AS ELK EN EEIN (Viva Somnia Tua)
As elk en eein 't nou 'ns dee as elk en eein 't nou 'ns saomen duren dee zittend op 't greuin zeei ik de mèensen in een durende stroom op binnen kommen de auto op slöt daon en op pad um te duren daten (de staotssecretaoris duurde niet waant zeeik of zo...) mèensen prissenteert zuch kraompies vertèelt van wel en wat bint ze duurzaom genog? wult ze saomen genog? weg wodt wezen naor waor aj wult weden haanden wod schud, veur wodt stèeld; kiek, een boetenruumte en daor maokt ze asfalt op zien greuinst en daor is spraoke van een pluktoen-in-wording zunnepanelen, energie veur as d'r al bouwd is transitie; van fossielen naor zun, wind en waoter
geld kunj leeinen, um te duren veur laoter vaoren kunj en wat d'r daortoou opdeeipt is komp ok van pas circulaire inspiraotie in een duurzaome naotie ...passiefhoes... (ik blief maor kieken dommiet kan ik vraogen wat of 't zeggen wul; wat 't zeggen wul is daj 't kunt laoten duren -) woorden spreekt 't lös: met een welkom met een nei record aj 't saomen duurt dan binj en kom ij d'r wel nog een welkom dat ok wes op de opkomst historie wodt blootlèegd op grui wot wezen aj 't saomen duurt dan binj en kom ij d'r wel laot 't gien fiene woorden weden en blieven gien triomfgeklop op de börst veur 't waor is de saomenleving veraandert
haanden pakt mekaor haanden maokt een gebaor aj 't saomen duurt dan binj en kom ij d'r wel langzaom opholden met pielen met fossielen aandere bronnen ligt, staot, gaot, vraogt, plaogt al ieuwen klaor Kom kieken op de Plaza stel je vraogen pak de folders, pennen, documentaotie neie ideeën ligt plukbaor klaor aj 't saomen duurt dan binj en kom ij d'r wel priesvraogen over grondstoffen tot en met wat of 't kost 't kostenplaotie dat ofschrikt dat neugt en je heugt; wees zunig duur zunig te weden meer en meer zunig aj 't saomen duurt dan binj en kom ij d'r wel tweets duukt op die as spreekt van grote opkomst
de oetgaangspunten geeft een ingaang naor saomen duren winnaors bint zunig en duurt dat te weden (vort met de platforms waarin staopels praot waorin staopels priet) mèensen gruit zölf een hoes vanoet wat ze veur zuch zeeit (de baanken kniest as ze je op leeining wiest) in de wiek bint ze wies met daj 't saomen duurt dan binj en kom ij d'r wel duurzaom is wat in laoter lig duurzaom is wat in 't waoter lig duurzaom is waj saomen duurt waj laot gebeuren waj zeeit dat gebeurt waj an haanden, as aopen, oet de mouwen duurzaom is waj, van binnenoet, duurt bouwen wat d'r steein na steein, as untlocht-kasteel, in de beein komp aj 't saomen duurt dan binj en kom ij d'r wel
drömpels vort strukelbeleid an de kaant oetzicht vanaachter dreeidubbel glas wat of dat kost? oj 't betaolen kunt? klaantcontact aodemt vraogen naor antwoorden van 't eein komp 't aander 't geeit aans dan 't gung 't is wat een gat in de locht sprung 't zingt wat van "nei nei nei" zung kiek veuroet, stao d'r veur in nem de anloop, gooi de steein in de viever, kringen breid zuch oet en keert weerum as steein nao steein bouwen an vandaog an een hoes met een mat met 'Welkom" d'r op veur wat komp veur de deur aj 't saomen duurt dan binj en kom ij d'r wel wees groots op waj duurt kiek waj veuroet stuurt: Drenthe döt en duurt
elk orgaon elk bestaon van ale maarkten thoes wonend in een tooukomsthoes as elk en eein 't nou 'ns dee as elk en eein 't nou is saomen duren dee (de man van staol in 't greuin de man van de brug maank de steeinen de vrouw met de vooutstap as vingerofdruk de man met 't afval waor e deurhen fietst met een deus vol de man met de bril die as annaomes angef) laow gaon circuleren, transitioneren, innoveren, leven eren, potverteren, inspireren as elk en eein 't nou 'ns dee as elk en eein 't nou 'ns saomen duren dee in dizze dreven, dit Drenthe waor vanneis de urns in de grond waor vanneis de tumuli een durend leven um deur te geven um um te geven um te duren um te duren um te duren um te duren
um te duren um te duren um te duren um te duren um te duren
© Egbert Hovenkamp II (TerPlekkePoeem, geschreven en laten klinken (in de Statenzaal) gedurende "Duurzame Dates", in het Provinciehuis Drenthe, 12 februari 2015)
