Rome,” kira-kira tiga ratus taun pengudah Jesus mati. 7 Lebuh pengerami nya, orang betukar pemeri, makai sereta ngirup. Pengawa tu mega digaga maya ngintu Krismas. Taja pia, kemaya hari tu pengawa betukar pemeri maya Krismas enda sejalai enggau 2 Korint 9:7, ke madah: ‘Genap iku kita patut meri nitihka pemutus runding diri, ukai enggau ati ti lembau, tauka ari pejal, laban Petara rinduka orang ke meri enggau ati ti gaga.’ Orang Kristian ti bendar meri ari ati. Sida ukai meri nyelinting hari bulan, lalu sida enda ngarapka orang malas pemeri sida. (Luke 14:12-14; bacha Kereja Rasul 6, 7. (a) Ari ni penatai adat ngintu Krismas? (b) Nama bida entara pemeri maya Krismas enggau pemeri ari orang Kristian ti bendar?

Orang Kristian ti bendar meri ari ati

20:35.) Pia mega, sida lantang ati laban enda gagit enggau orang ngintu Krismas sereta ulih nyeliahka diri berutang, ketegal enda ngintu pengerami nya.—Matthew 11:28-30; John 8:32. 8 Tang, sekeda orang madahka orang ke pandai pasal bintang meri pemeri ngagai Jesus maya hari pengada iya. Sida amat meri pemeri, tang maya nya suba orang selalu meri pemeri ngagai orang ke dipebasa lebuh datai nemuai. (1 Raja 10:1, 2, 10, 13; Matthew 2:2, 11) Iya ke amat, sida ukai datai maya malam Jesus ada. Maya nya Jesus ukai agi anak mit ke baru ada ke diengkah dalam dulang. Tang, iya udah beumur beberapa bulan, lalu iya ba dalam rumah maya sida datai. 8. Kati orang ke pandai pasal bintang amat meri pemeri ngagai Jesus maya hari pengada iya? Terangka.

148


PATUT AKU ENGGAU PENGERAMI NYA? Ajar Bup Kudus: “Pansut kita ari sida, lalu seraraka diri ari sida, ku Tuhan bejaku, lalu anang negu utai ti enda tuchi; nya baru Aku deka nerima kita.”—2 Korint 6:17.

Sekeda tanya ti patut diperundingka pasal pengerami tauka adat ˇ Kati iya bepun ari pengarap pelesu enggau pengawa bemanang?—Isaiah 52:11; 1 Korint 4:6; 2 Korint 6:14-18; Pemandang 18:4. ˇ Kati iya ngemuliaka mensia, gerempung mensia tauka lambang menua? —Jeremiah 17:5-7; Kereja Rasul 10:25, 26; 1 John 5:21. ˇ Kati iya ngeninggika siti-siti bansa ari bansa bukai?—Kereja Rasul 10:34, 35; 17:26. ˇ Kati iya ngayanka “roh dunya,” ke ngelaban roh kudus Petara?—1 Korint 2:12; Epesus 2:2. ˇ Kati aku ulih ngasuh orang bukai enda nyamai ati enti aku enggau pengerami nya? —Rome 14:21. ˇ Enti aku enggai enggau, baka ni aku ulih nerangka enggau basa ngagai orang bukai? —Rome 12:1, 2; Kolosi 4:6. Sekeda ayat Bup Kudus ke ulih nyaut tanya pasal pengerami ke selalu diintu: ˇ “Anang nitihka orang mayuh ngereja


penyalah, tauka meri saksi ti enda lurus.” —Pemansut 23:2. ˇ ‘Anang nejuka orang nipu kita: “Orang ke jai ngerusak moral ti menyana.” ’—1 Korint 15:33. ˇ “Kita ukai enggi dunya.”—John 15:19. ˇ “Kita enda tau makai ba mija Tuhan, lalu makai mega ba mija antu.”—1 Korint 10:21. ˇ “Udah chukup meh kita dulu suba ngereja utai baka ti dikerinduka orang bansa bukai: kereja ti jai, ti kamah, mabuk, berami enda beiga-iga, berami ngirup, enggau besembahka engkeramba.”—1 Peter 4:3.

149

150


PENEMU BUP KUDUS PASAL HARI PENGADA 9 Taja pan pengada anak mit selalu ngagaka ati, Bup Kudus nadai madahka nembiak Petara ngintu hari pengada. (Masmur 127:3) Kati penulis Bup Kudus enda ingat nulis iya? Enda, laban bisi dua iti pengerami hari pengada ditulis ba Bup Kudus—hari pengada Raja menua Ejip enggau Raja Herod. (Bacha Pemungkal 40:2022; Mark 6:21-29.) Taja pia, bisi utai ti jai nyadi ba kedua-dua pengerami nya. Kelebih agi, maya pengerami hari pengada Raja Herod, pala John Pemaptisa dipumpung. 9. Nama nyadi maya pengerami hari pengada ke ditulis ba Bup Kudus?

HARI PENGADA ENGGAU PENGARAP NYEMBAH SITAN

Bisi siti pengarap ke nunjukka diri nyembah Sitan (Satanism). Orang ke megai pengarap tu ngumbai hari pengada sida hari ti pemadu besai laban genap iku orang ulih ngumbai diri petara. Nya alai, ngintu hari pengada diri reti iya ngintu hari pengada petara. Endang amat, ukai semua orang berundingka diri baka tu. Taja pia, bup The Lore of Birthdays madahka: “Pengerami bukai ngagaka ati, tang hari pengada ngasuh orang temegahka diri.”


151

Nitihka The World Book Encyclopedia: “Orang Kristian keterubah ngumbai ngintu hari pengada nya adat orang ke enda arapka Petara.” Chunto, orang Gerika pechaya bisi roh datai maya mensia ada, lalu nyaga sida sepemanjai sida idup. Roh tu “bisi kaul ti rapat enggau orang ke sama hari pengada enggau iya,” ku bup The Lore of Birthdays. Hari pengada mega lama udah bekaul enggau orang ke pandai pasal bintang sereta horoskop. 11 Endang amat, nembiak Jehovah kelia enda ngintu hari pengada laban iya datai ari orang ke enda arapka Petara, lalu bisi kaul enggau pengawa bemanang. Siti agi kebuah sida enda ngintu hari pengada laban iya ukai utai ti patut dikemeratka.1 (Mikah 6:8; Luke 9:48) Tang, sida ngemuliaka sereta beterima kasih ke Jehovah laban udah meri sida pengidup.2—Masmur 8:3, 4; 36:9; Pemandang 4:11. 12 Jehovah meruan ingatka nembiak Iya ke tetap ati, taja pan sida udah mati. Sida deka diidupka baru. (Jop 14:14, 15) Pengajar 7:1 madah: “Tampak nama nya manah agi ari minyak wangi ti berega, lalu hari nuan mati nya manah agi ari hari nuan ada.” “Tampak nama” reti iya pemanah kitai ba mata Petara ketegal tetap ati ngereja peneka Iya. Iya ke amat, orang Kristian diberi perintah 10

1 Peda kutak “Hari Pengada Enggau Pengarap Nyembah Sitan,” ba lambar 150. 2 Adat Moses madahka indu ke baru beranak patut meri pemeri pengampun dosa ngagai Petara. (Adat Lewi 12:1-8) Adat tu ngingatka orang Israel, sida udah nurunka dosa ngagai anak sida sereta nulung sida nemu anak endang bedosa kenyau ari ada. Kelimpah ari nya, sida ulih nyeliahka adat ngintu hari pengada ke datai ari orang ke enda arapka Petara.—Masmur 51:5. 10, 11. Nama penemu orang Kristian keterubah pasal ngintu hari pengada, lalu nama kebuah? 12. Nama kebuah hari kitai mati nya manah agi ari hari kitai ada?

152


ngintu hari pemati Jesus, ukai hari pengada iya. Nya alai, “nama” Jesus ulih nyelamatka nyawa kitai.—Hebrew 1:3, 4; Luke 22:17-20. ESTER—BEPUN ARI PENGARAP PELESU Pengerami Ester ke dikumbai kena ngintu pengangkat Jesus ari mati, bepun ari pengarap pelesu. Nama Ester bekaul enggau Eostre, petara indu tumu pagi enggau musin bungai orang Anglo-Saxon. Tang, baka ni telu enggau rabbit tau bisi kaul enggau Ester? Telu nya “tanda pengidup baru, diidupka baru,” ku Encyclopædia Britannica. Rabbit udah dikena nyadi tanda pisit beranak. Nya alai, Ester ke dikumbai orang kena ngintu pengangkat Jesus ari mati nya bekaul enggau adat peridi.1 14 Deka Jehovah ngemendarka orang ngena adat peridi ti kamah kena ngingatka pengangkat Jesus ari mati? Enggai! (2 Korint 6:17, 18) Pia mega, Bup Kudus nadai ngasuh ngintu hari pengangkat Jesus ari mati. Nya alai, enti kitai ngintu Ester kena ngingatka pengangkat Jesus ari mati, kitai enda tetap ati ngagai Jehovah. 13

BAKA NI ENGGAU ADAT NGINTU ORANG MATI? 15 Orang Kristian ti bendar nyeliahka mayuh adat ti bekaul enggau pemati. Chunto, nunu dian, bebai baya, serara bungai, nungkun api, tauka ngetas ulit. Bisi mega adat bukai dikereja beberapa hari, bulan, tauka taun pe1 Eostre (tauka Eastre) nya mega petara indu ke peridi. Nitihka The Dictionary of Mythology, “iya [Eostre] bisi seiku rabbit ba bulan ke rinduka telu, lalu iya mega kekadang digambarka bisi pala baka rabbit.” 13, 14. Ari ni penatai adat Ester? 15. Nama kebuah orang Kristian ti bendar nyeliahka mayuh adat ti bekaul enggau pemati?


153

ngudah orang nya mati. Adat tu dikereja laban orang pechaya orang ke udah mati ulih ngerau. Ketegal orang ke udah mati “nadai nemu utai,” kitai nyeliahka sebarang adat ke bisi kaul enggau ngintu orang mati enti deka meruan dalam pengerindu Petara.—Pengajar 9: 5, 10. NENTUKA PENGERAMI KAWIN NUAN TUCHI 16 Enda lama agi, “munyi nyawa indu enggau nyawa lelaki ke ditikah nadai agi didinga dalam [Babilon ti Besai].” (Pemandang 18:23) Nama kebuah? Babilon ti Besai dipunaska ketegal kereja keramat iya. Nya alai, kereja keramat ulih ngamahka pengerami kawin.—Mark 10: 6-9. 17 Adat ba siti-siti menua enda sebaka. Sekeda adat ke meri ‘tuah’ ngagai orang ke kawin enggau orang ke ngulu pengerami nya baka ke manah, tang adat nya datai ari pengarap pelesu. (Isaiah 65:11) Siti ari adat nya, bebiau ngena manuk. Tuju iya kena merekat orang ke kawin. Tang, orang ke deka meruan dalam pengerindu Petara patut nyeliahka sebarang adat ti enda tuchi.—Bacha 2 Korint 6:14-18. 18 Nembiak Jehovah mega nyeliahka adat ba dunya ke ulih ngerusak pengerami kawin tauka ngasuh menyadi Kristian enda nyamai ati. Chunto, sida enda bebungah ngena jaku kamah ke ulih ngemaluka orang ke kawin sereta orang ke datai. (Jaku Dalam 26:18, 19; Luke 6:31; 10:27) Sida mega enda ngaga pengerami ti kelalu besai, 16, 17. (a) Nama kebuah orang Kristian ke deka kawin nitihka adat patut beratika ajar Bup Kudus? (b) Nama patut diperundingka orang Kristian pasal bebiau ngena manuk? 18. Nama ajar Bup Kudus ke ulih ngiring orang ke deka kawin sereta orang ke datai ngulu pengerami nya?

154


ke ngayanka “pengaya.” (1 John 2:16) Enti nuan deka kawin, kingatka Jehovah deka pengerami maya nuan kawin nyadi pengingat ti ngerinduka ati, ukai ngasuh nuan nesal.1 BESATUPKA GELAS—ULIH TAUKA ENDA Siti pengawa ke selalu digaga ba pengerami kawin sereta begelumu enggau pangan diri iya nya besatupka gelas. Bup International Handbook on Alcohol and Culture ke ditulis ba taun 1995 madahka: “Besatupka gelas sebedau ngirup . . . nya adat kemaya hari tu ke dikena orang meri pemeri ngagai petara . . . kena nukar utai ti dipinta, sampi pandak ngena leka jaku ‘gayu guru!’ tauka ‘gerai nyamai!’ ” 20 Amat, mayuh orang enda nemu pengawa besatupka gelas nya bisi kaul enggau pengarap tauka adat lama. Taja pia, adat nyaguka gelas ke dikumbai minta tuah ari “serega”—utai ti bekuasa ba atas—enda sejalai enggau ajar Bup Kudus.—John 14:6; 16:23.2 19

ORANG KE RINDUKA JEHOVAH, BEGEDIKA PENYAI 21 Ulah orang kemaya hari tu majak jai laban udah ditesatka pengarap pelesu. Sekeda menua melanja pengerami ke diintu ninting taun baka pengerami Mardi Gras. Orang ke enggau pengerami tu betanda enggau gaya ti 1 Peda tiga topik pasal pengerami kawin sereta begelumu enggau pangan diri ba The Watchtower, 15 Oktober, 2006, lambar 18-31. 2 Peda The Watchtower, 15 Februari, 2007, lambar 30-31. 19, 20. Nama dipadahka siti bup pasal penatai adat besatupka gelas, lalu nama kebuah adat tu enda diterima orang Kristian? 21. Nama pengerami ke patut diseliahka orang Kristian, taja pan pengerami nya engka nadai kaul enggau adat siti-siti pengarap, lalu nama kebuah?


155

kamah. Lalu, bisi mega orang ngintu pengerami ti bekaul enggau gaya pengidup ke enda manah entara lelaki sama lelaki (gay) sereta entara indu sama indu (lesbian). Patut orang ke rinduka Jehovah datai meda pengerami ke baka nya? Kati iya amat begedika utai ti jai enti iya datai ngagai pengerami nya? (Masmur 1:1, 2; 97:10) Kitai patut nitihka teladan pemasmur ke besampi: “Anang ngasuh mata aku merening ngagai utai ti” nadai guna! —Masmur 119:37. 22 Lebuh bisi pengerami Hari Besai, orang Kristian patut bejimat ngambika ulah iya enda nunjukka iya gagit enggau berami. Paul nulis: ‘Nemuka kita makai tauka ngirup, tauka ngereja sebarang utai, kereja semua utai nya ke mulia Petara.’ (1 Korint 10:31; peda kutak “Ngaga Pemutus ti Betul,” ba lambar 158-159.) Pia mega, enti adat tauka pengerami nadai kaul enggau pengarap pelesu, politik, sereta enda ngelanggar ajar Bup Kudus, orang Kristian patut ngaga pemutus kediri empu, sekalika deka enggau pengerami nya tauka enda. Iya mega patut berundingka ati bala menyadi ke sama pengarap. NGEMULIAKA PETARA NGENA JAKU ENGGAU ULAH 23 Mayuh orang kemaya hari tu ngumbai pengerami nya peluang begelumu enggau diri sebilik sereta enggau orang bukai. Nya alai, enti orang ngumbai ajar Bup Kudus nya nadai pengerindu tauka enda patut, kitai ulih nerangka enggau manah, bala Saksi-Saksi Jehovah rindu begelumu enggau diri sebilik sereta enggau orang 22. Ni maya orang Kristian ngaga pemutus kediri empu, sekalika deka enggau pengerami nya tauka enda? 23, 24. Baka ni kitai ulih nerangka ukum Jehovah ti lurus enggau manah?

156


SEMBAH TI BENDAR NGENATAIKA PENGELANTANG TI BESAI

Jehovah nya Petara ti gaga ati, lalu Iya deka nembiak Iya gaga ati. (1 Timoti 1:11) Tu dipadahka ba ayat Bup Kudus: “Orang ke nyembah sereta ngasika Aku deka mayuh utai diempa enggau utai diirup.”—Isaiah 65:13, 14. ‘Nya kebuah aku nemu, kitai semina ulih ngelantangka diri aja, lalu ngasaika penyamai idup sepemanjai umur kitai. Semua kitai patut makai, ngirup lalu ngelantangka diri ngena utai ti udah ulih kitai, laban semua utai nya endang pemeri ari Petara magang.’—Pengajar 3:12, 13. “Tang orang ke tau dibasa, ngereja utai enggau ati ti betul, lalu bediri tegap ngeringka utai ti ngena.”—Isaiah 32:8. ‘Datai ngagai aku semua kita ke lelak ngema utai ti berat, lalu aku [Jesus] deka ngasuh kita belelak. Laban tangkun aku mudah, lalu ma aku lempung.’—Matthew 11:28, 30. “Kita deka nemu pemendar, lalu pemendar deka ngelepaska kita.”—John 8:32. ‘Genap iku kita patut meri nitihka pemutus runding diri, ukai enggau ati ti lembau, tauka ari pejal, laban Petara rinduka orang ke meri enggau ati ti gaga.’—2 Korint 9:7. ‘Tang buah roh kudus nya pengerindu, pengaga, pemaik, . . . pemadas, penetap ati.’—Galatia 5:22. “Penampak mansutka semua buah ti badas, ti ngena, ti bendar.”—Epesus 5:9.


157

bukai. (Jaku Dalam 11:25; Pengajar 3:12, 13; 2 Korint 9:7) Kitai rindu begulai enggau orang ti dikesayau sepemanjai taun, tang ketegal pengerindu ngagai Petara enggau ukum Iya ti lurus, kitai enggai enggau pengerami ti ngemediska ati Iya.—Peda kutak “Sembah ti Bendar Ngenataika Pengelantang ti Besai,” ba lambar 156. 24 Sekeda Saksi mujur bekunsi penemu ba Pelajar 16 ngena bup Nama Utai ti Bendar Diajar Bup Kudus?1 enggau orang bukai. Kingatka, tuju kitai deka narit ati orang, ukai deka bechakah. Nya alai, anang enda bebasa, meruan nelap sereta “awakka jaku kita seruran badas sereta ngenyamaika ati orang.”—Kolosi 4:6. 25 Kitai udah diajar nama kebuah kitai pechaya, ngereja sekeda pekara sereta nyeliahka adat enggau pengerami ti enda sejalai enggau ajar Bup Kudus. (Hebrew 5: 14) Apai indai, ajar meh anak nuan ngambika ulih nerangka ajar Bup Kudus ngagai orang bukai. Enggau tu, kita ngemansangka pengarap anak. Kita nulung sida meri saut ari Bup Kudus maya orang betanyaka pengarap sida. Kita mega nulung sida nemu Jehovah rinduka sida.—Isaiah 48:17, 18; 1 Peter 3:15. 26 Semua orang ke nyembah Petara ‘dalam roh enggau pemendar’ ukai semina nyeliahka pengerami ti enda sejalai enggau Bup Kudus, tang mega deka lurus ati ba semua pekara dalam pengidup. (John 4:23) Kemaya hari tu, mayuh orang ngumbai pengelurus nya enda beguna. Tang, ba Pelajar 14, kitai deka nemu jalai pengidup ti nitihka peneka Petara, nya jalai pengidup ti pemadu manah. 1 Dikeluarka Saksi-Saksi Jehovah. 25, 26. Baka ni apai indai ulih nulung anak sida mansang ba pengarap sereta rinduka Jehovah?

158


NGAGA PEMUTUS TI BETUL

Kekadang, bisi maya pengerindu kitai ngagai Jehovah diuji, tauka kitai tusah deka nitihka ajar Bup Kudus. Chunto, laki tauka bini ke ukai Saksi engka mai bini tauka laki begelumu enggau kaban belayan maya bisi pengerami Hari Besai. Sekeda orang Kristian engka deka enggau; sekeda engka enggai. Enti orang Kristian mutuska diri deka enggau, ulah iya patut nunjukka iya enda gagit enggau pengerami nya, tang tuju iya datai semina deka makai enggau kaban belayan aja. Orang Kristian patut madah dulu enggau basa ngagai kaling iya ke ukai Saksi, pasal pekara ke ulih ngemaluka enti iya enda enggau kaban belayan ngereja pengawa ti enda tau digaga bala Saksi. Kaling ke ukai Saksi ulih mutuska seduai iya ulih datai ba maya bukai.—1 Peter 3:15. Tang, kati enti laki ke ukai Saksi majak mai, taja pan menyadi Kristian ke indu udah nerangka iya? Iya nemu laki nya tuai ba diri sebilik, lalu laki endang betanggungjawap nyediaka pemakai ke diri sebilik. (Kolosi 3:18) Tang ba pekara tu, seduai iya makai ba rumah kaban belayan. Iya ulih ngena peluang begelumu nya ngemuliaka Petara. Enda salah makai utai ti disediaka maya pengerami nya. (1 Korint 8:8) Orang Kristian semina enda ulih enggau belagu, betanda sereta ngereja adat maya ngintu pengerami Hari Besai. Siti agi utai ti patut diperatika, iya nya runding orang bukai pasal kitai enti enggau pengerami nya. Pengawa iya ke begelumu enggau kaban belayan ke ukai Saksi maya pengerami ulih ngasuh bala menyadi Kristian ke bukai enda nyamai ati.—1 Korint 8:9; 10:23, 24.


159

Nambahka nya, kaban belayan engka nekan iya. Ketegal enggai malu iya engka nitihka utai ku sida! Nya alai, iya patut berunding enggau dalam sebedau datai ngagai pengerami nya, ngambika ati iya enda ngukum iya. —Kereja Rasul 24:16. Patut Aku Nerima Bonus? Kompeni engka deka meri bonus maya pengerami Hari Krismas, Taun Baru tauka Hari Gawai. Patut orang Kristian nerima iya? Tuke engka meri bonus ketegal kompeni deka bekunsi untung ke diulih. Tauka meri bonus kena nunjukka terima kasih ke pengerajin orang ke bekereja enggau iya. Bonus nya diberi ngagai semua orang —Buddha, Hindu tauka pengarap bukai—enda ngira sida ngintu pengerami nya tauka enda. Nya alai, Saksi-Saksi Jehovah mutus kediri empu sekalika deka nerima bonus nya tauka enda. Taja pan bonus nya diberi ketegal pengerami ti bekaul enggau pengarap, ukai reti orang ke nerima iya bisi kaul enggau pengarap nya. Bala ke sama enggau kereja tauka kaban belayan engka madahka nuan, “Aku nemu nuan enda ngintu pengerami tu, tang aku deka nuan nerima bonus tu.” Enti ati nuan ngasaika nya enda salah, nuan ulih nerima bonus nya. (Kereja Rasul 23:1) Enti enggai orang ke meri bonus enda nyamai ati, nuan ulih nerangka kebuah ngagai iya ba maya bukai. Taja pia, baka ni enti tuju orang ke meri bonus nya sengaja ngasuh nuan enda bepegai ba pengarap tauka enda ngasika ajar Bup Kudus ketegal deka bulih bonus? Enti pia, manah agi enda nerima bonus nya. Kitai patut nyembah Petara Jehovah seiku aja.—Matthew 4:8-10.

PELAJAR 14

Lurus ba Semua Pekara “Deka ngereja utai ti badas berari.”—HEBREW 13:18.

SEIKU INDAI enggau anak lelaki iya pansut ari kedai. Enda memukai anak iya ngetu. Iya baka ke takut, laban enda ingat mulaika ayam ke diambi ari kedai tauka ngasuh indai iya meli ayam nya ke iya. Iya madahka indai iya. Indai iya mai iya nikal baru ke kedai nya. Anak iya mulaika ayam nya, lalu minta ampun. Pengawa iya ngasuh indai iya gaga ati. Nama kebuah? 2 Anak ke ngereja utai enggau lurus ngagaka ati apai indai. Kitai mega ngagaka ati Apai ti di serega, ke “rinduka atur ti lurus,” enti kitai mansang ba pengarap, lalu bebendar deka ngereja utai enggau lurus. (Masmur 37:28) Laban kitai deka ngerinduka ati Petara sereta meruan dalam pengerindu Iya, kitai nitihka utai ti dipadah rasul Paul: “Ngereja utai ti badas berari.” (Hebrew 13:18) Aram kitai berandau baka ni kitai nunjukka pengelurus ba empat pekara, taja pan kekadang tusah dititihka. Udah nya, kitai beratika sekeda berekat ti deka diulih. PENGELURUS BA DIRI EMPU

Ketegal kitai enda sempurna, kitai tusah deka ngereja utai enggau lurus. Chunto, orang Kristian ba Lau3

1, 2. Nama kebuah Jehovah rindu ati meda kitai bebendar deka ngereja utai enggau lurus? Terangka. 3-5. (a) Baka ni Bup Kudus nangkan kitai pasal penusah ti ulih nyadi enti nipu diri empu? (b) Nama ulih nulung kitai ngereja utai enggau lurus?

Lurus ba Semua Pekara

161

disia ngumbai diri “kaya, bisi semua utai.” Tang, Jesus madahka sida “seranta, buta sereta telanjai” ba pengarap. (Pemandang 3:17) Ketegal nipu diri, sida majak ngemediska diri. 4 Kingatka, James meri jaku tangkan: “Enti orang ngumbai diri orang ke bepengarap, lalu enda nagang dilah diri, tang nipu diri empu, pengarap sida nya nadai guna.” (James 1:26) Enti kitai ngumbai sembah kitai diterima Jehovah, tang enda nemu nagang dilah diri, kitai nipu diri empu. Sembah kitai ngagai Jehovah nadai guna. Baka ni kitai ulih nyeliahka pekara tu? 5 Ba bup ti sama, James ngumbai pemendar ari Bup Kudus baka cheremin. Iya meransang kitai beratika ajar Bup Kudus, lalu nguji berubah. (Bacha James 1:23-25.) Bup Kudus ulih nulung kitai ngembuan pengelurus ngambika ulih berubah. (Sabak Kenang 3: 40; Hagai 1:5) Kitai mega ulih besampi ngagai Jehovah ngambika Iya meresa kitai, nulung kitai nemu sereta mutarka pengurang diri. (Masmur 139:23, 24) Ngereja utai enggau enda lurus ukai utai ti manah. Nya alai, kitai patut ngembuan runding ti sama enggau Apai ti di serega. Jaku Dalam 3:32 madah: ‘Jehovah begedika orang ke ngereja penyai [orang ke enda lurus], tang Iya ngaga orang ke lurus nyadika pangan Iya.” Kingatka jaku Paul: “Deka ngereja utai ti badas.” Kemaya hari tu kitai enda sempurna, tang kitai bebendar deka ngereja utai enggau lurus. PENGELURUS BA DIRI SEBILIK 6

Ruang bilik orang Kristian patut bisi pengelurus.

6. Nama kebuah orang ke udah kawin patut beterus terang enggau pangan diri, lalu nama ulih diseliahka seduai iya?

162


Nya alai, laki bini patut beterus terang enggau pangan diri. Orang Kristian ke udah kawin enda patut nguntik orang bukai, bisi ambai lalai ba Internet, tauka meda pornografi. Sekeda orang Kristian ke udah kawin ngelalaika penyalah tu ari kaling sida. Tu pengawa ti enda lurus. Peratika jaku Raja David: “Aku enda begulai enggau orang ke bula, lalu aku enggai begulai enggau orang ke pura-pura ngapa.” (Masmur 26:4) Enti nuan udah kawin, anang sekali-kali ngereja utai ti ngasuh nuan pepura enggau kaling nuan! 7 Apai indai patut ngena chunto ari Bup Kudus kena ngajar anak sida pasal pengelurus. Chunto orang ke nadai pengelurus iya nya Achan, ke ngenchuri lalu nguji ngelalaika Pengelurus nulung penyalah iya; Gehasi, ke kitai nyeliahka pengawa ti salah bula ketegal deka bulih penguntung; sereta Judas Iskariot, ke ngenchuri lalu pepura ba mua Jesus.—Josua 6:17-19; 7:11-25; 2 Raja 5: 14-16, 20-27; Matthew 26: 14, 15; John 12:6. 8 Chunto orang ke bisi pengelurus iya nya Jakop, ke ngasuh bala anak iya mulaika duit ti ditemu ba mua guni, laban nya engka ketegal saru; Jeptah enggau anak 7, 8. Nama chunto ari Bup Kudus ke ulih nulung anak beberatka pengelurus?


163

indu iya, ke ngamatka semaya Jeptah enggau Petara taja pan tusah; sereta Jesus, ke berani madahka diri ba mua bala mayuh ke jai kena ngamatka jaku Bup Kudus, lalu nyelamatka bala murid iya. (Pemungkal 43:12; Pengulu 11:30-40; John 18:3-11) Chunto ari Bup Kudus tu ulih nulung apai indai ngajar anak sida beberatka pengelurus. 9 Ngajar anak pasal pengelurus endang tanggungjawap apai indai. Rasul Paul nanya: “Kita ngajar orang bukai, kati kita enda ngajar diri empu? Kita ngajar orang, enda nyagi orang ngenchuri, kati kita ngenchuri?” (Rome 2:21) Sekeda apai indai ngenusutka runding anak laban sida ngasuh anak ngereja utai enggau lurus, tang sida empu enda. Sida engka madahka ngenchuri utai ti enda berega enggau bebula nya ulih laban ku sida, “Enda ngawa, ngambi mimit aja” tauka “Enda ngawa bula enti iya enda ngenusahka orang.” Iya ke amat, enchuri tetap enchuri, enda ngira utai ke dichuri nya berega tauka enda, lalu bula tetap bula, enda ngira nama pemula nya.1 (Bacha Luke 16:10.) Anak jampat nemu sekalika apai indai bula tauka enda, lalu tu engka ngasuh anak nyadi orang ke enda lurus. (Epesus 6:4) Taja pia, enti anak belajar ari teladan apai indai ke bisi pengelurus, sida deka nyadi orang ke ngemuliaka Jehovah ba dunya ti nadai pengelurus tu.—Jaku Dalam 22:6. 1 Ba gerempung Jehovah, orang ke selalu bula nyentukka ngemediska ati orang bukai deka didisiplin tuai gempuru. 9. Nama patut diseliahka apai indai enti sida deka nyadi teladan ke bala anak, lalu nama kebuah teladan nya beguna?

164


PEMULA SITAN PASAL PENYALAH TI BESAI

Sitan ngena sekeda pemula pasal penyalah ti besai kena nesatka kitai. Tang manah amat, orang Kristian nemu “akal” Sitan tu. (Epesus 6: 11) Peratika tiga ari pemula tu. “Penyalah ulih dipelalaika.” Iya ke amat, Jehovah meda semua pengawa kitai. ‘Nadai utai ulih dipelalaika ari Petara. Semua deka dikebak lalu diayanka magang di mua Iya.’ (Hebrew 4:13) Ketegal Jehovah nemu semua utai, lalu kitai betanggungjawap ngagai Iya, nya alai anang ngelalaika penyalah ti besai ari tuai gempuru enggau apai indai.—Peda mega 2 Samuel 12:12. “Tuai gempuru enda ulih dipechaya, anang madahka nama-nama utai ngagai sida.” Raja Ahap ke jai ngangauka Elijah munyi tu: “O munsuh!” (1 Raja 21:20) Ketegal Elijah nyadi nabi Jehovah ba Israel, iya ulih nulung Ahap bulih pengampun. Ba gerempung Kristian, Jesus meri tuai gempuru nyadika “pemeri.” (Epesus 4:8) Taja pan enda sempurna, sida tuai gempuru “ngemataka semengat” kitai, iya nya nyaga pengarap enggau pengelikun kitai. (Hebrew 13:17) Tuai gempuru ukai munsuh; sida dikena Jehovah nulung kitai. “Nuan nulung menyadi Kristian enti ngelalaika penyalah iya.” Iya ke amat, enti kitai ngelalaika penyalah menyadi Kristian kitai, kitai ngenusahka iya agi. Penyalah ti besai nunjukka iya lemi ba pengarap; ngelalaika penyalah iya baka ngelalaika tanda-tanda penyakit ari lutur. (James


165

5:14, 15) Orang ke ngereja penyalah engka takut didisiplin; tang disiplin nunjukka pengerindu Jehovah, lalu nya ulih nyelamatka nyawa iya. (Jaku Dalam 3:12; 4:13) Pia mega, orang ke terus ngereja penyalah ulih ngenusahka bala menyadi Kristian ti bukai. Deka nuan terus nulung iya ngelalaika penyalah? (Adat Lewi 5:1; 1 Timoti 5:22) Nya alai, asuh orang ke ngereja penyalah nya ngiga bantu ari tuai gempuru. Enti iya enggai, nuan patut madah ngagai tuai gempuru.

PENGELURUS ENTARA BALA MENYADI KRISTIAN 10 Begulai enggau bala menyadi Kristian meri peluang ngemansangka pengelurus ba diri empu. Baka ke udah dipelajar ba Pelajar 12, kitai patut bejimat maya bejaku enggau bala menyadi Kristian. Jaku randau enggau pangan diri ulih ngujungka kitai bejakuka orang tauka betenah! Enti kitai ngulang cherita ke empai temu amat tauka enda, kitai engka madahka utai bula. Nya alai, manah agi kitai enda ibuh nampung cherita nya. (Jaku Dalam 10:19) Pia mega, taja pan kitai nemu cherita nya endang amat, ukai reti iya kitai patut nusui iya. Chunto, cherita nya engka nadai kaul enggau kitai tauka enda patut disebut. (1 Tesalonika 4:11) Sekeda orang ngumbai enda mereti lebuh bejaku enda ngawa, asalka utai ti disebut iya amat. Tang, jaku kitai patut seruran badas sereta ngenyamaika ati orang.—Bacha Kolosi 4:6.

10. Nama patut dikingatka kitai maya bejaku enggau bala menyadi Kristian?

166


Kitai mega enda patut bula ngagai tuai gempuru. Sekeda orang ke ngereja penyalah ti besai nguji ngelalaika penyalah sida, lalu bebula ke tuai gempuru maya ditanya. Orang ke baka nya pepura nyembah Jehovah. Enggau tu, iya nyadi orang ke bula. (Masmur 12:2) Bisi mega ngelalaika sekeda pekara, lalu enda madah ngagai tuai gempuru cherita ke amat. (Kereja Rasul 5:1-11) Tu ketegal sida arapka pemula ti datai ari Sitan.—Peda kutak “Pemula Sitan Pasal Penyalah ti Besai,” ba lambar 164-165. 12 Kitai mega enda patut bula maya ngisi pom ari gerempung Jehovah. Chunto, maya kitai nulis riput pasal pengawa nginjil enggau ngajar, tulis meh utai ke amat. Pia mega, maya kitai ngisi pom kena megai pengawa ba gerempung Jehovah, kitai anang bula nulis pasal pengerai diri tauka pasal diri empu.—Bacha Jaku Dalam 6:16-19. 13 Kitai mega patut ngereja utai enggau lurus maya bedagang tauka bekereja. Kekadang, bala menyadi Kristian bedagang enggau pangan diri. Sida patut bejimat ngambika enda nyampurka pengawa dagang enggau sembah. Sida enda patut berandau pasal pengawa dagang ba Palan Gempuru tauka maya nginjil. Pia mega entara tuke enggau orang ke bekereja. Enti kitai ngaji bala menyadi Kristian, kitai patut mayar gaji sida nitihka haribulan enggau penyampau ti 11

11, 12. (a) Nama digaga sekeda orang ke ngereja penyalah ti besai? (b) Nama sekeda pemula Sitan pasal penyalah ti besai, lalu baka ni kitai ngelaban iya? (c) Baka ni kitai nunjukka diri enda bula ba gerempung Jehovah? 13. Baka ni kitai ulih mengkang ngereja utai enggau lurus maya bedagang enggau menyadi ke sama pengarap?


KATI AKU SERURAN LURUS? Ajar Bup Kudus: ‘Jehovah, sapa tau tama ngagai Rumah Sembiang Nuan? . . . Semina orang ke ngasika Jehovah dalam semua utai lalu seruran ngereja utai ti ngena, ke nyebut utai ti amat sereta tau dikarapka.’—Masmur 15:1, 2.

Tanya diri empu ˇ Nama kebuah aku patut seruran nyebut utai ti bendar?—Jaku Dalam 6:16, 17. ˇ Baka ni aku “badu agi bula” maya ngisi pom baka kena peresa ba sekula, mayar chukai, tauka pom ari perintah?—Epesus 4:25; Isaiah 28:15; Matthew 22: 17-21; Rome 13:1-7. ˇ Baka ni jaku enggau ulah aku nunjukka aku bisi pengelurus maya bekereja?—Jaku Dalam 11:1; Epesus 4:28; Kolosi 3:9, 10. ˇ Enti aku angkunka duit, baka ni nya ulih ngasuh aku nipu?—Masmur 37:21; 1 Timoti 6:9, 10.

167

168


udah disemaya, lalu nyediaka utai ti patut diterima orang ke bekereja, nitihka undang-undang. (1 Timoti 5:18; James 5:1-4) Pia mega, enti kitai digaji bala menyadi Kristian, kitai enda patut “ngular” tauka ngelusu. (2 Tesalonika 3:10) Kitai mega enda patut ngarapka diri bulih manah agi utai ari orang bukai ketegal bekereja enggau menyadi sama pengarap.—Epesus 6: 5-8. 14 Baka ni enti pengawa dagang ke ngasuh kitai sama-sama ngelabur tauka nginjau duit? Bup Kudus nyediaka ajar ti beguna: Semua utai patut digaga ngena surat, lalu disain! Chunto, lebuh Jeremiah meli tanah, iya ngaga surat, nyain iya, milih orang ke saksi, lalu nyimpan iya ngambika dikena dudi hari. (Jeremiah 32:9-12; peda mega Pemungkal 23:16-20.) Taja pan kitai begagaka surat, tu ukai reti iya kitai enda pechayaka pangan diri. Tang, tu nulung kitai nyeliahka penanggul ti ulih nyadi dudi hari. Kingatka, menyadi Kristian ti bekunsi bedagang enda patut ngelakka pengawa dagang ngerusak pemaik enggau kaul entara pangan diri.1—1 Korint 6:1-8. PENGELURUS BA ENDUR KEREJA

Orang Kristian ukai semina ngereja utai enggau lurus ba gerempung Jehovah. Paul madah: “Ngereja utai ti badas berari.” (Hebrew 13:18) Lebuh be15

1 Peda Penerang ba lambar 222-223, kena nemu chara mutarka pengawa dagang ke bisi penanggul. 14. Lebuh orang Kristian bekunsi bedagang, nama utai ti patut diperatika sida enggau manah, lalu nama kebuah? 15. Baka ni asai ati Jehovah meda pengawa ti enda lurus maya bedagang, lalu nama penemu orang Kristian pasal pekara tu?


169

kereja, Jehovah deka kitai ngereja utai enggau lurus. Bup Jaku Dalam madahka sekeda chara dikena orang nipu maya nimbang tauka nakar utai. (Jaku Dalam 11:1; 20:10, 23) Kelia menya, orang nimbang utai tauka duit ngena dachin maya bedagang. Orang bedagang ke nipu ngena dua bengkah dachin; siti dikena meli, siti agi dikena nyual. Kedua-dua dachin nya diubah kena nipu orang bukai. Jehovah begedika pengawa tu! Ngambika meruan dalam pengerindu Iya, kitai patut nyeliahka semua pengawa ti enda lurus. 16 Ketegal dunya tu di baruh kuasa Sitan, nya alai pengawa ti enda lurus bisi ba sebarang endur. Tu ngasuh kitai tusah deka ngereja utai enggau lurus. Lebuh ngisi pom kena minta kereja, mayuh orang nipu pasal pengelandik, peneleba enggau pasal diri empu. Pia mega, maya orang ngisi pom deka nyadi rayat menua bukai, mayar chukai, meli insuran sereta utai bukai, selalu iya sida nulis utai ke enda amat. Mayuh nembiak sekula nipu maya peresa tauka niru kereja orang bukai ari Internet, lalu ngumbai nya asil kereja sida empu. Orang mega selalu meri suap ngagai pengereja pengawa ke enda lurus, kena ngulihka utai ti dikedeka sida. Utai tu nyadi laban mayuh orang ba dunya tu “semina berundingka diri empu aja, angkunka duit, . . . begedika utai ti badas.”—2 Timoti 3:1-5. 17 Orang Kristian ti bendar nyeliahka semua pengawa ti enda lurus nya. Kekadang tusah deka ngereja tu laban orang ke ngereja utai enggau enda lurus baka ke mujur sereta bulih penguntung lebih agi ari orang ke 16, 17. Nama pengawa ti enda lurus ke dikereja orang kemaya hari tu, lalu nama patut diseliahka orang Kristian ti bendar?

170


ngereja utai enggau lurus. (Masmur 73:1-8) Pia mega, orang Kristian engka rugi ketegal sida “deka ngereja utai ti badas berari.” Kati bisi penguntung enti ngereja utai enggau lurus? Bisi! Nama kebuah? Nama berekat iya? PENGELURUS MAI BEREKAT

Orang ke ngereja utai enggau lurus deka tampak nama sereta ulih dikearapka. (Peda kutak “Kati Aku Seruran Lurus?” ba lambar 167.) Semua orang ulih ngereja utai enggau lurus! Tu ukai bepanggai ba pengelandik, pengaya, gamal, penatai, tauka utai bukai. Tang, tusah deka tetemuka orang ke ulih ngereja utai enggau lurus. (Mikah 7:2) Sekeda orang engka ngeleseka nuan, tang bisi mega orang rinduka nuan ketegal ngereja utai enggau lurus, lalu sida deka arapka sereta bebasaka nuan. Mayuh ari Saksi-Saksi Jehovah bulih penguntung ketegal ngereja pengawa enggau lurus. Sida enda dibuai kereja sereta senang deka bulih kereja. 19 Ngereja pengawa enggau lurus endang mai berekat ti besai. Nuan deka bisi ati ti beresi. Paul nulis: “Kami nemu ati diri beresi.” (Hebrew 13:18) Nambahka nya, Jehovah meda kitai ngereja pengawa enggau lurus, lalu Iya rinduka orang ti lurus. (Bacha Masmur 15:1, 2; Jaku Dalam 22:1.) Amat, pengelurus ulih nulung kitai meruan dalam pengerindu Petara, lalu tu berekat ti pemadu besai. Aram kitai beratika pekara tu: Penemu Jehovah pasal kereja. 18

18. Nama kebuah ngereja pengawa enggau lurus mai berekat? 19. Baka ni pengelurus bekaul enggau ati ti beresi sereta kaul kitai enggau Jehovah?

PELAJAR 15

Lantang Ati Meda Asil Kereja Kitai “Semua kitai patut . . . ngelantangka diri ngena utai ti udah ulih kitai.”—PENGAJAR 3:13.

MAYUH orang lembau nurun kereja. Nama kebuah? Laban sida ngereja pengawa ke dikenggai sida. Baka ni ulih meransang sida ngambika rindu bekereja? 2 Bup Kudus meransang kitai ngambika bisi runding ti manah pasal kereja. Iya madahka kereja nya berekat. Solomon nulis: ‘Semua kitai patut makai, ngirup lalu ngelantangka diri ngena utai ti udah ulih kitai, laban semua utai nya endang pemeri ari Petara magang.’ (Pengajar 3:13) Jehovah, rindu sereta ibuhka kitai. Iya deka kitai puas ati, lalu lantang ati meda asil kereja kitai. Ngambika meruan dalam pengerindu Petara, kitai patut idup sejalai enggau penemu Iya sereta ajar ari Iya pasal kereja.—Bacha Pengajar 2:24; 5:18. 3 Ba pelajar tu, kitai deka berandauka empat tanya: Baka ni kitai ulih lantang ati meda asil kereja kitai? Nama bansa pengawa ke enda ulih dikereja orang Kristian ti bendar? Baka ni kitai ulih magi jam entara kereja enggau ngereja peneka Petara? Lalu, nama pengawa ti pemadu beguna ke patut digaga kitai? Sebedau nya, aram kitai meda dua teladan pekereja ti pemadu tebilang—Petara Jehovah enggau Jesus Kristus. 1-3. (a) Baka ni asai ati mayuh orang pasal kereja? (b) Baka ni Bup Kudus meransang kitai ngambika rindu bekereja, lalu nama tanya ti deka dikerandauka kitai ba pelajar tu?

172


JEHOVAH ENGGAU JESUS —NYADI TELADAN KITAI

Jehovah nya Pekereja ti Pemadu Manah. Pemungkal 1:1 madah: ‘Ba pun iya kelia, lebuh Petara berengkah ngaga langit enggau dunya.’ Pengudah Petara ngaga dunya tu, Iya madahka asil iya “manah magang.” (Pemungkal 1:31) Jehovah amat puas ati enggau asil kereja Iya ba dunya tu. Jehovah, ‘Petara ti gaga ati,’ lantang ati laban Iya udah ngereja pengawa enggau pemadu manah.—1 Timoti 1:11, NW. 5 Petara seruran bekereja. Taja pan dunya tu enggau utai bukai udah lama tembu digaga, Jesus madah: ‘Apai aku seruran gawa.’ (John 5:17) Nama digaga Apai? Ari serega, Iya seruran ngiring sereta nyaga mensia. Iya udah milih “mensia ti baru,” iya nya orang Kristian ke diiri ngena roh kudus ngambika merintah enggau Jesus di serega. (2 Korint 5:17) Iya bekereja kena ngamatka tuju Iya ngagai mensia—orang ke rinduka Iya bulih pengidup ti meruan belama iya ba dunya baru. (Rome 6:23) Jehovah endang gaga ati meda asil kereja Iya. Bejuta iku orang udah nerima berita manah pasal Perintah Iya, semak ngagai Iya sereta ngubah pengidup sida ngambika meruan dalam pengerindu Iya.—John 6:44. 6 Jesus udah lama tebilang ngereja pengawa enggau bagas. Sebedau nyadi mensia, iya nyadi pekereja “ke landik,” nulung Petara ngaga semua utai ti “di serega enggau di dunya.” (Jaku Dalam 8:22-31; Kolosi 1: 15-17) Lebuh ba dunya tu, Jesus terus ngereja pengawa 4

4, 5. Baka ni Bup Kudus nunjukka Jehovah nya ngereja pengawa enggau pemadu manah? 6, 7. Nama nunjukka Jesus ngereja pengawa enggau bagas?

Lantang Ati Meda Asil Kereja Kitai

173

enggau bagas. Iya belajar nyadi “tukang kayu.”1 (Mark 6:3) Tu kereja ti berat sereta begunaka pengelandik. Kelebih agi, maya nya nadai kilang papan enggau perengka ti moden kena betukang. Ulih nuan ngambarka Jesus nebang enggau berangkutka kayu ngagai endur iya gawa? Ulih nuan ngambarka iya ngaga rumah, ngaga kasau atap, pintu sereta perengka rumah ti bukai? Jesus tentu puas ati enggau asil kereja ti udah digaga iya enggau bagas. 7 Jesus mega bagas ngereja pengawa nginjil enggau ngajar. Dalam timpuh tiga taun setengah, iya bebendar ngereja pengawa tu. Iya ngereja pengawa tu ari tumu pagi nyentuk ke malam, ngambika iya ulih ngajar mayuh agi orang. (Luke 21:37, 38; John 3:2) Iya bejalai ‘nengah nengeri enggau genturung pendiau, nusui berita manah pasal Perintah Petara.’ (Luke 8:1) Jesus bejalai beratus kilometer nengah jalai ti bedebu ngambika orang ulih ninga berita manah nya. 8 Kati Jesus lantang ati meda asil pemagas iya nginjil enggau ngajar orang? Ya! Iya udah nanam pemendar pasal Perintah Petara, lalu nyediaka “umai nyau mansau, sedia deka diketau.” Ngereja peneka Petara meri pengering ngagai Jesus nyentukka iya sanggup ninggalka pemakai iya ketegal deka nembuka pengawa iya. (John 4:31-38) Jesus endang puas ati enggau pengawa iya ke nginjil sereta ngajar orang ba dunya tu. Nya alai, iya ulih madah ngagai Apai iya: ‘Aku 1 Nitihka leka jaku Gerika, “tukang kayu” ulih dikumbai “pekereja ke bekenaka kayu, enda ngira iya ngaga rumah tauka perengka rumah ti bukai ke digaga ari kayu.” 8, 9. Baka ni Jesus meda asil kereja ti udah digaga iya enggau bagas?

174


udah ngemuliaka Nuan di dunya tu, laban aku udah nembuka pengawa ti diasuh Nuan kereja aku.’—John 17:4. 9 Jehovah enggau Jesus endang teladan ti pemadu manah. Seduai iya lantang ati meda asil kereja ti udah digaga seduai iya enggau bagas. Pengerindu kitai ngagai Jehovah meransang kitai ‘nunda teladan Petara.’ (Epesus 5:1) Pengerindu kitai ngagai Jesus meransang kitai ‘nitihka singkang iya.’ (1 Peter 2:21) Aram kitai meda baka ni kitai ulih lantang ati meda asil kereja kitai. BAKA NI KITAI ULIH LANTANG ATI MEDA ASIL KEREJA KITAI

Orang Kristian ti bendar patut bekereja. Kitai deka puas ati enggau kereja kitai, tang kekadang tu enda senang enti kereja nya ukai kereja ti dikerinduka kitai. Baka ni kitai ulih bekereja enggau lantang ati taja pan bisi penanggul? 11 Ngembuan runding ti betul. Kekadang kitai enda ulih ngubah penanggul ba endur kereja, tang kitai ulih ngubah runding kitai. Berundingka penemu Petara enggau dalam, ulih nulung kitai ngembuan runding ti betul pasal kereja. Chunto, enti nuan tuai bilik, enda ngira nama penanggul, nuan tetap bekereja kena nyediaka utai ti diguna diri sebilik. Nya alai, nyediaka utai ti diguna diri sebilik ukai pekara ti mit ba mata Petara. Bup Kudus madah orang ke enda nyediaka utai ti diguna diri sebilik “jai agi ari orang ke enda arap.” (1 Timoti 5:8) Nuan deka puas ati enti kereja nya ulih 10

10, 11. Nama ulih nulung kitai ngembuan runding ti betul pasal kereja?

Nitihka ajar ari Bup Kudus ulih nulung nuan lantang ati meda asil kereja nuan

nulung nuan bejalaika tanggungjawap nyadi tuai bilik, ke udah diberi Petara. 12 Bagas sereta lurus ngereja pengawa. Bekereja enggau bagas sereta belajar ngereja utai enggau manah ulih mai berekat. Orang ke bagas sereta landik gawa selalu iya dikerindu bala tuke. (Jaku Dalam 12:24; 22:29) Orang Kristian ti bendar patut lurus maya ngereja pengawa. Sida enda ngenchuri duit, barang, tauka “ngular” maya gawa. (Epesus 4:28) Baka ke udah dipelajar 12. Nama berekat enti kitai bagas sereta lurus ngereja pengawa?

176


kitai, pengelurus mai berekat. Orang ke ngereja pengawa enggau lurus tau dikearapka. Sekalika tuke meda kitai bagas bekereja tauka enda, kitai ulih puas ati laban nemu “ati diri beresi,” lalu nemu kitai udah ngerinduka ati Petara.—Hebrew 13:18; Kolosi 3:22-24. 13 Ulah kitai ulih ngemuliaka Petara. Enti kitai bisi ulah ti manah ba endur kereja, orang bukai ulih beratika iya. Nama asil iya? Kitai ‘mai puji ngagai ajar ti diberi Petara ti Juruselamat kitai.’ (Titus 2:9, 10) Amat, ulah kitai ti manah ulih nulung orang bukai meda pemanah pengarap kitai. Tu ulih narit ati orang ngagai pemendar. Nuan tentu gaga ati enti orang ke sama kereja enggau nuan deka nerima pemendar ketegal ulah nuan ti manah ba endur kereja. Nuan tentu lebih agi gaga ati laban ulah nuan udah ngemuliaka Jehovah sereta ngasuh Iya gaga ati!—Bacha Jaku Dalam 27:11; 1 Peter 2:12. BERUNDING ENGGAU MANAH MAYA MILIH KEREJA

Bup Kudus nadai madah enggau terang bansa kereja ke tau enggau ke enda tau dikereja. Tu ukai reti iya kitai ulih nerima sebarang kereja. Tang, Bup Kudus ulih nulung kitai milih kereja ti manah ke ulih ngerinduka ati Petara. (Jaku Dalam 2:6) Bisi dua iti tanya ti berat ke patut diperundingka kitai maya milih kereja. 15 Kati kereja nya bekaul enggau utai ti ditagang Bup Kudus? Bup Kudus enggau terang nagang pengawa ngenchuri, bula, sereta ngaga engkeramba. (Peman14

13. Nama asil iya enti kitai bisi ulah ti manah ba endur kereja? 14-16. Nama dua iti tanya ti patut diperundingka kitai maya milih kereja?


177

PATUT AKU MILIH KEREJA NYA? Ajar Bup Kudus: ‘Kereja semua utai nya ke mulia Petara.’—1 Korint 10:31.

Tanya diri empu ˇ Kati kereja nya bekaul enggau utai ti ditagang Bup Kudus?—Pemansut 20:13-15. ˇ Kati kereja nya ngasuh aku nyukung pengawa ti ditagang Bup Kudus?—Pemandang 18:4. ˇ Kati kereja nya semina digaga ngagai orang mayuh aja, lalu enda ngelaban ajar Bup Kudus, chunto nyadi posmen?—Kereja Rasul 14:16, 17. ˇ Kati kereja nya ulih ngasuh orang bukai enda nyamai ati? —Rome 14:19-22. ˇ Enti aku bekereja ba menua bukai, lalu ninggalka diri sebilik, baka ni tu ulih ngachau asai ati sereta pengarap kami sebilik?— Epesus 5:28– 6:4.

sut 20:4; Kereja Rasul 15:29; Epesus 4:28; Pemandang 21:8) Kitai patut nyeliahka kereja ke baka nya. Pengerindu ngagai Jehovah ulih nagang kitai nerima kereja ti bekaul enggau pengawa ke ngelanggar pesan Petara. —Bacha 1 John 5:3. 16 Kati kereja nya ngasuh kitai nyukung tauka meransang pengawa ti salah? Peratika chunto tu. Bekereja

178


nyadi kerani enda salah. Tang, baka ni enti kitai diasuh nyadi kerani ba kelinik bebuai anak? Kitai engka enda enggau sida lutur bebuai anak, tang bekereja dia nunjukka kitai nyukung pengawa bebuai anak, pengawa ti ditagang Bup Kudus. (Pemansut 21:22-24) Enti kitai rinduka Jehovah, kitai enggai nerima kereja ti ditagang Bup Kudus. 17 Enti kitai berundingka saut ngagai tanya ba genteran 15 enggau 16, kitai ulih nemu bansa kereja ke tau enggau ke enda tau dikereja. Nambahka nya, bisi utai bukai mega patut diperundingka kitai maya milih kereja. Kitai enda ulih ngarapka ulun ke tetap ati sereta 17. (a) Nama agi patut diperundingka kitai maya milih kereja? (Peda kutak ba lambar 177.) (b) Baka ni ati ulih nulung kitai ngaga pemutus ti ngerinduka ati Petara?

Kitai ulih nunjukka diri rinduka Jehovah enti ngenuluka pengawa nginjil


179

bepenemu-dalam nyediaka semua iring ke ulih dikena maya milih kereja. Nya alai, kitai patut berunding enggau manah. Baka ke udah dipelajarka ba Pelajar 2, kitai patut belajar matih ati kitai nitihka ajar ari Bup Kudus ba pengidup ninting hari. Ketegal “udah matihka diri ngelala bida entara utai ti badas enggau utai ti jai,” kitai ulih ngaga pemutus ti ngerinduka ati Petara sereta nulung kitai meruan dalam pengerindu Iya.—Hebrew 5:14. TETAP NGEMBUAN RUNDING TI MANAH PASAL KEREJA

Bup Kudus madah “ba hari ti penudi mayuh macham penusah deka nyadi.” (2 Timoti 3:1) Kekadang tusah deka ngiga kereja tauka mengkang bekereja ba siti-siti endur. Orang Kristian ti bendar nemu, sida patut bekereja kena nyediaka utai ti diguna diri sebilik. Tang enti kitai enda bejimat, kitai ulih dilimpangka pengingin deka nyadi kaya, ke ulih ngasuh kitai tusah deka ngereja peneka Petara. (1 Timoti 6:9, 10) Diatu, aram kitai berandauka baka ni kitai ulih nentuka “utai ti pemadu badas.”—Pilipi 1:10. 19 Bepanggai ba Jehovah enggau pengabis ati. (Bacha Jaku Dalam 3:5, 6.) Kitai patut arapka Jehovah laban Iya ibuhka kitai. (1 Peter 5:7) Iya nemu utai ti manah agi ke kitai, lalu seruran deka nulung kitai. (Masmur 37:25) Nya alai, kitai patut ningaka pesan Iya: ‘Anang angkunka duit. Kita patut nemu puas ati ke utai ti dikemisi kita, laban Petara udah nyebut, “Aku enggai 18

18. Nama kebuah tusah deka mengkang teguh ba pengarap? 19. Nama kebuah kitai patut arapka Jehovah, lalu baka ni tu ulih nulung kitai?

180


“PEMUTUS TI DIGAGA AKU MAI PENGELANTANG SERETA NGEMUASKA ATI” “Aku bulih pemutus peresa ti manah sereta bulih sekulasip kena belajar ba siti sekula ti tebilang ba New York. Bala pengajar ba sekula nya ngansak aku nyambung pelajar ngagai universiti ti tebilang. Aku diterima sekeda universiti ti tebilang sereta mega bulih sekulasip ba siti universiti ti pemadu tebilang di Amerika Serikat. Tang, aku nulak semua nya ketegal dua kebuah. Aku berundingka pasal ulah ti tau ngerusak enti diau ba universiti ke jauh ari apai indai, lalu aku bisi pengeran deka nyadi pengerintis. “Diatu aku udah nyadi pengerintis biasa lebih ari 20 taun. Aku ngiruhka diri enggau mayuh macham kereja ari Jehovah, baka nginjil enggau ngajar ba endur ti begunaka pengerintis, enggau nulung nirika Palan Gempuru, lalu mantu bala menyadi Kristian ke kena penusah besai. Diatu aku nulung bala menyadi Kristian ke ngena jaku bansa bukai ba New York. “Lebuh aku berundingka diri udah milih semina bekereja ke Jehovah aja, aku nemu diri udah bulih mayuh berekat. Pemutus ti digaga aku mai pengelantang sereta ngemuaska ati. Nadai utai ulih nganti utai ti udah diasaika aku sereta kaul ke udah diulih aku ngelama tu.”—Zenaida.

sekali-kali ninggalka kita, tauka ngelengkaka kita.” ’ (Hebrew 13:5) Mayuh Saksi ke semina bekereja ke Jehovah aja ulih arapka Iya nyediaka utai ti diguna sida ba pengidup. Pia mega, enti kitai arapka Jehovah ulih


181

nyaga kitai, kitai enda kelalu irau pasal utai ti diguna diri sebilik. (Matthew 6:25-32) Kitai enda ngelakka kereja ngachau kitai ngereja peneka Petara baka nginjil enggau datai gempuru.—Matthew 24:14; Hebrew 10: 24, 25. 20 Beberatka peneka Petara. (Bacha Matthew 6:22, 23.) Jesus madah mata kitai patut “menyana.” Reti iya, kitai enda patut beberatka utai ti enda entu beguna. Orang Kristian patut beberatka peneka Petara. Enggau tu, kitai enda kelalu inginka pengaya sereta kereja ti begaji besai. Kitai mega enda mudah dilimpangka enggau barang baru ke dikumbai ulih meri pengelantang. Nama ulih nulung nuan ngereja peneka Petara? Anang berutang ketegal meli utai ti enda entu beguna. Anang bebelika utai ti begunaka mayuh jam kena ngintu iya. Titihka jaku lalau Bup Kudus ti ngasuh kitai puas ati ke “pemakai enggau gari.” (1 Timoti 6:8) Idup meh enggau pengumbas iya. 21 Netapka juluk ati ba pengarap, lalu anang limpang ari iya. Ketegal enda ulih ngereja mayuh utai ba pengidup, kitai patut bisi utai ti dikenuluka. Enti enda pia, utai ke enda entu beguna deka ngelimpangka jam kitai ari ngereja utai ti beguna agi. Nama patut dikenuluka kitai ba pengidup? Mayuh orang ba dunya tu beberatka belajar tinggi agi ngambika bulih kereja begaji besai. Tang Jesus ngasuh murid iya, ‘giga dulu Perintah Petara.’ (Matthew 6:33) Ya, orang Kristian ti bendar patut ngenuluka Perintah Petara ba 20. Nama reti nyaga mata ngambika “menyana,” lalu baka ni nuan ulih ngereja iya? 21. Nama kebuah kitai patut bisi utai ti dikenuluka, lalu nama patut dikenuluka kitai ba pengidup?

182


pengidup. Chara pengidup kitai—pemutus ke digaga, tuju ati sereta pengawa ke dikereja kitai—nunjukka kitai ngenuluka Perintah Petara enggau peneka Iya, lebih agi ari reta sereta kereja. BEBENDAR NGINJIL ENGGAU NGAJAR

Kitai nemu kitai diau ba pengujung dunya. Nya alai, orang Kristian ti bendar patut beberatka pengawa nginjil enggau ngajar. (Matthew 24:14; 28:19, 20) Baka Jesus, kitai deka bebendar ngereja pengawa ti nyelamatka nyawa tu. Baka ni kitai nunjukka diri beberatka pengawa tu? Mayuh nembiak Petara bebendar enggau nginjil. Sekeda ari sida nyadi pengerintis tauka pengerintis seberai tasik. Mayuh apai indai mega meransang anak sida semina bekereja ke Jehovah aja. Kati sida lantang ati meda asil ti manah ketegal bebendar nginjil enggau ngajar? Ya! Ngereja peneka Jehovah enggau pengabis ati amat ulih mai pengelantang, ngemuaska ati sereta mayuh berekat.—Bacha Jaku Dalam 10:22. 23 Mayuh ari kitai ngena mayuh jam bekereja kena nyediaka utai ti diguna diri sebilik. Kingatka, Jehovah deka kitai lantang ati meda asil kereja kitai. Enti runding enggau ulah kitai sejalai enggau penemu sereta ajar ari Petara, kitai ulih puas ati enggau kereja kitai. Taja pia, anang ngelakka kereja ngelimpangka kitai ari ngerembaika berita manah pasal Perintah Petara. Enggau ngenuluka pengawa tu ba pengidup, kitai nunjukka diri rinduka Jehovah, lalu meruan dalam pengerindu Iya. 22

22, 23. (a) Nama pengawa ti patut dikemeratka orang Kristian ti bendar, lalu baka ni kitai nunjukka diri beberatka pengawa tu? (Peda kutak ba lambar 180.) (b) Nama penemu ti betul pasal kereja?

PELAJAR 16

Laban Meh Sitan Sereta Chara ti Dikena Iya Nipu “Laban meh Sitan, lalu iya deka rari.”—JAMES 4:7.

ENTI NUAN udah nyembah Jehovah bepuluh taun, nuan tentu udah ninga mayuh ceramah pasal baptisa ba gempuru besai kitai. Tang, enda ngira ni penyuah nuan udah ninga ceramah nya, nuan tentu agi diperansang maya nuan meda orang ke deka dibaptisa bediri ba mua bala mayuh ke datai maya gempuru nya. Lebuh nuan meda sida ke dibaptisa pansut ari ai, nuan gaga ati sereta betempik jari. Nuan engka labuh ai mata meda sida udah nyukung Jehovah. Kitai semua balat amat gaga ati maya nya! 2 Kitai engka ulih meda pengawa maptisa beberapa kali aja dalam setaun. Tang, bala melikat suah meda pengawa tu. Ulih nuan ngambarka bala melikat “rami gaga ati” maya sida meda beribu iku orang nyukung gerempung Jehovah ba dunya tu ninting minggu? (Luke 15:7, 10) Naka meh pengaga ati bala melikat meda orang majak nambah nyukung Jehovah!—Hagai 2:7. SITAN “BEJALAI SEGAU-SEGAU BAKA SINGA TI NEGUNG”

Taja pia, bisi bala melikat bukai ke ringat meda pengawa maptisa nya. Sitan enggau bala antu pedis 3

1, 2. Pengawa maptisa ngagaka ati sapa? 3. Nama kebuah Sitan bejalai segau-segau baka “singa ti negung,” lalu nama deka digaga iya?

184

“Meruan Dalam Pengerindu Petara”

amat ati meda beribu iku orang ninggalka ulah ti jai ba dunya tu. Pia mega, Sitan udah enggau sumbung madahka nadai mensia deka nyembah Jehovah ari ati, lalu nadai seiku sida deka meruan tetap ati maya kena penguji ti besai. (Bacha Jop 2: 4, 5.) Tiap kali orang nyerahka diri ngagai Jehovah, tu nunjukka Sitan bula. Tu ngasuh Sitan balat ringat. Nya kebuah iya “bejalai segau-segau baka singa ti negung, begigaka orang ke deka diempa iya”! (1 Peter 5:8) Baka “singa” ke deka makai orang, Sitan bebendar deka ngerusak kaul kitai enggau Petara.—Masmur 7:1, 2; 2 Timoti 3:12.

Tiap kali orang nyerahka diri ngagai Jehovah, tu nunjukka Sitan bula

Laban Meh Sitan Sereta Chara ti Dikena Iya Nipu

185

Taja pan Sitan disempamaka baka “singa ti negung,” kitai enda ibuh kelalu takut. Nama kebuah? Laban Jehovah udah meri dua sekat ngagai Sitan. Kesatu, Jehovah udah madah “mayuh amat orang” iya nya orang Kristian ti bendar deka selamat maya “penusah ti besai” datai. (Pemandang 7:9, 14) Jaku Petara seruran dikeamatka. Nya alai, Sitan nemu ukai semua nembiak Petara ulih dilimpangka iya. 5 Sekat kedua ulih ditemu kitai ari jaku nabi Asariah ngagai Raja Asa: ‘Jehovah bisi enggau kita, seagi-agi kita meruan enggau Iya.’ (2 Bansa Israel 15:2; bacha 1 Korint 10:13.) Kitai bisi mayuh teladan ari kelia, ke nunjukka Sitan endang enda ulih nesatka orang ke meruan semak enggau Petara. (Hebrew 11: 4-40) Kemaya hari tu, orang Kristian ke meruan semak enggau Petara ulih ngelaban sereta ngalahka Sitan. Pia mega, sida ulih pechayaka Jaku Petara: “Laban meh Sitan, lalu iya deka rari ari kita.”—James 4:7. 4

KITAI BEPERANG NGELABAN KUASA ROH TI JAI

Sitan enda ulih menang ba perang tu, tang iya ulih ngemediska genap iku kitai enti kitai enda bejimat. Sitan nemu iya ulih nesatka kitai enti iya ulih ngerusak kaul kitai enggau Jehovah. Baka ni Sitan ulih ngereja tu? Iya nyerang kitai enggau bebendar, nyerang kitai seiku-seiku sereta ngena chara nipu. Aram kitai beratika chara dikena Sitan tu. 7 Nyerang enggau bebendar. Rasul John madah: “Se6

4, 5. (a) Nama dua sekat ari Jehovah ngagai Sitan? (b) Nama utai ti ulih dipechaya orang Kristian ti bendar? 6. Baka ni Sitan ngelaban genap iku orang Kristian? 7. Nama kebuah Sitan bebendar nyerang orang ke nyembah Jehovah?

186


mua dunya di baruh kuasa Sitan.” (1 John 5:19) Tu jaku tangkan ngagai semua orang Kristian ti bendar. Ketegal dunya tu udah dibaruh kuasa Sitan, nya alai iya semina bebendar nyerang orang ke nyembah Jehovah. (Mikah 4:1; John 15:19; Pemandang 12: 12, 17) Sitan balat pedis ati, laban iya nemu timpuh diri nyau deka abis. Nya alai, iya bebendar agi nyerang. Kemaya hari tu, kitai napi serang ti pemadu balat ari Sitan. 8 Nyerang seiku-seiku. Rasul Paul nangkan bala ke sama pengarap: “Kitai ukai beperang ngelaban isi enggau darah, tang ngelaban . . . kuasa roh ti jai di langit.” (Epesus 6:12) Nama kebuah Paul ngena leka jaku “beperang ngelaban”? Laban nya nunjukka bebendar belaban ngena jari. Nya alai, ngena leka jaku tu Paul madahka genap iku kitai beperang enggau bala antu. Enda ngira orang ke semak kitai pechaya bala antu ke jai bisi tauka nadai, kitai endang patut nemu kenyau ari nyerahka diri ngagai Jehovah, kitai baka ke udah tama ngagai gelanggang belaban enggau bala antu. Nya alai, Paul meransang orang Kristian ba Epesus ngambika “bediri tegap”!—Epesus 6:11, 13, 14. 9 Ngena chara nipu. Paul meransang orang Kristian bediri tegap ngelaban “akal” Sitan. (Epesus 6:11) Ditu Paul madah bala antu ngena mayuh chara nipu 8. Nama reti utai ku rasul Paul, maya iya madahka kitai “beperang ngelaban” bala antu? 9. (a) Nama kebuah Sitan enggau bala antu ngena mayuh macham “akal”? (b) Nama kebuah Sitan deka nesatka runding kitai, lalu baka ni kitai ulih nyeliahka nya? (Peda kutak ba lambar 192-193.) (c) Nama siti agi chara ti dikena Sitan nipu kitai?


187

tauka nesatka kitai. Nama kebuah? Laban enti nembiak Jehovah enda ulih ditipu ngena chara siti, bala antu deka ngena chara ti bukai. Nya alai, Sitan enggau bala antu ngemataka ulah genap iku kitai, lalu ngambi ulih ari pengelemi kitai. Taja pia, kitai ulih nemu chara ke dikena Sitan nipu kitai ari Bup Kudus. (2 Korint 2:11) Ba pun bup tu, kitai udah berandauka sekeda chara ke dikena Sitan nipu baka amuka reta tengkira, begulai enggau orang ke ulih ngerusak kaul enggau Jehovah sereta ulah ti kamah. Aram kitai berandauka siti agi chara ke dikena Sitan nipu—pengawa bemanang. PENGAWA BEMANANG —PENGAWA TI NGELABAN PETARA

Enti orang enggau pengawa bemanang, iya bekaul enggau bala antu. Betilitka nasit, bedukun, bekenaka pengaruh, sereta betanya ngagai semengat orang ke udah mati nya sekeda ari pengawa bemanang. Ba mata Jehovah pengawa bemanang nya “utai ti jai.” (Ulang Adat 18:10-12; Pemandang 21:8) Ketegal kitai deka “begedika penyai,” kitai enda patut bisi kaul enggau bala antu. (Rome 12:9) Pengawa bemanang nya pengawa ti ngelaban Jehovah! 11 Ketegal pengawa bemanang nya pengawa ti ngelaban Jehovah, nya alai Sitan bebendar ngasuh kitai bisi kaul enggau pengawa nya. Sitan menang enti iya ulih ngelimpangka orang Kristian enggau pengawa 10

10. (a) Nama reti pengawa bemanang? (b) Nama penemu Jehovah pasal pengawa bemanang, lalu nama patut digaga kitai? 11. Nama kebuah Sitan menang enti iya ulih ngelimpangka kitai enggau pengawa bemanang? Terangka.

188


bemanang. Nama kebuah? Peratika chunto tu: Enti runding seiku soldadu ulih dilimpangka munsuh, tu ngasuh tuai munsuh gaga ati. Tuai munsuh mega ngena soldadu nya ngeleseka tuai soldadu iya ke dulu. Pia mega, enti orang Kristian enggau pengawa bemanang, iya udah sengaja ninggalka Jehovah, lalu betuaika Sitan. Pikirka pengaga ati Sitan enti orang ninggalka Jehovah! Deka kitai ngasuh Sitan menang? Tentu enggai! NGENA TANYA TI NGASUH KAKANG ATI

Enti kitai ulih nyeliahka pengawa bemanang, Sitan enda ulih mujur ngelimpangka kitai. Nya alai, iya deka ngubah runding kitai. Baka ni? Iya nesatka runding kitai ngambika kitai ngumbai “utai ti jai manah, lalu utai ti manah jai.” (Isaiah 5:20) Kena ngereja tu, Sitan selalu ngena siti chara ti dikena iya suba—ngena tanya ti ngasuh kakang ati. 13 Peratika, baka ni Sitan ngena chara tu kelia menya. Ba kebun Eden, iya nanya Hawa: ‘Kati amat Petara enda nyagi seduai makai buah ari semua kayu ti dalam kebun tu?’ Ba jeman Jop, lebuh bala melikat datai ngadap Jehovah, Sitan nanya: “Kati Jop deka nyembah Nuan enti iya nadai bulih utai ari nya?” Lalu maya Jesus berengkah ngereja pengawa nginjil enggau ngajar ba dunya tu, Sitan ngasuh Jesus: ‘Enti nuan amat Anak Petara, asuh batu tu nyadi roti.’ Pikirka—Sitan berani ngelaban jaku ke udah disebut Petara kira-kira enam minggu sebedau nya: ‘Tu Anak ke 12

12. Nama chara ti dikena Sitan ngelimpangka runding kitai pasal pengawa bemanang? 13. Baka ni Sitan ngena tanya ti ngasuh kakang ati?


189

dikesayauka Aku. Aku rinduka iya’!—Pemungkal 3:1; Jop 1:9; Matthew 3:17; 4:3. 14 Kemaya hari tu, Sitan ngena chara ti sama ngasuh orang berunding sekalika pengawa bemanang nya ulih tauka enda. Sayau amat, iya ulih ngelimpangka runding sekeda Saksi. Sida kakang ati deka pechaya sekalika sekeda pengawa bemanang nya amat jai. (2 Korint 11:3) Baka ni kitai ulih nulung sida ngubah runding sida? Baka ni kitai nentuka Sitan enda ulih ngelimpangka kitai? Kena nyaut tu, aram kitai meda dua chara ke dikena Sitan ngumpan kitai ngambika enggau pengawa bemanang—pemerindang enggau pengerai. NGAMBI ULIH ARI PENGINGIN ENGGAU UTAI TI DIGUNA KITAI

Ba menua Barat, pengawa besebutka leka puchau, penemu ajih sereta sekeda pengawa bemanang nya hal ti mit. Cherita ba wayang tauka TV, bup enggau komputer game mayuh ngayanka pengawa bemanang nya utai ti ngerinduka ati sereta enda ngemedis. Sekeda cherita enggau bup ke bekaul enggau pengawa bemanang chukup tebilang nyentukka orang ke rinduka cherita nya nubuhka kelab peminat. Tu nunjukka bala antu udah mujur ngelamun utai ti salah pasal pengawa bemanang. Patut orang Kristian ngumbai pengawa bemanang nya hal ti mit? Enda. Nama kebuah? Chunto, pengudah orang 15

14. (a) Baka ni Sitan ngasuh kitai kakang ati pasal pengawa bemanang? (b) Nama deka diperatika kitai diatu? 15. (a) Nama penemu orang ba menua Barat pasal pengawa bemanang? (b) Baka ni sekeda orang Kristian ngumbai pengawa bemanang nya hal ti mit?

190


Kristian meda cherita ke bekaul enggau pengawa bemanang ba wayang, iya madah, “Aku semina meda cherita nya, tang aku enda ngereja pengawa bemanang.” Nama kebuah runding tu salah? 16 Taja pan bisi bida entara ngereja pengawa bemanang enggau meda iya, ukai reti meda iya enda ulih ngemedis. Nama kebuah? Peratika tu: Bup Kudus madah Sitan enggau bala antu iya enda ulih nemu nama utai ba runding kitai.1 Baka ke udah dipadah, kena nemu runding enggau pengelemi kitai, bala antu meratika ulah kitai—nyengkaum pemerindang ti dipilih kitai. Lebuh orang Kristian nunjukka diri rindu meda cherita tauka macha bup ke bekaul enggau dukun, besebut leka puchau, kena rasuk antu, tauka topik bukai ke bekaul enggau antu, iya madah ngagai bala antu utai ti dikerinduka iya. Enggau tu, iya madahka pengelemi diri! Nya alai, bala antu ulih bebendar agi beperang ngelaban orang Kristian nya nyentukka iya alah. Iya ke amat, orang ke rindu enggau pemerindang pasal pengawa bemanang ngujungka sida ngereja pengawa nya.—Bacha Galatia 6:7. 17 Sitan mega deka ngambi ulih ari chara kitai nyaga pengerai. Baka ni? Orang Kristian ke majak raya sakit taja pan udah ngena mayuh chara berubat, ulih lemi semengat. (Mark 5:25, 26) Tu peluang Sitan enggau bala antu deka ngambi ulih ari iya. Bala antu eng1 Bup Kudus madahka Jehovah ulih “meresa runding sereta nguji ati mensia,” lalu Jesus “mansik runding enggau ati.”—Jeremiah 17:10; Pemandang 2:23. 16. Nama kebuah milih pemerindang ke bekaul enggau pengawa bemanang ulih ngemedis? 17. Nama chara ti dikena Sitan ngambi ulih ari orang ke sakit?


191

ka ngasuh orang ke raya sakit nya berunding deka ngena chara ti “kamah” tauka pengawa bemanang kena ngeraika penyakit iya. (Isaiah 1:13) Enti bala antu mujur ngena chara tu, tu ulih ngerusakka kaul orang ke sakit nya enggau Petara. Nama kebuah? 18 Jehovah nangkan orang Israel ke ngena chara ti “kamah”: “Lebuh kita ngangkatka jari kita besampi, Aku enggai malik ngagai kita. Taja pen kita bebendar besampi, tang enggai meh Aku mending.” (Isaiah 1:15) Endang amat, kitai seruran deka nyeliahka utai ti ngasuh sampi kitai enda didinga sereta utai ti ngasuh kitai lenyau sukung ari Jehovah, kelebih agi maya sakit. (Masmur 41:3) Minta sukung ari Jehovah maya sakit Nya alai, enti orang Kristian ngasaika chara ke dikena iya berubat bekaul enggau pengawa bemanang, iya patut nulak. (Matthew 6:13) Enggau tu, iya tau pechaya iya meruan bulih sukung ari Jehovah.—Peda kutak “Kati Nya Amat Pengawa Bemanang?” ba lambar 194. LEBUH ORANG BECHERITA PASAL ANTU 19

Ba menua Barat, mayuh orang ngambarka kuasa

18. Nama chara berubat ti patut ditulak orang Kristian, lalu nama kebuah? 19. (a) Nama utai ti dipechaya mayuh orang pasal kuasa Sitan? (b) Nama cherita ti enda patut ditampung orang Kristian?

192


BEJIMAT! SITAN PINTAR NIPU

Sitan, ke pintar nipu, udah beribu taun “mampul runding orang ke enda arap.” (2 Korint 4:4) Iya mega enda ngetu nesatka runding nembiak Petara. Nama kebuah? Laban Sitan nemu chara kitai berunding bekaul enggau ulah kitai. Iya nemu enti iya ulih ngelimpangka runding kitai, iya ulih ngasuh kitai ngereja utai ti jai.—James 1:14, 15. Kingatka chara Sitan nesatka Hawa. Rasul Paul nulis: “Aku irau enggai ke, baka ular ke ngena pemintar iya nipu Awa, runding kita dibai tesat ari . . . Kristus.” (2 Korint 11:3) Sitan ngena ular nipu Hawa, ke ngujungka Hawa ngereja penyalah ti besai. Sitan nesatka runding Hawa. Chara Sitan tu mujur. Pengudah Hawa ningaka iya, penemu Hawa berubah, lalu Hawa bisi pengingin deka ngereja utai ti ditagang Petara. Pengudah runding iya ditesatka, iya ngereja penyalah ti ngasuh iya bedosa.—Pemungkal 3: 1-6; Pemandang 12:9. Kemaya hari tu, chara ti dikena Sitan agi sama: Iya agi nesatka runding, ke ulih ngujungka pengawa ti bedosa. Sitan ngena gerempung politik, pengarap, pengawa dagang sereta pemerindang kena ngerembaika pemula iya. (John 14:30) Iya udah mujur ngelimpangka runding, ulah enggau penemu mayuh orang. Ulah ti bedosa—baka seks entara lelaki sama lelaki tauka indu sama indu, diau begulai sereta bisi anak sebedau kawin—diatu diterima sereta dikinginka. Naka ni pemujur Sitan udah nipu mensia? Bup Kudus madah: “Semua dunya di baruh kuasa Sitan.” —1 John 5:19. Orang Kristian mega ulih kena tipu Sitan. (1 Korint 10:12) Laban Sitan nemu timpuh diri nyau deka abis, iya “balat pedis ati,” lalu bebendar agi deka nesatka nembiak


193

Petara. (Pemandang 12:12) Enti kitai enda bejimat, chara Sitan “ke nipu” ulih nesatka runding kitai sereta ngujungka kitai ngereja pengawa ti bedosa.—Titus 1:10. Chunto, peratika penemu orang ba dunya tu pasal adat melaki-bini. Bup Kudus ngajar adat melaki-bini nya tuchi, lalu patut meruan belama iya. (Matthew 19:5, 6, 9) Cherita ba wayang enggau TV selalu mantaika cherita ti enda bebasaka adat melaki-bini. Kitai patut bejimat ngambika chara Sitan tu enda nesatka runding kitai. Enti enda bejimat, penemu kitai ulih dilimpangka, lalu ulih ngasuh kitai enda tetap ati enggau kaling diri. Lebuh bisi penanggul entara laki bini, kitai kekadang deka ngiga orang bukai endur kitai besebana. Orang ke sama kereja tauka sama pengarap engka deka ninga sebana kitai sereta bekunsi asai ati. Tang, enti kitai nyau bisi ati ngagai orang ke selalu ninga sebana kitai, kitai engka ngujungka diri ngereja pengawa ti bedosa. Siti agi chunto, peratika pengingin deka idup bibas ke bisi ba dunya Sitan tu. Mayuh orang “berundingka diri empu aja” sereta “sumbung.” (2 Timoti 3:2, 4) Enti kitai bisi runding ke baka tu, kitai tusah deka tunduk sereta ngasi. Bala menyadi Kristian ke lelaki engka ringat enti dirara bala tuai gempuru. (Hebrew 12:5) Pia mega, bala menyadi Kristian ke indu engka enggai nitihka atur pasal orang ke nyadi tuai ba ruang bilik tauka ba gerempung Jehovah.—1 Korint 11:3. Kitai beterima kasih ngagai Jehovah laban Iya udah madahka kitai chara ti dikena Sitan nipu. (2 Korint 2:11) Kitai patut nyaga runding ngambika enda dirusak Sitan. Ngambika meruan dalam pengerindu Petara, kitai patut “berundingka utai serega.”—Kolosi 3:2.

194


Sitan nya hal ti mit. Tang ba sekeda menua, Sitan udah ngasuh mayuh orang pechaya iya bisi kuasa ti besai. Nya alai, sida takutka antu. Pia mega cherita pasal antu bisi ba dini-dini endur. Cherita nya selalu dilangkungka orang; ngambika orang rindu ati ninga iya. Patut kitai nampung cherita nya? Enda! Bisi dua iti kebuah ti berat nembiak Petara ti bendar enda nampung cherita nya. 20 Kesatu, enti nusui cherita pasal antu, orang nunjukka diri bisi minat pasal Sitan. Nama kebuah? Bup Kudus madahka Sitan bisi kuasa ngaga tanda pelesu enggau mayuh “macham tipu ti jai.” (2 Tesalonika 2: 9, 10) Ketegal Sitan nya landik nipu, iya nemu chara nesatka runding orang ke bisi minat enggau pengawa 20. Baka ni orang nulung Sitan ngerembaika pemula?

KATI NYA AMAT PENGAWA BEMANANG? Ajar Bup Kudus: Utai ti dikereja mensia endang nyata: bemanang, bepechah-belah, beripih. Orang ke ngereja utai nya enda ulih bempu Perintah Petara. —Galatia 5:19-21.

Tanya diri empu ˇ Kati adat ke dititihka aku bisi kaul enggau pengarap pelesu?—2 Korint 6:16, 17. ˇ Kati utai ke dikena aku bisi kaul enggau pengawa bemanang?—Kereja Rasul 19:19. ˇ Kati chara berubat ti dipilih aku bisi kaul enggau pengawa bemanang? —Adat Lewi 19:26.


195

bemanang sereta ngasuh sida pechayaka utai ti bula. Sida engka kala meda sereta ninga pasal antu, lalu madah ngagai orang utai ke amat nyadi ba sida. Nyau kelama, cherita sida dilangkungka orang ke nampung iya. Enti orang Kristian nampung cherita nya, iya ngereja peneka Sitan—“apai pemula.” Iya nulung Sitan ngerembaika pemula.—John 8:44; 2 Timoti 2:16. 21 Kedua, taja pan orang Kristian amat kala meda tauka ninga pasal antu, iya patut nyeliah ari nampung tauka nusui cherita nya ngagai bala menyadi ke sama pengarap. Nama kebuah? Kitai ditangkan: “Merening ngagai Jesus ke ngemunka lalu ngaga pengarap kitai nyadi pemadu badas.” (Hebrew 12:2) Endang amat, kitai patut nujuka ati kitai ngagai Jesus, ukai ngagai Sitan. Lebuh ba dunya tu suba, Jesus enda kala merindang bala murid iya enggau cherita pasal antu, taja pan iya nemu mayuh utai pasal Sitan. Tang, Jesus beberatka berita manah pasal Perintah Petara. Nya alai, kitai patut neladan Jesus enggau bala rasul iya. Kitai patut berandau pasal ‘pemesai pengawa Petara!’—Kereja Rasul 2:11; Luke 8:1; Rome 1:11, 12. 22 Endang amat, Sitan ngena mayuh macham chara nipu, nyengkaum pengawa bemanang, kena ngerusak kaul kitai enggau Jehovah. Enti kitai begedika utai ti jai, lalu rinduka utai ti manah, kitai enda meri peluang ngagai Sitan ngelemika tuju kitai ke deka nulak semua pengawa bemanang. (Bacha Epesus 4:27.) Pikirka pengaga ati sida ti di serega enti kitai “ulih ngelaban akal Sitan”!—Luke 15:7; Epesus 6:11. 21. Nama utai patut dikerandauka kitai? 22. Baka ni kitai ulih terus ngagaka ati sida ti di serega?

PELAJAR 17

“Negapka Pengarap Kita ti Pemadu Kudus” ‘Negapka pengarap kita ti pemadu kudus . . . Meruan dalam pengerindu Petara.’—JUDE 20, 21.

NUAN bebendar ngaga siti projek. Projek tu udah dipunka nuan, lalu deka digaga nyentuk ke dudi hari. Taja pan pengawa nya engka tusah, nuan puas ati. Nuan enggai lemi semengat tauka ilap, laban kualiti kereja nuan bekaul enggau pengidup nuan ari diatu nyentuk ke jemah ila. Nama kebuah? Laban projek ke digaga nya, nuan empu! 2 Rasul Jude ngasuh kitai beberatka pengawa ngemansangka diri empu. Iya meransang kitai ‘meruan dalam pengerindu Petara,’ laban nya ulih “negapka pengarap” kitai “ti pemadu kudus.” (Jude 20, 21) Nama ulih digaga nuan kena ngemansangka diri, ngeringka pengarap nuan ngambika meruan dalam pengerindu Petara? Aram kitai beratika tiga pekara ti patut dikemansangka nuan. TERUS ARAPKA UKUM JEHOVAH

Pekara ti keterubah, kitai patut ngeringka pengarap kitai ba ukum Petara. Ba bup tu, nuan udah belajarka sekeda ukum Jehovah pasal ulah. Nama run3

1, 2. Nama projek ti digaga nuan, lalu nama kebuah kualiti kereja nuan patut dikemeratka? 3-5. (a) Baka ni Sitan deka nesatka runding nuan pasal ukum Jehovah? (b) Nama ulih dipeda kitai ari ukum Jehovah, lalu nama patut digaga kitai? Terangka.

“Negapka Pengarap Kita ti Pemadu Kudus”

197

ding nuan pasal ukum Iya? Sitan deka nuan ngumbai ukum enggau ajar ari Jehovah nya nyekat sereta nekan nuan. Iya udah ngena chara tu kenyau ari Kebun Eden. (Pemungkal 3:1-6) Kati Sitan ulih nipu nuan ngena chara nya? Tu bepanggai ba nuan. 4 Chunto: Lebuh nuan bejalai ba siti taman, nuan tepedaka siti endur ke enda tau dilawa. Iya diempang ngena dinding ti tinggi sereta tegap. Rampa menua ba belakang dinding nya manah dipeda sereta narit ati. Nuan engka ngumbai dinding nya ngachau nuan. Tang, lebuh nuan nyeling ari dinding nya, nuan tepedaka seiku singa ti mangah benung ngiga utai ke diempa! Diatu nuan nemu tuju dinding nya digaga —kena nyaga. Pia mega, nuan benung diperatika Sitan. Bup Kudus nangkan: “Disiplin diri empu sereta bejaga! Sitan ti munsuh kita bejalai segau-segau baka singa ti negung, begigaka orang ke deka diempa iya.”—1 Peter 5:8. 5 Ketegal Jehovah enggai kitai ditesatka Sitan, Iya ngaga ukum kena nyaga kitai ari “akal” Sitan. (Epesus 6:11) Nya alai, maya kitai berundingka ukum Petara enggau dalam, kitai ulih meda pengerindu Iya. Enggau tu, ukum Petara nya ulih nyaga sereta meri pengelantang. Rasul James nulis: “Orang ke merening ngagai adat ti pemadu badas, adat pengelepas, lalu majak ngasika adat nya . . . deka diberekatka dalam semua utai ti dikereja iya.”—James 1:25. 6 Ngasika pesan Jehovah nya chara ti pemadu manah kena negapka pengarap diri ba Jehovah enggau ukum Iya. Chunto, “adat Kristus” nyengkaum pesan 6. Nama chara ti pemadu manah kena negapka pengarap ba ukum enggau ajar Petara? Beri chunto.

198


Jesus ke ngasuh ngajar orang bukai “semua pesan ti udah diberi” iya. (Galatia 6:2; Matthew 28:19, 20) Orang Kristian mega beberatka pengawa begempuru sereta meransang pangan diri. (Hebrew 10:24, 25) Pesan Jehovah mega nyengkaum seruran besampi ari ati ngagai Iya. (Matthew 6:5-8; 1 Tesalonika 5:17) Enti kitai ngasika pesan nya, kitai ulih meda enggau terang ukum nya nyaga kitai, mai pengelantang sereta ngemuaska ati. Lebuh nuan berundingka enggau dalam penguntung ke diulih ketegal ngasika ukum Petara, pengarap nuan deka tegap agi. 7 Nyau kelama, sekeda orang irauka diri enda ulih ngasika ukum Jehovah. Enti nuan bisi ngasaika nya, kingatka jaku tu: ‘Aku tu Jehovah Petara kita, ti deka ngajar kita utai ke penguntung kita lalu nunjukka jalai ti patut ditengah kita. Enti sema kita udah mendingka jaku Aku nya baru berekat tentu udah rarat ngagai kita baka sungai ti enda nemu langkang. Pemenang tentu 7, 8. Baka ni Bup Kudus meransang orang ke irauka diri enda ulih ngasika ukum Jehovah?


199

udah datai ngagai kita baka gelumbang ti ngalun ngagai tebing.’ (Isaiah 48:17, 18) Kala nuan berundingka enggau dalam baka ni jaku tu ulih meransang? 8 Ditu Jehovah ngingatka kitai pasal penguntung enti kitai ngasika Iya. Iya besemaya deka meri dua berekat enti kitai ngasika Iya. Kesatu, kitai deka bulih berekat tauka pengelikun baka sungai ti enda nemu langkang—enda nemu abis, enda putus. Kedua, kitai deka menang, reti iya kitai deka ngasaika pengelurus baka gelumbang. Enti nuan bediri ba pantai sereta beratika gelumbang, kati gelumbang nya nemu ngetu ngalun? Enda. Pia mega, enti kitai mengkang tetap ati ngagai Jehovah, Iya deka nulung kitai mujur! (Bacha Masmur 55:22.) Berekat Jehovah nya tentu negapka pengarap nuan ba Jehovah enggau ukum Iya. TERUS MANSANG BA PENGARAP

Pekara ti kedua kena ngemansangka diri empu dipadahka ba ayat tu: “Mansang ngagai ajar ke orang ti besai tuai.” (Hebrew 6:1) Besai tuai, reti iya mansang ba pengarap. Tu juluk ati ti patut dikemisi orang Kristian, laban iya ulih dijapai. Pia mega, orang Kristian ulih lantang agi ati nyembah Jehovah enti sida mansang ba pengarap. Nama kebuah? 10 Orang Kristian ke bisi kaul ti manah enggau Jehovah bisi runding ti sama enggau Iya. (John 4:23) Paul nulis: “Orang ke idup nitihka peneka mensia berundingka utai ti dikinginka mensia.” (Rome 8:5) Pengingin mensia ngenataika mimit pengelantang, 9

9, 10. (a) Nama kebuah orang Kristian patut bisi juluk ati ngeringka kaul enggau Jehovah? (b) Baka ni kaul ti manah enggau Jehovah ulih ngenataika pengelantang?

200


laban pengingin tu ngasuh orang berundingka diri empu aja, enda berunding panjai sereta angkunka reta. Orang ke bisi runding ti sama enggau Jehovah lantang ati laban sida beberatka Iya, Petara ti gaga ati. Orang nya mega keran deka ngerinduka ati Jehovah sereta meruan lantang ati, taja pan kena penguji. Nama kebuah? Penguji nya mega peluang kena nunjukka Sitan nya pemula, lalu nambahka penetap ati kitai ke Jehovah sereta ngelantangka ati Iya.—Jaku Dalam 27:11; bacha James 1:2, 3. 11 Tegap enggau mansang ba pengarap begunaka latih. Peratika ayat tu: “Asi kering nya ke orang ke besai tuai, ke udah matihka diri ngelala bida entara utai ti badas enggau utai ti jai.” (Hebrew 5:14) Leka jaku “matih” dalam Gerika bisi kaul enggau sukan gimnastik ba kurun keterubah. Nya alai, leka jaku tu ulih disalin nyadi ‘dilatih baka orang ke enggau sukan gimnastik.’ Diatu, peratika chara latih tu digaga. 12 Lebuh baru ada, tubuh kitai bedau dilatih. Chunto, anak mit ke baru ada enda ulih tetagangka kaki enggau jari iya ke engkebut. Kekadang, iya tepaluka diri empu. Tang lebuh iya mansang besai, iya belubahlubah belajar chara ngena kaki enggau jari iya. Keterubah, iya meragau, bejalai, udah nya belanda.1 Baka ni orang ke enggau sukan gimnastik? Iya tentu enda ulih landik enti enda bebendar belatih. Nitihka Bup Kudus, ‘matihka tubuh beguna, tang matihka diri nangika Pe1 Bala saintis madahka kitai ulih ngasaika semua begian ba tubuh kitai. Chunto, kitai ulih betempik jari taja pan mata ditutup. 11, 12. (a) Nama reti leka jaku ‘matih’ ke dipadah Paul? (b) Nama latih ti patut digaga anak mit tauka orang ke enggau sukan gimnastik?

201

tara lebih agi beguna.’ —1 Timoti 4:8. 13 Ba bup tu, kitai udah belajarka chara dikena matih diri ngambika ulih meruan tetap ati ngagai Jehovah nyadi orang ke tegap sereta mansang ba pengarap. Sebedau ngaga pemutus ba pengidup ninting hari, nuan patut meratika ukum enggau ajar ari Petara sereta besampi minta iring ari Iya. Sebedau ngaga pemutus, tanya diri empu: ‘Nama ukum tauka ajar Bup Kudus ke bekaul enggau pekara tu? Baka ni aku ulih ngena iya? Nama pemutus ti ngerinduka ati Jehovah?’ (Bacha Jaku Dalam 3:5, 6; James 1:5.) Tiap iti pemutus ke digaga nuan sejalai enggau Bup Kudus deka nulung nuan matih diri. Latih tu deka nulung nuan meruan tegap sereta mansang ba pengarap. 14 Ngemansangka diri ba pengarap nadai sekat. Tu bepanggai ba pemakai rohani. Paul madah: “Asi kering nya ke orang ke besai tuai.” Asi kering, reti iya penemu-dalam ari Bup Kudus. Nya alai, kitai patut ngulihka penemu-dalam nya ngambika mansang ba pengarap. Bup Kudus madahka: “Penemu-dalam nya utai ti pemadu beguna.” Nyadi, kitai patut bisi ati deka ngulihka penemu ti bendar pasal Jehovah. (Jaku Dalam 4:5-7; 1 Peter 2:2) Kingatka, kitai patut bejimat Orang ke enggau sukan gimnastik mayuh belatih

13. Baka ni kitai ulih matih diri? 14. Nama diguna kitai ngambika mansang ba pengarap, tang nama patut dikingatka kitai?

202


ngambika enda nyadi sumbung. Kitai patut seruran meresa diri empu ngambika penyumbung tauka pengelemi diri enda tumbuh ba ati kitai. Paul nulis: “Peresa diri empu, kena nentuka kita amat idup ngena pengarap tauka enda.”—2 Korint 13:5. 15 Projek ngaga rumah engka udah tembu, tang bisi kereja bukai agi patut digaga. Rumah nya patut dijaga enggau diadu. Kekadang, kitai nambahka bilik baru maya begunaka iya. Nama patut digaga kitai ngambika mansang sereta meruan ba pengarap? Kitai patut bisi pengerindu. Kitai patut ngemansangka pengerindu kitai ngagai Jehovah enggau bala menyadi Kristian ke sama pengarap. Enti kitai nadai pengerindu, semua penemu enggau utai ti dikereja kitai baka tin kusung ke inggar bekeranding, tang nadai guna. (1 Korint 13:1-3) Ketegal pengerindu, kitai ulih tegap sereta mansang ba pengarap. TERUS BERUNDINGKA BEREKAT TI DIBERI JEHOVAH

Aram kitai beratika siti agi pekara ke ulih dikena ngemansangka diri. Ngambika ulih nyadi murid Jesus ti bendar, nuan patut nyaga chara nuan berunding. Sitan, pemerintah dunya tu, bisi pengelandik ngasuh orang bisi runding ti salah, berundingka utai ti enda ngemansang, kakang ati sereta lemi semengat. (Epesus 2:2) Runding ke baka nya ulih ngemediska orang Kristian laban iya baka indu sampuk ke ulih ngerusak rumah kayu. Jehovah nyediaka utai kena nyaga kitai—berekat. 16

15. Nama kebuah pengerindu beguna kena mansang ba pengarap? 16. Nama bansa runding ti dikedeka Sitan, lalu nama disediaka Jehovah kena nyaga kitai?


203

Bup Kudus madahka pasal senyata ari Petara ke ulih dikena kitai ngelaban Sitan enggau dunya tu. Siti ari senyata nya selapuk kebal, ke ngambarka pengadang tauka berekat ari Jehovah. (1 Tesalonika 5:8) Lebuh jeman Bible, soldadu ke beperang nemu diri enda ulih betan lama ba perang, enti iya nadai selapuk kebal. Selapuk kebal tu digaga ari besi tauka kulit jelu ti tebal, lalu bisi lapik tauka selap ti lembut ari dalam. Baka selapuk kebal ke ulih nyaga pala, berekat ulih nyaga runding kitai. 18 Jesus nyadi teladan ti manah laban iya selalu berundingka berekat ari Jehovah. Kingatka, ba malam ke penudi iya ba dunya tu, iya napi mayuh pemerinsa. Seiku ari murid iya nyual iya ketegal duit. Seiku agi nyangkal diri ngelala iya. Iya ke bukai rari ninggalka iya. Orang ke sama bansa enggau iya ngelaban iya. Sida ngasuh soldadu Rome merinsa lalu munuh iya. Penguji ke diasaika Jesus jauh besai agi ari penguji ke diasaika kitai. Tang, nama nulung iya betan? Hebrew 12:2 madah: ‘Iya enda malu natka diri [mati ba tiang] ketegal pengaga ti deka diasaika iya, lalu diatu iya duduk muak ari kanan kerusi diraja Petara.’ Jesus selalu berundingka “pengaga ti deka diasaika iya.” 19 Nama pengaga ti deka diasaika Jesus? Iya nemu enti iya tan napi penguji, iya ulih nulung nguduska nama Jehovah sereta nunjukka Sitan nya pemula. Jesus mega nemu iya deka bulih mayuh berekat ari Jehovah enti iya tetap ati—iya nemu enda lama da agi iya deka begulai baru enggau Apai iya. Jesus terus berundingka berekat tu maya iya diperinsa. Kitai mega patut baka 17

17. Baka ni Bup Kudus ngambarka guna berekat? 18, 19. Baka ni Jesus nyadi teladan pasal berundingka berekat ari Jehovah, lalu baka ni kitai ulih neladan iya?

204


nya. Nama pengaga ti deka diasaika kitai? Jehovah madah genap iku kitai bisi peluang nguduska nama Iya sereta nunjukka Sitan nya pemula. Nya alai, kitai patut nyukung Jehovah nyadi Pemerintah kitai sereta terus meruan dalam pengerindu Iya, enda ngira nama penguji ti nuntung kitai. 20 Jehovah ukai semina deka merekat nembiak Iya ke tetap ati, tang Iya mega keran deka merekat sida. (Isaiah 30:18; bacha Malaki 3:10.) Iya gaga ati merekat nembiak Iya ke bisi pengingin ti sejalai enggau peneka Iya. (Masmur 37:4) Nya alai, terus berundingka berekat ti deka diasaika nuan. Anang ngembuan runding ti salah, kamah sereta enda lurus ke bisi ba dunya Sitan tu. Enti nuan ngasaika runding dunya tu ngelimpangka runding tauka ati nuan, besampi meh minta ‘pemaik Petara, ti ngelui peragam mensia.’ Pemaik ke diberi Petara deka nyaga ati enggau runding nuan.—Pilipi 4:6, 7. 21 Kati nuan nemu berekat ke deka diasaika nuan? 20. Nama ulih nulung kitai ngambika bisi runding ti manah? 21, 22. (a) Nama berekat ti nganti “mayuh amat orang”? (b) Ni bagi berekat ti ngerinduka ati nuan, lalu nama juluk ati nuan?


205

Enti nuan nya ari “mayuh amat orang” ke deka “pansut ari penusah ti besai,” pikirka pengidup ke deka diterima nuan jemah ila. (Pemandang 7:9, 14) Ba dunya ti penuh enggau penusah tu, nadai seiku ari kitai ulih rari ari kena tekan Sitan. Tang, enda lama agi Sitan enggau bala antu iya deka dibuai! Enggau tu, kitai ulih lantang ati. Dunya tu deka berubah nyadi Paradais maya dipegai Jesus enggau 144,000 iku orang ke sama merintah enggau iya! Pikirka pengaga ati kitai maya penyakit deka lenyau, orang ke udah mati deka diidupka baru, lalu kitai ulih idup sejalai nitihka tuju asal Petara! Kitai mega deka nyadi sempurna sereta selalu bulih berekat ti manah, baka ke disemaya ba Rome 8:21—‘bulih pengelepas ti bemulia ti endang enggi bala anak Petara.’ 22 Jehovah deka nuan meruan bulih pengelepas. Tang, tu semina bepanggai ba sekalika nuan ngasika Jehovah tauka enda. Nya alai, nguji enggau naka ulih ngasika Jehovah ninting hari. Terus negapka pengarap nuan ti pemadu kudus ngambika nuan meruan dalam pengerindu Petara belama iya!

206

PENERANG PEKARA

LAMBAR

Chara Nyaga Kaul Enggau Orang ke Dibuai Ari Gerempung 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 207 Betudung Pala—Kemaya Lalu Nama Kebuah? 9 9 9 9 9 9 9 9 9 9 9 9 209 Nabi Bendira, Ngundi, Sereta Pengawa Bekaul Enggau Soldadu 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 9 212 Begian Darah ke Mit Agi Enggau Chara Beputung 9 9 9 9 9 9 9 9 9 215 Ngeluchu—Ulah Kamah ti Ulih Dibuai 9 9 9 9 9 9 9 9 9 9 9 9 9 9 9 9 9 218 Penemu Bup Kudus Pasal Sarak Enggau Beserara 9 9 9 9 9 9 9 9 9 9 219 Mutarka Penanggul ba Pengawa Dagang 9 9 9 9 9 9 9 9 9 9 9 9 9 9 9 9 222

Penerang

207

Chara Nyaga Kaul Enggau Orang ke Dibuai Ari Gerempung Pikirka penusah ati kitai maya kaban belayan tauka orang ke begulai rapat enggau kitai, dibuai ari gerempung ketegal enggai nesal ati pengudah ngereja penyalah. Chara kitai nitihka atur ari Bup Kudus ulih nunjukka pengerindu kitai ngagai Jehovah sereta penaluk kitai ngagai atur Iya.1 Peratika sekeda tanya pasal pekara tu. Baka ni kitai nyaga kaul enggau orang ke dibuai ari gerempung? Bup Kudus “enda nyagi kita begulai enggau orang ke ngaku diri orang Kristian, tang ngereja ulah ti kamah, tauka amu, tauka nyembah engkeramba, tauka bejai orang, tauka pemabuk, tauka penchuri. Indah makai enggau orang ke baka nya, deh kita enda tau.” (1 Korint 5:11) Pasal orang ke “enda bepegai ba ajar Kristus,” kitai macha: “Anang ngelaluka sida. Meri tabi basa ngagai sida pen enda meh tau, laban enti kita nabi sida, reti nya kita bekunsi enggau sida ngereja pengawa sida ti jai.” (2 John 9-11) Kitai nadai kaul ba pengarap tauka enda begulai enggau sida ke udah dibuai ari gerempung. The Watchtower 15 September 1981, lambar 25, madah: “Semina nyebut ‘Nama berita?’ ngagai orang nya ulih ngepunka randau, lalu engka deka begulai enggau iya. Deka kitai ngereja tu ngagai orang ke dibuai ari gerempung?” Kati kitai patut mutuska terus kaul kitai enggau orang nya? Ya, bepanggai ba sekeda kebuah. Kesatu, laban kitai nunjukka diri tetap ati ngagai Petara enggau Bup Kudus. Kitai ngasika Jehovah ukai semina maya senang, tang mega maya tusah. Pengerindu ngagai Jehovah meransang kitai ngasika pesan Iya. Kitai mega nemu Iya bisi pengelurus 1 Ajar Bup Kudus pasal pekara tu ulih dikena ba orang ke enggai agi nyadi Saksi-Saksi Jehovah.

208


enggau pengerindu sereta ukum Iya pulaika pemanah kitai. (Isaiah 48:17; 1 John 5:3) Kedua, ngenyauhka diri ari orang ke enggai nesal ati nyaga kitai enggau bala menyadi Kristian ke bukai, ngambika pengarap enggau ulah kitai enda dirusak sereta nyaga nama gerempung Jehovah. (1 Korint 5:6, 7) Ketiga, mengkang bepegai ba ajar Bup Kudus ulih meri penguntung ngagai orang ke udah dibuai ari gerempung. Enggau nyukung pemutus ari gerempung Jehovah, kitai engka ulih ngasuh orang ke ngereja penyalah nya pulai baru. Ketegal iya enda ulih begulai enggau orang ti dikesayau iya, iya engka “sedarka” penyalah diri, lalu deka pulai baru ngagai Jehovah.—Luke 15:17. Baka ni enti kaban belayan kitai dibuai ari gerempung? Ba pekara tu, kaul enggau diri sebilik ulih nyadi penguji ti besai. Kitai engka tusah ngasika atur tu. Baka ni chara kitai nyaga kaul enggau kaban belayan ke dibuai ari gerempung? Bup tu nadai madahka enggau silik pasal pekara tu, tang aram kitai beratika dua chunto ditu. Kekadang, orang ke dibuai ari gerempung agi sebilik enggau kitai. Taja pan iya udah dibuai ari gerempung, iya agi ulih ngaga pengawa ninting hari enggau kitai. Tang, iya nadai kaul ba pengarap enggau kitai. Nya alai, kitai enda ulih berandau pasal pengarap enggau iya. Chunto, kitai enda mai iya maya belajarka Bup Kudus enggau diri sebilik. Taja pia, enti orang ke dibuai ari gerempung nya agi biak sereta dijaga apai indai, apai indai agi betanggungjawap ngajar iya. Nya alai, apai indai ulih belajar Bup Kudus enggau iya.1—Jaku Dalam 6:20-22; 29:17. Bisi mega kaban belayan ke dibuai ari gerempung, enda sebilik enggau kitai. Ba pekara tu, kitai patut nyekat kaul enggau iya. Kitai semina bejaku enggau iya maya bisi ke1 Ke penerang mayuh agi pasal anak ke agi biak udah dibuai ari gerempung, tang agi sebilik enggau kitai, peda The Watchtower 1 Oktober 2001, lambar 16-17, enggau 15 November 1988, lambar 20.

Penerang

209

buah ti berat aja. Enti kitai ngasika atur Jehovah, kitai enda patut ngiga kebuah deka berandau enggau kaban belayan ke dibuai ari gerempung. Pia mega, taluk ngagai Jehovah enggau gerempung Iya meransang kitai bepegai teguh ba atur Bup Kudus pasal orang ke dibuai ari gerempung. Penaluk kitai pulaika pemanah orang ke ngereja penyalah, lalu nulung iya bulih penguntung ari disiplin ke diberi ngagai iya.1—Hebrew 12:11. 1 Ke penerang mayuh agi pasal chara nyaga kaul enggau kaban belayan ke dibuai ari gerempung, peda ajar Bup Kudus ba The Watchtower 15 April 1988, lambar 26-31, enggau 15 September 1981, lambar 26-31.

Betudung Pala—Kemaya Lalu Nama Kebuah? Nitihka Bup Kudus, kemaya lalu nama kebuah orang Kristian ke indu patut ngena tudung pala? Aram kitai beratika jaku rasul Paul pasal pekara tu. Iya meri iring kena nulung kitai ngaga pemutus ti ulih ngemuliaka Petara. (1 Korint 11:3-16) Paul madahka tiga pekara ti patut diperundingka: (1) pengawa ti ngasuh indu betudung pala, (2) maya iya patut betudung pala, lalu (3) kebuah iya betudung pala. Pengawa. Paul madah dua pengawa ke ngasuh indu betudung pala: besampi enggau benabi. (Ayat 4, 5) Besampi reti iya bejaku enggau Jehovah. Kemaya hari tu, benabi reti iya madahka ajar ari Bup Kudus ngagai orang bukai. Tu patut dikereja orang Kristian. Kati Paul madahka orang Kristian ke indu patut ngena tudung pala tiap kali iya besampi tauka ngajar pemendar ari Bup Kudus? Enda. Laban maya ti deka nentuka sekalika iya patut betudung pala tauka enda. Maya. Jaku Paul ulih dikena ba ruang bilik enggau ba endur gempuru. Ku iya: “Laki nyadi kepala bini; . . . indu ke

210


enda betudung pala lebuh iya besampi tauka lebuh iya benabi, ngemaluka pala iya.” (Ayat 3, 5) Ba atur diri sebilik, laki dipilih Jehovah nyadi kepala bini. Enti bini enda masa penuduk laki iya, lalu bejalaika tanggungjawap ke diberi Jehovah ngagai laki, bini ngemaluka laki iya. Chunto, enti iya ngajar Bup Kudus maya laki iya bisi ba rumah, iya patut betudung pala kena masa penuduk laki iya. Iya patut ngereja nya sekalika laki iya udah dibaptisa tauka bedau, laban laki iya tuai bilik.1 Enti iya patut besampi tauka ngajar Bup Kudus maya anak lelaki iya ke udah dibaptisa bisi ba rumah, iya mega patut nudung pala iya. Tu ukai ketegal anak iya nyadi tuai bilik, tang ketegal masa penuduk anak iya ke udah nyadi menyadi Kristian ba gerempung Jehovah. Ku Paul madah pasal gerempung Jehovah: “Enti orang bisi ati deka bekelikuhka pasal tu, kitai tauka eklisia [menyadi Kristian] nadai adat asal bukai.” (Ayat 16) Ba gerempung Kristian, orang lelaki ke udah dibaptisa dipilih nyadi tuai. (1 Timoti 2:11-14; Hebrew 13:17) Semina sida ke lelaki aja dipilih nyadi tuai gempuru enggau penulung gempuru sereta diberi tanggungjawap ngemataka nembiak Jehovah. (Kereja Rasul 20:28) Kekadang, orang Kristian ke indu diasuh bejalaika pengawa ke patut dikereja menyadi Kristian lelaki ke udah dibaptisa. Chunto, iya engka diasuh ngiring gempuru kena nginjil enti menyadi Kristian lelaki ke udah dibaptisa nadai, tauka maya iya ngajar Bup Kudus begulai enggau menyadi Kristian lelaki ke udah dibaptisa.2 Ketegal pengawa tu bekaul enggau gerempung Kristian, iya patut betudung pala kena nunjukka diri bejalaika pengawa ke diberi ngagai menyadi Kristian ke lelaki. 1 Bini orang Kristian enda besampi inggar ba mua laki iya ke udah dibaptisa. Iya semina ulih besampi baka nya enti laki iya enda ulih bejaku ketegal sakit. 2 Menyadi Kristian ke indu enda ibuh betudung pala maya ngajar Bup Kudus begulai enggau menyadi Kristian ke lelaki ke bedau dibaptisa, asal nya ukai laki iya.

211

Pia mega, bisi sekeda pengawa ke ngasuh menyadi Kristian ke indu enda ibuh betudung pala. Chunto, maya meri komen ba gempuru Kristian, nginjil enggau laki iya tauka menyadi Kristian lelaki ke udah dibaptisa. Iya mega enda ibuh nudung pala maya belajar Bup Kudus tauka besampi enggau anak iya ke bedau dibaptisa enti laki iya nadai di rumah. Endang amat, bisi sekeda pekara ulih ngasuh menyadi Kristian ke indu kakang ati, tang iya ulih mansik pekara nya enggau dalam agi.1 Enti iya agi kakang ati, lalu ati iya meransang iya betudung pala, iya ulih ngereja nya baka ke diayan ba gambar. Kebuah. Ayat 10, madah: “Ketegal sida melikat, indu enda tau nadai tanda kuasa ba pala iya.” Ayat tu madah pasal dua kebuah orang Kristian ke indu patut nudung pala. Kesatu, peratika rambai jaku, “tanda kuasa.” Ngena tudung pala nunjukka iya masa atur Jehovah ke udah milih menyadi Kristian ke lelaki nyadi tuai ba gerempung Kristian. Enggau tu, iya nunjukka pengerindu enggau penaluk iya ngagai Petara Jehovah. Kebuah kedua, iya nya “ketegal sida melikat.” Nama dipelajarka bala melikat ari pengawa iya ke ngena tudung pala? Bala melikat rindu ati meda orang ngasika atur ba gerempung Jehovah, enda ngira di serega tauka di dunya tu. Sida mega bulih penguntung ari teladan mensia ke enda sempurna ba pekara tu. Kelia menya, mayuh melikat enda ngasika atur Jehovah tu. (Jude 6) Diatu bala melikat meda, 1 Ke penerang mayuh agi, peda The Watchtower 15 November 2009, lambar 12-13, sereta 15 Februari 1977, lambar 125-128.

212


taja pan menyadi Kristian ke indu mayuh peneleba, penemu, sereta pandai agi ari menyadi Kristian lelaki ke udah dibaptisa ba gerempung Jehovah; tang, sida sanggup tunduk ngagai penuduk bala menyadi Kristian ke lelaki. Sekeda ari menyadi Kristian ke indu tu diiri ngena roh kudus, lalu deka merintah enggau Jesus ba serega. Sida iya deka bulih penuduk ti tinggi agi ari bala melikat. Tu teladan ti manah ngagai bala melikat! Naka meh pemanah peluang ke dikemisi bala menyadi Kristian ke indu!

Nabi Bendira, Ngundi, Sereta Pengawa Bekaul Enggau Soldadu Nabi bendira. Saksi-Saksi Jehovah pechaya ngendukka pala tauka nabi bendira maya lagu menua ditebah, bekaul enggau pengawa nyembah menua tauka pemerintah, ukai nyembah Jehovah. (Isaiah 43:11; 1 Korint 10:14; 1 John 5:21) Chunto, Raja Nebukadnesar ari Babilon menya udah nirika siti engkeramba ke nunjukka pemesai kuasa enggau pengarap iya. Iya ngasuh rayat iya meremi lalu nyembah engkeramba nya maya musik lagu menua ditebah. Taja pia, tiga iku nembiak Hebrew—Sadrak, Mesak, enggau Abednego—enggai meremi lalu nyembah engkeramba nya, taja pan diukum mati.—Daniel, bab 3. Orang ke landik pasal sejarah, Carlton Hayes nulis, bendira nyadi lambang pengarap kemaya hari tu. Iya madah, “Orang ke lelaki muka topi maya bendira dibai mansa; penulis muji bendira ba karang sida, lalu anak mit belagu muji bendira.” Iya mega madahka pengawa rinduka menua bisi “hari kudus,” baka Hari Besai Menua, “hari bala rasul enggau raban pejuang”, di Amerika Serikat. Ba Brazil, tuai kot soldadu ngumbai: “Bendira patut dipuji enggau disembah . . . baka Menua Diri Empu ke pa-

Penerang

213

tut disembah.” The Encyclopedia Americana kala madah, “bendira nya kudus baka tanda regang.” Apin lama ti udah, ensiklopedia ti sama madahka lagu menua “nya chara nunjukka diri rinduka menua, lalu nyengkaum sampi minta iring ari Petara ngambika nyaga rayat sereta pemerintah sida.” Nya alai, nembiak Jehovah ukai berundingka diri empu aja maya sida ngumbai pengawa nabi bendira enggau belagu lagu menua nya bekaul enggau pengarap. Lebuh nyebut pasal bala anak Saksi-Saksi Jehovah ke enggai nabi bendira tauka besumpah ba sekula di Amerika Serikat, bup The American Character madah: “Kot Besai udah ngaku ba sekeda kes pengawa ke digaga ninting hari nya bekaul enggau pengarap.” Taja pan nembiak Jehovah enda enggau sekeda pengawa ke enda sejalai enggau ajar Bup Kudus, sida enda nagang orang bukai nyembah bendira menua. Sida mega bebasaka bendira menua nyadi lambang sereta ngaku pemerintah nyadi “perintah ti megai menua” sereta nyadi ‘ulun Petara.’ (Rome 13:1-4) Nya alai, Saksi-Saksi Jehovah nitihka pesan besampi “ke raja enggau ke semua orang ke megai kuasa.” Tuju kitai ‘ngambika kitai diau likun dalam pemaik, nangi sereta bebasaka Petara ngena chara ti patut.’—1 Timoti 2:2. Ngundi maya bepilih. Orang Kristian ke bendar bebasaka hak orang bukai ngundi. Sida enda ngelaban pengawa bepilih, lalu sida bekerejasama enggau sapa-sapa ke menang ba pengawa bepilih. Tang, sida enda masuk champur enggau sebarang parti politik. (Matthew 22:21; 1 Peter 3:16) Nama patut digaga orang Kristian enti sida diasuh ngundi tauka balat ditekan ngambika enggau ngundi? Kingatka Sadrak, Mesak, enggau Abednego ke udah ngagai emperan Dura. Orang Kristian mega ulih ngagai endur ngundi enti iya deka. Tang, iya enda patut

214


nyukung sebarang parti. Iya patut beratika enam pekara ditu: 1. Bala murid Jesus “ukai enggi dunya.”—John 15:19. 2. Orang Kristian ngarika Jesus enggau Perintah iya. —John 18:36; 2 Korint 5:20. 3. Gerempung Kristian sepenemu ba pengarap, lalu sida begempung enggau pangan diri ketegal pengerindu ti bendar.—1 Korint 1:10; Kolosi 3:14. 4. Sida ke ngundi orang ke bepilih betanggungjawap ke pengawa diri.—Peratika ajar Bup Kudus pasal pekara tu ba 1 Samuel 8:5, 10-18 enggau 1 Timoti 5:22. 5. Jehovah ngumbai orang Israel ke keran milih mensia nyadi pemerintah nunjukka sida nulak Iya.—1 Samuel 8:7. 6. Orang Kristian bibas madah pasal Perintah Petara ngagai semua orang enda ngira ni bagi parti politik ke disukung orang.—Matthew 24:14; 28:19, 20; Hebrew 10:35. Pengawa bekaul enggau soldadu. Ba sekeda menua, pemerintah ngasuh orang ke nulak pengawa bekaul enggau soldadu ngereja pengawa baka ngaga jalai alun, sekula, enggau sepital ba timpuh ti ditetapka. Maya tu kitai patut besampi, lalu ngaga pemutus enggau manah. Kitai mega ulih berandau enggau bala menyadi Kristian ke kering ba pengarap, lalu ngaga pemutus nitihka ati ti beresi. —Jaku Dalam 2:1-5; Pilipi 4:5. Bup Kudus ngasuh kitai “nunduk ngagai orang ke megai perintah enggau ngagai orang ke megai kuasa, . . . lalu sedia deka ngereja pengawa ti badas,” sereta “siru enggau orang.” (Titus 3:1, 2) Enggau tu, kitai patut nanya diri empu: ‘Kati aku nyukung politik tauka bekaul enggau pengarap pelesu enti aku nerima pengawa bekereja ke orang mayuh?’ (Mikah 4:3, 5; 2 Korint 6:16, 17) ‘Kati pengawa nya ngasuh aku tusah tauka nagang aku ari bejalaika tang-

Penerang

215

gungjawap nyadi orang Kristian?’ (Matthew 28:19, 20; Epesus 6:4; Hebrew 10:24, 25) ‘Kati pengawa bekereja ke orang mayuh nya ulih nulung aku ngemansangka pengarap diri, baka nyadi pengerintis?’—Hebrew 6:11, 12. Enti ati orang Kristian enda nagang iya bejalaika pengawa bekereja ke orang mayuh ari ke tama jil, bala menyadi Kristian ke bukai patut masa pemutus iya. (Rome 14:10) Tang, enti iya ngasaika diri enda ulih bejalaika pengawa nya, orang bukai mega patut masa pemutus iya nya. —1 Korint 10:29; 2 Korint 1:24.

Begian Darah ke Mit Agi Enggau Chara Beputung Begian darah ke mit agi. Begian darah ke mit agi diambi ari empat bengkah bansa darah—sel darah mirah, sel darah burak, platelet enggau plasma. Chunto, darah mirah ngundan protein hemoglobin. Darah ke digaga ari hemoglobin mensia tauka jelu dikena ngubat pesakit ke kurang darah tauka lenyau mayuh darah. Plasma ngembuan 90 pesen ai. Iya ngundan hormon, garam ukai organik, enzim, sereta nutrien, nyengkaum mineral enggau gula. Plasma mega ulih ngasuh darah meku, ngundan antibodi kena ngelaban penyakit, sereta protein baka albumin. Enti orang kena penyakit, lutur engka ngejik iya ngena gamma globulin ke diambi ari plasma orang ke ulih ngelaban penyakit nya. Darah burak ngundan interferon enggau interleukin, ke dikena ngubat virus enggau kanser. Patut orang Kristian ngena chara berubat ke begunaka begian darah ke mit agi? Bup Kudus nadai madah enggau terang pasal pekara tu. Nya alai, genap iku kitai patut ngaga pemutus nitihka ati diri ti udah dilatih ngena ajar Bup


216

BANSA DARAH

MUTUSKA DIRI EMPU

Begian sel Begian sel Begian darah darah burak platelet ke merah ke ke mit agi mit agi mit agi

Plasma ««««««««««««««««««««««

Platelet ««««««««««««««««««««««

Sel Darah Burak «««««««««««««««««««

Sel Darah Mirah «««««««««««««««««««

ENDA DITERIMA

Begian plasma ke mit agi

Kudus, laban kitai betanggungjawap ngagai Petara. Sekeda orang nulak ngena semua bansa begian darah ke mit agi, laban Ukum Petara ngasuh orang Israel nuang darah nya “ngagai tanah.” (Ulang Adat 12:22-24) Sekeda orang nulak empat bengkah bansa darah, tang engka nerima chara berubat ngena begian darah ke mit agi. Sida ngumbai sekeda begian darah ke mit agi, iya ke diambi ari empat bengkah bansa darah, nadai ngundan seput. Lebuh ngaga pemutus, tanya diri empu: Kati aku nemu enti aku nulak semua begian darah ke mit agi, reti iya aku nulak semua chara berubat ke ngena darah kena ngelaban penyakit, tauka kena mekuka darah ngambika ngetu bedarah? Ulih aku nerangka ngagai lutur kebuah aku nulak tauka nerima sekeda begian darah ke mit agi? Chara beputung. Tu nyengkaum nganchurka darah (hemodilution), enggau nyelamatka darah (cell salvage). Lebuh nganchurka darah, darah ke dipansutka ari tubuh diganti ngena ai ubat kena ngimbang penyampau darah dalam tubuh, udah nya darah dipulaika baru ngagai tubuh pesakit. Nyelamatka darah reti iya ngumpul darah ke lenyau maya beputung, lalu mulaika iya baru ke dalam tubuh. Darah deka digumpul ari abi telih tauka ruang da-

Penerang

217

lam tubuh, dituchi tauka ditapis, lalu udah nya dipulaika baru ngagai pesakit. Ketegal chara berubat tu enda sebaka nitihka seiku-seiku lutur, orang Kristian patut nemu nama runding lutur sida ba pekara tu. Maya ngaga pemutus pasal chara berubat tu, tanya diri empu: ‘Enti sekeda darah aku dipansutka ari tubuh lalu

UTAI TI PATUT DITANYA NGAGAI LUTUR Enti nuan deka beputung tauka berubat ngena chara ti bekaul enggau darah, tentuka nuan udah ngisi kad baka “Lalau Nyaga Pengerai” (Health Care Directive), ke digaga nitihka undang-undang kena ngelindung nuan ari nerima darah. Nambahka nya, nuan ulih nanya lutur sekeda tanya ditu: ˇ Kati orang ke ngubat aku, nemu aku seiku ari Saksi-Saksi Jehovah, enda nerima darah (bansa darah, sel darah mirah, sel darah burak, platelet tauka plasma) enda ngira nama utai nyadi? ˇ Enti aku diasuh makai ubat, berapa pesen ubat nya bisi ngembuan begian darah ke mit agi? Ni penyampau ubat nya patut diempa, lalu baka ni chara makai iya? ˇ Enti ati aku ke udah dilatih ngena Bup Kudus ngasuh aku nerima begian darah ke mit agi, nama penyadi iya? Nama chara berubat bukai ke ulih dikena aku? Sebedau ngaga pemutus, besampi meh ngagai Jehovah. Iya deka meri penemu ngagai orang ke terus “[minta] ngena pengarap.”—James 1:5, 6.

218


disimpan enda lama sebedau dipulaika baru ngagai tubuh aku, kati ati aku agi ngemendarka aku nerima darah nya tauka nuang darah nya “ngagai tanah”? (Ulang Adat 12: 23, 24) Kati ati aku ke dilatih ngena ajar Bup Kudus, ngasuh aku enda nyamai ati enti darah aku dipansutka, dichampur enggau ubat, lalu dipulaika baru ke dalam tubuh aku? Kati aku nemu, enggau nulak semua chara berubat ngena darah aku empu, reti iya aku enggai beperesa darah, betuchi buah pinggang, tauka ngena mesin jantung?’ Orang Kristian patut mutuska diri empu baka ni darah iya dikena maya beputung. Pia mega, maya iya beperesa tauka ngena chara berubat kemaya hari tu ke bekaul enggau ngena darah, nyampur darah enggau ubat, lalu mulaika iya baru ngagai tubuh.

Ngeluchu—Ulah Kamah ti Ulih Dibuai Ba mata Petara, ngeluchu ngasuh orang berundingka diri empu sereta ngasuh iya berundingka ulah ti kamah.1 Orang ke ngeluchu engka ngumbai orang bukai semina utai kena ngemuaska pengingin seks aja. Ba runding iya, pengawa besetubuh ukai datai ari pengerindu, tang semina kena ngerinduka ati tauka kena ngelepaska pengingin seks aja. Tang, nya semina ngemuaska ati enda lama aja. Iya ke amat, ngeluchu enda muai pengingin tubuh, tang iya meransang “pengawa bambai, ulah ti kamah, runding ti kamah.”—Kolosi 3:5. Rasul Paul nulis: ‘Menyadi, aram kitai nuchi diri empu ari semua utai ti ngamahka tubuh enggau roh [runding] kitai, lalu nyadi pemadu kudus nangika Petara.’ (2 Korint 7:1) 1 Ngeluchu nya pengawa ngusuk tauka megai “utai” diri empu ke ulih meransang pengingin seks ti pemadu kuat.

Penerang

219

Enti nuan tusah deka nitihka jaku lalau tu, anang lemi semengat. Jehovah seruran deka “ngampun” sereta nulung. (Masmur 86:5; Luke11:9-13) Iya ke bendar, ati ke ngukum nuan sereta pengeran nuan ke deka muai ulah nya nunjukka nuan bisi tuju ti manah. Kingatka, ‘Petara besai agi ari ati kitai, lalu Iya nemu semua utai.’ (1 John 3:20) Petara meda sapa kitai ke amat; Iya ukai ngiga penyalah kitai. Ketegal tu, Iya ningaka sampi kitai ke bebendar minta ampun ari Iya. Nya alai, anang ngetu besampi enggau baruh ati ngagai Petara, baka anak ke ngiga apai iya maya bisi penusah. Jehovah deka merekatka nuan enggau ati ti beresi. (Masmur 51: 1-12, 17; Isaiah 1:18) Endang amat, nuan patut nitihka utai ti disampi nuan. Chunto, nuan patut nyeliahka semua pornografi sereta orang ke enda manah enggau begulai.1 Enti nuan enda ulih muai pengawa ngeluchu, nuan ulih berandau pasal pekara tu enggau apai indai Kristian tauka bala menyadi Kristian ke kering ba pengarap.2—Jaku Dalam 1:8, 9; 1 Tesalonika 5:14; Titus 2:3-5. 1 Siti chara ti manah ngena komputer, iya nya ngengkahka komputer ba endur ti ulih dipeda semua orang ba rumah. Kelimpah ari nya, sekeda diri sebilik meli software ke ulih napis utai ti enda manah. Taja pia, ukai semua software tu ulih dikearapka magang. 2 Kena nemu chara muai pengawa ngeluchu, peda “Young People Ask . . . How Can I Conquer This Habit?” ba Awake!, November 2006, enggau bup Questions Young People Ask—Answers That Work, Volume 1, ba lambar 178-182.

Penemu Bup Kudus Pasal Sarak Enggau Beserara Jehovah ngarapka orang ke jadi melaki-bini meruan tetap ati ngagai pangan diri nitihka semaya. Lebuh ngasuh Adam seduai Hawa jadi melaki-bini, Jehovah madah:

220


“Lelaki . . . begulai enggau bini iya, lalu seduai iya nyadi siku.” Jesus mega ngulang jaku Petara nya. Ku iya: ‘Nya alai, nadai orang tau nyeraraka utai ti udah ditampilka Petara.’ (Pemungkal 2:24; Matthew 19:3-6) Nya kebuah, ba mata Jehovah enggau Jesus, laki bini patut begulai enggau pangan diri nyentukka seiku ari seduai nadai agi ba dunya tu. (1 Korint 7:39) Ketegal pengawa jadi melaki-bini nya tuchi, sarak ukai pekara ti mit. Iya ke amat, Jehovah begedika pengawa sarak ke enda nitihka ajar ari Bup Kudus. —Malaki 2:15, 16. Nitihka Bup Kudus, nama ulih ngasuh laki bini sarak? Semina butang aja. Jehovah begedika pengawa butang tauka ulah ti kamah. Nya alai, Iya semina ngemendarka laki bini sarak ketegal butang.1 (Pemungkal 39:9; 2 Samuel 11: 26, 27; Masmur 51:4) Jehovah meri hak ngagai kaling ke enda salah nya milih, sekalika iya agi deka begulai tauka sarak enggau kaling iya ke udah butang. (Matthew 19:9) Nya alai, enti iya milih deka sarak, iya enda ngereja utai ti salah ba mata Jehovah. Taja pia, kitai enda patut ngansak orang sarak enggau pangan diri. Kekadang, bisi kebuah ke ngasuh iya deka terus begulai enggau kaling iya ke udah butang. Kelebih agi, enti kaling iya nya amat nesal ati. Nya alai, pemutus nya bepanggai ba iya, lalu iya empu betanggungjawap ke pemutus ti udah digaga diri empu.—Galatia 6:5. Ba sekeda pekara ti berat, orang Kristian ulih milih deka beserara tauka sarak enggau pangan diri, taja pan sida enda butang. Tang, Bup Kudus nangkan sida “enda tau jadi enggau lelaki bukai [tauka indu bukai], tauka iya mulaika diri baru.” (1 Korint 7:11) Nya alai, sida enda ulih kawin enggau orang bukai. (Matthew 5:32) Peratika tiga pekara ke ulih ngasuh laki bini beserara enggau pangan diri. Enggai melanja anak bini. Diri sebilik deka idup seran1 Kena nemu mayuh agi pasal ulah ti kamah, peda Pelajar 9, genteran 7.

Penerang

221

ta enti laki enggai nyediaka utai ti diguna anak bini. Bup Kudus madah: “Barang sapa enda ngintu . . . sida sebilik, udah nulak pengarap, lalu jai agi ari orang ke enda arap.” (1 Timoti 5:8) Enti laki enggai ngubah ulah iya, bini ulih milih beserara ngena undang-undang kena nyaga diri enggau anak iya. Enti laki iya orang Kristian, sida tuai gempuru patut mutarka pekara tu enggau manah. Nama kebuah? Laban laki ke enggai melanja diri sebilik ulih dibuai ari gerempung. Pengawa udu nyamah. Laki tauka bini ke udu nyamah ulih ngerusak pengerai sereta nganu nyawa kaling iya. Enti iya orang Kristian, tuai gempuru patut mansik pekara tu. Orang ke kasar sereta enda tetagangka pemangah diri ulih dibuai ari gerempung.—Galatia 5:19-21. Enda ulih nyembah Jehovah. Kekadang, laki tauka bini engka balat nyakal kaling sida nyembah tauka ngasika pesan Jehovah. Ba pekara tu, kaling ke nyembah Jehovah patut ‘ngasika Petara, ukai ngasika mensia.’ (Kereja Rasul 5:29) Nya alai, iya ulih milih sekalika iya deka beserara ngena undang-undang tauka enda. Taja pan pekara ba atas nya bisi nyadi, nadai seiku pan orang ulih ngansak kaling ke enda salah nerima penemu sida sekalika iya patut beserara tauka enda. Taja pan sida tuai gempuru enggau bala menyadi ke sama pengarap ulih meri sukung sereta jaku lalau ari Bup Kudus, sida engka enda nemu semua utai ke nyadi entara laki bini nya. Semina Jehovah aja nemu. Endang amat, laki tauka bini enda tau ngemesaika penanggul ba ruang bilik iya kena ngiga kebuah ngambika ulih beserara enggau kaling iya. Laban tu nunjukka sida enda bebasaka Petara tauka adat melakibini. Jehovah ulih nemu enti orang bisi kebuah ti salah deka beserara. Endang amat, “semua deka dikebak lalu diayanka magang di mua Iya. Lalu semua kitai enda tau enda madahka pasal diri empu ngagai Iya.” (Hebrew 4:13) Tang,

222


enti pekara ke berat nya majak nyadi sereta enda ulih diputarka, nadai orang tau mantah laki tauka bini ke milih deka beserara enggau kaling iya. Pia mega, ‘semua kitai deka bediri di mua Petara, lalu diakim Iya.’—Rome 14:10-12.

Mutarka Penanggul ba Pengawa Dagang Ba 1 Korint 6:1-8, rasul Paul madah pasal menyadi ke sama pengarap ke ngena undang-undang mutarka penanggul. Iya enda lantang ati laban sekeda orang Kristian ba Korint berani “ngagai kot lalu minta diri diatur orang kapir.” (Ayat 1) Paul nerangka kebuah orang Kristian enda patut bedawa pangan diri ba kot, tang sida patut mutar penanggul nitihka atur ti udah diberi ngagai gerempung. Aram kitai berandauka kebuah atur nya diberi sereta beratika sekeda pekara ti enda bepanggai ba atur ari Bup Kudus. Enti kitai bisi penanggul ba pengawa dagang enggau menyadi Kristian, kitai patut mutarka iya nitihka chara Jehovah, ukai nitihka chara kitai. (Jaku Dalam 14:12) Baka ke dipadah Jesus, penanggul nya patut diputarka enggau jampat sebedau iya nyadi laya besai. (Matthew 5:23-26) Tang sayau amat, sekeda orang Kristian belaya, lalu mai penanggul nya ngagai kot. Paul madah: “Enti kita nyara pangan diri, nya nunjukka kita endang udah alah.” Nama kebuah? Laban nya ulih ngerusakka nama Petara enggau gerempung kitai. Nya alai, kitai patut beratika tanya Paul tu: “Nama kebuah enda nejuka orang ngereja utai ti salah ngagai kita?”—Ayat 7. Paul mega madahka Petara udah meri atur ti manah ngagai gerempung kena mutarka penanggul. Sida tuai gempuru bisi ngembuan penemu ti bendar ari Bup Kudus, lalu Paul madahka sida ulih “ngatur pekara entara . . . diri

Penerang

223

menyadi” enti iya bekaul enggau “utai ti dalam pengidup tu!” (Ayat 3-5) Jesus madahka tu nyengkaum laya ti besai, baka betenah enggau nipu, patut diputarka ngena tiga chara tu: kesatu, orang ke bisi laya patut mutarka penusah entara seduai iya empu dulu; kedua, enti enda mujur, seduai iya patut mai seiku tauka dua iku saksi; lalu ketiga, enti agi enda mujur, seduai iya patut mai pekara nya ngagai sida tuai gempuru.—Matthew 18:15-17. Sida tuai gempuru endang ukai luyar tauka orang bedagang ke netapka atur kena mutarka penanggul ba pengawa dagang entara menyadi Kristian. Tang, tuai gempuru nulung sida nitihka atur ari Bup Kudus kena mutarka penanggul enggau manah. Ba penanggul ti besai, sida ulih minta bantu ari tuai ti ngabas tauka pampang opis SaksiSaksi Jehovah. Taja pia, jaku lalau Paul enda nyengkaum semua penanggul. Nya alai, bisi sekeda penanggul ti patut diputarka ngena undang-undang. Nama penanggul nya? Ba sekeda pekara, mutarka penanggul enggau manah ba kot nitihka undang-undang endang patut. Chunto, mutarka pengawa sarak, hak nyaga anak, meri duit belanja, mayar duit pampas insuran, ngemendarka ungkup pesaka sereta kena madahka diri tengkerap ba kes orang ke berutang. Bisi mega sekeda kes ti ngasuh menyadi Kristian ngena undang-undang ngambika ulih ngelindung diri.1 Enti ngena undang-undang enggau kebuah ti manah, nya enda ngelaban jaku lalau Paul.2 Taja pia, orang Kristian patut nguduska nama Jehovah, lalu nyaga pemaik enggau penyerakup ba gerempung. Bala murid Jesus bisi pengerindu, lalu “pengerindu enda berundingka diri empu.”—1 Korint 13:4, 5; John 13:34, 35. 1 Taja pan jarang nyadi, orang Kristian engka ngereja penyalah ti besai ngagai pangan diri—baka ngerugul, nyerang, munuh, tauka ngenchuri. Ba kes tu, orang Kristian ulih ngaga riput ngagai orang ke bekuasa. 2 Ke penerang mayuh agi, peda The Watchtower 15 Mac 1997, lambar 17-22, enggau 15 Oktober 1991, lambar 25-28.

Ke penerang mayuh agi, lawa meh www.jw.org tauka giga Saksi-Saksi Jehovah.

MERUAN DALAM PENGERINDU PETARA

Recommend Documents