BERITA MANAH ARI PETARA!

BERITA MANAH ARI PETARA!

Baka ni bup mit tu ulih nulung nuan? Bup mit tu deka nulung nuan belajar ari Jaku Petara, Bup Kudus. Nuan ulih ngiga saut tanya ba bup tu ari ayat Bup Kudus ti dichelak ba genap ujung genteran. Maya nuan macha ayat Bup Kudus, uji pikir baka ni iya nyaut semua tanya tu. Saksi-saksi Jehovah amat lantang ati nerangka reti ayat Bup Kudus ngagai nuan. D Bacha Luke 24:32, 45.

Baka ni chara ngiga ayat ba Bup Kudus?

JOHN 16, 17

°Di dunya tu kita kena perinsa. Tang anang tusah; Aku udah ngalahka dunya.”

Tu nunjukka nama Bup. Numur keterubah madahka bab ke patut digiga.

D

Bacha John 17:3. Numur ke dudi madahka ayat ti patut dibacha.

˘ 2012 WATCH TOWER BIBLE AND TRACT SOCIETY OF PENNSYLVANIA Berita Manah ari Petara! Pengeluar WATCHTOWER BIBLE AND TRACT SOCIETY OF NEW YORK, INC. Brooklyn, New York, U.S.A. Chelak November 2016 Bup tu disedia nyadi siti bengkah pengawa pelajar Bup Kudus di serata dunya dibantu pemeri nitihka peneka ati diri. Semua ayat Bup Kudus diambi ari Bup Kudus Baru Iban.

° 17 Iya engkadah ke langit, lalu beLebuh Jesus udah nyebut nya,

jaku, “Apai, maya udah datai. Muliaka Anak Nuan ngambika Anak ngemuliaka Nuan, 2 laban Nuan udah meri Iya kuasa atas semua mensia, ngambika Iya ulih meri pengidup ti meruan belama iya ngagai semua orang ke udah diberi Nuan ngagai Iya. ° 3 Tu pengidup ti meruan belama iya, ngambika sida ngelala Nuan, Petara ti bendar, enggau Jesus Kristus, ke dikirumka Nuan. 4 Aku udah ngemuliaka Nuan di dunya tu, laKingatka: Semua litaricha ke disebut ba brosur tu dikeluarka Saksi-Saksi Jehovah.

Photo Credits: Page 6, top, Dead Sea Scroll: Shrine of the Book, Photo ˘ The Israel Museum, Jerusalem; page 6, middle, Greek Codex: From The Codex Alexandrinus in Reduced Photographic Facsimile, 1909, by permission of the British Library; page 16, Hitler: Based on U.S. National Archives photo; page 32, upper right, Greek Codex: From The Codex Alexandrinus in Reduced Photographic Facsimile, 1909, by permission of the British Library Good News From God! Iban (fg-IA) Made in Japan Digaga di Jepun 4-7-1 Nakashinden, Ebina City, Kanagawa-Pref, 243-0496

1

Nama Berita Manah Nya?

1. Nama Berita ti ka dipadah Petara? Petara deka mensia idup lantang ba dunya. Iya ngaga dunya enggau semua utai bukai laban iya rinduka mensia. Enda lama agi, Petara deka meri pengidup ti manah ngagai semua mensia ba dunya tu. Iya mega deka ngelepaska mensia ari semua pemerinsa. D Bacha Jeremiah 29:11. Nadai perintah ti kala ulih muai penyai, penyakit tauka pemati. Taja pia, bisi berita manah. Enda lama agi Petara deka nganti semua perintah mensia enggau perintah Iya empu. Rayat perintah tu deka ngasai pengidup ti lantang sereta penuh pengerai. D Bacha Isaiah 25:8; 33:24; Daniel 2:44.

2. Nama kebuah berita manah nya beguna bendar? Pemerinsa deka nadai agi udah Petara ngemunaska orang jai. (Sepaniah 2:3) Kemaya tu deka nyadi? Jaku Petara udah madah utai jai deka ngachau pengelikun mensia kemaya diatu. Semua utai jai ti nyadi diatu nunjukka Petara deka ngemunaska penyai enda lama agi. D Bacha 2 Timoti 3:1-5.

3. Nama utai patut dikereja kitai? Kitai patut belajar pasal Petara ari Jaku iya, Bup Kudus. Tu baka surat ari apai ti rinduka anak iya. Iya madahka kitai chara ngulihka pengidup ti manah ba dunya diatu enggau jemah ila. Enda semua orang lantang meda nuan belajarka Bup Kudus. Tang peluang bulih pengidup ti manah tu utai ti enda patut dilepaska nuan. D Bacha Jaku Dalam 29:25; Pemandang 14:6, 7.

3

2

Sapa Petara?

1. Nama kebuah kitai patut nyembah Petara? Petara ti bendar ngaga semua utai. Iya nadai pun sereta nadai ujung. (Masmur 90:2) Semua berita manah ba Bup Kudus datai ari Iya. (1 Timoti 1:11) Kitai patut nyembah Petara seiku aja laban Iya meri kitai pengidup. D Bacha Pemandang 4:11.

2. Baka ni Petara tu? Nadai orang udah kala meda Petara laban Petara nya roh. Reti nya, Petara ngembuan pengidup ti tinggi agi ari utai ke idup ba dunya. ( John 1:18; 4:24) Taja pen Iya tinggi agi ari kitai, kitai ulih nemu pasal Iya ari utai ti udah digaga Iya. Ngambika chunto, Petara ngaga bemacham-macham bengkah buah enggau bunga. Tu nunjukka pengerindu enggau pemandai Iya. Pemesai dunya nyengkaum utai luar baka langit, bintang enggau mata hari nunjukka kuasa Iya. D Bacha Rome 1:20. Kitai ulih ngelala Petara enggau dalam agi ari macha Bup Kudus. Bup Kudus bisi madahka kitai utai ti dikerinduka tauka dipegedika Iya, pemanah Iya ngagai mensia enggau chara Iya mutarka pekara. D Bacha Masmur 103:7-10.

3. Petara bisi nama? Ku Jesus: “Apai kami di serega: Kudus meh nama Nuan.” (Matthew 6:9) Taja pen Petara bisi mayuh gelar, nama Iya semina siti aja. Tiap-tiap bansa bisi chara sida empu nyebut nama Petara. Ba jaku Iban, nama tu disebut “Jehovah.” Sekeda orang nyebut nya “Yahweh.”1 1 Ba Bup Kudus Baru Iban, bacha Jaku Penerang Bup Kudus enggau Penerang Leka Jaku, “Tuhan.”

4

Dalam mayuh Bup Kudus, nama Petara udah dibuai lalu diganti ngena gelar TUHAN tauka Petara. Tang lebuh Bup Kudus ditulis, nama Jehovah bisi dikena urung 7,000 kali. Jesus ngena nama Petara maya iya ngajar orang pasal Petara. D Bacha John 17:26.

4. Kati bisi Jehovah ibuhka kitai? Amat enda pemerinsa ti majak nyadi diatu nunjukka Petara nadai ibuhka kitai? Sekeda orang ngumbai kitai diperinsa Petara kena nguji kitai, tang tu enda betul. D Bacha James 1:13.

Baka apai ti rinduka anak, Petara nulung kitai bulih pemaik belama-lama

Petara ngemendarka mensia bibas milih peneka sida. Kati patutka kitai nyembah Petara kena kitai nunjukka kitai beterima kasih ngagai Iya? ( Josua 24:15) Tang mayuh orang milih ngereja penyai ngagai orang bukai, tu ngasuh penyai makin nyadi. Jehovah pedis ati meda utai baka tu. D Bacha Pemungkal 6:5, 6. Jehovah nya Petara ti ibuhka kitai. Iya deka meda kitai idup lantang. Enda lama agi Iya deka muai semua pemerinsa enggau orang ti mai pemerinsa. Tang diatu, Iya nejuka pemerinsa nyadi dulu. Kitai deka nemu kebuah tu ba Pelajar 8. D Bacha 2 Peter 2:9; 3:7, 13.

5. Baka ni kitai ulih nyemakka diri ngagai Petara? Jehovah mai kitai nyemakka diri ngagai Iya ngena chara besampi. Iya bisi pengerindu ba tiap-tiap iku kitai. (Masmur 65:2; 145:18) Iya sanggup ngampun penyalah kitai. Iya ulih meda pemendar kitai ngereja utai ti ngenyamaika ati Iya, taja pen kadang-kadang kitai enda ulih. Nya alai taja pen kitai enda sempurna, kitai ulih nyemakka diri ngagai Petara. D Bacha Masmur 103:12-14; James 4:8. Kitai patut rinduka Jehovah lebih ari kitai rinduka orang bukai laban Iya udah meri kitai nyawa. (Mark 12:30) Nuan ulih nunjukka pengerindu nuan ngagai Iya ngena chara belajar dalam agi pasal Iya sereta ngereja utai ti dipadah Iya. D Bacha 1 Timoti 2:4; 1 John 5:3. 5

3

Amat Berita Manah nya Datai ari Petara?

1. Sapa Pengarang Bup Kudus? Berita manah ti madahka mensia deka idup belama-lama ba dunya bisi ditulis ba Bup Kudus. (Masmur 37:29) Bup Kudus digaga ari 66 iti bup mit. Petara ngena urung 40 iku orang ti taluk nulis Bup Kudus. Lima iti bup ti keterubah ditulis Moses urung 3,500 taun kelia. Bup ti penudi ditulis rasul John lebih 1,900 taun kelia. Penemu tauka pikir sapa ditulis sida tu? Petara bejaku enggau sida ngena roh kudus Iya. (2 Samuel 23:2) Sida tu nulis pikir Petara, ukai pikir sida empu. Nya alai, Jehovah nya Pengarang Bup Kudus. D Bacha 2 Timoti 3:16; 2 Peter 1:20, 21.

2. Baka ni kitai nemu Bup Kudus nya betul? Kitai nemu Bup Kudus nya ari Petara laban iya bisi madah utai ti deka nyadi dudi hari enggau silik. Nadai mensia ulih ngereja tu. ( Josua 23:14) Semina Petara ti Pemadu Bekuasa ulih nemu utai ti deka nyadi ngagai mensia jemah ila. D Bacha Isaiah 42:9; 46:10. Bup ari Petara tu lain ari bup bukai. Bejuta-juta Bup Kudus udah disadung dalam beratus-ratus leman bansa jaku. Taja pen Bup Kudus ditulis kelia menya, iya enda nyangkal penemu sains. Pia mega, 40 iku penulis Bup Kudus nadai nyangkal pangan diri. Tambah mega, pengerindu ti disebut dalam Bup Kudus semina datai ari Petara ti bendar, lalu bisi kuasa ngubah pengidup orang nyadi manah agi. Semua tu ulih ngasuh orang arapka Bup Kudus nya amat Jaku Petara. D Bacha 1 Tesalonika 2:13.

6

3. Nama utai dipadah Bup Kudus? Bup Kudus madahka berita manah pasal tuju Petara ngagai mensia. Iya nerangka baka ni mensia ngelenyauka peluang idup belama-lama ba dunya ti manah, baka Kebun Eden. Iya mega nerang baka ni dunya ti manah tu deka digaga baru. D Bacha Pemandang 21:4, 5. Jaku Petara mega bisi madah pasal adat enggau jaku ajar. Bup Kudus mega bisi nusui utai dikereja Petara ngagai orang ti manah enggau orang ti jai. Ari nya kitai ulih ngelala Petara baka ni Iya nya. Nya alai, Bup Kudus ulih nulung nuan ngelala Petara. Iya nerangka chara kitai ulih nyadi pangan Iya. D Bacha Masmur 19:7, 11; James 2:23; 4:8.

4. Baka ni nuan ulih meretika Bup Kudus? Bup mit tu ulih nulung nuan meretika Bup Kudus ngena chara ti udah dikena Jesus. Iya ngena mayuh ayat Bup Kudus kena nulung orang “meretika Bup Kudus.” D Bacha Luke 24:27, 45. Berita manah ari Petara amat ngerinduka ati. Tang sekeda orang enda peduli lalu sekeda agi pedis ati ninga berita tu. Anang ngasuh tu nagang nuan belajar Bup Kudus. Peluang nuan bulih pengidup meruan bepanggai ba peneka nuan nemu Petara. D Bacha John 17:3.

Enti nuan ka penerang lebih agi, peda pelajar 2 bup Nama Utai ti Bendar Diajar Bup Kudus?

7

4

Sapa Jesus Kristus?

1. Ari ni asal Jesus? Enda baka mensia bukai, Jesus kala nyadi orang roh ba serega sebedau iya datai ngagai dunya. ( John 8:23) Iya utai keterubah ditempa Petara, lalu iya nulung Petara nempa semua utai bukai. Semina Jesus aja ditempa Jehovah kediri. Nya alai Jesus dikumbai “Anak Tunggal Apai.” ( John 1:14) Jesus mega nyadi tuai pengari jaku Petara. Nya kebuah Jesus mega dikumbai “Jaku.” D Bacha Jaku Dalam 8:22, 23, 30; Kolosi 1:15, 16.

2. Nama kebuah Jesus datai ka dunya? Petara nganjung anak Iya ka dunya. Iya diadaka seiku dara tuchi bansa Yahudi ke benama Maria. Nya alai Jesus nadai beapaika mensia. (Luke 1:30-35) Jesus datai ka dunya (1) ngajar pemendar pasal Petara, (2) meri teladan ba pengawa ngereja peneka Petara, taja pen bisi penanggul, lalu (3) meri nyawa iya nyadika tebus. D Bacha Matthew 20:28.

3. Nama kebuah kitai begunaka tebus tu? Tebus nya rega ke dibayar kena ngelepaska orang ari pemati. (Pemansut 21:29, 30) Pemati enggau umur tuai ukai tuju asal Petara ka mensia. Baka ni kitai nemu nya? Petara madah ngagai Adam, mensia ti keterubah, enti iya ngereja penyalah ti dikumbai “dosa” dalam Bup Kudus, iya tentu mati. Tang enti iya enda bedosa, iya sigi enda mati. (Pemungkal 2:16, 17; 5:5) Bup Kudus maNama pemanah dah, Adam mai pemati “datai” Jesus ti ngasuh iya ngagai semua mensia. Adam nyamai diadap? mai dosa enggau upah dosa, iya —MAT THEW 11:29; MARK 10:13-16.

nya pemati ngagai peturun iya. Nya alai kitai begunaka tebus kena ngelepaska kitai ari pemati. D Bacha Rome 5:12; 6:23. Sapa ulih mayar tebus kena ngelepaska kitai ari pemati? Maya kitai mati, kitai semina ulih mayar ungkup dosa kitai empu. Nadai mensia ti enda sempurna ulih mayar dosa orang bukai. D Bacha Masmur 49:7-9.

4. Nama kebuah Jesus mati? Jesus sempurna enda baka kitai. Nya alai iya enda ibuh mati ketegal dosa iya. Iya nadai kala ngereja dosa. Tang, iya mati ketegal dosa orang bukai. Petara nunjukka pengerindu ti pemadu besai ngagai mensia ari nganjung anak iya mati ketegal dosa kitai. Jesus mega nunjukka pengerindu iya ngagai kitai ari ngasika Apai iya lalu meri nyawa iya ketegal dosa mensia. D Bacha John 3:16; Rome 5:18, 19.

5. Nama utai dikereja Jesus diatu? Lebuh ba dunya, Jesus ngerai orang ti sakit, ngangkatka orang mati idup baru, enggau nulung orang ti bisi penusah. Tu nunjukka nama utai ti deka dikereja iya ngagai mensia ti taluk jemah ila. (Matthew 15:30, 31; John 5:28) Udah Jesus mati, Petara ngangkatka iya idup baru nyadi orang roh. (1 Peter 3:18) Udah nya, iya nganti ba sepiak kanan Petara sampai Jehovah meri iya kuasa nyadi Raja merintah dunya. (Hebrew 10:12, 13) Diatu Jesus benung merintah nyadi Raja ba serega. Bala murid iya benung madahka berita manah tu ba serata dunya. D Bacha Daniel 7:13, 14; Matthew 24:14. Enda lama agi, Jesus deka nguna kuasa Raja iya muai semua pemerinsa enggau orang ti mai pemerinsa. Semua orang ti ngasika iya deka bulih pengelantang ba dunya ti manah jemah ila. D Bacha Masmur 37:9-11. Enti nuan ka penerang lebih agi, peda pelajar 4 enggau 5 bup Nama Utai ti Bendar Diajar Bup Kudus?

9

5

Nama Tuju Petara ka Dunya?

1. Nama kebuah Petara ngaga dunya? Jehovah meri dunya tu ngagai kitai mensia. Dunya tu alai kitai diau. Nya alai, tuju Petara nempa mensia keterubah, Adam seduai Hawa, ukai kena ngemenuhka serega. Petara udah nempa bala malikat diau ba serega. ( Jop 38:4, 7) Ke bendar, Petara ngengkah mensia keterubah nya ba kebun ti manah ke dikumbai Kebun Eden. (Pemungkal 2:15-17) Jehovah meri iya enggau peturun iya peluang idup meruan ba dunya. D Bacha Masmur 37:29; 115:16. Terubah suba, semina Kebun Eden aja kebun ti manah. Mensia keterubah diasuh Petara ngemenuhka dunya enggau peturun seduai iya. Sida patut nguasa serata dunya lalu nyadika iya kebun ti manah. (Pemungkal 1:28) Dunya sigi enda dirusak. Iya deka mengkang nyadi endur mensia diau belama-lama. D Bacha Masmur 104:5.

2. Nama kebuah dunya diatu ukai kebun ti manah? Adam seduai Hawa enda ngasika Petara, nya alai Jehovah muru seduai ari Kebun Eden. Kebun ti manah tu udah nadai agi, lalu nadai mensia kala mujur ngemulaika kebun baka tu. Bup Kudus madah: “Petara nyerahka dunya tu ngagai orang ke jai.”—Jop 9:24. D Bacha Pemungkal 3:23, 24. Amat Jehovah enda ulih ngereja tuju asal Iya ka mensia? Enda amat! Iya Petara ti Pemadu Bekuasa. Iya nadai kala enda mujur ngereja peneka Iya. (Isaiah 45:18) Iya deka ngaduka pengidup mensia nitihka tuju asal Iya. D Bacha Masmur 37:11, 34.

3. Baka ni kebun ti manah tu deka diadu baru? Kebun ti manah nya deka diadu baru maya Jesus merintah nyadi Raja. Lebuh perang Armagedon, Jesus deka ngulu 10

bala malikat ngemunaska semua sida ti nyakal Petara. Udah nya, Jesus deka ngurung Sitan 1,000 taun. Semina nembiak Petara ulih selamat laban Jesus deka ngiring sereta nyaga sida. Sida tu deka mengkang idup belama-lama ba dunya ti manah. D Bacha Pemandang 20:1-3; 21:3, 4.

4. Kemaya pemerinsa deka nadai agi? Kemaya Petara deka muai penyai ba dunya? Jesus bisi meri “tanda” ti nunjukka pengujung nya nyau makin semak. Utai jai ti nusahka pengidup mensia diatu nunjukka kitai diatu ba “pengujung dunya.” D Bacha Matthew 24:3, 7-14, 21, 22. Jesus deka merintah dunya ari serega 1,000 taun. Tu maya iya deka muai semua pemerinsa. (Isaiah 9:6, 7; 11:9) Kelimpah ari nyadi Raja, Jesus mega nyadi Imam Besai ti deka madam dosa sida ke rinduka Petara. Nya alai, ngena Jesus, Petara deka muai penyakit enggau pemati. D Bacha Isaiah 25:8; 33:24.

5. Sapa deka diau ba dunya ti manah tu ila? Orang ti ngasika Petara deka diau ba dunya ti manah. (1 John 2: 17) Jesus nganjung bala nembiak iya ngiga orang ti baruh ati lalu ngajar sida awakka ulih diterima Petara. Diatu, Jehovah ngajar bejuta-juta orang chara idup ba dunya ti manah jemah ila. (Sepaniah 2:3) Ba endur Saksi-saksi Jehovah begempuru, orang diajar nyadi laki enggau apai ti manah, lalu indu nyadi bini enggau indai ti manah. Bala anak enggau apai indai sama begulai ba pengawa sembiang lalu belajar chara bulih pemaik ari berita manah. D Bacha Mikah 4:1-4.

Ba endur begempuru, nuan ulih betemu enggau orang ti rinduka Petara enggau deka belajar chara ngenyamaika ati Petara Enti nuan ka penerang lebih agi, peda pelajar 3 bup Nama Utai ti Bendar Diajar Bup Kudus?

11

6

Nama Peluang Orang ti Udah Mati?

1. Nama berita manah pasal orang ti udah mati? Lebuh Jesus datai ba Betani semak Jerusalem, pangan iya ti benama Lasarus udah mati empat hari. Lalu Jesus enggau Martha seduai Maria, iya nya menyadi indu Lasarus ngabas kubur iya. Enda lama udah nya, mayuh orang datai begempuru. Ulih nuan melaba pengaga ati Marta seduai Maria lebuh Jesus ngangkatka Lasarus idup baru? D Bacha John 11:21-24, 38-44. Martha sigi udah nemu berita manah pasal orang ti udah mati. Iya nemu Jehovah deka ngangkat orang ti udah mati idup baru ba dunya. D Bacha Jop 14:14, 15.

2. Baka ni pendiau orang ti udah mati? Mensia digaga ari amau tanah. (Pemungkal 2:7; 3:19) Kitai nadai ngembuan roh ti enda ulih mati. Tubuh mensia semina isi enggau darah. Nya alai, orang mati nadai ngagai dunya roh. Udah kitai mati, untak kitai mati mega, lalu pikir kitai lenyau. Nya alai Lasarus nadai nyebut utai ti diasai iya maya pemati iya laban orang ti udah mati enda nemu utai. D Bacha Masmur 146:4; Pengajar 9:5, 6, 10. Bisi orang ti udah mati diperinsa Petara ngena api? Laban Bup Kudus madahka orang ti udah mati nadai nemu utai, tu nunjukka ajar pasal api neraka nya salah lalu bejaika nama Petara. Penemu pasal merinsa orang ngena api nya dibenchi Petara. D Bacha Jeremiah 7:31.

Petara bejaku ngagai Adam: “Nuan endang digaga ari amau, nya alai ngagai amau meh nuan pulai.” —PEMUNGKAL 3:19.

12

3. Ulih orang ti udah mati bejaku enggau kitai? Orang ti udah mati enda ulih bejaku tauka ninga. (Masmur 115:17) Tang sekeda malikat tu jai, sida ngaga diri nyadi baka orang ti udah mati lalu bejaku ngagai orang ke idup. (2 Peter 2:4) Jehovah enggai meda pengawa betanyaka semengat orang ke udah mati. D Bacha Ulang Adat 18:10, 11.

4. Sapa deka diangkat idup baru? Bejuta-juta orang ti udah mati deka diangkat idup baru. Sekeda orang ti ngereja penyai ketegal enda ngelala Petara mega deka diangkatka ari mati. D Bacha Masmur 37:29; Kereja Rasul 24:15. Orang ti diangkat ari mati ulih belajar pemendar pasal Petara lalu ngayanka pengarap sida ba Jesus, iya nya ngasika jaku iya. (Pemandang 20:11-13) Sida ti udah diangkat idup baru lalu ngereja utai ti badas deka idup belama-lama ba dunya. D Bacha John 5:28, 29.

5. Nama utai ulih dipelajar pasal Jehovah ari pengawa Iya ngangkatka orang ti udah mati? Petara nganjung Anak iya mati ka mensia awakka orang ti udah mati bisi peluang idup baru. Nya alai, pengawa Jehovah ngangkat orang ari mati nunjukka pengerindu enggau pemanah Iya ngagai mensia. Sapa deka ditemu nuan maya Petara ngangkat orang ari mati? D Bacha John 3:16; Rome 6:23.

Enti nuan ka penerang lebih agi, peda pelajar 6, 7, enggau 10 bup Nama Utai ti Bendar Diajar Bup Kudus?

13

7

Nama Reti Perintah Petara?

1. Nama reti Perintah Petara? Perintah Petara nya merintah ari serega. Iya deka nganti semua perintah bukai, lalu peneka Petara nyadi ba serega enggau ba dunya. Berita pasal perintah Petara tu manah bendar. Perintah Petara deka ngemuaska mensia. Perintah tu deka nyerakup semua orang ba dunya. D Bacha Daniel 2:44; Matthew 6:9, 10; 24:14. Perintah tu bisi seiku raja. Jehovah nuduh Anak iya, Jesus Kristus, nyadi Raja ba Perintah Iya. D Bacha Pemandang 11:15.

2. Nama kebuah Jesus nya Raja ti sempurna? Anak Petara tu Raja ti sempurna laban iya penuh pengasih enggau teguh dalam pemendar. ( John 1:14) Iya mega amat bekuasa nulung orang laban iya deka merintah dunya ari serega. Udah iya diangkat idup ari mati, iya lalu niki ka serega, duduk nganti ba sepiak kanan JehoNama kebuah vah. (Hebrew 10:12, 13) Udah nya Jesus nya Raja baru Petara meri iya kuasa merinti sempurna? tah. D Bacha Daniel 7:13, 14. —MARK 1:40-42.

3. Sapa deka merintah enggau Jesus? Siti bala ti dikumbai “nembiak” Petara tauka orang ke dipilih deka merintah enggau Jesus ba serega. (Daniel 7: 27) Bala rasul Jesus ti taluk nyadi sida ti keterubah dipilih. Jehovah agi milih bala lelaki enggau indu ti taluk sampai diatu. Baka Jesus, sida mega deka diangkat idup baru ngena tubuh roh. D Bacha John 14:1-3; 1 Korint 15:42-44.

14

Berapa iku orang deka ka serega? Jesus ngumbai sida tu raban ke “mimit.” (Luke 12:32) Penyampau semua sida tu 144,000 iku. Sida deka merintah dunya enggau Jesus. D Bacha Pemandang 14:1.

4. Nama utai deka nyadi lebuh Jesus terubah merintah? Perintah Petara terubah merintah dalam taun 1914.1 Utai keterubah dikereja Jesus maya nyadi Raja, iya muai Sitan enggau bala antu ka baruh ngagai dunya. Sitan lalu pedis ati, iya ngachau pengidup orang ba dunya. (Pemandang 12:7-10, 12) Kenyau hari nya, dunya makin charut. Perang, lapar pungkang, penyakit, enggau tanah berenyang nyadi “tanda” Perintah Petara deka megai dunya enda lama agi. D Bacha Luke 21:7, 10, 11, 31.

5. Nama pemaik dibai Perintah Petara? Ari pengawa nusui Berita Manah ba serata dunya, Perintah Petara diatu udah nyerakup orang ari genap bengkah bansa ba dunya. Bejuta-juta orang ti baruh ati diatu udah nyadi rayat Jesus. Perintah Petara deka nyaga sida maya iya ngemunaska orang jai. Nya alai orang ti ka bulih pemaik ari Perintah Petara patut belajar nyadi rayat Jesus ti taluk. D Bacha Pemandang 7:9, 14, 16, 17. Dalam kandang 1,000 taun, Perintah tu deka ngereja tuju asal Petara ngagai mensia. Serata dunya deka nyadi kebun ti manah. Udah nya baru Jesus nyerah Perintah tu ngagai Apai iya. (1 Korint 15:24-26) Ngagai sapa nuan deka nusui pasal Perintah Petara tu? D Bacha Masmur 37:10, 11, 29. 1 Enti nuan ka nemu silik agi chara Bup Kudus nentuka taun 1914, peda lambar 215-218 ba bup Nama Utai ti Bendar Diajar Bup Kudus?

Enti nuan ka penerang lebih agi, peda pelajar 8 enggau 9 bup Nama Utai ti Bendar Diajar Bup Kudus?

15

8

Nama Kebuah Petara Ngemendarka Penyai enggau Pemerinsa Nyadi? 1. Baka ni penyai berengkah? Penyai berengkah ba dunya maya Sitan terubah bula. Sebedau nya, Sitan seiku malikat ti sempurna, tang “iya endang nadai kaul enggau pemendar.” ( John 8:44) Iya keran deka bulih sembah ti patut diberi semina ngagai Petara. Sitan bula ngagai Hawa, lalu ngasuh Hawa ngasika iya, ukai Petara. Adam nitihka Hawa enda ngasika Petara. Pengawa Adam tu mai pemerinsa enggau pemati. D Bacha Pemungkal 3:1-6, 19. Lebuh Sitan ngasuh Hawa enda ngasika Petara, Sitan mungkal pengawa ngelaban kuasa merintah Petara, tauka penuduk ti Pemadu Tinggi. Mayuh agi mensia ti nitih Sitan enda nerima Petara nyadi Raja sida. Nya alai, Sitan digelar “pemerintah dunya.” D Bacha John 14:30; 1 John 5:19.

2. Amat utai ditempa Petara enda sempurna? Semua pengawa Petara sempurna. Mensia keterubah enggau malikat ke ditempa Petara sigi ulih ngasika Iya enggau sempurna. (Ulang Adat 32:4,5) Petara ngelak mensia bibas milih ngereja utai ti manah tauka utai ti jai. Nya alai, kitai tau milih ngayanka pengerindu kitai ngagai Petara. D Bacha James 1:13-15; 1 John 5:3.

Petara udah chukup lama nejuka mensia merintah diri kena nunjukka sida enda ulih ngemutarka penusah ti ninggang sida

3. Nama kebuah Petara neju pemerinsa nyadi sampai diatu? Jehovah neju orang ngelaban kuasa merintah Iya enda lama aja. Nama kebuah? Tu kena nunjukka mensia enda ulih merintah enggau manah enti ngelaungka kuasa merintah Petara. (Pengajar 7:29; 8:9) Udah lebih 6,000 taun penyadi men-

sia, nadai pemerintah mensia ti ulih muai perang, penyai, tauka penyakit. D Bacha Jeremiah 10:23; Rome 9:17. Enda baka perintah mensia, perintah Petara meri pemaik ngagai sida ti nyukung iya. (Isaiah 48:17, 18) Enda lama agi, Petara deka ngerusak semua perintah mensia. Semina sida ti nyukung perintah Petara deka diau ba dunya tu.—Isaiah 11:9. D Bacha Daniel 2:44.

4. Nama pemanah ba penyabar Petara? Sitan madahka orang deka nyembah Petara laban semina deka bulih penguntung ngagai diri empu. Ka nuan nyangkal jaku bula Sitan tu? Nuan ulih enti nuan ka! Penyabar Petara meri kitai awak kena nunjukka sekalika kitai nyukung perintah Petara tauka perintah mensia. Kitai nunjukka perintah ni ti disukung kitai ari chara idup kitai. D Bacha Jop 1:8-12; Jaku Dalam 27:11.

5. Baka ni chara kitai milih Petara nyadi pemerintah kitai? Kitai ulih milih Petara nyadi pemerintah kitai ari ngiga lalu ngereja pengarap ti amat nitihka Jaku Petara, iya nya Bup Kudus. ( John 4:23) Kitai ulih nulak Sitan nyadi pemerintah kitai enti kitai nitihPemilih kitai ulih ka chunto Jesus, enda enggau penganunjukka sekalika wa politik enggau perang. D Bacha John 17:14. kitai nyukung

Petara nyadi

Sitan ngena kuasa iya ngemansangPemerintah kitai ka ulah ti nadai moral, ulah ti tau ngerusakka diri. Sekeda pangan tauka kaban belayan deka nundi tauka bejaika kitai enti kitai nulak ulah baka tu. Nya alai kitai patut milih. Deka kitai milih begulai enggau sida ti rinduka Petara? Deka kitai milih ngasika atur Petara? Enti kitai milih tu, kitai ulih nunjukka Sitan nya bula maya iya madahka mensia enggai nyembah Petara enti bisi penguji. D Bacha 1 Korint 6:9, 10; 15:33. Pengerindu Petara ngagai mensia meri jamin nya penyai enggau pemerinsa deka nadai agi. Sida ti nunjukka pengarap ba janji tu deka bulih pengidup belama-lama ba dunya. D Bacha John 3:16. Enti nuan ka penerang lebih agi, peda pelajar 11 bup Nama Utai ti Bendar Diajar Bup Kudus?

17

9

Baka Ni Diri Sebilik Bulih Pengelantang?

1. Nama kebuah tikah nya beguna kena ngulihka pengelantang diri sebilik? Jehovah, Petara ti senang ati deka meda semua diri sebilik senang ati. (1 Timoti 1:11) Iya ngepunka pengawa nikah laki-bini. Tikah ti betul ba mata undang-undang amat beguna ngambika diri sebilik ngasaika pengelikun. Orang Kristian patut nitih undang-undang ti ngasuh sida ngerejista tikah sida. D Bacha Luke 2:1, 4, 5. Nama pikir Petara ba tikah? Iya ka meda tikah ti meruan. Jehovah deka meda laki bini taluk ngagai pangan diri. (Hebrew 13:4) Petara enda rindu meda pengawa sarak. (Malaki 2:16) Tang orang Kristian tau sarak lalu kawin baru enti laki tauka bini butang. D Bacha Matthew 19:3-6, 9.

2. Baka ni laki bini patut nyaga pangan diri? Jehovah ngaga lelaki enggau indu ngambika ulih nyukung pangan diri. (Pemungkal 2:18) Nyadi tuai diri sebilik, laki patut nyediaka utai guna sida sebilik enggau ngajar pasal Petara. Iya patut bisi pengerindu ti enda bebelah bagi ngagai bini iya. Laki bini patut rindu enggau bebasaka pangan diri. Laban nadai laki tauka bini ti sempurna, sida patut belajar ngampunka penyalah pangan diri enti deka bulih pengelantang. D Bacha Epesus 4:31, 32; 5:22-25, 33; 1 Peter 3:7.

3. Patut kita ninggalka pangan diri enti kita bisi penanggul? Enti nuan bisi penanggul enggau pangan diri, seduai patut naka ulih ngemutarka penanggul nya ngena pengerindu. (1 Korint 13:4, 5) Jaku Petara nadai meransang sarak nyadi jalai kena ngaduka penanggul. D Bacha 1 Korint 7:10-13. 18

4. Nama diguna Petara ari bala anak? Jehovah ka meda kita senang ati. Iya meri kita jaku ajar awakka kita bulih pengelantang. Iya ka meda kita bulih pemaik ari pemandai enggau peneleba idup apai indai kita. (Kolosi 3: 20) Jehovah mega ka kita ngasaika pengerindu ati ari ngereja pengawa ke diasuh Petara enggau Anak Iya. D Bacha Pengajar 11:9–12:1; Matthew 19:13-15; 21:15-16.

5. Apai indai, baka ni anak kita ngulihka pengelantang? Kita patut gawa enggau bendar kena nyediaka utai pakai, alai diau, enggau utai dikena bala anak kita. (1 Timoti 5:8) Kena ngulihka pengelantang tu, kita mega enda tau enda ngajar sida rinduka Petara enggau belajar ari Iya. (Epesus 6:4) Chunto kita ti manah lebuh ngayanka pengerindu ngagai Petara mega ulih nulung anak kita. Enti kita ngajar ngena Jaku Petara, jaku ajar kita ulih nulung anak kita bepikir enggau betul. D Bacha Ulang Adat 6:4-7; Jaku Dalam 22:6. Bala anak senang ati enti kita meri jaku peransang enggau muji sida. Sida mega begunaka jaku ajar enggau disiplin. Chara tu ulih nyaga sida ari ulah ti tau ngerusakka sida. ( Jaku Dalam 22:15) Tang, disiplin nya enda tau kelalu kasar. D Bacha Kolosi 3:21. Saksi-saksi Jehovah bisi ngeluarka bup kena nulung apai indai enggau bala anak. Bup tu ditulis ngena ayat Bup Kudus. D Bacha Masmur 19:7, 11.

Enti nuan ka penerang lebih agi, peda pelajar 14 bup Nama Utai ti Bendar Diajar Bup Kudus?

19

10

Baka Ni Nuan Ulih Ngelala Pengarap ti Bendar?

1. Amat semina bisi siti aja pengarap ti bendar? Jesus ngajar nembiak iya semina bisi siti pengarap ti bendar. Tu baka jalai ti nuju pengidup ti meruan. Jesus madah: “Semina mimit aja orang” ti tetemuka jalai tu. (Matthew 7: 14) Petara semina nerima pengarap ti nitihka Jaku Iya. Semua orang ke megai pengarap ti bendar tu sejalai ba pengarap sida. D Bacha John 4:23, 24; 14:6; Epesus 4:4, 5.

“Bejaga ari nabi ti pelesu.”

2. Nama utai dipadah Jesus pasal Kristian pelesu?

—MAT THEW 7:15.

Jesus madahka nabi ti pelesu deka ngerusakka ajar Kristian ti bendar. Ba luar, sida tu baka orang Kristian ti bendar. Orang ari gerija ngaku diri sida orang Kristian. Tang nuan ulih ngelala sapa sida ti bendar. Baka ni? Semina pengarap ti bendar bisi ngembuan orang Kristian ti bisi pendiau enggau ulah ti manah. D Bacha Matthew 7:13-23.

3. Baka ni nuan ulih ngelala sida ti megai pengarap ti bendar? Uji peda lima iti tanda tu: ˛ Sida ti megai pengarap ti bendar arapka Bup Kudus nya Jaku Petara. Sida naka ulih nitihka atur tauka ajar Bup Kudus. Nya alai pengarap ti bendar enda sama enggau ‘Sida ngumbai pengarap pelesu ti ngajar runding diri nemu Petara, mensia (Matthew 15:7-9) Sida ke tang utai ti megai pengarap ti bendar tu

dikereja sida besangkalka nya.’ —TITUS 1:16.

enda ngajar siti utai tang ngereja utai bukai. D Bacha John 17:17; 2 Timoti 3:16, 17. ˛ Nembiak Jesus ti bendar bebasaka nama Petara, Jehovah. Jesus bebasaka nama Petara. Iya ngasuh nama Petara ditemu semua orang. Iya nulung orang ngelala Petara lalu ngajar sida besampi nguduska nama Petara. (Matthew 6:9) Ba endur nuan, pengarap ni bisi madahka orang bukai pasal nama Petara? D Bacha John 17:26; Rome 10:13, 14. ˛ Kristian ti bendar nusui pasal Perintah Petara. Petara nganjung Jesus ka dunya awakka nusui berita manah pasal Perintah Petara. Pengarap mensia semina bepanggai ba Perintah Petara tu. Jesus bejaku pasal berita tu sampai hari iya mati. (Luke 4:43; 8:1; 23:42, 43) Jesus madahka nembiak iya mega deka nusui berita tu. Enti bisi orang datai ngagai nuan lalu nusui berita pasal Perintah Petara, ba pikir nuan ari pengarap ni sida tu? D Bacha Matthew 24:14.

Nembiak Jesus ukai enggi dunya ti jai tu. Nuan ulih ngelala sida laban sida enda masuk champur dalam politik tauka pengawa muguk. (John 17:16; 18:36) Sida mega enda nunda pengawa dunya ti tau ngemediska diri. D Bacha James 4:4. ˛

˛ Kristian ti bendar bisi pengerindu ngagai pangan diri. Ari Jaku Petara, sida tu belajar bebasaka bansa bukai. Taja pen pengarap ti pelesu nyukung pengawa perang, sida ti megai pengarap ti bendar enda nitihka pengawa tu. (Mikah 4:1-3) Tang, Kristian ti bendar ngena awak enggau pemisi sida kena nulung sereta meri peransang ngagai orang bukai. D Bacha John 13:34, 35; 1 John 4:20.

4. Ulih nuan ngelala pengarap ti bendar? Ni pengarap ti ngajar semina ari Jaku Petara, bebasaka nama Petara, lalu madah semina Perintah Petara ulih ngemutarka penusah mensia? Sida ni ti bisi pengerindu lalu enda enggau pengawa perang? Nama pikir nuan? D Bacha 1 John 3:10-12.

Enti nuan ka penerang lebih agi, peda pelajar 15 bup Nama Utai ti Bendar Diajar Bup Kudus?

21

11

Baka Ni Jaku Ajar ari Bup Kudus Ulih Nguntungka Kitai?

1. Nama kebuah kitai begunaka tunjuk ajar? Pemandai Petara jauh tinggi agi ari pemandai kitai. Iya ngintu kitai baka Apai ti rinduka anak iya. Ukai tuju Iya ngelak mensia limpang ari Iya. ( Jeremiah 10:23) Nya alai baka anak mit ti begunaka tunjuk ajar apai indai iya, kitai semua mega begunaka tunjuk ajar ari Petara. (Isaiah 48:17, 18) Tunjuk ajar ari Bup Kudus nya siti pemeri Petara. D Bacha 2 Timoti 3:16. Adat enggau tunjuk ajar Jehovah ngajar kitai chara idup ti pengabis manah diatu lalu nunjukka chara bulih pemaik ti meruan jemah ila. Laban kitai ditempa Petara, kitai patut beterima kasih lalu nitihka tunjuk ajar Iya. D Bacha Masmur 19:7, 11; Pemandang 4:11.

2. Nama jaku ajar ba Bup Kudus? Jaku ajar Bup Kudus tu pun pemendar. Jaku ajar Bup Kudus ulih ngajar kitai ba mayuh pekara. Tang, adat selalu dikena ngatur siti-siti pekara. (Ulang Adat 22:8) Kitai patut ngena pemintar runding kena meretika jaku ajar Bup Kudus dalam ngatur siti-siti pekara. ( Jaku Dalam 2:10-12) Ngambika chunto, Bup Kudus madahka nyawa nya pemeri Petara. Jaku ajar tu ulih ngiring runding nuan maya nuan kereja, ba alai diau tauka maya mindah. Jaku tu ngasuh kitai berundingka pengelikun diri empu enggau orang bukai. D Bacha Kereja Rasul 17:28.

Baka ni jaku ajar Bup Kudus ngasuh kitai nyaga pengelikun diri empu enggau orang bukai? —MASMUR 36:9.

3. Nama dua iti jaku ajar ti beguna bendar? Jesus bisi madahka dua iti jaku ajar ti beguna bendar. Keterubah nya iya madahka

tuju pengidup mensia, iya nya ngelala Petara, rinduka Iya sereta nyembah Iya enggau taluk. Jaku ajar ti keterubah tu patut dirunding kitai lebuh ngaga semua pemutus dalam idup kitai. ( Jaku Dalam 3:6) Sida ti nitihka jaku ajar tu deka nyadi pangan Petara, bulih pengelantang ti bendar enggau pengidup ti meruan. D Bacha Matthew 22:36-38.

Jaku ajar ti kedua ngiring kitai ngambika kitai ulih begulai manah enggau orang bukai. (1 Korint 13:4-7) Enti kitai deka nitihka jaku ajar tu, kitai enda tau enda nitihka penyiru Petara ngagai mensia. D Bacha Matthew 7:12; 22:39, 40.

4. Baka ni jaku ajar ari Bup Kudus ulih nguntungka kitai? Jaku ajar Bup Kudus ulih nyerakup diri sebilik ngena pengerindu. (Kolosi 3:12-14) Jaku Petara mega bisi jaku ajar bukai ti nyaga diri sebilik, ti ngasuh tikah nya meruan belama-lama. D Bacha Pemungkal 2:24. Enti kitai nitihka ajar Bup Kudus, kitai ulih nyaga pemisi enggau pengelikun ati kitai. Ngambika chunto, orang ka agi ngaji orang ke nitih jaku ajar Bup Kudus ti ngasuh orang lurus ati sereta gawa enggau bendar. ( Jaku Dalam 10:4, 26; Hebrew 13:18) Jaku Petara mega ngajar kitai patut puas ati enggau pemisi kitai. Kitai mega patut rinduka Petara lebih agi ari reta. D Bacha Matthew 6:24, 25, 33; 1 Timoti 6:8-10. Enti kitai nitihka jaku ajar Bup Kudus, iya ulih nyaga pengerai kitai. ( Jaku Dalam 14:30; 22:24, 25) Ngambika chunto, jaku Petara nagang kitai mabuk. Tu ulih nyaga kitai ari penyakit ti ulih munuh tauka ari bebadi. ( Jaku Dalam 23: 20) Petara enda nagang kitai ngirup ai bisa, tang anang ngirup kelalu mayuh. (Masmur 104:15; 1 Korint 6:10) Jaku Petara mega ngajar kitai nyaga ulah enggau runding kitai. (Masmur 119:97-100) Tang, Kristian ti bendar ukai ngasika Jaku Petara semina deka ngulihka penguntung diri empu. Sida ngasi laban sida bebasaka Petara. D Bacha Matthew 5:14-16. Enti nuan ka penerang lebih agi, peda pelajar 12 enggau 13 bup Nama Utai ti Bendar Diajar Bup Kudus?

23

12

Baka Ni Nuan Ulih Nyemakka Diri Ngagai Petara?

1. Kati bisi Petara ningaka semua sampi? Petara mai semua orang ari genap menua datai semak ngagai iya ari besampi. (Masmur 65:2) Tang, iya enda ninga tauka nerima semua sampi. Ngambika chunto, iya enda ninga sampi laki ti enda siru enggau bini iya. (1 Peter 3:7) Pia mega, lebuh bansa Israel balat ngereja penyai, Petara enggai ninga sampi sida. Tu nunjukka sampi nya siti pemeri ti berega. Tang, Petara deka nerima sampi orang ti udah ngereja utai ti jai amat enti sida bebendar udah berubah. D Bacha Isaiah 1:15; 55:7.

2. Baka ni kitai patut besampi? Besampi nya siti pengawa sembah. Nya alai kitai patut besampi semina ngagai Penempa kitai, Jehovah. (Matthew 4:10; 6:9) Pia mega, laban kitai enda sempurna, kitai patut besampi nengah Jesus ti udah mati ketegal dosa kitai. ( John 14:6) Jehovah enda ngasuh kitai besampi ngena leka sampi ti diingat tauka ngena leka sampi ti udah ditulis. Iya ngasuh kitai besampi ari ati. D Bacha Matthew 6:7; Pilipi 4:6, 7. Petara mega ulih ninga sampi ti enda bemunyi, ti disebut dalam ati kitai. (1 Samuel 1:12, 13) Iya mai kitai besampi ba sebarang maya, siang tauka malam, sebedau makai tauka lebuh kitai bisi penusah. D Bacha Masmur 55:22; Matthew 15:36.

3. Nama kebuah orang Kristian begempuru? Besemak ngagai Petara ukai pekara ti mudah laban mayuh orang ti enda arapka Petara deka ngeleseka janji iya ti deka meri pengelikun ba dunya. (2 Timoti 3:1, 4; 2 Peter 3:3, 13) Nya alai, kitai begunaka jaku peransang ari orang ti 24

sama pengarap. Sida tu mega begunaka jaku peransang ari kitai. D Bacha Hebrew 10:24, 25. Begulai enggau orang ti rinduka Petara ulih nulung kitai besemak ngagai Petara. Gempuru ti diatur Saksi-saksi Jehovah ulih meri kitai peluang ngeringka pengarap pangan diri. D Bacha Rome 1:11, 12.

4. Baka ni nuan ulih nyemakka diri ngagai Petara? Nuan ulih nyemakka diri ngagai Petara ngena chara berundingka lalu ngerejaka utai ti udah dipelajar nuan ari Jaku Iya. Nuan ulih nguji berundingka utai ti udah dikereja iya, jaku ajar iya enggau janji iya. Ari berundingka semua utai tu, iya ulih meransang kitai beterima kasih ngagai pengerindu engau pemandai Petara. D Bacha Josua 1:8; Masmur 1:1-3. Nuan semina ulih besemak ngagai Petara enti nuan pechayaka iya enggau bisi pengarap ba iya. Tang pengarap tu baka utai idup ti begunaka jaga. Nya alai nuan enda tau enda nyaga pengarap nuan, selalu berundingka kebuah nuan megai pengarap nya. D Bacha Matthew 4:4; Hebrew 11:1, 6.

5. Baka ni besemak ngagai Petara ulih meri penguntung? Jehovah ngintu orang ti rinduka Iya. Iya ulih nyaga sida ari utai ti ulih ngerusak pengarap sida enggau pengarap sida ti bepanggai ba pengidup ti meruan. (Masmur 91:1, 2, 7-10) Iya ngasuh kitai bejaga-jaga ari pengawa ti ulih ngerusak pengerai enggau pengelantang kitai. Jehovah ngajar kitai chara idup ti pemadu manah. D Bacha Masmur 73:27, 28; James 4:4, 8.

Enti nuan ka penerang lebih agi, peda pelajar 17 bup Nama Utai ti Bendar Diajar Bup Kudus?

25

13

Nama Deka Nyadi Ngagai Pengarap?

1. Amat semua pengarap manah? Mayuh orang ti bebendar ati megai pengarap sida. Berita ti madahka Petara bisi meda lalu nyaga sida tu berita ti manah. Tang, mayuh penyai ti dikereja dalam nama pengarap. (2 Korint 4:3, 4; 11:13-15) Nitihka reput, bisi sekeda pengarap ti besangkut enggau pengawa kasar, pengawa bebunuh, perang enggau ngayahka anak mit. Semua tu ngenusahka ati orang ti bebendar ati arapka Petara. D Bacha Matthew 24:3-5, 11, 12. Pengarap ti bendar ngemuliaka Petara, tang pengarap ti pelesu ngemediska ati Iya. Pengarap ti pelesu ngajar penemu ti limpang ari Bup Kudus, baka ngajar utai ti enda betul pasal Petara enggau pasal orang ti udah mati. Tang, Jehovah deka orang nemu pemendar pasal Iya. D Bacha Esekiel 18:4; 1 Timoti 2:3-5.

2. Nama deka nyadi ngagai pengarap? Petara enda rindu meda pengarap ti ngumbai diri rinduka Iya tang kebendar sida bepangan enggau dunya Sitan. ( James 4:4) Jaku Petara madahka semua pengarap ti pelesu digelar “Babilon ti Besai.” Babilon tu siti menua lama kelia, endur pengarap ti pelesu bepun udah Bah Besai maya Noah. Enda lama agi, Petara deka ngemunaska pengarap ti pelesu ke ngemulaka sereta ngenusahka mensia. D Bacha Pemandang 17:1, 2, 5, 16, 17; 18:8. Bisi agi mayuh berita manah. Jehovah agi ingatka orang ti lurus ati tang agi ba pengarap ti pelesu ba genap menua. Iya benung nyerakup sida tu ari ngajar sida pasal pemendar. D Bacha Mikah 4:2, 5.

26

3. Nama utai patut dikereja orang ti lurus ati? Jehovah pedulika orang ti rinduka pemendar enggau pemanah. Iya majak ngasuh sida pansut ari megai pengarap ti pelesu. Orang ti rinduka Petara bisi penyanggup ngubah diri awakka ulih diterima Petara. D Bacha Pemandang 18:4. Dalam kurun keterubah, sida ti lurus ati ke ninga berita manah ari bala rasul nerima berita tu enggau ati ti gaga. Sida udah ketemuka chara idup ti baru ari Jehovah, chara idup ti penuh pengelantang laban sida nemu tuju idup sereta pengarap ti manah. Sida tu ulih nyadi chunto ka kitai laban lebuh sida nerima berita manah tu, sida nyadika sembah ngagai Jehovah pekara ti pemadu besai dalam idup sida. D Bacha 1 Tesalonika 1:8, 9; 2:13. Jehovah ngelaluka penatai sida ti udah keluar ari pengarap pelesu datai begulai enggau raban penyembah Iya. Enti nuan nerima jaku pengelalu ari Jehovah tu, nuan deka bepangan enggau Iya, bulih pangan ba raban pemyembah Iya enggau bulih pengidup ti meruan. D Bacha Mark 10:29, 30; 2 Korint 6:17, 18.

4. Baka ni Petara mai pengaga ngagai serata dunya? Pemutus ukum ti deka ninggang pengarap ti pelesu tu berita ti manah. Tu deka muai penusah ke dibai pengarap ti pelesu. Pengarap ti pelesu nadai agi ulih nesatka enggau nyarutka mensia. Semua orang deka seati dalam pengarap ti nyembah Petara ti seiku aja. D Bacha Pemandang 18:20, 21; 21:3, 4.

Pengarap ti bendar nyerakup semua orang

Enti nuan ka penerang lebih agi, peda pelajar 15 enggau 16 bup Nama Utai ti Bendar Diajar Bup Kudus?

27

14

Nama Kebuah Petara Bisi Gerempung?

1. Nama kebuah Petara ngatur bansa Israel kelia? Petara ngatur peturun Abraham nyadi siti bansa lalu meri sida adat Iya. Petara ngumbai bansa nya “Israel” lalu meri sida tanggungjawap megai pengarap ti bendar enggau Jaku Iya. (Masmur 147:19, 20) Ari bansa Israel tu, bansa bukai deka bulih berekat. D Bacha Pemungkal 22:18. Petara milih bansa Israel nyadi saksi-saksi Iya. Cherita pasal bansa Israel kelia bisi madahka baka ni sida bulih penguntung ari ngasika adat Petara. (Ulang Adat 4:6) Nya alai, nengah bansa Israel, orang bukai ulih nemu pasal Petara ti bendar. D Bacha Isaiah 43:10, 12.

2. Nama kebuah Kristian ti bendar diatur? Tang udah nya, Petara nyau enda rindu agi ngagai bansa Israel laban sida enda ngasika Iya. Nya alai, Petara nganti sida ngena iklisia Kristian. (Matthew 21:43; 23:37, 38) Diatu, Kristian ti bendar nyadi saksi-saksi Jehovah, nganti bansa Israel. D Bacha Kereja Rasul 15:14, 17. Jesus ngatur nembiak iya nusui berita manah ngagai semua bansa lalu mai sida nyadi murid iya. (Matthew 10:7, 11; 24:14; 28:19, 20) Pengawa tu benung ranchak dikerejaka laban pengujung dunya makin semak. Diatu Jehovah udah nyerakup bejuta-juta orang ari semua raban bansa ngagai pengarap ti bendar. (Pemandang 7:9, 10) Raban Kristian ti bendar diajar meransang sereta nulung pangan diri. Sida mega belajar penemu Bup Kudus ti sama ba semua endur sida begempuru. D Bacha Hebrew 10:24, 25.

28

3. Baka ni Saksi-saksi Jehovah kemaya diatu berengkah?

Berengkah urung taun 1870, bisi raban orang ti belajarka Bup Kudus udah ketemuka pemendar Bup Kudus. Sida nemu, kelia Jesus bisi ngatur iklisia Kristian kena ngereja pengawa nusui berita manah. Nya alai, sida mega berengkah ngatur pengawa nusui berita Perintah Petara ba segenap menua. Berengkah taun 1931, sida ngena nama Saksisaksi Jehovah. D Bacha Kereja Rasul 1:8; 2:1, 4; 5:42.

4. Baka ni Saksi-saksi Jehovah diatur? Dalam kurun keterubah, iklisia Kristian ba mayuh menua bulih penguntung ari atur ti diberi raban pemerintah pusat ti nyukung Jesus nyadi kepala iklisia Kristian. (Kereja Rasul 16:4, 5) Baka nya mega diatu, Saksi-saksi Jehovah bulih penguntung ari atur ti diberi Raban Pemerintah, iya nya tuai raban Kristian ti bisi peneleba. Sida tu nyaga pampang opis Saksi-saksi Jehovah ti nyalin siti jaku ngagai jaku bukai, nyelak lalu nyadung barang ti dikena belajar Bup Kudus dalam lebih 600 bansa jaku. Ngena chara tu, Raban Pemerintah tu ulih meri jaku peransang enggau ngatur lebih 100,000 iti ikilsia ba serata dunya. Ba tiap iklisia, bisi bala lelaki ti nyadi tuai tauka orang ti nyaga. Sida tu nyaga nembiak Petara ngena pengerindu. D Bacha 1 Peter 5:2, 3. Saksi-saksi Jehovah diatur awakka ulih nusui berita manah lalu mai orang nyadi nembiak Petara. Baka bala rasul, sida nusui berita tu ari rumah ka rumah. (Kereja Rasul 20: 20) Sida mega ngajar Bup Kudus ngagai orang ti rinduka pemendar. Taja pia, Saksi-saksi Jehovah ukai sebarang gerempung. Sida baka diri sebilik ti beapaika Petara ti pengasih. Sida baka bala diri menyadi ti pedulika pangan diri. (2 Tesalonika 1:3) Saksi-saksi Jehovah udah diatur awakka ngereja utai ti ngenyamaika ati Petara enggau nulung orang bukai. Nya alai sida tu orang ti pengabis senang ati ba dunya. D Bacha Masmur 33:12; Kereja Rasul 20:35.

Enti nuan ka penerang lebih agi, peda pelajar 19 bup Nama Utai ti Bendar Diajar Bup Kudus?

15

Nama Kebuah Nuan Patut Terus Belajarka Bup Kudus?

1. Nama penguntung nuan enti terus belajarka Bup Kudus? Tentu ajar Bup Kudus ba bup mit tu udah ngeringka pengerindu nuan ngagai Jehovah. Terus meh ngeringka pengerindu nuan ngagai Petara. (1 Peter 2:2) Pengidup meruan nuan bepanggai ba nuan neruska diri besemak ngagai Petara ari belajarka Jaku Iya. D Bacha John 17:3; Jude 21. Udah penemu nuan pasal Petara makin mayuh, pengarap nuan mega makin teguh. Pengarap tu deka meransang nuan ngereja utai ti ngenyamaika ati Petara. (Hebrew 11:1, 6) Pengarap tu mega deka meransang nuan ngubah chara idup nuan ti mai penguntung ba pengidup nuan. D Bacha Kereja Rasul 3:19.

2. Baka ni nuan ulih ngena penemu pasal Petara nulung orang bukai? Nuan tentu deka madah utai ti ditemu nuan ngagai orang bukai laban kitai semua senang ati nusui berita ti manah. Lebuh nuan belajarka Bup Kudus, nuan mega deka belajar chara nerangka pengarap nuan ba Jehovah enggau berita manah nya ngena Bup Kudus. D Bacha Rome 10:13-15. Mayuh orang berengkah nusui berita manah tu ngagai pangan tauka kaban sida. Tang, kitai enda tau enda nyaga ati orang. Ari kitai madahka pengarap sida enda betul, uji padahka sida pasal utai ti dijanji Petara. Orang mega selalu merati ulah manah kitai lebih ari utai ti dipadah kitai. D Bacha 2 Timoti 2:24, 25.

3. Baka ni nuan ulih diempu Petara? Belajar pasal Jaku Petara deka nulung nuan nitihka teladan Petara enggau manah agi. Udah nya, nuan deka ngaga pemutus ti pengabis beguna tauka besai ba pengidup nuan. Nuan

Nuan ulih nyadi raban penyembah ti dikerinduka Jehovah

ulih milih nyadi seiku raban penyembah Jehovah. D Bacha 2 Korint 6:18.

4. Baka ni nuan ulih ngemansangka penemu nuan? Nuan ulih belajar chara nitih jaku ajar Petara enti nuan neruska pelajar nuan ba Bup Kudus. (Hebrew 5:13, 14) Nuan ulih minta seiku bala Saksi-saksi Jehovah ngajar nuan ngena bup Nama Utai ti Bendar diajar Bup Kudus? Makin mayuh utai dipelajar nuan ari Bup Kudus, pengidup nuan mega makin mujur. D Bacha Masmur 1:1-3; 73:27, 28. Semua berita manah tu datai ari Jehovah, iya nya Petara ti senang ati. Nuan ulih nyemakka diri ngagai Iya enti nuan begulai enggau bala nembiak Iya. (Hebrew 10:24, 25) Enti nuan bebendar neruska pengawa ti ngenyamaika ati Jehovah, nuan deka bulih pengidup ti bendar, iya nya pengidup ti meruan. Nya alai, nyemakka diri ngagai Petara siti pengawa ti pengabis manah ti tau dikereja nuan. D Bacha 1 Timoti 1:11; 6:19. Enti nuan ka penerang lebih agi, peda pelajar 18 bup Nama Utai ti Bendar Diajar Bup Kudus?

31

NAMA UTAI TI Bendar DIAJAR BUP KUDUS?

Bisi dichelak sereta ba www.jw.org dalam beratus-ratus bansa jaku

PELAJAR SITI NI DIKERINDUKA NUAN?

1

4

8

12

5

Sapa Jesus Kristus?

9

Nama kebuah Petara ngemendarka penyai enggau pemerinsa nyadi?

Baka ni nuan ulih nyemakka diri ngagai Petara?

13

www.jw.org/iba

Nama berita manah nya?

Nama tuju Petara ka dunya?

Baka ni diri sebilik bulih pengelantang?

Nama deka nyadi ngagai pengarap?

2

6

10

14

Sapa Petara?

Nama peluang orang ti udah mati?

Baka ni nuan ulih ngelala pengarap ti bendar?

3

7

Amat berita manah nya datai ari Petara?

Nama reti Perintah Petara?

11

Baka ni jaku ajar ari Bup Kudus ulih nguntungka kitai?

Nama kebuah Petara bisi gerempung?

fg-IA