PANARANGAN di KITAB VAGU II (kor)
Injil di Lukas 1. Tesalonika Efesus 1. Timotius Yakub
O. Dilger om T.A. Forschner 1995 PCS Kudat UMPATOD kananganko i PANARANGAN DI KITAB VAGU III
Sid Bahagi koduvo dino oumpug it a-ko piro panarangan di Kitab Vagu, o ino-no It Injil di Lukas RINGKASAN DARI PENERANGAN INJIL LUKAS. (I nisurat di Pendeta OttoDilger toun 1970 ontok bahagi dit ongotudukan sid ongopiumpugan diri) i surat keso di Paulus pakaa sid Tesalonika i surat di Paulus pakaa sid Gorija sid Efesus i surat keso di Paulus pakaa sid di Timotius Inot ongopanarangan dino inanu sid ongotudukan laid di sid Palan dit ongotoun 1970-71 (ino-no i Lukas 10 - 18, i ginama dit Pandita O. Dilger) om it ongotudukan di T.A. Forschner sid PLA hiza di toun 1993 - 1994. Varo-po niamung bahagi di kosuruto di pongilaan dit ongotumpuk om ongoponulung do gorija. Manjadi harapan-za dot ino buuk dino kiguna bahagi dit isai-nopo sid PCS di mongoriat mamasa di Kitab om mokitarang sid buuk dino ombo i hal dit amu-po ohorotizan dau di mamasa iosido di Kitab. Otopotko ioku, i Traugott A. Forschner
PONGOSUSUZAN Panarangan dit Injil Lukas: Umpatod I. 1,5-2,52 It usul dit anganak-po i Yahya om Yesus II. 3,1-9,50 I gama di Yesus sid tanga do razat III. 9,51-19,27 Sid tanga do ralan kumaa sid Yerusalim A. 9,51-13,21 I keso bahagi di kinapamanahan di Yesus B. 13,22-17,19 I koduvo bahagi di kinapamanahan di Yesus C. 17,11-19,27 I kotolu bahagi di kinapamanahan kumaa sid Yerusalim ). IV. 19,28-24,53 I kasansaraan, kapatazan om kogulianan di Yesus A. 19,28-21,28 It a-ko piro ot adau sid Yerusalim i Yesus Panarangan bahagi di korikatan vagu di Yesus sitid pomogunan. B. 22,1-23,56 I kapagasan om kapatazan di Yesus Kananganko i kapatazan di Yesus sid kazu do sangkap C. 24,1-53 I kinogulianan di Yesus Ringkasan dari Penerangan injil Lukas. I Surat di Paulus pakaa sid Efesus I Keso Surat di Paulus pakaa sid Tesalonika Keso om koduvo surat di Paulus pakaa sid di Timotius Tafsiran Yakub
nalad 2 3 11 30 56 77 90 94 96 97 102
105 128 149 157 167 1
Pongosusuzan
174
Panarangan dit Injil Lukas Umpatod: Iadko i Injil di Matius manarang-po laid it Injil Lukas dit anak-po i Yesus om i kinosinaan dau, iri-ogi sumusui i Lukas di vaza dit Injil Markus mongusul di gama di Yesus sampai sid fasal 9,50 om antad sid Fasal 18,15 pengavi. Sid pialatan dot fasal 9,50 sampai f. 18 varo-po laporan kananganko i kinapanahan di Yesus kumaa sid Yerusalim (9,51-18,14). Sid laporan dino varo't a-ko piro ot ongotuturan om suriban di bai i Lukas nokohondom om varo-po a-ko piro o hal di miabal sid injil di Matius. I laporan dino mongohodtol dot i sokoviai i pangalaman di Yesus dino di najadi sid tanga do ralan kumaa sid Yerusalim. Iti-no ot ohorotizan tokou, i Lukas nokelo dit Injil di Markus om i pongumpugan dot ongotudukan di Yesus. Ong varo boros dot ogumu ot ongohabal laid diri di minongusul di Yesus, ino dino okonko bai i Markus om i pongumpugan dit ongotudukan dati. Topot asot elaan tokou biano dot nunu banal ino, nokosurat laid ino ko bai usul dit ohondom dot ulun sid gama monuturan om manangon. Vokon-no o kinelaan di Lukas ong sid gama dau monginsosok dot ulun di nakasasi ko nokovozo di Yesus (iadko i tuturan sid Lukas 24,13-35). Isai-ka i Lukas? Sid ensanan it Injil dino, a-insan karait i ngaran di Lukas. Bai hiza di kovian dit abad ko-2 om varo-ogi boros di Ireneus do manarang, ombo it injil noumpug sid Kitab Vagu. Sino dino manarang i Ireneus dot i Lukas, i minonurat dit Injil, nga i Lukas di narait sid Filemon 24 om sid Kolose 4,14. Rontob-nopo, ong mamasa tokou dit Usuran dit Ongorasul, varo't a-ko piro o hal om tuturan om panarangan di tanid mantadko i vaza di Paulus mongusul di dau do pangalaman sid tanga do ralan om i gama dau monginjil. Bai ombo it ousul sid UR i retanko, "iokoi" om " dahai", ka, mad antad sid boros om surat di Lukas dino. Amu elaan tokou do siombo ot inintoronon di Lukas hiza di minonurat iosido dit Injil, sid Antakia, ka, ko siombo? Ino-no ot atalahas, nokelo i Lukas di Kitab Ibrani sid solinan sid boros Yunani, ino-no i Septuaginta. Okonko ulun do Yahudi iosido, baiko ulun di nakamung-no sid Ugama Yahudi. Topot amu nosunatan iosido. Isuhut di F. 1,1-4, okonko iosido o nakasasi di kobuatano di Yesus om okonko mato dau o nokemot sampai okonko ulun iosido do Palistina. Mad hiza di 80-han i nokosurat it Injil dino, guluko it Usuran do Rasul. Topot a-nokelo i Lukas dit Injil di Matius.
I tinomod di Lukas monurat 1,1-4 Onibak o panarangan di Lukas kananganko i tinomod di gama dau monurat dit injil dino om nokokuro dot iosido o monurat sampai i kopotutan dau monurat. Elaan dau dot i kososizan di kavazao di Tuhan Yesus dino okonko hal do misingkavaro, inoi nga agazo o kogunaan pasasi sid ongoulun Kristian di Tuhan Yesus, supaya mangasip om sumuhut ioti di Kristus. Okonko i Lukas o nokogulu minonurat do mongohondom om patahu sid buuk di boros om gama di Yesus. Gam varo-no laid it a-ko piro ot ulun di minonurat om minongusul dino. Iti-no o sabap katama i Lukas mamung sid gama mongusul om mangarantang di tuturan di Yesus. Sabap, kodung varot ongoulun Kristian di mangasip sid di Yesus, tiining banal dioti it onsi di boros om gama di Yesus sampai ozi dot varo buuk dioti di mongohondom dit usul dino. Sabap ong bai monuturan-nopo it ongoulun di kobuatano di Yesus, amu ensanan ohondom i sokoviai i tuturan ko varo vaza monimban ko pamung om polingan dit a-kopiro o hal. Banal-no, i mula-mula, it ongorasul om it ongoponulung dioti bai kabang sinumasi di Yesus sampai jinumadi i gorija (UR 2). I hiza diri, iso nga aso-po't injil sid palad dioti dino. Na sid hal diti osusa tokou monodiri. Ong duvo ko tolu ot ulun sumasi dot iso o hal om iso pangalaman, tantu mad tolu o tuturan om tolu o kososizan dit amu enizo. Vokon-no ong mad tolu o tuturan dit a-kopionong sampai kikobuatano dot okonko iri-no ko iri o hal ot ousul. Ino dino, sabap i mato om tolingo do tolu ot ulun okonko enizo memot om mongining sampai okonko enizo o nahandaman di nemot om nening. Ombo i dau dot oruhai rumamit, ino-no o nahandaman. I mato om i tolingo om utok dot ulun amu miabal do pangagambaran om kaset di manangkap kavi i boros om buatan. Ong mato ko tolingo om utok dot ongoulun, bai toriso-iso o hal rumamit om mongohondom om mongusul-po. Sabap ino, ong tolu ot ulun mongohondom dit iso o hal di nakasasi, suvai i kososizan di tolu it ulun dino om otimung-ogi i tuturan om usuran dino, tu suvai nokopiamung i tolu i kososizan dino om arangkap-ogi i pangalaman om hal dino. Pengkaa dino i hiza di nokogom i Lukas, tu monurat dit injil dau. Varo-no laid it a-ko piro ot ongosurat dit torisoiso it ulun Kristian sid tasantanid-tanid o tampat om piumpugan dit amu enizo o laporan, isuhut di pangalaman dit ongorasul om i vaza dioti mongimbulit sampai polombus sid ongopiumpugan di pangalaman dioti dino, om iri-ogi it ongoulun di nokening di kososizan dino sampai nokotimpuun ioti do pazazad di kososizan dit ongorasul. Sabap varo dara't ulun di monginsosok di Lukas dot, Nokokuro-ko-ka, tu monurat-ko dot Injil,ka, ino-no ot ambat di Lukas, Ioku diti, ozi pasasi di Yesus iadko ioti diri. Aso bida, i dioti om i dohon do tomodon monurat. Aso boros di Lukas dot amu avantang om amu atag o kinososizan dioti diri. Rontob-nopo, mad amu-po otimung om amu-po noumpug i sokoviai i tuturan di Yesus o kiniro di Lukas. Kagi i kiroon di Lukas, amu miuma do bai manalin dit ongosurat di varo-no laid. Suvai oumpug banal om oinsasakan banal i vaza do kosusuhutan dit ongopangalaman dino om atag-ogi. Tanid mantadko ino, varo`t ulun di mad minindamo di Lukas do momorisa om mongimpuras banal dot ombo it otopot kananganko i tuturan di Yesus. Iti-no o sabap minonurat sampai minongirim i Lukas dit Injil dau sid koubasan dau Teofilus dit inonsi laid dau ombo it norongou ko nabasa dau 2
sampai nening dau sid ongosasi di kobuatano om gama di Yesus, antad di Mariam, it idi di Yesus sampai sid Keleopas, it ulun antad sid Emaus. Manjadi it ongopiumpugan om iri-ogi it ensanan i gorija kodori diri tinumorima dit Injil di Lukas sampai minongitung dot it usul om tuturan di Lukas lobipo kiguna mantadko i kogumuai it ongosurat vokon diri, dot alaid-nopo, siombo-nopo nga varo-not ulun Kristian om gorija, napakai om nabasa-no it Injil di Lukas. Kogulu mongohodtol i Lukas i tuturan di Yesus, ino-no tuturan dot otopot. Ensanan it ongousul om tuturan di varo-no laid om i-po di Lukas, okonko bai tangon ko hovo-hovoron om kiroon dot ongoulun, inoi nga najadi-no om nokelo-no kavi it ongoulun Kristian. Sabap ombo-nopo i nousul dino, nga antad sid kabang om kososizan dit ongorasul, dot it ongorasul, mato dioti kondiri o nokemot di gama di Yesus om tolingo dioti kondiri o nkening di boros di Yesus. Gam ioti kondiri sinumusuhut di tugas om gama di Yesus sampai pinahabal di Yesus Kristus om i sokoviai i nososizan om naramit dioti, kananganko i Yesus, i Kristus. Ong bai minanangon ioti diri, gam bungou dioti om lobipo obungou, ong i Lukas nga pamung-po do tuturan dit aso tantu-tantu. Topot ino surat di Lukas, tantu boros om gama di Yesus, isuhut di kososizan dit ongorasul, ino-no i kogozoo di gama do Kinoringan manamod di riniba. Ino habal om katapatan dino, a-milo-milo ihabal om ilombus sid ongoulun, supaya ensanan i riniba kadapat mongining om mangasip. Na it ongosurat vokon om i di Lukas, iri-no ko iri, inanu i habal antad sid kabang om kososizan dit ongorasul. Ino-no rontob, amu enizo om amu otimung it ongolaporan sid ongosurat diri. Amu enizo it ongotuturan di nokosurat-no laid. Ombo i nening, ino-no o nokosurat dau. Amu enizo o gama dot ulun mongusul. Varo't onibak o gama mongusul, varo't anaru-naru o gama monuturan om manarang dot toriso-iso laang o kobuatano om kavazao ko kosunuan. Na i Lukas, tu ulun di nokosikul iosido, manarang do kuran o gama dau minongimpuras om minonginsosok dit ongoulun di kipangalaman di kasamakan sid di Yesus. Minongindugut banal iosido dit ongotuturan do magavi pamung dot ombo it kadapat dau antad sid ongorasul om it ongoulun di nokening di kososizan dit ongorasul. Noumpug-po, iri-ogi sinusun-no sampai rinantang-no dau i sokoviai it ongotuturan dino, pinisusuhut-suhut-no dau it ongoliang di kosunuan dino. Kenginan di Lukas, oruhai o gama dot ulun mamasa om humarati di kavazao di Yesus antad sid kinosinaan sampai sid kinendakadan dau. Ong bai monuturan om mongusul sid tanga do piumpugan, bai i tasambahagi-hagi i koposizan di Yesus ot iusul. Topot ong monurat do buuk, sokoviai it ongohal kadapat pogili, isuhut di hiza om kinojodian. Ong bai mengkhotbah om mongusul di Habal do Kovosihan,, ombo i tomodon, ino-no ot ituduk di ponulung om i rasul diri. Ong surat banal, lobipo atag dot ahatul o gama mongusul om monuturan. Ong kabang monuturan, it ulun di mongining kadapat mongoduat. Ong mamasa do surat, amu kopitoguvang it ulun di mamasa dit ulun di monuturan om mongusul sid surat dino. Suvai otimung-no laid om arangkap o tuturan om atag-ogi i buuk om injil. Na i sabap do monurat i Lukas dit Injil dino, varo koubasan dau, ino-no i Teofilus. Ino Teofilus minonuhu ko minindamo di Lukas do monurat di pangalaman om nongohajangan di Yesus. I Teofilus dati diri o minamalanja di Lukas, supaya moriat i Lukas mirimpanau om monolioso sampai monginsosok, iadko it ulun sid TV om sid Radio om Surat Habal mirimpanau, supaya kasasi kondiri dit ongohal dit nakahabal. Ong i Teofilus dino mad ulun di retanko YB. Nokening laid i Teofilus di Habal do Kovosihan. Topot kakali opiduvo i ginavo dau dot ulun iosido do porinta sampai kakali amu-po olumbatos iosido mangasip ko amu. Kagi, okonko enizo it ongohabal kakanganko i Yesus antad sid Nasaret. Iti-no o sabap do tipokihabal iosido di Lukas dot ombo it otopot sid habal dino. Na i Lukas pavalang om manantu di tuturan kananganko i Yesus om mongohodtol di gama mongonsug di Teofilus, supaya mangasip i Teofilus. Lavis: Alambat dati pojodizon do palan it apat i ayat dino, minsanko kiguna banal bahagi dit ongopiumpugan. Duvo o hal o tarangon: Keso, kuran i kinojodizan do Kitab. Atalahas, i Lukas o minonurat. Harati, riniba o minonurat, minsanko ensanan i Kitab retanko BOROS DO KINORINGAN. Kasip tokou dot i Lukas o notunda do Sundu sid saralom di gama dau. Koduvo, Nunu o kogunaan do Kitab? I tokou riniba otugoling. Ong aso surat, ogumu o habal sid kodori diri dot a-milo-milo nga atagak antawa nosimban. I kogunaan do Kitab o ino-no, kopihatan di kosipan tokou. I. 1,5-2,52 It usul dit anganak-po i Yahya om Yesus. Pinogulu di Lukas manarang, varo hiza di Yesus do varo kososizan, ino-no Yahya kananganko i karajaan om hoturan do Kinoringan om i gama do Kinoringan mongingut di riniba muli sid kenginan do Kinoringan. Ino Yahya (Yohannes) dino mad ulun di minonodia di ralan di Yesus. Ong raja ko ulion do pomogunan mamanau mangaraun do pomogunan, tantu varo`t ulun di mogulu mamanau sampai pentahan dit razat do sumodia om monodia di kosukupan bahagi di panahon di raja. Na inot ulun di baiko mogulu di Yesus rumikot sid razat, miluu di Yesus, tu kosino sid saralom di kovosihan om suromo om kenginan do Kinoringan.
3
1,5-38 Nokentahan-no it ongokosinaan dit anganak Banalko nokopiakan i duvo i tuturan di kosinaan di Yahya om i Yesus. Yahya Yesus Pentahan di kosinaan 1,5-25 26-38 Kinosinaan 1,57.. 2,1-20 Kinosunatan om pinungaranan 1,59-66 2,21-24 Monorima kaseh om mamahanda 1,67-79 2,25-39 Kinosurutan om kosukadan 1,80 2,40 1,5-25 I malaikat pinentahan di kalandazan di Yahya i Minomodsu Inintodon di Lukas monuturan i sid panambayangan sid Yerusalim, i tuturan do kuran di Kinoringan kumiboros vagu di bansa dot Israel om ponong sid ensanan i riniba. I harati, i gama om boros di Yesus nokopisuput sid gama laid do Kinoringan mangagazad om monunda di bansa dot Israel antad sid Masir sampai i hiza di kakali i porinta Rom manansanganu di pomogunan dot Israel (ko Palistina). Gam, iadko nokentahan-no laid sid di Ibrahim (Kotimpuunan 12,1-3), sid di Yesus mimbulai om tumuluk-no i barakat do Kinoringan ponong sid bansa dot Israel om lumombus-po sid ongobansa vokon. Na i Zakaria it imam di banalko atatap. Iosido kadapat tumoguvang di padaha sid rinuvang do panambayangan om sumuvang sid ongkob dot osusi, it osomok sid ongkob di retanko ongkob dit intoronon do Kinoringan. I savo di Zakaria, antad sid rurungan di Harun, i rurungan dit pongonuvan dot ongoimam, i mangahatul di gama sumambayang di bansa dot Israel om Yahudi. I minisavo do iadino kadapat polombus sid anak dau do kusai di tradisi dot imam. Ino-no rontob, ong ioti Zakaria, aso't anak dioti dino do nopenglohing. Suvai nopoporizan-no i Elisabet om nentahan-ogi di malaikat ioti do maganak-no i Elisabet. Gam inot anak dino retanko Nazir, ulun di nisodiri bahagi do Kinoringan. Okonko insan-no do varo tuturan sid Kitab do varo malaikat pentahan di kosinaan dot anak. Imatai sid Hakim, ino-no i Simson ko sid 1. Samuel 1-2. I ponuhu do Kinoringan, Malaikat, pentahan sid di Zakaria dot mogontizan i savo dau, hiza di kakali sid rinuvang do panambayangan iosido om kakali amu-po nopongo iosido manambayang, tu kakali niuumpug i razat sid natad do panambayangan. Sabap ino, ino habal kananganko i anak dino okonko hal do pribadi di Zakaria rontob, inoi nga hal di razat di noumpug sino. Ong i Zakaria kondiri, penglohing nokopongindamo iosido dot anak sid Kinoringan. Topot alaid om kotimpa-ogi di Kinoringan, na amuno nakasip iosido. Suvai nobobou-no iosido om nakaharati-ogi iosido di suromo om kenginan do Kinoringan. I ngaran dit anak, Yahya (Yohannes), i harati, Kikovosihan i Tuhan, ka. Okonko bai i Zakarias o tiumomon hiza di kinalandazan dit anak, inoi nga i kogumuai dot ulun nga nokohogizo sid katamanan dino. Sabap it ulun dino kiguna om pakakas do Kinoringan ponong sid kosopulan di riniba (ong nokosurat dot, Sokoviai, ino-no o harati sid boros Ibrani = ensanan i bansa). Pinakai do Kinoringan i Yahya bahagi sid gama manansalamat di riniba. Iti-no o sabap dot ulun iosido dit nisodiri sid pialatan do razat. Ino dino atalahas-no: amu gumavul iosido sid ulun om amu milang makan om mopud iosido sid tanga dot ulun. Iosido dino ulun di nakatanid bahagi do Kinoringan (NAZIR= ulun dit nisodiri). Varo adat do Nazir dot a-kavasa minum dot inumon dot osiou ko kakanan dot amu halal (imatai sid Hakim 13,45) Ong sid Momogun, kodung varo't ulun moguru ko mokikokobol, suvai atarang ot akanon om inumon dau dot amu kagavul iosido sid hal do koubasan. Minsanko sid Momogun varo keloo kananganko it ulun di kitugas do iadino, it osuvangan do kuasa antad sid savat (sundu). Na i Yahya dino, antad di kinosinaan dau sampai pempatai, oluhungan iosido di Sundu dot Osusi. Sabap ino, ensanan i gama, boros, tugas, kavazao, bahazan dau, nga sid palad iosido do Kinoringan sampai osodia iosido do jumadi do ponuhu om pakakas do Kinoringan. 16-17 I habal dau do nabi iosido, isuhut di bahanda laid di nabi Maleaki (3,1+21-24) i no-no, Pouli iosido di bansa dot Israel sid Kinoringan do iadko i gama laid di nabi Eliya. Nitarang-no laid i tugas dit anak dino. I Yahya monodia dit ongoulun, supaya koriat om kotibang ioti do minsamung dit ulun vagu, ino-no i Minananggung. Sid gama dau monodia do iadino, varo't a-ko piro o hal dit a-milo-milo atagan, ino-no, varo pioduhan om kopiguvelan sid pialatan dit anganak om ongomolohing, om ogumu o koguvelo dit amu tumorima di kabanaran do Kinoringan. Iti-no o sabap, do iadko i nabi potorontog vagu di bansa dot Israel di noutatangan om mihaba-haba, i tugas di Yahya pengkaa dino, potorontog om popiandus dit ongoulun, supaya ensanan it ulun mongining om sumuhut vagu di kenginan do Kinoringan sampai osodia ioti do kumavid di kovosihan om kobinsianan do Kinoringan di rumikot-ogi. Ong varo hal vagu di kembulai, oruhai i solumpak vagu tumorima di hal vagu. Iti-no o sabap do varo pioduhan sid pialatan dit ongotuo om i solumpak vagu. Sabap kenginan dit ongogulu-gulu, amu osimbanan i bahazan om kavazao om hoturan ko kaadato. Topot bang i Kinoringan mongimbulai do hal vagu om vazaan vagu do minsomok sid riniba om sid bansa dot Israel, dot a-milo-milo it ongoulun nga tumolikud sid kavazao dau laid sampai tumoguvang-no ko muli-no sid Kinoringan. Iti-no i tugas di Yahya, pouli dit ongoulun sid Kinoringan. 18-20 Na ino habal di malaikat banalko tanid mantadko i habal laid dit ongonabi. Iti-no o sabap, do minsanko i Zakaria, it imam i penglohing sid tinoguvangon do Kinoringan, amu nosodia do tumorima di habal dino, gam mokitahak iosido do tanda. Mongohodtol i Zakarias dot, Ioku diti, lumohing-no, ka. Topot i timpa di malaikat, Ioku diti i Jibrail, ka dau (i harati di ngaran dino, It ulun sid tinoguvangon do Kinoringan). Manjadi i tanda dino 4
minongimbulai, gima amu nakasip i Zakaria. Topot tinumabang i tanda di Zakaria, supaya alaid-nopo om mangasip-no iosido. 21-25 Minsanko it imam do kipangkat, kakali dot a-kavasa dot alaid iosido sid rinuvang do panambayangan, sabap ong alaid sino, rumosi i razat do varo kosusaan. Nelaan di bansa dot Israel do kodung kotoguvangan sid Kinoringan di mad apui humandab om osorob ot ulun (Ulangan 4,24). Na i Zakaria, hiza di sinumoliu iosido, anokobongut, tanda dot notudu iosido di suromo do Kinoringan. Iti-no o sabap dot osusa-no i Zakaria muli sid kampong dau. Om i savo dau, i Elisabet, nga minuvung-no sid valai dau dot limo vulan, tu agazo o ginavo dau monorima kaseh sid Kinoringan, gima sinianan-no iosido do Kinoringan. Ong ondu di bansa dot Israel, ong tamanang, banalko osusa, tu i kiroon dau, mad nolupu iosido do Kinoringan. Imatai sid Kinotimpuunan 30,23 i Rahel, savo di Yakub. Lobipo ong i savo dot imam. Tu ong kianak iosido do kusai, tantu inot anak dino jumadi-no vagu dot imam sampai polombus ko monungkus di gagamaon di turunan ponong sid Kinoringan do manambayang om tumoguvang di meja do Kinoringan, ka di kiroon dot ondu. It aso-pot anak di Elisabet ko i Hanna sid 1. Samuel 1, mad ulun dot kikihizon dot ulun vokon. Iti-no o sabap, ong kodung mogontizan-no i Elisabet, ounsopot banal i ginavo dau, tu lobipo abarakatan iosido mantadko it ongoondu vokon, tu it anak dau dino jumadi do nabi. Iti-no o sabap do minuvung i Elisabet. Amu ginumavul iosido dit ulun vokon do sampai limo vulan. Ong i savo dau, i Zakaria, minobou-no. Linumohingi sampai rumuzou-no ioti. Topot naranzati ioti, minsanko lumohing-no, tu antad sid kosunduvo do Kinoringan. Lavis: Duvo o hal vagu: Keso, sid gama dau porikot di kosopulan do riniba, i Kinoringan mongoguna dot ongoulun dot osibak. I Zakarias om i Elisabe nousiba dot ulun, tu aso't anak. Topot ioti-no o nopili di Tuhan. Koduvo, I Zakarias amu mangasip di boros di Jibrail dot, I pinta-dua-nu nening-no do Kinoringan, ka. Inono tanda dot amu avantang i gama minta dua, ong kakali opiduvo i ginavo. Nonong i Zakarias do hukum dot a-kobongut. Mad avagat. Topot mihiza do mad avasih o hukum. Tu popurimon dau do kikuasa banal i Kinoringan sampai manahak do kotibangan mongitung om mangatag di ginavo dau. 1, 26-38 I malaikat pinentahan di kosinaan di Yesus Tanid-no ong i kosinaan di Yesus. Sumuni i Mariam ret-retan-ogi do kusai, najadi-no iosido dot idi di Yesus. I harati, it anak dit antad sid kuasa om Sundu do Kinoringan jumadi dot anak di kiama, gam it pinakama dau dino, nga turunan di raja Daud (2. Samuel 7,12) Iadino o gama do Kinoringan monuluk di nakabahanda laid di nabi sid raja Daud (Yesaya 7,7 om 9 om 11). Ong i tampat dino, okonko sid panambayangan ko sid ibu kota Yerusalim, inoi nga sid kampong. Kitugas vagu i malaikat Jibrael, ino-no sumamung di Mariam di sumunii. Aso boros di Mariam dot okuro-kuro i malaikat. Bai i boros di malaikat ot agazo o harati. Ensanan i gama antad kavi sid Kinoringan. Ino-no i vaza manansalamat: Salamaleikum, ikau dino ulun dot nanangan do kovosihan di Tuhan, ka. Minsanko nokotikab i Mariam, nga kakali hinumarap iosido om minangasip sid Kinoringan. Nening laid dau i ngaran dit anak, ino-no i Yesus, i harati, Monulung i Tuhan. Sid ngaran dino atalahas-no it inantadon dau. Atalahas-no dot it anak dino antad sid kovosihan di Tuhan iadko i Yahya, i retan do Kikobinsianan i Tuhan, ka. Ong it anak di Mariam, Anak dit asavat banal, retan dot Anak do Kinoringan, sabap antad sid Kinoringan o tugas om koposizan dau. Siti nokembulai-no laid i bahanda di notuluk-no sid UR 1,6-8, i nokentahan di Yesus i kuasa om Sundu dau sid kinoruhangan dau. Pengkaa dino nokosopol-no poboros i karajaan dit aso rontob. Bai iso-no o dinuat di Mariam, Kuran dino, ka dau. Iosido diri reretan-ogi di Yusup, topot amu-po nokopisavo. Iri-ogi manarang-no i malaikat do iadko i kinourugan do vinangun diri varo gama do Kinoringan mongurug vagu dot okonko dang riniba o gama. I kuasa do Kinoringan, i retanko Sundu dot Osusi o mongimbulai dit anak dino. Ino dino iadko nodundungan dot ondig-ondig i Mariam, iadko i mituvong di minongodundung di bansa dot Israel sid tanga do belantara diri (Kolobusan 15-20), ino-no o gama di kovosihan do Kinoringan mongodundung di Mariam. Iti-no i kososizan di kosipan dot ulun Kristian, ong sid ugama vokon i hiza diri varo tangon dot i raja do pomogunan ot inontizan do sumuni gima rinompit di pinokokinoringan, ka. Topot sid tohudi, i piumpugan dot ulun Kristian sinumasi dot ino-no i gama di kuasa do Kinoringan i minongurug dit avan om i tana. Iosido o minongimbulai dit ulun vagu. Ong i Mariam, gam natahakan-po iosido do tanda om bahanda, ino-no, i pinsan dau, i Elisabet kitizan do lumohing-no iosido, i gam nopoporizan-no. Okonko bai i Mariam o nokotorima di kosunduvo do Kinoringan, inoi nga i pinsan dau, nga iadinoi. Ino dino tanda dot aso rontob di kuasa om kovosihan do Kinoringan. Bai iso-po ot elaan di Mariam tumimpa: mangakun iosido, "tu uripon-oku di Tuhan", ka dau. Lavis: Insan-po vagu pomili i Kinoringan dot iso ot ulun dot osibak, jumadi do pakakas dau. Ondu do sumunii antad sid Nasarat do Galilea. Iosido dino tantu aso hormat sid bansa dot Israel i hiza diri. I Mariam tanid mantadko i Zakarias. Kemozo banal. Ioku diti uripon di Tuhan, ka. I gama di Mariam dino suntuan bahagi di tokou. 1,39-56 I duvo o gama do Kinoringan di kopiakan: misamung i duvo it ondu om i longoi di Mariam. Nening-po di Mariam dot kitizan-no i pinsan dau Elisabet, tipagandaha-no iosido di Elisabet. Minagandaha-no 5
i Mariam di Elisabet sid kampong dioti, i sid koburulan do Yahuda. Iosido dino bai 15 sampai 16 toun ot umul. Na i kosoduo di rikoton dau dino, tolu ko apat adau mamanau om korikot-ogi. Okonko osomok o panahon dau. Aso bongut di Zakaria om aso boros kananganko i Zakaria. Bei i duvo it ondu o minoboro-boros om minihabal om kopisalamat. Gam it anak di kakali sid tizan, mad manansalamat-no, tu sumulag sid tizan. Iri-ogi mamarakatno i Elisabet di Mariam dot apatong o boros mongolumbatos di kogozoo di gama do Kinoringan sid gama mongindazou do Kinoringan. Iri-ogi mindolongoi i Mariam, isuhut di tradisi di bansa dot Israel, hiza do varo pangalaman di kogozoo di ginama di Tuhan. Imatai sid Kolobusan 15,1-18, Bilangan 23; Ulangan 32; Hakim 5, 1. Samuel 2, Yunus 2 om vokon). Ino-no i longoi dino 46-49a i pangalaman dit isot ulun (Mariam: ioku, ka) kananganko i tunda om gazadan do Kinoringan 49b-53 iri-ogi i pangalaman di kotulungan do Kinoringan sid sokoviai 54-55 sampai i pangalaman antad di kodori om ponong sid tohudi't adau. Sid boros di Elisabet om i longoi di Mariam miaambat-no i duvo it ondu om i tizan di Elisabet iadko it iso o piumpugan di noumpug do mongindazou do Kinoringan o tomodon. Sumulag it anak sid tizan. Humigak-po i Elisabet om iri-ogi mindolongoi i Maria. Sid gama di iadino kembulai i gama di Sundu dot Osusi (1. Kor. 12,3) dot isot ulun nga aso momoros dot, I Yesus o Tuhan,ku, ka, ong okonko sid saralom di Sundu dot Osusi, ka. Gam i longoi di Mariam jumadi do pomintaan dua sid Kinoringan. Kinoringan tumorima dit osibak it ulun, tu pajadi dit ulun dino do pakakas di kovosihan dau. Okonko it ulun di randavi om borontuvilon ot opili sampai kiguna sid tinoguvangon do Kinoringan, inoi nga gam it ulun dit aso ngaran om gam kikihizon ko hak om kuasa. Ensanan i kuasa om guna dot ulun di pakakas iosido do Kinoringan, antad kavi sid Tuhan o kogunaan dau. Bai i kuasa om ngaran do Kinoringan o kiguna. Gam i hoturan di karajaan do Kinoringan potuntuvad di hoturan di dang riniba. I kingaran om i kikuasa rumatu om humaba sid tinoguvangon do Kinoringan. Sabap i Kinoringan o pensavat om momungaran dit ulun dit osibak om aso ngaran. Topot pahaba om patanus dit ulun vokon di nokokiro dot ioti o manansanganu di sompomogunan.. Pentahan laid di Mariam i hiza di rumikot-ogi, kananganko i gama om kobuatano di Yesus, ino-no i hoturan di karajaan do Kinoringan. Sid tohudi, kondiri di Yesus posondot dit onsi di longoi di Mariam sid Tudukan sid Burul (Matius 5,3-11) om sid Lukas 6,20-26. Ong Kinoringan o mangahatul, tantu olumpatiu i hoturan di dang riniba: it asavat ensibakan om it osibak ensavatani. I lumundu sumikim om it musikim, nga varo kosukupan dau. 56 Tolu vulan i Mariam pentoron sid pinsan dau sampai minuvung sid valai di Zakaria. Suvai minuli i Mariam sid molohing dau ong torousuvo-no di Elisabet. Sabap musuvo-po i Elisabet, alanta-no banal i kousuvan dau sampai nokoronuw-no i kobuatano dau dino. Topot ong i Mariam, kakal amu-po nasavo. Ulun iosido dit amu-po alanta i kobuatano sid tinoguvangon do razat. Lavis: Atalahas dot osusa i Mariam, mogontizan-no dot aso-po savo. Sabap ino mogidu-no iosido. Topot anotibang momoros it ongokosusaan dau dino, gima i panansalamat di Elisabet. I Kinoringan mananus di kahangkaban, om ioti miduvo dino sompi mongindazou do Kinoringan. I longoi di Mariam notunda do Sundu. Tumimpuun momoros di hal om pangalaman dau kondiri. Topot asongkuro iri-no kovosihan di Tuhan sid ensanan i bansa dot Israel o boroson dau, obuli momoros sid sokoviai i riniba. I longoi di Mariam nokoponginsasamod-no dit ogumu ot ulun, i sid tanga do kosusaan. 1,57-2,40 I kosinaan di duvo it anak dino, i Yahya om i Yesus. Varo-no vagu duvo o kobuatano di mikadu-kadu. Yahya Yesus 1,57-58 kinosinaan di Yahya 2,6-20 kinosinaan di Yesus 1,59-63 kopungaranan di Yahya 2,21 kopungaranan di Yesus 1,67 I gama di Sundu do Kinoringan 2,251,64 I vaza mongindazou do K. 2,27b-28 1,68-79 I longoi di Zakaria 2,29-32 I longoi di Shamun 1,65-66 i timpa dit ongoulun 2,33 It ongoulun tumimpa 1,80 I kosurutan om kosukadan dit Yahya 2,40 I kosurutan di Yesus Bai it ongoayat 2,1-5, 8-20, 22-25c om 34-39 amu miabal di tuturan di kinosinaan di Yahya. 1,57-66 Notuluk i bahanda om kalandai i Yahya. I hiza di kinousuvan retanko kotulukan di janji om bahanda do Kinoringan, iadko i hiza di Ribka (Kinotimpuunan 25,24). Okonko bai i Zakaria songongkob, minsanko i varis om it ongosombol humarati di ginama do Kinoringan sampai mamung sid katamanan dioti dino. Siri-ogi varo tuturan do kopihiza di gama monunat dot anak momungaran-po dot anak. Engin dara i varis do potungkus di ngaran dit ama Zakaria, gima bobou iosido. Topot mangamu it idi Elisabet, tu isuhut di boros di malaikat dot, i Yahya o ngaran dit anak dioti. Iri-ogi mongogorot-no ioti di Zakaria, tazon-ko mamanal iosido di kenginan dioti dino. Topot mihiza monurat i Zakaria di ngaran Yahya om kalabpu-no i ngaran dino sid kabang, sabap kobongut-no vagu i Zakaria. I tuturan momihot di kelemahan di Zakaria. I varis gam minangapoi di Zakaria. Amu atalahas dot iosido okonko bai bobou, inoi nga bobung-po, tu mangapoi ioti. Iri-ogi mimbulai i kosunduvo do Kinoringan, tu tigogi koboros-no vagu i Zakaria. Sid hal dino 6
mimbulai dot okonko i varis ko i molohing o kikuasa bahagi dit anak dino, inoi nga it anak Yahya antad sid palad om kovosihan do Kinoringan ponong sid tugas sid tinoguvangon do Kinoringan. Na sid gama di Zakaria do iadino otontuan-no do biano mangasip-no i Zakaria. Nengkod-no i kopiduvaan di ginavo dau. Kagi i boros dau di kogulu kalabpu vagu sid kabang, nga atandas boros do mongindazou do Kinoringan sid saralom di longoi dau (67-79). Manjadi, i hal dino nakazazad-no sid daerah do Yudea sampai it ongoulun di nokorongou di habal di kinosinaan di Yahya om i kosunduvo di Zakaria, songvongo-vongo om songduat-duat kananganko i kosondoto di ginama do Kinoringan om i Sundu dot Osusi, gima it anak Yahya. Lavis: It ongoulun ohigak, tu kianak-no i Elisabet do minsanko lumohing-no. Sid tohudi sid saralom di gama momungaran humarati-no ioti dot okonko baiko it ongkob dioti miduvo dino o netung do Kinoringan, inoi nga i kobinsianan do Kinoringan rumikot sid sokoviai it ulun. Harati di duvo i ngaran: Zakarias = I Tuhan mongohondom. Yahya = I Tuhan kikobinsianan. 1, 67-79 I vaza di Zakaria mangarazou do Kinoringan Iri-ogi noponuan om nosuvangan-no di Sundu dot Osusi momoros om mindolongoi i Zakaria. I longoi do mangarazou dino monimpuun sid gama do Kinoringan ponong sid bansa dau. Nengat di Zakaria dot i kosinaan di Yahya okonko bai hal pribadi dit ongkob dau om kotulukan di kenginan di molohing. Gam sid kobuatano dino sinumampai i Kinoringan sampai monindal, manapul, mangalabus om popiandus di bansa dau. Songkuro-nopo kalaid varo kopurimanan dit ongoulun Yahudi do mad niopung-no ioti do Kinoringan sampai nengkod-no do monunda di bansa dau. Sid saralom dot labaan do duvo natus aso nabi sid bansa dot Israel diri sampai varo pongitungan dit ongoulun do neduan-no do Kinoringan i bansa dau. Tigogi, kumiboros-no vagu i Kinoringan sid ongoulun dot Israel do pavalang di kosusian om kabanaran dau (75), supaya i bansa dau jumadi vagu do bansa di mongoguna om sumamba sid Kinoringan. Na sid kosinaan dit anak Yahya nelaan di Zakaria do kakali osomok i Kinoringan momili om mamakal dit ulion di bansa dau. I sangau do sapi, pongizanan dot umau dit apakai sid gama mamakal do raja (mongumau: Kristus ko Almaseh = it inumahan-no om nabakal-no do raja, ka). Ino pongoretan: kosopulan antad sid ongosangod, okonko bai riniba ot oboros, inoi nga it ongokuasa di momorinta dit ongoulun, sampai i kasalaan di momogos dit ulun, ko it ongopensubaan. 76-79 iri-ogi oboros-po i kosinangan dit anak-po i Yahya. Manjadi, ikau ot anak, ka. Iadko nakabahanda laid di Musa (Ulangan 18,18) do varo-po nabi di monodia di ralan do Kinoringan, nohorotizan-no di Zakaria dot i Yahya o monodia di ralan di Tuhan, supaya i Kinoringan manganavau di bansa dau om it ensanan i riniba, isai-nopo i sid kotuvangan (78-79). 80 Bai siti om noboros-ogi dot i kosukadan di Yahya sid tanga do belantara sampai i hiza do tumimpuun iosido di tugas dau. Ino-no ot ohorotizan di Zakaria sid anak dau Yahya, notuluk-no i janji do Kinoringan sid Ibrahim om i raja Daud, sabap i Yahya monodia di ralan di raja dit rumikot-ogi, it antad sid turunan di raja Daud. Kondiri di Zakaria nakaharati do nakada-no i sala dau, ino-no i kopiduvaan di ginavo dau it amu kasip iosido do varo-po't anak dau. Iti-no o sabap, nopusok-no i ginavo om kabang dau di gama mangarazou do Kinoringan. Iosido kondiri nga nokemumui-no sid ralan do kopioondusan (79), Lavis: Narait i raja Daud om i Ibrahim om it ongonabi kodori. i Yahya baiko mogulu di Tuhan om monodia di ralan dau. I sokoviai iti monong sid kopioondusan. I boros di Zakaria koluu do vaig dit alaid novokok, rumulun banal. Alanta-no do nokopongitung-no om nokoponguog-no banal i hiza dot a-nokobongut iosido. 2,1-20 I Kinoringan magandaha sid bansa dau: I kinosinaan di Yesus. Nousul i iadino, lumombus i tuturan di Lukas sid hal koduvo. Ong varo gama do Kinoringan, okonko bai malaikat o mongimbulai om mangahatul di gama do Kinoringan, minsanko i hukum do Kaisar papanau dit ensanan i riniba. Varo kososizan sid Usuran di karajaan do Rom do varo Zensus hiza dit 6 TGM, dot ino zensus dino, nga miongizap dit sokoviai it ongoulun di nokosuvang sid kuasa do Rom. Topot ong i Lukas momoros: sid ensanan i oikumene, ka, dot i kiroon di Lukas, iso nga aso bansa dit a-kosuvang sid kuasa do Rom. I tinomod di zensus, ino-no, supaya kosukoi it sokoviai i razat do Rom. Dot ong otopot, sid hoturan di Kaisar di iadino jumadi i Kaisar do pakakas di kovosihan do Kinoringan ponong sid bansa dau om it ensanan i riniba. Indoson di Kaisar ong iosido o manansanganu di kogumuai dit ongobansa. Topot minsanko iosido, nga bai pakakas sid palad do Kinoringan. Ong sid karajaan do Rom, retanko i Kaisar Augustus o Kaisar do kopioondusan. Topot i tuturan di Lukas manarang dot i Kaisar bai pakakas sid palad do Kinoringan. okonko i Kaisar ot agazo o guna om panangan. (Kananganko i TGM 6 om okonko TM 1: i hiza dot i Gregor minangahatul di toun porinta, a-nokonong i gama mongizap dit ongotoun sampai nasala-no dot ongoonom toun. Manjadi i hiza do nakaharati di sala dino, aso't elaan do porinta monimban di gama mongiro dit ongotoun.) 4 Na i Yusup, turunan di Daud. Iti-no o sabap dot sid Baitlahim mokisurat ioti minisavo di ngaran bahagi di zensus dino (Mikha 5,1; 2. Samuel 5,7) Tigogi, i bahanda sid raja Daud diri (2. Samuel 7,12), hiza dot 1000 toun katalib, tumuluk-no om osunuan-no. I nokorikot ioti sid Baitlahim, notuluk-no i bahanda do Kinoringan, ino-no, kitizan-no i Mariam minusu-no. Okonko sid Nasaret ko sid tanga do ralan, suvai nakasampai sid Baitlahim om musu-ogi i Mariam. 7
Aso't boros ko panarangan di kinusuvan dino. Onibak i laporan di minusu i Mariam dit anak dau dit iso-ogi. Ong mongohodtol i Lukas do iadino: it iso-ogi, ino-no o tinomod: varo-po't anganak vokon di Mariam (imatai sid Markus 6,3), om varo koubasan dot it anak do kotuaan jumadi dot anak di kitugas sid tinoguvangon do Kinoringan (2,23) Bai sid tohudi nokembulai i tangon, retanko, minsanko minusu i Mariam, nakasasi-no i mongohogkon dot kakali sumuni i Mariam, retanko a-nokinis i kalaput di paganakan dau. Ino tangon dino banalko nokoronuw sid Gorija Roman Katolik, dot alaid-po, minsanko it idi di Mariam, nga iadino, retanko sumuni iosido pempatai. I tinomod dot RC, retanko aso sala di Mariam om it idi dau, tu amu norompit do kusai, ka. Ino-no it atalahas, i kinousuvan di Mariam miabali di pongusu dit ongondu vokon: orualan di hiza do hingoton om opitasa, isuhut di noboros laid sid Kinotimpuunan 3,16. Aso boros kagi do siombo banal i kinousuvan dino: bai sid guakap, ka. Ong i hiza dino, asarok bai iso ot ongkob dit ongovalai dot ulun do kopirusod di pangazam om it ongoulun hiza dot osogit. Iti-no o sabap, varo susumadan sid valai dino dit inanu-no do pangadapan do pongodumparan, gima opusok-no i guakap. Okonko bai ioti Yusup o nokorikot sid Baitlahim do mokisurat do ngaran. Lavis: Varo duvo o tomodon di Lukas do manarang iosido di sera om i siombo i kinojodizan dino. Keso, I hal dino okonko baiko tuturan do iadko tangon, inoi nga najadi banal., I ngaran di Kaisar Augustus nelaan di sokoviai it ulun i hiza diri sampai biano om i Baitlahim elaani, tu sino-no it inantadon di raja Daud kodori. Koduvo, i Augustus dino minonuhu do mongizap di sokoviai it ulun, tu mokigugumu do sukoi. A-nelaan dau dot iosido dino baiko pakakas do Kinoringan do posunu di janji dit ongonabi, supaya i Mananggung kosino sid Baitlahim (imatai sid Mikha 5,1). Iadno dino o vazaan do Kinoringan. It asavat banal i pangkat dau jumadi dot uripon, om i Kinoringan pembulai di kovosihan dau sid saralom do kosibako. 2,8-20 I manaud do domba om it ongomalaikat. 8 I raja Daud, ulun laid iosido di manaud do pangazam sid Baitlahim (1. Samuel 17,15) Manjadi i tuturan di Lukas mongusul dot i piumpugan di nokogulu mongining om humarati sampai sumamba sid di Yesus, ino-no it ongomanaud sid Baitlahim. It ongomanaud, asadapan om osuvaban songkonoruvo do toun sid butul do mangagazad om manaud sampai monunda di pangazam. Bai hiza do vulan ko-11 sampai koduvo akandangan-no i bahanan sid kandang, gima osogit banal. Na ioti ongomanaud jumadi do piumpugan di mogulu mongining di Habal do Kovosihan sampai mongindazou di Minananggung. Nokotigogi do varo ponuhu do Kinoringan (malaikat). Aso boros dot isai i ngaran di malaikat dino. Ong sid 1,11 om 1,26 i Gibrail, ka). Ong it ongomanaud, kotigog sampai momodrosi iadko i Zakaria om i Mariam (1,12 om 1,29) om oonsug-ogi ioti dot, Kada-kou-no korosi, ka. I sabap, varo Habal do Kovosihan om katamanan bahagi di sokoviai it ongoulun. Mad aso rontob laid di Habal do Kovosihan, minsanko ingvalu nopod apakai i pongoretan dino bahagi di bai bansa dot Israel om Yahudi. It anak dino, retan do Minananggung, i manapul, i monindal, iadko sid Lukas 1,47 om 1. Timotius 1,1. Sid hoturan di boros Yunani, varo laid koubasan do momungaran dit ongoulun dit osiou banal iadko i Kaisar, i guru ko i dokutol do Mananggung, gima i kobuatano dit ulun dino kiguna sid razat, ka. Topot i Lukas momihot " o inono i Kristus, i Tuhan" ka. Ino pongoretan Kristus, bai solinan di boros Ibrani "Almaseh" ino-no, it inumahan-no ko i nabakal-no do raja, ka sampai i pongoretan do Tuhan manarang do kikuasa i Yesus miabal ko katalib di kuasa di Kaisar. Iti-no o sabap do mangarait i Paulus sid 1. Kor. 12,3 dot, Ong sumasi it ulun Kristian dot, I Yesus o Tuhan, tantu ino kososizan dino nga ginama di Sundu do Kinoringan, ka. Ino-no i lavis di boros dino, Okonko i Kaisar sid Rom o manansanganu di sompomogunan, tu retanko i Kaisar nga beranakan do Kinoringan, ka, inoi nga i Yesus, isuhut di boros di Yesus sid Matius 28,16-20 Sokoviai i kuasa sid surga om sid pomogunan, nakatahak-no kavi sid dohon, ka. 11 Iri-ogi mongohodtol i Lukas dot ino kinosinaan okonko iadko i koimbulitan di musim manangadau om manampangi, vusakan kouvaan ko himbaan, inoi nga insan-no do varo gama do Kinoringan di iadino, hiza di Kaisar Augustus. Sid habal di malaikat mimbulai i gama do Kinoringan antad sid savat. Topot i gama dit antad sid savat dino sumampai banal sid riniba om sid kosikimo do riniba. Minsanko it ongomanaud do domba nakasasi dot it anak dino "nolopot do tontogop, modop-odop sid susumadan". Sinumampai banal do riniba i Kinoringan. 13-14 Iri-ogi gumiang i surga, it inintoronon do Kinoringan sampai it ongoponuhu do Kinoringan jumadi do kuaya di mongindazou do Kinoringan, gima i kopioondusan di sumampai sid riniba. Osodiri-po i surga om i vinangun. Iti-no o sabap, i kohormatan do Kinoringan i sid savat ponong sid Kinoringan om i kopioondusan ponong sid isai-nopo i nokosuvang sid kenginan do Kinoringan. Ino kopioondusan dino okonko bai kovosihan do Kinoringan sid riniba, inoi nga i Kinoringan popiandus-po dit ongoulun di sumuhut di kenginan do Kinoringan. I kopioondusan dino rumaliu sid ongoulun dino. I hiza di Kaisar Augustus diri retanko i Kaisar o popiaandus di vinangun: PAX ROMANUM, ka. Retanko i Kaisar manansanganau di sokoviai i vinangun om sompomogunan (ombo it elaan dit ulun diri ponong sid Barat) dot ong otopot, otontuan-no it ongovolit di karajaan do Rom. Topot i vaza di Kaisar popiandus om pozom dit ongobansa nokembulai sid tanda di hoturan do Rom. Sabap siombo-nopo i rontob di hoturan do Rom, varo sojal do mikakavid di tanda di hoturan do Rom, ino-no varo songhongkos dot 50 batang sumbiling ko lalapos om iso-po o kapak di nakatanga sid ongolalapos dino. I harati di tanda om bondira do Rom: Isai-nopo i kumodou do porinta 8
Rom, a-milo-milo alapos, ko ong oholian mongodurhaka, opudungi i liou. Ino-no i kopioondusan di Kaisar do Rom. 15-20 Ong it ongomanaud, kodung norongou-no i habal dino, turus minungkazut ioti dot iseso o ginavo humago kumaa sid Baitlahim. Iti-no o tanda di kosipan dioti. Aso pongitungan-po dioti dot a-kavasa mongiduan di pangazam ko kuran om aso kiroon do suvai susuvab om mogkodimot-ogi di hal dino antawa malan ioti, gima tanga do sodop di hiza diri. Nokorikot-po, mongimot om sumasi ioti ombo it norongou sampai monuturan-nopo om jumadi ioti dot umpug di mongindazou do Kinoringan. Kagi, i kososizan om tuturan dioti dino rinumaliu sid ongoulun vokon di sid Baitlahim di songvongo-vongo. Topot it ongomanaud minuli-no vagu sid gagamaon laid polombus manaud dit ongopangazam sid butul. Sid gama dino mangambat ioti do iadko kuaya di mivoli di longoi dit ongomalaikat. Ong i Mariam, tumorima iosido di kososizan dit ongomanaud, inot ongoulun dit amu kagavul sid panambayangan om amu elin ko okosog iadko it ulun do Parisi. Iti-no o vaza do Kinoringan mananggung di riniba. Tumimpuun iosido sid kampong, okonko sid istana sid Rom. Okonko i Kaisar ko i raja sumasi, inoi nga it ongosisiou ot ulun sid butul do Baitlahim. Iti-no i kovongo-vongo di tuturan di Lukas bahagi dit ongoulun Kristian sid Rom. I Kaisar sid Rom monuhu do pouli di sokoviai it ongoulun di nokosuvang sid kuasa dau pakaa sid kampong do dau om dau do kinosinaan. Minsanko i Yusup om i Mariam, a-milo-milo sumuhut di suhut di Augustus dino. Songriniba osusa mungkazut, gima i suhu di Kaisar. Na i Yusup om i Mariam kakaa sid opodok o kampong Baitlahim. Sinono musu i Mariam, nokosusut sid guakap dot ulun. Iri-ogi papanau i ponuhu do Kinoringan dit ongomanaud do pangazam. Ioti jumadi dot umpug di kogulu tumorima di Habal do Kovosihan om kogulu sumasi om mongindazou do Kinoringan, gima i kovosihan dau. Sid tohudi, ino habal dioti ongomanaud lumombus-no kumaa sid Rom (UR 28,14-31). I Paulus-no o mangatod. Iri-ogi i sompomogunan mongining di Habal dino (Matius 28,16-20). Topot okonko i kinokurazan di kinalandazan di Yesus ot agazo o harati, inoi nga i vaza pentahan om pahabal dino Habal do Kovosihan. Lavis: Insan-po vagu mongoguna i Kinoringan dit ongoulun dot osibak. It ongomanaud banalko nousiba i hiza diri. Topot ioti-no o gulu banal kahabarai sampai najadi do missionari di keso banal. Kadan tokou mongitung dot baiko it nokosikul banal o kadapat mangahabal di Habal do Kovosihan. Kadan tokou mongitung dot amu osusa mangahabal di Habal dino sid ulun di nokening-no laid. Kiguna banal i khotbah dioti sid di Mariam. 2,21 I pinungaranan-no i Yesus. Lavis: Onibak banal i tuturan. Topot atalahas-no dot Yahudi banal i Yesus, tu nisuhut-no sokoviai sid adat do Yahudi. Aso tinganan mongitung dot i Yesus okonko Yahudi. I ngaran Yesus (ong boros dot Ibrani Yehoshua antawa Yeshua) varo harati dot I Kinoringan monulung. Ino ngaran iadko pongingutan humarap sid Kinoringan om iadko janji sid ipat-ipat it ulun di sumamung di Yesus. 2,22-40 Asalamat it anak sid panambayangan dot osusi. Iadko sid 1,59-66, ohodtol-no vagu i vaza momungaran dit anak Yesus, mihiza di kinosunatan, isuhut di boros di malaikat. Topot i sunat dino bai arait, gima manarang di sera nopungaranan i Yesus, ino-no adau kavalu, ka. I molohing di Yesus, ulun dit elin sumuhut di hoturan do kabanaran om monuluk di kaadato dot ugama. Miabal ioti di molohing di Yahya (1,5-7). Suvai 40 tinadahan antad di kousuvan om kaamung-ogi vagu it idi sid panambayangan, gam varo't adat do pasamba do dupot bahagi di koponusian om i gama monorima kaseh bahagi dit anak vagu. Ino-no o koubasan, varo dupot, anak do domba ko, ong mosikim, sampasang o burung asang itahak sid imam do kampong, antawa ong osomok sid Yerusalim, sid panambayangan sino. Na i Yusup om i Mariam, iadino o gama. 25 Suvai sid tuturan di Shamun om atalahas-ogi dot sid Yerusalim o kasambayangan ioti. I Shamun ulun dot elin om okosog, ulun di humarap sampai monginud dit adau di Mananggung, na ginazad-no iosido di Sundu do Kinoringan kumaa sid panambayangan, tu minsamung dit anak Yesus. I Shamun dino okonko ulun di novizahan. ong bai nengat i bahanda do Kinoringan dot varo't kotulungan sid tohudi't adau, gam tiimot om tisamung iosido di Mananggung di rumikot-ogi. Iosido tilangad di karajaan do Kinoringan. Ong i tuturan di Yahya, sid panambayangan o pinelo. Topot osukod-po iosido, kinumaa iosido sid belantara. Ong i Yesus, i kahabaran di kosinaan dau sid kampong Nasaret, osodu antad sid Yerusalim. Topot i kinosinaan dau sid kampong di raja Daud om i kapasambayangan do koponusian, sid Yerusalim. Na sid boros om longoi di Shamun dino ohormatan om alanta i kobuatano dit anak-po i Yesus. I Shamun monontuhan dit anak iadko it uripon monontuhan di sanganu. Osinangan i Shamun di nakasamung iosido dit anak dino, tu notuluk-no i sokoviai i harapan om kenginan dau. Mad nokemot iosido di garau dot adau di hiza di lumoput sid kosilahon. Vokon-no it ulun ong humongkob di momurimon dot orikot i sukud dau. Topot i Shamun osinangan, tu i gima nakasamungno di Yesus dot amu-po minatai iosido. Notuluk om nosukup i sokoviai i harapan om kosipan om kogunaan di koposizan dau. Sid longoi dau kagi manarang i Shamun di kogunaan dit anak bahagi di sokoviai it ongobansa. Noboros-no laid siti dot i Yesus o i panganavau di kotuvangan di vinangun om sompomogunan om songriniba. 9
Sid tohudi kondiri di Yesus mamakai di pamarasan di iadino (Yahya 8,12) Ioku-no diti o panganavau do pomogunan, ka, om sid Matius 5,13 Ikou dino o panganavau di vinangun, ka di Yesus sid kinoruhangan dau. Banal-no, i keso o kogunaan di Yesus ponong sid bansa dot Israel. Topot i tomodon dau aso rontob, ka di Shamun. Na i molohing di Yesus bai avangaan vagu. Iti-no o sabap dot i Shamun posondot di bahanda om barakat ponong sid di Yesus sampai manarang dot i Yesus ot origi bahagi dit ulun di mangasip om iadko pampang do kasaado bahagi dit ulun dit opiduvo o ginavo ko pakaso do Kinoringan. Duvo o suriban pakazon di Shamun. Sid Palistina, ong muvalai dot i rinding do valai vatu, suvai pampang ot potimpakan di valai. Sid ongogorija do PCS dit ahago agama dot amu atarang ot pagaman, memot tokou biano do suvai apapag ot pagaman om apapag-ogi i rinding. Om i koduvo suriban, Kodung varo simpangan dot alun alun, ong amu mozo di ralan, tantu kolombus sid kohubangan ko, ong kivatu ko pampang, kodumpau sid vatu dino sampai orungoi i kurita. Minsanko i Mariam kondiri, vokon-no ong opiduvo o ginavo sampai asaadan iadko notibas do karis, ka di Shamun, gima i kenginan dit idi di Yesus amu kopionong di kenginan do Kinoringan, kananganko i kobuatano om gamaon di Yesus. Ino dino, nokentahan-no laid di Shamun. Na varo-po't ondu di minamarakat di molohing di Yesus, ino-no i Hanna. Iosido dino bituanon do labaan dot 60 toun koledo. Sid panambayangan-nopo iosido dot i gamaon dau sino, minta dua-nopo om mongontok minta dua bahagi di kogumuai dot ulun Israel. Inot ondu dino mongimbulai do kovosihan bahagi dit anak Yesus, dot antad sid kuasa om Sundu do Kinoringan o gamaon dau di iadino. Sid tuturan dino alanta banal dot okonko i kelino dot ulun manansanganu ko mangagama do kosipan om harapan. Ioti Zakaria, i nabi Shamun om i Hanna minonginud di koponginsasamadan di bansa dot Israel om i kamardekaan do Yerusalim. Na i Zakaria jinumadi do bobou, om i molohing di Yesus bai avangaan (33 om 50), tu a-kaharati ino iadino dino. Bai i Elisabet (1,41-45) om i Hanna nakaramit di suromo do Kinoringan di monodia di koponindalan di bansa dot Israel om i karajaan do Kinoringan. Sid tohudi kembulai dot vokon-no't a-nokonong i vaza humarap om monginud dit adau di Tuhan om i karajaan dau. Topot sid boros di Hanna apajak do noboros i bansa dot Israel, it otindal di Yesus dot amu manarang i Lukas dot isai om siombo ino bansa dot Israel dino. Sid tohudi manarang i Paulus (Galatia 6,17) dot i gorija najadi-no it Israel do Kinoringan, ko i Israel Vagu (2. Korintus 5,17) ko sid Rom 9-11, i gorija nakakawin-no sid Israel. Ino harapan di bansa dot Israel nakarasmi-no sid kinosinaan di Yesus om nokosurut hiza di kinogulianan di Yesus. Sid UR 1,8 avalang-no dot ino Habal do Kovosihan dino nokembulai sid Yerusalim om lumombus-no sid pentongkop do pomogunan. 39-40 Iadko noboros-no laid sid 2,4, i pomogunan di molohing di Yesus sid Nasaret. Sino o kinosukadan di Yesus, iadko anak vokon gumazo om kumansang i guvas dau. Aso boros kananganko i kotulungan di Sundu do Kinoringan (1,80). Miuma i noboros laid dot antad sid kuasa di Sundu o nokosino i Yesus. Lavis: Ogumu ot ongoulun di lumohing-no, mad humongkob-no dot, Ioku diti banalko aso-no guna, ka. I tuturan dino monuduk di tokou do kakali kiguna it onglumohing. Tu kotibang do minta dua om mangahabal sid ongomulok-po di Habal do Kinoringan. I Shamun dino mangamung sid noboros-no laid di Zakaria dot okonko rontob i bansa dot Israel ot osopulan, inoi nga i sokovia it ongobansa. It anak dino o panganavau, ka.Topot varo-po do sumaap. I Hana, nga iadinoi. Ioti miduvo dino jinumadi do nabi bahagi di hiza di rumikot-ogi. Na biano avantang banal ong varo't ulun di lumohing-no i kakali andaman dau i hiza dit aso-po Habal do Kovosihan om kadapat manarang di kinosimbanan di niovit di habal dino. 2,41-52 I Yesus minubas sid valai do Kinoringan om sid valai di molohing dau. Isuhut di hoturan dit ongopoginakanan (Kolobusan 34,23), a-milo-milo it ongokusai dot Israel monikid Paska, Pentakosta om Kamatan mamung sid piumpugan sid Yerusalim. Alaid-po, minsanko it ongoondu om anganak di norikot dot 12 toun ot umul, minozo. Rontob-nopo, ong osodu o kampong, vokon-no ong bai insan sontoun ko bai penglohing insani korikot sid Yerusalim. Na i Paska, i poginakanan di mongohondom di kolobusan antad sid Masir diri, mad Pesta randavi, gima varo harapan dot i Kinoringan kakali monunda om manapul di bansa dau (antad sid kuasa di porinta Rom). I kosoduo antad sid Nasaret kumaa sid Yerusalim 100 Kilometer. Ong tasangkampong mamanau, oruhai dot amu osodiri dot isai kovozo om isai o mikoruhang sid tanga ralan mamanau. Minivozo it solumpak vagu. Varo rombongan dit ongokusai om osodiri vagu it ongondu mamanau. Iti-no o sabap dot tigogi, mad natagak it anak Yesus. Ong otopot, it anak Yesus minamung sid ongoguru do Kitab sid panambayangan, do mogom-ogom iosido sid palampag iadko i koubasan sid sikul do Kitab diri. I hiza diri, it ongoguru dit ugama Yahudi, asarok bai mongimbulit di keloo dit ongogulu-gulu, retanko ioti o puun do keloo. Na i Yesus okonko bai tiining di keloo dino, gam iosido o mongoduat om tumimpa dot arantang o timpa dau, okonko bai mongimbulit di keloo dit ulun vokon. Iosido kondiri kihukum om kisuromo. Iti-no o sabap dot avangaan om avantangan it ongoulun di noumpug sino diino gama di Yesus tumimpa. Amu oruhai it ongosukod mongining di boros dot anganak, ong koumpug ioti. Suvai varo boros do suromo om iningon-ogi dit ongosukod. Baiko i molohing di Yesus ot amu kaharati dino, gam hinumungot it idi di Yesus. Iokoi di Ama-nu, ka di Mariam, mogihim dikau do kotoluvan. Topot i Yesus mangarait om mongohodtol dot ombo it ama dau di lobipo atag dot suhuton mantadko i bai molohing di dang riniba. A-milo-milo, mintoron-oku sid valai dit Ama-ku, ino-no 10
i Kinoringan, ka di Yesus. A-kaharati it ongoulun di boros di Yesus diri, minsanko i sokoviai i kobuatano laid di Yesus banalko tanid (2,19). Okonko impiro-piro noboros-no dot, Nitahu di Mariam kavi i habal dino sid ginavo dau, ka, nga kakali amu oruhai o gama dau rumamit do kuran i Yesus nakakaraving sid hoturan do Kinoringan. Bai tuduon dau i kavalango do kobuatano di Yesus sino. Sabap, kodung noboros-no ino, mintoron-oku sid valai dit Ama-ku, ka, minozo vagu i Yesus di molohing dau muli sid Nasaret sampai minintoron-no sino pensukup do 30 toun ot umul dau. Sid saralom dot 18 toun diri, aso gama dau vokon sid valai di tukang kayu Yusup tanid mantadko mangagama dit ongoogomon om meja om almari. Ong ontok do Sabat ko i hiza do sikul dot Ugama om i pesta Paska, mamung vagu i Yesus sinod ongokumpulan sid kampong ko sid Yerusalim. Iadino nokosurut i Yesus diri sid tinoguvangon do razat om i Kinoringan. I anak-po i Yesus nengat-no laid dot isai it Ama dau om siombo ponong i keso atag o gama sumuhut, ino-no i hoturan do Kinoringan tumalib di hoturan di bai molohing. Lavis: I tuturan dino pemot sid di tokou do varo kesaan di Yesus om it Ama dau i sid surga, minsanko i buatan dau mirad dit anganak vokon sid Nasarat (imatai 2,39-40). Mad nolingan di Mariam dot a-milo-milo nga varo kapagasan dau, gima it anak dino. I kinojodizan dino pinopuhondom dau vagu. Om i tokou? Amu osusa do suvab-suvab o poboroson tokou i kosipan tokou. Varo hiza do kososizan. Topot varoi hiza dot osukup-no ong sumuhut tokou dit ongohoturan dit avantang. II. 3,1-9,50 I gama di Yesus sid tanga do razat. A. 3,1-4,30 I kembulazan di tudukan di Yahya i minomodsu om i Yesus 3,1-20 I tudukan di Yahya i minomodsu I Lukas mongohondom vagu do sera i tuturan dino, ino-no, toun TM 26 osuhu-no i Yahya, i nokentoron sid belantara do tumimpuun di tugas dau mengkhotbah do mongonsug dit ongoulun muli sid Kinoringan. I hiza diri i Kaisar Tiberias ot ulion di karajaan do Rom. I daerah Yudea om Samaria nokosuvang sid hoturan do Rom (TM 6) om i tolu it ongodaerah vokon, minsanko varo`t ulion dot Yahudi, nga nakasako sid hoturan do Rom. Ong hiza di Herodis Randavi, kakali bai iso o karajaan. Minatai-po i Herodis diri, nabahagi-no i hoturan do Palistina sid apat it anganak dau. Manjadi antad sid inintoronon sid belantara kinumaa-no i Yahya sid bavang do Yarden. Ong sid belantara, i koposizon di Yahya bai paha do potizukan om butu, ka sid Matius 3,4. Ino-no i tugas di Yahya sid Yarden, mengkhotbah di kopomodsuan bahagi di kaadaan do kasalaan. I Lukas nakaharati-no dot iadko i nabi sid kinarakapan sid Babil pinentahan do kuran i Kinoringan monodia di panahon dit ongoulun di narakop diri muli sid Palistina, o gama di Yahya o monodia di kembulazan di kosopulan di bansa di dang Kinoringan. I Lukas mamakai dit onibak o boros sid Injil di Markus kananganko i tudukan di Yahya. Topot manarang dit a-ko piro o panangan di khotbah di Yahya om i vaza dau monimpa dit ongoduaton dot ongoulun. Ayat 7-9 miabal di Matius 3,7-10. Rontob-nopo, okonko bai it Ongoparisi om Saduki ot anangan di hungot di Yahya, inoi nga ensanan i razat di nokoumpug sid di Yahya. Iri-ogi mongindoronok-no i Yahya dit ongoulun di mokipodsu, supaya atalahas dot i pokipodsuan dioti dino okonko hal do misingkavaro ko bai adat. I kopodsuan dino okonko iadko hojimat ko sijil do kosopulan, minsanko araat i ginavo om gagamaon dot ulun. Suvai osimbanan i ginavo om kobuatano dot ulun sampai i sokoviai i kavazao om gagamaon dot ulun sumuhut di kenginan do Kinoringan, do tumolikud-po laid sid kobuatano dit aso tantu-tantu, om atag-ogi, ka di Yahya. Aso kogunaan do mangarait di aki Ibrahim, retanko i Ibrahim o sasi om minananggung dioti dino. Ipat-ipat it ulun, a-milo-milo monuluk om sumahau di kenginan om kovosihan do Kinoringan. Amu osuhulan i Kinoringan di kavazao dot ulun di mozo di kenginan dau kondori. Suvai iadko i kazu di monguva dot avantang kiguna bahagi di sanganu it ulun di mongoguna di kenginan di Minamangun dau. Nunu-ka it ongouva dino? Ong ulun di mongumpug do sukoi, ko sojal, ong sid kiroon dit ulun Parisi, ensanan ioti ulun di niada do Kinoringan, tu araat o gama dioti sid tinoguvangon do Kinoringan. Topot mongusul i Lukas, Tumorima i Yesus sampai mogkovosihan dioti. Sukul atag o gama sid dau om dau do gagamaon, tantu otorima iosido do Kinoringan. Ong varo pomogunan, tantu osusa mangahatul do pomogunan. Kodung kihoturan, varo hal do sukoi, tu sino pongonuvan di kosukupan do porinta mangagama dot alun-alun ko rumah sakit om sikul om i nunu-nopo. Pengkaa dino osusa do mangajaga dit ongovolit do pomogunan, supaya amu soruvangan do bansa vokon. Rontob-nopo, ong humambil i sojal ko i karani do sukoi di hoturan di tugas dau, ino-no ot araat. Varo't intolu ot ongoduat. It insani timpao di Yahya naapajak o gama dau tumimpa, ino-no, it ulun okonko iseso, inoi nga sid tanga do razat iosido sampai atag do pelang iosido dit ulun dit osusa sid dau om dau do kosukupan om kalabaan om kosinangan. Iri-ogi i karani do sukoi di mokipodsu. Ioti gam monongguru di Yesus. Minsanko nikokihi ioti sid ugama do Yahudi, tumorima ioti di Yahya do guru (om iri-ogi di Yesus 18,9-14). Aso boros siti dot a-kavasa do manansanganu do barang ko gumaji sid porinta. Ino-no o rontob, ong varo kokurangan dit ulun vokon, hondom dit ulun dot i dau do barang antad sid kovosihan do Kinoringan ponong sid kosinangan dit ongoulun, okonko ponong sid kolunduo di bai iso it ulun. Ko i karani okonko mamakai di kuasa sid kositum ko i sojal ponong sid korusuko om kolunduo dau kondiri. It ongoulun Yahudi dit atatap sid ugama diri nokopokihi dit ongosojal om it ongokrani do sukoi, tu pakaraat i gama dioti tumanggai di porinta om tumolikud di bansa dau kondiri. Antad diri ekum-ogi ioti do mamung sumambayang sid Yahudi om nokokiro-no ioti dot ulun do kisala di nokedu-no sid kosipan sid Kinoringan. Topot 11
i habal om kovosihan di Yahya minongimbulai dot i Kinoringan kakali mogihim dit ongoulun di iadino, supaya sumuhut om kemumui ioti sid ralan do kabanaran. Ino-no ot ohodtol i tudukan di Yahya, sid tinoguvangon do Kinoringan, iso't ulun nga aso nakada-no ko aso guna om aso hormat, ong sukul muli iosido sid Kinoringan om sumuhut di kenginan do Kinoringan. Lavis: I Yahya dino ulun di banalko elo monuduk di pinonuhuan do Kinoringan. Elo popurimon dit ongoulun do kisala ioti sampai apatut mokipodsu do kopomodsuan bahagi di kaadaan do kasalaan. I tokou kadapat misisingilo antad sid dau do kuran posondot do habal sid tasantanid-tanid ot ulun antawa tumpuk dot ulun. Antad sid sokoviai mindamo iosido do samod sid ulun vokon. Antad sid ongokaranai di mongumpug do sukoi mindamo iosido do kadan-kou-no manganu do sukoi do lobi-po mantadko i nahatul do porinta, ka. Antad sid ongosojal mindamo iosido do, Kadan-kou-no mangarampas ko monipu dot ulun, ka. Aso boros dau dot amu kavasa kumaraja sid porinta do Rum di tanid ot ugama. Aso boros dot amu kavasai jumadi so sojal. Ino iadino dino varo panangan sid di tokou sampai biano. I Yahya dino elo banal manarang di hungot om i hukum do Kinoringan. Topot varo-po kokurangan dau: Amupo elaan dau i Habal do Kovosihan. Elaan tokou-no dot i kovosihan di Kinoringan o mangagazad di tokou pouli sid ralan dot abanal. 3,21-22 I kinopomodsuan di Yesus. Sid tuturan di Lukas kananganko i kinopodsuan di Yesus mimbulai i pitonidan di kinopodsuan di Yesus om it ongoulun vokon. Ino-no, gumiang it avan, mindahu i Sundu dot Osusi om sumondot siud di Yesus sampai varo dolou di manarang dot isai i Yesus sid tinoguvangon do Kinoringan. Isuhut di tudukan dit ongonabi, varo hiza rumikot do gumiang it avan om surga. Ino dino tanda dot i Kinoringan magandaha sid bansa dau (Yehezkiel 1,1 om Yesaya 64,1). Ino hiza dino, sumondot i Sundu om kuasa do Kinoringan sid ongoulun di nopili do Kinoringan, ka. Ong siti, gam i dolou antad sid savat mongimbulit di Zabur 2,7, ino longoi di liturgia ontok di kapamangkatan di raja dot Israel. I nokosukod-no i Yesus, mindamo om tumorima iosido di kopomodsuan, tanda do nokotoguvang iosido do Kinoringan. Om i gama dau minta dua manarang do sumahau iosido sid kenginan do Kinoringan. Iri-ogi tumorima iosido di kuasa do Kinoringan, ino-no i Sundu dot Osusi om i dolou pasasi di kobuatano di Yesus. Lavis: Amu dara osusa i Yesus do mokipodsu, tu aso sala. Topot engin iosido peradon i kondiri dau do iadko it ulun vokon. Om isd saralom di kinopomodsuan dino ( i tanid mantadko it ongoulun vokon) pemot i Kinoringan do nunu o harati di kopomodsuan do Kristian. I tokou diti opodsu sid ngaran dit Ama om it Anak om i Sundu dot Osusi. Manjadi sid kinopomodsuan di Yesus pentahan i Kinoringan dot, Ikau-no dino ot anak-ku di sinamadan-ku, ka. Iadno dino mononganak i Kinoringan dit ipat-ipat it ulun dit opodsu, sampai pamung dau sid piniizaan dit Anak dau. Supaya amu atagak vagu, atahakan-po it opodsu dino do Sundu di monunda dau sampai pouli vagu sid ralan dot avantang, kalukalu ong apalid. I kinopomodsuan di Yesus ot inantadon di kuasa om kakansangan di kopomodsuan tokou. 3,23-38 It ongoturunan di Yesus. Iri-ogi mangarait i Lukas dit ongoturunan di Yesus. Manarang iosido dit ama om aki di Yesus, isuhut di kiroon dot ulun. Sid kovian, it aki lolombus banal, ino-no i Adam it antad sid inurug do Kinoringan, retan dot i Adam dino, nga antadi sid Kinoringan, ka. (Ong i harati di ngaran Adam, ulun do tana, ka, sid kososizan di Lukas atalahas-no dot i Yesus, Ulun do Kinoringan ko iadko i boros di dolou, Anak do Kinoringan di sinamadan, ka. Ino-no o tinomod di Lukas manarang, ino Yesus diri, ulun iosido do tolu nopod toun ot umul, nga monuluk-po iosido dit umbao do Kinoringan kananganko i bansa dot Israel, it antad sid Adam, it inurug do Kinoringan, supaya ensanan i riniba jumadi dot anganak do Kinoringan. Ong mongizap i Lukas dit ongoturunan dit angaki di Yesus dino, antad sid di Yesus sampai sid di Shaaltiel, inot ulun di narakop-no sid Babil, intolu do turun-turunan. Antad sid ama di Shaaltiel, ino-no i Neri sampai sid raja Daud, om iadino, intolu turu o generasi. Iri-ogi varo induvo o turu o ngaran sampai sid di Ibrahim om intolu o turu ngaran sampai sid Kinoringan, i minongurug di Adam. Inot-no o harati, ahatul banal i koturunan di Yesus, tu varo't inhopod om iso o turu kolompok. Iri-ogi mongimbulai i Yesus di kolompok kohopod om duvo, sabap iosido i ngaran ko-78 (11x7 = 77 o generasi). Na i kolompok do generasi vagu, it mimbulai hiza di Yesus, ino-no i riniba vagu om Israel vagu, ko iadko i boros di Paulus, i Yesus, ino-no i Adam koduvo (Rom 5,14; 1. Korintus 15,22;45-49; Kolose 3,10, Galatia 6,17) Lavis: Tantu amu kapalan it ongoayat dino. Topot hondomo-no dot i Matius manalahas di turunan di Yesus antad sid di Ibrahim sampai sid di Yesus. I Lukas antad sid di Yesus sampai sid di Adam (om Kinoringan). I Matius monurat bahagi dit ongoulun do Yahudi. I Lukas bahagi di sokoviai i riniba. 4,1-13 Sinoba di vozoon do rogon i Yesus. Antad diri agazad-no i Yesus di Sundu do Kinoringan. I Sundu mongovit di Yesus sid belantara. I bansa dot Israel hiza di kinolobusan antad sid Masir, ginazad-no sid belantara sampai sid belantara diri sinuba-no, supaya kembulai i katatapo sid Kinoringan. I belantara mad tampat do pensubaan. Ino tuturan dino manarang dot it ulun di nokotorima di Sundu dot Osusi kakali ulun di otiiman do pensubaan. Nakamung iosido sid kenginan do 12
Kinoringan. Topot kakali otiiman iosido om bubukan di kobuatano do riniba om vinangun. Minsanko i nokovitil it ulun, jumadi do pensubaan. I pensubaan dino, bai sambatang o roti do povizau di vitil dau. Aso boros do pakan om povizau do limo ribu ot ulun ko ensanan i bansa dot Israel sid belantara. Opintal banal it ongopensubaan dino. Elo i monuba do tumudu dit ulun sid kokuguzo dau: kakanan, hormat, kuasa. Ino-no i pensubaan laid antad sid kabun dot Eden ko i di Esau, it obpinai di Yakub. Ong banalko anak-ko do Kinoringan, ka. Sid duaton do iadino mongogorot i monuba di Yesus, supaya i Yesus pavalang om pasasi om palanta di sijil di kuasa dau. Nakamung kagi i mad sisiit di manarik di Yesus sid kuasa om palad di vozoon do rogon. Topot it ulun di dang Kinoringan amu osusa do pasasi dot iosido dino dang Kinoringan, sabap nisasi-no laid do Kinoringan ino dino. Iti-no o timpa di Yesus mamakai di boros do Kitab. Dot tigogi, i vozoon do rogon, nga mamakai-no di Kitab, tu palandu ko pasadu dara di Yesus. Ino-no o harati, i gama mamakai do Kitab om it ongoayat do Kitab okonko iso-no o tomodon. Minsanko it ongoboros do Kitab adapat mamakai sid gama mamalid dot ulun. Iadino laid i gama di vozoon do rogon. Iosido o nokoponimpuun do iadino. Ino gama do mamakai di Kitab sid gama mamalid, sampai biano amu-po engkod. Iri-ogi i vozoon pembulai di dau do kuasa, tu insan-no kilap elaan dau pemot i sompomogunan, iadko sid TV kadapat biano do mongimbulai di gambar do sompomogunan. Amu osusa do mirimpanau ko rumoun-po. Topot i timpa di Yesus, toriso-iso i boros do Kitab palanta di vudut om mongohuzas dit ongoumba om sisiit di vozoon do rogon. I pensubaan kotolu, gam sid tiningusan di panambayangan do Yerusalim. Ong tumuhun sino dara i Yesus, tantu agazo o harapan dot ulun sid di Yesus. Sabap it ongoulun oruhai humarap sid kosunduvo om hal dit amu oubasan. Ino pensubaan kagi, sampai biano varo sid gama dot ulun di retanko kisundu, indoson dioti ong ioti manansanganu di Sundu sampai kadapat mongogorot do Kinoringan om kumavid di Sundu om kuasa do Kinoringan. Dot ong otopot, ino iadino dino, nga vaza di vozoon do rogon do mongunang di piumpugan. Ino pensubaan di Monuba, sampai biano amu-po navi. Varo boros dot ongogulu-gulu, Siombo-nopo pengkakat i Kristus di gorija dau (i panambayangan), turus i vozoon do rogon pengkakat di dau dot intoronon, tu mongingut om mamalid dit ongoulun sid dau do kopintaran, ka. Lavis: Ino-no i kinamanangan keso di Yesus sid vozoon do rogon. Na ipat-ipat i tolu o pensubaan dino kilavis bahagi di tokou. Tu i tokou dino, a-milo-milo onong do pensubaan. I lavis di pensubaan keso iadino: Kadan-no mamakai di kuasa-nu it antad sid Kinoringan (gorija) bahagi di kondiri-nu. I lavis koduvo: Kadan-no dot apalid-ko do vudut di vozoon do rogon. Tu okonko iosido o sanganu do sompomogunan, inoi nga i Kinoringan. Apatut do baiko i Kinoringan o sambaon. I lavis di pensubaan ikotolu, Kadan-no dot apalid-ko ong varo-no boros do mad elin o buatan, tu antad sid Kitab. Ong baiko povongo dot ulun antawa mokindazou dot ulun o tomodon tantu amu atag. 4,14-30 It insan-ogi mengkhotbah i Yesus sid Nasaret (imatai sid Markus 1, 14,28,39; Mat. 4,12;9,26; Markus 6,1-6 om Mat. 13,54-58) 14-15 Apajak o tuturan di gama di Yesus dit nantaranan iosido di Sundu. Sid Galiliea o kotimpuunan di tugas dau. Nokoronuw-no iosido di monuduk iosido sid ongopanambayangan sid ongokampong. It ongoulun momongindazou di Yesus. I Sundu, i minongovit laid di Yesus sid belantara o minangagazad vagu di Yesus muli sid tanga do razat. Ong i Yahya diri nokenud sid Yarden do varo't ulun rumikot sid dau. Topot ong i Yesus rumikot om mamung sid ongoulun. Sid Nasaret mamung iosido sid panambayangan, ontok do sumambayang adau do Sabat. I hiza di Yesus diri, ipat-ipat i kampong om bandar varo panambayangan, tampat dot it ongoulun miumpug minta dua om mangarazou do Kinoringan (iadko i surau do Silam sid ongokampong). Sid saralom di gama sumambayang varo mangagazad minta dua om mindolongoi om varo mamasa di Kitab om manarang di boros di nabasa dino. Isai-nopo i kusai dit osukup dot 30 toun ot umul kavasa-no mamasa om manarang. I tanda di kenginan do kusai mamasa, mingkakat iosido (1. Kor. 14,30). Asarok dot nokopiupakat-no laid dit amu-po kotimpuun sumambayang. Ong i mamasa di Kitab, suvai pengkakat it ulun. Ong manarang di boros dino, mogomogom it ulun di manarang. Na i Yesus, tu osukup banal it umul dau do tolu nopod toun, mingkakat-no iosido dot tanda do iosido mamasa om manarang di surat di nabi. Ino-no i binasa dau, Yesaya 61,1-3 Nabasa-po, ensanan it ongoulun di niumpug, sumirot sid di Yesus. Nokelo kavi ioti di Yesus, tu asarok iosido kovozo di molohing sumambayang sino. Topot it adau diri, tu nosukod-no banal, tanid o kobuatano dau. Iosido osodia do manarang di boros do Kitab. I keso i boros dau, Biano, ka. Sid tudukan dino atalahas dot i Yesus okonko bai manalahas di hal kodori om mononteologia do koubasan, inoi nga i boros do Kitab di nabasa di manarang di kobuatano kodori diri kiharati bahagi di hiza di Yesus om it ongulun di niumpug sino. Ino boros BIANO dino miabal di boros sid Markus 1,15: notuluk-no i hiza, ka. Ino-no o harati, i noboros laid di nabi kananganko i Habal do Kovosihan bahagi dit ongoulun mosikim om bobou om notorungku ko it asaadan, i kiutang dit aso tenganan mangapus, ino habal dino kosunu hiza di mamasa i Yesus di boros dino. Varo kengkadan dit ongokosusaan, tu nokembulai-no i hoturan di karajaan do Kinoringan. Manarang i Yesus dot iosido o vaza do Kinoringan manapul om posinang di bansa dau. Na it ongoulun di noumpug sino, avantangan dara di boros do kovosihan di Yesus dot okonko enizo o gama dioti humarati. Varo-no ong bai avangaan, tu mad kihukum om kisuromo i Yesus dino, inot ulun antad sid dioti do 13
kampong Nasaret. Nopensukod dau mamung-amung sid dioti do miabal dioti kondiri dot tigogi, elo-no iosido momoros do kihukum. Vokon-no ong bai avangaan om avantangan do varo boros do iadino, do kakali aso kiroon dioti dot ino boros di Yesus di iadino kiguna om nokontok sid dioti, iadko nokembulai i hoturan vagu. Sabap ino varo kopurimanan di Yesus dot i gama dau mengkhotbah iadko kumiboros do kazu, tu aso timpa om aso tiining dit ulun. Iti-no o sabap do mongitung i Yesus dot nunu banal o kiroon dioti di pokihi dit ulun dit antad sid tanga dioti. I gama dau monuriban miabal di boros, Osuhul ong mangahatul-ko di kondiri-nu, kada-ko-no monuduk dahai, tu omulok-ko kagi, ka dati dikou. Sid panarangan di Yesus mimbulai dot it ongoulun do Nasaret timot do kosunduvo di pinembulai laid di Yesus sid Kapernaum. Iti-no o sabap, sid usuran di Elia om i bituanon om i Naeman, i kibalang diri pentahan i Yesus dot okonko i kosunduvo om okonko i ngaran dot ulun o kiguna sid tinoguvangon do Kinoringan. Gam i Habal do Kovosihan nitahak sid ongoulun dit amu monodiri-nopo dot isai it ulun, osibak ko asavat. Suvaiko rumamit it ulun om tumorima di Habal do Kovosihan dot amu mongitung di dau do hormat om dau do kogunaan, om ulun iosido dit isuhut di kenginan do Kinoringan. Iso't ulun om iso bansa nga aso kadapat kumavid di kovosihan do Kinoringan, ko kihak sid tinoguvangon do Kinoringan. Ombo i tumorima di Habal do Kovosihan, ino-no it ulun di mangasip om osopulan. Ombo i bai mongogolivong, ino-no it ulun di pakaso di Habal do Kovosihan, ino boros dot BIANO, ka. Manjadi ioti hinumungot sid di Yesus di iadino i boros dau. Ozi ioti do lumbokon ioti di Yesus om pakaraat i Yesus dit ongomosikim om i bobou ko it ulun sid torungku, tu i kiroon dioti, ioti tumalib dinot ongoulun di narait di Yesus, dot enghatus katalib. 28 Alaid-nopo it ongoulun di noumpug sino, hinumungot om hinumalib di Yesus, gam agazo o ginavo dioti mongohukum di Yesus iadko ulun di mongolupu do Kinoringanl. Koubasan dit ulun Israel do mongodumpau do vatu dit ulun di iadino, ko pada dot ulun antad sid pampang dot asavat. Oholian orodus ioti om orongit, sabap i boros di Yesus do iadino. Topot i Yesus kadapat mogidu sid tanga dioti. Varo kuasa dau di tinumalib di hungot om sana dioti. Amu-po korikot i hiza dot it ongoulun kadapat mangahavud om monobon di ralan di Yesus. Gam lumombus i Yesus kumaa sid Kapernaum. Kenginan di Lukas do mongusul di kogozoo do gama do Kinoringan ponong sid ongoulun, dot inot usul dino okonko bai hal di nakatalib, inoi nga i hiza dot it ulun mongining di habal dit agazo o gama om i samod do Kinoringan, ino-no i hiza do kosunu om kembulai vagu ino gama om samod do Kinoringan, ong sukul ogiang i tolingo om ginavo dot ulun. Iti-no o sab ap do mamasa tokou di Kitab, ong miumpug tokou sid gorija ko sid valai. Tu sino dino kosunu om kotuluk vagu i gama om samod do Kinoringan. Sid F. 19,9 sumasi i Zakai do iadino, ko sid 23,43 i koruhang di Yesus sid kazu do sangkap nokening di boros di Yesus dot, BIANO, ka. Ong i Paulus sid 2. Kor. 6,1 ko i Surat Ibrani 3,7,15;4,7 om Zabur 95,7-8, nga iadino o tomodon om panangan, BIANO DITI, ka. I tokou tokoui o mamung sid usuran do Kinoringan om i bansa dau, i nokosurat sid Kitab. I Yesus minonuduk diri, nga kakali polombus kumiboros om monuduk di tokou (UR 1,1) Lavis: I kovosihan do Kinoringan okonko hak, inoi nga tahak. Aso tinganan dot ipongumpalad. It ongoulun sid Nasarat minongitung dot ioti, tu kampong dit inantadon di Yesus, kihak di lobi-po agazo mantadko it ongoulun sid Kaparnaum om it ongopomogunan vokon di gulu norikot di Yesus. I Yesus manarang dot i Kinoringan manahak di kovosihan, isuhut di kenginan dau. B. 4,31-5,11 Tumimpuun i Yesus sid Galilea om lumombus om tumongkop do Yudea. 4,31-37 I sinunsub di Yesus i rogon dot araat (Mark. 1,21-38 + Mat. 8,14-17) I Lukas miabal di Markus mongusul dot i Yesus nokorikot sid Kaparnaum (31a) om nokolombus sid pomogunan vokon (42a). I tinomod sid Kaparnaum, monuduk dioti sid panambayangan. I tudukan di Yesus tiining it ongoulun, tu kikuasa gima i tudukan dau (kihak, kihukum om kisuromo i Yesus). Kagi i tuturan do kuran i gama di Yesus monunsub do rogon o manantu om pasasi di kuasa di boros om tudukan di Yesus, iadko mangalapis om momihot di tudukan dau. Ong kakali it ongoulun mongo-vongo om mangalu-kalu dot isai i Yesus, mongintutun i rogon di Yesus, gam mangarait-po dit inantadon om i kuasa di Yesus: Ikau dino it Osusi do Kinoringan, ka. Ino kososizan di iadino, sid tanga banal dit umpug dot ongoulun. Iso't ulun sino nga aso dit a-kemot om a-kening di boros di rogon dino. Topot kakali mongo-vongo it ongoulun sampai mongoduat dot, Nunu-ka i hal dino? Lavis: I tuturan dino pemot sid di tokou do kikuasa i Yesus monunsub do rogon. Kagi, i rogon dino kotutuan di Yesus mantadko i riniba. I tuturan dino patatap di ginavo tokou minsomok sid di Yesus sid saralom do gama minta dua mokitulung monori di kuasa do rogon. Topot i kuasa dino kakali kuasa di Yesus om amu asanganu di tokou. 4,38-44 I Yesus monulung di kogumuo dot ulun. Na antad sid rinuvang do panambayangan lumombus i Yesus om magandaha sid valai di Simun. Aso-po boros siti dot i Simun ombo o boroson. Suvai antad sid Markus om Matius om elaan tokou-ogi dot di Simun Petrus do valai ino om it valai dit ivanon dau dot ondu. Manjadi iadko i gama di Yesus mongindoronok di rogon o gama dau moniag om mongindoronok di panakit dot alasu it inan dit ivanon. Na i habal dinot duvo kinoponulungan di Yesus dino nokoronuw-no, na mad atarik-no it ongoulun sampai minokikama-no ioti di Yesus, supaya abarakatan 14
om olingasan sampai momodhijau-no ioti. Ino habal do Kovosihan (4,19-21) dot i notorungku it ulun, nga kalabus-no, nokosunu-no sid gama di Yesus, tu it ongoulun di nouripanan do rogon, nokobebas-no sampai sinuminang-no. Ino boros di Yesus o pinobebas om pinosinang dit ulun dino. Iadino o kotulukan di Habal do Kovosihan, nokorikot-no sid dioti i karajaan do Kinoringan. Lavis: Sid tuturan dino pemot i Yesus dot iosido o monguasa dit ongopanakit om it ongorogon. Monulung iosido, tu obinsianan iosido. Topot tumimpuun-no iosido moniag mangarait dot Anak iosido do Kinoringan, ko i Kristus. Md rumosi iosido dot onuvon i ngaran dau bahagi di kampen politis. Tu ogumu o parti i hiza diri. - I tokou nga masti mongontupati sid hal dino. 5,1-11 I Yesus mongingut di Simun Petrus, supaya kumoruhang iosido. Ino tuturan dino miabal di Yahya 21,1-14. Na sid tuturan dino, kodung nokovongo i Petrus, minongolumbatos-no iosido do sumamba om mozo-no di Yesus. Ong kotimpuunan, i panangan di tudukan di Yesus, ino-no i kogumuai dot ongoulun di minomodrikot sid di Yesus. Topot ong i Simun jinumadi-no do ponulung di Yesus, sampai nisunsud-no it alud dau sid sodu-sodu sid isan do rahat. It alud di Simun pinakai di Yesus dot ogomon. Koubasan do rabi, ong monuduk, kogom iosido (f. 4). Do nopongo-po monuduk, tigogi bai i Simun-po o panangan di Yesus. Banal-no, i kogumuai dot ongoulun kakali sino mongining dot mad aso-po kosondoto i tudukan sid ginavo dot ongoulun. Topot ong i Petrus kotutunno dot ino gama di Yesus iadko manangkap om monguasa dot ulun. Mad varo kuasa di Yesus dit aso tinganan dot a-suhuton. Sid tinoguvangon di Yesus kotutun i Simun di dau do kobuatano, indoson dau, ong ulun do monginsada, tantu aso ngaran dau sid tinoguvangon do Kinoringan. Antad sid gagamaon do monginsada aso kotibangan dioti gumorija ko sumuhut do Kinoringan isuhut di hoturan dit ongoimam om Parisi. Topot i Yesus mongoguna di Simun, gam mongodim om mongingut sampai manarang dot a-milo-milo mozo i Simun om jumadi do koruhang di Yesus. Okonko i kogozoo di sala di Simun o sabap do kumoruhang iosido di Yesus, inoi nga i kogozoo di samod do Kinoringan di pemumui dit ulun di bai monginsada, minsanko ulun iosido dot arampus om buta hurup, ulun dot okonko apaham om okosog. Ong i Simun Petrus manarang do kisala iosido sampai amu apatut dot i Yesus mudan sid alud dit ulun do kisala. Ino pongoretan "sala" ong sid Momogun, hal dit a-nokonong, sid surat ko sid gama mangavol do kumut ko mamatuw dot ikam ko muvalai. Ong sid boros dot Ibrani om Yunani, ino-no o harati, i nokensodu it ulun antad sid rikoton, ko it a-nokemumui it ulun. It ulun di nokensodu antad sid kenginan do Kinoringan ko nolingan dau i kogunaan dau ponong sid Kinoringan, minsanko iosido antad sid palad do Kinoringan om ponong sid Kinoringan dara o kopudan, ino-no o sala dot ulun. Sala, ino-no, okonko i toriso-iso o hal dit amu atag, iadko manakau dot a-ko piro karam o dalai sid gopu do koruhang, inoi nga it ensanan i kobuatano om kavazao dot ulun dit amu engat dot inantadon dau om i kogunaan dau sid tinoguvangon do Kinoringan, ino-no o sala. Kodung nakanu i Petrus di kovosihan di Yesus antad sinod kogumuai do sada), iri-ogi otutunan dau dot a-nokonong i kavazao dau ponong sid Kinoringan. 9-10 Sino-ogi mongusul i Lukas do kikoruhang i Simun Petrus, ino-no i Yakub om i Yahya. Ioti kavi nokotikab, gima i kogumuai dit ongosada sid alud dioti. Na i timpa di Yesus mad amu mongohondom ko mangambat di boros di Petrus. Aso boros dot i Yesus pada di sala di Petrus ko monuhu di Petrus mozo om sumuhut. Gam i Yesus bai manarang om manantu-po dot nokosimban-no i gamaon di Petrus. Tu okon-noko sada-po o panangan di gamaon di Petrus, inoi nga ongoulun. It ulun di nokensodu-no sid tinoguvangon do Kinoringan o pensomok di Yesus. Iti-no it agazo o hal sino. Ombo i gagamaon laid, nga iniduan-no, tu mozo-no di Yesus o tomodon. okon-no ko sid rahat-po o gagamaon di Petrus, inoi nga sid tindal-no om i tomodon dau, ino-no it ongoulun. I tuturan dino mad bai i Simun Petrus o panangan, dot tigogi, sid kosimbanan di kavazao om gagamaon di Petrus, ensanan i kogumuai dot ulun o pinanangan. Sabap biano nakamung-no i Petrus sid di Yesus om tumalad di Yesus sid gama dau. Iso-no ot ulun do nokotoguvang sid Kinoringan. Topot i pangalaman dau rumaliu sid ongoulun vokon. Sabap i gama di Yesus mamakal sid gama di koruhang dau. Ino-no i vaza di Yesus sid tuturan dino, okonko i Petrus minongining om hinumarap sid boros di Yesus, inoi nga i Yesus o nokopongindamo di kotulungan di Petrus do mamakai dit alud di Petrus, supaya oruhai i Yesus monuduk dit ongoulun di kogom iosido sid alud om it ongoulun, mogom-ogom sid pantai sid isan do rahat. Iri-ogi nokembulai-no dot porosuma i pigagama di Petrus (osuvaban-okoi momukot, nga iso nga aso sada o hasil-za, ka). I hiza do sulian di Yesus i kotulungan di Petrus humarati-no i Petrus dot isai banal i Yesus om kuran i kobuatano dau kondiri, ino-no amu kopionong iosido di kenginan do Kinoringan. Ino-no i kinembulazan di kovosihan do Kinoringan sid di Petrus. Iri-ogi sumamba iosido om sumahau-no sid kenginan do Kinoringan sampai minozo-no di Yesus. Lavis: Atarang banal i pitonidan di Yesus om i Yahya i minomodsu. I Yahya dino minanarang di hungot do Kinoringan kananganko it ongokasalaan dot ulun. Mongindoronok om mongindorosi iosido dit ongoulun, supaya muli sid Kinoringan. I Yesus pembulai di kovosihan om barakat do Kinoringan, tu pouli dioti sid Kinoringan. Manjadi kipanangan banal bahagi di gama tokou mengkhotbah. Kadan mongindorosi, inoi nga monginsasamod om mongumbasih o vazaan di mionong di Yesus. 5,12-6,11 I kembulazan do kasanaan dit ongoulion do Yahudi. 5, 12-16 I Yesus om i kibalang. 15
Aso boros di Lukas do sera om siombo kosunu i kolingasan di balang dit ulun dino. Mongohodtol i Lukas dot sid suhu di Yesus do mokiporisa i kibalang sid imam om manahak-po do parsambaan do tanda bahagi di kosusian di guvas dau, atalahas-no dot i Yesus ulun di sumuhut di kenginan do Kinoringan om it undang-undang dit ugama do Yahudi. Kakali mongoguna i Yesus dit undang-undang om kaadato do Yahudi. Ino gama di Yesus do iadino nokoronuw-no sampai natarik-no it ongoulun, tu tiining om tipokitulung, ombo i kisakit. Topot i Yesus mogihim do tampat dot ozom, supaya varo kotibangan dau minta dua om kumiboros do Kinoringan. Ino dino, suvai sid belantara o kadapat. Lavis: Banalko kendorosi i sakit do balang, tu pedu dit ulun antad sid ulun vokon. It ulun do kibalang iadko ulun do minatai-no, minsanko kakali mizau. Topot i Yesus o monguasa di panakit dot araat dino. Sabap ino, obuli tokou humarap sid di Yesus om mokitulung dau, songkuro-nopo karaat di panakit di nakahajang tokou. Topot amu koho i Yesus do mamakai tokou di kosunduvo dau do posurut di tomodon kondiri. Baiko iso ot apatut, o ino-no minsomok sid Kinoringan sid saralom di gama mongindazou om minta dua. 5,17-26 Palatan i Yesus di kakung (Markus 2,1-12). Nokouli-po vagu i Yesus sid razat, varo-no nokorikot dot ongoulun do Parisi om it ongoulun di nokosikul do teologia. Ioti dino antad sid ongodaerah om antad sid ibu kota Yerusalim. Sabap nokoronuw-no i gama om kavazao di Yesus, okonko bai i razat o hinumarap sid di Yesus, inoi nga it ongoulun di retanko ulion do bansa om ugama, tipongining sampai mongontupat, tu kaluto ong varo hal ko tudukan om habal dit osusa jagaon om pisokon iadko apui, do kakasau dot ugama. Manjadi manarang i Lukas di kuasa di Tuhan (imatai-po sid 6,19; 8,46; 4,14+36; 24,49 om sid UR). Ino kuasa dino kovidan di Yesus ponong sid ulun di kisakit. Na sid tuturan dino, it inintoronon di Yesus diri sid valai dot ulun. Ong sid tuturan di Lukas, ino valai kitaap iadko i valai laid sid pusat do PCS sid Kudat, ino-no bata di kadapat sukabon. Pogili laid i Lukas do kuran di vaza di Yesus humarati om tumorima di kosipan dit ongoulun di minonompuzung dit anggai-anggai dioti do kakung sampai manarang i Yesus dot nakada-no i kasalaan di kakung dino. Na ogolivong it Ongoparisi songsakup di nokening di boros di Yesus do iadino sampai mibuburung-burung-no om araatan-no di boros do iadino. I dioti dot elaan, bai it imam do kipangkat o kavasa do manarang di kaadaan do sala, hiza do pasamba di parsambaan do kadaan do sala, isuhut di hoturan di Musa (Imamat 16). Iti-no o sabap, tolu o duaton dioti, ino-no, keso, Isai i Yesus. Koduvo, mongusok i Yesus do Kinoringan, ko amu, ka, kotolu, okon-ka ko bai i Kinoringan o kikuasa do mangada do sala, ka. Sabap ioti diri ulun do kihak do manantu di hoturan dot ugama om bansa sampai mongolumbatos dot ombo o teologia dot otopot antawa ovudut, kikuasa ioti do mumbongut om monodiri ombo it atag om amu. Rontob-nopo, kakali amu katama banal ioti dot olumbatos om atarang o boros,mad kakali opiduvo o ginavo dioti antawa amu katama banal om i kosipan dioti, nga mad oluvaui. Iti-no o sabap do suvai nohorotizan-no di Yesus i pongitungan dioti sid kobuatano mibuburung-burung, toguvangai-ogi di Yesus ioti monginsosok. Pogili i Yesus sid dioti do duvo o hal om minongoduat dot ombo ot oruhai om it apagon ko it a-kavasa. Nelaan-no laid di Yesus dot amu katama ioti tumimpa. Iti-no o sabap do lumombus iosido pembulai vagu di kuasa di Tuhan. (Ong siti, it Anak do Riniba, ka). Ino-no manantu i Yesus di boros dau laid dot, Nakada-no i kasalaan-nu, ka, sid boros koduvo dot, Ingkakat-no om ovito-no it odopon-nu muli sid valai-nu, ka. Kondiri di Yesus tumimpa dot ombo it oruhai om apagon. Sompi kuasa do Kinoringan ino, ka. Na it kakung dino sinumuhut do mingkakat-no sampai sinaan-no dau it odopon om minogidu-no iosido sampai minuli-no sid valai sampai minongindazou-no do Kinoringan. Inot ulun dino, pensukod sampai piro-piro-no toun dot a-kogura i guvas dot amu kengkakat, tu i hakod dau amu-no apatog i bulud dau, Antad sid boros di Yesus tinumungag om miningkakat-no iosido, gam sinaan-no it odopon dau, i tinompuzung dit apat it anggai-anggai dau diri. Aso boros di Lukas dot it ulun dino kikosipan do nakaharap-no sid di Yesus. Ino-no o kobuatano di tuturan dino, iosido bai ginaratan dit anggai-anggai dau di minonompuzung. Ong iosido kondiri aso kiniro dau do kiguna ong rumikot sid di Yesus ko varo-po katagan di kobuatano om korukungo dau di bai mili-gili iosido modop-odop sid odopon dau do pempatai. Pengkaa dino, aso boros do nunu i sala dau. Kaluto ong ulun iosido dit aso harapan sampai varo araat o boros dau, gima nokentotod di sukud dau, dot a-kapanau sampai mokimalun iosido di nasip dau om moguhang dit ongokovorisan om molohing dau ko moguhang-po do Kinoringan. Topot kodung nosuhu iosido di Yesus, tinumungag om minamanau iosido dot agazo o ginavo dau monorima kaseh sid Kinoringan om mongindazou do Kinoringan. Minsanko ino gama ponong sid Kinoringan, nga a-insan kotiim, tu ong ulun do kakung, a-kamung sid umpug dit ongoulun Yahudi ontok do sumambayang. Suvaiko it ulun dot osihat om kavasa-ogi tumoronong sid panambayangan do Kinoringan, ka dit adat kodori diri. Ong it ongoulun di noumpug sino, avangaan om orosizan, tu nakasasi ioti do hal dit amu-po opibambaran sampai nakaharati ioti do tantu sid gama di Yesus kondiri do Kinoringan monguasa om mongusaha. Lavis: Varo't a-ko piro o tomodon di tuturan dino. Keso, manalahas i Yesus dot i kosusaan do riniba i rumbul satu, ino-no, i kasalaan dau, tu nokensodu-no sid Kinoringan (imatai i panarangan bahagi Lukas 5,1-11) Ong aso-no kasalaan, mad osomok-no vagu sid Kinoringan sampai piandus-no dau, nga ounsopot it ulun, minsanko kakali sumakit i guvas dau. 16
Koduvo, manalahas i Yesus dot isai iosido: Anak do Riniba (antad-po di kinasarahan di nabi Daniel, varo-no harapan dot i Kinoringan monuhu dot ulun di retan dot Anak do Riniba, iosido kikuasa banal om mangatag di riniba di napalaid, Daniel 7,9-14) Kotolu, manarang i Yesus dot i Kinoringan engin pengkod dit ensanan i kosusaan do riniba, okonko baiko i kosusaan do ginavo, tu kopurimon di kasalaan, inoi nga pengkod-po di kosusaan do guvas. Minotos-no it ongoulion, minsanko kakali sumana ioti. 5,27-32 I Yesus mongodim di Levi. Antad diri sumurut-nopo i kopioduhan (kasanaan) dit ongoulion. It Ongoparisi om it elo do Kitab o sasi di kinopisomungan di Yesus om i Levi (Matius). Onibak i tuturan di gama di Yesus mongingut di Levi. Kodung nengutan-no dau do, Vozo-no dohon, ka, niopung-no di Levi i sokoviai i barang, harta, kohuntungan antad sid gama dau, tu mozo-no di Yesus. Na kakali kadapat i Levi do moginakan dot ahatul sampai it ongokoubasan dau laid sid karaja i sandad mongumpug do sukoi, nga oligahan-no om it ulun vokon, ka di Lukas. Ong sid Markus retan dot, ulun do kisala nga nakamung-no sino. Suvai sid duaton dit Ongoparisi om ohodtol-ogi dot ensanan it ongoulun sid poginakanan dino nga ulun do kisala, ulun dit aso ngaran sid ugama Yahudi, tu antad sid gamaon dioti nakaranggal-no ioti sid ugama om hoturan do Yahudi. I poginakanan dino, ipongohormat di Yesus o tinomod om humuntad lumapas di Levi sid karaja dau. Sid tuturan dino kaharati tokou dot i karamazan do poginakanan okonko hal dot a-kavasa ong Kristian. Gam kondiri di Yesus minamung-no om minilang-no dit ongoulun sino, isai-nopo it ulun dino om nunu-nopo ot inantadon om kobuatano dau. Aso boros dot i sokoviai it ongoulun di noumpug siri jumadi do koruhang di Yesus. Bai i Levi o nokokoruhang di Yesus. Topot amu monodiri i Yesus di mamung iosido sid pongumpugan dit ulun dit mangaramai. Ong it Ongoparisi songsakup monodiri dot insan-po dino, amu alanta i boros moguhang ko mamajal di gama di Yesus. Kakali amu-po katama banal ioti. Bai sid kinoruhangan di Yesus o pamarasan do mamajal ioti. It Ongoparisi banalko mongontupat, supaya amu gumavul sid ulun dit aso bahazan. I ngaran Parisi, ino-no o harati, ulun dot osusi, ulun di nokosodiri dit amu gumavul sid aso tantu-tantu, ka. Ogumu o kaadato dioti kananganko i kosusian do guvas, sulung, kakanan om i razat om i vaza dioti mongoguna dit adau do pongintaranan om i gama minta dua (Matius 23). 31 Kondiri di Yesus tumimpa dioti, nga mamakai i Yesus do sundait om posondot di sundait dino. Ioti kondiri osusa do monodiri dot ombo ioti, ulun dit ali-ali ko ulun di kisakit, antawa abanal ioti ko kisala, ulun ioti di sumuhut di kenginan do Kinoringan, antawa osusa ioti muli sid Kinoringan, gima nokensodu ioti antad sid kenginan do Kinoringan. Lavis: I Yesus memot, okonko b aiko i hal sid soribau, inoi nga mimot iosido di buatan do ginavo sid saralom do songkilap. I Levi dino humongkob, tu retan dit ongoulun do Farisi dot ulun do kisala iosido. Topot i Yesus monorima dau, gam mongodim dau. I Levi mongohormat di Yesus om monorima kaseh sid dau sid saralom do poginakanan. Siri minomoros i Yesus di duvo ot ayat i apatut dot onuvon tokou do lavis: 30-31 Kadan tokou mongohukum dot ulun, inoi nga imatan tokou it ongoulun do iadko i Yesus, it obinsianan dit ongokokuguzan dot ulun. 5,33-39 I hal do momuasa. Iri-ogi lumombus-no i Lukas mongusul dot iadko polombus di pibabarasan sid poginakanan dino. Okonko i gama di Yesus milang ot insasakan, inoi nga i kobuatano di kinoruhangan di Yesus o panangan dioti monginsosok ko bai pavazaan di tinomod dioti. Mad tumorima ioti sampai mongoguna ioti dot i kavazao di Yahya i minomodsu om i di Yesus a-osukat om a-kosuvang sid hoturan do Taurat, gima ulun ioti di kisuromo. Topot ong i kinoruhangan di Yahya diri, ulun di kakali minamakai om sinumuhut di Taurat om i vaza dit ongoparisi paharati di Taurat. Iti-no o sabap dot pakaraat ioti di kavazao di kinoruhangan di Yesus. Ong siti, amu atarang dot isai "ioti", it Ongoparisi om i Katib ko isai. Ino-no it pakaraat dioti, amu momuasa i kinoruhangan di Yesus om amu mongoguna ioti dit ongohiza do minta dua. I hiza diri varo hoturan do minta dua ong sid ongoulun dit okosog om apaham iadko it Ongoparisi do miabal dit ongohiza do Silam minta dua (I Daniel mininta dua ontok do tumonob it adau dot i gama dau minta dua ponong sid Yerusalim). Na i timpa di Yesus, varo-no vagu sambatan om suriban. Ino-no o harati, i sokoviai i gama, suvai kiontok o gama. I kenginan do Kinoringan okonko iadko dawai di kirugi ko ipomogos om lalapos dit a-milo-milo kosondot, ong a-kemumui it ulun. Gam i hoturan do Kinoringan om i samod dau mogihim di kosinangan dot ulun. Manjadi it ulun okonko rontob manaud om mongohondom di pangalaman dit ongoulun kodori kananganko i Kinoringan, inoi nga mongining om kumavid di boros vagu dit antad sid Kinoringan. Ino dino iadko i hal dot ongokumut. Sid kosulungan dit orobuk-no, tu alaid-no pipapakai, tantu aso tinganan do ponombong-po, dot i tombong dino, kumut do vagui. Pengkaa dino it anggul di kakal-po rumidi kopetas dit obubut do kulit dit orobuk-no. Suvai kopionong i kumut om it anggul om it obubut om atag-ogi o gama. Suvai osodia it ulun do kumavid di hoturan om kenginan do Kinoringan ontok di dau do hiza, isuhut di kosimbanan do hiza om kavazao dot ulun. Kagi, amu atag do toudon i koubasan dot ulun, tu nokotiim-no laid it iso o hoturan. Iri-ogi a-milo-milo, iri-no ko iri o hoturan om 17
vaza dot ataud om apakai, retanko bai iadino o kavasa. Sabap natamat sid iso o hal, amu ozi it ulun monimban di ralan om ivou dau, indoson ong bai i gulu diri ot avasih om atag. It ulun di minongining do boros om tudukan di Yesus di iadino, a-milo-milo monodiri om momili dot ombo o suhuton dau, i vaza laid ko i habal vagu. Sabap i habal vagu dino a-kopionong om a-koperad di kotuobasan laid diri. Minsanko varo pangalaman dot ulun dot suhulon mamakai ombo i noporisa laid mantadko maliu sid hoturan dit amu-po notiiman, topot ong sid Habal do Kovosihan, tantu aso guna di pangalaman kodori dino. Lavis: Sid tuturan dino manarang i Yesus di pitonidan di kadato do Yahudi om it KADATO DO KRISTIAN. It ongoulun do Kristian nokosuhut-no di Habal do Kovosihan (Lukas 2,10 i habal dot avasih om otomon, ka). Amu apatut do humongkob om olungui it ulun, rumbul satu hiza do kakali otoron i tuminong, o ino-no i Yesus. Inoi nga apatut dot otomon om ounsuopot it ulun. (Ong iduan-no di tuminong, apatut-o do momuasa. Sabap ino, varo koubasan dot a-kopiro it ongoulun Kristian do momuasa i hiza di kinapagasan om kinapatazan di Tuhan Yesus). Iri-ogi manarang i Yesus dot aso guna do mangagavul dot adat. Tu varo't ulun dit engin dot arangkap banal o gama sid piumpugan do Kristian, na onuvon dioti it adat do Yahudi do iponukup di gama, kiro-kiro i sunat antawa it adau do pongintaranan (Sabat) antawa it adat do momuasa. Topot i kovosihan di Kinoringan tantu tahak dau, okonko suul dau bahagi di gama dot ulun. (it ayat 30 niamung dati tohudi't adau dot ulun dit amu kaharati di suriban dino, antawa it osuhulan iosido dit ugama do Yahudi). It ongoulun Kristian varo hoturan om koubasan. Ino iadino iadko adat o buatan. Topot i gama tokou sumuhut baiko vaza do monorima kaseh, okonko vaza do mogihim di kovosihan di Tuhan. Tu iosido o manahak di kovosihan dau dot aso horogo. Sabap ino kadan-no do mamaal tokou vagu dot adat dot iponukup di koubasan laid, iadko kopomodsuan baiko osukod-no, antawa minta dua do masti mogihad, antawa nunu-nopo i iadino. Tu i harati do Kristian mad norungoi-no om i dang Yahudi okonko nosuhut ensanan. 6,1-11 I Yesus om it adau do pongintaranan. Okonko rontob amu momuasa i kinoruhangan di Yesus, gam mongotu-po om monompiri ioti do ravo do gandum ontok dit adau do pongintaranan, tu vitilon ioti sid tanga do ralan. Iti-no vagu o pavazaan dit Ongoparisi do mamajal di Yesus, tu amu moniag iosido di kinoruhangan dau sid gama di iadino.Ong ontok dit adau do pongintaranan, nunu-nopo o gama, a-kavasa, ka di hoturan dit ulun Parisi. (Ong i hiza sid belantara i bansa dot Israel, hiza di pongintaranan, aso Mana mimbulai. Iti-no o sabap dot a-kavasa mongotu ko monodia dot akanon, ong adau do pongintaranan, ka di hoturan diri). Na i Yesus mongorinding di kinoruhangan dau. Ino-no, ong varo kosusaan iadko vitilon it ulun, okonko i hoturan dit adau do pongintaranan ot agazo o guna di tumalib di kosusaan dot ulun, inoi nga i kosinangan dot ulun o keso o hal om tinomod dit adau do pongintaranan. Sid pangalaman di raja Daud momihot i Yesus di iadino, gam mangalapis-po di boros dau di momoros iosido dot, It anak do Riniba o manansanganu (om mangahatul) dit adau do pongintaranan, ka. Amu manarang iosido dot isai it Anak do Riniba. Napakai-no laid ino pongoretan om pangkat dino hiza di nabi Daniel. Ong sid Injil di Markus, varo-po nakamung i tinomod dit Adau do Pongintaranan, ino-no, posinang di riniba, okonko kiriniba, tu varo't adau do pongintaranan. Nalazan di Lukas posiat i panarangan dino. 6-11 Iri-ogi varo-po kopigogutan koduvo, gima it adau do pongintaranan, ino-no, mongumbasih i Yesus dot ulun di nokimai i palad dau. Mad inot ongoulun do Parisi songsakup mozo-nopo di Yesus do mongimpa om momorisa o tomodon, kaluto ong rumanggal-no vagu di hoturan dot ugama Yahudi. Ioti iadko i CIA di mangajaga dot ongoulun, supaya ong varo karanggal do hoturan do pomogunan, atangkap koduruk it ulun dino, supaya aso kodurhakaan. Na i Yesus diri amu mongolim ko sumusut di nokemot iosido dot ioti sino-no ko sino. Gam dumahava i Yesus di kobuatano dioti, supaya kalanta i tomodon dioti. Notutunan-no di Yesus om nakaharati-no di vaza dioti momorisa om mongimpa. Iti-no o sabap do tumoguvang i Yesus di gama dioti mangakal, gam nitanga it ulun di nokimai i palad. Iri-ogi monginsosok iosido dioti kananganko i kosusaan dit ulun dino. Iti-no i hal di kopiduvaan do ginavo om kopigogutan: ombo ot atag: mongumbasih ko mongindaraat, mamasi ko mominasa, ombo o pilihon dikou, ka di Yesus. Na nelaan-no laid di Yesus dot amu katama ioti tumimpa. Kagi sid duaton di Yesus nokovozo-no i harati dot isai it ulun dit amu monulung, ino-no it ulun di mad mongindaraat. Sabap ong amu-oku monulung ko manapul dit ulun dit osusa do sisiri-no ong matai ko lumosod ko sumorob, tantu kobinasa om kapatai o rikoton, do iadko ioku-no o kisala sid kapatazan dit ulun dino. Iti-no o sabap do minonuhu i Yesus dit ulun do nokimai-no i palad dau dot, Pakahango-no i palad-nu, ka, dot nakahang-po, ohijau-no vagu i palad dau. Ong otopot, bai boros di Yesus, okonko i gama kumavid ko monguru di palad om longon dit ulun ko i nunu-nopo o vaza mongubat posihat di palad dit ulun dino. Topot ioti dino, tantu aso-no tinganan-po paharati ko pongitungon di boros om timpa di Yesus. Iseso ko asana. Bai iso-po o boros dioti sid gama miupakat, patazon. Topot kakal amu-po noonsi i sana dioti dino. Lavis: Sid saralom di duvo o kinojodizan dino minanarang i Yesus dot it ulun sampai i kosihatan dau om i kosinangan dau lobi-po agazo o harati mantadko i hoturan dot adau do pongintaranaan. Apatut dot onuvon do lavis it ayat antad sid Injil Markus di nalazan di Lukas: I tinomod dit adau do pongintaranan o ino-no, posinang di riniba. Okonko kiriniba, tu varo't adau do pongintaranan. 18
6,12-49 Mongodim i Yesus di kinoruhangan dau om monuduk-po dioti. 12-16 I Yesus momili di hopod om duvo i kinoruhangan dau Okonko impiro-piro mongohondom i Lukas di gama di Yesus minta dua (3,21;5,16; 9,18+28;11,1; 22,41; 23,34+46 Guluko manantu i Yesus di kinoruhangan dau, mininta dua-no iosido sid timpak do burul ontok do sodop. Susuvab om minongodim-ogi i Yesus di kogumuai di pokoruhangon dau sampai sinodiri-no dau i hopod om duvo i kinoruhangan dau. Gam manarang i Lukas do kondiri di Yesus o minomungaran dioti dot ongorasul. Minsanko i kogumuai dot ulun diri nokovozo-no sid burul. Suvai nopili-no it ongorasul om rinumuhuk-ogi ioti kumaa sid rumantai. Sinod rumantai dino nosomungan-no di Yesus i kasapahan dot ulun dit antad sid daerah do Yudea om antad sid Yerusalim, sampai antad sid sarazo do Turus om Sidon. Iseso o tinomod dit ongoulun sino, mongining di habal om tudukan di Yesus om mokipasi sampai mokiuru, ombo i kisakit om i nosoruvangan do rogon. Gam kenginan dit ongoulun do kotudu banal ioti di guvas di Yesus, gima retanko varo kuasa di rumaliu sid isai-nopo i nokotudu di Yesus sampai mengkod i kokuguzan dau. Sid burul mininta dua i Yesus, tu sid burul mad osomok it ulun sid Kinoringan (iadko i Musa sid Torsina di kasamung do Kinoringan). Ong sid rumantai, ino-no it intoronon do razat. I momili i Yesus di kinoruhangan dau, engin iosido do kumoruhang ioti do iadko murid di sumikul, miabal it ongomurid dit ongorabi. Suvai nokosikulno om jumadi-ogi ioti do rasul ko misionari, ulun di polombus di Habal do Kovosihan. Gam momungaran i Yesus dioti dit ongorasul do mamakai do ngaran vagu, iadko i Petrus om i Matius. Sid usul di Lukas mimbulai dot ino pongoretan do rasul dino, bai ngaran om pangkat ko garal di hopod om duvo it ulun di nokokoruhang di Yesus, om i sid tohudi, i-po Paulus om Barnabas (UR 14,4+14). Sid laporan di iadino mongorinding i Lukas dit ongorasul, tu rumosi ko varo't ulun vokon di misingrasul hiza dot i Lukas minonurat dit injil dau. Na i ngaran koduvo di Simun, ino-no Petrus (ong sid Ibrani Kefas), ino-no o harati, Pampang. Amu ensanan kopionong it ongongaran dit ongomurid di Yesus, isuhut di Markus 3,16-19, ino-no i Yudas, anak di Yakub sid di Lukas. Topot i Tadius ong sid Markus. Amu elaan tokou dot ino duvo o ngaran dino, iri-no ko iri, ko sid keloo di Lukas varo pitonidan. Ino-no ot nihodtol di Lukas, I Simun koduvo nga ulun di nakamung laid sid rombongan do Zelotes, inot ongoulun di kinumodou di porinta do Rom. Pengkaa dino, pentahan laid i Lukas di kosungguvo di Yudas Iskariot, i mongojuval di Yesus ontok sid tohudi't adau. Ino-no i miuumpug sinod rumantai, inot hopod om duvo o kinoruhangan om i vokon it ongoulun di songvozovozo-nopo di Yesus mirimpanau sid pomogunan om i-po kogumuai do razat di kokorikot sino, tu mokituduk om mokitulung di Yesus. Ong oretan i daerah do Turus om Sidon, ino-no o harati, minsanko ulun dit okonko Yahudi nakamung-no laid sino, ino-no it ulun kafir ko ulun dit a-nakamung sid ugama Yahudi. Lavis: Amu dati pojodizan do palan i limo ot ayat dino. Topot avantang ong hondomon dot sid pialatan di hopod om duvo o kinoruhangan varo't ulun antad sid duvo ot tumpuk politis i banalko misangod: I Matius, o ino-no i Levi, i nokiro sid tumpuk di monungkod di porinta do Rum, om i Simon i retan do Zelotes, nokiro sid tumpuk di sumaap do Rum. Sompi nopili di Yesus. I harati, i Yesus amu gumavul sid politik. Isai-nopo nga otorima dau, ong sukul atatap i ginavo dau. 6,17-19 I monuduk om monulung i Yesus Iadko sid Matius 4,23 om 9,35 manarang i Lukas dot monuduk om monulung i Yesus. Varo boros om tudukan dau om varo gama dau pengkod do sakit om monulung dot ulun. Iti-no o sabap dot ino Tudukan sid Rumantai (miabal di Tudukan sid Burul sid Matius 5-7) dino orindingan di gama om kotulungan di Yesus. Minsanko ino harapan dot ulun do kodung kotudu di Yesus, olingasan do sakit dau, ong otopot bai harapan di iadko harapan sid hojimat do bobolizan, kakali otorima di Yesus, gima minsomok i Yesus sid sokoviai it ongoulun, minsanko sid ongoulun dit amu-po kaharati banal di kovosihan di Yesus. Amu pokihi i Yesus di vaza dit ongoulun mangasip om humarap sid dau, ko monodiri ombo it ulun dit otopot om abanalko mangasip. Lavis: Ong baiko tudukan (boros), amu-po osukup. Ong baiko kotulungan nga amu-po. Iadino-no laid sid di Yesus, sid di tokou, nga iadinoi. Ong baiko boros, varo-no momoros dot, Ade, momoros ko monuduk, oruhai banal om ovudut dati, ka. Ong baiko kotulungan, amu ohorotizan i sabap om i tomodon. Tudukan om kotulungan saling (sompi) misungkod (memerlukan). Ogumu ot ulun momoros dot, It ongopandita baiko monuduk o gagamaon dau. Kadan tokou kemozo. I pandita dit amu opogos sid saralom di gama dau, amu osipon dot ulun i boros dau. 6,20-49 I Tudukan sid Rumantai (Matius 5-7) 6,20-26 Pokosinang om pokosusa i Yesus. Onibak i tudukan di Yesus ong sid Lukas, amu kerad sid Matius 5-7. I Yesus tumoguvang om sumirot sid kinoruhangan dau, it hopod om duvo om i-po vokon. Mongodim om mongonsug iosido dioti, supaya mongusaha ioti di kenginan do Kinoringan. Ong i Lukas monodiri dit ongoulun, dit ombo i nokokoruhang banal di Yesus om ombo i bai nokovozo di hiza diri. I minongodim om minamangkat i Yesus do koruhang dau (17-19), noumpug laid i kogumuai dot ongoulun. Varo-no laid apat o bahanda ko tudukan do kosinangan om iri-ogi apat ot ongobahanda di posusa om kolupu dit ongoulun di nakaranggal di kenginan do Kinoringan. Ong pokosinang i Yesus dit ongoulun do mosikim om it ulun 19
di kihizan dot ulun, gima kumoruhang ioti di Yesus, tantu bai i kinoruhangan o panangan dino. Topot ong pokosusa i Yesus dit ongoulun vokon, lumundu ko ulun di mokindazou di kondiri, ino boros di Yesus dino nokonong sid isai-nopo i tiining. Pengkaa dino i tudukan dau kananganko i gama manamod do sangod, tudukan bahagi sid sokoviai i mongining. Okonko sokoviai it ongoulun di minozo di Yesus diri o pinopung di sokoviai (5,11) iadko i Petrus om i Levi. Bai i hopod om duvo i kinoruhangan o tanda om kososizan bahagi dit ulun di nokosokot om nokotombil sid kolunduo dau, supaya kalabus ioti sid kouripanan di kolunduo dau dino (imatai-po sid 8,3; 10,38; 14,12-14; 19,8 ko UR 20,33-35) Iti-no o sabap dot ensanan i razat di noumpug sino, nga nokening di sokoviai i boros di Yesus di nokosurat antad sid ayat ko-20. 20 I Yesus monoguvang dit ongoulun do mosikim om i monombitil om i mogihad, dot, Ikou, ka di Yesus. Kagi i boros dau okonko boros di monginsasamod ko bai pentahan di hiza sid tohudi. Tanid kagi sid laporan di Lukas ino boros di Yesus mantadko sid Matius 5,3-12 ulun dit osibak o ginavo. Gam i kosusaan dit ongoulun diri toguvangan di hoturan di Yesus. Okonko bai sid surga om varo-ogi kamagatan om kengkadan do kosusaan, ka. I kolobusan di mosikim om it ulun di noboludan om i nasaadan, ino-no o gama di Yesus i hiza diri, ka. Induvo kohodtol i kosunuan sid boros di Yesus, tu, Biano, ka di Yesus. Ioti kinoruhangan di Yesus i pinopung-no laid i kosukupan dioti. Iti-no o sabap do posuntuan i kinoruhangan ong sid gorija masi ponong sid hoturan vagu sid karajaan do Kinoringan. It Ama sid Surga, i minongurug di vinangun o sijil om kopomihatan di janji do Kinoringan, ka di Yesus. Sid ongofasal vokon mongusul i Lukas do kuran dit a-ko piro it ulun kozuhu mamahagi di dau do barang om kolunduo (Zakai F. 19) Ino boros di Yesus dino okonko suhu, inoi nga bai panarangan do kuran o kavazao dit ulun di nokosuhut di Yesus do tumorima di kosinangan om kovosihan do Kinoringan sampai kozuhu-no it ulun dino mamahagi ko pelang dot ulun vokon sid dau do barang om harata om goos. 22 Okonko rontob i Yesus ot nogusa om nosunsub sampai nohukuman, minsanko i koruhang dau nonong do kosusaan iadko i Yesus. Ong osunsub it ulun Yahudi sid ugama do Yahudi, mad napatai-no iosido, tu amu-no gunaon-po iosido sid tanga do razat. Topot ong nosunsub i iadino, ong Kristian, ino kinosunsuban mad garal om pesta, tu tanda dot atarang o kososizan dit ulun sid Tuhan Yesus. 24 Ponong sid ulun vokon, varo-po, Topot, ka. Ong i lumundu, tu osinang-no laid, baiko kosusaan-po o rikoton dau, ko it ulun dot orusuk, nga pengkaa dino, agazo o vitil o panangan dau. Ombo it ongoulun di pakaso do Kinoringan om i kenginan dau, tu indoson ong amu-no osusa humarap om sumuhut di kenginan do Kinoringan, iadko it a-ko piro it ongoulion di nolingan-no i kuasa do Kinoringan sampai nolingan-no i tinomod do razat momili dau. Ino-no ot anangan i kokurangan om karaatan sampai kosusaan dit aso kengkadan. Minsanko i gama mongolumbok dot ulun, nga ohukumani, ka. Lavis: I Yesus okonko mongindazou di kosikimo, supaya i tokou mogihim do vazaan jumadi mosikim, antawa mongindazou di vitil, supaya i tokou engin monombitil. Om amu pokosusa di kolunduo antawa i kovizahan. Topot i Yesus engin monunda di ginavo tokou, supaya kemot di harati di varo sid sokoviai i hal sid tinoguvangon do Kinoringan. I kolunduo, ong obohogizan it ulun do mosikim, kadapat pembulai do piniizaan di banalko avantang. Topot ong amu kapamahagi, tantu mongorungoi di piniizaan. Varo pamarasan dot, I kohigako dit abahagi sid ulun vokon, mad enduvo o kogozoo dau, om i korualan do ginavo ong noboros-no sid ulun vokon, bai entanga-po o kavagato dau. Ino iadino dino otopot banal sid tinoguvangon do Kinoringan. Kopurimon tokou i iadino okonko baiko tohudi't adau, inoi nga BIANO. 6,27-36 I pinonuhuan dot asamod. Noboros-po i kovosihan di Yesus kananganko i duvo bahagi do razat, mongingut om mongonsug-no i Yesus sid atag o gama sid tinoguvangon do Kinoringan om i razat. Ong sid di Yesus amu osodiri ko opingig i kavazao ponong sid Kinoringan om ponong sid ongoulun. Aso boros di Yesus siti do monuhu do kokosogo dot ulun sid tinoguvangon do Kinoringan, inoi nga i kavazao om kobuatano dot asamod. Tu suvai i samod o mangagazad dot ulun, iri-ogi matag i sokoviai i gama dot ulun ponong sid Kinoringan om ponong sid ulun vokon. Vokon-no i toriso-iso it ulun, ong toguvangon di Yesus, IKAU, ka, vokon-no ong IKOU, ka di Yesus. Tumoguvang iosido di kobuatano dot ulun sid gama dau suvab-suvab. Varo kokurangan sid tanga do razat om varo kovosihan sid pialatan dot ulun. Minsanko i mamangarampas, nga kakali mongoguna dit anggai-anggai dau ko i kisala, nga iadino engat i gama manamod om mongumbasih. Lobipo ong it ulun di sumuhut di tudukan om hoturan di Yesus om i karajaaan do Kinoringan di nokorikot-no, ino-no, polombus iosido om poromut di samod do Kinoringan sid ulun vokon. I koruhang di Yesus jumadi do pakakas om tanda di samod do Kinoringan. Inot ayat 31 iadko i sid Matius 7,12 manarang om manantu di kovosihan di banalko onibak di retanko i RANDAVI O HOTURAN ko HUKUM DO BULAVAN. Lavis: Ong sumikit-no i govuton antawa it ongokabun sid mintutuk, a-milo-milo tagadon it ongokazu sid mintutuk di kabun ko valai kondiri, supaya aso kolombusan dit apui rumikot sid valai-to. I suhu di Yesus manamod-ko-no di sangod-nu, nga iadno dino o harati. Karaatan engin pembulai do karaatan sampai gumazo banal. Topot ong amu-no kosuli, engkod-no i karaatan. Ong varo-po samod, nga iadko ovegan-po i tana i sid mintutuk di valai-to. Hondomo-no banal dot i Yesus okonko baiko minonuhu di kinoruhangan dau, inoi nga iosido kondiri o nokosuhut kondiri (imatai F. 23,34). 20
6,37-42 Sid samod o vazaan monongobpinai dot ulun. Okonko hukumon, inoi nga samadan o vaza-ku minsamung dit obpinai-ku iadko i vaza di Yakub sumamung di Esau om it isai-nopo i riniba. Nabahandaan-no laid dot it ulun mopud sid samod do Kinoringan sampai jumadi dot anak do Kinoringan (35). Sabap ino, it ulun Kristian amu mongohukum ko misinghakim, gam mangada do karaatan, om manahak, gima nokotorima-no laid iosido di kaadaan do kasalaaan om i samod do Kinoringan. Iriogi manarang i Yesus sid tolu o suriban di kosumbungo dot ulun, supaya amu momuruvak it ulun Kristian, do retanko iosido-no ot elo mangagazad om nokoguru-no iosido sampai elo-no iosido monodiri dit otopot om amu. Bolou-ko dino. Nokokuro, tu engin-ko mangagazad om misingguru dot ong otopot, kakal-ko-po murid. Nokokuro, tu sampai misinghakim-ko dot ong otopot, i dikau do sala agazo mantadko it ulun dit salaon-nu dara, ka. Lavis: Elaan tokou-no dot i gama maanala dot ulun antawa mongindaraat dot ulun najadi-no do koubasan sid saralom do politik. Sabap ino, masti mongontupat banal ong varo't ulun di mongindaraat do koruhang. Amu dati otopot, baiko tomodon dau mongorungoi ko mongorugi di koruhang dino. Minsanko mad atarang-no dot otopot i gama manala dino, atag-no ong i tokou ulun Kristian kakali osodia do mangada di sala dau dino. Sabap elaan tokou-no dot tantu aso harapan tokou, ong i Kinoringan ot amu mangada di sala tokou. (Atag-no ong kikobinsianan-kou, iadko it Ama dikou kikobinsianan Lukas 6,36). 6,43-49 Sid kovian di tudukan, i kabun do kouvaan om i vaza muvalai o suntuan om suriban dit atag ot ulun sumuhut di tudukan di Yesus. Ipat-ipat it ulun, varo kogunaan om panangan, iadko i kazu di monguva. Manjadi okonko enizo dot avantang i kouvaan. Sid ongouva sodirizon tokou i kobuatano dot uva. Ombo i kiguna, retan dot avantang. Ombo i kigizuk ko napasa, retan dot araat. Pengkaa dino i hasil di riniba. Varo't avantang om varo't araat. Na kuran-kuran, iadko i sanganu do kabun monodiri dit ongokouvaaan sid kabun dau o gama do Kinoringan monodiri dit ongoulun om i kavazao dau. Varo-po kagi't ongokazu di kiuva, dot inot ongouva dino, amu oguna dot ulun, tu a-akan. Inot ongokazu dino, antad sid vangun dau amu monguva ponong sid kosinangan do riniba. Sinod suntuan dino monuduk i Yesus dot, ong antad sid ginavo dot ulun varo araat o tomodon, tantu araat i hasil dit ulun dino. Topot ong opusok do samod i ginavo, tantu i samod dino monguva sampai posinang dot ulun. Sabap i ginavo dot ulun, ino-no mad lugu om vangun do kazu, sampai i kouvaan tantu mongimbulai dit avantang antad sid saralom do ginavo. Kagi it avantang ko it araat i sid saralom do ginavo, sid kabang o kembulazan. Iti-no o sabap, i kogumuai do kouvaan om kavazao, avantang ko araat, i kabang om i boros dot ulun o palanta om posoribau dot aso tinganan posusut. Lavis: Sid tolu ot ayat dino manahak i Yesus do pogintutunan bahagi di gama mongoro di kogunaan dot ulun. Ong avantang i sid saralom dau, o ino-no i ginavo dau, tantu avantang i gama dau. Ong baiko i boros dau antawa i buatan dau sid soribau ot itungon, oruhai tokou apalid. (Topot ino iadino dino okonko mananus di suhu di Yesus dot, Manamod-ko-no di sangod-nu, antawa, Kadan-kou-no manala). 46 Iri-ogi monginsosok i Yesus di kogumuai dot ulun di niumpug sino, supaya olumbatos o gama dioti monontuhan ko tumolikud di Yesus. Sid tinoguvangon do Kinoringan a-kavasa do sumuhut nga amu atantu ko tumolikud, nga amu atantu. A-kavasa do bai ngaran mozo ko ngaran tumongkizad. Kodung monontuhan di Yesus, iri-ogi sumuhut om tumorima di kovosihan di Tuhan Yesus. Isai-nopo i mongining om tumorima di tudukan di Yesus, tantu mongusaha di kenginan dau. Ino gama dino posuntu i Yesus sid ulun dit elo muvalai, sabap i gama dau muvalai ahatul banal. Aso hal dot ahago ko aso tantu-tantu o gama mongumba om mongumpai di puvavalazan. Gam miuma i gama mongorigi dot opili laid i poturugan do valai, supaya atarang it kinogomon do valai. Okonko tambak ko bai pantai dit olizudani. Ong it ongobinatang do Momogun diri, amu atag ong varo vatu sid saralom do tana. Tu ong kivatu, tantu odurukon oluvau-no it origi sampai oruhai humaba i valai. Topot ong it ongovalai di kirinding do bata ko simen, ong okonko atarang i vatu sid sahau do rinding, tantu sumosot i rinding om tihaba i valai. (Minsanko it ongopanambayangan sid a-ko piro o kampong dit ahago notunggol, sumosot-no i rinding sampai rumungoi-no i simen). Manjadi ino suriban dino monuduk dit atag o gama sumuhut di tudukan di Yesus. It ayat 7,1 manantu di kapangaan di tudukan di Yesus iadko Matius 7,28; 11,1; 13,53; 19,1; om 26,1). Lavis: Kadan tokou-no rumonok di kapagasan minsomok banal om sumuhut banal di Yesus, do masti mogidu tokou antad sid sokoviai i hal dit a-kopionong di Yesus. Opogos tokou dati mantadko it ongoulun di baiko misingsuhut. Topot i hiza di kosusaan, tantu mimbulai i kogunaan di gama do iadino, tu opihot i kosipan tokou. 7,1-9,50 Mongodim om mongumpug i Yesus dit ongoulun Iti bahagi dit Injil di Lukas mongimbulai do kuran i Yesus minagavi mongonsug dit ongoulun dot Israel, supaya sumuhut ioti. Induvo mongusul i Lukas do kuran i Yesus pembulai do kosunduvo sampai mongogulian dot ulun (7,1-17 om 8,26-56) sampai pogili iosido di harati do kuran ot atag o gama mongining om tumorima di tudukan dau (7,36-8,21). Kagi induvo-no o varo panarangan di Lukas dot isai i Yesus, gima varo't ulun monginsosok (7,18-35 om 8,22-25) om kuran ot atag o vaza sumuhut di Yesus. Gam kondiri di Yesus papanau om potugas di kinoruhangan dau (9,1-6) om pembulai sid razat di kuasa dau (9,12-17) sampai pakan di 5000 it ongoulun. 21
7,1-10 I kosipan di kopitan sid Kaparnaum. Ong sid Matius, kondiri di kopitan o nokorikot sid di Yesus, tu mokiuru dit uripon dau. Ong sid usul di Lukas, ulun do Yahudi o minongontok di kopitan (ulun Rom dit a-kosuvang sid ugama Yahudi) do bantaran mindamo di Yesus.Monguji ioti di kokosogo om kosuahan di kopitan, retan dioti ko minsan i panambayangan dioti minamalanja i kopitan. Varo dati tomodon di Lukas do manarang dot, suvai ulun Yahudi o monodia di ralan dit ulun dit okonko Yahudi, om kasamung-ogi it ulun dino di Yesus (iadko i tuturan di Kornelius UR 10), ko it ulun Yahudi mad bantaran pakaa sid di Yesus om i kosipan ponong sid Kinoringan. Mad duvo o panangan di tuturan diti: it ulun Rom humarap sid di Yesus. Iri-ogi i Yesus monguji di kosipan dit ulun Rom dino di nakatalib di kosipan dit ulun Yahudi. Sid gama di Yesus mongindazou di kosipan di kopitan, mongonsug om mongingut i Yesus dioti (om i Lukas), supaya tumorima it ongoulun di kosipan di kopitan iadko suntuan dit atag o kosipan, ino-no, minsanko it ulun dit osodu antad sid Kinoringan, ong sukul humarap sid kuasa di Yesus, okonko sid dau do keloo om kovosihan ko kuasa, tantu kotorima iosido di kotulungan om kamung iosido sid ulun di dang Kinoringan. Lavis: Asarok tokou mongitung dot osodou tokou banal antad sid di Yesus, osodu ong kiroon i hiza, osodui ong kiroon i pomogunan. I tuturan dino engin pakatama tokou, supaya mangasip tokou om humarap tokou sid di Yesus iadko i kopitan diri. Iosido koponulung antad sid sodu. 7,11-17 I mongogulian i Yesus dit anak di bituanon sid Nain I hiza do sumuvang i Yesus om it ongokinoruhangan dau sid kampong do Nain, lumabus i rombongan dot ongoulun kumaa sid pangalabangan. A-nitalib di Yesus ioti ko minitalibi i duvo rombongan dino, gam tumoguvang-no i Yesus di bituanon, it idi di minatai. Ong otopot, aso koubasan do manahan dit ongoulun di mangatod do lungun sid tanga ralan kumaa sid pangalabangan. Topot ong i Yesus, gam monginsasamod-po iosido di bituanon, boros dau: Kada-no pogihad. Om okonko rontob momoros i Yesus sid ondu dino, inoi nga tumoguvang-no om tinudu-no i lungun. Iti-no o sabap dot amu-no nokolombus it ongoulun di minonompuzung di lungun. Minonobon i Yesus di ralan dioti. Songvongo-vongo-po dati ioti, tu okonko varis di minatai i Yesus dino. Na kakali minintoron ioti om posondot di lungun sid tana. Na i lungun kodori diri a-notombol. Varo palampag om rinding, topot amu otutup. Iti-no o sabap do kotoguvang i Yesus di minatai it Anak vagu sampai kumiboros do monuhu i Yesus potungag dit anak vagu iadko bai modop it anak dino. Dot noboros-po, tinumungag-no it anak vagu sampai minumbongut-no. Iri-ogi ginazad-no di Yesus it anak dino rumikot sid idi dau. Na i kogumuai dit ulun sino dino, songrosi-rosi om songvongo-vongo-nopo sampai minongindazou do Kinoringan, gima nakaharati-no ioti dot ino gama di Yesus, mad vaza do Kinoringan magandaha om minsomok sid bansa dau. Retan dioti ko nabi do randavi i Yesus dino. Ino habal dino nokoronuw-no sid daerah sino om sid ongopomogunan vokon. Inot anak vagu dino, harapan do koposizon dit idi dau. Tu it idi bituanon om lumohing sampai orukung-no. Manjadi, kodung minatai it iso it anak dau dino, tantu aso harapan di bituanon dino, tu nouripon-no om nokuasano do huntung. Tu,ong hiza-po do mongolobong dit iso it anak dino, varo-po koruhang dau, tu minozo mongolobong, tu kusai i minatai, iri-ogi ong kolobong-no, baiko minud-po do kolobong-po i bituanon om bohogizon-no i barang dau (ong varo), vokon-no ong amu-po minatai i bituanon dot ondu, pisasalan-no i barang om kabun dau, retanko monulung om mamasi dit ondu dino. Topot surupu, tu sid tanga do kosusaan dit amu-no elaan o kosondoto, nosomungan-no di bituanon i Yesus, it ulun di manapul. (Yesus - Yehosua ong Ibrani = i harati, i Monulung, manapul, monguru, monindal, mamasi). Na i Lukas mongohodtol, Ong i Yesus o kasamung di kosusaan di iadino, tantu iosido i Tuhan (13) i kikuasa o mogkodimot di kosusaan di bituanon om kikuasa do monimban ko pengkod di kosusaan dino. Amu lumoub i Yesus sid buntung dino iadko i nabi Elia diri (1. Raja 17) ko mongodim om minta dua sid Kinoringan. Bai kumiboros iosido di buntung do iadko mizau o vaza sid anak vagu dino. Sid gama di Yesus porikot sid idi dit anak dino, mimbulai-no i vaza di Yesus monginsasamod di bituanon. Antad dino varo-no vagu harapan dit ondu, tu it anak nogulian-no om kadapat pensukup om mamalanja om monumad om momiara dit idi dau. Amu-no nokolombus i kosusaan di bituanon dino, i retanko nolupu iosido do Kinoringan om okihi di razat, gima i napatazan dit savo om anak dau do iadko suul di karaatan om kasalaan dit ondu dino. Ong sid 7,1-10, it ulun toropatazo-no. Topot it anak vagu dino, gam nokosuvang-no sid lungun om notompuzungno kumaa sid pangalabangan. Tantu minatai-no banal. Topot i kuasa do Kinoringan kadapat mongogulian do minatai. Ino kuasa dino pikakavid-no di Yesus. Sid ayat 22-23 mongohondom i Yesus di gama dau di iadino, sid vaza dau manarang sid di Yahya i minomodsu dot otopotko iosido-no it ulun, i nintahan-no laid di Yahya. Lavis: I tuturan dino monuduk di tokou di kuasa di Yesus monori di huntung. Ino kuasa dau dino amu-po nelaan dit ongoulun sid Nain diri, tu i Yesus kondiri amu-po minatai. Ino-no i tomodon keso di tuturan dino, i kogulianan di Yesus. I Yesus engin monodia di ginavo dot ulun, supaya mangasip ioti dot iosido-no i Tuhan it apasi om i kapapasi. I tokou diti nga kijanji dot ogulianan. Topot okonko gima i kinogulianan dit anak vagu dino, inoi nga gima i kinogulianan di Yesus. It anak vagu sid Nain diri minatai-no vagu i hiza di lumohing-no iosido. Sid kinogulianan di Yesus nokembulai-no i koposizan dit amu-no tumanus vagu. 22
I koduvo i tomodon di tuturan dino, ino-no i kobinsianan di Yesus. Atag ong i tokou nga obinsianan sid ongoulun iadko i bituanon diri. Kadan-no do mozo-vozo tokou sid pangalabangan, topot susuvab-po, olinganno it ulun di napatazan do harapan dau. Amu tokou kopongogulian di minatai biano. Topot koponulung tokou dot okonko baiko sangadau. Ino-no mionong di gama di Yesus. 7,18-35 I sinuhu di Yahya i minomodsu. I habal di kosunduvo di Yesus nokotongkop-no sid songpomogunan. Minsanko sid torungku nening-no di Yahya i minomodsu i habal dino. Tu i kinoruhangan di Yahya o minangahabal. Iri-ogi nopiduvo-no i ginavo di Yahya. Minsanko noboros-no laid di Yahya do iosido om i Yesus sumurut-no, ka (Yahya 3,30), i hiza di sid torungku iosido dot iseso om i nokening iosido-no di habal di kosunduvo di Yesus, mad oupus-no iosido do sid torungku, ong i Yesus nga obebas, gam ahatul o gama dau di banalko tanid mantadko i tudukan om kobuatano di Yahya diri. Iti-no o sabap do mokitalahas i Yahya sampai minonuhu di kinoruhangan dau do mongoduat om monginsosok di Yesus. Na i hiza dino, gam varo kosunduvo di Yesus, tu it ongoulun do bolou om i nosuvangan do rogon om it ongopanakit vokon nga nolingasan-no kavi. Iti-no o sabap do minonuhu i Yesus dioti do mangahabal dit ombo i nokososizan-no ioti, ino-no, i sokoviai i gama di narait-no laid sid Lukas 4,16-21: bolou, kimai, balang, bongung, minatai, nga oulit-no vagu i kosihatan om it ongoulun do mosikim nahabaran-no di Habal do Kovosihan, ka. Iti-no o sabap do mongindoronok i Yesus, supaya amu kalandu ko malid i Yahya om it ulun vokon. Kagi, ino vaza sumamung di kinoruhangan di Yahya o pinavazaan di Yesus monguji di Yahya i Minomodsu (24-25). Ino-no i panarangan di Yesus: it ongoponuhu do Kinoringan, amu enizo o gama om kavazao dau. Bai i tinomod om i habal dioti ot neseso. Ombo it ulun di kenginan do Kinoringan, mosikim iosido ko retanko ulun di kisala (krani do sukoi, sundal om kuran-nopo), tumorima di habal om kovosihan do Kinoringan, gima amu mongitung iosido do nokelo-no laid iosido do Kinoringan om i vaza do Kinoringan mangahatul do pomogunan. Topot ong it ongoulun dit osumbung di retanko nokensomok-no sid Kinoringan om nakaharati-no laid di Kinoringan om i vaza dau mangahatul di razat, sabap, tu a-kopionong di Kinoringan om i kiniro dioti dot isai om kuran ong i Kinoringan, tantu amu mangakun ioti ko tumorima di kovosihan do Kinoringan. I pongitungan dioti kananganko i Kinoringan om i kenginan om i kovosihan do Kinoringan amu otimbang om amu miabali. Na sid tudukan di Yesus di iadino minimbulai om sinumurut-no i sana dit ulun do Parisi om it ulun di retanko nokelo do Kitab. Topot ong i kogumuai di razat diri minamanal-no sampai tinumorima-no di Habal di Karajaan do Kinoringan. Iti-no o sabap dot okonko bai i Yahya i minomodsu ot ulun di kinenginan do Kinoringan, inoi nga ombo-nopo it ulun i nogiang-no o ginavo, mangasip-no iosido sid di Yesus, ino-no, momihot di tudukan di Yesus (35). Inot ongoulun dino amu humarap di dau do keloo om kosilato, inoi nga rumamit di tasantanid-tanid o vaza do Kinoringan manamod dit ulun di nokenud di kovosihan do Kinoringan. Lavis: Kadan-no dot oruol i ginavo tokou, tu minsanko mad aso rontob di kuasa di Yesus, nga amu pengkod iosido di sokoviai i karaatan om kosusaan. Ino-no o kinopiduvaan di ginavo di Yahya. Topot nohorotizan tokou-no dot i Yesus mogihim di kosipan. Ong aso kosipan, mad amu koponulung iosido. Ensanan it Injil di Lukas mongingut di tokou mangasip sid di Yesus. Sid saralom di kosipan kopiluzung tokou di Yesus, i Tuhan di kapapasi penlaid. 7,36-50 Tumanggai i Yesus dit ulun do kisala. Aso boros di Lukas do siombo i valai dit ulun Farisi dino. Bai sid ayat 40 o narait i ngaran dit ulun Farisi, ino-no i Simun (imatai Markus 14,3) Minsanko avadsak i boros di Yesus kananganko it ulun Farisi (7,30), kakali varo Farisi do mongingut di Yesus monginakan sid valai dau. Na i valai om it ongkob di poginakanan dino nogiang-no. It ongoulun sid natad do valai kadapat mimot dit ongoulun di nokelang-no monginakan. Rontob-nopo, ong ondu mamung ko gumavul sid umpug dit ongokusai monginakan, tantu amu kavasa i hiza diri. Mad a-kobongut i sanganu do valai, hiza do sumuva it ondu, tu otigogno laid sampai mongimpa iosido di vaza di Yesus mangambat di kobuatano om gama dit ondu. Mad noulau o gama dit ondu sumuva om tumoronong sid di Yesus, tu mogihad om mamarabag o romou dau sid hakod di Yesus di mogom-ogom sid palampag, isuhut di koubasan di monginakan ( i hiza diri it ongoulun di monginakan, mogom iadko it ongondu Momogun mogom sid palampag. It ongohakod osodu antad sid ongomangkok di sid tanga dit umpug). Sabap kotihi i romou dit ondu sid hakod di Yesus om sid palampag, momihid it ondu di romou dau dino di sid hakod di Yesus. Iri-ogi dinumungu-no om minongumau-no it ondu di hakod di Yesus dot umau di banalko ovongi om kihorogo. Ganta di horogo dit umau dino, gaji dot ulun sid saralom do sontoun (Matius 20,1-16) Ino gama dit ondu dino minamanal vagu di tudukan om samod di Yesus. Naakasakap it ondu dino mongorubat dit umau di banalko amahal, vaza dau mongoguna om mongindazou di Yesus sampai monorima kaseh sid dau, gima i habal do Kovosihan. Insan-po dino, i vaza dau monorima kaseh, dumungu iosido di hakod di Yesus, mad guminavo iosido di Yesus. Pengkaa dino i gama mongumau, nga gama ponong sid guminavo om vaza mongohormat dot ulun (Zabur 23). Ong monginsuhat dot ulun, ino-no i banalko avantang o gama dit ulun di papanau dot ulun di lumombus sid dau do rikoton. Ino dino it atag o gama dit ulun di sanganu do valai, i minongoligou dot ulun sid valai dau. Na i Yesus tinumorima di gama dit ondu dot aso nunu-nunu ot ambat dau. 23
Topot ong i Simun, banalko tanid ot ohorotizan dau. Keso, mad amalu iosido, gima varo't ondu di retanko akahag ko ogilat, sumuva sid dau do valai hiza do monginakan ioti, gam monoro-po dit ulun di linigou di Simun. Koduvo, avangaan i Simun, tu i kiroon dau, Ong i Yesus, tu retan do nabi iosido, nokokuro, tu amu kaharati iosido dot araat it ondu dino di mad oholian monongkusai sid bandar dino. Gam dumungu-po di hakod do kusai o gama dau di mad asu iosido. Manjadi, duvo o hal dot alanta sid di Simun. Ong iosido i sanganu do valai, iosido o i mangakun ko moniag dot ulun momodsuvang sid valai dau. Iosido kihak dot amu koho do varo't ulun di monoro ko mongododtol dot ulun di noligou. Topot mongohukum i Simun di Yesus sid saralom di ginavo dau, retan dot, ong nabi i Yesus, tantu elaan dau dot isai it ondu dino. Ong otopot, okonko it ulun di noligou-no o monunsub dit ulun di sumuvang, inoi nga it ulun di minongoligou. Iti-no o sabap, sid suriban di Yesus osulian-no i Simun dot ohukuman-no iosido. Ong osomok sid di Yesus, isot ulun nga aso kavasa do mongimpa om tumimpan iadko memot do wayang ko momorisa di gama dot ulun vokon. Ipat-ipat it ulun sid somok di Yesus, a-milo milo tumorima ko tumongkizad sid di Yesus om i habal dau. Sid suriban posuntu i Yesus di Simun. I gama di Yesus monuriban, isuhut laid dau di koubasan dot ulun di nakamung om nakandaha sid ulun vokon. Ino-no, pentahan-no laid i Yesus do varo tomodon dau momoros. Ong sid valai dot ulun, suvaiko i sanganu o mangakun, iri-ogi mumbongut it ombuvoi. I Yesus mamakai dit undangundang dit ongoulun diri. Amu manala i Yesus di Simun, inoi nga mongonsug di Simun, supaya kaharati om tumorima iosido di samod do Kinoringan. Sid suriban di duvo it ulun di kiutang amu pigimbangon di Yesus dit ulun Farisi om it ulun do kisala. Agazo i pitonidan dit utang dioti: 500 om 50 RGT. Inhopod it utang di kotiso it ulun dino. Rontob-nopo, sompikiutang. Varo't agazo ot utang, varo't okudik ot utang. Manjadi aso koubasan sid ongoulun dot it ulun di poutang pada dit utang dot ulun sid rapak, minsanko aso't ipangapus dit ulun di kiutang. Gam mongogorot it poutang do mangapus (Matius 18 potorungku, tu aso't ikapus). Bai Kinoringan o pada dot utang di iadino, it agazo om it okudik. Na mongoduat i Yesus dot isai dit duvo it ulun di kiutang ot agazo o ginavo ponong sid ulun di minangada dit utang dau. Iri-ogi mongitung om tumimpa i Simun sampai momoros dot it agazo ot utang mongimbulai dit agazo o gama monorima kaseh. Om i Yesus dino, mamanal sampai mangalapis di timpa di Simun di iadino. Iri-ogi posondot i Yesus di suriban dau, ino-no, toriso-iso o hal tarangon di Yesus. 1. Ong mindakod sid valai, varo hoturan dot nosodia i vaig, tu pomogan do hakod di notopuan do lisovu antad sid tanga do ralan. Na nolingan-no di Simun ino gama dino, vaza-ka dau dot amu tantu mongoguna di Yesus, naku? Na it ondu dino misingkomomoug di hakod di Yesus, gam mamakai dit ongoromou dau om pinihid dit obuk dau i hakod di Yesus. 2. Ong ulun do kiguna om ohormat, varo vaza manansalamat, ino-no, dumungu sid ulun ong kodung minsamung. Iadino o gama dit ongomurid sid rabi om guru ko it ongoulun di kihak om kironuw. Ino kavi amu minamakai i Simun. Topot it ondu dino gam dinumungu sid di Yesus do mad mongontok di Simun ko mangaganti dot ombo i nalazan di Simun. 3. Ong ahatul o gama sid ombuvoi i nokendakod sid valai dot ulun, varo nosodia dot umau dot ovongi, supaya varo kopurimanan dot avantang hiza do monginakan om mongus-ongus sid valai dot ulun. Baiko it ondu dino o minongohondom dit atag o gama mongoguna dit ombuvoi, minsanko bai i hakod di Yesus novougan om nodunguan om inumahan. Sid gama dit ondu dino mimbulai i kogozoo di samod dau om kohorotizan dau di gama do Kinoringan tumorima om manamod dit ulun dit isai-nopo. Ong i Simun, banal-no, minongoligou iosido di Yesus sid valai dau monginakan. Iti-no i dau do vaza tumorima om mongoguna di Yesus. Topot mad malang-alang o gama dau di iadino. Mad sukul-po mongoligou om sukul-po milang monginakan. Topot ong it ondu dino, minagavi iosido mongoguna di Yesus dot antad sid saralom di ginavo, do povozoon dau i kosukupan di barang dau. Ombo it amahal banal sid valai dau, pinakai dau di mongumau iosido di Yesus. Okonko bai sukul isuhut dit undangundang do momoug do hakod om dunguan it ombuvoi ko monodia dit umau dot ovongi, inoi nga alaid-laid o gama dit ondu pembulai di kogozoo di ginavo dau sid di Yesus. Iti-no o sabap dot nosulian i gama dau sid saralom di kaadaan di sokoviai i kasalaan om karaatan dau. Gam linumbatos di Yesus sid ondu i kapangadaan di sala dau (48). Ong it ongoulun vokon di noumpug sino, songvongo-vongo-no vagu sampai minongitung sid saralom di ginavo, tu kakali amu-po atalahasan banal dioti dot isai i Yesus, i mamarakat dit ondu sampai pentahan sid dau di kosopulan om kopioondusan do Kinoringan (iadko sid di Zakai Lukas 19,10). Sid ensanan i tuturan dino a-kobongut it ondu ko minangakun di kasalaan dau. A-nokelo it ondu do manarang ko pentutun di kavazao om bahazan dau sid di Yesus. Baiko i gama dau do manamod om monorundakai di Yesus o pembulai do nakaharati om nakaramit-no iosido di kogozoo do samod om kovosihan do Kinoringan. Iti-no o sabap dot i Yesus manarang om manantu di kosipan dit ondu dino (50). Manjadi sid suriban dino mimbulai do kuran di Yesus tumanggai dit ongoulun dit kikihizon sampai mongingutno iosido dioti mamung sid katamanan do Kinoringan (14). Ong mongusul i Lukas do iadino, mongoduat iosido di tokou dot isai tokou. Koluu tokou-ka di Simun ko it ondu om tumorima tokou-ka di samod om kovosihan do Kinoringan dit agazo o ginavo tokou antawa iadko hal dit aso tantu o guna? Sabap ino, minsanko ino tuturan dino 24
mad boros do Kinoringan di mongingut di tokou biano, supaya atarang o timpa tokou sid Kinoringan om i Habal do Kovosihan, inot agazo o tahak sid di tokou, supaya ensanan i gama, kobuatano om vaza tokou jumadi do kopongindazahan do Kinoringan, biano sampai pengavi di sukud tokou. Lavis: I Yesus manamod dit ongoulun di kisala, tu engin iosido pedu dioti antad sid kasalaan. I Simun dino amu manamod dioti, gam ozi do varo't ulun do iadino, supaya emot banal i pitonidan dau om ioti. Atag ong mongoduat tokou di kondiri tokou do koluu tokou di Yesus antawa koluu tokou di Simun. Kuran i pongitungan tokou pasal ong i kasalaan dot ulun antad sid samod antawa bai onuvon tokou do vaza mokindazou? 8,1-3 Ongondu mozo-vozo om kumoruhang di Yesus. Iri-ogi manarang i Lukas dot okonko suvai nogulian-no i Yesus om varo-ogi't ongondu di sumasi di kinogulianan dau. Kakali sid tanga do razat i Yesus, varo-no laid ongondu di kumoruhang di Yesus do iadko i hopod om duvo it ongokusai di nokodim di Yesus (6,12-16) Gam inot ongondu dino minamalanja om minonorundakai di Yesus. It iso, ino-no i Mariam antad sid Magdala. Amu atalahas banal dot ino Mariam dino it obpinai di Marta (f. 10,42) ko it ondu sid Markus 14,3. Topot iosido-no i nokogulu kasasi dot nogulian-no i Yesus (F. 24,10 om Yahya 20,1) Ong i Yohana, bai narait vagu sid F. 24,10. Topot i Susana, bai siti-no o notuturanan-no. Ioti kavi om it ongovokon minonorundakai di Yesus sid hal do kakanan om intoronon. I Lukas nakaharati do kuran i vaza di Yesus mongoguna dit ongondu banalko tanid mantadko i koubasan di hiza diri. Tu ong sid ulun Yahudi om ogumu-po it ongobansa vokon, amu oguna it ongondu. Vokon-no ong it ongondu okiro iadko barang om dupot di dang kusai. Topot i Yesus tumorima dit ongondu sampai pobebas dioti antad sid kobudayaan do Yahudi (imatai sid Yahya 4,27). Sid Injil di Lukas migimbang di hormat dit ondu om i kusai: i Zakarias om i Mariam rinikot di malaikat (1,11-29 om 46-47), i nabi Simeon om i nabi Hana (2,25+36) i bituanon, it idi dit anak vagu om i kopitan om it anak dau dot ondu (7,12 + 8,41) It ongokatib om i miobpinai it ongondu (10,25-37 + 38-42). I kusai om it ondu di sompi minta dua (11,5-7 + 18,1-8) It ondu om i kusai di nolingasan do sakit ontok dit adau do pongintaranan (13,10-17 + 14,1-6), it retan dot anak di Ibrahim, ondu om kusai (13,16 + 19,9) ko it ongosasi di kinogulianan di Yesus, ondu om kusai (24,22-24) om i gama di Yesus manarang di karajaan do Kinoringan sid suriban dit ulun di monizas do gandum (kusai) om it ondu di mangagama do roti (13,19-21). Baiko i Lukas o mongohodtol do iadino i vaza di Yesus mongoguna om mongohormat dit ongondu. Lavis: Ong i tolu ot ayat dino pojodizon do palan, a-milo-milo nga tarangon tokou do tanid banal i gama di Yesus mongoguna dit ongoondu mantadko i koubasan dot ongoulun do Yahudi i hiza diri. Sid tinoguvangon di Yesus aso bida, kusai ko ondu. Ino kobutano dino oduruk om nolingan vagu di gorija di Kristian. I kogumuai dit ongogorija mad mongoguna dit ongokusai mantadko it ongoondu. Ong i tokou, kadan-no do iadino. 8,4-21 I suriban kananganko i vaza mongining om tumorima sampai mongusaha di Habal do Kovosihan. a) I monizas do gandum(4-15) Amu miabal banal di suriban sid Matius om Markus o vaza di Lukas mongohondom di suriban dino. Amu narait i mato dot adau. Topot ahandaman dot aso vaig sid tana (6) om i kosusaan dot aladtakan i linsou sid ralan. Kagi, kodung monguva, hatus mipapango-pango, ka (8). Aso boros siti kananganko i gama di kinoruhangan mokitarang di harati do suriban dino do sid ozom ko nisodiri ioti antad sid ongoulun vokon. Mad ogumu o kinoruhangan di Yesus diri, okonko rontob it hopod om duvo (8,1-2). Banal-no, okonko i sokoviai it ongoulun do mongining om humarati di boros do Kinoringan do iadko i nokembulai-no laid sid F. 7, minsanko nakazazad-no i Habal do Kovosihan sid sokoviai it ongoulun. Amu tinarang di Yesus dot isai ong i monizas. Topot ong i lininsahan, ino-no, i boros do Kinoringan om it ongoulun di mad lininsahan do Kinoringan. Na i vozoon do rogon, ino-no i kuasa di mamalid om mangasau, supaya akoduzan dot ulun i Kinoringan. Ino-no o kenginan do Kinoringan, varo kosipan om varo kopioondusan dot ulun. Topot oruhai it ongoulun dot osuba sampai malid om tumongkizad-no antad sid Kinoringan. Rontob it ulun di kogoos om atatap o monguva sampai kosuvang sid kenginan do Kinoringan. Lavis: I suriban dino engin monginsasamod okonko mongindorosi. Minsanko oginis-ginis o sabap dot amu mangasip banal it ongoulun, kakali dot asapou it uva. It ulun di mengkhotbah masti mongontupat banal, supaya i tomodon di suriban dino amu atagak antawa otutup. b) I kogunaan do politaan (16-18) Sid suntuan do politaan manarang i Yesus do banalko kiguna i Habal do Kovosihan om nosodia-no ino bahagi dit ulun di rumikot-ogi. Aso't ontok dino, ong nolobong-no i Habal do Kovosihan sid buuk ko sid almari om tuung. Suvaiko alanta i Habal do Kovosihan sid kavazao om kobuatano dot ulun Kristian, supaya isai-nopo it osomungan, engutan mamung om tumorima di Habal do Kovosihan, tu alanta gima. Iadko i Yesus a-nokosusut, tu iosido-no o i panganavau do pomogunan (Yahya 8,12), i kinoruhangan di Yesus, om i tokou ulun Kristian, nga iadino (Matius 5,13 Ikou-no o i panganavau do pomogunan, ka di Yesus). Ong manarang i Lukas do iadino, mad posondot iosido di tudukan di Yesus, supaya it ongoulun Kristian kaharati di dau do tugas. Pengkaa dino i poontupat i Yesus dioti, supaya it ulun di nakaramit di Habal do Kovosihan mongolombus di Habal dino sid ulun vokon. Tu a-kavasa dot ipongumpalad i Habal do Kovosihan, ong kiroon 25
dot ulun Kristian, nga miuma-no ong ioku-po o nokotorima di kovosihan do Kinoringan, ka. Sukul ioku-po o nokokristian, ka. Sabap it ulun dit amu mongoguna di boros do Kinoringan, tantu tumanus i boros dino sid palad dau. I kosipan dot ulun mopud sid gama polombus, okonko sid gama kumavid om monguji di kosipan di kondiri dau. Lavis: I Habal do Kovosihan iadko politaan. I politaan dit isusut antawa isuvang sid bandu, a-milo-milo nga misok. Topot ong alanta sid kavazao om sid boboroson dot ongoulun Kristian, mad gumumu-no it anavau, tu varo-po vokon ot ongoulun di mangasip. c) I kovorisan di Yesus (19-21) Ong i boros sino dot it idi om obpinai di Yesus songingkakat sid lamas, mad sid rinuvang do valai i Yesus diri. Topot aso boros di Lukas do iadino, gam mirimpanau-nopo i Yesus tumongkop di pomogunan. Ino-no i tinomod di boros di Yesus, manarang iosido dot aso mivaris, minsanko mirantas pusod, nga suvai mongining om mongusaha di kenginan do Kinoringan. Suvai iadino o vaza dot ulun om banal-ogi ko monongobpinai i Yesus. Lavis: Imatai-po laid Markus 5,20-21 om 31-35. Atalahas do kitomodon dit idi om it ongobpinai do pengkod di Yesus sid saralom do gamaon dau. Avantang ong muli sid Nasaret iosido sid karaja do kiguna, ka dioti. I Yesus amu sumana antawa mongusiba dit idi om it ongoobpinai dau. Topot banalko amu mangakun iosido do pengkodon iosido. It ongoulun di magavi sid saralom do piumpugan asarok dot pokoulahan iosido. Nunu-ka i gaji-nu? antawa , nunu-ka o kogunaan-nu ko kohuntungan-nu, ong iadino o pagavi? ka dit ongokoruhang. Topot i piumpugan ko gorija tokou dino iadko kovorisan di banalko agazo. Atag ong kadan tokou mongitung do gaji ko kohuntungan, inoi nga posurut tokou di sokoviai. 8,22-56 Monguasa i Yesus di barat dot ologod om i rogon sampai i kapatazan. a) I Yesus pozom di barat dot ologod (22-25) Minsanko nokokoruhang ioti di Yesus dot a-songkuro koledo sampai nakasasi-no di sokoviai i kosunduvo dau (7,21-23), kakali dot orukung i kosipan di kinoruhangan di Yesus, ong kasamung ioti do kosusaan. Suvaiko humarap sid di Yesus do lobipo mantadko rumosi do barat om gumbang, iri-ogi varo kosipan dit atag om ahatul. Ong sid tuturan di Lukas dino, aso boros di Yesus dot amu kasip ioti, inoi nga bai monginsosok om mongoduat iosido do siombo-no i kosipan dioti (Matius 8,23-27). I kosipan sid Habal do Kovosihan, suvai sid tanga do kosusaan dot otiiman om osodiri-ogi dot otopot ko amu do mangasip it ulun. Banal-no, hiza dot ododos do mitotodos o gumbang, tinumoronong ioti sid di Yesus om monongguru-no di Yesus sampai pentahan di kosusaan. Tu i hiza diri kakali modop i Yesus dot ohuzan iosido. Kenginan dioti, mosik i Yesus do rumundun-no dioti matai sid tanga do rahat. Mad aso-no kiroon dioti do varo-po kosopulan. Topot i minodop i Yesus, mad tanda do minsanko riniba iosido do iadko i kinoruhangan dau, kakali engat dau do sid palad iosido do Kinoringan. Lavis: Antad di kodori banal nohorotizan-no dit ongoulun Kristian dot i harati dit ongogumbang om i rahat dot ododos dino okonko rontob i gumbang do vaig sid rahat, inoi nga nunu-nopo i kosusaan di kendorosi, iadko i kosusaan do sakit antawa i kosusaan do politik. I tokou diti sid palad do Kinoringan, siombo-nopo antawa nunu-nopo i korosizan. Minsanko ong matai tokou-no, nga kakali tokou apasi sid palad dau (Imatai Rom 14,7-9) b) I rogon di maliu sid vogok (26-39) Aso panarangan di Lukas dot ino daerah sid tupak di Yarden om Livotung, do pomogunan dit ongoulun dit amu nokosuhut dit ugama do Yahudi. Bai mongusul iosido dot it ongoulun sino momiara do vogok. Ong Yahudi akavasa momiara ko mangakan do vogok, retan do haram om asakau ong vogok, ka (Ulangan 14,7). Sid ensanan it Injil di Lukas aso hal om tugas di Yesus ponong sid ulun dit okonko Yahudi. Amu notuturanan i kopisomungan di Yesus om it ondu antad Sur-Poniki (Mark. 7,27-29) ko it ongomajus (Matius 2,1-12) ko it Ongoyunani (Yahya 12,20-22). Aso boros dot i panambayangan sid Yerusalim o valai do pomintaan dua dit ongobansa (Mark. 11,17). Suvai nogulian-no i Yesus om varo-ogi suhu dau do polombus di Habal do Kovosihan sid sokoviai it ongobansa (24,47). Iti-no o sabap do sid tuturan dino manarang i Lukas om mongusul do kuran i Yesus monulung dit ulun di sinuvangan do rogon, gima noholian okuasa do rogon iosido. Minsanko noboludan do rantai, nga aso tinganan pobubahazan, tu arampus banal. Iri-ogi kuran di rogon mindamo di Yesus do maliu sid bahanan do vogok. Ong it ongoulun sino, mad okudik nga aso kaharati di gama di Yesus. I gama dioti monunsub di Yesus dot okonko monunsub o pamarasan, sukul amu orungoi vagu it ongovogok om ponsohorian dioti. Ino-no i kosimbanan sid kavazao dit ulun dino, obebas-po antad sid kuasa do rogon, mogom-ogom it ulun dino sid sahau di Yesus dot aso nunu-nunu. Gam tivozo iosido di Yesus. Topot inanu iosido di Yesus do pangahabaran di Habal do Kovosihan sid dau do pomogunan om razat (39). Lavis: Aso dati tomodon di Yesus mangahabal di Habal do Kovosihan sid ongoulun do labus sid Gerasa. Varo gama di Yesus mogidu antad sid Galilea, tu rumehat (imatai Matius 15,21; 16,13) Topot minsanko rumehat, amu olingan dau i kobinsianan. Varo pamarasan dot, minsanko sid suti kitugas it ulun Kristian, ka di pamarasan. I Yesus, nga iadinoi. Tanid banal i gama di Yesus sino. Okonko moniag iosido mangahabal di gama dau, gamko monuhu iosido. 26
Ino-no dati o sabap, I Gerasa okonko daerah do Yahudi. Ong pembulai iosido dit ongokosunduvo dau sid Galilea antawa Yudea, rumosi oisodo dot atarik ko kagavul i ngaran dau sid ongokampein do politik dit Ongoyahudi. Sid Gerasa aso iadino. Harati bahagi di tokou: Siombo-nopo i pamanahan tokou, atag ong pemot tokou di kovosihan om samod do Kinoringan sid isai-nopo it osusa. I samod dino okonko baiko vazaan posuvang dot ulun sid piumpugan do Kristian. c) It anak di Yairus om it ondu di kisakit (40-56). I nokouli-no vagu i Yesus sid Galil, nosomungan-no iosido dot ongoulun di minonginud di koulian dau. Tinumomon-no ioti, tu amu abasan ioti monginud. Na varo-no vagu kosusaan dot ahatul. It iso it anak dit osukod do panambayangan dit umul dot hopod om duvo toun ahali do toropatazo-no. Sumuni-no it anak dara dino sampai harapan dit ama dau. Topot bai mongingab-po iosido. Iti-no o sabap do kondiri dit osukod sumamung di Yesus mokitulung. I gama dau mokitulung, gam linumoub iosido tumoguvang sid di Yesus, tanda dot aso harapan vokon om mongogorot banal iosido. Mad natabanan i lombuson di Yesus. A-nokolombus i Yesus, ong okonko varo-po laid timpa om koponulungan dau. Kenginan dit osukod, mokirikot di Yesus sid valai sid anak dau. Ong i kogumuai dit ongoulun di monginud sino, kodung nakakun-no i Yesus do kumaa iosido sid valai dit osukod, minomodvozo i mogulu do sid gulu sid tohudi, ngamisosogil mamanau. Na tanid mantadko it osukod, varo-po't ondu di kikosusaan di hinumarap sid di Yesus. Amu katama iosido tumoguvang sid di Yesus, tu keso, ondu iosido, koduvo, i sakit dau nga retan do sakit dot asakau it ulun sampai a-kavasa iosido tumoronong sid kusai ko tumanga sid razat. Iti-no o sabap dot olingob o gama dau minsomok sid di Yesus. I kiniro dau, ong kakavid-po di panahambai di sulung di Yesus, tantu varo-no katagan di sakit dau. Na ginumavul-no iosido sid kinsapahan dit ongoulun di minomodvozo di Yesus sampai nokensomok iosido do kotivol-no tumudu di gaun di Yesus, ino-no it ongokaput sid panahambai di gaun di Yesus. (Ong kikaput i gaun di Yesus, ino-no o harati, i Yesus minononsulung dot isuhut di hoturan do Yahudi. It ongokaput dino tanda di hopod pinonuhuan di mozo dot ulun sid panahon om gamaon, supaya amu mangaranggal iosido di pinonuhuan (Bilangan 15,38-39). Rontob-nopo, hiza dot nokotudu-no di Yesus, varo-no kopurimanan dau sampai minongoduat iosido dot isai o nokotudu dau. Ong i Petrus, gam avadsak o boros, Aso-no duaton di Yesus do varo nokotudu dau, tu ong otopot misosogil i kogumuai dot okonko bai tumudu, inoi nga rumompit-rompit banal momodvozo mamanau. Baiko it ondu di kakali nokosusut sid tanga di kogumuai dot ulun diri o nakaharati di gama di Yesus mongoduat sampai tumoguvang iosido sid di Yesus. Katama-no iosido, tu nopurimanan-no dau dot nengkod-no i sakit dau. Sumasino iosido dot ulun iosido do kitongkison, a-kavasa minsomok sid kusai, gima i sakit dau. Isai-nopo i kusai di kotudu dot ondu di iadino, osusa modsu om pasamba do dupot, tanda di koponusian dau. Amu kavasa iosido om it ondu mamung sid piumpugan do sumambayang sampai notuluk-no ino koponusian. Na it ondu dino sinumingkudou-no sid tinoguvangon di Yesus iadko it osukod sampai minanarang di kosusaan dau om sinumasino di kengkadan di sakit dau. Iri-ogi kinumiboros-no om kinumavid-no i Yesus sampai minamarakat dit ondu dino om minonguji om minongindazou-no di kosipan dau. Ong otopot, kodung notudu i Yesus dit ondu dino, iosido nga osusa-no mokisusi vagu, isuhut di hoturan dit ugama do Yahudi. Sino dino atalahas-no dot i Yesus katama mangaranggal di hoturan, ong sukul kadapat iosido monulung om mamasi dot ulun. Gima tu noutatang i Yesus dit ondu sid tanga do ralan, minatai-no i sumuni sid valai dit osukod. Gam nokorikotno it ulun di minangahabal do iadino sampai minanarang dot tantu aso-no panangan do rumikot-po i Yesus sid valai dit osukod. Tu ong minatai-no it ulun, tantu nakatalib-no i harapan dot uruvon-po. Ioti dino minangahabal om minanarang isuhut di pongitungan dot ongoulun. Kodung aso-no ginavo dot ulun, tantu bai i kuasa-po do huntung o nokelo, ka. Aso boros di Lukas do kuran dit osukod diri. Baiko i Yesus o patatap om pangasip dit osukod sampai mongonsug humarap do masii it anak dau dot ondu (50). Nokorikot-po sid valai, notontuan banal notontuan-no minatai it anak, ino-no, it ongomogkorudu o minanarang. Gam momongirak ioti di norongou dioti i boros di Yesus dot it anak dino baiko modop. Sabap dioti do gagamaon i mogkorudu mongolobong. Nokelo-no ioti dit ongotanda do nengkono-no. Kagi it ongomamabpatai it ulun o ponsohorian dioti. A-koho ioti do varo't ulun di mangasau di gojian dioti dino. Kodung minatai-no it ulun, i buntung dino, dioti do gama, okon-noko tugas-po do dokutol ko nabi ko it isai-nopo o moguru, ka di ginavo om irak-erak dioti diri. Na amu ogumu it ongoulun sinumasi di gama di Yesus, bai i molohing dit anak om i tolu i kinoruhangan di Yesus, i Petrus, Yahya om Yakub. Ino-no i gama di Yesus, kinovidan-no dau i palad om kinodim-no it anak potungag. Sampai tinumungag-no i sumuni om minonuhu i Yesus dioti do pakan dit anak dino. Sokoviai ino gama di Yesus dino, a-koho iosido dot ihabal om tuturanon sid ongoulun vokon. Lavis: Aso kerad sid sokoviai i Kitab Vagu dot duvo-no ot indomoon mihiza notoguvangan di Yesus. I tokou diti ong varo iadino, tantu osusa banal i ginavo. Aso-no katagan, ka di ginavo tokou. Soroho-no banal do kuran i pongitungan di Yairus dot nentoron i Yesus dit ondu do kiadat dino. Aso tinganan dau do moniag dit ondu dino. Topot nelaan dau dot, Matai dati inot anak-ku, ka di ginavo dau. I tokou diti, nga iadko i Yairus dino. Mad sumusa-no banal i ginavo, ong kopiontok-no duvo o hal. Aso-no harapan, ka di ginavo-to. Topot i tuturan 27
dino monuduk di tokou dot i samod om kuasa do Kinoringan antawa i Tuhan Yesus amui otori dit ongokosusaan. Kada-no korosi, pangasip-no banal, ka di Yesus di nahabaran-no ioti di kinapatazan dit anak di Yairus. Om banal-no, Sompi notulungan om nosopulan ioti, it ondu di kiadat om it anak di Yairus. Indozohon banal i Yesus. I kuasa dau amu nokurangan sampai biano. 9,1-6 I Yesus papanau di hopod om duvo kinoruhangan (Matius 10,1+7-14) Minonuhu om pinapanau-no i Yesus di 12 i kinoruhangan dau do tinahakan-po laid dau ioti di kuasa om hak do monunsub do rogon om pengkod dit ongopanakit dot ulun sampai pazazad di Habal do Kovosihan. Atarang i suhu di Yesus om i vaza di kapanahan dioti: Amu atag do monongkokorui om balanja sid tanga do ralan. ( Sid Palistina diri varo't undang-undang dot isai-nopo it ombuvoi i nokendakod sid valai dot ulun, a-milo-milo, nga pakanon dot ulun. Iti-no o sabap dot atagal ong kikorui-no i koruhang di Yesus do mongontupat om mogkonia di koposizon dau). Ong i tungkat mad pakakas do mamambang dot asu ko mondou om mangarampas sid tanga do ralan. Topot i ponuhu do Kinoringan, orindingan di tunda do Kinoringan, okonko i babambang dau. Ong juli, pongizanan do kosukupan sid tanga do ralan, lobipo ong kokorui om siin. Ino dino mangamalu dit ongoulun di rikoton dioti, tu i kiroon dioti, varo mokitahak om mongumpug ko mokihorogo. Bai i kurilib di iadko timog ontok dot osogit hiza do sodop, ino-no it atag dot oviton, supaya amu sogiton ong sodop. Nengat-no laid di Yesus dot okonko ensanan it ongokavavalazan dot ulun tumorima di Habal do Kovosihan om it ongoulun di mongoromut di habal dino. Minsanko ino hinoturan di Yesus, supaya atag o gama dioti (okonko iadko i Yahya dit engin dara do posorob do kavavalazan 9,54-55). Manjadi it ayat 6 mongusul do nokosuhut-no ioti di suhu di Yesus. Rontob-nopo mad napajak i laporan dino. Lavis: It ulun di mangahabal di Habal do Kovosihan iadko ulun do mosikim, tu amu mon govit do barang do nunu-nopo. Topot minsanko iadino o kematan dau, kakali dot agazo it novit dau, o ino-no i Habal dau di potomon di ginavo om palabus dit ulun antad sid kuasa do rogon. Ino iadino otopot sampai biano. 9,7-9 I kogolivongo di Herodis (Mark. 6,14-16; Matius 14,1-2) Onibak i gama di Lukas monuturan di kobuatano di raja Herodis. Iosido-no o minonuhu momudung di liou di Yahya i minomodsu. Sabap, tu varo't ongoboros do razat do retanko ginumulian-no i Yayha i minomodsu, ka, ino-no i Yesus biano, varo-no ong mangalu-kalu dot i Yesus ino-no i nabi Elia di nokembulai-no vagu, ka, varono ong bai nabi di kodori i Yesus i nogulian-no, ka, mad mosi-rosi i raja sampai minogihim-no do kotontuan dot isai banal i Yesus. Iosido kondiri amu nakasip dot ginumulian i Yahya. Kondiri dau nokemot it ulu di Yahya sid mundam di Salome. Topot kakali varo korosizan dau, gima andaman dau i karaatan dau di minamatai iosido di Yahya dot okudik nga aso sala dau. Amu osinang i ginavo di raja diri. Iti-no o sabap do minogihim iosido do vazaan sumamung di Yesus. Rontob-nopo, sid injil di Lukas om it ongoinjil vokon, songlinsou nga aso di minongusul do varo kinosomungan di Herodis di Yesus. Lavis: I tolu it ayat dino manarang sid di tokou do minsanko it ongoraja om it ongoulun do kipangkat om kikuasa nga rumosi gima i kasalaan dau. Atag ong hondomon tokou ino, ong varo-no manala di tokou ulun Kristian dot amu abanal o gama manala. 9,10-17 I Yesus pakan di 5000 it ongoulun (Mark. 6,30-44; Matius 14,13-) Oretan-no vagu i kinoruhangan di Yesus do rasul (10). Minangalapor ioti di nahajangan sid tanga do ralan om i nunu-nopo i pangalaman dioti dino. Na minogihim-no i Yesus dara dot intoronon, supaya oruhai ioti mangalapor om mongus-ongus-po rumehat antad sid pinamanahan dioti. Rontob-nopo, ginusa-no ioti di kinogumuai sampai linumombus-no ioti antad sid Bait Saida kumaa sid belantara. Topot minsanko sid belantara nokovozo-no i kogumuai dot ongoulun. Sino dino tinumoguvang-no i Yesus do monuduk om moguru dit ongopanakit dioti dot asadapan o gama dau do iadino. Amu abasan i Yesus monuduk di karajaan do Kinoringan om mongimbulai do kosunduvo di karajaan dino (4,17-20). Mad nolingan-no di Yesus do siombo iosido om sera it adau tumonob. Hiza do sumodop pinentahan-no iosido di kinoruhangan dau dot osuhul ong poulion no it ongoulun sid dau do valai ko sid ongokampong dit osomok sino, supaya kiakanon kiintoronon ioti modop. Topot tanid i cadangan di Yesus. Monuhu iosido dioti do pakan di kinogumuai dot ulun sid tanga do belantara. Ong hiza do sumodop, amu-no alasu it adau sampai osinang-no dara it ongoulun ong varo piknik, tu ongis-no mogom-ogom makan. Na nening-no laid di kinoruhangan ko nelaan-no laidit okudik banal i suvang do juli ko okudik i kokorui di novit dioti. Minsanko i hopod om duvo i kinoruhangan di Yesus om i Yesus kondiri, nga amu ovizau, tu limo-no o linopot om i duvo nenan o sada di liniking-no. Sabap ino, i dioti do cadangan, suvai dumagang do kosukupan sid ongokampong. Oretan ino kogumuai dit ongoulun, ino-no 5000 ongokusai (ong it ongondu om anganak di nokovozo, a-po nokiro, tu ioti tinaud om nikiro sid kusai). Aso boros do piro ringgit dara songkoumaan do bai sukul-po pakan dioti kavi (Markus 6,37 om Yahya 6,7) ko kuran-kuran, okonko varo-po't idagang dioti dino ko pangadagangan. Na i gama di Yesus mamarakat di kakanan dit okudik, ino-no i kosunduvo, tu ino dino iadko kourugan vagu, tu i boros di Yesus o monginggumu do kakanan. Gam nopongo-po makan, varo-po topod dit aso tinganan mangavi makan. Varo't ulun Kristian biano di manarang do kodung i Yesus o momiding dit okudik it ongolopot, katama-no it ongoulun mongugal di dau om dau do kokorui sampai tumimpuun-no ioti momiding mamahagi sampai ovizau 28
i sokoviai it noumpug sino. I panarangan dioti, ino-no i kosunduvo di Yesus, momuka di ginavo om barang dot ulun, supaya asaang o gama dioti mamahagi. Sabap ino-no i kosusaan om kasalaan do riniba, mumpalad banal di dau do barang sampai monongkudau banal, tu rumosi ko osingkudan iosido. Ino-no it atalahas sid tuturan dino, i gama pazazad di Habal do Kovosihan amu osodiri dot antad ka sid gama monorundakai om monulung dit ulun sid hal do bai koposizon di suvab-suvab. Lavis: Aso bida banal dot ovizau ioti antad sid gama mibabahagi di kokorui antawa ovizau antad sid limo o linopot di ginumu di Yesus. Ong otopot-no banal, nenvizahan ioti, gima i barakat di Yesus. Om ino iadino asarok jumadi sampai biano. Minsanko okudik o kakanan, ong sukul mindamo tokou do barakat di Kinoringan, nga kapamasi. Varo-po vagu o hal dit atag, ong hondomon tokou: i gama di Yesus sid ayat 16 koluu banal di gama dau i hiza di hinatul dau i poginakanan dau (imatai Lukas 22,19) Baiko sompiding dot opodok ot akanon, topot agazo o kovosihan dit itahak sid ipat-ipat it ulun di milang sid poginakanan di Yesus. 9,18-27 Isai-ka i Yesus (Mark. 8,27-9,1; Matius 16,13-18) Antad dino, tinumongkizad-no i Yesus sid kinogumuai, supaya varo kotibangan dau minta dua om kumiboros do Kinoringan. Bai i 12 i kinoruhangan dau o sino. Sino dino monginsosok i Yesus dioti, tu mokitarang do nunu o kiroon dot ulun dot isai i Yesus om nunu i tomodon dioti mozo-vozo di Yesus. Sid saralom dit a-ko piro o koriatan monuduk om monulung dit ongoulun, varo mitobuburung om mangalu-kalu sampai songvongo-vongo ot ulun kananganko i Yesus. Iti-no o sabap do mongoduat iosido dioti dino. Na i kinoruhangan nga minomoros di gama dot ongoulun mangalu-kalu, ino-no, varo kiroon di miabal di norongou-no laid di raja Herodis (9,7-9). Ino-no, i Yahya, i Elia ko nabi vokon, ka. Iri-ogi mongoduat-no i Yesus dioti do kuran i dioti do kiroon om jangkaon. Manjadi minogulu-no momoros sampai sumasi i Petrus dot, Ikau-no dino ot i Kristus antad sid Kinoringan, ka. Olumbatos i boros di Petrus sampai amu osusa do varo-po koruhang vokon di mangalapis di kososizan di Petrus. Ino bantug dino, Kristus antad sid Kinoringan, varo-no laid napakai sid Kitab Ibrani, retanko i Kristus (Almaseh) mongontok do Kinoringan sid tanga do riniba. I kodori diri, i raja dot Israel nga nopungaranan-no do Kristus antad sid Kinoringan. Topot ong i Yesus, varo-po kosurutan di harati dino. Rontobnopo, ino bantug dino amu-po nokembulai i hiza diri. Lavis: Varo-no mongoduat dot, Nokokuro, tu a-insan mamalang i Yesus kondiri dit isai banal iosido? ka di gama mongoduat. Ino-no o sabap: I Yesus mogihim do kosipan. Ong bai nituduk, mad okonko antad sid ginavo kondiri. Ino iadino dino a- nokosimban-simban sampai biano. I tokou diti monuduk dot isai i Yesus. Topot i katapatan om kabanaran di tudukan dino, masti antad sid ginavo kondiri om kiguna-ogi i kososizan. 9,22-27 It insan-ogi pentahan i Yesus di kapagasan om kapatazan dau. Suvai minoniag i Yesus dioti do pazazad di harati dino om mangamung-po iosido do panarangan di nunu o kosungguvo di Kristus dit antad sid Kinoringan, ino-no, A-milo-milo nga sumamung iosido sid kosusaan om kapagasan sampai apatai dot ulun. Iri-ogi ogulian vagu iosido, ka (22). Ong oboros dot, Ogulian, ino-no o harati, Kinoringan pogulian di Yesus. Vokon-no o nokosurat ong, Gumulian i Kristus, ka, ino-no i pitonidan, ong ogulian, tantu kuasa do Kinoringan momosik. Ong gumulian, mad kondiri di Kristus o gumulian vagu, iadko dau do gama. Varo-po't omungan di Yesus do panarangan kananganko i kinoruhangan dau. Suvai kumoruhang banal ioti di Yesus, ong ioti kogoos om osodia do mozo om rumundun sid kosusaan di Yesus (23). Nunu-ka i harati, Saanon-no dau i sangkap dau suvab-suvab. Ino-no, it ulun Kristian amu mongumba om mongumpai di dau do koposizan do iadko ulun iosido di monguasa di kondiri dau, inoi nga ohoturanan it ulun Kristian di kenginan do Kinoringan om i Habal do Kovosihan (KM: tu i gama ioku = gima sumuhut dohon, ka). I koposizan dot ulun Kristian suvai kiontok ong ponong sid kosurutan om kengkakatan di karajaan do Kinoringan. It ulun di mogihim di kengkakatan om bantug om garal dau kondiri, sid kotonusan o rikoton dau. Sabap i vaza dot ulun sumasi ko mongolim di Yesus sitid pomogunan osulian ong hiza dit Adau do kopongohukuman penlaid. Na it ayat 27 mad aralom o harati. Mad varo kiroon di Lukas dot oduruk-no om korikot-no i kovian do pomogunan om kogulian vagu di Yesus sitid pomogunan, tu mongohukum. I Paulus, nga nokopongitungi do iadino i hiza di minonurat iosido sid piumpugan sid Tesalonika (1. Tes. 4,13-18) Indoson dau, ong humiza di kakali iosido do koguli-no vagu i Yesus. Alaid om kaharati i Paulus dot okonko iadino o koduruk dit adau do penlaid. Tanid mantadko ino, i hiza di kotimpuunan di tugas di Yesus, varo laid boros dau dot, Nokorikot-no i karajaan do Kinoringan, ka, ko, Biano notuluk-no ino kavi (4,17-20). Ino-no ot atalahas, mihiza pentahan i Yesus di kapagasan om kapatazan dau om mongingut dit ongoulun do kumoruhang dau sid kapagasan om kapatazan. Suvaiko it ulun Kristian monuluk om masi sid kenginan do Kinoringan, om kemot om momurimon-ogi iosido di hoturan di karajaan do Kinoringan. Lavis: I Yesus amu momolintang di kososizan di Petrus dot iosido-no ot i Kristus. Topot amu engin iosido dot apalid i pongitungan di kinoruhangan om it ongoulun vokon. Tu i bantug dau dit aso kerad sid sompomogunan, nga mad natakapan do kapagasan om kapatazan dau. Ino-no i kenginan do Kinoringan. It ulun dit engin sumuhut di Yesus, a-milo-milo nga mangakun di kobuatano di Yesus sampai mozo-vozo sid kapagasan dau dino. Suvaiko iadino om kopurimon-ogi iosido di hoturan di karajaan do Kinoringan. 29
9,28-36 Kondiri do Kinoringan manantu di ralan ponong sid kapagasan di Yesus (Mark. 9,2-8 om Matius 17,1-8) It inompilingan i Yesus sid timpak do burul mad timpa do Kinoringan sid kososizan di Petrus. Iti-no o sabap dot iningutan-no i Petrus om i Yahya om Yakub tumakad sid burul dino. Ino tuturan dino mad ingkodon sid tanga dit Injil di Lukas iadko engkodon sid timpak do burul di poriat do mongus-ongus antad sid ralan laid tumakad om kumansang bahagi di kolombusan. Sid tanga di ralan dau i Yesus i hiza diri. I kiroon kodori diri, sid timpak do burul nokensomok-no it ulun sid Kinoringan, ko, ong it ongougama vokon, sid nunu-nopo i kuasa di harapan dioti. Iti-no o sabap, ogumu it ongopanambayangan kodori sid timpak do burul. Pengkaa dino, ogumu it ongogorija do PCS, do sid timpak do lumongon om burul. Sid timpak do burul kopisamung di Musa om i Elia, dot i Yesus om ioti enizo do nosimbanan i kobuatano dot osindak om kiompiling-ogi. Ong ioti, tu bai riniba, sisiri ong amu kogoos, tu sino olonou di binahang om tiodopon sampai minodop-no banal ioti. Amu kogoos ioti, tu opondou dit anavau sid somok di Musa, Elia om i Yesus. Topot avantangan i Petrus di tampat dino, gam mancadang iosido do muvalai sino. Mad nokensomok-no ioti sid hoturan di karajaan do Kinoringan dot amu-no tiuli i Petrus. I kenginan dau, mizon-no om masi-no sinod timpak do burul dot amu-no osusa-po do masi sid dau do valai sid tanga do razat. Na iadko i hiza di kinopodsuan di Yesus sid Yarden, varo dolou antad sid savat. Kondiri di Kinoringan sumasi di kobuatano om tugas di Yesus. Sino dino nokemot om norongou di tolu i kinoruhangan di Yesus dot insan-no kudap i kohormatan do Kinoringan om i garal di karajaan do Kinoringan. Antad sid timpak di burul dino, rinumuhuk-no i Yesus om kumaa iosido ponong sid Yerusalim (9,51) sampai sumuvang sid Yerusalim om momurimon di kapagasan om kapatazan. Lavis: Duvo o tomodon do Kinoringan sid saralom di kinojodian dino. I keso i tomodon sid di Yesus: i Musa om i Elia iadko momihot di ginavo di YEsus, supaya katahan iosido sid saralom do kapagasan om kapatazan di rumikot-ogi. Minsanko i Yesus, nga atag ong pihoton i ginavo dau. I koduvo o tomodon sid kinoruhangan di Yesus: I Kinoringan kondiri mamanal di kinososizan di Petrus diri. It ompiling om i dolou, nga iso-no o harati. Na varo dati mongoduat dot, Nokokuro, tu aso kasarahan do iadino ong i tokou biano? ka. Ino-no ot itimpa: Okonko aso kasarahan do iadino, rontob-nopo, baiko alambat manahak i Kinoringan do iadino kagazo o panahak. Om kiro-kiro, ong ioti Petrus om i Yahya om i Yakub mad amu kogoos mimot di hal dino, kuran-noma ong i tokou? Topot atag ong hondomon tokou, asarok mongitung tokou dit iniduan tokou, baiko iseso-po, ka. Topot baiko a-emot tokou i Yesus i minomoros dot, Ioku diti mozo-vozo dikou suvab-suvab sampai sid kovian do pomogunan, ka (Matius 28,20). 9,37-50 I kobungahan di kinoruhangan di Yesus (Mat. 17,14-18 om Mark.9,14-27) a) It anak do huhumadan (37-43) Tanid mantadko i kososizan di Yesus do kuran i hoturan di karajaan do Kinoringan dit otuntuvad mantadko i hoturan di dang riniba, ino kinoruhangan di Yesus kakali sumusui om mamakai di hoturan di dang riniba. Amu kaharati ioti di kuasa do kotuvangan om kuran i gama moniag om monunsub di kuasa dino, okonko gama om keloo do riniba, inoi nga antad sid kuasa do Kinoringan om i gama mokitulung do Kinoringan. Indoson dioti, ong oruhai do monunsub di kuasa do huhumadan. Topot songkuro-nopo mangambo ioti, nga kakali amu kosunu i kenginan dioti. Aso boros siti dot i Yesus ot elo mamakai di kuasa do Kinoringan i retan do Sundu do Kinoringan ko kosunduvo. Suvai sumuvang it ulun Kristian sid kenginan do Kinoringan, iri-ogi varo kosunduvo om varo kopongolingasan do sakit. Sid boros dit ama di huhumadan o mimbulai do kuran it ulun, suvai sumokot sid kenginan do Kinoringan om varo-ogi katagan. Sabap i kosipan dot ulun okonko gama ko kagaratan om kosumbungo dot ulun, inoi nga natahakan di kovosihan do Kinoringan. Lavis: I tuturan dino patarang sid di tokou dot i kuasa di Kinoringan amu agamit do riniba, inoi nga i panahak do Kinoringan. Iso-no o vazaan do kadapatan, o ino-no mokitahak sid saralom di gama minta dua sampai sumuhut banal di Yesus sid saralom di gama manamod dit ulun dit osusa, iadko it anak di huhumadan diri. b) 44-48 Kopihiza dot kenduvo di Yesus pentahan di kapagasan om kapatazan dau, manarang iosido di vaza sid hoturan do Kinoringan do mangagaral om mamantug dot ulun. Ino panarangan di Yesus sumaap di pongitungan di kinoruhangan dau di kakali miagil-agil dot isai dioti i rumbul satu. Ong sid Kinoringan, otuntuvad i hoturan di kasavato om garal dot ulun. Ong tumimpuun tokou-no do mongitung banal dit ongopitonidan tokou om it ongoulun vokon, ino-no iadko tanda dot osodu-sodu tokou-no antad sid di Yesus om antad sid hoturan dau di monuntuvad di hoturan do riniba. Lavis: It ongokosunduvo di Yesus dit orongou tokou antad sid Kitab sampai i pangalaman tokou kondiri do kikuasa i Yesus monori dit ongorogon, asarok mongimbulai do pongitungan dit a-mionong di Yesus. I tokou diti riniba engin do kosinangan, engin do kakansangan om kohormatan. Tantu amu engin tokou dot opogos antawa okugui antawa amalu tokou. Ino o sabap dot osusa i Yesus posondot banal sid ginavo di kinoruhangan dot iosido, it Anak do Kinoringan, a-milo-milo nga opogos sampai apatai. I tokou asarok miluu banal dit ongokoruhang di Yesus it a-kaharati. 30
c) 49-50 Minsanko it ulun dit okonko mozo di Yesus iadko i kinoruhangan dau, ong sukul mangarazou iosido di ngaran di Yesus, nga atagi-no iosido. Sabap ino amu atag do pokihi dit ulun Kristian sid tanid o denominasi om i tanid o vaza sumambayang ko tanid o hoturan, ong sukul i gama dioti dino enizo mongohormat di ngaran di Yesus om kumavid di kenginan do Kinoringan. III. 9,51-19,27 Sid tanga do ralan kumaa sid Yerusalim Antad sid fasal dino, ensanan i kinapanahan di Yesus ponong sid Yerusalim. Iadko i kinopodsuan di Yesus sid Yarden minonodia di tugas om gama di Yesus (3,21-), it inompilingan i Yesus sid burul (9,25-36) monodia di kapamanahan kakaa sid Yerusalim. Sid duvo i tuturan dino manantu i dolou antad sid savat, ino-no i Sundu dot Osusi, di tugas om tomodon di Yesus. A. 9.51-13.21 I keso bahagi di kinapamanahan di Yesus 9,51-56 Varo't ulun dit amu pendakod di rombongan di Yesus sid valai dau. Topot kakali alanut i Yesus dot amu mongohukum dioti koduruk. Inot ayat 51 mad tajuk dit a-ko piro i fasal. Manarang i Lukas dot nokorikot-no i janji di koinsavatan di Yesus. Ino pongoretan koinsavatan = koulian - pentahan dot it ulion di Yesus dino sid Kinoringan om surga. Varo-po harati do kapatazan, ong sid boros Yunani om Ibrani, ino-no, it ulun dit avi i sukud dau muli-no sid tana (Kinotimpuunan 3) Ong sid Momogun, retanko moling dot aso dangol, ko, mamung sid ongogulu-gulu om i iadino. Ino-no o mongohodtol i Lukas, Engat di Yesus i rikoton om kosungguvo dau (9,22+ 44). Iti-no o sabap do tumatap i Yesus do sid Yerusalim o rikoton dau. Rontob-nopo, minsanko sid laang keso, ino-no adau diri varo kohigangan di mad monobon di panahon di Yesus. I kinoruhangan di monodia dara dot intoronon di sodop diri, nokoguli-no vagu antad sid kampong om pahabal dot a-koho it ongoulun sino do kendakod i Yesus sid valai dioti. Tu sid Yerusalim o rikoton dau. Ino kampong dino kampong dot ulun Samaria. Varo pisana dit ulun Samaria it Ongoyahudi, tu i TGM 128 minongorungoi it ulun Yahudi di panambayangan dit Ongosamaria i sid timpak do burul Garizim. Antad diri amu-no misuau it ulun do Samaria om ulun do Yahudi. Kagi it Ongoyahudi kumihi banal dit Ongosamaria, retanko aso tantu o kosipan dioti om amu nokonong i gama dioti sumambayang sid Kinoringan. Nening-po di Yesus i iadino, amu humungot iosido dioti. Elaan tokou kagi do nokopisamung-no laid di Yesus om it ulun Samaria, iadko sid Yahya 4 ko it ulun Samaria di banalko obinsianan (Lukas 10). Baiko i kinoruhangan dau, ino-no i Yahya om i Yakub ot ozi mongohukum di kampong dino iadko i gama laid di nabi Elia sid 2. Raja 1,10 + 12, hiza do varo't ongoulun di minangagauk di nabi Elia. Ioti Yakub om Yahya, nga agazo o harapan sid di Yesus do posondot iosido dot apui monirang sid kampong dino iadko sid Sodom om Gomora. Sabap it etung dioti, iadino o kadapat pembulai sid dioti di kuasa do Kinoringan di mozo-vozo di Yesus. Topot i Yesus, gam minoniag om mamajal iosido dioti iadko sid 9,41 om manarang-po dot atarik ioti do sundu ko rogon dit okonko dang Kinoringan. I gama di Yesus antad kinotimpuunan dau sampai pengavi di sukud dau sitid pomogunan, okonko kagaratan ko kuasa di dang riniba o vaza dau monuluk di tugas dau. Sabap i koposizan dau ponong sid kapagasan om kapatazan okonko mopud sid gama monguasa om mangaladtak ko mongorungoi dot ulun. Ino-no i kosungguvo di koposizan om tugas dau, i kazu do sangkap sid burul do Golgota. Iti-no o sabap dot ino sangkap dau najadi do tanda tokou ulun Kristian bahagi di kosipan om harapan tokou. Sabap okonko i kuasa ko kahakango o pakakas di Yesus posuntu di hoturan do Kinoringan, inoi nga i samod om kovosihan di popiaandus vagu di riniba. Lavis: A-milo-milo nga varot pangalaman dot opoit bahagi dit ongoulun di sumuhut di Yesus. Amu otorima, amu ohormat, gam salao dot ulun, gima i Yesus. Engin tokou humungot, tu okonko bai i tokou o nonong, inoi nga i Yesus om i Kinoringan nga nonongi. Topot kadan-no. Tu ong iadino minsodu tokou antad sid samod om kovosihan di Yesus. b) 9,57-62 I vaza sumuhut om kumoruhang di Yesus (Matius 8,18-22) Agazo dara i ginavo dot ulun kumoruhang di Yesus. Topot amu ensanan it ulun dino mongitung om mongumba di rikoton di Yesus (57), ko varo't ulun dit amu ensanan sumuhut, inoi nga varo-po tomodon om pongitungan vokon (59), ko okonko ensanan i ginavo dot ulun tumatap sid di Yesus. Sid tanga do ralan ioti, varo't ulun di manarang di kenginan dau do mozo di Yesus. Na i timpa di Yesus mongohondom dot it ulun di sumuhut di kenginan do Kinoringan suvai polingan o valai ko kosinangan om i dau do ginavo, gam lumuu iosido di Yesus do polingan i sokoviai i barang om harta ko kosinangan di dang riniba. Sabap kodung ulun Kristian, aso-no vokon do tomodon om panangan. Na i koduvo it ulun dino, kondiri di Yesus mongingut dara. Topot iosido dino, varo-no laid tomodon vokon ko varo-po sangkut. Amu-po minatai dati it ama dau. Ino-no i kiniro dit ulun dino, suvai opongo-no dau momiara i molohing, iri-ogi motibang-no iosido bahagi do Kinoringan, dot ong otopot, amu-po kotibang iosido. Ino boros dau manganu do sangkut, supaya amu kembulai dot mangamu iosido do kumoruhang di Yesus. Amu-po nakaharati iosido di BIANO ko DIDINO sid Habal do Kovosihan (Ibrani 3,7 om 15-16). Sabap i pamanahan dino kumaa sid Yerusalim, sid Golgota o rikoton. Mongohodtol i Yesus di kavagato om kahagaan di kahabaran di Habal do Kovosihan. Ong i kotolu it ulun mongoho dara do kumoruhang di Yesus. Iosido kondiri o mumbongut. Rontob-nopo, varo 31
vagu sangkut dau do bai monginsuhat-po laid di varis dau. Manjadi i hiza do povozo i Yesus di Matius (Levi), nokoho i Yesus do moginakan-po laid i Levi sid valai dau, gam nokovozo-no i Yesus milang dioti makan siri. Topot ong sid ulun dino, tanid o kovosihan di Yesus. Ino-no, kodung kotoguvang ko sumuhut di kenginan do Kinoringan om i Yesus, kadan-no kumovili-po vagu. Tu oruhai olingan i rikoton om panangan ko atarik-no vagu sid kavazao om kobuatano laid diri. Suvai tumimpan it ulun sid rikoton dau om kumavid di tugas dau iadko i mukabun di kumavid di radu dau, iri-ogi kiguna om opud i kokoruhang dot ulun Kristian sid di Yesus. Lavis: Ong sumuhut tokou di Yesus, masti ensanan i ginavo sid dau dot aso-no tomodon vokon om aso-no sangkut. Aso tinganan kumavid di palad di Yesus, ong okonko palabus laid di nokovidan gulu. Topot hondomo-no, I palad di Yesus ahakang om avasih om kadapat porikot di tokou sid rikoton dot avantang. c) 10,1-12 I Yesus papanau di 72 i kinoruhanggan dau (Matius 10,7-16;40; 11,20-24) Sid gama di Lukas popiumpug om mongusul di tuturan di Yesus, mamakai iosido dot ongotuturan dot ulun. Ong siti niamung dau i tuturan do mamakai di pongoretan do Tuhan bahagi di Yesus. Okonko impiro-piro iadino sid saralom di fasal 10. Manarang i tuturan dino dot ahatul o gama di Yesus monodiri om monuhu sampai potugas di 72 it ulun, supaya ioti monodia di panahon di Yesus sid ongokavavalazan om ongobandar. Toduvo-duvo ioti mamanau om mangahabal sampai mongusaha di Habal do Kovosihan. I kogumuai do 72 ot ulun, ino-no, ingonom ot 12 it ulun, isuhut di kogumuo di hopod om duvo o rurungan di bansa dot Israel, i harati, mad ensanan i bansa do Yahudi o rikoton (ko ensanan i riniba). Banal-no, varo-po't a-ko piro o solinan dit Injil di Lukas di mongohondom do bai 70 ot ulun i sinuhu di Yesus. Ino kogumuo dot 70, varo-no laid sid Kitab iadko it 70 o bansa (Kinotimpuunan 10 om Ulangan 32,8) ko it 70 it ongosukod (Kolobusan 24,1 om Bilangan 11,16). Rontob-nopo, it ongosolinan dit nokogulu posurat mangarait dot 72 o ponuhu di Yesus, i harati, 36 ot rikoton dioti dino. Manarang i Yesus di tugas dioti, gima agazo ot omoton. Inumpaama di Yesus do iadko i mongomot do gandum. Ong hiza dot mongomot, suvai osukup ot ongolongon om palad di kumavid di linggaman om mangakut di parai sid sulap, supaya aso orubatan do parai. Minsanko it ipat-ipat it ulun di mozo mongomot nga aparu, kakali it ensanan i gama mongomot, suvai hoturon di sanganu do tagad, supaya osukup it ulun sid tagad dino ponong sid kapangaan mongomot. Tu ong alaid nga aso kapangaan, rumudtu sampai orubat-no, tu pirit om ikus mangakan. I kosondoto di suntuan dino, it ensanan i tugas di karajaan do Kinoringan okonko tanggung jawab dit ipat-ipat it ulun Kristian, inoi nga kondiri di Kinoringan mangahatul. Topot ipat-ipat it ulun Kristian ataud sid tugas dino. Amu olingan dau dot agazo o tugas sampai humarap do varo't ulun vokon di tumalad dau sid tugas dino. Iti-no o sabap do mongonsug i Yesus dioti, supaya ioti mindamo om minta dua bahagi di kosurutan di gama dioti om i kosukupan dit ongoulun di mamung sid tugas dino. Pengkaa dino engat dioti dot okonko ioti mamabo di kavagato di tugas dino, inoi nga kondiri di Tuhan monunda om mangagazad dioti sid tugas. (3) Iadko sid F. 9,1-6 pogili i Yesus di kogozoo om syarat di tugas dioti, ino-no, Amu oruhai i tugas dioti, tu varo sumaap. Mad osunsungan do barat ioti. Amu oruhai tumorima it ongoulun di habal antad sid di Yesus. Peradon di Yesus i panau dioti dit anak do domba di nakatanga sid bahanan do dupot dot orongit (mondou). Tantu aso harapan do kedu i domba, inoi nga atabpaan do mondou. Iti-no o sabap dot amu ponongjulion, ko bai tompa. Sabap inot ongobarang dino bai mongimvagat dot ulun di mamanau. Pengkaa dino moniag i Yesus do manansalamat ko kumiboros dot ulun sid tanga do ralan (imatai 2. Raja 4,29). Tu oruhai outatangan it ulun sampai a-kolombus koduruk. Sabap i tugas dioti ahago banal dot a-kavasa dot obohinut om malang-alang o gama mongusaha. Vokon-no ong varo koubasan kodori, ong varo panahon, miapit-apit it ulun, okonko turus rumikot sid rikoton di tomodon dau. Ong i ponuhu di Yesus a-kavasa do miapit-apit ko malang-alang mamanau, tu ahatul i tugas dau sid rikoton. (5) Ong sid rikoton, it ulun popung sid valai di kopioondusan do Kinoringan. Ino-no o vaza manansalamat okonko baiko adat om koubasan, inoi nga i ponuhu (rasul) pentahan om poromut sid ongoulun di sid valai di kovosihan do Kinoringan, supaya, minsanko nokouli ko nokolombus i koruhang di Yesus, kakali mintoron om mopung ino kopioondusan do Kinoringan sid valai om it ongoulun sino. Ino-no i kopioondusan di nihabal laid dit ongomalaikat (2,14). Iporikot di Yesus dioti sid toriso-iso o valai om sid toriso-iso it ulun. Gam mangarait i Lukas dit ulun di tumorima dino do barakat om salamat dino dot, ANAK DO KOPIOONDUSAN, ka (6). Ino gama poromut sid ulun di kopioondusan do Kinoringan, ino-no o harati, pahabal di Habal do Kovosihan i karajaan do Kinoringan, supaya it ongoulun di mongining, ogiangan i ginavo dau (iadko i Ludia sid UR 18 ko i Zakai sid F. 19,1-10 om i iadino). Iri-ogi antad sid kosimbanan dit ulun jumadi iosido dot anak di kopioondusan om karaliu ino kopioondusan om kasalamatan dino sid ensanan i valai (iadko i jaga do torungku sid Filipi UR 18 om i Kornelius UR 10-11). (7) Minonuhu i Yesus dioti do makan om minum, ombo it nosodia dot amu mongontupat dit adat do Yahudi di monodiri do halal om haram. Amu ozi i Yesus do mivaliu-valiu ioti mogihim do valai om intoronon dit avantang om osinang banal. I panahon dino okonko hal do korehatan (9,57-58). Manjadi i Lukas humarati di boros di Yesus do varo-po lavis bahagi sid tohudi. Sabap sid saralom dit ongoulun Kristian om it ongogorija om ongopiumpugan varo gagut kananganko i kakanan om it intoronon, antad di hiza do varo nakamung it ongoulun Kristian antad sid ongobansa. Minsanko sid poginakanan di Tuhan Yesus, inot poginakanan di popizo dara di sokoviai i 32
kinoruhangan di Yesus, varo't ulun di kakali monodiri di kakanan om inumon sampai nehas om nabahagi i gorija di Kristus (Gal. 2,12) Topot amu atag do monodiri om mitongkizad i ponuhu di Yesus. Ino-no i kosusaan di gorija biano, tu varo gama monodiri do kakanan om undang-undang ko bansa om i vaza posondot di Habal do Kovosihan sampai nopitas-no om nabahagi-no i gorija di Kristus. Ino dino, tantu okonko kenginan di Yesus. (9) Ong pazazad ioti di Habal di kensamakan di karajaan do Kinoringan, ino dino okonko hal do hiza om sera, inoi nga hal do tampat om tumongkop. Sabap siombo-nopo nokorikot i ponuhu di Yesus, sid valai om kampong ko bandar om pomogunan, sino-no nokorikot i karajaan do Kinoringan. Sino-no kadapat i kinoruhangan di Yesus pembulai di tanda om kosunduvo di karajaan dino (9) do pengkod do sakit om pahabal di Yesus. Lavis: Sid saralom di gama papanau di 70/72 ot ulun pemot-no i Yesus di kuasa dau om i hak dau sid ensanan i bansa dot Israel om i sokoviai i riniba. Ong kiroon-no do songkuro o kagazo di gamaon dino pentahan di korikatan di karajaan do Kinoringan sid sompomogunan, ohorotizan tokou-no do masti ahago i gama om amu obuli do varo sangkut. 70/72 ot ulun mad ogumu-no. Topot kakali amu-po osukup. Topot hondomon tokou banal i tomodon di Yesus, o ino-no, mongovit di kopiondusan do Kinoringan sid ipat-ipat i valai om i kobebasan antad sid kuasa do rogon om antad sid ongopanakit. Ong olingan ino, mad avagat it ongosuhu di Yesus. Topot ong ohorotizan mad rumaliu-no i katamanan sid ginavo tokou kondiri. It ongoulun dit amu monorima di Habal do Kovosihan iadko mongohukum di kondiri dau. Ogumu o hal di noboros di Yesus sid tuturan dino. Kakali kiguna bahagi di gama pazazad di Habal do Kovosihan biano. 10,13-16 It ongopomogunan dit amu mangasip. (10) It ulun om pomogunan dit amu tumorima di rasul om i habal dau, ohukuman-no, tu lumombus sampai mogidu-no i hoturan do Kinoringan sid dioti dino. Isai-nopo it amu tumorima di Habal do Kovosihan, kitigogonno iosido dot iosido di hukuman do Kinoringan di miabal ko lobipo avagat mantadko i sid bandar Sodom om Gomora. Noboros-po om imuhun di Yesus i iadino bahagi di kapanahan dioti, varo-no vagu boros kananganko i tolu i kampong di nokorikot-no dau, nga amu tinumorima di Habal om gama dau, ino-no Kurazin, Baitsaida om Kaparnaum. (13-16) Enizo it ongopomogunan dino sampai it ongoulun dit amu tinumorima di Yesus ko amu tumorima di ponuhu (rasul) dau, na anangan ioti di hukuman do Kinoringan. Sabap aso bida, kondiri di Yesus ko baiko i kinoruhangab dau pogili di kovosihan do Kinoringan sid ongoulun, isai-nopo i mangamu di kovosihan dino, ino-no o mangamu om mongusiba di Yesus sampai i Kinoringan (16). Ong monginjil i koruhang di Yesus, iadko kondiri-no di Yesus o monginjil sampai kondiri do Kinoringan. It ulun dit amu tumorima di koruhang di Yesus, tantu iadko i Yesus ot a-otorima om i Kinoringan. Lavis: Sid sompomogunan aso hal, aso barang antawa gama antawa tampat di kadapat pembulai di kovosihan do Kinoringan tanid mantadko mangasip sid di Yesus, it anak do Kinoringan. I Yesus humongkob-no sampai humungot-no, tu i tolu o pomogunan di narait siti, mokiindazou, gima asarok-sarok i Yesus nakapit sid dioti, lobipo asarok mantadko sid Nasaret (4,23), topot kakali amu mangasip. I gama mangasip okonko hal do tampat antawa barang. Om aso bida dot isai o mangahabal di Habal do Kovosihan, i Yesus kondiri antawa i kinoruhangan antawa i ponginjil biano diti. Sabap sid saralom di gama mangasip kopiluzung tokou-no sid di Yesus kondiri, om baiko ino kopongimbulai di kovosihan do Kinoringan. 10,17-24 I katamanan dit ongoulun di sumuhut di Yesus. It ongoayat dino, atarang dot bohogizon do tolu o bahagi, ino-no 17-20 I katamanan dot otopot 21-22 I gama di Yesus mongindazou do Kinoringan 23-24 I kosinangan dit ongoulun di sumuhut di Yesus di lobipo agazo mantadko i kosinangan dit ongoulun vokon. 17-20 I kinulian di turu nopod om duvo kinoruhangan 17 Varo-no laid boros di Yesus di mad kendorosi (3). Sabap ino ohorotizan tokou i gama dioti tumomon om humigak. Topot hondomo-no: okonko amu otopot i boros laid diri, inoi nga: a) i kuasa do Kinoringan akansang mantadko i karaatan (okuasa sid saralom di ngaran di Yesus. b) okonko piro-piro ot ulun nopogos sid saralom di gama mangahabal di Habal do Kovosihan. Topot varo hal di lobipo ko potomon, ino-no, asanganu ioti do Kinoringan, minsanko sid saralom do kapagasan. 18 Manarang-no i Yesus dot, Okonko iokou o nokoponori di Shaitan, inoi nga antad kavi sid Kinoringan. I Shaitan dino, ino-no i vozoon do rogon. Ogumu o pongoretan sid Kitab, i Monuba, i raja di vinangun diti, i mamatai do riniba, i momudut ko it ama do vudut om varo-po vokon. Harati, i pedu do riniba sid Kinoringan. Oginis i pakakas dau: pensubaan, pangkat om kuasa sid pomogunan, kapatazan om sakit, vudut. Topot minsanko nokosunu-no i kenginan dau hiza di Adam do pinedu dau i riniba antad sid tinoguvangon do Kinoringan, notori-no iosido ong biano. Sabap nokosuput-no vagu sid Kinoringan i riniba sid saralom di kinorikatan di Tuhan Yesus. I Shaitan rinumatu sampai nohukuman-no iosido, naratu-no iosido antad sid kinogomon dau, nedu-no i kuasa dau. I boros do iadko gonit, ka, iadino o gama tokou humarati, Ong varo-no't ulun mamanau do sodop do banalko otuvong om amu emot i vazaan, na tigogi, varo-no gonit sampai osinang-no i ginavo dot ulun dino. Kuozon-po 33
ong tumuvong-no vagu, tu nelaan--no dau i vazaan. Pengkaa dino i Shaitan di rinumatu iosido. Atarang dot notori iosido ino hiza di Tuhan Yesus. Kuozon-po ong tumuvong-no vagu. Tu nelaan tokou-no dot aso-no kuasa dau sid tinoguvangon do Kinoringan. 19 I kuasa do mangaladtak: okonko aso karaatan dit ahajangan dikou, topot amu-kou otori. I vulanut om ompoluluhu dino okonko baiko i dupot o binoros di Yesus, inoi nga mad suriban ino: nunu-nopo i kopomogos, kendorosi om kopongorungoi. Kadapat i Yesus manahak di kuasa dino, sabap iadko navi-no i kuasa dot araat ontok di kinapagasan om kinapatazan di Tuhan Yesus. Manjadi biano amu-no kopongorungoi ko kopongidu di tokou antad sid Kinoringan, amu-no kapananus di koposizan penlaid, ong sukul lumuzung tokou sid di Yesus. 20 Kadan-kou-no tumomon..: okonko opodok i panahak di Yesus sid ongokoruhang dau dot okuasa it ongokaraatan. Topot suvaiko andaman i sabap om kiguna-ogi. Varot ongokuasa di banalko kovongo-vongo sid saralom dot ongougama vokon, sid ugama do Kaling (Hindu), sid Buddhism nga varoi, sid Silam, nga varoi. Sid ugama dit angaki, nga varoi. Topot minsanko nakapanahu-no i Kinoringan dot ongotanda do kosunduvo sid ongougama dino, kakali dot asot ugama vokon do nokensomok om nakasampai i Kinoringan sid riniba om pentahan di samod dau sid ipat-ipat it ulun. Baiko sid saralom di kosipan sid Tuhan Yesus. Sabap ino kiboros-no i Yesus dot, Aso guna ong baiko mongitung om tumomon di keduan sid rogon antawa kiroon dit ugama do Kristian do baiko iponunsub do rogon. Topot i kenginan om i kovosihan do Kinoringan bahagi dit ulun di nokeduno sid rogon, amu-no hondomon vagu. I ngaran di nokosurat-no sid surga, ino-no i harati, Kinoringan-no o mananganak dit ulun dino. Nokosuvang-no iosido sid palad om kuasa do Kinoringan, iadko sid ongkob do Kinoringan, sampai Kinoringan-no ot ama dau. Sabap ino, otomon iosido, kagi, varo-no kuasa dit ama dino di mozo-vozo. Topot kadan polingan, i koponorian do karaatan, ino-no ot uva. Topot i gamut ko puun, ino-no i kovosihan dit Ama. Lavis: Ogumu ot ongoulun mongitung dot it ugama do Kristian kiguna banal, tu ino-no o vazaan mogidu antad sid kuasa do rogon. Otomon ioti, tu nokedu-no sid rogon. Topot ino dino amu-po osukup, ka di Yesus. Nokedu-kou-no, tu nasanganu-kou-no do Kinoringan. Nakamung-kou-no sid ongkob (keluarga) do Kinoringan. Ong olingan gam tolikudan dikou iosido, koluu-kou dot ulun di mangakan dot uva, topot i puun di minongimbulai dit uva dino, nga amu-no gunaon. 10,21-22 Okonko it ongoulun dit elo om i kiongohukum o nopili do Kinoringan (1. Kor.2,1-5) Ong sid riniba amilo-milo it ulun do kihukum ot oindazou om oguna. Na okonko aso guna ong kihukum, gamko tahak do Kinoringan ong kihukum it ulun. Topot ino-no ot atarang: kodungko kihukum it ulun, mad mokindazou-no iosido om i kipangkat, nga pengkaai om it ongoelo nga pengkaai, do mad nolingan-no dau dot antad kavi sid Kinoringan. Manjadi mad norindingan-no i ginavo dit ulun dino dot i pangkat ko keloo ko hukum ajadi do rinding, sampai i hal om i kenginan do Kinoringan mad amu-no ohorotizan. Manjadi mongindazou-no i Yesus dit Ama dau, tu nakapangagama-no do vazaan do pentalang om pembulai di kovosihan om samod dau sid riniba, o ino-no sid ongoulun dot osibak om it ongoulun di koluu dit angaanak. Manjadi atag-no ong mongontupat tokou, supaya okonko engin tokou sumuntu dit ongoulun diri di mokindazou, gam sumuntu di Yesus, i minonginsibak di kondiri dau sampai nitahak i koposizan dau bahagi dit ulun vokon. 23-24 It ongokoruhang di Yesus diri ulun-nopo do kampong om ulun dot aso ngaran. Kiroon-ku, asarok minongitung ioti dot, Iokoi diti aso guna, tu aso pangkat, ka di ginavo dioti. Topot boros di Yesus, Ikou dino osinang mantadko it ongoraja kodori om it ongonabi kodori. Ioti diri nokosorou-no do varo Mananggung rumikot om natahakan ioti do janji bahagi di Mananggung dino. Topot i Mananggung kondiri, amu-po nemot dioti. Sabap ino, osinang-no it ongokoruhang di Yesus, sampai i tokou biano nga osinang-po. Tu minsanko nokotohudi tokou, kakali dot elaan tokou: nokorikot-no i Yesus i Minananggung do riniba. Nokembulai-no i samod om kovosihan do Kinoringan. Notori-no di Yesus i Shaitan om i sokoviai i karaatan dau sampai nokopongimbulai-no iosido di koposizan penlaid. Na amu-no apatut do mongitung tokou dot, Aso guna ong i tokou, tu aso pangkat, ka dati, om amu apatut dot mokiuripon tokou vagu dit isai-nopo, gam tumomon tokou-no sid saralom di kosibako, tu noguna tokou-no do Kinoringan. Ino-no i lavis: I Yesus manarang di katamanan dit otopot, o ino-no i piniizaan do Kinoringan om i riniba om i kopioondusan do Kinoringan om i riniba. 10,25-37 It Ulun do Samaria i banalko obinsianan. (I koriatan do samod) Amu ogumu o boroson bahagi di tuturan om suriban dino, tu atarang-no laid. 25-29 Kadan tokou ogolivong di gama mongoduat dot, Kuran-no-ka o gamaon-ku, supaya kotungkus-oku di koposizan penlaid, ka diri. Tu ino-no dati o kogolivangan tokou, Varo-naku gamaon do riniba do iadko mangadagang di koposizan penlaid dino? Okon-ka ko amu tokou kadapat mangadagang di kovosihan do Kinoringan, inoi nga i Kinoringan manahak di kovosihan dau sid isai-nopo i sinamadan dau, ka di nituduk sid di tokou? Banal-no-beno. Topot i pongoretan do monungkus nga onong banal. It ulun di kotungkus do barang antad sid ama dau, okonko gumaji sid ama do sampai kisuul, inoi nga atahakan iosido di barang dino, isuhut di samod dit ama. Manjadi it ulun dit asamadan do Kinoringan, ino-no i sumuhut di kenginan do Kinoringan. Ino kenginan dino, nonsi-no sid saralom di Pinonuhuan dot asamod. Rontob osusa tokou mongontupat, supaya amu onuvon tokou i Pinonuhuan dino dot ipokindazou, antawa amu alazan tokou i pinonuhuan do retan dot amu 34
ohorotizan. 30-37 I harati di suriban banalko atarang. Ino-no, i samod dot atag, it amu momili dot ulun om amu mangahatul laid do siombo i rontob do samod, iadko baiko ulun do kovorisan ko ulun do bansa kondiri ko ulun dit ugama kondiri. I samod dot atag amu rumosi dit ongomangarampas. I samod dot atag dino amu monongkudau di barang dau, gamko mangakun dot orugi. Aso boros sino do nokokuro, tu tinumalib it imam om it ulun do Levi. Ino-no dati i pongitungan dioti: Aso kotibangan-ku, ahago-oku diti. Aso barang-ku vokon tanid mantadko i kokorui-ku. A-ku elaan do nunu songulun ialo, ulun do labus ko ulun do kisala. Ensasakahan-oku dati. Lobipo ong matai banal ialo, ka dati di pongitungan dioti. Ong otopot-no, rinumosi-no ioti om monongkudau di barang dau sampai aso samod. Varo-po pongitungan om kiroon, ong monulung, osongkutan-no sid tugas banal, i sid panambayangan, tu i Iman nokosodia mengkhotbah om it ulun Levi humago, tu momuhau-po di panambayangan om mongogiang di rongobon. Ino-no i lavis: It ulun dot asamod otorima do Kinoringan, o ino-no it ulun dit amu momili dot ulun om amu mongorontob di samod dau, it amu rumosi om it amu odoot. Iso-no o suntuan banal, ino-no i Yesus Kristus, i minatai bahagi dit ulun do kisala. 10,38-42 I koriatan do kosipan (I Mariam om i Marta miobpinai). Aso boros sino dot oubas laid i Yesus sid kampong dino. Sid Injil di Yahya humarati tokou dot i pomogunan dino Baitani. Ong sid di Lukas, mad najangani di Yesus do maza iosido sid pomogunan dino, sampai bai iningutan iosido mindakod sid valai di duvo it ondu. Ong sid adat dot ulun Yahudi, a-kavasa dot it ondu pendakod do kusai sid valai dau. Topot nitarang laid di Lukas dot tanid i vaza di Yesus pokoruhang dot ongondu (imatai F. 8,3) Sid ugama do Yahudi diri, aso rabi om guru di monuduk dot ondu. Tu ong ondu a-koduzan do Kinoringan, ka. Topot sid valai di Marta dino, tanid-no o gama. I Mariam, it obpinai di Marta, noubas-no laid sid di Yesus, gam nokotimpuun-no iosido monorundakai di Yesus (8,1-3). Manjadi, i nokendakod i Yesus sid valai dioti, gam i Marta humago do magazau om monodia do kakanan. Ong i Mariam minoriat do mogom sid sahau di Yesus mokituduk. Kagi i sokoviai it ongokoruhang di Yesus sino, nga notudukani. (Piro ioti? sampai osomok do hatus, tu it 72 om i hopod om duvo om vokon-po, naku). Ong kiroon tokou i kogumuai dioti dino, iri-ogi atalahas dot ogumu o gamaon di Marta magazau om miuma bahagi dioti kavi. Agazo o ginavo di Marta do pakan dioti. Rontob-nopo, i humago iosido minggama-gama do mad muramau o bosing, tigogi mad osusa i ginavo dau om humungot-no iosido sid obpinai dau, tu mogom-ogom i Mariam do mad bontongon-no. Mad kigamut i busul di Mariam, a-emot i kapagasan om koporuan dit obpinai dau. Iti-no o sabap do tumoronong i Marta sid di Yesus sampai mongonsug di Yesus, supaya osuhu i Mariam do tumabang dit obpinai dau mogobi-obi om monorundakai dioti. Kasalaan-ka-nopo, amu sumuhut i Yesus dit onsug di Marta, gam avantangan om osuhulan i Yesus ino kobuatano di Mariam sampai monguji-po di gama mogom om mongining sampai mokituduk i Mariam di Habal do Kovosihan. Avantang dara i koporuo di Marta minggama-gama, tu pakan iosido dit ongoombuvoi. Kagi elo-no banal iosido om kogoos monumpuakan di iadino ogumu dit ongoulun di nokorikot sid valai dau. Amu odoot iosido, gam iosido dino agazo o ginavo do pendakod di Yesus om it ongokoruhang om pogili dot ahatul o kakanan. Ino-no rontob, it ulun Kristian a-milo-milo momili om monodiri dot ombo it osusa om ombo i kiontok. Ino-no i boros di Yesus, iso-no ot osusa, ka dau. Iadko sid tuturan dit Imam om it ulun do Levi, indoson dioti ong i tugas dioti sid panambayangan ot atag do posuhulon. Iti-no o sabap dot inalazan dioti i gama monulung dit ulun di narampasan dit toropatazo-no mili-gili sid lisang do ralan pakaa sid Yerusalim. Inot ulun dino iseso om osusapo do toropatazo-no dot iso nga aso monulung, ong okonko ioti di nakavaza sino. Topot ioti, osomok dara, nga amu kotibang om rumosi-po dati dot ioti-po ot arampasan. Sid pongohorotizan di Yesus mimbulai dot i sokoviai i gama dot ulun posurut di tugas om ponsohorian dau, asot ontok, ong tumalib ioti sid ulun dit osusa dino dot amu minonulung. I gama manamod amu engat i hoturan ko undang-undang ko rontob. I Marta, pengkaa dino, tukang masak dit elo banal iosido, bai kenginan dau pakan di Yesus. Na sid gama di iadino mangalai iosido di kotibangan do mongining di Habal do Kovosihan. Gam humungot-po iosido sid obpinai, tu iosido moriat mongining, minsanko amu osodia koduruk i kakanan dioti. Inono it atag o gama om koporuan, mongining om monodiri sampai sumuhut di kenginan do Kinoringan, okonko i vaza om hoturan ko koubasan om jangkaan dot ulun dit amu misimban-simban. Iti-no i lavis: Varo hiza do monulung om varo hiza do mongining. Topot aso tinganan do monodiri, retanko it iso it lobipo osusa ko avagat ko a-milo-milo gamaon mantadko i koduvo. Antad sid atag o gama mongining di kenginan do Kinoringan, iri-no o kohorotizan dot ulun Kristian do siombo om nunu ot atag o gama om vaza posurut di kenginan do Kinoringan: sid koponulungan ko sid keningan di Habal do Kovosihan. 11,1-13 I kogunaan do minta dua (Matius 6,9-13 om 7,7-11) Sid kovian di F. 10 noboros-no di Yesus do suvaiko osodia om kotibang it ulun ponong sid tinoguvangon do Kinoringan om i kenginan dau, iri-ogi varo katagan. I sokoviai i kavazao om gama dot ulun isuhut di dau do kenginan , a-kemot do kosuruto. Na sid 11,1-13 lumombus i Yesus di tudukan dino sid gama manarang di kogunaan om vaza minta dua. Varo't iso o koruhang dau di minokituduk minta dua. Varo vaza di Lukas kagi do manarang dot i kogumuai di gama om boros di Yesus mad timpa sid boros om duaton 35
ko gamaon om kosusaan dot ulun. Varo koruhang ko ulun vokon monginsosok om mokituduk om i iadino. Iri-ogi monuduk om manarang ko manalahas i Yesus (imatai sid 11,27.45; 12,13.41; 13,1.23.31; 14,15; 15,2; 16,14; 18,9; 19,11; 23,27 om vokon-no). Ino-no i vaza di Lukas mongusul di tuturan di Yesus sid Injil dau, iadko i rasul Paulus suvai minonurat sid ongopiumpugan, ong varo kosusaan ko soalan ko kodolikadan dioti, pengkaa dino i Yesus laid diri mogkovosihan dit ongoulun sid sokoviai i kobuatano om kosusaan dioti. Ipat-ipat i boros di Yesus, kiontok banal: 10,37 sid ulun dit elo do Kitab om 10,42 sid di Marta. Na i vaza di Yesus monuduk minta dua, posurut om tumalib iosido di tudukan di Yahya. Pinogulu di Yesus pogili sid dioti i suntuan do pomintaan dua dit amu miabal di sid Matius 6,9-13, ino-no i retan tokou do Pomintaan dua di Tuhan Yesus, it apapakai tokou sid gama sumambayang. I di Lukas, varo a-ko piro o pitonidan. Onibak o gama mangarait dot, O Ama, ka. Okonko mongohondom do Kinoringan om i vaza posunu di kenginan dau. Miabal di tolu i pensubaan sid vozoon do rogon sid Fasal 4,1-12, mindamo i Yesus do kakanan bahagi di suvab-po, okonko bai adau diti, om manarang di kosunuan di karajaan do Kinoringan. Okonko i karajaan om hoturan di vozoon do rogon ko i kohormatan dau, inoi nga i kohormatan om kosusian do Kinoringan, ino-no it a-milo-milo oguna. Kagi, gima ino pensubaan diri mindamo i Yesus do kosopulan antad sid pensubaan. Na varopo pitonidan: ong sid Matius, suvai i tokou o nakapangada-no laid di kasalaan dit ulun di kisala sid di tokou, iriogi kadapat mokiada di kasalaan tokou sid Kinoringan. Ong sid Lukas, aso sabap di nakapangada laid, inoi nga bai, tu ioku nga mangada. Sid vaza di Lukas mongusul di tudukan di Yesus kananganko i gama minta dua, kaharati tokou do kuran it ongoinjil okonko enizo banal mangalapor. Ino dino okonko harati, dot amu otopot i laporan di Lukas ko i rasul vokon, inoi nga isuhut di tinomod di Monginjil mongusul om isuhut dit ongoulun di kogulu nokotorima dit Injil diri, mimbulai i timpa om tudukan di Yesus, kopionong dit ontok dit ongoulun di mongining. Kagi, it ongoinjil diri okonko nokoponurat hiza di kalabpu sid kabang di Yesus i tudukan diri, om aso caset diri. Iadko i Lukas, varo-not a-ko piro hopod toun katalib om siumamung-ogi iosido dit ongoulun di mato om tolingo kondiri o nokemot om nokening di boros di Yesus. 5-8 Sid suriban om suntuan manarang i Yesus di kogozoo di kovosihan do Kinoringan di minud om mongopud di tokou sodop adau. Sid vaza mongoduat manarang i Yesus do kuran-no ong sid pialatan do riniba varo manahak, minsanko i tinomod manahak ong antad sid nagaratan, okonko antad sid kovosihan. Ong sid riniba i iadino, lopipo ong sid Kinoringan, tu i gama do Kinoringan katalib di nunu-nopo i gama do riniba ponong sid kavantango om katagan. Inot ulun sid suriban amu ekum mindamo, gam katama banal do monusa dit anggai-anggai dau di tanga do sodop, tu agazo o ginavo dau pakan dit ombuvoi di nokorikot sid dau di tanga sodop-no. Aso kiroon dau do modop it anggai-anggai ko it anganak dau, tu tanga sodop-no. Iseso o ginavo dau do momozo-bozo dit ombuvoi di nokorikot, minsanko osusa iosido do momosik om pohungot dit anggai-anggai vokon. Mongogorot iosido mindamo dot amu abasan mongogorot sampai kotungag it ulun sid valai om manahak-no, supaya engkod it ogulou di kagaratan dit ulun dino. Lavis: Nelaan di Yesus dot ogumu ot ongoulun amu milo banal minta dua. Sabap ino, minanahak iosido sid kinoruhangan dau di POMINTAAN DUA dau. Ong itungon tokou it ipat-ipat it indomoon sino, mad amu avi tokou mongitung. Nokosuvang-no sino i sokoviai i nunu-nopo, i hal di kondiri-nu, i hal do gorija, i hal do pomogunan... Topot i Yesus engin do minta dua tokou do mamakai di boros kondiri. Kadan-no rumosi dot amu mionong i pinta dua tokou di kenginan do Kinoringan. Iosido kadapat monunda di tokou sid saralom di Sundu dot Osusi. 11,14-36 I koriatan do minsamung di Yesus a) 14-26 I Yesus om it ongorogon (Mat. 12,22-30 + 43-45; Markus 3,22-27) Sid 11,13 narait-no di Yesus dot i Sundu dot Osusi, it antad sid Kinoringan ino-no it panahak do Kinoringan sid ulun di sumuhut di Yesus (I tokou ulun Kristian). Topot varo't ongokuasa vokon, ino-no it ongorogon. I boros Momogun monodiri sid ongopongoretan dit ongokuasa di monulung om it kuasa di monusa om mongindaraat di riniba, ino-no, varo Sundu om rogon. Kagi, sid PCS monodiri om manarang tokou di kobuatano dit ongokuasa dit a-emot, topot varo, dot atarang o gama monodiri, ombo it antad sid Kinoringan om ombo antad it sid kotuvangan. It ongobobolizan nengat-no laid ino pitonidan dino sampai minangambo om minanabul ioti dit ongosinundu, supaya monungkod i Sundu di bobolizan sid gama dau madsadaka sid ongorogon om peva do kosusaan, sakit, koruzahan, kolizudan om monogit do pomogunan dit alasu. Na iadko i kiroon do Momogun diri dot it ongosakit, nga nagama do rogon, iadino laid i kiniro dit ongoulun do Yahudi kodori. Ong i Lukas nakaharati-no dot antad sid kuasa di Sundu dot Osusi nosunsub-no om nedu-no i rogon do bobou, hiza dot i Yesus pobongut dit ulun do bobou. Iadino i gama di Yesus, tu kikuasa iosido do Sundu dot Osusi, ka. Na sid gama di Yesus posihat dit ulun dino kembulai i kovongo-vongo dot ulun. Varo iadino mongitung, varo iadilo mongiro om mangalu-kalu om indoson ong kirogon i Yesus, retanko i vozoon do rogon mamakai di Yesus sid gama pogolivong dot ulun. Ino kiroon dino, okonko it ongofarisi, inoi nga ulun vokon. Manjadi manarang i Yesus dot i kiroon dioti oholian obolikung om obungou. Sabap kuran mongorungoi it iso kuasa di dau dot ongoalat do kuasa. Ino dino iadko mongohuzas di valai kondiri ko pasaap di dau do hoturan om karajaan. Timpa 36
koduvo di Yesus, Ong i kinoruhangan dau kikuasa do monunsub do rogon om posihat dot ulun, ioti naku dino miabal dit antad sid kuasa di vozoon do rogon, i ngaran dau i Baalsabul, ino-no i rogon di mongunang, o kagama? Sid kovian di kumidahava di Yesus, gam mamakai i Yesus di suntuan do kuta om it apapag i valai. Minsanko apapag i rinding, ong i sumaap lobipo ahakang o tantara dau om kikosukupan mongobom do kuta, tantu otori i kuasa di kuta sampai abahagi i harta di sid kuta dino. Ino suntuan dino manantu di tomodon om gamaon di Yesus pembulai di kuasa do Kinoringan (imatai sid Matius 28,16-20). Ino hoturan vagu dino mongimbulai do kopioondusan. It ongopakakas do rumpak (rapo) ino harapan diri, inanu om rinungoi-no. Pengkaa dino i harapan sid barang om kolunduo, nga otipu-no. Ino-no it a-milo-milo rotuon, Nunu-ka o harapan dot ulun? Ino kapapago do valai om kuta, ko i palad do Kinoringan, i mongorinding om mamasi di riniba (Zabur 8,4). Ino gama di Yesus do posihat dot ulun, nga gama om kuasa-no do Kinoringan. 23 Iri-ogi ipoontupat di Yesus dit ongoulun di kakali opiduvo o ginavo. Tu sid tinoguvangon di Yesus, a-milomilo, it ulun momili dot ombo o suhuton om tolikudan. A-kadapat it ulun mogom sid sodu-sodu do bai tumimpan, iadko memot do TV ko wayang di bai momoi om misingkavaro. Gam it ipat-ipat it ulun dit amu sumuhut di Yesus, ino-no it ulun di sumaap om tumolikud sid di Yesus. Lavis: I kuasa di Yesus palabus dot ulun antad sid kosusaan banalko povongo dot ulun. It ongoulun di sumaap di Yesus, mogihim-nopo do vazaan mongindaraat di Yesus. Topot i gama dioti manala di Yesus oholian kolovong om kobungou. Minsanko it anganak kaharati-no dot ino iadino amu otopot. Na atalahas-no dot i karajaan do Kinoringan nokorikot-no sid saralom di gama di Yesus. b) 24-26 I rogon di sumarung vagu. Sid suntuan di rogon di sumarung vagu manarang i Yesus do kuran dit ulun di nakalabus dara antad sid kuasa do rogon, iadko it Ongomomogun di hiza di sinumuvang ioti do Kristian. Varo-no ong bai minintoron-no do sumamba om humarap sid rogon sampai amu-no pasamba-po do vogok sid rogon, nga kakali amu ensanan o ginavo om gama dioti sumuhut di hoturan di Habal do Kovosihan om i kenginan do Kristus. Iri-ogi, tigogi varo kuasa om hal di mad rogon di monguasa dit ulun dino, iadko i mokilulundu, mokipangkat, mokisisiin, mavukavuk, monongkudau om i vokon. Manjadi inot ongokenginan dino mad rogon di lobipo araat sid gama monguripon om monguasa dot ulun. Manjadi i koposizan vagu dino ahali mantadko i gulu di kakal-po sid hoturan do rogon kodori. 27-28 Noboros-po i iadino, varo't iso't ondu di nakaharati sampai minonguji dit idi di Yesus, gima ahatul o gama di Yesus monuduk om pentutun sid dioti di kuasa do Kinoringan. Okonko i gama mivaris dot ulun dit agazo o ngaran sid saralom di karajaan do Kinoringan o koposinang dot ulun. Minsanko i Mariam i minaganak di Yesus, nga amu kerad i kosinangan dau di kosinangan dit ongoulun di mongining di boros do Kinoringan, sampai sumuhut, ka. Biano nga iadinoi, Bang varo't ulun do mangasip i savo ko it anak dau, topot iosido ong kondiri nga amu mangasip, tantu amu kapanapul dit ulun dino i kosipan di savo ko it anak dau. A-milo-milo iosido kondiri o mongining sampai sumuhut. Ong miguli vagu i rogon dot araat, ino-no, i ginavo dot ulun iadnoko valai dit inizanan do rogon antawa izanan do Sundu dot Osusi (Imatai 1. Korintus 3,17; 5,19). Bang nokedu-no i rogon antad sid ulun, topot i Sundu do Kinoringan amu mizon sid dau, kakali dot osusa it ulun dino, minsanko avantang i buatan dau ong didino (novuhau-no, noumpakazan-no), tu suvaiko nezanan do Sundu dot Osusi om rosizon-ogi di rogon dit engin miguli. 29-32 I ranzat dot araat mindamo do tanda, ino-no i tanda di nabi Yunus (Mat. 12,38-42; Markus 8,12) It ontok om i tomodon di tuturan dino. Engat-no dot iso-no o tomodon antad sid 11,14 sampai sid 36, ino-no, Kadan-no humarap di buatan sid soribau antawa mongohukum dot ulun, isuhut di buatan sid soribau. Inoi nga i buatan om i suvang do ginavo ot itungon, tu baiko ino o kapanapul antawa kopongohukum dot ulun. Iadko i sid 14-23: it ongotanda do kosunduvo di nangagama di Yesus koluu dit ongotanda di nokembulai om kakali mimbulai sid ongoulun dit amu kasip sid Kinoringan om sid ongougama dit okonko Kristian (imatai sid 10,17-20). Ong sid soribau ot itungon, mad aso bida. Ong i harati di tanda ot itungon, agazo i pitonidan. Sabap it ongotanda vokon dino baiko mokindazou antawa mamalid o tomodon. I tanda di Yesus, ino-no i tanda-nopo di monulung dit ongoulun dit osusa, tanda-nopo do samod di monuduk sid koposizan penlaid. Manjadi i gama dioti mindamo do tanda do kosunduvo o pembulai di buatan di sid saralom di ginavo dioti, o inono, i buatan dot ulun dit amu mangasip. Minindamo ioti do tanda antad sid avan (11,16), tu ino dino hal dot agazo om hal do kovongo-vongo (kiro-kiro, ong tumanus it ompiling dot adau ko vulan, antawa ong mintoron mamanau i mato dot adau iadko i hiza di Yosua (Yosua 10,12 +13), antawa i nunu-nopo i iadino). Topot i tanda do samod om i tanda do kotulungan sid ongoulun dot osibak mad nousiba dioti. Na okonko amu atahakan ioti do tanda. Topot i tanda dit itahak sid dioti, ino-no i tanda di nabi Yunus. Topot i tanda dino amu ohorotizan, ong amu mangasip laid it ulun, gam lobipo pembulai di buatan dot aso kosipan sid ongoulun dit amu mangasip. I nabi Yunus dino. Isai-ka i nabi Yunus dino? Ong adapat, atag-no ong basaon i Kitab di Yunus. Ino-no it onsi di tuturan di Yunus: I Yunus dino sinuhu do Kinoringan mamanau sid kavavalazan do Ninive, tu pentahan di korungazan di kavavalazan dino, gima i karaatan dit ongoulun do Ninive. Topot i Yunus dino amu sinumuhut di suhu dino, gamko sinumako sid kapal, tu mogidu sid tanid o pomogunan. Manjadi sid tanga-ogi do rahat i kapal dino, nonong-no ioti do barat dot ologod sampai siri-siri ong notogob. Na nohorotizan-no di sarang dot i Yunus 37
dino o sabap do kosusaan. Om i Yunus kondiri minonuhu-no dot, Padao-oku dikou sid rahat om osinang-kou-ogi, ka. Amu dara engin ioti. Topot mad aso vazaan vokon. Nakada-po i Yunus, minintoron-no i barat dino. Manjadi i Yunus dino, notolon-no do sada do banalko agazo sampai nokentoron-no sid tizan di sada dino do tolu't adau koledo (kotoluvan) sampai mininta dua i Yunus siri. Nosingkop-po i kotoluvan, nelob-no di sada i Yunus dino sampai tinumindal-no. Nokotindal-po, minamanau-no i Yunus kumaa sid Ninive sumuhut di suhu laid do Kinoringan. Manjadi it ongoulun sid Ninive nokotigog banal sampai tinumolikud-no sid karaatan. Na amu-no rinungoi do Kinoringan i Ninive i hiza diri, tu miniguli-no ioti sid vazaan dot avantang. Topot i Yunus dino minoguhang-no do Kinoringan, sabap amu nosunuan i boros laid. Iri-ogi minanarang-no i Kinoringan sid di Yunus dot amu apatut i gama dau humungot, do kikobinsianan i Kinoringan sid ongoulun di nokuli-no sid Kinoringan om i kenginan dau. I tanda di nabi Yunus, ino pongoretan dino, varo-no laid sid ongoulun do Yahudi i hiza di Tuhan Yesus. Ino-no i harati, i tanda dino monuduk di kovosihan do Kinoringan, i kapanapul antad sid sala om kosusaan, iadko i Yunus, i kisala, nga nosopulani. Ong sid ongoulun Kristian, tanid-no o kinohorotizan. Tu i kotoluvan di nokentoron i Yunsu sid saralom do sada o minonuduk-no laid di kinapatazan om i kinogulianan di Tuhan Yesus ( i monuduk = i kotoluvan sid sada. I nituduk = i kotoluvan sid lobong. Iadino i harati sid Matius 12,39-40). Sid injil di Lukas nomungan-po i harati laid, tu netung-po i tinomod di nabi Yunus, ino-no, pouli dit ongoulun sid Ninive, supaya apasi om kemumui ioti sid Kinoringan. Ino-no, i nabi Yunus, i nokentoron sid sada do kotoluvan sampai nokotindal vagu, minonuduk dioti sid Ninive, supaya koguli ioti om apasi-ogi. Na i Tuhan Yesus, i minatai om nogulian vagu, minangahabal sid riniba, supaya apasi tokou sampai penlaid. Manjadi okonko-ko rontob i kotoluvan o najadi do tanda, inoi nga i Yunus kondiri om i nahahajangan om kinadapatan dau muli najadi-no do tanda bahagi di Yesus om i habal om samod dau om i kinapatazan om i kinogulianan dau, sampai i gama dau pembulai di koposizan penlaid sid ipat-ipat it ulun di mangasip. Ino iadino dino mionong-no di boros di Shamun (Lukas. 2,35): Ialo dino ajadi do korotuan om kengkakatan dit ogumu ot ulun sid Israel sampai ajadi do tanda dit asaap, supaya kentalang i pongitungan i sid ginavo di kogumuan dot ongoulun, ka di Shamun. Sabap ino, i tanda di nabi Yunus ponong sid di Yesus om i kentalangan di pongitungan dot ongoulun, sampai biano. I raja dot ondu antad sid Selatan: Ong adapat, basao-no 1. Raja 10,1-13. Ino-no it onsi, i hiza di nokoronuw-no i ngaran di raja Sulaiman sid sompomogunan do banalko kihukum om borontuvilon dot adat iosido, varo-no iso o raja dot ondu sid pomogunan do Saba, i sid Afrika Tanga dit tiimot di Sulaiman om tiining-po di hukum dau. Nokorikot-po sid Yerusalim, banalko avangaan iosido, tu i hukum di Sulaiman dino okonko rontob kerad di norongou dau, gamko notoliban-po i norongou dau dino. Manjadi minongindazou-no do Kinoringan i raja dot ondu dino, tu iadino o gama dau posinang di bansa dot Israel, ka. Koingkakat: i harati di koingkakat dino, nga duvo-no: a) samadan do Kinoringan bahagi di gama mihukum. Ioti't ongoulun sid Ninive om i raja antad sid Selatan ot ajadi do sasi di manala dit ongoulun do Yahudi (sampai i tokou), tu ioti dino nakasip-no, minsanko amu nokosuvang ioti sid ugama do Yahudi ko Kristian om minsanko Kitab nga aso sid dioti. I harati, it ulun di nokosuvang sid ugama do Kinoringan om i kivaro Kitab, topot kakali dot amu mangasip banal, tantu agazo o sala dau. b) ogulianan. Ino-no i harati koduvo. Manjadi i boros dino popuhondom di tokou do varo sokoviai om varo kopongohukuman. Na kadan-no do baiko i hal di didino o kiroon, inoi nga i hal sid saralom om it otopot. Tu i hiza dino o kentalangan do nunu om nunu sid saralom do ginavo. Itungon bahagi di tudukan. Biano mogihim it ongoulun do pogintutunan dot nunu songugama ot otopot om kiguna. Ong baiko i sid soribau o kiroon, mad aso bida. Topot ong sid saralom, agazo o pitonidan. I tanda antad sid avan, it aso darun, nga amui ohorotizan, ong amu nakasip laid. Ong nakasip-no, elaan do vaza do Kinoringan pouli dot ulun (1. Raja 17-18 om Yeremia 14). Osuhul-no ong amu-no mogihim do tanda tanid mantadko i tanda di nakatahak-no laid, i sangkap di Yesus. Tu i tanda di nabi Yunus monuduk sid sangkap di Yesus om sid koposizan penlaid. I Kristus di nakasangkap-no o tanda di samod do Kinoringan dit amu tumanus om kapapasi penlaid. 11,33-36 I panganavau. It ontok om i tomodon di tuturan dino. Amu nosimban i tomodon di Yesus antad sid ayat 14: okonko i buatan sid soribau o kiguna, inoi nga i buatan om i suvang do ginavo o kiguna. Topot sid saralom di tuturan biano rontob it ayat 34-36 o iadino o tomodon. It ayat 33 mongimuhun i Yesus dot, Kadan-kou-no ekum dohon, ka (Markus 8,38), tu i politaan di binoros sino nga Yesus-no o harati. Na okonko a-kopionong it ayat 33 om i 34-36. Tu it ulun dit ekum di Yesus, amu kadapat iosido di katarangan sid saralom di ginavo dau. 33 I Yesus o panganavau. Mad varo pongitungan di Yesus dot nokotigog dati it ongokoruhang di boros dau sid kinogumuai dot ongoulun sampai sid ongoulun do Parisi. Ka di boros dau diri: iti ranzat diti ranzat dot araat, ka, sampai avantangan i Yesus dit ongoulun do Ninive mantadko i ranzat dino, ka. Osusa dati, ong iadino o boros, ka di kinoruhangan dau, tu ong pohungot iosido dit ongoulun do Parisi, masti kosunggu sid kosusaan, ka di pongitungan dioti. Osuhul-no ong pianan, ka. Manjadi tumimpa-no i Yesus do monuriban iosido: Isot ulun nga 38
aso monutud do politaan do posusuton i politaan dino antawa tingkuluban do bandu, ka. Harati, ong nokorikot-no i Yesus, it Anak do Kinoringan, i tumalib di Sulaiman om tumalib-po di nabi Yunus, amu apatut do posusuton, gam ihabal om isasi sid sokoviai it ongoulun, ka di harati di suriban dino. Manjadi sid saralom di suriban dino pasasi-no i Yesus di kondiri dau dot i panganavau do vinangun iosido-no (imatai sid Yahya 12,35+46 om 1,4+9). Sampai-no, ino boros dot, Inoi nga ikogos sid origi, supaya it ulun di mindakod sid valai, nga kemot dit anvau dau, ka, na monuduk dati sid sangkap di Yesus. Harati-nopo, Kadan-no pianon i habal di Yesus, inoi nga izazad banal. Tu suvaiko kasangkap i Yesus om kadapat-ogi i riniba do koposizan penlaid, ka. Kadan-no dot ekum tokou di kinapatazan di Yesus sid sangkap diri. 34-36 I mato ot ipanganavau di guvas, ka. I politaan di binoros sid ayat 33 om it ipanganavau sid 34-36 nga mitanid. Topot ino koduvo nga suribani. Ino-no i suriban: i mato iadko ipanganavau do guvas. Ong ulun do bolou dot aso mato dau, tantu sid otuvong-nopo iosido. Ong ulun do kemot, tantu ensanan i guvas dau iadko anavau, tu i hakod nga kemot do vazaan, i palad nga mad kemot di barang di kovidan dau om kemoti di gamaon dau. Sabap varo-not anavau antad sid mato. Topot ino hal dino, nga suribani. Okonko i hal om koburuo do guvas o boroson di Yesus, inoi nga i hal do ginavo. Manjadi i mato do ginavo, ino-no i kohorotizan, i gama humarati om i gama tumoguvang sid nunu-nopo, sid ulun vokon, ka, sid Kinoringan, ka, om sid hal do pomogunan diti, ka. Manjadi ino-no i harati di boros di Yesus: Ong atarang-no i gama-nu humarati di Yesus, tantu ensanan i ginavonu ot atarang, ka. Na pasal ong ino pongoretan dot atarang dino, varo-po boroson. Amu kadapat i boros do Momogun sumusui banal di boros sid Kitab Yunani. Ong sid Yunani dino, nga ino-no i harati dit atarang dino: iso-no lapis, ka. Kiro-kiro, iadko ogumu o lapis di gama tokou humarati om ogumu-no lapis di gama tokou tumoguvang sid di Yesus. Om ino-no kagi ot otopot. Kiro-kiro ong susuzon ino boros do Yunani dino, na it iso o lapis di ginavo tokou mongoguna di Yesus, i koduvo o lapis nga ekum di Yesus. It iso o lapis avantangan-no di Yesus, ong i koduvo, mongoguna di hal do pomogunan, pangkat, ka, kolunduo, ka, kosurupuvan, ka om vokon. It iso i lapis dino mangakun-no dot i Yesus dino Anak do Kinoringan. I koduvo mongitung dot bai riniba iosido, nabi, ka antawa ulun do kalambatan. It iso i lapis mangakun dot mogos, gima i Yesus. I koduvo banalko amu engin dot opogos. Manjadi antad sid oginisan o lapis dino mimbulai-no it oginisan i gama om kobuatano tokou. Iadko ogumu o vuros: ong tumoguvang sid Kinoringan, mad mangasip tokou. Ong tumoguvang sid ulun dit amu kasip, gam sumaap, i tokou nga mad amu-no mangasip. Suvai sid valai kondiri antawa sid gorija, om kadapat tokou-ogi minta dua. Topot sid tinoguvangon di kinogumuai, mad amu kadapat tokou minta dua. Om ogumu-po o hal do iadino, kiro-kiro ogumu o vuros. Okon-ka-ko otopot ino? Manjadi boros di Yesus, Bang amu atarang i gama-nu sid dohon, bang amu ensanan sid dohon i ginavo-nu, inoi nga varo-po nakagavul do hal vokon di gunaon-nu, sid otuvong-ko-po dino, ka di Yesus. Bang baiko entanga, iadko aso. Bang baiko sambahagi sid dohon, kakali dot okonko sid dohon. Ontupato-no banal, supaya inot ipanganavau dikau okonko otuvong, ka dau. Topot kadan tokou ogolivong. Inot ipanganavau dino okonko kadapat pembulai dit anavau. Rontob iadko gondila, rontob tumorima dit anavau dit otopot, o ino-no i Yesus. (hondomo-no i suriban diri Lukas 12,24-26: i ginavo dit aso mizon, minsanko novuhavan-no om noumpakazan-no, nga kakali aso guna. Suvai nezanan di Yesus om amuogi rikoton do karaatan, ka). Sabap ino, kadan tokou-no avagatan di boros di Yesus dino antawa humongkob di buatan tokou, kiro-kiro inot ogumu o lapis sid saralom di ginavo tokou, inoi nga potoguvangon tokou-no i ginavo sid di Yesus om giango-no i gondila di ginavo ponong sid hal di Yesus. Ino gama do pedu di karaatan om pedu dit ongolapis-lapis diri, nga iosido-no o milo, ong sukul nokezon-no sid ginavo-to. Ino-no i harati dit ayat 36. Ogumu-no't ulun minongitung dot aso tantu harati di ayat dino. Tu iso-no hal, ka, di baiko nenduvaan momoros, ka: ong ensanan i guvas ot anavau..,ka. Topot baiko amu nohorotizan dioti dot tanid it anavau i keso dino om tanid it anavau i koduvo dino. I keso, ino-no i gama tokou, i gama do riniba tumoguvang sid di Yesus. Okonko sumirot siti om sumirot silo, sid di Yesus om sid kolunduo ko mongoguna di Yesus, topot kakali dot ekum om rumosi. Inoi nga mangakun-no banal di Yesus, ensanan-no dot ogiang ponong sid di Yesus dot nakamung-no sid anavau. I koduvo dino, ino-no i kanavau om i kuasa di Yesus, i sumuvang-no sid ginavo dot ulun di mokinavau-no. I kuasa dino kadapat pedu dit nunu-nopo it amu atarang, i gama rumosi om i sumolon om i nunu-nopo i iadino. I kanavau dino, retan-no do iadko i kanavau do gonit, ka. Na andaman tokou dot i gonit dino, ino-no i tanda di korikatan vagu di Tuhan Yesus (Matius 24,27) om i tanda do hukum (Lukas 10,18) Tu duvo-no o gama di gonit dino, manganavau dot aso kerad sampai koponorob. Manjadi ino-no dati i harati di boros di Yesus sid 36: it ulun di nenavahan di Yesus, tu monorima banal di Yesus dot ensanan i ginavo dau, aso-not ikorosi-po ontok di hukuman penlaid. Sabap i sala dau om i karaatan dau, nga nedu-no do mad nosorob-no, sampai nakadapat-no iosido di kanavau do surga dot amu-no rumosi do nunu-nopo sid pomogunan. Lavis: Kadan tokou ekum di Yesus, gamko ensanai-no i ginavo tokou sid di Yesus, supaya i kuasa dau kapanapul di tokou ontok didino om it ontok penlaid. 11,37-54 I pokuasa i Yesus dit ongoulun do Parisi om it ongoulun dit elo do Kitab (Matius 23 om Markus 7,1-23) It ontok di tuturan dino: Sid saralom di tuturan dino tumimpuun-no i kopiooduhan antawa i kopidadahavaan di Yesus om it ongoulun do Parisi om it elo do Kitab. Nelaan-no laid di Yesus dot ioti dino sumana dau sampai 39
kapamatai dau (Luk. 9,22) Topot i hiza di kakal-po sid Galilea i Yesus, baiko torinsan-insan o midadahava ioti, kananganko it adau do pongintaranan (6,1-11) om kananganko i kuasa dau mangada do sala (5,17-26) antawa i gama monian dit ulun di retan do kisala (5,27-32 om 7,36-50). Topot biano, tu minsomok-no i Yesus sid Yerusalim, mad amu-no engkod i gama dioti midadahava, sampai i kasanaan dit ongoulun do Porisi om it elo do Kitab, nga sumurut banal. Ino-no o pidadahavaan dioti: kuran-no-ka ot atag o gama mangasip sid Kinoringan? Nunu-ka o harapan do riniba sid tinoguvangon do Kinoringan? Minsanko it ongotuturan vokon dot okonko it Ongoparisi o piboros di Yesus, nga ino-no o tomodon, manarang-nopo di gama mangasip om humarap. Pengkaa dino it ongobahagi di tuturan dino: a) 37-41 I gama dioti miboboros ontok do minonginakan pasal ong i kosusian. b) 42-44 Intolu do pokosusa i Yesus di gama dit Ongoparisi: i persepulohan, i mokisasavat om i kosusian di baiko sid soribau. c) 45-48+52 Intolu pokosusa i Yesus di gama dit ongoulun dit elo do Kitab: i gama mangazazak di Pinonuhuan; i gama dioti mongohormat dit ongonabi kodori; i gama dioti manahan dit ongoulun dit engin dara sumuhut. 49-51 Na varo-po nisiat it iso o boros antad sid Buuk di Keloo do Kinoringan dot tontuon di Yesus i boros dino. d) 53-54 I gama dioti miuupakat do sumaap banal di Yesus. I kosusian. Ogumu ot adat dit ongoulun do Yahudi pasal ong i kosusian dino. I puun dit ongoadat diri, ino-no i pinonuhuan di nakatahak-no sid di Musa sid burul do Torsina. Manjadi i hiza diri, kakal-po sid tanga do belantara it ongoulun dot Israel, duvo o kogunaan dit ongopinonuhuan kananganko i gama modsu om i momoug do palad om hakod. Keso, amu mili-milo, nga osusi i guvas, ong tumoronong sid Kinoringan, om koduvo, manangkis do sakit. Sabap i hiza diri, tu asampit do vaig om ongosodu i sosogohon, ogumu ot ulun do mad malan managou. Na araat ong asakau it ulun ontok do sumambayang, sampai kasakit-po. Topot tohudi't adau dot alaidno nokentoron sid pomogunan dot avantang it ongoulun dot Israel, okonko nohinaan i pinonuhuan dino, gam nomungan-po, sampai najadi-no dot adat banal dot amu-no andaman i harati laid. Tu sid saralom di gama mamantang banal dot adat, mad nolingan-no i Kinoringan (imatai-po sid Markus 7,3-4) It ongoadat do iadino okon-noko antad-po sid Pinonuhuan di Musa, inoi nga nagama dit ongosukod om it ongoelo do Kitab. Boros dioti, I pinonuhuan di nakatahak sid di Musa iadko butiza di banalko kihorogo. Na osuhul-no ong lopoton i butiza dino, o ino-no, mangagama tokou dot ongopinuhuan dot opodok di mongolopot di pinonuhuan dot agazo, antawa pinonuhuan dot opodok di iadko ansal sid mintutuk di pinonuhuan dot agazo, supaya ong varo rumanggal, okonko i Pinonuhuan di Musa ot aranggal, inoi nga baiko i pinonuhuan dahai, ka dioti. Om varo-po vokon di minomoros dot, It ulun di sumuhut di sokoviai it ongopinonuhuan dit ongosukod, iosido dino lopi-po abanal mantadko it ulun vokon, ka. Antad sid pongitungan do iadino, ogumu o kosusaan om karaatan o nokembulai. Keso, i gama mamantang dit ongoadat, nga okon-noko harati-po do monguasa i Kinoringan. Tu, ka dioti, Ong abanal-no it ulun, amu milo-milo nga Kinoringan-no o mamarakat dau, ka. Koduvo, sid saralom do gama mamantang dit ongoadat mad amu-no kotibang-po mongohondom do Kinoringan om i kovosihan dau. Sid pongitungan di kinogumuai dot ongoulun koluu-noko i Kinoringan o polis antawa iadko toki iosido dot aso kobinsianan. Kotolu, ong mosikim it ulun, aso tinganan dau sumuhut dit ongoadat dino. Tu ong inot adau do momoug do palad ong kouli antad sid pasal, nga iadino o hoturan: Suvaiko 100 gilin i kogumuo do vaig om osusi-ogi, ka. Siombo kadapat it ongoulun do mosikim do iadino o kogumu do vaig? Kagi, it ongoulun do lumundu dino okonko sumagou kondiri, inoi nga amu milomilo nga varo't uripon dau. Manjadi it ongoadat do iadino okonko posurut di kobinsianan, gamko momihot-po om manantu di kosusaan dit ongoulun dit osibak, dot okonko rontob sid tinoguvangon dot ongoulun ot aso guna dioti, gamko sid tinoguvangon do Kinoringan nga asoi kogunaan ong ioti, tu amu kadapat sumuhut, tu mosikim gima. Kaapat, ong iadino o hoturan do suvaiko lumundu om kosuhut-ogi dit ongoadat, amu milo-milo nga mokisisiin-no banal it ongoulun di retan dot elin. Na mokihuhuntung-no ioti sid saralom di gama midagangdagang om mongorugi-no dit isai-nopo it amu kasaap, o ino-no it ongoondu do bituanon dit aso-no kusai do harapan dau. Kagi, i gama mongorugi om i gama do mongusiba nga kopivozo-no. Manjadi sokoviai ino iadino dino, nga ikasana-no di Yesus sampai saapon-no dau. Mad tinomod di Yesus dot amu minomoug iosido do palad gulu do mangakan. Okonko araatan iosido di kosusian i sid soribau. Topot amu engin iosido mamanal di gama dioti di bai i sid soribau ot itungon om i sid saralom nga aso-no kosusian. It ayat 41 nga amu atarang banal do nunu i retan dot sid saralom, om isai o panahakan di persembaan dino. Vokon-no ong mongitung dot iadko i nokosurat sid Kitab o harati, o ino-no i sid saralom do ginavo dikou o patahakon diokou do persembaan sid Kinoringan, ka, Vokon-no ong mongitung do tanid dati i harati, ino-no: Osuhul-no ong i suvang dit ongopinggan dikou o patahakon dikou do persembaan sid ongoulun do mosikim, ka, kiro-kiro iadko i gama manadaka. Topot aso tantu pibidaan. Sabap it ulun dit okonko baiko mokisasavat sid tinoguvangon do Kinoringan, inoi nga sumuhut banal sampai manahak di ginavo dau sid Kinoringan, amu milomilo nga monian dit ulun do mosikim. Na kuran-nopo, atarang i kompusan dit ayat dino: i ginavo dit atag o koponusi di hal sid soribau, tu imatai-no, ensanan-no i nunu-nopo ot osusi bahagi dikou, ka di Yesus. I Persepulohan: Ino dino nahatul-no sid Kitab Ulangan 14,22-23. Na amu atarang banal do rontob i nangadapat antad sid tagad om kabun o nokosuvang, antawa nokosuvang-po it ongotanom sid natad do valai. Manjadi it 40
ongoulun do Parisi manahak-no do persepulohan dino antad sid ongotanom sid natad, supaya lobipo abanal ioti mantadko it ulun vokon,ka. I hukum di nalazan dioti, ino-no i gama dit apatut sid ongoulun vokon (Imamat 19,18) om i samod do Kinoringan, nga noboros-no sid Ulangan 6,5. Noumpug-no di Yesus ino sid Pinonuhuan dot Asamod diri (Markus 12,29-31). 43 I gama dioti mokisasavat: Pasal ong it ayat dino amu osusa dot ogumu o tarangon, tu mad atarang-no laid om i pongitungan dioti, nga noboros-no laid, dot ino-no i pongitungan, ombo it ulun dit obinsuhut om retan dot abanal ko elin, amu milo-milo nga hormat om gunaon dot ongoulun, ka. Sabap ong minsanko i Kinoringan nga mongoguna, tantu lobipo ong bai ulun, ka. Topot tanid-no i di Yesus do pongitungan. Osuhul-no ong olingob i gama sumuhut, supaya okonko baiko ulun o pokihohormatan, inoi nga sid tinoguvangon banal do Kinoringan i gama (imatai Matius 6). 44 I kosusian di bai sid soribau kensasakau. Miguli vagu i Yesus sid hal do kosusian. It ongolobong sid bansa do Yahudi amu kavasa do ladtakan, tu kensasakau, ka. Na ombo it ulun di lumundu-lundu, kilobong iosido di niudzul sid pampang, iadko i lobong di Yesus. Topot ombo i mosikim, nga amu kadapat do lobong dot ahatul. Vokon-no ong lobong sid tana, iadko i koubasan tokou mongolobong. Vokon-no ong nisuvang i buntung sid luvang do vatu, sid siombo siombo, sid tagad, ka, sid harason do burul, ka, om ino luvang dino nga untunan-no do vatu. Manjadi amu alaid om atanus-no i tanda do lobong dino sampai aso-not andaman dit ongoulun do siombo i lobong dino, na mesti aladtakan i lobong dino, tu kiroon-no dot ulun do tana-no kavi. Na, ka di Yesus, Ikou't ongoulun do Parisi, nga iadinoi. Tu kiroon dot ongoulun dot abanal-kou om apatut-kou do susuzon sampai tumoronong-no sid dikou do mokituduk om mokigazad. Na okonko i gama do sumuhut ot ituduk dikou, gam i gama sumaap do Kinoringan ot ituduk dikou. Manjadi i karaatan di sid saralom dikou, nga karaliu sid dioti dot ioti nga ensasakahan-no. Imatai-no sid Markus 7,9-13, tu sino-no manarang i Yesus do kuran i gama dioti mamalid dot ulun sumaap di kenginan do Kinoringan. 45-46 It ongoulun dit elo do Kitab i mongimvagat dit ongoulun. It ongoelo do Kitab, ino-no it ongosukod diri di minangagama dot ongoadat sampai ioti-no o pinokitudukan dit ongoulun do Parisi. Sabap ino, mad apatut do sompi pajalon om onong i boros dit ulun dit elo do Kitab diri dot, Iokoi nga endaraati dino boros-nu dino, ka. I gama dioti mangazazak di hopod pinonuhuan diri, oholian, tu 666 o pinonuhuan o nagama dioti, o ino-no 360 o pinoniagan om 306 o pinonuhuan. It ongoulun dit amu nokosikul dot aralom, tantu amu kohondom do iadino kogumu dot ongohoturan. Sid Usuran dit Ongorasul varo boros di Petrus dot, Antad dit angaki tokou nga asot elo monuluk sampai i tokou-neti nga amu milo monuluk di pinonuhuan dino, (UR 15,10). Topot ong ioti kondiri, ogumu it ongopinonuhuan dino dot amu suhuton, tu ioti o minangagama do hoturan tanid bahagi dit ongoulun dit elo do Kitab, hoturan dot agaan-gaan mantadko i hoturan bahagi di kinogumuai. I gama dioti mongohormat dit ongonabi. Iokoi diti, ka dit ongoulun dit elo do Kitab, mongohormat banal dit ongonabi kodori, ka sampai it ongolobong dit ongonabi nga umpakazan dioti om gamaan di valai do pangahandaman. Na, boros di Yesus, Inot ongovalai dino okonko mongohormat dit ongonabi, inoi nga mongohormat dit angaki dikou, i minamatai dit ongonabi. Ino-no i boros dit ongonabi diri, Uli-kou-no sid Kinoringan, ka. Na napatai dit angaki dikou, tu amu engin ioti muli sid Kinoringan om amu engin tumolikud sid karaatan. Manjadi ikou nga iadinoi, isai-nopo o momoros sid dikou dot, Uli-kou-no sid Kinoringan, ka, okonko iningon dikou, gam saapon. Manjadi i gama dikou di iadino o pogintutunan dot mongohormat-kou dit angaki, okonko it ongonabi o hormaton dikou, ka di harati di boros di Yesus dino. Manjadi i boros di nisiat siti, it antad sid Buuk do Keloo do Kinoringan, pinosondot-no di Lukas sid ongoulun do Yahudi i hiza diri. Om banal-no, nonong do hukum i bansa do Yahudi ino hiza diri, tu norungoi i Yerusalim i toun 70TM. Topot okonko rontob ioti diri ot anangan di boros dino, inoi nga isai-nopo i sumaap di kenginan do Kinoringan om i sumaap dit ongoulun di pahabal di kenginan dino, nga anangan kavi di boros dino. Pasal ong i Buuk do Keloo do Kinoringan dino, aso-no biano, tu natagak-no. Rontob ino o noboros di nokosuvang sid Injil di Lukas o nabi-po. I karaatan di binoros sino dino, i kinapatazan di Habil nga elaan tokou om i kinapatazan di Zakaria nga nokosurat-no sid 2. Tawarik 24,17-22. 52 I kunsi do kohorotizan di nedu-no dioti. Ino dino, i Kitab o boroson. Manjadi i Kitab dino nokovidan-no dioti sampai minomoros-no dot, Iokoi monuduk dikou di nunu-nopo i harati di Kitab, ka. Topot okonko mongimbulai ioti di harati di Kitab, gam mongolopot iadko i noboros laid. Manjadi kuran-no-ma o katagan dit ongoulun, bang iadino i gama dit ongoguru? Nonong banal it iso o boros di retanko dot antad sid kabang di Tuhan Yesus, dit anokosuvang sid Kitab tokou. Ino-no i boros dino, Ioti dino iadko it asu di modop sid susumadan do sapi. Amu mangakan iosido. Topot amu mangakun it asu do mangakan i sapi, ka. 53-54 I gama dioti miuupakat do sumaap banal di Yesus. Atarang-no do masti humungot kavi it Ongoparisi om ongoelo do Kitab. Tu iadino i buatan di ginavo do riniba: makin otopot i pajal, makin-po kumodou i ginavo. Suvaiko i Sundu do Kinoringan kondiri om kadapat-ogi polomi vagu di ginavo do iadino. Mindamo tokou-no do Kinoringan, supaya iosido o mangahatul dit ongoginavo tokou. Sabap osusa tokou mongontupat. Oruhai dati ong posondot di sokoviai i boros dino sid ugama vokon di retan dot ugama dot osusi. Topot ong okonko i tokou kondiri, tantu anangani di boros dino do iadko amu atag o gama manarang om monuduk. 12,1-53 I Yesus monuduk di kinoruhangan do kuran i kavazao dot ulun Kristian sitid pomogunan. Minsanko noumpug i kinogumuai dot ongoulun (12,1) monuduk i Yesus laid di kinoruhangan dau. Suvaiko 12,54 41
om tumoguvang-ogi i Yesus sid ongoulun kavi. I boroson sid kinoruhangan sampai sid kinogumuai, pogintutunan dot i kogumuai dino, okonko mongoguna kavi di Yesus. Manjadi atarang-no dot ino tudukan di Yesus sid kinoruhangan dino okonko rontob bahagi di hiza diri, inoi nga bahagi di hiza do nokendakod-no sid surga i Yesus om osusa-no ioti tumoguvang sid ongoriniba dot okon-noko mozo-vozo-po i Yesus. Amu engin iosido dot apalid ioti i hiza di rumikot. Ino-no it ongobahagi di fasal dino: 1-7 I korosizan dit araat om i korosizan dit atag. 8-12 I kososizan dit avantang om i kososizan dit araat 13-21 Okonko i barang o kapasi dot ulun 22-34 Kadan-kou-no humongkob do koposizon 35-40 I gama monginud di korikatan vagu. 41-48 It uripon di monginud dot atag o gama monginud ko amu. 49-53 Kadan-kou-no gumolivong, ong mimbulai o gagut, gima i Habal do Kovosihan. 12,1-7 I korosizan dit araat om i korosizan dit atag (Mat. 16,6 om 10,26-31; Mark. 8.15 om 4,22) Tolu bahagi o tuturan dino dot i kotolu, nga piduvo-no vagu. I tuturan dino sumuput sid tuturan di gulu i pinokosusa i Yesus dit ongoulun do Parisi. Inot Ongoparisi dino, minsanko avantang o buatan om kikuasa ioti sampai elo mongitung om kiakal, nga kadan-no suhuton dikou om kadan-no rosizon dikou, ka (1-2) Iri-ogi, kadankou-no rumosi, tu okudik-kou om mad olingob i habal do kovosihan, tu amu milo-milo nga kalanta, ka (3). Sampai, kadan-kou-no rumosi do riniba, inoi nga rumosi-kou-no do Kinoringan, tu i kuasa dau dino tumalib di nunu-nopo i kuasa sitid pomogunan, ka (3a). Topot i kuasa do Kinoringan okonko rontob rosizon dikou, inoi nga harapan dikou, ka (3b). 1-2 Andaman tokou i boros di Yesus diri dot it ongoulun do Parisi dino iadko it ongolobong di monginsasakau dot ongoulun dot a-nengat, ka.Manjadi i harati di boros biano dot, i vinunos dit ongoulun do Parisi dino, nga miradi di harati. I ginazau di novunos-no, nga aso bida di kematan di ginazau dot avantang. Rontob it avau ot araat-no. Topot ong okudik o novunos o kagavul sid ginazau dot avantang, amu songkuro om ovunos-no kavi. Manjadi i vinunos dit ongoulun do Parisi, ino-no it akal dioti, ka di Yesus. Avantang i kematan, mad abanal om mad elin. Topot sid saralom dioti, araat sampai mamalid dot ulun om mangagazad sid karaatan. Ade, elaan tokou ong a-nokotiim tokou-no biano di hal dino. Ong baiko i sid soribau ot imatan, tantu kapalid. Topot ong it avau o kiroon, o ino-no i buatan sid tinoguvangon do Kinoringan, na atarang-no do baiko akal om baiko vudut ino. Topot minsanko ohorotizan-no i gama dioti, kakali do kendorosi. Tu kikuasa ioti om ogumu ioti sampai elo banal mongitung. Na, boros di Yesus, Kadan-kou-no rumosi, tu iso o hal nga aso nokosusut dit amu kembulai, om asot olingob dit amu kalanta, ka. I harati dino, It ongoakal om it ongovudut okonko sampai penlaid. Masti kalanta i buatan sid saralom ong alaid-no, ka. Varo pamarasan dot, Onibak i hakod do vudut, ka. Om ino-no kagi ot otopot. I tinumimpuun i buatan dino, ogumu ot ulun mad ogolivong om mad apalid. Alaid-laid-po, ogumu-no o kaharati. Rontob-nopo, kakali do kendorosi, tu agazo i kuasa dioti om ogumu ot elaan dioti. 3 Ong i piumpugan dot ulun Kristian o kiroon, aso bida dot i hiza dit ongorasul diri antawa iti biano diti, mad sumusa i ginavo tokou. Sabap okudik it ongoulun di sumuhut om ogumu o sumaap. Okonko ogumu ot ulun di kiongohukum o vangun o nokodim om okonko ogumu ot ulun do kiongokuasa om okonko ogumu ot ulun do kipangkat o tirisan, gamko it ongobungou sitid vinangun o pinili do Kinoringan, tu mangamalu dit ongoelo om it ongokokugui sitid vinangun o pinili do Kinoringan, tu mangamalu dit ongokakansang, om i tutusan dot osibak sitid vinangun om i kikihizon o pinili do Kinoringan, it aso guna, tu mananus di kiongoguna, supaya iso riniba nga aso mokindazou sid tinoguvangon do Kinoringan, ka di Paulus (1.Kor. 1, 26-29). Mad nonong banal i boros dau sid di tokou. Topot i sabap, nga noborosi di Paulus: Kenginan do Kinoringan dot olingob tokou sampai aso kuasa, supaya amu minsavat i ginavo tokou do mokindazou tokou di keloo kondiri, inoi nga iseso i kuasa do Kinoringan o harapan. Manjadi ino kuasa do Kinoringan dino najanji-no di Tuhan Yesus. Amu milo-milo nga kalanta, ka. Iadko sid di Yesus kondiri, nakalanta-no i kuasa dau di hiza dot aso-no harapan, o ino-no ontok di kinoguliaanan dau. Manjadi inudan tokou-no i kuasa dino, minsanko kakali sid saralom tokou di korosizan. Sabap i hal di Tuhan Yesus di mad opodok om mad okugui o buatan ong didino, amu milo-milo nga orongou di sompomogunan om ihabal sid sokoviai it ongoulun. I Kinoringan kondiri o mangahatul do iadino. 4-7 Baiko i Kinoringan o rosizon om harapan dikou. Avantangan tokou di Tuhan Yesus, tu amu mangakal om amu momudut iosido. Tu i hal dit ikorosi tokou ulun Kristian okonko opodok o hal. Antad di kinotimpuunan di piumpugan dot ulun Kristian, varo-not ulun di sumana dit ongoulun di nokosuvang sid piumpugan dino sampai engin momunso di piumpugan. I keso i minatai, nga i Yesus kondiri. Om iri-ogi i Stefanus om iri i Yakub. Om ogumu-po o vokon sampai i hiza biano diti. Amu mongolim i Yesus di kobuatano dino. Topot kiroon tokou-no i Yesus kondiri. Kiro-kiro ong minogidu-no iosido antad sid kabun Gesemani, tu rumosino apatai, sampai minuli-no sid Nasarat om kinumaraja vagu do tukang kazu, amu dati apatai iosido dit ongoulun do Parisi antawa i Pilatus diri. Topot tohudi't adau ong minatai iosido, tantu aso kogulianan dau om i tokou diti biano, nga asoi harapan. Tu antad sid kinapatazan dau diri sampai ino kinogulianan dau o nokembulai di koposizan penlaid. Iosido o najadi do puun do koposizan dit amu-no tumanus. Manjadi biano, isai-nopo it ulun dit engin-no dot amu atanus iosido, masti tumatap sid di Yesus. I Stefanus diri, kiro-kiro bang rinumosi iosido 42
sampai minomoros-no dot, Ade, ong iadino, lumabus-oku-no sid Kristian om sumuhut-oku-no dikou, ka dati, tantu amu apatai iosido dioti. Topot tohudi't adau, masti matai iosido dot aso-no harapan dau dot ogulian, sabap nokedu-no laid sid puun do koposizan. Om i Yakub nga pengkaai, om i Paulus nga pengkaai om it ongovokon di minatai, gima i ngaran di Yesus. Varo't ulun dot andaman do sinumakit it anak dau. Na jorumon, ka di dresser. Topot banalko amu engin it anak, tu rumosi di jarum. Na boros dit ama dau, Inot oruol dino, baiko oduruk, om tohudi nga engkod-no ino sakit-nu, ka dau. Na minangakun-no it anak ong alaid-no, tu ginaratan dit ama dau. Na iadino i tokou. Banalko amu engin tokou matai. Topot ong orikatan tokou-no do kosusaan dot agazo dot a-milo-milo nga momili-no do matai, antawa mogidu sid Tuhan tokou, osuhul-no ong matai-no biano sitid pomogunan om apasi penlaid sid tinoguvangon do Kinoringan mantadko amu matai biano. Topot tohudi't adau nga aso-no harapan, inoi nga onong-no do hukum do Kinoringan. Rontob-nopo, ino korosizan do patazon dot ulun banalko agazo mantadko i korosizan dit anak do jaruman. Amu adapat tumahan ong okonko opihot banal i ginavo tokou. Sabap ino varo-po gama di Tuhan Yesus momihot dit ongoginavo tokou om monginsasamod di tokou. Tu i sokoviai i nunu-nopo nga nelaan-no do Kinoringan, om iso o hal nga aso't ajadi ong okonko mangakun i Kinoringan. Minsanko it ongopirit di banalko aso guna om aso horogo, nga toudon do Kinoringan ino pirit dino. Om isai-ka o nokelo do piro-no it obuk dau? Aso. Om amu tokou osusaan ong varo-no rumatu do obuk; minsanko engat ino nga amu. Topot ong i Kinoringan nga iadino o gama dau manaud di tokou om mongohondom dit ipatipat it ulun dot minsanko hal dot opodok om aso tantu guna, nga elaan dau om engat dau. Manjadi kuran-no-ka? Amu naku engat dau ong onong tokou do kosusaan dot agazo, kalu-kalu ong matai tokou? Masti engat dau. Om isai-nopo i matai do iadino, okonko atanus iosido, inoi nga rumatu iosido sid palad do Kinoringan dot i koposizan penlaid o kosungguvo dau om kotungkusan dau. Tu i tokou diti kiguna mantadko bahanan do pirit, om i horogo di nakatahak-no laid, tu monobus di tokou, ogumu mantadko baiko siin, tu i guvas dit anak do Kinoringan, i Yesus. Sabap ino, tantu-tantu-ko amu olingan tokou dau. 12, 8-12 I kososizan dit avantang om it araat (Mat. 10,32-33; 12,32; 10,19-20; Mark. 3,28-29 om 13,11) Varo tolu bahagi o tuturan dino. Sokoviai it ongoboros di tuturan dino, varo-no kavi sid Injil di Matius. Baiko tasantanid-tanid ot panangan. Om i koduvo nga varo-no sid di Markus, do mitanidi o panangan. Manjadi minsanko iadino om minsanko amu-no elaan dot isai o nokohondom banal, i Lukas antawa i Matius, atarang-no dot tolu o hal o noboros sid saralom di tuturan dino, ino-no 8-9 i gama sumasi di Yesus om i gama mongolim di Yesus 10 i sala do mongusiba di Sundu dot Osusi 11-12 i gama dot ulun Kristian sid tinoguvangon do porinta om i hakim. Avantang kagi dot nokopiamung-no i tolu o bahagi dino, tu atarang-no banal i boros bahagi di sala do mongusiba di Sundu dot Osusi. Sabap ong sid Injil di Matius om i di Markus, apagon mangaharati, minsanko mirad-no i harati. 8-9 Kodungko orongou ino boros dino do sasi, ka, nga andaman tokou i hal do mihukum. Tu sid saralom do gama mihukum, amu milo-milo nga kisasi. Antawa ong okon-poko mihukum, rontob-ogi rumosi do varo dati hukum, nga avantang ong kisasi, ka di ginavo tokou. Manjadi sid saralom di tuturan diti, ino hal do hukum nga netung-no. Tu sid ayat 11 narait-no banal i hal dino. Om elaan tokou-no dot antad-po di kodori sampai iti biano, nga asarok novit ko nagazat sid pihukuman it ongoulun Kristian (imatai sid Usuran dit Ongorasul). Sabap ino, varo-no pongoretan sid piumpugan do Kristian bahagi dit ongoulun di nohukuman-no, gima i Yesus dot, Ialo-no dino o sasi di Kristus, ka, antawa rontob, Ialo-no dino o sasi, ka di pamarasan do Kristian antad di kodori. Topot kadan tokou-no ogolivong dot suvaiko sid pihukuman om varo-ogi gama do sumasi di Yesus. Inoi nga siombo-siombo o pamanahan tokou antawa gagamaon tokou, sid valai ko sid tagad, sid kadai ko sid upis, aso bida, osusa tokou do sumasi di Yesus, o ino-no mongontupat di kavazao, supaya kopionong di Yesus om atarangno sid ongoulun kavi dot i tokou diti i Yesus o sanganu. Andaman tokou i Petrus. Okonko nokosuvang iosido sid pihukuman, om okonko kumiboros di hakim, inoi nga baiko ondu o piboros dau, nga amu-no sinumasi iosido di Yesus, gam minongolim-no. Om tohudi't adau sid Antakia diri, nga amui sinumasi iosido di Habal do Kovosihan di Yesus, inoi nga tinumanid-no antad sid ongobpinai dit a-nosunatan. Na inuhangan-no banal di Paulus (Galatia 2,11-21). Induvo rinumosi iosido do varo dati kosusaan sumondot sid dau, ong mamalang iosido di kabanaran di Yesus Kristus. Na i tokou asarok do iadino. Rumosi tokou do varo dati kosusaan. Osuhul-no ong motos, ka di ginavo tokou. Topot okonko rontob i hiza di varo't ikorosi, inoi nga soumul-umul osusa tokou sumasi di ngaran di Tuhan. Hiza do gumama, hiza do mangahatul dit ongkob kondiri, hiza do kumiboros tokou dot ulun vokon, amu milo-milo nga varo mongontupat di tokou do kuran o gama. Na i tokou diti nopungaranan-no do Kristian, i harati dino, ulun tokou di nasanganu-no di Kristus. Manjadibang araat o kavazao, okonko rontob i ngaran tokou kondiri ot ensasakahan, inoi nga i ngaran di Yesus Kristus nga ensasakahan--no. Topot kadan tokou-no mongitung dot avagat i hukum di Yesus dino. Sabap i Yesus o mangajanji do sumuli di gama tokou do iadino. Ontok do hukum penlaid, ong ensanan i riniba osusa mingkakat sid tinoguvangon do Kinoringan sampai aso kobongut, tu ogumu o sala om karaatan dit ipat-ipat it ulun, na mingkakat-no i Yesus sampai momoros: Kadan-no hukumon ialo, tu nakasasi-no dohon ialo dino. Ioku-no o sanganu, ka di Yesus. Manjadi i gama di Yesus mongontok di tokou sid tinoguvangon do Kinoringan banalko kiguna. Sabap ong sid 43
tinoguvangon do riniba, minsanko sid tinoguvangon do porinta antawa hakim, nga kadapat tokou mumbongut. Topot sid tinoguvangon do Kinoringan, tantu amu-no kadapat tokou. Sabap ino, agazo o torima kaseh tokou sid di Yesus bahagi di janji dau dino, sampai magavi tokou-no sumasi di ngaran di Tuhan sid tinoguvangon dot ongoulun. 10 I boros dit ayat dino banalko aralom sampai banalko avagat. Hondomo tokou-no vagu i Paulus i kakal-po i Saulus o ngaran dau, tu amu-po nakasip iosido sid di Yesus. Manjadi i hiza diri minongunang iosido di piumpugan dot ongoulun Kristian. Ino-no dati i boros dau sid Ongokristian diri: Kadan-kou-no sumuhut di Yesus dino, tu araat iosido. Okonko otopot ko Anak do Kinoringan i Yesus. Baiko riniba iosido om baiko mamalid dikou. Amu otopot dot nogulian iosido, gam nonong do lulupu, tu minatai sid kazu do sangkap, ka dati di Paulus i hiza dit amu-po nakasip iosido. Na ino boros do iadino, tantu-no do boros di mongusiba antawa sumaap di Yesus. Topot ong ino sala dino, nga varo kaadaan, ka di Yesus. Sabap i Saulus dino, nga amu-po nogiang i ginavo dau om amu-po nakaharati iosido. Topot tohudi't adau do nokodim-no iosido di Yesus sampai nosuvangan-no i ginavo dau di Sundu do Kinoringan om nohorotizan-no dau dot aso katagan do riniba, ong okonko mangasip sid di Yesus. Ong mongusiba ko sumaap vagu iosido di Tuhan, tantu aso-no kaadaan di sala dau dino. Sabap mongusiba-no iosido di Sundu dot Osusi i minongogiang di ginavo dau sampai minanganavau di ginavo dau. Ade, avagat ino boros dino bahagi di tokou ulun Kristian. Sabap ong varo-not ulun vokon do tanid ot ugama dau om sumaap iosido di Yesus Kristus, varo kaadaan di sala dau dino. Topot ong nakasip-no laid om mogidu vagu sampai sumaap-no di piumpugan di Yesus, aso-no kaadaan di sala dau, ka di harati di boros di Yesus. Kendorosino ong iadino. Rontob-nopo, kadan tokou-no tumimpuun do posondot di boros dino sid ongoobpinai di nokedu-no, inoi nga posondoton sid di tokou kondiri, supaya i tokou diti amu-no apalid, gam hondomon tokou-no dot i gama mangasip om i gama mokipodsu om i gama humarap sid Tuhan, nga okonko antad sid ginavo-to kondiri om okonko antad sid kenginan kondiri, inoi nga kenginan do Kinoringan, i minangahatul di ginavo tokou sid saralom di Sundu dau. Sabap ino, kadan tokou-no sumaap di gama do Kinoringan. Pasal it nongokedu-no, varo dati pitonidan dit ongoulun di rontob napaksa, om it ongoulun di minogidu do sumuhut di kenginan kondiri do mokisisiin ko mokipapangkat. Topot ino hal dino, okonko i tokou o nokelo, inoi nga Kinoringan-no o milo ontok di hukum penlaid. I tokou diti rontob osusa mongontupat di kondiri tokou, supaya amu monimbaru tokou do sala dit agazo mantadko i sala di Yudas diri. 11-12 Amu mongolim i Yesus do varo kosusaan rumikot sid ongoulun di sumuhut dau. It ongorasul diri nga nokotiim-no jumihil antad dit adau di kinendohuan di Sundu dot Osusi (imata sid UR 3-7; 12; 16; 21-26). Topot atarang-no sid dioti i gama di Sundu dot Osusi monuduk do boroson. Tu banalko ongovantang it ongoboros dioti Petrus om i Yahya sid tinoguvangon dit ongohakim om i boros di Paulus diri sid tinoguvangon dit ongopomorinta om i raja. Topot okonko rontob it ongorasul dino o natabangan di Sundu, ogumu-po vagu sampai biano o nakadapat do boros dot apatut antad sid Sundu. Sabap ino, apatut tokou-no mongohondom banal di janji di Yesus dino sampai kadan tokou-no kumohongkob dot amu dati elo mangambat ko momoros, ka di ginavo tokou. Kadanno iadino. I boroson dino madnopo mimbulai sid ginavo, ong sukul ensanan-no i ginavo dot engin sumuhut om engin sumasi. Na ino hal dino okonko rontob sid pihukuman antawa sid torungku, inoi nga sera-sera ong varot ulun di mongoduat di tokou kaananganko i kosipan tokou. Kadan tokou mongolim ko amu mumbongut. Sabap antad sid gama do mongolim lumungui i ginavo, iadko i Petrus diri di banalko oruol i ginavo dau, tu nokopongolim di Tuhan. Topot antad sid gama do mamalang madnopo mihot i ginavo sampai ohigak, minsanko sid tanga do kosusaan. Tu i Sundu do Kinoringan o mozo-vozo dit ipat-ipat it ulun di mangakun di Yesus. Topot antad sid ulun di mongolim, mogidu-no i Sundu dino. Lavis: I Yesus o monodia di tokou bahagi dit ontok do kikosusaan, supaya amu tokou kedu sid dau, gamko kadapat tokou di kosinangan penlaid. Om mangajanji iosido dot ipat-ipat it ulun dit onong do kosusaan, gima i kosipan sid di Yesus, nga okonko iduan do Kinoringan, gamko atabangan iosido sid saralom di Sundu dot Osusi. 12,13-21 Okonko i barang o kapasi do riniba. I tomodon di tuturan dino: Ong rontob i suriban di Yesus ot itungon, mad oruol i ginavo tokou, tu asarok dot okonko pinarazan it ongotoun, gam ogumu o pomogunan do varo vitil om kosusaan vokon. Topot ong itungon it ensanan i tuturan, ino gama dit ulun diri mongoduat di Yesus pasal ong i tinungkusan dioti diri sampai i kompusan, o ino-no i kolunduo sid tinoguvangon do Kinoringan, mad kiguna banal i tuturan dino bahagi di tokou. Sabap sid saralom di tuturan dino manarang i Yesus do kuran i pongitungan dit apatut kananganko i barang om i nunu-nopo i koposizon. 13-15 I hoturan do monungkus nahatul-no sid Kitab Ulangan 21,15-17. Ino-no, i sokoviai i barang dit ama nga pitoluvon, dot i kotuaan dino o monungkus di duvo o bahagi. I kotolu o bahagi o bohogizon sid piro-piro songobpinai, ka. Manjadi it ulun di rinumikot sid di Yesus tantu okonko kotuaan iosido, inoi nga inot obpinai di binoros dau it amu mamahagi, ino-no i kotuaan. Manjadi ong i tokou o mongitung, mad apatut do mokitulung it ulun diri di Yesus. Tu araat, ong alazan i hoturan sid Kitab sampai banalko amu apatut dot it iso ot ogumu o barang om i koduvo banalko aso. Avangaan tokou di timpa di Yesus dino dot amu mangakun iosido monulung dit ulun dino. Nokokuro-ka, tu iadino i gama di Yesus monimpa? Aso naku kobinsianan dau sid ongoulun do 44
mosikim? Nohorotizan-no di Yesus i buatan tokou riniba. Tu ino-nopo o pongitungan, barang, ka, siin, ka, koringgitan do nunu-nopo. Bang mosikim it ulun, iadko i komulakan diri, iseso o pongitungan do kuran-ma o kadapatan dau do siin ko barang. Bang kivaro, nga kumapit-no banal sid siin dino i ginavo dau sampai nolingan-no it apatut om amu-no mamahagi sid ulun vokon. Aso bida dit ulun do lumundu om it ulun do mosikim, sompi mongitung sampai mogihim do siin om kolunduo do mad pokokinoringan-no do barang om amu-no mongoguna om mongohondom do Kinoringan. Kagi-po, nokorikot-no i Yesus antad sid Kinoringan sampai manarang-no sid ongoriniba di habal do kovosihan om i hal di rumikot-ogi om ogumu-po i hal vokon di banalko aralom. Manjadi sid tanga do tuturan dau dino, katama-no it ulun dino tumoronong sampai katama manangkut di Yesus. Mad apatut-no do humungot i Yesus sampai i hungot dau dino nga manalahas sampai moguhang di buatan tokou kavi, tu kavi tokou riniba, asarok dot olingan tokou i hal do Kinoringan, tu baiko i siin ot itungon. Dot okonko i kogumuo do barang o kapasi dot ulun, ka di Yesus. Na andaman tokou i boros laid di Yesus: Okonko rontob i kakanan o kapasi do riniba, inoi nga ipat-ipat i boros di mimbulai antad sid kabang do Kinoringan, ino-no o kapasi do riniba, ka (4,4). Ino boros do Kinoringan ot imbulazon di Yesus. Ino-no o tinomod dau rumikot sid riniba. Na amu engin iosido dot osongkutan iosido. Manjadi ino-no ot otopot. Tu it ongohal do pomogunan, barang, kakanan, ko i nunu-nopo i koposizon kiguna rontob sid pomogunan diti. Topot it ongohal di nihabal di Yesus kiguna sampai penlaid. Na kadan tokou mongitung dot aso kobinsianan di Yesus bahagi dit ongoulun di monombitil antawa mosikim. Elaan tokou do nokoponulung iosido dit ongoulun di iadino. Topot nelaan di Yesus dot okonko it ongobarang antawa koposizon o katagan do riniba. Tu it ongoulun do mosikim kodungko obohogizan do barang, okudik o nokelo monorima kaseh sid Kinoringan, gamko monongkudau-no dit ongobarang dau om mongitung-no dot asavat iosido, tu lumundu-no, sampai mokisasavat-po sid tinoguvangon dot ongoulun. I barang dino banal-no dot okon-okonko katagan, gamko kopolidan dot ulun. It ongobansa di nokolundu-no biano iadko i Jerman om Amerikan om it vokon, ogumu-no ot ulun do napalid-no. Om it ongobansa di nokosuvang-no do hoturan do Komunis di momoros dot suvai varo katagan, ong mibabahagi banal do barang, ka, nga napalidi, tu nokotolikud ioti sid Kinoringan om humarap-no banal sid barang sampai i barang mad pinokokinoringan-no dioti. Kagi i vaza dioti mamahagi kakali amu atag, tu iri-no ko iri, tu varo monongkudau om monolod om sumuhul ko mokisusuhul. Ino-no i katagan dot otopot: mongoguna banal do Kinoringan sampai humarap dot iosido o mamarakat dit okudik it akanon di varo-no, supaya kosukup. Om kadan-no mogidu sid Kinoringan, tu iosido-no o puun do koposizan hiza didino sampai i penlaid. 12, 16-20 I suriban dit ulun di paparazon. I suriban dino rontob manalahas di hal di noboros laid di Yesus. Sabap it ulun sid suriban dino minongitung-no dot ino-no koposizon dino o kapasi dau. Iadino-no dino i pongitungan di sokoviai i riniba it amu kaharati do Kinoringan (Matius 5,32 om Lukas 12,30). Ino-no o kinogolivangan dau, I kakanan o kiniro dau do puun do koposizan. Topot i puun do koposizan banal, ino-no, i Kinoringan. I gama dau do monginggazo dit ongotakad dau om it ongosulap dau diri okonko araat banal, gam atag-no ong kopongitung it ulun di kosukupan dau om mogihim do katagan bahagi di kondiri dau sampai bahagi dit ulun vokon. Varo dati iso o sala dau, minsanko anoboros di Yesus: Amu mongitung iosido do mamahagi di notimboruan dau sid ongoulun do mosikim. Sid Kitab Amsal 11,26 varo't iso o boros di kipanangan sid ulun di pinarazan dino: Isai-nopo i mongodoot di parai dau, onong iosido di lulupu dot ongoulun. Topot i mongojuhu di parai dau, asandatan do barakat iosido, ka di Kitab. Topot aso boros di Yesus do moguhang dit ulun dino, gima ino gama dau do manahu banal di barang. Ino-no it inuhang di Yesus: it amu minongitung it ulun dino dot amu milo-milo nga matai iosido tohudi't adau do minsanko kakal-po tolu o lingkud o parai, aso-no kogunaan om amu-no kapasi dau. Tu i hal sitid pomogunan okonko kapasi banal. It ulun di baiko mongitung di hal do pomogunan diti banalko lovong, ka di Yesus. 21 I kolunduo sid tinoguvangon do Kinoringan o kiguna. Onibak i boros di Yesus dino. Amu-no minanalahas iosido do nunu om nunu i kolunduo dino om kuran o kadapatan dot ongoulun di kolunduo dino. Suvaiko sid tuturan vagu (22-34) om noboros-ogi dau dot, Atarang-no dot it ulun di kolunduo sid tinoguvangon do Kinoringan, okonko siin ko barang o kolunduo dau, inoi nga i kavazao dau di sid tinoguvangon do Kinoringan. Ong sukul hondomon tokou dot soumul-umul tokou sid tinoguvangon do Kinoringan sampai amu kadapat tokou mogidu antad sid kuasa dau, masti atag i kavazao tokou. Iadko iso't ulun nga aso monimbaru do karaatan sid tinoguvangon dit Osukod do Valai antawa sid tinoguvangon do Mata-mata om DIO, lobipo ong Kinoringan, tu iosido ot avasih om asamod sampai iosido-no o kapasi sampai penlaid. Atarang-no sid saralom di suriban diti do minsanko it ulun di polingan dau i Kinoringan antawa mongitung-no do mogidu antad sid Kinoringan, nga kakali sid palad om kuasa do Kinoringan iosido. Ino-no o lavis di suriban diti: Kadan tokou onuvon do harapan it ongohal om barang sitid pomogunan, ino barang di varo-no sampai i barang dit aso-po di rontob kenginan-ogi dara, tu amu kapasi sampai penlaid. Ino-no ot atag, ong hoturon i kavazao tokou dot soumul-umul sid tinoguvangon do Kinoringan, hiza do monombitil sampai hiza do parazan. 12,22-34 Kadan-kou-no humongkob do koposizon (Matius 6,19-21; 25-33) Sid saralom di tuturan dino varo tolu o bahagi: 45
a) Duvo o hal antad sid vinangun vokon o binoros di Yesus, o ino-no i mangkahak om it ongovusak om sid pialatan i hal do sukud o binoros. Na iseso o harati, I Kinoringan o mangahatul di sokoviai i vinangun sampai i riniba. Sabap ino, kadan tokou humongkob. b) Varo iso o hal dit apatut dot itungon om ihimon do lobipo mantadko i koposizon, o ino-no i karajaan do Kinoringan. Sabap nakatalib i riniba di vinangun vokon, it ongodupot, ko it ongovusak. Tu varo-no noumba om noumpai do Kinoringan bahagi di riniba dino, ino-no i karajaan do Kinoringan. Manjadi aso-no katalib sokoviai i vinangun di karajaan dino. Tu ino boros pasal ko i kenginan do Kinoringan do manahak iosido di karajaan do surga sid ongoulun di mangasip sid dau nga kensasamod-no om kotomon-no do riniba. c) Ontok didino do kakal tokou-po sitid pomogunan om kakal tokou-po sid tanga do kosusaan, tu amu-po notuluk i karajaan do Kinoringan, aso vazaan vokon do sumodia bahagi di karajaan om hoturan dino mantadko i gama pazazad di samod om kovosihan do Kinoringan. Sabap i gama di iadino amu tumanus om amu rumungoi sampai penlaid. Koduvo-no, i gama do iadino o posuvang di tokou sid piniizaan do Kinoringan. Okonko i hal do pomogunan diti ot itungon tokou do rumbul satu. Sabap i pomogunan diti, a-milo-milo nga tumanus. Inoi nga i hal do Kinoringan ot itungon tokou (33-34). 22-30 I kuasa om kovosihan do Kinoringan atarang sid saralom do vinangun. I tokou riniba mad oubas-no do mongitung dot i tokou kondiri o mongopud sampai mamasi di kondiri tokou. Manjadi monuduk-no i Yesus do duvo o hal antad sid vinangun, o ino-no it ongoombolog om it ongovusak di sompi amu elo mongitung ko gumama nga kakali dot opud, tu i Kinoringan o manaud dioti. Manjadi bang iadno dino o gama do Kinoringan sid ongodupot om sid ongosakot, olingan naku dau i riniba di kiguna mantadko i vinangun vokon? Minsanko magavi it ulun gumama, kakali dot okonko antad sid palad dau kondiri i koposizon, inoi nga antad kavi sid Kinoringan. Sampai-no, minsanko nopud-no i sokoviai i ginamaan dau, kakali dot amu-po kadapat i riniba mamasi di kondiri, tu i koposizan dau sid palad do Kinoringan (imatai 16-20 ot ulun do lovong, ka). Manjadi i kobuatano do iadino o monginsasamod dit ulun di nonong do kosusaan. Kadan-kou-no kumohongkob, ka di Yesus. Sabap nelaan-no do Kinoringan i kosusaan dikou. Manjadi varo dati mongitung dot, Ino boros di Yesus dino pasal ong it ongodupot om inot ongovusak okonko kensasamod dohon, ka. Sabap, ka, ong imatan-ku-no it ongodupot dino, okonko osinangan-oku, gam osianan-oku, ka. Tu it ongodupot dino, nga miaakan om mipapatai varo, miooduw om mipopogos nga varoi, sumakit om matai, nga varo-no kavi dot aso katagan om aso kotulungan. Osian i dupot mantadko i riniba, om i hal do dupot okonko kensasamod, gam koposusa di ginavo, ka di gama dit ulun dumahava. Pasal ong i vusak nga pengkaai: Avantang ong hiza do mungkalad. Topot amu songkuro om lumondihu-no om rumungoi-no. Mad orubatan-oku di vusak dino sampai amu kensasamod dohon i buatan dino, gamko manalahas sid ginavo-ku di kosungguvo di nunu o hal sid saralom do vinangun, ino-no i korungazan om i kapatazan, ka. Banal-no-beno. It ongodupot kikosusaan om it ongosakot nga kikosusaani. Aso boroson. Topot ong itungon banal i buatan dino, lobipo avangaan tokou dot amu-po nokopipupunso inot ongodupot dino, inoi nga kakali, sampai toun-toun nga muvusak vagu it ongosakot om it ongokazu. Ong rontob i buatan dot aso tantu-tantu ot itungon, ino-no i gama do dupot miaakan om mipapatai, mad atarang dot masti tumanus om masti opunso. Topot okonko tinumanus antad-po di kodori, inoi nga kakali. Na atalahas-no do varo mangahatul dau, ino-no i Kinoringan. Kananganko i vusak dino, nga ipat-ipat i vusak varo hiza antawa ontok dau. Katalib-po it ontok dau dino, masti lumondihu, supaya koponguva. Kiro-kiro, ong penlaid i vusak dino, tantu penlaid-no dot asot uva. Manjadi i riniba nga pengkaai. Sabap ino, boroson di Yesus i hal do sukud sid 25-26. I riniba dino nga varo hiza dau antawa ontok dau, ong i di tokou do pongoretan: kisukud i riniba, ka. I sukud dino, i Kinoringan o mangahatul om kumavid, okonko i tokou. Ong kenginan-no do Kinoringan do matai-oku, aso tinganan do sumaap-po. Topot iosido-no vagu o nokelo di hal om buatan di sumuhut di kapatazan dino, iadko i koponguvaan sumuhut di koundolihan. Manjadi elaan tokou-no do kiguna i riniba sid tinoguvangon do Kinoringan do lobipo mantadko i baiko dupot om vusak. Sabap ino, sinuhu-no dau it Anak dau sumampai sid riniba. Inot Anak dau o pogintutuan banal di samod do Kinoringan sid di tokou riniba. Manjadi bang iadino, topot kakali dot toudon om posizon dau it ongodupot om vusak, nokokuro, tu humongkob tokou-po? I kovosihan om samod do Kinoringan o mangahatul di tokou di mizau tokou antawa matai tokou. Aso pangarantaban di samod dau, minsanko i kapatazan nga kakali dot okon-po. 12,31-32 I karajaan do Kinoringan ot ihimon. I hiza di kinourugan, nga i tinomod do Kinoringan mongurug do riniba: engin iosido do varo piboro-boros dau sid saralom di vinangun dino om varo kaharati di gama dau om i kovosihan dau. Sabap ino minongurug i Kinoringan di riniba do kerad di buatan dau, dot elo humarati om elo mongitung om elo momoros ko tumimpa sampai elo manamod om monorima kaseh. Om i vinangun vokon, ino riniba o panangan do Kinoringan mongurug, tu intoronon do riniba ino sampai kosukupan do riniba. Manjadi obuli-no momoros dot i karajaan do Kinoringan o tinomod-no laid i hiza di kinotimpuunan. Tu engin iosido mangahatul di tokou riniba do iadko i vaza do raja mangahatul dit ongoulun dau antawa iadko it ama mangahatul dit ongkob dau. Na minsanko amu songkuro om tinumolikud-no i riniba sid Kinoringan, amui sinumimban i ginavo do Kinoringan om ino karajaan dino, nga kakali dot ino o tomodon ko porikatan dau. Manjadi it ongohal sitid pomogunan diti rontob pakakas dau do porikot di tokou sid rikoton dino, ko it 46
ongokoposizon di didino, supaya kadapat tokou misisingilo di gama sumuhut om i gama misasamod, ko it ongokavantangan, supaya kaharati tokou di samod do Kinoringan, ko it ongokosusaan, supaya otiiman i ginavo tokou sampai tumatap-no banal, tu aso harapan dau vokon. Topot i tokou diti asarok dot amu kaharati. Tu baiko ombo it emot o kiroon tokou. Sabap ino, ombo it avantang om it avasih sampai ombo it posurut di tokou sitid pomogunan o gunaon om ihimon tokou. Topot ombo it a-emot nga pakaso tokou-no. Mad koluu tokou dot ulun di natahakan dot alud, supaya kotupak iosido di rahat. Topot natahakan-po, okonko tumulak iosido do kumaa sid tupak, inoi nga baiko mizon sid alud dino sampai mangakan di kokorui di nitahak sid dau. Sabap okonko i hal sid tupak ot itungon dau, baiko i kosukupan dau didino om it aso kapagasan. Manjadi boros di Yesus: Ihimo-no dikou i karajaan do Kinoringan. Tu ong iadino, itahak sid dikou it ongohal vokon, ka. Banal ino, i sokoviai it ongokahajangan tokou sitid pomogunan, kosinangan antawa kosusaan, antad kavi sid Kinoringan. Iso-no o tomodon dau, ino-no, porikot di tokou sid karajaan om hoturan dau. Ino-no o binoros di Yesus sid ayat 32: Kadan tokou ogolivong, ong baiko okudik ot ulun di sumuhut. Opodok i bahanan, ka di Yesus. Minsanko avantang i manaud sampai asamod om kikuasa, kakali dot ogumu ot ulun dot osuhulan di hal dit emot-no sitid pomogunan, barang, siin, kakanan. Topot ong it ulun di sumuhut di Yesus, ino-no manaud di bahanan dau dino, aso-not ikorosi, minsanko matai iosido. Tu olumbatos i kenginan dit Ama sid surga do manahak di karajaan sid dioti. 12,33-34 I gamaon di kiguna sampai penlaid. I duvo it ayat dino mad monuput-po di suriban dit ulun di paparazon. Tu sid saralom di suriban diri amu noboros di Yesus dot nunu om nunu o sala banal dit ulun diri. Sabap amu araat ong gumama banal om amu araat ong magavi do mongimbulai di kosukupan. Ino-no i karaatan dau: aso pongitungan dau vokon tanid mantadko ino kolunduo dau. Na ino kolunduo dau dino tantu amu ovit dau ong matai-no, inoi nga ulun vokon-no o kasanganu. Manjadi sid saralom di duvo ot ayat dino monuduk-no i Yesus di gama di kakali kiguna, minsanko matai-no it ulun, o ino-no i samod om i kobinsianan. Pojuvaro-no it ongobarang dikou, ka di Yesus. Tu ong iadino, kidapukou sid surga dit amu-no tumanus ko rumobuk. Na kadan tokou mongitung do kadapat tokou mangadagang di kovosihan do Kinoringan, kiro-kiro mangadagang laid do tikit sumuvang sid surga. Inoi nga ino-no i harati di boros di Yesus: Perado-no laid dikou it ongoginavo dikou sid ginavo do Kinoringan, i kakal-kou-po sitid pomogunan. Tu i Kinoringan ot obinsianan om asamod. Tu ong iadino i ginavo dikou, dang surga-kou-no laid di kakal-kou-po sid tanga do riniba. Lavis: Kadan tokou-no humongkob di kosusaan tokou sitid pomogunan. Sabap i kosungguvo tokou nga atarang banal: i karajaan do Kinoringan. I samod dit Ama sid surga o harapan tokou sampai polombuson tokou-no sid ulun vokon. 12,35-48 It uripon di Tuhan Yesus (Matius 24,43-51: Markus 13,34-36) It ontok om tomodon di tuturan dino. Minsanko tanid o hal o boroson siti, sumuput-no banal i tuturan dino sid tuturan gulu. Sabap i suhu di Yesus diri dot, Kadan-kou-no humongkob, ka, tantu amu tokou kadapat sumuhut ong aso harapan tokou. Na varo-no noboros di Yesus sid saralom di tuturan laid pasal ong i harapan tokou, ino-no i karajaan do Kinoringan. Om nohorotizan tokou dot ino-no i karajaan do surga, ong soumul-umul sid tinoguvangon do Kinoringan iadko i kenginan dau laid antadpo di kinourugan. Ong biano manarang-no i Yesus dot tantu varo hiza do rumikot i karajaan do surga dino, ino-no i korikatan vagu di Tuhan. Om i buatan di karajaan dino nga noboros. Tu okonko iadko raja do riniba ino raja do surga dino. Rontob-nopo, iti biano diti, tu amu-po nokorikot vagu i Tuhan, osusa tokou mongontupat om sumodia dot amu malan om atatap banal (35-40). Sid koduvo o bahagi di tuturan dino timpaon di Yesus i Petrus, tu minongitung-no i Petrus dot apangkat dati i hopod om duvo i kinoruhangan di Yesus mantadko it ulun vokon. Na okonko iadino, ka di Yesus, inoi nga isuhut di gama dit ipat-ipat it ulun. Ino-no i pangkaton di Tuhan, ong korikot vagu iosido, it orintuod om it avantang i gama dau sid ongokoruhang. Rontob-nopo ong sid ulun dit amu avantang i gama, nga varo pitonidan do hukum. Sabap ombo i nokelo-no laid di kenginan di Tuhan, iosido ot onong do hukum dot avagat. Ombo it amu tantu nokelo di kenginan dino, okurang-kurang o hukum ong iosido (41-48). 12,35-40 It ulun di monginud di korikatan di Tuhan. It ayat 35 rontob-ogi monuhu do sumodia bahagi do pamanahan. Sid pomogunan di Tuhan Yesus oubas it ongoulun do kibanat dot asazad banal, kiro-kiro, mambambai sid tana. Manjadi ong ahago i panau, banalko ohigong. Tu varo-no ong sumiit i banat sid ongotuod, varo-no ong aladtakan i banat dino, nga masti katahub it ulun. Sabap ino, oubas-no ioti do mononghokos ong kipamanahan sid sodu-sodu dot i hokos dino pensavat ngaran di banat, supaya amu-no kosiit om amu-no aladtakan. Pasal ong i politaan, amu osusa manarang. Oubas ioti monongtitiu do politaan ong mamanau hiza do sodop, supaya amu kotongkihal om amu kasadu sid tanga do ralan. Ino gama do sumodia dit ongoulun dot Israel o suntuan, i minonginud di kineduan antad sid kinouripanan sid Masir diri (Imatai Kolobusan 12,11) Harati dino, it ongoulun di monginud di korikatan vagu di Tuhan, nga monginud di keduan antad sid kouripanan, iadko it Ongoisrael diri. Varot ongoulun vokon di mongitung dot inot ayat 35 nakamung-no laid sid suriban dit ayat 36-38. Bang iadino, tanid i harati di mononghokos. Okonko sumodia bahagi di mamanau, inoi nga tanda do gumama ioti. Tu sid 47
saralom di gumama, nga ohigongi ong asazad banal i banat. Sampai i politaan nga tutudan, supaya amu-no osusa mogihim-po laid dot apui, ong mongoritik-no i tuan, inoi nga kadapat humago mongogiang om sumamung di tuan sid rongobon. Manjadi i suriban sid ayat 36-38 atarang-no do monuduk sid korikatan vagu di Yesus ( it Anak do Riniba). I retan do tuan dino, ino-no i Tuhan di nokoling, i nokensavat antad sitid pomogunan kinumaa sid surga dot osinang banal, tu sori-no i poginakanan do mogontong, ka. Topot muli-no vagu iosido sid ongouripon dau. Rontob-nopo, amu elaan do pukul songkuro i koulian. Na atag ong osodia it ongouripon dino. Minsanko katalib-no do tanga sodop, nga amu modop ioti, minsanko minsusuvab-no nga amui, inoi nga mongontupat di valai, hiza di nokoling i tuan. Na varo koubasan dit ongoulun kodori do pitoluvon i sodop, kiro-kiro, antad di pukul 6 sampai pukul 10 i keso o bahagi do sodop. Om iri-ogi antad di pukul 10 sampai pukul 2 do sodop, nga koduvo o bahagi do sodop, om i kotolu o bahagi nga antad di pukul dua sampai sumuvab-no. Sabap rinumosi-no ioti dot amu dati kogoos it iso ot ulun do mongontupat antad di sumodop sampai sumuvab vagu. Amu milo-milo nga modop iosido, ong alaid. Manjadi oruhai-ruhai-po i gama mongontupat om mangajaga ong sid saralom di bahagi keso, tu amu-po tiodopon banal om it ongoulun vokon, ogumu-po dot a-modop. Topot sid saralom di koduvo o bahagi om i kotolu o bahagi tantu apagon-no i gama mongontupat. Sabap i sokoviai it ongoulun vokon nga modop-no kavi om i mongontupat dino, nga tiodopon-no, om ogumu-po't uni i hiza do sodop di mad kendorosi. Kagi-po, kalu-kalu ong varo rumikot, tu mangarampas di valai dino, amu dati rumikot sid saralom di bahagi keso, inoi nga sid koduvo antawa sid kotolu. Sabap ino, minomoros-no i Yesus dot, Ong rumikot-no i tuan sid saralom di koduvo bahagi do sodop antawa sid saralom do kotolu bahagi om kakali do iadino i gama dioti, tantu osiang-no ioti, ka (38). Harati di suriban dino bahagi di tokou: makin alaid antad di kinensavatan di Tuhan Yesus, makin-po apagon mongontupat om sumodia. Tu ogumu-no ot ulun mad malan-no monginud om ogumu o mongitung dot amu-no dati rumikot vagu i Tuhan. Topot ombo i kakali dot osodia, ino-no ot osinang-no banal. Om iri-ogi manarang-no i Yesus do kuran i buatan di karajaan do surga di pembulazon dau, hiza di korikatan vagu dau. Ong rontob karajaan do surga antawa karajaan do Kinoringan o pongoretan, baiko ino ot atalahas: sid karajaan dino i Kinoringan kondiri o raja om i Kinoringan kondiri o mangahatul. Topot manarang-no i Yesus dot i raja di karajaan dino mitanid banal di raja do dang riniba. Ong raja do dang riniba amu milo-milo nga kiongouripon om okuasa dau it ongoulun. Na i Tuhan Yesus ong rumikot-no vagu iosido, okonko monguripon dit ongoulun, inoi nga mad mokiuripon, tu iosido kondiri o mononghokos, ka, ino-no, sumodia do gumama, iadko buatan dot uripon, sampai suhuon dau ioti't ongouripon mogom, om iosido kondiri o mamanau, tu monorundakai do kakanan. Na okon-noko uripon ioti dino, inoi nga najadi-no dot anganak dot it ama o mangahatul di kosukupan om kosinangan dioti. Ino janji di Yesus dino banalko avantang. Ontok didino, opogo-pogos tokou, iadko ongouripon tokou. Tu ogumu o gamaon om apagon-pagon i gama mongontupat om monginud om ogumu-gumu o pensubaan om korosizan. Topot varo hiza do rumikot vagu i Tuhan, na i sokoviai i kapagasan om pensubaan om korosizan dino amu milo-milo nga engkod, tu i Kinoringan kondiri o mangahatul di kosinangan tokou. Na apatut dot tumahan tokou dit ongokosusaan di didino sampai amu tokou mahalan monginud. Na sid saralom dit ayat 39-40 monuriban-no vagu i Yesus do tanid o suriban. Topot kadan tokou-no ogolivong. I Yesus, ong rumikot vagu iosido, okonko mangarampas iosido di pomogunan diti. Rontob-nopo i korikatan dau dino iadko i korikatan dit mangarampas, tu amu pentahan om amu engat i jaham di korikatan dino. Ino suriban dino, nga asarok kembulai sid Kitab, iadko sid 1. Tes. 5,2; 2. Petrus 3,10 om Kentalangan 3,3. 12, 41-48 It avantang om it araat o gama dot uripon. Norongou-po di Petrus i boros di Yesus do iadino avantang-no di buatan do surga, minongoduat-no iosido dot, O Tuhan, ino suriban-nu dino, baiko iokoi, ka, o binoros antawa i sokoviai? ka. Mad kenginan di Petrus do baiko i hopod om duvo i kinoruhangan di Yesus o pangkaton do iadino kasavat dot i Tuhan kondiri o mongogili di kakanan. Na i timpa di Yesus dino tanid. Tu okonko tumimpa banal, gam mongoduat-no vagu dot, Isai-kagi-ma it ulun, ..ka. Na varo-no mongitung dot sid saralom di timpa dino otuduk-no banal di Yesus i Petrus, tu i boros dau: Isai-kagi-ma it ulun di .. nipataud di tuan dau i sokoviai it ongouripon, ka. Mad mongoduat i Yesus dot, Okon-ka-ko ikau? Vokon-no ong mongitung dot okonko bai i hopod om duvo i kinoruhangan di Yesus ot inanu do mangahatul di piumpugan om gorija di Kristus, inoi nga ogumu-po, tu i piumpugan dino, nga gumazo om gumumu. Ino-no dati o harati di timpa di Yesus: Ipat-ipat it ulun di jumadi do mangagazad sid piumpugan di Kristian, ino-no rasul, ko pandita antawa ponulung, antawa pengurusi om i nunu-nopo songpongoretan ko pangkat. Topot okonko ino gagamaon om pongoretan o mamangkat dau dino, inoi nga suvaiko orintuod iosido om suvaiko avantang i gama dau sid ongoulun om-ogi osinang-no iosido hiza di korikatan di Tuhan. Harati dino, okonko rontob i Petrus ko it ongorasul diri antawa i retan do gumanti di Petrus, ino-no it ulion di RC sid Rom o binoros, inoi nga i sokoviai i mangahatul sid piumpugan do Kristian. Ioti sokoviai dino, nga varo pensubaan do iadko i noboros di Yesus, tu mongitung-no dot, Oboloti muli i tuan-ku, ka di pongitungan dau, om tumimpuunno iosido do momobog dit ongouripon vokon om makan, minum-no iosido sampai magavuk, ka. Ino-no o pensubaan, nolingan dau dot antad sid Tuhan i kuasa dau dino, okonko kuasa dau kondiri, dot nolingan-po, mad sumusui-no iosido dit ongopomorinta sid pomogunan om mogihim-no di kosinangan om kasavato kondiri. Topot i kosurutan di piumpugan nga amu-no itungon dau. It ulun do iadino o gama, tantu aso-no kogunaan di ngaran 48
ko pongoretan dau do pandita ko ponulung ko tumpuk antawa nunu-nopo, inoi nga onong iosido do hukum do banalko avagat om i kosungguvo dau dino mirad dit ongoulun dit amu nakasip, ka. Manjadi atalahas-no dot i hukum di Tuhan sumuhut di gama dit ipat-ipat it ulun. Topot varo-no vagu boros di Yesus bahagi di hal dino. Tu i hukum okonko rontob sumuhut di gama dot ulun, inoi nga sumuhut-po dit elaan dit ipat-ipat it ulun. Isai-nopo i notudukan laid di kenginan do Kinoringan, topot kakali dot amu suhuton dau i kenginan dino, iosido-no ot onong do hukum dot avagat banal. Topot isai-nopo it amu notudukan tantu om i gama dau rumanggal dino okonko tinomod, inoi nga gima a-nokelo iosido, iosido dino nga ohukumani, topot amu avagat banal i hukum. Manjadi i boros dino kensasamod sampai kendorosi di ginavo tokou. Kensasamod ino ong it ongoobpinai ot itungon di napalid-no biano sampai tinumolikud-no sid piumpugan, gima amu-po opihot banal i ginavo dau sid Tuhan, tu okudik ot nelaan dau om nohorotizan dau antad sid hal do Kristian. Topot kendorosi-no banal ino, ong i tokou. Tu nakadapat tokou-no di tudukan dot avantang om atarang, nga kakali dot obimpalid it ongoginavo tokou. Baiko iso o katagan tokou, ino-no, magavi minta dua do lumuzung banal sid Tuhan, supaya iosido o manaud di tokou sid saralom do pensubaan di didino. Lavis: i tokou-no diti o nokodim sumuvang sid karajaan do Kinoringan. I raja tokou nga okonko monguripon di tokou, inoi nga iadko ama di banalko asamod. Na apatut tokou do tumahan di kosusaan penrikot vagu di Yesus. Kadan tokou malan monginud, kadan-no dot araat o gama tokou sid ulun vokon. Agazo o panahak sid di tokou, agazo i janji di Yesus sid di tokou, nga ogumu ot ihimon dau sid di tokou, ong korikot vagu iosido. 12,49-53 I Yesus o kopitotongkizadan dit ongoulun (Matius 10,34-36) Amu mongolim i Yesus di kosusaan didino, gamko pentahan banal iosido, supaya ong orikot-no ino, amu ogolivong it ongoulun. 49 I Yesus posikit dot apui. Ogumu o harati om gama dot apui sid saralom do Kitab: it apui mongohukum sampai mananus di karaatan (Sodom). It apui nga tanda do kuasa do Kinoringan (i nabi Eliya 1. Raja 17-18 ko Kolobusan 13, 21-22 om 3,2) It apui o ponusi dit amas om perak (Zabur 12,7). It apui nga tanda di Sundu do Kinoringan (UR 2,3 om Lukas 3,16). Gam varo retanko i Sundu dot Osusi o monunda di ginavo dot ulun do iadko apui sid saralom di ginavo-ku, ka (Yeremia 20,9). Manjadi apagon-no manalahas dot nunu om nunu songharati o netung di Yesus, i minomoros iosido dot, Nokorikot-oku diti, tu posikit dot apui sitid pomogunan, ka. Kalu-kalu ong nokopiamung-no kavi it ongoharati dot rumbul satu dati i Sundu dot Osusi o binoros. Na i tokou diti kaharati dati ngaran di hal dino. Tu oubas tokou-no do tumutud om elaan tokou dot it apui dino okonko hal do momoi, inoi nga banalko ahakang sampai koponimban do pomogunan. Kopongorungoi it apui dino, topot okonko rontob ino, inoi nga kapasii. Tu bang amu osorob i tagad, amu opud i parai. Na lobipo inot apui di Yesus koponimban di pomogunan sampai i ginavo dot ulun, ino-no, kapananus dit araat om i sumaap (Ananias om Sapira UR 5) sampai kapanahak di koposizan dit amu-no tumanus. 50 I pomodsuan di Yesus. Atalahas-no laid dot okonko i kinopodsuan di Yesus sid bavang do Yarden o binoros siti. Inoi nga i kapagasan di rumikot-ogi sid dau. Na nelaan tokou dot ogumu ot adat dot ongoulun do Yahudi bahagi di gama do modsu om i momoug do palad om hakod. I sokoviai it adat dino, nga iso-no o harati, pedu dit araat om it asakau sid tinoguvangon do Kinoringan. Manjadi ino-no o boroson di Yesus siti. Iosido o podsuon, o ino-no ajadi iosido dot ipongidu di sokoviai i karaatan do riniba. Tu sid saralom do kapagasan om kapatazan dau minongontok iosido di riniba dot i karaatan di tokou sokoviai o nohukuman sid guvas di Yesus, supaya eduno. Topot ino iadino dino okonko automatik, inoi nga suvaiko mangakun it ulun dot antakan di Yesus sampai mangakun dot i hukum di nokonong sid di Yesus nga dang riniba, gam ong otopot, ioku ot anangan. Iti-no o sabap, boros di longoi tokou, I raha di Tuhan Yesus nokotuntug sid di tokou. Nohugus-ne't ongosala dit ongoulun sokoviai. Banal neno boros dino. Topot mitanid i raha di Tuhan Yesus om i sogit dit angaki om it ongoodu. I sogit diri iadko ubat om iadko automatik. Topot i raha di Tuhan Yesus, suvaiko monusi-po laid di ginavo tokou om mangatag di pongitungan tokou om obisa-ogi, kiro-kiro, kopongohugus di sala tokou. Ingat-no dot i pomodsuan dino, noboros-no laid di Yesus sid Markus 10,38. 51-53 I Yesus gam popioduw om popisasaap dit ongoulun. Ino boros dino mad pogolivong di tokou. Tu ino-no ot elaan tokou om norongou tokou, i Yesus o puun do kopioondusan. Banal-neno. I Yesus o puun do kopioondusan tokou di Kinoringan. I sokoviai i karaatan tokou riniba, iso o sabap, ino-no i kinotolikudan tokou sid Kinoringan. Hondomo-no i Adam om i Hava: Kodungko amu-no sumuhut ioti di kenginan do Kinoringan, tinumimpuun-no i gama mipalid om miakal om it anganak, nga mipatai-no. Antad diri amu-no nengkod i karaatan. Topot nokorikot i Yesus, tu potoguvang di tokou vagu sid Kinoringan om popiandus do Kinoringan. Manjadi ong mandus tokou-no sid Kinoringan, amu milo-milo tumolikud tokou-no sid karaatan om ingkadan-no i gama miooduw dit ongoulun vokon. Tu songobpinai tokou-no sid tinoguvangon do Kinoringan. Sabap ino, otopot-no i boros dot i Yesus o puun do kopioondusan. Rontob-nopo, okonko sokoviai it ongoulun mangasip sid di Yesus. Ogumu-po i sumaap dau dot amu mandus iosido sid Kinoringan sampai it ongoulun vokon. Sabap ino otopot-no i boros di Yesus dino dot antad sid Habal do Kovosihan o kembulazan do kopiooduhan. Sid 1. Kor. humungot banal i Paulus dit ongoulun do Korintus, sabap ogumu o kopiooduhan dioti. Sid F. 11,19 minomoros iosido dot, Amu milo-milo nga miooduw.kou, sabap sumodiri it abanal, ka. Banal ino, i gama sumuhut om mangasip sid di Yesus lobipo kiguna mantadko i gama miandus dit ongokoruhang. Ong varo mamalid dohon do pedu dara dohon sid Kinoringan, amu milo-milo nga saapon-ku izau. Minsanko sid saralom 49
dot iso-not ongkob nga varo-no iadino. Elaan tokou-no i hal dino ong biano-no. Tu ogumu o mamalid om ogumu o monuba. Topot ingat-no banal, I kosipan sid Kinoringan om it Anak dau Yesus lobipo kiguna mantadko i kopioondusan sid ongokoruhang. Manjadi iso-po o ponginsasamod dot opodok: Avantang, tu okonko inolim di Yesus i buatan do iadino, gam nintahan-no laid sampai iosido kondiri o nokopurimon di kosusaan sid saralom di valai kondiri (Markus 3,20-21 om 31-35) Nelaan-no dau dot amu milo-milo, nga ajadi do iadino. I kosusaan dino mad sambahagi di kapagasan dau di noumba-no laid dit Ama dau. Na i kapagasan dau dino o pembulai di kosinangan penlaid om i koposizan penlaid. I tokou nga pengkaai. Ong varo kapagasan tokou do iadino, minsanko sid valai kondiri, nga engato-no banal dot amu porosuma i kapagasan dino, gamko mongovit di tokou sid kosinangan om sid koposizan penlaid. Lavis: Otuluk-no i boros di Shamun diri dot, Ialo dino ot ajadi do korotuan om kengkakatan dit ogumu ot ulun sampai aajadi do tanda dit asaap (2,34). Sabap ino kadan tokou ogolivong ong varo mimbulai do kopiooduhan, gima i hal do kosipan. Tu masti sumodiri it abanal. Kadan tokou mandus dot ulun di tumolikud sid Kinoringan. 12,54-13,9 I Yesus monuduk di kinogumuai do kuran i gama muli sid Kinoringan. Nopongo-po di Yesus monuduk i kinoruhangan dau do kuran i kavazao dot avantang sitid pomogunan, tumoguvang-no iosido sid kinogumuai dot ongoulun sampai monuduk di gama muli sid Kinoringan. Apat bahagi o tudukan dau dino: 12,54-56 I gama mongontupat di buatan do pomogunan. 12,57-59 I gama miandus dot ulun. 13,1-5 I kahajangan dot araat, nasip antawa hukum do Kinoringan? 13,6-9 I suriban di nunuk dit amu monguva. I tomodon om rikoton di tuturan dino. Suvaiko ohorotizan-no dot iseso o hal o boroson di Yesus antad sid 12,54 sampai sid 13,9 om suvaiko ohorotizan-no i boros di 13,1-5 om elaan-ogi dot amu milo-milo nga it ulun do Parisi om it Elo do Kitab o noumpug sino. Sid saralom di tuturan diti baiko iso o tanda dot opodok di manalahas dot ulun do Parisi o piboros di Yesus, ino-no i gama di Yesus mangarait dioti dot, Ot ongoulun di mangakal, ka. Ino iadino dino, nga asarok o pongoretan di Yesus dioti (imatai 11,37-54). Pasal ong i tomodon nga pengkaai. Apagon-pagon talahason dot nunu om nunu ot ontupaton sam pai nunu o gamaon. Suvaiko basaon it ensanan i boros dino om elaan-ogi banal dot i gama muli sid Kinoringan o boroson di Yesus. Topot minsanko iadino, kakali dot apatut do palanan baiko i tolu ot ayat. Sabap antad dit ayat 57 manarang-no i Yesus dot amu-po osukup ong rontob miandus do Kinoringan, inoi nga masti miandus-po dot ongoulun, ka. Kiro-kiro it 57-59 iadko tumambano sid noboros laid. 54-55 I gama mongontupat di buatan dot avan. I hal di binoros siti, ohorotizan tokou, minsanko tanid i buatan dit avan sorid pomogunan do Yudea om iti sitid Sabah. Sori, tu i rahat dot agazo ponong sid kotonobon, tantu antad sid kotonobon o kembulazan do darun. Om ponong sid selatan, nga belantara do banalko agazo om banalko alasu, masti alasu o barat antad sid Selatan. Ong sid Sabah, tanid dati i boros di Yesus. Kalu-kalu ong i pangasakan o boroson dau, antawa it utara ko i vulan antawa nunu-nopo i iadino. Siombo-siombo nga varot ongopogintutunan do kidarun antawa manangadau. Oubas-no i riniba do mongontupat dit ongopogintutunan dino. Minsanko it ulun dit aso sikul, nga kadapat mongontupat om elo mongintutun di kavazao dot adau om darun. 56 I gama mongontupat dit ontok. Harati di boros di Yesus dino: okonko rontob ipat-ipat i toun varot ongotanda ko pogintutunan bahagi do darun om adau, inoi nga varo-po tanda vokon, tanda di monuduk dot nunu om nunu songontok i hiza biano diti, ontok do kosusaan antawa ontok do kohigakan, ontok do humungot i Kinoringan antawa ontok do mozo-vozo i barakat dau. I tokou diti amu tantu oubas di hal dino. Tu okonko varot ongonabi do Momogun di nokopentahan-no laid dit ongoontok dino. Kalu-kalu ong varot ongotangon do Momogun di hal do iadino antawa hal di koluu dino, nga kakali amu atarang banal. Tanid-no i bansa dot Israel antawa bansa do Yahudi. Ogumu ot ongonabi sinuhu do Kinoringan rumikot sid dioti om mamahanda dioti, supaya engkadan i karaatan om muli-no sid Kinoringan. Varo't a-ko piro ongonabi di minonuduk-no banal dot, Ong iadino om iadino o buatan do pomogunan om i kavazao dot ulun, ontupat-kou-no banal. Tu osomok-no it adau do kopongohukuman, ka. I nabi di banalko ogumu o boros do iadino, ino-no i nabi Daniel. Topot minsanko amu tokou oubas di hal dino om aso kagi tudukan dit angaki pasal ko it ongoontok di misusuhut, kakali do kipanangan i tuturan dino sid di tokou. Sabap atalahas-no banal sid di tokou sokoviai dot mitanid-no banal it ontok biano diti mantadko i hiza dit angaki. I kodori-po aso dati kinosimbanan do pomogunan sid saralom do hatus toun di mirad di kinsimbanan sid saralom dit a-ko piro toun di nakatalib-no. Ino-no o nelaan dit angaki: rumilik, tumutud, mangasok, monginsakot, mongomot, mamapak om monogit. Varo-no ong avantang i tinounan. Varo-no ong araat. Topot aso tantu pitonidan om aso tantu kosimbanan do pomogunan. Na biano diti, ogumu o hal di koimbulai. Mavi-no it umoon, amu-no kavasa mongumo dot himbaan, amu songkuro om banalko amu kavasa mongumo, ka. Topot kiongoinjin, tarabang, kiongoubat, om ogumu-po hal vokon do iadino. Apatut-no do mongoduat tokou dot, Nunu-ka o kosungguvo di sokoviai ino iadino? Kadan tokou-no misinglovong dot amu mongontupat dit ongotanda dit ontok didino. Kagi, andaman tokou i boros di Yesus sid Markus 13 om sid Matius 24 do pentahan iosido di korikatan dau vagu 50
sitid pomogunan. Varot ongotanda do pogintutunan bahal di hal dino, ino-no mirurumpak it ongobansa om i tana nga asarok gumuzu om varo vitil dot agazo om ongosakit do pomogunan di banalko araat. Manjadi i hiza dino, ka di Yesus, ikasana-no it ongoulun Kristian dit ongoulun vokon sampai pogoson-no ioti. Om varo-po rumikot dot ulun di misingkristus om misingkinoringan, ka. Manjadi i sokoviai it ongotanda dino, tanda do kendorosi bahagi dit ulun dit amu kaharati. Kagi, ogumu ot apalid sampai tumolikud sid Kinoringan, gima i kapagasan dino, sampai sumana-no dit ongoobpinai dau laid. Topot ombo i kaharati, okonko rumosi, inoi nga magavi iosido tumatap sid Kinoringan. Sabap osomok-no i korikatan vagu di Tuhan Yesus. Ombo i kaharati, mad humigak-no minsanko sid saralom do kosusaan. Tu monginud banal di kovian do kosusaan om i kembulazan di kuasa om kovosihan do Kinoringan. Rontob-nopo, minsanko i Yesus kondiri, nga amu nelaan dau do sera o kembulazan dit ontok dino (Matius 24,36). Rontob ino ot atarang: mitanidno itit ontok biano diti mantadko it ontok dit angaki tokou. Sabap ino apatut-no do mongontupat tokou sampai tumoguvang sid Kinoringan om ingkadan tokou sumuhut di kenginan kondiri, inoi nga muli tokou-no banal sid Kinoringan. Ino-no ot apatut o gamaon tokou ontok didino. Lavis: Kadan tokou mangakal di kondiri do mongitung dot aso kosusaan om aso pitonidan di gulu om iti biano diti, inoi nga ontupaton tokou i buatan do pomogunan om i buatan do riniba om muli tokou-no sid Kinoringan, supaya amu okosupan tokou sid saralom do karaatan, inoi nga osodia it ongoginavo tokou. Kalu-kalu ong amu-no alaid om korikot-no vagu i Yesus. 12, 57-59 I gama miandus dot ulun (Matius 5,25-26). Sid pomogunan do Yudea diri, it ongoulun do Rom o minomorinta. Na elaan tokou-no dot ikasana banal it ongoulun do Rom. Sabap, boros dit Ongoyahudi, Aso raja dahai tanid mantadko i Kinoringan, ka. Ino-no i sabap dot minongusiba-no ioti dit ongokarani di mongumpug do sukoi, tu i sukoi dino nga ikirim sid Kaisar sid Rom. Na varo-po't iso o parti i hiza diri i retan dot it Ongozelotes, ka. I harati di ngaran dino, i magavi, ka. Ino-no o pogovian, magavi sumuhut di Pinonuhuan om magavi-po sumaap do Rom. Ioti dino okonko rontob amu monukoi, gamko monuduk-po dit ongoulun do kadan-no mangapus dot utang, ong kiutang-ko sid ulun di tumabang dit Ongorom antawa ulun dit amu sumuhut banal di Pinonuhuan, ka. Om varo gama dioti mangarampas dot ongoulun do Rom om magavang dit Ongorom sid tanga do ralan, tu mamatai. (Ioti duvo it ulun do retanko ulun mangarampas di nokohiza di Yesus pasangkap, nga ulun dati do Zelotes). Na atalahas-no do banalko sumana it ongoulun do Rom di parti do Zelotes dino om amu tantu kentalang ioti, inoi nga banalko olingob o gama dioti miupakat om sumaap. Topot it ongoulun do Parisi, nga avantangan di parti do Zelotes, tu ogumu o tudukan om pongitungan dit Ongoparisi om it ongozelotes do mirad. Manjadi sid saralom di kinogumuai dot ongoulun di nokotoronong-no sid di Yesus, tu mongining di tudukan dau, mad varo-no't ongoulun do Parisi om varo dati't Ongozelotes di minongitung-no sid saralom do ginavo dot, Nunuka o boroson dialo dino? Iokoi diti kaharati-no dit ontok didino. Iokoi diti magavi banal sumuhut do Kinoringan. Iokoi diti sumana om sumaap dit Ongorom, supaya kadapat i Kinoringan monuluk di janji dau bahagi di bansa dot Israil. Nokokuro-ka, tu moguhang dahai ialo? ka di pongitungan dioti. Manjadi i boros di Yesus iadko timpa sid pongitungan dioti dino. Ino-no, Nokokuro-ka, tu amu itungon dikou kondiri dot nunu it apatut? ka di Yesus. Om iri-ogi tuturanon-no dau i hal dit ulun di kiutang sid ulun vokon sampai oviton-no iosido sid hakim dit ulun di pinongutangan dau diri, ka. Ino iadino dino banalko amu patut, ka di harati di Yesus. I hal do Kinoringan ot onuvon dikou do sangkut bahagi di karaatan dikou kondiri. Tu momoros-kou-no dot, Iokoi diti sumuhut banal di kenginan do Kinoringan, nga amu-okoi mangapus dot utang, ka dikou. Amu apatut ino iadino. Ino-no it apatut, Magavi-kou-no mogihim di kapangaan om kopioondusan di kakal-kou-po sid tanga do ralan, ka di Yesus. Andaman tokou dot sid saralom dit Injil di Matius nokosurat i hal dino. Topot nakamung i boros dino sid tudukan di Yesus sid burul (Matius 5,23-26). Manjadi sid Matius mad aso pongitungan bahagi dit Ongozelotes. Topot okonko mitanid i harati. Tu sid Matius nga pengkaa i boros: Bang mongovit-ko-no di persambaan-nu sid panambayangan, nga sino o kahandaman-nu do kisala-ko (antawa kiutang-ko) sid koruhang-nu. Ahandaman-nupo, popungo-no i persambaan siri om pamanau-no sid koruhang-nu, tu miandus-kou-no om piguli-ogi patahak di persambaan-nu sid panambayangan. Langkasai-no kumiandus dit ulun di pisana-nu dino di kakal-kou-po mivovozo-vozo,.. ka di Yesus. Na irii i harati: Ong engin sumuhut it ulun di kenginan do Kinoringan, topot mangagama iosido do karaatan sid ulun vokon, ino kasambaan dau sid Kinoringan tantu aso kogunaan, inoi nga masti mandus-po laid sid koruhang om iri-ogi kadapat iosido sumamba sid Kinoringan, ka. Iti iaditi, mionong-no di Pinonuhuan dot Asamod (Markus 12,29-31). Manjadi mionong i harati sid di Matius om i Lukas. Rontob varo-po harati sid di Lukas dot, Minsanko sid saralom di hal do politik, nga amu kavasa mangagama do karaatan. Tu i Kinoringan dino nga okonko sangkut do karaatan om pisasanaan dot ulun, inoi nga engin do kumiandus i sokoviai it ulun. Kagi, ong i hal do Kinoringan ot onuvon do hal do politik, a-milo-milo nga ensasakahan i ngaran dau. Ino boros dino okonko misaap di boros laid sid 12,52-53. Sabap i gama do misasaap di binoros sino, nga pisasaapan sid saralom dit ugama, okonko sid saralom do politik. Kiro-kiro, ong kiutang-ko sid ulun do tanid ot ugama dau, kadan-no mongitung dot amu osusa mangapus, tu iosido dino nga pisaap-nu. Inoi nga kopusai-no it utang-nu do pemot-ko dizau di kenginan-nu do kumiandus. Rontob ong engin iosido mamalid dikau do pedu sid kosipan-nu, nga saapon-no ino gama dau mamalid. 51
Lavis: i gama muli sid Kinoringan, ino-no o gamaon tokou ontok didino. Topot ong muli sid Kinoringan, amu milo-milo nga i Pinonuhuan dot Asamod o suhuton tokou. Aso guna ong baiko sumamba sid Kinoringan, topot sid ongoulun vokon, nga mangagama dot araat. Ino iadino dino, nga minsanko sid hal do politik, nga panangan di boros dino. 13,1-5 I kahajangan dot araat. Nasip-ka ko hukum do Kinoringan? Na momoros i Yesus sid kinogumuai dot ulun di nokotoronong sid dau. Sid pialatan dioti varo't Ongoparisi om ulun do Zelotes. Manjadi tomodon di Yesus manarang sid dioti do kuran i gama muli sid Kinoringan. Amu apatut do baiko i kavazao dot ulun vokon o porisaon om itungon do mangalu-kalu-po dit it ulun di nakahajang do kosusaan, nga kisala dati, ka. Tu i kosusaan dino, hukum dati do Kinoringan, ka di gama mangalu-kalu. Inoi nga i ginavo kondiri o porisaon sampai simbanan, ka di tudukan di Yesus. Manjadi duvo o hal o binoros sid saralom di tuturan dino, ino-no, it ongoulun do Galilea di pinatai di Pilatus om it ongoulun di nohotungan di valai dit asavat sid botung do Siloa. I keso dino, atalahas-no do hal do politik ino. I koduvo, amu elaan, politik ko okon. ayat 1 I daerah Galilea dino it inantadon di rombongan do Zelotes. Sid Galilea, ogumu-gumu ot ulun nokosuvang sid parti dioti. It ulion do Zelotes, nga ulun do Galilea, i ngaran dau i Yudas do Galilea, ka dit Usuran di Yosefus. Kagi, osodu-sodu ino antad sid Yerusalim om antad sid pomogunan do Kaisarea, i duvo it intoronon di Pilatus. Topot norongou tokou-no dot it Ongozelotes dino okonko rontob magavi sumaap di porinta do Rom, inoi nga magavi monuluk di Pinonuhuan. Sabap-pogi om osusa ioti kumaa sid panambayangan do Yerusalim, tu patahak di persambaan dau sino. Na ontok do varo't ongozelotes (antawa bai retan di Pilatus do Zelotes ioti) di kinumaa sid Yerusalim, tu pasamba do dupot, minonuhu-no i Pilatus do patazon ioti. Amu elaan do kakali sid tanga do ralan ioti kumaa sid panambayangan antawa nokorikot-no laid. Ino-no ot atarang, ulun om dupot nga napatai kavi. I minangahabal di hal dino sid di Yesus, nga amu elaan banal do nunu songulun ioti. Kalu-kalu ong ulun do Zelotes ioti di mokisian om mokitabang di Yesus, antawa ulun do Parisi di magavang-no laid di Yesus dot kalukalu ong varo boros di Yesus di iadko sumaap di porinta do Rom, nga iruput dioti sid di Pilatus, tu momunso di Yesus. Mad ulun do Parisi ioti, tu i timpa di Yesus iadko mangadahava banal dit iso o tudukan dit Ongoparisi. 2-3 Nunu-ka i kosusaan dot ulun, sala naku di nohukuman do Kinoringan? Ong i tudukan dit Ongoparisi: ipat-ipat i sala dot ulun amu milo-milo nga onong do hukum do Kinoringan, ka. Na i tokou diti pengkaai o tudukan om kosipan.Topot ong inot ongoulun do Parisi dino, okonko rontob i hukum do penlaid ot itungon, inoi nga boros dioti, Onong-no do hukum ontok didino, ka. Manjadi ong varo-not ulun di nonong do kosusaan, sakit, ka, antawa kopunavatan vokon, ka, retan-no iosido dit Ongoparisi do kisala iosido, ka. Tu ino kosusaan dino nga hukum antad sid Kinoringan, ka. (imatai sid Yahya 9,1-2 minsanko i kinoruhangan di Yesus, nga iadino o pongitungan). Manjadi i timpa di Yesus mad aralom. Okonko moniag iosido dioti dot, Kadan-kou-no mongitung do iadino, om i hal do Zelotes nga aso boros di Yesus do moniag ko mangakun. Rontob ino o boros dau: Ong amu simbanan i ginavo dikou, ikou sokoviai nga mataii do iadino, ka. 4 Sid Usuran di Yosefus di mongusul di hiza di bansa dot Israel om Yahudi ontok di hiza di Yesus (abad keso di Minananggung) tantu aso habal bahagi di kinopunavatan di valai sid botung do Siloa. Ino-no ot nousul-no: I Pilatus diri minonuhu do mangagama do paip do vaig antad sid botung do Siloa dino dot i horogo di ransangan dino nga nanu-no dau sid persambaan sid panambayangan do Yerusalim. I Yosefus minangahabal di hal dino, tu amu apatut do pakazon i persambaan bahagi do hal do iadino, ka. Na kalu-kalu ong hiza di minongukad ioti di tana sid somok di botung, tu posuvang di paip sino, nga hinumaba ino valai dot asavat. Na varo dati minongitung dot, Apatut do minatai-no inot ongoulun di kinumaraja sino, tu tinumabang di Pilatus do mangagama do hal dit amu apatut. Vokon-no dati ong minongitung dot, Nokokuro-ka, tu minatai inot ongoulun di kinumaraja sino, om i Pilatus, i minonuhu dioti, nga amui minatai, sampai varo kogolivangan. Na i timpa di Yesus, iri-no vagu: Ong amu simbanan i ginavo dikou, ikou sokoviai, nga mataii do iadino, ka di Yesus. 13, 3+5 I timpa di Yesus. Atag dati ong mongitung tokou-po laid do nunu i di tokou do pongitungan kananganko it ongokopunavatan do iadino. Ong Momogun o kahajang do iadino, kiro-kiro ino-no dati o boroson: araat o nasip dioti, ka. Sabap ino-no ot usul om koubasan antadpo dit angaki. Ipat-ipat it ulun nga kinasip. Ong avantang i nasip dau dino, amu milomilo nga lumundu iosido om anaru i sukud dau do minsanko oloun-no nga kakali dot amu opogos. It anganak dau nga opud kavi om nunu-nopo o gamaon dau ajadi-nopo. I nasip dot avantang dino iadko barakat do Kinoringan di mozo-vozo, ka. Topot ong araat-no o nasip dot ulun, minsanko magavi iosido gumama, aso tinganan. Masti mosikim iosido pempatai om amu anaru i sukud dau. It anganak dau amu opud om i gamaon dau nga amui ajadi, ka. Na i kahajangan dot ulun iadko pogintutunan do kuran-no i nasip dau. Bang avantang o koumbalo dau, atag i nasip dau. Bang araat o koumbalo dau, na araat i nasip dau. Iadino i pongitungan do Momogun. Ino pongitungan do iadino amu mionong banal di pongitungan dit Ongoyahudi. Tu ong Yahudi o mongitung, tantu i kosusaan o pogintutunan do kisala it ulun, tu nohukuman do Kinoringan, ka. Ong Momogun mongitung, i kosusaan dino rontob pogintutunan do kuran o nasip, antawa kuran-no i kenginan om hukum do Kinoringan sid ulun dino. Aso harati do kisala antawa aso. Topot ino-no o mirad sid Yahudi om sid Momogun, i kahajangan dot ulun nga pogintutunan di kenginan om pongitungan do Kinoringan bahagi dit ulun dino, ka. 52
Na amu mangakun i Yesus do mongitung tokou do iadino. Nunu-ka o kogunaan ong otuduk it ulun vokon do nasip dau, ka. Banal-no meno. I sokoviai it ongokosusaan amu ajadi ong okonko kenginan do Kinoringan. Topot i kosusaan dino okonko pentalang di pongitungan do Kinoringan sid ipat-ipat it ulun, inoi nga mamahanda dit ongoulun vokon, supaya tumolikud sid karaatan. Andaman tokou i boros di Zabur 90: Tudukai-okoi-no mongitung do kisukud-okoi, supaya elo-okoi monguog, ka (90,12). Ino boros dino banalko mionong di tudukan di Yesus. Sabap ino, ong varo-no't ulun sid pialatan tokou di nonong do kosusaan antawa ong varo-no minatai, kadan tokouno mangalu-kalu dot avantang ko araat i nasip dit ulun dino antawa kisala iosido ko aso. Inoi nga hondomo tokouno dot i tokou sokoviai amu milo-milo nga matai om amu milo-milo, nga tumoguvang sid Kinoringan, sampai atag-no dot porisaon i ginavo kondiri. Ombo it amu avantang sid tinoguvangon di Tuhan, nga simbanan, om kadan-no humarap sid nunu-nopo songhal do tanid mantadko i kovosihan do Kinoringan, di nokembulai-no sid di Yesus Kristus. Pasal ong i hal do nasip dino, iso ot atarang banal sid Kitab: Engin i Kinoringan do sokoviai it ongoulun ot osopulan sampai kaharati om kemumui sid kabanaran (1. Tim. 2,4). Ino kosopulan do penlaid antawa kotindalan penlaid rumbul satu o kiguna. Ong ino-no o kiroon, isot ulun nga asot araat o nasip. I kolunduo sid pomogunan antawa i konoruvo do sukud antawa i nunu-nopo i iadino, nga aso tantu o harati sid tinoguvangon do Kinoringan. Sabap ino, kadan-no dot oruol i ginavo, ong amu tokou lumundu antawa amu koloun. Topot atag-no ong oruol i ginavo tokou, ong amu tokou mangambat di kovosihan do Kinoringan, di nokosondot-no sid di tokou sid saralom di gama di Tuhan Yesus. Lavis: I sokoviai it ongokosusaan di nokonong sid ulun vokon antawa sid kondiri tokou, engin popuhondom di tokou dot i tokou diti amu milo-milo nga matai om korikot sid tinoguvangon do Kinoringan. Sabap ino, suvai atag o kavazao tokou. 13,6-9 I suriban di nunuk dit amu monguva. Ontok di kompusan di gama mongonsug muli sid Kinoringan, minonuriban-no i Yesus do banalko avantang om avasih o suriban. Sabap sid saralom di suriban dino nga sompi atarang: i kovosihan om i pongohukum do Kinoringan (Rom 11,22). I nabi Yesaya minonuriban-no laid dot i kabun dot anggur ot inanu dau do suriban (Yes. 5,1-7) Na i nabi kondiri o minanarang di harati: i sanganu do kabun, ino-no i Kinoringan om i kabun dau dino, ino-no i bansa di nopili om tinaud dau, ino-no i bansa dot Israel. Na asot uva dit anggur diri antawa baiko uva dot okodou om opoit. Sabap ino, rinungoi di sanganu i kabun dau, ka di nabi. Manjadi i suriban sid tuturan dino mad koluu di suriban di Yesaya. Topot varo pitonidan. Okonko it uva dit anggur ot inihim di sanganu, inoi nga it uva di nunuk di tinanom dau sid tanga do kabun. Na atalahas-no dot i kabun dino okonko rontob i bansa dot Israel, inoi nga i sokoviai i riniba. Om i puun do nunuk, ino-no dati i bansa dot Israel antawa i pomogunan do Yerusalim. Manjadi mamahanda-no i Yesus dit ongoulun diri dot, Bang amu avantang it uva dot ulun do Yahudi, o ino-no, ong amu muli ioti sid Kinoringan sampai mangagama dot apatut ponong sid Kinoringan om ponong sid koruhang, amu milo-milo nga orungoi i pomogunan do Yahudi om i pomogunan dot Israel. Ino-no vagu it iso o pitonidan di suriban diti om i dang nabi: okonko rontob i sanganu do kabun o mongitung do nunu om nunu o gamaon, inoi nga varo-po't ulun di manaud di kabun dino. Ioti miduvo dino miupakat do nunu o katagan di kabun dino. Inot ulun di manaud di kabun dino, kondiri di Yesus o harati. I gama dioti miupakat, okonko midahava antawa amu mionong i kenginan. Rontob-nopo mangakun i manaud di kabun dino do misingpogos-po. Tu kalu-kalu ong monguva-no ong alaid, ka. Na horotizan tokou dot koluu-no i suriban dino di suriban vokon di Yesus, ino-no i suriban dit ongoulun di minoniva do kabun dot araat o gama (Luk. 20,9-16) Sabap it ulun di minoniva dino apatut-no laid do hukumon, topot kakali sinuhu di sanganu it anak dau sid dioti, ka. Rontob sid suriban biano diti, amu-po noboros i kosungguvo, kiro-kiro, amu-po elaan do monguva antawa amu. Topot atarang-no i kovosihan. Okonko turus mongohukum om mananus i Kinoringan, inoi nga magavi iosido mogihim om mongumbasih di riniba. Topot atarang-no vagu i pongohukum. Tu okonko sampai penlaid monginud iosido. Sontoun-po om kakali dot asot uva, iri-ogi tagadon-nu-neno, ka. I boros diri pasal ong i tolu toun om iri-ogi sontoun nga aso harati, baiko manarang dot alaid-no monginud i Kinoringan sampai manarang-no vagu dot i kolonuto do Kinoringan dino, amu milo-milo nga mavi ong laid, ka. Nohorotizan tokou-no dot i pomogunan om i bansa do Yahudi o binoros di Yesus, i minonuriban iosido do iadino. Kagi, amu alaid banal antad di kinapatazan om kinogulianan di Yesus om norungoi-no i kuta do Yerusalim diri sampai i bansa do Yahudi nga nehas-no sid sompomogunan. Nokosunu-no ino boros di suriban, mad tinagad-no do Kinoringan i puun do nunuk dino, tu minsanko opogos i manaud do kabun sid saralom di gama mongumbasih, nga kakali dot asot uva. Topot kadan tokou mongitung dot aso-no panangan di suriban dino sid di tokou. Nohorotizan-no dit Ongoulun Kristian antadpo di kodori dot okonko baiko i bansa do Yahudi o hukumon do Kinoringan, ong amu tumolikud sid karaatan, inoi nga ipat-ipat it ulun nga hukumani ong mongusiba iosido di kovosihan do Kinoringan. Hondomo tokou i boros di Yesus sid ayat 13,3 om 13,5: Ong amu simbanan i ginavo dikou, ikou sokoviai nga mataii do iadino, ka. I hukum di nokonong sid bansa do Yahudi o mamahanda di tokou sampai monuhu di tokou do momorisa di ginavo kondiri, supaya amu tokou korundun dioti. 53
Lavis: I kovosihan om i kolonuto do Kinoringan banalko agazo. Tu minsanko apatut tokou-no laid do hukumon dau om peduon antad sid puun do kapasi, kakali dot amu-no nengkod iosido do mongumbasih di tokou. Na kadan tokou mongitung dot, Atag ong iadino. Sumuhut-oku dati ong alaid. Sumuhut-oku dati ong katalib i kosusaan biano diti, ka dati di pongitungan. Inoi nga i kovosihan dino engin pahago di tokou. Tu amu milo-milo nga varo rontob om kovian di kolonuto do Kinoringan. 13,10-17 I Yesus pengkod do sakit ontok dit adau do pongintaranan. 10-13 I sakit dit ondu dino retan-no dot antad sid rogon, ka. Sid saralom di hal dino mad mirad it ongoyahudi om Momogun, tu it angaki nga iadinoi o pongitungan: it ongosakit antad sid rogon, ka. Na kuran-no-ma o gama tokou mongitung? Tu i tudukan dit dokutol om naas sid Rumah sakit okonko iadino. Boros dioti, It ongosakit dino antad sid ongogizuk dot opodok sid saralom do vaig sampai it otilib do barat, ka. Sabap ino, osusa do gozovon i vaig sampai koridi, om atag do varo kulambo, tu manangkis do malaria, ka. Manjadi kuran-no-ma? Nunu-ka it otopot, i Kitab om i pongitungan dit angaki antawa i boros dioti sid Rumah Sakit? Okonko nunu, sompi ot otopot. I sakit do nunu-nopo songginis nga kuasa dot araat, minsanko elaan tokou-no biano do gizuk o mangagama. Nunu-ka o pibidaan, ong momoros tokou dot, i rogon dot araat, ka antawa, i gizuk dot araat, ka? Sampai elaan tokou-no do sompi sid kuasa do Kinoringan, i rogon nga sid kuasa dau om it ulun di mangasip-no sid Kinoringan, nga amu-no apatut do rumosi-po do rogon. Om i gizuk do sakit dino, nga sid kuasai do Kinoringan. Ong amu-po orikot i kenginan do Kinoringan do matai it ulun, tantu amu kapatai inot ongogizuk, songkuro-nopo karaat. Harati di boros dino, Kinoringan-no om aso vokon o kumavid di sakit om i koposizan om i sukud dot ulun. Hiza do kakal-po it ongorogon o retan do mangagama do sakit, nga Kinoringan-no laid o Tuhan om kuasa dit ongokoposizan. Tu i rogon nga tantu sid palad do Kinoringan, sampai iti biano diti do nohorotizan tokou-no i gama dit ongogizuk nga kakali i Kinoringan o Tuhan om kuasa do sakit. Sabap ong amu barakatan Dau it ongoubat, tantu aso tinganan pengkod di sakit. Topot pasal ong i gama tokou manangkis do sakit ko mogihim do katagan bahagi dit ulun di nonong-no do sakit, tantu varo-no pitonidan di hiza biano diti om i hiza dit amu-po nakasip tokou. Amu-no kavasa tokou mokipasi do rogon. Sabap i gama mokipasi do rogon dino, amu milo-milo nga varo harati do sumamba sid rogon. Na andaman tokou i keso o pinonuhuan dot, Ioku-no diti o Tuhan Kinoringan-nu. Kadan-ko-no sumamba sid Tuhan do tanid mantadko ioku, ka di Kinoringan. Sabap ino, amu tokou kavasa sumuhut dit ongokoubasan om ongovazaan dit angaki. Iso-no o harapan tokou om pokitulungan tokou, ino-no i Kinoringan. Sabap ino minta dua tokou sid Kinoringan suvab-suvab, supaya iosido o pensodu dit ongosakit antad sid di tokou. Lobipo, ong nonongno do sakit, nga minta duai, supaya i Kinoringan pakansang di guvas di sumakit sampai mamarakat dit ongoubat, ong sukul kenginan dau. Om kadan-no alazan i gama mokiubat om sumuhut dit ongohoturan dit dokutol om naas. Sabap i pongilaan pasal ong it ongoubat nga antad kavi sid Kinoringan, om aso nakagavul sino do gama sumamba sid pinokokinoringan. Mikoduvo-duvo ino minta dua om mokiubat, nga gamao tokou. Bang rontob humarap sid ubat dot amu-no minta dua, amu atag, tu ong itungon banal, okonko i ubat o pengkod di sakit, inoi nga i Kinoringan. Bang rontob minta dua o gama, tu malan mokiubat, ka, nga amui atag, tu kalu-kalu ong engin i Kinoringan mamakai dit ubat dino do pakakas dau. (Na kalu-kalu ong varo-no hiza do banalko asot ubat om aso vazaan do porikot dit ulun di sumakit sid Rumah Sakit, lobipo ohodtol i gama tokou minta dua. Tu okonko aso vazaan do Kinoringan monulung do tanid mantadko it ubat. Topot ong varo-not ubat, nga olingan tokou i gama minta dua, tantu kisala tokou. Tu kadapat tokou minta dua do sera-sera ko siombo-nopo, hiza do kisiin om hiza dot aso siin, hiza do kialud ko transport om hiza dot aso). Manjadi sid saralom di duvo ino, sompi i gamaon. Topot ontupaton i ginavo, supaya osibak om aso gama tokou do mad monguripon do Kinoringan antawa moguhang do Kinoringan. Sabap iosido o nokelo di kogunaan di nununopo i kahajangan tokou. Ong i tokou kondiri, amu tantu nokelo. Ong monulung iosido, tantu amu sumuhut iosido di suhu tokou, inoi nga sumuhut di kobinsianan dau, iadko i Yesus, nga pinengkod di sakit dit ondu diri, gima i kobinsiaanan dau. 14 Na it ulun di Minangahatul di panambayangan dino minoniag-no dit ongoulun, sabap amu katama iosido moniag di Yesus. Topot atalahas-no dot i gama di Yesus o boroson dau om i Yesus kondiri o tiagon dau dara. Ong iningon i boros dau, mad nonong i gama dau mongitung. Tu mongoguna iosido dit adau do pongintaranan di nahatul-no do Kinoringan sid saralom do Pinonuhuan. It adau dino, Kinoringan-no o sanganu. Om isai-nopo i gumama ontok dit adau dino, nga mongusiba di Kinoringan, ka di pongitungan dau. Banal-neno. Kinoringan-no kondiri o minangahatul dit adau dino. Sabap ino, kadan tokou mongorungoi om mongunang dit adau dino. Topot mitanid i hoturan dit adau do pongintaranan dit ongoadat kodori. I kodori nga varo-no laid it ongoadau dot amu kavasa gumama om minsanko mindahu, nga amui kavasa. Ino iadino dino, supaya amu onong do kosusaan, ka. Tu, ka, a-kasau om ounang i tomodon do rogon antawa nunu-nopo it osundu, ong gumavul i riniba, ka. Na i tinomod do Kinoringan mangahatul dit adau do pongintaranan dino, banalko tanid. Okonko i kosusaan o sabap, gam i kosinangan do riniba. Nopongo-po iosido mongurug di sompomogunan sampai i riniba, osinang-no i ginavo dau om minintoronon-no iosido. Na minonuhu-no iosido di riniba do mintoron-no dit adau do pongintaranan dino, supaya kadapat rumehat i riniba iadko i Kinoringan. Manjadi ong engin tokou sumuhut di hoturan dit adau dino, amu milo-milo nga itungon tokou i tinomod om i kenginan do Kinoringan di minangagama di hoturan dino. Kadan tokou peradon i Pinonuhuan dino dit adat 54
kodori. Tu it adat di kodori dino mad ponong sid kosodirizan di hal do riniba om i nunu-nopo i dang rogon om sundu. Topot i Kinoringan nga engin do varo piniizaan dau om i riniba sampai i riniba mongohondom di kinourugan dit antad sid palad om boros do Kinoringan. 15-16 It adau do pongintaranan, adau do kaapasi, ka. I Yesus tinumimpa dioti dot, Ot ongoulun di mangakal, ka. Ino pongoretran dino elaan tokou-no dot it ulun Parisi o binoros di monimban di kenginan do Kinoringan om mangamu di pinonuhuan do Kinoringan dot ipokindazou bahagi di kondiri dau (Luk. 11,37-54). Manjadi sid saralom di timpa dau dino, manarang i Yesus dot it adau do pongintaranan okonko mamalud dit ongoulun, inoi nga nahatul-no bahagi di kosinangan do riniba. Ong i hal do pangazam ot itungon, ka di harati di boros di Yesus, mad atalahas sid dikou ino iadino. Nokokuro, ka, tu amu-kou kaharati, ong riniba ot itungon? ka. Kagi, it adau dino popuhondom di tokou di kinapangaan di gama do Kinoringan mongurug di sompomogunan sampai i riniba. I hiza diri avantangan i Kinoringan di nangagama dau. Tu tantu banalko avantang om aso kosusaan om karaatan. Manjadi biano diti, tu varo-no nokembulai do karaatan om kasalaan om varo-no kosusaan antad sid gama di vozoon do rogon di mongunang do riniba, amu-no avantang i sokoviai. Topot kenginan do Kinoringan do mongumbasih-no vagu om pouli vagu sid kobuatano dit atag. Aso tomodon om gamaon vokon di Yesus mantadko ino, Pouli om mongumbasih di riniba. I gama dau monulung dit ongoulun di sumakit om i gama dau mangahabal di habal do kovosihan sid ongoulun di kisala sampai i gama dau mananggung di riniba sid saralom di kinapagasan om i kinapatazan dau nga ponong kavi sid kotindalan om koumbosihan vagu do riniba. Manjadi, kuran-no-ma? Apatut dot it adau do pongintaranan di nahatul di Kinoringan kondiri o manangkut di Yesus? Tantu-tantu ko amu. Harati bahagi di tokou: Ombo i hal di posurut di koumbosihan do riniba om i koulian do riniba sid Kinoringan, ino-no o kavasa mangagama ontok dit adau do pongintaranan. 17 It ongoulun di noumpug sirid panambayangan amu-po atalahas dot isai o suhuton, i Yesus antawa it Ongoparisi. Topot avantang i boros di Yesus sampai minongindazou ioti sokoviai di gama di Yesus. Topot, okonko sampai penlaid do iadino it ongoulun. Amu-no songkuro diri om minongohukum sampai minongolupu-no it ongoulun di Yesus sid tinoguvangon di Pilatus. Topot elaan tokou dot amu sinumuri i Yesus, minsanko aso-no monukung dau. Om tohudi't adau nga atalahas-no sid ongoulun sid Yerusalim dot okonko notori i Yesus sid Golgota, inoi nga nakamanang, sampai ogumu-no o minangasip sid di Yesus. Manjadi ino kobuatano kakali sampai biano. Varo hiza do kadapat tokou posuhut dit ongoulun, ong sukul atag i gama tokou momoros om tarangon tokou banal i kenginan do Kinoringan dit avasih. Topot varo vagu hiza do kumodou it ongoginavo dot ulun sampai tantu amu-no mongining. Na kadan-no dot ogolivong tokou antawa apalid tokou. Sabap okonko it ongoulun o mamanal di habal tokou, inoi nga i Kinoringan. Ong mongindazou it ongoulun do Kinoringan, gima i boros tokou, nga atag. Ong sumaap ioti, kadan-no avangaan. Tu iadino-no laid hiza di Yesus. I kabanaran amu milo-milo, nga mimbulai tohudi't adau. 13,18-21 I suriban di linsou do pazas om i pangambang (Markus 4,30-32 om Matius 13,31-33) 18-19 Ontok di suriban dino amu nisuhut banal i boros do Momogun di boros sid Yunani. Andaman tokou dati antad sid Injil di Matius om i di Markus dot okonko linsou do pazas o binoros, inoii nga linsou do sasavi, ka. Sid BM nga sasavii o noboros. Banal-neno. Ong sid pomogunan di Yesus diri, i linsou do sasavi it opodok banal o linsou. Topot sid Sabah, mad isot ulun nga aso nokemot do sasavi, tu amu sumuni sid Sabah. Sabap ino nogontian-no i sasavi dit iso o hal di koubasan sid Sabah. I sasavi dino om i pazas okonko mirad banal, tu i sasavi dino okonko totodukon, inoi nga pangavau. Topot tonomon dot ongoulun iadko totodukon sid natad do valai. I linsou dau opodok mantadko i linsou do pazas, nga i puun dau amu-no kerad di pazas o kogozoo. Ino-no mirad do pazas. Opodok i linsou, nga gumazo banal sampai kibuatan-no do iadko kazu. Pasal ong i harati di suriban dino, amu ogumu o boroson. I karajaan do Kinoringan iadko i linsou do pazas it opodok om mad aso guna, gam iada dot ulun sid natad. Topot ong alaid-laid, gumazo-no. Na i karajaan do Kinoringan pengkaai. Opodok om mad aso guna i kinotimpuunan. Topot amu milo-milo, nga gumazo sampai tumongkop sid sompomogunan, ka. Kalu-kalu ong varo-po harati dit ongoombolog di mirumun sid ongoraan dau. Tu varo-no mongitung dot ino-no it ongoulun do labus di mad sumunsud sid gorija do Kristian sampai mamakai-no di hoturan do Kristian, minsanko amu nokosuvang banal, ka. Ino buatan dit ongoulun do labus, atalahas-no biano sid Sabah. Topot okonko rontob sid Sabah, inoi nga minsanko sid ongopomogunan dit alaid-no Kristian, varo iadino. Sabap ogumu ot ulun dit amu-no atatap banal sid kosipan do Kristian, nga kakali do mongoguna di hoturan om kavazao di nituduk sid Kitab. Kagi, iti biano diti, okonko rontob toriso-iso ot ulun do sumusui di gama do dang Kristian, minsanko amu nakasip, gam varo-n a-ko piro ot ugama vokon di sumusui di gama om hoturan do Kristian bahagi di kavazao dot ulun om i vaza do sumambayang. Topot minsanko iadino, kadan tokou mongitung dot aso-no bida dit ongougama dino. Tu ong baiko mirumun, okonko miopud do puun, om i janji di Tuhan Yesus bahagi di kembulazan di karajaan do Kinoringan ontok do penlaid, nga amu anangan ioti. Iso-po ot ontupaton tokou. i suriban dino nga suriban di karajaan do Kinoringan. Aso boros di Yesus dot i karajaan dino, ino-no i gorija di Kristian. I gorija rontob-ogi tanda di karajaan dino, sampai nokotimpuun-no i karajaan dino sid saralom do gorija. Topot i karajaan do Kinoringan tumalib di gorija, sampai minsanko atanus i gorija, kakali dot amu tumanus i karajaan do Kinoringan. Tu i karajaan dino okonko rontob sitid pomogunan, inoi nga i janji di Yesus bahagi di gama do gumazo nga it ontok do penlaid o binoros. 55
20-21 I suriban di pangambang. I hal do pangambang dino, osusa do tarangon dot okudik. Tu amu oubas banal it ongoulun mamakai di pangambang, ong sid roti. Duvo kagi o ginis do pangambang sid ongokadai. It iso dino mad tinapung dot opurak o buatan. Ong i pongoretan dot Inggeris, nga Baking Powder, ka om i koduvo dino mad linsou dot balatung dot Dry Yeast o ngaran. I koduvo i bansa do pangambang dino koluu-luu di pangambang di noboros di Yesus. Ong igavul sid tinapung do gandum, kumambang-no banal sampai avi dau i tinapung dino dot aso momurugou. Kondiri di pangambang o mangagama do iadino. (i hiza di Yesus aso-po Dry Yeast dino, inoi nga ong magazau-no it ulun do roti om nakambang-no i tinapung dino, manganu-no iosido dot okudik antad sid nakambang dino sampai itahu, tu ino-no o pangambang bahagi di suvab. Susuvab-po, ovunos-vunos ngaran i nakambang laid dino, ong koduvaan-no, ovunos-no banal sampai amu-no apakai-po do pangambang do tinapung. Topot ong baiko sangadau, banalko obisa i pangambang dino). Ong i pangambang di koubasan do Momogun, bai kiguna bahagi di monginomol. Na elaan tokou dot hiza do Paska, ontok di kinolobusan antad sid Masir, minangagama it ongoulun dot Israel do roti dot aso pangambang, tu keso, humago ioti mamanau dot aso tinganan do monginud-po do kumambang i tinapung, om koduvo, minsanko okudik dot novunos nga aso nagavul sampai osusi banal ioti, hiza di linumabus sid Masir, ka. Sabap ino varo-no suriban di Yesus dot onuvon dau i pangambang dino do suriban bahagi di karaatan dit ongoulun do Parisi (12,1). Topot sid saralom di tuturan diti, okonko ponong sid araat, inoi nga ponong sid avantang i harati di pangambang dino. Kadan dot ogolivong tokou. Manjadi, i harati di suriban dino, mad atalahas-no. Minsanko opodok i kotimpuunan di karajaan do Kinoringan om ogumu-po ot ulun nga mongusiba, kadan-no mongitung dot aso guna. Tu i kuasa do Kinoringan o posurut di karajaan dino sampai gumazo ino dot mad amu nengat dot ulun. Na varo iso o pitonidan di duvo i suriban dino. Ong i suriban di linsou do pazas diri, nga i gama tumongkop sid pomogunan o noboros sampai i pongitungan dit ongoulun dit okonko Kristian di mongozi-ozi di hoturan om i gama do dang Kristian. Ong sid suriban di pangambang dino, nga i kuasa dit elo monimban di buatan om i ginavo dot ulun o noboros. Sabap ong kumambang-no ino pangambang dino sid saralom do tinapung, okon-noko tinapung-po i nakambang dino, inoi nga nosimban-no i buatan dau. Manjadi i karajaan do Kinoringan nga pengkaai. It ulun di mangasip-no sid Tuhan Yesus sampai ajadi-no do sambahagi di karajaan dau, iosido-no o norikatan do kuasa om pongitungan dau, ka di harati di suriban dino. Na elaan tokou-no dot okonko i sokoviai it ongoulun di nokosuvang sid piumpugan do Kristian ot atag i kavazao dau. Ogumu-gumu-po't ongobpinai dit amu-po nosimbanan i ginavo om i pongitungan dau, kakali sumuhut di koubasan do riniba, minsanko norongou-no dau i habal di Yesus dot alaid-laid-no. Sabap i habal do Kovosihan dino nga okonko iadko ubat antawa iadko automatik, inoi nga it ipat-ipat ulun di norikatan di habal dino, masti mangakun dot ino kuasa o monimban di kobuatano dau. Ino gama do mangakun dino o retan-no do mangasip antawa sumuhut. Na ino-no vagu o pogintutunan dot i karajaan do Kinoringan om i gorija ko piumpugan do Kristian okonko iso-no o hal. Sid saralom do gorija amu milo-milo, nga varo-po nakagavul it ulun dit amu mangasip banal. Ioti dino okonko dang karajaan do Kinoringan, minsanko nokosuvang-no sid piumpugan do Kristian. Ong orikot-no it ontok do penlaid, koponodiri-no i Kinoringan dit ongoulun (Mat. 13.24-30; 25,31-46) Topot ino hal dino boroson-no di Yesus sid tuturan di sumuhut di tuturan diti. Rontob ino ot atalahas biano: magavi tokou-no mangasip om mokiumbasih tokou banal di Yesus, supaya kamung tokou sid karajaan dau. Lavis: Kadan tokou ogolivong om kadan tokou humongkob ong opodok antawa ousiba om opogos i piumpugan tokou. Tu tohudi't adau obohogizan tokou di kinamanangan di Yesus. B. 13,22-17,19 I koduvo i bahagi di kinapamanahan di Yesus kumaa sid Yerusalim. Nohorotizan tokou-no dot i gama di Lukas monuturan di kinapamanahan di Yesus kumaa sid Yerusalim nga manarang-no di kobuatano di Kristus om i karajaan dau sampai okonko rontob monuturan iosido do popuhondom di tokou dit ongokinahajangan di Yesus i hiza diri, inoi nga i hal dino kipanangan sid ongoulun di mangasip sid di Yesus tohudi't adau. Sid 13,22 kenduvo-ogi momoros i Lukas do minamanau i Yesus kumaa sid Yerusalim. Ino-no o sabap dot kiroon-no i 13,22 sampai 17,10 do koduvo o bahagi di kinapamanahan dino. Sid 17,11 tumimpuun-no i kotolu i bahagi, tu kentolu-ogi arait i rikoton di Yesus. Manjadi i bahagi koduvo dino nga bohogizon-no vagu dot inturu, dot inot ongobahagi dino, nga amu enizo, tu vokon-no ong baiko iso o tuturan. Vokon-no ong tolu antawa apat o panangan. Pengkaa inot ongobahagi dino: 13,22-30 I vazaan sumuvang sid karajaan do Kinoringan 13,31-35 I pokosubu i Yesus di Yerusalim 14,24 I poginakanan sid valai dit ulun do parisi 1-6 I pinengkod i Yesus di sakit dot ulun do kipalou 7-11 I boros di Yesus sid ongolinigou 12-14 I boros di Yesus sid ulun di mangahatul do poginakanan 15-24 I suriban di poginakanan dot agazo 14,25-35 I horogo om i kogunaan di gama kumoruhang di Yesus 15,1-32 I kotomon do Kinoringan bahagi dit ulun di muli sid dau 1-3 It ongoulun do Parisi moguhang di Yesus. 56
4-10 I suriban di domba om ringgit di natagak 11-32 I duvo it anganak di tanid o kavazao. 16,1-31 I kogunaan om i kosusaan di kolunduo sitid pomogunan -7 I suriban di mandul dit amu abanal 8-13 I kolunduo sitid pomogunan om i sid surga 14-18 I kabanaran om i pinonuhuan 19-31 I suriban dit ulun do lumundu om i Lazarus 17,1-10 I hoturan sid piumpugan 1-4 I gama mangada di sala do koruhang 5-6 I gama mangasip 7-10 I pongitungan dit ulun dit atatap bahagi di kondiri dau. Manjadi ong ensanan inot 13,22-17,10 ot itungon, atalahas-no dot tudukan-nopo bahagi dit ulun di mangasip sid kondiri, dot toriso-iso o hal o tarangon di Yesus, ino-no, i gama mokisasavat om i gama mokisuli amu mionong di kovosihan do Kinoringan (14,1-24), i kotomon do Kinoringan bahagi dit ulun di muli sid dau (15,1-32 om i hal do kolunduo (16,1-31) 13,22-30 I vazaan sumuvang sid karajaan do Kinoringan (Mat. 7,13-14; 25,11-12) Ino tuturan dino iadko simbong om piuhalan di popisuput di bahagi keso om koduvo di kinapamanahan di Yesus. Sid saralom di bahagi keso diri, natalahas-no di Lukas dot agazo i pitonidan di tudukan di Yesus om i dang Ongoparisi, sampai i pitonidan dino, amu milo-milo nga sumunggu-no sid kapagasan di Yesus sorid Yerusalim. I kinompusan di bahagi keso dino mad monginsasamod, mad mamahanda dot, Kadan-kou-no ogolivong. Tu minsanko opodok om ousiba i piumpugan dikou, kiharapan-kou-no di karajaan do Kinoringan dit agazo om pentongkop om i koponimban di ginavo dot ongoulun, ka. Na nohorotizan tokou-no laid dot ino karajaan dino om i gorija do Kristian okonko iso o hal. Tu i karajaan nga arangkap banal om amu tumanus sampai penlaid om i kotulukan banal di karajaan dino, nga it ontok do penlaid. Topot ong i gorija, nga kakali sid saralom do vinangun diti om varo-po nakagavul dot aso tantu-tantu. Manjadi i tuturan dino manarang dot i Yesus kumaa sid Yerusalim. Sori-no o kapagasan om kapatazan sampai i kogulianan dau. Harati dino, i karajaan do Kinoringan amu kosunu, ong okonko matai-po laid i Yesus, tu mananggung di riniba om mongimbulai di koposizan penlaid sid saralom di kogulianan dau. Na i koduvo i tomodon di tuturan dino, tumimpuun-no i Yesus manarang dot isai om isai ot osopulan. Antad dit ayat 23, inot duaton dit iso it ulun dino dot, O Tuhan, okudik naku ot ulun dit osopulan, ka, sampai avi i bahagi koduvo dino (17,10), amu-no engkod i Yesus manarang do kuran i buatan dit ulun di mangasip banal om kuran di buatan dit ulun di baiko misingkristian antawa i malid-palid sid saralom di vinangun diti. Sabap ino, apatut-no do momoros tokou dot i tuturan diti mad piuhalan ko simbong di bahagi keso om koduvo di kinapamanahan di Yesus kumaa sid Yerusalim. 13,22-24 Kananganko i kosopulan: Nohorotizan tokou-no laid i tinomod dit ulun di minongoduat dot isai ot osopulan. I karajaan do Kinoringan di binoros di Yesus, Isai-ka o kosuvang? Ogumu-ka? ko okudik? Nunu-ka songulun? ka dit pongitungan dit ulun monginsosok. Mad engin iosido mokitalahas di tanda dit ulun do iadino. Nokokuro-ka om nunu o kogunaan? ka dau mongoduat. Aso boros sid Kitab pasal ong i sabap dino. Topot amu apagon banal humarati. Ogumu ot ulun dit engin dot tontuon-no laid i kosuvangan dau sid surga. It ongoadat dit ongoulun do Parisi, nga iadino o harati. Ong suhutonneno sokoviai, ka, amu milo-milo nga kosuvang sid surga, ka. Om it ongougama vokon di humarap banal sid adat, nga pengkaai. Minsanko it a-ko piro gorija do Kristian, varo do iadino o tudukan. Elaan tokou dot hiza di Martin Luther kodori, nga varo minongojuval do iadko tikit do surga. Banalko agazo o ginavo dot ulun do manantu di kosuvangan sid surga dino. Keso bahagi di kondiri. Osinang-no mongitung, ong elaan-no laid, ka. Koduvo-po bahagi do koruhang. Mongozi-ozi banal it ulun ong kadapat-no momoros dot, i kuvo dino, nga kosuvang sid naraka, ka, antawa iolo dino baiko misingkristian om amu kosuvang sid surga, ka. Topot i Yesus banalko amu mangakun di kenginan do iadino. Andaman tokou i suriban dau bahagi di gandum om i sakot (Matius 13,24-30). Sompi posuni-sunizon ilo sampai pengrikot do mongomot, ka. Suvaiko orikot-po it ontok penlaid om kadapat-ogi manantu di kosuvangan sid surga. Manjadi sid saralom di tuturan dino, nga iadinoi i timpa dau. Iti biano diti, okon-poko norikot i kotontuan dino. Iti biano diti, ontok dot apatut magavi, supaya kosuvang, ka. Magavi-kou-no banal. Tu okonko oruhai. Tu ogumu ot ulun dit engin dara sumuvang, topot amu kadapat, ka. I sabap di gama di Yesus do iadino, amu engin iosido do jumadi tokou do iadko hakim do koruhang om amu monginsavat tokou di kondiri antawa ong i vokon nga rumompukot-no i ginavo dau, tu retan-no dot a-kosuvang, antawa mad malan-no, tu retan-no do notontuan-no laid. 25-28a It ulun dit a-kosuvang sid karajaan do Kinoringan. Sid ayat 24 nanu-no di Yesus i lalavangon dot opiit do suriban bahagi di kosuvangan sid karajaan. Aso boros dau do nunu i harati di lalavangon om nunu i harati dot opiit dino. Baiko ino ot atalahas: osusa do magavi mogihim, tu amu oruhai, ka. Manjadi sid ongoayat di sumuhut dino, ovion-no di Yesus i suriban dino. I lalavangon dino nga rongobon do valai om i valai dino mad i karajaan. Avantang kagi, tu kijanji-no do varo poginakanan dot ahatul. Manjadi i sanganu di valai dino (antawa i mangahatul sid valai dino, tu iseso o pongoretan sid boros Yunani), ino-no i Yesus kondiri. Ong norikot-no i 57
jaham di poginakanan dino, mingkakat-no i sanganu di valai om kunsion-no dau i rongobon dot aso-no kosuvangpo tanid mantadko i nokosuvang-no laid. Manjadi atalahas-no dot monuriban i Yesus bahagi di korikatan dau vagu antawa i kovian do pomogunan. Ong ontok didino, kakali ogiang i rongobon dino, om it ongoulun dit agazo o ginavo om i magavi banal, nga kadapat-po sumuvang. Topot ong orikot-no i janji, aso-no kosuvang vagu, ka. Manjadi varo-not ongoulun di rumikot do nokunsi-no i rongobon. Na i gama dioti kumiboros di Tuhan, banalko agazo o harati. Boros di Tuhan, Amu-ku elaan dot antad-ma sionggo ong ikou, ka dau. Na atalahas-no dot it inantadon o kiroon di Tuhan. Topot amu-po elaan dot nunu songinantadon o boroson dau. Na momoros-no vagu ioti dot, Minakan-okoi om mininum-okoi sid tinoguvangon-nu, ka, om sid ongoralan dahai nokoponuduk-ko diri, ka dioti. Harati di boros dino, Nokokuro, tu amu otutunan-okoi dikau? ka. Ino makan om minum sid tinoguvangon di Yesus, kalu-kalu ong i poginakanan di Tuhan Yesus o noboros, om i gama di Yesus monuduk sid ongoralan dahai, nga i gama sumambayang, tu ontok-no do sumambayang oubas it ongoulun do mongining di tudukan di Yesus. Manjadi ong iadino i harati, atalahas-no dot varo-not ongoulun di nokosuvang-no sid piumpugan dot ulun Kristian sampai nokelang-no sid poginakanan di Tuhan Yesus om noubas-no sumambayang, nga kakali dot amu otutunan di Tuhan. Tu momoros-no vagu iosido dot, boroson-ku sid dikou, Amu-ku elaan dot sionggo antad ong ikou. Pogidu-kou-no sid dohon, ot ongoulun, i minangagama dit amu apatut, ka dau. Nunu-no-ma inot inantadon di boros di Yesus dino? Andaman tokou i boros dau sid F. 12,34: Siombo-nopo i barang dikou, siri-no i ginavo dikou, ka di Yesus. It ulun di mongoguna do barang dau ko pangkat om i nunu-nopo songhal sitid pomogunan, mantadko i Yesus om i karajaan dau, okonko i Yesus ot ulion dau ong otopot-no, inoi nga iti pomogunan diti ot ulion dau. Ino-no o boroson vagu di Yesus sid saralom di suriban diti. Okonko ioku ot ulion dikou, inoi nga it ongohal dit aso tantu-tantu sid saralom di vinangun di tumanus ot ulion om harapan om itungon dikou. Na pogidu-kou-no sid dohon, ka. Pasal om i gama dit amu apatut, aso boros di Yesus do nunu om nunu songgama ino. Topot elaan tokou i tuturan di Yesus sid Matius 25,31-46. Siri-no ot anaru o panarangan dau bahagi di gama dit apatut om it amu apatut. Boros dau, i gama dikou monulung dit isot ulun dot osibak it obpinai-ku, iadnoko ioku o tinulungan dikou dino, ka dau sid ongoulun di ponong sid vanan. Om sid ongoulun ponong sid gibang minomoros iosido dot, I gama dikou dot a-kou monulung dit iso it ulun dot osibak it obpinai-ku, iadnoko ioku ot a-tinulungan dikou dino, ka. I gama dot apatut dino, ino-no i kobinsianan om kotulungan sid koruhang, isuhut di kobuatano om i gama di Kinoringan kondiri. Pengkaa dino, i gama dit amu apatut dino, ino-no it aso kobinsianan sumuhut di kobuatano di vozoon do rogon, i mamalid dit ongoulun sid saralom di gama mokilulundu om mokisasavat om monori do koruhang. Manjadi andaman tokou dati i boros di Paulus dot, Embanaran i riniba antad sid gama mangasip, okonko antad sid gama monuluk di Pinonuhuan, ka. Banal-neno. Amu engin i Kinoringan do tumoronong tokou sid dau sampai momoros dot, Imatai-oku-no diti, ino om ino nga nagama-ku om notuluk-ku, ka dati di gama dot ulun di mokibanal antad sid pinonuhuan. Topot minsanko aso tinganan do mokibanal antad sid pinonuhuan, okonko aso gamaon dit ulun di mangasip. Ino-no o gamaon tokou ulun Kristian, peradon-no i ginavo tokou di ginavo dit Ama sid surga i kikobinsianan om it asamod (Mat. 5,48). Ino-no ot ihimon di Tuhan Yesus ontok di hukum do penlaid, i ginavo dit osibak om it obinsianan. 28-30 Ong nokunsi-no i rongobon, aso-no vazaan-po sumuvang sid kosinangan do surga. Topot nohorotizan tokou-no dot okonko rontob nalazan dioti i jaham di janji bahagi di kotimpuunan do poginakanan, inoi nga varo gama dioti dit amu apatut sid ongoulun vokon. Manjadi atalahas-no dot ontok didino, tu amu-po norikot i janji di korikatan vagu di Tuhan Yesus, nga kakali kadapat tokou monimban di kavazao tokou, supaya sumusui di kovosihan do Kinoringan. Topot ong korikot-no i jaham dino, aso-no tinganan do monimban-po antawa mangatag-po di kavazao. Ino korikatan vagu di Yesus o manantu do siombo o rikoton dit ipat-ipat itulun, sid surga, ka, antawa sid naraka, sid poginakanan di karajaan do Kinoringan, antawa sid pogihadan om pogkikipan do nipon, ka. Manjadi isot ulun sid pialatan tokou nga aso nokelo di jaham dino antawa i jaham di kapatazan dau, nga amui elaan. Sabap ino, magavi tokou-no posuhut dit ongoginavo tokou sid kenginan do Kinoringan. Topot kadan tokou mongitung dot engin i Yesus mongindorosi di tokou om ino-no o vazaan dau posuhut di tokou. I kompusan di tuturan dino, banalko avantang o boros bahagi di tokou. Tu antad di hiza di Ibrahim kodori baiko iso o bansa o nakadapat di janji do Kinoringan. Om i hiza di Tuhan Yesus, kakali do minongitung it ongoulun do Yahudi do rontob ioti ot osopulan sid saralom di hukum penlaid. Na monuduk-no i Yesus dot okonko iadino o kenginan do Kinoringan. Varo-no rumikot antad sid kosilahon om kotonobon, antad sid utara om selatan, tu milang monginakan sid karajaan do Kinoringan, ka. Ensanan i riniba ot anangan di gama di Yesus mananggung. Iadino-no laid i janji do Kinoringan sid di Ibrahim, om iadino-no i kinasarahan dit ongonabi (Kinotimpuunan 12,3; Yesaya 2,1-3) Okon-noko i pitonidan do bansa ko kulit o kiroon do Kinoringan, inoi nga isai-nopo i mongoguna di Yesus om i hoturan dau ot otorima. Sabap ino, Tujuo-no i ginavo tokou, supaya amu ajadi tokou dot ulun i sid tohudi banal. Lavis: Amu engin i Yesus do mogihim tokou do tanda dit ulun dit osopulan do momorisa di koruhang ko minginsavat di kondiri o tomodon. Inoi nga monuhu i Yesus di tokou do momorisa di ginavo kondiri, supaya kosuvang tokou sid karajaan dau, ong orikot it ontok do penlaid. 13, 31-35 I pokosusa i Yesus do Yerusalim. Duvo o hal o posuput di tuturan sid tuturan laid dino. Keso, 58
manarang-no vagu dot i Yerusalim o rikoton di Yesus om sino kagi i kosungguvo dau, ino-no i kapatazan dau. Om iri-ogi, sid saralom di gama di Yesus pokosusa do Yerusalim, mad kakali timpaon di Yesus i duaton dot ulun diri dot, Isai-ka ot osopulan? (23)Tu ogumu it ongoulun minongitung dot aso kosusaan di Yerusalim, sabap iadko pomogunan do Kinoringan, gima sino-no i panambayangan dot osusi, ka. Na boros di Yesus, kadan-kou-no humarap dot amu otori i Yerusalim, inoi nga opogunan ino valai dikou, sabap sumaap-kou di Kinoringan om amu iningon dikou it ingut dau, ka di Yesus. 31-33 I boros di Yesus sid di Herodis. I Herodis diri nahatul-no di Porinta do Rom do kingaran iosido do raja sampai varo't istana dau. Om i kavazao om kolunduo dau nga iadko raja. Topot aso tantu do kuasa dau. Ino-no i kikuasa, i Pilatus om it ongosojal dau. Na nelaan-no di Herodis i buatan dino dot amu-milo-milo, nga aratu iosido antad sid kinogomon dau, ong amu sumuhut iosido banal di kenginan dit Ongoromi. Manjadi, norongou-po dau dot rinibuvan ot ulun mumpug sid di Yesus. Mad rumosi dati iosido dot ajadi ino do hal dot agazo om hal do politik sampai rinumosi-no dot iosido ot ohungatan dit Ongoromi sampai sunsubon dioti. Ino dati o sabap do kenginan dau do mamatai di Yesus. Manjadi it ongoulun do Parisi, i minangahabal di hal dino sid di Yesus, nga amu atarang do kuran i pongitungan dioti. Kalu-kalu ong sinuhu ioti di Herodis, tu amu otopot banal dot engin iosido mamatai di Yesus, rontob-ogi peduon dau i Yesus antad sid pomogunan di hoturon dau (ino-no i Galilea om Berea). Sabap ino, baiko mongindorosi iosido. Om nelaan-no dati dau dot inot ongoulun do Parisi, nga amu ozi di gama di Yesus. Sabap ino mokitabang iosido dioti. Topot amu atalahas banal ino. Varo-no vokon di mongitung dot avantang i ginavo dioti om engin banal manangkis do kosusaan di Yesus, ka. Tu elaan tokou-no i karaatan di Herodis dino, tu nakapamatai (minamatai) di Yahya. Manjadi sid saralom di timpa dau, retan-no di Yesus i Herodis do kaparazan. Sid pomogunan do Yahudi minongitung it ongoulun dot i kaparazan dino elo banal mongitung om kiakal banal sampai osumbung iosido om oburuvak-po. Sabap okonko otopot dot orongit banal, baiko misingrongit, ka, tu banalko amu kerad dot orimau ko mondou antawa inanansad, ka dit ongoulun do Yahudi. Manjadi ong elaan-no ino, ohorotizan-no i timpa di Yesus. I harati, Amu rumosi-oku dikau. Tu aso kuasa-nu, songkuro-nopo kologod o gama-nu mongindorosi dohon, ka. Topot sid lombus di timpa dino, nga atalahas-no dot okonko humarap i Yesus dit ongoulun do Rom, inoi nga Kinoringan-no o harapan dau. Ioku-no diti, varo gamaon-ku antad sid Kinoringan, o ino-no pengkod do sakit om monunsub do rogon. Na isot ulun nga aso kadapat manahan dohon. Topot amu-no alaid om opongo-okuno. Manjadi okonko ikau o kapamatai dohon, tu amu milo-milo, nga matai-oku sid Yerusalim iadko it ongonabi, ka di harati di boros di Yesus. Sid saralom di boros dino pentahan-no vagu i Yesus di kapagasan om kapatazan dau. Kagi, aralom i boros dau dino. Sabap ong ulun dit amu kaharati mongining, ino biano om suvab-po, ka mad pamarasan dit ongoulun do Yahudi dot ino-no o harati, Amu-no laid, ka. Topot i tokou diti, nga elaan-no dot i kapatazan om i kogulianan dau dit adau do kotolu o binoros, om it opongo-oku-no nga aralom-no vagu, tu i kamanangan dau sid saralom di kapatazan o binoros (imatai Yahya 19,30). Manjadi i panangan sid di tokou nga ino-no. Obuli tokou misisingilo sid di Yesus dot nunu-nopo i kahajangan dit ipat-ipat it ulun, nga sid palad kavi di Yesus. Tu amu elaan tokou laid dot nunu om sera i kapatazan tokou. Topot kakali dot amu apatut do rumosi tokou. Ong kenginan do Kinoringan do matai tokou, a-milo-milo nga matai-no. Topot ong engin iosido dot apasi tokou, nga a-milo-milo nga apasi tokou, songkuro-nopo kologod i gama dioti mongindorosi. Om i kosungguvo tokou diti, nga ino-no i kinapangaan di Yesus, o ino-no i koposizan penlaid. 34-35 I kosungguvo di Yerusalim. I pomogunan do Yerusalim diri nokoronuw-no sid ongopomogunan sid mintutuk antad-po di hiza di raja Daud. I ngaran dino, varo harati, ino-no, Pomogunan do kopioondusan ko Kota Salam. Varot ongotuturan sid Kitab di manalahas di pongitungan dot ongoulun, minsanko ulun do labus, pasal ong i Yerusalim dino. Andaman tokou i tuturan di raja dot ondu antad sid Sheba, i rinumikot sid di Sulaiman (1.Raja 10,1-13, imatai i panarangan sid Lukas 11,31). Om andaman tokou-no vagu it ongoulun do Majus di rinumikot sid Yerusalim, hiza di notingaha dioti i korimbutuon diri (Matius 2), ko i panakavan do raja do Selatan, di rinumikot, tu sumamba siri sampai minangadagang sid Yerusalim di Kitab di nabi Yesaya. Na i minuli-no iosido, sinuhu do Kinoringan i Pilipus do tumoronong sid dau om mangahabal sid dau di Habal do Kovosihan (UR 8,26-40). Ioti dino sokoviai minongoguna di Yerusalim, okonko rontob gima i kavantangan dit ongovalai sino dino, inoi nga mongoguna di hoturan sid Yerusalim, i raja om i panambayangan dot osusi. Kagi ino-no i kinapangkatan di Yerusalim dino dot kinogomon do raja om kinogomon di panambayangan dino, antad di raja Daud om i Sulaiman. Om ino iadino dino, nga sompi antad sid Kinoringan. Tu i Kinoringan o minangahatul di kinarajaan di Daud om i panambayangan (2.Samuel 7). Manjadi okonko rontob it ongoulun do labus o minongoguna di pomogunan do Yerusalim, lobipo dati it ongoulun do Yahudi. Sabap toun-toun miniuumpug ioti sid Yerusalim do minsanko it ongoulun di nehas-no sid ongobansa vokon, nga miniuumpugi. I Yerusalim dino o najadi do puun dit ugama do Yahudi. I Zabur 46 manalahas banal do kuran i pongitungan dioti kananganko i Yerusalim, om i Zabur 48 nga pengkaai. Om otopot kagi i boros sid ongozabur dino, tu i Kinoringan o harapan om sunsudon di bansa dot Israel antad di kodori-po. Ong okonko i Kinoringan o minongopud, tantu amu nopud i bansa dot Israel. Topot varo-no laid boros sid Kitab di mamahanda dit ongoulun dot Israel do kadan-no mongitung dot i valai do panambayangan dino o kapanapul. Isai-nopo it engin humarap om sumunsud sid Kinoringan, amu milo-milo nga 59
sumuhut di kenginan do Kinoringan. I nabi Yeremia nga banalko apatong i boros dau, kananganko ino hal dino (Yeremia 7,1-15 om 26,1-24). Manjadi mad netung-no di Yesus i hal di Yeremia, i minomoros iosido di boros sid ayat 34-35, dot okonko rontob i tuturan di Yeremia diri, inoi nga i kinapagasan di Yeremia nga netungi dau. Sampai i kinapatazan di Uria i nisurat di Yeremia 26,20-23 om it ongonabi di napatai di noboros-no laid di Yesus sid 11,49-50, netung kavi dau. I Yerusalim dino napangkat om sinamadan do Kinoringan, om inot ongonabi di sinuhu do Kinoringan do pouli om mongumbasih dit Ongoisrael, nga pogintutunan di samod do Kinoringan. Topot it ongoulun sid Yerusalim mad engin ko ozi di pangkat dino. Rontob-nopo, i minamangkat di pomogunan dino, ino-no i Kinoringan, nga amu suhuton dioti, gam pinatai dioti it a-ko piro it ongonabi di sinuhu do Kinoringan. Kagi, i kobuatano dino, amu-no songkuro om sumunggu-no sid sala di banalko agazo, o ino-no i gama dioti mamatai di Yesus. Nelaan-no banal di Yesus ino (33). Na, ka di Yesus, Imatai-pogi, opogunan ino valai dikou, ka. Varo-no mongitung dot i panambayangan dot osusi o binoros di Yesus. Varo-no ong ensanan i Yerusalim. Na aso bida. Tu i toun 70 TM norungoi i panambayangan sampai i sokoviai i kavavalazan do Yerusalim nopuhak-no sampai it ugama do Yahudi sampai biano, aso-no puun banal. Tu minsanko nasanganu-no vagu di bansa dot Israel i bandar do Yerusalim ontok di rumpak di toun 1967 TM, kakali dot aso-po panambayangan dot osusi om aso tampat do kadapat ioti monuluk di pinonuhuan bahagi di gama sumamba om manamba sid panambayangan. Om i tokou ulun Kristian, nga atalahas-no dot okonko i Yerusalim o najadi do puun dot ugama tokou. Mulongko pomogunan di kinapatazan om kinogulianan di Yesus i Yerusalim dino, amu tokou osusaan dot okonko pomogunan do Kristian i Yerusalim. Om aso hoturan tokou do masti insan kumaa sid Yerusalim it ipat-ipat it ulun Kristian, kiro-kiro iadko i hoturan dit Ongosilam di masti kumaa sid pomogunan do Makka. Nokosunu banal i boros di Yesus dot, Imatai-pogi, opogunan ino valai dikou, ka dau. Om nokosunu-no vagu i boros dau di nisuratno sid Yahya 4,21+23 dot, Varo hiza do rumikot do sumamba-kou sid Ama, nga okon-noko sid burul dino om okon-noko sid Yerusalim. Sabap isai-nopo i sumamba, sumamba banal dit Ama sid saralom di Sundu om sid katapatan i gama dau sumamba, ka di Yesus. Manjadi minsanko iadino i Yerusalim om minsanko iada-no do Kinoringan i pomogunan dino, kakali dot oruol i ginavo di Yesus bahagi di bandar dino. Luk. 19,41 i nokensomok-no i Yesus sid kavavalazan do Yerusalim dino, inihadan-no dau i pomogunan dino sampai minomoros dot, Impiro-oku-no-ka kotiim mongumpug dit anganak-nu, iadko i punan moninong dit ongopizak om posusut sid alad dau, nga amu-koui engin, ka. Na atalahas-no dot i Yesus banalko oruol i ginavo dau. Sabap i gama do Kinoringan momili om mamangkat di Yerusalim dino, okonko baiko misingkavaro om okonko aso tantu-tantu o gama dau. Topot it ongoulun ot aso tantu-tantu o gama om mad baiko misingkavaro. Tu sid soribau sumuhut ioti do Kinoringan. Topot sid saralom do ginavo mad sumaap di kenginan dau om sumuhut-no di kenginan kondiri. Manjadi ino-no i panangan sid di tokou: Ontupaton tokou-no banal dot i gama tokou sumuhut okonko iadnoko it ongoulun sid Yerusalim. I tokou diti nakadapat-no do janji dot avantang sampai nopili om napangkat tokou-no do Kinoringan om retan tokou-no do valai do Kinoringan (1. Kor. 3,16). Na ontupaton tokou banal dot amu opogunan tokou iadko i Yerusalim, tu nopogunan, tu amu otopot i gama sumuhut, inoi nga rontob misingkavaro ioti diri. Manjadi sid kompusan di tuturan dino, varo-po't iso o boros di mad monginsasamod. Varo-no mongitung dot baiko pentahan i Yesus di gama dau sumuvang sid Kuta do Yerusalim (Luk 19,29-40). Topot banalko amu nokonong ino dino. Sabap, ong noboros-no di Yesus i korungazan di Yerusalim di toun 70 TM om iri-ogi pentahan iosido di gama dau sumuvang sid kuta do Yerusalim di bai somvulan-po antawa amu-no sampai somvulan, amu mionong ino iadino. Inoi nga i korikatan dau vagu o boroson di Yesus, i sid saralom do kohormatan. Okon-noko mad olingob om opian i gama dau, inoi nga i sid tinoguvangon di sokoviai i riniba om ensanan i riniba nga sumamba om sumingkudou-no kavi sid di Yesus. Ino hiza dino kemot-no ioti di Yesus, ka, o ino-no mangasip om mongoguna-no it Ongoisrael di Yesus. Ino iadino dino mionong di boros di Paulus sid Surat pakaa sid Rom 10-11. Manjadi ino hal dino mamahanda-no vagu di tokou do kadan-no monginsavat di ginavo kondiri om kadan-no mongitung dot i tokou diti kiguna mantadko i bansa do Yahudi diri. Inoi nga iseso i kobinsianan do Kinoringan o harapan, isuhut di boros di Paulus sid Rom 11). Lavis: Atalahas-no sid di Yesus dot sinuhu iosido do Kinoringan om i sokoviai i kahajangan dau nga antad kavi sid palad do Kinoringan. Sabap ino, amu rumosi iosido di Herodis, songkuro-nopo kologod i gama dau mongindorosi. Okonko iosido ot osian, inoi nga it ongoulun do Yerusalim ot osian, tu amu otopot ko sumuhut do Kinoringan. Manjadi ontupaton tokou-no dot i gama mangasip okonko rontob sid soribau, inoi nga otopot om abanal, supaya kadapat tokou di kobinsianan do Kinoringan om kosuvang-no sid karajaan dau ontok di korikatan vagu di Yesus Kristus. 14,1-6 I pinengkod i Yesus di sakit dot ulun do kipalou. Okonko baiko insan iningutan i Yesus do makan sid valai dot ulun do Parisi (7,36-50) Topot mitanid-no i buatan ong siti. Tu it osukod do Parisi di minongingut di Yesus okonko engin mongohormat di Yesus, inoi nga engin do momorisa di Yesus. Mad tomodon-no dau dot ontok dit adau do pongintaranan i poginakanan dino, tu okonko baiko i Yesus ot iningutan, gamko it ongoulun di nokosikul-no do Pinonuhuan, nga iningutani dau. Om varo-no nosodia do iadko sungkoliu bahagi di Yesus, ino-no it ulun di kipalou dino. Na elaan tokou-no dot minongitung 60
it ongoulun do Parisi dot it ongosakit dot ulun manalahas do kisala it ulun do kisakit om i sakit do palou dino, nga retan-no dioti do tanda dot olugagai it ulun di kipalou, ka. Na atalahas-no banal i tomodon dioti: Adau do pongintaranan, iningutan dioti i Yesus do popisamung di Yesus om it ulun do kipalou, sampai it ongosasi nga sino-no, o ino-no it Ongoelo do Kitab. Manjadi, ong pengkod i Yesus di sakit dit ulun dino, keso-no mangaranggal iosido di pinonuhuan bahagi dit adau do pongintaranan, koduvo-po, monulung iosido dot ulun do kisala. Iadino o gama dioti magavang di Yesus. 3-6 I gama om i boros di Yesus. Nohorotizan di Yesus ino gama dioti. Tu kodungko nemot dau it ulun di kipalou dino, tumoguvang-no iosido sid ongoulun dit elo do Kitab om it Ongoparisi do mongoduat dot, Kavasa-ka ko amu do pengkod do sakit ontok dot adau do pongintaranan? ka di Yesus. Kananganko i hal do retan-no do kisala it ulun dino, nga aso boro-boros di Yesus. Tu nelaan-no dau dot banalko amu otopot ino pongitungan dioti. Ino sakit do palou dino okonko pogintutunan do sala, gamko osian banal it ulun di kisakit do iadino. Sabap apagon banal monguru do palau. Na aso bongut dioti. Tu ong momoros-no ioti dot, Kavasa, ka, na mangakun-no ioti di kenginan om gama di Yesus. Ong momoros ioti dot, Amu kavasa, ka, mad mimbulai-no i ginavo dioti dot aso kobinsianan. Tu i Yesus dino okonko pentoron sid pomogunan dino, inoi nga mamanau-nopo antad sid iso o pomogunan sid koduvo. Manjadi ong amu kadapat pengkod di sakit do palou ontok dit adau diri, susuvab-po, tantu nokolombus-no iosido om aso-no katagan dit ulun di kisakit dino. Manjadi kodungko aso bongut dioti, amu-no monginud i Yesus, gam turus pinengkod-no di sakit. Okonko osusa i Yesus mindamo laid do kabanaran antad sid dioti, inoi nga kikuasa iosido, kuasa antad sid Kinoringan, minsanko aso pangkat dau antawa sijil dau antad sid riniba. Nokouli-po it ulun dino, nohorotizan-no di Yesus do kakali sinumana ioti sid saralom di ginavo dioti. Sabap ino, minongoduat-no vagu iosido dot, Isai-ka sid dikou i rinumatu it anak dau antawa i sapi dau sid talaga om amu humago iosido manapul ontok dit adau do pongintaranan? ka di Yesus. Harati, ong ikou kondiri ot onong do kosusaan antawa korugizan, tantu amu-no mongitung-kou dot a-kavasa, inoi nga humago-kou manapul, minsanko avagat o karaja, ong potindal do sapi antad sid vaig. Na karaja dot avagat banalko amu kavasa ong adau do pongintaranan, ka dikou. Manjadi ong anak dikou kondiri ot obinasa antawa minsanko bai pangazam dikou nga opurimanan dikou dot i gama manapul om monian dit osusa o kotori di pinonuhuan dit adau do pongintaranan dino. Topot ong baiko ulun vokon ot onong do kosusaan, amu opurimanan dikou om aso kobinsianan dikou. Amu apatut ino gama dikou do iadino, ka di harati di boros di Yesus. Topot ioti dino, asoi bongut. I panangan di tuturan dino bahagi di tokou biano. Ong sid PCS, amu oholian avagat i hoturan bahagi dit Adau do Pongintaranan. Gamko ogumu ot ongobpinai di banalko amu mongontupat dit adau do minggu. Varo-no ong mibo, varo-no ong sumamung do badi. Varo-no ong kikolingon vokon, na onongon banal sid adau do minggu. Ino gama do iadino amu onong om amu avantang banal. Tu inot ongosangkut-sangkut dino okonko kavi hal do kosusaan antawa hal do kobinsianan. Om it ongoobpinai di mamantang banal di hoturan do minggu dot amu gumama om amu koling, inoi nga atatap sumambayang ipat-ipat it adau do minggu, kuran-no-ka? Tiagon naku ioti? Tantu-tantu ko amu. Isot ulun sid PCS nga asot dot oholian o gama dau mongontupat dit adau do pongintaranan do sampai amu monulung dot ulun dot osusa, tu minggu, ka. Manjadi bang iadino, mad aso panangan di tuturan dino sid di tokou, antawa nunu-ka o panangan? Ong otopot, sid saralom di tuturan dino, okonko i pinonuhuan dit adau dino nitarang di Yesus, inoi nga nitarangno dau i harati om it onsi di sokoviai it ongopinonuhuan. Sabap nitahak do Kinoringan i pinonuhuan sid riniba, okonko supaya opogos i riniba, inoi nga supaya osinang. Ipat-ipat i pinonuhuan, iso-no o tomodon, manangkis do kosusaan. I pinonuhuan keso sampai kapat manangkis di kopolidan tokou antad sid Kinoringan. I pinonuhuan ko-5 sampai kohopod manangkis di kosusaan sid pialatan dot ongoulun. Rontob-nopo, it ulun dit nonong do pensubaan om engin-no banal mangagama do karaatan, asarok dot amu-no kaharati banal om amu-no kopongitung banal. I kovosihan o kiroon dau do kapagasan, om i kapagasan o kiroon dau do kovosihan. Kiro-kiro ong varo-not obpinai dit engin magapid, na varo momoros sid dau dot, Kadan-no posunuan ino kenginan-nu dino, tu baiko mioduw ino duvo o savo-nu, ka dati, mad osuhulan-no iosido di kopiooduhan mantadko i gama pokodos di kenginan dau dot araat. Sabap mad nounang-no i ginavo dau di pensubaan dino. Sabap ino, amu milo-milo nga mitatabang tokou sokoviai do mogihim dit apatut sid tinoguvangon do Kinoringan om mogihim do nunu om nunu i kovosihan banal om nunu i tomodon banal dit ipat-ipat i pinonuhuan. Mitanid banal it adat kodori om i pinonuhuan di tokou ulun Kristian. It adau di kodori diri amu osusa dot ohorotizan dot ulun i sabap ko i harati. Iso-no ot osusa, i gama monuluk om mamantang dit adat dino ko elaan i vazaan mantas dit adat. Topot it ongopinonuhuan do Kinoringan, nga varo sabap om varot onsi, ino-no i kovosihan do Kinoringan. Ipat-ipat i hoturan sid piumpugan tokou om ipat-ipat i gama mangahatul antawa mongohukum dit ulun di napalid-no, nga masti mionong di kovosihan do Kinoringan om masti pembulai di kovosihan dino, supaya amu atagak it obpinai di napalid-no antawa malid-ogi, inoi nga kemumui vagu sid ralan do kovosihan. Manjadi ino-no i sala dioti ongoulun do Parisi: amu-no minongitung ioti di harati om i tomodon dit ongopinonuhuan. Rontob i hurup o nengat, i harati amu-no. Rontob i kuhakob o nengat, it onsi amu-no. Sampaipo, nolingan-po i harati dino, mad nanu-no dioti i pinonuhuan dino dot ipokindazou dau. Iokoi diti ulun dot abanal, ka, iokoi diti avantang mantadko it ongoulun vokon, ka. Na duvo-no o sala dioti: i kovosihan do Kinoringan, i sid saralom di pinonuhuan dino, nga amu-no pembulazon dioti, om monginsavat-po di kondiri. Manjadi atag-no banal ong i tokou diti kaharati mantadko it ongoulun do Parisi. Atag-no ong ipat-i0at it 61
ongohoturan tokou om ipat-ipat i gamaon tokou mionong-no di kovosihan do Kinoringan, olm kadan tokou posilihon i pinonuhuan tokou do iadko it adat kodori antawa iadko it adat do Yahudi dit asoharati, gamko manahan-no di kovosihan. Ino iadino dino amu ajadi, ong okonko i sokoviai it ongoulun sid piumpugan o mitatabang. Tu ong iseso it ulun, oruhai apalid iosido. Lavis: It onsi om i tomodon di pinonuhuan, ino-no i kovosihan do Kinoringan dit engin sumondot sid ongoulun. Sabap ino, ong varo-no mongoduat ko miuupakat dot, Kavasa-ka ino antawa amu? ka, aso vazaan vokon mantadko ino: mongitung di kovosihan do Kinoringan di nitahu sid pinonuhuan. Isai-nopo i manamod do koruhang, ino-no o kotuluk di pinonuhuan (Rom 13,8). 14,7-11 I boros di Yesus sid ongoulun di linigou (Matius 20,28) Ogumu-no it ulun minongitung dot okonko antad sid kabang di Yesus ino boros dino. Sabap, ka dioti, ong iadino o gama do mogom laid sid sibak, supaya lobipo ohormat sid tinoguvangon dit ongoulun, na iadko akal dot araat om okonko osibak i ginavo, inoi nga ong otopot-no mokisasavat om mokihohormat o buatan, ka dioti. Kalu-kalu, ong baiko it ayat kavalu om ko-11 ot antad banal sid di Yesus. I vokon baiko niamung di Lukas antawa isai-nopo, tu panarangan di boros di Yesus dino, ka. Banal-neno. Kagi sid Kitab Laid varo-no boros di koluu di boros siti, ino-no sid Amsal 25,6-7. Topot ong itungon tokou it ontok di tuturan dino, amu-no dati araatan tokou di boros di Yesus dino. Nohorotizan tokou-no dot engin in Yesus manarang dot isai-nopo o kamung sid karajaan do Kinoringan, iosido-no ot osopulan. Na sid 14,1-24 talahason-no dau i kogunaan dit ongohoturan om koubasan dot ongoulun kananganko i hal dino. Na okonko monuduk i Yesus do kuran o gama tokou sid tinoguvangon dot ongoulun, inoi nga sid tinoguvangon do Kinoringan dot i suriban dau o vaza dau manarang. Kodungko suriban, masti mogihim di harati sid saralom di boros dino. 7 I gama dit ongolinigou. Nokouli-po it ulun di kipalou diri, tu nengkod-no i sakit dau om sinuhu iosido di Yesus muli, tinumimpuun-no it ongokinambo mongogili do kakanan. Om it ongoulun di linigou mogihim-no dot ogomon. Nemot-po di Yesus do kuran i gama dioti, tu misosogil-no sid ogomon ponong sid savat om mamadhago-no mogom, supaya kogulu do koruhang, minongitung-no dati i Yesus dot, Ade, iadno dino o buatan do riniba: ponong sid savat-nopo o kenginan. Tantu-tantu ko amu apakai ino iadino sid tinoguvangon do Kinoringan. Iri-ogi minonuriban-no i Yesus. Andaman tokou kagi i tuturan dit anganak di Zabdi dit engin mogom miampaping di Yesus sid karajaan do surga (Matius 20,20-28). Na atalahas-no dot antad sid tuturan diri dot inot ogomon ponong sid savat dino, ino-no it osomok sid sanganu di valai, i mangahatul di poginakanan dino. Kagi, varo't a-ko piro solinon do Kitab di kodori banal. Sid Kitab dino nakamung-no i tuturan di Lukas 14,8-10 sid Matius 20,28. I ngaran di solinan dino retanko D, dot Latin om Sur o boros dau. Manjadi it ogomon i binoros sid Matius 20,21 nga ogomon sid karajaan do surga. Ino-no vagu o pogintutunan dot okonko monuduk i Yesus do baiko i kavazao dot ulun dit iningutan sid poginakanan do dang riniba, inoi nga i kavazao sid tinoguvangon do Kinoringan o boroson dau. 8-10 I suriban dino mad tomodon do perak dot ulun, minsanko okonko hal dot irakon o binoros. Kiro-kiro iadino o harati: Imatai-no dikou i gama dot ongoulun mamadtangkus-no om milavan-no dot isai-no o kogom sid savat. Amu mongitung ioti dot apatut. Iseso mokisasavat o kenginan. Ino-no dara it apatut, monginud dit ulun di mangahatul di poginakanan do pogom iosido dit ongolinigou, isuhut di kovosihan dau. Bang iadino o gama, amu amalu sid tohudi, gam ohormat dati. Ong sid tinoguvangon do Kinoringan amu obuli ino iadino. Na atalahas-no suriban dino. Sabap ong varo poginakanan do riniba, siombo-ka katama i mangahatul do mangamalu dit ulun di nokogom-no do pensibakon vagu? Alambat banal katama iosido. Sabap ino, ombo it osiou om it arampus, nga kadapat do pangkat sid pialatan do riniba. Ombo it avanus om i motos om it amu tumangkus do mogulu do koruhang, nga amu-no kensavat sid riniba, gam ousiba-po om olingan. Topot sid tinoguvangon do Kinoringan, aso-no tinganan do sumiou antawa monginsavat di kondiri. Baiko iso-po o hoturan sid Kinoringan, ino-no i hoturan di kovosihan dau. I tokou ulun Kristian apatut-no dot okon-noko sumuhut di kavazao do riniba di mokisasavat-nopo om i pensibak do koruhang, gamko mogihim-no di kosurutan di sokoviai it ongobpinai, rumbul satu it ongobpinai di kiongohukum. Topot amu gumara om amu ologod i boros. Hondomon tokou ino, ong momili-no vagu dit osukod do piumpugan ko i susuhuon sid Sinoda antawa komiti om isai-nopo i pagamaon sid piumpugan. 11 It ayat dino okonko bai insan-no koboros di Yesus. Minsanko sid Lukas, nga induvo-no, ino-no sid Lukas 18,14-po. Sid di Matius nga nokosurati 23,12. Varo-po sid Yakub 4,10, sid 1. Petrus 5,5 om sid Filipi 2,8-9, gam noboros-no i hal dino bahagi di gama di Yesus kondiri. Manjadi atalahas-no dot ino hal dino banalko agazo o harati sid saralom di kosipan di tokou ulun Kristian, gam onsi om puun di kosipan tokou. Kondiri di Yesus o minonginsibak dau om pinasavat-no iosido do Kinoringan. Ino gama dau do iadino o harapan tokou sampai suntuan tokou. Nokokuro-ka, tu mokisasavat i riniba? Ino-no o sabap, rumosi tokou dot amu kosukup. Rumosi dot amu apasi. Rumosi-po dot amu ohormat. Topot nakasampai i Yesus sid di tokou riniba do minonginsibak iosido di kondiri dau, supaya apasi tokou, minsanko kibuatan tokou dot obinasa, sampai ohormat tokou-no, minsan banalko asot ipokindazou tokou vokon do tanid mantadko i Yesus Kristus. Sid ayat dino noonsi-no i Habal do Kovosihan om i sokoviai i hoturan dot ulun Kristian. Lavis: Aso vazaan vokon sumuvang sid karajaan do Kinoringan, tanid mantadko monginud di kovosihan do 62
Kinoringan sampai sumuntu sid gama di Tuhan Yesus. 14,12-14 I boros di Yesus sid ulun di mangahatul do poginakanan. Varo-no vagu momoros dot i boros dino, okonko antad sid kabang di Yesus kondiri, ka. Boros dioti, Nunu-ka o karaatan ong misusuli-suli it ongoulun do kovosihan? Ong varo-no gama dot ulun sid dohon dot avantang om amu-oku monuli, minsanko kadapat-oku, iadko tanda do karaatan. Nokokuro-ka, tu tiagon i gama misusuli om mihohormat om miguguna? Aso karaatan ong ino. Topot araat-no ong amu-no gamaon ino, ka. Banal-neno. Aso karaatan. Topot okonko moniag i Yesus di gama dino. Baiko mantas iosido momoros. Ino-no o boroson dau, Kadan-ko-no mongitung dot kiguna sid tinoguvangon do Kinoringan, ong kodimon-nu it ongoanggai-anggai-nu antawa it obpinai-nu. Ino iadino dino, okon-poko i samod, it ihimon do Kinoringan sid ulun di mangasip. Ong sid pialatan tokou riniba mad avantang om kiguna i gama do misosombol om miingut, mililigou-ligou. Topot it tokou ulun Kristian, kadan-no do baiko i hal di kiguna sitid pomogunan ot itungon. I tokou diti nokelo-no do varo hiza di rumikot di mitanid dit ontok didino. Apatut tokou do sumodia-no bahagi dit hiza di rumikot-ogi dino. Manjadi mad rumosi i Yesus dot ogolivong tokou. Ong ahatul o gama tokou misasamod dit sanganggai-anggai om it songkovorisan, mongitung tokou-no dati dot, Ade, i tokou diti, ulun-nopo dot asamod di sumuhut banal di kenginan do Kinoringan, ka. Na manarang i Yesus dot banalko amu osukup ong rontob iadino. Aso kogunaan sid tinoguvangon do Kinoringan sid gama do iadino, tu baiko misusuli-suli. I nokogom-no i Yesus sinod poginakanan sid valai dit osukod dot Ongoparisi diri, nemot-no dau inot ongolinigou. Ongosukod vokon, nga varo-no. Ogumu-gumu ot ongoulun do Parisi. It ongoulun dit elo do Kitab, nga sino-no. Ongoulun do lumundu sid sombol di valai, nga varo-no. Topot isot ulun dot osibak o ngaran antawa ulun dot osusa, nga aso. Ong it ongoulun di tinumoronong sid di Yesus suvab-suvab, o ino-no it ongosumakit, i nosuvangan do rogon, it ongomosikim, i kiongosala om i nousiba, iso nga aso sino. Rontob it ulun di kipalou diri o nokorikot laid. Topot okonko antad sid ginavo dit obinsianan, inoi nga antad sid ginavo di sumana om humalib sampai monungkoliu di Yesus o gama dioti mongingut dit ulun dino. Kagi, nokouli-no iosido, tu okonko ulun do pouumpugon sid umpug dino. Manjadi oruol-no i ginavo di Yesus. Tu inot ongoulun do Parisi o retan dot ulun dot elin om ulun di nokelo sampai sumuhut banal di kenginan do Kinoringan, ka di pongoretan dioti. Topot kuran-no-ma o katagan dit ongoulun vokon, ong it ongoilo nga amu-no polombus di Habal sid ulun vokon? Ong rontob sid dau om dau do koruhangan o gama dioti kumiboros om misosombol? Tantu aso-no katagan dit ongoulun dit okonko Parisi om okonko nokosikul do Kitab. 13-14 Masti nokotigog it osukod do Parisi dino do norongou-no dau i boros di Yesus dot it ongoulun do mosikim om i pukung om it ulun do kimai om i bolou ot ingutan, ka. Tu varo hoturan dot Ongoparisi dot amu kavasa it ulun do iadino mamung sid sambayang dot agazo sid panambayangan do Yerusalim, ka di hoturan dioti. Sabap i kodori i kakal-po nasanganu i Yerusalim dot ongoulun do Yebusi om okon-poko dang bansa dot Israel, minangagauk-no inot ongoulun do Yebusi di raja Daud dot ino-no o boros, Ong sumuvang-ko siti, ka, it ongoulun do bolou om kimai o mamatai dikau, ka dioti. I harati, Iti pomogunan do Yerusalim diti banalko apapag. Oruhaiokoi sumaap dikou. Minsanko it ongoulun do bolou om kimai kadapat sumaap dikau, o raja Daud, ka. Na ikasana di Daud i boros dino sampai varo-po, Isai-nopo i kadapat sumuvang sino do maza sid ponsuran do vaig, tu mamatai dit ongobolou om kimai dit ikasana-ku, iosido-no ot ajadi do kopitan, ka dit ambat di Daud. Na antad diri varo boros dot, Kadan-no do sumuvang it ongobolou om kimai sid valai diti, ka (2. Samuel 5,6-8). Om elaan tokou-no laid i pongitungan dioti dot, Ipat-ipat o kosusaan om kapagasan dot ulun, nga pogintutunan do kisala it ulun dino, ka di pongitungan dioti. Manjadi i Yesus banalko amu mangakun di gama dioti do iadino. Iosido kondiri nga minonulung-nopo dit ongoulun dot osusa om minonuhu-no dit ongoulun di sumuhut dau do pengkaai dino o gama. Tu i Kinoringan banal-noko asamod do riniba om amu engin do varo atagak, inoi nga kenginan dau do kazazad i samod dau dino sid sokoviai it ongoulun. Ino gama do iadino o kiguna banal sid tinoguvangon do Kinoringan, ontok di hiza di rumikot-ogi. Mionong banal i tuturan dino di boros di Yesus sid Tudukan sid Burul Matius 5,43-48 om sid Matius 25,31-46. Lavis: I gama tokou sid ongoulun vokon suvaiko sumuntu sid samod do Kinoringan om kiguna-ogi sid penlaid. 14,15-24 I suriban di poginakanan dot agazo. Sid suriban dino mongompus-no i Yesus dit ongotuturan dau ontok di poginakanan sid valai dit osukod do Parisi dino. Na kakali manarang i Yesus dot isai o kosuvang sid karajaan do Kinoringan, antawa isai ot osopulan. Ino-no o panangan: Ong varo janji do Kinoringan sid bansa dot Israel om it ongoulun di kumavid di Kitab, ino janji om kovosihan dino okonko masti penlaid sid dioti, inoi nga lumombus sid ulun vokon, ong amu-no engin sumuhut it nongopili laid. Minsanko noboros-no iri i iadino, kakali do mad mamahanda di tokou, supaya i tokou nga tumatap sampai tumorima di pongingut do Kinoringan, supaya amu tokou otoliban di Habal do Kovosihan. 15 It ayat dino koluu di ayat 13,23, tu i boros dit isot ulun onuvon di Yesus do puun do tuturan dau. Sid 13,23 minokitalahas it ulun diri do pogintutunan bahagi di kosopulan. Na aso katalahasan, ka di Yesus, baiko iso, inono, Pagavi-kou-no, supaya kosuvang-kou. Na sid 14,15 okonko mongoduat it ulun dino, rontob pokosinang dit ulun di kelang monginakan sid karajaan do Kinoringan. Topot i gama di Yesus tumimpa, nga mad mamajal iosido 63
dit ulun dino dot, Kadan-ko-no mongitung dot ikou, tu bansa dot Israel, nga kelang-kou kavi sid poginakanan dino, ka di Yesus. 16-17 Na sumuhut banal i suriban di koubasan dot ulun sid pomogunan diri. Tu it ulun dit engin mangahatul do poginakanan, na pentahan-no laid di kenginan dau dino sid ongoulun di ligohon dau. Nopongo-po monodia, varono vagu mamanau do mad mongoi dit ongolinigou-no laid. Bang aso rumikot do mongoi, amu katama ioti tumoronong. Iadino o koubasan sid pomogunan diri. Manjadi ohorotizan tokou-no i hal dino. It insan-ogi mongingut, ino-no it ongojanji laid sid bansa dot Israel antad di Ibrahim om i raja Daud om i sokoviai it ongonabi. Na it uripon di mamanau-no do mongoi dit ongolinigou, inono i Tuhan Yesus kondiri. Tu ontok di Yesus nokensomok-no i karajaan do Kinoringan sid riniba. 18-20 I gama dioti mokimahap, tu kisangkut, ka. Minsanko nelaan-no laid do varo poginakanan, amu nokosodia ioti om amu kotibang.Inoi nga kisangkut-nopo ioti om it ongosangkut dioti dino, nga hal-nopo do pomogunan: midagang-dagang, manansavo om mokisavo (Lukas 17,26-30). I harati dino, ino bansa do Yahudi i natahakan-no do pinonuhuan om it ongojanji do Kinoringan sampai napangkat-no mantadko it ongobansa vokon, tu retan-no do Bansa di nopili-no om bansa do Kinoringan, ka, nga amu mongining di boros om habal di Yesus. Tu ino-no ot itungon dioti, i kolunduo do pomogunan, i pangkat, i kosinangan do guvas, minsanko sid saralom di gama sumambayang nga okonko otopot ko sumamba sid Kinoringan, inoi nga mogihim di kohormatan di kondiri dau. 21-23 Norongou-po di sanganu di valai dot amu engin rumikot inot ongoulun di linigou dau, hinumungot-no iosido. Topot orubatan iosido di poginakanan di nosodia-no. Sabap ino, sinuhu-no vagu dau it uripon dino do mongodim dot ongoulun vokon. Induvo minamanau it uripon, insan sid ongoalun-alun om sid ongoralan di kavavalazan dino, om i kenduvo, sid ongoalun-alun om sid ongoulun di pengkakat sid ongoansal, ino-no ulun sid labus do kavavalazan i mogihim do karaja sid pialatan dit ongokabun. I harati di hungot dino, ino-no i gama do Kinoringan mangada dit ongoulun do Parisi om it ulun dit elo do Kitab, i minongitung dot, Iokoi-no o bansa dot Israel dot otopot. Iokoi-no ot anganak di Ibrahim (Yahya 8,31-45). Ioti dino amu-no opuhunan-no di poginakanan-ku, ka di tuan (24). Manjadi it ongoulun di kodimon dit uripon sid saralom do kavavalazan, ino-no it ongoulun do mosikim om it ongoulun dit osusa om i kiongosala sid bansa do Yahudi, i nousiba banal dit Ongoparisi diri om i mad nakada-no antad sid bansa dot Israel (hondomo-no i boros dit ulun Parisi dot, Iti kinogumuai dot ulun dit a-nokelo di Pinonuhuan. anjadi anangan ioti do lulupu, ka dioti Yahya 7,49). Manjadi ioti dino ot ingutan do Kinoringan sid saralom di gama di Yesus. Topot amu-po opusok i valai. Na mamanau-no vagu it uripon sid labus do kavavalazan, tu mongodim dit ongoulun sino. Ioti dino, inoi-no it ongobansa vokon, ulun do labus, kiro-kiro it aso janji laid om a-nengutan laid. Na ino iadino dino monuduk di kinolombusan di Habal do Kovosihan antad sid bansa dot Israel sid ongobansa vokon, antad di hiza di Paulus sampai biano. Ino boros dot, Garatai-no ioti sumiti, ka, okonko harati do kavasa mongogorot dot ulun posuvang sid ugama do Kristian. Inoi nga ino-no i harati, Boroso-no banal sid dioti dot tantu antad sid Tuhan kondiri inot ingut dino. Sabap amu dati katama ioti rumikot, tu okonko nengutan laid isuhut di koubasan. Na elaan tokou dot mad amu osusa do mongogorot it ongoulun do labus sumuvang sid piumpugan do Kristian. Baiko ino-no ot osusa, paharati dit ongokristian it antad sid bansa do Yahudi dot otopot-no i kenginan do Kinoringan do kosuvang it ongobansa do labus sid ugama do Kristian (imatai sid UR 1o om 15). Na atag do noboros-no laid di Yesus sid suriban dino. 24 Okon-noko bai it uripon o binoros di tuan, inoi nga i sokoviai it ongoulun di noumpug siri sid valai dit osukod do Parisi o barasan di Yesus: Asot iso't ulun dit iningutan-ku laid do kotiim-po di poginakanan-ku, ka. Ong otopot, okonko rontob ioti't ongoulun do Parisi, minsanko i tokou diti biano, nga anangani di boros di Yesus dino. Tu manalahas-no i Yesus di kobuatano dit ugama do Kristian: Isai-nopo i tumorima banal di Habal do Kovosihan sampai monorima kaseh sid Kinoringan om sumuhut-no di kenginan dot avasih, iosido dino, tantu ot osopulan. Topot isai-nopo o mongitung dot, Amu-oku kotibang, tu varo-po gamaon-ku vokon, ka, antawa i mogihim di kosinangan dau sitid pomogunan om amu-no tumatap sid kosipan, iosido dino amu milo-milo nga tumagak. Ulun nga anangan di boros dino om bansa ensanan nga anangani. I bansa do Yahudi sampai biano, amu-po nakasip. Kendorosi i boros di Yesus dino. Topot okonko kendorosi do pedu di tokou sid Kinoringan, inoi nga patatap di tokou. Lavis: I kovosihan do Kinoringan itahak sid ulun dit engin tumorima. Amu momili i Kinoringan dot ulun ko bansa. Topot it ulun om i bansa dit amu engin tumorima, ino-no ot otoliban sampai tumagak-no. Sabap ino, kadan tokou mongoguna di hal do pomogunan om i kosinangan dit ontok didino mantadko i habal do Kovosihan om i karajaan do Kinoringan. (Ong varo kogolivongo, tu i suriban dino, varo pitonidan ong i sid Matius 22, pengkaa dino i hal dino. Elaan tokou-no dot it ongoboros di Yesus diri okonko adau di kinabarasan, nga adau-no diri o kinosuratan di kinoruhangan. Minsanko i minatai-no sampai i nogulian-no i Yesus diri, kakali dot aso-po pongitungan dioti dot osusa itahu it ongotuturan di Yesus sid surat, tu hinumarap ioti dot amu songkuro om korikot-no vagu i Yesus. Suvaiko lumohing-no it ongorasul do vokon-no, nga minatai-no om tinumimpuun-ogi ioti monurat dit ongotuturan dino. Manjadi isuhut di kavazao dit ongopiumpugan do Kristian diri, pinosondot di Matius om i Lukas di tudukan om suriban di Yesus. Ong i Lukas, tu koruhang laid di Paulus, nengat-no dau dot i Habal do Kovosihan dino induvo kolombus. It insan nga antad sid ongoulun do Parisi, tu amu minangasip ioti, na nihabal-no sid ongoulun 64
dot osibak sid bansa do Yahudi. Iri-ogi nokolombus-po vagu sid ongobansa vokon sid saralom di gama di rasul Paulus. Manjadi iadno dino dati i kinojodizan di pitonidan di suriban dino sid di Matius om di Lukas). 14,25-33 I horogo om i kogunaan di gama kumoruhang di Yesus. Nompus-po it ongotuturan di Yesus sid valai dit osukod diri, ogumu-no ot ongoulun do nokotoronong-no vagu sid di Yesus. Apatut kagi iadino, tu i Yesus dino okonko iadko it Ongoparisi, tu momili di koruhang dau. Isainopo it engin rumikot sid di Yesus, nga torimaon dau, it ongoulun di nousiba om i mosikim om i kiongosakit om i kiongosala. Topot mad rinumosi-no i Yesus dot mongitung-no inot ongoulun dino dot, Ade, ka, osinang tokounopo sid di Yesus om aso-no kosusaan tokou vagu. I sumakit nga tulungan-no dau om i kisala, nga amu sunsubon dau. Na manarang-nopo i Yesus sid dioti dot ino gama do kumoruhang di Yesus okonko oruhai om okonko aso kapagasan. Suvaiko ensanan i ginavo sid di Yesus. Osuhul-no ong itungon laid i buatan do iadino, supaya amu agauk dot ulun vokon sid tohudi't adau, ka di harati di boros di Yesus. Manjadi ino boros do iadino mad mionong di kompusan di suriban di poginakanan dot agazo sid Injil di Matius, inot a-ko piro ot ayat dit aso sid di Lukas (Matius 22,11-14): varo-no nokosuvang sid ongkob do poginakanan dino it iso't ulun dit a-nakapanampakai. Na nemot-po iosido di raja, sinunsub-no iosido, tu amu apatut dot araat o kosulungan sid ongkob di raja dino, ka. I harati di kompusan dino: banal-no dot amu momili i Kinoringan dot ulun antawa bansa. Isai-nopo ot ulun nga torimaon dau. Topot ong varo-no mongitung dot, Amu osusa do monimban di kavazao ong nokosuvang-no sid piumpugan di Yesus, tu avasih ong i Kinoringan sampai mangada do kasalaan, ka dara, banalko nogolivong. Ong nokosuvang-no sid piumpugan di Yesus, amu milo-milo nga sumuhut-no di kenginan dau om isesoon-no i ginavo sid di Yesus. Na mionong-no di tuturan diti i sumuhut di suriban diri sid di Lukas. Na kakali ino tomodon di Yesus manarang dot isai o kosuvang sid karajaan do Kinoringan. Topot ogumu-gumu ot tuturan o pakazon di Yesus, supaya amu tokou apalid. Isai-nopo i nokosuvang, amu-milo-milo nga sumuhut-no dohon dot ensanan i ginavo dau, ka di Yesus. 26-27 Iseso-no i ginavo sumuhut di Yesus. Ong sid boros Yunani, mad araat o boros: Ong varo-no rumikot sid dohon dot okonko sumana dit ama dau om it idi dau om i savo, anganak dau, iosido dino amu kadapat kumoruhang dohon, ka. Osusaan tokou dati di boros dino, tu ong sumana, nga tantu araat-no. Na varo't ayat di koluu di boros dino sid Injil di Matius. Ka di boros sid di Matius: Isai-nopo o manamod dit ama ko idi do lobipo mantadko i gama dau manamod dohon, asot ontok dau sid dohon (Mat. 10,37). Manjadi atalahas-no dot iseso o puun di boros dino. Topot mitanid-no i gama manalin di boros antad sid boros Ibrani pakaa sid boros Yunani. Topot minsanko iadino, mad atag-no dot i sumana o noboros di Lukas. Tu petung banal di tokou. Tu nunu-ka o puun antawa sabap do kasanaan? Okon-ka-ko ino o puun do kasanaan: ong varo-no't ulun antawa hal om kuasa di mangasau di kenginan-to? Kiro-kiro, ong varo't ulun dit engin banal tumupak do rahat. Topot tumongus-no i barat dot ologod om i gumbang, nga agazo-no, banalko asana iosido di barat dino. Sabap i barat dino mangasau di kenginan dau sampai aso tinganan sumaap di barat dino. Antawa ong varo-no't ulun di momogos dohon dot aso vazaan-ku mogidu antawa monori dizau, tantu ikasana-ku izau. Ipat-ipat ong opurimanan-to dot varo mangasau di kenginan-to sampai mad otori kito, masti sumana kito. (Manjadi atag-no ong hondomon banal i buatan dino. Sabap kalu-kalu ong varo-no sumana dikau. A-milo-milo nga opurimanan-no dau dot aso dati tinganan do monori dikau. Sabap ino, asana iosido. Na ong andaman-nu ino, oruhai-ruhai o gama-nu sumuhut di boros di Yesus dot, Manamod-kou-no dit ongosangod dikou. Mongumbasih-kou-no dit ongoulun dit asana dikou 6,27). Manjadi ino boros do sumana dino patalahas-no banal dot okonko opodok it ongohal di mangasau di gama tokou sumuhut di Yesus. Na elaan tokou-no,Ong amu kopionong i ginavo dit anak om i molohing dau, kananganko i hal dot ugama, antawa i ginavo dot ulun di minisavo, nga amu kopiizo sid gama sumuhut di Yesus, banalko osusa. Noboros-no laid di Yesus i kosusaan dino sid 12,49-53. Ong okonko isesoon i ginavo sid di Yesus, mad amu atahanan. Ong amu mangakun dot opogos (ino-no o harati dot: manaan di sangkap om movozo dohon, ka), tantu amu kadapat. Topot ino-no i tomodon di boros dino, Monuduk i Yesus do katagan om harapan. Iosido dino nokogulu-no sid ralan dino, om iosido dino nakamanang-no. Sabap ino, kadapat tokou tumahan, ong sukul ensanan i ginavo tokou sid di Yesus. 28-32 Ino limo ayat dino nga duvo o suriban di Yesus do mirad i harati. Monuhu i Yesus di tokou do mongitung laid do kogoos sumuhut ko amu. Ong varo't ulun do muvalai, tantu mongiro om mongumba laid iosido di kosukupan. Tu araat ong ajadi-no do pogun i valai dino dot minsanko nopongo nga amu-po. Tantu agauk-no dot ulun vokon i muvalai di iadino. Om i hal do rumpak nga pengkaai. Bang amu osukup i balanja antawa i sojal nga amu osukup, osuhul-no ong miandus laid. Manjadi, ka di suriban dino, Sid saralom dot ongohal do suvab-suvab atalahas-no i buatan do iadino. A-milo-milo mongitung laid di kosukupan. Na sid saralom di gama kumoruhang di Yesus, masti iadinoi o gama. Tu ong sumuhut-kou-no dohon om tohudi't adau nga sumuri-kou-no vagu. mad norungoi-no i ngaran dikou om agauk-kou dot ongoulun, ka. 33 I koruhang di Yesus apagon lumundu. Asarok banal dot i siin aajadi do sangkut di ginavo dot ulun sampai amu-no sumuhut iosido di Yesus, tu i siin gima. Kokiraai, it ulun di kigoos, mad amu kogoos sumuhut di Yesus. Okonko baiko i siin di varo-no, inoi nga i siin dit aso-po, i rontob kenginan-ogi nga kapanangkut-no di ginavo dau. Ong banalko Kristian it ulun, sompi oboros dot otopot: oruhai-ruhai lumundu iosido, tu nelaan-no dau dot i sokoviai i nunu-nopo, i tana dau om i kakansangan dau om it ipat-ipat it adau, okonko iosido o sanganu, inoi 65
nga mad paun dot amas di nipataud di Tuhan dau. Na manaud banal iosido dit ongohal dau dino om amu mangada di siin dau dot aso tantu-tantu o panangan. Topot i koduvo i boros nga otopoti, ino-no: Ong banalko Kristian it ulun, apagon-pagon lumundu iosido. Tu amu engkod it ulun tumoronong sid dau om mokitulung dau. Na amu kadapat iosido pokodou di ginavo dau dot a-monulung. Manjadi kuran-nopo, ino-no ot atag sampai kenginan banal di Yesus dot i siin ko barang dot ulun amu ajadi do harapan dau om amu ajadi do pinokokinoringan dau, om i ginavo dau nga amui kumapit sid hal do siin, dot aso bida, i siin di varo-no antawa it aso-po. Ino-no i harati di boros mongiduan di sokoviai i varo sid dau. Lavis: I gama sumuhut di Yesus Kristus okonko oruhai om okonko iadko monguul do gula-gula. Tu ogumu o sangkut om ogumu o pensubaan. Sabap ino atag ong mongitung laid it ulun. Tu korungoi di ginavo, nga sumuhut it ulun. Topot tohudi't adau sumuri vagu iosido. Ino-no o harapan tokou: Nokogulu-no i Yesus minanaan di sangkap dau sampai nakamanang iosido. 14,34-35 It asin do pomogunan. Ong sid 14,25-33 nakapanarang i Yesus di kapaganan di gama sumuhut di Yesus, ino duvo ayat dino manarang di kogunaan om i gama kumoruhang di Yesus. Ong sid Matius 5,13: Ikou dino iadko asin do pomogunan, ka. Ong sid Lukas, nunu-ka o kavantangan dit asin dino? Ogumu o kogunaan dit asin. Keso-no, banal, it asin o pembulai di rasa sid ongokakanan. Songkuro-nopo kavantang i kakanan, sada, ka, manuk, ka, vogok ko karabau ko sapi, antawa nunu-nopo sontaduk vokon, ong asot asin, banalko aso rasa. Banalko osian it ulun dit amu kavasa makan dot osin, tu kisakit gima. Varo-no ong momoros dot, Osuhul-no ong matai mantadko iadino o kakanan, ka. Varono tiilob ong amu osin i kakanan. Varo-no ong gumahui banal, tu amu-no tiakan dot nunu-nopo. Agazo i kogunaan dit asin. Topot ong makan-no it ulun, iso nga aso momoros dot, ade, angod it asin dino, ka, inoi nga momoros iosido dot, Ade, angod i sada dino, ka, antawa, angod i manuk dino, ka. Manjadi minsanko agazo i kogunaan dit asin, iadko aso pangkat dau om emot nga amui, inoi nga mamangkat dit ongokakanan vokon. Varo-po tanid o gama dit asin. Ong osin banal, mad amu-no masa i kananan. Ino-no o sabap dot osinan dit ongoulun i sada hiza dot amu osukup kalasu it adau do pokorob do sada. Sid ongopomogunan vokon, okonko rontob sada ot osinan, inoi nga onsi do vogok om ogumu-po o kakanan vokon, nga osinani, supaya amu masa (iadko pazas, mampalam, nangko om vokon di sinomuon sid Momogun). Manjadi amu elaan do nunu o netung di Yesus i pakavantang iosido dit asin, ino gama do pembulai di rasa antawa i panangkis do masa. Kalu-kalu ong i rasa o netung dau. Tu i hal do rasa nga noboros-no dau sid 34b. Topot kuran-nopo, atalahas-no i harati di boros di Yesus. I kinoruhangan dau om i sokoviai it ongoulun di sumuhut di Yesus, nga mongimvantang om mamangkat di hal di vinangun diti om i hal do riniba. Banal-no ino. Kiro-kiro, i hoturan bahagi dit ulun di misavo nga okonko baiko sid Kristian, inoi nga sokoviai it ongobansa kiongohoturan do iadino. Topot ong suhuton banal i hoturan do Kristian bahagi dit ulun di misavo dino, mimbulai-no i rasa dot avantang sampai opihot o gama dot okonko apasa koduruk. Antawa i hoturan do sumikul nga pengkaai om ogumu-po o vokon. Okonko momoros-oku dot it ongopomogunan di retan do Kristian o suntuan bahagi dit ongopomogunan vokon. Sabap sid ongopomogunan di retan-no do Kristian, ogumu-no't ulun dit amuno sumuhut banal, gima natanus-no i kosinan dau. Topot ong sumuhut banal di hoturan di Yesus, kiguna banal dot okonko rontob bahagi dit ontok do penlaid, inoi nga bahagi dit ontok didino. 34b-35 I korungazan dot asin. Ong sid Sabah, minsanko ozopos it asin hiza do manampangi, kakali posin. Na tanid sid pomogunan di Yesus diri. I pongonuvan dioti dot asin, ino-no sid rahat di nakada-no. Ong monuvang do vaig antad sid rahat dino sid ongomundam antawa nunu-nopo o pongizanan dot osongou-songou o kabang om isidang-ogi, amu songkuro om notuu-no i vaig dot baiko asin-po o nobi. Bang amu elo banal i mangagama antawa bang amu mongontupat banal, a-milo-milo kigavul-po it asin dino do lepa. Na kodungko zumopos inot asin do kigavul-po do lepa dino, tumanus-no i kosino dau sampai banalko aso-no kogunaan. Manjadi ino buatan do iadino kipanangan vagu sid di tokou ulun Kristian. Kodungko amu-no ensanan i ginavo tokou sid di Yesus, inoi nga kigavul-po do hal vokon om orikatan-no do pensubaan antawa kosusaan, mad aso-no kogunaan. Mongimvantang di vinangun diti, nga amu-no. Manangkis do kapasaan, nga amu-no, gam araatan om ousiba-no dot ongoulun vokon. Baiko iada-po, ka di Yesus. Na atalahas-no do mamahanda i Yesus di tokou do kadan-no lumuvau sid saralom di gama sumuhut, om kadanno dot opiduvo i ginavo, supaya i hal dot avantang, ino-no i kosipan tokou ulun Kristian, okonko ajadi do hal dit ikasana dot ongoulun vokon. Lavis: i tokou ulun Kristian tinahakan-no do Kinoringan do buatan di kiguna bahagi di sokoviai i vinangun. Topot osusa tokou mongontupat dot amu tokou mananus di buatan dino, tu amu-no iseso i Yesus o harapan om suhuton tokou . 15,1-10 I suriban di domba om ringgit di natagak. (Matius 18,12-14) Iti fasal diti, nga tolu o suriban dot iseso o sinuribanan, ino-no i kotomon do Kinoringan, ong varo-no't ulun di natagak do muli-no vagu sid Kinoringan. It ayat keso om koduvo dino manarang-no di sabap di tolu o suriban sampai posuput di fasal dino sid ongotuturan di nokogulu: ogumu ot ongoulun di kisala om it ongokarani do sukoi nokotoronong-no sid di Yesus, tu mongining di tudukan dau. Na ikasana dit Ongoparisi i gama di Yesus tumorima dioti. 66
1-2 I gama moguhang dit Ongoparisi. Andaman tokou dati i harati di ngaran do Parisi dino, ino-no, it ulun di sumodiri, ka. Ino-no o pongitungan dioti: I kinogumuai dot ulun amu-no sumuhut di kenginan do Kinoringan sampai aso-no tinganan do posuhut dioti. Na iokoi sumodiri-no om amu-no gumavul sid ulun dit aso tantu-tantu, supaya amu-okoi ensasakahan dioti om amu ounang i gama dahai sumamba sid Kinoringan, ka. Manjadi nemotpo dioti i Yesus kumiboros dit ongoulun di kiongosala sampai monuduk dioti om milang dioti monginakan sid valai dot ulun di iadino, minomoros-no ioti dot, Ino gama di Yesus do iadino, o pogintutunan dot araat iosido kondiri. Minsanko kikuasa iosido do pembulai dit ongotanda do kosunduvo om elo momoros do mad avantang o boros, nga kadan tokou sumuhut di Yesus, ka dioti (imatai sid Lukas 7,34). Na i gama dioti mibuburung-burung moguhang di Yesus okonko rontob sid tuturan diti, inoi nga asarok sid sokoviai it apat it injil. I gama dioti dino, koluu-no di gama dit angaki di bansa dot Israel i minibuburung-burung do mokimalun do Kinoringan sid tanga do belantara diri, nga nohungatan-no do Kinoringan sampai nohukumanno dau dot amu kosuvang sid pomogunan di nakajanji-no do bahagi dioti. Manjadi it ongoulun do Parisi dino, nga pengkaai, tu sinumaapi di kovosihan do Kinoringan, i nokosondot sid riniba sid saralom di gama om samod di Yesus. Na natagak-no ioti antad sid kovosihan dino. 3-7 I suriban di domba di natagak. Manjadi i gama manaud do domba, ino-no i gagamaon di Ibrahim om i Ishak om i Yakub sampai i Musa om i raja Daud, it amu-po nakaraja iosido. Om i gamaon dino, nga nanu-no do suriban bahagi di gama do Kinoringan manaud di bansa dot Israel om it ipat-ipat it ulun di mangasip (imatai i Zabur 23; 100; Yeremia 31,10 om vokon). Na minsanko iadino, nousiba banal dit ongoulun do Parisi om it Ongoelo do Kitab inot ongoulun di manaud do domba o pigagamaon. It ulun do manaud dino, amu kavasa mingkakat sid pihukuman do sumasi, tu retan do momudut, sampai retan-no ioti dot ulun do mangarampas om manakau, ka. Manjadi tomodon dati di Yesus do nanu dau it isot ulun di manaud do domba do suriban bahagi di gama dau mogihim om mongumbasih dit ulun di kisala. Tantu netung-no dau i Zabur 23 sampai it ongoboros dit ongonabi, om i kasanaan dit Ongoparisi nga netung-no dau. I harati: Ikou't Ongoparisi dino mongitung dot araat it ongomanaud dino sampai osuhulan-kou do mogom sid ongovalai dikou, supaya amu-kou ensasakahan om amukou gumavul sid ulun di nokensodu-no sid Kinoringan. Topot i Kinoringan okonko iadino. Inoi nga asamod iosido dit ensanan i riniba sampai mangakun dot opogos iosido mogihim di natagak-no dino. Pengkaa dino i gama di Yesus pentalang di kogozoo di samod do Kinoringan: a) Ong riniba o mongitung, tantu osuhul-no ong toudon i sizam nopod om sizam. Kuozon-po ong iso peratus o norungoi, ka. Topot ong Kinoringan okonko iadino, inoi nga kodungko domba antad sid dau do bahanan, masti osianan iosido. Tu ong amu-no ihimon, a-milo-milo nga matai ino sid belantara, kalu-kalu ong akan do dupot dot orongit, antawa olikapan antawa matai do notuuhan. b) Nemot-po dau i domba dino, nga saanon-no vagu ino, tu okugui i domba dino. Na kapagasan-no vagu ino, tu okonko agaan ong songinan o domba. Varo dati 50 sampai 60 Kilo, ong osukod-no. Topot okonko kiroon i kapagasan, gamko otomon i manaud dino, tu nemot-no gima. c) Kouli-po sid valai, na okonko turus olingan dau i hal dino, gamko ihabal-po sid ongokoruhang om it ongoulun sid sombol, supaya kikoruhang-po iosido sid saralom di katamanan dau dino. I kogozoo di samod mionong di kogozoo di katamanan. Sid ayat 7 posondot i Yesus di suriban dau dino sid samod om katamanan do Kinoringan, ontok dit ulun di muli-no sid Kinoringan. Amu-no osusa do manarang-po. Baiko iso o hal mad avangaan tokou dati. Tu i 99 dino, nga retan-no di Yesus dot, amu-no osusa do pouli sid Kinoringan, ka. Ong i tokou o mongitung, mad osodu-sodu-no sid Kinoringan inot ongoulun do Parisi. Okon-kako osusa-po do pouli? Banal-neno. Topot i Yesus amu araatan di gama dioti mamantang om monuluk dit ongopinonuhuan (Matius 5,20). Ino-no i hal dit araatan i Yesus, it aso samod om aso kobinsianan dioti. Na kananganko i hal dino, mad nonong-no do hukum ioti. Tu opodok i katamanan om samod do Kinoringan bahagi dioti, ka. Manjadi nunu-ka i suul dit otorima tokou sid surga, ong okonko ino samod om kotomon do Kinoringan? 8-10 I suriban di ringgit di natagak. Amu-no ogumu o boroson bahagi di suriban dino, tu mirad i harati di suriban di nokogulu. I hopod ringgit dino, kalu-kalu ong okonko bai siin di nitahu dit ondu dino om toudon-no banal, tu mosikim iosido. Inoi nga iadko buru ino. Sabap varo koubasan sid pomogunan di Tuhan Yesus do manahak i kusai sid sovoon dau do hopod ringgit do perak banal i noluvangan-no, tu ipongumpakai dit obuk dit ondu iadko titimbok ontok do mogontong. Manjadi ino 10 ringgit dino ajadi-no do pangahandaman di kinapagantangan. Sabap ino, oruol-no banal i ginavo dit ondu dino do natagak i soringgit. Tu okonko rontob orugi iosido do soringgit, inoi nga i sizam di kakal-po nga nohinaan-no i kogunaan, tu okonko opompon-po i ringgit di pangahandaman dino. Amu atalahas banal i netung di Yesus ino hal dino. Tu okonko sokoviai it ongoulun di sinumuhut di koubasan dino. Kagi mosikim banal it ondu dino, tu opodok om otuvong ino valai dau dino. Ong kiringgit-no do hopod om natagak-no iso, masti orubatan iosido sampai magavi mogihim. Manjadi ondu o nanu di Yesus dot iponuriban di gama do Kinoringan. Ino iadino dino, na araat-no vagu sid tolingo dit Ongoparisi. Tu it Ongoulun do Yahudi amu mongoguna banal dit ongondu. It ongondu amu kavasa tumoronong sid meja do Kinoringan sid panambayangan sid Yerusalim, gamko varo tanid o natad nosodia bahagi dit ongondu, it osodu-sodu antad sid panambayangan dino. Topot elaan tokou-no dot amu sinumuhut i Yesus di pongitungan di iadino, inoi nga asarok dot ondu o notulungan om piniboros di Yesus. Manjadi ino gama di Yesus dino o sabap dot aso-no bida sid piumpugan dot ulun Kristian do kusai ko ondu. Sompi mirad ioti sid 67
tinoguvangon do Kinoringan. Lavis: Kadan-no do mangagama tokou do iadko ansal bahagi di habal do Kovosihan, dot i habal dino nga sid rinuvang om isai-nopo i sid lamas, nga amu kadapat di habal dino. Inoi nga i habal dino masti kahabal sid ulun di nokensodu-no sid Kinoringan. Tu kakali i Kinoringan o sanganu dit ulun om osianan dit ulun dino. I samod dau banalko agazo om i kotomon dau bahagi dit ulun di muli sid dau, nga agazoi. 15,11-32 I suriban di duvo it anganak di tanid o kavazao. I sabap di suriban dino, iri-no vagu it ayat 1-2, ino gama dit Ongoparisi moguhang di Yesus. Na i tomodon di suriban dino, agazo-gazo mantadko sid suriban keso om koduvo diri. Sabap okonko bai i samod om i katamanan dit Ama sid surga o noboros, inoi nga i pongitungan dit ulun di kisala do muli-no vagu sid Kinoringan sampai i ginavo dit ongoulun di mokindazou di kabanaran dau, nga aso kobinsianan dau sid ongoulun vokon. 11-13a I kinopibohogizan. I pomogunan do Yudea okonko pomogunan dot agazo om osongou, inoi nga hiza di Yesus asampit-no ioti do tana. Sabap ino, okonko hal do kalambatan i tuturan di Yesus dino, inoi nga ogumu ot anganak di minogidu sid tanid o pomogunan, tu mogihim do tana antawa ponsohorian vokon. Kagi, apatut dot okonko i kotuaan o mogidu, tu iosido o kotungkus di tana antad sid ama dau. Pasal ong i gama mamahagi, na elaan tokou-no antad sid Ulangan 21,17: i koubasan dit Ongoyahudi. Ong duvonot anak do sompi kusai, nga kiroon-no i horogo dit ensanan i tana om barang dit ama. Na duvo pitoluvon dang kotuaan om iso pitoluvon dang komulakan. Topot atalahas-no do baiko siin o kenginan di komulakan dino. Kalukalu ong minongojuval-po dit ongotana ko barang di nakabahagi sid dau om minamanau-ogi. Na it ama dino motos-nopo. Amu minoniag om amu minongimuhun. Ino dino, mad tanda dot oruol i ginavo dit ama. 13b-16 I karaatan mongovit sid kosusaan. It anak vagu dino, nga mad navuk-no do siin antawa mad noulau-no i ginavo dau do siin. Nokorikot-po sid pomogunan di rikoton dau, okon-noko mogihim do karaja ko ponsohorian, inoi nga mangada-nopo di siin dau dot ogumu ot anggai-anggai dau dot aso tantu-tantu. Nokedu-po antad sid hoturan dit ama dau, banalko aso-no bahazan. Ino-no i buatan do riniba di nokedu antad sid hoturan do Kinoringan sampai amu-no rumonok dit isai-nopo. Kasalaan-nopo, kodungko navi-no i barang dau, mimbulai-no i vitil dot agazo. Ino iadino dino mionong-no vagu do pongitungan dot ogumu ot ulun. Ka dioti,Amu-po sumuhut-oku ong iadino, tu ohijau-oku-po. Osukup-no ong sumuhut-oku di kenginan do Kinoringan, ontok do lumohing-oku-no. Topot ontok di lumohing-no iosido, varo-no tanid o sangkut om kosusaan. Na pempatai-no dot amu sumuhut iosido. Na hiza do vitil, mokiuripon-no iosido dot iso ot ulun sid pomogunan dino. I kenginan dau di gulu, lumabus antad sid kuasa dit ama, supaya obebas iosido. Na tohudi't adau, nokosuvang-no iosido sid kuasa dot ulun vokon dot okonko ulun dot avantang. Minsanko kakanan nga amu osukup om i karaja dau dino nga araat. Tu it anak vagu dino tantu ulun do Yahudi. Manjadi ong manaud do vogok o ponsohorian dau, masti osusaan. Ama om idi nakada-no. Pomogunan, nga nakada-no. Siin om barang dau nga nakada-no om navi-no. Ugama nga nakadai. Obinasa-po do vitil. Banalko aso-no harapan dau om ulun-no iosido dit aso guna. 17-24 I koulian dau. I kosusaan dino mad petung-no dit anak vagu dino. Nengkod-no i buatan di mad navuk sampai tumimpuun-no iosido mongitung dot, Isai-oku diti? Okon-ka-ko kiama-okui do lumundu diti? ka di ginavo dau. Topot nandaman-po it ama, nopurimanan-no dau dot amu-no apatut iosido muli sid ama dau do iadko it anak muli sid ama. Tu kisala-no iosido. Na atag dot amu minongitung iosido dot ekum-oku, ka, antawa kamalu banal ong iadino o koulian-ka, inoi nga minangakun-no di sala dau om osibak-no i ginavo dau do baiko mokiuripon-po dit ama. Netung-po i iadino, miningkakat-no, tu mamanau-no. Ino, nga atagi. Tu ogumu ot ulun do kipongitungan dot avantang, nga amu katama posunu. It anak vagu okonko iadino. Manjadi it ama dau, banalko amu nolingan dau it anak dau dino. Kalu-kalu ong norongou-no dau do varo vitil sid pomogunan di rinikot dit anak diri. Kalu-kalu ong varo-no minangahabal di kobuatano dit anak dino sid ama. Manjadi suvab-suvab-no minonginud iosido sampai notimpan-no dau it anak di muli-ogi dit osodu-po iosido. Na tumangkus-no it ama sumamung dit anak. Nokorikot-po, ginobu-no om dinungu-no dau. Masti avangaan it anak vagu. inongitung-no laid iosido dot, bang avantang o nasip-ku, mangakun iama do tumoronong-oku. Na lumouboku-no sid tana do sumamba sid dau om iri-ogi momoros-oku iadko i netung laid. Topot bang araat o nasip-ku, tantu sunsubon-oku-no dau, ka dati di pongitungan dit anak dino. Topot iadino o gama dit ama manansalamat!. Minsanko iadino o gama dit ama, kakali do boroson dit anak i boros di nosodia-no laid dau, o ino-no, i kookunan di sala dau. Baiko amu-no kadapat iosido mongompus banal di boroson, tu it ama nga amu-no mongining, gamko monuhu-no dit ongouripon do mongohormat di nokorikot. Ino suhu dino iadko timpa dit ama sid boros dit anak. I sinsing dino iadko cap. Kikuasa-no vagu it anak do sumain bahagi dit ongkob dioti. Manjadi sid saralom di samod dit ama dit agazo om sid kotomon dau dit agazo engin-po it ama pohigak dit ensanan i valai. Minangahatul-no iosido do poginakanan dot agazo, sabap, ka, itit anak-ku diti iadko minatai-no, nga napasi-no vagu. Manjadi, sid saralom di suriban diti monuduk i Yesus do banalko aso panangan ong ekum it ulun di kisala dot amu katama muli vagu sid ralan dot avantang, o ino-no, muli sid kovosihan do Kinoringan. Ong sukul muli iosido dot osibak i ginavo, masti otorima sid saralom do samod om sid katamanan. Tu banal-noko asamod i Kinoringan. Kagi i koulian sid Kinoringan na iadko koguliaanan o harati. Tu i Kinoringan o puun do koposizan. Ong nokeduno sid Kinoringan, tantu nokedu-no sid koposizan, minsanko kakali do mizau it ulun. Ong muli sid Kinoringan, 68
kadapat it ulun vagu do koposizan, minsanko matai-no sitid pomogunan. 25-34 I kotuaan. Norongou-po di kotuaan i sokoviai i najadi-no dino, banalko amu mangakun iosido di gama dit ama dau sampai amu-no mindakod sid valai. It ama osusa sumoliu, tu mongohulu dau. Na i boros di kotuaan sid ama dau pentalang-no banal do songkuro kagazo di hungot dau: amu-no manangama iosido dit ama. Inot obpinai dau, nga iadko niada-no dau, tu inot anak-nu dino, o pongoretan dau. Mangamalu-po dit ama, nga varo-no, tu, ka, Okonko piro-piro toun dot uripon-oku dikau, ka. Kokiraai iadko aso kovosihan om aso samod dit ama. Banalno ino, i samod dit ama dino, mad okonko kenginan dau om okonko gunaon dau, baiko mongitung do suul dau. Nunu-ka o suul-ku? Amu apatut i gama-nu sid dialo, ka. Sid saralom di ginavo di kotuaan dino najadi-no it ama dau do iadko toki dau om okon-noko ama. Manjadi ohorotizan tokou-no dot i kotuaan dino nga suriban bahagi dit Ongoparisi. Ioti dino minoguhang di Yesus, tu tinumorima i Yesus dit ongoulun di kisala, iadko i kotuaan dino minoguhang dit ama dau. Topot sid saralom di gama moguhang mangada ioti di samod do Kinoringan sampai posilihon-no dioti i Kinoringan do bai toki-po i mongiro do gaji dot ulun om it utang dot ulun. Sid kompusan di suriban dino atalahas-no vagu i samod dit ama. Ot anak-ku, ka, ikau dino soumul-umul sid dohon... Atag-no ong ikau nga ohigaki sampai otomon, ka. Kakali monginud i Kinoringan dot ohorotizan dit Ongoparisi i samod dau, ino-no it Ongoparisi sid pomogunan do Yudea diri om i buatan do iadko Parisi sid ongoginavo tokou biano. Songkuro-po-ka kalaid om kaharati tokou-ogi? Lavis: Aso kosopulan do riniba vokon do tanid mantadko i samod do Kinoringan. Aso karaatan antawa sala do riniba dot amu-no kadapat i samod do Kinoringan manapul vagu dot ulun. Baiko iso-no ot osusa banal, ong mangada tokou di samod do Kinoringan dino. 16,1-13 I suriban di mandul dit amu abanal om i harati di suriban dino. I fasal 16 sontumpuk dot ongotuturan dot iseso o tomodon, ino-no manarang i Yesus do kuran i hal do siin om i kolundu do pomogunan. Tumimpa i Yesus i duat dot, It ulun di kisiin, osopulan-ka ioti? ka. Manjadi atag-no ong hondomon tokou ino. Sabap ong rontob i suriban dino ot itungon, oruhai apalid om amu emot i tomodon om lavis. Varo iso hal di monulung di tokou humarati di suriban dino, ino-no it ongoayat di sumuhut di suriban (813). Amu elaan tokou do iadino-no laid i gama di Yesus monuturan, poguluvon i suriban om iri-ogi i panarangan, antawa baiko i Lukas popiamung di suriban om i panarangan di varo sid Matius 6,24, 25 om 21, minsanko aso suriban sid Injil di Matius do iadino. 1-7 I suriban. Sid pomogunan do Yahuda om lobipo sid Galilea ogumu-gumu ot ongoulun di minongojuval di tana om kabun dau sid ongoulun do Rom. Tu it ongoulun do Rom dino ogumu o lumundu. Topot inot ongoulun do pasok dino ogumu o mosikim. Manjadi nakadagang-po dit ulun do Rom i tana ko kabun diri, okonko mintoron iosido sid tana dino, inoi nga mogihim-no do mandul di mangahatul di kabun dino. Topot iosido kondiri muli-no sid pomogunan dau. Rontob i hasil di kabun, o manganu iosido. Ong iadino osodu i sanganu, agazo-no i pensubaan di mandul dino dot amu-no atarang banal i gama dau kumavid di siin di tuan dau, tu alambat dati rumikot do momorisa. Varo-no ong amu-no ensanan i hasil o nikirim sid sanganu sid Rom. Varo-no ong minongojuval di barang di tuan dau sid ongoulun vokon. Varo-no ong minangavi om minongorungoi di pukuk di tuan dau. Kalu-kalu ong okonko vinaal di Yesus iti suriban diti, inoi nga varo dati hal do iadino di najadi sid pomogunan diri om nanu-ogi di Yesus do suriban. Na amu oruhai posusut do karaatan. Tu minsanko osodu ino tuan, varo't ongoulun sid sombol dot odovurit. Ioti dino, kodungko nengat-no i buatan di mandul dino, na mongoruput-no sid sanganu. Norongou-po di tuan i iadino, mongirim-no iosido do surat, tu pentahan di korikatan dau om pentahan di kalapasan di mandul. Na banalko osusa i ginavo di mandul dino. Nelaan-no dau do banalko aso tinganan do mongimbulai vagu di siin di norungoi dau., Ong sumunu-no i tuan sumiti, tu mikiro di mandul, amu-milo-milo nga kapalas iosido. Topot kuran-no o katagan dau dino? Gumama gumaji nga amu-no kogoos iosido. Kalu-kalu ong amu-no ohijau banal iosido, antawa rontob amu-no oubas gumama, sabap alaid-no do mad misingtuan iosido. Manjadi ino-no o katagan di nemot dau: Ka di ginavo dau, Ioku diti a-milo-milo nga onong do hukum di tuan-ku. Mad aso-no bida do baiko 5000 ringgit di norungoi-ku antawa 6000 ot orungoi-ku. Na osuhul-no ong mongorungoi-oku-po vagu do 1000 do mogkovosihanoku-po dit ongoulun siti ponong, supaya kalapas-oku-po, nga tulungan-oku-no dit ongoulun dino, ka di ginavo dau. Netung-po i iadino, minongodim-no iosido dit ongoulun di kiongoutang sid tuan dau om kinurangan-ogi dau it ongoutang dioti dino. It iso nga nokurangan it utang dau do limo nopod tan dot umau makan, ino-no horogo do 500 ringgit i hiza diri. I koduvo, nga nokurangan it utang dau do 20 pikul gandum, i horogi nga pengkaai 500 ringgit. Atalahas-no dot ioti duvo dino i kiutang nga okonko ulun dot aso tantu-tantu ko ulun do kampong, inoi nga toki ioti di midagang-dagang dot ogumu o barang. Kiroon dati di mandul dot ioti masti kadapat monulung dau tohudi't adau. Manjadi ino-no rontob di suriban dino. Sid ayat 8 amu dati nonong i gama manalin di Kitab Yunani. Tu okonko i tuan o minongindazou di mandul dino, inoi nga i TUHAN; o ino-no i Yesus kondiri. (Sid boros Yunani, sompikyrios o boros). Manjadi ong iadino, okon-noko dang suriban it ayat ka-8, inoi nga dang panarangan. 8-13 I harati di suriban dino. Varo kogolivangan di kogumuai dot ulun dot, Nokokuro-ka, tu onuvon di Yesus i hal do iadino do suriban. Kagi, okonko rontob i suriban, gamko i suntuan, tu minongindazou i Yesus di mandul dot araat dino. Engin naku i 69
Yesus do sumusui tokou di karaatan di mandul dino? Tantu-tantu ko amu. Topot bang amu, nunu-no-ma o harati di suriban dino? Mad duvo o harati di suriban dino di iadko milapis. a) I keloo di mandul dino ot indozohon di Yesus. Atalahas-no dot okonko it akal ko i karaatan o boroson di Yesus, inoi nga i gama di mandul do mongitung di hal di rumikot-ogi. Amu minongitung iosido dot, Ade, araat o nasip-ku, tu varo bala minongoruput dohon. Na makan, minum-oku-po sampai korikot ino tuan. Korikot-po izau, nga a-no elaan dot olikapan ko amu, ka dati di ginavo dau. Na okonko iadino, inoi nga minogihim-no do katagan bahagi di hiza do kalapas iosido sid karaja dau. It ongoulun di riniba diti, ka di Yesus, elo-no mogihim do katagan bahagi di hiza di rumikot. Topot it anganak do kanavau, ogumu ot amu elo mongitung do katagan dau bahagi di hiza dau di rumikot. Monodiri i Yesus dot Anganak do riniba om anganak dot kanavau. Ong it anganak do riniba, ulun dit amu mongitung ko humarap sid Kinoringan om i hal dot ugama, nga kakali mongumba om mongumpai di suvab om i toun vagu. Topot it anganak do kanavau, ino-no it ulun di mangasip sid Kinoringan, i hiza do penlaid ot rikoton om itungon om umbaon. Na banal-no i boros di Yesus: ogumu ot ongoulun sid piumpugan di minsanko nakasip-no om nopodsu-no om norongou-no dau i Habal do Kovosihan, kakali dot amu engin mongitung di hal do penlaid om i karajaan do Kinoringan. Amu-ku elaan ong ino, ka dioti, ko, Ombo-ko i Kinoringan, ka. Na amu mangakun i Yesus do iadino o boroson tokou. Osuhul-no ong suntuan-no dikou i mandul dino. Tu minsanko araat iosido, nakadapat iosido mogihim do katagan dau om mongumpai di kosinangan dau. Ikou nga pengkaai, ka di Yesus. Elaan-no dikou dot a-milo-milo nga rumikot it ontok do penlaid om i hukum do penlaid. Na itungon om ihimon-no dikou o katagan dikou, ka di Yesus. Topot, kuran-no-ka? Kadapat-oku naku monodia di katagan bahagi dit ontok penlaid? Okon-ka ko tantu baiko i Kinoringan o nokelo di hal dino, om i tokou diti nga masti humarap di kovosihan om kobinsianan dau? Banalneno. I Kinoringan dino okonko iadko toki di mongiro do gaji antawa utang dit ipat-ipat it ulun om amu tokou kadapat momoros sid Kinoringan dot, Ioku-no diti ot ulun dot obinsuhut. Ino om ino, nga nosuhut-ku-no kavi. Na tahakai-oku-no do koposizan penlaid sid surga, ka. Bang iadino o gama tokou momoros antawa mongitung, koluu tokou dit ongoulun do Parisi. Ino iadino dino, mad ikasana do Kinoringan. b) Pokianggai-kou-no di Mamun, i kikaraatan... Andaman tokou dati i boros di Yesus sid Lukas 12,33 do minonuhu iosido di kinoruhangan dau dot, Pojuvaro-no it ongobarang dikou om pangagama-kou-no dot ongoobubut dit amu rumobuk, o ino-no it ongobarang do kihorogo dit amu milod ovion i sid surga, ka. Sampai andaman tokou i boros di Yesus sid Matius 25,40 dot, I gama dikou monulung dit isot ulun dot osibak it ongobpinai-ku, iadnoko ioku o tinulungan dikou, ka. I Mamun dino, ino-no i siin om i nunu-nopo i kolunduo do pomogunan, minsanko ogumu o karaatan sampai asarok do manangkut di ginavo dot ulun sumuhut do Kinoringan, kakali do kiguna sid tinoguvangon do Kinoringan, tu pakakas do samod om iponulung dot ulun dot osusa. Okonko mongitung i Yesus dot inot ongoulun di notulungan o kadapat posuvang sid surga. Topot ioti dino ajadi do sasi sid hukum do penlaid dot asamod kito antawa amu. I vazaan di Yesus momoros sid ayat 9 dino baiko sumunsui di hal di noboros sid suriban diri. Manjadi ong ovion-no mongitung i hal dino, mad-nopo tanid i harati di suriban. It ulun do lumundu dino, i kimandul, okon-noko i Kinoringan o harati, gamko i Mamun antawa i kolunduo do pomogunan o harati. Iosido dino na tuan di kikuasa di posuhut dit ulun sid dau do hoturan. Na i mandul dino amu sinumuhut di hoturan di tuan dau, inoi nga minamakai di siin di tuan dau bahagi do tanid o tomodon. Bang iadino o gama tokou humarati di suriban dino, amu-no avangaan tokou di gama di Yesus mongindazou di mandul dino. Kagi i boros di Yesus sid ayat 13 tantu iadino o harati: isot ulun nga aso kopokiuripon do duvo o tuan.. Amu-kou kadapat sumamba sid Kinoringan sampai sid Mamun, ka di Yesus. Manjadi ino iadino dino banalko otopot. I tokou diti di kakal tokou-po sitid pomogunan do riniba, a-milo-milo nga mamakai tokou do siin om mamakai do barang. Minsanko amu lumundu, masti mongitung di hal do siin, tu mogihim do kosukupan om kosinangan di kondiri dau sampai i koruhang. Na ong nokopuriman tokou di kuasa di Mamun, ino-no i pensubaan di mimbulai antad sid siin antawa nunu-nopo sombarang di kihorogo. I kuasa di Mamun dino engin posuhut di tokou sid dau do hoturan, o ino-no mokilulundu, monongkudau, mumpalad om nunu-nopo i iadino. Topot it ulun di iadino o gama, tantu apalid antad sid Kinoringan. Sumamba iosido sid Mamun, ka di Yesus. Sid saralom di suriban din o monuhu-no i Yesus dot, Kadan-kou-no sumuhut di hoturan di Mamun. Pakazon-no dikou i siin om barang om sumuhut-kou-no di hoturan do samod, okonko i hoturan do Mamun, ka di Yesus. Na it ayat 10-12 manalahas-no banal dot okonko i karaatan di mandul o susuzon. Ong hal do siin masti atarang om abanal. Tu nunu-nopo i karaatan kananganko i siin, okonko opodok o sala. Amu tokou kavasa do mangapil antawa mokiapil, mongorugi do koruhang antawa nunu-nopo i iadino. Tu okonko sumuhut di hoturan do samod ino. Kagi, i kolunduo dino ong otopot-no, nga tahak do Kinoringan dit nipataud do Kinoringan di tokou riniba. Na ajadi-no do iadko poniiman di ginavo. Tu ong abanal-no it ulun sid saralom di gama dau manaud di siin om barang dau, apatut-no iosido dot atahakan di panahak di lobi-po kiguna, o ino-no i hal do penlaid. Ino-no i harati dit ayat 12. Ino-no i barang di kiguna, i dang ulion tokou sid surga (imatai Filipi 3,17-21). Topot it ulun do lumundu, minsanko rinibuvan antawa linasaan sid bank dau, amu kadapat iosod mongovit di siin dau ong matai-no iosido. Lavis: I Yesus monuhu di tokou do mongitung di hiza di rumikot-ogi. Ontok do penlaid, iso-no ot ihimon do Kinoringan sid ongoulun di mangasip, ino-no i samod. Minsanko ogumu o karaatan o kumapit sid siin om banalko oruhai mamalid di ginavo dot ulun i siin dino, kakali do kiguna, tu pakakas do samod sampai tanda 70
di ginavo tokou. Duvo-no o kopolidan: oholian o gama tokou mongoguna do siin do iadko pinokokinoringan tokou om iri-ogi, amu onong i gama tokou manaud di siin om barang. 16,14-18 I kabanaran om i Pinonuhuan (Matius 11,12; 5,18+32; 19,9) Inot ongoayat dino noboros di Yesus sid Ongoparisi di banalko mokisisiin. Ino buatan dioti do mokisisiin mad iponuput sid tuturan di nokogulu, tu siri nga i hal do siin om barang ot noboros. Topot tumalib-po di baiko siin, gam tumoguvang-no di kabanaran om i gama sumuhut di kenginan do Kinoringan. Kagi apatut ino iadino. Sabap nohorotizan tokou-no dot i gama mongitung bahagi do siin mad tanda do kuran i ginavo dot ulun. Inot Ongoparisi dino kesaan di sumodiri antad sid kinogumuai dot ulun di retan do kisala om asakau. Topot varo-po tanid o kogunaan di kesaan dino, tu jinumadi-no ioti do kesaan do midagangdagang. Amu minangakun ioti do milang monginakan it ongoulun. Topot ong mongojuval do barang sid dioti, obuli, ka. Kagi, banalko aso katagan ong mosikim it ulun do Parisi, tu amu osuhut it ongoadat ong ulun do mosikim. Andaman tokou it adat pasal ong momoug do palad sampai longon, kodungko nokouli antad sid pasal, a-milo-milo hatus gilin o vaig, tu mongohugus di dungit do pasal, ka. Suvai varo't uripon do suhuon dau managou. Na minagavi-no ioti mokisisiin, supaya lumundu sampai kotibang sumuhut dit adat. Om kodungko kosuhut-no, mogihim-no ioti do vazaan do pentalang banal sid ongoulun di gama dau sumuhut, ino-no, Ong osomok-no i jaham do pomintaan dua, sumoliuno ioti om minamanau sid ongokadai, supaya emot ioti dot ulun sid saralom di gama minta dua (Matius 6,5 om 23,6). Tu engin ioti mokiindazou dot ulun. Minsanko sid gama minta dua, nga mad buatan do mokisasavat sid tinoguvangon do Kinoringan (18,9-14). Norongou-no dioti i suriban om i panarangan di Yesus kananganko i siin om barang, tantu minangagauk ioti di Yesus. Isai-po-ka o kosuhut di Pinonuhuan, bang iadino o gama om amu-no kavasa mongoguna di kolunduo? ka dati dioti. Kagi, varo tudukan dioti dino dot i kolunduo o tanda do barakat do Kinoringan, ka. 15 I kabanaran sid soribau om i sid saralom. Ikou dino misingbanal sid tinoguvangon dot ongoulun, ka di Yesus. I kabanaran dioti dino baiko sid soribau, topot sid saralom do ginavo, okonko sumaba sid Kinoringan. Mogihim ioti do kasavato, topot samod om kobinsiananogi aso. Na ino buatan do iadino okonnko baiko ioti't Ongoparisi, inoi nga hiza dit ongonabi kodori, nga iadino-no laid i kobuatano dit ongoulun dot Israel. I boros di Yesus mad koluu di boros di nabi Yesaya 2,11-19 om 5,15-16 om i nabi Amos. I Kinoringan amu mongoguna di buatan di bai sid soribau, songkuro-nopo kavantang om kahatul o gama sambayang. Inoi nga mogihim i Kinoringan di ginavo dot osibak om obingrosi (Zabur 51). Sabap ino apatut i Yesus momoros sid dioti do baiko misingbanal ioti. Om i kabanaran dino dit amu otopot, nga okonko rontob asot ipokindazou sid tinoguvangon do Kinoringan, gamko pinasa, o ino-no i hal do banalko ikasana sid tinoguvangon do Kinoringan. 16 I pitonidan di hiza dit ongonabi om i hiza di Yesus. Atalahas-no laid antad sid fasal 1-3 di Lukas dot i Yahya i minomodsu diri nga iadko pangarantaban di Kitab Laid. Iosido-no dino nabi di sid tohudi banal om i habal dau, nga kopupusan-no di habal dit ongonabi di pentahan di hukum do Kinoringan (3,7-17). Nokorikot-po i Yesus, nihabal-no dau i Habal do Kovosihan. It ongoulun dot osusa om i mosikim om i retan do kisala, om i nakada-no dit ongoulun do Parisi ot inihim di Yesus. Ino-no i habal dau sid dioti, Asamod i Kinoringan sid ongoulun di muli sid Kinoringan om sid ongoulun dit osibak o ginavo, ka. Manjadi retan-no i Yesus dit Ongoparisi dot ulun iosido dot araat om ulun di mongorungoi di Pinonuhuan do Kinoringan, tu tumorima iosido dit ongoulun do kiongosala, ka dioti. Topot i Yesus okonko mongorungoi di Pinonuhuan antawa sumaap di kenginan do Kinoringan. Okonko minangakun i Yesus dit ongokaraatan dot ulun om okonko mamanal iosido di sala dioti. Baiko osianan iosido dioti, tu aso-no katagan dioti, ong peduon-no banal sid Kinoringan. Kiroon di Yesus i sala dit ongoulun iadko sakit. Iosido nga iadko dokutol di pedu di sakit dino, supaya osinang vagu it ongoulun dino. Ino-no it onsi di Habal do Kovosihan om it onsi di gama om boros di Yesus. Topot it Ongoparisi dino amu hinumarati di pitonidan di hiza di Yesus om it ongonabi. Gamko asana banal ioti do nemot-no i kinogumuai dot ulun di minomodtoronong-no sid di Yesus. Ong otopot, okonko i Yesus o nokoponimban di kenginan do Kinoringan, inoi nga inot Ongoparisi o nokoponimban. Tu i pinonuhuan om it ongoboros do nabi di nitahak do Kinoringan, tu monunda dit ongoginavo dot ulun, sampai pemumui vagu dit ongoulun di napalid-no, na nanu-no dioti do vazaan do mokisasavat om mokiindazou. Topot ong i kosurutan di samod om kobinsianan, inot onsi di pinonuhuan, amu sinuhut dioti. 17 I kenginan do Kinoringan amui sumimban. Minamakai i Yesus dot iso o pamarasan dit Ongoyahudi. Elaan tokou-no do banalko minongoguna ioti di pinonuhuan do iadko najadi-no do sambaon i pinonuhuan dino. It Ongoelo do Kitab diri, na minangamung-po dit ongoadat-adat dioti di iadko ipangansal di pinonuhuan, supaya okonko i pinonuhuan kondiri ot aranggal, baiko inot ongoansal, ka (imatai sid 11,37-54). Na varo pamarasan dioti dot, I pinonuhuan dino sampai penlaid amu tumanus, minsanko somputik sid saralom di pinonuhuan nga amu-no, ka dioti. Manjadi ino pamarasan dino pinakai di Yesus do minanarang-no iosido dot okonko engin iosido mananus di pinonuhuan, inoi nga engin iosido dot otuluk banal i kenginan do Kinoringan, i nitahu sid pinonuhuan dino. Rontob-nopo, okonko rontob otuluk sid soribau, gamko otuluk-po sid saralom do ginavo, o ino-no otuluk dot i samod om i kotulidan om i kobinsianan 71
o posuruton. Ogumu't ongoulun Kristian nogolivong banal di boros di Yesus dino. Tu minongitung-no dot osusa-no sumuhut dit ipat-ipat it ongopinonuhuan sid saralom di Kitab Laid. Ino-no o sabap di kinojodizan di tudukan do Hari Enam, i monuduk dot amu kavasa mangakan dot onsi do vogok om it adau do pongintaranan nga okonko i minggu, inoi nga i hari enam, ka. Antawa osusa manahak do persopulohan, ka. Sabap ino dino, nga noboros-no kavi sid Kitab Laid. Banal-neno. Sid saralom dit ongopinonuhuan dino nokembulai-no i kenginan do Kinoringan bahagi di tokou riniba, ino-no, dot amu tokou gumavul sid gama sumamba sid rogon (ino-no i harati dit ongopinoniagan pasal ong it ongoharam) om i hoturan do sumambayang (adau do pongintaranan) om i gama posurut di piumpugan (ino-no i harati di persopulohan). Topot ong pojodizon-no vagu dot adat inot ongopinonuhuan dino, mad koluu tokou-no dit Ongoparisi, di banalko sumuhut di hurup di Kitab. Topot i harati ong nalazanogi. Atag-no ong magavi tokou manangkis di hal do rogon sid saralom do piumpugan tokou. Atag-no ong ahatul i gama tokou sumambayang sampai manahak do persambaan. Topot ontupaton tokou banal, supaya osuhut tokou ino antad sid ginavo di mongoguna do Kinoringan sampai ontupaton tokou, supaya amu kasaap ino di samod om kobinsianan. Sampai hondomon tokou i boros di Tuhan Yesus pasal ong it ongoharam dino (Markus 7) om i tudukan di Sundu dot Osusi sid di Petrus (UR 10). Kananganko it adau do pongintaranan dino, tantu lobipo apatut tokou mongohondom di kovosihan di Kinoringan di nokembulai ontok di kinogulianan di Yesus om it adau di kinendohuan di Sundu dot Osusi mantadko i kovosihan dau ontok di kinourugan. I kinogulianan di Yesus om i kinendohuan do Sundu sompi nokoontok sid adau do minggu. 18 I gama mangada do savo miradi do kumiagai. Iri-ogi manarang-no vagu i Yesus dot aso kogunaan di kabanaran dit Ongoparisi. Atalahas-no banal i kenginan do Kinoringan sid pinonuhuan ko-7 dot, Kadan-ko-no kumiagai, ka. I riniba okonko iadko it ongodupot dot aso hoturan do misavo om aso korintuodo. I riniba dino atag-no ong okonko sumuntu sid dupot, inoi nga sid Kinoringan it atatap om otulid om asot akal. Iadino i kenginan do Kinoringan di nitahau-no sid pinonuhuan ko-7. Manjadi nelaan ino dit Ongoparisi sampai amu kadapat ioti monimban di pinonuhuan dino. Topot kiakal ioti. Ka dioti, Ong mangada-ko-no laid di savo-nu om iri-ogi manansavo-ko-no dot ondu vokon, okonko-ko kiroon ino do gama kumiagai sampai aso-no sala-nu, ka. Manjadi banalko amu minangakun i Yesus di gama di iadino. It ulun do iadino o gama kakali mangaranggal di kenginan do Kinoringan, minsanko retan dikou dot aso sala om minsanko amu-no aranggal i hurup di pinonuhuan. Tu i katatapo om i kotulido o kenginan do Kinoringan. I gama dikou mangalai di kenginan dino o tanda-no dot aso guna di kabanaran dikou dino, ka di Yesus. Lavis: Duvo-no o hal dot osusa tokou mongontupat dot amu tokou rumanggal di kenginan do Kinoringan, inono, i gama om pongitungan tokou kananganko i siin om barang om i gama misavo. Amu tokou apalid, ong potorontogon tokou i kenginan sid katatapo om kovosihan do Kinoringan, i nihabal om nigili di Yesus sid di tokou. Kadan tokou sumuhut di kenginan om koozian di ginavo kondiri. 16,19-31 I suriban dit ulun do lumundu om i Lazarus. Ogumu-not ulun mongitung dot okonko antad sid di Yesus i suriban dino. Keso, varo suriban di koluu di tuturan dino sid ongoulun do Masir sampai retanko, antad sid Masir nokolombus-no i suriban dino sid ulun Yahudi sampai najadi-no do tangon do Yahudi. Intaman di Lukas ong antad sid di Yesus sampai nisuvang sid injil dau, ka dioti. Koduvo o sabap dot iadino o boros, sid saralom di suriban dino manarang i Yesus di kobuatano do surga om i naraka, ka. Aso koubasan di Yesus do iadino. Okudik o boros di Yesus kananganko i kobuatano do surga om i naraka, ka. Iti-no o sabap dot okon dati ko antad sid di Yesus i suriban dino, ka dioti. Pasal ong ino tangon do Masir sampai tangon do Yahudi, otopot ko varo iadino. Topot agazo o pitonidan di tangon diri om iti suriban di Yesus. Kalu-kalu ong nelaan di Yesus i tangon dit Ongoyahudi dino, na sinimbanan dau, supaya mionong di kenginan dau sampai kentalangan di kenginan do Kinoringan. Kananganko i kobuatano do surga om naraka, atag-no ong nengat tokou do baiko suriban iti. Oubas-no i Yesus momoros di hal do surga sid saralom do suriban, kokiraai sid suriban di poginakanan. Topot okonko i harati dino dot makan om minumnopo it ulun sid surga. Baiko ino o tomodon di Yesus manarang sid poginakanan, ohigak banal om otomon sampai aso-no kosusaan om kosompitan sid surga. Pengkaa i suriban diti. It ongohal di noboros siti rontob suriban, na kadan tokou onuvon do panarangan bahagi di surga. A-elaan do tantu kopiimot it ulun sid surga om i sid naraka om a-elaan do nunu om nunu i kapagasan sinod naraka, apui, ka, antawa kosogito (pogkikipan do nipon, ka di Matius 24,51 om 25,30) antawa rontob i buatan ong osodu-no sid Kinoringan. Iso-no o tomodon di Yesus sid suriban dino, ino-no, manarang sid di tokou dot amu tumanus it ulun hiza do matai iosido, inoi nga varo kosungguvon dau tohudi di kapatazan. 19-21 I kavazao dit ulun do lumundu sampai i Lazarus i hiza di kakal-po mizau ioti. Duvo ot ulun iadko nagambal sid saralom di tolu it ayat dino. Osodu o pialatan, ong i buatan dioti o kiroon, topot osomok banal ong i tampat o kiroon. Iseso o kampong ko bandar it inintoronon dioti. It ulun do lumundu dino nga pemot di kolunduo dau sid ongokosulungan dau sampai sid kakanan dau. Aso boros do varo karaatan dau, kokiraai mongorugi iosido dot ongoulun vokon antawa pagaji dot ulun dot aso tantu-tantu o gaji. Rontob-nopo lumundu iosido, nasip dau antawa ong i pongitungan dit ongoulun do Parisi o kiroon, lumundu iosido, tu nabarakatan do Kinoringan. Na it ulun do mosikim diri okonko rontob mosikim, gam sumakit-po dot ahali om amu-no kengkakat. Tantu amu 72
kadapat iosido gumama do mansahari. Iso-po o kenginan dau, mongimumuk di mumuk di naratu antad sid meja dit ulun do lumundu. Harati, aso koruhang dau, asot anak, aso savo, banalko iseso iosido. Okugui-po iosido sampai amu-no kadapat monunsub dit ongoasu di monila dit ongonuko dau. Duvo it ulun do iadino agazo o pitonidan, minsanko mibansa, kakali dot amu dati kopipiboros. I lumundu mongusiba sampai rumosi dit ulun dit asakau dino, om i mosikim nga rumonok-no dit ulun dit iadino kasavat o pangkat. Iso-po ot engaton: i mosikim dino, nga Lazarus i ngaran dau. Iso suriban di Yesus nga aso do kingaran it ulun sid suriban dino, baiko siti. Na atalahas-no dot tinomod di Yesus do narait dau i ngaran dino. Kagi, i ngaran dino, varo harati, ino-no, Kinoringan-no o monulung, ka. Pentalang i Yesus do kuran i ginavo do Kinoringan. Amu otopot i boros dit ongoulun do Parisi dot i kolunduo o tanda do barakat do Kinoringan om i kosikimo nga mad tanda do hukum do Kinoringan. Manjadi ioti miduvo dino nga iseso o tampat. I Lazarus modop-odop sid navaon di valai dit ulun do lumundu dino. Andaman tokou i suriban vokon di Yesus do varo narampasan (10). Na iosido diri notulungan banal dit ulun do Samaria. Topot ong i Lazarus amu tinulungan dit ulun di lumundu. 22-26 I kapatazan dioti om i kosungguvo di minatai-no. Ong i Lazarus dino na rontob i rikoton dau o noboros, ino-no sid kangkab di Ibrahim. I harati, mogom-no iosido sid rompit di Ibrahim (sid poginakanan do surga). It ogomon dino ogomon dot apangkat sampai kiboros it Ongoparisi dot, Iokoi diti, tu ulun dot abanal, ong matai-no, tantu kogom sid kangkab di Ibrahim, ka. Ong it ulun do lumundu, nga aso boros dot inongoi, posuvang sid naraka. Rontob nilobong iosido, ka. Tu ahatul gima i gama mongolobong. Ino nolobong dau dino o kopupusan di hormat om pangkat dau. Manjadi i gama dioti miboros dot it ulun do lumundu sid saralom do kapagasan sid naraka om i Ibrahim sampai i Lazarus nga sid surga, manalahas dot i kosungguvon do iadino, amu-no milod simbanan vagu. Avangaan tokou dati dot aso hukum, inoi nga turus korikot sid naraka antawa sid surga. Kananganko ino, hondomon tokou-no do baiko suriban ino om amu tokou kadapat manganu di tuturan dino do panarangan bahagi di kobuatano di hal do surga. Koduvo-po, i hukum dino amu milo-milo nga sumuhut sampai manantu di kinavazao dot ulun i hiza di kakal-po mizau iosido. Om ino iadino dino, nga noboros-no sid ayat 25. Onibak banal i boros di Ibrahim dino, om osusa tokou mongontupat, supaya amu tokou ogolivong. Sabap okonko piro-piro o tuturan sid Kitab manalahas do kuran i hukum do penlaid, ino-no sumuhut di kosipan dot ulun om sumuhut di samod, okonko abalik i buatan dot i mosikim nga osinang om i lumundu masti opogos, iadko sid suriban diti. Iti diti baiko mantas banal i boros om iso o tomodon, ino-no, manarang dot amu-no osimbanan, tu sumuhut di kinavazao di mizau po. 27-31 It indomoon dit ulun do lumundu bahagi dit ongoobpinai dau. Ontok do penlaid, sokoviai it ongoulun mangasip om sumamba-no sid Kinoringan. Iadino i boros sid Kitab. Na amu elaan tokou do sera o kotimpuunan dit ontok do penlaid dino, kiro-kiro, suvaiko orikot-po i kovian do pomogunan, ka, antawa adau do kapatazan, nga adau do kotimpuunan bahagi dit ipat-ipat it ulun, ka. Amu atalahas banal sid Kitab. Topot iso ot atarang sid saralom di suriban diti: aso tinganan om amu kavasa do pentalang-no laid di kuasa om kohormatan do Kinoringan sitid pomogunan do tanid o vaza mantadko sid saralom do Kitab. Kiro-kiro, itit ontok didino do kakal tokou-po sitid pomogunan om mizau tokou-po, iadko poporiksaan sid sikul. Sid saralom do poporiksaan amu kavasa i murid mongoduat dit ongoulun dit elo mantadko iosido. Inoi nga ombo it andaman dau antad sid ongobuuk-buuk dau, ino-no o suraton dau. Manjadi i tokou ulun Kristian mad osinang-sinang tokou-po ko i murid-murid sid sikul, tu kadapat tokou mamasa di Kitab, ong sukul engin, antawa mongining dit ongotuturan sid saralom do sambayang. Ino-no ot osukup, ka di Ibrahim. Na atag-no ong magavi tokou mongining di habal antad sid Kitab sampai sumuhut di habal dino, supaya amu tokou ofeil ontokko di hukum do penlaid. Lavis: Kadan tokou-no humarap di kolunduo do pomogunan antawa mongitung dot suvaiko lumundu om osinang-ogi. Inoi nga hondomon tokou banal dot varo kosungguvon tokou ong matai tokou-no. Ino kosungguvon dino sumuhut di kavazao tokou biano. Ong kisamod tokou sampai mangasip tokou banal di boros do Kinoringan, otorima tokou do Kinoringan posuvang sid karajaan. Bang amu tokou mongining sampai amu sumuhut, tantu opogos tokou tohudi't adau. 17,1-10 I hoturan do piumpugan. Sid a-ko piro ot ayat dino mongonsi i Lukas di nituduk di Yesus kananganko i kavazao om kobuatano sid saralom di piumpugan dau. 1-4 I kasalaan om i gama mangada di sala do koruhang (Mat. 18,6-7;15-17;21-22 om Markus 9,42). Keso, i hal do sala. Duvo o boroson di Yesus, Keso i sala di mangagama it ulun sid koruhang dau, om iri-ogi koduvo, i sala di nagama di koruhang sid dato. I duvo i boroson di Yesus dino mad misaap ngaran. Tu sid saralom dit ayat 1-2 moniag i Yesus di tokou do kadan tokou mongitung dot opodok o hal ong mangagama tokou do sala. Inoi nga ipat-ipat i sala, minsanko opodok, nga agazo o hal sampai avagat i hukum, ka. Iri-ogi sid 3-4 monuhu i Yesus dot kadan tokou patahu banal sid ginavo di sala do koruhang, inoi nga osuhul ong polingan sampai 73
padaon, ka. Ino buatan dino do mad misaap i duvo i boroson di Yesus dino antad sid kinohorotizan di Yesus di hal do sala. Ino-no i harati, I sala pedu ko mamalid dot ulun sid Kinoringan dot aso bida, i minangagama di sala dino, nga osodu-no sid Kinoringan om i nagamaan do sala, nga malid dati sid Kinoringan. Sabap ino, kadan-ko-no mangagama do sala antawa ong varo-not ulun do kisala sid dikau, nga padaon-no, supaya it ulun dino sampai ikau, nga amu tumagak sid Kinoringan, ka di harati di boros di Yesus dino. It ongoayat dino okonko rontob sid Injil di Lukas, inoi nga nokosurat-po di Matius. Atag-no ong imatan i boros dino sid di Matius, tu anaru-naru mantadko sid di Lukas. Topot it ayat 1-2 atarang-tarang sid di Lukas. Sid di Matius moniag i Yesus do kadan-no mamalid dit anganak, ka. Sid di Lukas it ulun dot osibak o noboros, sampai nokogulu-no i suriban di Lazarus dino, mad i suriban dino manarang dot nunu songulun it ulun dot osibak dino. I boros di Yesus dino nga tudukan sid kinoruhangan. Amu engin i Yesus dot ogolivong ioti mongitung do iadko it ongoulun do Parisi. Sabap ioti dino minongitung-no dot kadapat ioti manangkis do sala sampai mananus banal dot banal-noko aso-no sala ong laid, ka dioti. Na okonko ensanan i riniba kadapat di buatan do iadino, inoi nga baiko it ulun di nopili do Kinoringan, ino-no it ulun di retan do bansa do Kinoringan. Boros dit Ongoparisi, Ong sukul rontob sangadau koledo aso-no sala dit ongoulun di bansa do Kinoringan, tantu pembulazon-no di Kinoringan i karajaan dau sitid pomogunan do Yerusalim, ka. Na antad sid pongitungan do iadino o nokembulai i gama dioti magavi monuluk di pinonuhuan sampai i gama-po do mongoguna antawa mangazazak dit ongopinonuhuan. Topot varo-po vagu nokembulai antad sid pongitungan do iadino, ino-no i gama do mongusiba dit ulun vokon om bansa vokon om i kobuatano dioti do mokisasavat sid tinoguvangon do Kinoringan sampai i riniba. Manjadi manalahas-no banal i Yesus dot okonko iadino i noumba do Kinoringan bahagi do riniba. Amu milo dot aso rumikot do kopolidan, ka di Yesus. Sampai orikot i kovian do pomogunan om i kopupusan dit ontok didino, masti varo pensubaan om masti varo mamalid om masti varot apalid. Tu ong okonko iadino, kuran-no o kosodirizan dit ulun dit abanal om it ulun dot araat? Kuran-no-ka o kosodirizan dit ulun dot atatap om it ulun di sumuhut di kenginan kondiri? Kokiraai, bang ensanan it ongokakanan nga omis-no kavi om isot opoit ko onsom nga aso-no, tantu amu-no elaan dot ulun i harati di pongoretan dot omis dino. Tu okonko varo-po vokon. Antawa bang aso-not ulun do sumakit ko lumohing, inoi nga ensanan it ongoulun nga ohijau-no kavi, tantu amu-no elaan dot nunu i harati di pongoretan dot ohijau dino. Tu okonko varo-po vokon. Baiko antad sid kopitotonidan dot ulun o kembulazan di buatan do kiguna. Sid tinoguvangon do Kinoringan, nga iadinoi. Bang aso-no pensubaan, kuranno ot elaan dot isai ot atatap om isai ot amu? Bang aso-no mamalid, kuran-no-ka o kosodirizan dit ulun dit orintuod om it ulun dit aso tantu-tantu? Sabap ino, minomoros-no i Yesus dot, Amu milo dot aso rumikot do kopolidan, ka dau. Manjadi atag-no banal ong engat tokou i boros di Yesus do iadino. Tu i tokou diti asarok-no mongitung dot, Bang banalko aso rontob di kuasa do Kinoringan, nokokuro-ka, tu amu pengkod iosido di karaatan sid pialatan do riniba? Nokokuro-ka, tu mangakun i Kinoringan do mipopogos-pogos it ongoulun? ka di pongitungan tokou. Banal-neno. I kapagasan om it ongokosusaan sid sompomogunan nga banalko apaganan tokou humarati. Topot atalahas i boros di Yesus: Masti varo kopolidan. I tokou diti nahatul-no do Kinoringan do kiginavo tokou dit elo momili dit avantang antawa it araat. Okonko automatik tokou diti. I sabap diti amu elaan tokou, baiko kadapat tokou mangalu-kalu. Kalu-kalu ong ino-no o sabap, supaya osodiri it avantang om it araat. Topot i kobuatano do iadino okonko harati dot ozi i Kinoringan ong kisala tokou. Iadko it ulun di mangatap do parai, ozi ong ogumu o kionsi om okudik it apol. I Kinoringan, nga iadinoi. Banalko engin iosido dot aso sala tokou sampai moniag do mangagama do sala. Sinusa-no dit ulun i porikot di kopolidan, ka di Yesus, sampai manalahas-po iosido dot osuhul-no ong matai it ulun dino mantadko mamalid do koruhang pedu sid kosipan. Osinang-sinang-po iosido ong matai mantadko onong iosido di hukum do Kinoringan bahagi di kasalaan dau dino, ka. Ino boros dino pentalang banal di pongitungan do Kinoringan ontok do kasalaan. Okonko hal dot opodok ong i sala. Manjadi nunu-ka i harati banal di boros dot mamalid dit ulun dot osibak, ka? Ino-no, nitalahas-no ino di Lukas, tu nisuput dau i boros dino sid suriban di Lazarus. I Lazarus dino nga ulun dot osibak. Siri-siri ong apalid i ginavo dau, tu minsanko okudik o samod om kobinsianan nga aso nemot dau i mili-gili iosido sid navaon di valai dit ulun do lumundu diri. Manjadi i tokou diti, tu retan-no dot ulun di mangasip sid Kinoringan om ulun do Kristian, ong aso samod tokou om aso kobinsianan tokou, tantu mamalid-no dot ulun vokon dot amu kasip ioti sid Kinoringan. Tu i Habal do Kovosihan om i gama tokou kondiri nga amu mionong. Amu otopot i habal dioti dino, tu minsanko ioti kondiri nga amui sumuhut di habal dino, ka dit ongoulun. Manjadi i tokou diti mad ajadi-no do sangkut bahagi di kosipan dioti. Banalko ogumu o sala tokou ong kiroon ino. Topot okonko rontob iadino o harati do boros dot mamalid dot ulun dot osibak. Andaman tokou i surat keso di Paulus pakaa sid Korintus do minoniag i Paulus dit opihot-no i kosipan, ino-no it ongonokelo, ka, do kadan mamalid dit ongoulun dit okugui i kosipan (1. Kor. 10,23 om 11,1). Sabap ino, kadan-kou-no mangakan dot onsi do nisamba sid rogon, ka. Ino iadino dino kipanangani sid di tokou. I tokou ulun Kristian nokotolikud-no sid hal do rogon om elaan-no dot aso kuasa do rogon, kodungko mangasip it ulun sid di Yesus. Topot kakali do varo-pot ongobpinai dit amu-po katama banal tumoronong sid gamaon do dang rogon, tu kakali mongitung iosido do mad mokikuasa do rogon it ulun di gumavul sino. Manjadi ong varo-not ulun di nokelo-no om opihot-no i kosipan dau, na katama-no iosido gumavul sid poginakanan dot ulun do labus, tu nelaan-no dau dot aso-no kuasa do rogon sid dau, kalu-kalu mamalid-no iosido dit ulun vokon it amu-po nokelo banal sampai mongorungoi-no di kosipan di koruhang dino. Antawa ong 74
i gama do gumorija minggu-minggu nga elaan tokou-no dot okonko iadko it adat kodori do kapatai ong amu osuhut. Kiro-kiro bang tantu ko amu kadapat gumorija, okonko harati dot okon-noko Kristian, ka dit elaan tokou. Topot kokiraai ong varo-not ulun dit apapag i kosipan dau, na alambat iosido gumorija, tu ogumu o sangkut, ka, kalu-kalu ong mamalid iosido di koruhang di kakali okugui i kosipan dau om osusa iosido do gumorija ipat-ipat i minggu. Ogumu-po o hal vokon do iadino, hal do kavasa dara, nga osuhul-no ong amu agama, supaya asot ulun vokon ot apalid. Pasal ong i gama mamalid posuvang sid tanid ot ugama do napalid-no laid i kondiri di mamalid dino, nga manarik-po iosido do koruhang do porundun sid dau, amu osusa dot ogumu o boroson. Elaan tokou-no dot araat banal ino gama do iadino om avagat i hukum do Kinoringan sid ulun di mangagama do iadino. 3-4 I kasalaan do koruhang. Iri-ogi podokon di Yesus i sala. Ino iadino dino, atag-no banal. Ong i sala-to kondiri, masti engaton tokou om agazaan tokou. Topot i sala do koruhang nga kadan-no do iadino, gamko polingan om padaon. Nokopitiim-kouno-ka mamakai do turupung? nunu-nopo ot imatan sid saralom di turupung dino, banalko minsomok om gumazo. Topot ong bolikon i turupung dino dot okon-noko i pompod i dang mato sinod mato-to, banalko minsodu sampai modok i nunu-nopo ot imatan-to. Na i koubasan tokou mad engin tokou monginggazo di sala do koruhang. Topot ong i sala-to kondiri, nga popodokon tokou. Na monuduk-no i Yesus di tokou do kadan-no iadino. Inoi nga osuhul-no ong osusaan tokou di sala kondiri. Topot ong i sala do koruhang padaon-no banal, ka. Minsanko inturu sid saralom do sangadau nga padaoni, ka. I harati, aso kovian om aso kopupusan di gama mangada. Ong sid di Matius: inturu nopod o toturu-turu, ka. Manjadi ogumu-not ulun mongitung dot gumumu banal i sala dot ongoulun ong iadino o gama do padaon-nopo i sala do koruhang. Sabap ong amu-no orugi antawa amu-no opogos it ulun di minangagama do sala, amu-no dati rumonok iosido, ka. Na atag-no dot manalahas-no i Yesus dot ino gama do mangada di sala do koruhang dino okonko harati do posimozoon i sala dino. Boros dau, Ong mangagama do sala it obpinai-nu, tiago-no iosido sampai ong oruol-no i ginavo dau, padao-no i sala dau, ka. Ipat-ipat i sala nga okonko hal do barang antawa hal do guvas, inoi nga hal do ginavo di napalid-no. Ong varo manakau, tantu barang o natakau. Topot i puun di sala dino nga i ginavo dot ulun di minanakau, tu amu-no mongoguna di koruhang. Ong varo kumiagai, nga hal do guvas ino. Topot i puun do sala dino, nga i ginavo dit amu-no mongoguna di savo kondiri sampai i savo do koruhang. Manjadi ino ginavo o pohorotizon. Tiago-no iosido, ka, i harati dino, Popurimon-no di ginavo dau dot araat i gama do iadino sampai nokedu-no iosido sid ralan do Kinoringan. Kodungko nopurimanan dau om nakunno dau, na oruol-no i ginavo dau. Na miuma-no do padaon i sala, tu nedu-no i puun. Bang okonko iadino o gama, inoi nga baiko i mongorugi om i monuli antawa i mangamalu ot itungon, asarok dot baiko kumodou i ginavo do koruhang sampai amu-no engin miguli sid ralan dot avantang. Na atag-no ong hondomon i boros sid Matius 18,15-17, tu manarang-no i Yesus sino do kuran o gama mogkovosihan, supaya amu kumodou i ginavo do koruhang dino: I gama moniag okonko sid tinoguvangon dot ongoulun, ong tumimpuun-ogi moniag. Bang amu mongining i kisala dino om osusa do moniag vagu, mongovit-ko-no do sasi, ka. Bang kakali dot amu mongining, apatut-no dot sid tinoguvangon do piumpugan. Topot minsanko i kentolu dino, kakali dot aso boros do mongorugi. Manjadi avantang-no ong suhuton tokou i hoturan di Yesus dino sid saralom do piumpugan. Ipat-ipat ong varo-no hukum bahagi dit ulun di minangagama do sala, masti atalahas dot okonko i monuli o tomodon, inoi nga i gama do mongumbasih om i pemumui sid ralan dot avantang. Na elaan tokou-no do varo't ongohukum dot okonko atandas ulun Kristian i nokogom, inoi nga varo-pot ulun do labus i mindamo do barang antawa mindamo do sogit. Kagi, varo-not ongohoturan do porinta dit amu mionong di hoturan do Kristian, tu sumuhut dit adat dit ongoulun do labus. Ong sompi Kristian i minangagama do sala om i nagamaan do sala, kadan tokou sumuhut di hoturan do sogit ko mangaraha, tu osukup-no banal i raha di Tuhan Yesus, i nokouza bahagi di sala do riniba. Topot ong suhu-no do porinta, amu-no elaan sumaap. Na atag-no ong magavi tokou manarang sid ongobpinai dit anangan do iadino dot okonko hoturan tokou ong ino, inoi nga baiko monumbozo di hoturan dioti. Ong i tokou kondiri isono o kiguna, ino-no, i ginavo dot oruol sampai engin miguli sid avantang. Lavis: Ipat-ipat i sala pedu dot ulun antad sid Kinoringan. Na mongontupat tokou banal, supaya amu tokou mangagama do sala. Sabap okonko rontob i kondiri-to o malid sid Kinoringan, inoi nga i koruhang nga apalidi dati, ong emot dau i karaatan dot ulun Kristian ko i suntuan dit aso tantu-tantu. Kananganko i sala dot ulun sid dato, okonko i gama monuli o harapan, inoi nga i gama mongumbasih om pemumui. Kadan tokou mangamalu do koruhang di kisala, supaya amu kumodou i ginavo dau om kadan tokou omoluan di gama mangada di sala dau dino, supaya iosido dino sampai i kondiri-to nga sompi avantang o gama tumoguvang sid Kinoringan. 17,5-6 I gama mangasip. (Matius 17,20 om Markus 11,23) Varo pogintutunan dot i Lukas o pinopisuput dit ongoayat dino siti. Keso-no, mitanid it ontok sid Matius om i Markus mantadko iti sid di Lukas. Koduvo, i kinoruhangan di Yesus, retan-no dot Ongorasul. Ino pongoretan dino baiko tohudi banal o kinembulazan om i gama do monontuhan di Yesus nga pengkaa dino. Sabap ino, ogumu ot ulun mongitung dot gama-no di Lukas do pamung di boros siti. Topot aso kosusaan ong iadino, sabap i timpa di Yesus dino, atalahas-no dot antad sid di Yesus kondiri. Avangaan tokou dati dot varo pitonidan di boros di Yesus sid Matius om Markus om iti sid di Lukas. Tu sid dioti 75
okonko i puun do nunuk ot ivaliu sid rahat,, inoi nga burul. Pasal ong i harati aso bida, tu sompi suriban bahagi di hal dit amu agama do riniba. Kalu-kalu ong i duvo i suriban dino sompi antad sid di Yesus kondiri. Vokon-no ong mongitung dot baiko i suriban di nunuk dino o noboros di Yesus. Topot tohudi't adau varo-no't ulun di nogolivong, tu minangagavul di boros di suriban dino om i boros di Zabur 46. Pasal ong i harati aso bida. Topot atag-no ong elaan tokou dot i suriban di nunuk dino, tantu antad sid di Yesus. Sabap i nunuk dino, asarok-sarok kanu di Yesus do suriban. Na inot ongosuriban vokon o koponulung di tokou sid saralom di gama humarati di suriban diti. I kinoruhangan di Yesus minindamo dot omungan i kosipan dioti. Norongou-po dioti i tudukan di Yesus, nopurimanan-no dot kakali amu-po opihot i ginavo dioti sid di Yesus. Noboros-kagi di Yesus dot a-milo-milo nga opogos iosido sampai matai sid Yerusalim. Na makin minsomok ioti sid Yerusalim, makin-po rumosi ioti. Manjadi varo-no ong onong sid saralom di gama dioti mindamo, varo-no ong amu onong. Ino-no it onong: nohorotizan dioti dot isot ulun nga aso kadapat mangasip antad sid ginavo dau kondiri antawa antad sid kenginan kondiri. I kosipan dino panahak do Sundu, ka di Paulus (1. Kor. 12,9). Sid Injil di Yahya varo boros di Yesus dot, Isot ulun nga aso kadapat rumikot sid dohon, ong okonko it Ama-ku o manahak di kosipan, ka (Yahya 6,65). Sabap ino, okonko rontob ino kinoruhangan di Yesus diri, inoi nga i tokou biano, nga apatuti do mindamo do pasip i Kinoringan di tokou. Manjadi it amu nonong sid saralom dit indomoon dioti dino, ino-no, minongitung-no ioti do kosipan do iadko barang. It ulun do mosikim dit okudik o barang dau, kiro-kiro, mindamo dot omungan i barang dau. Ong barang milod omungan antawa siin nga adapat omungan. Topot i gama mangasip aso tinganan dot omungan. Ipat-ipat it ulun, a-milo-milo mangasip banal ko mangasip ngaran. Ogumu it ulun di kibuatan do mangasip ngaran. Topot baiko amu-po nokembulai do kuran-no it otopot o gama dau, baiko misingkavaro sid saralom do kosipan antawa mangasip banal. Iadko iso't anak di nokendakod sid kazu dot asavat, na tumipu-no i raan dit iningkakatan dau. Na amu rumatu it anak dino, tu varo raan vokon do kovidan dau. Manjadi banalko kumavid iosido sid raan dino sampai nakadapat iosido sumunsui di raan dino mindahu. Manjadi tantu okonko baiko ngaran-po kumavid iosido sid raan dino antawa baiko entanga kumavid. Tu bang iadino, a-milo-milo rumatu-no iosido. It amu-po notipu i raan dit iningkakatan dau, amu-po elaan do kuran i gama di palad dau kumavid di raan vokon diri do baiko misingkavid antawa kumavid banal. Topot ontok dot osusa-no iosido, masti atalahas-no do kumavid ko rumatu iosido. Aso vazaan vokon. Manjadi i gama mangasip sid Kinoringan, nga iadinoi. Hiza dot aso kosusaan ogumu ot ulun do mad mangasip o buatan. Topot ong mimbulai-no i pensubaan, ino pensubaan dino o manalahas do kuran i kosipan dau. Ong banalko mangasip, banalko kumavid sid Kinoringan om lumuzung sid Kinoringan, tu aso harapan dau vokon, tantu amu rumatu iosido sid saralom di pensubaan dino. Topot ong baiko misingkavaro iosido om okonko otopot do mokipapasi-nopo do Kinoringan, inoi nga kakali do kumovili-po sid rogon antawa humarap sid barang om siin ko pangkat sitid pomogunan, antawa lobipo rumosi do riniba mantadko i Kinoringan, inot ulun dino a-milo-milo nga rumatu sid saralom do pensubaan. Tigogi mad avi-no om aso-no i kosipan dau dino. Iti-no it avantang, i Kinoringan tokou okonko baiko raan do kazu o kovidan tokou, inoi nga Ama iosido dit asamod di tokou. Bang rumatu tokou, koponian-po vagu iosido di tokou sampai manapul di tokou. Andaman tokou i tuturan di Petrus dit iningutan iosido diri di Yesus do mamanau sid soribau do vaig. I kakal-po sinumirot sid Tuhan, nakadapat-po iosido mamanau sid soribau do vaig. Topot kodungko siniratan-no dau it ongogumbang om nopurimanan-no dau i barat dot ologod, tigogi aso-no kosipan dau sampai tilosod-no. Topot kinovidan-no di Yesus i palad dau do potindal dau vagu. Manjadi i tokou nga pengkaai. Sid saralom do kosusaan om sid saralom do korotuan, ino Tuhan o pokitulungan tokou. Iosido o kapanahak do kosipan vagu, supaya amu tokou obinasa do penlaid. Lobipo avantang, ong magavi tokou-no laid mangasip dot ensanan humarap sid Kinoringan. I sokoviai i Kitab o mongingut di tokou mangasip, om i Kitab dino, nga boros do Kinoringan. i harati, nakakakahang-no laid i palad do Kinoringan dot engin manapul om mamasi di tokou. Kagi, agazo i janji di Yesus bahagi dit ulun di mangasip. Boros dau, Ong kikosipan-kou do minsanko iadno do linsou do sasavi o kagazo, om momoros-kou sid puun do nunuk dino dot, Rabut-no om valiu-no sid rahat, ka, tantu sumuhut-no dikou, ka di Yesus. Manjadi kadan tokou mongitung dot baiko opodok i kosipan tokou diti sampai amu dati akansang, inoi nga i harapan tokou i janji di Yesus dino dot, Minsanko opodok i kosipan, banalko agazo o kuasa, ka. Tu i kosipan dino o poluzung di tokou sid kuasa do Kinoringan. Sid suriban di nunuk ohorotizan tokou dot it ulun di mangasip o kapangagama do hal dit amu adapat do riniba vokon. Topot kakali mad ogolivong tokou di suriban di Yesus dino. Nokokuro-ka, tu i puun do nunuk o noboros di Yesus? Nokokuro-ka, tu okonko tanda do kosunduvo o kiguna do noboros dau, iadko pengkod do sakit, ko pozom do barat dot ologod ontok do varo tumogob? Monuhu naku i Yesus di tokou do pembulai do kosunduvo di baiko povongo dot ulun o kogunaan? Okon-ka ko minangamu i Yesus kondiri di suhu di vozoon do rogon diri i hiza di minonuba i rogon dino di Yesus? ino-no, tumuhun antad sid tiningusan di panambayangan sid Yerusalim? Okon-ka-ko apatut dot amu katama tokou mangagama do iadino, tu kondiri di Yesus minomoros i hiza diri dot, Kadan-ko-no monuba di Tuhan Kinoringan-nu? Atalahas-no dot okonko monuhu i Yesus di tokou do mangagama do iadino, inoi nga i nunuk dino nga baiko suriban. Manjadi andaman tokou it iso i suriban vokon, ino nunuk dit amu minonguva (13,6-9). Nohorotizan 76
tokou-no diri dot i bansa do Yahudi o binoros di Yesus, inot ongoulun dit amu minangasip sid dau, gamko sinumaap banal sampai minongumba do mamatai di Yesus. Ino-no i kosusaan di rumikot-ogi sid di Yesus om sid kinoruhangan dau ot oborosi. Ong kikosipan-kou-po do minsan baiko opodok, amu-kou otori di kosusaan di rumikot-ogi, ino kapagasan om i kapatazan-ku. Gamko tumanus-no i kosusaan dino sampai kamanang-kou-no, ka di harati di boros di Yesus. Manjadi andaman tokou dati vagu i tuturan sid injil di Markus do minongolupu i Yesus dot iso o nunuk, tu vinitilon iosido om minogihim-no dot uva sid kazu dino, nga aso't uva. Susuvab-po diri, nemot-no di kinoruhangan do noruzou-no i nunuk dino (Mark. 11,12-14 om 20-23). Manjadi ogumu ot ulun banalko osusaan di tuturan dino, tu aso sala di kazu dino, tu okonko ontok do koponguvaan i hiza diri, ka. Topot ino gama di Yesus do iadino, nga suribani. Rontob-nopo okonko boros o vazaan dau do monuriban, inoi nga gama banal. I minongolupu iosido di nunuk diri, minanalahas-no iosido di hukum do Kinoringan sid bansa dot Israel dit amu minangasip. Manjadi ong onong-no iti gama tokou humarati di tuturan diti, banalnoko avantang i gama di Yesus tumimpa sit indomoon di kinoruhangan dau, tu monginsasamod iosido dioti. Mokiaamung-kou-no do kosipan, tu rumosikou, ka. Na kadan-kou-no rumosi, tu minsanko opodok i kosipan dikou, banalko agazo o kogunaan. Sabap popisuput om poluzung dikou sid Kinoringan sampai koponori-kou-no di kosusaan dot agazo, ino-no i kapatazanku, ka di harati di boros di Yesus dino. Manjadi okonko rontob i kinoruhangan di Yesus i hiza diri o nensasamadan, minsanko i tokou biano nga kakali do kopurimon di ponginsasamod dino. Ogumu o hal di mad posusa di ginavo tokou sampai mongitung dot otori tokou-no diti. Topot hondomon tokou-no i Yesus. Nolumbatos-no i kenginan dioti do momunso di Yesus. Na okonko i Yesus o narabut ko nopunso, inoi nga ioti di sinumaap di Yesus o narabut sampai natanus. Manjadi i kuasa di Yesus om i samod do Kinoringan amu nokosimban sampai biano. Sabap ino, mangasip tokou-no banal. Lavis: Ontok do varo kosusaan, a-milo-milo nga kopurimon tokou dot okugui tokou sampai mokiamung do kosipan. Topot okonko i kakansangan antawa i kogozoo do kosipan tokou o kiroon, inoi nga i kakansangan om kuasa do Kinoringan o kiguna. Ong sukul kumavid tokou banal sid Kinoringan om amu kumovili sid nunu-nopo o hal do pomogunan, tantu mongovit iosido di tokou sid kamanangan di tumalib di sokoviai i kohorotizan tokou. 17,7-10 Kisuul-ka i kosipan? I suriban di tuan om it uripon dau. Sid kovian di bahagi do tuturan di Lukas do kuran i Yesus kumaa sid Yerusalim, varo-po't iso o suriban di Yesus, it nanu-no sid koubasan dit ongoulun diri. Ino-no, varo't ulun do lumundu om kikuasa om varo-pot ulun do mosikim do baiko uripon di tuan dino. It ongouripon diri okonko iadko it ulun do mosikim biano dit aso tana antawa kabun, do baiko gumaji sid ulun vokon. Ioti kondiri, guvas om gama, mad nasanganu-no di tuan dau om nokiro-no ioti do mad pangazam di tuan dau. Aso gaji antawa suul dau. Rontob pakanon, supaya akansang it uripon dino gumama. I kojodizan dot ulun dot uripon, nga duvo o vazaan: varo-not ulun dot araat o magavang dit ongoulun di maza sid belantara sampai mangarampas ko manakau dit ulun dino, tu mongojuval-no dau sid ongopasal. Iadno dino i kinojodizan di Yusup diri dot uripon (Kinotimpuunan 37). Antawa ong varo't ulun di minongutang sampai amu-no kadapat iosido mangapus dit utang dau dino, amu milo-milo nga ijuval iosido sampi i savo anganak dau, tu pembulai-no vagu di siin dit utang dau (Matius 18,25). Antawa ong uripon laid it ama, na kianak-po, uripon-no vagu, ka di hoturan dioti diri. Manjadi i tokou diti biano, araatan om avagatan di hoturan di iadino. Amu apatut dot isot ulun monguasa dit ongovokon, inoi nga masti enizo it ongoulun om it ongobansa, ka di hoturan do demokrasi biano. Na kadan tokou mongitung do tontuon di Yesus ino hoturan dot uripon diri sid saralom di suriban diti. Pasal ong i kenginan dau bahagi di hoturan sid pialatan do riniba, noboros-no dau sid tanid o tampat (Lukas 22,24-26 om sid Yahya 13,117). Sid saralom di suriban diti baiko iso o tomodon di Yesus, ino-no, engin iosido manarang dot songkuro kagazo i pitonidan di Kinoringan om i riniba. Ong varo-no pitonidan sid pialatan do riniba, tantu lobipo apatut dot amu tokou olingan i pitonidan tokou riniba om i Kinoringan sid surga. i tokou diti, ino Tuhan o sanganu, sampai amu tokou kadapat tumoronong sid Kinoringan do mindamo do gaji antawa gumuvail o buatan antawa asavat i ginavo, inoi nga masti osibak-nopo i ginavo om masti mangakun di nunu-nopo i kenginan dau. Ino-no i lavis di suriban dino. Ino-no, monuduk i Yesus do kuran ot apatut i gama tokou tumoguvang sid Kinoringan. Atalahas-no dot sid saralom di suriban dino sumaap i Yesus di hoturan om tudukan dit Ongoparisi. Tu ioti dino banalnoko ogolivong mongitung bahagi do Kinoringan. Ka dioti, Ipat-ipat i gama dot isuhut dit ongopinonuhuan, osusa-no i Kinoringan do monuul, ka (Lukas 18,9-14). Mad asavat i ginavo dit Parisi dino do momoros iosido sid Kinoringan. Ioku diti banalko obinsuhut, ka, gam, varo-po laba-ku, ka. Na amu mangakun i Yesus dot iadino o pongitungan tokou bahagi do Kinoringan. Okonko toki i Kinoringan, inoi nga Tuhan iosido. Na minsanko anangan dara it Ongoparisi di boros di Yesus dino, okonko ioti o notudukan di Yesus, inoi nga i kinoruhangan dau. Tu nelaan-no di Yesus dot i sokoviai i riniba nga varo buatan do iadko Parisi. Na tongkison-no di Yesus i buatan dino, supaya i piumpugan dot ulun Kristian amu-no malid miguli sid hoturan di dang Parisi. Ino boros di Yesus dot, Ong nosuhut-no dikou i sokoviai i nisuhu sid dikou, pomoros-kou-no dot, iokoi diti baiko uripon dot aso guna,.. kanto dikou, ka, ino-no o vazaan do pemot sid Kinoringan dot osibak i ginavo tokou. Okonko aso guna, gima amu nokosuhut, inoi nga minsanko nokosuhut-no banal, kakali dot aso guna. Tu i tokou 77
diti baiko riniba om amu apatut tokou mokisasavat sid tinoguvangon do Kinoringan. Sid hal dino, varo't avantang o tudukan sid ugama do Silam. Sabap ioti dino nohorotizan-no dot asavat banal i Kinoringan om i riniba a-milo-milo sumuhut di nunu-nopo i kenginan dau. Kagi moguhang ioti di tokou ulun Kristian, tu i habal gima do kovosihan do mininsomok i Kinoringan sid riniba sid saralom di Tuhan Yesus Kristus. Om okonko baiko nokensomok, gamko nakasampai-no banal om minangakun do mogos sampai matai bahagi do riniba, tu pembulai di samod do Kinoringan. Amu mangakun ioti do iadino. Boros dioti, I Kinoringan banal-noko asavat om banal-noko ohormat om amu obuli momoros do nakasampai sid riniba, ka. Nohorotizan-no dioti i hal di kohormatan do Kinoringan. Topot ong i hal do samod do Kinoringan, amu-po. Manjadi, kuran-no-ma ong i tokou? Engin tokou sumusui di gama dot a-ko piro ot ongoulun sid kampong? Tu ong avagat-no i hoturan di toki dau sampai i toki dino nga manganu do bunga dot asavat-savat antad sid ipat-ipat i ringgit di noutang, na gunaon-no dit ulun dino i toki dau dino sampai magavi-no mogihim dot ipangapus dit utang dau. Topot ong avasih i gama di toki om amu oholian o gama dau mokibunga sampai alanut i ginavo dau dino, mad amu gunaon iosido dit ulun di minongutang dino sampai amu-no mangapus dit utang dau. Amu atag ong iadino o gama tokou sid Kinoringan. Gamko apatut-no do lobipo suhuton tokou i kenginan do Kinoringan om lobipo gunaon tokou, tu asamod gima iosido. Lavis: i tokou riniba kibuatan do mogihim di kasavato kondiri. Manjadi monuduk-no i Yesus di tokou do kadan-no do iadino o gamaon. Minsanko asamod i Kinoringan, kakali dot asavat iosido om i tokou diti baiko riniba dot osibak. Sabap ino, lobipo apatut do suhuton tokou, tu elaan tokou-no do songkuro kagazo i kovosihan om samod do Kinoringan. C. I kotolu o bahagi di tuturan di kinapamanahan kumaa sid Yerusalim (17,11-19,27). Sid ayat 11 popuhondom-no vagu i Lukas dot kakali sid tanga do ralan i Yesus kumaa sid Yerusalim. Elaan tokou dot intolu mangarait i Lukas di rikoton di Yesus, ino-no 9,51 om 13,22 om 17,11. Manjadi varo-no koubasan do mongiro di tolu o bahagi di kinapamanahan di Yesus isuhut dinot tolu it ayat dino. 19,28 oretan-po vagu i rikoton di Yesus sid kopupusan di kinapamanahan dino, sumuhut-no vagu i kinosuvangan di Yesus sid kuta do Yerusalim 19,29. Ikid bahagi dino, varo tanid ot onsi om tomodon. Ong siti, i kosungguvon o tajuk di bahagi dino, tu manarang-no i Yesus di hal di rumikot-ogi om kuran it apatut o gama dot ulun kananganko i hal dino, sampai manalahas-po dit ongotuturan dino do kuran i kosungguvo dit ulun di mangasip sid Kinoringan sumuhut di tudukan di Yesus om kuran i kosungguvo dit ulun dit a-mangasip. Na nabahagi-no vagu ino bahagi kotolu do sizam o tuturan om tomodon dino, ino-no: 17,11-19 It ulun do Samaria dit elo monorima kaseh 17,20-18,8 I karajaan dit Anak do riniba a) 17,20-21 i korikatan om buatan di karajaan do Kinoringan b) 22-37 it ongoadau dit Anak do riniba c) 18,1-8 I pomintaan dua do porikot di karajaan dit Anak do riniba. 18,9-14 I suriban dit ulun do Parisi om i karani do sukoi 18,15-17 It anganak do kasanganu di karajaan do Kinoringan 18,18-30 I kolunduo do pomogunan om i karajaan do Kinoringan 18,31-34 I Yesus pentahan di kapagasan om kapatazan om kogulianan dau 18,35-43 It ulun do bolou sid Yeriko 19,1-10 I Zakai 19,11-27 I suriban dit amas di nipataud. 17,11-19 It ulun do Samaria dit elo monorima kaseh. Isuhut dit usul di Lukas, alaid-laid-no dot aso nagama-gama di Yesus do tanda do kosunduvo. Sid saralom di bahagi koduvo (13,22-17,11 diri, nga baiko iso, i pinengkod iosido di sakit dot ulun do kipalou (14,1-6). Topot minsanko ino, nga nahatul dati dit Ongoparisi, okonko kenginan di Yesus. Sid laporan di iadino, engin i Lukas mongohodtol dot i gama di Yesus monulung om manapul di tokou riniba, nga okonko rumbul satu antad sid kosusaan do guvas, inoi nga antad sid kosusaan di ginavo di napalid. Sabap ino, it ongotanda do kosunduvo baiko mozo-vozo di tomodon dino. Manjadi sid saralom di tuturan vagu, varo-no vagu tumoronong sid di Yesus, tu mokitulung. Topot minsanko notulungan kavi i hopod it ulun do kibalang dino, baiko iso-no o nosopulan banal, tu minongohormat iosido di Yesus sampai minangasip. It iso dino, notoguan-no i ginavo dau. Ong i sizam i vokon dit amu-no miniguli vagu sid di Yesus, baiko notulungan sid soribau om sid guvas. Manjadi i gama tumoguvang sid di Yesus pentalang-no di kosungguvon dot ulun: ombo i mangasip, kadapat di koposizan penlaid om i kosopulan penlaid. Ombo it amu mangasip, nga amu-no osopulan. Aso sakit vokon di lobipo ikorosi dot ongoulun kodori mantadko i sakit do balang. Sabap i sakit dino nga banalko oruhai rumaliu sid ulun vokon, sampai, ong amu lumingos koduruk, amu milo-milo nga mavi i guvas rumungoi. Ong tumimpuun, aso't purimon sid koburuo, rontob murak-ogi i kulit. Alaid-nopo, sumaralom-no i sakit om masano it onsi sampai i tulang. Ogumu ot ulun di nonong do sakit dino, nga aso-no palad antawa aso-no hakod, tu novuvu-no do balang. Kosusaan-nopo, aso ponguru di sakit dino i kodori-po. Ong biano-no, varo-not ubat dot 78
obisa bahagi di sakit dino. Topot ong napasa-no i koburuo, palad ko hakod, amu-no milod atagan vagu. Sabap ino, minsanko biano, nga apatut dot rumosi it ongoulun di sakit do balang. Alambat i sakit do balang ong sid Sabah. Topot sid pomogunan dot Afrika om Kaling, ogumu om araat i balang sori. (Ong sid Momogun, i balang minsanko atamaan mangarait, nga amu-no it ulun do kibalang. Retan dot kioruol do huhumuzas). Manjadi, hiza di Yesus diri, ogumu ot ulun di nonong do balang. Minsanko kihoturan ioti antad-po di hiza di Musa, kakali dot a-engkod dot orolihan do balang sid ongoulun. I hoturan dino nokosurat-no sid Imamat 13-14. Avagat-kagi i hoturan dino. Tu ipat-ipat it ulun do varo-no songobu o kulit dau di murak, masti mokiporisa dit imam. Ong atalahas-no do balang i sakit dino, retan-no it ulun dino dot asakau sampai sunsubon-no iosido. Aso bida dot anak-po ko lumohing-no, kusai ko ondu, kisavo ko kianak, masti sunsubon om amu-no kavasa iosido miguli sid valai dau ko gumavul sid ongoulun. Banalko opogos it ulun dino. Tu ong sumurut-no i sakit dino, amuno kadapat iosido gumama do mogihim di kosukupan dau. Ong okonko atadan do kakanan, amu milo-milo nga olikapan sid tanga do govuton. Atadan dati ong tumimpuun, topot ong alaid-laid, mad olingan-no dati dit ongovaris dau. Manjadi ino-no o katagan dioti di kibalang, miuumpug-no ioti dot ongohopod ot ulun, tu mitatabang om mitutulung. Ombo it amu-po ahali banal kadapat-po mogihim di kosukupan dit ongokoruhang dit ahali-no. Varo-po't iso o kosusaan vagu dit ongoulun do kibalang, tu retan-po ioti do kisala. I sakit do iadino araat, amu konong sid ulun dot aso sala, ka di pongitungan dot ulun. I balang dino mad pogintutunan do kisala dot olingob, ka. Baiko biano om elaan-ogi do mad gizuk o mangagama di sakit dino om okonko hal do kasalaan. Manjadi banal-noko osian it ulun di kibalang. Keso, kisakit ioti dot araat. Koduvo, osunsub antad sid ongoulun vokon. Kotolu, ousiba-po dot ulun. Amu kavasa iti do mononsulung do kosulungan dot atag, inoi nga masti kosulungan do nokinis-no. Amu kavasa ioti do mongogunting dot obuk. Ong varo-not ulun dot osomungan dioti sid tanga do ralan, masti gumara ioti dot, Asakau-oku diti, asakau-oku diti, ka di boroson, supaya kopogidu it ulun vokon dino. Varo-po hoturan bahagi dit ulun di nolingasan do balang. It ulun dino masti mokiporisa vagu dit imam. Ong banal-noko nolingasan, osusa-no iosido do manahak do persambaan, tu mangaganti di kasalaan dau. Nakatahak-po, obuli-no iosido miguli sid valai dau. Kalu-kalu ong isot tumpuk do iadino dot ensanan tinumoronong sid di Yesus sid saralom di tuturan diti sampai minokitulung di Yesus. Elaan tokou-no dot obinsianan i Yesus. Nelaan dau i kosusaan dit ulun di kiongobalang. Manjadi i tinumoronong-no i hopod it ulun diri om ginumara-no dot okonko iadko i koubasan dot, Asakau-okoi diti, ka dara, gam minomoros-no dot, O Yesus, o guru, sianai-okoi-no, ka, osiananan-no iosido dioti sampai minonulung-no dioti. Mad atarang-no do nokorongou-no laid dioti i habal antad sid di Yesus, tu nelaan dioti i ngaran dau. Manjadi i gama di Yesus monulung, nga tanid banal mantadko i gama dau sid ulun do kibalang sid F. 5,12-16, tu okonko tinudu dau om boros dot, Susi-kou-no, ka, nga aso. Rontob minomoros dot, Pamanau-kouno om mokiporisa-kou-no dit imam, ka di Yesus. Mad minoniim-no i Yesus dioti do humarap ioti di boros dau ko amu. Na sid pialatan di hopod it ulun di kibalang varo iso ot ulun do Samaria. Kodungko nemot dau dot nolingasan-no iosido, miniguli-no vagu iosido sid di Yesus do mongindazou iosido di Kinoringan om mongohormat di Yesus. Ino gama dau dino manarang sid di tokou di harati di pongoretan do monorima kaseh. I boros dino okonko dang Momogun, inoi nga nanu-no antad sid Malazu. I harati dino, manahak do samod, ka ko monuli di samod, ka. Inono, i samod om kovosihan di nokosondot-no sid dato, sulian-no vagu do samod. Manjadi it ulun diri o nokoponuli vagu sid di Yesus. Miniguli iosido sampai tinumoronong vagu sid minonulung dau. Sid saralom di gama dau monorima kaseh nokopiopud iosido di Yesus om nokoluzung sid di Yesus. I samod di Yesus sid riniba mogihim dot ambat, mogihim vagu do samod. Iadino o gama dau pouli di riniba sid Kinoringan. Sid saralom di gama do monorima kaseh otuluk banal i tomodon di samod di Yesus. Manjadi atalahas dot it ulun do Samaria dino o suntuan tokou. Tu i tokou nga ogumu o kovosihan om samod o notorima tokou antad sid di Yesus. Topot asarok dot okonko sumuntu tokou sid ulun do Samaria dino, inoi nga sumuntu sid sizam it ulun dino dit amu miniguli om amu minonorima kaseh. Nokokuro, tu iadino? Ino-no, ipatipat o kosusaan, nga iadko injin di papanau di tokou do mogihim do katagan. Na okonko baiko i tokou riniba iadino o buatan, minsanko dupot, nga iadinoi. Ong vitilon i dupot dino, monguni om mirimpanau iosido sampai kemot dot akanon dau. Nakakan-po, engkod-no mirimpanau, gamko modop-no. Tu nunu-po-ka ot ihimon, ong osinang-no? Manjadi i tokou nga iadinoi. Hiza do kikosusaan, mongitung tokou-nopo om mogihim tokou-nopo do nunu o katagan. Topot ong nokemot tokou-no do katagan, mad-nopo engkadan tokou-no mongitung do siombo mantad i katagan dino. Kagi, nengkod-po i kosusaan it iso, asarok do lumombus tokou-no humongkob, tu varo-po hal vokon dit onuvon tokou do kahangkaban. Kokiraai, i sizam diri, kodungko nolingasan, minongohondom-no di savo anganak sid valai om i valai dino, nga orobuk-no. Kagi om tagad nga aso om ogumu-po i iadino. Sabap ino, amu-no kotibang miguli do monorima kaseh. Iadno dino i buatan tokou riniba. Lobipo obinghongkob tokou mantadko obintomon. Topot okonko iadino o kenginan do Kinoringan. Natahakan tokou dot utok dit elo humarati di kovosihan dau om kiginavo tokou dit elo monuli di samod. Om sid saralom di gama do monorima kaseh tumomon-no i ginavo. Kadan tokou misindupot dit a-elo mongitung, inoi nga tumingaha tokou-no sid Tuhan, i puun do koposizan om kosinangan tokou. Kagi, ipat-ipat it ulun dit elo monorima kaseh om oubas-no mongohondom di kovosihan di nokosondot-no sid dau, na ulun-no iosido dot otomon om ohigak. Topot it ulun di mad amu mongoguna di kovosihan dino, aso kosinangan di ginavo dau, minsanko asarok do notulungan. Boros di Yesus sid ulun do Samaria dino: Pamanau-no. I gama-nu mangasip o minanapul dikau, ka. Baiko iso 79
o nosopulan banal, tu nokopud iosido om nokokogos-no iosido sid origi di koposizan penlaid. Lavis: Ogumu o kovosihan o notorima tokou antad sid Kinoringan om aharap tokou dot ogumu-po ot torimaon tokou. Topot i kovosihan dino, nga amu-no otuluk banal, ong amu-po monorima kaseh tokou. Sabap i kovosihan dino engin pouli di tokou sid Kinoringan. 17,20-21 I karajaan do Kinoringan sid tanga tokou. Nunu-ka it otopot, i sid saralom dikou antawa i sid tanga dikou, ka. Ong i boros do Yunani o kiroon, sompi nonong. Tu mirad banal i pongoretan. Na antad di kodori, ong varot ulun dit engin manalin di Kitab antad sid Yunani pakaa sid boros vokon, banalko apaganan. Nunu-ka i boroson banal di Yesus, i sid saralom dikou, ka, kiro-kiro, i karajaan do Kinoringan nga hal do ginavo dikou, ka, antawa i sid tanga dikou, kiro-kiro i karajaan do Kinoringan nengkakat-no sid pialatan dikou, ka, mad, ioku-no beti i karajaan dino, ka di boroson di Yesus? Minsanko it ongopandita do Yunani laid i boros, apaganan-no manarang di boros di Yesus dino. Vokon-no ong momoros dot, Atalahas-no dot i hal do ginavo o boroson di Yesus, tu sid ensanan i Kitab, nga baiko i mangasip sid Kinoringan om sid Tuhan Yesus o kadapat di karajaan do Kinoringan dino, ka dioti. Na timpaon-no dit ongovokon dot, I karajaan do Kinoringan okonko rontob hal do ginavo, inoi nga masti kentalang sid tinoguvangon di sokoviai i riniba. Minsanko it ongodupot nga kopurimon do nokembulai-no i karajaan do Kinoringan, ka di Paulus sid Rom 8,19, ka dioti. Mad tinomod di Tuhan Yesus do iadino i boros. Sabap sompi ot otopot: i Yesus o minongovit di karajaan do Kinoringan porikot sitid riniba. Obuli-no momoros dot iosido-no kondiri i karajaan do Kinoringan, tu okon ko barang ko rapo ot inovit dau, inoi nga ontok di nokorikot-no i Yesus, nokorikot-no i karajaan dino (Markus 1,15). Ogumu-no o tanda di karajaan: it ongorogon mogidu om it ongosakit nga engkod ong momoros i Yesus. Topot i sokoviai i buatan dino rontob atalahas sid ulun di mangasip. Sabap ino, otopoti i boros dot i karajaan do Kinoringan nga hal do ginavo. Isai-nopo i mangasip, kamung sid karajaan do Kinoringan. Om isai-nopo it amu mangasip, tumagak-no sid karajaan dino. Na avangaan tokou dati dot momoros i Yesus do iadino sid Ongoparisi: I karajaan do Kinoringan nga sid saralom-no dikou, ka. Tu elaan tokou-no dot ioti dino nga amu minangasip, gam sumaap di Yesus. Banal-neno. Topot monuduk i Yesus di kembulazan antawa kotimpuunan di karajaan dino. Bang amu kopurimon ioti di karajaan dino sid saralom do ginavo kondiri, kadan-no dot ihimon-po i karajaan dino sid siombo-nopo. Tu natagak-no sid Kinoringan it ulun dit amu mangasip sid di Yesus. Na sid ensanan i Kitab Vagu varo boros dot nokorikot-no i karajaan do Kinoringan, ka om varo-no vagu boros dot amu-po nokorikot, inoi nga rumikot-ogi. Na elaan tokou dot it iso i boros dino monuduk om manarang di kinorikatan laid di Yesus om i koduvo i boros monuduk di korikatan dau vagu. Ino iadino dino okonko rontob sid Ongoinjil, inoi nga sid ongosurat di Paulus om sid ongosurat vokon. Topot sid saralom dit Injil di Lukas nga atalahas-no dot i hiza di minirimpanau i Yesus sitid pomogunan do riniba, nga mad sambahagi-no laid it ontok do penlaid. Nokoponuba-po di Yesus i vozoon do rogon diri: minogidu-no iosido antad sid di Yesus, pengrikot vagu dit ontok dau, ka (Lukas 4,13) om iri-ogi minangahabal-no i Yesus sid ongoulun do Nasarat dot nokotimpuun-no i toun dot avasih antad sid Tuhan, ka(4,19). I hiza di sinuhu di Yesus i turu nopod om duvo i kinoruhangan mamanau sid ongokavavalazan, naratu-no i Saitan antad sid kinogomon dau sampai nohukuman-no (10,19). Suvaiko osomok-no i kapatazan di Yesus om nokorikot-ogi vagu it ontok di Saitan, tu sumuvang-no sid ginavo di Yudas (22,3). Om sid ongoulun di minanabpo dau minomoros i Yesus dot, Iti-no i dikou do timpu om i kuasa dot otuvong, ka (22,53). Manjadi atalahas-no dot i hiza do nokentoron i Yesus, it Anak do Kinoringan sitid pomogunan, iadko nogiang-no i surga om i kovosihan do Kinoringan nokosondot-no sid riniba. Ontok di kinapagasan om kinapatazan di Yesus iadko notutup vagu. Topot oviton vagu di Yesus i kobuatano do surga sitid pomogunan ong rumikot vagu iosido hiza do kovian. Lavis: Aso tinganan do mongiro di korikatan di karajaan do Kinoringan, tu nokorikot-no laid sid saralom di Yesus. Om i buatan di karajaan dino amu sumuhut di kenginan do riniba, inoi nga posuhut di riniba, ombo i mangasip, sid kenginan do Kinoringan. 17,22-37 It ongoadau dit Anak do riniba (Matius 24,26-28+37-41; 10,39) Sid ongoulun do Parisi aso-po boros di Yesus kananganko i korikatan dau vagu. Rontob minanarang iosido dot iosido o puun di karajaan do Kinoringan. Baiko ulun di mangasip o kamung. Topot amu engin i Yesus dot a-elaan di kinoruhangan dau i kosusaan di rumikot-ogi. I hiza diri minozo-vozo ioti di Yesus sampai nokemot di kuasa do kovosihan di nokosondot-no sid riniba om i pengkod dit ongokosusaan. Topot i buatan do iadino amu-po mintoron, inoi nga tonggungon-po di Yesus i kasalaan do riniba sid kazu do sangkap. Ino-no vagu o timpu di kuasa dot otuvong, ka. Manjadi notori di Yesus sirid kazu do sangkap i sokoviai i kuasa dot araat. Topot i kinamanangan dau dino okonko aso kapagasan, gamko ino-no o koponorian dau, tinumahan-no iosido di sokoviai it ongokaraatan sampai minanalahas-no dot it ensanan i karaatan do rogon sampai riniba, nga amui kotori di kovosihan om samod do Kinoringan. Okonko turus notori dau sampai natanus dau i karaatan, inoi nga minangakun dot magavi-po it ongokuasa dot araat dino. Na minsanko nakapagavi-no, kakali do notori di Yesus, tu minongimbulai-no iosido di koposizan di tumalib di kohorotizan do riniba om i kosinangan di tumalib dit elaan do riniba. Rontob-nopo it ulun di mangasip sid di Yesus amu milo-milo nga iadko korundun di buatan dino. Tu 80
suvaiko tumahan-po laid ioti dit ongokosusaan om kemot-ogi do kosinangan. Suvaiko ensanan humarap sid Kinoringan ontok do mad aso-no harapan om kotorima-ogi do kotulungan. Ino buatan dino, nga buatan di gorija pengrikot vagu di Yesus. Varo hiza do rumikot do tiimot-kou banal do baiko isot adau dit ontok dot Anak do Riniba, nga amu-kou kemot, ka di Yesus. I tokou diti biano o noboros di Yesus. Tu i tokou diti, nga tiimot-no dit ongohal di najadi i hiza di kakalpo sitid pomogunan di riniba i Yesus, nga amu kemot tokou. Om i kosinangan di najanji-no bahagi dit ontok do penlaid, nga aso-po. Nokontok tokou banal sid pialatan di kinorikatan dau diri om i korikatan dau vagu. Baiko iso-po o ponginsasamod di ginavo tokou: noboros-no laid di Yesus ino iadino. Amu minangakal iosido di tokou. 23-24 (om 25-30) I korikatan vagu banalko atarang om mad tigogi i kembulazan dino. Nelaan-no di Yesus i ginavo tokou riniba: ong varo-no kosusaan, mogihim tokou banal do katagan. Bang asot emot do katagan, pokiilaan tokou-no do songkuro-po kalaid ino iadino. Manjadi boros di Yesus: Kadan-kou-no mokipalid. Varo-no dati di momoros dot, Siti-no iosido, ka antawa, Hodi-no iosido, ka. Topot i korikatan-ku vagu okonko nosusut-po antawa olingob-po, iadko it insani, inoi nga atarang iadko i gonit di muompiling antad sid koribing dit avan sampai sid sampaping. Atag-no ong osodia-kou-no, sera-sera om kadan-kou-no humarap dot varo-po pentahan, ka. Kagi-po, mad aso guna do mamahanda laid. Sabap kibuatan iti riniba dot amu engin sumodia om amu engin mongining di boros do Kinoringan. Minsanko hiza do nokotimpuun-no i Noa mangagama dit alud, baiko minangagauk ioti sampai aso pongitungan dioti tanid mantadko i hal do pomogunan. Okonko araat ong posurut it ongoulun dit ongogamaon dau, iadko muvalai om mukabun om midagangdagang om nunu-nopo i iadino. Topot ong aso-no pongitungan vokon, ong aso-no kotibangan bahagi di Kinoringan, ino-no ot osusa. Topot iadino i buatan do riniba, hiza-no laid di Noa om i Lot om hiza di korikatan vagu di Yesus nga iadinoi. Topot it ulun di sumuhut di Yesus, kadan-no do sumusa i ginavo dau. Tu kalu-kalu ong varo hal dot amu engat dau kananganko i korikatan vagu di Yesus. Tu ino dino masti kentalang sid sokoviai i riniba. Sukul ong osodia i ginavo soumul-umul, avantang-no. 31-33 Kadan-no kumovili ontok di korikatan vagu di Yesus. Tanid o gama muvalai sid pomogunan do Yahudi om sid Sabah. Keso-no, alambat banal dumarun. Koduvo, pagong antawa roun do kazu vokon dit apakai bahagi do taap, nga aso. Minsanko sakot, nga amui osukup. Ino-no ot ipangagama do valai ong sori: tana dot osilou om okudik o papan. Manjadi it ongovalai dino mad koluu-luu dit ongovalai sid Kudat di simin o ginama, tu tiningusan, nga aso, inoi nga varo tampat dot arantai-rantai sid soribau. Manjadi ong nosidangan i valai dino dot asadapan, mad ohungos-no sid rinuvang, tu amu tantu kosuvang i barat om it ongovatu ko i tana dot osilou, nga alasu-lasu-po, minsanko hiza do sumodop-no. Na koubasan-no dot ulun do mindakod-po sid soribau do valai, ong notonob-ogi it adau, tu ongis-ongis sino mantadko sid rinuvang. Vokon-no ong makan sinod soribau. vokon-no ong bai kumiboro-boros. Na ong pukul sembilan do sodop om osogit-sogit-no i sid soribau, mindahu-no vagu ioti sid rinuvang do valai. Manjadi ino-no i boroson di Yesus: sera-sera ong orikot-no it ontok di korikatan vagu dau, kadan-no do humarappo sid hal do pomogunan diti antawa orubatan di barang dau, iadko i savo di Lot diri di norubatan di valai om i barang dau di sinumorob-ogi. Inoi nga iseso-po i Tuhan ot itungan om harapon. Ontok dino a-milo-milo nga kembulai-no do kuran i ginavo dot ulun, kumapit sid barang ko humarap sid Tuhan. Topot minsanko it ulun di nokosuhut-no laid, atag-no ong mongontupat di ginavo dau, supaya amu tumagak iosido ontok do minsomok-no i kosopulan. 34-36 I kosodirizan. Okonko rontob siti, inoi nga sid ogumu o tuturan vokon pentahan i Yesus dot ontok di korikatan vagu dau, nga ontok-no do kosodirizan dot ulun dot abanal om it amu abanal (Mat. 13,30 om 41-43; 25,31-32) om varo-po vokon. Suhuon do Kinoringan it ongomalaikat dau do monodiri dit ongoulun, ka. Manjadi avangaan it ongoulun i hiza dino dot isai ot otorima om isai amu. Tu minsanko it ongoulun di misavo antawa mivaris antawa mikoruhang-ruhang sid saralom do gamaon nga popitongkizadon-no ong i hiza dino. Minsanko it ulun di minongitung dot a-milo-milo otorima iosido, tu nokosuvang sid piumpugan, na varo dati ulun do iadino di kopung. Sabap i gama do monodiri dino amu sumuhut di pongitungan do riniba, om aso tinganan do monodiri laid, ka di suriban di gandum om i sakot sid Matius. Manjadi i boros di Yesus dino okonko engin mongindorosi di tokou. Rontob engin manalahas dot i gama sumuvang sid karajaan okonko iadko i gama sumuvang sid wayang do dumagang do tikit om iri-ogi kosuvang iosido. Inoi nga i gama dino sumuhut di buatan di ginavo dit ipat-ipat it ulun. Sabap ino, atag-no dot tumatap tokou-no sid Tuhan do soumul-umul. It ayat 37 dino mad aralom o buatan. Topot amu tantu aralom ong itungon banal. Tu i gama dit ongokoruhang mongoduat dot, Siombo-ka ino? ka, aso vokon o harati. Baiko ino: Siombo-ka o koopungan dioti dino, ka. Om i timpa di Yesus, na ino-no o harati, It ulun di kopung dino, aso-no harapan sid koposizan penlaid, ka. Tu minsanko mizau-po ioti ontok di korikatan di Tuhan, okiro-no ioti do iadnoko minatai. Tu i rikoton dioti i piumpugan do langau. Lavis: I hiza do sid tanga do riniba i Yesus, pinemot i Kinoringan di tokou do kuran o kovosihan dau om i kosungguvon dit ongoulun di mangasip: kenginan do Kinoringan dot aso-no sakit om aso-no vitil om nununopo it ongokosusaan do riniba. Topot i buatan dino, okonko turus pembulazon do Kinoringan, inoi nga masti matai-po laid i Yesus om opogos it ongoulun di sumuhut dau. Manjadi pentahan-no i Yesus do kuran i korikatan dau vagu, supaya amu ogolivong it ongoulun di monginud di korikatan dino. 81
18,1-8 I pomintaan dua do porikot di karajaan dit Aanak do Riniba Varo't iso o suriban di Yesus di miluu banal di suriban diti, ino-no Luk. 11,5-8: it ulun di banalko ogorot mindamo. Na ogumu ot ulun mongitung dot iseso't adau o kinabarasan di Yesus di duvo i suriban dino, iadko i duvo i suriban di domba om ringgit di natagak (15,1-10) antawa i suriban di linsou do pazas om i pangambang (13). Ipat-ipat ino iadko pasang do suriban dot i keso o suriban i gama do kusai o nanu do suriban om sid koduvo i gama dot ondu. Na amu-no elaan dot otopot i pongitungan di iadino. Kuozon-po ong ino. Ino-no ot otopot, nokokuro-ka, tu niontok di Lukas i suriban dino siti, sid lombus di tuturan dau pasal ong i korikatan vagu di Yesus? Tantu varo tomodon dau. Sid saralom di tuturan di nokogulu noboros di Yesus i kosusaan di rumikot sid ongoulun di mangasip, hiza do nokensavat-no i Tuhan om amu-po nokorikot vagu. Ino hiza dino tiimot-kou banal do baiko iso ot adau dit ontok dit Anak do Riniba nga amu-kou kemot, ka di Yesus. Manjadi i kosusaan dino, iadko i kosusaan dit ondu do bituanon sid suriban dino. Minsanko abanal iosido om a-milo-milo abanaran di hakim, ong sukul mongitung i hakim dino dot apatut, banalko aso monulung dau. Pengkaa dino i piumpugan di Yesus ontok dot amu-po nokorikot vagu iosido. Mangasip ioti om tumolikud sid nunu-nopo i karaatan. Topot kakali dot opogos om iadko neduan do Kinoringan. Kagi, i Lukas dino okonko a-nokotiim di kosusaan do iadino, tu nokokoruhang-po iosido di Paulus i kinumaa ioti sid Pilipi om i-po sid Rum. Minsanko amu nokotorungku i Lukas kondiri sid Pilipi om okonko hukuman iosido sid Rom, nokotiim iosido di gama humongkob sampai nohorotizan-no dau i kogunaan di gama minta dua. Tu ontok dot banalko aso-no katagan om kosurutan, na tigogi monulung i Kinoringan. Manjadi minongitung dati i Lukas dino dot atag banal ong on tokon siti i suriban dino, supaya okonko rumompukot sid saralom do kosusaan di ginavo dot ongoulun, gamko makin osusa, makin-po tumatap minta dua. Tu i kotulungan do Kinoringan nga tigogi mimbulai, sampai i kosopulan penlaid, nga tigogi rumikot i hiza dot amu el-elaan dot ongoulun. Sabap ino, atag ong soumul-umul mangasip om minta dua, supaya osodia i ginavo, ong rumikot vagu it Anak do Riniba. 2-4a I hakim om it ondu do bituanon. I hakim dino ulun dot araat om osumbung. Amu rumonok iosido do Kinoringan, ka. I harati, pakaso iosido do Kinoringan. Ino-no i buatan do riniba antad-po di hiza di Adam om i Kain. Amu mangakun do varo-pot asavat mantadko iosido. Manjadi kodungko amu-no rumonok do Kinoringan, amu-no mongoguna do koruhang om amuno mongoguna dit ongohoturan i sid pialatan dot ulun. I Kain-no vagu o nokogulu sid saralom do gama di iadino. Ombo-ko ioku, ka dit ulun di iadino. Aso kobinsianan, aso pongitungan dot apatut. Banalko asavat i pangkat do hakim. Tu iosido dino iadko mongontok do Kinoringan sitid pomogunan, tu posunu di kenginan dau do pedu do karaatan om posurut di kabanaran. Sid Zabur 82 retan dot anak do Kinoringan it ongohakim sampai iadko Kinoringan, ka. Topot manalahas banal i Zabur dino do suvaiko obintulung dit ongoulun dot osusa om osibak i hakim dino om apatut-ogi i pongoretan dino. Kagi, sid ensanan i Kitab amu engkod monuhu i Kinoringan do monulung dit ongoondu do bituanon om it usan-usan (Kinolobusan 22,2123; Yesaya 1,17-23; Yeremia 7,6; Yakub 1m27 om vokon-no). I bituanon dino amu elaan tokou do nunu banal it indomoon dau sid hakim dino. Kalu-kalu ong varo barang antawa tana dau di nanu dot ulun, hiza do minatai i savo dit ondu dino. Elaan tokou-no i buatan dot ulun i mongitung dot obuli mangaraat dit ulun dit amu kasaap. Mad atarang-no dot i pidahava dit ondu dino, nga ulun do kipangkat antawa ulun do kikuasa. Tu nunu-ka o sabap dot amu engin monulung i hakim dino? Tantu gunaon dau i pidahava di bituanon dino mantadko i bituanon. Kalu-kalu ong inopilan-no iosido. Na tantu amu-no kasaap it ondu, tu mosikim iosido. Manjadi aso katagan dit ondu dino, baiko iso: mamanau-nopo om mindakod-nopo sid upis di hakim dino, sampai abasan iosido. Aso boros dati di hakim dot, Amu-oku monulung dikau, ka, antawa, Banaron-ku ino pidahava-nu, ka. Gamko, Oh, ka, oh, ka dau. Topot aso-aso gama dau. I gama dau mongoho baiko iso o harati, pendahu koduruk dit ondu dino. Elaan tokou i buatan di iadino. 4-5 I kinosimbanan di ginavo di hakim. Na it ondu dino minamanau-nopo om minindamo-nopo dot makin alaid makin-po avagat i ginavo dau. Tu mad atarang-no dot amu engin monulung i hakim. Na minsanko iadino, amu engkod iosido mindamo. Na i kopupusan di hal dino, amu-no noboros. Rontob i pongitungan di hakim o notuturan di Yesus: engin-oku mamanal di bituanan dino, ka. Aso nakagama dino, baiko i kolonuto di ginavo dit ondu dino om i gama dau gumorot. Kokiraai, konihab kakali dot aso pongitungan di hakim do monukung dit ondu. Manjadi ong abasan-no it ondu dino om amu-no mamanau vagu, tantu aso-no katagan dau. Om i hakim dino okonko pentahan dot, Bang korikotko vagu, monulung-oku-no, ka antawa, Bang mindakod-ko siti dot inghopod, tulungan tekau, ka dati. Aso boros do iadino, inoi nga, tigogi sinumimban i ginavo dau. Mad indozohon tokou it ondu dino, tu amu engkod iosido mindamo. 6-8 I Yesus posondot di suriban dino sid piumpugan dot ulun Kristian. Iadko sid suriban di mandul dit amu abanal (16,1-7) manarang i Yesus di panangan di suriban. Om varo-no vagu iso o hal di koluu di tuturan sid 16,1-9, tu sompi i suriban dino, nga ulun dot araat o nanu dot ponuribanan. Ogumu ot ulun mad osusaan di gama di Yesus do iadino. Topot tinomod di Yesus ino. Tu, bang iadino i gama antawa pongitungan dot ulun dot minsanko araat i ginavo dau, nga monulung-no ong laid, tantu lobipo i Kinoringan, it aso karaatan, gamko it arangkap banal do kovosihan, tantu humago-o iosido monulung, ka. Manjadi atalahas-no banal i tomodon di Yesus sid saralom di suriban diti: monuhu iosido di tokou dot kadan-no mingkod minta dua mokitulung om mokibanal do Kinoringan. It ongoulun di nopili dau, ino-no i piumpugan dot ulun 82
Kristian. Ioti dino, amu milo-milo nga kahajang do kosusaan do iadko it ondu do bituanon. Minsanko aso sala, kakali dot salaon. Minsanko posurut di hal do samod sid pomogunan, ikasana dit ongoriniba vokon. Amu kadapat ioti monuli di karaatan do karaatan vagu. Aso kuasa dioti sitid pomogunan om amu kadapat ioti mangapil. Ino-no i buatan di piumpugan dot ulun Kristian hiza di minsomok-no i korikatan vagu di Tuhan Yesus (17,22) Aso katagan vokon, bai iso-po, tumatap banal sid Kinoringan om minta dua-nopo. Manjadi varo-po duvo o boroson, supaya amu tokou ogolivong: Keso, ohorotizan tokou dati dot okonko monuhu i Yesus di tokou do gumorot dot araat o vaza. Amu kadapat tokou momoros sid Kinoringan dot, Masti monulung-ko dohon, ka di pinta dua dot araat. Inoi nga suvaiko osibak i ginavo. Kagi i kabanaran dit indomoon tokou sid Kinoringan, okonko i kabanaran tokou kondiri. Inoi nga i kabanaran dit itahak do Kinoringan sid di tokou, gima i Yesus. I gama minta dua om i gama mangasip amu osodiri. Manjadi atalahas-no dot engin i Yesus dot minta dua tokou dot amu engkod om amu abasan, ka. Topot okonko harati dot mogom-ogom tokou dot asadapan om osuvaban om boroson tokou-nopo i boros do pinta dua. Bang iadino, tantu amu-no kagama tokou do nunu-nopo o gamaon. Inoi nga engin i Yesus dot i kavazao tokou, nga soumul-umul sid tinoguvangon do Kinoringan. Hiza do gumama tokou masti andaman tokou i Kinoringan i mongopud di gamaon tokou. Hiza do kumiboros tokou dot ulun, masti andaman it Ama sid surga, i mongining di nunu-nopo i boros tokou. Ong soumul-umul sid tinoguvangon do Kinoringan i kavazao tokou, osukup-no banal, ong onibak i boros do pinta dua, iadko i rontob, Tulungai-oku-no o Kinoringan, ka di gama minta dua, antawa, Torima kaseh, ot Ama sid surga, ka. Amu osusa dot anaru banal i boros do pinta dua, kagi amu engin i Yesus do iadino o gama tokou (Matius 6,7). Ino-no o kenginan dau, soumul-umul humarap i ginavo tokou sid kotulungan do Kinoringan om sid kosungguvo di noumba-no dau bahagi di tokou. Manjadi i koduvo i boroson, ino-no, Boros di Yesus, Humago-no iosido mamanal dioti, ka. Ong i tokou o mongitung, asarok dot amu humago i Kinoringan monulung, gam mad oboloti.Banal-neno. Topot ino humago dino, okonko monuduk di koledo, inoi nga monuduk do kuran i ginavo do Kinoringan sid di tokou. Iosido dino okonko iadko i hakim diri it amahalan monulung, tu mongusiba dit ondu do bituanon. Inoi nga agazo i ginavo dau monulung om mamanal. Manjadi minsanko agazo i ginavo dau, varo-po sabap dot amu turus monulung iosido dit ulun di mokitulung. I kinahajangan di Yesus manarang sid di tokou di hal dino. I Yesus mininta dua sid kabun do Getsemani diri do banalko ogorot, tu intolu imbulitan dau i boros di pinta dua dau dino. Topot iadko a-nening di Kinoringan, tu susuvab-po, nga minatai-no i Yesus sid kazu do sangkap. Nopurimanan di Yesus do mad iniduanan-no do Kinoringan iosido. Topot, tigogi minimbulai-no i kotulungan, ontok do kinogulianan. Bang notulungan-no i Yesus ontok di mininta dua iosido sid kabun do Gesemani, amu notuluk i kenginan do Kinoringan om amu nokembulai i kuasa dau di kapanahak do koposizan di tumalib di koposizan di didino. Manjadi i tokou diti okonko mirad di Yesus. Topot ipat-ipat i kosusaan di sumondot sid di tokou, masti varo tomodon do Kinoringan om masti varo kogunaan di kosusaan dino. Rontob-nopo, i tokou diti amu kaharati. Topot i Kinoringan o milo, om elaan tokou-no antad sid di Yesus dot banal-noko asamod iosido di tokou. Manjadi otopot i boros di Yesus dot humago i Kinoringan mamanal om monulung dit ulun dot osusa sampai oruol i ginavo dau ontok dot osusa tokou. Topot amu milo-milo nga posunuon dau laid i kenginan dau it avasih bahagi di tokou, minsanko amu ohorotizan tokou. Varo-no ong suvai ohorotizan tokou i gama dau ong tohudi't adau, varo-no ong amu ohorotizan i kakal tokou-po sitid pomogunan, inoi nga suvaiko korikot sid karajaan om ohorotizan-ogi. Topot aso bida, ong sukul elaan tokou-no i samod do Kinoringan, it amu sumimban om it amu tumanus. Bang opihot i ginavo tokou humarap sid samod dino, kadapat tokou tumahan dit ongokosusaan, minsanko amu ohorotizan tokou. Tu atalahas-no banal sid ensanan i Kitab: I Kinoringan monulung ontok do banalko aso-no katagan, ong riniba o mongitung. Sid di Yesus-no laid om sid ongorasul, nga pengkaai. Kagi, it ongokotulungan di sumuhut dara di kenginan tokou riniba, okonko dati kotulungan tantu sid tinoguvangon do Kinoringan. Tu itit ontok didino misusuhut-suhut it ongokosusaan. Suvaiko rumikot vagu i Yesus om varo-ogi kotulungan banal om mamanal-no i Kinoringan dit ongoulun di mangasip sid dau. Sabap ino, apatut dot ino korikatan dau vagu o boroson di Yesus sid kompusan di tuturan diti. Lavis: I piumpugan dot ulun Kristian sitid pomogunan iadko ondu do bituanon, tu aso kuasa om amu kadapat sumaap di karaatan dit ongoulun dit amu mangasip. Baiko iso o katagan, ino-no minta dua do porikot di korikatan vagu di Yesus. Manjadi kadan-no dot abasan, minsanko alaid-no i janji dino, inoi nga humarap-nopo sid Kinoringan i nokopemot di samod dau sid riniba sid saralom di gama di Yesus. 18,9-14 I suriban dit Parisi om i karani di mongumpug do sukoi. Antad sid ayat 9 kaharati tokou dot i hal do kabanaran sid tinoguvangon do Kinoringan o tudukan di Yesus, okonko bai suriban bahagi di gama minta dua. Sid saralom di gama minta dua mimbulai-no i buatan di ginavo dot ulun om ino ginavo o kiroon do Kinoringan. I ginavo dot osibak om obingharap o banaron do Kinoringan. Topot i ginavo dot asavat om mad osumbung, a-milo-milo nga iada dau, minsanko monuluk it ulun dino di sokoviai i pinonuhuan. Ino-no i tudukan dit Ongoparisi, Baiko it ulun dot abanal o kamung sid karajaan do Kinoringan, ka, om i kabanaran dino, ino-no i gama monuluk di kenginan do Kinoringan. Nonong dara i tudukan di iadino. Tu nunu-ka o tinomod do Kinoringan, i minanahak iosido di pinonuhuan sid bansa dot Israel? Tantu ino-no o tinomod dau, posuhut dit ongoulun dino sid kenginan dau. Sid saralom di tudukan sid Burul (Matius 5-7) 83
minanalahas-no i Yesus dot amu engin iosido mananus di pinonuhuan, gamko kenginan dau dot otuluk banal i pinonuhuan. Manjadi, nokokuro-ka, tu mamajal i Yesus dit ongoulun di magavi monuluk di pinonuhuan? Duvo o sabap, keso, i pinonuhuan dino, pakakas do Kinoringan do monunda do riniba. Topot i riniba dino oruhai malid. Tu sid saralom di gama mamantang om magavi, olingan-no it inantadon om i kogunaan di pinonuhuan sampai posilihon-no dau do dau do pakakas bahagi di gama mokisasavat sid tinoguvangon do Kinoringan sampai monguasa-po do Kinoringan. Varo't iso o guru dot Ongoparisi di minomoros-no dot, I dohon do kabanaran banalko arangkap sampai osukup-no do mangaganti di sokoviai i kasalaan di riniba, ka di Rabi Shamun bin Yochai. Okon-ka-ko asavat i ginavo di guru dino? Om elaan tokou-no laid i pongitungan dit Ongoparisi dot, Ong sukul otuluk i pinonuhuan bahagi dit adau do pongintaranan do baiko sangadau koledo, masti porikot i Kinoringan di karajaan dau, ka dioti. Okon-ka-ko tinumiim-no ioti mangahatul om mongogorot do Kinoringan? Na amu mangakun i Yesus di gama dioti do iadino. Andaman tokou i boros dau dot, Ong nosuhut-no dikou i sokoviai i nisuhu sid dikou, pomoros-kou-no dot, iokoi diti baiko uripon dot aso guna. Rontob i nipagama dahai o nagamaza, kanto dikou, ka (Lukas 17,10) Om i koduvo i sabap, ino-no i gama mongusiba dot ulun vokon. Iokoi diti avantang mantadko ioti, ka. Manjadi asarok dot okonko baiko mongusiba ioti dit ulun vokon, gamko moniag-po dioti sumamba sid Kinoringan (Yahya 7,49 om Luk. 11,52) Manjadi i sala koduvo dino mad lobipo araat mantadko i gama do mokisasavat. 10-12 I pomintaan dua dit ulun do Parisi. Miduvo-duvo ioti dino tumakad sid panambayangan do Yerusalim. Varo hoturan dit Ongoyahudi dot induvo minta dua om sumamba sid saralom do sangadau, o ino-no pukul 9 do sasarap om pukul 3 do minsosodop. Topot ong amu kotibang it ulun ontok di jaham do pomintaan dua, obuli iosido sumamba sera-sera o kotibangan om kenginan dau. Manjadi it ulun do Parisi dino mininta dua-no do iadko i koubasan dot ongoulun Yahudi, masti mingkakat om isinggol i duvo i longon om tumingaha sid avan. Manjadi, ka di boros, Miningkakat-no iosido dot aso korinding dau, ka. Amu elaan banal do nonong ino ko amu. Sid boros Yunani, na iadino: Manjadi ino sid kondiri dau dino, kalu-kalu ong dang miningkakat, i harati, nosodiri antad sid ulun vokon, dot aso korinding dau. Ino iadino dino mionong di boros di Yesus sid Matius 6,5. Topot kalu-kalu ong okonko dang miningkakat i sid kondiri dau dino, inoi nga dang minta dua. I harati, okonko sumamba iosido sid Kinoringan, inoi nga sumamba sid kondiri dau it ulun do Parisi dino. Ino iadino banalko otopot, tu sid saralom di pomintaan dua dau dino okonko monginsavat iosido do Kinoringan, inoi nga monginsavat di kondiri dau. Ong kiroon it ongoboroson dit ulun do Parisi dino sid saralom di pomintaan dua dau, ogumu ot apatut om avantang. Monorima kaseh iosido, tu amu nakahajang do kasalaan. Apatut ino, tu ipat-ipat it ulun masti varo pensubaan susuvab-suvab. Ong okonko i Kinoringan o manaud om momihot di ginavo, tantu aso katagan. Topot kodungko mokisasavat iosido om mongusiba-po dit ulun vokon, aso-no guna di pomintaan dua dau dino. I nangagama dau dino okonko araat dara. Okonko baiko insan momuasa iosido sid saralom do songminggu, isuhut di hoturan do Yahudi, inoi nga induvo, tu mangaganti di kasalaan dot ulun vokon, ka dit Ongoparisi. Na aso karaatan, ong momuasa it ongoulun. Minsanko i Yesus nga varo tudukan dau bahagi di gama momuasa (Mat. 6,16-18) om iosido kondiri nga minomuasai (Lukas 4,2). Topot kodungko mokisasavat iosido om i gama do momuasa ajadi dot ipokindazou dau, aso-no kogunaan. Pasal ong i persepulohan dino, varo hoturan sid Kitab dot masti manahak dot iso pihopodon antad sid parai om umau makan om vaig dot anggur om antad sid ongopangazam, ka (Ulangan 14,22-23). Manjadi it Ongoparisi amu-po osukupan ong rontob iadino, minanahak-po ioti do persepulohan antad sid ongototodukon (imatai Luk. 11,42) sampai manahak-po do persepulohan antad sid ongobarang ko kakanan di nadagang dioti sid ongopasal. Tu kalu-kalu ong amu-po nakatahak i toki dino do persepulohan, ka dioti. Manjadi atalahas-no do banalko orugi ioti om banalko ogumu o siin om barang o nitahak dioti sid Kinoringan. Sid Kinoringan? Bang otopot-no dot nitahak banal sid Kinoringan, tu posurut di hal dot ugama om ipamalanja dit ongoimam om it ongoulun di mangahatul dit ongopanambayangan, aso karaatan, gamko avantang. Tu ino dino nga vazaan mongohormat do Kinoringan. Topot, ino pomintaan dua dit ulun do Parisi dino o manalahas do sokoviai ino, nanu dau dot ipokindazou sid tinoguvangon do Kinoringan om i riniba. Amu nitahak sid Kinoringan, ong otopot-no, inoi nga nitahak sid kondiri dau. Mionong ino di noboros laid, kananganko i mininta dua sid kondiri dau (10). 13 I pomintaan di karani do sukoi. I hoturan do sukoi banalko tanid sid pomogunan do Yahudi mantadko i koubasan tokou biano. It ongokarani di mongumpug di sukoi diri, minsanko karani do porinta ioti nga okonko kigaji, inoi nga moniwa ioti dot iso tampat do sukoi, kokiraai, sid pivolitan do pomogunan antawa sid tuhunan ko jambatan do banalko agazo o siwa. Tu nokosuvang-no sid siwa dino i sukoi dit onuvon dau antad sid ongoulun. Manjadi suvai magavi it ulun manganu sid ulun do sukoi om varo-ogi kalaba bahagi di koposizon dau. Ogumu o karani do sukoi minanganu do sukoi dit oholian kasavat. Topot kakali amu apatut i gama dit ongoulun do Parisi di minomoros dot ensanan it ongokarani dino, nga ulun do kisala om ulun di mongorugi do koruhang, ka. Om varo-po vagu iso o sabap do minongusiba ioti dit ongokarani do sukoi: ioti dino tumabang di porinta do Rom, om i porinta dino, nga banalko ikasana dot ongoulun do Parisi, tu ulun do labus gima it ongoulun do Rom dino. Manjadi i karani do sukoi dino miningkakat sid sodu-sodu, ka. Amu katama iosido minsomok sid ulun do Parisi 84
dino, tu nelaan-no dau dot asana i Parisi dino. Antawa kalu-kalu ong tanid i harati. Tu it ongoulun di sinumamba sid panambayangan do Yerusalim dino, okonko sinumuvang sid panambayangan, inoi nga miumpug sid natad. Na ogumu om oginis-ginis dit ongonatad. I natad keso, ino-no bahagi dit ongokusai do Yahudi. Ino-no it osomok banal sid valai do panambayangan om siri-no i meja do Kinoringan, i pinadaha do potimpakan do persembahan. i koduvo i natad bahagi dit ongondu do Yahudi, tu amu kavasa ioti minsomok banal. Om i kotolu i natad bahagi dit ongoulun do labus i nokorikot sid Yerusalim om engin mimot di panambayangan dino. Kalu-kalu ong baiko siti i kinengkakatan di karani dino. I gama dau minta dua, nga iadko ekum iosido. Tu minsanko tumingaha, nga amu katama iosido. Om i boroson dau, banalko onibak: O Kinoringan, sianai-oku-no, ka. I boros dino mad nanu antad sid Zabur 51. Mad tinomod di Yesus dot nanu dau i boros dino antad sid Zabur 51. Tu i kompusan di Zabur dino banalko mionong di tomodon di suriban dino. Ka di boros, Sabap amu-ko engin ong mangagaras-oku do pangazam om isamba sid dikau. Ino-no it apatut dot isamba sid Kinoringan, i ginavo dot okugui, i ginavo dot osibak om obingrosi amu-nu kihizon, o Kinoringan, ka di Zabur. 14 I hukum di Yesus. Kondiri di Yesus mangaratu do hukum dot isai antad sid dioti miduvo dino o nembanaranno sid saralom di gama minta dua om isai ot amu embanaran. Mongontok iosido do Kinoringan, tu i gama mamanal om monorima di pinta dua, tantuko gamaon do Kinoringan. Na iadko sid tudukan sid Burul diri ontok do minanarang i Yesus di harati om it onsi di pinonuhuan, iadino-no vagu siti, Boroson-ku sid dikou, ka. Ipatipat ong mimbulai i boros do iadino, banalko agazo o hal o boroson di Yesus om banalko otopot om opihot i boros dau. Kananganko i tokou. I tokou ulun Kristian mad noubas-no do mongusiba dit ongoulun do Parisi, tu mokisasavat ioti om misimbanal ioti om nunu-nopo i karaatan dioti. Na apatut dot amu tokou sumusui di buatan dioti. Topot mongontupat tokou-no banal, supaya i tokou kondiri amu ajadi do Parisi. Okon-ka ko ino-no i sala dioti do mongusiba ioti dit ongoulun vokon? Sabap ino, osuhul-no ong kadan tokou mongusiba, gamko osianan tokou dioti. Tu ioti dino, nga napalid-no i ginavo dau. Kagi, ong i nangagama dioti dino o kiroon, mad indozohon ioti. Tu minangakun ioti do mogos sid saralom di gama sumuhut do Kinoringan. I tokou diti, aso-no hoturan do momuasa, minsanko okonko araat i gama do momuasa, rontob aso tantu guna. Topot ogumu ot ongohoturan tokou di kiguna, kiro-kiro manaud dit adau do minggu, monginsasamod om monulung dit ongoulun dit osusa, antawa i hoturan do persembaan do posurut tokou di piumpugan tokou. Na asarok dot amahalan tokou antawa orubatan tokou di siin ko barang. Amu apatut ino. Ong ino hal o kiroon, atag-no ong suntuan tokou it ongoulun do Parisi. Rontob-nopo, kadan-no do mokisasavat tokou om mongusiba dot ulun vokon. Om i karani do sukoi dino, nga avantang i gama dau minta dua. Topot i gama dau mongorugi dot ulun, tantutantu-ko amu avantang. Kadan tokou mongitung dot obuli tokou mangagama do karaatan, dot nakagama-po, tumoronong tokou-no sid Kinoringan om momoros-no dot, Sianai-oku-no o Kinoringan, tu kisala-oku, ka dati di tokou. Bang iadino o gama tokou, mongusiba tokou-no di kovosihan do Kinoringan om kisala tokou di lobipo araat mantadko i sala dit ulun Parisi dino. Sabap ino, atag-no ong magavi tokou sumuhut di kenginan do Kinoringan do kadan tokou monginsavat di kondiri, gamko momoros iadko i boros di Yesus diri dot, Iokoi diti baiko uripon dit aso guna. Rontob i nipagama dahai o nagama-za, kanto dikou, ka di Yesus. Lavis: Engin in Kinoringan dot sumuhut tokou di kenginan dau. Sabap ino, minanahak iosido dit ongopinonuhuan sid di tokou. Topot kadan tokou mokiindazou sid tinoguvangon do Kinoringan om kadan tokou mongusiba dot ulun vokon, tu iso't ulun nga aso't embanaran do Kinoringan dit asavat i ginavo om aso kobinsianan. 18,15-17 It anganak o kasanganu di karajaan do Kinoringan (Mat. 19,13-15; 18,3; Mark. 10,13-16) It ongoulun do Yahudi, rumbul satu minongoguna di kusai dit osukod-no. Elaan tokou-no dot tanid i piumpugan do kusai om tanid i piumpugan dot ongoondu sid panambayangan do Yerusalim. Om it anganak dit amu-po 12 toun ot umul dau, muhut-suhut-nopo dit idi dau om amu-po osusa ioti sumuhut dit ongoadat om it ongopinonuhuan. Harati, aso-po guna banal dit anganak dino, tu amu-po kaharati, ka di pongitungan dioti diri. Kagi, minsanko it anganak do kusai, amu-po kavasa mumpug sid natad dit ongokusai, ong amu-po osukup it umul dau. Na ohorotizan tokou i gama di kinoruhangan di Yesus minoniag dit anganak rumikot sid di Yesus. Amu oguna it anganak, tu amu-po osukod om retan dot amu-po kaharati. Na amu minangakun i Yesus di pongitungan om koubasan sid bansa dau di monodiri banal dit ongoulun. Kokiraai, it ongoulun do kisakit, retan do kisala (antawa i molohing dit anak di kisakit, nga etan do kisala Yahya 9,1-2). It ongoulun do mosikim om a-nokosikul lupuon dioti. It ongomanaud do domba, retan dioti dot ulun do mangarampas om momudut, ka, na rinikot dit ongomalaikat antad di kinosinaan di Yesus. It ongokarani do sukoi, nensanan i retan dioti do kisala. It ongoondu amu gunaon dioti om amu mangakun dot mumpug ioti iadko it ongokusai sid iseso o piumpugan. It anganak nga pengkaai. Banalko amu engin do iadino. It ongoulun di sumakit notulungan di Yesus. It ongoulun do mosikim nga i Yesus o pokosinang dioti om mangajanji sid dioti di karajaan do Kinoringan. It ongokarani do sukoi inihim dau om minilang iosido dioti monginakan. Sid tinoguvangon di Yesus aso bida do kusai ko ondu it ulun. Om it anganak nga notorima dau om nabarakatan dau. Minsanko it ongoulun do Parisi om it ongoulun dot elo do Kitab di banalko sinumaap di Yesus, nga okonko nensanan niada di Yesus. Sid Mark. 12,34 minomoros iosido sid isot ulun dit elo do Kitab dot, Ikau dino okonko osodu antad sid 85
karajaan do Kinoringan, ka. Om i hal di Nikodemus nga elaan tokou kavi. Atalahas dot amu monodiri i Yesus dit ongoulun, inoi nga gunaon dau it ipat-ipat it ulun. Manjadi kananganko it anganak, varo-po vagu do boroson. Sid ayat 17 momoros i Yesus dot, It ulun dit amu monorima di karajaan do Kinoringan do iadko i gama dinot anganak, tantu-tantuko amu kosuvang iosido, ka. It anganak dino suntuan dot ongoulun vokon, suntuan dit ongosukod. Nokokuro- tu iadino? Varo-no ong momoros dot, It anganak dino sinamadan di Yesus, tu aso-po sala, ka. Na tau-no. Amu-po elo manakau it anak di ragangpo. Topot elo-no humungot om elo-no posurut di kenginan dau kondiri. Opodok-po, nga kibuatan-no banal do riniba, o ino-no sumuhut di kenginan kondiri. Amu atag momoros dot, Aso-po sala dit anganak. Topot nunu-ka songhal antawa nunu sombuatan o netung di Yesus, i minomoros iosido dot suntuan inot angaanak? Ino-no o netung di Yesus: it anganak banalko obingharap di molohing dau. Nunu-nopo songkosusaan antawa nunu-nopo songkosinangan, inot molohing ot ulion dau. Ong kioruol, amu milo-milo nga tumangkus rumikot sid idi ko sid ama. Ong varo nemot dau dot avantang antawa hal di kovongo dau, ino-no o boboroson dau, Imatai-ka, Idi, ka antawa, Imatai-ka, Ama, ka. Ong manahak it ama do kakanan sid anganak dau, isot anak nga asot ekum manganu, gamko mindamo vagu, ong amu-po ovizau iosido. Hiza do sodop, ong nokoling it ama om it idi, rumosi it angaanak sampai mad amu kodop. Topot ong nelaan-no dau dot sino-no i molohing, osinang iosido modop. Hiza do sumakit it anak, aso tampat vokon dit avantang mantadko sid kangkab (poo) dit idi antawa it ama. Minsanko opogos-no banal iosido antawa ong toropatazo-no dau, kakali dot osinang-sinang-po iosido ong sid kangkab dit idi. Iadino i buatan dit anganak. Ino buatan dino o netung di Yesus. Ino buatan dino o suntuan tokou. Tu i tokou diti, nga kiama dit lobipo avasih mantadko i sokoviai it ongoama do riniba. Varo boros dit iso't osukod: Ong itungon-ku it anganak-ku, asarok dot amu apatut banal i gama dioti humarap sid ama. Tu ontok do sumakit ioti, okonko kikuasa-oku do pengkod di sakit dioti. Mad oruol i ginavo-ku do mongining-oku di boros dioti dot, Tulungai-oku-no, ka antawa, Oruol iti tizan-ku, ka. Peduo-no it oruol dino, ka. Amu milo-milo nga manahak kito dot ubat, ong varo. Topot bang amu engkod, kuran-no-ka? Aso-not elaan vokon mantadko it iso, ino-no, polombus dit indomoon dino sid Ama banal, ino-no i Kinoringan sid surga. Ontok dino ajadi-oku vagu do iadko anak dit aso harapan vokon mantadko it Ama. Manjadi kadan-no do baiko ontok do kosusaan om andaman tokou-ogi it Ama sid surga, inoi nga apatut dot soumul-umul ino Kinoringan ot ulion tokou, sid hal dot osusa om sid hal dot avantang. Apatut dot amu kodop tokou ong amu-po nokotoronong laid sid Ama. Apatut-no dot amu ekum tokou mindamo om amu engkod tokou humarap sid Ama tokou dino. Minsanko amu ohorotizan tokou i gama dau antawa minsanko varo't opurimanan tokou do iadko iniduanan tokou dau, nga kakali do humarap sid dau. Iadko i Yesus kondiri i minomoros-no sid kazu do sangkap diri dot, Ot Ama-ku, patahak-oku-no di ginavo-ku sid palad-nu, ka (23,46). Okon-ka-ko varo katagan di Yesus i hiza diri antad sid Kinoringan? Na tantu varo katagan tokou antad sid dau do nunu-nopo o hal om kosusaan. Manjadi engin i Yesus dot ajadi tokou do iadko it anganak dit obingharap om i katama tumoronong sid Ama, minsanko kisala. I karani do sukoi diri tinumoronong sid Kinoringan do iadino. Topot i Parisi diri, nga minongitung-no do iadko ulun dot osukod, tu humarap sid kondiri dau. It ongoulun do Yahudi amu minongoguna dit anganak, tu amu-po nakadapat ioti di buatan dot osukod. Om i Yesus nga hinumongkob dit ongosukod, tu natagak-no antad sid buatan dot anganak. Ino-no i pitonidan dit ongoulun do Yahudi om i Yesus. Kadan-no dot ino-no i pialatan di tokou om i Yesus. Lavis: Engin i Yesus do monorima tokou di kovosihan do Kinoringan iadko it anganak monorima di panahak di molohing, aso bida dot ohorotizan ko amu. Tu nelaan di Yesus dot olumbatos banal i ginavo dau dot nununopo i panahak do Kinoringan, masti avantang i kosungguvo. Kagi engin i Yesus dot amu tokou mongusiba antawa moniag dit ongoulun dit engin rumikot sid di Yesus, minsanko mongitung tokou dot amu dati kaharati ioti. Tu okonko i gama humarati, inoi nga i gama humarap om mangasip o kiguna sid tinoguvangon do Kinoringan. 18,18-30 I kolunduo do pomogunan om i karajaan do Kinoringan (Mat. 19,16-30. Mar. 10,17-31) Toguvangon di Yesus i hal do kolunduo do tolu o bahagi i tuturan dino. Keso, inot ulun di kipangkat di tinumoronong sid di Yesus, tu mongoduat do nunu o gamaon dau, supaya kotungkus iosido di koposizan penlaid. Iri-ogi i tudukan di Yesus kananganko i hal do kolunduo sampai manarang-po i Yesus do nunu o suul do Kinoringan sid ongoulun di nokosuhut-no di Yesus. Ino tolu o bahagi, iso-no o tomodon, ino-no, engin i Yesus manarang dot it ulun di kumapit sid siin i ginavo dau, amu kadapat sumuvang sid karajaan do Kinoringan, sampai it ulun di sumuhut di Yesus om mongiduan di barang dau, nga asot ikorosi dot amu kosukup iosido. 18-23 It ulun do kipangkat om lumundu. Inot ulun dino di tinumoronong sid di Yesus mad ulun di banalko osinang. Kipangkat iosido, kalu-kalu ong nakamung-no iosido sid kunsil dot asavat sid Yerusalim. Om banalko lumundu iosido. Elin iosido, tu i sokoviai it ongopinonuhuan, nosuhut-no kavi dau antad dit opodok-po iosido. Nunu-po-ka o kenginan dau antawa kosusaan dau? Mad avangaan tokou do rumikot iosido sid di Yesus, tu mokitunda. Okon-ka-ko ahatul i nunu-nopo i hal sid ulun dino? Manjadi antad sid gama dau mongoduat ohorotizan tokou dot varo kahangkaban dau. Ino-no i kahangkaban dau, i kosungguvo dau. Kalu-kalu ong ulun iosido dit elo monguog om nohorotizan-no dau dot pangkat sitid 86
pomogunan, nga amu milo-milo, nga tumanus. Kolunduo om barang, nunu-ka o kogunaan ontok do matai it ulun? Om i gama monuluk di pinonuhuan, nga tantu avantang, tu aso-not ikorosi dot ohukuman iosido. Topot nunu-ka o kogunaan, bang amu elaan i kosungguvo? Mad kaharati iosido mantadko it ongoulun do Parisi dot i gama monuluk di pinonuhuan okonko turus mongovit sid koposizan penlaid. Iadino dati i pongitungan dit ulun dino, antawa okonko antad sid ginavo dau kondiri o kinembulazan di pongitungan om kopiduvaan di ginavo dau dino. Inoi nga alaid-laid-no minongontupat iosido di Yesus om i gama dau. I Yesus dino nga aso pangkat, gamko it ongoulun di kiongongaran sid pomogunan mongusiba di Yesus. I Yesus dino mosikim, om minsanko kikuasa iosido do pembulai di nunu-nopo o kenginan dau, amu insan minamakai di kuasa dino bahagi di kondiri dau. I Yesus dino amu sumuhut di sokoviai it ongoadat do Yahudi, gamko gumavul sid ongoulun do kisala, sampai retan-no dit ongoulun do Parisi i Yesus do kisala, ka. Topot minsanko iadino, kakali dot osinangan iosido di Yesus. Sera-sera ong emot dau i Yesus, mad atarang do mozo-vozo i Kinooringan. Sid saralom do kosikimo nga osinang i Yesus. Amu humungot iosido, ong opogos iosido di kogumuai dot ongoulun. Om amui humongkob i Yesus di kosungguvo dau, inoi nga mad atalahas-no dot ino Kinoringan o kosungguvo dau. Ino iadino dino nemot dati kavi dit ulun dino om ino-no dati o sabap do rinumikot iosido sid di Yesus, tu mokibahagi di kosinangan om buatan di Yesus. I boros dau sid di Yesus dot, O guru dot avasih, ka, pentalang-no do mangarazou iosido di Yesus. Topot varo-po dati nagavul do gama do mongolumbok di Yesus. Sabap ino, amu minangakun i Yesus di pongoretan dino. Keso, minoniag i Yesus dit ulun dino dot, Kadan-no mongolumbok dohon. Banal, ong varo-not ulun di mangasip, tantu dot i Yesus ot Anak do Kinoringan, aso karaatan ong iadino o pongoretan. Topot ong baiko mongolumbok, amu koho i Yesus. Kagi, sid saralom di timpa di Yesus monuduk-no laid i Yesus dot nunu ot okurang sid ulun dino. Tu, ka di harati di boros di Yesus, Ikau dino rumikot sid dohon do mokituduk do riniba o tomodon-nu. Na asot ihimon-nu vokon mantadko i Kinoringan, ong engin-ko parangkap di kondiri-nu. Tu i sokoviai i pangkat om kolunduo om nunu-nopo i kinadapatan-nu, asoi kogunaan, ong okon-po ko nokoluzung-ko sid Kinoringan (19). Iri-ogi mangarait i Yesus dino di hopod o pinonuhuan. Oruol-no dati i ginavo dit ulun diri, di mokituduk di Yesus. Tu inot ongopinonuhuan dino, nelaan-no laid dau. Topot, okonko ensanan i hopod i pinonuhuan o noboros di Yesus. Rontob i limo i kipanangan sid ulun vokon. Mad avangaan tokou. I hal do koposizan penlaid, i hal do Kinoringan om hal do surga o noduat dit ulun dino. Topot i timpa di Yesus monong sid hal do pomogunan. Ong i tokou o mongitung, apatut-no dara dot i keso sampai i kapat i pinonuhuan o boroson di Yesus. Topot ino iadino dino, asarok sid ongotuturan di Yesus: amu osodiri i gama mongoguna do Kinoringan om i gama mongoguna dit ongoulun vokon. Andaman tokou i tuturan bahagi di hukum penlaid (Matius 25,31-45) om i Pinonuhuan dot Asamod (Markus 12). Aso vazaan do sumamung do Kinoringan dot otoliban it ongoulun vokon, rumbul satu it ulun dit osusa om it opogos. 21-23 Avangaan tokou dati dot amu sinumaap i Yesus di timpa dit ulun dot, Iti sokoviai diti nosuhut-ku-no kavi antad dit opodok-oku-po, ka. Ong kiroon i harati dit ongopinonuhuan iadko i nitalahas di Yesus sid tudukan sid burul, isot ulun nga aso kadapat momoros do iadino. Topot amu engin i Yesus mangamalu dit ulun dino, inoi nga gunaon dau i kenginan dot ulun dino, tu engin sumuhut. Ong sid Injil di Markus, varo-po boros dot, Siratai-no di Yesus it ulun dino, tu ozi sampai manamod dit ulun dino, ka. Manjadi okonko piro-piro ot ongoulun Kristian di mongitung dot amu adapat pahabal di Habal do Kovosihan sid ongoulun, ong okonko popurimon-po laid dioti do kisala ioti. Amu kadapat tokou mangagama do hoturan do iadino. Varo-no ong apatut i gama do iadino. Varono ong amu. Masti tokou mogihim do vazaan dot apatut sid ipat-ipat it ulun. Topot minsanko amu mamajal i Yesus dit ulun dino, okonko harati dot nonong kavi i gama dau dino. Turus nohorotizan di Yesus do nunu i sangkut di ginavo dit ulun dino, o ino-no i kolunduo dau. It ongobarang om siin om it ongotana o najadi do iadko ponimbagatan dau dot amu-no tantu kotingaha iosido sid Kinoringan om amu kanu iosido di koposizan penlaid. Manjadi i suhu di Yesus dino dot, Pojuvaro-no i sokoviai i barang-nu om bohogizo-no sid ongoulun do mosikim, ka, okonko rumbul satu o tomodon di Yesus do monulung dit ongoulun do mosikim dino, inoi nga engin iosido monulung dit ulun do lumundu dino om mongidu di sangkut antad sid ginavo dau, supaya osopulan iosido. Atag-no ong hondomon tokou ino. Topot imatai-no do songkuro kagazo i kuasa di kolunduo dino. Apatut do retan di Yesus i kolunduo om i siin do Mamun, o ino-no ngaran do rogon. Tu norongou-po dit ulun i boros di Yesus dino, banalko oruol i ginavo dau sampai amu-no sinumuhut. Manjadi, it okurang sid ulun dino, ino-no i barang dau it oholian kogumu. Kiro-kiro, i laba dau najadi dot okurang sid dau. Tu oholian i gama dau mongoguna di hal do pomogunan. Minsanko it ongopanarangan diti kibuatan dot kipanangan sid ulun do lumundu, nga kakali varo-po panangan bahagi dit ulun dit aso siin om aso barang. Tu i gama do mongoguna do barang om siin, okonko rontob sid ulun do lumundu, inoi nga varo-po iadino sid ulun do mosikim. Baiko tanid o pongoretan. Ong i lumundu dino mokisisiin antawa monongkudau di barang dau, tu pogumuon i siin dau. Ong it ulun do mosikim dino mokisisiin, tu aso siin dau. Topot ong kiroon i ginavo dioti miduvo, asarok dot aso bida. Tu sompi mokisisiin om asarok dot ino pongitungan ko kenginan dino ot ajadi do sangkut do ginavo dot amu mangasip antawa tumolikud vagu sid Kinoringan, minsanko nokosuhut-no di tinimpuuni (Lukas 8,7+14). 24-27 I tudukan di Yesus kananganko it ongoulun do lumundu kavi. Minsanko i Yesus kondiri nga mad nokotigog di kobuatano dino, ino-no i gama dit ulun do lumundu diri mogidu om amu sumuhut di boros di Yesus. Boros di Yesus, Ade, apagon sumuvang sid karajaan do Kinoringan it ulun 87
di kibarang, ka. Ong otopot, it nandaman di Markus do sinamadan di Yesus it ulun diri, ohorotizan tokou-no dot oruol banal i ginavo di Yesus. Sabap it ulun dino minogihim-no do vazaan sumuvang sid karajaan do Kinoringan sampai mad osomok-no. Topot amu-no kadapat sumuvang. Atarang-no dot orubatan i Yesus dit ulun dino. Avangaan tokou dati: Nokokuro-ka, tu aso-no boros vagu di Yesus sid ulun dino? Nokokuro-ka, tu amu momutut iosido dit ongobalud dit ulun dino? Tu atarang-no banal dot noboludan di Mamun iosido. Topot elaan tokou-no do kikuasa i Yesus mantadko i sokoviai it ongorogon. Varo't uog dot ulun dot iti-no o sabap di pongitungan di Yesus diri: Keso, amu insan mamaksa i Yesus dot ulun tumolikud sid karaatan. Baiko mongingut mogidu. Topot bang amu engin it ulun, amui mongogorot i Yesus. I gama mangasip om sumuhut suvaiko antad sid ginavo dit engin om antad sid ginavo dit agazo sid Kinoringan om kiguna-ogi. Ong baiko ginaratan antawa bai mad notori i ginavo dino do hal di kovongo-vongo, amu apatut dot retan do mangasip (imatai Luk. 16,27-31) Topot atarangno banal sid tuturan diti do kuran i ginavo di Yesus kananganko it ulun dit amu sumuhut antawa amu mangasip. Okonko asana iosido dit ongoulun dino antawa mongitung dot omoluan, tu amu mongoguna dau it ongoulun dino. Inoi nga kakali dot asamod iosido om orubatan dit ulun dino. Ino iadino dino, okonko rontob sid ulun do lumundu diri, inoi nga sid di tokou, nga pengkaai. Osianan i Yesus dit ulun di mangamu di kovosihan dau. Tu it ulun dino pedu di kondiri dau antad sid kosinangan. Koduvo, sid tuturan diti, manalahas i Yesus sid di tokou do songkuro kagazo i kuasa do Mamun. Banalko ogumu om agazo it ongopensubaan di mimbulai antad sid kolunduo om antad sid barang. Mad i sompomogunan o nokuasa-no di rogon do Mamun, aso bida dot nokosikul it ulun ko amu, mosikim iosido ko lumundu-no laid. Minsanko it ulun dit avantang dara i ginavo, varo-varot atarik sid saralom di pensubaan dino. Ong porisaon tokou i ginavo tokou kondiri, tantu nokopurimon tokou-no di kuasa dino om nokopitiim tokou-no di pensubaan dino. Apatut do minomoros it ongoulun diri dot, Isai-po-ka ot osopulan ong iadino? ka dioti. I tokou diti, nga kadan-no do mongohukum antawa mongusiba dit ongoulun di nongokuasa do iadino, gamko rumonok tokou di kuasa dot araat dino sampai apatut do monorima kaseh tokou sid Kinoringan, ong amu tokou nokosulung sid ongosungkoliu di Mamun. Tu ong okonko i Kinoringan o monulung, isot ulun nga aso kedu. 28-30 I suul di gama sumuhut di Yesus. Noning-no di Petrus i boros di Yesus do iadino, tumimpa iosido sampai monginsosok do kuran dioti kinoruhangan, tu ioti dino iniduan-no kavi it ongobarang, siin om gagamon. I minomoros i Petrus do iadino, amu mokindazou iosido. Na mamahanda i Yesus sid dioti dot, isai-nopo i sumuhut om mozo-vozo di karajaan, (ong siti, okonko i Yesus ot arait), ino-no tumorima di kosinangan di karajaan hiza biano, hiza di mozo-vozo di Yesus om i hiza do penlaid. Ino dino nipentahan-no sid isai-nopo i sumuhut di Yesus. Bai it ulun Kristian dit ensanan humarap om sumokot sid kenginan do Kinoringan o kemot do kosungguvon. Isai-nopo it kakali noboludan sid ongoharapan vokon iadko barang, siin, tana, pangkat om garal, mad kakali nouripon dit ongorogon do vagu di moniim mamalid om manahan dit ongoulun. 18,31-34 I kentolu pentahan i Yesus di kapatazan dau sid Yerusalim (Mark 10,32-34; Mat. 20,17-19) Minsanko intolu i Yesus pentahan di kapatazan dau, kakali amu karamit i kinoruhangan dau ino dino. Antad F. 9,51 nokontok i panahan di Yesus sid Yerusalim, dot ino kosusaan dau dino, nokentahan-no laid dit a-ko piro it ongonabi. Ino-no rontob, amu minomoros i Yesus dot, ino dino, dohon dot ahajangan om sumondot sid Yerusalim, inoi nga, It anak do riniba, ka, o vaza di Yesus manarang. Sid pongoretan, Anak do Riniba, minanalahas i Yesus do ngaran di mad "i kuvo" sid Momogun, supaya baiko it ulun dit oubas om nokensomok sid di Yesus o karamit di habal dino. Topot ong ino kinoruhangan di Yesus mad miabal dit Ongoparisi, mad bolou ioti, tu amu kaharati di vazaan do Kinoringan manapul om mongumbasih di bansa dau. Ino-no mongohodtol i Lukas, amu kaharati ioti kinoruhangan dino habal di Yesus (34). Suvai notoliban i kinogulianan di Yesus om kaharati-ogi ioti. Na i kosusaan sid Yerusalim, arait-no kavi: antad sid palad di bansa do Yahudi itahak sid longon do labus (ino kuasa do Rom) om agauk om alapos sampai odulaan-po, sampai apatai. Topot ogulian iosido, tu i gulianan do Kinoringan di ponuhu dau. Ino dino kavi, narancang-no laid do Kinoringan. Topot amu nengaran dot isai o manahak sid ulun do labus ko isai o monuluk di nokentahan-no laid di nabi, ino-no o harati, ino kavi dino okonko kopunavatan ko nabambaran ko nahajangani dot aso't elaan dot inantadon, gam sid sokoviai it ongokosusaan dino, i Kinoringan o mavid-kavid di hoturan om monuluk dit narancang dau. 18,35-42 Ong bolou i kinoruhangan di Yesus, kakali kaharati om kosirot ong it ulun do bolou (Mark. 10,46-52; Mat. 19, 29-34) Ong i Lukas, poguluvon dau mongusul i gama di Yesus posirot di bolou sid Yeriko. Ong sid Markus, suvai kolombus i Yesus om nakasamung-ogi di bolou. Ino-no i tinomod di Lukas, ino kavazao di Yesus banalko alanta do minsanko i bolou kaharati di tugas om tinomod di Yesus. Topot kakali ong i kinoruhangan di Yesus do iadko ulun dit aso mato om tolingo. Ong i Markus mangarait di ngaran di bolou dino, ino-no i Bartimeus. Ong i Lukas a-pinbozo i ngaran dino, bai manarang di tampat, ino-no i sid Yeriko, kuta dit osomok sid Yerusalim. Ogumu it ongoulun di mogulu di Yesus minamanau. Sabap i hiza diri, osomok-no it Adau do Paska sid Yerusalim. Iri-no ko iri o ririkoton di kogumuai dot ulun antad sid ongokampong. Ong i bolou dino amu nokosodia do mozo om mamung sid Paska, tu sid hoturan dit ulun Yahudi amu kavasa 88
gumorija it ulun dot orukung om it ulun dit amu ohijau. Rontob-nopo, hiza di nokening i bolou di gulou dit ongoulun di mogulu di Yesus mamanau, mokitarang iosido do nunu o panangan di gulou dino. Kodung narait i ngaran Yesus diri, agazo-no o ginavo di bolou sumamung om mokitulung di Yesus. Sabap iosido dino okonko ulun dit opiduvo o ginavo ko bai mangalu-kalu dot isai om kuran i Yesus. Gam agazo o harapan dot amu opiduvo o ginavo sid di Yesus. Turus minongogizak iosido mongodim di Yesus, gam mangarait-po di pangkat om garal di Yesus, ino-no, Anak di Daud, om, Yesus = Yehoschua = I monulung. Ino-no it ogolivong, sid kinoruhangan kentolu nakapanarang i Yesus di nentahan laid dit ongonabi, ino-no i gama om kavazao di Yesus sid Yerusalim, dot kakali amu-po kaharati ioti (31-34). Topot ong i bolou dino, inot ulun dit a-kosirot antad dit opodok-po, nakaharati-no sampai nokotutun-no dot isai i Yesus. Onibak it indomoon dau sid di Yesus, Engin-oku do kosirot-oku, ka. Pengkaa dino onibak i timpa di Yesus: i gama-nu mangasip o minanapul dikau, ka. Do kodung natagan i mato dau, minozo-no iosido di Yesus kumaa sid Yerusalim, tu osihat-no sampai kavasa-no mamung sumambayang sino. Om i gama dau nga mongindazou-nopo do Kinoringan, tu tanda do banalnoko mangasip iosido om kiharapan iosido sid di Yesus dot ino gama di Yesus dino vaza do Kinoringan mongumbasih dit ongoulun, isuhut di noboros laid di Yesus sid F. 4,16-19. Na ino pangalaman dit ongoulun di minozo di Yesus kumaa sid Yerusalim o sabap dot i hiza di momodsuvang ioti sid Yerusalim, minindolongoi-no ioti do mangarait di ngaran di raja Daud. Sabap i bolou dino o minanantu di garal om varis om it inantadon di Yesus. 19,1-10 I Zakai sid Yeriko minuli sid Kinoringan. Okonko bai i bolou sid Yeriko o minangahavud di Yesus, inoi nga varo-po karani do sukoi di minongutatang di panahon om polombusan di Yesus. Om i Yesus kagi tinumorima dot osongkutan iosido dit ulun dit isai-nopo. Sabap nokorikot iosido, tu mogihim om manapul dit isai-nopo i natagak (Matius 20,28). Na i Zakai dino, ulion dit ongokarani di mongumpug do sukoi. Ioti kavi dino ulun di gumaji sid porinta do Rom. Sabap ino, kihizon om sanaon ioti di razat do Yahudi, tu tumabang i karani di hoturan do Rom do momorinta om mongorugi om momogos di pasok do razat. Kagi i Zakai, tu ulion dit ongokarani, lobipo asanaan om kihizon dit ulun Yahudi. Sabap atalahas-no dot i kolunduo dau om i valai dau sid Yeriko, nga antad kavi sid gama dau mongorugi dit ongoulun. ( I hiza diri i gama manganu do sukoi pengkaa dino: ipat-ipat i tampat dot osusa monukoi, jambatan, pangkalan, lalavangon do kuta, pasal, isai-nopo i tumupak sid jambatan ko maza sid tampat vokon, osusa do manahak do siin bahagi di guvas dau om i barang dit mangatod iosido sid pasal ko mongoi sid tagad om kabun dau. Topot i hiza diri aso-po skil di kogozoo di sukoi dino. I Porinta potender dit ongotampat dino dot ipat-ipat toun. Isai-nopo it asavat o tender, ino-no kanu. Iri-ogi obebas it ulun di notontuan sid tampat dino manganu do sukoi, isuhut di dau do kiroon om jangkaon. Na i kogumuai dit ongokarani do sukoi minonginsavat di sukoi sid jambatan ko lalavangon, supaya miuma bahagi di porinta om agazo-po o kohuntungan bahagi di kondiri dau.) Na i Zakai nakapamajak-no di sokoviai it ongotampat sino sampai minongorugi dit ongkarani vokon om ioti minongolombus di gama mongorugi di razat. Aso tinganan-kagi do mantas dinot ongotampat dino, jambatan ko pangkalan om lalavangon do kuta, tu aso vazaan vokon tumalib. Aso boros di Lukas do nunu banal i tinomod di Zakai magavang di Yesus. Bai i boros dau, tiimot banal di Yesus dot isai ino, ka. Ong isuhut di kenginan di Zakai, baiko agazo o ginavo dau memot di Yesus. Aso kiroon dau do tumoguvang ko magavang ko kumiboros di Yesus. Ong i bolou diri, kodung nelaan dau do maza sino i Yesus, minongogizak-no iosido mongodim. Ong i Zakai, tu atabanan di kogumuai dot ulun, bai mogihim do timpakan, supaya kotimpan di Yesus. Sabap aso tukad ko tampat dit asavat sino, tinumangkus-no iosido om minogihim-no do tampat, supaya asavat iosido mantadko it ongoulun di mozo di Yesus ko mimbaris sid lisang do ralan. Nemot-po dau i kazu dot Ara dit oruhai mindakod, minindakod-no iosido sampai minud do mitalib i Yesus sino. Aso kiroon dau vokon tanid mantadko mato dau kondiri tumimpan di Yesus, ino-no it ulun di nokoronuw. I kenginan dau, sukul ong kemot-po dit ulun dino. (Ong i raja Herodis diri (9,9) tiimot di Yesus, nga mininud-po sid istana, kaluto ong rumikot i Yesus sid istana dau. Na hiza di rumikot i Yesus sid istana di Herodis, (23,11) otoliban i koriatan do minsamung di Yesus.) Topot ong i Yesus, tanid-no. Minsanko nokotoguvang-no iosido kumaa sid Yerusalim dot asot opitan vagu, kodung nokontok iosido sid nunuk diri, minintoron-no sampai tinumingaha-no om minongodim-no di Zakai. Orindingan dati i Zakai di roun do kazu, nga kakali nelaan di Yesus do sino i Zakai. Ino gama di Yesus mongodim, mad kodim rasmi, iadko noumba laid. Okonko i Zakai o minongingut di Yesus ko minongoligou di Yesus sid valai dau, gam kondiri di Yesus pentahan di Zakai do mapit iosido sid valai di Zakai magandaha. Kodung nening di Zakai i boros di Yesus dino, otomon-no iosido sampai hinumago-no mindahu antad sid nunuk do sinumamung om mangagazad-no di Yesus sid valai dau. Topot i kogumuai dot ulun, varo-no't ogolivong om varo mibuburung-no, tu kotutun ioti di Zakai. I kiroon dioti, amu apatut do mindakod i Yesus sid valai dit ulun di iadino o buatan. Sabap i Zakai dino, ulun do kisala, ka dioti. Sabap isai-nopo i tumanggai do porinta do Rom, tantu natagak-no iosido om nakalabus-no sid umpug dit ongoulun di sumuhut di Taurat. Amu avantangan ioti kagi do mintoron sid valai di Zakai i Yesus, tu ioti kondiri, ozi lumombus koduruk sid Yerusalim do mozo om kumoruhang di Yesus. Ong mintoron i Yesus sino, ioti nga a-no kamung sid umpug dino. Amu ozi ioti dot tigogi, momili i Yesus dot iso it ulun do kisala om iopung dau sid natad i kogumuai dot ulun dit agazo o ginavo kumoruhang di Yesus kumaa sid Yerusalim. 89
Na sid laporan di Lukas, iso o boros nga aso do varo tudukan ko ira di Yesus di mangajal ko mamajal di Zakai, gima i vaza dau tumanggai di porinta do Rom ko mongorugi dit ongoulun. Pengkaa dino, amu mongogorot i Yesus di Zakai, supaya sumasi i Zakai di kosipan dau. Ino-no i nihodtol di Lukas sid tuturan dino: banalko agazo i kosianan di Yesus mongodim om magandaha sid di Zakai. Iri-ogi, a-milo-milo, ong kodung otoguvangan di samod om kovosihan do Kinoringan i Zakai, mogihim i Zakai di katagan di kavazao om kobuatano dau. Sid tinoguvangon di Yesus humarati-no i Zakai do varo hal dit a-nokonong sid dau do kobuatano om gagamaon, inono, iosido nokopongorugi dot ulun sampai i kolunduo dau, suvai kiguna ong ilombus-po sid ongoulun mosikim. Iti-no o sabap dot tumoronong iosido sid di Yesus sampai sumasi om mongolumbatos di katagan di valai om kolunduo om gagamaon dau. Sid kovosihan dit ongoulun Yahudi diri varo hoturan dot, Ong rumosi it ulun do nakahambil iosido sid barang dot ulun vokon, i rontob dit atag dot iuli om gontion sid ulun dino, iso pilimoon. Ong nakahambil sid dupot do koruhang, iri-ogi sampai ingapaton ko inglimoon ouli (Kolobusan 22,1; 2. Samuel 12,6. Ong i Zakai mad labaan o gama dau monuli, ombo i gama dau mongorugi dot ulun, ka. Norongou-po di Yesus i iadino, posinang-no iosido dit ensanan i valai om ongkob di Zakai (iadino vagu sid UR 10,2; 11,14; 16,15-31; 18,8 om Markus 10,16). Topot ino kovosihan di Yesus mamarakat di Zakai okonko antad sid kokunan di Zakai, inoi nga sabap i Zakai, nga turunan di Ibrahim, i harati, ulun di bansa di nopili di kovosihan do Kinoringan. Sabap ino, i kovosihan do Kinoringan sid bansa dau (Kinotimpuunan 12,1-3 om Kolobusan 20) mopud om lumombus hiza dot i Yesus mogihim om mongodim sampai magandaha dot ulun. Ino gama di Yesus sid valai di Zakai dino mangamalu di kinogumuai it ulun di sontoburung. Sabap i Zakai dino, ong kodung nakaharati iosido di samod do Kinoringan, polombus-no iosido di samod dino sid ulun vokon. Iso nga aso barang sid valai dau dit a-nokosuvang sid hoturan di kenginan do Kinoringan. Lavis: Amu atag do pokihi ko monunsub dit isai-nopo it ulun sid piumpugan, tu sokoviai nga ulun di tinanggung di Yesus Kristus, supaya kemumui ioti sid Kinoringan. 19,11-27 Apasi it ulun ponong sid karajaan do Kinoringan (Matius 25,14-30) Sabap sid tanga do ralan kumaa sid Yerusalim i Yesus, varo't a-ko piro o tanda do kosunduvo di nakasasi-no sid ongoulun (isuhut di nokentahan laid di Yesus antad sid boros di Yesaya F. 4,16-20). Na varo-no harapan sampai indoson-no dit ongoulun di nokovozo do kodung kosuvang i Yesus sid Yerusalim, kembulai-no i karajaan om hoturan do Kinoringan. Iti-no o sabap do manarang i Yesus di kavazao di karajaan do Kinoringan sid suriban di bulawan di nipataud dit ongouripon hiza di varo kolingon di sanganu di mulawan dino. Sid Injil di Lukas, intolu nopod om tolu do varo panarangan kananganko i koulian di Yesus sitid pomogunan. Sid Kitab Vagu vokon, bai inlimo-no o iadino. Rontob-nopo, patarang i Lukas dot i sera di koulian dino, iso nga aso't ulun o nokelo. Ino-no it atalahas sid suriban dino, It ulun di kipangkat dino popung di kolunduo dau sid ongouripon. Hopod it ongouripon di tumorima do tugas om harta. Iso poun dot amas, nga 100 ringgit ko 100 o gaji dot ongoulun di gumaji. Ino barang dino, amu ogumu banal. I Yesus, ong monuriban iosido, momili di suriban dit osomok sid kavazao dit ongoulun di mongining di suriban dau. Okonko i kogozoo om kogumuo di koringgitan o kiguna sid suriban dino, inoi nga i vaza di sanganu potugas om patanggung jawab dit ongouripon dau. I hiza di nokolingoku, ka, ino-no i hiza di kitanggung jawab ioti dino. I harati, antad di hiza di kinensavatan di Yesus diri, sampai i rumikot vagu iosido, kitugas tokou ulun Kristian om varo tinaud tokou do barang om keloo ko kakansangan, supaya mongimbulai tokou ombo i nitahak sid di tokou: kovosihan, kabanaran, kobinsianan, samod om vokoni. 14 ino ayat dino manarang-po dot varo't ahajangan di Yesus sid Yerusalim. Tanid it ongouripon om tanid i razat sid karajaan. Okonko ensanan it ongoulun tumorima di Yesus. Gam varo sumaap sampai mangamu di kembulazan di karajaan do Kinoringan. 15-19 Iri-ogi osusa it ipat-ipat it uripon pogili sid sanganu di nadapat dau. Ong it iso it uripon manarang dot i poun dau minaganak-no do hopod-no vagu poun it amas dau. Iti-no o sabap do nokotorima-no iosido do pangkat di miabal di koporuo dau. I katatapo sid hal dot opodok tumorima di tugas om garal di lobipo agazo mantadko i diri. (Ong sid Lukas, mad enizo kogumuo ot nipataud dioti diri). I koduvo it uripon, nga iadiko ino. Endazounopo di Tuhan i koporuo om katatapo dau sampai i pangkat dau isuhut di nadapat dau. Aso boros sino do varo rontob ko rikoton di kadapatan dioti. Bai i koporuo om i katatapo ot nendazou om gunaon di Tuhan, i najadi-no do raja. 20-24 Topot i kotolu it uripon mad obungou mantadko it ulun sid Matius 25,18-25) Iosido dino sumusui di boros do koubasan, i manarang di sangkut di kobulon dau. Retanko aso kuasa di raja do manansanganu do barang ko siin ko mokitahak-po do bunga om kohuntungan, ka. Na minsanko iadino obul iosido om mokisangkut di kobulo dau, amu ohukuman iosido do meradi sid di Matius 25,18, inoi nga rontob amu apangkat iosido, gam iri-no ko iri, tu ouripon iosido dot aso hal om aso garal ko kuasa dau. Ong i tugas dau, ino-no, i poun dino, katahak sid ulun di varo-no laid 20 poun, minsanko varo't ulun di mongontok dit uripon mindamo, tu, ka dioti, Varo-no laid it ogumu, ka. Nokokuro, tu omungo-po i dialo, ka. Na i timpa di Yesus manarang dot it ulun di nakatanggung jawab, mongontok-po dit ulun dit aso kotonggungan jawab dino. Kananganko i ayat 27 dino, amu atalahas dot nunu o panangan, i-po kohuzasan do Yerusalim hiza di TM 70, ko i kopongohukuman penlaid. Ong i Lukas bai polombus di habal dino dot amu monodiri ko mongohondtol om 90
manarang di panangan di boros di Yesus sid suriban dino. Sabap aso gama di Lukas monginsosok om mangalukalu do sera i kembulazan di karajaan do Kinoringan. Ino-no ot sodirizon di Lukas, Isai-ka o kamung sid karajaan do Kinoringan dino, ino-no, it ulun dit antad sid ensanan o ginavo humarap om tumatap sid tinoguvangon do Kinoringan. IV. I Kasansaraan, Kapatrazan om Kogulianan di YESUS 19,28-24,53 A. It a-ko piro ot adau sid Yerusalim i Yesus 19,28-21,28 19,28-40 Sumuvang sid Yerusalim i Yesus (Markus 11,1-17; Mat. 21,1-13; Yahya 2,12-17) Sid kovian di pamanahan di Yesus kumaa sid Yerusalim pembulai-ogi i Yesus di kotuhanan dau. Insizam mongohondom i Lukas di pamanahan dino. Iri-ogi pembulai i Yesus dot, Koguna-nopo-ma di Tuhan i kaladai diti. Hiza di sumuvang om tumakad i Yesus sid Yerusalim, sumako iosido do kaladai, ino-no i sasakaan di raja do kopioondusan (Zakaria 9,9). Topot ino sasakaan dino okonko dang Yesus. I Yesus bai molos di kaladai dino dot ino gama molos, nga mad suromo. Siombo-ka kadapat do bai zazakon i polihan om gazaton i kaladai di dang ulun do bai do manarang, Koguna-nopo-ma di Tuhan iti, ka, sampai mangakun i sanganu dot onuvon. Na i sakaan di Yesus diri, kaladai dit amu-po opisakaan. Tu minsanko ino, isuhut di hoturan dot ong raja amu sumako do sasakaan dit opisakaan-no laid dot ulun (1. Raja 1,33). Na i kogumuai dot ongokoruhang di Yesus, (okonko bai i hopod om duvo o arait do koruhang sino) nakaharati-no di suhu om gama di Yesus sampai humago monodia di ralan sid gama mangalapik di tana (ralan) do kosulungan om roun om raan do kazu sampai papa do nizuw om poturu. Ino gama mimbaris manansalamat di raja di rumikot amu nahatul ko nosodia laid iadko i koubasan dit ongobansa. Ong kodung varo habal do magandaha i raja sid iso o bandar ko kampong, banalko ogumu o gama monodia om mongumpakai di bandar om pisomungan di raja. Bai misingsalamat misinghormat o gama dioti sampai minindolongoi mangarazou do mongimbulit di longoi di kapamangkatan do raja vagu iadko sid Zabur 110 om 118. Ino longoi dioti dino mongimbulit di longoi laid di malaikat sid F. 2,14, gam i kopioondusan dino antad sid surga iadko i kohormatan do Kinoringan. Tontuon dioti di kotulukan di boros di malaikat diri sid ongomanaud do domba sid Baitlahim. Om i Lukas pavalang sid longoi dioti dot i Yesus, ino-no i raja di rumikot-ogi. Bai sid Lukas om sid Yahya 12,1 notontuan i iadino. Topot it Ongofarisi nakagavul sampai mamajal di gama di kinoruhangan di Yesus. Katama ioti monuhu di Yesus, supaya moniag iosido di kinoruhangan dau mindolongoi (39), Na i timpa di Yesus mongohondom di bahanda laid di nabi Habakuk (2,11), ino-no, ong engkod i longoi dot ulun, gumarak it ongovatu, gima oruta i vatu dit ohuzas i kuta. 19,41-44 Noboros-po i iadino, lumombus-noi Yesus monguji om mogkorudu do Yerusalim. I ngaran di kuta Yerusalim, ino-no o harati, i kavavalazan om intoronon do kopioondusan. Mogkorudu om mad mongolupu i Yesus di Yerusalim, tu i kavavalazan dino amu nakajadi do tampat di popiaandus. Iti-no o sabap do tinarik di Kinoringan barakat dau antad sid bandar dino, minsanko intaman dit ongoulun do Parisi om i Katib do sid panambayangan do Yerusalim o kinogomon do Kinoringan dit a-milo-milo, iri-no ko iri, tu amu sumimban ko eduan. Manjadi pentahan i Yesus di hiza di rumikot, iadko it ongonabi diri, do varo kohuzasan di kuta om kapamatazan dit ongoulun di sid Yerusalim (anganak do Yerusalim 48), dot i kohuzasan dino ahatul banal. Sabap iso-po o vatu nga aso-no't opung do mimpak-timpak-po sid vatu koduvo, ka. Ino-no i kogolivongo tokou: it a-ko piro it ongonabi nopentahan laid di kogunaan di kuta Yerusalim, iadko i nabi Yesaya 2,1-5, retanko, i Burul do Sion mad rikoton di sokoviai it ongobansa, ka, ko, antad sid Yerusalim o kembulazan do kabanaran om i boros do Kinoringan, ka, ko, I Kinoringan o mongolindung di kuta dino (Zabur 125), dot tigogi, ohukuman i kuta Yerusalim, gima amu tumorima ioti di Yesus. It ulun om i pomogunan dit amu tumorima di kovosihan do Kinoringan tumagak sid kosusaan dit amu-no asakapan. Lavis: i barakat om kovosihan do Kinoringan di sid molohing om angaki okonko a-milo-milo kolombus sid turunan turun-tumurun. Suvai kotungkus di barakat om kovosihan dino antad sid molohing, ong it ulun mongoguna om kumavid sampai mongopud di kovosihan om barakat dino sid saralom di dau do koposizan om gagamaon. 19,45-48 Sid valai do panambayangan dot osusi i Yesus. Bai onibak om apajak i laporan di Lukas kananganko i gama di Yesus monusi di panambayangan dot osusi sid Yerusalim (imatai sid Markus om Matius om Yahya). Mad turus sid panambayangan o rikoton di Yesus di nokorikot iosido sid Yerusalim. I boros dau mamajal miuma do monunsub kavi dit ongomidagang om mitutukal do siin. Ong it ongoinjil vokon mongusul dot minsanko lalapos pinakai di Yesus sid gama monunsub. Pengkaa dino inalazan di Lukas i gama di Yesus mongohondom di boros di Yeremia bahagi di retanko i valai dino kiguna bahagi dit ongobansa. Ino-no i tinomod di Lukas mongusul, monuduk i Yesus sid panambayangan sid saralom dit a-ko piro't adau. Iadino tumuluk i boros di Yesaya 2 dot, Antad sid Yerusalim o kembulazan di tudukan di mangagazad dit ongoulun sid ralan dot abanal. Na sinod tudukan di Yesus opiduvo-no vagu i bansa do Yahudi. It ongoulion lumombus-no sumaap di Yesus, gam minogihim do vaza mamatai di Yesus. Topot ong i razat tinumorima di tudukan di Yesus sampai sinumuhut di kovosihan dau (48). 91
20,1-21,4 Monuduk sid panambayangan i Yesus. 20,1-8 I kuasa om hak di tudukan di Yesus (Mark. 11,27-33; Matius 21,23-27) I laporan di Lukas sumusui dit usul di Markus. Topot monodiri i Lukas di kavazao di razat om it ongoulion dioti. Ong sid Markus monginsosok it ongoulion di Yesus, gima nokoponusi iosido di panambayangan (11,28). Ong sid Lukas, i tudukan di Yesus o pidadahavaan dioti mokitarang dit inantadon di kuasa dau. Na i Yesus, gam isuli sid dioti i gama mongoduat om mokitarang (5), supaya osusa ioti tumimpa dot okonko misingbanal ko misingelin, inoi nga a-milo-milo manarang di dau do kosipan om harapan. Rontob-nopo, amu katama ioti mumbongut om manarang di kosipan dioti, gima varo kopurimanan dot, i nunu-nopo i timpa, mad osungkoliu i kopintaran om akal dioti. Okonko ioti o koposulung di Yesus sid posulungan dioti dino, gam kosulung ioti sid sungkoliu di Yesus. Iti-no o sabap dot amu tumimpa ioti. Sabap notori ioti, amu osusa tumimpa i Yesus dit bai akal dioti. Indoson dioti, ong oruhai atangkap i Yesus, ong iadino o vaza mongoduat, dot tigogi, ioti o natangkap om nolombubu om nokembulai-no it akal dioti. 20,9-19 I suriban di minoniva di kabun dot anggur (Markus 12,1-12 om Matius 21,33-46) Notombol-po i kabang dit Ongoparisi, tinumoguvang-no vagu i Yesus sid razat sampai minonuriban-no do pengkaa dino (9-19). Inimbulit-no i suriban laid do varo kolingon di sanganu ko raja. Ong koling i sanganu, suvai ahatul o tangggung jawab dit ongouripon om it ongomoniva. Kakali osodiri i tuan om it uripon, i sanganu om i bai moniva. Tolu ot ongouripon sinuhu di sanganu, tu mongoi dara di hasil om i siva di kabun. Topot araat o gama dioti tumorima, tu monunsub dinot ongouripon. I nabi Yesaya minamakai laid di kabun dot anggur do iadko suriban bahagi di gama do Kinoringan sid bansa dau. Na minanarang iosido dot a-nopud i kabun diri, ino-no i bansa dot Israel. Na sid suriban di Yesus, Inot ongouripon posuntu di gama do Kinoringan monuhu dit ongonabi ponong sid katagan di kabun om it ongoulun di kitugas sid bansa dot Israel dino. Mad pembulai i suriban di kogozoo di kosianan di ginavo do Kinoringan, sabap minsanko intolu-no o gama dit ongoulion do Yahudi pemozo om mongorugi om mamasaad dit ongonabi, kakali agazo o ginavo do Kinoringan mongopud om mongoguna di kabun, ino-no i bansa dau. Iti-no o sabap do minonuhu-no iosido dit anak dau di sinamadan. Topot ioti dino, ong kodung notimpan-no, miniupakat-no do mamatai dit anak, tu monolod di kabun. Tu ong apatai i monungkus di kabun, iokoi-no o kadapat manganu, ka di pongitungan dioti. Sid boros di iadino mimbulai-no dot ioti ongoulion di bansa do Yahudi okon-noko ulun di kakali kumavid di hoturan do Kinoringan iadko tugas dioti, gam nosolod-no dioti i kuasa do Kinoringan ponong sid kohuntungan kondiri. Okonko antad sid kenginan do Kinoringan o vaza dioti mangahatul om mangagazad di bansa di dang Kinoringan, inoi nga mokihuhuntung om mokihohormat o vaza dioti momorinta di bansa om piumpugan ponong sid dau do kenginan om kopolidan. Ioti dino okon-noko uripon di dang Kinoringan, gam misingtuhan ioti di pakaso di kenginan do Kinoringan sampai mamalid di bansa dau. Sid saralom di suriban dino posondot i Yesus di kenginan do Kinoringan, ong amu otorima dot ulun Yahudi i kovosihan om samod do Kinoringan, ilombus-no sid ongobansa vokon, ombo i kotorima. Sabap ino, sid kopupusan-no, it ongorasul o jumadi do moniva vagu om otugasan-no ponong sid ongobansa, iadko i rasul Paulus. Na it ongoulun di nokening di suriban dino, tinumimpa do mad mangahavud di gama di sanganu. Nakaharati ioti dot ino suriban dino, i bansa dot ulun Yahudi o panangan om it ongoulion dioti, ino-no i minoniva dit araat o gama. Na amu ozi ioti do kosondot i hukum do Kinoringan sid ongoulion dioti. Topot i Yesus mongimbulit di boros sid Zabur 118, i monguji dot sid Kinoringan amu siratan i kobuatano di sid soribau, inoi nga i sid saralom. Ino-no, i vatu di niada do tukang, i retanko a-no adapat mamakai sid puvavalazan, gam najadi do vatu do kongkod do kapapagan. Ino-no, i vatu sid sunduk, suvai agazo banal om alaab sampai atahan om miuma-ogi dot potimpakan di rinding do valai sid sunduk. Ong amu atahan i vatu dino, rumungoi i valai. (Ino pamarasan dino miabal di boros dot, Ong i vatu kodumpau sid kiluvang, tantu ababak i runggou. Ong i runggou rumatu sampai kodumpau sid vatu, iri-no ko iri, mabak-nopo i runggou) I Yesus kondiri o suntuan sid suriban dino, ino't anak di sanganu di kabun (i Kinoringan). Na it ahajangan di Yesus miabal di nahajangan laid dit ongonabi. Rontob-nopo, opupusan i kolonuto do Kinoringan, ong it anak dau ot binasa. Iti-no o sabap do gam sid vaza dioti mananus dara di Yesus o kembulazan di kotonusan dioti. Sabap sid di Yesus o koponimpuun do Kinoringan poturug om pembulai di karajaan om hoturan do Kinoringan. Lavis: It ulun di kitugas sid gorija om karaja penuh sid gorija, atag do mongohondom dot i tugas dino okonko ponsohorian om pokihuhuntungan, inoi nga tanggung jawab bahagi om ontokko i Kinoringan. Banal-no, varo balanja dau dot osukup, supaya obebas iosido magavi mangahatul om posurut di Habal do Kovosihan om momiara di piumpugan om puruvan om gorija. 20,20-26 Ugama ko politik (Markus 12,13-17 om Matius 22,15-22) Kakal-po monuduk i Yesus, onining banal it ongoulun di sumaap di Yesus. Rinumosi ioti dot osolod i razat antad sid hoturan om kuasa dioti, gima sumuhut ioti di tudukan di Yesus. Nakaharati ioti dot i suriban di Yesus diri, ioti o panangani. Na minogihim-no vagu ioti do vaza monongkoliu di Yesus, kaluto ong kotongkihal ong biano. Tu mad nunu-nopo o timpa dau, nga atangkap iosido, tu sompi timpa kadapat i timpa dino dot apakai pakaraat om poruput di Yesus, ka di ginavo om pongitungan dioti dino. Ong kiboros di Yesus dot, Kadan-kou-no manahak do sukoi, ka dara, oruhai-no poruput ioti sid porinta do Rom sampai ohukum di porinta. Ong mongoho i Yesus 92
do manahak do sukoi, atarang-no dot i Yesus nokotolikud sid bansa dau dit opogos sid pomorintaan do Rom. Inono vagu ot akal dioti, kuran-nopo i timpa di Yesus, tantu kalandu om kovudsu iosido, tu rumanggal di hoturan do Rom ko i Taurat. Indoson dioti, ong i iadino o monginsosok, a-milo-milo olombubu-no i Yesus. Na ong ioti kondiri amu katama tumoguvang sid di Yesus, tu nelaan-no laid dot amu atag i gama di iadino. Iti-no o sabap do mangagaji ioti dot ongoulun dit ovudut om araat. Inot ongoulun dino banalko monguji sampai minongolumbok di Yesus dot i harapan dioti, amu kotutun di tinomod dioti. Induvo koboros dioti dot i Yesus monuduk di kabanaran om i vazaan do Kinoringan dot avantang o gama dau monuduk, ka. Rontob-nopo, oruhai i Yesus humarati dit akal dioti sampai posuli di soalan dioti, supaya ioti osusa tumimpa di dioti do soalan kananganko i sukoi. (i hiza diri nohoturan di Kaisar do Rom do varo siin, supaya it ongosukoi antad sid ongobansa di nokosuvang sid hoturan do Rom, oruhai ovit sid Rom om apakai bahagi di nunu-nopo it ongogama dit aharagaan do porinta.) Sid nalad do siin mokitarang i Yesus dioti do kogunaan om panangan, ino-no, keso, sabap sid siin di napakai diri bahagi mamarai do sukoi, varo gambal di Kaisar do Rom ( i hiza diri i Tiberius), tu i Kaisar o minonuhu do mangagama do siin di iadino om iosido ot sanganu di amas ko perak om tumbaga diri, atalahas-no i timpa dioti dot, Ino siin dino antad sid hoturan di Kaisar, ka dioti. I Yesus bai minangalapik dit ambat dioti dot, Ong iadino, itahak dikou sid Kaisar, ong dau i siin dino, ka. koduvo, Sabap varo nokosurat sid siin di manarang di gambal di Kaisar, Iti-no i Kaisar Tiberius, it Anak di mad Kinoringan i Kaisar, ka, om ino-no it timpa dioti: iaditi nokosurat siti, ka, mangalapik-no i Yesus dioti dot, Mongoguna-kou do Kinoringan. I lombus dot, Kadan-kou-no mongoguna di Kaisar do iadko Kinoringan, ko anak do Kinoringan, tu i Kaisar nga rinibai iadko it ongoulun vokon, mad nokosuvang-no sid onibak i lapik di Yesus diri sampai amu-no osusa mongompus manarang. Antad sid gama tumimpa do iadino a-no nokemot vagu ioti do pavazaan manabpo om mongoruput di Yesus sid pomorinta do Rom ko pakaraat sid ugama Yahudi, do retanko i Yesus tumanggai di porinta do Rom. Lavis: Sid tuturan dino humarati tokou do kuran it ulun Kristian mopud sid tanga do riniba om sid hoturan do porinta. I porinta kondiri nakasahau sid hoturan do Kinoringan, om isai-nopo i porinta, nga ohoturanan di kenginan do Kinoringan. Minsanko i porinta do Rom diri (Rom 13) nga nokosuvangi sid hoturan do Kinoringan. Sabap i sokoviai i hoturan sid sompomogunan, antad kavi sid Kinoringan, supaya it ongoporinta mangahatul dit ongobansa om mongohukum di karaatan sid pialatan do riniba. Iti-no o sabap, dot i hoturan do PCS mongohodtol sid origi kosizam dot, atag it ulun Kristian sumuhut di hoturan do porinta, ong sukul ino hoturan dino kopionong di kenginan do Kinoringan. Ong varo hoturan do porinta di sumaap di hoturan do Kinoringan, apatut dot it ulun Kristian amu sumuhut di porinta, inoi nga tumatap sid tinoguvangon do Kinoringan, ka. 20,27-40 Varo-ka kogulianan dit ulun minatai (Markus 12,188-27 om Matius 22,23-33) Minsanko sid Kitab Vagu (UR 23,8) nousul-no dot i rombongan do Zaduki amu harap do varo kogulianan dot ulun minatai. Ino rombongan dino, i kingaran antad sid Imam Zadok, ino-no i imam dit kumavid di kabanaran, ka, sinumaap di rombongan do Parisi om i vaza do Parisi posondot di pinonuhuan sid 666 ongoponuhuan om poniagan. Bai i Kitab o kiharati, ka dioti, na aso tinganan mangahatul om mamahagi di koposizan isuhut di tikidikid pinonuhuan, ka. Antad sid tudukan dino obebas-no ioti Ongozaduki sid gama mangaharati om posondot di pinonuhuan. Sabap ino, minoniag-no ioti di tudukan di retanko varo kogulianan di minatai om i tudukan kananganko i kosipan sid ongomalaikat (Matius 22,23 om UR 23,8). Kagi tinumanggai i rombongan do Zaduki di tudukan do kobudayaan di dang Yunani.It a-ko piro o rurungan do lumundu antad sid ongoimam do nokosuhut di rombongan dino. Topot, kodung nohuzas-no i panambayangan sid Yerusalim diri (TM 70), natanus-no i rombongan do Zaduki om i hoturan dit ongoimam. Tu ong aso panambayangan, aso guna do varo-po't imam di mangahatul di gama pasamba do dupot sid panambayangan. Ino rombongan do Zaduki minoniim do momorisa om tumandan (pokulau) di tudukan di Yesus. I vaza dioti moniim, minongusul ioti do tuturan di mad tangon om suriban. Topot amu otopot ino gama dioti monginsosok om mongoduat di Yesus. I kenginan dioti, pokoulau di Yesus. I kiroon dioti, A-kambat i Yesus, tu aralom banal om okilong i pangalaman dit iso it ondu di piniaavagan manansavo di turu songobpinai, isuhut di hoturan di Musa dot it obpinai movoli dit odopon dit obpinai, ong kodung minatai-no it obpinai dot aso-po't anak dau. Na i gama di Yesus tumimpa, tanid-no. Monodiri i Yesus dit ongoulun di vinangun diti (34) om it anganak do Kinoringan (36). Okonko ensanan it ongoulun dot ogulian, baiko it ongoulun di tumorima do Kinoringan ko i kikovongunan vagu (35). Ino vangun vagu (2. Korintus 5,17) nga bahagi di kosopulan di Kristus om i kapamanaran (Rom 3,21) om panahak di Sundu do Kinoringan. Varo-po ngaran vokon, ino-no, Karajaan do Kinoringan (Lukas 14,14). Ino vangun dino amu miabal di vangun laid, tu amu-no manansavo ko mokisavo, tu koluu-no dit ongomalaikat, tu amu-no matai vagu (Markus 12,25), ka di Yesus. Ong ioti nokotiim mamanal di soalan dau di minongohondom ioti dot ino iadino dino, nga hoturan di Musa, i Yesus nga mamakai di boros do Kinoringan sid di Musa (Kolobusan 3,6) sampai dinumahava di boros dioti. I koposizan penlaid okonko bai koposizan sid sampaping do kapatazan, inoi nga apasi it ulun sid saralom di kosipan om harapan sid Kinoringan, it amu engat i kapatazan do guvas. Ong sid ongoulun do Yunani diri, varo kiroon do varo hatod dit amu matai, hiza do matai i guvas. Retanko it ulun varo tolu o bahagi, ino-no, guvas, hatod om sundu, ka. Ong matai it ulun, masa i buntung (guvas), om mamung 93
i hatod sid Kinoringan. Topot ong i sundu dot ulun tumanus, ka. Topot tanid i tudukan di Kitab Laid, ino-no, i guvas dit antad sid tana dit oponuan di Sundu do Kinoringan jumadi dot ulun di kiginavo. Suvai kopiamung i barang do vinangun (tana dot osilou) om i Sundu do Kinoringan (i Pinuhobo do Kinoringan i nokotohugi-no sid odung di guvas - Kinotimpuunan 2,7-8), iri-ogi kiginavo it ulun. Sabap ino, it ulun dit apasi, ino-no retanko koposizan dau, tu kiginavo. Na amu ensanan alanta i tudukan di Yesus sino dino, tu amu manarang i Yesus do kumuro i kogulianan dot ulun minatai. Minsanko i kinogulianan di Yesus, nga suromo dot aso tinganan gambaron ko zazakon do kumuro. Topot atalahas-no dot ino kogulianan dit ulun minatai, nga panahak om gama do Kinoringan, supaya it ulun dit ogulian, masi sid tinoguvangon do Kinoringan. I Kinoringan o mongopud dit ulun sampai popisuput di koposizan laid om i koposizan penlaid di mula sid kosipan dot ulun di kakali sid tanga diti riniba. Aso vaza om kotiiman kagi di Lukas tumiim manarang di hiza di sid pialatan di kapatazan dot ulun om it adau do kopongohukuman penlaid. Ong i Paulus diri minanarang sid 1. Tessalonika 4,13-18 dot aso pialatan ko hiza di sera matai it ulun ko minsamung di Yesus di kakal-po mizau iosido, ong hiza do penlaid. Na kuran-kuran, i timpa di Yesus minonombol di kabang om akal dioti di monipu om mangakal o tinomod dara sid di Yesus. Iti-no o sabap dot ohigak-no it Ongoparisi, gima i Yesus minonori dit akal om keloo di rombongon do Zaduki. Lavis: Minsanko biano varo-no ko-varo't ulun Kristian ngaran di moniim mangagambal di surga om i hiza sid surga ko i kavazao di koposizan penlaid. Topot i Kitab amu mangalapor di koposizan penlaid om i karajaan do Kinoringan, tanid mantadko monuriban om posuntu sid kobuatano diti vinangun. Ino kosungguvo tokou dino kakali bai suromo dit aso tinganan kiroon om jangkaon. Isai-nopo i moniim manarang, mad mumpalad do Kinoringan om i vaza do Kinoringan mangahatul di koposizan penlaid, i kingaran koduvo: Karajaan om hoturan do Kinoringan. 20,41-21 I Yesus monginsosok om mokitarang (Mark. 12,35-44 om Matius 22,41-46) Antad diri amu-no katama vagu it Ongoparisi om it elo do Kitab om i kinoruhangan do mongoduat di Yesus. Kagi nokedu-no it Ongoparisi om it elo do Kitab om it Ongozaduki sid tinoguvangon di Yesus, tu ong varo boros di Yesus dot, "dioti", ka, ino-no o harati, it Ongoelo do Kitab aso sino, hiza do mongoduat i Yesus. Na i Yesus minokitarang kananganko i pongoretan do Kristus, i retan dioti ko Anak di raja Daud. Topot aso't ambat di razat. Iri-ogi mongohodtol i Yesus dot i raja Daud diri monontuhan di Kristus, i Minananggung, isuhut di boros di Daud sid Zabur 110,1. Iti-no rontob, ino kavazao di Kristus (Almaseh) kisuromo, tu antad sid rurungan di raja Daud iosido om iri-ogi antad-po sid Sundu do Kinoringan (Markus 12,36). Ino suromo dino, apaganan ioti rumamit. 45-47 Noboros-po i iadino, tinoguvangan-no di Yesus i kinoruhangan dau, hiza do kakali-po noumpug i kogumuai dot ulun sampai ipontupat dioti kananganko it ongoulun dit elo do Kitab di bai misingelin om misingtatap. Sabap i tomodon dioti natandas do bai mokihormat, mokihuhuntung om misingminta dua. (Inot asasad o goun dioti o tanda diri dot ulun ioti di kisikul). Ino kobuatano di iadino osulian om ohukuman do Kinoringan, ka di Yesus, sabap i pongohuntungan dioti dino mimbulai sid gama mangaladtak om mongorugi dit ongobituanon, ino-no it ulun dit aso-no't ulion-po do savo om obpinai. Retanko dioti ko monulung om mongorinding di bituanon o pamarasan dot ong otopot monolod di kabun, tana om valai dioti. 21,1-4 Narait-po i bituanon, nilombus-po di Lukas manarang ino tuturan di bituanon di banalko ahatul o gama manahak do parsambaan. Na onibak i vaza di Lukas mongusul, tanid mantadko i Markus. Sabap i Markus popiganti di kogozoo do parsambaan dit ongoulun do lumundu om i dang bituanon. Topot ong i Lukas bai manarang do nemot di Yesus it ongoulun lumundu manahak do parsambaan om i-po't ondu do bituanon di banalko mosikim. Ong i Lukas amu monimbang di kogozoo ko kopotutan di kogumuo do parsambaan. Ino-no o tarangon di Yesus, Songkuro-nopo i kogumuo do parsambaan, kakali i baiko laba di varo, ong sid kogumuai it ulun di minanahak do parsambaan. Baiko it iso it ondu di bitunaon, o minanahak dit ensanan i koposizon dau, tu ensanan i ginavo dau hinumarap sid Kinoringan. Lavis: Okonko i kogumuo di siin do parsambaan o kiharati, inoi nga i ginavo dit ulun di manahak do parsambaan. Sabap antad sid ginavo it ulun manantu di kogozoo do samod ponong sid Kinoringan om i piumpugan sampai katama manahak do parsambaan ko monulung dit ulun di lobipo okurang mantadko i kondiri dau. Ong it ulun do lumundu, asarok mongitung do kakali varo kokurangan dau om amu-po miuma i dau do siin om barang. Iti-no o sabap dot odoot iosido manahak antad di laba di dau do barang om kosukupan. 21,5-38 Kananganko i karajaan do Kinoringan biano om i hiza di rumikot-ogi. (Markus 13 om Matius 24) I Lukas sinumusui di Markus 13 mongusul do kuran i Yesus minonuduk sid panambayangan dot osusi (5-6). Na i tudukan dino tinumimpa di kiroon om jangkaon di razat di noumpug sino. Sabap varo't a-ko piro ot ulun di minongindazou di kavantango di panambayangan diri, ino-no, banalko agazo om apapag i rinding di panambayangan om i kuta di mintutuk dino, retanko aso-no korungazan sampai penlaid om i ponomburuan, inono it ongobulavan dit antad sid raja Herodis di banalko osirou om osilou. Na manarang i Yesus di korungazan di panambayangan om i sokoviai it ongobarang dino. Topot aso boros di Yesus do sera i kojodizan dino. 7-19 Iti-no o sabap do mongoduat om mokitarang di Yesus it ongoulun di noumpug siri. Minindamo-po ioti do 94
pogintutunan di hiza di rumikot (7). Iri-ogi ipontupat i Yesus dioti, supaya amu malid om amu mokitipu. Ino-no, okonko ulun o kadapat manantu do sera o kengkakatan do karajaan do Kinoringan. Isai-nopo it engin manantu ko retanko, ioku-neti, ka, ko, ioku-no ot elo, ka, ino dino bai ulun do monipu om mamalid om momudut. Sabap iso't ulun nga aso nokelo, ka. Ong varo't ongorumpak om kopongodurhakaan, ino okonko tanda do kovian. Pengkaa dino, ong oguzu i pomogunan ko varo koruzahan dot ahatul om sakit di karaliu iadko pangkot, ino dino, nga kakali dot okonko tanda do kovian. Ong atabpaan it ulun Kristian di porinta ko isana dot ugama, ino dino, nga vaza sumasi dit ulun dit atatap sid Kinoringan i kosipan dau, gima amu mongolim iosido. Ino-no it agazo o harati i hiza dino, ong it ulun Kristian kumapit sid Kinoringan om mongoguna di ngaran di Yesus. Ong koruput i koruhang di Yesus sid porinta om ovit sid pihukuman, minsanko monodia om mongumba di vaza dumahava om sumasi di ruputan, nga amu-no osusa, tu kondiri di Tuhan (15), okonko bai i kuasa di Sundu dot Osusi o mamakai di kabang di sasi dau sampai pakaso di ruputan. Sid UR mongusul-no vagu i Lukas do kondiri di Tuhan sumamung di Paulus (9,10; 18,9; 22,17-19) ko i Tuhan minonuhu di malaikat dau (UR 12,9; 11,5+8; 27,23). Iso nga aso kasaap ko monori di Tuhan. Topot varo't a-ko piro it ongosasi dit apatai do sangod. Ino-no rontob, ensanan i koposizan dit ongokinoruhangan, sid palad kavi di Tuhan sampai minsanko it bai obuk nga nontupat-no kavi (18). Ong sukul atahan om kogoos it ulun Kristian, kemot iosido di koposizan penlaid dot okudik nga aso't okurangan ko atagak. 20-24 I korungazan do Yerusalim. Amu manahak i Yesus do jadual di hiza di rumikot. Sokoviai it ongoahajangan nousul-no om nokentahan-no laid. Topot okonko iadko jadual di tinounan. I Yesus bai pogili sid dioti dit a-ko piro o tanda dit a-milo-milo kosunu ontok di hiza di rumikot. Ino korungazan di Yerusalim, suvai mogidu it ulun antad sid kuta om amu-ogi korundun iosido. Okonko sid bandar do kopioondusan o tampat do kasalamatan, inoi nga sid luar om i govuton sid ongokampong. I kodori diri, it ongorazat dit ongokampong, ong kodung varo sangod, molus-no sid kuta sampai otoliban i rumpak. Topot ong rumpakon vagu i Yudea, i rumbul satu osusa, ino-no i kuta Yerusalim, tu a-milomilo ohuzason di sangod antad sid Rom. I hiza di minonurat i Lukas dit Injil, notori-no om norungoi-no laid i kuta do Yerusalim (TM 70) sampai atalahasno do nokosunu-no kavi, ombo i nokentahan laid di Yesus. Sabap ino, i panarangan di Yesus dino patatap di piumpugan dot ulun Kristian sid kosipan, supaya kaharati ioti dot otopot i boros di Yesus diri om atag dot it ulun Kristian mongontupat om mongimpa dit ongotanda vokon. Norungoi-po i bandar om kuta Yerusalim, nengkod-no i kogunaan dau (Yesaya 5,7) salaid di hiza di hoturan dit ongobansa. Varo't ulun i hiza di Yesus diri minongitung dot i korungazan do Yerusalim miabal di kovian do pomogunan om vinangun (iadko sid Markus), tinalahas di Lukas sid boros di Yesus do tanid i korungazan do Yerusalim om tanid it adau do kopongohukuman penlaid om i hiza di karajaan do Kinoringan. 25,28 Ong it ongotanda vokon di mimbulai sid mato dot adau ko sid vulan om korimbutuon di monimban di kavazao do pomogunan om ensanan i vinangun, kakali bai tanda do kotimpuunan di kovian. Inot ongotanda kavi, okonko hal dot otigog om orosi sampai otomuk it ulun, inoi nga tanda do pontupat dit ulun di kikosipan om harapan, supaya kohondom iosido om osodia minsamung di Tuhan om mamung sid karajaan do Kinoringan. 29-33 Suribanon-po di Yesus it atag o gama sumodia om minud di kovian do pomogunan om avan (33). Iadko it ulun mukabun di mongintutun dit ongomusim di kabun dau ot atag o gama dot ulun Kristian mongintutun dit ongotanda di hiza di rumikot. 34-36 Suvai mongontupat it ulun Kristian, suvai amu outatang iosido di gagamaon ko kakanan om kenuman ko i nunu-nopo i manangkut dot ulun sid tugas dau sumodia minsamung om tumoguvang sid di Kristus (Anak do Riniba). 37-38 Sid kovian manarang i Lukas do kuran di Yesus minonuduk diri sid valai do panambayangan dot asasadapan om sodop-po muli-no modop sid kampong sid burul do Zaitun. I Yesus miguli-guli sid panambayangan, tu monuduk. Pengkaa dino i razat kodung sasarap, miguli-no vagu sid di Yesus sid panambayangan (38). Panarangan bahagi di korikatan vagu di Yesus sitid pomogunan. a) I Lukas mongusul do tolu o tudukan di Yesus kananganko i hiza do penlaid, ino-no 12,35-59; 17,20-37; om 21,5-36. Sid tudukan keso mongohondtol i Yesus do suvai mongontupat banal it ulun om atag-ogi. I koduvo mongusul do banalko kotigog i korikatan di Yesus, tu amu entahan laid. Sid kotolu i tuturan mongusul i Yesus do varo hiza sid pialatan di duvo i korikatan dau om i hiza sid kovian. Monodiri i Lukas ombo o nokembulai-no laid di hiza di minonurat iosido dit Injil om ombo i kakal amu-po nokembulai. I sokoviai it usul, i dang vinangun om i bai dang kuta do Yerusalim, iri-no ko iri o tomodon om panangan, mongovit om monodia dit ulun di mangasip, supaya kasamung di hoturan do Kinoringan. Rontob-nopo, aso jadual di manarang do sera om kuran i hiza diri. Miuma-no dot it ulun di mangasip mongontupat om sumodia-no minsamung di Yesus. b) Ino pongoretan do karajaan do Kinoringan, kakali mad duvo o harati. Sid 19,11 om it UR 1,6 amu-po nokotimpuun i kotulukan di karajaan do Kinoringan. Suvai koguli vagu i Tuhan (19,12+15 om UR 1,11). Na hiza di kinogulianan om kinensavatan di Yesus mad nokotungkus-no i Yesus di tinungkusan dit Ama om polombus-no 95
i Yesus di tugas om kuasa dau sid kinoruhangan dau (UR 1,8 om Lukas 22,29 om Yahya 20,21). Pengkaa dino, i piumpugan dot ulun Kristian bai sumuvang-po sid karajaan do Kinoringan, ong otoliban-no i kogumuai dit ongokosusaan (UR 14,22). Topot ong pahabal i rasul (ko i koruhang di Yesus) di korikatan di Yesus, atarang-no dot ombo i kampong ko bandar di pakaso di koruhang di Yesus om i habal do kovosihan, kensodu-no iosido sid karajaan do Kinoringan (10,11). Sabap ino, i karajaan do Kinoringan, varo duvo o kavazao, ino-no, nokotimpuun-no laid i karajaan hiza di nokorikot i Yesus (Lukas 4,17-20: Biano, ka di Yesus) om iri-ogi i karajaan do Kinoringan suvai otuluk ong i hiza di kovian. Sinod Yesus nokembulai-no laid i karajaan (17,21 om 11,20) om iri-ogi suvai sumunu ong ontok om ponong sid penlaid (UR 1,6-11). Ontok di hiza di rumikot, mongimbulai i karajaan do Kinoringan di kasalamatan penlaid do varo-no kengkadan di sokoviai i korualan om kosusaan om kosompitan sampai alanta i hoturan vagu dino. Ong i didino, kakali osusut om orindingan i hoturan do Kinoringan dit ongokosusaan dit ongohoturan dit ongopomogunan. Sid UR 1,6-8 moniag i Yesus di kinoruhangan dau do monguog om mongitung ko modtorizap do sera om kuran di karajaan do Kinoringan. Gam minonuduk iosido dioti di hoturan om tugas vagu, ino-no i kapangazazadan di Habal do Kovosihan sid pentongkop do pomogunan, isuhut di gama om kuasa di Sundu do Kinoringan. Amu-no arait vagu ino karajaan do Kinoringan sampai atarang-no dot i hiza dit ongorasul om i gama di kapangahabaran di Habal do Kovosihan okon-noko ino-no i karajaan do Kinoringan, inoi nga bai tanda ponong sid hoturan di Kristus om i karajaan dau di rumikot-ogi (Lukas 24,19; UR 28,31 om Matius 24,14). c) Isuhut di vaza di Lukas monginjil, ensanan i hiza di sid pomogunan i Yesus antad sid Nasarat sampai i kovian do pomogunan, nga hiza do nokotimpuun-no i hoturan di karajaan do Kinoringan. Topot kakali amu-po otuluk om amu-po nopompon rumikot. Suvai otuluk ong ontok do penlaid. Iti-no o sabap do manarang i Lukas sid UR 1,1-4 do kakali posurut i Yesus mangahatul om mamasi om monguasa do pomogunan, iadko nokotimpuun laid sid Lukas 4,17-21: Biano nokorikot-no om notuluk-no i boros di nabi, ka di Yesus, dot i boros do notuluk diri, tanid o harati, Nokotimpuun-no.. iadko sid Markus 1,15: nokorikot-no i karajaan do Kinoringan, ka. d) I piumpugan dot ulun Kristian di gulu banal diri, amu minonodiri di hiza di Yesus gulu di kinogulianan dau om i hiza di sinumuhut diri. Tu i kiroon dioti, oduruk om korikot-no vagu i Yesus sitid pomogunan (I Paulus, nga iadino sid 1. Tes. 4,13-18 om 1. Korintus 15,51). Indoson dioti, ong kodung opongo-no i kahabaran di Habal do Kovosihan sid bansa dot Israel, om kolombus-no sid ongobansa vokon, a-milo-milo nga koguli-no vagu i Yesus Kristus (2. Kor. 6,2 om Matius 24,14). Manjadi, minatai-po i Paulus, hiza do monurat i Lukas dit Injil, tanid-no o pongitungan om kiroon dit ongoulun Kristian. Ong i Yahya minanarang dot i hiza do penlaid nokosunu-no, tu i hiza di Yesus nakavaliu it ulun di mangasip sid kasalamatan di nakamung iosido sid di Kristus. Bai it ongoulun vokon dit a-kotorima di Yesus mad nohukuman-no. Tu amu kasip ioti. Manjadi i korikatan vagu di Yesus om it Adau do kopongohukuman bai palanta-po di karajaan dino, i kakali natakapan, iadko pedu ko momuka do ponokop sid wayang, supaya kalanta-no, ombo i varo-no laid sid rinantai. Ong sid Lukas, amu atarang i kososizan dau kananganko i kogulianan dit ulun minatai om it adau do kopongohukuman, ombo it otopot, bai hal om hiza di kapatazan dit toriso-iso it ulun antawa i kosungguvo dit ensanan i vinangun. e) Topot ohodtol i panarangan di Lukas kananganko i karajaan do Kinoringan do kuran-kuran, nga ino dino okonko gama ko usaha dot ulun. Kondiri di Yesus, hiza di sid tanga do riniba iosido om iri-ogi sid vanan do Kinoringan mongusaha om polombus om mangahatul iosido di gorija dau om i nunu-nopo i tugas di Habal do Kovosihan (UR 4,8.31; 13,9; 16,14; 3,16). Kondiri di Yesus mamakai di kuasa do Kinoringan om mongirim di Sundu dau (UR 1,6-8), tu posurut di Habal do Kovosihan om pamung dot ulun sid gorija dau sampai poromut di samod do Kinoringan sid ongoulun vokon. Bai sid di Yesus o kembulazan di kenginan do Kinoringan om iosidono posunu di kenginan do Kinoringan sid kavazao om gagamaon dit ulun di mangasip om sumuhut di Yesus. B. 22,1-23,56 I kapagasan om kapatazan di Yesus. 22,1-13 Monodia di Paska om it olingob o gama dioti monodia di sangkap di Yesus. Na i Lukas popisuput dit upakat dit ongoimam om i gama di Yudas mongojuval om i gama monodia di poginakanan do Paska. Atalahas sid usul di Lukas dot amu elaan dau i hoturan di sodop do Paska, tu mongusul iosido dit adau do roti dit aso pangambang, ka. Ong ulun Yahudi, okonko sasarap tumimpuun it monikid adau, inoi nga hiza di tumonob it adau, iri-ogi tumimpuun i kiroon do sangadau, ino-no pukul enam do sodop sampai pukul enam di sodop vagu, ino-no o sangadau. Kagi, suvai sodop om kavasa-ogi sumodia di poginakanan do roti dit aso pangambang. 1-6 I hiza di miniupakat ioti, ino-no ongoimam om it elo do Kitab do mamatai di Yesus, rinumosi ioti di razat. Iti-no o sabap dot olingob o gama dioti miupakat om olingob dara o gama dioti mananus di Yesus. Mad sid kotuvangan o vazad monodia di vozoon do rogon di kotonusan di Yesus. Sumuvang ino sid ginavo di Yudas sampai kumikunsi iosido dit ongoimam om it ongomata-mata dit ugama Yahudi, di mangajaga di panambayangan. Ino-no it upakat dioti, Suvai olingob o gama manabpo om mananus di Yesus, om varo-po gaji di Yudas. 96
7-13 Ino hiza dino minonuhu-no i Yesus di Petrus om i Yahya, supaya monodia ioti di poginakanan do Paska. Sabap tu amu notontuan laid do siombo i poginakanan dino, aso-po't elaan di Yudas mongoruput. Iti-no o sabap dati dot it upakat dioti sid kabun do Getsemani ontok di tanga sodop. Bai it ulun di kisinaan do gumoroi o tanda do siombo i pongumpugan dioti di Yesus do milang monginakan. (Antad sid Injil di Markus kelaan tokou dot sid valai di molohing di Markus ino). 22,14-38 I poginakanan do Paska om i pibabarasan sino (Mark. 14; Matius 26; Yahya 13). 14-20 Mongusul i Lukas di kotimpuunan do poginakanan (14) om i kovian (39). Ontok di momonginakan ioti, minomoros-no i Yesus sid dioti do pentahan om manarang di tinomod di poginakanan dino (15) om varo-po i mongojuval di Yesus (21), i tugas om kavazao di kinoruhangan dau (25), i kopongoliman di Petrus (31) om i pongimuhunan do dumagang do sapadang (35). Pengkaa dino, intolu mongohondtol i Yesus di boros om it ahajangan dau (16. 18. 37). Atalahas-no dot nengat-no laid di Yesus i nunu-nopo konong sid dau dot amu-no alaid antad diri. Ino boros di Yesus iadko boros dot ulun do mongimuhun di huntad moling dot aso dangol om mongopung di kovosihan sid anganak ko varis dau, tu pentahan i Yesus di kosungguvo di dau do hiza do penlaid (i miilang tokou vagu sid karajaan do Kinoringan, ka) . Iri-ogi minamarakat-no i Yesus di kakanan om ponginuman om manarang di kogunaan vagu dino poginakanan dino. Ong i poginakanan do Paska, pangahandaman di kinolobusan antad sid Masir. Topot ong biano i popong sid di Yesus o harati vagu, ino-no, inot akanon om inumon, tinopis om anggur tanda di samod do Kinoringan sid riniba. Tu iadko i Yesus o manahak do tinopis om anggur, manahak iosido di kondiri dau, guvas om raha, tu mongontok di riniba om i karaatan do riniba. Sampai matai i Yesus o gama dau manamod di riniba. Sabap ino, i poginakanan di Yesus, ino-no poginakanan do piniizaan sid Kinoringan om harapan di kosungguvo di karajaan do Kinoringan, iadko kokorui sid tanga do ralan kumaa sid karajaan do Kinoringan. Kananganko i poginakanan di Yesus dino om i boros, nokouza-no i raha bahagi di kasalaan do riniba, ka, varo mangaharati dot i Yesus dino najadi do boli di monogit di kasalaan do riniba. Banal-no sid surat Ibrani varo vaza posuntu di gama di Yesus do iadino, sabap it ongoulun Yahudi kakali humarap sid parsambaan do dupot. Retan di surat Ibrani dot i Yesus minongontok di dupot di garason, tu iandus sid Kinoringan (Imamat om Bilangan 16). Ong otopot, it anak do domba di nagaras-no sid Masir diri ontok do sodop, okonko parsambaan sid Kinoringan, inoi nga kakana di pogoos ko pohijau dot ulun sid tanga ralan lumabus antad sid Masir. Sabap ong bai tinopis, ino roti di pinudali mangagama, tu amu otibang do pakambang-po, amu miuma pakansang dot ulun mamanau sid sodu. Topot ong it omulok-po o domba, ino-no i kakana di pakansang do guvas. Na i hiza sid Masir diri, it onsi ginuna bahagi do kakansangan, om i raha di domba diri, nga saat di nipananda di lobokon do rongobon sid savat do valai, supaya otutunan di monusa dot ombo i valai di dang Israel om i dang Masir. Antad sino amu atag do pisuvang i harati di kinapatazan di Yesus do iadko parsambaan di nisamba sid Kinoringan, tu mokiandus do Kinoringan, minsanko i Surat Ibrani monuriban do iadino, nga bai vaza dau manarang sid ulun Yahudi di kogozoo di samod do Kinoringan di minsomok sid riniba. Ong momoros i Yesus dot, iti diti bahagi dikou, ka, dot induvo imbulito momoros, ino-no dino o kembulazan om kojodizan di piniizaan di Yesus. Na ino piniizaan dino sid karajaan do Kinoringan p kosingguvo. Isai-nopo i mamung sid poginakanan di Yesus jumadi dot ulun di sid tanga do ralan kumaa sid karajaan do Kinoringan, ong milang iosido om monongkokorui, supaya kogoos iosido sid tanga do ralan. 21-23 Ong i Yudas mad kakali nakagavul sid kinoruhangan di Yesus sampai nokelang di poginakanan dino. Gam ino-no dino ot inanu di Yesus panarangan di kopintaro di Yudas: sabap nokelang-po minum om iri-ogi mongojuval iosido di Yesus. Rontob-nopo, amu arait i ngaran di Yudas, om i kinoruhangan vokon, nga amu oruhai mongimpulang di boros di Yesus dit a-notontuan dau dot isai ino. Intaman di kinoruhangan dau ong iosido o boroson. Mad ensanan ioti dot amu atantu nakaharap di dau do katatapo sid di Yesus. Bai ino kogolivong di kinoruhangan i laporan di Lukas, amu nelaan do sera minoling i Yudas ontok di sodop diri. 24-30 Ong sid Matius, sid tanga-ogi do ralan kumaa sid Yerusalim miniguguvail-no laid i kinoruhangan di Yesus dot isai i randavi dioti dino. Ong sid Lukas, okonko i hal di kojuvaran di Yesus o pibabarasan ioti di hiza do momonginakan do Paska, inoi nga miniguguvail ioti dot isai o asavat dioti. Sid UR 15 om Gal. 2 varo boros dot it a-ko piro it ongorasul sid Yerusalim retanko origi do gorija, ka. Na i panarangan di Yesus manantu do notontuvad i hoturan do gorija ong sid hoturan dit ongopomorinta. Sabap it ongoulion dot ongobansa mongitung dot ioti o manansanganu di razat om i razat nga uripon dit ulion, supaya osinang it ulion antad sid kapagasan om karaja do razat. It ulion tumimpak sid razat om mangaladtak di sokoviai. Ombo i sid sibak-no banal, ino-no ot oholian aladtakan, tu isai-nopo i ponong sid savat, minsanko aladtakan iosido, kakali polombus iosido di gama mangaladtak om mangakan om mongorugi di ponong sid sibak. Topot ong i piumpugan om gorija di Yesus tanid-no. Kondiri di Yesus minanahak do suntuan sid gama monorundakai di kinoruhangan dau. (Sid Yahya 13 sampai momoug di hakod di kinoruhangan dau, ino gama di bai tugas dot uripon). Ino-no i tugas tokou ulun Kristian sid gama tokou polombus dino samod di Yesus sid ulun vokon. Iri-ogi varo kosungguvo om garal dit ipat-ipat it koruhang di Yesus, tu hiza di korikatan di karajaan do Kinoringan, kohogizo ioti milang di Yesus sid poginakanan di kotulukan di karajaan om rumompok-po di Yesus 97
sid pihukuman dot ipat-ipat ioti, varo tugas dau mongohukum dot iso o rurungan dot Israel (om iso bahagi dit ongobansa). Kananganko i kapatazan di Yesus sid kazu do sangkap: I Lukas mongusul dot intolu nopod imbulito dot i tugas di Yesus, ino-no i kosopulan - kotulungan -kolingasan di sakit dot ulun. Topot ong manarang i Yesus di tugas dino, a-insan hondomo i kapatazan dau. Banal-no, sid tugas dino a-milo-milo opogos om asaadan i Yesus (13,33-35). Topot i panangan di gama om kapatazan di Yesus, ino-no: mogihim om manapul dit ulun di natagak (19,10). Mongusul-po i Lukas dot i Yesus nakagavul sid ulun di pakaso do Kinoringan, i sid sangkap iosido sid burul do Golgota (22,37) om kumiboros sampai pemumui dit ulun dino sid Kinoringan (22,51), iadko i gama dau laid pemumui dit ulun di nosunsub-no sid ugama Yahudi (19,8). Intolu-po pomoros i Yesus di sid sangkap-no iosido bahagi dit ulun vokon om it Ama sid surga kananganko i kosopulan do riniba. Mongohodtol i Lukas dot i Yesus minonuluk di kenginan do Kinoringan. Amu tinumongkihal iosido sid pensubaan. Ino gama di iadino miabal di tugas om gama dit ongonabi sid Kitab Laid. Sabap ino, sid kapagasan om kapatazan di Yesus nokembulai-no i kosopulan dot ulun dit apatut dara dot iada iosido sid tinoguvangon do Kinoringan (minsanko i Paulus, i minongogusa dit ulun di sinumuhut di Yesus) Iri-ogi misisingilo i kinoruhangan di Yesus do sumusui di kososizan di Yesus. Sid tohudi, i Stepanus om i Paulus nakatama sumusui di gama di Yesus do miabal kopogos om kasaadi dioti sampai kogoos ioti tumahan di kosusaan om kapagasan sampai i kapatazan sid saralom di kuasa do Kinoringan. 31-34 Tinarang-po di Yesus i tugas di kinoruhangan dau (24-30), nilombus-no di Yesus mongusul do kuran orindingan i Petrus di kotulungan di Yesus, supaya amu kasadu iosido sid pensubaan. Tu iadko i vozoon do rogon monuba di Yesus om i Yudas om i kinoruhangan vokon, iadino o pensubaan ot osomungan, ka di Yesus. Gam monguji i Yesus dot it ulun di momurimon om mokindazou di kakansango dau, lobipo oruhai kasadu om kotongkihal ko aratu sid pensubaan. Na tumimpa i Petrus do monontuhan kapamarasan dau dot olumbatos, katama iosido om osodia do mozo di Yesus, minsanko korundun iosido matai. Iri-ogi pentahan i Yesus di gama di Petrus mongolim do bai koruhang iosido di Yesus ino sodop dino. 35-38 Varo-po boros di Yesus do nunu i pitonidan di hiza di nakatalib om i kosusaan dit osomungan dioti. I hiza diri, tiniag-no di Yesus do mongovit do juli om obubut sid tanga do ralan, ong hiza do monginjil. Juli nga aso, tompa, nga aso, balanja om kokorui, nga aso. Topot ong biano, hiza do kosusaan, atag do varo juli om obubut, gam varo-po pakakas sumaap, ka. Ino boros di Yesus dino minongimbulai di kogumuai do kogolivongo dit ulun Kristian sampai biano. Varo-no ong manarang dot ozi i Yesus dot it ulun Kristian mamakai do pakakas do rumpak, tu mangapad di kondiri dau. Varo-no ong, ino sapadang dino, bai tanda do varo kosukupan sid tanga do ralan. Kagi, ong i bai duvo o sapadang dino, retan di Yesus do miuma, ong bai duvo-no. Nunu-ka o kogunaan, ong hopod om duvo ot ulun kivaro duvo o sapadang? ka dioti. Amu atalahas kagi dot ino boros, Miuma, ka, retanko miuma do napalung it iso o tolingo dit sojal diri, ko kuran. Varo-no ong retan it iso o sapadang dino o i harati, i kuasa do gorija om i koduvo, ino-no kuasa di dang porinta di mangahatul di razat. Na antad di boros di Yesus sid 22,51 atalahas dot aso suhu di Yesus do mamakai di sapadang, gam suhuon di Yesus i Petrus dot pangkapon-no vagu i sapadang dau om polingos-no vagu i Yesus di natabpas i tolingo dit sojal dino. Sinod boros di Yesus kananganko i duvo i sapadang dino, misisingilo tokou dot oruhai malid it ulun Kristian om i gorija, ong bai it iso ot ayat om boros di Yesus o toudon dot alazan it ongoboros om ongopongitungan vokon di nosurat-no sid Kitab. Sabap i Kitab manarang om posondot di Kitab. Amu sumaap it iso i boros do Kitab dit ensanan i Kitab. 22,39-46 Sid burul do Zaitun i Yesus (Markus 14,32-42; Matius 26,36-46) Noboros-no ino kavi om linumabus-ogi i Yesus antad sid ongkob do poginakanan. Na i rikoton dau, amu narait i kabun do Getsemani, bai burul do Zaitun, ka (om i pasangkapan, okonko Golgota o ngaran sid di Lukas). I Yahya iadino, amu mongohondom ino duvo ngaran di tampat dino. Na ino panahon di Yesus dino, varo-no laid tradisi, ong kodung sid Yerusalim i Yesus. Om i kinoruhangan dau, nga songvozo-nopo. Na nokorikot-po, minongonsug-no i Yesus dioti, supaya minta dua ioti, gam induvo-no it onsug di Yesus pominta dua dioti (46). Na aso boros di Lukas dot i Yesus minongingut-po di tolu i koruhang dau Petrus, Yahya om Yakub do mozo sid sodu-sodu (Markus 14,33). Gam i Yesus tinumongkizad sid dioti dot i kosoduo, nga 40-50 Meter om sinumingkudou minta dua mokialai di subung, ka. Ino pongoretan do subung ong sid Kitab Laid varo harati, inono ohukuman it ulun. (Ong sid bansa do Yunani varo hoturan dot it ulun di nohukuman do kapatai, kondiri dau minum di kavanit antad sid subung). Ong nalazan-no laid di Lukas mongohondom om mongimbulit di Pomintaan dua di Yesus sid Lukas 11, i minonuduk i Yesus di kinoruhangan dau dit indomoon dot, Posunuon-no i kenginan-nu, ka, nga sid tuturan diti mongusul i Lukas do iadino i gama di Yesus mindamo sid Kinoringan. I minindamo i Yesus do iadino, minangakun i Yesus do minsanko i kotuvangan do pensubaan om kapagasan, nga antad kavi sid kenginan do Kinoringan. Topot varo-no malaikat do pakansang di Yesus iadko i kinoruhangan di Daniel diri sid tanga do tavun sid Babil (Daniel 10,13.15-18). Ino kotulungan di malaikat dino tinumabang 98
tumahan di pensubaan om kapagasan, tu sampai raha it umos di Yesus dot ologod o gama di Yesus minta dua di sodop diri. Amu minoguhang i Yesus di kinoruhangan dau di tiodopon, bai minanarang sid dioti dot i hiza dino okonko hiza om kotibangan om koriatan modop. Tu varo pensubaan di monuba dioti. Ong sid Markus om Matius, intolu miguli-guli i Yesus momosik dioti. Topot ong i Lukas, bai onibak ot usul dau. Ino-no ot atalahas, i Yesus diri akodop it ontok di hiza do pensubaan. Iosido okugui iadko riniba. Suvaiko i malaikat do Kinoringan minonunda di Yesus om nokogoos-ogi iosido mangakun sid kenginan do Kinoringan. 22,47-53 Natabpaan i Yesus. Tanid i laporan di Lukas mantadko i Markus. Bai i boros om gama di Yesus ot iusul-no. I Yudas minangagazad dit ongosojal om it ongoulion dit ugama Yahudi. Varo-po kopitan di sojal do panambayangan nokovozo. Aso katarangan dot otopot nokodungu i Yudas di Yesus ko bai nokensomok iosido sid di Yesus. Ong ino koubasan do mongodungu dot ulun, varo tomodon. Sabap isai i murid ko koruhang do guru (rabi), ong manansalamat di guru, i murid mongodungu di guru, tanda do mongoguna di guru. Ino tanda dino inupakat di Yudas i kopitan, supaya elaan di kopitan dot isai i Yesus, minsanko ontok do tanga sodop. Ino-no rontob o nousul sino, gam i Yesus tinumoronong sid di Yudas sampai kinumiboros di Yudas kananganko i gama dau mongojuval dit Anak do riniba, ka. Ino pamarasan dino, napakai-no laid sid Fasal 8,44; 18,32; 22,22 om 24,7. Na i kinoruhangan di Yesus minongoduat om minindamo do mangakun i Yesus, supaya mangapad ioti di Yesus. Andaman dioti i boros laid di Yesus do varo kogunaan, ong varo sapadang (35-38). Topot i Yesus dino, okonko mominasa dot ulun o tomodon, inoi nga mamasi. Iti-no o sabap do nitandon vagu dau i tolingo di sojal, i nadamatan di koruhang di Yesus ( i Petrus ino, ong isuhut dit usul di Yahya F. 18,10). Amu minamakai i Yesus do kuasa ko pakakas do sojal. Ong varo boros di Yesus sid koruhang dau di minonibas, dot, Miuma-neno, ka, okonko bai harati dot amu-no monibas, inoi nga asot ontok ino gamaon do iadino. Ong i gama dioti manabpo di Yesus dihiza do tanga sodop, supaya olingob o gama dioti manabpo. Topot i Yesus amu minogidu ko siumusut, gam tinoguvangan it ongoulun di manabpo om mamajal-po iosido di gama dioti di iadino. Ino gama dioti, tantu gama do timpu di kuasa do kotuvangan. Topot i Yesus, minsanko i hiza di kotimpuunan di kapagasan dau, kakali monulung om mamasi iosido dot ulun. 22,54-62 Mongolim i Petrus. Bai i Yesus o sumasi. Na i Petrus, i minomuruvak diri do sampai korundun nga kakali atatap iosido sid di Yesus, minozo-no iosido dit ongosojal rumikot sid valai dit imam do kipangkat, supaya osomok iosido sid umpug dit ongohakim om kening om kemot di kapangaan. Kaluto sid rinuvang do valai i Yesus. Ong i Petrus sid natad do bai tumimpan sid gondila. Ino valai dino, valai dit Imam Hanas (iadko sid Yahya 18,13). Suvai sid ayat 66 om igazad i Yesus sid pihukuman sid istana di Kaiafas. Ong bai ondu o minomoros sid vokon dot i Petrus nga koruhang di Yesus. Ino boros dino okonko boros di mad ruput ko pasala. Suvai duvo o sasi om kadapat-ogi mongoruput om manala dot ulun. Ong sid di Lukas, bai it iso o kusai tinumoguvang banal om minonginsosok di Petrus kananganko koruhang iosido di Yesus. Ong it ondu om i kotolu it ulun, bai minomoros sid ulun vokon. Okonko sid di Petrus o jangkaan dioti dot i Petrus dino nokokoruhang di Yesus. Topot i Petrus, intolu dumahava mangamu do koruhang iosido di Yesus om minangalalau di duaton dioti dino. Bai i Lukas mangalapor dot kodung kentolu-no di Petrus mongolim, sinumirot-no i Yesus sid di Petrus om andaman-ogi di Petrus i boros laid di Yesus. Na ino gama di Yesus sumirot sid di Petrus o minangatag vagu di kavazao di Petrus, supaya kemumui iosido om katama sumasi di Tuhan, hiza di nogulian-no i Yesus. 63 It ongosojal om jaga di minangagazad di Yesus minangagauk om minanansara di Yesus do monokop di vuros dau om minokiintutun di Yesus. Iadino i Yesus najadi do momoi di gauk om pisingkavaraan dot ulun dit amu mongoguna dot ulun om i ngaran dau. 66 Na i kunsil dit ongosukod, ino-no it ongoimam do kipangkat om it ongoelo do Kitab o hakim sid pihukuman dit Ugama Yahudi. Amu ousul do varo-po sasi dit ovudut ko i nunu-nopo. Turus oinsosok i Yesus dot i Kristus iosido ko okon. Na i Yesus pouli sid dioti di gama mongoduat om mokitarang. Topot elaan dau laid dot amu tumimpa ioti. Iti-no o sabap do mongolumbatos i Yesus di tomodon om kogunaan dau (69) sampai minamakai-no vagu di pongoretan di nabi Daniel, ino-no, It Anak do riniba mogom ponong sid vanan di kokuasaan do Kinoringan, ka. Noboros-po i iadino, katama--no ioti mongoduat om mokitarang dot i Yesus sumasi dot Anak do Kinoringan iosido. Iri-ogi minanantu i Yesus di boros dioti. Sid pihukuman dino, i Yesus-no o mangahatul. Keso, sinumirot sampai pinemumui vagu iosido di Petrus. Iri-ogi minanahak sid dioti di kososizan di pakazan dioti sid gama manala di Yesus. Amu minongolim i Yesus, gam katama iosido sid tinoguvangon dit ulun di sumaap di gama di Yesus. 23,1-25 Sid tinoguvangon di porinta om raja. I hiza diri, i pomogunan do Yudea noporinta do Rom. Iti-no o sabap dot aso kuasa dit ongoulun Yahudi do manala om mongohukum dot ulun do sampai kapatai. Ino hukum do mamatai bai i porinta do Rom o kavasa mangaratu. Iti-no o sabap do minongovit ioti di Yesus sid pomorinta Pilatus. Nakun-no di Yesus i sala dau, isuhut di kiroon om kohorotizan dioti, retanko i Yesus minongusok di Kinoringan om misingkinoringan iosido. Sabap ino, i 99
pongitungan dioti, bai pogili sid di Pilatus i kiis dino om i boros di Yesus, supaya i pomorinta mangaratu di hukum do kapatai sampai monuhu di sojal dau mamatai di Yesus. Kagi inomungan-po dioti do retanko, mokiraja i Yesus sid bansa do Yahudi. Topot i Pilatus dino, tanid-no. Kodung nening kavi i ruputan dioti diri, ino-no i Yesus mamalid dot ulun Yahudi om moniag do manahak do sukoi sampai misingkristus iosido, ka, tinumoguvang-no i Pilatus sid di Yesus sampai minongoduat dot, Banal-no ka ko ikau-no o raja dit ulun Yahudi? ka. Om i Yesus minongoho-no di duaton dau dino. Na it ohorotizan di Pilatus, ino boros di Yesus do raja iosido om ino kobuatano dit ulun di sid tinoguvangon dau, tantu amu kopionong. Kaluto ong i Yesus mulau ko i boros dau okonko boros di kiharati. Tu ong iadino o kobuatano, tu sulung nga amu avantang om okonko kikoruhang, gam odomon o kobuatano. Inot ulun di iadino okonko ulun di mongodurhaka sampai sumaap om posusa di karajaan do Rom. Sabap ino, minanarang i Pilatus sid dioti dot aso kiroon dau do kisala i Yesus. Ong ioti minongitung, ino vaza manala di Yesus pokodou di ginavo di Pilatus, gima a-koho i porinta do Rom do varo raja tanid mantadko i raja antad sid kovosihan do Rom, ino-no i Herodis Antipas. Topot ong i Pilatus, ong kodung nemot dau i Yesus, aso kiroon dau do varo kosusaan antawa kopongodurhakaan dit antad sid ulun dino. Iti-no o sabap do niratu di Pilatus i hukum dau dot, Aso sala, ong it ulun dino, ka dau (4). Nening-po dioti ongosukod i kovosihan di Pilatus dino, minagavi-no ioti minongoruput manala di Yesus dot i vaza dioti manala, retanko i Yesus monuduk di sompomogunan do Yudea om mongonsug do sumaap do porinta. Topot ulun do Galil iosido, ulun antad sid daerah do varo't ongomongodurhaka. 6-12 Na i Pilatus, inot ulion di Kaisar do Rom sid Yudea diri, nakaharati dit ikasana dioti sid di Yesus sampai minogihim-no do vazaan manangkis, supaya amu agavul iosido sid hukum dino. Kodung narait dot antad sid daerah do Galil i Yesus, minongitung-no i Pilatus do polombuson i Yesus sid raja do Galil, ino-no i Herodis Antipas. Tu ong iadino, nokosuvang i Yesus sid kuasa di Herodis. Ino-no ot oruhai o pavazaan do peva di tanggung jawab sid ulun Yahudi, ka di ginavo di Pilatus. Om minokitarang-no vagu iosido di Yesus do banal-ka ko warga negara do Galil i Yesus. Nakakun i Yesus, nipangatod-no di Pilatus i Yesus sid raja Herodis. Ong i Herodis, i nokorikot-no laid sid Yerusalim, tu mamung sid poginakanan do Paska, otomon-no, tu varo koriatan dau sumamung di Yesus. Tu tiimot laid di Yesus iosido, tu tiimot di kosunduvo di Yesus (9,7-9). Topot i Yesus amu-no tinumimpa di nunu-nopo i gama di Herodis mongoduat om mokitarang. Ogumu-no vagu o gama dit ongoimam manala di Yesus sid tinoguvangon di raja Herodis, nga aso tinimpa di Yesus, dot alaid-nopo, i Herodis om it ongosojal dau minangagauk-no sampai sinulungan-no do gansing do goun do raja i Yesus, vaza gumauk di Yesus om pinouli-no vagu sid di Pilatus. Dot i kapangaan di Herodis, aso sala di Yesus, tu okonko ulun dit kikuasa om kihak, gam bai momoi, okonko ulun dot otopot. Ino gama di Pilatus do mokihatul dara di Herodis di hukuman di Yesus o kinotimpuunan do kinopihorotizan dioti (12). I harati, i Yesus jinumadi do timpu di kopikunsian di Herodis om i Pilatus. Rontob-nopo, kakali amu-po nopongo i tugas di Pilatus mongohukum, tu niuli-no vagu sid dau i tugas dino. 13-15 Kenduvo di Pilatus mogom mongohukum dot noumpug-no vagu it ongomongoruput. Na minongimbulit-no vagu i Pilatus di ruputan dioti om i gama dau monginsosok di Yesus om i kovosihan di raja Herodis. Na i kapangaan dara dau, kakali aso sala do miuma do sampai kapatai, ka. Iti-no o sabap, mad olumbatos o boros do, Palabus di Yesus ong alapos-po laid, ka dau (16). Ino boros om hukum di iadino di rotuan di pomorinta do Rom mongimbulai do kuran o hoturan do porinta do Rom i hiza diri. Oruhai mangaratu do sala do mamatai dit ulun ko bai mangalapos. Tu iti-no i duvo o vaza di hoturan do Rom mangahatul om momorinta di sokoviai it ongopomogunan om ongodaerah di nokosuvang sid kuasa do Rom. Ong sala dot opodok, i lalapos ot opurimanan it ulun di kisala. Ong agazo o sala, opudung i liou, ong warga negara Rom. Ong bansa vokon, isangkap. Varo't usul dot sid saralom di pomorintaan di Pilatus om Festus sid saralom dot apat nopod tinounan sid Yudea dino, varo labaan dot 40 ribu ot ulun Yahudi nakasangkap, okonko bai i Yesus om i duvo it ulun di nokohiza di Yesus pasangkap sid burul do Golgota. Ino hukum di Pilatus banalko oruhazan iosido mangaratu. Ong ituduk it ongkopu dau ponong sid avan, apasi it ulun, tu bai loposon. Kodung ituduk it ongkopu ponong sid tana, kapatai o hukuman. 17 Na varo't a-ko piro o solinan dit Injil Lukas di manarang di koubasan di Pilatus, ino-no palabus dot iso ot ulun di sid torungku ontok do Paska, isuhut di kenginan di razat. Ino-no i kogozoo do kovosihan di porinta Rom sid razat do Yahudi. Ong aso panarangan do iadino, amu alanta banal i boros om gama sid ayat 18-19. Na it ongomongoruput diri, minsanko mad olumbatos i boros om hukum di Pilatus diri, kakali minagavi ioti gumara do dumahava om sumaap di hukum dino sampai ka dioti, Hukumai-no ialo om polobuso-no i Barabas, ka. Na i Lukas manarang di sala di Barabas, ino-no ulun iosido di minongodurhaka do porinta sampai nakapamatai iosido dot ulun. Antad di gulou dioti dino aso tinganan di Pilatus do posurut di kolumbatasan dau do palabus di Yesus. Songkuro-nopo pohodtol i Pilatus dot, Aso sala ong i Yesus, ka, a-kasaap iosido dioti dino di lobipo ginumulou gumara. Alaid-po, tinumurut-no i Pilatus di kenginan dit ongoimam om i kinogumuai. Otoripo, hinatas-no di Pilatus om sinumuhut-no dioti do palabus dit ulun di nokopongodurhaka do porinta do Rom om niratu-no i hukum do mamatai sid di Yesus. It ulun i retanko kikuasa do mamasi om mamatai, tigogi, aso kuasa dau. Gam sinumuhut iosido do karaatan dot ulun. 23,26-31 Sid tanga ralan kumaa sid pasangkapan. Baiko i Lukas o nokopongusul dit nagaratan i Simun do manaan di sangkap di Yesus. Ong i sojal do Rom diri 100
kikuasa do mongogorot om monguasa dit isai-nopo antad sid razat, ombo-nopo o kenginan dioti. Isot ulun nga aso katama do gumuvail di suhu do sojal. Ong sid Injil vokon atalahas-no dot i Yesus nasaadan do lalapos, amuno kogoos manaan di kazu do pasangkapan. Na sid panahon dino, ogumu-no vagu ot ongoulun di minozo, ongondu-nopo di mogihad om mogkorudu. Topot i Yesus amu-no mokisian dioti, gam osianan dau i kuta Yerusalim om it ongoulun di mintoron sid Yerusalim. Sabap i kosusaan di konong sid di Yesus, kosuli sid ensanan i bansa do Yahudi om ino kuta do Yerusalim. Sid pamarasan dot, Ong apui mangahandab do kazu di kakali mizaui, lobipo sumorob, ong ahandap i kazu di nolonotno, ka di Yesus, hondomon-no do kopiakan i duvo i hal dino, i kapatazan di Yesus om i korungazan di bandar Yerusalim. Na i Lukas, hiza di minonurat dit Injil diti, nelaan-no laid dau i kinanangan do Yerusalim, tu natanus tantu i kuta di hiza diri, gima nokopongodurhaka di hoturan do Rom (TM 70). 23,32-49 I kinapasangkapan om kinapatazan di Yesus. I Lukas amu mangarait di ngaran dit ompulongon Golgota, inoi nga manarang di harati di ngaran dit ompulongon dino. Sabap sid timpak dit ompulongon dino di mad buatan dot ulu dot ulun, varo tampat do pamatazan dit ongoulun di nanangan do sala do patazon, ino-no it nopungaranan do kuhango. Mongusul-po i Lukas do varo-po duvo ot ulun vokon di nokohiza di Yesus pasangkap. Mad ingapat do tolu o laang o vaza di Lukas mongusul di tuturan dino. a) i gama pasangkap, mongontok i Yesus minta dua, mamahagi ioti di sulung di Yesus. b) It ongosukod, it ongosojal om it isot ulun di nisangkap mangagauk ko momoros dot, Posizo-no i kondiri-nu, ka. c) tolu o tanda di kinengkanaan di Yesus: tinuvong i pomogunan, mitas i rinding sid panambayangan, gumizak i Yesus. d) I kohorotizan di kopitan, i razat om i kinoubasan di Yesus sid sahau di sangkap. Varo't a-ko piro o solinan di Lukas dot aso't ayat 34. Mad a-ozi i minanalin dot i Yesus minongontok minta dua bahagi dit ulun Yahudi. Sid Injil laid nokotimpuun i gorija kodori pokihi om sumana dit ugama Yahudi. Na sid tohudi, minsanko i Stepanus minamakai di pinta dua di Yesus mongontok dit ulun di minongohukum dau (UR 7,59..). Vokon-no it ulun di nohukuman sampai nisangkap ong mongolupu di porinta om i hakim. Topot i Yesus, gam mongumbasih sampai mindamo do kobinsianan do Kinoringan bahagi dioti, isuhut di tudukan sid Burul (Matius 5,43-48) I Yesus kakali mangandus om mogihim di kemumuzan dot ulun, okonko i kobinasaan dot ulun di nokopongindaraat di Yesus. Varo koubasan dit ongosojal dot i barang dit ulun dit apatai, pibobohogizan dioti manganu. Iti-no i kohuntungan dioti, ong osuhu-no do mamatai dot ulun. Sabap tu amu lumundu i Yesus, bai i sulung sid inan dau ot elaan dioti do pibobohogizan. Na varo banat dot inavol do songinggazun, aso tinganan do pudungon dot apat bahagi. Iti-no o sabap do pinitataanan o gama di sojal sid tinoguvangon di kinoginito di Yesus, do songkinis o sulung di Yesus nga aso. Alabas banal it ulun di nisangkap, tanda dot opodok nga aso tokop di monokop di komoluan do riniba. Mad dupot o niginit om nisangkap it ulun, ong varo tomodon mangagaras. Ong sojal aso purimon do momozobozo om korualan ko kosianan. Gam sid tinoguvangon di sangkap o gama dioti monodiri om misolod dot isai o kanu, ombo i varo sid ulun dit isangkap. Ogumu ot ongoulun sino. Topot bai it ongosukod o minangagauk. Ino kogoukon dioti, i nakamanang-no ioti sampai notori-no i Yesus. Mad amu-no osusa-po ioti rumosi do monolod i Yesus dit ongoulun antad sid palad om kuasa dioti. Ioti-no o kadapat vagu mangakan om momogos om mamalid dit ongoulun. I gauk dit ongosojal, tanid o tinomod. Ioti okonko ulun do Yahudi. Gam ulun ioti di humarap di hoturan om ugama do Rom, ino-no i Kaisar om i kuasa dau. Sabap ino, ohigak ioti om abangat-po mangajaga dit ongoulun di nohukuman, hiza dot alasu it adau. Supaya olingan i kapagazan di hiza dino, misingkavaro-no ioti, tu okudik nga aso kosianan sid gama mamatai o ponsohorian dioti. Iti-no o sabap dot arampus o kobuatano dioti. Sabap varo surat di manarang di sala di Yesus, retanko raja iosido do Yahudi, inanu dioti i pongoretan dino sid gama mangagauk di Yesus. 39 Minsanko it iso't ulun di kisala, di nisangkap siri, sinumusui-no di boros dit ongosukod om sojal, intaman ong kikuasa banal i Yesus, kadapat iosido mamasi di kondiri om it ulun dino. Iosido minangarait di Yesus do Kristus. Ong ulun iosido di nakamung sid rombongan do Zelotes, varo harapan dau do varo rumikot i Kristus, i mananggung di bansa dot Yahudi antad sid kuasa do Rom. Sabap nopupusan-np iosido miniginit iosido sid sangkap. Na minoniim-no iosido mongonsug di Yesus mokipasi. Kaluto ong varo-po kolobusan antad sid hukum dino, ka di ginavo dau, ong sukul mongogorot di Yesus. Baiko i koduvo it ulun di nisangkap o kaharati di kobuatano dino sampai minamajal-no di koruhang dau di kisala. Iosido dino nokotutun di kabanaran di Yesus sampai minokisian-no di Yesus bahagi di koposizan penlaid, ino-no i karajaan do Kinoringan. Na i timpa di Yesus, tanid-no. Adau biano diti, ka. I koponopulan di Yesus, okonko hal do tohudi dit aso-po't elaan do songira i korikatan. Kodung kumoruhang it ulun di Yesus, mad nokorikot-no om nokosunu-no sid karajaan do Kinoringan. It ulun di dang Kinoringan, kodung matai iosido, nokorikot-no. Aso-no kiroon-po do varo hiza sid pialatan di kinapatazan dot ulun om it ontok di korikatan vagu di Yesus om it adau do kotulukan di karajaan do Kinoringan. It ulun di minatai-no, amu-no engat i hiza dit ulun di kakali-po mizau. Ino boros di Yesus dino amu monodiri dit ontok di kapatazan di sodop diri om i kogulianan di Yesus ontok dit adau do minggu diri 101
om i kogulianan dit ulun di nokohiza di Yesus pasangkap om matai do sumuvang sid karajaan do Kinoringan, hiza dit adau do penlaid. Iti biano, miabal di boros di Yesus sid F. 4,21: sompi hal do suromo do Kinoringan. 44 Amu olingan di Lukas mongusul do varo kobuatano hiza dit adau diri dit okonko koubasan, ino-no, tinumuvong i pomogunan ontok di sumakai it adau. Mad notolon dot arob it mato dot adau, minsanko ontok do Paska, ino-no hiza dot ovokou i vulan, tantu aso't arob. Amu manarang i Lukas do nokokuro ino, kimituvong, tu tidarun ko hal do borizu. Ino-no o harati, iadko i hiza di kinosinaan di Yesus, i sodop kiompiling, iadino tinumuvong it adau, hiza di kinapatazan di Yesus. Ong Kinoringan o ruminiba, anavahan i sodop (Luk. 2,1-14). Ong matai it Anak do Kinoringan, tumuvong om humongkob it adau, mad kumodom i mato dot adau. Pengkaa dino varo-po hal sid panambayangan. Sid pialatan di duvo it ongkob di panambayangan, ino-no it ongkob di baiko it ongoimam o kavasa sumuvang om it ongkob di retanko ongkob di banalko osusi, tu intoronon do Kinoringan, ka, varo rinding do kumut o ginama. Sid ongkob di banalko osusi, bai it imam do kipangkat o kavasa sumuvang dot insan-no sid saralom do sontoun, ontok dit adau do kopiondusan. It ongkob dino banalko otuvong, tantu aso nokotutudu di rinding do kumut dino. Ong orobuk dara, tu alaid koginit sino, kuminis dara i rinding dino antad sid sibak om lumombus-ogi sid savat. Topot adau diri, tigogi, kuminis i rinding dino antad sid savat, tanda dot i Kinoringan minonginis di kumut dino sampai minongogiang-no di navaon om minanganavau dit ongkob dit banalko osusi. Ensanan i vinangun om i-po't ugama do Yahudi sumimban-no di hiza do matai i Yesus. Antad dino i riniba kotoguvang do Kinoringan. Iri-ogi i kopitan do sojal, it ulun do tanid ot ugama nakaharati-no dit ongotanda dino sampai sinumasi-no om minongindazou-no do Kinoringan, gima nokemot iosido di kinapatazan di Yesus, inot ulun dit abanal. Nokemot iosido dot a-nokonong i hukum dino. It ulun do labus minangasip-no sid di Yesus, hiza dot it ulun di bansa do Kinoringan pakaso sampai pinada di Yesus. Ong i Yesus kondiri, minongogizak-no mongimbulit di Zabur 31, tu patahu di ginavo dau sid palad do Kinoringan. Ong i kogumuai dot ongoulun di kakal-po sino (35) mongo-vongo sampai sinumusa i ginavo dau. It ulun minangalapis di kangkab dau, tu gumolivong om opiduvo i ginavo, tu amu kaharati di kosungguvo om panangan do hal. Varo-no ong mad otomuk, varo-no ong mad rumosi, varo-no ong mad opupusan o ginavo (48). Aso boros di Lukas do varo-po kinoruhangan di Yesus sino (iadko i Yahya). Baiko i koubasan om it ongoondu, it antad sid daerah do Galili o nousul-no do kakali sino sumasi di kapatazan di Yesus. Ioti't ongoondu dino tanid mantadko it ongoondu do Yerusalim, i noboros di Yesus dot, Anganak dot ondu sid Yerusalim, ka (28). Iadino o gama di Lukas mongusul di kinapatazan di Yesus om i nunu-nopo it ongokobuatano sid hal diri. Sampai sid kovian di koposizan, agazo o ginavo om gama di Yesus ponong sid ongoulun, ino-no, it ulun di minanala di Yesus, it ongoondu, it ulun di kisala di nisangkap diri, engat kavi di samod di Yesus. Lavis: Nakasampai banal i Yesus sid osibak it ulun, i niada do razat, supaya kumoruhang i Yesus dit isai-nopo it ulun, it abanal om i kisala, i kingaran om it aso ngaran. Iti-no o vaza di Yesus manapul di songriniba. 23,50-56 Nilobong i Yesus. I sokoviai it ongoinjil mongohondom di Yusup antad sid Arimatia. Iso o kinoruhangan di Yesus nga aso-no sino do mangahatul dara di kalabangan di buntung, om aso-no varis di Yesus. Iadko hiza di kinosinaan di Yesus, varo't ulun dot abanal ( I Simun diri) di sinumamung dit anak-po i Yesus (2,25), varo ulun dot abanal di minongolobong di Yesus. Yusup dino ulun di kakali koruhang do musut-susut-po o gama humarap sid di Yesus. Suvai minatai-no i Yesus om nakatama-ogi iosido tumanggai di Yesus (om iri-ogi sid UR 5,34) katama-no iosido do tumoronong sid di Pilatus. Sabap iosido-no ulun do kingaran om lumundu om kitana om nosodia laid i lobong dau, ino vaza dot ulun Yahudi rumangkat sid Yerusalim, ong lumohing-no, supaya osodia-no do matai om lumobong sid Yerusalim, sid kuta di kopioondusan do Kinoringan, nakakun -noi Pilatus dot lobongon i buntung di Yesus. Vokon-no ong koduvaan, kotoluvan do kakali miniginit i buntung dot ulun di nisangkap sampai akanon dot ombolog. Banalko ahatul i gama di Yusup polobong di Yesus. Okonko bai luvang do lobong osodia, osodia-po it ongokumut do lopot di buntung. 54 Iri-ogi manantu-po i Lukas dot it adau diri Hari Jumaat, ino-no it adau do monodia di Sabat. Amu olingan di Lukas mongusul do kuran it ongoondu di nokokoruhang di Yesus, kakali sino do sumasi di pangalabangan om i siombo i lobong. Ioti diri dinumagang om minonodia-no di kosukupan do mongoliking di buntung, supaya ong otoliban-no it adau do Sabat, koguli-no vagu ioti koduruk sid lobong, tu mongoliking om momongo-ogi banal di gama mongolobong di buntung. Topot kakali minongontupat ioti't ongondu di hoturan dit adau do pongintaranan, it a-kavasa mangagama ko mirimpanau. C. 24,1-53 I kinogulianan di Yesus Bai 24,1-12 osomok sid usul dit Injil Markus 16,1-8. Kavi-avi it ongoayat vokon (13-53) baiko i Lukas o nokopongusul. 24,1-12 I Kinoringan minanarang sid ongondu di kinogulianan di Yesus. I Lukas om i Markus mongohodtol dot i kinogulianan di Yesus ontok dot Adau Minggu. Iti-no o tinomod di gorija kodori monimban dit adau do pongintaranan sid Adau Minggu ko Hari Ahad. I Lukas minongusul sid tuturan di sasarap do Minggu do varo vatu di niponombol di lobong, dot ino vatu dino osusa lungkibon di monombol ko 102
mongogiang di lobong. Suvai sid ayat 10 om arait-ogi i tolu it ongondu di nokorikot sid lobong. Topot ogumu i vokon nokovozo-no (23,55-56). Amu elaan tokou do kuran ioti sinumuvang kavi sid lobong, mivoli-voli sumuvang ko kuran, ko baiko it a-ko piro o nokosuvang-no. Tigogi i duvo it ulun di kikosulungan di kiompilingogi minongoduat.no. Mad okonko sid rinuvang di lobong di niudzul sid harason do pampang i duvo i ponuhu do Kinoringan. Om it ongoondu sid lamas di lobong kakali songvongo-vongo om osusa o ginavo. Iri-ogi pinopuhondom di duvo it ulun dino it ongoondu i noboros laid di Yesus pentahan di rikoton om kosungguvon dau. Sabap i malaikat mongohondom di boros laid di Yesus sid "dikou", ka, atalahas-no do sino laid ioti't ongoondu mozo di Yesus, hiza di penentahan i Yesus di kapagasan om kapatazan dau (6-7). Iri-ogi nosuhu it ongoondu do mangahabal sid hopod om iso i kinoruhangan om it ongokoruhang vokon. Sid kovian mingrait i Lukas dit ongongaran dioti Mariam om Yohana om i Mariam, it idi di Yakub. Ioti kavi minuli sid bandar om minangahabal sid ongorasul di habal dino. Topot it ongokusai amu nakasip di habal dino, retanko bai boros dot ongondu dit aso guna. Ioti dino kakal-po songsusut-susut sid valai dot amu katama lumanta. Baiko i Petrus o katama tumangkus sid lobong sampai nemot dau dot aso buntung sid lobong om it ongokumut di nipongolopot di buntung nga mili-gili-no sinod lobong. Iri-ogi bai banalko ovongo iosido dino kobuatano dino, ka. 24,13-35 I duvo i kinoruhangan antad sid Emaus. Ong otoliban it Adau do Paska (om it adau do Sabat) minuli-no it ulun sid inantadon dau. Na i kampong Emaus, 6,5 KM antad sid Yerusalim. Nening-po dioti i habal dit ongoondu om i di Petrus, minongitung-no ino duvo i koruhang antad sid Emaus dot osuhul ong muli-no sid gagamaon laid. Nakatalib i hal di Yesus. Aso-no kosimbanan di kobuatano do pomogunan. Iri-no ko iri, tu porinta do Rom. Amu-po nokorikot i Kinoringan sid bansa dau, ka di ginavo dioti. Om minungkazut-no ioti muli. Na sid tanga do ralan, iri-no ko iri o hal i najadi sid Yerusalim o pibabarasan dioti, dot tigogi, varo't ulun di mingkosup om mamung dioti mamanau do mad iseso o rikoton. I Yesus ino, ka di Lukas, topot amu kotutun ioti dot isai it ulun di minozo dioti dino. Inot ulun dino minongoduat do nunu o pibabarasan di mad kohongkob-hongkob o boros. Na i kiroon di Kleopas, ong sukul sid Yerusalim it ulun dino do koduvaan, a-milo-milo nokorongou di hal di Yesus. Sabap, tu mad a-orongou, minongusul-no i Kleopas do nunu i harapan dioti sid di Yesus om i natanus-no i harapan dioti. Onibak o kososizan dau kananganko i Yesus it antad sid Nasaret sampai i habal dit ongoondu di sasarap diri (19-24). Iti-no o harapan dioti diri: I Yesus dara o palabus di bansa dot Israel antad sid hoturan do Rom, isuhut di bahanda di Zakaria 1,68 om pengkakat di hoturan do Kinoringan om i karajaan di Daud. 25-27 Onibak banal i timpa di Yesus manarang di tinomod banal di Minananggung, isuhut dit ongobahanda dit Ongonabi sid Kitab Ibrani, ino-no, i Yesus o kotulukan di Kitab. Ong kodung arait it Ongokitab antad sid di Musa sampai i sokoviai it ongonabi, arait it ensanan i Kitab Ibrani ko i Kitab Laid, ong sid Ulun Kristian. I Kitab manarang om sumasi di gama om kobuatano di Yesus Kristus, ka di Yesus. 28-35 Ong miboboro-boros do iadino sid tanga do ralan, mad osomok o rikoton, minsanko osodu o pamanahan. Minangahavud-po ioti di Yesus di nokorikot-no ioti sid kampong, tu kakali tiining ioti di boros om panarangan di Yesus. I sid tanga do ralan, kondiri di Yesus minozo sid dioti. Topot ong i nokorikot-no sid kampong, osusa-no ioti mongogorot di Yesus pendakod sid valai dioti. Intolu i Lukas mongimbulit dot, I Yesus sid dioti, ka. 29-30) dot tigogi, iningutan-no i Yesus sid valai dioti, tumimpuun-po i Yesus mamarakat om mamahagi di kakanan, otutunan-no dioti dot Yesus-no it ulun dino, i minozo-vozo dioti dino, dot notutunan-po, tinumanus-no i Yesus sid tinoguvangan dioti. Miuma-no dot i Yesus minongogiang di mato om ginavo dioti, supaya kabasa om kaharati ioti di Kitab sampai nokelang ioti di Yesus monginakan. Topot a-nokotudu ioti di Yesus. Sampai biano i Yesus mongingut di tokou sid poginakanan dau. Topot aso tinganan tokou tumudu om manansanganu di Yesus. Ong ioti, kodung iadino o pangalaman dioti sodop-no diri, inot adau di kinogulianan di Yesus, miniguli-no vagu ioti sid Yerusalim. Amu-no kopurimon ioti dot ohuzan ko malan om amu-no otuvangan do rondom. Turus miniguli kumaa sid Yerusalim, tu mangahabal di dioti do pangalaman sid kinoruhangan vokon. Noponu i ginavo do katamanan dot nogulian-no i Yesus, amu-no akadasan poromut koduruk sid ulun vokon ino katamanan dino. Tu ino-no o pogintutunan dot Yesus-neno, i gama di Yesus mamahagi di kakanan (35). I kosipan dioti sid di Yesus diri mad natanus-no. Aso-no harapan dioti hiza di miniupakat ioti muli sid kampong. Baiko it ongoboros di Yesus o kakali ahandaman dioti. Topot mad notori-no i hal di Yesus. Nakamanang-no it ongoimam om i hoturan do pomogunan, iri-no ko iri i Kaisar do Rom. Gam it ongoimam, nga nakasamba-no sid Rom om nokopomihot-no di hoturan do Rom. Navi-no i harapan. Aso-no guna, ka di ginavo dioti om minuli-no ioti sid kampong. Do tigogi, sino-no i Yesus minovozo sid tanga do ralan. Minomuvud-no ioti di sokoviai i kosusaan di ginavo dioti sid ombuvoi dino, sabap it ombuvoi minonginsosok banal di kosusaan di ginavo dioti. Na obebas-no ioti manarang di kopiduvaan om kahangkaban. Atalahas-no dot a-nokonong i kosipan dioti sid di Yesus om sid Kinoringan. Kotoluvan piitung dioti do minatai-no i Yesus om natanus-no i harapan sid Kinoringan. Minsanko i habal dit ongoondu dot aso-no sid lobong, nga tinuturan-no dioti sampai minamung dot ino dino bai boros dit aso guna. I harati, minsanko i suromo dot okosong i lobong, amu minongimbulai di kosipan dioti. Suvaiko i Yesus manarang di Kitab om mamahagi di kakanan, hiza di poginakanan dioti om ogiang-ogi i ginavo om kosipan dioti, tu i boros om i tanda di boros do Kinoringan di najadi-no do tanda do piniizaan, minsanko ino 103
kakanan dino okonko kakanan do Paska. Iri-ogi miniguli vagu ioti sid umpug di kinoruhangan, supaya ohigak om otomon i sokoviai, gima nogulian-no i Yesus. 24,36-53 Sid tanga do kinoruhangan i Yesus. Iadko tigogi, natanus-no i Yesus sid poginakanan sid Emaus (31), tigogi tisino-nod tanga di kinoruhangan sid Yerusalim i Yesus di sodop diri. Ino duvo mikoruhangan ioti Kleopas kakali-no mangahabal di pangalaman sid tanga do ralan om sid valai dioti, hiza do monginakan do tisino-no di Yesus, minsanko notombol-no i rongobon om gondila. Sompi kosunduvo i kinolingan om kinorikatan vagu di Yesus. I gama di Yesus manansalamat dioti poromut sid dioti di kopioondusan do Kinoringan. Topot ong i kinoruhangan ongotomuk-no rumosi, intaman ong hatod. Ong ulun Yunani minongitung dot kodung minatai-no it ulun, tantu i hatod dau muli sid surga, mamung sid Zeus, ino-no it ongokinoringan di dang Yunani. It intoronon dino sid timpak di burul Olymp (Antad-no sid burul dino o pongonuvon di pongoretan dot Olympia, ino sukan sompomogunan). Vokon-no ong ino hatod mimbulai om magandaha sid varis di minatai. Ong Momogun minongitung: Kotoluvan antad kinapatazan (sodop kotolu) muli i hatod sid sirang dau mindamo dot akanon, kakan-po lumombus-no mongolu (muli sid Nabalu i hatod). Ong i Lukas, tu ulun do Rom, tanid o kiniro dau, isuhut di kohorotizo dit ulun Rom. Ong varo kembulai do iadino, tantu bubuha ino di mongindorosi dot ongoulun, tu i minatai nosiliu-no do rogon. Ino dino okonko kiguvas, ko onsi om tulang. Baiko i Lukas o varo katarangan dot i Yesus minanarang sid dioti dot iosido kionsi om kitulang, kihakod om kipalad di kadapat mangavid. (Ong sid 1. Kor. 15,50 manarang i Paulus dot, it onsi om raha om guvas tokou amu kotungkus di karajaan do Kinoringan, ka). Mad tanid ino kavazao di nogulianan i Yesus, tu minsanko kipalad om hakod om tulang, nga kakali kadapat iosido sumuva sid ongkob, dot okonko sid rongobon o vazaan dau, ko kadapat tumanus sid valai dot ulun dot i mato do riniba amu kasasi do kuran (UR 1,9-11). I harati, ino guvas di Yesus diri amu miabal di guvas tokou riniba, nga kakali tanid mantadko i kiniro dit ugama do Yunani. Kakali kikalas sid hakod om palad di Yesus, inot ongotanda dot ino guvas dino nopokuan-no sid kazu do sangkap. Ino dino kavi manarang dot Yesus-noko Yesus iosido, it alaid-no sid tanga dioti. 40-43 Topot ino kinoruhangan diri kakali opiduvo o ginavo. Nokovidan-no i palad om hakod di Yesus, kakali dot amu kasip it a-ko piro ioti dino. Iti-no o sabap do pinemot i Yesus dioti di mangakan iosido do sada di tinunuvan. Sinod sada dino o kematan dioti do kuran i nipon di Yesus mongogop di sada dino. Sinod sada dino o kinotutunan dioti do banal-noko Yesus-neno do kiguvas om kinipon di mongogop do sada, do sid tanga-no dioti iosido, tu nogulian-no antad sid ulun minatai. (Sid tohudi, i tanda do sada najadi do pogintutunan dit ulun Kristian, hiza dot asampil, tu pogoson banal dot ongoporinta it ulun Kristian. Siombo-nopo i kigambal do sada, ohorotizan dit ulun Kristian do sino dino varo piumpugan om piniizaan dit ulun di mangasip sid di Yesus). 44-49 Iadko sid tanga do ralan kumaa sid Emaus, tinumimpuun-no vagu i Yesus manarang om posondot dit ongobahanda do Kitab sid dioti. Inonsi-no vagu di Yesus i vaza sid tanga do riniba, ino-no i kapagasan om kapatazan om i kogulianan dau om i tinomod, supaya kahabal sid ongobansa i vaza muli sid Kinoringan om i kaadaan do sala. I kinoruhangan o sasi dino kavi, ka di Yesus. Iri-ogi pentahan i Yesus di korikatan di Sundu dot Osusi ontok di kakali ioti sid Yerusalim, ino-no i kuasa antad sid savat (49). Antad sid Yerusalim lumombus i kososizan di kinoruhangan sid pentongkop do pomogunan, sid sokoviai it ongobansa, ong kodung notuluk i janji do Kinoringan (it Ama-ku, ka di Yesus). 24,50-53 I kinensavatan. It usul di Lukas diti, banalko onibak om apajak i tuturan dau. Sid UR 1,1-11 om atalahas-ogi dot antad dit adau di kinogulianan sampai i kinensavatan di Yesus varo't apat nopod tinadahan. Ong sid Injil diti, mad iseso ot adau o nokosurat, iadko a-osodiri it adau om sodop di sumuhut di kinogulianan di Yesus om i kinensavatan di Yesus. Ombo i nokosurat sid ayat 36-49, hal di najadi ontok di tanga sodop dit adau do Minggu di kinogulianan diri. I nousul sid ayat 50-53, amu otontuan do sera ino. Suvai sid UR om manarang-ogi i Lukas dot osodiri o gama do kumuro om sera ino kavi ino. Kotoluvan i kinoruhangan di Yesus agampang, tu aso sino i Yesus (antad di sodop sid Burul Zaitun sampai i sodop dit adau di kinogulianan). Iti-no o sabap do minangagazad-no vagu i Yesus dioti. Iri-ogi minamarakat-no i Yesus di kinoruhangan dau di humuntad diosido muli sid Ama. (Andaman tokou dot i Zakaria, ong kodung nosomungan dau i Jibrail, a-kobongut sampai amu kadapat mamarakat dit ongoulun di sid natad do panambayangan di mokibarakat. Iri-no antad di kinahabaran di kosinaan di Yahya i Minomodsu). Na i Yesus minamarakat di kinoruhangan dau om tinumanus-ogi iadko sid Emaus. Topot i kinoruhangan dau tumomon-no om noponu i ginavo dioti do mongindazou do Kinoringan do soumul-umul ioti sid panambayangan. Ong i gorija di gulu banal minongohondom di kinogulianan om kinensavatan di Yesus dot iri-no ko iri't adau kotolu antad di kinapatazan ( i Paska do Yahudi). Alaid om nosimbanan-ogi inot adau do kinensavatan sid kaapat nopod adau antad sid kinogulianan dino isuhut dit usul di Lukas sid UR 1,1-8. Ong mongimbulit tokou mongitung dit ensanan it Injil di Lukas, pengkaa dino, 1. Okonko arantang banal i tudukan di Lukas kananganko i Kristus. Vokon-no ong i Yesus nabi (13,33;7,16; 104
24,29). Vokon-no ong, i Minananggung ko i Mangagazad (2,11). Vokon-no ong, Anak do Kinoringan, (1,35 om 3,23-38), gima i kosunduvo di kinosinaan di Yesus. Vokon-no ong, Anak do Riniba (22,67-70), isuhut di bahanda di nabi Daniel om Yesaya. Varo tudukan di koulian sid Kinoringan (iadko i boros di Yahya F. 3,7) dot ino-no it iso-no o vazaan dot ulun muli sid Kinoringan om mamung sid karajaan do Kinoringan. Topot varo-po boros dot varo't ulun dot abanal sid tinoguvangon do Kinoringan (i Simun F. 2,25, ko sid UR 10 i Kornelius) om varo-po boros dot i sizam nopod om sizam it abanal dit niopung-no, tu bai it iso't ulun di kisala ot ihimon do Kinoringan (F. 15,1-32. Kuran-ka, amu osusa inot 99 muli sid Kinoringan? Sabap it anak do kotuaan dit a-nokedu sid valai dit ama dau, kakali amu minamung sid poginakanan dit ama dau). Kuran-ka it ongosuriban di manarang dot it ulun di mongitung dot abanal iosido, nga kakali amu kouli sid Kinoringan (7,40-47; 15,25-32; 18,9-14). 2. Ong monuduk i Yesus di karajaan do Kinoringan om i hal di kaadaan do sala om i hal do kapatazan om i koposizan penlaid, iri-no ko iri, tu boroson sid saralom do suriban. Amu atarang banal i gama di Yesus pasasi ong i kondiri dau. Ombo-ka it otopot ong okonko bai suriban? Sid Kitab Vagu i pongoretan dot i Kristus in-500 karait. Topot kondiri di Yesus, bai sid Markus 9,41 om Lukas 24,46 rontob mamakai. Varo't ulun vokon di minongohondom dot "Anak do Kinoringan" (Markus 14,61 om 15,39; Matius 16,16 om 27,43) Topot kondiri di Yesus bai minangarait dot "Ama" om "Anak". Ong minamakai i Yesus di pongoretan dot, "Anak do Riniba", ka, ino pongoretan dino amu-po apakai tantu iadko garal om pangkat, inoi nga bai vaza do mongohodtol do riniba banal ot oboros. I tokou, nga anganaki do riniba. Ko ong sid Kaling, ino pongoretan, "anak do riniba", ino-no o harati, it ulun dit aso't ama om idi, usan-usan, ulun dit banalko osian. 3. Iti-no o sabap dot aso tantu o panarangan di Lukas dot isai i Yesus om kuran i kosopulan dit ulun, di nokotombil sid di Yesus. Aso gama di Lukas mongonsi di tudukan om kosipan sid a-ko piro o panarangan om ayat, inoi nga minongusul iosido dit ongotuturan di Yesus om minongimbulit dit ongosuriban di Yesus, supaya it ongoulun di mamasa om mongining dit ongotuturan om suriban dino, kadapat kondiri monodiri om humarati dot isai i Yesus om nunu i katapatan do Kinoringan. Kondiri dot ulun, ontok di mamasa iosido dit Injil, o kopurimon do kuran i Yesus om i Kinoringan kumiboros om mongogiang di ginavo dot ulun, supaya kotutun it ulun dot isai i Yesus sampai mangasip sid di Yesus (iadko i Zakai ko i bolou sid Yeriko F. 19). Sid gama di Yesus mongumbasih dot ulun om i kapagasan om kapatazan dau, ino-no o vaza dau tumorima dit ulun dit retanko ulun kisala. Pengkaa dino i vaza dau tumorima dit Ongoparisi di minangamu di Yesus. Sid ongosuriban minongoromut iosido sid dioti di samod do Kinoringan dit aso kovian om it adau do kopongohukuman. Ino kavi dino tanda di kogozoo om kosivango di kavazao om kotulungan om kogunaan di Yesus bahagi dit ensanan i riniba. Baiko i Lukas o minongusul di kobuatano di Yesus di kakal-po anak, i kikobinsianan i Yesus sid bituanon om i kopotongo di tudukan dau sid Nasaret, ko i vokon do banalko atarang o gama di Yesus sino diri. 4. I Lukas misisingilo sid di Yesus dot aso tinganan manarang di kogozoo do Kinoringan tanid mantadko suribanon sid posondot do tuturan do kuran di Kinoringan minongimbulai di samod dau sid riniba sid saralom di gama di Yesus di sumamung di tasantanid-tanid ot ulun. Mongohodtol i Lukas dot sinod ulun, it antad sid Nasaret, Yesus o ngaran, inot ulun di nokosino hiza di Kaisar Augustus sid kampong do Baitlahim, i minatai sid palad di Pontius Pilatus nokembulai i vazaan do kosunduvo do Kinoringan do pemot di samod dau sid songriniba om posuntu di samod dino sid piumpugan dot ulun Kristian, ino-no i gorija di Kristus. Iti-no o sabap minomongo i Lukas mongusul di gama di Yesus, di nokolombus-no om otuluk sid gama dit ongorasul sampai sid di tokou ulun Kristian (UR 11,1-4). Ino tuturan di Yesus diri sid Injil di Lukas kakali amupo opongo, gam lumombus sid Usuran dit Ongorasul om pamung di tokou sid tuturan di kososizan di Habal do Kovosihan dino, sid Sabah om siombo-nopo varo't ulun di polombus di Tuturan di Tuhan Yesus.
105
RINGKASAN DARI PENERANGAN INJIL LUKAS. (I nisurat di Pendeta OttoDilger toun 1970 ontok bahagi dit ongotudukan sid ongopiumpugan diri) I. PENDAHULUAN =========== I 1. Penulis Namanya Lukas tidak pernah disebut dalam Injil itu, tidak pernah juga dalam buku keduanya, iaitu Kisah Para Rasul yang berasal dari penulis yang sama (Bdk Luk 1:1 dgn KR 1:1). Mungkin dia tidak mahu mengutamakan dirinya sendiri. Tetapi ada tradisi yang lama tentang seorang teman rasul Paulus, yang bernama Lukas, bahawa dialah penulis Injil itu serta Kisah Para Rasul. Tiga kali disebut namanya di surat- surat Paulus, iaitu Kol. 4:14, II Tim. 4:11 dan Filemon 24. Di dalam Kol.4:14 disebut juga pekerjaannya, iaitu Tabib, ahli perubatan. Dalam KR ada 4 bagian dimana Lukas menggunakan kata "kami", bukan "dia" atau "mereka". Bagian-bagian tersebut berbunyi seperti kutipan dari buku harian Lukas tentang hal-hal yang dilihatnya dengan matanya sendiri. Bagian-bagian ini adalah KR 16:10-17; 20:5-15; 21:1-18; 27:1-28;16. Kita boleh mengambil kesimpulan, bahawa Lukas itu bertemu dengan Rasul Paulus di Troas dan mengikuti dia ke Filipi. Nanti bertemu lagi dengan dia di Makedonia dan mengikuti dia ke Yerusalem. Perjalanan Paulus ke Roma sebagai seorang tawanan juga disaksikan oleh Lukas. Mungkin bahwa pengalaman-pengalaman yang disaksikannya dengan matanya sendiri mengakibatkan motivasi Lukas untuk menulis kedua bukunya. Mungkin juga bahwa dalam penyiapannya menulis Kisah Para Rasul dia menyedari keperluan untuk menyelidiki hal-hal dan peristiwa- peristiwa yang dia mahu menceritakan, bukan hanya tentang rasul-rasul, tetapi tentang Yesus sendiri. Lukas ini adalah seorang yang berpendidikan tinggi. Dia menguasa bahasa Yunani dengan baik. Halus bahasanya, tidak pernah kasar. I.2Pembaca-pembaca Injil Lukas. Lain daripada Matius, Markus dan Yahya (Yohanes) Lukas adalah seorang Yunani, bukan Yahudi. Dia menulis injilnya bagi orang Yunani dan orang Romawi. Dia tidak merahasiakan keturunan Yesus dari bangsa Yahudi. Didalam fasal 1 dan 2 dia dengan sengaja menggambarkan latar belakangnya Yesus yang memang Yahudi (Bdk Zakharia dan Elisabet, nyanyian- nyanyian dari Mariam , Zakharia, Simeon dan Hana dll). Mungkin dia ikut gaya tulisan perjanjian lama dengan maksud mengadakan persambungan injilnya dengan Alkitab perjanjian lama ( Bdk data-data tentang raja-raja Luk.1:5; 2:1+2; 3: 1+2 dengan Yes.6:1; Yer.1:1+2, Amos 1:1 dll). Tetapi dia tidak begitu menggambarkan Yesus sebagai Mesias orang Yahudi; itu suatu pengertian yang cukup asing bagi orang- orang Yunani. Dia menegaskan bahawa Yesus sudah datang sebagai Juruselamat bagi semua orang di dunia bagi semua orang di dunia ini dan sebagai Anak Tuhan Allah. (Bdk silsilah Yesus dalam Injil Matius 1:1-17 dengan Lukas 3:23- 38). I.3Mengapa keempat injil ? Lukas bilang (berkata) bahawa banyak orang telah berusaha menyusun suatu berita tentang Yesus. Bagian-bagian dari injil Markus dan dari Injil Matius sudah ada padanya, walaupun injil-injil (Mat, Mark dan Luk) itu pada seluruhnya belum ada. Oleh sebab itu ada banyak persamaan diantara injil-injil tersebut. Seringkali bunyinya memang sama atau hampir sama. Tetapi ada juga banyak ciri khas injil Lukas. Dia menceritakan banyak perumpamaan yang tidak diketahui oleh injil-injil lain. Hanya Lukas menulis tentang peristiwa di Yerusalem pada waktu Yesus berumur 12 tahun, (2:41-52) dan peristiwa di Emaus (24:13-35; Markus 16:12+13 harus dianggap sebagai kutipan dari Lukas yang ditambah nanti) Itu semua mungkin ada hasilnya dari penyelidikan yang seksama (1:3), tetapi kita boleh melihat didalamnya minat Lukas menggambarkan Yesus sebagai Juruselamat bagi semua manusia. I.4 Maknanya perbedaan Injil-injil Kita tidak perlu menjadi ragu-ragu atas perbedaan diantara empat injil yang ada dalam Alkitab perjanjian Baru. Kalau empat orang menyaksikan suatu peristiwa dan pada hari kemudian keempatnya diminta untuk menceriterakan peristiwa itu, pasti ada perbedaan. Tidak semua orang melihat semuanya yang telah terjadi, dan tidak mengingat semuanya. Setiap orang akan menceriterakan apa yang dia telah mengerti dan apa yang dia menganggap penting. Kita boleh bergembira bahwa kita mempunyai empat saksi (sebenarnya jauh lebih banyak, jikalau kita memikirkan orang-orang yang diwawancarakan oleh Lukas. Halnya penginjil-penginjil yang lain pasti sama keadaannya). Mengenai dasarnya khabar Baik itu, keempat saksi itu saling menyetujui. Kita tidak perlu merasa hairan, bahawa setiap injil punya kecenderungan atau minat tersendiri, sebab kecenderungannya itu sesuai dengan pengertian penulis dan dengan tugasnya yang tersendiri juga. Ciri khas setiap Injil dipengaruhi juga oleh pengalaman rohani dan kemampuan untuk merenungkan keadaan itu. Tidak boleh memunculkan kesangsian kita, melainkan keadaan ini memperkayakan kita dan membuka pintu untuk kita, agar supaya kita juga dapat bertumbuh dalam pengertian kita sendiri. Perbedaan-perbedaan injil yang memang ada membebaskan kita juga sehingga kita tidak perlu melekat pada setiap kata, yang kita bertemu 106
dalam salah satu injil walaupun kita belum dapat mengertinya dan menerimanya pada waktu kini. Barangkali pada hari kemudian hal yang sedang sulit dimengerti akan menjadi terang dan jelas sedikit demi sedikit dengan bertambahnya pengalaman rohani kita. Jangan kita lupa bersyukur kepada Tuhan atas kekayaan yang telah diletakkannya ke dalam keempat injil itu. I.5 Kapan Injil Lukas ditulis ? Telah dikatakan bahawa sebahagian besar dari Injil Matius dan injil Markus sudah ada pada tangannya Lukas, walaupun rupanya atau bunyinya yang terakhir belum ada. Dari kenyataan itu kita mengambil kesimpulan bahwa keduanya penginjil itu telah menulis lebih dahulu daripada Lukas. Fasal KR.28 menceritakan kedatangan Paulus ke Roma pada waktu itu Kaisar (= maharaja) Nero sudah berkuasa di kerajaan Roma yang sangat luas. Kita tahu dari para ahli ilmu sejarah Romawi bahawa pada tahun 64 TM Nero telah membakar seluruhnya bandar Roma agar supaya dia dapat membangunya kembali dengan lebih mewah. Untuk menghindari kemarahan rakyat, dia menyebarkan desas-desus bahawa orang kristian telah membakarkan bandar Roma. Dengan demikian dia mengarahkan kemarahan rakyat kepada jemaat kristian di Roma dan banyak orang kristian memang terbunuh pada waktu itu. Mungkin rasul Paulus juga terbunuh dalam peristiwa itu. Pada hari kemudian kebenaran memang muncul dan jemaat kristian dilepaskan dari tuduhan palsu itu. Tetapi suatu perasaan curiga masih lama berlaku. Lukas tidak menceritakan peristiwa itu, walaupun tidak mungkin bahawa hal ini tidak diketahuinya. Kenyataan ini sesuai dengan minatnya mengkhabarkan Injil kepada orang-orang Romawi. Dia tidak mahu mengakhiri Kisah Para Rasul itu dengan bencana itu yang memang berasal daripada seorang yang sama sekali bukan kristian. Dia mahu menggambarkan jemaat kristian secara sempurna mungkin dalam suatu suasana yang dapat memberi harapan. Oleh sebab itu dia mengakhiri KR dengan kedatangan Paulus di Roma. Ada lagi peristiwa yang tidak begitu menyenangkan untuk orang-orang Romawi, iaitu kerusakan bandar Yerusalem pada tahun 70 TM. Peristiwa tersebut diceritakan oleh seorang ahli sejarah Romawi yang bernama Yosefus. Lukas tidak menceritakannya kerna dia tahu bahwa pembaca-pembaca buku-bukunya sama sekali tidak suka pada peristiwa-peristiwa seperti itu. Dia tidak mahu menakutkan mereka. Tetapi pemberitahuan Yesus tentang kerusakan bandar Yerusalem (Luk.21:20-24) dan kerusakan Bait Allah (Luk.21:5+6) dan juga perumpamaan tentang penggarap- penggarap kebun anggur (Luk.20:9-16) menunjukkan bahawa Lukas sudah tahu tentang kerusakan Yerusalem itu. Boleh dikatakan bahwa Lukas pada umumnya tidak mahu menceritakan tentang suasana rakyat Yahudi pada waktu Yesus yang memang cukup gelisah. Sebahagian besar rakyat Yahudi sangat membenci orang-orang Romawi, yang adalah penjajahnya. Ada kelompok-kelompok kecil yang disebut orang-orang Zelot yang sudah mulai pada waktu Yesus menderhaka pemerintahan Roma. Keduanya orang yang disalibkan bersama Yesus adalah anggota dari kelompok-kelompok tersebut. Tetapi seorang murid Yesus berasal juga dari kelompok Zelot itu (Luk.6:15) Di pihak lain Lewi yang dipanggil juga oleh Yesus adalah seorang pemungut cukai, yang dianggap sebagai penyokong pemerintah Roma. ihat Luk.5:27-32). Kita boleh mengambil kesimpulan bukan hanya dari injil Lukas, tetapi dari keseluruhan Alkitab Perjanjian Baru, bahawa Yesus memang tahu tentang keadaan masyarakat Yahudi. Tetapi dia tidak ikutserta merasa kebencian itu. Dia tahu sesuatu yang memang jauh lebih penting. Dia membawa sesuatu dan mengerjakan sesuatu yang mengalahkan semua tujuan-tujuan manusiawi. Dia tahu juga bahwa kepercayaan dan ketaatan kepada Allah Bapanya di Sorga akan mengarahkan "kaki kita kepada jalan damai sejahtera" (Luk.1:79), terlepas dari keyakinan politik seseorang (Bdk juga nyanyian pujian Mariam Luk.1:46-56). Lukas telah mengerti khabarnya Yesus itu, dan oleh sebab itu dia tidak mementingkan begitu keadaan politik masyarakat umum. Dia merasa bebas untuk melewati unsur-unsur yang mungkin menggelisahkan pembaca-pembacanya. Hanya jejak-jejak kecil masih dapat dilihat. Tetapi justru jejak-jejak itu dapat membantu kita untuk mengerti khabarnya Yesus dengan lebih terperinci (misalnya khotbah Yesus di Nasaret Luk.4:16-30). Kita mengambil kesimpulan: Lukas menulis injilnya setelah bandar Roma terbakar dan ada kemungkinan besar bahwa Yerusalem sudah runtuh pada waktu itu, iaitu sekitar pada tahun 80an. I.6 Caranya Lukas menyusun injilnya Pada umumnya Lukas ikut contoh yang ada padanya, iaitu Injil Markus: Yesus mulai pekerjaannya di Galilea Markus 1-9 Lukas 4-9:50 Yesus pergi naik ke Yerusalem Markus 10 Lukas 9:51-19:27 Yesus mengajar di Yerusalem Markus 11-13 Lukas 19:28-21 Yesus menderita, mati dan bangkit Markus 14-16 Lukas 22-24 Dengan demikian Lukas memberi gambaran bahwa Yesus bekerja hanya satu tahun saja, sepadan dengan injil Markus dan Matius. (dalam injil Yohanes/Yahya Yesus bekerja tiga tahun). Tetapi injil Lukas ditambahi dengan berita tentang kelahiran Yesus (dan Yohanes Pembaptis) dan tentang 107
Yesus pada umur dua belas tahun (Lukas 1+2), iaitu suatu penyusunan yang cukup mengagumkan. Lukas memperbedakan juga diantara bahagian-bahagian injilnya dengan lebih jelas daripada Markus: Di Galilea Yesus dan murid-muridnya masih senang dan berhasil menarik hati orang- orang. Dalam perjalanan ke Yerusalem Yesus mengemukakan pelbagai persoalan yang memang asasi: Kerahiman Allah (10), hal berdoa (11) soal kekayaan (13), soal kegagalan dan penghasilan (14), soal kehilangan (15), soal kejujuran (16), kedatangan kerajaan Allah (17), lagi pula hal berdoa dan sikap berdoa (18), dan lagi pula soal kekayaan (19). Disitu kita mendapat banyak perumpamaan yang sangat penting. Diskusi-diskusi dan pertengkaran di Yerusalem berpusat pada hal yang penting juga: Yesus dan Bait Allah (19), kekuasaan Yesus (20) soal cukai (20), soal kebangkitan orang mati (20), hal persembahan (21) pengakhiran Yerusalem dan zaman ini pada umumnya (21). Bahagian terakhir injil lukas sesuai dengan injil-injil yang lain, termasuk injil Yohanes/Yahya. Memang berita-berita disini dipertambahi dengan informasi-informasi yang hanya terdapat di Injil Lukas. II. Bahagian pertama : Kedatangan Yesus, Anak Allah serta pelopornya Yohanes Pembaptis. (Fasal3) Dalam bahagian pertama itu kita melihat beberapa maksud Lukas yang dia mau mencapai sekaligus: -Dia meletakkan dasar untuk Injilnya pada seluruhnya: kedatangan Yesus sebagai Anak Allah untuk semua bangsa. (Lukas 1: 32+33; 2:30-32 dll). -Dia menjelaskan latar belakang Yahudi Yesus : Zakharia adalah imam Yahudi, Yesus disebut Mesias, tetapi dia adalah penyataan bagi bangsa-bangsa lain (Lukas 2:26,30). -Lukas rupanya ingin mengadakan sambungan yang kuat dengan Alkitab Perjanjian lama melalui kutipan-kutipan dari nabi- nabi, dan juga dengan gaya menulis : Nanyian Mariam dan Zakharia dan Simeon memberi ingat kepada mazmur-mazmur. -Lukas menerang bahwa semua janji Allah mengenai Mesias yang telah diberikan kepada Abraham, Daud dan nabi-nabi telah digenapi dalam Yesus. Tetapi caranya Lukas memang halus, agar supaya orang-orang yang bukan Yahudi jangan menjadi enggan, cara yang dapat dimengerti oleh mereka. Ingatlah : Cerita-cerita yang dikumpulkan dalam bahagian pertama itu hampir semua sejajar satu dengan yang lain, tetapi selalu ada kelebihan makna mengenai Yesus daripada makna mengenai Yohanes Pembaptis: Yohanes Yesus Pemberitahuan kelahiran 1:5-25 Kelahiran 1:57+58 Sunat dan penentuan nama 1:59-64 Pujian Tuhan atas anak itu dan janji tentangnya 1:67-79 Anak itu dibesarkan 1:80
1:26-38 2:1-20 2:21-24 2:25-39 2:40(+41-51)+52
II.1Pemberitahuan tentang kelahiran Yohanes Pembaptis 1:5-25 -Jabatan iman di bangsa Israel diturunkan dari ayah ke anak, sesuai dengan Alkitab Taurat (lihat keluaran 28 dll). Oleh sebab itu keadaan mandul dianggap berat. Di bangsa Israel pada umumnya berkembang biakan adalah kewajiban penting, karena mereka selalu mengharapkan kedatangan Mesias. Untuk seorang imam lebih berat lagi kalau mandul. Tidak hanya keluarganya yang tidak diteruskan, tetapi juga jabatannya. -Nama Yohanes (Yahya) ada ertinya: Tuhan merahmati. -Ada janji bahwa Yohanes itu akan menjadi seorang nazir, iaitu orang yang diperlainkan daripada orang biasa. Hal seperti ini ada juga di agama-agama lain. -Zakharia tidak mahu percaya. Dia kena menjadi bisu; tetapi hukum ini bererti juga bukti atas kebenaran janji, anugerah Allah dalam bentuk hukum. Sering terjadi sampai sekarang. Tujuan khotbah: Jangan berhenti berdoa ! Jangan menyangsikan janji Tuhan. II.2 Pemberitahuan tentang kelahiran Yesus. -26-33 Maria adalah gadis muda yang telah bertunangan dengan Yusuf. Dengan demikian anak itu akan mempunyai ayah manusiawi juga, seorang bapa tiri keturunan Daud. -34-37 Maria itu percaya. Dia hanya menanyakan caranya Tuhan. Kata-kata Jibrail menjelaskan bahwa Maria tidak akan mengandung melalui persetubuhan biasa, melainkan melalui kuasa Tuhan Pencipta. Kalau dia mau menciptakan sesuatu yang baru, dia hanya perlu mengatakannya. Penaungan itu menunjukkan anugerah dan maksud khusus terhadap Mariam. Ayat yang paling penting : Bagi Allah tidak ada yang mustahil. Tujuan Khotbah: Janji atau tugas dari Tuhan sering dapat menimbulkan kesulitan pada orang yang ditugaskan. Jangan kita menolak. Kita boleh memohon pertolonganNya serta penjelasanNya. Nanti kita percaya dengan penuh. Selingan: Markus rupanya tidak tahu tentang kelahiranNya Yesus dari seorang dara atau perawan. Paulus 108
tidak juga (Lih.Markus 1:11; Roma 1:3+4 dll) Ada beberapa ahli teologia penerangan Alkitab yang berpendapat bahwa khabar tentang kelahiran Yesus sebegitu memang hasil dari penelitiannya (1:3), tetapi bahwa informasi itu berasal dari suatu perbandingan dengan hikayat pendewaan di agama-agama lain dimana kelahiran dari seorang perawan dianggap sangat penting. Orang yang mengadakan perbandingan itu memang yakin bahwa agama kristian tidak ada kurangnya daripada agama- agama lain. Di Yes.7:14 disebut "seorang perempuan muda". Tiada informasi apakah perempuan muda itu sudah berkhawin atau belum. Tetapi istilah "seorang perempuan muda" dalam bahasa Ibrani diterjemahkan kepada bahasa Yunani dengan istilah "perthenos" yang memang bererti "seorang perawan" Itu terjadi jauh sebelum Yesus lahir. Silsilah Yesus, baik di Injil Lukas maupun di Injil Matius jatuh pada Yusuf, bukan pada Maria. Kesimpulan: Jikalau barangsiapa tidak bersetujuh dengan Lukas 1+2, dia boleh bersaksi kepada Markus dan Paulus. Barangkali pada hari kemudian dia dapat melihat bahwa mujizat kedatangan Yesus sama besar di Injil Lukas dan di injil Markus atau di dalam kepercayaan Paulus. Tetapi ada sesuatu yang tidak boleh dilewati: gereja Roman Katolik dan gereja Ortodox juga sudah dapat kekeliruan besar, bertolak dari cerita kelahiran Yesus. Mereka berpendapat bahwa persetubuhan biasa adalah sesuatu yang jahat yang kotor, yang harus dianggap sebagai dosa. Mereka menahankan pendapat bahwa Maria, setelah melahirkan seorang anak, masih perawan dan tidak melahirkan lagi. Ibunya yang bernama Anna (dalam tradisi Katolik, bukan dalam Alkitab) sama keadaannya. Mereka melarang pendeta Katolik untuk berkahwin. Padahal kemampuan untuk memperanakkan adalah pemberian Allah yang paling baik, dari segi badani dan dari segi kejiwaan juga. Memang ada banyak kejahatan berhubungan dengan sex. Tetapi sangat benar suatu peribahasa/pepatah latin: Jikalau seseorang menyalahgunakan sesuatu, itu tidak bererti bahawa kita harus melarang mempergunakannya dengan baik. II.3 Maria dan Elisabet (1:39-45) dan nyanyian Mariam (1:40-56) - 39 + 40 seketika Maria sedar akan kehamilannya, dia berada dalam situasi yang sulit, sudah mulai desas-desus orang-orang di Nazaret. Tetapi dia tidak dapat mengumumkan mukjizat yang telah terjadi kepadanya. Oleh sebab itu dia pergi ke saudari sepupunya, dia sudah tahu tentang keadaannya. - 41-45 Mereka berdua tidak mengeluh, tetapi bergembira. Itulah jawabnya atas melonjaknya anak yang dirahim Elisabet, Elisabet memuja Maria kerana berkat Tuhan kepadanya dan kerana kepercayaannya. Lalu Mariam memuji Tuhan. - 46-48 Ingatlah: Dia mulai dengan menggunakan kata "aku" Nanti dia melupakan dirinya sendiri dan memuji Tuhan kerana perbuatannya kepada orang-orang yang rendah. Dia melihat jauh ke depan, apa yang akan terjadi di dalam nama Yesus. - 49-53 Dimaksudkannya semua orang yang tertindas, bukan hanya orang Yahudi. - 54+55 itu memang sesuai dengan janji Tuhan kepada Abraham (Kej.12:3). Dengan demikian bangsa Israel tertolong juga. Tujuan Khotbah: Bilamana kita berteman dengan saudara- saudara seiman, baik kalau kita jangan mengeluh, melainkan saling menolong mencari sebab untuk memuji Tuhan. Pasti selalu ada. II.4 Kelahiran Yohanes Pembaptis (1:56-66) dan Nyanyian Zakharia. - 57-66 Cerita ini tidak perlu penerangan. Cukup jelas bahwa Zakharia telah menggunakan waktu kebisuannya untuk merenungkan kata-katanya malaikat Zibrail, kata-kata pujiannya mengalir dari mulutnya seperti air sungai yang sudah lama tertimbun. - 67-79 Zakharia sedar bahwa kelahiran anaknya Yohanes itu merupakan hanya permulaan dari sesuatu yang lebih besar dan lebih penting. Dua kali dia menamakan peristiwa itu dengan istilah lawatan (68+78). Sudah lama Tuhan menyampaikan khabar, perintah, peringatan dll. Sekarang ini dia datang sendiri. Itu memang seperti matahari timbul setelah malam yang panjang dan gelap berlalu (78+79). Zakharia tahu juga bahwa "sinar dari tempat yang tinggi" mahu" mengarahkan kaki kita kepada jalan damai sejahtera" Tidak ada harapan lain daripada itu untuk mendatangkan perubahan dunia ini yang kacau. Tujuan khotbah : Kadang-kadang ada waktu dimana kita dihentikan dalam pekerjaan alam dalam kehidupan biasa. Baik, kalau kita merenungkan keselamatan kita yang kekal yang sudah dimulaiNya dan kalau membiarkan Dia mengarahkan hidup kita ke jalan damai sejahtera. II.5 Kelahiran Yesus (2:1-7) - 1+2 Disitu menentukan Lukas waktu peristiwa ini. Yesus adalah seorang individu berwujud. Dia benar-benar lahir. Itu tidak hanya dongeng atau terkaan. Jelas juga, bahawa kaisar Augustus serta Kirenius memikirkan kuasanya dan kewangannya (banci !). Mereka sama sekali tidak sedar bahawa mereka hanya alat atau hamba Tuhan dalam pekerjaannya mendatangkan keselamatan manusia. Yusuf dan Maria harus pergi ke Betlehem, walaupun Maria sudah dekat masanya untuk bersalin. Itu semua terjadi, supaya digenapi janji Tuhan melalui nabi Mikha (5:1). Betlehem itu terletak di suatu lerengan bukit yang penuh dengan banyak batu karang. Menurut tradisi "rumah penginapan" mereka adalah suatu gua di dalam sebatu karang itu. Ada banyak gua disitu yang digunakan juga oleh gembala- gembala untuk menumpangkan dombanya pada bulan-bulan yang dingin: sebab banyak orang bertemu di Betlehem untuk didaftarkan dalam banci itu, ada kemungkinan besar juga bahwa Maria dan Yusuf menginap di dalam gua ini. 109
Sekarang ada gereja Besar diatas gua tersebut. Tujuan Khotbah :
Orang-orang politik harus dengan tak sedar dan tak sengaja turut serta, supaya tujuan Tuhan dicapai. Tetapi orang-orang kecil seperti Maria dan Yusuf mengalami juga susah payah. Namun semuanya itu tidak penting lagi di-bandingkan dengan keselamatan manusia.
II.6 Gembala-gembala dan malaikat-malaikat (1:8-20) - 8 Kaum gembala pada waktu itu adalah orang yang sangat dihinakan. Tindaklaku mereka dicurigai kerana sulit untuk diperamat-amati, mereka jauh dari orang lain. Mereka sendiri tidak mahu bergaul dengan orang lain kerana dihina. 9-12 Justru mereka diberitahukan tentang kelahiran Yesus lebih dahulu daripada siapa saja. Jelasnya mereka takut. Tetapi malaikat menenteramkan mereka. Ketakutan mereka menjelma menjadi kehairan-hairanan. "Kesukaan besar" tersebut dimaksud "untuk seluruh bangsa". Tetapi malaikat perlu menegaskan juga "kepadamu" dan "bagimu". Sebab apa yang berlaku bagi seluruh bangsa, biasanya tidak berlaku untuk kaum gembala, menurut pengalamannya. Namun tanda-tanda yang ditujukan malikat memang dari dunia kemiskinan; terbaring didalam sebuah palungan, dibungkus dengan lampin. Juruselamat telah menjadi bayi yang miskin. 13+14 akhirnya, supaya hati para gembala itu betul-betul digerakkan oleh keajaiban yang dikhabarkan itu, tiba-tiba muncul sepasukan malaikat yang memuji-muji Tuhan menyanyi: "Termulialah Allah yang mahatinggi dan sejahteralah manusia yang diperkenankannya". Disitu kita dapat melihat untuk sebentar saja keadaan di sorga, dihadapan Tuhan Allah. Keadaan itu memang selalu berada, hanya tidak kelihatan. -15-20 Gembala-gembala tidak perlu galakan lagi. Mereka pergi ke Betlehem dan berjumpa dengan Maria dan Yusuf dan bayi itu, terbaring dalam sebuah palungan, seperti dikatakan malaikat. Kepercayaan mereka sudah menjadi keyakinan, bahawa bayi itu, walaupun kecil, benar-benar adalah Juruselamat dunia. Oleh sebab itu mereka pergi untuk menyebarkan perubahan besar itu yang telah dialami mereka, dengan memuji Tuhan. Tujuan khotbah: Siapa saja yang telah mendapat khabar Baik dari Allah layak untuk menyebarkannya kepada orang lain, bahkan orang-orang rendah yang dihina. Jangan kita menganggap diri kita sendiri sebagai orang yang tidak pandai. Boleh dikatakan; kalau situasi kaum Momogun sekarang ini dibandingkan dengan situasi sebelum didatangi khabar Baik Allah, betapa jauh perbedaan. II.7 Yesus disunat dan diserahkan kepada Tuhan (Luk 2:21-24). 24- Yusuf adalah orang yang menuruti dengan teliti ketiga upacara agama Yahudi untuk kelahiran anak laki-laki yang sulung. Sunat itu dilakukan sebagai tanda ketaatan kepada Tuhan (lihat Kej.17:1-14) sekaligus anak diberikan nama. Nama Yesus bererti. "Tuhan adalah penolong" atau "Tuhan adalah penyelamat". 22- Waktu pentahiran, iaitu waktu penyuciannya Maria. Menurut agama Yahudi seorang ibu yang telah melahirkan anak lelaki dianggap sebagai tidak bersih dari segi agama. Tugapuluh tiga hari selepas dari hari ketujuh itu dia perlu mengadakan mandi yang khas, membasuh bajunya dan menyembah korban di Bait Allah untuk menyuci dirinya sendiri (lihat Imamat 12:1-8). Setiap anak lelaki yang sulung adalah dengan sendirinya milik Tuhan. Inilah suatu peringatan akan masa dimana Tuhan menyelamatkan orang-orang Israel dari perhambaan di Mesir. Apabila anak sulung itu sudah berumur satu bulan, dia dapat dibeli kembali dengan korban. Nanti dialah milik Tuhan yang dipercayakan kepada orang tuannya. (Lihat Kel.13:2; 11-15) - Yusuf mengikuti semua ini dengan seksama. Selingan tentang sunat dan baptisan. Tujuan khotbah juga. Kita orang kristian tidak lagi menyunatkan anak-anak lelaki kita pada hari kedelapan setelah lahir. Mengapa tidak ? Rasul Paulus telah menerangkan bahawa sunat tersebut tidak lagi berfungsi sebagai tanda ketaatan kepada Tuhan, melainkan sudah menjadi sesuatu dengan mana orang-orang Yahudi memegahkan dirinya sendiri terhadap bangsa-bangsa lain (Lihat Gal. pada seluruhnya; Fil.3:2-11) Penyunatan sebagai pemegahan diri memang sangat berlawan dengan kepercayaan penuh kepada Kristus. Kita orang kristian sudah punya tanda lain sebagai suatu gantinya sunat, iaitu adalah baptisan. Tanda ini dilakukan bukan hanya pada orang-orang laki-laki, tetapi pada semua orang kristian, baik lelaki maupun perempuan. Tanda ini tidak lagi terbatas pada orang yang berketurunan Yahudi, tetapi diberikan kepada semua bangsa. Keduanya tanda ini bersifat janji atau persetujuan. Tetapi baptisan itu punya makna yang jauh lebih besar daripada sunat. Penyunatan adalah perbuatan yang dituntut Allah dari manusia, "dari pihakmu" (Kej 17:9) sebagai tanda ketaatanya kepada Tuhan. Dalam baptisan di satu pihak Allah sendiri menjanji untuk mengampuni segala dosanya seseorang yang dibaptis dan untuk mengangkatnya sebagai anaknya, dipihak lain orang yang dibaptis itu mempercayakan dirinya sendiri sepenuhnya kepada tangan Tuhan Allah. Baptisan itu adalah janji yang tidak hanya dituntut dari seseorang, tetapi yang diberikan kepadanya. Baptisan kanak-kanak sudah lama sangat ditentang. Ada orang- orang yang berpendapat bahawa seorang bayi atau anak kecil belum mengerti janji itu. Oleh sebab itu mereka menuntut bahawa baptisan kanak-kanak dihentikan. Tetapi mereka sama sekali melupakan janji dari pihak Allah yang memang lebih penting daripada janji manusia yang seringkali tidak ditepati. Gereja purba memang melakukan baptisan kanak-kanak (Lihat KR 16:33 dll). Siapa yang mahu dibaptis berani meninggalkan anaknya dalam tangan kuasa-kuasa yang tidak baik?
110
Membataskan Baptisan kepada orang dewasa saja bererti menyamakan baptisan dengan sunat. Orang-orang akan memegahkan diri atas baptisannya pada masa dewasa. Tetapi sunat itu dari permulaan gereja ditolak, justru atas sebab itu. Baptisan boleh dibandingkan dengan sejumlah wang atau modal yang ditaruh atas nama seorang anak didalam bank atau didalam tangan ayahnya, supaya dapat digunakan oleh anak itu seketika dia dewasa. Celakalah bapa yang tidak memberitahukannya kepada anaknya. Kalau anak itu tidak mahu menggunakanya, modal itu memang tidak dibatalkan. Tuhan setia untuk tunggu. ("Jika kita tidak setia, dia tetap setia, kerana dia tidak dapat menyangkal darinya" II Tim.2:13). II.8 Simeon dan Hana Lukas 2:25-40 25+36.37 Disini kita bertemu dengan dua orang yang sudah lanjut umurnya. Dari segi ekonomi keduanya tidak berguna lagi. Tidak lagi dapat bekerja, bahkan berjalan-jalan di Kota sudah lama tidak lagi berkenaan dengan Hana itu. Tetapi di hadapan Tuhan masih berguna orang-orang yang sudah lanjut umurnya. Simeon menantikan penghiburan Israel dan Hana itu siang malam beribadah, dengan berpuasa dan berdoa. Mereka kedua-duanya menantikan kedatangan Juruselamat atau Mesias (kata orang Yahudi yang bererti "Dia yang diurapi Allah"). Mereka sehari-hari menghamparkan kesusahan dan kesulitan bangsa Israel di hadapan Tuhan, kerana meraka tahu bahawa Tuhan akan menolong (bandingkan namanya Yesus). Seketika mereka berjumpa dengan bayi Yesus itu, mereka bergembira dan memuji Tuhan. Hanya bayi kelihatan, tetapi mereka yakin: Keselamatan sudah mulai(sudah) tiba. Simeon juga diberikan satu ramalan kepada Maria. Dia menilik bahawa keselamatan itu akan menimbulkan juga dukacita. Tak mungkin tak ada. Tetapi Juruselamat akan menang. "Dia menjadi penyataan bagi bangsa-bangsa lain" Tujuan khotbah:
Banyak orang yang telah lanjut umurnya merasa tidak berguna lagi dan takut menjadi beban bagi keluarganya. Tetapi mereka masih berguna dihadapan Tuhan. Mereka tidak sesibuk orang-orang muda, melainkan punya masa untuk berdoa. Mereka tidak cepat merasa kecewa seperti orang-orang muda, kerana dapat melihat hal-hal dalam rangka panjang. Mereka jangan membisu saja, melainkan bertugas menggunakan masa dan pengalamannya.
II.9 Yesus pada umur dua belas tahun dalam Bait Allah, Luk 2:41-52 - 41+42 Cerita ini memberi lagi gambaran latar belakang Yahudi Yesus. Orang-orang lelaki Yahudi berwajib turut serta hari-hari raya di Yerusalem, kalau sudah berumur dua belas tahun dan lebih. (Lihat Kel 34:18-24). Itu sudah menjadi contoh bahagi kewajiban orang Muslim, untuk fardu haji sekali dalam hidupnya. Tetapi kerana dekat dengan Yerusalem, orang-orang Yahudi wajib setiap tahun tiga kali. - 43-50 Sekaligus cerita ini menjelaskan hubungan khusus Yesus dengan Bapanya di Sorga. Yesus masih budak, tetapi dia sudah sedar akan hubungan khusus itu, yang menampakkan diri dalam kecerdasan anak Yesus. Maria dan Yusuf memang cemas mencari anaknya. Maria rupanya sudah melupakan kata-katanya Simeon. Tujuan khotbah:
Kita orang-orang kristian tidak punya kewajiban untuk pergi ke Yerusalem atau ke mana-mana, hanya wajib turut serta kebaktian minggu, kalau tidak ada halangan besar. Banyak orang kristian sudah melupakan kewajiban ini dengan ringan. Sangat sayang, kerana kebaktian-kebaktian dapat menumbuhkan hubungan kita dengan Bapa di Sorga.
II.10 Yohanes Pembaptis Luk.3:1-20 - 1+2 Disini Lukas sekali lagi menentukan waktu kejadian peristiwa yang dia mahu ceritakan. Kaisar Augustus telah diganti dan gantinya Kaisar Tiberias sudah berkuasa lima belas tahun lamanya. Tahun yang ditunjukkan Lukas adalah tahun 26, menurut kebiasan internasional menghitung tahun- tahun, bukan tahun 30TM, kerana terjadi beberapa kekeliruan pada waktu permulaan kebiasan internasional itu. Tidak dapat dikoreksikan lagi dan tidak usaha (perlu)juga. - 3-14 Pada tahun ini Yohanes memulai pekerjaannya iaitu berkhotbah di daerah Yarden. Perkataan (tuturannya) Lukas sesuai dengan perkataan (tuturan) Markus dan Matius, hanya lebih terperinci Khotbah Yohanes, kerana khotbah itu dikenakan pada berbagai kaum propesional seperti para pemungut cukai atau perajurit. Yang penting disini, iaitu kenyataan bahawa Yohanes sama sekali tidak melarang bekerja sebagai pegawai pemerintahan Roma, walaupun pemerintahan itu beragama lain. Dia tidak melarang bekerja sebagai perajurit, walaupun perajurit pegang senjata. Yohanes tahu bahawa setiap Kaum pekerja punya aturan yang baik. Hanya dengan tidak mematuhi aturan itu orang dapat menimbulkan dosa. Kesimpulan: Tuhan tidak senang dengan cara berfikir orang- orang Yahudi yang eksklusif dan sombong terhadap bangsa- bangsa lain atau agama lain. Tuhan mencari perbuatan-perbuatan yang sesuai dengan belas kasihan dirinya sendiri sebagai buah. "Setiap pohon yang tidak menghasilkan buah yang baik, akan ditebang." - 15-17 Terhadap harapan banyak orang bahawa Yohanes adalah Mesias, dia menjelaskan bahawa dia hanya pelopor. Keputusan atas tujuan seseorang letak pada dia yang datang kemudian daripadanya. 111
- 18-20 Yohanes Pembaptis memang sangat berani. Dia tidak takut menuduh raja dan mengaku mati atas sebab itu. Herodis (Lihat Mat.14:1-12 dan lihat pujian Yesus terhadap Yohanes Pembaptis.Mat.11:7-13. Tujuan Khotbah:
Yohanes pembaptis adalah contoh yang mahu menunjuk jalan yang lurus, sesuai dengan suruh Tuhan. Kita boleh belajar daripada dia bagaimana kita dapat mengenakan suatu suruh dasar kepada pelbagai situasi. Yang belum ada pada dia, iaitu khabar tentang belas kasihan Tuhan. Banyak pengkhotbah dimahukan memeriksa dirinya sendiri dengan membandingkan khotbahnya dengan khotbah Yohanes Pembaptis.
II.11 Yesus dibaptis Luk.3:21+22 -21+22 Yesus datang bersama-sama dengan banyak orang yang berdosa kepada Yohanes Pembaptis. Dengan demikian dia menghormati Yohanes dan menyahkan khotbahnya. Dia menunjukkan juga kesetiakawanan terhadap orang-orang lain. Dia tidak mencari kekecualian dari manusia lain. Dia tahu bahawa dia sendiri benar-benar manusia. Tetapi Allah sendiri menyatakan bahawa Yesus bukan hanya benar-benar manusia; tetapi dia juga Anak Allah yang kekasih. Apa yang selama ini diketahui hanya oleh Maria dan Yusuf, diumumkan dihadapan banyak orang, iaitu siapa Yesus sebenarnya. (Ingatlah: Dalam injil Markus baptisan Yesus adalah peristiwa di mana Yesus diangkat oleh Allah menjadi Anak Allah) Tujuan Khotbah : Baptisan Yesus adalah sumber darimana baptisan kita mendapat kekuatannya. Kita dibaptis atas nama Allah Bapa yang telah menyahkan Anaknya dalam baptisan dan telah mengutus Roh Kudus menyertai Anaknya itu dalam pekerjaannya. Ketiga-tiga mereka yang sebenarnya hanya satu menjanjikan dirinya sendiri untuk menyertai orang yang dibaptis. Kita layak menghargai baptisan kita. II.12 Silsilah Yesus.( Luk.3:23-38 ) -23-38 Silsilah itu menarangkan bahawa Yesus dilihat dari segi keturunannya manusiawi adalah juga Anak Allah, kerana dia keturunan Adam yang anak Allah. Silsilah itu terdiri dari sebelas kelompok dengan tujuh nama masing-masing. Tiga kelompok dari Yusuf mencapai sealtiel seorang yang ikut ke pembuangan ke Babel. Dari Neri, ayahnya Sealtiel sampai dengan raja Daud tiga kelompok lagi. Dari Isai, ayahnya Daud sampai dengan Abraham dua kelompok, dari Terah ayahnya Abraham sampai dengan Allah sendiri, ayahnya atau penciptanya Adam tiga lagi kelompok. Lukas mahu menunjuk bahawa Yesus dalam ke-78 generasi adalah Adam Baru dan Israel Baru. (Lihat Rom.5:14; I Kor.15:22.45-49; Ef.4:24; Kol.3:10) Tujuan khotbah tidak perlu, kerana nas ini tidak akan dikhotbahkan. III. Yesus di Galilea. Dasar untuk pekerjaan Yesus sudah diletakkan: Dia telah lahir sebagai Anak Allah; dia punya pelopor, Yohanes Pembaptis; dia telah menerima Roh Kudus. III.1 Yesus dicobai Iblis Lukas 4:1-13 Perkataan (tuturan) ini dapat dianggap sebagai suatu penyiapan Yesus untuk tugasnya, tetapi lebih tepat jika kita melihat disini kemenangan pertama Yesus dengan cara khususnya yang tidak pernah menyombongkan diri. Tetapi ingatlah: Bahkan Yesus yang sudah diperkenankan Bapanya di sorga dan sudah penuh Roh Kudus tidak terkecuali dari pencobaan. -2-4 Yesus sudah punya kuasa yang sesuai dengan tugasnya sebagai Juruselamat dunia. Iblis tahu itu dan ia mahu memustahilkan tugas Yesus itu. Yesus adalah lapar. Hari-hari puasanya telah lewat. Apakah ia tidak punya hak untuk makan ? Tidak ada yang rugi ! Tidak ada yang mengetahuinya ! Tetapi Yesus tahu bahawa dengan mengikut suruhan Iblis itu, Iakan membelakangi sumber kekuatanya darimana Dia sudah 40 hari lamanya mempertahankan hidupnya. Pencobaan seperti ini sering kena kepada orang yang berkuasa dalam jemaat atau gereja. Jangan menyalagunakan kuasa ini untuk kepentingan sendiri ! 5-8. Dalam pencobaan kedua ini Iblis berbohong. Itu memang cara khususnya. Dia menawarkan sesuatu yang dia sebenarnya tidak punya. Betul di mana-mana di seluruh dunia ada orang yang sudah menyerahkan diri kepada Iblis, walaupun Tuhan di sorga masih yang betul berkuasa. Tuhan membiarkan mereka, kerana dia tidak mahu ciptaannya ditumpas. Iblis harap bahawa kenyataan itu akan membujuk Yesus, untuk menyerahkan diri juga. Tetapi Yesus tidak menunduk. Dia tetap tekad di hadapan Bapanya. 9-13 Dalam babak ketiga pencobaan Iblis menggunakan cara yang sangat jakal. Dia mengutip dari Alkitab. Dia sudah belajar dari Yesus yang selalu mempertahakan diri dengan firman Allah. Tetapi Yesus tidak dapat ditipu. Dia tidak mahu membelakangi Tuhan untuk menarik hati orang banyak. Pada kali ini Iblis mengaku kalah untuk sementara dan pergi, tetapi dia hanya menunggu kesempatan yang baik. Tujuan khotbah:
Tiada seorangpun yang tak terkena pencobaan. Mungkin orang-orang yang punya tugas rohani lebih-lebih terkena. Kita perlu merasa curiga terhadap kutipan-kutipan 112
dari Alkitab dan terhadap istilah-istilah yang berbunyi rohani, yang mahu mejauhkan kita daripada ketaatan terhadap Tuhan Allah. Terutama kita perlu memeriksa anjuran-anjuran rohani tentang maksudnya: Hanya mementingkan diri atau menetapkan diri kita dalam ketaatan terhadap Tuhan ? III.2 Yesus berkhotbah di Nazaret Luk.4: (14+15; 16-30 - 14+15 Khotbah ini bukan khotbah pertama Yesus. "Kabar tentang dia tersiar di seluruh daerah itu". Justru kenyataan ini telah membangkitakan keinginan besar orang-orang Nazaret. - 16-20 Menurut peraturan ibadat orang Yahudi, setiap orang laki-laki yang telah berumur 30 tahun berhak untuk berdiri dan membaca firman Allah dari Alkitab (Perjanjian lama), lalu menerangkannya kepada jemaat. Yesus membaca dari nabi Yesaya Fasal 61:1+2. Tetapi ingatlah, dia tidak menghabiskan ayat kedua itu. Sebelum dia datang ke kata-kata".. dan hari pembalasan (koponulian) Allah kita", dia telah menutup kitab itu. Mungkin saja bahawa perbuatan ini sudah membangkitkan rasa curiga mereka: "Semua mata orang tertuju kepadanya". - 21-27. Yesus menjawab perasaan mereka, bahkan menyungguhkannya. Kita sudah tahu tentang suasana kebencian terhadap pemerintahan Roma. Orang-orang Nazaret sudah dengar tentang kuasa Yesus. Mereka membenci pemerintahan Romawi dan mereka harap dengan sangat bahawa melalui kuasa Yesus akan dihapuskan pemerintahan tersebut (Mungkin juga bahawa dalam proses penyalinan Alkitab pada hari kemudian sudah hilang kata yang kecil, yaitu "hanya". Jikalau betul, ayat 22 berbunyi "Dan semua orang itu membicarakan kebenarannya dan mereka hairan bahawa hanya kata-kata yang indah yang diucapkannya". Tetapi itu memang hanya terkaan beberapa orang ahli penerangan Alkitab. Jika "hanya" itu tidak ada dari awalnya, ertinya ayat 22 tetap sama). Yesus tahu tentang tugasnya sebagai Juruselamat bahagi seluruh dunia. Ada orang Yahudi yang akan diselamatkan, adapun orang dari bangsa-bangsa lain. Sejarah Israel sudah menunjuk akan duduknya perkara ini. - 28-30 Yesus tidak membiarkan dirinya dihalangi oleh kemarahan mereka. Dia pergi saja. Sikapnya dibetulkan Allah dengan kuasa Yesus untuk pergi saja. Tujuan Khotbah:
Banyak orang suka mendengar tentang murka Allah dan hukum Allah terhadap orang yang tidak percaya. Yesus bersikap lain. Dia mengutamakan kasih dan rahmat Tuhan. Apabila dia berbicara tentang murka dan hukum Allah, kata-katanya selalu diringi oleh perasaan dukacita. Baik kalau kita ikut serta sikapnya Yesus.
III.3 Yesus dalam rumah ibadat di Kapernaum (Luk.4:31-37) - 31+32 Sekali ini Yesus menyembuhkan seorang sakit pada hari Sabat. Tetapi Sabat itu belum dipersoalkan disitu. Tetapi kabar tentang peristiwa itu mendatangkan orang-orang Farisi dan ahli-ahli Taurat pada hari kemudian (lihat Luk.6:6-11) Cara mengajar Yesus memang mengagumkan banyak orang; "Dia mengajar mereka sebagai orang yang berkuasa/berwibawa, tidak seperti ahli-ahli Taurat mereka" (Mat.7:29). Ahli-ahli Taurat tersebut biasanya hanya mengutip pendapat pakar-pakar terpelajar dari masa dahulu. Sedangkan Yesus berwibawa sendiri. - 35+36 Yesus menggunakan kuasanya ke atas penyakit, dalam hal ini penyakit jiwa yang disebabkan oleh roh jahat. Roh itu mengenal Yesus. Tetapi Yesus memerintahnya keluar dari orang itu. Ingatlah, Yesus berkata dengan roh itu, bukan dengan orang yang sakit. Jikalau kita dihadapkan dengan kesusaan seperti itu, kita perlu mintatolong Yesus. Dia yang berwibawa, bukan kita. Kita tidak dapat tahu dengan pasti, apakah penyakit itu bersifat rohani atau jasmani saja. Memang banyak penyakit punya unsur rohani. Oleh sebab itu ada baik minta tolong Yesus. Orang-orang perlu percaya kepada kuasa Yesus,jangan mengagumi kemampuan kita. Tujuan khotbah:
Yesus bukan hanya memberitahukan kedatangan kerajaan Allah, dia berwujud kerajaan itu ("....telah datang 4:19). Kita diundang untuk percaya kepadanya.
111.4 Yesus menyembuhkan ibu mertua Simon Petrus dan orang-orang lain (Luk. 4:38-41). - 38+39 Peristiwa itu terjadi masih pada hari sabat. Hanya seketika matahari terbenam, orang-orang lain berani membawa orang-orang sakitnya. Hari Sabat Yahudi mulai jam 6 pada hari Jumaat dan berakhir "seketika matahari terbenam pada hari Sabtu. Yesus memperlihatkan kuasa serta belas kasihannya. Apabila ada orang yang harus tertolong, dia tidak memperdulikan hari sabat. Tetapi itu masih belum dipersoalkan. - 40+41 dia melarang roh-roh berbicara tentang dia, kerana mereka tahu siapa dia. Dia tidak senang, apabila orang-orang mengikuti dia kerana perbuatannya luar biasa. Dia mencari kepercayaan penuh. Tetapi kabar tentang dia tidak dapat dihalangi. Tujuan khotbah:
Jelas sekali kuasa dan belas kasihan Yesus. Tetapi Yesus takut akan namanya disalahgunakan untuk suatu kempen politik. Oleh sebab itu dia melarang baik orang mahupun roh-roh berbicara tentang perbuatannya. Kita harus mengawas-awasi, agar supaya kita jangan punya tujuan yang tersembunyi dalam pelayanan kita sebagai gereja.
III.5 Yesus berdoa dan mengajar di kota-kota lain (Luk.4:42-44) 113
- 42 Yesus seringkali pergi kesuatu tempat yang sunyi. Dia tahu bahawa dia tidak dapat meneruskan pekerjaannya, seketika hubungannya dengan BapaNya di sorga diputuskan. Berdoa adalah keperluan yang paling penting untuk dia. - 43 Melalui hubungan ini yang mesra dia tahu juga tentang langkah-langkah yang berikut. Tujuan khotbah:
Seringkali kita lupakan betapa pentingnya doa itu, baik bersyukur kepada Tuhan maupun mendoakan orang lain. Doa itu dapat juga mengilhami kitabahagi tugas dan pelayanan kita.
III.6 Yesus memanggil Simon Petrus (Luk.5:1-11) 1-3 Yesus naik ke perahu Simon Petrus, supaya suaranya jangan tersekat di tengah-tengah orang, tetapi dia dapat didengar dan dilihat banyak orang. Isi khotbah Yesus tidak diketahui, tetapi berkesan. 4-7 Cadangan Yesus untuk menebarkan jala mungkin dianggap bodoh oleh Simon, kerana biasanya pada siang hari tiada ikan di danau Genesaret. Tetapi mungkin sebab penyembuhan ibu mertuanya, mungkin sebab khotbah Yesus Simon menuruti kata- kata Yesus Akibatnya memang luar biasa; Dua perahu penuh dengan ikan hingga hampir tenggelam. 8-11 Simon menyedari dirinya tidak layak dihadapan Yesus. Yesus begitu berkuasa, begitu besar kebaikannya dan dia sendiri hanya seorang berdosa. Saudaranya Andreas dan teman- temannya Yakobus dan Yohanes ikut serta dalam perasaan takjub itu. Tetapi Yesus tidak pergi, melainkan dia memanggil keempat orang itu untuk menjadikan mereka penjala manusia. Untuk mengerti istilah ini dengan penuh, kita perlu tahu bahawa air danau Genesaret itu sama seperti air laut dianggap sebagai sesuatu yang seram. Bahkan kaum nelayan takut, apabila taufan meribut disitu (lihat 8:23+24). Menjala manusia adalah seerti dengan menyelamatkan manusia. Tujuan khotbah:
Banyak orang pengkhotbah berpendapat bahawa untuk menobatkan seseorang perlu berbicara tentang dosa secara panjang lebar. Cara Yesus memang lain. Dia sesuai dengan kata-kata Paulus. Tidakkah engkau tahu bahawa kata- kata Paulus. Tidakkah engkau tahu bahawa maksud kemurahan Allah ialah menuntun engkau kepada pertobatan ? (Roma 2:4) (Lihat juga nas khotbah Yesus di Nazaret 4:18+19)
III.7 Yesus menyembuhkan seorang yang sakit kusta (Luk.5:12-16) 12 Berpakaian kain kasar untuk menyebunyikan bau badannya yang memuatkan; makanan hariannya tergantung kepada orang yang takut padanya, tetapi yang masih punya kesedaran batin; kedatangannya dibunyikan oleh lonceng yang terikat kepadanya; dihalangi mendekati siapapun, agar supaya jangan terjadi penularan penyakitnya, itu nasib seorang yang berpenyakit kusta, bukan hanya pada zaman Yesus, tetapi masih lama kemudian. Tiada orang yang berani bertemu dengan dia, apalagi menyentuhnya. Tetapi orang yang dikatakan (tuturan) ini mengenal siapa Yesus yang sebenarnya. Dia memakai istilah "Tuhan" (bukan hanya "tuan"); dia percaya Yesus punya kuasa untuk menyembuhkannya-mentahirkannya. "Jika Tuhan mahu, Tuhan dapat." -13+14 Yesus memang mahu. Dia tidak takut. Dia melanggar hukum Taurat dengan menyentuh orang itu, sekaligus dia menghormati Taurat dengan memerintah orang itu menjalankan adat istiadat Taurat yang berkenaan. Tanpa jaminan bukti dari para iman bahawa dia sudah sembuh, dia tidak akan diterima balik baik oleh keluarganya maupun oleh masyarakat. -15 Larangan Yesus menyebarkan berita itu dan kepergiannya untuk berdoa tidak perlu dibicarakan lagi. Tujuan khotbah: Setiap zaman, setiap kebudayaan, setiap masyarakat punya kumpulan orang yang "tidak boleh disentuh" (penyakit-penyakit tertentu, warna kulit, pekerjaan yang sia-sia kekafiran dll) Yesus mematahkan sekatan-sekatan itu kerana belas kasihannya. Dia contoh kita. III.8 Orang lumpuh disembuhkan (Luk.5:17-26) Tuturan ini memang aneh: - 17 Suatu kumpulan orang yang berhormat, yang sudah datang dari jauh untuk memeriksa perlakuan guru baru ini bernama Yesus. - 18 + 19 lalu seorang lumpuh datang, diusung di atas tempat tidurnya dan diturunkan dari lobang atas rumah yang baru dibongkar oleh teman-teman orang lumpuh itu. Bayangkanlah hujan debu dan gempar atas kumpulan tersebut. Mereka merasa diganggu serta jengkel. - 19 + 20 Jelas, orang lumpuh itu mahu disembuhkan. Tetapi Yesus (hanya ?) berkata: "Hai, saudara, dosamu sudah diampuni." Mengapa ? Yesus melihat dalam wajahnya keadaan seorang berdosa. Mungkin dia sudah lama punya perasaan pahit terhadap Tuhan kerana penyakitnya. Semakin kuat dia mahu melepaskan diri darinya, semakin mendalam perasaan itu. Mungkin dia sudah lama memperlakukan orang-orang yang merawatinya dengan tidak baik. Tidak diketahui jenis dosanya. Tetapi jelas untuk Yesus, dia memerlukan keampunan dosa lebih daripada penyembuhan. - 21-25 Ahli-ahli agama itu bertolak dari perkataan Yesus untuk mempersoalkan kuasa Yesus. "Hanya Allah dapat mengampuni dosa." Yesus membuktikan kuasanya dengan sambil menyembuhkan orang itu. Bayangkanlah perasaan berbahagianya! kedua soalnya telah dipecah ! Dia memuji Tuhan dari sunggu-sunggu hatinya. Dia sedar bahawa Allah sendiri telah berkata. 114
Tujuan Khotbah:
Orang yang berdamai dengan Tuhan pasti berbahagia walaupun masih di dalam penderitaan jasmani. Tetapi Tuhan sering kali bersedia untuk melepaskan kita dari semua belenggu baik belenggu rohani maupun belenggu jasmani.
III.9 Lewi pemungut cukai mengikut Yesus (Luk.5:27-32) -27+28 Singkat berita tentang panggilan Lewi itu. Yesus melihat dan berkata, Lewi berdiri, meninggalkan segala sesuatu dan mengikut. -29-32 Hanya dari percakapan yang berikut kita dapat mengerti apa yang terjadi di dalam hati orang-orang yang bersangkutan: Lewi mengadakan satu jamuan besar, jamuan hormat bahagi Yesus dan jamuan perpisahan dari teman-teman. Banyak orang turut makan, dan Yesus tidak menolak undangan. Justru hal ini menjadi titik tolak untuk pertanyaan orang- orang Farisi. " Mengapa kamu makan dan minum bersama-sama dengan pemungut cukai dan orang berdosa?" Ertinya nama Farisi adalah tersendiri, terpisah. Dalam fikiran mereka adalah banyak sekatan dan mereka menggolongkan setiap orang mengikut penilaian mereka. Pemungut cukai digolongkan sebagai orang berdosa. Dengan demikian tiada kemungkinan untuk mengubahkan sesuatu. Sekali berdosa, selalu berdosa. Yesus memang lain. Dia melihat apa yang di dalam hati. Dia melihat bahawa Lewi rindu kelepasan dari kerjanya yang sia- sia. Yesus menghargai kerinduannya,dia menolong. Orang-orang Farisi telah menggolongkan dirinya sebagai orang benar yang tidak perlu ditolong. Tujuan khotbah:
Kita harus berwaspada dalam penilaian orang, penting kerinduan dan keperluan orang daripada yang kelihatan mata. Orang-orang yang terlalu puas dengan dirinya sendiri tidak dipedulikan Yesus.(Lihat 1 Sam.16:7)
111.10 Hal berpuasa (Luk.33-39) - 33-35 Pesta-pesta dan perjamuan-perjamuan ada waktunya, berpuasa dan berduakacita atas dosa juga. Apakah itu tidak terlalu sederhana? - 36-39 Dari perumpamaan Yesus kita dapat melihat lebih mendalam. Dia berbicara tentang kedua agama, kristian dan Yahudi. Kedua-duanya mahu menghormati Tuhan Allah, akan tetapi keduanya memang berbeda dalam adat-istiadatnya. Lukas yang sudah menemani Rasul Paulus mengerti dengan Baik maksudnya perumpamaan Yesus. Yesus menyamakan agama Kristian dengan baju baru atau dengan kantong kulit baru serta anggur baru, jugapun agama Yahudi dengan baju tua atau kantong tua serta anggur tua. Tiada orang yang menampalkan secarik kain baru kepada baju yang sudah tua, dan sebaliknya. Anggur yang baru masih muai(segar). Olih sebab itu harus diisikan ke kantong kulit yang baru yang kuat, agar keduanya jangan hancur. Ertinya: Ada orang yang mahu mencukupi agama Kristian dengan tindakan adat istiadat Yahudi, dalam hal ini berpuasa atau sunat. Tidak cocok(sesuai), kata Yesus. Yesus tidak berkata bahawa puasa itu bersalah. Ada waktunya bila orang-orang Kristian ikut serta berpuasa, misalnya pada Hari Jumaat Agung untuk mengingatkan (memperingati) penderitaan dan kematian Yesus.(Inilah pertama kali Yesus menandakan kematiannya yang akan datang). (Lihat juga yang dikatakn dalam selingan tentang sunat dan baptisan Luk.2: 21-24). Tujuan Khotbah:
Tiada gunanya mencukupi agama Kristian dengan tindakan manusiawi (dalam hal ini berpuasa, sunat, baptisan umur dewasa, berdoa sambil menangis dll) yang selalu menjadi alat untuk memegahkan diri. Tetapi pada kesempatan tertentu ada baiknya kalau orang-orang Kristian ikut serta berpuasa supaya dapat berkonsentrasi lebih mendalam terhadap suatu isu.
111.11 Yesus dan hari Sabat (Luk. 6:1-11) 11a Murid-murid Yesus memetik gandum pada hari Sabat (Luk.6:1-5) - 1 Yesus dan murid-muridnya berjalan di ladang gandum pada hari Sabat dan murid-muridnya makan biji-biji gandum, kerana merasa lapar. (Ingatlah betapa sempit bekal mereka!). - 2 Mereka diawasi oleh orang-orang Farisi yang bertindak sebagai polis. Menurut mereka, makan memang tidak dilarang dan tidak juga dianggap sebagai pencurian, tetapi memetik dan mengisar dengan tangan untuk mengeluarkan biji gandum adalah kerja yang tidak diperbolehkan pada hari Sabat kerana itu memang pekerjaan seorang penuai.(Lihat Kel.34:21). - 3-5 Yesus mempertahankan muridnya. Dia memperingati Raja Daud yang sudah pernah makan roti sajian dari Bait Allah yang tidak boleh dimakan kecuali oleh Imam-imam (Lihat 1 Sam. 21:1-6). Lalu dia mengambil kesimpulan: "Anak Manusia adalah Tuhan atas hari Sabat." Jelas maksudnya saya adalah Anak Manusia, dan Anak Manusia ini jauh lebih tinggi daripada Raja Daud.- Istilah Anak Manusia sudah dipakai Nabi Daniel dalam penglihatannya tentang hari-hari yang terakhir (Dan T:1-28). Di Injil Markus ditambahkan: Hari Sabat diadakan untuk manusia, bukan manusia untuk Hari Sabat (Mark.2: 27). 11b Yesus menyembuhkan orang pada Hari Sabat (Luk.6:6-11) -6+7 Sekali lagi Yesus diawasi oleh pemimpin agama Yahudi. Mereka mencari alasan untuk menuduh dia, kerana dia selalu membuktikan bahawa mereka hanya mencari kepentingan dirinya sendiri. - 8-10 Jawaban Yesus mempertajamkan lagi persoalan dengan 115
berkata: Menolak membuat sesuatu yang baik, sama seperti dengan membuat sesuatu yang jahat. Sebab itu patutlah menyembuhkan seorang sakit, janganlah menolak dia. - 11 Mereka tidak dapat bersanggal dengan logik itu, tetapi mereka sangat marah kepada Yesus dan mencari cara untuk menyingkirkan Yesus. Tujuan Khotbah:
Dalam dua peristiwa itu Yesus menjelaskan bahawa orang lebih penting daripada prinsip-prinsip apapun. Allah telah melazimkan Hari Sabat untuk menolong manusia. Tetapi jika memang benar bahawa menolak perbuatan baik bererti membuat sesuatu yang jelek, kita tidak pernah akan selesai dengan tugas kita.
111 12. Yesus memanggil kedua belas Rasul (Luk. 6:12-16). - 12 Sekali lagi Yesus pergi untuk berdoa. Memang setiap hari dia berdoa, tetapi setiap kali sebelum dia berbuat sesuatu yang penting, dia mendalamkan hubungan dengan Bapanya di sorga (Lihat Luk. 4:42; 5:16; 6:12; 9;18. 28; 11: 1; 22:41; 23:34.46) - 13-16 Nama-nama kedua belas murid tidak sama di injil Markus dan injil Lukas. Tidak diketahui mengapa. Mungkin ada orang yang punya nama kedua. Lewi pada Luk.5:27 nanti di namakan Matius. Simon diberikan nama Petrus atau dalam bahasa Ibrani Kefas, ertinya Batu Karang, kerana dia nanti (akan) menjadi dasar gereja sebagai saksi pertama akan kebangkitan Yesus dari mati (Lihat Matius 16:18). Sudah dikatakan bahawa Yesus dengan memilih kedua belas muridnya itu tidak memihak secara politis dengan orang yang menderhaka pemerintahan Roma atau dengan orang yang menyokong Roma. Dia memanggil seorang dari kedua-dua aliran masing-masing. Pendirian mereka setelah dipilih Yesus sudah diatas pendirian dahulu. Ketiga injil menegaskan bahawa kedua belas murid ini adalah saksi yang rasmi untuk semua pekerjaan Yesus, tetapi hanya Lukas menegaskan bahawa Yesus sendiri menyebut mereka Rasul (ertinya utusan). Atas kesaksian mereka kepercayaan orang Kristian didasarkan. (Yudas Iskariot memang diganti oleh Matias: KR.1:15-26, dan jumlah mereka para rasul ditambah dengan Paulus dan Barnabas KR.14:4+14). Tujuan Khotbah: tidak perlu. 111.13 Yesus mengajar dan menyembuhkan banyak orang (Luk.6:17-19) Dalam fasal enam ini Lukas membawakan khotbahnya Yesus di Bukit(Matius 5-7, walaupun dipendekan dan tidak seterperinsi Matius. Oleh sebab itu Khotbah ini di injil Lukas biasanya disebut Khotbah di Padang (Lihat 6:17) seperti di injil Matius Khotbah ini dibuka dan diakhiri dengan ayat-ayat tentang perbuatan-perbuatan Yesus. Ini memang sangat baik. Sebab Khotbah dan perbuatan saling memerlukan. Jika hanya kata-kata, apakah isinya Khotbah memang benar atau tidak. Jika hanya perbuatan, tiada yang mengerti mengapa dan dari mana dll. Dalam cara Yesus mengkhabarkan injil tentang Kerajaan Allh ajarannya dan perbuatan-perbuatan selalu saling mengiringi dan saling memperkuatkan. Hal ini sampai sekarang berlaku. Kita memang tidak boleh menyamakan diri dengan Yesus. Tetapi kita juga perlu sesuatu untuk memperlihatkan bahawa kita tidak berdusta sahaja. Tujuan Khotbah: Telah dijelaskan diatas. 111.14 Ucapan bahagia dan peringatan (Luk.6:20-26) Tradisi Lukas lebih pendek dan lebih sederhana daripada tradisi Matius (Lihat Mat.5: 1-12) tetapi dicukupi dengan peringatan-peringatan. Tidak diketahui tradisi apa yang lebih asli. Mungkin Matius berpendapat bahawa ucapan bahagia kepada orang miskin pada umumnya dapat menyesatkan fikiran orang. Kerana memang jelas bahawa bukan semua orang miskin adalah orang yang berbahagia. Oleh sebab itu dia telah menambahkan ucapan ini dengan "di hadapan Tuhan". Dari versi Lukas maksud yang sama dirumuskan kata-kata melalui kata-kata " Kepada murid-muridnya" (ayat+20.) yang memang di hadapan Tuhan. - 20-23 Ucapan-ucapan bahagia itu bukan suatu perjanjian bagi semua orang miskin atau orang yang lapar atau yang menangis dan sebagainya. Yesus berkata kepada orang-orang yang telah datang kepada dia. Yesus merujukan juga penolakan (ayat 20) " Kerana Anak Manusia". Ayat-ayat ini bukan alasan bahawa kita patut menganggap kemiskinan, kelaparan dan penderitaan adalah sesuatu yang baik. Yesus mengundang mereka untuk mengikut dia. Pengikut-pengikut Yesus selalu membagi segala sesuatu yang ada pada mereka kepada temannya yang tidak punya apa-apa. Mereka saling menghiburkan, sehingga tiada lagi orang yang merasa terlupa dan tersisih. Persekutuan pengikut-pengikut Yesus dapat menimbulkan dan menumbuhkan perasaan damai dan bahagia. Ada juga kelebihannya: Sebab Yesus sendiri adalah tanda bahawa mereka dapat berhubungan dengan Bapanya di sorga yang senantiasa memelihara mereka dan tidak pernah melupakan mereka. Kebahagian yang diucapkan disini dapat dialami masa kini, kerana kesempurnaannya telah dijanjikan dan dijaminkan sampai ke keabadiaan. Tetapi ingatlah: Kebahagian tersebut selalu berunsur kebatinan, bila kita hanya mencari seginya jasmani, mungkin sahaja bahawa kita sama sekali tidak dapat mengalaminya. - 24-26 Itu memang soalnya dengan peringatan-peringatan. Kekayaan atau makanan yang cukup ataupun penghargaan dari orang lain tidak jelek atau jahat dengan sendirinya. Itu semua memang pemberian Tuhan, berkat Tuhan. Tetapi seketika kita hanya memperhatikan aspek jasmaninya dan tidak melihat lebih dalam 116
untuk mengerti tanggungjawab yang selalu ikutserta dengan semua pemberian Tuhan, kekayaan atau kecukupan apapun dengan cepat menjadi celaka. Kekayaan tanpa unsur rohani tidak dapat mengadakan persekutuan, melainkan perasaan iri hati dan kosombongan. Jika hal-hal ini tiba-tiba sudah habis, siapa dapat menghiburkan kita? Tujuan Khotbah:
Yesus mengarahkan fikiran kita, agar supaya kita dapat melihat lebih kedalam. Didalam segala sesuatu adalah unsur kebatinan atau rohani yang dapat menimbulkan kebahagiaan, damai dan keamanan, dan itu dapat dialami masa kini dan hingga kekal. Tetapi siapapun mengetepikan unsur rohani itu, dia akan dengan cepat mengalami celaka.
III.15 Kasihilah musuhmu (Luk 6:27-36) Pada zaman gereja purba agama kristian dipuji sebagai agama belas kasihan. Suatu pengarang Romawi sudah pernah menulis: Lihatlah, betapa mereka (iaitu orang-orang kristian) saling mengasihi. Tetapi banyak agama lain mengajar dan menuntut belas kasihan juga, ciri khas kristian yang benar adalah kasihan kepada musuh. Itu memang sesuai dengan perlakuan Yesus sendiri. Kebencian menimbulkan kebencian, kekerasan begitu juga. Oleh sebab itu tiada kehabisan kejahatan dalam dunia ini. Tetapi Yesus tidak mahu melanjutkan "lingkaran Iblis" itu, dimana satu kejahatan melahirkan kejahatan kedua. Oleh sebab itu: kasihilah musuhmu. Itu bukan perintah saja, itu juga praktek Yesus. Lihatlah Lukas 22:50+51; 23:34) Namun belas kasihan kepada seorang musuh tidak bererti bahawa kita harus bisu atau benarkan semua tindakan yang jelek atau tidak adil. Yesus sendiri telah menyangkal seorang penjaga yang bertindak segara tidak adil (Lihat Yohanes 18:22+23). Kebenaran harus diucapkan. Yang tidak diinginkan Yesus. Iaitu praktek membalas (monuli). Lihat juga Roma 12:17-21). Tujuan Khotbah:
Jika ada bahaya kebakaran kebun perlu sejalur lebar dimana tidak ada kayu dan bahan lain yang terbakar, agar supaya api boleh dihentikan. Perintah Yesus untuk mengasihi musuh bermaksud sama. Lebih baik lagi, kalau bukan hanya pembalasan (koponulian) tiadakan, melainkan perbuatan baik memadamkan kejahatan seperti air memadamkan nyala api.
III.17 Hal menghakimi (Lukas 6:237-42) - 37-38 Ajaran itu bersambung baik dengan yang mendahuluinya. Disitu dijelaskan apa ertinya "murah hati". Orang yang kikir tidak mahu membagi wang atau barangnya dengan orang lain. Dia selalu memikirkan untung-untung dirinya sendiri. Orang yang murah hatinya memang lain. Dia memikirkan kekurangan temannya. Itu mengena juga pendapat terhadap orang lain. Menghakimi bererti bertindak sebagai hakim yang menentukan kemurnian dan kesalahan seseorang. Menghukum bererti menjatuhkan hukum bahawa orang tersebut memang bersalah atau berdosa. Banyak orang sangat suka bercakap tentang kesalahan orang lain. Kadang-kadang hanya dalam rupa terkaan, tetapi sering kali seolah-olah salah tersebut sudah dibuktikan. Padahal tindakan seperti itu seringkali hanya cara untuk menyembunyikan kesalahan sendiri. Orang yang murah hati tidak bertindak sedemikian. Dia tidak buta akan kekurangan dirinya sendiri (39) oleh sebab itu dia selalu sedar akan kedudukannya dan tidak mencari kelebihan. Perumpamaan Yesus tentang selumbar dan balok (41-43) menyatakan kedua hal ini dalam suatu gambar yang cukup keras. Tujuan khotbah:
Kita tahu bahawa menuduh orang adalah cara politik yang sudah biasa. Oleh sebab itu kita harus waspada, apabila ada orang yang suka bercakap tentang kesalahan orang lain malah jika salah tersebut sudah dibuktikan, kita perlu berkecenderuangan untuk mengampuni dia. Sebab kita tahu, jika Tuhan tidak mengampuni dosa kita, tidak ada harapan.
III.18 Pohon dan buanya (Lukas 6:43-45) Seringkali kata-kata dari seseorang atau gambaran yang disebarkan tentang seseorang oleh dirinya sendiri atau oleh orang lain sama sekali tidak sesuai dengan fakta. Kata-kata dapat menyesatkan, tetapi perbuatan tidak dapat membohong. Tujuan Khotbah:
Sama dengan Luk.6:37-42
III.19 Dua macam dasar. (Lukas 6:46-49) Dua rumah, kelihatannya memang sama. Yang satu punya dasar yang kuat, yang lain tidak. Kenyataan tentang dasar itu akan menjadi nyata apabila ada banjir, iaitu kesusahan, pencobaan atau kekecewaan dan sebagainya.- Apakah perbedaan itu sebenarnya? Hanya dua kata:"...dan melakukannya". Memang mudah sekali mendengar perkataan Yesus dan bertindak sebagai pengikut Yesus, selama tidak ada harganya. Tetapi 117
seorang yang mahu meletakkan dasar yang kuat, harus menggali dalam- dalam. Perkataan Yesus mahu meraih jauh ke dalam di hati kita dan berakar di situ. Tetapi kalau masih ada kepentingan yang lain disitu, tidak mungkin, kerana Yesus belum menjadi Tuhan kita. Tujuan Khotbah: Jangan kita takut akan harganya menjauhkan diri kita dari hal atau sikap yang berlawan/bertentangan dengan Yesus. Mungkin kita akan bersusah payah untuk sementara. Tetapi untungnya akan nampak pada waktu yang susah. III.10 Yesus menyembuhkan hamba seorang perwira di kapernaum (Luk.7:1-10) Dalam injil Matius (8:5-13) dirinya orang perwira itu datang kepada Yesus. Lukas telah mendapat informasi yang lebih tepat dan yang memang sesuai dengan peristiwa itu: Yesus tidak perlu alat-alat untuk menolong seseorang, dia tidak perlu melihatnya atau orang yang mintatolong baginya. Kata- katanya sudah cukup, dan kata-kata itu dimungkinkan oleh kepercayaan orang yang minta tolong itu. Lukas suka pada cerita ini, sebab cerita ini memperlihatkan hubungan yang baik diantara tentara-tentara Romawi dengan orang-orang Yahudi dikapernaum. Tetapi yang lebih penting, kuasa Yesus untuk menyembuhkan seseorang dari jauh dan atas permintaan seorang lain sangat jelas dalam perkataan (tuturan) ini. Tujuan khotbah: Kita pada masa kini sering merasa sangat jauh dari Yesus baik dari segi ruang maupun waktu. Cerita ini memberanikan kita untuk percaya kepada Yesus dengan melupakan perbedaan zaman, tempat, bangsa dll. III.21 Yesus membangkitkan anak muda di Nain. (Luk.7:11-17) Bayangkanlah: Dua rombongan yang besar saling menghadapi. Yesus datang dengan banyak orang (berbondong-bondong 11) yang bersuasana gembira atas peristiwa yang baru disaksikan. Tiba-tiba rombongan Yesus dihadapi rombongan orang yang mengusung orang mati ke perkuburan. Hal ini terdapat diseluruh dunia setiap hari. Rombongan yang bergembira itu pasti membisu dengan cepat dan membiarkan rombongan yang berduakcita berjalan. Kali ini sangat lain. Yesus menghentikan rombongan berdukacita berjalan. Yesus berkata kepada janda, ibunya orang mati itu: "Jangan menangis!". Betapa gila! Pengusung-pengusung mungkin sudah marah. Tetapi Yesus memang bersungguh-sungguh. Dia menyentuh peti mayat itu (yang menurut kebudayaan Yahudi tidak tertutup) dan berkata kepada mayat didalamnya, seolah-olah dia seorang yang sedang tidur. Bayangkan perasaan semua orang di situ yang melihat "Yesus menyerahkannya kepada ibunya". Ini adalah salah satu contoh dimana Lukas memasukkan dalam injilnya cerita yang berkaitan dengan wanita dan orang yang berkesusahan dalam masyarakat. Ingatlah sambutan orang-orang: Ada yang menganggap Yesus sebagai nabi, ada juga yang merasa: Allah sendiri sudah datang. Sekali lagi istilah "melawat". Tujuan khotbah: Tuturan ini memperlihatkan Kuasa Yesus atas kematian kuasanya ini pada waktu itu belum di-ketahui orang. Kita tahu tentang ketuhanannya atas kematian kerana kebangkitan Yesus sendiri. Kita tidak boleh membangkitkan harapan orang akan mujizat serupa pada masa kini walaupun kita punya janji Yesus untuk dibangkitkan pada hari terakhir. Kita boleh mencontoh belas kasihan Yesus kepada janda itu, bukan hanya pada hari penguburan, tetapi juga pada masa yang berikut. III.22 Yesus dan Yohanes Pembaptis. (Lukas 7:18-35) Yohanes Pembaptis sudah dipenjarakan oleh raja Herodes, tetapi dia tahu tentang perbuatan Yesus melalui murid-muridnya. Maka dia menjadi sangsi: "Perbuatan-perbuatan Yesus memang patut dikagumi. Tetapi jika dia betul-betul berkuasa seperti saya sudah mengkhabarkan kepada rakyat, mengapa dia tidak mengubah segala sesuatu menjadi baik?" Yohanes belum mengerti bahawa Yesus mencari kepercayaan orang. Dia mencari hati orang yang menyerah dirinya sendiri kepada Yesus. Yohanes juga belum sedar akan penderitaan Yesus yang akan datang. Walaupun begitu Yesus memuji Yohanes sebagai orang yang terbesar diantara mereka yang selama ini dilahirkan perempuan. Tetapi Yesus sedar akan kekurangannya Yohanes. Didalam kerajaan Allah yang didasarkan atas belas kasihan Allah, Yohanes masih dianggap kecil. Yesus mengundang Yohanes: "Berbahagialah orang yang tidak menjadi kecewa dan menolak aku." (23). -29-34 semua orang yang membuka hatinya terhadap Allh, dapat menerima belas kasihan Allah. Tetapi yang menolak Yohanes dan lebih celaka ! -Yesus atas sebab yang dicari-cari, mereka akan ditolak sendiri. Tujuan Khotbah: Kita tidak boleh menjadi kecewa bahawa Yesus sampai sekarang belum menyatakan dan memakai kuasanya dengan sepenuhnya. Yesus mencari kepercayaan orang, bukan orang yang ikut dia kerana keuntungan-keuntungan tertentu. Seperti Yohanes kita diundang untuk menyerahkan diri kita kepada Allah. III.23 Yesus diurapi oleh perempuan berdosa dirumah Simon (Lukas 7:36-50) -36 Yesus baru-baru ini dikatakan sebagai sahabat pemungut cukai dan orang berdosa (7:34). Tetapi dia juga mengasihi orang yang terhormat. Mereka juga memerlukan keampunan. Untuk seorang Farisi memang luar biasa mengundang Yesus untuk makan bersama. Yesus menghargai sikapnya dan datang kerumahnya. 118
Dijamuan makan di Palestina pada waktu itu orang tidak duduk makan, mereka boleh dikatakan "berbaring makan". Tempat "duduk" adalah sebuah bantal yang panjang, diadakan juga sebuah bantal lagi yang lebih tambun dimana orang yang "berbaring makan" itu dapat bersangga dengan lengan kiri untuk meninggikan bahagian atas tubuh dan kepalanya. Dia berbaring seperti S dan makan dengan tangan kanan. Kerana cuaca di Palestin 9 bulan dalam setahun cukup panas, pintu-pintu rumah biasanya dibuka dan orang lain dapat melihat dan masuk keluar dengan bebas. -37 Bayangkanlah perasaan orang Farisi Simon itu, bila dia melihat perempuan yang terkenal itu masuk dan juga perbuatannya pada Yesus. Dia tidak dapat membuka mulutnya kerana kemarahan, kemarahan kepada Yesus, sebab Yesus tidak mengusir perempuan itu. -41-43 Yesus tahu tentang fikirannya. Dia tidak menjawab secara langsung. Dia mempersiapkan jawabannya dengan sebuah perumpamaan yang sangat jelas. -44-47 Lalu dia memutarbalikkan peristiwa itu:" Apa yang engkau tidak perbuat pada saya sebagai tanda hormat dan kasih mu kepada ku, perempuan ini sudah berbuat. Dia terlebih mengasihi aku. "Perempuan itu memang berdosa. Tetapi Yesus ingin menjauhkan dia dari perbuatannya yang jahat. Seringkali kita mendorong seseorang ke jalan yang tidak baik dengan membicarakan salahnya secara panjang-lebar sehingga orang itu tidak tahu jalan keluar. Itu sikapnya Simon terhadap perempuan itu. Yesus memang lain. Mungkin perempuan itu telah mendengar Khotbah Yesus di padang. Dia telah mengerti, Yesus tidak menolak saya. Oleh sebab itu dia datang, untuk bersyukur kepada Yesus, perbuatan perempuan adalah bukti/tanda keampunannya, bukan dibuat untuk mendapatkan keampunan. Tujuan khotbah: Jikalau belas kasihan Yesus menggerakkan hati kita untuk bersyukur, jangan kita melihat kepada orang lain. Jikalau seseorang berbuat sesuatu yang luar biasa untuk berterima kasih kepada Yesus, jangan kita memburukkan dia. Belas kasihan Yesus selalu paling penting dan berkuasa mengubah orang dan menghapuskan dosa. III.24 Perempuan-perempuan yang melayani Yesus (Lukas 8:1-3) Tiga ayat itu mungkin tidak pernah akan dikhotbahkan. Namun disitu kita melihat suatu titik balik dalam sikap agamas terhadap perempuan-perempuan. Peristiwa yang baru diceritakan tentang perempuan di rumah Simon (Luk.7:36-50) melanggar adat istiadat Yahudi. Seorang wanita tidak diperbolehkan menemani seorang lelaki kecuali suaminya. Yesus tidak menolak perempuan itu. Itu memang satu peristiwa yang kecil sahaja. Tetapi saksi pertama kebangkitan Yesus adalah perempuan menurut keempat injil dalam Perjanjian Baru. Kaum kristian dengan cepat melupakan sikap Yesus itu, sehingga kebanyakan gereja sampai sekarang belum menyamakan peranan orang perempuan dengan peranan orang lelaki. Kita perlu belajar dari Lukas yang sering kali menegaskan peranan dan hak dan nilai juga orang-orang perempuan (Lihat Luk. 1+2; 4:38+39; 7:36-50; 8:43-45; 10:38-42; 13:10-17; 15:8-10; 18:1-8; 21:1-4;23:27-29, 49, 55+56:24:1-11) III.25 Perumpamaan tentang seorang penabur (Luk.8:4-15) -4 Dengan perumpamaan ini Yesus memberi ingatan kepada murid- muridnya agar supaya mereka jangan menjadi kecewa, jika "orang banyak berbondong-bondong " tidak percaya dengan sungguh-sungguh. Mereka memang datang untuk mendengar kata- kata Yesus (=firman Allah 11), tetapi ada banyak hal yang akan menahan mereka. Namun yang penting, orang-orang yang percaya akan "berbuah seratus kali lipat". -5-7 Yesus menjelaskan betapa banyak hal dapat membatalkan pertumbuhan yang baik: hati yang belum dibuka untuk menerima firman Allah. Dengan cepat sesuatu yang lain akan menarik perhatiannya. Ada yang tidak berakar, yang tidak sabar. Mereka bersemangat sebentar, tetapi lambat-laun mereka membelakangi Yesus. Ada yang percaya dengan baik, tetapi kemudian hari mereka mengalami sesuatu yang dapat merosakkan kepercayaannya, sesuatu yang sulit (kekuatiran) atau yang kelihatan baik (kekayaan dan kenikmatan hidup). Meskipun penjelasan tentang kegagalan cukup panjang, ayat 8 dan 15 harus diutamakan. Yesus ingin menghiburkan murid-muridnya, bukan menakutkan. Tujuan khotbah: Pengkhotbah harus waspada, agar supaya khabar Baik dalam perumpamaan itu jangan menjadi khabar yang menakutkan. Ingatlah juga: Ada perbedaan diantara batu dan hati/jiwa seorang. Batu tak dapat berubah, tetapi hati yang tertutup sekarang barangkali besok dibuka. III.26 Perumpamaan tentang pelita (Luk.8:16-18) Maksud perumpamaan itu adalah cara kita memakai atau menganggap firman Allah. Apakah kita diubahkan olehnya ? Apakah kita bersedia untuk diubahkan ? Apakah kita berharap bahkan rindu untuk diubahkan? Orang yang melupakan firman Allah, setelah hari minggu lewat, sama seperti orang yang meletakkan pelita dibawah tempayan atau dibawah tempat tidur. Disitu pelita tidak ada gunanya, melainkan akan padam. Kepercayaan akan tumbuh, tetapi jika disembunyikan atau di sangkal, kepercayaan akan mati. Dan itu akan nyata pada hari terakhir. Dengan kepunyaan (ayat 18) bukan wang atau harta dimaksud, tetapi kesetiaan dan kerinduan kepada Allah, dengan ringkas: kekayaan dihadapan Allah (Luk.12:20+21). Tujuan khotbah:
Khabar Baik mahu dipakai dan dipraktekkan setiap hari. Jikalau begitu, kepercayaan akan bertumbuh dan bertambah. Jikalau tidak, kepercayaan itu akan hilang.
III.27 Yesus dan sanak saudaranya (Luk.8:19-21) 119
Cerita itu berbunyi seolah-olah Yesus menolak keluarga asalnya, malahan menuduh mereka. Tetapi maksud Yesus (dan maksud Lukas juga) sama sekali tidak demikian. Kita telah mendengar bahawa Yesus "tetap hidup dalam asuhan" Maria dan Yusuf (Luk.2:51). Dia tidak seorang berontak. Kita mengetahui juga tentang kesedaran Yesus akan tanggung jawabnya terhadap keluarganya: Yohanes dalam injilnya menuturan, bahawa Maria ibunya Yesus datang juga ke Yerusalem pada waktu Yesus disalibkan, dan dia berdiri dekat salib Yesus. "Ketika Yesus melihat ibunya dan murid yang dikasihinya di sampingnya berkatalah ia kepada ibunya: "Ibu, inilah anakmu!' Kemudian katanya kepada muridnya: Inilah ibumu". Dan sejak saat itu murid itu menerima dia di dalam rumahnya" (Yohanes/Yahya 19:25-27). Kita diberitahukan oleh Lukas (KR 1:14) bahawa Maria ibu Yesus dan saudara-saudara Yesus "bertekun dengan sehati dalam berdoa bersama-sama" dengan kesebelas murid Yesus setelah dia terangkat ke Sorga. Mungkin injil Markus boleh menolong kita, supaya kita mengerti cerita ini lebih dalam. Markus menuturan hal yang tidak diambil alih oleh Lukas. Katanya "Waktu Kaum Keluarganya mendengar hal itu, mereka datang hendak mengambil dia, sebab kata mereka Ia tidak waras lagi". (Mark.3:21). Ayat itu hilang dalam injil Lukas, mungkin kerana ayat ini sudah lama terpisah dari cerita kita (Luk.8:19-21 = MK.3:31-35). Kesimpulan: Yesus tidak menolak keluarganya atau menuduh mereka. Tetapi Yesus menolak dengan sangat ditarik kembali ke pekerjaan sehari-hari keluarganya. "Sekarang" katanya, "jauh lebih luas keluargaku: Pekerjaan orang-orang dahulu biasanya terbatas pada keluarga dirinya sendiri. Yesus telah bertanggungjawab terhadap banyak orang, iaitu semua pendengarnya. Bahagi kita orang kristian Yesus telah menjadi teladan dalam hal seperti ini. Tujuan khotbah:
Orang-orang pemimpin jemaat atau gereja sering kali sangat sibuk dengan hal-hal yang rupanya tidak menghasilkan untung. Dari segi orang lain mereka gila, tidak waras lagi. Disitu kita harus waspada, kerana kita ini tidak sama dengan Yesus. Barangkali kita beristri atau bersuami. Jika begitu, kita bertanggungjawab terhadap mereka juga. Tetapi jangan kita mengaku ditarik kembali ke pandangan yang sempit atau ke pekerjaan yang "masuk akal" dari segi ekonomi. Upah seseorang pekerja Allah adalah kebahagian khusus yang punya tampak akan keluarganya juga.
III.28 Angin ribut diredakan (Luk.8:22-25) -22-23 Jikalau anda sudah pernah berada dalam sebuah perahu kecil di tenggah-tengah laut bergelombang, anda dapat mengerti ketakutan murid-murid Yesus. Letaknya danau Genesaret memang khusus. Mukanya 209 m lebih rendah daripada muka laut. Oleh sebab itu angin yang biasanya datang dari Laut Tengah dengan mendadak jatuh ke "lobang" Genesaret itu. Air danau itu menjadi sangat bergelombang. Tetapi Yesus tidak peduli. Dia tidur. Bagaimana mungkin seseorang tidur dalam situasi seperti ini ? Yesus dapat tidur, kerana dia tahu, bahawa dia ditangan Bapanya di sorga. 25: Yesus tidak mencela mereka. Sekali lagi dia hanya mencari kepercayaan mereka. Tujuan khotbah: Ditengah-tengah laut atau lalu lintas, ditengah-tengah kesakitan atau situasi politik yang sulit, kita selalu berada di dalam tangan Tuhan. Kadang-kadang sulit untuk dipercaya. Kita tidak boleh malas atau melalaikan tugas kita mengendalikan kendaraan atau tindalaku kita sebaik mungkin. Tetapi kita tidak perlu takut. "Jika kita hidup, hidup kita untuk Tuhan. Jika kita mati, mati kita untuk Tuhan. Jadi baik hidup atau mati, kita adalah milik Tuhan (Rom.14:8). III.29 Yesus mengusir roh jahat dari orang Gerasa (Luk.8:26-59) -26 Tanah orang Gerasa terletak di sebelah Timur danau Genesaret. Orang-orang disitu bukan Yahudi. Jelas itu kerana mereka menternakkan babi. -27-33 Orang yang kerasukan setan-setan adalah dalam keadaan yang menakutkan. Tidak dapat diikat, dia memutuskan rantai besi dll, "Legion" adalah sepasukan besar tentara Rom, kira- kira 6000 orang. Sekali lagi Yesus berbicara dengan roh jahat itu, bukan dengan orang sakit. -34-37 Pada hal orang-orang Gerasa itu seharusnya berterima kasih kepada Yesus. Orang yang dirasuk setan-setan itu merupakan bahaya besar bahagi penduduk. Tetapi mereka hanya melihat ruginya dengan telah mati begitu banyak babi. -38-39 Kali ini Yesus tidak melarang; malahan menyuruh memberitakan peristiwa itu. Sebab tanah Gerasa itu diluar daerah Yahudi. Disitu tak ada orang yang mahu menyalahgunakan nama Yesus untuk kempen politik (Lihat Luk.4:38-41). Tujuan khotbah: Kadang-kadang kita dihadapi dengan sakit jiwa yang luar biasa, kita tidak mempunyai kuasa seperti Yesus, tetapi kita boleh minta tolong Yesus dengan berdoa Yesus akan menyelamatkan kita dari kuasa-kuasa yang bukan-bukan. III.30 Yesus membagkitkan anak Yairus dan menyembuhkan seorang perempuan yang sakit pendarahan (Luk.8:40-56). -40 Mereka menerima Yesus dengan gembira, sebab mereka sudah lama menunggu dia. Mereka bersabar, tidak ada perasaan kegelisahan apapun. -41+42 Disitu dua cerita ditenun satu dengan yang lain. Yang mula-mula diceritrakan iaitu permohonan Yairus 120
bahagi anaknya perempuan yang sakit hampir mati. Yesus memang ikut dia. -43-48 Tetapi harapan Yairus belum dapat dipenuhi, kerana ada seorang lain yang memerlukan pertolongan. Perempuan itu menderita penyakit curah darah sudah duabelas tahun lamanya. Dia sedar bahawa dia dari segi agama tidak bersih. Sebenarnya dia tidak diperbolehkan bergaul dengan orang lain. Setiap orang yang menyentuh dia atau disentuh dia, akan menjadi najis (tidak bersih) sehingga memerlukan penyucian khas. Dia sudah lama merahsiakan penyakitnya itu, dan hanya secara sembunyi dia berani mendekati Yesus. Jumbai-jumbai yang dijamahnya adalah tanda peringatan akan hukum-hukum Allah (Lihat Bil.15:38-41). Seketika dia melihat bahawa perbuatannya itu diketahui Yesus, dia menghamparkan semua kesusahannya yang memalukan dihadapan banyak orang. Yesus tidak mencela, melainkan memuji kepercayaannya. Ketidakbersihannya tidak dapat berpindah kepada Yesus, melainkan kesucian Yesus telah berpindah kepada dia. -49-55 Tetapi halangan ini telah mengakibatkan kematian anak Yairus itu, yang dengan cepat diberitahukan. Tak ada satu kata daripada Yairus, tetapi kita dapat membayangkan keadaannya. Yesus menenteramkannya. Setiba di rumah Yairus nyanyian arwah (bahagi anak itu yang baru meninggal) sudah mulai. Perempuan-perempuan yang telah digajikan untuk tugas itu, hanya tertawa akan kata-kata Yesus. Mereka memang ahliahli mayat yang tidak dapat ditipu. Yesus tidak menpedulikan mereka; dia masuk, memegang tangan anak itu dan menyuruh; "Hai anak, bangunlah". Malahan makanan untuk anak itu yang baru bangkit dari kematian tidak dilupakan Yesus. -56 Tentang larangannya Yesus untuk jangan memberitakan peristiwa itu, lihat tafsiran Luk.4:41) Tujuan Khotbah: Ada baiknya, jika pengkhotbah menceriterakan kemabli tuturan itu yang memang dramatis untuk memberanikan pendengar-pendengarnya percaya kepada Tuhan Yesus. Tambahan pula kita boleh mengambil contoh Yesus yang berusah payah menolong orang yang berkeperluan. (Lihat juga Mark.3:20). III.31 Yesus mengutus keduabelas murid (Luk 9:1-6) Dengan cerita itu dan sembilan cerita yang berikutnya Lukas ingin mengakhiri laporannya tentang pekerjaan Yesus di Galilea. -1+2 Sebelum Yesus berangkat ke Yerusalem, dia mahu menyampaikan khabar Baik ke seluruh daerah Galilea. Dia tahu bahawa kata-kata sahaja tidak berkesan dan tidak meyakinkan orang. Oleh sebab itu dia memberi tenaga (kemampuan) dan kuasa (hak) untuk menyembuhkan penyakit-penyakit serta mengusir roh-roh yang jahat. -3+4 Perintah Yesus untuk jangan membawa apa-apa; bekal bukan, wang bukan, alat untuk mempertahankan diri bukan juga. Ini caranya Yesus untuk mengutamakan pemberianNya. Setiba mereka di rumah orang, pasti ada yang bertanya: Dimana ada tasmu ? Jawaban: Kami tidak membawa apa-apa dalam bentuk barang. Tetapi kami membawa tenaga dan kuasa dan khabar dari Yesus. Lalu orang boleh memilih, apa menerima pemberian Yesus itu atau tidak. Yesus tahu, ada yang menolak mereka. Dia menyuruh mereka memberi tanda peringatan akan ketidak balian mereka. Jelas bahawa tampak perjalanan mereka di seluruh daerah Galilea memang besar (lihat 9:7). Tujuan khotbah: Perintah Yesus: "Jangan membawa apa-apa dalam perjalanan" dilupakan atau tidak dipedulikan oleh missionari Eropa. Tidak mungkin untuk seorang asing, katanya. Apakah boleh diharapkan bahawa missionari- missionari yang asli di Sabah lebih berhasil dalam mengutamakan pemberian dan kabar dari Yesus ? III.32 Herodes dan Yesus (Luk.9:7-9) Ada keempat atau kelima Herodes di Perjanjian Baru. 1. Herodes Agung, raja atas seluruh tana Palestina. (37-4 sebelum -TM) Dialah yang membunuh bayi-bayi lelaki di Betlehem (Mat.2; Luk.1:5) 2. Arkhelaus, anak Herodes Agung, memerintah atas Yudea dan Samaria (4 Seb. TM - 6 TM). Dia dipecat dan daerahnya dimasukkan langsung ke dalam pemerintahan Romawi. Lihat Mat.2:22). 3. Herodes Antipas, anak Herodes Agung, "raja wilayah" atas Galilea (4 seb TM-39 TM) yang kemudian dipecat juga. Dia kawin dengan Herodes, bekas isteri saudaranya (Lukas 3:19) Dialah yang membunuh Yohanes Pembaptis (Mat.14:1-12) 4. Herodes Agripa I, cucu Herodes Agung, raja atas seluruh Palestina (41-44 TM). Dialah yang membunuh Yakobus dan memenjarakan Petrus (KR 12). 5. Herodes Agripa II (Di KR hanya disebut Agripa), anak Herodes Agripa I, raja di Palestina utara. (KR 25:13-26:32) Dia mulai berkuasa 50 TM, tetapi lamanya tidak diketahui. Yang disebut di dalam cerita ini adalah Herodes nomor tiga, kira-kira. Seketika dia mendengar tentang Yesus dan tentang akibat perjalanan murid-muridnya ke setiap kampong Galilea, dia menjadi ketakutan. Dia sedar bahawa dia berdosa karena pembunuhan Yohanes Pembaptis dalam keadaan mabuk. Keinginannya untuk bertemu dengan Yesus dipenuhi pada hari kemudian di Yerusalem (Lihat Luk.23:8-12) Laporan Lukas memperlihatkan juga, betapa cemas masyarakat umum Yahudi terhadap pertanyaan," apakah akan terjadi dalam hari-hari atau bulan-bulan yang akan datang ?" Tujuan Khotbah: Nats ini mungkin tak pernah akan dikhotbahkan. Tetapi cerita ini menjelaskan bahawa pembesar- pembesar di dunia ini memang sedar akan dosa-dosanya. Itu 121
suatu kenyataan yang dapat menghiburkan kita dan juga memberanikan kita di dalam keadaan tertentu. III.33 Yesus memberi makan lima ribu orang (Luk.9:10-17) -10+11 Cerita ini sekali lagi memperlihatkan kesibukan Yesus. Dia mahu bercakap dengan murid-muridnya yang bersemangat atas hasil perjalanannya dalam keadaan yang tak diganggu oleh orang banyak itu. Tetapi tidak jadi. Sekali lagi banyak orang datang dan Yesus menerimanya. -12-17 Pada hari petang murid-muridnya menjadi ketakutan. Begitu banyak orang yang tak ada bekalnya. Mereka mahu agar Yesus melepaskan mereka, agar supaya mereka sendiri bertanggungjawabkan dalam kesempitan yang mereka akan alami. -13 Yesus tidak bersetuju dengan maksud mereka. "Kamu harus memberi mereka makan." Jawab mereka memperlihatkan, bahawa mereka ketakutan akan kehabisan bekal-bekal sendiri. -14-16 Yesus memalukan mereka dengan caranya mengenyangkan orang sebanyak itu. Makanan yang sedikit saja diberkatinya dan dibagi-bagi mereka kepada orang banyak itu. Bandingkanlah ayat 16 dengan Luk.22:19a. -17 jumlah bakul dengan sisa-sisa menegaskan lagi keajaiban peristiwa itu. Tujuan khotbah: Yesus suka pada orang-orang bersemangat. Semangat sudah dekat dengan kepercayaan. Ia menjawab semangat mereka dengan perbuatannya. Yang penting iaitu berkatnya. Banyak orang sudah mengalami sesuatu yang mirip dengan peristiwa itu. Dalam kelaparan makanan yang sedikit saja dan kelihatan tidak cukup, kalau dimakan dengan meminta berkat Tuhan dan kepercayaan yang kuat menjadi cukup untuk mempertahankan hidup. Jangan kita mencuaikan berkat Tuhan. III.34 Pengakuan Petrus (Lukas 9:18-21) -18a Sekali lagi Yesus berdoa seorang diri. Kita mengerti; sesuatu yang penting akan terjadi. -18b-19 Di seluruh dunia masyarakat selalu rindu akan seorang pemimpin yang kuat dan mengagumkan. Pada waktu itu Yesus pasti dibicarakan di seluruh daerah Galilea. Yesus bertanya pada murid-muridnya tentang terkaan dan harapan masyarakat. Nama-nama yang diucapkan memang tokoh-tokoh yang terhormat: Yohanes Pembaptis yang dengan berani menentang raja Herodes yang tidak disuka masyarakat. Elia juga seorang yang berani. Dia melawan raja Ahab yang jahat juga (Lihat I raja-raja 17- II raja-raja 2). Tetapi jelas bahawa gambaran masyarakat tentang Yesus masih kurang terang 20: Lalu Yesus mengacukan pertanyaan yang sama kepada murid-muridnya. Petrus menjawab dengan mewakili yang lain: "Engkau Mesias Allah". Istilah Mesias bererti "Yang diurapi", dalam bahasa Yunani, "Kristus". Pada waktu dahulu orang yang mendapat tugas khusus diurapi, seperti Imam Besar atau Nabi dan terutama raja-raja. Pada waktu Yesus sudah ditentukan erti istilah Mesias itu. Dia yang dipilih Allah menjadi Penyelamat Israel, diurapi dengan Roh Tuhan. Pendek katanya Petrus, memperlihatkan keyakinannya. Yesus menjawab secara tidak langsung. Dia melarang dengan keras, supaya mereka jangan memberitahukan hal ini kepada siapapun. Harus diperhatikan: Yesus tidak memberitahukan sendiri, siapa dia sebenarnya. Dia tunggu penilaian murid-muridnya. Tetapi benih untuk kepercayaan Petrus Yesus sendiri meletakkannya ke dalam hatinya. Tujuan khotbah: Yesus mencari orang-orang yang berkeyakinan tentang dia, yang tidak hanya bermulut dimulut orang lain. Hal ini berlaku sampai sekarang. Tetapi ingatlah: Gambaran Petrus tentang Yesus sama sekali belum sempurna. Dia belum mengerti penderitaan dan kematian Yesus (Lihat Mat.16:21-23) III.35 Pemberitahuan pertama penderitaan Yesus dan syarat-syarat mengikut dia (Luk 9:22-27) -22 Petrus masih berfikir bahawa Yesus seorang yang hebat sekali, yang luar biasa. Yesus memakai dengan sengaja istilah nabi Daniel untuk menamakan dirinya, kerana dia tahu bahawa dia seorang manusia yang betul-betul manusiawi. -23-26 Dia tidak merahsiakan kepada murid-muridnya bahawa mereka tidak mungkin akan mengharapkan satu kehidupan yang lebih senang daripada kehidupan Yesus. Kerana dunia ini tidak mahu setuju dengan orang yang setia kepada Tuhan. Tetapi yang kelihatan kehilangan atau kegagalan, dengan Yesus sebenarnya adalah kemenangan dan keselamatan. -27 Ayat ini sangat dalam ertinya. Yang dimaksudkan Yesus adalah kebangkitannya dan kemuliaannya sebagai Adam Baru, Ciptaan Allah yang Baru dimana kerajaan Allah sudah nampak. Tetapi ayat ini berbunyi, seolah-olah Yesus akan datang lagi dalam waktu yang singkat. Paulus, gurunya Lukas, juga berpendapat seperti ini pada waktu dia menulis suratnya I Tesalonika (4:13-18). Kemudian hari dia telah mengerti bahawa dia mungkin akan mati sebelum kedatangan lagi Yesus (Lihat II Kor.5:1-0; Fil.1:22-24). Tujuan khotbah: Kita semua berkecenderungan untuk melupakan salib Yesus dan penderitaannya. Tiga kali Yesus perlu memberitahukan kepada murid-muridnya hal itu, dan pada waktu Yesus ditangkap mereka masih belum siap untuk menerima fakta-fakta. Kita memang punya kelebihan daripada mereka. Kita tahu tentang kebangkitannya. Kita tahu bahawa yang kelihatan kekalahan, sebenarnya adalah kemenangan. Tetapi kita juga perlu diingatkan kembali akan kenyataan bahawa kuasa Kristus justru dalam kelemahan menjadi sempurna (II Kor.12:9)
122
III.36 Yesus dimuliakan di atas gunung (Luk.9:28-36) -28 sekali lagi Yesus mahu berdoa. Kali ini dia mengundang muridnya Petrus, Yohanes dan Yakobus. Dia mahu bahawa mereka menyaksikan akibatnya hubungan Yesus dengan Bapanya di sorga. -29-31 Kali ini keadaan batin Yesus menampakkan diri dalam perubahan wajahnya malahan pakaiannya. Boleh dikira bahawa untuk Yesus sendiri peristiwa itu merupakan hal yang luar biasa. Musa dan Elia, kedua-duanya orang yang menurut Perjanjian Lama diambil Allah langsung ke Sorga, datang kepada Yesus untuk menguatkan dia bahagi perjalanan ke dan tugasnya di Yerusalim. -32-35 kebingungan ketiga murid Yesus dapat dimengerti. Diakhiri oleh suara dari awan yang berkata: Inilah Anakku yang kupilih, dengarkanlah dia". Suara ini membenarkan dengan jelas pengakuan Petrus dari tadinya (20) -36 Larangnya Yesus tidak perlu dibicarakan lagi. Tujuan khotbah: Bahkan Yesus memerlukan penguatan untuk tugasnya yang berat itu. Apalagi kita. Tetapi dari peristiwa itu kita boleh menyimpulkan bahawa kita tidak pernah ditinggalkan, walaupun kita kelihatan seorang diri saja. III.37 Yesus mengusir roh dari seorang anak yang sakit (Luk.9:37- 43a) -37-41 Kekecewaan Yesus bahawa murid-muridnya tidak mampu mengusir roh itu dapat dimengerti. Dia baru kembali dari keadaan dan suasana sorgawi. Tuturan ini jauh lebih panjang baik di injil Markus maupun Matius. (Lihat Mat 17:14-21; Mark 9:14-29). Mungkin Lukas tidak tahu tentang hal-hal yang diberitakan disitu. Mungkin juga bahawa dia melewatkannya dengan sengaja untuk jangan memberi gambaran bahawa doa yang panjang akan lebih berhasil. Yang diperlukan adalah kepercayaan yang memang tidak ada pada mereka (41). Tetapi kekecewaan Yesus tidak mengurangkan belas kasihannya. Tujuan Khotbah: Kita tidak perlu menjadi pandai dalam segala hal yang diminta daripada kita. Mungkin keyakinan akan dirinya sendiri telah menjadi halangan yang menentukan untuk murid-murid Yesus. Kita memerlukan belas kasihan seperti Yesus dan kepercayaan bahawa dia berkuasa menolong. III.38 Pemberitahuan kedua tentang penderitaan Yesus (Luk.9:43b- 45). Pemberitahuan kedua ini jauh lebih singkat daripada yang pertama. Ertinya memang sama: kemenangan dan kemuliaan tidak akan dicapai kecuali melalui penderitaan dan kematian. Kata-katanya Tuhan kepada Paulus (II Kor.12:9) berlaku juga untuk Yesus. Sulit untuk dimengerti, dan kita berkecenderungan melupakanya. Oleh sebab itu hal itu harus diulang berkali-kali. Tujuan Khotbah: Perbuatan-perbuatan Yesus yang luar biasa seringkali mengakibatkan sikap kita yang berlawan dengan salib Yesus. Kita mau berhasil tanpa mengorbankan sesuatu. Kita mencari kebesaran tanpa merendahkan diri kita. (46-48) kita perlu diingatkan kembali berkali-kali. III.39 Siapa yang terbesar diantara para murid (Luk.9:46-48) Sekali lagi Yesus kecewa tentang sikap murid-muridnya. Mungkin juga bahawa pertengkaran mereka berasal dari kesedaran bahawa mereka memang tidak mampu dan tidak mengerti dan sama sekali tidak layak dihadapan Yesus. Perasaan seperti ini seringkali dikesampingkan kita dengan mementingkan diri kita. Tujuan khotbah: Kita perlu menjadi curigai terhadap diri kita, seketika kita mulai membandingkan kita dengan orang lain. Kalau begitu, sudah pasti ada sesuatu yang kurang baik dalam hubungan kita dengan Yesus (Lihat Fil.2:5-11). III.40 Seorang yang bukan murid Yesus mengusir setan (Luk.9:49+50). Dengan sengaja Lukas menempatkan tuturan yang singkat ini pada akhir laporannya tentang pekerjaan Yesus di Galilea. Baru-baru ini Yesus mengalami beberapa kekecewaan dari murid-muridnya. Jika dia tidak berhasil mengarahkan murid-muridnya kepada kepercayaan dan kepada sikap rendah hati, bagaimana dia dapat memulai perjalanan ke Yerusalem ? Sekali lagi dia dihadapi sikap yang exklusif dan kesombongan di pihak murid-muridnya. Seolah-olah Yesus mahu mengingatkan kemabli dirinya sendiri, dia memperbaiki sikap murid- muridnya: Tuhan Allah tidak bergantung kepada siapapun. Jika orang-orang yang telah dipanggil tidak berfungsi dengan baik, dia dapat menjadikan orang lain saksi-saksi Yesus. (Lihat juga Luk.19:40). Ucapan Yesus itu berlawan dengan ucapan Luk.11:23. Luk.9:50 dikatakan tentang orang yang punya tujuan yang sama dengan Yesus, meskipun dia tidak tergolong sebagai pengikutnya. Kita orang-orang kristian boleh bekerjasama dengan orang yang bukan anggota gereja, malahan yang beragama lain. Satu-satunya syarat: tujuan dan sasaran harus sama. Luk.11:23 dikatakan tentang orang yang punya sikap penonton, yang tidak mahu berpihak di dalam bahaya atau pertentangan. Tujuan khotbah: Ada kalanya kita merasa putusasa, kerana semua susah payah kelihatan percuma. Tetapi jangan kita menyesatkan diri kita. "Bahagi Allah tidak ada yang mustahil" (Luk.1:37). IV. Bahagian ketiga: Yesus pergi naik ke Yerusalim. Luk.9:51- 19;27. Dalam bahagian ketiga ini waktu sudah mendesak. Yesus tahu tentang tugasnya di Yerusalem. Tidak ada yang dapat menahan dia. Namun murid-muridnya belum mengerti situasi. 123
IV.1 Yesus dan orang-orang Samaria (Luk.9:51-56) - 51 Ayat ini adalah tajuk bahagi beberapa fasal dan menunjukkan kepada tempat asalnya Yesus, iaitu sorga. Semua penderitaan, malahan kematian tidak bererti bahawa Yesus gagal, melainkan ia harus menyelesaikan tugasnya di dunia ini. Lalu dia akan pulang kepada Bapanya yang baru menyatakan bahawa Yesus anaknya yang terpilih. -52+53 Ada pertentangan antara orang-orang Samaria dengan orang-orang Yahudi, kerana pada tahun 128 sebelum TM orang- orang Yahudi telah menghancurkan tempat sembahayang orang- orang Samaria di gunung Gerazim. Sejak peristiwa itu mereka tidak bersedia bergaul dengan orang-orang Yahudi. -54 Jawaban Yakobus dan Yohanes sangat manusiawi, tetapi sama sekali tidak sesuai dengan Yesus. Dia menegor mereka dan melanjutkan perjalanan. Dalam beberapa naskhah peninggalan tegoran Yesus dikutip." Tidakkah kamu tahu dari Roh yang apa kamu turun ?" Tujuan khotbah: Penolakan, bahkan tuduhan yang sama sekali tidak benar memang melukai perasaan harga diri kita. Tetapi kita tidak boleh lepas dari kesabaran Yesus. Kita sendiri bergantung kepada kesabaran Yesus. Oleh sebab itu kita patut meneruskannya kepada orang lain. IV.2 Hal mengikut Yesus (Luk.9:57-62) Yesus memang sabar terhadap orang-orang yang menolaknya. Tetapi dari orang yang mahu mengikut dia/menerima dia, Yesus menuntut kesungguhan yang penuh. Orang yang berminat mengikut Yesus harus sedar akan harga minatnya itu. Mengikut Yesus hanya setengah jalan bererti tidak mengikut sama sekali. Kepercayaan dan kepatuhan kepada Yesus tidak dapat ditundakan ke hari-hari nanti. Dalam kebudayaan Palestina peribahasa " pergi dahulu menguburkan Bapaku" bererti; Saya akan ikut setelah bapa saya meninggal dunia." Seorang pembajak yang menoleh akan membuat alur yang bengkok. Lihat juga Luk.14:25-35. Tujuan khotbah: Yesus sama sekali tidak mahu menakutkan orang untuk jangan mengikut dia. Ia senang pada setiap orang yang percaya. Tetapi dia mahu bahawa kita sedar akan ertinya kepercayaan. Kita tidak dapat memegang tangan Yesus tanpa melepaskan segala sesuatu yang dipegang kita selama ini, baik orang maupun harta. Tetapi jangan kita takut: Tangannya Yesus memang kuat. IV.3 Yesus mengutus tujuh puluh (dua) murid (Luk.10:1-12) -1 Tujuh puluh atau tujuh puluh dua ? kedua-duanya angka itu punya saksi yang sama tua dalam naskha-naskha peninggalan, dan kedua-duanya punya erti semacam kiasan. Angka 70 menunjuk ke keseluruhan manusia: Kej.10 adalah daftar semua bangsa, iaitu 70 bangsa. Atau menunjuk ke keseluruhan bangsa Israel. Di Kel.24:1 dan Bil.11:16: 70 para tua-tua mewakili seluruh bangsa Israel. Sedangkan angka 72 menunjuk ke keseluruhan bangsa Israel yang terdiri dari 12 suku. Maka 72 adalah enam kali dua belas. Kita tidak tahu apa yang dimaksudkan, manusia atau Israel. Yang sudah pasti: Suatu keseluruhan. - 2 Jumlah yang besar itu (dibandingkan dengan Luk.9:1) memang sesuai dengan tugas yang besar juga. 70/72 orang masih terlalu sedikit. Tuaian yang begitu banyak perlu banyak orang penuai,oleh sebab itu kita diminta berdoa supaya Tuhan mengatur lebih banyak orang. Tuaian itu memang milik Tuhan, bukan milik pekerja-pekerja. - 3 Pekerjaan itu tidak mudah. Ada bahayanya, ada orang yang memusuhi pekerja-pekerja Tuhan untuk menghalang keselamatan orang. - 4 Lihat penerangan Luk.9:3 - 5-9 Utusan-utusan mewakili pengutus, iaitu Tuhan sendiri. Mereka membawa damai sejahtera dan salam dari Tuhan. Pemberian Tuhan tidak kurang daripada Luk.9:1-6. Utusan-utusan disuruh juga menyembuhkan orang-orang sakit. - 10-12 Ketiga ayat ini menegaskan sekali lagi bahawa khabar Baik dari Yesus tentang kedatangan Kerajaan Allah menuntut jawaban SEKARANG. Sikap penonton atau menanti-nati sampai lebih jelas hasilnya sama ertinya dengan menolaknya. (Lihat Luk.4:21; II Kor.6:2). Tujuan khotbah: Dengan mengutus 70/72 muridnya, Yesus memperlihatkan haknya atas seluruh bangsa Israel dan atas seluruh manusia. Jumlah pekerja-pekerja kelihatan besar, tetapi belum cukup. Masih perlu orang-orang yang bersedia untuk diutus tanpa jaminan gaji. Upah akan diberikan tetap pada waktunya. Yang paling penting iaitu Yesus sebagai pembawa Kerjaan Allah. It ongo hal do mionong it ugama kristian om Islam: I Kinoringan. 1. Allah/i Kinoringan o minongurug dit avan om i tana om nunu-nopo i suvang dau 2. Allah/i Kinoringan o minongurug do riniba - Koirad di buatan dau - Do mongontok kalifa dau sid pomogunan. 3. I Kinoringan/Allah monunda do riniba di boros (firman) dit ongonabi.
124
4. I Kinoringan/Allah asana di kasalahan om kobungoho do riniba. 5. I Kinoringan/Allah kopongohukum do riniba. It abanal korikot sid surga It araat korikot sid naraka. 6. Varo koposizan penlaid, varo kogulianan dot ulun minatai 7. Varo kovian do pomogunan (akhirat) - It ongotuturan di Adam, di Noa (Nuh), di Ibrahim Ishak, Ismail, Yakub, Yusuf. - Ogumu ot ongotuturan di Yesus (Isa) varo sid Al Quran. 8. I Yesus rumikot vagu, tu - mongohukum dit ongoulun di mizau om minatai. - Posilam di sokoviai i riniba. It ongohal do mitanid it ugama do kristian om Islam: A. Tudukan dit Islam: 1. I Yesus (Isa) okonko Anak do Kinoringan 2. Iso-no Kinoringan, aso Allah Tritunggal 3. I Yesus amu minatai sid kazu do sangkap 4. I Yesus amu nogulian antad sid kapatazan 5. I Yesus okonko Minananggung do riniba 6. I riniba kadapat rumikot sid Allah/Kinoringan ong sukul engin. (ong sukul isuhut it limo ot origi dit ugama Islam) 7. I hal dot ugama om i hal do politik amu osodiri. B. Tudukan do kristian. 1. I Yesus om i Kinoringan nga iso-no sid saralom do Sundu. 2. Varo tolu o vazaan do Kinoringan mogihim om manapul do riniba 3. I Yesus minongontok di riniba di kisala sid kazu do sangkap 4. I Yesus minongimbulai di koposizan vagu (vangun vagu) sid saralom di kinogulianan dau. 5. Aso kosopulan do riniba ong aso manapul 6. I vangun (kavazao) do riniba norungoi antad di hiza di Adam 7. Amu obuli mangagavul di hal dot ugama om i hal do politik IV.4 Yesus mengecam beberapa Kota (Lukas 10:13-16) Ketiga kota yang disebut sini terletak semua pada pinggir danau Genesaret sebelah utara, ketiganya sekarang ini hanya puing- puing. Khorazim dan Betsaida hanya letaknya diketahui, sedangkan Kapernaum memang adalah kampung asal Simon Petrus dan saudaranya Andrias, iaitu tempat dimana Yesus telah berkhotbah di pantai Danau Genesaret dan telah mengadakan mujizat di perahu Simon Petrus (Lukas 5:1-11). Di Kaperanum juga Yesus sudah menyembuhkan hamba seorang perwira dari jauh, hanya dengan sepatah kata (Lukas 7:1-) Ketidak percayaan orang Kapernaum kita mengetahui hanya dari ucapan Yesus sini. Barangkali mereka telah memegahkan diri kerana Yesus lebih sering di Kapernaum daripada di Nazaret (Lihat Lukas 4:23). Tetapi kenyataan bahawa Yesus sudah pernah hadir disuatu tempat sama sekali tidak memberi kelebihan kepada tempat itu. Yesus selalu mencari hanya satu hal, iaitu kepercayaan orang. Dari ayat-ayat ini kita boleh menarik kesimpulan bahawa tempat-tempat tertentu atau benda-benda tertentu tidak dapat menyucikan atau mempercayakan orang. Banyak orang sudah pergi ke Palestina untuk melihat tempat kelahiran Yesus atau Kampung asalnya Nazaret atau tempat kematian dan kebangkitannya di Yerusalem. Ada juga yang mengambil air dari sungai Yordan untuk membaptiskan anaknya dengan air 125
Yorden. Itu semua hanya khayalan. Ada baiknya jika kita dapat melihat tanah Palestina. Tetapi jika tak ada kepercayaan dari sebelumnya, itu semua tidak ada gunanya, tidak dapat menimbulkan kepercayaan. Ayat 16 mirip ertinya. Tidak penting siapa mengkhabarkan injil, Yesus sendiri atau pengutusnya atau pengganti-pengganti pengutusnya. Penting hanya khabar itu. Siapapun yang menolaknya, dia menolak Yesus dan Tuhan Allah. Oleh sebab itu kita sebagai penginjil Yesus tidak berkekurangan daripada murid-murid Yesus, meskipun jarak waktu yang memang jauh. Khabar tentang kedatangan kerajaan Allah dan tentang belas kasihan Allah dapat menyelamatkan orang pada masa kini sama dengan pada masa dahulu. Tujuan Khotbah: Di seluruh dunia tidak ada suatu hal, baik tempat atau benda maupun perbuatan yang dapat mencapai kurnia dan anugerah Allah terkecuali kepercayaan kepada Yesus, Anak Allah. Yesus kecewa malahan marah jika orang memegahkan diri atas sesuatu yang lain. Kepercayaan itu tidak bergantung dari waktu atau tempat atau dari orang yang memberitakan injil kepercayaan selalu adalah hubungan langsung dengan Allah. IV.5 Kembalinya ketujuh puluh (dua) murid (Lukas 10:17-20) -17 Kegembiraan mereka dapat dimengerti dengan mengingati kata- kata Yesus sebelumnya (Luk.10:3). Kata-kata tersebut memang benar, tetapi kuasa yang telah diberikan kepada mereka lebih besar ("demi namaMu"). -18 Iblis adalah melawan Allah serta rencana keselamatanya sejak permulaan. Ia ingin menjauhkan manusia dari Allah melalui pencobaan, dusta dll. Ia suka merosakkan/membunuh manusia (Lihat Yoh.8:44; I Yoh.3:8-10). Iblis itu memang telah berhasil dalam maksudnya waktu Adam dan selanjutnya. Tetapi sekarang dia sudah jatuh dari kuasanya, sudah dikalahkan Yesus (Lukas 4:1-13) Manusia telah berhubungan lagi dengan Allah. "Seperti Kilat dari Langit". Apabila kita berjalan dalam kegelapan, kita tidak melihat jalan. Tiba-tiba ada kilat yang menerangkan segala sesuatu sekejap saja, kegelapan kembali lagi. Tetapi sudah cukup untuk sementara, kita tahu kemana. Jatuhnya Iblis seperti itu. -19 Menginjak ular dan Kalajengking: Kedua binatang yang seram itu adalah perumpamaan untuk segala kejahatan, ancaman dan perusakan. Tidak ada lagi yang dapat memisahkan kita dari kasih Allah (Rum.8:38+39). Musuh = Iblis. -20 Kegembiraan/sukacita murid-murid berasal dari pengalaman kemenangan atas kuasa-kuasa yang jahat. Yesus menjelaskan kepada mereka, bahawa itu semuahanya buah atau akibat dari sesuatu yang jauh lebih penting dan lebih baik. "Namamu ada terdaftar di sorga". Allah sudah menjadi Bapamu, kamu sudah termasuk keluarga Allah. Tujuan Khotbah: Banyak orang menghargai agama kristian sebagai jalan yang terbaik untuk melepas dari penhambahan hantu-hantu. Setelah lepas mereka menganggap adat istiadat nenek moyang tak lain daripada khayalan. Mereka bergembira atas kebebasan. Yesus memberi ingat kepada Dia yang sebenarnya sudah melepaskan kita, agar supaya kita jangan hanya menikmati buah, melainkan menghargai juga pohonnya. IV.6 Ucapan Syukur dan bahagia (Lukas 10:21-24) -21 Yesus mengucapkan syukur atas sesuatu yang tidak masuk akal manusia. Orang yang bijak, yang pandai dan berpengaruh, yang terkenal didunia ini tidak dipilih, melainkan orang kecil. Ini memang rahsia belas kasihan Allah. Itu tidak bererti bahawa kebijaksanaan atau kepandaian perlu dihinakan. Itu semua pemberian Allah juga. Tetapi tak ada kelebihannya dihadapan Allah. Ia mengasihi orang kecil, orang yang bersifat anak (Lukas 18:17 dll). Itu memang yang betul-betul terjadi dalam sejarah pengkhabaran injil. Dimana-mana orang kecil biasanya meyambut khabar Baik dengan gembira, sedangkan orang-orang besar menolaknya. Itu ciri khas agama kristian selama pengaruh dan kuasa gereja tidak disalahgunakan oleh orang besar untuk kepentingannya sendiri. -22 Rahsia tersebut terkait dengan rahsia Yesus sendiri. Yesus telah datang sebagai seorang kecil, seorang hamba yang rendah hati, sedangkan Dia adalah Tuhan atas segala sesuatu. Kalau tidak begitu, orang kecil tidak ada peluang. Pada hal justru mereka yang tak bermegah dikasihi Allah. -23 Adalah ucapan khusus bahagi murid-muridnya. Mereka memang orang-orang dari kampung. Tidak ada yang terpelajar. Mereka berfikir bahawa mereka adalah orang yang tidak ada gunanya. Yesus berkata; kamu lebih tinggi kedudukanmu daripada banyak nabi dan raja. Mereka itu hanya rindu, hanya harap akan keselamatan dunia. Kamu melihat, kamu mendengar, kamu telah menyaksikannya. Ertinya kata-kata Yesus untuk kita tak perlu diterangkan. Tujuan khotbah: Banyak orang menganggap kerendahan gereja sebagai sesuatu yang tidak baik, yang sumbang. Tetapi justru itu memperlihatkan hubungan gereja dengan Yesus Kristus, Anak Allah yang telah menjadi manusia. Kita seharusnya berasa gembira, jangan berasa malu. IV.7 Orang Samaria yang murah hati (Lukas 10:25-37) Cerita ini sebenarnya terdiri dari dua bahagi yang sama pentingnya: -25-28 dengan hukum yang terutama dan 29-37 perumpamaan tentang belas kasihan. -25-28 Menurut Lukas seorang ahli Taurat telah mengikatkan kedua hukum Taurat yang paling penting. (Lihat IM.19:18 dan Ul.6:5), sedangkan menurut Injil Matius dan Injil Markus perumusan ini berasal dari Yesus. 126
Perbedaan tidak besar. Seorang ahli Taurat wajib mengetahui Alkitab. Kata-kata "untuk memperoleh dalam bahasa Yunani berbunyi "untuk mewarisi". Ahli Taurat itu sedar bahawa hidup yang kekal tidak dapat dibeli, tidak merupakan upah atas jasa dan sebagainya, melainkan adalah pemberian Allah. Hukum dari Ul.6:5 sangat diutamakan bangsa Yahudi sampai sekarang sehingga hukum ini tertulis pada setiap tiang pintu gerbang di Yerusalem. Kita tak perlu menirunya. Yang penting adalah tulisan hukum ini dalam hati kita. 29-37 Orang ahli Taurat rupanya tidak senang dengan tuntutan Hukum kasih yang tidak ada batasnya. "Siapakah sesamaku manusia?" Orang sekeluarga, sebangsa, seiman Yesus menjawab soal itu dengan perumpamaan yang jelas ertinya. 31+32 Orang imam dan orang Lewi itu punya alasan yang kuat melewati orang yang dirampas itu. Kedua-duanya berkewajiban rohani yang dimustahilkan seketika mereka menyentuh sesuatu yang tidak bersih dari segi agama, misalnya mayat dan sebagainya. Yesus dengan jelas tidak bersetujui sikap mereka. Menurut perumpamaan Yesus itu tidak ada batasan kasih apapun. Kita tidak perlu mencari sesama manusia; Kita akan menemukan dimana-mana dan bila-bila. Kita perlu menyedari kasih Allah yang tak ada batasnya untuk meneruskannya kepada siapapun yang memerlukannya. Tujuan khotbah: Jangan kita memilih orang yang layak untuk dikasihi ditolongi. Kita sendiri tidak layak untuk dikasihi Allah. Oleh sebab itu kita perlu dan kita dapat meneruskanya kepada siapapun tanpa menghitung kerugian di rupa benda atau kedudukan. IV.8 Maria dan Marta (Lukas 10:38-42) -38 Menurut Injil Yohanes, kampung Maria dan Marta adalah Betania yang dekat dengan Yerusalem. Disitu dikatakan juga bahawa Maria adalah perempuan yang pernah mengurapi kaki Yesus (lihat Luk.7:36-50). Mungkin mereka pada hari kemudian berpindah dari Galilea ke Betania. Yang jelas, Maria itu telah kenal Yesus. Mungkin Maria termasuk golongan perempuan yang melayani rombongan Yesus di Galilea dengan kekayaan mereka (Lukas 8:1-3) kedua saudara itu tidak termasuk orang miskin. Mereka dapat menerima rombongan Yesus (Berapa ? Yesus + 12 ? Yesus + 72?) dalam rumahnya. -39+40 Marta itu bertindak sebagai ibu rumah. Dia tidak sebebas Maria berjalan-jalan dan mengikuti Yesus. Barangkali ia sudah dengar dari adiknya Maria siapa Yesus itu, guru, nabi, seorang luar biasa. Oleh sebab itu dia mahu melayani rombongan Yesus sebaik mungkin. Dia sangat sibuk dengan mengadakan makanan, tempat makan dll. Dapat dimengerti sesalannya terhadap adiknya. -41+42 Yesus membenarkan sikap Maria. Ia tidak mencari hormat sebagai seorang pembesar. Makanan yang sederhana cukup saja. Jangan menyibukkan dirimu untuk sesuatu yang tak diperlukan sehingga tidak ada waktu untuk mendengar Yesus. Dia sama sekali tidak menghina orang yang bekerja sebaik mungkin. Menurut Yesus kita seharusnya mendengar dahulu. Lalu dari apa yang telah didengar kita dapat memutuskan apa yang harus dikerjakan. Tujuan Khotbah: Dalam banyak keramaian gerejawi ada bahaya bahawa erti dan tujuan keramaian itu dilupakan kerana kesibukan jasmani, baik pada hari-hari raya Kristian maupun apabila menerima tamu-tamu. Kita perlu memikirkan (mendengar) dahulu tujuan keramaian/pertemuan itu, lalu mencari perseimbangan biayanya dengan tujuan itu. IV.9Hal berdoa (Lukas 11:1-13) Teks ini sebenarnya terdiri dari tiga bahagi yang punya tujuan tersendiri, iaitu ayat 1-4 permintaan doa Tuhan Yesus, ayat 5-8 perumpamaan yang mahu memusatkan perhatian kepada kegiatan/usaha berdoa, iaitu kepada pihak manusia, dan ayat 9-13 perumpamaan yang memusatkan perhatian kepada Allah sebagai pendengar permintaan-permintaan. -1-4 Ada beberapa hal yang terlangkau di Injil Lukas, dibandingkan dengan Injil Matius (Mat.6:9-13). Kita tidak tahu sebabnya. Sebutan hanya Bapa. Dengan demikian Yesus mempertemankan murid-muridnya dalam caranya sendiri berdoa. Yesus seringkali berdoa untuk mengeratkan hubungannya dengan Bapanya. Walaupun Allah memperkenankan menyebutkan dia sebagai Bapa, jangan kita lupa bahawa dia Kudus. Kita patut menyembah Tuhan dan bersyukur kepadanya. Segala sesuatu dalam seluruh kehidupan kita baik jasmani maupun rohani bergantung kepada kehendak dan kuasa (kerajaan) nya. -3 Dalam versi Lukas makanan diminta bahagi setiap hari, bukan saja pada hari ini barangkali Yesus atau Lukas ? teringat pada 40 hari di padang gurun di mana dia berpuasa. -4 Versi Matius sebenarnya memakai waktu lampau: seperti kami juga sudah mengampuni, walaupun dalam versi bahasa Malaysia tidak diikuti. Erti kedua-duanya versi memang sama: Jangan kita menjanjikan sesuatu yang kemudian tidak digenapi kita. Yesus sendiri sudah mengalami pencobaan yang berat. Ia tahu bahawa kita tidak sekuat dia. -5-8 Dalam masyarakat Yahudi pada masa Yesus berlaku adat- istiadat bahawa setiap orang yang datang ke rumah berhak untuk diberi makanan. Apalagi jika seorang sahabat yang datang. Dengan perumpamaan itu Yesus mengajak kita untuk berdoa bila mana saja. Kita diperbolehkan berdoa secara mendorong. Ada kalanya orang sudah berdoa bertahun-tahun, lalu doanya dikabulkan. -9-13 Dalam Injil Matius ada juga ajaran Yesus berdoa (Mat.6:5-8) Di situ dikatakan bahawa "Bapamu mengetahui apa yang kamu perlukan, sebelum kamu minta kepadanya". Itu memang benar. Tetapi Yesus menunjuk sifat Allah yang suka diminta. Pengetahuan Allah akan segala sesuatu jangan menjadi dalih untuk kemalasan berdoa. Tidak ada bapa yang memberi sesuatu yang berbahaya kepada anaknya. Tetapi kebalikan 127
sering terjadi. Mungkin kita meminta sesuatu yang sama sekali tidak baik untuk kita. Malahan itu dipedulikan Allah. Dia akan memberikan Roh Kudus, agar supaya kita mengerti apa yang kita sebenarnya memerlukan. Harus dikatakan bahawa permintaan akan Roh Kudus adalah permintaan yang paling patut diajukan dan Roh Kudus itu pemberian Allah yang paling baik. Tujuan Khotbah: Banyak orang tidak tahu bagaimana mereka harus berdoa. Bahkan orang yang sudah lama beriman kadangkala menjadi seperti bisu dihadapan Allah. Jika kekurangan kata-kata, Yesus menolong dengan rumusannya yang terbaik. Tetapi dia juga memberanikan kita untuk berdoa dengan kata-kata sendiri. Jangan kita merasa malu kerana kehendak kita, mungkin berbeda dengan kehendak Tuhan. Dia akan memperbaiki fikiran kita dengan Roh Kudusnya. IV.10 Yesus dan Beelzebul (Lukas 11:14-23) -14 Kuasa Yesus atas setan-setan dan juga atas penyakit-penyakit sudah nyata dan kuasanya ini telah membangkitkan kehairanan banyak orang. -15 Kali ini asalnya kuasa Yesus dibicarakan. Tidak dikatakan siapa yang mememukakan tuduhan yang jelek itu iaitu bahawa Yesus mengusir setan dengan kuasa Beelzebul. Mungkin kalangan tertentu yang dekat dengan orang-orang Farisi. Merekapun punya murid-murid/ pengikut-pengikut (19). Beelzebul adalah nama Iblis sebagai kepala roh-roh jahat dan setan-setan. Namanya barangkali berasal dari suatu dewa setempat (Lihat II Raja 1:2). -17-22 Yesus menjelaskan bahawa tuduhan mereka tidak masuk akal. Iblis yang cerdik itu tidak akan berlawan dengan dirinya sendiri. Tetapi ketidakmungkinan tuduhan mereka dengan sendirinya adalah bukti bahawa kerajaan Allah sudah datang dengan Yesus. Hasil rampasan yang dikatakan di ayat 22 sebenarnya adalah orang-orang yang dibebaskan dan diselamatkan oleh Yesus. Ia betul-betul Juruselamat. -23 Lihat penerangan untuk Lukas 9:50. Tujuan Khotbah: Kuasa Yesus membebaskan orang sangat menghairankan. Iblis dan pengikutnya selalu menghitamkan Yesus dengan alasan yang dicari-cari, agar supaya kita jangan menghargai Yesus sebagai Juruselamat, melainkan kita puas dengan hasil kerjanya.
128
Panarangan di Surat di Paulus pakaa sid Piumpugsn sid Efesus I Surat di Paulus pakaa sid Efesus 1,1 Iti surat di Paulus diti guluko i nunu-nopo o habal ko tomodon, pentutun dit ulun om i piumpugan di porikatan di surat dino, dot isai o mongirim do surat. Iti-no i vazaan kodori kumihabal om monurat: Pentutun-po laid dot isai i monurat om iri-ogi i rikoton di surat, dot omungan-po di vaza manansalamat dit ongoulun. Na sid sokoviai it ongosurat di Paulus, iri-no ko iri o vazaan dau monurat. Rontob-nopo, okonko rorntob i ngaran dau o suraton dau, inoi nga manarang-no iosido dot isai iosido di katama om kihak do monurat om mogkovosihan di piumpugan dot ulun Kristian sid Efesus. Ino-no, Ioku diti, ka dau, pinili do Kinoringan do rasul-oku di Kristus. Ong sid surat pakaa sid Efesus, bai iadino o panarangan dau kananganko i hak dau do rasul iosido di Kristus. Vokon-no ong varo-pot anaru o panarangan, iadko i surat pakaa sid Galatia, i tinomod sino, varot ulun di momoros, retanko okonko rasul i Paulus ko pokihi di Paulus om pasaso di tugas di Paulus. Topot ong sid piumpugan dot Efesus, mad atalahas-no laid om aso kopiduvaan sino dot kihak i Paulus do rasul iosido. Ino kinelaan sid Efesus, gima tolu toun i Paulus sid Efesus sampai nokopubas banal dit ongoulun Kristian om i rasul dot aso kogolivongo om aso-pot ulun di mangasau ko mongunang di piumpugan, do tasantanid-tanid o habal kananganko i Paulus om i kuasa om inantadon dau. Nelaan-no kavi dioti sid Efesus i kobuatano laid di Paulus sampai aso-no tinganan do pakaraat di Paulus om i tugas dau. Iti-no o sabap, ong kodung noboros-no dot, Pinili-oku di Kinoringan do rasul-oku di Kristus, ka, atarang-no dot isai i mongirim di surat diti. Mongohodtol i Paulus do rasul iosido, antad sid kotimpuunan di surat dau sampai sid Fasal 4,11 di mongusul iosido do kuran i Yesus minangahatul dit piumpugan om gorija dau, pogili i Paulus dot sid sokoviai it ongohoturan dino, mogulu i rasul mangagazad, tu inanu om nopili om napangkat di Yesus, om iri-ogi i sokoviai i kiongotugas sid gorija. Ensanan i gorija di Kristus sid sompomogunan om ipat-ipat i piumpugan, nga nokogom om nokotimpak sid hoturan do varo rasul, di iadko origi do valai. Ong sid surat 1. Korintus 3,10 nitarang-no laid di Paulus do iosido iadko ulun dit elo muvalai. Ong sid surat diti, lobipo i gama di Paulus manarang di gorija do Kristus iadko valai om bongunan, Valai di Kinoringan, ino-no it umpug di kinodim di Kristus. Ong i ngaran do gorija sid boros Yunani, i pinakai di Paulus diri, ino-no o harati, it umpug di pipili om kinodim di Tuhan, ko it umpug di dang Tuhan. I Paulus mamakai di pamarasan laid di Yesus sid Matius 16,18: Poturugon-ko (potimpakan-ku) i piumpugan-ku, ka di Yesus sid di Petrus. Ong iadino o gama di Paulus monurat om manantu iosido di hak dau do rasul iosido, atarang-no laid dot iti surat diti surat rasmi om surat di kihak, tu it rasul, i mangahatul di gorija, monurat om mogkovosihan sampai mangagazad om monunda di piumpugan sino. Ong notontuan-no di Paulus i dau do hak om kuasa, amu-no abasan iosido manarang dot ino kuasa om hak dino okonko dau do pangkat om dau do ginama, inoi i Kenginan do Kinoringan i minomili di Paulus. Minsanko amu anaru i panarangan dino, inot ongoulun sid Efesus engat dot siombo antad i Paulus, ino-no it ulun di minongogusa dit ongoulun Kristian do mamatai dioti o tomodon om monusa dit ongopiumpugan o ginama dau. Antad sid gama do Kinoringan potuvarig di Saulus dot ajadi do Paulus (i harati di ngaran Saulus, it ulun di kotirai sid sokoviai it ulun, tu anaru banal iosido sid liou dau it ulun vokon iadko i raja Saul sid Kitab Laid diri 1. Samuel 9, dot ong Paulus, it opodok ot ulun, ka) iosido jinumadi do rasul. Okonko i Paulus minomili di gagamaan dau iadko ulun di momili dot ajadi iosido do tukang kayu ko modzupu, inoi nga i Kinoringan pinajadi dit sangod di Habal do Kovosihan do pakakas di Habal dino. Kagi sid dau do watas do gamaon om tugas ponong sid ongoulun dit a-nadanzaan do Kinoringan, inono it ongoulun di retan do kafir om ulun do labus. Ong kenginan do Kinoringan, amu kotori i kenginan dot riniba. Antad sino i kuasa om tinomod di surat dino, minsanko i tokou, tu hiza-no dot osomok 2000 katalib, kakali mamasa di surat diti om humarati sid surat diti dit atag o gama mangahatul di gorija di Kristus. Na i rikoton, pengkaa dino, i piumpugan sid Efesus. Mangarait i Paulus di ngaran di bandar, ino-no i bandar dot agazo di sid tombing do rahat Tanga sid tonggui di retan dot Asia Opodok (ko ong biano, Turkey i ngaran di tonggui dino sampai ino bandar, Ismir o ngaran). Noboros-po i ngaran di bandar dino, mongonsi-no banal i Paulus dot nunu banal o harati ong, i Piumpugan i sid Efesus, kaluto ong amu-po osodiri banal do nunu songpiumpugan. Tu ong otopot, ogumu o piumpugan di tasantanid-tanid o kogunaan om tomodon. Ong i piumpugan di rikatan di Paulus do surat, iso-no o panangan om it inantadon, ino-no, it ongoulun di mangasip sid Yesus Kristus o miuumpug sino. Suvai iadino o gama manarang om manantu om atalahas-ogi it inantadon om i rikoton di surat diti. Sabap varo-pot a-ko piro o solinan di surat di Paulus diti sid ongopiumpugan vokon dot a-nokosurat i ngaran dit Efesus, varo pongitungan dit a-ko piro it ulun dit elo mongintutun dit ongosurat kodori diri, do retanko iti surat diti, okon tantu-ko bai sid Efesus o porikatan, tu asot iso o boros di popuhondom di hiza dit sid Efesus i Paulus diri (UR 19,10 om 20,31) ka. Ino surat dino mad surat keliling dot okonko bai iso o piumpugan o rikoton. Topot ino dino okonko agazo o harati. Tu kuran-kuran, piumpugan sid Asia dot Opodok o porikatan di surat diti. Na i bandar dot Efesus om i piumpugan sino, i nokogulu nokokristian sampai antad sid Efesus nakaranzat-no i Habal do Kovosihan sid okonko piro-piro ot ongokampong sampai nokembulai-no it ongopiumpugan sino. Topot mad sid Efesus ot ulion dit ongopiumpugan sino dino. Ong sid F. 6,21 noboros dot i Tukikus om i Onesimus sinuhu di Paulus kumaa sid Kolose. Ko sid Kolose 2,1 om 4,13 atalahas do varo vaza mianggai di piumpugan sid Kolose om Laodikea om Hierapolis. Inot ongopiumpugan kavi nokembulai-no antad di penginjilan di Epafras. Ong sid ayat 1,15 momoros i Paulus di norongou dau i kosipan dioti, mad kondiri iosido a-kasamung dit piumpugan sino, iadko ioti bai norongou-no i habal antad sid di Paulus (3,2...) om i kovosihan di Kinoringan di notorima dau. Ong pavagat i Paulus dot i piumpugan dino ulun di mangasip sid Yesus Kristus (varo-po solinan di mangarait dioti dot ulun dot osusi, iadko sid 1. Korintus 1,1-5), ino-no o panangann, it ongoulun sino okonko rontob minokipodsu sampai minamung sid piumpugan ot tinomod, nagazadan iadko i koubasan, ong kodung varot ulun kaamung, ogumupo it ongokoruhang dioti sumuhut, minsanko amu-po nakaharati di tinomod dit umpug dino, rontob tiamung, inoi nga 129
ulun ioti di nakaharati-no di katapatan di Habal do Kovosihan om i gama di Yesus Kristus, i najadi do Minananggung do riniba. Iti-no o sabap do nakatantu-no ioti do mad nokosumpa-no do kumavid di kelaan antad sid Yesus sampai lumuzung-no sid tudukan om agazad-no di Yesus Kristus sid sokoviai i kavazao om kobuatano om gagamaon do pasasi om pazazad di kuasa om samod di Yesus sid tanga do razat om mokitunda-po di kuasa do Kinoringan sid saralom di Sundu dot Osusi. Banal-no, ino kosipan dino bai ngaran-no arangkap om kotuluk. Sid a-ko piro it ongoayat manarang i Paulus dot ino kosipan dino kakali sumurut (1,17; 3,16; 4,13; 4,17). Iti-no o sabap dot i Paulus monodiri, ino-no i kosipan sid di Kristus, i harati, it ulun humarap om sumondiu sid di Kristus, ko i kosipan sid saralom di Kristus, ino-no o harati, it ulun Kristian mad nokezo-no banal sid guvas di Kristus dot amu-no osodiri-po i dau do kenginan om i dang Tuhan, om i-po kosipan di Kristus, i harati, Kondiri di Kristus mongontok di tokou mangasip hiza dot okugui-oku om opogos-oku sampai sid tanga-oku do pensubaan. Iadino o gama di Paulus monodiri do kosipan. Sid boros dino, it ulun di mangasip sid di Kristus, mad mimbulai-no i panarangan di Martin Luther kananganko i kosipan dot ulun Kristian, ino-no i boros dau, Tigogi banalko akansang i kosipan-ku do mad kogoos-no manaan ko monimban do burul om tumahan di nunu-nopo songpensubaan, dot tigogi, banalko ataloh i kosipan sampai okuguioku om tihaba sampai asot elaan-ku kumavid do mokisapul di kondiri. Otopot ino boros di Paulus, suvai ahakang-oku ong hiza dot okugui-oku (2. Kor. 12,9 Sid koguguzo-nu o kembulazan di kokuasaan-ku, ka di Tuhan sid di Paulus diri). 1,2 Sabap rasul i Paulus do mangagazad om monunda do piumpugan, porikot om polombus iosido di barakat om kovosihan do Kinoringan sid dioti. Ino pamarasan di gama mogkovosihan dioti dino okonko tomod moroboros do mad: Tabi, ko Salamaleikum, minsanko i harati di hurup dit ongoboros dino, nga iadino, gam i Paulus porikot sid dioti dino kovosihan om kopioondusan sid piumpugan dino. Vokon-no ong ino gama mindamo do barakat hiza do sumambayang, varo kopurimanan dot ino dino bai adat-po om koubasan dot aso tinganan dot a-karait, dot otopot, hiza dot abarakatan i piumpugan, kondiri di Kinoringan o sino om otopotko i barakat dau sumondot sid piumpugan, sid isai-nopo i kakali oposik om osodia do tumorima di barakat dino. Baiko i rasul, it ulun di notugasan o kadapat porikot di barakat om kovosihan do Kinoringan. Ino gama mamarakat okonko iadko i boros do bobolizan di mangagaranggai dit ongongaran dit ongorogon ko mongimbulai do hojimat do sukul nonong-no i gama mangarait om mongohondom ko mongimbulit dit ongopamarasan dino, iri-ogi jumadi do kosunduvo ko mopud i lulupu om kosurupuvan ko kengkadan do sakit om i nunu-nopo it ipagama dau. Gam ino barakat do Kinoringan it Ama om i Tuhan Yesus Kristus sumondot om mozo-vozo sid siombo-nopo o kolombusan om rikoton dot ulun, nga sisino-no. Amu-po kapangahabal i Paulus, poguluvon-po dau poboros i kovosihan do Kinoringan sid dioti, supaya sid gama dioti mamasa di surat om habal di Paulus, opurimanan dioti dot i gama dioti mamung sid pongitungan om cadangan di Paulus, kondiri di Kinoringan mozo-vozo om mongoluhung dioti. Kovosihan om kopioondusan, I pongoretan kovosihan, mad duvo o harati, It ulun di nokotorima di kovosihan do Kinoringan jumadi dot ulun di kikovosihan sid ulun vokon. Vokon-no olingan dit ulun Kristian dot i sokoviai i notorima dau antad kavi sid Kinoringan, sampai kiguna ponong sid ulun vokon. Iti-no o sabap do mumpalad it ulun Kristian di kovosihan do Kinoringan dot eradon-ko dau do barang dot amu-no mongozuhu sid vokon, indoson ong kapamahagi-po, okurang-no sid dau, dot ong otopot, sid gama mamahagi om pelang dot ulun vokon sid kovosihan do Kinoringan, sumurut-no i kovosihan sampai kilaba-no banal. Ong ipongumpalad, humino sampai mad tumogol-no i kovosihan dino sampai tumanusi. It ulun di nosopulan (iti-no o harati do nokotorima di kovosihan do Kinoringan, iadko it ulun di kisala sid tinoguvangon do raja tumorima do kovosihan dot amu-no ohukuman, gam ilabus-no iosido om obebas-no iosido), inanu-no do pakakas di kovosihan om kopioondusan do Kinoringan sampai tumorima-no dit ongokosukupan ponong sid kovosihan sid ongoulun vokon. Inot ongopanahak di retanko Karisma (ong bai iso) ko Karismata (ong ogumu). Sid F. 4,7 om 4,8 manarang i Paulus dot ipat-ipat it ulun Kristian nakanu di kovosihan dino di sambahagi antad sid di Kristus om iri-ogi minamahagi i Kristus di panahak dau, ino-no it ongokarisma. Iti-no o sabap dot i piumpugan dot ulun Kristian, sid Efesus om sid siombo-nopo masi om mopud antad sid kovosihan do Kinoringan om mongopud om mamakai ombo it atahakan di Kristus ponong sid kosurutan di piumpugan om gorija dau. I sokoviai i kopudan om kosurutan do piumpugan om gorija antad kavi sid kovosihan do Kinoringan om i panahak dau. Sabap ino, i Paulus minonurat do iadko vaza dit ongoraja ko it ongokarani kodori di minonurat dit ongosurat rasmi, atalahas-no dot i Paulus monurat dot okonko bai pribadi o gama, inoi nga kihak iosido sid gama mongirim do surat sid piumpugan, ino-no mongontok iosido di Yesus Kristus, it ulion do gorija. Sabap i rasul, ino-no i wakil di minonuhu dau sampai i sokoviai i gama dau monuluk di suhu dino, nga iadko kondiri di monuhu o monurat ko rumikot om mogkovosihan dit ongoulun di rikoton dau. Sid gama di Paulus, iosido mogkovosihan di piumpugan om manalahas iosido di karajaan om hoturan di Yesus Kristus sid gorija om piumpugan dau. Sera minonurat i Paulus di surat diti? Hiza di sid torungku iosido sid Rom minonurat-no i Paulus, iadko i gama dau monurat sid piumpugan sid Kolose. gam varo gama dau mongonsug sid duvo surat dau dino do piovi-volizon ioti mamasa. Sabap i sid torungku iosido, ohorotizan-no di Paulus dot aso-no kopirimpanahan-po dau vagu, gam elaan dau dot a-nosongkuro om orikot i kapatazan dau. Iti-no o sabap, dot aso-not umba ko umpai bahagi panahan vagu ko tumoguvang-po dit ongokosusaan do piumpugan, do mangahatul-no vagu dara di gama dioti. Iso-po o tinomod di Paulus sid surat diti, baiko monguji-po iosido di gorija di Kristus, ino-no it ulu om ulion do gorija om i gorija dino guvas di Kristus. 1,3-14 Abarakatan di Kinoringan sid saralom di Kristus. Ong i Paulus, ulun do Yahudi iosido, mamakai di pongoretan do barakat, ino-no ot horotizan dau om tinomod dau 130
mangarait, i barakat, ino-no i kuasa dit antad sid Kinoringan di mozo-vozo dot ulun soumul-umul do mitutungkustungkus sid ribu-ribu o mongkupu. Ino barakat dino posurupu dot ulun sampai kolundu dot amu osusa iosido magavi (Amsal 10,22 om Zabur 127) Ong i barakat dit antad sid di Yesus Kristus, katalib-po di barakat di noboros sid Kitab Laid. Iti-no sabap do sampai induvo nopod boroso di Paulus mangarait do mongimbulit di ngaran di Kristus sid saralom dit a-ko piro ot ayat diti. Antad di kinosinaan di Yesus sid Baitlahim sampai sid kinapatazan dau sid burul do Golgota, iso nga asot elaan di Paulus do kosopulan tanid mantadko i Kristus. Baiko sid di Kristus o varo kosopulan om koposizan. Ong okonko orindingan di Kristus, ensanan i koposizan dot ulun natandas ponong sid kobinasaan om kotuvangan. Sabap ino, tu i Paulus ulun di nokosikul do Teologia, onsizo-no dau it ongosabap do iadino o boros dau. Sizam o gama di Yesus o tanda do kuran i Kinoringan mamarakat di tokou sid saralom di Kristus, ino-no, 1,4 I Kinoringan minomili di tokou sid saralom di Kristus 5 I Kinoringan minangajanji-no laid sid di Kristus do mananganak di tokou 6 Sid di Kristus kembulai sid di Kristus di kalabao di kolobusan tokou 8 I Kinoringan minongimbulai di keloo om it enuagan di kaharati di gama di Kristus 9 I Kinoringan minongimbulai sid di Kristus di suromo di kenginan dau 9b +10a Tinuluk di Kinoringan sid di Kristus i noumba dau kananganko i penlaid 11-12 I Kinoringan minanahak do kogunaan di koposizan tokou sid di Kristus 13 I Kinoringan minananda sid di tokou di Sundu dot Osusi, gima i Kristus. Varo tolu o panarangan di Paulus kananganko i kogunaan di gama mongindazou do Kinoringan, ino-no, keso, abarakatan tokou di Sundu dit antad sid surga. I harati, ong ulun di Kristian, i pusod dau mad sid surga. I tokou nokogonggou no sid surga, sabap i kosipan tokou om i kobuatano do gorija sid tanga do riniba nokosondiu-no sid surga, tu sid surga it ulion do Gorija, i Kristus om i Sundu do Kinoringan, i nokotuntug-no om soumul tumuntug-po vagu sid gorija dit aso rontob sumurut sid suvang di sompomogunan, do siombo-nopo varot ulun di miuumpug sid saralom di ngaran di Kristus. Ino kuasa dit antad sid surga (Kinoringan) monguasa-nopo di vinangun om i riniba om mongimbulai dit ongosuromo om kosunduvo sid riniba. koduvo, Antad sid kuasa dino, osodia it ulun Kristian sid kosusian sampai jumadi do endazou ponong sid Kinoringan, gima aso borotuduon sid tinoguvangon do Kinoringan. Iti-no laid ot umba do Kinoringan dot i riniba o tanda di kohormatan do Kinoringan sid tanga do vinangun (ayat 6, 12,om 14). Ong it ulun di kisala a-kendazou om kohormat do Kinoringan, gam kapangamalu di Kinoringan, i minongurug di riniba. Suvaiko it antad sid gama di Kristus i nokoponong sid Kinoringan i kavazao om gama dot ulun om kendazou-ogi. kotolu, ong sid ayat 3-14 nitarang-no i gama di Yesus Kristus ponong sid ipat-ipat it ulun Kristian, sid tohudi, ino-no sid ayat 15-23 manarang i Paulus dot ong otopot, ino gama di Kristus nokonong sid ensanan i gorija dau. Na sumasi i Paulus do kuran i Kinoringan minomili dit ongoulun di mangasip hiza di guluko i kinourugan do vinangun, retanko inanu i riniba do pinakanak do Kinoringan om i Kristus, ino-no it ulion di riniba dino. Sabap ino, isai-nopo it onuvon di Kristus dot obpinai dau om anak do Kinoringan, ino-no o kamung sid guvas di Kristus, i retan do gorija di dang Kristus. Nunu-ka i kasandatan di barakat do Kinoringan? Ino-no, Opili tokou do Kinoringan. Siombo-nopo i varo piumpugan dot ulun Kristian, mosikim ko orukung ino piumpugan dino do bai duvo tolu ot ulun (Matius 18,20), ino piumpugan dino, hasil-no di kinopomilian do Kinoringan. Ino dino aso tinganan humarati ko manarang. Iso piumpugan nga aso mimbulai do bai antad sid surupu ko kakansango dot ulun. Kondiri do Kinoringan mongogiang dit ongoginavo dot ulun om mongimbulai do piumpugan om i gorija dau. Iti-no sabap do minsanko i lalavangon do naraka amu koponori di piumpugan om gorija di Kristus (Matius 16,18). Iti kinopomilian do Kinoringan o harapan om tanda di kotontuan di kosopulan tokou. Tu ong i Kinoringan amu mogkorubatan di ginama om i jinanji dau. Osusi tokou om aso borotuduon tokou. Ong anganak tokou-no do Kinoringan, iso nga aso-no kavasa do manala di tokou (Rom 8,1) Ino garal om pangkat do piumpugan om it ipat-ipat it ulun di mangasip, okonko i kosilato ko keloo om kosogo dau, inoi nga nanu-no laid dau antad sid Kinoringan i garal om pangkat om hormat, tu i Kristus o kohormatan om pangkat om garal tokou, okonko i di tokou do ginama om i kobuatano. Najadi tokou dot anganak do Kinoringan, tu nakatanda-no laid sid di tokou ino. Mad nosingkapu tokou do Kinoringan ko pinokoanak tokou dau. Iti-no o kosungguvo tokou, anganak tokou do Kinoringan om ongobpinai di Yesus. Sid gorija kosunu i pinta dua laid di Yesus sid Yahya 17. Kinoringan o minangalabus om pinonebas di tokou. Sokoviai it ongohoturan om ongokuasa di minomogos om minamalud di riniba, nedu-no kavi, ong Kristian-oku, tu i Kinoringan o minongohuzad dit ongobalud om minongogiang dit ongorongobon dit ongotorungku di kasalaan om karaatan om kotuvangan. I raha di Yesus o minonusi di tokou. I Kinoringan minongimbulai di suromo di kenginan dau. Ong sid Kitab Laid amu-po kaharati it ongoulun dot Israel di kenginan do Kinoringan sampai asarok kalandu ioti, indoson-ko iadino om iadilo o kenginan do Kinoringan, isuhut dit ongohurup di pinonuhuan om Taurat. Iti-no o sabap do minanaud ioti di hopod pinonuhuan do hurup ko hurup. Topot nalazan dioti ong i samod om i kabanaran do Kinoringan. Suvaiko i Yesus o posondot di kenginan do kinoringan sid tudukan sid burul om alanta-ogi dot okonko i hurup o kiharati, inoi nga i ginavo di tumuluk sid kenginan do Kinoringan. I Kristus o kongkod di sokoviai i nunu-nopo. Iosido ot ulion om ulu do gorija. Manjadi sid ayat 13-14 i Paulus manarang di kosurutan di kosipan dot ulun Kristian. Kogulu-po mongining iosido di boros do katapatan, iadko 131
nokosurat sid Rom 10,17 I kosipan mimbulai antad sid tudukan di Habal do Kovosihan, ka, om iri-ogi mangasip it ulun, tu nakaharati-no iosido dot ino boros dino okonko boros do koubasan dit aso tantu-tantu, inoi nga boros do kovosihan om kosopulan, iri-ogi antad sid kuasa om tunda di Sundu dot Osusi tumatap it ulun Kristian, minsanko varo pensubaan. Sabap i Sundu dot Osusi momihot di kosipan. Iri-ogi humarati it ulun di mangasip dot ino vaazaan dau sumuhut di kenginan do Kinoringan om tumorima di kosopulan dino, agazo o kosimbanan antad sid kotuvangan ponong sid kanavahan do Kinoringan om ponong sid koposizan penlaid. Gam dang Kristus-no iosido ponong sid kohormatan do Kinoringan. Ong onsizon tokou ino boros di Paulus do bai duvo tolu o linsou do boros, iadino, Ensanan sid di Kristus. Ong aso Kristus, tantu aso guna di nunu-nopo. 1,15-23 I Pinta dua di Paulus: I gorija dit antad di kinembulazan di Sundu dot Osusi. Nopongo-po di Paulus mangarazou om mongindazou do Kinoringan sid 1,3-14, lumombus-no iosido sid gama minta dua di monorima kaseh iosido om mongontok minta dua dot aso kengkadan dau monguji di kohormatan om kakansango di Kristus dot iosido-no it ulu om ulion do gorija. Ogumu o vaza di Paulus manarang do nunu banal i gorija: piumpugan, kopisomungan, bansa do Kinoringan, i piniizaan dit ongoulun dit osusi, guvas di Kristus, valai do Kinoringan om panambayangan do Kinoringan. Ino-no ot atalahas, iso pongoretan nga aso miuma do sampai atarang om mongimbulai di suromo do gorija, i dang Kristus. Na i rasul mongonsi om posuntu dot isai om siombo banal i gorija. Okonko ipat-ipat it ulun kadapat manarang om manantu dot nunu o gorija ko siombo i gorija. Antad sid hoturan om panarangan dit ongorasul elaan tokou dot kuran i gorija di Kristus om kuran dot i tokou nakamung om nokopezo sid gorija dino. I Paulus mongontok minta dua bahagi di piumpugan. Sid 3,14 om sid a-ko piro it ayat siti kadapat tokou humarati di vaza di Paulus minta dua om kadapat tokou do mozo di vaza dau minta dua. I tinomod dau minta duai, norongou dau i kosipan om i vaza dioti kumavid di samod do Kinoringan. Ong momoros i Paulus di kosipan dioti sid di Yesus, ino-no o harati, ioti banalko nokensomok-no sid di Yesus di nokoriniba-no diri. Amu-po mamakai ioti di garal di Kristus di nokensavat-no. Sid gama mangasip di iadino mimbulai do banalko humarap ioti sid di Yesus di mad obpinai dioti om anggai-anggai dioti. Antad dino i samod di Yesus kolombus-no om ajadi dot samod dioti sid sokoviai it ulun Kristian. Minsan okonko sokoviai it ulun Kristian o ngaran do miabal om atantu, kakali dot antad sid samod dioti sid isai-nopo o minongimbulai dit ongoulun Kristian sid Efesus di kuasa di Sundu do Kinoringan dit amu minongohukum om minomingig, inoi nga gam pemumui di sokoviai, it bolikung om it okugui sid kosipan. Kenginan di Paulus dot atambaan-po i kosipan om keloo dioti (17-18). Songkuro-nopo i Paulus mangarazou di kosipan dioti, kakali kenginan dau do varo-po kosurutan. Iti-no o sabap do mindamo iosido di "sundu do kelaan" om "i panalahasan di kentutunan dau". Antad sid Surat di Paulus pakaa sid di Timotius keso, elaan tokou dot sid Efesus om sid daerah sino varot ongoulun di minongimbulai di tudukan do keloo, i retanko GNOSIS di minamalid dit ongoulun Kristian sid tasantanid-tanid o vaza mogidu sid Habal do Kovosihan. Suvaiko it elaan dit ongoulun Kristian mongintutun dot ombo it otopot om ombo o mamalid, ombo it antad sid Sundu dot osusi om ombo it antad sid sundu ko rogon do kotuvangan, om iri-ogi kogoos om osodia ioti do monodiri om mongolumbatos di katapatan om kovuduto om kopolidan. Okonko piro-piro o pamarasan do napakai di Paulus do posondot banal dot ombo miuma, supaya atatap it ulun Kristian. Suvai ogiangan i mato, supaya sumirot banal om kaharati di harapan dit antad sid kodim do Kinoringan om i kalabao di tungkusan sampai i kakansango dit antad sid Kinoringan mozo-vozo dit ulun Kristian. Iri-no ko iri o kakansangan di Kinoringan, i kuasa di minongogulian di Yesus antad sid ulun minatai om i kuasa dau di mongolikup om mongodundung dit ipat-ipat it ulun Kristian, supaya kogoos om katama iosido sid tanga do razat. Sabap amu-po miuma ong rontob nokotoguvang it ulun Kristian do nokodulung-no muli sid Kinoringan, inoi nga kenginan di Paulus dot varo kolombusan om kosurutan, varo-po gama magavi sumuhut di kenginan do Kinoringan ponong sid kotulukan om karangkapo (Kol. 1,28 om Matius 5,48). Mad tolu o kogunaan di gama di Yesus bahagi di gorija: 1. Sid kinogulianan di Kristus notuvarig-no i sokoviai i kobuatano do vinangun om riniba. Sid 1. Kor 15,54 minonurat i Paulus dot, I kapatazan notolon do kamanangan, ka. Sinod kinogulianan di Yesus nosimbanan-no i sokoviai i nununopo, tu okonko i kapatazan om kapasaan do buntung sid lobong o kompusan om kopupusan do riniba, inoi nga varo koposizan penlaid. Nokodulung-no i riniba ponong sid karajaan do Kinoringan di nokotimpuun-no hiza di nokorikot i Yesus (Markus 1,15). Iti-no o kogunaan do mongohormat dit adau do kinogulianan di Yesus, ipat-ipat toun om ipatipat minggu. Sabap it adau minggu, ino-no it adau di kinogulianan di Yesus. Okonko bai tinomod it gorija mongoguna dit adau do minggu dot adau do pongintaranan, tu sid kinogulianan di Yesus diri nokembulai-no i vangun vagu. Okonko iadko it adau do Sabat (Sabtu) minongohormat dit adau di kinapangaan di kinourugan do vinangun om riniba o gama tokou ulun Kristian mongoguna dit adau di mad kinourugan vagu do riniba, inoi-no i koposizan ponong sid penlaid om kogulianan dit ongoulun minatai. 2. I Yesus Kristus monguasa di sokoviai (Matius 28,18-20). I sokoviai it ongokuasa biano, pomorinta ko kuasa do kotuvangan, ongorogon, ongosundu, minsanko i ponong sid kovian, nga nokosuvang-no om naladtakan-no kavi di Kristus. I Kristus nakatalib di sokoviai. Ong it ulun Kristian nokelo ko nakaharati-no di sokoviai it ongokuasa di moniim do monguasa dit ongoulun, do kakali nokuasaan-no laid ino di Kristus, supaya amu oholian o gama dioti mamalid om mongogorot dot ulun. 3. Ong i gorija, tu dang Kristus, nokovozo-no di sokoviai i gama di Kristus, tu guvas i gima di Kristus. I gorija nakamung sid karangkapo om kotulukan di Kristus. Topot vokon-no ong kihizon i gorija, tu kibuatano dot okugui om ohuzan. Varo-po pongitungan dot ulun di pohijau di gorija om piumpugan ko, varo ong amu sumuhut, monimban do gorija ko maliu-po sid gorija vokon, indoson ong iosido o kadapat pahakang om mongopud om mongohijau do gorija. Dot ong otopot, suvai antad sid di Kristus o kakansango om kotungkusan om varo kopudan om karangkapo 132
om kotulukan, okonko antad sid gama magavi monimban om mongimvagu di piumpugan om gorija. Tu bai i Kristus om i kuasa dau, ino-no i Sundu do Kinoringan mongimvagu om pakansang di gorija. Iti-no o sabap, ong banalnoko i gorija, ino-no i guvas di Kristus, a) kondiri di Kristus o pengkakat di gorija dau. I tokou bai palad om longon di Kristus di tumabang pengkakat. Iosido o mangagama. b) Amu nokonong ong i tokou poturug do sulap sid rompit di gorija di Kristus, supaya osodiri i di dato do kosipan om harapan. Bai i vozoon do rogon o pengkakat di dau do panambayangan sid rompok do gorija. c) Aso kosipan tokou di nakatanid sid dau do rombongan di nokotongkizad antad sid gorija. Sabap i sokoviai i gama mangasip nga ponong sid kosurutan om katagan do gorija, okonko ponong sid gama tumohiang, ong retanko bai ioku ot atatap om ioku ot elo mangasip om sumuhut di Yesus. d) Suvai mamung tokou sid gama pengkakat om momongo posurut di gorija om atag-ogi i gama tokou bahagi di Kristus. Tu i Kristus, iso-no o gorija om guvas ot elaan dau. 2,1-10 I kodori om i biano. I kodori diri, nakatanga sid kasalaan om karalazan di dang riniba. Topot ong biano, apasi do kumoruhang di Kristus, doti Kinoringan o minangagama do iadino. Nunu om isai-ka it ongokuasa di momorinta diti vinangun (2,2 om 1,21 om 6,12-po). Ino dino tantu i kuasa do kotuvangan, mad kuasa do naraka om i dang vozoon do rogon. Inot ongokuasa dino mamalid om momorinta ponong sid karaatan om kasalaan, dot i panangan dino, ino-no i kapatazan. Banal-no, it ulun di sumaap di pinonuhuan do Kinoringan om i hormat dau, mad nouripanan-no iosido dit ongokuasa dino. Aso tinganan dau lumabus antad sid kuasa dino. Okonko it uripon kihak monobus di kondiri, supaya obebas iosido, tu okudik, nga aso barang dau di miuma do monobus di kondiri dau. I sokoviai i varo, okonko iosido o sanganu. Tu ong varo dara barang om kosukupan dau, a-no laid nokosuvang iosido sid kinuripanan. Manjadi kananganko i kobebasan dot ulun, varo di manarang do iadino, it ulun iadko pangazam di koburuo om sasakaan, kaladai ko kuda, tu asot elaan dau mamanau dot okonko varo sumako om mangagazad sid rikoton. A-milo-milo, nga varo sumako. Kodung okonko i Kinoringan o nakasako om mangagazad, tantu i vozoon do rogon o nakasako sampai mamalid dot ulun ponong sid karaatan. Iti-no o sabap do minomoros i Yesus diri dot, Ong ilabus-kou dit Anak, tantu kalabus-kou-no antad sid kinuripanan (Yahya 8,36). Mad porosuma i vaza midadahava do kuran it ulun, obebas ko otorungku iosido, inoi nga kiguna do mintoron om mamakai sampai posurut di kobebasan sid di Kristus. 2,1 Sid kapatazan-kou, gima i kinaranggalan. I Kitab mongonsi di kavazao dot ulun. Kondiri di Paulus nakasasi-no dot, Elaan-ku-no dot sid dohon diti, banal-ko aso nokentoron dot avantang (Rom 7,18). Sid Buuk Kinotimpuunan 8,21: araat i pongitungan om ginavo do riniba antad dit opodok-po, ka di Kinoringan. Inot ongoboros dino mamalang banal di kavazao dot ulun, okonko bai mamading di karaatan om i minangagama do karaatan dino. Iadko i gama di Yesus posondot di pinonuhuan sid Tudukan sid Burul, suvai oukad i mad gamut om inantadon ko puun do karaatan om varo-ogi kosopulan om kolobusan. Suvai ogontian i kuasa di manangsanganu dit ulun. I riniba om ipat-ipat it ulun okuasa dot amu engat dot ombo o monguasa dau. Inot ongokuasa dino momorinta om momogos di guvas om ginavo dot ulun, manarik sid karaatan om karalazan (Suntuan i sigup om i kinomol di banalko monguasa dot ulun, ko i mokilulundu om mintikam. Okonko rontob bai ino). Suvai varo kuasa vokon, ino-no i Kinoringan (2,4 Topot i Kinoringan, ka) I kobinsianan dau o monimban di ginavo om guvas ponong sid karangkapan di samod. Noboros-po do iadino, nenduvaan di Paulus mongohodtol sid ayat 5 dot, i napatai, nga pinasi tokou kavi dau, ka. Ino kinosimbanan dino, ino-no i kinourugan vagu. Gam intolu inggulio di Paulus dot it ulun di nosopulan om nembebasan-no, sid di Kristus-no o kinosunuan do iadino (5,6,7): Pinasi sid di Kristus; pinogulian tokou dau nivozo di Kristus,ka; antad sid kobinsianan di Kristus, ka. Banal-no, suvai it ulun tumorima di kovosihan om kobinsianan om kemumu-ogi iosido sid di Kristus. Topot pinavagat di Paulus ombo it antad sid Kinoringan om sid di Kristus. Tu ong okonko nosodia-no laid kavi i ralan om kobebasan ponong sid di Kristus, isot ulun nga aso kemumui om osopulan. Kagi elaan di Paulus dot oruhai malid vagu it ulun di retanko nokemumui-no sid di Kristus, retanko i dau do kosipan om kosimbanan do ginavo o minanapul sampai iosido dino, ulun do nokosulad sid tinoguvangon do Kinoringan. Sabap ino, sokoviai it ongoulun di mangasip nga tanda om suntuan di kogozoo do kobinsianan do Kinoringan dit elo monimban di kavazao dit ulun di nakaraag om nokensodu antad sid kenginan do Kinoringan. Nivozo di Kristus: Nunu-ka o harati dino? Vokon-no o boros di Paulus, Ong nokokoruhang iosido di Kristus sid sangkap, kinumoruhang di Kristus matai, nolobong-no om nogulianan-no, gam nokovozo-po sid surga, ka. Iti-no o pasandatan di boros do iadino, a) Baiko i Kristus o kosopulan tokou. b) I Kristus polombus di kosopulan sid isai-nopo it ulun di natagak ko mad notogob. c) Okonko it ulun o mamaka om mangagama di kosopulan dau, inoi nga suvai kumavid om sumokot sid Minanapul, ino-no i Kristus. Vokon-no ong varot ulun di monuturan ko minta dua do kuran i vaza dau kumoruhang om tumanggai di Yesus dot alaid-po, amu-no osodiri dot ombo i ginama di Kristus om i dau. Oholian o gama dau monguji di kopianggazan dino. Topot, minsanko iadino o gama di Yesus bahagi di tokou ulun di mangasip, kakali varo pitonidan om varo kosodirizan dot ombo-nopo i ginama do Kinoringan om ombo i di tokou do kosipan om harapan om ginama. Tanid i Minongurug om i tokou di inurug di boros om palad dau (2,10). Minsanko nakamung i kosipan tokou ponong sid kosopulan, ino kosipan dino, okonko gama-ku kondiri, inoi nga antad sid ginazad do Sundu do Kinoringan (nitahak do Kinoringan 2,8). Ong sid Rom mongohodtol i Paulus dot, Baiko antad sid kosipan, okonko antad sid gama-ku,ka. 133
Topot ong siti posurut i Paulus di kososizan dino sampai mongohodtol dot lobipo avagat dot, Baiko antad sid kovosihan (do Kinoringan), okonko antad sid ginama-ku, ka. Ong i Martin Luther minongumpug dinot ongokososizan dino di banalko arantang om inonsi-no, retanko, Baiko i Kristus, baiko i kosipan, baiko i kovosihan, okonko gama dot ulun, ka. Iri-ogi it ipat-ipat it ulun Kristian om ensanan i gorija atahakan di kalabao di kovosihan ponong sid kavazao om kobuatano dau sid tanga do razat. I gorija pasasi sid saralom di kalabao do kovosihan di ginama do Kinoringan. Tu iadko i Kristus minonori dit ongokuasa di nunu-nopo, i gorija kumavid di kamanangan dino om mongimbulai-no di kuasa do kakansangan pahabal di Habal do Kovosihan om i gama suvab-suvab, do tanda i gorija di kovosihan om samod do Kinoringan sid tanga do piooduhan om kopirurumpakan. 2,10 Banal-no ong nosopulan-no, tantu osodia-no it ulun di mangasip do mongimbulai dit uva-no do samod do Kinoringan om kovosihan do Kinoringan (it avantang o gama) sampai varo kotulukan. It ulun di nosopulan engin-no manapul dit ulun vokon. Ino dino, poduan-no laid om umpai-no laid do Kinoringan. Amu osusa tokou mogihim dot nunu it atag do gamaon. Nosodia-no i gagamaon ponong sid kosurutan di karajaan om hoturan do Kinoringan. 2,11-22 I riniba vagu sid saralom di Kristus. Natarang-po di Paulus sid 2,1-10 i kosimbanan di kavazao dot ulun dit a-kelo do Kinoringan (ulun kafir) sid kovongunan vagu, tumoguvang iosido sid a-ko piro ot ayat diti do kuran i Kristus monimban di kavazao om kobuatano dit ongoulun Yahudi, hiza di sumuhut om mangasip ioti sid di Kristus. Momoros i Paulus do iadko it ulun do Yahudi momoros dot, Ikou dino, ka. Sid boros di iadino opurimon tokou i pialatan dit ongoulun do Yahudi om it ongobansa vokon. Minsanko sid ongopongoretan di napakai-no sid boros Ibrani mimbulai ino pitonidan. Tu ong i bansa dit ulun dot Israel om Yahudi, retanko AM = bansa banal, iadko i boros sid Silam Umma (valai om ongkob do Kinoringan). Topot ong it ongobansa vokon, bai GOI ko GOIYIM o pongoretan, i harati, kafir, ulun di pakaso do Kinoringan ko bansa dit ulun dit amu kotutun do Kinoringan. Ong i Paulus monodiri sid sunat om it a-nosunatan. Sabap iti-no o pogintutunan dit ulun Yahudi di monodiri do Yahudi ko bansa vokon. Ong it ulun Yahudi, agazo o gama dioti pokihi dit ongobansa vokon, retanko asot elaan dioti dot isai i Kinoringan sampai okonko nopili do Kinoringan ioti. Baiko iokoi Yahudi o dang Kinoringan, ka om baiko iokoi o kaharati di pinonuhuan do Kinoringan, ka. Antad di kinelaan do iadko nokembulai-no i kosumbungo dit ongoulun Yahudi di minongimbulai di kopisasanaan om kopisasangadan. Na i Yesus Kristus o minongimbulai di kopioondusan dioti sampai minongimbulai dit ulun vagu, i harati, i riniba vagu. Isai-nopo i tumorima di Kristus om mangasip om sumuhut di kenginan dau, nakamung-no sid riniba vagu. Hondomo-no dikou, I Paulus amu monguji di sunat dit ongoulun Yahudi. Mad bai palad dot ulun o minangagama di sunat dino, ka di Paulus do mad mongusok iosido di hal di kakali agazo o harapan dit ongoulun Yahudi. Ong i Paulus kondiri, varo hiza di kakali iosido minongoguna di sunat dino di minangakun iosido dot osunatan i Timotius, i koruhang dau. Sid tohudi-po, nokotongkizad-no banal i Paulus, tu nohorotizan-no banali dau i kosumbungo dit ongoulun Yahudi sid gama monguji di sunat om i pitonidan ponong sid ongobansa vokon. Banal-no, ka di Paulus, varo pitonidan. Tu it Ongoyahudi t`osomok dara sid Kinoringan, tu nopili-no (12) om varo janji do Kinoringan sid bansa dau (12). Ino dino kavi, okonko rontob ikou o panangan diri. Topot, iadko nitarang-no laid sid 2,1-10, nokensomok-no sid Kinoringan it ongobansa, nogiangan-no i ralan ponong sid Kinoringan, gima i gama di Kristus. I raha dau o nipongohorogo om nipangapus dit utang dikou, ka. Ino gama di Kristus okonko bai ikou o panangan, inoi nga miabal kiguna iadko it ongoulun do Yahudi. Sabap minsanko nokensomok-no laid dara ioti diri, kakali amu nokopongoguna ioti dino janji om pinonuhuan ko i kinopilian do Kinoringan dioti. Sompi osusa kopusan om tonggungon it Yahudi om it bansa vokon. Ino gama di Yesus sid kazu do sangkap o minonimban di kavazao om kogunaan di sokoviai it ongobansa dot amu-no monodiri-po kisunat ko it aso sunat. Ombo i nabahagi-no, miizo-no vagu. Ulun Yahudi om ulun dit ongobansa vokon miamung sid iso o guvas, ino-no i guvas di Kristus. I raha di Yesus o pinopiizo dit ongobansa di tasantanid-tanid o raha om turunan, sampai jinumadi ioti dot songobpinai di mad mirarantas pusod. Varo suntuan biano do kuran i rinding mamahagi dot ulun om ongobansa, ino-no i pioduhan do Barat om Timor sid Europa, Amerika om Russia om iri-ogi i rinding do vatu sid Ibu Kota Germani, ino-no Berlin, om it ansal dot aso tinganan mangaranggal ko manampaping, tu varot ongoinjin di monimbak dit isai-nopo i minsomok sid ansal diri. Tigogi, nohuzas-no i rinding do vatu di banalko apapag om neduno it ansal sid Germani. (Kuran-no ong ino pioduhan dit Ongoarab om Israel biano dit antad sid iso ot ama, ino-no i Ibrahim. Suvai i Kristus o harapan dioti om kopiizo-ogi ioti. Sabap i raha di dang riniba a-kadapat popiizo dot ongoulun. Tu minsanko mirantas pusod iadko i Kain om i Habil diri, miniooduw sampai minamatai dit obpinai o kosungguvo dioti diri). I Yesus Kristus o kopioondusan tokou. Avantang ino kososizan dino om i pomintaan dua do mokibarakat dot, Tahakai-okoi-no do kopioondusan-nu, ka. I gorija om it ongogorija biano a-milo-milo mongusaha dino kopioondusan sid gama miizo om miupakat om mitutulung sampai mogihim do vazaan do miizo banal sid iso o tugas, ino-no pasasi di kopioondusan do Kinoringan sid tanga do razat om ponong sid ongobansa vokon. Kasalaan ka-nopo, i hiza di nakatalib, asarok it ongoulun kondiri o minongimbulai do kopioduhan om kopisasanaan sampai it ongobansa i retanko kihoturan do Kristian o minongorumpak dot oholian o gama mirurumpak. (Iadko i retanko do Rumpak Dunia keso om koduvo. It ongoulion dit ongopomogunan di minirumpak diri, nga mipinsan (Germani, England, Russia), minonuhu dit ongosojal do mamatai dit ongosangod di sandad Kristian. Ong it Ongogerman diri, varo kolopindang di kisurat, I Kinoringan mozo-vozo dahai, ka ko Immanuel, topot ong it sojal do British minindolongoi dot, Ot Ongoulun Kristian, mingkakat tokou-no... hiza di sumamung ioti di sangod do kumavid di senepang di kikaris-po. I Yesus pengkod di kopisasangadan sid kazu do sangkap. Ino kinapatazan di Yesus sid kazu do sangkap it oholian o gama do riniba manangod, mad Kinoringan o songodon. Topot it ambat do Kinoringan, okonko monuli di karaatan 134
om pahali i kopisangadan, gamko minananus di kasanaan. It ulun vagu. Minsanko kakali nokosusut ino kobuatano dit ulun vagu (Kol. 3,3), varot a-ko piro o tanda do nokotimpuun-no inot ulun vagu. Sabap sid di Kristus najadi tokou do piniizaan di Kristus om guvas di Kristus ko i gorija om piumpugan dot ulun Kristian. Sid piniizaan dino amu-no monodiri do kusai ko ondu, anak ko osukod, Sama ko Momogun om Kina, etom ko osilou o kulit om nunu-nopo songboros dot ulun. Iseso o ginavo antad sid iseso o Sundu di mangahatul om mangagazad dit ongoulun do Kristian. Ino-no o pansandatan di boros di Paulus sid ayat 2,15: I Kinoringan minongurug dit ulun vagu dot i Kristus o vazaan mongurug. Iti-no o sabap dot i riniba vagu nisuntu di Kinoringan sid gorija di Kristus. Ino kavi dino antad sid Sundu dot Osusi ko Sundu do Kinoringan (22). Nihodtol-no laid di Yesus sid ongotudukan dau humuntad (Yahya 15-17) di suvai antad di kuasa di Sundu dot Osusi om varo-ogi kopudan di piumpugan om ulun Kristian, i Paulus mongimbulit siti (22) dot ino kosimbanan antad di kodori sampai biano, antad sid kuasa di Sundu do Kinoringan. Okonko i sunat o kiguna di mad cap ko tumbuk di manarang di kiguna banal i barang ko ulun, inoi nga Sundu dot Osusi o kiguna. Nakababaal-kou-no sid valai dit intoronon di Sundu dot Osusi, ka. Nopongo-no it umba laid do Kinoringan (1,4). Antad dit adau do Pentakosta sid Yerusalim (Usuran Rasul 2) nokengkakat-no i valai do Kinoringan dot i Sundu o pengkakat sampai mamakai dit ongobabaal dit okonko kazu ot inanu, inoi nga it ulun di mangasip o babaal di bangunan dino, ino-no inot ongoulun vagu (2. Kor. 5,17) Topot i potimpakan di valai dino, ko it origi om lumavus, ino-no i nakabahanda-no laid di Yesaya 61,1 om i nitarang di Yesus sid Lukas 4,18, ino-no kondiri di Kristus ot tampat om kongkod di valai dino, om iri-ogi it ongorasul om it ongonabi (20). I Petrus induvo pongonsug tumabang pengkakat di valai dino (1. Petrus 2,5) sampai manarang dot i Sundu dot Osusi o panangan di puvalazon dino. Kananganko i kosurutan di gorija tokou biano diti, iri-no ko iri o tugas tokou om gama tokou mamung sid kengkakatan om kapangatagan do gorija tokou, suvai antad sid tudukan om gazadan di Sundu do Kinoringan kadapat tokou-ogi mitatabang dot iseso o ginavo tokou sumuhut di hoturan om kuasa di Sundu dot Osusi, sampai i panangan do gama tokou mangatag, ino-no, supaya i gorija tokou tantu intoronon di Sundu dot Osusi, okonko bai kuhakob do posuntu do tradisi ko denominasi di mad ondig-ondig dit ongogorija vokon dit isai-nopo. Suvai i gorija PCS jumadi do gorija Pasok di Kristus sid Sabah om gorija di pakakas di Sundu do Kinoringan, om otopotko gorija tokou isuhut di kenginan do Kinoringan. 3,1-13 I kuasa do Kinoringan di mamakai om mongingkansang dot ongoulun. Ensanan i kavazao om usuran di Paulus, nga tanda om suntuan do kuran i Kinoringan mamakai om mongingkansang dot ulun. I sokoviai i gama di Paulus magavi do sumuhut di kenginan do Kinoringan, ong isuhut di dau do kohorotizan om kenginan, tantu porosuma, gam nakasaap iosido di kenginan do Kinoringan. I Kinoringan minanganu di Paulus do wakil om mandul dau (2 om 9) I gama do Kinoringan ponong sid riniba maza sid ongoulun di notugasan do Kinoringan. I gama do Kinoringan okonko iadko hojimat ko magik. Gam suvai ogumu it ongoulun nosodia do tumorima di tugas dino (Matius 9,38) om miuma-ogi. Minsanko it ulun di banalko araat, tu sinumaap di Kristus, nga inanu-no do Kinoringan (3,7 ioku-no diti, ot osibak-mantadko i sokoviai it ongoulun Kristian, ka di Paulus). Kagi antad sid gama di Paulus, amu-no osusa-po it ongoulun dit okonko Yahudi do sumuvang-po laid sid Ugama Yahudi om kumoristian-ogi ioti. Gam varo vazaan do turus tumoguvang sid Kinoringan, tu i Kinoringan pinorikot sid ulun dino di Habal do Kovosihan, dot i Paulus om i koruhang dau o minangahabal, okonko ihabal-po laid sid Yahudi om iri-ogi sid ulun labus. Ong biano, tu nokotorungku-no i Paulus, suvai varo gumanti sid tugas dau. Iti-no o sabap do mongonsug i Paulus dit ongoulun Kristian sino, supaya keso, kaharati ioti di tugas di Paulus om i vaza dau do porikot sid ongobansa di Habal do Kovosihan, koduvo, mamung ioti om mokitugas di iadino sampai kumavid di kapangahabaran di Habal do Kovosihan sid sokoviai it ongobansa. Okonko bai i rasul o pakakas do Kinoringan, inoi nga ensanan it ongopiumpugan dot ulun Kristian om ensanan i gorija di Kristus. Vokon-no ong i piumpugan amu andaman i tugas dau om i kogunaan dau ponong sid gama pasasi di kohormatan om samod sampai kabanaran om kovosihan do Kinoringan sid tanga do razat. Rumehat-nopo i gorija, iadko nopongo-no laid kavi i gama dau, gima it ulion o minomongo. I kakansangan di Paulus di patatap di gorija. I Paulus momongo do manarang di pitonidan di gulu om i biano: I kodori i biano amu nohorotizan biano nembulai-no di Sundu do Kinoringan it ongobansa i gorija Ong nokotorungku-no i Paulus, okonko it natahan-no iosido sid torungku ot kiniro di Paulus, inoi nga natangkap-no iosido di Kristus, sampai pakakas iosido di Kristus. Sabap iosido dino a) ensanan i koposizan dau sumunsid om sumuhut di Kristus di mangasip iosido om rasul iosido. Aso-no kiroon-po di Paulus do varo kenginan dau kondiri b) Ong okonko kenginan do Kinoringan, amu otorungku i Paulus. Minsanko i torungku, nga kakali vaza do Kinoringan mamakai di rasul bahagi di kosurutan do gorija. (Banal-no, ong okonko notorungku i Paulus diri, iso surat di Paulus, nga asot adapat tokou mamakai, tu amu nokosurat it ongosurat dino. Tu ong obebas i Paulus mirimpanau, tantu kondiri dau mingrikot dit ongopiumpugan do mangahatul om mongumbasih dioti o tomodon.) c) Ong i nokotorungku-no i Paulus, ino-no i tanda dot it ongokuasa di sumaap do Kinoringan minogihim do vazaan do manahan di Habal do Kovosihan. d) Ong i Paulus kondiri mad nokokoruhang-no di Yesus sid kasansaraan om kapagasan dau. I harati, ong nokotorungku-no i Paulus, minsanko sid torungku kadapati iosido do monorundakai dit ongopiumpugan sid ongobansa. Antad sino, varo-no pamarasan dot i raha dit ongoulun di nasansara sampai nipatai-no dau, i Paulus 135
jumadi do kinaranzatan (linsou) do gorija. Ong sid boros Yunani, napakai-no i pongoretan dot ekonomia, retanko i Kinoringan mangahatul do gorija iadko mangahatul do valai ponong sid kosukupan om avantang o hoturan. Ong aso hoturan sid valai, osusa banal. Oduruk om avi-no i balanja, i vaig, orungoi i taap ko i rinding, oromizas it ongobarang, ohigilan dot avu it odopon om nununopo it ongohal dit amu ahatul. Ong i Kinoringan okonko bai minongumba, inoi nga minongumpai sampai pembulai om palanta di hoturan dau. Iadko i gama laid do Kinoringan ponong sid ulun Yahudi o gama dau ponong sid ongobansa vokon, supaya ioti sompi kotungkus di barakat, sompi kibahagi sid janji om sompi najadi o guvas om gorija. Intolu-no pohodtol inot sompi, ka. Iti kavi antad sid kuasa om kakansangan do Kinoringan. Ino pongoretan dino sid boros do Yunani, dynamis, iadko dynamite, ino tapung dit apakai sid piruru do senapang om bahagi mamabak do vatu om pampang. Banalko akansang ino, minsanko bai okudik, ong kosikit. Ino kuasa dino, nokentahan-no laid di Yesus sid kinoruhangan dau (UR 1,5-8). Antad sid kuasa dino varo keloo do Kinoringan (10) om varo katatapo (13). Iadino jumadi i gorija do pakakas dit umba om umpai do Kinoringan ponong sid kosopulan di songvinangun, i retanko vangun vagu om karajaan do Kinoringan. Rontob-nopo, vokon-no ong amu katama it ulun Kristian kumavid di tugas dau om i koriatan om kotibangan, indoson dau, ong suvai sokoviai i gama isuhut do hoturan om koubasan laid. Iti-no o sabap, do vokon-no ong varo`t alazan i koriatan om kotibangan, gima minud do varo monuhu om varo-po mangahatul, retanko okonko ioku o milo om aso hak-ku do mangagama di iadino. Ong humandab i valai, amu atag do minud do varo monuhu manapul dot ulun ko momisok dit apui, ko ong varot araat ot ulun di monusa dit ulun vokon, amu atag do bai minud do varo mata-mata di manangkap om manahan dit ulun dit iadino, ko varot anak naratu sid bavang ko rahat, amu miuma do pendongou di molohing dau, tu a-korikot koduruk manapul. Ong sukul agazo o ginavo om ensanan humarap, tantu aso kohigangan, ka di Paulus (12). Atag dot i tokou ulun Kristian lobipo osodia do tumoguvang di tugas tokou pasasi om posuntu om posurut di kenginan do Kinoringan, ponong sid kondiri om ponong sid ulun vokon. Sid saralom do piumpugan om gorija om ponong sid razat. Sabap i tokou diti, ulun dit okonko mizau bahagi di kondiri (Galatia 2,20) 3,14-21 I kopomintaan dua di karangkapan. Insanpo dino monurat i Paulus di pomintaan dua bahagi di piumpugan sid Efesus. Sid pomintaan dua dino mangagazad om monuduk i Paulus di tokou minta dua. Ong i Paulus oubas-no iadko it ongoulun Yahudi do kodung minta dua, sumingkudou iosido. Ino vaza sumingkudou o vazaan do tumoguvang sid Kinoringan dot osibak o ginavo om iadko sumamba sid Kinoringan dit ensanan i kenginan om kavazao kondiri. i rabas kosondot sid tana, tanda dot aso-no kenginan kondiri om aso-no kosumbungo-po ko kiroon dot varo kuasa om kakansangan kondiri. Sid sahau do Kinoringan i sokoviai i nunu-nopo it ulun. Ong i Musa diri, kodung minta dua, mingkakat iosido sampai isinggol it longon om palad dau. Ko it ulun do Parisi sid Lukas 18, nga iadino, sumusui di Musa. Bai it ulun krani do sukoi sino, o sinumingkudou. Na ino vazaan tumoguvang sid Kinoringan, agazo o harati. Rontob-nopo, ikid situasi, varo hoturan dot okonko i vaza kondiri o kiharati. Ong bobolizan diri minindolongoi do mongodim dit ongorogon, mingkakat iosido do mad mindak-tindak mari-lari om mindang-gindang i guvas dau. Ong Silam, tantu sumamba do sumingkudou om sumingkotud banal, retanko sumunsud sid kenginan do Kinoringan. Iti-no o sabap do mamakai ioti dit ongoikam sid masqid. Ko i Gorija RC nga varot ongopapan napasang sid ongoogomon, supaya hiza do minta dua sumingkudou it ongoulun. Ong sid Gorija Anglikan, gam varot ongobantal oginit sid ogomon, supaya it ulun kadapat mamakai dit bantal dino, hiza do minta dua i piumpugan. Varo-po hoturan do suvai i duvo palad dot ulun mikakavidkavid om atag-ogi minta dua dot nokodom i mato. Topot, insanpo dino, minsanko kiguna do varo hoturan do iadino, okonko i hoturan kondiri i kiguna, inoi nga i ginavo di mamakai di hoturan dino. Varo dati iso o hal dit atag misisingilo-po sid Ongosilam. Kodung nopongo dioti i pomintaan dua om i gama mongindazou do Kinoringan hiza di nokosingkudou ioti dino, kumovili-po ioti ponong sid ulun sid vana om i sid gibang, i harati dioti, it ulun, ong tumoguvang iosido sid Kinoringan, kikoruhang iosido. Iti-no o sabap do kodung nopongo-no tumoguvang sid Kinoringan, tumoguvang-po sid koruhang ponong sid vanan om sid gibang, tanda dot mopud it ulun sid tanga dit umma, ino-no (ong sid di tokou) i gorija. Ot Ama dahai, ko sid Rom 8, Abbah, o nituduk tokou di Sundu do mangarait do Kinoringan. I Paulus manarang di dau do kohorotizan di pamarasan Ama. Ong mangarait di Kinoringan dot Ama, ino-no o harati, iosido ot inantadon di sokoviai i kapanangamaan sid surga (savat) om sitid riniba. Ino-no o harati, okonko i pongoretan sid riniba do mangarait di kusai di minaganak dot anak dot, ama ot pongonuvan di gama manangama do Kinoringan, gam i kobuatano om gama do Kinoringan mongurug om monguasa di sokoviai o pongonuvan dino pongoretan dino bahagi di kusai di minaganak dot anak, supaya it anak dino momungaran di kusai dino dot ama dau. Insan pamakai i Paulus di pongoretan dino bahagi di kondiri dau, retanko iosido-no o minongimbulai di piumpugan dot ulun Kristian sid Korintus. Minsako ogumu o guru dikou, nga baiko ioku o minaganak dikou, ka (1. Kor. 4,15). Turu ot indomoon di Paulus antad sid kalabao di kohormatan om otulungan di Sundu di momihot om pakansang di ginavo dikou, ka. a) I Sundu manahak di kalabao di kohormatan dit Ama. b) I Sundu mongimbulai di kuasa sid ginavo dot ulun, supaya atatap i kosipan. c) I Kristus manansanganu di ginavo dot ulun, rumusod sid ginavo dot ulun. Okonko bai i kabang sumasi di Kristus, inoi nga antad sid ginavo o kososizan dino. I ginavo dot ulun o mangahatul om mangagazad om mangarancang di rikoton dot ulun om panangan di gama dau. Ong ahatul di Kristus i ginavo, ponong sid di Kristus-no o kiguna i ginavo om gama dot ulun. d) Ong iadino, i samod ot inantadon di koposizan-ku, mad mugamut om mutimpusod sid samod, ka di Paulus. Duvo o suriban di Paulus, ino-no gamut, iadko i Sundu kigamut dot antad sid gamut dino varo vonod di pezau om pamasi sampai posurut di samod dit ulun, om iadko i Sundu i paganakan di polombus sid anak dit a-po nemongo i kosukupan, 136
supaya varo kosurutan om kapangaan om kopudan. e) Iri-ogi i Sundu mongimbulai sid ulun di kohorotizan di tumalib di sokoviai i keloo do vinangun om riniba. Tu ong sid vinangun, bai tolu o dimensi o nokelo i riniba, ino-no i kasavato om kalaabo om kosongoho. Topot ong siti, varopo dimensi kaapat, ino-no i korolomo. Ino-no o harati, i koledo do Kinoringan dit aso kengkadan. Amu adanzaan do riniba dot ong Kinoringan, kotimpuunan, nga aso om kengkadan nga aso, sampai penlaid, iri-no ko iri varo-noko varo Kinoringan. Aso rontob om aso kovian. Pengkaa dino, i samod do Kinoringan, nga aso kopupusan om aso koingkadan. Sabap i samod dino tumalib di sokoviai i kiroon om kohorotizan do riniba. (Sid Kentalangan 21,16 retanko i Yerusalim vagu dino ovokou dot sompi 120 km alaabo om kosongoho om kasavato, dot isot ulun nga aso kadapat mongitung do kuran, ong iadino kasavat do valai ko kuta. Tu minsan banalko asavat it a-ko piro bangunan sid ongobandar dot agazo, iadko sid Tokyo om New York, ko Singapore om Kuala Lumpur, ong asavat banal, varo 500 Meter dot labaan dot hatus minisasantak-santak i valai dino. Topot ong hatus om duvo nopod Kilometer. Ong banalko asavat tumulud i tarabang dit elo mininsavat banal, varo hopod om limo kilometer. Ong asavat mantadko ino, aso-no tinganan, tu aso-no barat di iadko tozogon di tarabang. Ong baloon di banalko ahatul agama, sampai 35 km kasavato kadapat. Topot sid savat dino, aso barat om aso oxygen. Kodung aso oxygen, amu kadapat it ulun momuhobo. f) Ino kohorotizan dino dit antad sid Sundu do Kinoringan mongimbulai di vaza mamakai di samod di Kristus, ino-no i samod ponong sid kosopulan dit ipat-ipat it ulun. Asot iso ot ugama dot engat i kalabao di samod di Kristus. Topot ino samod dino rumaliu sid di tokou om amu mingkod pamasi di tokou. g) Ong kondiri dit ulun amu kaharati di kondiri dau om i rontob dau. Topot ong otulungan-no do Kinoringan, otoliban i sokoviai i pongitungan dit utok tokou. I Sundu o monuluk om patalib dit indomoon tokou isuhut di di tokou dot elaan, supaya varo karangkapan om varo gama sumuvang sid kenginan do Kinoringan. Ino pomintaan dua dino mangagazad di tokou sid atag o gama minta dua. Sid kovian i pomintaan dua di Paulus dino (20-21) arait-no kavi i kogozoo di kohormatan om bantug do Kinoringan, ino-no, it amu milod kiroon dit utok. I sokoviai it ongopongitungan tokou ponong sid Kinoringan om i Kristus om i gama dau, ko ponong sid kuasa do Kinoringan, ino-no i Sundu dot Osusi, amu miuma om amu orikot mongitung ko koduzan banal, a-siumuhut dit atag. Bai ngaran kaharati om ngaran-no nelaan om karamit dino sokoviai. 4,1-16 I Kesaan om piniizaan sid saralom di Sundu om i tasantanid-tanid o koburuo sid piumpugan om gorija. Duvo ribu toun koledo varo gorija dit inonsug di Kitab do miizo, nga kakali minitotongkizad it ongorombongan sampai jinumadi dot goroji dit osodiri, iadko i gorija Orthodox di tinumanid di toun 1054 TM om iri-ogi i gorija do Reformasi antad sid gama di Pope, it ulion do Gorija Rom mongohukum om monunsub di Luther, tu amu tumorima i Pope di cadangan di Luther kananganko it tinomod dau mangatag dit ongokaraatan sid gorija diri. Kagi antad diri, ogumu-po ot ongoulun minongitung do suhulon tumanid mantadko tumabang mangatag do gorija, ong varo`t emot do hal dit amu atag. Ino-no rontob o pitonidan, Ong i Gorija do Reformasi nokimbulai, tu nosunsub-no, gam hinukuman-no dot isai kemot di Luther, patazoni, aso sala di minamatai, ka di nipangaratu di Pope diri. Topot i kogumuai dit ongodenominasi biano nokotimpuun-no, tu minioduw it ongomangagazad ko tazonko tumohiang it iso, tu amu tumorima iosido di gazadon dit ulion di dau do gorija ko piumpugan. Iti-no o sabap do banalko abahagi-hagi i Guvas di Kristus om amu engat-po ino boros di Paulus sid a-ko piro it ongoayat diti. Ogumu it ongodenominasi lobipo mongoguna om sumuhut di dau do pongitungan mantadko sumuhut di gaazadon di Sundu dot Osusi, minsanko mongogorot ioti momoros do bai ioti,tu ioti-no o nokosuhut di Sundu do Kinoringan. Sid kobuatano dino, ogumu o pongitungan om ongosundu ko rogon do riniba nakagavul sampai mongunang di kesaan om piniizaan dit ongoulun di mangasip. I rasul mindamo om mongonsug om mongimuhun, gima i kobinsianan do Kinoringan, iadko sid Rom 12,1. Ong siti mongohondom i Paulus do nokotorungku iosido, gima i Tuhan. I kobuatano do gorija okonko hal do misingkavaro om misingsodiri misiingkakat kondiri. Suvai mongoguna di kinopilian di Tuhan dau, ong it ongoulun Kristian mogihim di kopotutan do Kristian ioti, isuhut di kobuatano laid di Kristus. Nokokuro, tu kakali osusa i Paulus do mongohodtol dot, Kadan-kou-no mokisasavat, ka. Tu nahatul-no laid di Yesus dot isai i mokisasavat, gam mokiuripon iosido sampai momoug di hakod di koruhang, okonko it ulu dau ot indogupan dau, i harati, amu momorinta ko mangahatul isuhut di hoturan di dang riniba. Kodung ulion ko mandul, amu gumama, bai monuhu-nopo om moniag. Topot ong sid hoturan di Yesus, it amu engin mangagama it ongoulun, tu gama dot osibak, iadko momoug do hakod, tu ino dino gagamaon dot uripon, ko mangada do sampa om nunu-nopo. Tu ino-no i toguvangon dau om mongusaha mongumbasi dit ongoulun om i piumpugan. Ino palajaran sid Yesus diri, kakali amu tokou-po nakaramit, tu kakali asarok it ongoulun Kristian dot ozi do mogom sid savat om ozi dot iosido ot opili do jumadi dot ulion ko i nunu-nopo bantug om hormat sid piumpugan. Topot ong it ongogamaon di suvai agama ong umasan ko kopogos, amu-no kagaratan dot ulun. Manjadi ino kobuatano di gorija di Kristus do nabahagi-hagi-no sid hinotusan om rinibuvan o gorija om tumpuk, banalko pokihi om mongusok di Kristus, it ulu om ulion di gorija. Iadko sid Jipun. Minsanko sid Jipun, okonko sampai iso perhatus o nokokristian-no. Inot okudik ot ulun Kristian nabahagi-no sid 216 denominasi. Ong it agazo i denominasi i Kyodan, ko Gorija di Kristus, entanga it ongoulun do Kristian Jipun nakamung sino. Topot i vokon, nabahagi sid 215 o denominasi. Vokonno ong minsan kahatus otulun nga amu sid iso o denominasi. Topot kakali i kiroon dioti, baiko ioti ot otopotko ulun di mangasip om sumuhut di Kristus. Amu engat do varot ulun Kristian Jipun vokon dit iri-no ko kiro o kosipan om harapan. Iti-no o sabap dot banalko apaganan it ongoulun Jipun di mamasa di Kitab do monodiri dot ombo o denominasi ot atag omungon, alaid-nopo, varo-no pongitungan di kogumuai dot osuhul ong amu-no mamung sid nunu-nopo songdenominasi. Bai iso-po ot atag, kumavid di Kitab om mangasip, tu atagali ong kamung-no sid ongobahagi di bai tanda di kopibabahagian do gorija di Kristus, okonko tanda di kesaan om piniizaan sid di Kristus 137
om i Sundu do Kinoringan. Banal-no, ong banal-no i Sundu dot Osusi popiizo dit ongoulun Kristian, inot ulun Kristian amu kadapat mozo di dau do pongitungan om i dau do kenginan. Nunu-ka i tanda di kesaan sid di Kristus? Ong otopot, ino kesaan sid di Kristus okonko ulun o mangagama om mongusaha ko miupakat, inoi nga ino kesaan dino nosodia-no laid, nagama-no laid di Sundu do Kinoringan. I kopioondusan do Kinoringan o kogos di piniizaan om kesaan dino. I harati, okonko i tokou miupakat om mongolumbatos di syarat do kesaan ko i hoturan di kesaan dino, inoi nga nahatul-no laid om nolumbatos laid di Sundu do Kinoringan. Mad onom o tanda om kavazao dit ulun Kristian tumabang do tumorima om manaud di kesaan dino, ino-no a) Amu mokisasavat, gam osibak o ginavo. Engat dit ulun Kristian do varo rontob di keloo om gama om kakansangan dau. Iti-no o sabap domongoguna iosido dit ulun vokon om i dau do kohorotizan om kelaan. Aso kiroon dau do baiko iosido ot elo. b) omomos o pongitungan om kopurimanan: amu avadsak o boros, ko humalib om humungot, inoi nga alangkas mongining, topot oboloti mumbongut om mangaratu do kovosihan. c) alanut o ginavo, amu obingpupusan ko obinghungot ko obingabasan: Suvai netung-no banal o hal om mumbongutogi sampai mongining banal sid cadangan dit ulun vokon. Aso kiroon dau do bai iosido o nokelo di ralan dit atag, inoi nga tumorima om kumavid-po di dang koruhang. Amu pogorot di dau do kabanaran, gam nokosodia do kikihizon iosido om laladtakan dot ulun, nga kakali amu kumioduw. d) Sid saralom do samod mongusaha di sokoviai sampai mitutulung. Amu abasan do monorundakai dit ulun vokon, tu vaza pentalang di samod dit antad sid Kinoringan. e) Kumavid om manaud di piniizaan di Sundu om jumadi do pakakas di Sundu om koruhang di Sundu sid gamap posurut di piniizaan om kesaan. Sid gama do iadino, amu atag do iri-no ko iri mongohodtol dot ioku diti, nga koruhang di Sundu, tu nopodsu-no di Sundu, ko bai ioku o nokotorima di kopodsuan dit antad sid savat (Yahya 3,4). Tu ong iadino, ino gama-ku dino pokihi di koruhang. Okonko i tokou o paratu dot isai o koruhang om pakakas d Sundu do Kinoringan. Gam sid kobuatano-ku mimbulai dot ioku kakali mokisasavat ko otopotko pakakas-oku di Sundu do Kinoringan ponong sid kosurutan om kengkakatan do gorija om piniizaan om kesaan. Sabap i gama mamajal di koruhang ko i gorija, retanko a-onong i hoturan sino, mad vaza do tumongkizad-oku om mamahagi-oku di gorija. Ong iadino, okonko i Sundu o mamakai dohon ponong sid kosurutan do gorija, inoi nga i Sundu-ku o potohiang dohon sampai mamalid dohon. f) Suvai nokokogos sid kopioondusan do Kinoringan, iadko i Paulus di nokotorungku om natahan-no, ipat-ipat it ulun Kristian nakakaraving-no sid kosuhutan di kosipan dau. Ogumu it ongokuasa di mongunang dara om mangasau dara di gorija om ipat-ipat it ulun retanko bai iosido ot elo om kaharati om engat ombo it otopot. Topot ino dino baiko mongorungoi di kesaan om piniizaan di Sundu o tomodon. Sabap bai iso o gorija dit osusi om otongkop sid sompomogunan isuhut di hoturan dit ongorasul i nokembulai antad di Sundu do Kinoringan. Aso vokon. Ong abahagi i gorija, kuran kasasi i gorija di kopioondusan do Kinoringan sid riniba vokon? Iti-no i keso do karaatan om kosusaan do gorija om i kososizan dau sid tanga do riniba. Iso o kosipan om iso o kopodsuan (4-6). Nohodtol-po dot iso o harapan dit iso o guvas (gorija) om iso-no o Sundu, sumurut-no i Paulus mangarait di kesaan sid kosipan om kopomodsuan om Kinoringan-po. I kosipan om i kopomodsuan, nga gamaon do Kinoringan, okonko gamaon do baiko kenginan dot ulun. Iti-no o sabap dot amu atag ong momoros dot, Ioku diti manansanganu di kopomodsuan vagu, ko ioku-no diti ot ulun om vangun vagu, ko, bai ioku ot ulun di kikosipan. Tu kodung varo boros do iadino, oruhai-no kalandu it ulun, tu mongitung-no dot i kosipan om i kinopodsuan dau iadko garal om hormat. Ong Kinoringan engat do bai iso kosipan. Amu monodiri iosido dit ongokosipan, isuhut dit a-ko piro it ongotudukan di monodiri. Kodung i Sundu do Kinoringan mongogiang di ginavo dot ulun sampai it ulun tumimpa om tumorima, ino-no o kosipan. Kagi ino kosipan dino, ko sid Yahya, retanko di Yesus dot i kopomodsuan antad sid savat, tu antad sid Sundu gima, okonko iadko IC di kodung nokotorima, pempatai kiguna, tu manarang dot isai-oku diti. Sabap it ulun di nokemumui iosido gima i gazadan di Sundu do Kinoringan, kakali amu-po nokorikot, kakali iosido sid tanga do ralan, do vokon-no ong tigogi, apalid-no vagu ko tumohiang-no ko tumolikud-no vagu di Kristus, iadko i Petrus. Banalko atarang o kososizan di Petrus diri sid Matius 16,18 sampai sumasi i Yesus dot ino kososizan dino, nga tuduk di Sundu do Kinoringan, dot amu songkuro diri, monongrogon i Yesus di Petrus. Iri-ogi i Petrus nokovozo sid burul sampai norolungan-no di Sundu do Kinoringan sampai ozi iosidono do mintoron sinod burul dino, tu nokensomok-no banal sid Kinoringan o kiroon dau, dot amu songkuro vagu, mongolim-no iosido do koruhang iosido di Yesus. Ko sid Pentakosta, tumorima iosido di Sundu dot Osusi do banalko apatong o khotbah dau. Topot ong sid Galatia, mongolim-no vagu iosido di kosipan dau. Na okonko bai i Petrus o iadino. Ipat-ipat it ulun suvai korikot-no sid karajaan do Kinoringan, om otuluk-ogi i kosipan dau. Sabap i kosipan dot ulun, ong antad sid ulun o kiroon, tigogi ahakang om tigogi okugui. Varo hiza do pensubaan om varo hiza do kogoos sumasi om tumatap. Topot kakali okonko it ulun o manansanganu di kosipan iadko IC, inoi nga isuhut di gazadan di Sundu om it ounang di sundu ko rogon dit ulun, varo kosuhutan om varo kotolikudan dot ulun. Ong kakali sid tanga do ralan kumaa sid karajaan do Kinoringan, kakali varo hiza do tumoguvang om varo hiza do kumovili om tumolikud it ulun. Gam hiza di mongitung it ulun dot bai iosido o nokotoguvang banal do mad nokorikot-no iosido, vokon-no ong banalnoko nokensodu iosido ko nokotohiang iosido. I patahakan di Sundu sid piumpugan om gorija (7-16) Kovosihan, ino-no it inanu sid boros do Yunani, CARIS (xaris). Ino-no o harati, okonko it ulun o mongimbulai, inoi nga, iadko i raja o mogkovosihan dit ulun di kisala do sampai timbangon dau i sala dino, ko it ulun dit osibak, kadapat do bantug ko bintang antad sid raja, isuhut di dau do kenginan, okonko antad sid gama dit ulun, kuran-kuran, nga i 138
kovosihan bai hal antad sid savat ponong sid sibak. I sid savat o mangagama om manahak. I sid sibak bai kadapat rumamit om kumavid om mongoguna. Topot songkuro-nopo o pagavi dit ulun sid sibak, aso tinganan rumamit om mangavid, ong okonko natahakan-no laid di sid savat. Na boros di Paulus, Ipat-ipat it ulun Kristian kadapat do kovosihan, ko ong sid boros dit ongokarismatik, ipat-ipat it ulun Kristian nakanu do Karismata (ong xaris bai iso-no, kodung duvo om labaan dot duvo, xarismata ong Yunani). Siti o pongonuvan dioti i ngaran do Karismatik. Sid 1. Petrus 4,10, iadino o boros. Sid kinosopulan di minongimbulai i Yesus sid dau do gama sid tanga do riniba, antad di kinosinaan sampai i kinapatazan om kinogulianan dau, atahakan ipat-ipat it ulun Kristian ( om osodia-po bahagi i sokoviai i riniba dara, ong sukul tumorima di Kristus) inot ongopatahakan di Sundu. Ino patahakan dino minud, supaya oguna dit ongoulun di mangasip sampai apakai-no inot ongopanahak di Sundu. Ong amu mamakai, tantu inot ongopanahak dino mad hakod ko unturu dit a-insan kapakai dot alaid-po, aso tinganan do gunaon-po. Ong mamakai it ulun Kristian, gam mamung iosido sid gama pengkakat om posurut di piumpugan om gorija. Ipat-ipat it ulun Kristian kiguna ponong sid kengkakatan om kosurutan do gorija, isuhut di hoturan di Kristus, i mangahatul do gorija dau. Varo-no ong a) rasul, inot ongoulun diri di mad Arkitekt di gorija om valai do Kinoringan (1. Kor. 3,10) it nakanu do pongilaan do mangarancang dit iso o valai di Kristus. b) nabi, inot ongoulun dit nakanu do pongilaan do mongintutun di suromo do Kinoringan kananganko i gorija dau om i vaza mangagazad dit ongoulun di mangasip. c) Ponginjil, ino-no it ulun di nakanu do pongilaan do mangaharati sid isai-nopo it ulun, obungou ko osilat di kogozoo do Kinoringan om i vaza dau manamod di riniba, supaya it ulun muli sid Kinoringan. d) Manaud (osukod) do piumpugan om guru Injil, ulun di nakanu do kovosihan ponong sid gama mengkhotbah om monumad sid piumpugan om gorija di boros do Kinoringan, om ponong sid gama monunda di piumpugan, supaya aso kopolidan sampai poontupat di piumpugan, ong varo sangod om varo pensubaan, supaya nokopizo i piumpugan om tumatap sid kosipan. I gama dioti sokoviai: Popitatabang dit ongoulun Kristian pengkakat di guvas di Kristus. Ino pongoretan dot, Popitatabang, harati do mad monodia bahagi di gama, iadko potraining do sojal bahagi rumpak, ko it ulun di kumursus-ogi do workshop ko i nunu-nopo sanggagamaon dau. Okonko elo-no laid it ulun manaip ko mangagama om mangatag do kurita ko elektrik ko i nunu-nopo, mongenjin ko guru iosido. Suvai varo-po laid training, kursus, sikul. I harati, it ongotugas dot rasul, ponginjil, nabi, manaud om guru, iseso o tomodon, monodia dit ipat-ipat it ulun Kristian ponong sid kengkakatan om kotunggaran om kosurutan do gorija, iadko monuduk do muvalai. Gam sid Efesus 6,10-18 manarang i Paulus di tugas dit ulun Kristian iadko gama do sojal. Suvai osukup it ongosulung om ongopakakas do rumpak om miuma-ogi mozo sid rumpak. Ino suntuan dino inanu di Paulus bahagi di gama tokou monodia om patatap dit ipat-ipat it ulun Kristian bahagi di dau do tugas sid tanga do piumpugan. Tu kuran-kuran, ensanan it ongoulun Kristian kitugas sid piumpugan, okonko bai i Manaud do puruvan ko it ulion om it osukod do piumpugan, ko i ponginjil om Tumpuk. Okonko ipat-ipat it ulun Kristian nokelo-no kavi om okonko i sokoviai nga tukang di nunu-nopo. Iadko sid gama muvalai, varo-no ong elo monimin, varo-no ong tukang kazu, varo-no ong elo mamasang di ponsuran om i tangki ko it elektrik. Ipat-ipat ulun nga elo sid dau do tugas om dau do gagamaon. Varo-no ong elo manarang di Kitab, varo-no ong elo mongubat, varo-no ong elo paharati dit ongokodolikatan sid piumpugan om i vokon. Topot inot ongokeloo, antad kavi sid Sundu do Kinoringan, ka di Paulus. Om i tomodon do varo tasantanid-tanid o panahak di Sundu ko keloo antad sid Kinoringan, ino-no, ayat 12 a: popitatabang dit ulun Kristian: osodia bahagi di nunu-nopo songtugas sid piumpugan, osibak o gama ko i vokon. Amu atag do varo boros dot, Ong i gama dino, okonko ioku o mangagama, tu okonko gamaon dit ulun di nokosikul ko nokouniversiti. Kodung mitatabang, ombo i gamaon dit osusa gamaon, nga toguvangon-no, okonko itabi sid koruhang, tu asakau ong mongubat dit ulun di nadamat ko varo sakit dot kinana om i iadino. Iadko i gama di Yesus sid kinoruhangan dau (Lukas 22,27 Boros di Yesus, Ioku diti uripon sid pialatan dikou). ayat 12b: Ipat-ipat it ulun Kristian mamung isuhut di keloo dau pengkakat om mamasi di valai om guvas di Kristus, ino-no i gorija ayat 13a: ipat-ipat it ulun Kristian sumurut sid kosipan, supaya varo kouvaan di kosipan dau om kopiizo i kohorotizan ponong sid Kristus dot anak iosido do Kinoringan di pezo di gorija om piumpugan. ayat 13b: Sokoviai it ulun Kristian, ondu om kusai, nga sumukod (okonko misinganak-nopo di bai mokisususu ko mokiaakan do bai kinulat) ponong sid karangkapo do Kristus (matius 5,48). Sid kosurutan om kosukadan dino, ipatipat it ulun Kristian sumuntu di Kristus sid tanga do razat om sid piumpugan. Sid kosurutan dino it ulun Kristian mamung sid kohormatan di Kristus om sid kapagasan om kasansaraan di Kristus di kioruol do ginavo, ong i kinoruhangan dau kakali amu-po kaharati om kakali miooduw-oduw sid tanga do ralan dot isai o rumbul satu. Topot ong i rikoton di Yesus diri, minsanko intolu pinentahan dau, nga amu karamit om amu kaharati. Minsanko biano sid gorija, kakali do varo kopigogutan do iadino. iti-no o sabap mongonsug om mongimuhun i Paulus di kosurutan om kosukadan tokou dino. ayat 14: Suvai tumatap tokou dot amu misinganak-no vagu ko mad bondira om iku do barangkas di sumuhut-nopo do barat om i nunu-nopo sanghabal dit aso tantu-tantu. I Paulus mamakai di suntuan dot alud dit aso bansahan sampai otilibi do barat. It ongomomudut om mamalid, retanko kavi dot, bai iti-no ot otopot, ka. Iso habal nga aso o mamalang di kopolidan dau, gam mongogorot banal it ipat-ipat i habal dino do bai iosido ot otopot om i sokoviai i vokon, nga napalid ko a-kaharati. Ong sid Kentalangan 3,12 retanko it ulun dit atarang om opihot iadko origi do piumpugan di kogoos manahan di kavagato om opihot sampai amu oguzu i valai, minsanko varo borizu ko barat dot ologot. ayat 15-16: Ipat-ipat it ulun Kristian, suvai varo kosurutan sid kabanaran om samod ponong sid di Kristus. Insan-po 139
dino, ong kakali sid tanga do pomogunan, isot ulun Kristan nga aso dit arangkap-no laid. Suvai varo-po kosurutan ponong sid di Kristus, it ulion, ka di Paulus. Tu ong aso kosurutan, retanko arangkap-no laid, ino-no harati, humino ko rumehat sid engkodon dot amu-no mongitung do varo-po kolombusan. I gorija, varo-po kosurutan, it ulun Kristian, atag do varo-po kosurutan ponong sid karangkapan dit a-insan otuluk, ong amu-po nokorikot it ulun sid karajaan om hoturan do Kinoringan. Suvaiko i hiza do penlaid om otuluk-no kavi. Sid kovian, mongimbulit-no vagu i Paulus dot, Ipat-ipat i koburuo dino, nga kiguna kavi sampai kumansang-no i guvas sid samod. Siti diti amu osusa do pomungon-po o boros. 4,17-24 Tudukan di Paulus bahagi dit ongoulun di mokipodsu. Insanpo dino tumimpuun-no i Paulus dot, Iti-no o boroson-ku om isasi-ku sid dikou sid tinoguvangon di Tuhan. Nokotimpuun-no laid sid 4,1 do manarang dara di kobuatano dit ulun Kristian, okonko bai i harati di kosipan, inoi nga it retanko, Adat dot vagu. Topot nokotimpuun-no iosido do iadino, mad varo pongitungan do kakal amu-po miuma do mongohodtol do kuran di Kinoringan it Ama (6) om i Tuhan (5) om i Sundu (4) o kongkod om inantadon di sokoviai i kavazao om kobuatano om gagamaan dot ulun Kristian. Sid ko-17 om nosodia-ogi di Paulus ponong sid panarangan vagu. Okonko rontob momoros-oku, ka di Paulus, gam isai-ku-no iti, ka di Paulus. Apatong ino boros di Paulus sino, ino kososizan di najadi do sabap dot notorungku iosido. 17-19 manarang i Paulus dit inantadon dioti ulun Kristian sid Efesus, ino-no i kavazao dit ulun dit amu engat do varo Kinoringan: i pongitungan kondiri dit aso tantu-tantu: ino-no amu engat i panangan om rikoton. It ulun dino iadko dupot do masi, baiko makan om modop, asot elaan vokon do kogunaan di koposizan. It otuvong i ginavo: amu engat dit ulun i kavantango om katagan, orondom ot itungon om suhuton, okonko i hal dit alanta om arantang. Kobungoho om koguvelo di mamalid: tazonko bolikung it ulun, tu amu ozi mamung sid vokon. Kuran-kuran tumagak om tumanid om tumohiang sid boros om gama. I nunu-nopo songumba dit ongoulun, ong iosido, nga tanid-no o kenginan dau. 19 Varo-po karalazan om kozian dit amu engat it ekum ko it apatut ko it hoturan sid pialatan dot ulun, tu mad napatazan dot onsi, inoi nga momodrusuk, magavuk, monginsasakau, mizut, mangagai, mokimamaha, monongkudau, mangaranggal di nunu-nopo songhoturan, iadko vogok dit ozi monginglolobuw sid lolobohon. Iti-no kavi kavazao dit ulun dit amu engat i hoturan antad sid Kinoringan om i kinourugan dau. 20-21 Topot ong ikou. Aso boros di Paulus dot ikou dino tanid mantadko ioti sid ayat 17-19, aso boros dot ikou dino avantang banal, ka, minsanko atalahs dot i Paulus monurat sid ongoulun Kristian, inoi nga mongimuhun om monuhu iosido dioti dot, Elaan dikou dot ino dino kavi amu kopionong sid di Kristus. Bai iti-no i pitonidan, ioti sid 17-19 om it ongoulun Kristian it, orikatan diti surat diti, Norongou kavi dikou i kobuatano di Yesus.. ka di Paulus. Ikou dino nokosikul sid di Kristus di vazaan vagu. I Kristus o tomodon tokou diti. Notudukan-kou-no di katapatan di Kristus. Ong nokokondiri-no do notudukan di Kristus, tantu aso-no vazaan vokon tanid mantadko tumolikud. Iti-no o sabap do monuhu i Paulus dioti do tumolikud om pada di vangun laid om i karalazan diri (22). Suvai iadino om kotongkizad-ogi it ulun Kristian antad sid kavazao laid diri. Iri-ogi (23) Pokitahak-kou-no di Sundu do ginavo vagu. Okonko it ulun mongimvagu di ginavo dau. Ino dino gama, i Sundu do Kinoringan. I hiza do varo Momogun di minangada di bangau antad sid ongkob dau, tantu ino laang dino iadko i laang dit ayat 22. Rontob-nopo ino dino, amu-po miuma. Suvai varo kosurutan om sumahau it ulun sid kovosihan do Kinoringan. Na i laang do rumikot sid panambayangan om mongining di Habal do Kovosihan, mad laang koduvo, (23) dot ong otopot, ong okonko antad sid gazadan di Sundu do Kinoringan, ino gama mangada di bangau nga amu najadi. Ino duvo o laang, nga sompi antad sid gazadan di Sundu do Kinoringan, nga kakali osodiri i duvo i laang dino. Kagi, varo-po laang kotolu, ino-no, ong atahakan-no do ginavo vagu, topot amu mampakai di kobuatano vagu, kakali amu-po miuma. Suvai i kosipan, ino-no i ginavo vagu posurut di kosipan sid gama manamod om i kabanaran om kosusian do Kinoringan sampai nokotoguvang-no it ulun ponong sid karajaan om hoturan do Kinoringan. Insanpo dino, mad tolu o laang di mongimvagu dit ulun, ino-no: a) pada di vangun laid (22): ino-no, tumolikud di kavazao om kobuatano laid om pada di harapan laid diri. Kuran dit ulun tumoguvang ko muli sid Kinoringan ong okonko tumolikud-po sid gama tumoguvang di harapan om kosipan laid dino? Ong kodung iadino, ogontian i rikoton om panangan dit ulun om i harapan om kosipan dau. Na hiza do kopomodsuan mongoduat i Momodsu dot kuran o ginama dit ulun di mokipodsu. Nakada-nu-no ka i sokoviai i gama mongohormat om mongoguna sampai humarap sid ongorogon om i hojimat om i nunu-nopo it ugama laid diri? ka. Suvai tumimpa it ulun mokipodsu dot, Nakada-no kavi ino, ka om mongoduat-ogi vagu dot, Mokipodsu-ko-no-ka sid ngaran di Tuhan... Ong it ulun di kibangau om pongiran om domburan sid binatang diri, sinod gama monutud ko pada sid kohubangan dit ongopakakas om harapan sid rogon o kembulazan di laang keso tumolikud sid ongorogon, tu tumoguvang-no sid di Kristus o harapan dau. Ong biano, hiza dot opodsu-no it ongopodok it anganak di bai kousu, inot ongomolohing mongontok dit anak, sampai hiza di konfirmasi, it anak di minsusukod manantu (iti-no o harati konfirmasi) dot iosido kondiri sumusui di molohing dau. Topot sid duvo i situasi dino, suvai i Sundu do Kinoringan mongonsug di ginavo dot ulun om mumbongut-ogi sampai tumolikud-ogi it ulun di kavazao om kobuatano di tanid mantadko i nohoturanan do Kinoringan. b) Mokitahak-kou-no di Sundu do ginavo vagu (23): ino-no, piguli-kou-no om pangasip-kou-no sid Tuhan Yesus. Sid 2. Kor. 5,17 i Paulus momoros dot sid gama mangasip sid di Yesus di mad nakakapit om nakamung-no sid di Yesus pajadi dit ulun do vangun vagu. Topot ino ko ilo bai vazaan di Paulus manarang dit apaganan posuntu om 140
manarang.Ong okonko i ginavo osimbanan, iri-no ko iri i pongitungan dot ulun, ka. Ko ong vangun vagu, mad ensanan, i guvas om ginavo, nga vagu-no kavi dot amu osodiri-po ginavo om guvas om rikoton om panangan om gama. Ko i Yesus sid Nikodemus diri, suvai opodsu antad sid savat, ko kosino vagu om nakalandai vagu. Iti kavi bai vazaan manarang di kosimbanan di kavazao om i kosimbanan di rikoton. I gulu, kobinasaan om kapatazan o rikoton ko i kotuvangan om rondom, iri-ogi, sid di Kristus o rikoton om koomungan om koulianan. Rontob-nopo, ino sokoviai i panarangan om suntuan dino, bai suntuan dot aso tinganan do pogozoon it iso om alazan i koduvo. Minsanko i suntuan do retanko mongimvagu di ginavo om kobuatano, nga apakai sid Kitab. Ong mongimvagu-oku do valai, ombo it amu atag ko it norungoi, atagon-ku om i nolungkab-no i saat, sahaton-ku-no vagu do kikison-po laid i saat laid (okonko bai takapan i saat laid om it asakau, supaya bai buatan dot mad vagu, topot sid saralom kakali iri-no ko iri). Atag do monodiri tokou sid vaza momoros om manarang om humarati dot ombo o panangan do boros om pongoretan, suntuan ko boros banal, supaya amu tokou apalid sid pamarasan ko oholian o gama do sumokot sid iso o suntuan di mad harapan. Minsanko i pongoretan dot, Mongimvagu di kondiri, nga nokovozo-no i harati dot ong otopot, Kenginan do Kinoringan dot i riniba jumadi dot ulun isuhut di kenginan laid do Kinoringan bahagi dit ulun, hiza di kinourugan. I hiza diri, i sokoviai i ginama do Kinoringan, vinantang dau banal. Bai i kobuatano di nokotongkizad antad sid kenginan do Kinoringan ot osusa monimban om mangatag ko mongimvagu. Sid gama monodiri om popiirad om popiamung dit ongoharati om kosondoto dit ongosuntuan om panarangan mimbulai ombo it otopot om ombo bai pongintukadan ponong sid kohorotizan. Ino gama monodiri do iadino, retanko teologia do Dogmatiks di jumadi do tudukan ko ajaran-ajaran do Doktrin, tu mongimpuras om mongimot di sokoviai i nihabal sid Kitab, okonko bai iso ot ayat om iso o vaaza posuntu di kosipan. Tu ong bai iso o vaza manarang kumavid, iadko it ulun do bolou di momurimon di kobuatano do godingan. Ombo it nokovidan, ino-no o boroson, retanko dot iaditi i godingan, mad batang do nizu, ong i hakod nokovidan, mad rolibu, ong it tolingo o kovidan, mad vulanut, ong it rongus o kovidan, ko mad rinding, ong i guvas ot toguvangon, ko vuvuhau, ong i iku o ovidan dot ong otopot, suvai ogiangan i mato tokou do mongimot di sokoviai i guvas di godingan ko i Habal do Kovosihan om kosondot-ogi i harati di panarangan di Paulus om Petrus om kondiri di Yesus dot ombo o panangan di vaza dioti posuntu om pavalang kananganko i gama muli sid Kinoringan. c) Pakazo-no dikou i kobuatano vagu, i koluu di kobuatano do Kinoringan (24): varo harati do mad mamakai dot ongosulung om pakazan vagu, nga kakali okonko i vaza momiara do kosulungan o boroson, inoi nga i kobuatano. Varo pitonidan do bai pakazan om kobuatano. Ong bai pakazan, banal ino baiko it ombo i sid soribau o nemot di mato. Ong i kobuatano, mad nokovozo-po i bahazan om kavazao dit okonko bai mingkakat ko mogom, inoi nga i sokoviai i gama nokovozo sid kobuatano dino. Siti vagu popuhondom i Paulus dot it ulun jumadi vagu do iadko noumba-no o niurug-no laid do Kinoringan, koluu di kobuatano do Kinoringan, ka di Buuk Kinotimpuunan 1,26-28. Ong iadino, it ulun muli sid otopotko inantadon laid diri, hiza di kinourugan. Mad varo kobuatano laid do riniba guluko i norungoi-no ino kobuatano dino, i norungoi-no hiza di Adam sid Kabun dot Eden, dit vinantang do Kinoringan mongurug. Ong koluu-no vagu di kobuatano do Kinoringan, ino-no o harati, isuhut om monimbaru do kabanaran, kosusian isuhut di kenginan do Kinoringan. Iadko it ulun om riniba diri tinumolikud do Kinoringan sampai minamung sid karaatan om karanggalan om kasasakahan, biano tumolikud-no it ulun di mangasip sid kobuatano di sid kinopolidan om kinotuvangan sampai tumoguvang om muli-no sid Kinoringan om sid kabanarn om kosusian do Kinoringan. Iti-no o kosunu hiza di kumoristian it ulun om lumombus sumuni sid saralom di kosusian. Tu, ong isuhut di Paulus sid 1. Tes. 4, 1-11, i kosusian dino okonko i hal dit insan-no nokopongo, inoi nga mad toriso-iso o koburuo dot ulun osusa do potorontog om potoguvang sid di Kristus, I ginavo om i kabang om i dila om i mato om i vuros om i tolingo om i odung om rabas om itunturu om longon om i tizan om gituko om i pinuhobo om i hakod om i nununopo songkoburuo, i tatalanan om i karalazan om it ivou, supaya iso o hal, pongitungan om kakansangan om i nununopo, nga nohoturan di kenginan om samod do Kinoringan. 4,25-32 Apat o watas di koposizan dot ulun bahagi i gama sumuhut di kenginan do Kinoringan. Noboros-po laid sid ayat ko-19 i duvo it ongokasalaan di mad randavi: kasakaan dot amu engat it ekum om i mokimamaha ko monongkudau, ino-no i kobuatano di mongitung di bai dau do hal om kenginan, manarang i Paulus dot apat-po o kobuatano om kodolikatan dot ulun di pakaso do Kinoringan. Ino`t apat o vaza malid mad nakaranzat-no sid songriniba dot amu-no osodiri o bansa ko pomogunan om daerah. Poguluvon di Paulus mangarait i karaatan om iri-ogi ombo it atag sid kavazao vagu om sid vangun vagu. Ino-no it apat hal diti, a) i gama momudut . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . katapatan b) i gama humungot . . . . . . . . . . . . . . . . . . . . . . . . . . . . . . . . . . . . . . . . . . . . . . . mangada do sala di koruhang c) i gama manakau . . . . . . . . . . . . . . . . . . . . . . . . . . . . . . . . . . . . . . . i gama mansahari kondiri dot atag o vaza d) i gama monimbaal om sumasi dot araat . . . . . . . . . . . . . . . . . . . . . . . . . . . . mogkovosihan om mongumbasih Na sid tanga di gama di Paulus manarang di kobuatano di iadino, varo-po`t iso o boros di mad kunsi bahagi di panarangan dau, ino-no it ayat ko-30. Ino vaza mongimuhun dit ongoulun do kuran ot atag masi sid tanga do razat, varo-no laid sid ulun Yahudi di minonuduk do iadino sid ongosikul dioti (Sinagoge) om sid ulun Yunani, ino-no sid ongosikul do Philosofia. I harati, okonko bai i Paulus o monuduk di bahazan dot ulun, gam i panarangan dau osomok sid tudukan dit ugama Yahudi kanganako i bahazan dot ulun Yahudi. Bahagi di kovudutan mamakai i Paulus di panarangan sid Zakaria 8,16 om bahagi di humungot i panarangan sid Zabur 4,5. ino-no i pitonidan di vaza di Paulus manarang om it ongotudukan vokon diri, Ong sid ugama Yahudi, ino-no i tinomod do sumuhut di tudukan dino, "supaya osusi it ulun", ka. I harati, it ulun Yahudi minonuluk di kosusian dau sid gama sumuhut di tudukan. Topot ong i Paulus momoros, Ino gama tokou atag, tu nosusi tokou-no laid di Kristus. Iti-no i karaving di sokoviai i gama di Paulus mongimuhun om mongira om monuduk om mangagazad. Iti-no o sabap dot inot ayat ko-3: Kadan-no dikou pohungoton i Sundu dot Osusi. It 141
ulun Kristian mad notumbokan-no di Cap do Sundu. Ino pongoretan cap kiharati dot varo janji di notumbokan, iadko i sijil ong nopongo-no i kursus ko sikul ko nakanu do diploma ko varo katarangan do hak om pangkat. Ino cap o momihot di janji om i kinapangaan do hal, ko ong sid kastum, monutup di rinding ko tuung om ongkob dot a-kavasa momuka ong okonko rasmi i gama mongogiang vagu. Kagi, sid cap dino narait-no i ngaran di sanganu ko i kuasa di makacap, retanko antad sid di kuvo, ko ioku-no diti o sanganu, ko dang porinta iti om i iadino. Napakai-no laid di Paulus ino pananrangan dino, F. 1,13 varo boros dot i Sundu dot Osusi i cap dot i tokou, Kinoringan o sanganu, ensanan i ginavo om guvas om pongitungan sampai i Kinoringan o mangajaga di tokou, ka. Om sid 1,14 varo-po boros di Paulus dot i Sundu dot Osusi mad tanda dot otopot-no kamung tokou sid kohormatan di Kinoringan di rumikot-ogi. Ong sid boros Yunani apakai-no i pongoretan bahagi di siin di mogulu manahak, hiza do manantu do varo dagangon, valai ko kabun, supaya humarap it ulun di mongojuval dot okonko bai misingkavaro o boros-ku do dumagang-oku di tana ko i valai. Ong i Sundu, poguluvon-no atahakan bahagi dit adau do kolobusan om kotungkusan (hiza do penlaid). Iti-no o sabap dot i Sundu dot osusi ino-no i kuasa dit antad sid karajaan di rumikot-ogi bahagi di biano, siti om dino-no, sid di tokou-nobo. Sid Rom 8,1.. minomoros i Paulus dot suvai antad sid kuasa di vangun vagu om i karajaan do Kinoringan om kadapat tokou-ogi masi dot ulun vagu tokou-no sid tanga do riniba diti. Ong kakali gumavul tokou sid karaatan om kasalaan, tantu humongkob i Sundu dot Osusi. Ino pongoretan do pohungot, mad duvo o panangan, humongkob om humungot, tu kuran-kuran osusa-no i Sundu dot Osusi, ong it ulun i retanko nosusino do Kinoringan sumakau-no vagu om mokihigil om gumavul-no vagu sid karaatan. 1. I gama momudut om i katapatan (25). Engkod-kou-no momudut. Nakamung-po i gama di bai mising-no, misingtatap om monipu. Ino gama di iadino amu tumorima i Sundu do Kinoringan, biano amu om sampai sid kovian. It ulun Afrika di minanakau sid ongkob di koruhang, minonokop-po laid dii gambar di Kristus di nakakapit-no sid rinding, indoson dau, ong iadino, a-emot di Kinoringan i gama dau dit amu nonong. Topot sid Kinoringan alanta-no kavi i gama tokou, avantang ko araat. I Yesus, ino-no i katapatan (Yahya 14,6). Iti-no o sabap i tokou nga i katapatan o toudon. Ino dino kiguna bahagidi munung om dila tokou. Osusa tokou do manaud di kabang om dila, tu banalko oruhai o gama monimban di harati om momudali ko mongolim ko bai mamading o vaza momoros, okonko it otopot, vokon-no, ong sabap, tu amu ozi do mongimbulai di karaatan do koruhang, vokon-no, tu mongindaraat do koruhang, vokon-no tu mongolim dot isai-oku diti. Ogumu o vaza momudut om ogumu o panangan di gama momudut. Topot i sokoviai i vaza dino amu sumuhut di kabanaran om kenginan do Kinoringan. Nokokuro, dot amu katama tokou momoros sid obpinai, ong amu nokonong i gama dau. Nokokuro, tu rumosi tokou do humungot iosido ong nokosoribau i hal dit amu atag, sampai suhulon tokou momudut ko mangalalau mantadko momoros dit otopot. 2. I kohungatan om i gama pada di kasalaan (26-27; 31-32) I Paulus mongimbulit di boros sid Zabur 4,5 Kadan-no humungot do sampai kotimbaru do sala, ko mahu-tahu sid ginavo i hungot dot asadapan, ka. Atag, ong varo kohungata, tu varo hal di monusa di ginavo tokou, karaatan antad sid ulun, ko i nunu-nopo i hal dit amu atag, avantang do modop-po laid sampai susuvab, iri-ogi moniim mangatag om manalasai. Tu i hungot amu mangagama di kenginan do Kinoringan. Oruhai malid tokou sid hungot sampai jumadi tokou do pakakas di vozoon do rogon. Iadino laid i kovosihan di Zabur. Suvai susuvab om toguvangon i hal dit amu atag. Topot ong i Paulus, dit andaman dau dot asarok it ulun a-kodop, tu osusa i ginavo dau dot osuvaban mongitung di katagan om i vaza mononsuli di karaatan, i di Paulus do kovosihan, Kadan-no dot asadapan humungot. Kadan minud dot tumonob it adau. Salazai-no koduruk ombo it amu atag, supaya engkod i hungot om osinang-no vagu i ginavo-nu om i ginavo di koruhang. Ong manahu it ulun di hungot dau sid ginavo, mad mongoligou di vazoon do rogon mizon sid ginavo dau. Iti-no o sabap, suvai mogidu banal sid sokoviai i kobuatano di iadino di mad sisiit do karaatan ponong sid kopolidan (kopoitan, kopioduhan, kopiholiban, kopigogutan, kopisimbaalan) om monginsibak di kondiri om mongolomi i ginavo sampai osodia do miaada-ada di kasalaan, isuhut di gama minta dua i Yesus, Pada, tu nakapangada-okoi di sala dit ulun di kisala sid dahai, ka. Ong sid Paulus, Sabap kondiri di Kinoringan nakapangada-no laid di kasalaan tokou ot atag dot i tokou miaada-ada di kasalaan songkoruhang. Iti-no o vaza minsamung dit ongogama dot ulun dit amu atag, okonko sid gama humungot. 3. I gama manakau om it kobuatano dot arantang om alanta (28). Kuran-ka i piumpugan do varot ulun dit abanakau, nga kemumui sampai kokristian? Varo-ka ulun di lobipo ozi mokipasi sid koruang mantadko mansahari kondiri? Ong it ulun dit atarang o ponsohorian, tu vulan-vulan kigaji antad atag o gama sid upis ko kilang ko siombo-nopo, amu oruhai humarati dit ulundit isot adau nga aso-po dot varo kosukupan dot akanon om kilaba-po. Iadko sid PCS biano, okudik it ulun di kikaraja sid bandar om sid Ibu Kota, nga kigama om kigaji sampai varo kosukupan dau. Topot ong it ulun sid kampong, mad iri-no ko iri osusa om amu miuma di nunu-nopo. It ongoula di kabun om gama dau, ong ijuval sid badi ko sid kadai, banalko omura o horogo. Topot ombo i dagangon dau, nga amahali. Songkuro-nopo magavi dara iosido, mad amu kosoribau mantadko amu miuma do masi om monuluk di kenginan dau do varo a-ko piro kosinangan dau iadko it ulun di nakamaju-no. Iri-ogi potolong iosido di kosusaan di ginavo dau sid kinomol, tazon-ko olingan do i sokoviai i gama magavi, kakali amu miuma, tu iri-no ko iri. Asadapan gumama, kakali amu mopud iosido om amu maju. Sid hal om kavazao dino, mad otuntuvad i gama manakau. Varot ongoulun dit amu osusa mangagama, sabap sid vaza mamakai om monimban om manahu di kolunduo dau dit antad sid gama mangaladtak om monguripon om mangakan dit ongoulun mosikim kadapat ioti manakau sid koporuan dot ulun di dioti o hasil om ula. Okonko it ulun di magavi moniit om mangalapak do nizu sampai mongumpug om mongojuval dot okonko oruhai o gama o kadapat di kogumuai do hasil, inoi nga it ulun di midagang om monimban dit onsi do nizuw sid margerin om minyak makan. Na i sompuruvan dit Ongogorija 142
sompomogunan nokotiim do manarang dino kobuatano dino do kuran i retanko First World manakau di kolunduo di retanko Third World, nga sampai biano bai ngaran mongining it a-ko piro it ongoulun Kristian sori ponong. Ong varo bontuan antad sid Barat ponong sid Timor om Selatan, ino bontuan dino amu miuma do paganti di natakau-no laid. Bai iti-no o pitonidan, ino gama momorinta om mangakan di Third World om it ongobarang dau okonko arait do manakau. Banal-no, minsanko varo kosusaan do iadino sid pialatan di songriniba om it ongogorija, kakali otopot om atag di Paulus bahagi di tokou ulun Kristian dot amu atag do mokipasi sid barang di dang koruhang ko dang gorija. Ong sid hoturan laid do Momogun, amu kavasa laid manakau. Rontob-nopo, ong varo manakau, minsanko mato-ku kondiri o nakasasi, kakali amu-oku manangkap ko kumitoguvang dit ulun di minanakau do parai sid sulap-ku, inoi nga mongoruput-oku sid osukod do valai. Iri-ogi varo kiis. Na sid gama di Paulus mongimuhun dot kadan-no manakau, tigogi varo-po imuhun dot, ong kodung magavi mansahari, varo-po nobi bahagi dit ulun dit mosikim om okurang o balanja. Siti mimbulai i vaza mitutulung om mangatag, ombo it amu atag sid tanga do gorija om piumpugan. 4. Monimbaal dot araat om i gama mogkovosihan om mongumbasih (29). Noboros-no laid di Yesus dot okonko i kakanan di kosuvang sid kabang o monginsasakau dit ulun, inoi nga ombo i kalabpu sid kabang, ino-no kadapat monginsasakau dot ulun. Inot araat o boros momudali ko momudut ko monimbaal om sumasi dot araat iadko ivou di banalko araat om mad masa o kabang ot bao. Ino dino, vokon-no ong boros do misingkavaro ko posuntu di kobuatano dot ulun sid araat o hal, iadko dupot ko pangalaman dit a-nokonong. It koruhang ko it ulion ko isai-nopo it amu otoron, ino-no o posuntu ot araatan ko ogoukon om kovoroon om onuvon dot ipongirak dot ulun, iadko i vaza do sising-dit ulun dino sid vaza dau mengkhotbah ko mongira dot ulun ko mangagama dit amu nokonong om i iadino. Ino gama di iadino iadko mamatai om mongorungoi dit ulun om i ngaran om tugas dau. Ong ulun Kristian amu sumusui di kobuatano di iadino, gam mongumbasih ot tugas tokou, minsanko varot ulun di monimbaal om sumasi dot araat. I harati, okonko pemozoon do boros di iadino ko mamung iadko i boros di Zabur 1, inoi nga siombo-nopo varo boros di monnimbaal dot araat ko sumasi dot araat, sino-no sumasi tokou om mongumbasih tokou ponong sid katagan om katapatan. Bai iadino om nakamung tokou sid gama pengkakat om poturug om posurut di gorija om piumpugan. Ino gama mangatag om mongumbasih dino, nga Karisma antad sid Sundu do Kinoringan di tumalib di nunu-nopo i keloo do boros dot osundu. Imatai-po i kovosihan di Yakobus 3,1-12 do kuran i songlinsou o boros om i dila elo pahandap do songpomogunan. Ko Kol. 4,6 varo boros dot it atag o boros mad boros di kirasa, tu nosinan-no. (it ulun Kristian, nga asin do pomogunan ponong sid katagan! Matius 5,13) 5,1-20 Gunao-no dikou i hiza dikou. Atag dot it ulun Kristian mongitung om mongimpuras di kogunaan di koposizan dau. Sid Rom 12 i Paulus bai apajak o gama manarang dot kuran i koposizan dot ulun Kristian dit atag sid tinoguvangon do iadko pasambaan sid Kinoringan. Ong siti, toguvangon di Paulus it a-ko piro o hal di kobuatano dot ulun suvab-suvab. Onsizon dau i gama dot ulun sid valai, ongkob, ponong sid sombol om sid razat. I tajuk di popuhandaman di Paulus dino, Susuzai-no dikou i Kinoringan do iadko anganak-kou di sinamadan, ka. I kogumuai dot anganak ozi do jumadi iadko i molohing dau. Ong sukul atag o gama dit ama, it anak do kusai nga iadino. Ong mozo it anak dit ama mokibabaal (iadko i kodori diri) om it ama elo momili dit ongokazu di kiguna sid origi om sulu om lombiou om korokot om i vokon, inot anak nga naramit sampai sid tohui ot adau, iadino o gama dau. Topot ong it ama manganu di kazu, ombo it ahajangan dau sid govuton, okilong ko otulid, olomi ko okodou, obingrobuk ko atahan, iri-ogi it valai di gamaon dit anak, nga amu atahan. Topot ong susuzon tokou i Kinoringan, iadko i Tuhan Yesus, tantu varo katagan. Iti-no it ayat keso di Paulus mogkovosihan di tokou ulun Kristian ponong sid atag o gama. Kagi ino ayat dino nokogom sid boros laid sid 4,32: miaada-ada-kou di kasalaan sid tanga dikou, iadko i Kinoringan o nakapangada-no laid.... ka. Ong iadino it kotimpuunan do Kristian tokou, oruhai i gama momongo do jumadi dot anganak do Kinoringan. Ong asamadan do Kinoringan (Yahya 3,16), oruhai do polombus di samod dino sid ulun vokon (5,2) Kagi kondiri di Yesus o suntuan di vaza polombus di samod do Kinoringan sid riniba, tu sampai sid kapatazan o gama dau manamod om mamasi tokou. Ino gama di Yesus diri mad persembaan dit ikozi do Kinoringan. Sid Matius 9,13 varo boros di Yesus do popuhondom di Kitab Laid; ino-no, boros di Kinoringan, Ozi-oku di kosianan ko i parsembaan, ka. Ino kosianan dino nokembulai-no om nokoponuntu sid kavazao di Kristus, supaya i tokou nga sumusui. Iri-ogi i Paulus pogili di duvo o vazaan masi, i sid kotuvangan om i sid kanavao di Habal do Kovosihan. I gulu diri (8) . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . i biano (8) kotuvangan (8) . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . kanavaho (8) anganak di mokipalaid (6) . . . . . . . . . . . . . . . . . . . . . . . . . . . . . . . . . . . . . . . . . . . . . Anganak di kanavahan (1,8) kaagazan, korumaato (3) . . . . . . . . . . . . . . . . . . . . . . . . . . . . . . . . . Samod dit osodia manahak di kondiri dau (2) boros do kohinatus (4) . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . monorima kaseh (4) kotigiran do Kinoringan (6) . . . . . . . . . . . . . . . . . . . . . . . . . . . . . . . . kotungkusan sid karajaan do Kinoringan (5) uva do kotuvangan -it aso guna (11) . . . . . . . . . . . . . . . . . . . . . . . . . . . . . . . it atag mimbulai, uva dit anavau (9) olingob o gama(12) . . . . . . . . . . . . . . . . . . . . . . . . . . . . . . . . . . . . . . . . . . . . pembulazo-no dikou i katapatan(11) it asampit o hiza (16) . . . . . . . . . . . . . . . . . . . . . . . . . . . . . . . . . . . . . . . . . . kada-kou kiboloti, humiza banal (16) lovong (15) . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ulun dot elo (15) lovong dit amu humarati (17) . . . . . . . . . . . . . . . . . . . . . . . . . . . . . . . . . . . humarati banal i kenginan do K. (17) magavuk (18) . . . . . . . . . . . . . . . . . . . . . . . . . . . . . . . . . . . . . . . . . . . . . opusok i ginavo di Sundu dot Osusi (18) Ino duvo vaza dino mad vaig om apui ko kapatazan om koposizan. Aso vazaan do lumintanga. Suvaiko olumbatos sumuhut dit iso ko i koduvo. aso vazaan vokon. Iti-no sabap magavi i Paulus mongonsug dot atarang o gama mongolumbatos. Sampai ong kodung nakamung-no sid kanavaho, kadan-no mimbalik vagu om sumuri sid 143
kotuvangan. Sid tanga do piumpugan om gorija ogumu o pamarasan di mad mangalalau ko papagaan di kobuatano dino, retanko, atagal do magavi banal, ko, suvai tumatap ong lumohing-oku, ko, kakal-oku tiinum do kinomol om i nunu-nopo it ongosangkut om ongosabap di moniim do mogihim di vazaan sid pialatan di duvo o vazaan dino. Noboros-no laid sid 4,14 do kadan-kou-no misinganak, ko sumuhut do barat. ka. Ogumu it ongoboros om onsug di bai mamalid, retanko okonko iadino atarang om atarom i pialatan dit anavau om otuvang, iadko it marou-barou ontok di sodop ko it oruhai sumilau it adau. Apasi-kou-no iadko anganak di kanavahan (9). Itungo-no dikou dot nunu it ikozi di Tuhan (10) Kada kigavul sid aso guna i gagamaon do musut-susut (11) gam pembulazono ino (11) Posik-no, ot ulun dit obingtiodopon (14) supaya obinahang-ko di Kristus. Ino dino nga longoi diri, tu boros di Paulus, varo boros do iadino. Sid ongolongoi nihondom laid dit ongoulun Kristian i kosipan dau. Iadko i longoi ko-81 sid PCS. Ino dino okonko bai longoi do sasarap, inoi nga i longoi posuntu do kuran it atag do tumoguvang dit ongopensubaan di mad tiodopon o gama, gima engat dot it ulun Kristian nokovozo di Kristus sid kinogulianan dau antad sid kapatazan ponong sid koposizan penlaid. Iri-ogi it ulun Kristian jumadi do panganavau do pomogunan ( Matius 5,13 Boros di Yesus, Ikou dino o.i panganavau do pomogunan...) Pusok-no dikou do Sundu (18). Ong opusok, okonko bai ngaran varo it a-ko piro o suvang. Sid Yahya 7,38 varo boros di Yesus dot isai i mangasip, nga murulun i vaig do kapasi do iadko vozoi dot amu obingasak. I harati, okonko kinomol ko inumon dot akaras (ko spirit ong Inggeris, ko supirit i ginama dot alkohol, nga nogovulan do kavanit, supaya a-kemum dot ulun) inoi nga Sundu dot Osusi ( i Holy Spirit ong Inggeris). I kinomol bai dada do momudut, retanko osinang i ginavo om osinang o kopurimanan do guvas. Ong engat i rontob, it ulun di minum do biil do bai kosuhatan, hiza do magavi mangagama, mad osiou kagama, ong sukul kopivozo i kakanan dit atag om miuma. Topot kodung varo kalaba di kosuhatan, malan iosido mangagama om mongusaha di tugas dau. Ong tazonko minum dot aso tantu kakanan, bai korungazan dot ivou om bahazan o rikoton. Iti-no o sabap, boros di Paulus, kadan-no pusoko do kinomol ko magavuk, gam opusok o gama dikou monorima kaseh om mindolongoi om mongindazou do Kinoringan. Ino dino mad tanid o vaza dot oponu om opusok do Sundu (spirit). Ino-no i kalaba di kovizahan di kiguna: Miaamung-amung sid gama mindolongoi om monguni do mongohormat om mongindazou o tomodon (19-20). Okonko bai hiza do sumambayang sid piumpugan, inoi nga ino gama mongindazou do Kinoringan om i songlongoilongoi momongo sid valai om sid tanga do ralan. Ino kopurimanan sid guvas om ginavo banalko tanid mantadko bai avuk it ulun do sampai mongilob-po. Siti-no vagu otopot ino boros di Yesus kananganko i nunu o mimbulai antad sid kabang dot ulun, it ivou om ilob dit avuk, ko i longoi dit mongohormat do Kinoringan. Ino kopurimanan dino okonko bai torinsan-insan, inoi nga mangahatul di sokoviai i gama om kavazao om kobuatano dot ulun Kristian soumul-umul. Ong i Paulus kondiri, minsanko nokotorungku om nasaadan iosido om i koruhang dau i Silas sid torungku sid Pilipi, kakali minomongo ioti mongindazou do Kinoringan sampai orongou di manaud di torungku sampai varo kogolivong dau di iadino o kososizan dioti. Gam antad di kososizan di iadino nogiangan i ginavo di manaud do torungku sampai nokokristian iosido. 5,21-33 I koposizan vagu, ong it ongoulun di minisavo. Ko, I kavazao dot atag sid ongkob. Ino boros di Paulus sino, asarakan-no amu nokonong i vaza mamakai om manarang. Sabap i Paulus mogulu tumoguvang dit ongoondu, retanko it ongondu nga uripon om aladtakan do kusai. Minsanko sid saralom dot ongkob, suvai nohoturanan do Kinoringan om atag-ogi. Tu it ongkob iadko mirumpak do monori om mokitori om otorion, mongoloub om olouban, mongogorot om agaratan, momorinta om oporintaan, mangaladtak om aladtakan. Iti-no o sabap varo onsug om cadangan di Paulus ponong sid katagan sid ongkob, inot ongoulun di minisavo. It onsug keso, Pisusuhut-suhut-kou-no do hoturan di Kristus. Iti iadko tajuk bahagi di sokoviai i hoturan sid ongkob. Sid Liturgi do mogontong varo boros dot ino-no i kogunaan di minisavo sampai i kopongokunan di mangajanji do musavo dot migagazad mikoruhang mozo di Yesus ponong sid karajaan do Kinoringan. Sid saralom sid ongkob kembulai do kuran it ulun Kristian mongimbulai di samod do Kinoringan, ponong sid savo om ponong sid anganak, inot ulun vokon di banalko osomok sid dau. Ong amu mopud i samod sino dino, kuran-ka varo kopudan vokon? Iti-no o sabap, it ongondu mongoguna om sumuhut dit ongosavo iadko sumuhut di Kristus, i harati, sid gama ponong sid savo kembulai i gama-ku mongoguna di Kristus. Okonko i kusai manansanganu di savo dau, inoi nga it ondu, nga dang Kristus. Ong momoros i Paulus do iadino, iadko monuhu dit ongondu do sumamba sid kusai, varo tinomod di Paulus sino dino. Okonko nunu, it a-po nokembulai i gorija om i kosipan dot ulun Kristian, it ongondu diri banalko amu ogunaan dot ongokusai. it ongoondu sid bansa Yahudi bai barang iadko dupot om meja ko ogomon di kadapat dumagang om mongojuval dot amu mongoduat dit ondu do nunu o kenginan dau. Sid bansa do Yunani, nga iadino, it ongondu bai pakakas do mizud om mangaranzat di ngaran di kusai. Bai a-ko piro ot ongoondu o nokosikul sampai kinumoruhang dit ongokusai dit elo sampai miaanggai-anggai ioti mikokoruhang sid gama monongfilosofia. Iti-no o sabap, kodung nokokristian it ongoondu sampai nakaharati ioti dot i Yesus banalko minongoguna dit ongondu, gam it a-ko piro it ongoondu di koruhang di Yesus nokogulu nakasasi di kinogulianan di Yesus, ko i Yesus kopidailagod dot ondu, minsanko it ondu dino tanid ot ugama om i hiza diri a-kavasa do bai kopitoguvang dot ondu di tanid o bansa 144
om ogumu-po it ongohoturan laid di niada di Yesus kananganko i kopitotoguvangon it kusai om it ondu, vokon-no it ongondu ensanan i hoturan dit atag o minangada sampai arampus ioti dino. Tinumalib ioti dit atag o bahazan. Iti-no o sabap, osusa i Paulus do tumoguvang-po laid i kavazao dit ongoondu di nokokristian sampai popuhondom iosido dioti, dot i vaza dioti masi ponong sid savo ohoturanan di vaza ponong sid di Kristus. Kenginan di Paulus dot it minisavo it ulun Kristian nga avantang o suntuan minisavo sid tinoguvangon dit razat, supaya ogunaan i Kristus sid razat dino. Tu ong miaada-ada om mitongkizad it ulun Kristian di minisavo, gima nokopisavo-no laid di kokristian ioti isuhut di hoturan laid do i kusai mad dumagang dit ondu antad sid dau do kenginan, okonko i kenginan dit ondu, tantu araat i kososizan dino ponong sid ulun dit okonko Kristian. Kagi, ong sid kemumuzan sid kosipan, vokon-no ong amu enizo o gama mangasip om mamung sid piumpugan. Iti-no o sabap osusa i Paulus momoros dot kada dikou pada i nunu-nopo songhoturan laid diri. Sabap it a-po nokokristian ioti, tantu i kusai ot ulion dit ongkob sampai bai iosido kadapat mongolumbatos mongohoturan dit ongkob dau. Ong it ondu, aso hak om aso guna diri. Dot nokokristian it ondu, vokon-no ong it kusai amu-po, amu atag do rumampus it ondu sampai mogidu sampai mongorungoi dit ongkob. Iti-no o sabap do mongonsug i Paulus dit ongondu do mongoguna om sumuhut di kusai do iadko sid di Kristus o nokosuhut om nokopongoguna. Sabap sid gama di iadino mongimbulai it ondu di samod di Kristus do kadapat pengrikot di ginavo di kusai om posuntu sid dau dit atag o gama misasamod. Tu ong bai otuntuvad i hoturan laid diri dot kodung nokokristian, it ondu mangaladtak om mongoloub di kusai, tantu aso kosurutan om aso katagan. Ino-no o kenginan di Paulus sampai manarang iosido sid ayat 32-33, retanko iti-no i suromo dit aralom o harati: Ong nokokristian i minisavo, tantu jumadi do kesaan om piniizaan di tumalib di kopisavaan laid diri dit okonko Kristian. Tu suvai nokokristian i duvo i minisavo om kaharati ioti do ioti dino nokopezo do mad iso-no o guvas om iso-no koburuo om bahagi sid piumpugan om gorija, isuhut di hoturan di kinourugan,.. sampai jumadi ioti dot iso o guvas, ka sid Kinotimpuunan f. 2,24-25. Ong i hoturan dit minisavo dit okon-noko Kristian, okonko bai iso-no o vaza om harati. Varo-no ong, bai maganak o harati, ko mivozo do tomod miopuput om miolulung, do kakali sampai pempatai kakali nakakaraving sid dau dot ongkob, molohing om obpinai ko varis. Ong sid Momogun, sid gama momuru di savo varo kiroon dot it ongkob om kovorisan di kusai nakapanahak do horogo di manantu di gama manganu dot ondu antad sid turunan vokon ponong sid karanzatan di ngaran dit anak vagu om i dau do turunan. Sabap it ondu dino pensukod osumadan om orindingan di molohing om kominan,kamaman dau, varo buru di mangaganti di balanja pengsukod dit ondu dino. Ong amu maganak, ko varo karaatan dit ondu, osusa i varis dau do pouli vagu di bur, ko ong kisala di kusai, opung-no i buru sid ongkob dit ondu sampai mogidu it ondu om mokisavo vagu. Topot ong i kenginan dot ondu a-kagavul sid gama popisavo, bai i kenginan do varis dit ondu. Gam ong amu koho it ondu ko i molohing dau, ohukuman-po ioti. It amu-po oposik i ginavo dot ondu dit omulok banal o asavo, asot elaan dau do kengkakat kondiri ko mogihim di dau do kenginan. Nakakaraving iosido pempatai sid kusai dot asot elaan dau do kuran. Sid Ghana sid Afrika Barat varo hoturan dot it anganak dot ongkob, okonko i kusai o manaud om momiara, inoi nga it anak muli sid varis dit ondu, gam kodung kitizan it ondu do torousuvo, muli iosido sid molohing dau sampai musu sino sampai tolu, apat toun mizon sid molohing dau dot amu miuli-uli sid savo. Topot i savo kakali osusa do monumad om mamalanja dit ondu. Ko sid Kaling i kodori diri, it ongkob om ama dit ondu poburu dit anak, supaya alaku it anak sid kusai. Topot i kusai, vokon-no kakali anak-po, amu osusa do mongimbulai di nunu-nopo. It ondu mad kuli dau. Ong minatai i kusai dit anak-po iosido, kopirundun it ondu sampai osorob kumoruhang di buntung di savo dau, supaya minsanko sid rikoton di kusai di mad surga, varot ondu dau di monorundakai di kusai. Iti kavi om tasantanid-tanid-po ot ongohoturan vokon, iri-no ko iri, i minisavo okonko hoturan do kesaan om kopisamadan, inoi nga mad kopiupakatan do mitobus ko dumagang di koruhang do kusai ponong sid kosinangan di kusai. Ong hiza biano om sitid Sabah, atag do kumavid tokou dit imuhunan di Paulus isuhut di kobuatano om vaza di kopionong di hiza biano. Ino-no, nakaharati tokou dot i Yesus minongimbulai di banalko tanid o vaza miopud i kusai om it ondu, tu sompi inurug do Kinoringan iluu di kobuatano do Kinoringan. I harati, i Yesus kinumavid di hoturan di kinourugan diri di mad insani amu-po apakai laid. Minsanko varo boros sid Kinotimpuunan f. 2 dot it ondu mad ponulung di kusai, ong i pongoretan banal di nokosurat siri, ino-no, I Kinoringan minongimbulai do koruhang di kusai di kotimbang di kusai. Ino-no o harati, miabal di kusai it ondu. Sid sokoviai it ongotuturan kananganko i Yesus sid tanga do riniba, i Yesus tumorima om kumiboros dit ongondu dot amu momeda, isuhut di hiza diri. Bai i Paulus di minonurat om minancadang sid ongondu diri, moniim do momialatan, supaya sid kobuatano vagu dit ongondu di nokokristian amu orungoi i hoturan om kavazao di piumpugan om gorija. Doromozo-no di gama di Paulus mongimuhun dit ongoondu dot kada-no dikou tuntuvadon i hoturan laid, supaya mopud i hoturan dot i Kristus ot inantadon di hoturan vagu om i Kristus o panangan di gama manamod om sumuhut di savo. 25 Iri-ogi tumoguvang i Paulus kumiboros dit ongokusai di kisavo, supaya ahatul i minisavo ioti. Samadai-no dikou it savo dikou, iadko i gama di Kristus manamod di gorija do sampai minatai iosido mongontok di gorija, ka. Aso boros siti dot i kusai monguripon ko mangaladtak ko mongogorot di savo dau. Sid hiza di nakatalib, ogumu o vaza humarati di boros di Paulus dino, retanko i Kusai o tuan dit ondu. Okonko ino boros do, Samadai-no, o nokening ko nabasa sino, inoi nga bai, It ondu a-milo-milo sumuhut di savo dau, ka di nakakavid antad sid a-ko piro ayat diti. Antad dino banalko okurang it atag o gama ponong sid ongondu, sampai it ongoondu sinumamba sid ongokusai, indoson, iadino o kenginan do Kinoringan. Suvai osukat ino pamarasan manamod sid gama di Kristus manamod di gorija om i riniba om isai-nopo it osomungan dau diri om kaharati-ogi dot ombo it atag o gama om kavazao di kusai ponong sid savo dau. Tu ong manamod isuhut di Yesus, i kusai mad sumamba sid ondu om monorundakai dit ondu, iadko i suntuan sid Yahya 13 om vokon-no. Sabap ino, i Yesus o suntuan dit atag o gama dit ongokusai ponong sid savo, tu sid kobuatano di iadino it kusai om it ongkob dau suntuan ponong sid ongoulun vokon sampai origi di piumpugan do gorija. Sabap, ong ipat-ipat it ongkob, antad sid gama dit ongokusai ponong sid savo dau, ahatul om osusi om omomosi, tantu ensanan i piumpugan om i gorija nga suntuan di banalko avantang di pasasi di Kristus om 145
i samod do Kinoringan. I Paulus manarang dino kosusian om kavantango dino do iadko i guvas dit aso kurubit om aso kukus di banalko alus om avasih iadko sumuni dit banalko avasih. 28-29 Sid kolombusan di panarangan di Paulus mongohodtol i noboros-no laid sid Buuk Kinotimpuunan F. 2 dot it nokopisavo it ondu om i kusai, najadi ioti dot iso guvas, ko kesaan dit amu engat-po it duvo bahagi. Nokopiluzung banal i kusai om it ondu sampai i pinonuhuan do Manamod dit ulun vokon iadko i kondiri-nu, ka, lobipo kiguna ong sid savo. Sabap i savo, ondu ko kusai, nga sambahagi di kesaan dot ulun. Sid samod ponong sid savo i kusai manamod di kondiri, ka di Paulus. Tu songkuro-nopo agazo i samod ponong sid savo, ino samod dino iuli vagu sid kusai, iadko it ondig-ondig sid saramin di koguli sid ulun di sumirot sid saramin dino. Kagi ino gama manamod okonko harati mokitahak do samod, inoi nga i samod, isuhut di Kristus obebas manahak om mongumbasih om posinang di savo antad sid kogozoo do ginavo. Iti-no it agazo o tudukan di Kitab bahagi dit ongoulun di minisavo: i savo okonko pakakas di kosinangan-ku do vokon, minsanko i kosinangan di savo nga amu ohondom-po. Sukul it ulun kondiri osinangan di savo dau. Inoi nga, it duvo it ulun di nokopisavo mioopud sid saralom di gama misasamod ponong sid gama mozo di Tuhan Yesus om i kenginan do Kinoringan, do mitatabang ioti miduvo dino, supaya varo rikoton om sid tanga do ralan suntuan dioti di samod do Kinoringan, i sid tanga do piumpugan om i gorija om ponong sid ulun vokon, supaya ioti oonsug do mamung sid piumpugan om kosipan. Sabap ino, i Paulus ong mangahatul om monuduk ioti dit ongominisavo, okonko bai i minisavo o panangan di tudukan dau, inoi nga i kogunaan di minisavo ponong sid piumpugan om gorija. Duvo i tomodon dau monuduk, supaya varo kopudan dit ongoongkob Kristian om mopud i kumpulan dit ongominisavo Kristian sid gorija di Kristus. 6,1-4 I koposizan vagu sid ongkob, ino piniizaan do molohing om anganak. Ong mamakai i Paulus di pongoretan dot anak, amu monodiri iosido dot anak-po ko osukod-no it anak, inoi nga momoros iosido di kobuatano sid pialatan di minaganak om it anganak dioti. Ong it ulun Kristian ajadi dot ulun vagu om vangun vagu, nosimbanan-no i vaza do miopud it anganak ponong sid molohing om i gama di molohing momiara dit anganak. Sid Markus 10,13-17 minanarang i Yesus dot minsanko anak-po kadapat minsomok sid di Yesus om minsomok sid Kinoringan. Ong sid ulun Yahudi, suvai 12 toun it umul dit anak do kusai om kovozo iosido sumambayang sid Yerusalim (Lukas 2). Na i hiza diri varo dati anganak di nakasip-no sid Kinoringan, dot i molohing dau amui. Iri-ogi it anganak di iadino minogodu di molohing, ong varo pajal do molohing, antava, ong iadko biano, nakamung ioti sid Belia, ogumu o vaza dioti dit a-kaharati it ongomolohing. Iti-no o sabap do mongimuhn i Paulus dit anganak, supaya amu arampus ioti ponong sid molohing, retanko ong kodung nokokritian, amu osusa do sumuhutpo di hoturan do molohing, tu mad i Kristus ot obpinai om i Kinoringan ot Ama dioti, ka. Ong nokokristian it ulun, kakali nakakaraving iosido sid ongob om kovorisan dau sampai varo tanggung jawab dau ponong sid dioti. Iti-no o sabap do monuhu i Paulus dot, Tumbozo-kou-no, ka. Kagi i Paulus momihot di suhu dau sid gama popuhondom di kaapat pinonuhuan di Musa sampai manarang dot ino pinonuhuan dino kijanji ponong sid ulun di sumuhut di pinonuhuan dino, ino-no, supaya osinang-ko om anaru i sukud-nu sid pomogunan, ka. I gama sumuhut di molohing abarakatan do Kinoringan. Pengkaa dino varo-po kovosihan di Paulus sid ongomolohing. I hiza di Paulus diri varo koubasan dot it anak dit amu obinsuhut, abambangan do minsanko i retanko guru, ino-no i paedagokus, nga minamakai do lalapos do posondot di tudukan dau sid anak, i harapan dau, ong oloposon, amu olingan it ongotudukan. Kodung nokokristian it ongoulun, minsanko ino koubasan sid pialatan dot molohing om anganak osimbanan. I samod do Kinoringan o vaza om pakakas do posuhut dit anganak om monuduk do bahazan, okonko i lalapos-po. Ino-no it atag o gama mangagazad dit ongoanak, supaya ioti sumokod sampai jumadi dot ulun di varo keloo om varo utok dit elo monodiri ombo it atag om ombo it araat. Ong oporintaan it anak iadko asu do bai i lalapos o monuduk, varo kopurimanan dit anak do notorungku iosido. Iti-no o sabap, ong kodung osukod iosido, lumabus iosido sid torungku dit ama sampai osizau o kobuatano dau do moniag di nunu-nopo i hoturan di norongou laid sid molohing di mad minangadzid dau diri. 6,5-9 Uripon om monguripon: i koposizan om vangun vagu sid pigagamaan. I hiza di Paulus diri varo-po hoturan sid ongopomogunan di natanus-no ong biano. Vokon-no ong i manansanganu di pomogunan kadapat monguripon di sokoviai i razat dau, ko it ulun di kiutang dit aso tenganan mangapus, nga uripon. Iri-ogi kodung uripon, it anak dau uripon om i savo dau, nga uripon di tuan dau. Kodung uripon, aso kobebasan vagu, tu mungkus-tungkus uripon it ulun om it ongkob dau dino. It uripon gumama sid kabun di tuan dau iadko it ongodupot dau iadko karabau, it inanu do manarik do radu om surud, ko i sapi dit mongimbulai di susu bahagi do balanja dot sanganu. I sanganu kikuasa do manaud om mamatai dot uripon ko mongojuval om monobus. I hiza diri varo badi bahagi dit ongouripon sampai sid tuhunan kadapat momili dt uripon, isuhut di kenginan dau, ondu ko kusai, ahakang ko opodok, ulun do nokosikul, ko ulun dit kogoos gumama sid kabun, isuhut di kopogunaan dau. Ong nokoponori do pomogunan, it ongosojal dit natangkap inanu-no dot uripon sampai nojuval-no ko nabahagi-no sid ongosanganu do tana, supaya miuma it ongokaki tangan sid kabun dau. Pengkaa dino it ulun di manansanganu dot alud dot agazo di suvai kapanau om varo gumau, vokon-no do sampai hatus uripon nokogos do rantai sid alud om kapal dino dot a-kedu. Gumau ko modop ko makan, sino-no ko sinod alud o kopudan om kapatazan dioti om i sarang minamakai do lalapos, ong amu magavi ioti gumau. Ong uripon, aso kuasa om hak kondiri, tu varo manansanganu. Ino vaza monguripon dot ulun, hoturan antad di kodori dot amu engat sera banal nokotimpuun. ino-no dati, hiza di minengkod it ongomongorumpak do mamatai dit isai-nopo i sangod di natangkap-no, tu varo kiroon diri dot osuhul mongoguna dit ongoulun di natangkap-no. Iti-no o sabap, hiza di Paulus diri, tantu aso-po kiroon di razat om it ongomangahatul do pomogunan do monimban di hoturan dino. Sabap it ongomangahatul kakali ulun dit okonko nokokristian sampai varo kohuntungan dioti antad sid gama monguripon dot ongoulun om mamakai dit ongouripon ponong sid kohuntungan dau. 146
Sid hal diti, iso-no ot osusa mongitung, do nokokuro, hiza do nokokristian i kontinent Europa, inot ongobansa sori minongimbulai vagu di hoturan do monguripon dot ulun, hiza di minangahatul ioti do manangkap dit ulun Etom sid Afrika om mangatod om mongojuval dioti sid Amerika, supaya varo kaki tangan sid ongokabun do gapas om gula sori. Sabap sid kinoponguripanan diri, labaan do 50 Juta ulun etom natangkap-no om iatod-no sid Amerika. Bai sid tanga do ralan antad sid ongokampong dioti sampai sid timbang do rahat sid Afrika om iri-ogi sid saralom do tolu vulang sid tanga rahat, antad sid hopod i natangkap, bai duvo-no o nakasampai sid Amerika sampai nalaku sid tuhunan dot uripon. Ombo i lumohing ko it sinumakit ko orukung, niada-no laid sid tanga do ralan, sampai it ongondu dot etom, lobipo naladtakan om inodzitan dit ongoanak koda sid ongokapal om it onogsojal di minanangkap dioti. Bai hiza dot varot ulun elo do mangagama dot enjin di lobipo kikuasa om akansang do mangaradu om poturug dit ongopakakas dot ulun, om nengkod-ogi i gama monguripon iadko i gulu diri, tu mad omura do dumagang om mamakai dot enjin antadko monumad di kogumuai it ongouripon, hiza do gumama om hiza dot aso gamaon sid kabun. Banal-no, hiza di mengkod it ongoulun sid Amerika do dumagang dot uripon, varo a-ko piro ot ulun Kristian di minangahatul dit ongoporinta, supaya varo hukum di moniag do monguripon dot ulun. It ulun di mongogorot banal do varo hukum do iadino, ino-no it William Wlberforce sid england, ulun do Methodist (1959-1833) I England nokogulu minangakun di hukum diri (1807), iri-ogi USA (1865) om Brasil-ogi (1888). Topot minsanko biano, sid Kaling kakali varot ongoulun di kitana di monguripon dit ongoulun sid ongokampong, ulun dit a-nokosikul om amu kaharati di hoturan di porinta sid Kaling. Kagi, ong biano, varo-no vokon o vaza do mad monguripon dot ulun dot okonko uripon o pongoretan. Ong sid Kitab, i Yusup nijuval dit ongoobpinai dau sampai inovit sid tuhuan sid Masir. sori i Potifar minonobus di Yusup do duvo nopod ringgit o horogo. Ong sid bansa dot Israel, isai-nopo i kiutang dit a-kadapat mangapus dit utang dau, jinumadi dot uripon. Topot kodung nokorikot i toun do kolobusan, varo hoturan dot obebas-no vagu it ulun dot Israel di nouripanan. Bai it ulun di tanid o bansa, nga amui kalabus. (Imamat 25). Ioti dino, isuhut di hoturan di Ibrahim, nosunantan sampai kodung it adau do pongitaranan, amu osusa gumama, gam mamung sid ongopesta di bansa dot israel (Kinotimpuunan 17,10-14, Kolobusan 20,10 om 23,12) om varo-po hoturan supaya amu oholian orodzitan it uripon. Topot ong sid Babil ko Assur, it uripon tantu aso hoturan. Ombo-nopo i kenginan di sanganu do mongopud ko mamatai. Na sid tuturan di Yesus, asarakan varo boros om suntuan om suriban di Yesus di manarang di kobuatano do Kinoringan om i riniba do miabal di sanganu om it uripon dau (Matius 21,34; 22,3 ko Matius 10,24 om Yahya 13,16). Gam sid Yahya 13 kondiri di Yesus mongusaha di gama di bai uripon kadapat mangagama, ino-no momoug di hakod dit ongoulun di noligou sid poginakanan. Na sid ongopiumpugan dot ulun Kristian sid Efesus om Korintus om i piumpugan vokon, varo nakamung dot ongouripon (5-9, Kolose 3,22-4,1) Na nokopomoros laid i Paulus sid 1. Kor. 7,20-24 om sid Galatia 3,28 dot, a) Sid di Kristus om sid piumpugan amu momeda dot obebas ko uripon, inoi nga i sokoviai nokopiamung sid iso guvas di Kristus, gima i Sundu dot Osusi dot amu monodiri, uripon ko tuan (gal. 3,28). b) iti-no sabap, sid di Kristus obebas-no kavi (1. Kor. 7,22), topot i sokoviai it ulun Kristian, mogulu it ongorasul, nga uripon di Yesus Kristus (Rom 1,1; Fil. 1,1) c) Amu mongonsug i Paulus dit ulun Kristian dit uripon iosido do mogidu iosido. Kagi, it uripon, varo tanda sid guvas dau dit aso tenganan pedu. Iti-no sabap oruhai do mogihim dit uripon di minogidu sid sanganu dau, do kodung natangkap-no vagu, araat i hukum diri. Om varo hoturan do porinta diri dot isai-nopo i nokemot dot uripon di nokedu, kadapat do hadiah antad sid porinta. Aso boros di Paulus di mancadang do monimban di hoturan di iadino. ( Sabap it ongoulun Kristian diri bai otigas, tantu aso tenganan do mangahatul ko mindamo do iadino). Iti-no o sabap varo boros di Paulus, it uripon atag do momongo iosido dot uripon dot avantang o kososizan dau ponong sid sanganu (1. Kor. 7,20-24), supaya i sanganu memot di kovongunan vagu dit ulun Kristian. d) Antad di kososizan dit uripon di nokokristian, ong kaharati i sanganu, kaluto i kuasa di Sundu do Kinoringan kadapat monimban di ginavo di sanganu. Iri-ogi kosimban i kopiopudan dit uriopon om i sanganu do mad mioobpinai, okonko iadko tuan om uripon-nopo. 6,10-20 Sumodia ponong sid kososizan dot ulun Kristian sid tanga do razat. Na varo boros di Paulus dot i tugas dit ulun Kristian sid tanga do riniba, okonko bai asaap iosido dot ongoulun, inoi nga varo ongokuasa do kotuvangan di sumaap om manahan dit ongoulun Kristian sid kososizan dioti do mad mongorumpak o gama sumaap. Iti-no o sabap, i Paulus monodia dit ongoulun Kristian ponong di kasaapan dino do mad monodia do sojal do mamanau sumamung di sangod. Mogulu i Paulus ipasanganu di tokou di kuasa (dynamis) di Tuhan (Matius 28,18 Sokoviai i kuasa sid surga om sid riniba, nakatahak-no kavi sid dohon, ka di Yesus diri). i harati, sokoviai i gama tokou di mad mongorumpak dit ongokuasa dokotuvangan, nga antad sid Tuhan. I Yesus ino-no i Tuhan, okonko i Kaisar sid Rom ko it isai-nopo i retanko diri dot iosido o Tuhan. Ino pongoretan Tuhan tanid mantadko bai tuan. Ong Tuhan, nga garal di mad, i manansanganu di sokoviai i pomogunan ko i sokoviai i riniba, ka. Gam i Kaisar do Rom retanko i Tuhan do songvinangun. Topot it ongokristian sinumasi, I Yesus o Tuhan, ka (1. Kor. 12,3). Iti-no i kososizan om kosipan di banalko onibak diri. Isai i sangod dino? (11-13) Ino-no, it ongokuasa dit amu emot sid pialatan dot avan om tana, om it mangahatul dit ongokuasa do kotuvangan, ka. I hiza dit amu-po pinangavau i Kinoringan di vinangun, otuvong-no i pomogunan (Kinotimpuunan 1). Amu-no arait siti i vozoon do rogon, ko i Saitan ko Iblis di mad ulun iosido dot araat. Ong it ongoulun Yahudi minangarait di Beelsebul. Okonko enizo i kososizan di Kitab kananganko inot ongokuasa dino. Varo ong, i monuba, i momudut, i mamatai, i pinokokinoringan di hiza biano, it ulion do pomogunan, rogon dot araat 147
om i vokon-no. Sid Matius 12,22-29 manarang i Yesus do varo mad karajaan di Saitan ( i vozoon do rogon) om varo hoturan dit ongopangkat di vozoon do rogon om i sakup dau, do bai i Yesus kadapat monunsub dit ongorogon sid kuasa di Sundu do Kinoringan. Nunu-ka i kuasa om hak dino? Minsanko biano varo kopurimanan dot iso pomogunan ko bandar okuasaan dot amu kotutun dot isai banal. Iadko i hiza di rumpak sid Kuwait. Okonko i Saddam Hussein, mad ensanan i Irak okuasaan do hal dit aso tenganan tarangon do nokokuro do pahandab di sokoviai it ongotalaga dot umau tana sid Kuwait, om i sojal dot Amerika sid gama mamatai di rinibuvan dot ulun Irak minsanko minogidu ioti mokisapul, nga aso tenganan sumusut sid belantara sampai otimbakan om osoroban ioti sid ongokurita om lori. It onogsojal di iadino o gama, mad agasat om agaratan do kuasa do kotuvangan, ko it ongopomogunan di minongojuval sid Saddam Hussein di sokoviai it ongopakakas do rumpak, nga okuasaan di rogon mokikohuntung om mokimamaha, tu amu minongitung dot ino pakakas dino kadapat mamatai di dau do sojal. Antad dino it ongosojal dot USA apatai di pakakas do rumpak dit antad sid Amerika om England sampai osulian-no ioti di dioti do karaatan. Ogumu vokon o suntuan biano do manarang do kuran it ongokuasa dit aso tenganan tarangon om toguvangon nga momorinta om momogos do pomogunan. Tazon mokilulundu it a-ko piro it ulun antad sid ongokazu sid himbaan sampai mangavi di himbaan. iri-ogi orungoi i kobuatano do pomogunan do Sabah sampai ensanan it ongoulun apakagasan, tu amu miuma dumarun sampai nokosimban it ongoontok om musim do pomogunan. Ino dino nga mad rogon di monguasa dit ongoulun. Ino-no varo kuasa om varo akal di mamalid om momorinta dit ongoulun om ongopomogunan om ongopiumpugan. Minsanko sid tanga do gorija, vokon-no mad rogon om kuasa di mongimbulai do kopioduhan om kopiangganan dot isai it atag dot ulion iosido om ombo it avantang o hoturan om kovosihan. I harati, i sumaap dit ulun Kristian, okonko atandas antad sid sodu om it ulun vokon, inoi nga varo-po kasaapan sid saralom do piumpugan om sid saralom di ginavo dot ulun kondiri. Manjadi sid tugas sumaap di sangod dit isai-nopo, okonko iseso it ulun, inoi nga kikoruhang sid piumpugan om gorija, keso, supaya kotutun di sangod om i kodolikadan, om iri-ogi sumodia tumahan di karaatan. Ong iseso, oruhai otorian om ahabaan. Ong bai iseso, apagon mongintutun di sangod om sumodia sumaap ko tumoguvang di hal dit osusa. Ong bai iseso, vokon-no okonko it otopot i sangod o toguvangon om saapon, inoi nga i bai ondig-ondig di sangod dot tigogi, sid gama sumaap dinot ondig-ondig, gam mangasau-po di hoturan om piniizaan di sumaap dit otopotko sangod. Sid ongogama do bai iseso engin sumaap di karaatan, varo kotohiangan sid piumpugan om varo-po kembulazan do rombongan di tumanid sid gorija om piumpugan dot alaid-nopo, jumadi do denominasi vokon. Ong sid Lukas 11,24-26 manarang i Yesus dot kodung nosunsub-no i kuasa do kotuvangan, moniim vagu ino kuasa dino miguli sid inantadon. Iti-no o sabap do suvai nokosodia it ulun om i piniizaan dot ulun Kristian do manahan di kuasa dino. I kosukupan sumodia om monodia (14-17). I Paulus posuntu sid sojal do Rom it atag o gama sumodia om monodia. Varo pakakas manahan di sangod om varo pakakas do sumaap di sangod. Suvai toduvo-duvo pakakas oubas mamakai om opung-no i sojal sid rumpak. Amu miuma do varo pakakas, ong amu oubas it ulun mamakai. Iti-no sabap it ongosojal mnsanko aso rumpak, tumoraining do suvab-suvab. Ikid pakakas, varo kogunaan. Iti-no o sbap, ka di Paulus, kovidai-no dikou it ongopakakas om mingkakat banal, supaya atahan mingkakat dot amu oruhai humaba om osurungan. Nunu-ka it ongopakakas dino? I kolopindang di katapato, ko i hogkos do katapatan. I kodori diri, asasat i goun dot ongoulun. Kodung mamanau, suvai ohogkos-no laid i goun, supaya amu kakahid sid kohubangan om sid lisovu do tana. Ong sid valai, oluvau it goun, supaya ongis om amu oumasani. Sid Yesaya 11,5 noboros-po laid bahagi di Minananggung dot iosido kikolopindang di katapatan om katatapo. Lopibo ong sojal, suvai kikolopindang di momihot di guvas dau, supaya amu harason. Ong i retanko katapatan, ino-no i Habal do kovosihan dit okonko kopigavul do kovosihan kondiri ko kovosihan dit ulun vokon. Ong varo kopigavul do vudut, iti-no o sisiit di sangod do pahaba dit ulun om i piumpugan. Iti-no o sabap do minongonsug laid i Paulus do suvai aso borotuduon sid ulion om tumpuk, supaya aso sisiit do mongorungoi di hoturan di piumpugan om mangamalu di gorija. I lomina di kabanaran. Ong kilomina i sojal, amu otoguan iosido do bilok om ramok ko sapadang. Ino pongoretan Kabanaran mad onsi di tudukan di Paulus sid Surat pakaa sid Rom om Galatia. Ino pongoretan dino minongogiang di mato di Luther om i Wesley sampai nakaharati dot ombo it nakaraag sid gorija diri. Iti-no o sabap it ulun Kristian kumavid di kabanaran dit atad sid Kinoringan, okonko antad sid gama do mamanal di kondiri dau om i karaatan dau. I tompa di koriatan mangahabal di Habal do Kovosihan. I kakal-po sid Masir it ulun Israel, minonuhu-no i Musa dioti do mononghogkos om monontompa, supaya kogoos ioti mamanau sid belantara (Kolobusan 12,11). Ong siti, ino-no o harati, it ulun Kristian osodia do polombus di Habal do Kovosihan. Suvai kihakod i Habal do Kovosihan, suvai kitompa, supaya amu otoguan do rugi sid tanga do ralan. Ong i Paulus, okonko piro piro hatus om rinibuvan do Kilometer minamanau iosido do mintana mamanau sid ongoalun-alu kodori dit okonko arantang iadko biano, tu polombus di Habal do Kovosihan. Ong biano, vokon-no amu kogoos it ponulung ko tumpuk om Manaud puruvan do bai rumikot sid a-ko piro o piumpugan di sid dau do watas om tugas, retanko amu-oku kogoos, osodu banal, alasu banal om i vokon o sangkut dot ong otopot, malan iosido amu amu agazo o kosodian do posurut di Habal do Kovosihan. Iti-no o tinomod di Paulus mongonsug do iadino. I kolig do kosipan. Ino dino, nga pakakas do peva di bilok om ramok om sapadang di sangod. Ong sid Kristian, i kosipan kadapat peva om manahan dit ombo-nopo o gama mangadamat dot ulun Kristian om i kosipan dau. Ino gama dot sangod (inot ongokuasa dit engin mangasau di piumpugan om mamalid ko pahaba dit ulun Kristian, iadko ramok di kiapui do tomod posorob di kolig ko monutud di valai ko manansaad dit ulun dit anangan. Ong i lomina, nokosokod sid guvas. Topot ong i kolig kadapat do peva isuhut di kasaapan di sangod, supaya jaga i guvas dit ulun. Ong sukul mongontupat i sojal, kodung nokemot do varo ramok ko bilok ko sapadang nokonong sid dau, i kolig peva ko manahan di pakakas di sangod. It ulun Kristian di kikosipan momurimon dot sionggo antad i pensubaan sampai 148
sumodia do manahan di pensubaan, iadko i gama di Yesus diri mamakai di Kitab sid gama sumaap di pensubaan di vozoon (Matius 4,1-11). I Yusup, nga suntuan di kosipan do iadino. Sid tanga do pensubaan, kakali tumatap iosido (Kinotimpuunan 39,9-11). Ong suntuan dit a-nokonong, ino-no i Petrus hiza di minongolim iosido di Yesus. Antub-antub do harapan. Sid Yesaya 59,17 varo boros do varo antub-antub di kosopulan. Kuran-ma ino makota do rugidi Yesus di nokoginit iosido sid kazu do sangkap ot antub-antub di kosopulan do riniba, naku? Sabap sinod pongoretan harapan nakaamung-po i harati kosopulan. Ino harapan sid kosopulan, gima i gama di Kristus o tumorindak sid ulu tokou sampai pasahau di tokou sid koponopulan di Kristus. Duvo-no o kogunaan ong antub-antub, mangapad dit ulu, supaya anangan do bambang (ko bai darun) sampai mad tanda do hormat iadko makota om sigal. I sapadang do Sundu, ino-no i boros do Kinoringan. Kavi-avi it ongopakakas di nakarait laid, nga pakakas do peva di kosusaan om kasaapan. Bai i sapadang mad pakakas do sumaap om minsamung di sangod. Aso boros om suntuan di Paulus kananganko i bilok ko pana om ramok dit ulun Kristian ko simbubut om i iadino. Bai sapadang. Sid Ibrani lobipo atarang i vaza posuntu sid sapadang di borosdo Kinoringan, tu ka sino, i boros do Kinoringan mizau om kikuasa sampai atarom mantadko karis miampaping om kotogu banal dot aralom sampai kogutas di kinopigaganggazan di guvas om ginavo, i piuhalan om tulang,ka. Ong sid ayat 17 okonko i boros do koubasan ot pinakai di Paulus, inoi nga i boros di kiontok banal, di mad timpa. Iadko i boros laid di Yesus sid Matius 10, hiza do sid pihukuman it ulun Kristian, tigogi, minsanko a-elaan dau do kuran, atahakan iosido do tudukan di Sundu, sid gama tumimpa di noruput iosido. Antad sid tudukan di Sundu kopionong i timpadit ulun Kristian di mamakai dot ombo it atag o boros di Kitab. Sabap ino, it ulun Kristian okonko bai dumahava di ruput om araat o boros dot ulun, inoi nga pasasi sid ulun dino dot otopot sampai monori di karaatan om kendaraatan dino, supaya otoguan i ginavo dot ulun. (iadko i Petrus ontok di Pentakosta, ino nga tudukan di Sundu). I vaza sumaap (18-20) Mad limo-po it imuhunan: a)It ulun Kristian okonko iseso, iti-no o sabap i dau do panangan miabal di panangan dit ensanan i gorija om piumpugan, ino-no posurut di karajaan do Kinoringan sid gama pazazad di Habal do Kovosihan (19-20). b) Ong ahabal i Habal do Kovosihan, varo kasaapan dit ongokuasa sampai ogusa om otorungku i mangahabal, iadko kondiri i Paulus momurimon (20) c) Minsanko ogusa om asaapan do sangod, kakali it ulun Kristian opihot om katama sumasi. d) Suvai sid piniizaan dot ulun Kristian kadapat sumasi om kogoos it ipat-ipat it ulun Kristian do miaapad-apad o gama mitutulung om misusukung di koruhang sid piumpugan. e) Iti-no sabap i rumbul keso ko vaza sumaap dit ongokuasa om pensubaan dino, ino-no i gama minta dau. - atag dot amu olingan-no dominta dua (kadan-no polingai dikou minta dua, ka) - atag dot amu engkod minta dua om mongontok minta dua om mindamo - suvai oposik o gama minta dau do popuhondom sid Kinoringan ombo it osusa Bai siti popuhondom i Paulus di dau do kosusaan om mongonsug dioti do mongontog minta dua bahagi di dau do kiis. Sabap antad sid pomintaan dua dot ulun Kristian, varo kakansangan om katamanan di Paulus sid tugas dau, minsanko sid torungku iosido. Noboros-po i iadino, sumodia i Paulus do pempongo di surat dau dino. 6,21-24 Kopivosihan-po di Paulus sid piumpugan om barakat do Kinoringan. Bai sid kovian di surat om varo it a-ko piro i boros di Paulus di mad pribadi. Ino-no o tinomod. Sid aso bandar om aso piumpugan nokentoron i Paulus do koledo miabal di sid Efesus (UR 19,10 om 20,31). Iti-no o sabap banalko oubas i Paulus sino dino. - Sid Efesus nosomungan di Paulus i hopod om duvo it ongokusai di kakali bai nakaharap sid kopomodsuan di Yahya i minomodsu, dot asot elaan dioti i kavazao di Kristus. Iri-ogi i Paulus patampal dit ulu dioti sampai varo korikatan di Sundu dot Osusi (UR 19,1-7) - i Akuila om Priskila nokentoron sid Efesus (UR 18,2,26). Nakamung i Paulus sid dioti om tinumabang do mangagama dot ikam, supaya varo balanja di tumpuk kopitatabangan dioti dino. I i Paulus om ioti minisavo iadko tumpuk do kopitatabangan om suntuan di PCS. - I Akuila om Priskila, minsanko nokokristian ioti, kakai minamung sid umpug dit uun Yahudi, topot amu songkuro varo kopigogutan dioti Yahudi om i Apolos (UR 18,24-28 om 19,8) Iri-ogi minitongkizad ioti sampai it ongoulun di sinumuhut di Yesus nga minongumpug sid ongkob di Tyrannus (UR 19,9) - Iri-ogi sid khotbah di Paulus varo a-ko piro kosunduvo di nakazazad sid daerah om it ongokampong. Antad diri nokopiamung it ongoulun Kristian dit antad sid Yahudi om ongolabus. (UR 19,10-12) - Kondiri di Paulus mangatag dit a-ko piro o kobuatano do varot ulun di nosuvangan do rogon. Sid kuasa di Yesus mongimbebas i Paulus dit ongoulun dino.(UR 19,13-20). - Ino gama di Paulus pembulai di kuasa di Kristus o mongogura di pomogunan sampai varo kodurhakaan dit ugama laid sid Efesus, ino pinokokinoringan di Artemis ko Diana, om varo kosurutan di piumpugan dot ulun Kristian Ogumu it ongoulun di nakamung sid piumpugan. (Ur 19,23-40). Otoliban i kopongodurhakaan diri, linumombus i Paulus kumaa sid Akaia, (Yunani) sampai minuli sid Yerusalim. Sid tanga do ralan minapit-po iosido sid Milet sampai minindamo dot it ongosukod dot Efesus minsamung di rasul sid Milet. Ino hiza diri minomurimon dot i humuntud iosido sid dioti ongosukod, nga humuntad iosido dot a-kopimot vagu dioti (UR 20,17-38). Ino tuturan dino pembulai do kuran i ginavo di Paulus ponong sid dioti om kuran it ongosukod dot Efesus nakaharap sid di Paulus. Iti-no o sabap hiza di minitongkizad ioti diri, mininta dua-no laid ioti sid tombing do rahat. I Tukikus, i susuhuon di Paulus. Retanko di Paulus, obpinai-ku di sinamadan, ka. Monguji i Paulus dialo, retanko atatap iosido sid Tuhan. I Tukikus o i mangahabal om mangatod di surat sid dioti. Iri-ogi i Paulus mokihabal di Tukikus, supaya elaan dau i kumuro di piumpugan sid Efesus (Fil, 4,18) om osinang om ensamadan i Paulus di habal 149
dino. Aso boros sino dot umul ko i kobuatano di Tukikus. Bai onibak o gama di Paulus mangarait dit ulun dino. Ong sid UR 20,4 nakarait i ngaran dau,retanko iosido nga sid tumpuk do kopitatabangan dioti om iri-po sid 2. Timotius 4,7 varo boros di Paulus do nakapanau-no i Tukikus.Sid Titus 3,12 varot umba do varo panau vagu dau. I vaza mamarkat di piumpugan sid Efesus. I barakat okonko pomintaan dua do mongontok minta dua do mindamo do barakat do Kinoringan bahagi dot ulun, inoi nga kovosihan om boros dit antad sid Kinoringan, ino-no o harati, it ulun di mamarakat polombus di boros do Kinoringan sid ulun ko sid piumpugan. Ong mongontok mindamo, it ulun mindamo do Kinoringan, supaya i Kinoringan mamarkat om monunda dit ulun vokon. Ong mamarakat, it ulun di nakatorima laid di barakat do Kinoringan om i suhu do Kinorngan, polombus di barakat dino sid ulun vokon. Sid Kitab Laid, it Imam o poromut sid bansa dot Israel di kotundaan om kapangapadan di Kinoringan sid bansa dino (Bilangan 6,24-26). Minsanko i raja kadapat mamarakat di bansa dau. Antawa ong biano it ulun manansalamat om monginsuhut dot ulun di mangarait iosido dot, Schalom, ko salamaleikum, i harati, i kopioondusan do Kinoringan mozo-vozo dikau, ka, porikot sid ulun dino di kopioondusan do Kinoringan (Kolobusan 4,18 om 1. Samuel 1,17). Lobipo i tokou ulun Kristian kadapat polombus di kovosihan do Kinoringan sid ulun vokon. Iti-no o sabap minonuhu i Yesus di kinoruhangan dau do manansalamat do, Schalom (Matius 19) ong rumikot om mindakod ioti sid ongovalai dot ulun. Ino-no o panangan, polombus di kuasa do Kinoringan sid ongoulun. Ino dino, okonko harati dot it ulun mumpalad ko mongogorot do Kinoringan. Gam ino gama di iadino, antad sid suhu om imuhun di Kristus. Ong i Paulus, gam mad duvo o barakat porikoton dau sid dioti sid Efesus. (23-24) ino-no, i kopioondusan om i samod mozo-vozo dioti, dot ino dino antad sid Kinoringan it Ama om i Tuhan Yesus Kristus, om iri-ogi, I kovosihan o monunda di sokoviai it ongoulun di manamod di Tuhan toku Yesus Kristus sid saralom di samod dit aso-no rontob. Ombo i nakarait laid sid fasal 1-3, inimbulit vagu di Paulus om poluhung sid dioti do iadko i taap di monunda do valai. Na i kosurutan di piumpugan sid Efesus, bai sid Buuk Kentalangan 2,1-7 kadapat tokou mongimpuras antad sid surat di Yahya sid osukod di piumpugan dino. Ino surat di Yahya, suvai otoliban it ongoapat nopod tinounan om suratanogi. Kagi sid surat dino mimbulai i kosusaan om kodolikadan dit asarok sid generasi vagu, ino-no, tinadak dioti sid samod di kinotimpuunan, ka sino.
Panarangan di Keso Surat di Paulus pakaa sid TESALONIKA I Keso Surat di Paulus pakaa sid TESALONIKA Umpatod: 1. Iti surat di Paulus pakaa sid piumpugan sid Tesalonika diti, surat banal di nokokirim-no, okonko kertas kerja ko baiko tudukan di nisurat-no sid iso o buuk. Ong tudukan, varo tajuk di tinarang sid a-ko piro o hogot. Topot ong surat rasmi iadko miboboro-boros it ulun di monurat om it ulun di porikatan di surat, sabap tu aso koriatan ko kotibangan dioti miduvo do sumamung ko magandaha. Ombo it ongohal dit amu asalasai ko i kodolikatan dit iso om it ongoduaton dau dot ipovit om itarang sid surat om varo-po`t ongohal dit olinggata do pendongou om pitalahas o tomodon. I sokoviai it ongohal dino, ong kopitoguvang, lobipo oruhai salason om tarangon dara, mantadko bai monurat. Tu ombo i kakal-po amu atarang, oruhai-no do mangalapis-po vagu om omungan ong kakali-po varo duaton, nga turus timpaon-no. Topot, tu okonko kopitoguvang, tu minitanid ot intoronon, suvaiko surat om korikot o kovosihan om katarangan dit isot ulun sid koubasan dau. Iti-no o sabap, do vokon-no ong ogumu ot ongotajuk. Pengkaa dino sid vaza monurat om humabal, oruhai otutunan tokou dot isai om kuran di minonurat om isai om kuran dit ulun dit orikatan di surat dino, sampai kuran i kopioputan om kopianggazan di duvo it ulun dino. Na i surat di Paulus diti, sid piumpugan dot ulun Kristian sid Tesalonika ot rikoton. Varo tinomod di Paulus monurat. Iadko i gama di Paulus manarang di kabanaran dit antad sid kosipan sid surat dau pakaa sid Galatia it antad sid kopiduvaan dioti, kananganko i kosipan om pinonuhuan, varo tinomod di Paulus sid surat pakaa sid Tesalonika. Varo`t a-ko piro o soalan om kosusaan sid Tesalonika di toguvangon om tarangon di Paulus. 2. I vaza di surat diti. I hiza diri om i biano, varo koubasan om vaza monurat do surat. Minsanko i surat dit ongorasul koluu dit ongosurat kodori diri, ino-no, varo`t umpatod om varo kompusan do surat. Pengkaa dino it ongosurat di Paulus: a) it Umpatod di surat dau di manarang dot isai o monurat om i ngaran di porikatan i surat om i-po salamat. Ino dino okonko it alamat bahagi dit ulun di mangatod ko polombus di surat, inoi nga it ulu do surat. Na inot ongobahagi dino, ong onibak banal, pengkaa dino, I KUVO MONURAT SID DI KUVO; SALAMAT SID DIKAU; ka. Topot kadapat dot iamung-po dot ombo it atag tarangon kananganko it monurat om i rikoton ko i salamat. 150
Na sid sokoviai it ongosurat di Paulus kemot tokou do kuran o vaza dau pamung om manarang sampai manantu iosido di panangan ko i hak di surat dau. b) Pongintukadan dit okonko bai umpatod, inoi nga vaza minsomok sid ulun di porikatan di surat om posuput ko mongimvagu di kopianggazan laid sid dioti. Ong sid ongosurat di Paulus, koubasan dau do monorima kaseh iosido sid Kinoringan, gima i piumpugan, sampai mongohondom iosido di pangalaman laid dau sid piumpugan dino. Ong aso pogintukadan, iadko sid surat pakaa sid Galatia, atalahas-no laid do varo kosusaan sid pialatan di monurat om i rikoton do surat dino. c) I kompusan do surat. Sid kompusan varo-po kotibangan vagu manansalamat dit ongokoubasan ko ensanan i piumpugan. Ong i Paulus, varo sekretaris dau monurat. I Paulus kondiri bai sinumain om pamung-po dot a-ko piro linsou o boros di mad pribadi bahagi dit ongoulun dit anggai-anggai dau. Ong sid pompod banal do surat, ino-no mad monginsuhat ko mindamo do barakat om mamarakat iosido dit ongoulun dit porikatan di surat dau. Na inot ongosurat di Paulus, minsanko bai sid iso-no o piumpugan o porikatan, kakali dot oduruk-no, nasalin-no sampai napakai sid ongopiumpugan vokon, tu i gima boros om tudukan rasmi di paulus. Kagi ong minonurat om tinumimpa i Paulus sid ongohal dit iso o piumpugan, ino tudukan om katarangan dau dino kiguna om kiharati dot aralom dit atag dot iningon om toudon sid ongopiumpugan vokon. Minsanko biano agazo o kogunaan om kohorotizan tokou di vaza rumamit om mangasip di Habal do Kovosihan om sumuhut di kenginan om kabanaran do Kinoringan antad sid ongosurat di Paulus. Iti-no o sabap sumahau tokou sid kovosihan om barakat di Paulus, ong kodung mamasa tokou di surat dau dino. 3. I kengkakatan di piumpugan sid Tesalonika. I bandar Tesalonika dino nokoumba 315 TGM it ipagon di Kaisar Iskandar. I ngaran dino, ngaran di savo dit ipagon, ino-no i Kasandar. Ong biano, Saloniki o ngaran di bandar dino. Na i bandar dino nokogom-no sid alun-alun dit antad sid Rom pakaa sid Istanbul (Konstantinopel). Sid bandar dino varo istana om upis di pomorinta di Daerah do Makedonia. Kagi kipangkalan sino om tuhunan di kibadi. Tasantanidtanid ot bansa kopisamung om nokentoron sino sampai varo-po piumpugan dot ulun Yahudi di nokoronuw. Na sid piumpugan do Yahudi okonko bai ulun Yahudi o miuumpug, inoi nga varo-pot ongoulun di nokosuvang sid ugama Yahudi, ko nakasako sid ugama Yahudi, tu mongohormat ioti dit ugama do Yahudi om i Kinoringan dit ulun Yahudi. Rontob-nopo, okonko retan do Yahudi ioti, inoi nga retanko ulun ioti di mangasip sid Kinoringan, ko koruhang dit Ugama Yahudi. It Ongoulun di minamung dit ugama Yahudi minongimvantang di kosipan sid bai iso o Kinoringan om i vaza dit ulun do Yahudi tumatap sid kenginan do Kinoringan dot avantang o bahazan om kobuatano. Manjadi inot ongoulun dino di nakamung sid ugama om piumpugan do Yahudi, ong kodung nokening-no di Habal do Kovosihan dit antad sid di Paulus, banalko oruhai humarap di Habal dino sampai kumoristian-no. Sid UR 17 mongusul i Lukas do kuran i paulus om i Silas om Timotius di nokorikot sid Tesalonika, sid panau koduvo di Paulus. Guluko i kinorikatan sid Tesalonika, nokorikot-no laid ioti sid Pilipi. Dot sid Pilipi, ogumu o nahajangan dioti do nokotorungku om nasansara sampai narantazan-no sid torungku. Suvai noguzu i pomogunan om nakalabus-ogi (UR 16,11-40) I hiza dot i Paulus sino TM 49. Iri-ogi tolu minggu i Paulus sid Tesalonika mengkhotbah sid panambayangan do Yahudi. Sabap, tu ogumu it ulun Yunani di nakamung-no laid sid ugama Yahudi dot onining sampai nokosuhut-no di tudukan di Paulus om nokokristian-no, banalko ikasana dioti Ongoyahudi i Paulus. Osusa i Paulus mogidu, tu varo-no tumiim do mamatai di Paulus. Ong isuhut di UR, tolu-no minggu i Paulus sino, nga nokengkakat-no i piumpugan sino. Ong mongonsi tokou di suruat diti ko i pakaa sid Pilipi (Fil. 4,16) elaan tokou do mad alaid-laid sid Tesalonika i Paulus, kokiraai tanga toun. Tu keso, minamung-po mamatuw dot ongoikam, tu mansari di kakanan dau kondiri. Koduvo, i piumpugan sid Pilipi, nga minongirim-po do balanja bahagi di Paulus. Kagi oubasan banal di Paulus ioti dino do banalko osomok o koubas. Ong oduruk sino, okonko iadino o kopiobas di Paulus om ioti sid Tesalanika. 4. I tinomod di surat, sera om siombo i Paulus i hiza di minonurat iosido. Nga I minogidu i Paulus sid Tesalonika, nokopung-no dau i piumpugan do Kristian dit ahatul o piumpugan. Agazo o ginavo di Paulus sid dioti. Ino piumpugan dino susaon om toroon dit ulun do Labus (1. Tes. 2,14) om i piumpugan dit ugama do Yahudi. Amu oruhai sumasi it ongoulun Kristian sid Tesalonika di kosipan dau. Ogumu o pensubaan om kagaratan di mangasau di kosipan dioti. Na i Paulus di nokolombus-no iosido sid pomogunan vokon, a-milo-milo nga mongohondom dioti om mongitung do songkuro o kopogos dioti tumahan sid kosipan. Sabap ino, sinuhu-no dau i Timotius magandaha sid Tesalonika, tu mogkodimot do kuran-no di piumpugan. Kaluto-po ong i Timotius o kadapat mogkovosihan dioti dino, ong varo kosusaan (1. Tes. 3,1-5) Nokouli-po i Timotius antad sid Tesalonika, dot i kosoduo dino 400 Kilometer, iadko Kota Kinabalu om Tawau, banalko avantang i habal dau (1. Tes. 3,6-10). Minsanko avantang i habal di Timotius, kakali varo kogolivangan dioti. Iti-no o sabap dot agazo o ginavo di Paulus monurat sid dioti. Sabap ino moriat-no i Paulus monurat sid dioti do tumimpa om manarang dit ombo it osusaan ioti. Ong pirompokon i boros di Paulus sid 1. Tes. 3,1-10 om i nisurat sid Usuran di Lukas sid UR 17,10 - 18,5, varo-no pitonidan. Boros di Paulus, Sinuhu-ku-no i Timotius do mamanau sid Tesalonika di kakali-po sid Athen iosido, ka. Ong i Lukas, Iseso i Paulus sid Athen. Ong i Timotius om i Silas, niopung di Paulus sid Berea, ka sid UR. Na kurankuran, i minonurat i Paulus di surat diti, i Timotius om i Silas nokokoruhang-no di Paulus (1,1). Ong sid di Paulus, (1,7-8) alaku-no banal i kinahabaran di Habal do Kovosihan sid Akaia om Makedonia. Topot ong sid Lukas, aso hasil di mengkhotbah i Paulus sid Athen. Iri-ogi nokolombus i Paulus sid Korintus (17 - 18,5) om nokosuhut-no i Timotius 151
om Silas sori. Iti-no o sabap, dot antad sid Korintus minonurat-no i Paulus, i hiza di Winter TM 50/51 sid pialatan di vulan ko-11 sampai vulan ko-2 TM 51. Na kuran-kuran, iti surat keso di Paulus pakaa sid piumpugan sid Tesalonika nga iti-no i surat di gulu banal kosurat om nokosuvang-no sid Kitab Vagu. 1. Tes. 1,1-10 KOSIPAN, SAMOD OM HARAPAN o tanda di piumpugan sid Tesalonika. I piumpugan diti retanko di Paulus, i dang Tuhan. Topot okonko iseso i Paulus o monginjil, inoi nga ioti songkoruhang iadko tumpuk do kopitatabangan, ino-no i Timotius om i Silas o koruhang dau. Aso kiroon di Paulus dot iseso iosido mangahabal di Habal do Kovosihan. Siombo-nopo o rikoton dau, varot ongoobpinai dau dot ondu om kusai di tumabang di Paulus. Ino-no o harati, ulun Kristian amu mopud ong baiko iosido kondiri. Duvo, tolu ioti. Topot i piniizaan dioti sid kosipan mad piumpugan dit opodok-po. Piumpugan, ong Yunani, EKKLESIA, ino-no it umpug di nokodim-no om nopili-no, umpug di masyarakat. Topot ong sid Kitab, piumpugan do Kristian it antad sid kodim om pinili do Kinoringan, it Ama di Tuhan Yesus Kristus. Iti-no ot inantadon om inogomon dit umpug dino. Na i Paulus mamarakat om porikot sid dioti di kovosihan om kopioondusan. Elaan-no di Paulus do suvai varo kovosihan om kopioondusan it antad sid Kinoringan om masi-ogi om sumurut i piumpugan sid Tesalonika. ayat 2: I mongohondom i Paulus di piumpugan sid Tesalonika, banalko agazo o ginavo dau monorima kaseh sid Kinoringan. Okonko bai mongonsug iosido dioti minta dua do monorima kaseh, (5,18), gam iosido kondiri ot amu engkod do monorima kaseh. Induvo mimbulito di Paulus dot, Amu-okoi engkod monorima kaseh om mongohondom, ka. Opurimon tokou do banalko agazo o tanggung jawab di Paulus sid piumpugan dino. Na i sabap di gama dau monorima kaseh: nohorotizan-no di Paulus dot sid piumpugan do Tesalonika varo tolu o tanda di kristian banal ioti, ino-no, Kosipan, Samod, Harapan. Suvaiko ino tolu o tanda dino o manarang dot otopot-ko ulun di nasanganu di Kristus (2. Kor. 5,17). Noboros-no vagu di Paulus sid 5,8 om sid 1. Kor. 13,13 ino tolu ot tanda dino, gam sid 1. Kor. 13,13 varo boros di Paulus mongohodtol do bai ino tolu o tanda ot otiru sampai amu tumanus sampai penlaid, minsanko i sokoviai i kobuatano vokon, nga tumanus. Na i Paulus manarang dot inot ongotanda do Kristian okonko bai bantug ko votik om ngaran, inoi nga gama di kosipan, kapagasan di samod om kolonutan do harapan. I harati, i kosipan okonko bai kiroon om jangkaon, inoi nga mongimbulai do hasil. Pengkaa dino, i samod kopurimon do kapagasan, gima kogoos do mongimbulai do samod, minsanko ponong sid sangod (Mat. 5,43-48). Om i harapan, nga amu oruhai opupusan ko abasan. Manjadi, norongoupo di Paulus do iadino i kobuatano di piumugan sid Tesalonika, monorima kaseh-nopo iosido sid Kinoringan, gima ino kobuatano dioti om i habal di nokorikot sid dau. 4-5 I boros do Kinoringan kikuasa. I nokorikot i Paulus sid Tesalonika diri, mad nosodia-no it ongoginavo dot ulun mongining om tumorima di Habal do Kovosihan. Atalahas-no dot ioti dino nga kinenginan om pinili do Kinoringan. Kuran-no ong ioti nga pinili-no do Kinoringan? Varo-ka`t ulun di niada do Kinoringan? naku, iadko i tudukan di Calvin, retanko varo`t ulun di nopili om varo niada-no laid. Iti-no o sabap, dot isot ulun nga aso kadapat tumoguvang sid Kinoringan, ong okonko kenginan do Kinoringan, ka di Calvin. Topot sid Yahya 3,16 momoros i Yesus dot i kenginan do Kinoringan, sokoviai i riniba asamadan om osopulan do Kinoringan, ka. Minsanko varo gama do Kinoringan pokodou di ginavo dot ulun, kakali kenginan dau do kemumui, okonko pada o tomodon. Pengkaa i boros di Paulus sid Kolose 1,12-20, gam ong sino, ensanan i vinangun ot sopulan di Kristus, ka. Na nakaharati-no i Paulus dot i piumpugan sid Tesalonika nga antadi sid kenginan do Kinoringan. Sabap it ongoulun sino tinumorima di boros om i habal di Paulus iadko kondiri do Kinoringan o minangahabal. Kikuasa i boros di Paulus sid Tesalonika dit antad sid kuasa di Sundu do Kinoringan. KUASA =KOKUASAAAN =DYNAMIS, ino-no i hal di mongusaha, papanau, poturug, mongimbulai, mongogura om mongovit. Varo pitonidan ong bai moro-boros do iadko bai monguni-uni, ko ong kodung noboros-no, najadi-no (iadko i kinourugan do bai i boros do Kinoringan o minongurug dit adau om vulan sampai i riniba). Kuran kadapat tokou momoros om mengkhotbah dit antad sid kuasa di Sundu dot Osusi? Tantu amu, ong okonko magavi tokou laid monodia dit ongotudukan dot aso kiroon-po dot varo kotulungan di Sundu dot Osusi. Do nokosodia-no kavi, kakali mindamo di kotulungan di Sundu do Kinoringan di mamakai di kabang om boros om ginavo tokou do pakakas om vaza pengrikot di ginavo dot ongoulun mongining. Ong i Paulus engat dot i gama dau pahabal di Kristus amu minangamalu di Kristus. Kuran-no ong i tokou? I sokoviai i boros om buatan, nga antad kavi sid kuasa di Sundu, ka? ko varo-po gama om kobuatano di mangamalu di Kristus? Suvai varo harapan tokou dot sid saralom di khotbah tokou, kondiri di Kinoringan om i Sundu dot Osusi o mamakai di tokou ponong sid kosopulan dot ulun, om atag-ogi i gama tokou mengkhotbah. 6-10 I boros do Kinoringan linumombus sid vokon. Okonko bai i tudukan di Paulus o kikuasa. I-po kavazao di Paulus o minongovit dit ulun sid kosipan, tu suntuan gima i Paulus sid kosipan. Banal-no oduruk om nakaharati-no ioti dot isai-nopo i sumuhut di Yesus, anangan iosido do kapagasan, iadko i Yesus diri dot ogusa ko aladtakan iosido, om i Paulus-po nasaadan sid Pilipi diri. Noboros-no laid di Yesus i iadino (Markus 8,34...) Na sid ayat 9 horotizan tokou-no dot nunu o kinapagasan dioti diri. Boros di Paulus, ino gama muli sid Kinoringan mad duvo-no o laang, ino-no, tumolikud sid ongorogon om i kavazao laid om iri-ogi tumoguvang sid iso-no o Kinoringan. Ino-no i laang di banalko agazo. Tu otuntuvad ko olumbatiu o gama om rikoton. Isai-nopo i tumoguvang sid Kinoringan om tumolikud-no sid ugama rasmi sid pomogunan dau, a-milo-milo, nga osodiri sid tanga do razat dot alaid-po, ikasana-no iosido dot ongoulun. Kagi, i hiza diri, it ugama rasmi nga nohoturanan-no di Kaisar sid Rom, retanko suvai atag o gama mongoguna om mongohormat dit ongokuasa do surga, ong sumamba it ulun sid raja. Sabap i raja ko i kaisar mad sakai di kuasa sid savat. Kodung amu lumombus it ulun di nokokristian-no do mongoguna-po di Kaisar, impaon-no di razat om iruput-no i gama di iadino. Dot koruput-po, 152
oruhai-no do varo kosusaan antad sid porinta, retanko ulun iosido dit amu sumuhut di hoturan do porinta. Kagi, i kosipan dioti sid ulun di kingaran i Yesus antad sid Nasarat, ong sid kiroon do razat, banalko amu nokonong. Tu i Yesus, baiko ulun do Yahudi, ulun di bansa di nakasako sid hoturan do Rom om ulun di bansa dit aso guna om kokihizan-no. Kagi, i Yesus kondiri, nga pinatai do mad uripon iosido, okonko ulun dot obebas ko ulun di warga negara Rom, gima nakasangkap-no iosido diri. Ong matai it ulun do iadino, suvai ulun dit aso hormat ko ngaran ko bantug. Iti-no o sabap do retan dit ongoulun Yunani dot ino kinapatazan di Kristus dino kobungahan, om it ongoulun do Yahudi, nga retanko, karaatan dot amu asakap, ka (1. Kor. 1,23). Na ioti sid Tesalonika tinumorima di boros di Paulus sid tanga do kapagasan, nga kakali otomon om kikohigakan antad sid Sundu dot Osusi. Kagi i hiza dot i Paulus nokolombus sid ongopomogunan om bandar sid Akaia, varo pangalaman di Paulus dot minsanko it amu-po nokotimpuun iosido mangahabal, norongou-no laid dit ongoulun i kobuatano om kosipan sid Tesalonika sampai nosodia-no i ginavo dot ulun monginig om mangasip di Habal do kovosihan. Nakazazad-no banal i kinengkakatan di piumpugan do Kristian sid Tesalonika sampai najadi-no do suntuan sid daerah do Akaia om Makedonia. Ino-no i nokoonsug di Paulus sid dau do tugas pazazad dit injil sid dioti. Iri-ogi mongohodtol i Paulus dot kodung kokoristian it ulun, nokotoguvang-no iosido sid ralan ponong sid karajaan om hoturan do Kinoringan. I kosungguvo di ralan dino, ino korikatan vagu di Yesus Kristus, i mongohukum dit ongoulun di mizau om minatai. Na ino pamanahan sid ralan dino okonko natandas do katamanan om kosinangan, inoi nga varo-po kosusaan om kapagasan om kolunguzan, tu asarok dot opupusan. Ino kobuatano di pamanahan dino, nakaharati-no ioti sid Tesalonika sampai najadi-no ioti do titiu om panganavau sid ongodaerah dino. Pengkaa dino, i piumpugan dot ulun Kristian, ong sukul atarang o kosipan om samod om harapan, kadapat suntuan dit ulun vokon sid kogozoo do samod do Kinoringan om mongonsug dioti mozo di Yesus Kristus. 2,1-12 Mopud sid Habal do Kovosihan om polombus-po di Habal dino. Sid a-ko piro it ayat dino monuturan i Paulus di kavazao dioti songkoruhang di hiza di sid Tesalonika ioti diri. I tinomod monuturan, mongohodtol iosido di tugas dau om i vaza dioti posondot om poromut di Habal do Kovosihan. Sid ayat 3-7 mongimbulit-nopo i Paulus dit ombo it atag om ombo it okonko dioti do nagama diri. Sid vaza dau dumahava mimbulai om pentalang i Paulus dot i dioti do nagama banalko tanid mantadko i nagama dot ulun vokon. I hiza di Paulus diri, varo-no laid ongoulun di tanid o tomodon, ino-no mansahari ioti sid Habal do Kovosihan do mamalid o tomodon ko mongorungoi di bahazan om mangakal-po sampai mokiguna om mongolumbok om mokilulundu ko mokihohormat dot ulun. Iadko biano, it a-ko piro ot ulun om rombongan di tumohiang om mokingangaran sid gama mangagazad om mamalid dot ulun sid ongopiumpugan, retan suvaiko i dioti do vaza sumuhut di Habal do Kovosihan om i dioti do tudukan di mongonsi di kosipan dot ulun Kristian ko i dioti do vaza rumamit di Sundu do Kinoringan om otopotko korostian. Na i tomodon dino, mokingaran ko mokipangkat om mokibantug ko mokibalanja dot ulun. Vokon-no ong varo rombongan di mamalanja dot ulun sid gama mamalid dot ulun, tu kenginan ong varo mamung sid dioti do rombongan. Iti-no o sabap dot anaru-naru o gama di paulus manarang di dau do vaza mangahabal om mamalanja di kondiri dau. 2,1-2 Amu porosuma i gama di Paulus sid Tesalonika. Mad mongo-vongo i Paulus dot i gama dioti diri sid Tesalonika kihasil. Sabap ioti sid Tesalonika diri, songhongkob-hongkob di nokedu-no /nosunsub-no ioti sid Pilipi, di nasaadan-no ioti sid torungku (UR 16,16-40). Ong okonko i Kinoringan pinatatap om pinatama dioti, opupusan-no ioti diri, gima i sansara om kapagasan sid Pilipi diri. Topot, tu Kinoringan o pinakansang dioti, agazo o ginavo dioti do monoguvang monginjil sid Tesalonika. Inot ayat dino manarang dot okonko i di tokou do kakansangan om kenginan o miuma sid tugas tokou. Suvai engkansangan tokou di kuasa om Sundu do Kinoringan om kogoos om katama tokou-ogi polombus di Habal do Kovosihan om posuntu di samod do Kinoringan sid ongoulun. Iti-no o sabap do varo boros di Paulus sid Filipi 4,13 dot, Nakadapat-oku di sokoviai, tu varo pakansang dohon, ino-no i Kristus, ka dau. 2,3-4 I tinomod di gamaon di Paulus. I tugas di Paulus, okonko antad sid dau do ginavo ko suhu do riniba. Kondiri di Kinoringan minanahak do tugas sid di Paulus. Nipataud do Kinoringan dioti i Habal do Kovosihan. Iti-no o sabap do nokosokot-no ioti sid Kinoringan, i pinotugas dioti. Sabap i Kinoringan o momorisa do konong i gama dioti ko amu. Okonko i gama dot ulun momorisa om mongoguna ot agazo o harati, inoi nga i vaza do Kinoringan mongimpa om mamanal om manantu di gama di rasul. Kagi it ulun di monuduk ko mengkhotbah, osusa momorisa om manahan di kondiri, supaya amu aratu iosido sid pensubaan do bai mongolumbok dot ongoulun ko mokihohormat om mokiguguna dot ongoulun o tomodon. 2,5-8 I vaza di Paulus gumama, nga ensanan antad sid korolomo di ginavo dau. I mengkhotbah om monuduk iosido, oruhai do songvongo-vongo ot ulun dit a-nokelo, supaya sumuhut ioti sid di Paulus do kenginan om tomodon. Topot okonko i kosuhutan dot ulun sid penginjil o tomodon di Habal do Kovosihan, inoi nga supaya sumuhut it ongoulun di Habal do Kovosihan. Ong biano, okonko bai okudik ot ongorombongan i retanko Gorija di kuvo, indoson dot ulun, ong bai sid pandita ko pengkhotbah dino o nokonong i gama mangasip om sumuhut. Sid Amerika varo retan do Gorija do TV di Kuvo. Amu osusa it ulun do gumorija, tu sid dau om dau do valai mamung sid gorija dino. Kananganko i persembaan, ikirim sid Akaun dit ulun dino, retan dot ino akaun dino, Akaun do Kinoringan, dot ong otopot, it akaun dino pribadi dit isot ulun. Topot aso momorisa di vaza dit ulun dino mamakai dit ongopersembaan dit ulun di mongirim do cek sid akaun dit ulun dino. Ogumu o vaza dit ongoulun di iadino do manarik di ginavo dot ulun sid dau do rombongan om dau do harapan. Iti-no o sabap, dot amu mamakai i ponginjil om pengkhotbah dit ongomajik ko ongosuromo ko i nunu-nopo songhal di povongo dit ongoulun, do tazanko humarap om mangasip ioti di keloo om kosilato om kosunduvo dau. 153
Manarang i Paulus do varo hoturan dot i penginjil mokibalanja di piumpugan di rikoton dau. Topot ong i Paulus kondiri om it ongokoruhang dau, a-insan minamakai di hoturan di iadino, gam minansahari di kondiri dau sid gama mamatuw dot ongoikam. Peradon di Paulus ino gama dioti manamod di piumpugan di samod dot idi sid anak dau di ragang-po. Tu ino gama dit idi sid anak dau mad puun di suntuan banal do samod om i gama manamod. Sinod gama dit idi ponong sid ragangpo ot anak o pongunuvan di harati do samod. Sabap it idi mamasi dit anak, hiza do kakali sid tizan it anak, iri-ogi posusu it idi dit anak dot amu mengkod-engkod manaud, momiara, mamasai dit anak dot antad sid dau do guvas om koposizon. It anak nokelang banal sid koposizan dit idi. Na boros di Paulus, i dahai do gama sid piumpugan do Tesalonika, iadino banal. Amu abasan om aso rontob manamod om mamasi dikou, ka. Iadko i koposizan dit anak ensanan do nokoluzung sid koposizan dit idi, om it idi, nga magavi mamasi dit anak dot amu engat do rontob om kapagasan om kasansaraan o gama di rasul ponong sid piumpugan sino. 2,9-12 Miabal dot ama o gama di Paulus monunda di piumpugan. Okonko it idi o mokipasi dit anak dau, pengkaa dino ioti Paulus songkoruhang amu minongimvagat di piumpugan. i hiza diri, ogumu it ongoulun di minirimpanau do pazazad dit ongotudukan o minokipasi dit ongoulun dit orikot dioti. Ong i Paulus, amu popuhondom i Paulus dioti sid Tesalonika, supaya ioti sumasi di gama di Paulus mamalanja di kondiri dau (5+10), nga kakali varo kotibangan di Paulus do magandaha om mogkovosihan dit ipat-ipat it ulun Kristian sino, do iadko ama dioti iosido. Ong kiroon tokou it ongopiumpugan do PCS, okudik it ongoulion om manaud do Puruvan di kotutun dit ipat-ipat it ulun Kristian di sid tinaud dau ko engat-po i kosinangan om kosusaan dit ongoulun dino. Ong i Paulus, amu abasan iosido monuduk, mongumbasih, popuhondom dit ipat-ipat it ulun. Sabap ino-no o kiniro dau do tugas dau om tanggung jawab dau sid tinoguvangon do Kinoringan. Ong varo`t ulun dit a-nokosuhut ko a-nakasip, ino-no, i korukungo dit ulion ko rasul diri. Ong a-kemumui it isot ulun sid di Kristus, mad sala-ku dit amu miuma o gama-ku monunda dit ulun dino. Ong otopot, siombo-no i tanggung jawab tokou dit toriso-iso ulun Kristian ponong sid kosipan sid di Kristus? Ino gama di iadino koluu di gama ponong sid anganak do mangagazad dioti pensukod om sampai kogoos om kelo ioti do mopud kondiri. Okonko insan-no mongira om mangagazad it ama, inoi nga magavi iosido, tu agazo o ginavo dit ama do varo kopudan om kogunaan dit anak dau. 2,13-20 Mopud i Habal do Kovosihan sid Tesalonika. Insan-po dino mongimbulit i Paulus di kinorikatan di Habal do Kovosihan sid dioti sid Tesalonika. I boros di Paulus diri tinumorima ioti do boros do Kinoringan, minsanko i minangahabal, nga okugui om orukung antad di kinasansaraan dau sid Pilipi. Na sabap, tu tinumorima ioti di Boros do Kinoringan om nokosuhut-no ioti di Habal do Kovosiham sampai nokokristian-no ioti, anangan ioti do kosusaan dit ongoulun dit a-koho do sumuvang ioti do Kristian. Kuran-no dot sid saralom di boros do dang riniba koromut-no i boros do Kinoringan? Ino dino okonko hal di mad automatik, it a-milo-milo nga jumadi om kosunu. Suvaiko it ulun di mengkhotbah mindamo di kotulungan di Sundu do Kinoringan om engat dot okonko iosido ot osusa pasip dit ongoulun, inoi nga pakakas iosido di kuasa om Sundu dot Osusi. Kananganko i vaza do razat sid Tesalonika sumaap, manarang i Paulus dot ioti sid Tesalonika kipangalaman iadko it ongoulun Kristian sid daerah Yudea, Tu sori susaon it ongokristian di bansa do Yahudi. Ong sid Tesalonika, it ulun Yunani amu ozi dot varo`t ulun di sumuhut om mangasip sid di Yesus Kristus. Siombo-nopo o kahabaran di Habal do Kovosihan, osodiri-no it ongoulun. Varo mongining sampai sumuhut om mangasip om varo-no ong tumolikud sampai pakaso do Kinoringan. Na it ulun Kristian sid Tesalonika oduruk om varo-no pangalaman dot anangan ioti di hungot om sana dit ulun di dau do bansa dit a-koho do varo`t ulun Yunani di kumoristian. Ong sid UR 17,5 mongusul i Lukas dot it ulun Yahudi sid Tesalonika minonusa dit ulun Kristian. Topot ong i di Paulus dot andaman, ulun labus do Yunani o minangahavud dit ongoulun Kristian sino. Ong sid surat diti, bai poperad i Paulus di kinosusaan dioti om i kinosusaan di piumpugan sid Yudea om Yerusalim dit antad sid ugama do Yahudi. Kagi, ong mongohondom i Paulus dino kosusaan dino, olumbatos o boros dau kananganko it ongoulun do Yahudi. Antad di pangalaman di Paulus sid Lukonia om Perga mad alasu i ginavo di Paulus, tu mongohondom iosido di banalko araat o gama dioti mangasau di piumpugan dot ulun Kristian om pomogos di Paulus do sisiri ong apatai iosido. Ong basaon tokou i surat di Paulus pakaa sid Rom 9-11, banalko tanid o boros om panarangan dau sino kananganko i kopioputan do Kristian om Yahudi. Ong sid ayat 15-16, mad kakali andaman om osusaan i Paulus di kinapagasan dau dot amu mongitung iosido dot ino boros dau mad avadsak banal ot apakai sid tohudi iadko tudukan do sumana om momunso dit ongoulun do Yahudi. Sabap antad sid boros di Paulus di iadino nokembulai i kiroon di kogumuai dot ulun Kristian, do retan dot it Ongoulun Yahudi o sangod di Kristus, tu ioti-no o minamatai di Yesus, ka. Minsanko it ongoulun Yahudi biano, nga anangan di hungot om sana dino. Dot tigogi mad mimbulai-no i pongitungan dot, Atag ong mamatai dioti ko monusa dioti do kuran-nopo o pavazaan monusa om momogos. Mad hinumalib-no i Paulus sid boros do iadino di posondot iosido sid ongoulun do Yahudi di kotigiran do Kinoringan. 17-20 Langadon i Paulus dioti. Sid saralom di piniizaan dot ulun Kristian, ino-no it ongoulun di mongining om sumuhut di Habal do Kovosihan, jumadi it ongoulun do songobpinai (Markus 10,28-31) Ong sid ginavo-ku, sori-okud tanga dikou, ka di Paulus. Bai i guvas-ku ot okonko sid Tesalonika, ka. Monuturan i Paulus dot okonko impiro-piro koumba iosido magandaha dioti, nga a-kosunu, tu varo monobon, gam boros dau, Osongkutan-oku di vozoon do rogon, ka. Aso pongitungan di Paulus do kodung nokengkakat-no it iso o piumpugan, ombo-noko ioti, nengkod-no i tanggung jawab dau bahagi di 154
piumpugan dino. Gamko amu engkod i Paulus mongitung sampai mongumba di kosurutan do piumpugan. Mad agazo o ginavo dau di mongitung iosido do varo hasil di gama dau sid Tesalonika, sampai i piumpugan sid Tesalonika mad bantug om hormat di Paulus sid tinoguvangon do Kinoringan. Aso boros sino do nokokuro, tu a-koriat iosido magandaha sid Tesalonika om nunu it ongosangkut dino. Baiko onibak o gama dau manarang dot i kuasa dot otuvong, i Saitan o minonobon di panahon dau. 3,1-13 Suvai nokosondiu sid Tuhan om apasi-ogi. 3 ,1-5 I mipitan i Paulus. I hiza di sid Athen i Paulus diri, nemot-no dau do banalko porosuma i tudukan dino, gam minangagauk it ongoulun di nokening ioti di Habal di Paulus (UR 17,16-34). Kiroon tokou dot osusa i ginavo di Paulus dot iadino o pangalaman sino. Kagi varo pongitungan dau, Ong iadino sid Athen, kuran-no ong agauk-po it ongoulun Kristian sid Tesalonika di bai kosusuvang dioti do Kristian om amu-po opihot o kosipan. Atahan-ka ioti ko okugui dot amu-no tumahan di goukon om toroon dit ongoulun sino? Hinumongkob i Paulus dit andaman dau dot aso sino iosido ko isainopo i kadapat pakansang di kosipan dioti. Rinumosi i Paulus dot varo kolonduan om varo kotolikudan dit a-ko piro it ulun di kakali opihoi o kosipan. Iti-no o sabap, do pinapanau iosido di Timotius, minsanko omulok-po i Timotius diri, supaya i Timotius o mogkodimot dioti om mongontupat do kuran i kavazao di piumpugan sid Tesalonika, do kakali-no mopud ko varo-no kosusaan. I tomodon di Timotius, pakansang di kosipan dioti om mongonsug om patatap dioti. Ong iadino o gama di Timotius om i Paulus, ino gama di iadino amu mangasau ko mongunang di kengkakatan om kamandirian do piumpugan. Manarang i Paulus dot amu oruhai do bai samod o mangahatul om mangagazad dot ulun Kristian sid tanga do razat di misasana om mihuhungot sampai miaakan-akan sampai miosolod-solod om miraratu-ratu do pangkat sid piumpugan. I kososizan dot ulun Kristian kananganko i samod do Kinoringan di nokembulai sid di Yesus Kristus amu oruhai kolombus sid ulun dit nohoturan om noporinta do sana om kotigiran om rodus om i gama monongkudau. Bai iso o sondihon dit ulun Kristian sid kososizan dino: i Yesus Kristus o nakamanang di sokoviai i kobuatano dot araat di dang riniba. 6-13 Habal dot avantang antad sid piumpugan sid Tesalonika. Nokoguli-po i Timotius, avantang-no o habal dau. I habal di Timotius mad Habal do Kovosihan, ka di Paulus, tu habal di kosipan om samod dikou, ka. Tu i piumpugan kakali mongohondom di rasul Paulus om i gama dau. Ioti nga tilangad-no i Paulus. Alaid modtorimot i Paulus minonginud di koulian di Timotius. I kosoduo 400-no Kilometer dot okonko varo bus ko kurita do sakaan. Avantangan i Paulus di kinosurutan di piumpugan sid Tesalonika. Nensasamadan-no i Paulus di habal di Timotius. Ino-no o harati, okonko bai it ongoulun Kristian biano ot atag dot insasamadan, minsanko i rasul om i kitugas sid gorija, a-milo-milo ensasamadan i hiza dot tumalou om orukung i kosipan dau ko opupusan iosido, tu varo`t ongohal dit amu atag di monusa di ginavo dit ulion. Vokon-no ong varo sakit dau sampai amu kogoos iosido monoruntud di tugas dau. Vokon-no ong varo mangasau ko sumaap ko momudali ko araat o boros momurangit dot ulun antawa ohuzan iosido sid gama monoruntud dit ongopiumpugan dau. Na I Paulus, ong kodung nokening di habal di Timotius, lobipo tilangad sampai tirikot-no sid Tesalonika, tu monukup-po dit ombo it amu-po osukup banal i kosipan dioti. Kuran-no ong ino boros di Paulus di iadino? Varo om varo boros di Paulus dot osinang iosido, gima i habal dino, gam monguji iosido dot, Apasi-okoi-no ong atatap-kou-no sid Tuhan, ka, nga kakali varo boros dau dot, Monukup-po di kosipan dikou, ka. Mongindazou-ka i Paulus dioti do kakali mad mamajal dioti, retan dot amu-po arangkap i kosipan dioti? ka. Ong ulun Kristian, okonko sangadau-no om arangkap-no. Penglohing it ulun Kristian sumikul om misisingilo om posurut di kosusian om karangkapan. Ong guvas dot ulun, varo kosukadan om kengkadan do kosurutan. Ponong sid lumohing i guvas, gam kumurang om humino it ulun om i guvas dau. Topot ong i kosipan, atag do sumurut sampai sid bai mongingab-po it ulun. 4,1-12 Ponong sid karajaan do Kinoringan. Sabap tu kakali aso-po koriatan do magandaha i Paulus sid Tesalonika, monurat-no iosido dot ombo it agazo banal o ginavo dau poromut sid dioti om mongonsug dioti. Nokosuhut-kou-no di nituduk dahai diri do kuran it avantang o gama om koposizan, nga atag do sumurut-kou do mopud om posurut di iadino, ka di Paulus. Gam (9) notudukankou-no do Kinoringan dot avantang o gama. Kagi ino gama om kobuatano dikou nokembulai-no sid sompomogunan do Makedonia (10). Na i kenginan di Paulus, varo-po kosurutan sid gama di iadino (manamod 9) ponong sid karangkapo dioti. Atalahas-no ong i kosipan dot ulun, aso kovian om aso kapangaan om kotulukan. Suvaiko i kosipan soumul sumurut om atag-ogi. Topot i kosipan dit iri-no ko iri mad kosipan di kumurang om kumugui. Na i Paulus mamakai do pongoretan dot, Mongimuhun-oku dikou, ka. Topot ino gama dau mongimuhun kipanon, ino-no, mindamo om mongimuhun. I Paulus okonko iadko guru di mangalapos ko mongindoronok dit anganak sumikul, supaya oronok om rumosi ioti. Sabap ong iadino, okonko it ira di kiguna ot osuhut, inoi nga it indorosi do lalapos ko i nunu-nopo o kendorosi. Ong i Paulus, amu mongimuhun do mongindorosi, inoi nga mindamo om mongimuhun-ogi (5,12; Fil. 4,3; 2. Kor. 5,20) Asarok iadino o gama dau do minsomok iosido sid ginavo dot ulun dot amu mongogorot, inoi nga monginsasamod om odoromoi o gama monuduk om mangagazad. Ong it ongopomorinta bai monuhu ko it ongoraja mangaratu om mangahatas do hoturan, ko i lawyer manala. Minsanko i ginavo dot ulun mongogorot. Topot ong i Kinoringan mindamo. Amu mongogorot ko mangaladtak i Kinoringan dit isai-nopo it ulun. Ong bai mindamo, obebas it ulun sid gama sumuhut, amu agaratan iosido ko atarik do kakali kitanggung jawab it ulun ponong sid tinoguvangon do Kinoringan. Valangon di Paulus dot, Ino-no o kenginan do Kinoringan, i kosusian tokou (3). Ino boros dino miabal di noboros-no laid sid Imamat 19,2 om Matius 5,48: Susi-kou-no, tu ioku diti nga osusii, i Tuhan Kinoringan dikou, ka. Induvo 155
pongimuhun i Paulus do ponong sid kosurutan om karangkapan dioti. I kosusian tokou sid tinoguvangon do Kinoringan okonko it ulun kumavid ko mangagama, inoi nga i kosusian tokou notorima tokou antad sid Kinoringan, ivaza sid Sundu dot Osusi. Ino-no o harati, nabakal tokou-no bahagi di gama ponong sid Kinoringan, i retan do karajaan do Kinoringan. Nopili tokou-no do Kinoringan (1,1 om 2,12), tu nokodim tokou-no. Sabap tu nakatandon-no sid di tokou i kosusian dit antad sid Kinoringan, sumuvang tokou-no om kumavid tokou-no di kosusian dino, supaya ensanan i guvas, ginavo om koburuo tokou, nga osusi-no. Amu miuma dot it ulun Kristian tumorima di kapamanaran do Kinoringan di manarang dot i tokou, songkuro-nopo nokoinsodu tokou sid Kinoringan om mad kiutang om kisala tokou sid tinoguvangon do Kinoringan, nga nembanaran tokou-no di Yesus Kristus, gima sid kinapatazan di Yesus najadi tokou dot ulun di mangasip om sumuhut. Iri-ogi it ulun di nembanaranno di Tuhan, posurut-no di kosusian, ino-no posuvang di sokoviai i koburuo dau, mato, odung, nipon, dolou, unturu, longon, hakod, otud, ginavo, pongitungan, barang, savo, anak, ongkob, kabun om gama, ensanan sid kuasa om hoturan di Sundu dot Osusi, isuhut di boros di Paulus sid 2. Kor. 5,17 Isai-nopo i dang Kristus, ino-no it ulun do vangun vagu. I gulu diri natanus-no, nemvoguvan-no kavi. Ensanan tokou mopud om masi ponong sid kosusian. Sabap, tu i Kinoringan minamanal di tokou, i timpa tokou miabali do kotimbang tokou di gamaon do Kinoringan ponong sid di tokou, supaya jumadi tokou do dang Kinoringan sid ipat-ipat i koburuo tokou. Okonko kaagazan om karalazan-po o mangahatul om monguripon di tokou (3) ko kasakahan (7), inoi nga ohoturan tokou di kosusian om i kosurutan di kosusian dino (7). Sid duvo o kavazao di Paulus manarang di gama posurut di kosusian. Sid bandar dot agazo sid Tesalonika amu-no engat di razat i bahazan. Sid ulun labus diri ogumu o kaagazan. Minsanko i minisavo amu ahatul. It ongondu di kisavo bai pakakas di karalazan do kusai. Sabap ino popuhondom om mongonsug i Paulus dit ongokusai di nokokristian-no do mongoguna om mongohormat di savo sampai miolunung do savo sid saralom di gama manamod. Koubasan di riniba diri do manala dit ongondu, retan dot it ondu ogilat om akabang dot amu manarang dot it ongokusai arampus om akanggau om orusuk sid ongondu. Iti-no o sabap dot i Paulus minongimuhun dit ongokusai. Ong sid ulun Yunani diri, it ongondu retan do "kiluvang", ka, dot ino pongoretan dino banalnoko mongusiba dot ondu. Minsanko sid vaza mongoguna dit savo, varo kosuruto do kosusian. (Ong sid Momogun, varo momoros i arud (karud =vogok ko karabau di kianak-no, i harati, mad panon do dupot i savo dau). Pengkaa dino, i vaza dot ulun Kristian mamakai dit ongobarang (6). It ulun di manambarang, oruhai mopud om maju sid gama monipu do koruhang. Minsanko i gama midagang ko mokihuhuntung, nga ohoturan do Kinoringan sampai atag dot it ulun Kristian mokihatul di gagamaon dau di iadino sid kuasa om tunda do Kinoringan. Amu atag do kumavid dit akal om keloo om kuasa ponong sid gama mongorugi dit isai-nopo it ulun, tu, i riniba amu masi antad sid kakanan rontob (Matius 4,4), sampai i kogumuai do barang om kabun, kakali okonko ino o panangan di koposizan dot ulun (Lukas 12,15: Okonko i kogumuo do barang o kapasi dot ulun, ka di Yesus.) Kagi atag dot it ulun Kristian engat i rontob di kosukupan dau. Pengkaa dino, varo-po tugas dot ulun Kristian ponong sid ulun vokon (12). Sid panarangan di pinonuhuan kohopod varo boros di Martin Luther dot i tugas tokou okonko bai amu manakau, inoi nga tumabang dit ulun vokon, supaya amu orugi iosido om atakahan iosido dot ulun, gam mopud iosido dot avantang o kopudan om koposizon dau, gima i tokou monunda om manaud dizau om i koposizon dau. 4,10-12 Kihoturan laid sid piumpugan sid Tesalonika dot aso rontob di samod sid piumpugan, inoi nga minsanko it ulun dit a-nakagavul sid piumpugan nga anangan di samod dioti. Ino gama di iadino avantangan-no di Paulus om ionsug-no dau dioti do iadino. Tu ino gama manamod o vaza pazazad di Habal do Kovosihan (Yahya 3,16). Kagi, it ulun Kristian, hiza di manamod iosido om hiza do sumana iosido, nga asi iosido di Kristus, ponong sid kavantango om ponong sid korumaato. 4,13-17 Natarang-no laid di Paulus sid 1,3 kananganko i harapan dit ulun Kristian sid Tesalonika di varo sid dioti. Rontob-nopo, antad di kinotongkizadan di Paulus, varo a-ko piro ulun Kristian minatai sampai varo kopiduvaan do ginavo dit ongovaris di minatai do kuran dit ulun minatai hiza do rumikot vagu i Kristus. I hiza di sid Tesalonika i Paulus, aso`t novit dau do Kitab ko nunu songsurat di manarang di kosipan dot ulun Kristian. Bai boros om habal o niopong di Paulus sid dioti diri. Kagi i hiza diri varo harapan di Paulus dot oduruk-no om korikot-no it adau do kovian om hukuman di Kristus. Antad di boros di iadino varo`t a-ko piro ot ulun vokon sid Tesalonika di minomoros, Ong iadino, atagali ong mansahari-po, tu suvab-suvab dino, korikot-no i Yesus om mongimbulai-no di karajaan dau, ka dioti. Topot ong it ulun di varo varis di minatai, rinumosi dot it ulun minatai amu-no kemot di korikatan di Yesus, tu minatai-no gima iosido. Sabap ino, manarang i Paulus sid vaza di kiroon dot ulun diri do varo surga ponong sid savat, Antad sori rumikot i Yesus dot i toburi do malaikat o mongodim monguni pentahan di korikatan dau do momosik dit ongoulun di minatai om mongodim dit ongoulun Kristian di kakali, supaya sompimisasamung di Kristus sid pialatan dot surga om vinangun. Manarang i Paulus dot i kinelaan dau do iadino, antad sid Tuhan Yesus kondiri o nakaramit iosido di hal dino. Topot aso boros dau do kuran om sera nakadapat iosido di boros di Yesus dino. Sinod Damshek ? naku ko sera? Sid 1. Kor. 7,10 om 9,14 varo-no vagu boros dau dot, varo boros dau dit antad sid Tuhan, ka. Kuran-kuran, iti-no ot atalahas, ong i Paulus kumiboros antad sid hak di Tuhan. Sid tanid o hal, vokon-no ong manarang i Paulus dot, Iti-no i dohon do pongitungan ko dohon do kenginan, ka. Topot ong siti mongohodtol iosido dot ino dino, antad sid hoturan di Kristus. Na okonko i vaza di Paulus manarang do varo toburi om varo malaikat ot agazo o harati, inoi nga kondiri di Tuhan o momosik om mongingut dit ulun di mangasip sid dau. Ino kelaan di iadino o vaza tokou misasamod-samod songkoruhang om songobpinai. Ino pongoretan dot "minsavat sid saralom do kavut", ka, ogumu o kiroon dot ulun do kuran di iadino sampai varo`t ongotudukan di tumiim manarang om mamalan di hal dino. Ong sid 1. Kor. 15,51 varo boros di Paulus dot, Osiliu 156
it insani nokudap, ka. I sokoviai it ongokiroon om kolu-koluvon kananganko i vaza minsamung di Yesus di hiza di rumikot, banalko aso harati om bai ulau-ulahon dot ulun. Sabap it utok di dang riniba a-kasansad om a-karamit di hal di karajaan do Kinoringan. Bai iti-no i kiguna, it elaan tokou dot kodung iadino, mintoron tokou sid tinoguvangon di Tuhan soumul-umul dit aso kovian(17). 5,1-11 Rumikot it adau di Tuhan. Kondiri di Paulus manarang dot aso tinganan do mangalu-kalu om mangahavol kananganko i korikatan di Tuhan Yesus hiza do penlaid. It ongonabi Amos om Hosea om Mikha nokoboros-no laid dot sid kovian do hiza varo`t adau di Tuhan. Ong sid ongonabi, inot adau dino kakali adau do hukuman om adau do kotuvangan. Topot antad di tudukan di Yesus sid Matius 24 om Markus 13, varo pongitungan dot it adau dino adau do kosopulan om adau do kopisomungan di Kristus om i piumpugan om gorija dau sampai kotulukan di karajaan do Kinoringan. Isot ulun nga aso kadapat monorou ko mangalu-kalu do sera it adau dino. Minsanko it hiza biano, varo`t ongoulun di tinumiim sampai minamalid dot ulun vokon, retanko elaan-no dau do sera korikot i Yesus (1992 sid Korea om 1993 sid Moscow sid Russia) minsanko varo`t ongohatus ot ulun di nokotiim laid do iadino dot iri-no ko iri, tu otipu-no it ongoulun di hinumarap di habal di iadino. Na okonko ensanan it ongoulun Kristian sid Tesalonika do minonginud dit adau dino. Varo minomoros dot, Osinangno i didino, ka sampai aso kiroon dot atag dot it ulun Kristian masi ponong sid karajaan do Kinoringan. I Paulus manarang di kotigog di korikatan iadko hingoton it ondu. Ong torousuvo-no dit ondu, kakali aso`t elaan dau do sera ong kotimpuunan di hingoton iosido. Tigogi, varo. Ong nosodia-no it ondu do mongodompihot, tu sumuvang sid Rumah Sakit, nga osinang iosido. Topot ong kiroon dau dot alaid-laid-po om orikot-ogi i kousuvan dau, tigogi nokojuman-no sampai aso-no nosodia dau. Pengkaa dino i suntuan dit adau dino sid abanakau di manakau ontok di tanga sodop. Amu pentahan i manakau do sera o kapanakahan dau. Na i Paulus mamakai di suntuan di sodop om manarang dot kodung ulun Kristian, ulun di masi ponong sid adau om kanavahan (Matius 5,13 om Rom 13,12: Tumalib-no i kotuvongo om nokensomok-no it adau di Tuhan). Iri-ogi i Paulus mamakai-po di kobuatano dit ulun di magavuk dit amu engat i sodop om adau ko i tugas dau miabal dit ulun dit obingodop dit amu engat do varo gama do susuvab. Tanid mantadko ino, it ulun Kristian osodia, tu kipakakas iosido di mad lomina di sojal om sirung, ino-no kosipan, samod om harapan (8), ino-no oposik tokou om masi sid saralom di koposizan di Kristus (iadko sid 4,17). Ong iadino, it ongoulun Kristian mitatabang mamabo dit ongokosusaan om kapagasan, supaya mivovozo kavi om mitutulung ( Gal. 6,2). 5,12-28 Ponong sid kopioondusan do Kinoringan. Minanarang-no laid i Paulus sid 5,1-11 dot kodung ulun Kristian, ulun di kiguna ponong sid ulun vokon om ulun di varo tugas om gagamaon dau. It ulun Kristian okonko bai mogom-ogom di iadko minud do rumikot i bus di mangatod sid karajaan do Kinoringan. Ong varo tomodon sid KK sampai elaan do varo bus di mamanau do sasarap, kiguna do mogom sid lisang dot alun-alun sid engkodon sampai korikot i bus (ong okonko sid Kudat ponginudan). Topot suvai elaan laid i janji do varo bus. Topot i korikatan di Tuhan amu miabal do varo janji di sera. Iti-no o sabap, it ulun Kristian kikaraja om kigagamaon bahagi di kondiri om ponong sid ongkob om ulun vokon, isuhut di boros di Martin Luther di minomoros dot, Ong elaan-ku dara do suvab rumikot-no vagu i Tuhan, kakali mananom-oku biano do bibit do kouvaan di suvai monguva ong duvo-po dino nopod toun, kakali-okui kitugas dit adau biano. Na sid Tesalonika varo`t a-ko piro ot ulun di minongitung, Ong korikot koduruk i Yesus, atagali ong gumama-po ko mansahari ko sumuhut-po di hoturan do gorija. Ioti diri banalko minonusa dit ulion do piumpugan dit opogos minongimuhun om minangagazad di piumpugan. Amu gunaon-no it ongoulion om ongomangahatul di piumpugan. Iti-no o sabap dot i Paulus mongonsug do mongoguna om mongohormat dit ongoulun dit opogos gumama bahagi di piumpugan om i kosurutan di piumpugan. I Paulus tumiim manahak sid dioti do hoturan do piumpugan. Suvai atag ong ipat-ipat it ulun Kristian monulung om monukung dit ongomangahatul, supaya varo kopudan di piniizaan. Varo`t ulun di banalko tumohiang do hoturan do piumpugan, kenginan ong amu osuhut i nunu-nopo i nahatul. Ong varot upakat om kolumbatasan do iadino o gama, tigogi, ong iosido o varo kovosihan vokon, tu iosido gima ot lobipo elo mogkovosihan, ka. Suvai manamod om miaandus-andus om varo-ogi kopudan om kengkakatan do piumpugan. 14 apat ot inimuhun: Moniag dit ulun dit amu sumuhut do hoturan Monginsasamod dit ulun dit atalou. Tulungai-no it ulun dit okugui polonuto-no i ginavo dit sokoviai. 15 ong varo karaatan, kadan-no misusuli-suli, inoi nga atagan, ombo it amu atag. 16-21 ponong sid sokoviai i piumpugan: i vaza miaamung om miuumpug do kopivozo do kohigakan om katamanan i vaza minta dua dot soumul-umul sid tinoguvangon do Kinoringan i vaza monorima kaseh sid Kinoringan i vaza momorisa om mongontupat di sokoviai, okonko iadko iku do barangkas di tumorima di nunu-nopo i habal dot odovurit om momurangit mongontupat-po di kotulungan di Sundu dot Osusi om mongining di tudukan di Sundu. Okonko ensanan i retan do kotulungan ko boros di Sundu dot Osusi nga antad sid Sundu do Kinoringan. Sabap ino, varo panahak di Sundu dit elo monodiri ombo it antad sid Sundu om ombo i dang rogon. 5, 23-28 I kompusan di surat tumimpuun sid gama di Paulus mamarakat dioti do mongimbulit iosido dot i Kinoringan o puun di kopioondusan. Iosido o monusi om monukup dioti, ensanan i ginavo, pongitungan, guvas, supaya aso 157
porotuduon om aso`t okurangan di nunu-nopo sid dioti. Mindamo-po iosido dot ioti sid Tesalonika mongontok minta dua bahagi di Rasul. Iri-ogi monuhu iosido dot ipabasa i surat sid piumpugan, supaya ening kavi dit ongobpinai sid Tesalonika. Sampai patahu dioti sid kovosihan di Tuhan Yesus Kristus.
158
1. + 2. Timotius Iti duvo surat diti, i surat di retanko surat do pandita ponong sid ongopandita do piumpugan om gorija iadko i Surat di Yakub, Petrus om Yahuda. I harati, ulun di kitugas om kihak sid gorija om piumpugan, i monuduk om mongonsug ko mogkovosihan dit ongotumpuk om ongoponulung sampai it ongopiumpugan kananganko i vaza tumaud om mangahatul dit ongopiumpugan o rikoton dit ongosurat diti di retanko surat pandita. Iti-no i pitonidan mantadko it ongosurat vokon di sid Kitab Vagu. Sabap i surat pakaa sid Rom, ko Efesus, surat dit ipabasa sid piumpugan om pendongou di piumpugan. Topot iti duvo surat diti okonko tudukan bahagi do piumpugan ko khotbah sid piumpugan di nakatandon sid surat, gam iti surat diti, sid ongomanaud puruvan om tumpuk kopitatabangan o panangan om rikoton.. I minonurat dino, ino-no it ulion dioti. Sabap ino, tanid o boros om vaza momoros om manarang di tomodon mantadko i surat bahagi do piumpugan iadko pakaa sid Galatia ko ponong sid iso't ulun iadko i Filemon. Ong sid surat pakaa sid Galatia, i Paulus tumoguvang di piumpugan sid surat do iadko kondiri dau o nokokondiri sid Galatia. Ong siti, i Paulus kumiboros di Timotius di mongontok dau sid a-ko piro o piumpugan, supaya ahatul o gama dau sid ongopiumpugan. Sabap ino, i duvo surat dino, ensanan do mongimuhun om mangajal sampai mangahatul ponong sid hoturan do piumpugan om i vaza mangagazad om monuduk do piumpugan. It ongosurat dino amu osusa do mongimbulit om posondot ko manarang di Habal do Kovosihan, tu nengat-no laid it ulun di tumorima di surat dino ( i Timotius). Gam varo harapan dot atatap i Timotius sid kosipan dau. Ino-no o rontob, i surat momihot di tudukan do kosipan sid saralom di gama mongimuhun om moniag ko monuhu, supaya atag i kosipan om koposizan dit ipat-ipat it ulun Kristian om alus i kobuatano dot ulun Kristian. It ongosurat dino mongonsug dit ongomangahatul, supaya atag o gama dioti mangagazad dit ongopiumpugan. Sabap ong avantang i gama mangahatul, ahatul i piumpugan, tu i piumpugan lumuu dit ulion dau dot aso bida, avantang ko obolikung i kavazao dau. It ipat-ipat it ulion do piumpugan, suvai atag o gama ong sumokot iosido sid ulun dau sid daerah ko gorija. Ino-no i tinomod di duvo i surat dino: it ongopiumpugan okonko malang-alang mangasip ko humarap sid Kinoringan, gam ong varo kosusaan ko kopomolidan dit ongoulun do piumpugan sid misingtatap banal, do mozo ioti do tudukan antad sid labus di mangasau om mongunang dit ongopiumpugan om it ongoongkob dot ulun. Kodung norongou di Paulus do varo mamalid, engin iosido dot it ongotumpuk monuduk om mongira di vaza dioti sumasi di Yesus Kristus. Mangahatul i Paulus di katatapo do piumpugan dino, mamakai iosido di boros rasmi do Yunani, supaya aso kopiduvaan do harati om ginavo. Ong i Paulus kondiri, opogos om okugui-no sid torungku, gam itid duvo i surat diti mad surat do huntad dau moling dot aso dangol. Minonurat i Paulus, do minsanko notorungku-no iosido, supaya it ulun di sumusuhut di tugas dau, ino-no i Timotius, o polombus di hoturan om kovosihan di Paulus ponong sid ongopiumpugan. Ong onsizon tokou it ongosurat di Paulus pakaa sid di Timotius, pengkaa dino 1. Timotius, mad onom o bahagi dit amu kopisuhut di rinumbulan dit ongofasal: 1,1-2 I vaza manansalamat I. 1,3-20 I Habal do kovosihan om i habal di momudali di Habal do kovosihan sampai mamalid dot ulun 3-7 I tugas di Timotius sid Efesus: sumaap dit ongotudukan di mamalid di piumpugan om ulun. Ino habal dino, vaza potuntuvad di Habal do Kovosihan, tu retanko iadino i panarangan di Kitab Laid, ka. 8-11 I panangan di Pinonuhuan, isuhut di Habal do Kovosihan 12-17 I Paulus, ulun di nokopongogusa-po di Habal do Kovosihan, topot suntuan-no do kosipan di sokoviai 18-20 Mongimuhun om poontupat i Paulus di Timotius sid tugas dau II. 2,1-3,16 Ongoimuhunan kananganko i hoturan do gorija 2,1-7 I gama mongontok minta dua bahagi di razat om i porinta 2,8-15 I pomintaan dua dit ongokusai om it atag o kavazao dit ongondu sid piumpugan 3,1-7 It atag o kavazao dit ulion do gorija om piumpugan 3,8-13 It atag o kavazao dit ongotumpuk om ongoponulung om ponginjil 14-16 I kopihatan di Boros do Kinoringan di mad suromo ponong sid gorija III. 4,1-11 It ongoguru di mamalid 1-5 I kobuatano dit ongomamalid o tanda do rumikot-no i hiza di misodiri ombo it otopot om it amu 6-11 It atag o suntuan dit ongoulion om i katatapo dit ulun di mangasip IV. 4,12-5,2 It kiongotugas sid gorija om i kavazao dioti 4,12-16 I Paulus mongimuhun di kiongotugas, supaya atatap ioti, gima i kovosihan do Kinoringan 5,1-2 It vaza dot atag o gama mongoguna dit ongotuo-tuo om i solumpak vagu V. 5,3-6,2 It imuhunan bahagi di hoturan do gorija om piumpugan 5,3-16 kananganko it ongobituanon sid tanga do piumpugan 17-22 kananganko it ongoosukod do piumpugan om i tugas dioti 23-25 It atag o gama, gima nokensomok-no i kopongohukuman penlaid 6,1-2 It atag o gama dit ongouripon di nokokristian-no 159
VI. 6,3-21 A-ko piro it imuhunan vokon 3-10 koimbulitan di panarangan di tudukan di mamalid, i gama monongkudau om momodrusuk 11-16 I gama di Paulus patatap di Timotius sid kosipan 17-19 kananganko i kolunduo om it atag o vaza mamakai do kolunduvan. 20-21 mongimbulit di gama jumaga di keloo di mamalid o tomodon om i salamat di Paulus II. Timotius 1,1-2 Salamat kotimpuunan I. 1,3-18 Umpatod 3-5 I Paulus om i Timotius nokopianggai, gima iseso o kosipan dioti 6-14 I Paulus mongonsug di Timotius, supaya osiou om atarang o kososizan dau di mongontok iosido di Paulus di sid torungku 15-18 Amu enizo i katatap dit a-ko piro i ponulung laid di Paulus II. 2,1-4,8 I tomodon banal di surat di Paulus 2,1-13 I kogunaan di kosusaan, gima i Habal do Kovosihan 14-26 I gorija okonko enizo atatap om alus, topot kakali varo kopigavul it ulun di mangasip om it ulun di tumohiang di sumuhut di tudukan di kopolidan 3,1-5 Okonko enizo it ulun Kristus sumurut sid kosipan, gam varot ulun di tumolikud vagu sid Kinoringan 6-9 It ongoguru di mamalid, nga magavi iposurut di dau do kenginan om gama 3.10-17 Topot it ongoulun di kitugas sid gorija, i sumokot sid hoturan om Habal do Kovosihan, nga anangani do kosusaan om kapagasan. Topot ino-no o tanda di katatapo dioti. Kagi ioti dino jumadi do suntuan bahagi di sokoviai. 4,1-8 Amu oruhai i tugas di Timotius, topot kakali humarap i Paulus, minsanko toropatazon-no dau. III. 4,9-18 It a-ko piro imuhun om habal di Paulus 9-13 I situasi di rasul Paulus sid torungku om i suhu dau di Timotius 14-15 It ipoontupat di Paulus di Timotius, it ongoulun di sumaap di Paulus om i Timotius. Habal kananganko i kapangaan di pihukuman om i harapan di Paulus sid Kinoringan 4,19-22 A-ko piro salamat sid a-ko piro it ongoulun om i pokiandahaan di Timotius Ino duvo surat manarang do nakatalib-no i hiza do mivozo-vozo-po om mitabang-tabang i Paulus om i Timotius mangahatul di piumpugan sid Efesus. I Paulus nokolombus-no sid Makedonia. Topot i Timotius nokopung-no sid Efesus, tu mangajaga iosido di piumpugan. Na rinumosi i Paulus do rumaliu i habal di mamalid dit ongoulun Kristian sino. Ong i Timotius, ahatul i tugas om kihak iosido antad sid rasul Paulus. I tinimpuuni, ino tugas dino, baiko pongodumparan do sampai koguli vagu i Paulus sid Efesus. Topot amu nokoguli vagu i Paulus, gam notorungku-no iosido sid Rom om atalahas-no dot ohukuman-no iosido dot aso-no kolobusan vagu (2. Tim. 1,8 om 2,9). Minsanko it insan-ogi nohukumani i Paulus, tu atalahas-no aso sala dau sampai nakalabus vagu (2. Tim. 4,16) do tigogi, aso-no harapan di Paulus do varo-po kolobusan dau. Gam i netung-no dau dot ohukuman-no iosido dot kapatai. (2. Tim. 4,6-8 om 9; 18) Ong sid laporan dit Usuran dit Ongorasul, iso o boros om habal nga aso miabal dit ongohabal sid ongosurat diti. I harati, ong varo boros do varo pamanahan ko otorungku i Paulus, tantu ino habal dino, aso nokembulai sid Usuran dit Ongorasul. Ong sid UR aso boros do kuran o kinapatazan di Paulus, gam sid kovian varo boros dot osinang iosido sid Rom, retanko amu-no natahan iosido om amu nokotorungku iosido. Iti-no o sabap, ong sumuhut di duvo i surat diti, tantu varo hiza dot nobebas-po vagu i Paulus sampai nokopirimpanau-po vagu iosido. Iri-ogi notorungku-no vagu iosido sampai induvo kotoguvang sid makama. It insani, kakali amu-po miuma i kiis do manala di Paulus. Suvai kenduvo-no om ohukuman-ogi om nasala-no iosido do sampai pinatai iosido do porinta. Ong kiroon tokou do sera banal o kinosuratan di duvo i surat diti, mad sid pialatan di toun 63 om 67 TM, ino-no i hiza dit insan-ogi sid Rom iosido do duvo toun (UR 28) om i toun di kinapatazan (TM 67). Kokiraai, i Timotius keso dino toun 64TM hiza dit a-ko piro vulan do nakalabus iosido antad sid Rom sampai nakakaa iosido sid Efesus om Kreta iadko i habal sid 1. Timotius om Titus. Iri-ogi natahan-no vagu i Paulus om notorungku-no. Sabap ino, i 2. Timotius nokosurat hiza ponong sid kovian di toun 66 TM (2. Tim. 4,21). Manjadi baiko sid duvo o surat dino o nokening tokou do kuran i kinompusan di Paulus pazazad di Habal do Kovosihan om mangahatul dit ongogorija. Sino dino mimbulai do kuran i gama di Paulus mangatag om mongohoturan om mongimuhun dit ongopiumpugan om it ongomangahatul om kuran it ongopiumpugan kumavid dit ongohoturan om koundango di nokembulai-no antad di kinengkakatan do piumpugan om gorija sino. Isai-ka i Timotius? Antad sid UR nakaharati tokou-no dot i Timotius dino, ponulung om koruhang di Paulus di banalko atatap om obinsuhut (UR 16,1-3) I Timotius, anak dot ulun Yunani, ulun dit a-nokosuhut dit ugama Yahudi om it idi dau, nga Yahudi di nokokristian-no. It inantadon dau sid Lustra. Kondiri di Paulus o sinumamung di Timotius sino di hiza do nakamung it idi di Timotius sid Habal do Kovosihan (UR 14,6 om 1. Kor. 4,17) I kenduvo minamanau i Paulus sid Asia dot Opodok sampai nokorikot iosido sid daerah do Lustra, nohorotizan-no di Paulus dot nokoronuw i Timotius sid piumpugan dot Ikonium, minsanko ulun iosido dit okonko nosunatan, nga nokokristian-no di banalko atatap, minsanko anak vagu iosido om omulok-po ot ulun. 160
Manjadi minongingut i Paulus di Timotius do pokoruhang dau sid tanga do ralan kumaa sid Europa. Sabap i Paulus i hiza diri kakali monoguvang dit ongopiumpugan do Yahudi, sinunatan di Paulus i Timotius, supaya aso kohigangan hiza di minsamung ioti dit ongoulun do Yahudi. Tu it ulun Yahudi amu minangakun do varot ulun labus do gumavul sid piumpugan do Yahudi (UR 16,3-6) Ino gama di Paulus di iadino, vaza dau do suhulon i kaadato dit Ongoyahudi mantadko i katatapan. Suvai sid tohudi om amuogi sumuhut i Paulus di kaadato di iadino (Gal. 5,11). Na jinumadi-no i Timotius do ponulung om panakai di Paulus di kigaral om kingaran iosido dot atatap, isuhut di boros di Paulus sid Fil, 2,19-22. Alambat i hiza diri dot a-kovozo i Timotius di Paulus. Ingonom karait di Paulus sid ongosurat dau dot i Timotius o koruhang dau (1.-2. Tess; 2. Kor.; Kol.; Filemon; Filipi), gam mad koruhang randavi iosido, tu narait i ngaran dau sid salamat kotimpuunan dit ongosurat dino. Ko sid Rom 16,21, varo boros dot banalko osomok i Timotius sid rasul Paulus. Om varo boros sid Kolose, Filemon om Filipi, ino-no o harati, i Timotius nokovozo di Paulus om nokokoruhang di Paulus, minsanko sid torungku-no i Paulus i hiza diri. Suvai pinapanau di Paulus i Timotius sid Efesus om sid ongogorija vokon, iri-ogi kotongkizad iosido di Paulus. Antad sid Korintus pinapanau i Paulus di Timotius sid Athen om Tesalonika (1. Tes. 3,1-8, UR.18,5) Iri-ogi pinapanau i Paulus di Timotius sid Korintus (antad sid Efessus), tu mongontok di Paulus sid Korintus sid gama mongolintang di piumpugan (1. Kor. 4,17; 16,10). Iri-ogi minozo -noi Timotius kumaa sid Yerusalim om iri-ogi kumaa sid Rom (UR 20,4; Kol 1,1; Fil. 1,1 om Filemon 1) Antad sid Rom pinapanau-no di Paulus i Timotius sid Filipi (Fil 2,19). Siombo-nopo a-orikot i Paulus, nipapanau-no dau i Timotius. Tu i Timotius o harapan di Paulus, gima i Timotius nokokoruhang-no dau sid gama mengkhotbah di Habal do Kovosihan (2. Kor. 1,19). Sid tohudi varo habal dot i Timotius jinumadi do uskup sid Efesus, dot ulun iosido dit elo mongimbulai do kosunduvo. Alaid-po pinatai-no iosido di hiza do sinumaap iosido di kaadato dit ulun labus. Nunu-ka i tudukan do kopomolidan sid Efesus? Sid 1. Tim 6,20 maangarait i Paulus di kopomolidan dino i retanko keloo, tu napalid-no antad sid kosipan. KELOO= gnosis (ong yunani) i vaza do kelaan mangaharati do Kinoringan, ka. Ino tudukan dino hinumarap sid ongotangon (1.Tim. 1,4; 4,7; 2. Tim 4,4) Antad sid boros di Paulus atalahas-no dot aso tenganan do kumidahava di tudukan dino (1. Tim. 6,20:; 2. Tim 2,24; 2,14; 1. Tim. 4,7) om banalko apagon do pemumui dit ulun di nokosuhut di tudukan do gnosis. (2. Tim 2,25-26) Na hiza di surat diti, notontuan-no i tugas om hak di rasul, ino-no, guru iosido do pazazad om pabanal di tudukan kananganko i Kristus. Ino tugas dino nohoturanan-no dit ongorasul om iri-ogi nilombus-no sid ongomurid (1. tim 4,14; 2. Tim 1,6) It ongosukod do piumpugan kasasi di gama potugas di rasul om guru om tumpuk om ponginjil. Okonko it ulun kondiri o kadapat mamangkat di kondiri dau. 1.Timotius 1,1-2 Salamat di kopomukaan do surat, isuhut di koubasan kodori monurat do surat kiriman. Poguluvon i ngaran di monurat om i tugas ko hak dau, iri-ogi i rikoton di surat, sampai i vaza manansalamat di kopisomungon sid surat. I Paulus manantu di tugas om hak dau, okonko i dau do ngaran ot agazo o guna, inoi nga, sabap rasul iosido di Kristus Yesus, isuhut di kenginan do Kinoringan do pangahabaran di Habal do Kovosihan o tomodon. Sid gorija om piumpugan, okonko i kenginan dot ulun ot agazo o guna om hak, ko nunu-nopo kovosihan do pandita ko it isai-nopo, inoi nga i kenginan do Kinoringan o rumbul satu kiguna om inantadon do tugas. Ong kodung antad sid kenginan do Kinoringan, i tudukan di rasul, ahatul o panangan sid piumpugan om gorija, tu antad sid Kinoringan gima. Kinoringan i minanapul di tokou: na panarangan kananganko i kovosihan do Kinoringan ponong sid sokoviai i riniba. Pengkaa dino, i Timotius retanko anak do sinamadan di Paulus, gima i kosipan dau. Anak do sinamadan, okonko bai nosingkapu ko usan-usan o pongoretan di Paulus di Timotius. I Timotius om i Paulus banalko nokopioput sid kosipan om i kapangazazadan di Habal do Kovosihan. Ong iadino, i Timotius mongontok om sumusuhut di Paulus. Mad nokotungkus iosido di tugas di Paulus (Imatai sid 1. Kor. 4,17) hiza dot amu kadapat i Paulus momongo di tugas dau, tu sid torungku iosido. Ino salamat di varo tolu milapis o barakat: kovosihan, kobinsianan om kopioondusan mad barakat om kakansangan di sokoviai it ongoulun Kristian kodori diri. 1,3-20 I Habal do Kovosihan om i tudukan di mamalid I Paulus potugas di Timotius, supaya i Timotius moniag om sumaap di tudukan di momudali di Habal di nokembulai sid Yerusalim, ino-no i Habal do Kovosihan. Inot tudukan vagu dino bai hovoron om jangkaon dot a-ko piro it ongoulun di mokiuji, retanko ioti nga ulun dit elo mangaharati di ralan kumaa sid Kinoringan. Ponong sid tudukan dino, mongohodtol i Paulus dot, Bai iso-no o vaza tumoronong sid Kinoringan, ino-no i nitarang laid di Paulus om i muonsi vagu iosido sid 2. Tim 3,16. Suvai i tudukan sid gorija, isuhut di boros do Kitab ot atag-ogi o palajaran om Habal do Kovosihan, om i gama sumuhut di tudukan dino. Aso vaza vokon, ka di Paulus. 4 Iri-ogi pogili i Paulus di kosungguvo om panangan di kosipan, ino-no, Samod antad sid ginavo dit otulid dot okonko misingkavaro o tomodon. Insanpo dino, i panangan di Kitab om i tudukan do gorija, ino-no, samod, iadko i boros di Paulus sid Gal. 5,22-25. Ino-no it uva di Sundu, ka sino. Manjadi i samod dino, tolu-no ot origi dau, ino-no i ginavo dit otulid, om i bahazan, isuhut di hoturan dit otulid o ginavo om i kosipan dit amu misingkasip. Amu tumorima i Paulus di kobuatano dit ulun di pasa dila o vaza mongimbulit do pibabarasan, retanko ino-no it atarang o tudukan sampai bai iosido o nokelo, tumalib dit ongovokon ot guru om ponginjil. Tu i kosumbungo dino o tanda di kopolidan om kolonduan. Sid gama mangahabal di Habal do Kovosihan, iso't ulun nga aso borontuvilan, inoi nga atag do sid 161
gama monuduk it ulun sompi misisingilo it ulun humarati di kovosihan do Kinoringan. Asot ulun randavi sid vaza pahabal dit Injil, retanko amu osusa do mongining-po sid tudukan dit koruhang om ulun vokon. Na i Paulus gam mangagauk dit ulun di retanko guru iosido di Taurat, tu ong otopot, minsanko kaharati ioti di Taurat om Kitab, nga amu-po, ka di Paulus. 1, 8-11 I tomodon di Taurat (pinonuhuan) sid Habal do Kovosihan. Amu pakaso i Paulus di Taurat. Ino-no rontob, suvai kaharati it ulun di panangan di pinonuhuan om atag-ogi (9). Tanid mantadko sid Rom 7 om Galatia, varo vaza vokon di Paulus mamakai om manarang di pinonuhuan di Musa. Otopot i pinonuhuan, ka dau. Rontob-nopo, suvai atag o gama manarang om mongusaha di pinonuhuan om kiguna-ogi i pinonuhuan, ka. It ulun di nakakavid di Habal do Kovosihan, amu osusa do kumavid-po di pinonuhuan, tu nokemumui-no banal iosido sid Kinoringan sampai sumuhut iosido di Hoturan do samod. Bai it araat it ulun, i kisala ot apajal-no om ohukuman di pinonuhuan, supaya tumorontog-no vagu iosido. Na i Paulus pogili dit a-ko piro it ongokaraatan sid pialatan di riniba om i ponong sid Kinoringan. Bai iso-no o vaza, ino-no i Habal do Kovosihan it antad sid Kinoringan,( it a-milod rorozohoni), o kiguna. Aso tudukan vokon. 1,12-17 Kondiri di Paulus o suntuan di gama mangasip. Tu i tumimpuuni, i Paulus sinumaap, gam minongogusa dit ulun di mangasip do mamatai dioti o tomodon. Ong manarang i Paulus di kosipan, amu mamajak iosido momoros, gam sid kavazao dau kondiri manarang om posuntu di gama mangasip. Ioku diti, ka dau (1,15). I rasul di kitugas om tanggung jawab di Habal do Kovosihan (1,11), ino-no it ulun di nokopongogusa om nakapangaraag-po di Habal do Kovosihan diri. Topot antad sid kovosihan di Tuhan Yesus tinuntuvad-no sampai nengkansang-no i Paulus do jinumadi om napangkat-no iosido do rasul di kitugas bahagi di kazazadan di Habal do Kovoshan. Iadko i Paulus mongirim do surat sid iso ot ulun, ino-no i Timotius, iadino kondiri di Tuhan Yesus o kinumavid di Paulus sid Damshek dot a-koho i Yesus do posurut i Paulus do mongorungoi di piumpugan dot ulun Kristian. Gam onuvon dau i Paulus do pakakas di Habal do Kovosihan. Iti-no o hak di Paulus dino. Ino kinosimbanan di kavazao om ginavo di Paulus okonko dau do pongitungan ko ginavo, inoi nga natandas do ginama di kosianan do Kinoringan om i kolonutan dau (16). I Paulus kondiri mad tanda di kosianan om kolonuto do Kinoringan. Rontob-nopo, i gama di Paulus laid diri, okonko antad sid gama pakaso ko mongodurhaka ponong sid Kinoringan, inoi nga kobungahan dau dit amu-po kaharati iosido di kovosihan do Kinoringan. Okonko impiro-piro manarang om mongolumbatos i Paulus di kinosimbanan dau dino (imatai sid 1. Kor. 15,9; Gal. 1,13-16; Fil,. 3,6; UR 22,4) dot iosido-no it ulun di rumbul satu kisala, mad pongulian do kisala, ka. Topot, pengkaa dino, nokogulu-no do nanangan i Paulus di kosianan do Kinoringan. Sompi pongulian sid sala om sid kosianan, ka. Siti kagi mongonsi-no i Paulus di tinomod om panangan di Yesus, ino-no, manapul i Yesus dit ongoulun di kisala (1,15). Sid Lukas 19,10 noboros-no laid di Yesus, dot, Nokorikot-no it anak do riniba, tu mogihim om manapul dit ombo i natagak, ka di Yesus. Iti kapamarasan dino om i ayat 2,6 mad lugu dit ensanan it ongosurat di Paulus pakaa sid Timotius om Titus. Noboros-no om nakazazad-no laid i Habal do Kovosihan. Amu osusa do panaru vagu di Habal do Kovosihan. Sid surat diti i Paulus baiko popuhondom om mongimbulit vagu dit onsi di kosipan: Ino boros dino otopot dot a-no milod osimbanan, ka (15). Pengkaa dino 2,1; 4,9; 2. Tim 2,11; Titus 3,8. Gam sid 4,9 pohodtol i Paulus dot, Ino boros dino, nga apatut do sumuhut kavi dino boros dino. ka. I Habal do Kovosihan okonko boros di misingkavaro ko manangon ko kotuturanon, inoi nga onsi di kosipan om kongkod di koponindalan om kosopulan do riniba. 1,18-20 Mongimuhun om poontupat Gumuli-no vagu i Paulus sid boros laid (1,3-11) kananganko i tugas om hak di Timotius. I Timotius napangkat-no ko nabarakatan-no, isuhut di hoturan iadko tinuturan-no laid sid UR 13,1-3, ino-no, it ongoulun do piumpugan om it ulion o mamangkat di Paulus bahagi di tugas sid kapamanahan dau. Varo-po ulun di mad nabi, tu kososorou i tugas di Paulus. Iri-ogi varo kapamangkatan. Sabap ino, i tugas do ponginjil ko tumpuk om pandita okonko bai antad sid dau do ginavo om kenginan ko kenginan dit isai-nopo, i molohing ko obpinai dau, inoi nga nokovozo di kotulungan om suhu di Sundu do Kinoringan om i pomintaan dua di piumpugan. Ino gama dino suvai atag, ong kikosipan om otulid i ginavo (19). Topot it ulun di tumohiang sid tugas dino mad alud di nakasandal-no. Iadino it ongoulun di minsanko kitugas, nga tinumorima di habal om tudukan vokon sampai nokosumbung-no, retanko bai iosido ot elo om nakaharati. I hiza diri varot a-ko piro i ponulung om ponginjil ko tumpuk di nokedu-no sid atag o gama, isuhut di hoturan do gorija. Amu minokituduk vagu ioti sid umpug do gorija, gam minongitung ioti do tumalib di sokoviai i vokon om it ulion do gorija. Iti-no o sabap do mongolupu i Paulus dioti, retanko manahak dioti sid kuasa di vozoon do rogon. Ong otopot, sid saralom di kobuatano dioti di nokedu-no ioti sid piumpugan, kondiri dioti linumabus sampai nokosuvang sid tunda di vozoon do rogon. Ong i Paulus baiko manarang do nokedu-no ioti. Kaluto ong humarati ioti do nokedu-no ioti, iri-ogi tumopik-no vagu ko miguli-no sid atag o gama. Rontob-nopo, i pangalaman di Paulus, Ong kodung nokosuhut di tudukan di kopolidan, banalko apagon miguli vagu sid gorija om i kosipan dit atag. 2,1-3,16 Ponong sid hoturan do gorija Noboros-po di Paulus i iadino, tumoguvang-no iosido di gama mangahatul di gorija om piumpugan. Manarang i Paulus di kogumuai do hoturan om undang-undang sid piumpugan, supaya avantang it undang-undang sid valai do Kinoringan(3,15). Tanid mantadko i surat keso pakaa sid Korintus om Tesalonika nokosukod-no it ongopiumpugan sampai nokembulai do tradisi sid ipat-ipat i piumpugan om gorija. Iti-no o sabap do mongohodtol 162
i Paulus dit atag o gama sumambayang (2,1-15 om i tugas om tanggung jawab dit ulion (3,1-7) om i tugas dit ongotumpuk om ponginjil (3,8-13) sampai mongonsi iosido di kakansangan om kelinan do gorija (3,15-16) 2,1-7 I gama mongontok minta dua bahagi di sokoviai om i porinta. Varot a-ko piro o vaza di gama minta dua, ino-no, Mindamo, minta dua di mangarazou om mongohormat do Kinoringan, mongontok minta dua bahagi dit ulun vokon om monorima kaseh. Ino kavi nokopiamung sid pomintaan dua dit arangkap. Amu atag do bai iso o tomodon minta dua, kokiraai bai mindamo. Banal-no varo hiza do kosompipitan dot a-koboros om kobongut it ulun, tu osompitan banal it ulun sampai opupusan o ginavo. Manjadi sukul aso kosompitan do iadino, ino-no it atag o gama poromut sid Kinoringan do kosusaan, kakali do pamung-po di gama monorima kaseh bahagi di sokoviai i samod om kotulungan om tunda di notorima-no laid. Pengkaa dino it ulun Kristian okonko bai monongkudau mindamo, inoi nga poromut-po sid Kinoringan di kosusaan do koruhang om it ulun vokon. Sabap it ulun di minta dua engat i kenginan do Kinoringan ponong sid songriniba(2,4). Ino kenginan do Kinoringan dino nitarang-no laid sid gama di Kristus Yesus di minanahak di kondiri dau (2,5-6) Sabap i kopudan do piumpugan om i koposizan dit ipat-ipat it ulun Kristian suvai a-ounang. Ong osinang om atag i hoturan do pomogunan dau, banalko agazo i kogunaan di pomintaan dua bahagi dit ongopomorinta dot amu monodiri di porinta di mangasip sid Kinoringan ko it amu. Ong i hiza di Paulus banalko araat i hoturan do Rom om i Kaisar Nero di mad mulau-no, nga kakali mongonsug i Paulus do mongontok minta dua bahagi di porinta dino. Tu minsanko i porinta di iadino, nga nokosuvang-no sid kuasa do Kinoringan. Ong i porinta iadko i Nero i misingkinoringan, amu engat dot nohoturan iosido ko otundaan do Kinoringan, nga kakali i sokoviai i hoturan dau, ong okonko i Kinoringan mangakun ko bozoturut, tantu amu mopud om amu kosunu. Iti-no o sabap, agazo o panangan di pomintaan dua dit ongokristian bahagi di porinta dau om it ongopomorinta sompomogunan. Sabap iti-no o kosipan om harapan, ong sumasi tokou dot i Yesus Kristus mangahatul di surga om i pomogunan, tantu i sokoviai it ongohoturan dit ongopomogunan, nga nokosuvang om notunda-no di kuasa di palad dau. Ino dino okonko harati dot it ulun Kristian om i piumpugan om gorija tumurut ko mozo di nunu-nopo songhoturan dit ulion do pomogunan, araat ko avantang, obungou ko okilong, ko nunu-nopo i sumaap ko pakaso di hoturan do Kinoringan. Tu i piumpugan om i gorija mogihim di tunda do Kinoringan bahagi di raja om porinta do miabal di kovosihan do gorija. Tu baiko i Kinoringan o kelo monimban dit araat o ginavo do porinta om raja. Ong it ongoulun di nokosuhut di tudukan do kopolidan, monuhu tumongkizad antad sid hoturan do porinta, gam minongolupu di porinta sampai mokipatai, tu retanko iadino dino o vaza sumasi do Kinoringan. Retanko dioti, iti-po o vazaan dot osopulan do Kinoringan. Ong it ulun vokon, nga onong-no do kobinasaan. Sabap ino atagal-no do mongontok-po minta dua bahagi dit ulun vokon, tu kuran-kuran, nga niada-no ioti do Kinoringan, ka. Na i Paulus pogorot di gama pepumui di sokoviai it ongoulun sid kovosihan om kosianan do Kinoringan (2,3), tu iti-no i keloo di kiguna (6,20): mangaharati di katapatan, ka. Sabap, iadko i noboros-no laid dot i kenginan do Kinoringan, ino-no, i kosopulan di sokoviai. Manjadi iti-no i tugas dit ipat-ipat i Kristian, mamung om kumoruhang do Kinoringan sid gama om kenginan dau di iadino. Amu atag do momoros ko mongitung dot, Sukul ioku-nopo o nosopulan, ka. Manjadi i piumpugan om it ipat-ipat it ulun Kristian, sasi di kosopulan ponong sid isai-nopo it ulun (2,6-7) iadko i Paulus dit agazo o vatas di kososizan dau. 2,8-15 I pomintaan dua dit ongokusai om i koumbalo dit ongondu sid piumpugan. Na i hoturan di nokosurat siti, mad kenginan di Paulus. Varo pangalaman di Paulus do noutatang it iso o piumpugan (iadko sid Korintus dot varot ogulou it ongondu). Iti-no o sabap momihot iosido dit atag o hoturan om undang-undang sid piumpugan hiza do sumambayang i piumpugan. Banal-no, aso boros di Paulus do bai manancadang ko bai monguog iosido di hal dino. Gam atarang om olumbatos i boros om suhu dau dino. Rontob-nopo, aso pongitungan tokou biano dot ino kovosihan di Paulus dino miabal di kovosihan di Kristus. I gama dit ongokusai minta dua sid tinoguvangon do piumpugan, suvai osuau o ginavo sampai i boros. Okonko humungot ko tigiran ko mangaraag. Onibak i boros om hoturan di Paulus ponong sid ongokusai diri. Kokiraai aso pangalaman dau do mongonsug dot anaru o panarangan ko pajal tanid mantadko i gama minta dua okonko vaza mongimbulai do hungot om rodus ponong sid isai-nopo sid piumpugan, tu i pomintaan dua dino kumiboros do Kinoringan. Na ponong sid ongondu anaru-naru o boros om panarangan di Paulus, sabap, ong isuhut di panarangan di Paulus sid 2. Tim 3,6-8, it ongoulun di minamalid diri, o rumbul satu minangasau dit ongondu. Mad oruhai mamalid di ginavo dot ongondu sid kopolidan om karaatan o pangalaman di Paulus. Iti-no o sabap dot engin i Paulus mongorinding dit ongondu, supaya amu kasadu ioti (2,9-15) Keso o cadangan di Paulus, i vaza dit ongondu do porongod di guvas om i kobuatano dau ko vaza manampakai, mad sisiit do pensubaan. Iri-ogi oruhai atarik it ondu dot amas om butiza sid hal dit amu atarang, tu amu-no otibang do mongontupat-po di katapatan. Sabap i karangadan om kavantangan o manarik sid kopolidan. Mongohodtol i Paulus dot okonko i buatan di guvas om sulung o kiguna sid tinoguvangon do Kinoringan, inoi nga i katatapo do ginavo. Na ino cadangan di Paulus dino antad sid dau do tradisi. Tu sid piumpugan dit ulun Yahudi, a-kavasa laid it ondu mumbongut ko monuduk sid piumpugan. Ong i di tokou dot ohorotizon di Habal do Kovosihan, isuhut dit Injil: Kondiri di Yesus o minongingut dit ongondu om pokoruhang dioti. Gam Ongondu-nopo o nakatatap sampai nokokoruhang di Yesus sampai sid sahau di kazu do sangkap. Hiza do nokedu-no i sokoviai it ongokusai diri,(tanid 163
mantadko i Yahya), inot ongondu nakasasi di kinapatazan om i kinogulianan dau, tu katama ioti tumoronong sid lobong di Yesus. Topot ong i Paulus mamakai di tudukan sid Ugama Yahudi (okonko sid Kitab Laid) retanko bai i Hava o kisala, tu iosido o minamalid om palandu di Adam sid sala (14) dot ong otopot, sompikisala ioti di sompi amu kosuhut di kenginan do Kinoringan. Ong sid Rom 5,12 aso boros di Paulus do iadino antava sid 2.- Kor. 11,3 aso boros di Paulus dot i Hava o rumbul satu o kisala, inoi nga i Adam. Pengkaa dino it ayat 15 mad pogolivong di tokou. Tu keso, okonko sokoviai it ongoondu kisavo ko maganak. Kagi sid 1. Kor. 7 momoros i Paulus dot lobipo atag dot amu musavo it ulun, i harati amu mokisavo it ondu, tu i kiniro di Paulus diri, osomok-no banal it adau di korikatan vagu di Yesus. Sabap ino it ondu di kianak do ragang-po, ogumu o kosusaan om amu koriat minsamung di Yesus, ka dau diri. Bai iso-no o tinomod di Paulus di momoros iosido do iadino (15) I tudukan di kopolidan diri minanarang dot a-kavasa mokisavo ko musavo om maganak, tu ino dino bai hoturan di vozoon do rogon om hoturan do duniavi (imatai 1. Tim 5,14 om Titus 2,3) Iti-no o sabap do mongohodtol i Paulus dot, ong maganak it ondu, abarakatan-no iosido do Kinoringan, tu it ondu mongimbulai do koposizan vagu, okonko kapatazan, isuhut di poniagan sid Buuk Kinotimpuunan 2 om 3,16. Sid gama momiara om posukod dot anak ponong sid kosipan om kosusian manaud it ondu dit ulun om pemumui dit anak sid kosipan om ponong sid piumpugan. 3,1-13 It atag o kavazao dit ulion om tumpuk sampai ponginjil IT ULION DO PIUMPUGAN - IT ULUN DI KITUGAS SID GORIJA - IT AVANTANG I PONULUNG DI YESUS KRISTUS 1. Timotius 3,1-7 om 4,6-16. I. I syarat dit ulun tokou di kitugas sid gorija: kiongkob, atatap, atahan i kondiri dau, kibahazan, amu atarik sid ongohal dit aso tantu-tantu, poindakod, elo monuduk. Amu magavuk, amu momobog, amu olinggagut, amu odoot. Ahatul o gama sid ongkob dau kondiri, it anganak dau obinsuhut om kibahazan i vaza mangahatul dit ongkob dau o tanda di gama mangahatul sid gorija. Suntuan do Kristian ponong sid ulun do labus/ a-kagavul sid komoluan. II. Suntuan do mangasip, i boros, kobuatano, samod, kosipan, katahano, nga atantu. Mamasa om mongimuhun om monuduk di Kitab sid ongoulun vokon. Kiharapan om i vaza sumondiu sid kuasa di Sundu do Kinoringan. Ontupato i kondiri om i tudukan dau, nga kovidan banal. Tu osopulan-ko om kapanapul-ko di sumuhut dikau, ka. Ong zazakon i toriso-iso o pamarasan siti, pengkaa dino, Ulion do piumpugan: sokoviai it ongotugas sid gorija, nga nokosuvang-no sid ulion, amu monodiri do nunu songulion, President, Setiausaha, Timbalan, Manaud Asrama, ko Tukang Masak Asrama, PLA, SRT, Manaud Puruvan, Typist, Guru Sekolah Minggu om i nunu-nopo songtugas. Atatap: Otopot, kijanji, amu misingkavaro, amu misinganak, aso borotuduon, aso sala, togu, damat, kalas, aso karaatan, asot akal, (amu oruhai tumongkihal) ko atarik sid karaatan, ko obinghaba, obingpalid, obinggazad sid aso tantu-tantu, kisavo dot iso: (nokokuro, ong RC amu andaman ino boros di Paulus?) ong aso savo, oruhai do varo boros dot ulun do varo kolonduan, tu sid tugas varo tomodon ponong sid kusai om ondu. Atahan i kondiri dau: Amu arampus om obingrusuk, amu humalib Pendakod dot ulun: Adanza o valai, otibang bahagi dit ongoulun, osodia, amu otungkag-tungkag manalasai, amu obingsangkut sid gamaon vokon, gam onining sid kosusaan dot ulun, supaya aso kopurimanan dot ulun di nokorikot dot amu gunaon iosido, ko aso kotibangan, amu tantu mongining, ko lobi-po mongining om memot di TV, ko outatangan dot ongkob, savo, anak, ko gama vokon. Elo monuduk dot ulun: Minsanko bai tukang masak, atag ong elo mangagazad dot anganak do monuduk mongorib do sangup, mangalaas do podsudu, momoug dit ongosayur ko nunu-nopo, amu humungot ong a- karamit it anak di tudukan, gam monuduk, mangagazad, posuntu dot amu abasan posuntu om mangagazad. Lobipo ong warden, guru om Manaud Puruvan, aso kiroon, nokelo-no laid kavi-avi it ongoulun, gam mogihim do vaza poromut sid ulun do keloo, okonko sid gama momuruvak, misingguru, misingelo ko monguji di kelaan kondiri ko mamajal. Odoromoi o gama monuduk. Lobipo ong sid ulun dit a-nokosikul laid, amu oubas sumikul. Kuran-kuran, mogihim do vaza minsomok sid ongoulun di mokituduk ko it aso tudukan. amu magavuk: Engat i rontob. (Asarok it ulun atarik sid magavuk, tu tumalib di rontob dau. Kagi, ong kobudayaan do Momogun, misingavuk om magavuk. Retan ong amu mamung miinum, retanko ulun dit amu atahan, amu osiou, okonko kusai, ka.) Sid gama minum, momuruvak, misingsiou, miaanggan di katahanan minum, dot ong otopot, ino kavi ponong sid kolovongo, okonko ponong sid katagan. I talib dot atag, mongorungoi di bahazan, it avantang o boros om i purimanan dot atag, iri-ogi mongimbulai, momobog, rumampus, mogoduw. Iti-no i boros di Zabur 1: mogom sid umpug di mamangagauk, aso't otopot. Siti diti i tokou mongorungoi di bahaza kondiri om i ngaran do piumpugan om gorija 164
tokou, sampai kondiri di Yesus ot kihizon om okihizan. Iri-ogi osusa-po momudut ko mongolim om posusut dit amu atag o gama, tu mad kakali andaman dot amu nokonong i gama dino (nga tazanko kenum). Amu momobog: Atagal ong elo-no do karate ong Ulun do gorija, amu sumuhut di kavazao dit amu otopot: momudut, aso't atarang o janji, boros, kovosihan, otugoling, misimban-simban o kavazao, boros, buatan, kenginan hukum. Amu olinggagut: ogumu o boroson, nga aso't onsi, ko avadsak o boros, kumioduw, osopurut, Amu odoot: (NIV= New International Version, an English Translation: not a lover of money) amu mokisisiin, monongogorot dot amas. Ong bai odoot, amu manahak, ong mokisisiin, mongogodoot do siin. Ahatul o gama manaud dit ongkob dau/it anganak obinsuhut om kibahazan: Ong i kavazao dot Momogun, oholian humarap sid anganak, lobipo ong anak do kusai. Ombo-nopo i kenginan dot anak, sumuhut om tumurut i molohing, sid valai, sid panambayangan, nga amu obingogom, mirimpanau, kogangau, mangagazad dit anganak vokon, (ong anak do Manaud puruvan om vokon) hiza do minta dua mongogizak ko tumangkus. Varo bahul sid Germani, ino-no. Sapi di tukang mongogiling do gandum om anganak dit pandita, sompi amu mopud. I lavis, sid vaza mangahatul dit ongkob mimbulai i vaza mangahatul di piumpugan ko i tugas vokon. Sid ongkob tumimpuun it atag o gama mongohoturan di piumpugan om mongusaha di tugas dau sid gorija. Suntuan bahagi dit ulun labus: Banalko amu-ku olingan i pongoretan dit ongokina i hiza dit ogumu-okoi ongomisionari sid Kudat: Ka dioti: Kodung varo kurita dit oholian alangkas mamanau, nga kurita do Basel Mission, ka. Iti diti, hal dot araat, okonko suntuan ponong sid kavantango. I sokoviai i gama om kobuatano tokou, okonko bai sumasi di kondiri, inoi nga pasasi di gorija tokou om i ngaran di Kristus, ponong sid kavantango om ponong sid karaatan. Engat tokou dot varo't ongopensubaan di mad sungkoliu di vozoon do rogon dit engin mamalid di tokou. 3,8-13 Kananganko it ongotumpuk om ponulung A-ko piro syarat di ponulung om tumpuk miabal dit ulion (3,1-7) nga varo-pot a-ko piro o syarat vokon di noretan di Paulus siti. ino-no 1. I ponulung okonko kidila do mandahatan, suvai olumbatos o boros dau 2. Amu sumuhut dit amu apatut, ino-no elo monodiri, amu sangkahabaai, iadko iku barangkas ko iadko bondira. 3. Antad sid ginavo dot osusi kumavid di suromo do kosipan. okonko misingkavaro 4. Suvai alaid do nabakal-no om apangkat-ogi ko abarakatan-no. 5. Aso sala om aso kolonduan di pokihi di piumpugan om gorija 6. Suvai atatap i savo dau, amu olinggagut ko mongimbuhal i savo ko mongunang 7. I savo suvai elo mangahatul dit ongkob dau 8. Ong iadino, i ponulung ko tumpuk om it ongkob dioti ot ipongohormat di Tuhan Yesus Kristus. I miabal dit ulion: Amu magavuk, kisavo dot iso, avantang o gama mangahatul di piumpugan. Ong otopot, amu agazo o pitonidan di duvo i syarat dino, nga okonko harati, dot amu-nopo noboros, nga amu-no osusa toudon, iadko Ong it Ulion; Kadan-no momobog. Topot, tu a-nokosurat bahagi di ponulung ko tumpuk, nga kavasa-no ioti momobog dot ulun. Ino duvo syarat dino mad miaamung sid atag o gama dot ulun di manaud om mangagazad sampai monunda dit ongopiumpugan om gorija. 3,14-16 I suromo di Habal do Kovosihan sid piumpugan om gorija. Ong otoron dara i Paulus, amu osusa iosido monurat. Topot, sabap,tu i Paulus kakali sid sodu, ino surat dau o polombus sid di tokou do kuran i rasul minangahabal om minogkovosihan di piumpugan om minanansadang sid ulion do piumpugan do kuran i katagan do hoturan om undang-undang do piumpugan om gorija. Boros di Paulus, i gorija om i piumpugan iadko valai do Kinoringan, ko valai di Kristus. (imatai sid 1. Kor. 3,11; 1. Petrus 4,17; Ibrani 3,6; 2. Korintus 6,16 om Efesus 2,20-22) Kodung varo valai, varo hoturan, supaya mopud i valai om it ongomizon sid valai dino. Sid valai dino, ino-no i piumpugan om gorija, mizon i sokoviai it ongoulun di sumuhut di tudukan dit osihat. Isai-nopo i tumohiang, osunsub-no sid valai dino. I gorija, ino-no i valai dot osusi om i tampat di norinding-no. Sid valai dino mimbulai it atarang o tudukan om mopud i khotbah dit otopot. Sid valai dino, varo ongopakakas dit amu enizo, mad kiamas ko perak ko bai vatu om kazu. Minsanko it ulun di kisala amu kadapat mongorungoi di valai (di gorija, tu it origi, nga kondiri di Kristus (1. Kor.3,11). Na iti longoi di Kristus (16) o posondot banal di harati do gorija, tu i Kristus ot origi om kopihatan om katapatan di gorija, okonko it ulun dit isainopo, i mumuhau di gorija ko it ulion ko i tumpuk om osukod. SUROMO hal dit aso tenganan manarang ko mangaharati ko mongintutun. Hal di tigogi, varot okonko hal do keloo om ginama di palad ko utok di dang riniba. Ong sid Paulus, retanko, suromo do kosipan (3,9) om Suromo do kelinan (16). Ino duvo o pongoretan, iseso o harati. Ino-no o panangan om onsi di retanko suromo: manarang di katapatan (15): I kinosinaan di Yesus (nokoriniba i Yesus), i nembanaran-no i Yesus di Sundu dot Osusi (hiza di kopodsuan di Yesus Markus 1,9), nipentahan-no dit ongomalaikat (Lukas 1-2) om i kinapatazan om kinogulianan (Mark. 14-16) sampai i vaza dit ongoulun sumuhut (Ur 2-3), ino-no o kopihatan do gorija. Iti longoi diti manarang sid dialog di kavazao di Yesus: 165
Kinoringan iosido Sundu do Kinoringan Ongomalaikat Kohormatan do Kinoringan
riniba iosido anak dot ulun ongobansa riniba, pomogunan, tana
Gulu-ko nokoriniba i Yesus, anak-no laid iosido do Kinoringan (Yahya 3,16) Na i kinogulianan di Yesus, nisasi-no om nembanaran-no di Sundu do Kinoringan (UR 2 sid Pentakosta). Na it ongomalaikat o pinasasi di kinosinaan di Yesus (Luk. 2,14) om it ongobansa tinumorima di Habal do Kovosihan (UR). 4,1-5 I misingguru Tumoguvang-ogi i Paulus dit ongoulun di mamalid do piumpugan. Manarang i Paulus do varo tasantanid-tanid o sundu. I Sundu do Kinoringan pinentahan-no laid do varo't ongokuasa di mamalid dot ulun. Inot ongosundu dino miabal do rogon, nga mongimbulai do tudukan vokon. Ino kopolidan dino iadko kavanit sampai, ong kodung nakatandon sid ginavo, iadko sakit dit aso tenganan monguru, ko iadko tumbuk sid surat ko sijil, a-no edu vagu. Inono it a-ko piro o panangan di tudukan dino, ino-no, moniag musavo, moniag di kogumuai do kakanan ko mangaharam do kakanan. Ino tudukan di iadino pakaso di vinangun dit antad sid palad do Kinoringan, retanko asakau i vinangun om i nunu-nopo it inurug. Suvai mogidu it ulun sid vinangun om kakanan om kozian do guvas. Gam varo tudukan dot i Minongurug ko Minamangun do pomogunan, okonko Kinoringan, inoi nga i vozoon do rogon ko pinokokinoringan, ka. Sid dioti, i nunu-nopo sid pomogunan nga nolupu-no di rogon di mad misingkinoringan. Na i Paulus dumahava di tudukan dino. I hoturan do musavo om it ongokakanan, nga antad kavi sid palad do Kinoringan. Gam i riniba mongoguna dit ongokakanan sampai monorima kaseh sid Kinoringan bahagi dit kakanan dino. Ino gama monorima kaseh dino o vaza tumorima di barakat do Kinoringan sid saralom di kakanan dino. Sid pomintaan dua di monorima kaseh, nosusi-no i sokoviai i kakanan dot amu-no osodiri-po i nunu-nopo. Ino boros di Paulus ot pangahandaman bahagi di gama minta dua ontok do mogom-no hiza do monginakan om mangakan. Ioti ongomamalid dino o monginsasakau di kakanan om i vinangun. Topot it ulun Kristian mongoguna di vinangun om tumorima di koposizan antad sid palad do Kinoringan sid saralom di gama monorima kaseh. Ong i tudukan dino di retanko GNOSIS monodiri di vinangun, retanko varo duvo o bahagi, ino-no i karaatan om i kavantangan. Sid kavantangan i Kinoringan om it ulun di sumuhut di tudukan do Gnosis. Topot sid karaatan ino-no i tana om i vinangun om kakanan om it ulun dit amu sumuhut di Gnosis. Varo karajaan dot anavau om varo karajaan di kotuvangan, ka. Topot mongolumbatos i Paulus dot iso-no o Kinoringan om iso-no o kinourugan om vinangun om bai iso-no o panganavau do pomogunan, ino-no i Yesus Kristus. Ino Yesus o nokoriniba sampai nakamung sid vinangun, jinadi do vinangun, minamarakat di vinangun, nisusi-no i vinangun sampai minanapul di vinangun. Om iso-no o vazaan mamung sino, ino-no, mangasip dot i Yesus o mangahatul di surga om riniba. Sabap iso- nga aso dit a-nokosuvang sid kuasa om kenginan do Kinoringan. 4,6-11 It avantang o ponulung di Yesus Kristus. (Ong sid 3,1-7 ogumu ot otuvarig do sid negative ot noboros). Biano, ponong sid katagan om kosuhatan o boroson di Paulus. Apasi antad sid ongoboros di tudukan dit avantang: Poubaso-no sid kosusian: Sid 1. Tes.4,3 varo boros di Paulus dot atag dot ipat-ipat it ulun Kristian patahu di koburuo di guvas dau sid kuasa do Kinoringan ponong sid kosusian. Ong Silam sumuvang sid Masjid, ko bai minta dua sid valai, momoug-po laid di hakod, it ongopalad, longon sampai sid siku, iri-ogi i rabas, tolingo, liou, ikid koburuo, supaya osusi iosido di tumoguvang iosido do Kinoringan. Ko ong tumai, okonko karatas ko pukul do dalai o pamaid di busul, inoi nga vaig, supaya osusi banal. Tu, ka dioti, amu miuma ong bai pihidon do karatas. Kagi i karatas nga onuvon bahagi monururat di boros do Kinoringan). Ong i tokou, okonko bai it oborisih dot aso dungit, rapak, asakau sid palad om guvas ot engat, inoi nga i kosusian do ginavo, pongitungan, mato, kabang, tolingo, hakod, longon, palad, unturu om miuma-ogi o kosusian. I sokoviai it ongokoburuo nga ohoturanan di Habal do Kovosihan om kenginan do Kinoringan. (nga kakali do kosuvang siti dot amu atag sumambayang do bai sodoria ko kikinis o soval ot pakazon. Tu ong sumamung tokou dot ulun sid ongopoginakanan ko parti, engat tokou do suvai atag o kosulungan.) I gama mongubas di guvas. boros di Paulus, aso tantu o guna diti. Avantang ong kogoos i guvas. Topot vokon-no ong oholian o gama magavi sid sukan, iri-ogi ohuzan-no dot amu-no kogoos di nunu-nopo it atag dara do gamaon. Ino dino tumimpuun sid sikul. Andaman sid pialatan dit anganak di nokogulu sumikul, varo't iso o banalko otolud tumindak dot asavat sampai agaratan iosido do mozo-nopo dit ongosukan di siombo-nopo, tu kenginan dit ongoguru di sikul dau kamanang dara sid ongosukan dino. Nokorikot i poriksaan, nagagal-no iosido sampai a-kolombus sid sikul. Minsan otolud sid tumindak, rumbul satu-nopo, amu kadapat tumindak sid tingkatan lombus. Ogumu o hiza dit anganak sid asrama nakada sid sukan, okurang o kotibangan dioti mongohondom om posurut dit ongopalajaran. It ongosukod, nga iadino biano, ogumu o gama sid sukan om it ongobelia. Mad amu otimbang i sukan om i rohani. It iso kiguna banal, ka di Paulus, i koduvo avantang ong varo, nga okonko kiguna do sampai penlaid. Sino kagi, suvai kiontok o gama. Sumukod it anganak ong guvas, topot amu-po ong i ginavo, tu kakali oholian do 166
bai momoi, do tigogi, ong opongo i sikul, amu-po oubas do tumoguvang dit ongogamaon. Amu kogoos sid kabun, ko sid kilang ko siombo-nopo, oduruk om koboros-no, malan-oku-no, ka. Amu ovit ong ino, ka. Jumadi do suntuan dit ongomangasip: I boros-nu: suvai atarang o boros, amu mangagauk, misingkavaro, araat o boros, I kobuatano-nu: mangagazad, mangagama okonko iadko mandul do porinta do bai monuhu, ong i kondiri, nga amu tumudu di gamaon, inoi nga suntuan dot avantang. I samod-nu: isuhut di boros sid 1.Korintus 13: agazo o ginavo sid ulun vokon. I kosipan-nu:suvai otulid, avalang, amu mozo do barat, iadko iku do barangkas . I katahano-nu: Kogoos sid gama, amu obinghuzan, obingmalan. Mamasa do Kitab: Varo janji sid kondiri di kotibangan mamasa do Kitab, om iri-ogi ponong sid ulun vokon do mamasa, mongimuhun, om monuduk. Amu alazan i kosunduvo-nu di nitahak sid dikau: ikid ulun Kristian, varo kosunduvo dot okonko enizo inot ongokosunduvo. Ombo i dau, ino-no atag do pakazon-no om popudo-no ponong sid kosurutan do gorija. Varo-no ong elo mongolukis, varo-no ong elo fotograph, varo-no ong elo manaip, om i nunu-nopo koburuo dit elo, nga atag do ponong sid katagan om kengkakatan do gorija. I Paulus minangarait di kogumuai dit ongokosunduvo sid 1. Kor.12,4-11 om 28-30. Na suvai ponong sid gorija o kogunaan om atag-ogi. Topot amu atag, ong amu mamakai di koburuo om kosunduvo dino (ino-no i keloo, kosilato, i kikosukupan it iso, i garal, bantug, tugas, i keloo do mongumba om mongumpai). Posuruto-no i kosunduvo-nu: supaya kembulai i kosurutan-nu, ka di Paulus. Varo pandita diri di minomoros, Nokokuro-ma, tu i hiza dit omulok-oku-po diri banalko minongining it ongoulun dohon do sampai biano, nga iri-no ko iri o gama-ku potudukon-ku mongkhotbah. Gam inot ongokhotbah diri, kakali sampai biano pipapakai-ku. Topot pipakai-ku ong biano, amu-no gumorija it ongoulun, ong kodung ioku o manambayang, ka. I harati, antad sid insan-no posodia iosido di khotbah bahagi ikid minggu do amut minongitung iosido di vazaan vokon mingkhotbah, iri-no ko iri o pinggugulian dau minggu. Sabap ino, suvai atag ong kopionong i khotbah bahagi di hiza om it ongoulun, tu i hiza sumimban, om it ongoulun nga sumimbani, i vaza momoros sumimban. Kagi i Habal do Kovosihan okonko iadko piring ko kaset di agazo-ko opodok o rodui pounizan, nga iri-no ko iri, inoi nga ponong sid ulun biano om sid kobuatano dau. Ontupato-no i kondiri-nu om i tudukan, nga kovidai-no banal: I tudukan okonko bai ponong sid ulun vokon, inoi nga gam kiharati sid kondiri. Kurozon monuduk it ongoulun gumorija monikid minggu, ong iosido kondiri, kodung aso palan, nga amu-no gumorija. Iti-no o lavis nosopulan-kopo om kapanapul-ko-po dit ulun vokon. Ko sid 1.Kor.9,24-27 varo boros di Paulus dot, Amu-po miuma ong bai monuduk di vokon, supaya ioti kemumui, dot iosido kondiri-ogit ot amu sumuhut sampai a-kemumui. 4,12 - 6,2 I tugas om i gama di kiongotugas sid piumpugan 12-16 Suvai ajadi do suntuan i kavazao dit atag it ongomangahatul. Vokon i ponulung dit omulok-po dot amu otorima dit ongosukod om ongotuo sid piumpugan, tu it itung dioti, aso-po pangalaman dau, ka. Na i Paulus mongorinding dit omulok-po i ponulung om tumpuk. Boros dau, Sid kavazao dit aso borotuduon kadapat manarang it omulok-po i ponulung om tumpuk sid piumpugan do kihak om kitanggung jawab iosido sid tugas dau. Aso boros siti do varo syarat kananganko it umul di ponulung om tumpuk. Ino-no o rontob, suvai katatap it ulun di nabakal-no iosido sid tugas dau (5,22 om 3,9). Ong otopot, i hiza di surat diri, 35 toun ot umul di Timotius. Ong sid Ongoyahudi diri, suvai 50 toun ot umul om kobongut-ogi it ulun sid tinoguvangon do piumpugan. Ino-no o harati, i hak dit ulun di kitugas okonko antad sid umul dau, inoi nga antad sid katatapo om kelino dau. Okonko it umul o tanda di katatapo, inoi nga i katatapo o tanda di hak do ponulung om tumpuk. I piumpugan suvai humarap sid mangahatul, ong atarang i hoturan dau om otulid om arantang i gama dau mengkhotbah. 5,1-2 I vaza mogkovosihan dit ongotuo-tuo om i lumohing-no. Ino katatapo di ponulung om tumpuk mimbulai sid avanus om osuau o boros ponong sid ongotuo. Sabap ino boros di iadino pemumui dioti, okonko it arampus om avadsak o boros. It omulok it ulun mongoguna dit umul dot ulun dit otuo, minsanko osusa-no do mongimuhun om pemumui vagu dit ulun dino. A-milo-milo mongoguna i ponulung om tumpuk dit ipat-ipat it ulun sid tinaud dau, ondu kusai, anak osukod, lumohing-no ko omulok-po, dot i sokoviai i kavazao dau, nga atarang om aso borotuduon ko misingkavaro. 5,3-16 It ongobituanon sid piumpugan om i vaza di Paulus mangahatul dioti. Guluko i kinembulazan do gorija, tantu aso-po hoturan bahagi dot ongobituanon. I hoturan dit Kristian suvai nokotimpuun hiza do varo-no gama monunda dit ongorurukung om kiongosakit (UR 6,1; 9,39-41; Yakobus 1,27) Sid razat kodori diri, ong nokobituanon-no it ondu, banalko osusa iosido. Tu aso kuasa dau, aso ngaran, aso monulung, gamko i bituanon oduduzaan mangarampas om monipu om mongorugi. Iti-no o sabap sid Taurat mongimuhun i Musa do mongorinding dit ongobituanon om usan-usan (Kolobusan 22,21; Ulangan 10,18; Yeremia 7,6; Yesaya 1,23 om vokon.) Na it ongondu diri, sabap otunda om abalanja ioti di piumpugan om gorija, jinadi dot ulun di kitugas ponong sid 167
ongorurukung om i kisakit. Ong i tumimpuun, iadko sid UR 6,1, it ongokusai o mangahatul om monunda dit ongobituanon om it orukung. Alaid-nopo, nohoturan-no dot ino gamaon di iadino, it ongobituanon sid piumpugan o gumama. Romtob-nopo, varo pangalaman dot, Ong kakalpo omulok i bituanon, minsan notugas-no do iadino, kemot-po do kusai mokitaud-no iosido sampai aso-no vagut ulun di mangahatul om monunda dit ongorurukung. Kagi ogumu it ongoondu di minatai-no i savo. Sabap ino, bai i bituanon dit aso varis (di mamalanja dit bituanon sid varis dau) om 6o-no toun ot umul sampai atalahas-no dot amu-no mokisavo-po vagu om inanu-ogi i bituanon dino sid tugas dit abalanjaan iosido do piumpugan om gorija. Ino tradisi di nitarang di Paulus siti, alaid-nopo a-nopud sid ongogorija dit alaid-no, gam varo nohoturan dot it omulok-po it ongondu sumumpa dot amu-no mokisavo, supaya otibang iosido momiara dit ongoulun dit orukung om kisakit ko monulung di gorija sid ogumu ot ongotugas. Nokosuvang sid sumpa dino kagi dot suvai obinsuhut ioti di hoturan do rombongan dau sampai amu mokilulundu ioti, i harati, aso gaji dioti sid sokoviai i gama monulung om monorundakai om mizazo dit ongoulun. Ong sid Momogun, varo-no laid tradisi do kuran o kopudan dit ongobituanon sampai amu-no osusa i gorija mangahatul dit ongobituanon. I vaza dino, it obpinai di minatai movoli dot inodopon. Atag ino, tu okonko magapid o buatan ino. Ong it omulok-po, kasarakan-no do mokisavo-no vagu it ondu, antava ong lumohing-no, ong kemot do sandad bituanon, tu minatai i savo, nga mitaud-no ioti. Kasarakan i bituanon sumadon dit anak, ino-no i tandon dot ongkob i ponungkusan di molohing dit ongohampo dau. I tinomod di Paulus, supaya i varis, anak, ko obpinai monoruntud di bituanon, supaya okonko i piumpugan ot osusa do mizazo om mamalanja dit ongobituanon. Kananganko it ongobituanon dit omulok-po, varo pangalaman di Paulus diri dot ioti banalko oruhai atarik sid ongotudukan di kopolidan om sid kavazao dit amu atag, gima tigogi kumanggau sampai kovozo-no sid aso tantu-tantu. Ino-no o rontob, ino pangalaman kodori diri okonko hoturan ko undang-undang dit a-milo-milo toudon. Tu okonko enizo o tradisi om amu mirad o kobuatano dit ongoulun di hiza diri om i biano. Baiko i tinomod di Paulus atag ong toudon, ino-no, i piumpugan dot ulun Kristian soumul mongontupat om mogihim di kavantango dit isai-nopo it ulun sid piumpugan, supaya ipat-ipat it ulun, ondu, kusai, anak, osukod, nga kiguna om oguna. 5,17-22 It ongosukod do piumpugan om i vaza mongoguna dioti. Koguli vagu i Paulus sid ulion om it ongoulun di manaud om mangahatul di piumpugan. I hiza di Paulus diri kakali amu-po osodiri banal it ongotugas di retanko pangkat sid piumnpugan om gorija. Kagi amu tantu oguna. Vokon-no ong pokihi it ongoulun kitugas. Vokon-no ong pokihi it ongoulun dit ulun di kitugas (imatai 1. Tes. 5,12) ko amu tumabang do mamalanja di pandita ko manaud puruvan om tumpuk, ino-no it ongoulun dit opogos gumama bahagi di piumpugan om gorija. Iti-no o sabap posuntu i Paulus di gama mamalanja sid gama pakan do karabau di manarik do radu ko i mangaladtak do parai, ko i vaza pagaji dit ulun di gumama sid ulun vokon (mokisuul). Boros dau, pengkaa dino, atag do mongohormat dit ulun dit opogos gumama. Ong varo't ulun di mongoruput ko manala dit ulion ko ponulung, amu atag do turus hukumon it ulun dino. Suvai atarang do varo karaatan om kasalaan ko kobungahan ko hal dit amu atag, om iri-ogi mogihim-no do katagan. Tu oruhai do varo't gulou dot ong otopot, okonko it ulun dit niruput o kisala, inoi nga it ulun di mongoruput o gumulou om obolikung ko amu atantu. Suvai atarang om alanta i komplin ko ruput dit nakasasi dit duvo ko tolu ot ulun, iri-ogi atag do salazon om atagon, ombo it amu atag. Kenginan di Paulus di mongimuhun iosido di Timotius, ahatul i gama di Timotius manaud do piumpugan: I vaza mamakal do ponulung ko ponginjil om tumpuk, okonko ahago ko amu atag do mongorinding di karaatan om sala dot ulun, gima koruhang ko anggai-anggai om koubasan iosido. Ombo it amu atag, ino-no ot igili om ilinggata, supaya varo katagan om mumbasih sid kobuatano dot atag. 5,23-25 I kovosihan ponong sid kosihatan di Timotius Noboros-po di Paulus do, Tahanon-no i ginavo sid kosusian (22), mongimuhun i Paulus dot i gama manahan di kondiri okonko hal do sampai amu mokiubat ko momogos do guvas sid vaza mongutip do kakanan. I hiza diri varo-po tudukan dit ulun di tinumohiang di retanko amu kavasa monginum dot ubat ko mangakan dot onsi sampai ogumu-po o vokon ot a-pakasaon, retanko i kakanan o mamalid dit ulun antad sid tinoguvangon do Kinoringan. Sid hal diti ipoontupat kavi di Paulus di Timotius, supaya amu kolisang i hoturan di Timotius ponong sid hal di tumalib do katagan. Ong i Timotius i hiza diri, mad varo sakit di gituko om it ongotinai dau di mad kuposon. Ino sakit dino antad di sid vaza di Timotius tumahan dot amu monginum dit inumon do anggul, bai minum do vaig di mad amu atag tantu. Tu ong asarok iosido sid tanga do ralan dot amu-po obas magazau do vaig, rumuol-no i gituko dau. Ong it anggul, nga vonod do kouvaan, amu asakau om aso't bakteria di pembulai di sakit. 6,1-2 Kananganko it ongouripon Hiza diri, ogumu it ongoulun sid ongorazat, do baiko uripon dot ulun. It ulun do kiutang, it ulun di poutang o minangahatul dot it ulun dino osusa mangapus dit utang sid gamaon do sampai pempatai, nga a-kalabus antad sid utang dau. Iri-ogi it anak dau, nga uripon-no iadko it ama om it idi dau. Inot ongouripon dino kadapat monobus om kadapat potobus iadko dupot om barang. Manjadi ensanan i guvas om gama dit uripon, nokosuvang-no sid kuasa di sanganu. Sokoviai i koposizan om koposizon, sid palad-no kavi di sanganu. Aso kuasa kondiri om aso hak. I sanganu o monumad-ko polikop sampai minonuhu di pagama. Vokon-no ong pogoson mangalapos papagavi sid gamaon. I lalapos om i balanja di sanganu mongogorot om monguripon dot ulun. Aso kenginan dit uripon dit okonko hinatul om ginaratan di sanganu. Sabap ino, i sid ongopiumpugan dot ulun Kristian i hiza diri sid ongobandar, baiko ongouripon-nopo, okudik ot ulun dit okonko uripon. Na ozi i Paulus dot it ulun Kristian di bai uripon, dot atag o gama dioti sumuhut di hoturan di sanganu, kaluto lobi ong sid kavantango dit uripon kohorotizan di sanganu di Habal do Kovosihan sampai mamung168
no sid piumpugan. Iri-ogi humarati i sanganu dot amu atag monguripon dit ulun, dit obpinai iosido sid tinoguvangon do Kinoringan, om sid piumpugan, okonko bai barang di kadapat monobus om mongojuval. 6,3-10 I Paulus manalahas-po di kavazao dit ongoulun di mamalid 3-5 iadko 1,3-7 om 4,1-11 panarangan di tudukan do kopolidan om it ulun di minanansahari sid tudukan dino. Suvai i tudukan do katatapan o vaza monodiri dit ongotudukan vokon. Ino tudukan dino o popiguguvail om popiagil-agil om popioodu-oduw sampai mansahari sid kelinan. I Paulus mongindaraat di gama dit ulun di bai mokipasi sid gorija om piumpugan sid gama mokingangaran om mokipapangkat om mokibalanja. Noboros-po i iadino, tumopik i Paulus sid pongoretan do mokilulundu om mokisisiin, ino kobuatano dit apajak o harati, monongkudau o gama. Iadko i boros di Yesus dot ipoontupat i rogon Mamon (Matius 6) pengkaa dino monodiri i Paulus dit ombo ot atag (8) Sukul kisulung om kikoposizon, nga osinang tokou-no (Mat. 6,18-24) I katalib dino, moki.... o palandu dit ulun sid karaatan om kolonduan, ka. 6,11-16 Onsug ponong sid katatapo di Timosius sid kosipan di mad rumpak di sumaap do karaatan. Insan-po mongonsi i Paulus di panangan dit ulun Kristian: kabanaran, kosusian, kosipan, samod, kosibako om kamamasan do ginavo. Tu iti-no i kosungguvo di koposizan penlaid. I Paulus popuhondom di Timotius sid kinapamarakatan dau, i nakasasi i Timotius di kosipan dau om nalanta-no i kuran magavi i Timotius sumuhut di Tuhan Yesus. Ong i Paulus kondiri, ong andaman i iadino, aso't elaan dau tanid mantadko mangarazou di Yesus om mongohodtol sid di Timotius di kogunaan om kohormatan di kosipan. 6,17-19 Insanpo dino ipoontupat di Paulus di Timotius kananganko i kavazao di razat om kobuatano sid pomogunan. Tu sid razat bai it ulun di mokilulundu o sumoribau om kemot do kohuntungan antad sid gama monongkudau om mangakan dit ulun vokon. Ong kibarang ko kitana om kikolunduan ot ulun Kristian, atag do tumorima ino dino iadko barakat do Kinoringan ponong sid ulun vokon. Isai-nopo i mamahahagi di dau do kolunduvo ko pelang dit ulun dit okurang, nga kemot do vaza tumorima di hoturan om karajaan do Kinoringan (Markus 10,17-31) Ong iadino, tantu i kolunduo okonko sisiit ponong sid kobinasaan, inoi nga pakakas di samod ponong sid ulun vokon. 6,20-21 I pongimuhunan di Paulus sid kovian di jumaga/pongontupat di tudukan do kopolidan om i gama di Paulus mamarakat di Timotius.
Tafsiran di Surat di Yakub 1. Isai i Yakub i minonurat di surat sid Kitab Vagu? Sid salamat kotimpuunan baiko i ngaran Yakub o nokembulai. Ong sid Kitab Vagu, varo limo ot ulun di kingaran do Yakub. Topot iti Yakub di minonurat diti, ino-no it obpinai di Yesus, "obpinai di Tuhan" (Gal. 1,19) Ong i Yakub, it obpinai di Yahya om anak di Zabdi, minatai-no laid di nohukuman iosido di Herodis (UR 12,2) hiza di toun 44TM. Sid piumpugan do Kristian sid Yerusalim, i Yakub, i mirantas pusod di Yesus o nokoronuw. Ong oboros sid ayat 1 dot "uripon di Tuhan, ka" mad pangkat om garal dau. Iadko i Paulus di minangarait di kondiri dau dot "uripon di Tuhan". I panangan dino, ulun di nokosokot banal sid Tuhan Yesus dot aso harapan om kiroon vokon tanid mantadko i Yesus. I Yakub dino nakasasi banal di kinogulianan di Yesus (1. Kor. 15,7). Sid piumpugan do Yerusalim, iosido-no i retanko "origi" ko harapan. Ong i Paulus minongusul dot i Yakub nga ulun di kingaran sid Yerusalim (Gal. 2,9) sampai nakamung i Yakub sid miting dit ongorasul sid Yerusalim (UR 15). Na varo rekord dot i kinapatazan di Yakub 62 TM. Ino dino it ulun, i retanko Amai do Gorija Euseb o minangalapor sampai manalahas do varo-po ngran koduvo di Yakub, ino-no, It Abanal,ka. Na iti surat diti mad tudukan di nikirim-no om pinazazad-no sid ongopiumpugan dit antad sid ulun do Yahudi. Suvaiko ko-360 TM om nakamung-ogi i surat diti sid Kitab Vagu. 2. I rikoton di surat diti: Aso ngaran do bandar ko daerah o arait siti, baiko i hopod om duvo o rurungan di nakazazad-no tumongkop sid ongopomogunan. I kinazazadan dino, ino-no, i sokoviai it ongopomogunan tanid mantadko Yerusalim o harati. Tu hiza di 722 TGM nosunsub-no om narakop-no i kogumuai di hopod i rurungan dot Israel sampai inovit-no sid ongopomogunan vokon. Manjadi, ombo i nakasako sid bansa vokon, ino-no i retanko ulun do Diaspora ko ulun do panambat. Na sid saralom di hinotusan o toun, nga kakali varo harapan dioti Ongoisrael sid Yerusalim om it 169
ugama do Israel dit antad sid di Musa, dot ino-no i puun di harapan dioti, varo rumikot do Mananggung do mangalabus om popeso vagu di bansa dot Israel om pengkakat di karajaan di Daud iadko i hiza di Daud diri. Na sid surat di Yakub mad varo kiroon dot ino hopod om duvo rurungan, ino-no it ulun di kaharati dot notuluk-no i harapan, tu varo-no gorija di Kristus antad sid boginisan dot ongobansa om suku bansa. Gam sid UR 15,16 monuturan i Yakub dino dot i bahanada di Amos ( 9,11..) notuluk-no biano, ino-no i kengkakatan vagu di valai di Daud. Na varo-po harati koduvo, ino-no it ongopiumpugan do Kristian di nokokozou sid pialatan dit ongoulun vokon. Topot it ulion dioti, ino-no i karajaan om hoturan di Yesus. (Fil 3,20: Sabap ong i di tokou dot ulion nga sid surga, ka di Paulus) om Ibrani 12,22 Ikou dino nokotoronong-no sid burul do Sion om sid pomogunan do Kinoringan. ka. Ong i Petrus minonurat sid 1.Petr. 1 sid ongoulun di "nakazazad" sid ongopomogunan. Na sid ongoulun Kristian di iadino nakazazad-no, minonurat i Yakub om manansalamat-no dioti. Inot ayat 1 dino, vaza kodori do mongirim do surat, ino-no, mangarait-po laid di ngaran dit inantadon, iri-ogi i rikoton om varo-po't iamung i salamat. 3. Isai i piumpugan om it ulun Kristian dit orikot ino surat dino? Elaan-no di Yakub i kuran i gama mopud om kavazao dit ongopiumpugan, tu mad alaid-no kengkakat inot ongopiumpugan. Sid tanga dioti nga varo-no't ongo-lumundu, varo-no't ulun do kihak-no om kigaral sid razat. Varo-po pioduhan dit ulion om i mangahatul di piumpugan, varo-no ong baiko polombus di tradisi do Kristian om i piumpugan. Ogumu o baiko mokihormat om mokipangkat sid pium-pugan om sid razat, om varo-po mosikim dit amu ohormat om amu oguna. Ino-no it atalahas banal, minsanko nakaramit-no ioti di hoturan di Habal do Kovosihan, kakalii dot amu kumavid ioti di hoturan di Yesus. 4. Nunu-ka i tajuk di tudukan di Yakub? Varo't a-ko piro o pongoretan do manalahas dit onsi om monginggamut i Yakub, ino-no pensubaan / kopiduvaan do ginavo kinotulukan om karangkapan mongimpuras di kolunduo pohodtol posurut do kosipan sid gama mongimbulai do samod. I Yakub mongingut di piumpugan, supaya i kosipan dioti kopionong di janji di kinopomodsuan. Mad tudukan do kopomodsuan ino ko kalas Konfirmasi.: I tokou diti, i Tuhan-no o sanganu, ka. Banalno, ong iadino o gama, tantu i kavazao do Kristian miakan di kobuatano di sandad riniba (4,4), tu i riniba a-nokelo di keloo dit antad sid savat (3,15-18) It inantadon di piumpugan (1,21), ino-no i kovosihan di notorima di hiza do kinopodsuan >" i boros do Kinoringan di natanom sid ginavo dikou", ka. Ong i Paulus minanarang sid "vangun vagu". Manjadi i Yakub manarang do kuran it atag o hoturan om gama dit ongoulun Kristian om ensanan i piumpugan dioti. Aralom i gama di Yakub mongimpuras di kobuatano dit ulun. Oruhai it ulun Kristian sangkahabaai mamanau om mopud, opiduvo i ginavo, aratu iosido sid pensubaan ko monipu di kondiri di retanko atatap iosido, nga kakali kalandu iosido om varo-po harapan vokon. Okonko iseso o ginavo sid Tuhan Yesus,ka dau. Manjadi i Yakub bai tumoguvang dit ongosusa sid piumpugan, aso pongitungan dau dot osusa-po manarang di Habal do Kovosihan. I harapan om kiroon di Yakub, i Habal do Kovosihan, atarang-no laid. Bai i vaza-po mamakai di Habal do Kovosihan o kakali amu miuma om amu-po atarang. Iadino, i tinomod di surat dino, it ongovaza tumongki-zad antad sid Habal do Kovosihan om i vaza mamakai dit ongokoubasan om undang-undang do razat sid tanga do piumpugan o tinoguvang. Sabap ino, monguji-no i Yakub dit ulun dit atahan sid pensubaan. 5. I vaza di Yakub monuduk: Aso tudukan di bai iso o tajuk om iso o panangan sid surat diti. Monuduk i Yakub iadko mangajal do kopomodsuan. Ombo it ongohal dit amu atarang, ino-no i toguvangan om tarangon dau. Moniim iosido do potorontog dit ipat-ipat it ulun Kristian om i piumpugan sid hal suvab-suvab, i hal sid ongkob, sid piumpugan, sid ponsohorian-po dot ulun. Ong apajak kiroon tokou, banalko osomok i tudukan dau sid Tudukan di Yesus sid Burul, mad tafsiran di Tudukan sid Burul diri. Duvo o lukisan do mad manarang di surat di Yakub, ino-no: ong mongusaha di kosipan mad vaza kumaa sid karajaan do Kinoringan i piumpugan sumaap di kopiduvaan om pensubaan ko i piumpugan di natanom-no sid kosipan om harapan om samod, nga osuba do kopiduvaan do ginavo, kopioduhan, dila, mosikim-lumundu, bituanon, usan-usan, om i pitonidan do garal, sakit, sumpa, kolonutan om minta dua. 170
Ong onsizon i surat di Yakub: It Umpatod - i salamat 1,1 i kosipan sid pensubaan 1,2-18 kolonutan om keloo 1,2-8
It uva do pensubaan pensubaan di kolunduo 1,9-12 it inantadon do pensubaan 1,13-18 i kosipan dit opud sid gama 1,19-2,26 okonko bai kikosipan, okonko bai mongimpa di okonko bai monginud buatan : I kabanaran do mongimbulai i kosipan inoi nga usaha di kosipan o kiguna mongimbulai di kosipan inoi nga i gama mongusaha di 1,19-27 2,1-13 Kosipan 2,14-26 I kosipan sid boros 3,1-18 I kogunaan di dila di iadko apui 3,1-5
i paliu do dila 3,6-12
i gama mamakai do dila dit atag, koposizan antad sid savat 3,13-18
i kosipan sid gama suvab-suvab sumaap di kopigogutan om kopisasanaan sumaap di kosumbungo om kolunduo di baiko engat di kondiri 4,13-5,6 i harapan sid Tuhan 5,7-11 mongompus di tudukan 5,12-20 sumpa- minta dua - muli sid Kinoringan Tafsiran: Yakub 1,2-18 Okonko iso-no o tajuk sid saralom dit a-ko piro o't ayat. It avagat o tajuk, ino-no PENSUBAAN. (ayat 2-4; 12; 13-15) I vokon, ino-no, i riniba di opud vagu, tu i boros di katapatan o potorontog om mongimvagu dit ulun. ayat 2: Pensubaan di monusa dot ulun, hal dot mongohigong di ralan, mongimvagat dot ulun ko mongindorosi dit ulun. Sid saralom dit ongopensubaan dino, tumatap i kosipan. Na i Yakub monuduk dit ulun di mokipadsu ko mongimbulit di kosipan dau do iadino o pangalaman om navavazaan, ong Kristian iosido sid tanga do razat om sid gama suvab-suvab. (imatai sid 1. Petr. 1,6, ko sid tuturan di Yesus Markus 1,12 om Matius 4) Na i Yakub, mongonsug dit ulun Kristian, supaya otomon iosido, ong anganan do pensubaan, tu, ka dau, iti diti tanda dot oporisa-po tumatap-no iosido sid gama mangasip. Tu ong iadino, varo kosurutan di kosipan, iadko i boros di Paulus sid Rom 5,3-5. Ino-no rontob, suvaiko kogoos om katahan om alanut o gama, okonko obimpupusan om obinglupuhon, inoi nga suvai alanut o ginavo (ayat 3,4,12) Ino kolonuto dino okonko hal dot osiou it ullun Kristian, tu minsanko ulun do mangasip, nga kakali kahajang do pensubaan di banalko monusa dit ulun. Ong kahajang do iadino, it ulun di mangasip kadapat mokitulung (5), supaya osungkad iosido di keloo om kuasa do Kinoringan. Tu a-milo-milo i Kinoringan manahak, tu amu odoot manahak om patatap dit ulun. I vaza do Kinoringan manahak mad akaza o palad dau ong varo mokitulung, Iti-no i pangalaman di Yakub di mongusul iosido sid ulun vokon. ayat 4-5: Porolomon-po di Yakub i tajuk do kolonuto " rumangkap-kou-no om aso-ogi borotuduon om aso-not alazan sid dikou", ka. Ino dino manarang sid ulun do suvaiko iseso o ginavo, pongitungan om kakansangan manamod di Kinoringan om miuma-ogi. Sid saralom di samod dino tumatap it ulun, tu aso hal vokon o mongunang om mamalid ko mangahavud dit ulun. ayat 6-8 Topot ong it ulun dit mipiduvo o ginavo, mad soumul sangkahabaai mamanau, amu olumbatos momili do ralan, tu ogolivong. Isai-kenot ulun dino? Okon-ka ko i tokou kondiri, tu varo hiza dot obingmalan ko oboloti o vaza tokou tumoguvang di gama posurut di kenginan do Kinoringan, tu mogihim do ralan ko kenginan kondiri. Iri-ogi oduruk om otoliban-no i koriatan om kotibangan posurut om posunu dit atag o gama. Iti-no o sabap, ka di Yakub, do poromut sid Kinorinan di sokoviai i kopiduvaan do ginavom om nunu-nopo i hal dit amu oruhai talahason. Suvaiko tumorima tokou do kotulungan, keloo, ong alanta o gama tokou mindamo dot kiharapan tokou dot i Kinoringan mongining dit indomoon tokou. Kondiri di Kinoringan mongonsug di tokou sid gama mindamo. Topot it ulun dit ogumu o pongitungan om ogurimban o gama dau, tantu a-kemot di kovosihan do Kinoringan. Na amu atalahas tantu do nunu i pensubaan diri sid tanga di karajaan do Rom. Kiroon tokou do mad miabali dati sid di tokou. Isuhut di gama om tugas dot ulun, kikaraja sid porinta, kikabun ko varo karaja sid kilang om upis, ko nununopo, ogumu ot ongohal moniim do monguasa om monuba sampai pogolivang om manang-kap ko mamalid di tokou: mokisisiin, kinomol, karalazan, karamazan dit aso tant-tantu, varo mokiapil ko mangapil, manarik sid hal dit amu atarang ko nunu-nopo. Inot ongopensubaan dino isuhut di kobuatano om kavazao tokou sid tanga di razat do Sabah. ayat 13-15 Varo-po mad pensubaan dit antad sid Kinoringan, ka dit ulun. Banal-no okonko iso-no o tuturan sid Kitab dot i Kinoringan minonuba dot ulun, i Ibrahim, i Ayub, ka om i-po vokon. Ong ino pensubaan dino, vaza do Kinoringan patatap dot ululn. Ong sitid Yakub, retanko, Kinoringan amu monuba ko mamalid dot ulun (17) I gama do Kinoringan, ensanan ponong sid katagan dot ulun, tu mongumbasih iosido. Tu Ama iosido di kanavahan,ka. Ong otopot, baiko sid di Yakub o varo boros dot i Kinoringan amu monuba. Ino-no i tinomod dau momoros do iadino, Atag dot it ulun mongimpuras di kondiri dau, tu banalko oruhai o gama dot ulun pompik do sala sid vokon, minsanko manala do Kinoringan, dot ong otopot sid kondiri varo kenginan om 171
tomodon om sabap di papalid om pensodu dot ulun antad sid atag o gama. I "karalazan" do ginavo maganak do karaatan di nunu-nopo, mad sungkoliu om sisiit di mangaraving om manarik sid karaatan om kolonduan. Bang it ulun poompik di hal dino sid Kinoringan, ino-no o vaza do mamakai dit ugama iadko sangkut ponong sid kenginan kondiri. Topot ino-no it atag o gama: ong varo pongitungan om kenginan kondiri, it ulun monginsosok om monodiri di pibidaan dot ombo ponong sid Kinoringan om ombo o potongkizad dit ulun antad sid kosipan om hoturan do Kinoringan. Iri-ogi atalahas dot i sokoviai i koposizan om harapan om gama kopionong sid kovosihan om samod om kavantango do Kinoringan. Siti diti mimbulai i vangun vagu (2. Kor. 5,17). I tokou mamung sid gama di Kristus di mongimvagu di vinangun. ayat 18 mad lavis di bahagi di tudukan diti: I boros do katapatan o mamasi di tokou, ka. Iadko sid 1. Kor. 1,30: I Kristus-no o kinelaan om kabanaran om kosusian om kolobusan tokou, ka di Paulus sino om: I kobungoho do Kinoringan kakali dotelo-ko i keloo do riniba (25). Ino pongoretan "Kinelaan" om i"boros do "katapatan" mad misangai, iseso o harati. Topot kakali tonido di Yakub manarang, tu i "karangkapo di keloo do Kinoringan" o tomodon dau manarang: I Kristus o keloo do Kinoringan. Ong varo kapagasan, kosusaan, gima sumusui tokou di Kristus, oruhai tokou humarati di kosusaan dino do koluu di kosusaan di Kristus. Okonko rontob kogoos, gam kotomon tokou-po (2-5 om 12), tu nakamung tokou-no sid di Kristus. Ong mongimpuras tokou di kondiri do humogizo di kenginan om kozian tokou sid pangalaman di Yesus dit opogos om osusa iosido, iri-ogi tumatap tokou sid Kinoringan, gima varo koposizan dit antad sid kinelaan do Kinoringan. Miguli-po sid ayat 9-11, ino tajuk do kolunduan om kosikiman, ino tajuk dino mimbulai vagu sid F. 2,1-7 om 4,13-17 sampai 5,1-4. Topot narait-no laid sitid kinotimpuunan di surat di Yakub, tu a-milo-milo ino tajuk dino mamatong i Yakub. Sabap agazo i pensubaan dit ulun Kristian sid tanga do razat do karajaan, lumundu ko mosikim iosido, tulumuu iosido sid kobuatano dit ongoulun vokon di iadino o kavazao. Sokoviai anangan ioti do pensubaan. Topotamu enizo inot ongopensubaan. Ong sid ayat 14, i pensubaan sid tanga do piumpugan o boroson, iadko i tuturan sid F. 2,1-13. Suvai kaharati it ulun di kibarang om it aso do sompi ajadi ioti do vangun vagu sid saralom di gorija di Kristus om atag-ogi i gama miopud om mikoruhang sid piumpugan. Ong engat dit ulun do sid tinoguvangon iosido do Kinoringan, banalko tanid o vaza mongitung di kogunaan om hormat dot ulun, tu ino vaza dino pakaso di hormat di dang riniba (2,5 om 1. Kor. 1,2631) Aso bida, it ulun Kristian di tutusan do mosikim, nga ohormati (ayat 9), tu orikatani iosido di samod do Kinoringan om kotungkusi di karajaan do Kinoringan (2,5). Topot ong it Kristian di lumundu, banalko asot elaan dau do huarap sid kolunduo dau di tumanus iadko vusak do sakot di lumondihu (10 om Yesaya 40,6) Sabap ino, ong ikid Kristian otiiman om empurasan i dau om dau do kobuatano om kavazao, mizo-no banal iosido sid piumpugan dot ulun Kristian, enizo o gama dioti mungkahang mongindazou do Kinoringan (1.Kor 1,31). Ino-no i harati, i pensubaan, nga varo-i kogunaan ponong sid katatapo, om varo-po ponong sid kosoduvan (kasadu-tumongkihal) 1.19-2,13 I kosipan dit opud sid gama. Tumoguvang i Yakub sid tomodon-no banal dau monurat. Agazo o ginavo dau manarang om monodiri di hal diti. Okonko iti-no o panangan: Suvai mangagama om atag-ogi. Okonko iadino onibak om oribau o tomodon dau. Banalno, suvai avantang, ong oimbulai i kavantango. Na kakali aralom ko ino boros di Yakub, tu manarang iosido dot sionggo antad i tomodon di mongimbulai do gama. Sid ayat 1,21; 1,25; om 2,8 ohondtol ino: tuluko-no dikou i pinonuhuan,ka. 19-21: I Yakub mongonsug om mongimuhun, supaya onining it ongoulun Kristian. Varo-no laid boros do iadino sid Amsal 13,3: Humago-ko-no mongining, nga suvai etung-po banal om timpao-ogi. Ino-no o panangan, i kobuatano-ku om gama-ku sid ulun vokon, suvai ahatul di kabanaran do Kinoringan, tu i kabanaran do Kinoringan nga tanid o kovosihan mantadko i dato do hungot om kouhangan. Iri-ogi tumopik iosido sid gama mongining di boros do Kinoringan, tu, ka di Yakub, ino boros do Kinoringan manahak di ginavo dit osuau om avanus om osibak(21). Sid kopomodsuan nedu-no i sokoviai i kasakaho om karaatan. Iti-no o sabap do suvai atarang o gama tumongkizad dit ulun sid kavazao laid (padao-no ino) om kadapat-ogi tumoguvang om sumuhut di hoturan vagu. Ong i Paulus momoros: ino boros (do Kinoringan) dino kuasa di manapul (rom 1,16; 1. Kor. 1,18b; 1. Tes. 1,5) Ong baiko narait " i boros", ino dino vaza di Yakub mongintalang di Habal do Kovosihan. Onibak i vaza di Yakub popuhondom di Habal do Kovosihan. 22-25: Siti pavalang i Yakub dit uva dit avantang o gama mongining di boros do Kinoringan. A-milo-milo, nga monguva i boros dino. Isai-nopo i bai tomod-no mongining, monipu om mamalid di kondiri dau. I gama mongining om mongimbulai di tomodon di boros, iso-no o hal, sampai i boros dino arangkap om pebas dot ulun. Banal-no, i pangalaman dot ulun tanid. Ulun dot obungou, minsanko i kobuatano di vuros dau amu andaman, gam olingan, ong kodung amu koponorimin iosido, amu andaman i kobuatano dau kondiri. Iadino ong amu avantang o gama mongining om sumuhut di boros do Kinoringan. Sabap ino, iti-no ot atag, mongimot banal om patahu sid ginavo dit onsi di boros (habal do Kovosihan), tu i tudukan dino, hoturan di kobebasan om kolobusan. Sid Kitab mamasa om mongintutun tokou di kavazao kondiri om memot di kamamasan om i kokurangan om it ongokurubit tokou. Ino pongoretan do pinonuhuan do kobebasan narait laid di Yesus sid Tudukan sid Burul (Mat. 5,17), i monuluk iosido di Taurat. Pengkaa dino i boros di Paulus sid Rom 8,4: I gama mangagama om kapasi-ogi, isuhut di tudukan dino. 1,26-27: Noboros-po iadino, turus posondot i Yakub di hal dino sid vaza mongusaha. Okonko bai mononteoria iosido: Oruhai it ulun ovit sid kohungatan ko sid gama mongolinapu. Suvai kopionong di kabang-ku om i kosipan-ku, dot amu-oku atarik i dila sid karaatan. Asot ontok i nunu-nopo i gama sumambayang, ong i dila-ku rumanggal di kavantango. Ino kobuatano di dila, bai sid F.3 tarangon di Yakub ino. 27: Ino kosipan om i gama monuluk di kosipan kembulai, keso ponong sid ulun dit banalko orukung om aso hak, ino172
no i bituanon om usan-usan, sid gama mangatag, di nunu-nopo o karaatan ponong sid ulun di kiatagan, supaya kosunu i kabanaran do Kinoringan (Mat. 5,6,10, 19, om 6,33). 2,1-9 Ong varo-po kihizon sid tanga do piumpugan (6), tantu orungoi-no i kosipan. I gama monodiri do vuros, bai sid Kitab apakai ino pongoretan dino. Ong ponong sid kavantango dara, ino-no o gama, Ong varo't ulun dot osusa o ginavo sampai humongkob iosido do muku-tuku-no, tu amu osinang, it ulun di monulung potingaha pahangog-no vagu di vuros dit ulun dino do monginsasamod om monian o tomodon. Topot ong siti (2,1) tanid o tomodon om harati di pongoretan dino. Ino-no, monodiri dot ombo i lumundu, suaya ohormatan iosido, om i mosikim, ino-no i pokihizon sid pihukuman, i lumundu o lopisan, minsanko kisala, tu i kolunduan om ngaran om garal dit ulun dino. Ino gama di iadino a-kopitimbang di kosipan sid di Yesus Kristus. Tu okonko i pakazan dot orimomol o kiguna sid tinoguvangon do Kinoringan. I Yakub mongusul do pangalaman dau sid iso o piumpugan. Sid tuturan dino kembulai i vaza do sandad riniba monodiri, do mongohormat dit iso om kihizon i vokon. Amu monguji ko mongolumbok i Yakub dit ongoulion do piumpugan di iadino o gama, minsanko elaan-no laid dau dot amu avantangan ioti di pajal dau. Iso-no o tomodon di Yakub, mongorinding om monukung iosido dit ulun dit aso hak om guna sid piumpugan (1,27), supaya ioti, nga varono katamanan (Luk 6,20: Osinang-kou-no... ka di Yesus sid Ongomosikim ko Mat. 11,25-30). Mongo-hondom i Yakub di kohormatan di Kristus di sinumikim, supaya lumundu tokou di kovosihan dau (Fil. 2,6-11 om 2. Kor. 8,9) Boros di Yakub, iti-no i karaatan sid ongopiumpugan: monodiri do vuros om kavazao dit ulun (4) iti diti nga kasalaan dikou (9) it hormat dit mosikim, onuvon-no vagu dikou (6) it ongolumundu o momogos di piumpugan om mangasau (6b) Iti-no o sabap dot atag pada di vaza om undang-undang do sandad riniba sid tanga do piumpugan kananganko i vaza monodiri om momili dit ulun. Gam ino-no it atag o gama mongoguna om monukat dot ulun: i pinonuhuan dot asamod o mangahatul dikou (8) Ingonom imbulito di Yakub do popuhondom om mongimbulit dot: iadino ong pinonuhuan (8,9,10,11+12) Ong i Yakub momoros: I pinonuhuan ko i hukum, ino-no ot ohorotizan dau, Bahanda om kovosihan do Kinoringan bahagi di bansa dau di banalko avasi, supaya opud i bansa sid kolobusan di nakalabus-no antad sid kinuripanan sid Masur. Monguji i Yakub di pinonuhuan iadko i panarangan sid Zabur 19 om sid Ulangan 30,11-14. Ong i panarangan di Paulus sid Galatia om Rom, banalko tanid o vaza om tomodon. Ino-no i vaza di Yakub manarang: I pinonuhuan do Kinoringan om i kovosihan do Kinoringan mititimpa-tima. I pinonuhuan o mad posondot di kovosihan do Kinoringan. Sabap sid pinonuhuan kemot it ulun Kristian do kobebasan dau di sumuhut di kenginan do Kinoringan. Iti-no o sabap it ongopinonuhuan iadko it ongobanang sid ovolon. Kodung iso-no tiningkol ot okurang kokisarap ko oputut, amu-no arangkap i surip sampai ensanan dot aso-no guna. Boros dit ongondu: amu atantu i ralan di surip dino, tu kisarap i gama-nu mangansad. ka. Rinantang di Yakub it ongopinonuhuan sid ayat 5 om 8, isuhut di pinonuhuan dot asamod. Rinait-po laid di Yakub i samod ponong sid Kinoringan om iri-ogi samod ponong sid ulun vokon sanda riniba. Sid tudukan diti, sumuhut iosido di gama di Yesus manarang di pinonuhuan dit kiguna banal (Markus 12,28-34). Ino-no, ka di Yakub, ino-no i karangkapo di pinonuhuan do kobebasan. Minsanko nakaranggal-no it ulun om anangan-no iosido do hukum, okonko i mongindorosi dit ulun dino o panganan, inoi nga baiko monalahas di katapatan sid ulun dino, sampai nituvad-no dau i harati di tomodon dot, Minsanko i hukum, otori iosido di kobinsianan do Kinoringan. 2,14-26: SID GAMA GUMAMA O MONGOPUD I KOSIPAN: Ino-no o duaton di Yakub: Nunu-ka o kikuasa do manapul di tokou ponong sid koposizan penlaid? Notimpa-no laid di Yakub sid 1,21: Ino-no o manapul di tokou, i boros do Kinoringan (ko i Habal do Kovosihan), i natanom sid ginavo dikou... Sabap ino mongolumbatos i Yakub sid 2,14 dot miuma, ka ong it ulun baiko sid kabang o sumasi di kosipan. I vaza di Yakub monuduk sid a-ko piro it ayat diti, mamakai iosido di vaza dit ulun dit elo monuduk. Nigili dau laid i tajuk om tarango po i tajuk dino, iri-ogi minongoduat-no iosido dit ulun di dumahava di Yakub mongoduat dara sampai iadko iosido o tumimpa dit ongodahavaon dino sampai inomungan-po dau dot a-ko piro o suntuan om suriban do manalahas om momihot di vaza dau manarang. 14: Pogili i Yakub do kososizan dot ulun di retanko, miuma-no ong mumbongut-no dot, Mangasip-oku, ka. Na i Yakub monginsosok di kososizan dino om mamakai-po do pangalaman di nokening-no iosido, hal dit oholian alanta dot amu otopot-ko onongi, sampai mongolumbatos iosido dot, Amu miuma i kososizan do kosipan di iadino, ka. 18: Varo-no vagu dumahava dot, >ayat 18b-19 dati. dot i Yakub tumimpa: 20 Polovong i Yakub di gama dumahava di iadino. Na amu atalahas banal dot minsanko i ayat 18b-19, kondiri di Yakub o tumiim mangadahava. 21 Iri-ogi mamakai i Yakub dot Ibrahim do sasi dau: I kosipan di Ibrahim om i gama dau miduvo dino nokopisungkod-no ko minilapis-no dot aso tenganan monodiri ko mogihim do pibidaon. 24 Notombol-po i kabang dit ulun di dumahava dara, tumoguvang-no i Yakub vagu dit ongoulun sampai manarang dot ino kosipan di iadino, tantu aso guna. 25 Mamakai-no vagu i Yakub di tuturan do Kitab, ino-no i Rahab i sid Yeriko. om iri-ogi manarang dot i kosipan di iadino mad minatai, aso ginavo dau. Amu miuma ong baiko momoros it ulun do mangasip-oku, ka. antawa insakakan it ulun do songkuro-no banal o kosipan, tu i kosipan okonko emot. Tu ino-no it emot, it ongogagamaon di mimbulai antad sid kosipan, ko i vaza gumama di kovozo di dau do kosipan, ino-no i samod om i vaza monulung dit ulun dot osusa. Rontob-nopo, minsanko 173
varo gama do iadino, kakali aso tenganan memot ong kosipan. Rontob- nopo sid vaza monulung om monian om manamod kembulai it inantadon di kotulungan om samod dino. Aso boros di Yakub dot, baiko i gama gumama sid samod o kiguna, topot ong i kosipan, na aso guna. Kodung mamakai iosido di pongoretan di gama gumama, ino-no o harati dau, i gama di kembulai antad sid kosipan. Baiko i kososizan sid Kinoringan di membulai di samod o manalahas di pitonidan di kosipan sid Kinoringan om i sid ongokuasa vokon,tu ino kosipan vokon bai kosipan do kumikip (18b) Ong i Paulus ong kodung manarang di gama gumama, nga mangarait di gama dit engin monuluk di pinonuhuan om i Taurat dot monobus di surga o tomodon. Sabap ino, aso pialatan ko pitonidan sid tudukan di Paulus om i Yakub, minsanko mad buatan dot okonko iseso o panangan. (Gal. 2,20, 2. Kor. 5,14 om Rom 8,4). 3,1-18 I KUASA DO BOROS OM DILA Minsanko ogumu o panarangan sino kananganko i karaatan di mimbulai antad sid dila om i gama mumbongut dit aso panangan, ponong sid kavantango o manarang i Yakub (2) Ong ataud i kondiri, banalko arangkap it ulun...I keloo antad sid savat(sid Kinoringan) o popiandus di kobuatano dit ulun di mimbulai sid dila dit ulun di mad mandahatan, tu duvo o dila-no. Iri-ogi varo kopioondusan sid piumugan. 1: ogumu dati it ongoulun sid piumpugan dino di misingguru om misingkhotbah. Nohoturan-no laid di Paulus do varo't ulun di monuduk di piumpugan (1.Kor. 12) Atalahas antad sid ayat 13-16 dot a-ko piro ot ulun di iadino minomuruvak om minongimbulai do pioduhan sid tanga do piumpugan. Iri-ogi akasau-no i piumpugan om i gama sumambayang. Polombus i Yakub di gama di Yesus mamajal dit ulun di misingguru dit elo monuduk dit ulun vokon, nga amu sumuhut ong kondiri di dau do tudukan (Matius 23). Oruhai do kasadu tokou kavi om kotong-kihal sampai rumato. Isot ulun nga aso dot okonko anangan do pensubaan di iadino. 3-11: Manganu i Yakub do suntuan di kuasa do dila do iadko bukakang do kuda, oom iadko it apui dit opodok nga kavi mangahandab do himbaan om i sompila-no i bansahan di monuvarig ko monompiku do songkuro-nopo kagazo do kapal. Varo-po suntuan vokon dot aso't ovud sumimpun di mapaapas dot omis om opoit antawa i ruvab tantu asot omis. ayat 14-18 mongusul i Yakub, ombo it elaan dau antad sid piumpugan om it ongokosusaan di piumpugan. I korumaato valangon dau, ino-no hiza do manambayang it ulun, ponulung, tumpuk, pandita dot i kabang dau mongindazou do Kinoringan, dot i dila dau mongindazou om mangarait di ngaran do Kinoringan, iri-ogi ino dila dino mamung sid boborosondit aso tantu-tantu ko mongimbuhal ko mongolupu ko mongindaraat dot ulun, antava momoros dit aso panangan, mangagauk, mongusiba, momoros dot aso tantu-tantu, misingkavaro dot araat, iti kavi ot pensubaan tokou (2a). Na i gama di iadino mongimbulai do duvo o kuasa momorinta di tokou om duvo o kuasa ot suhuton tokou. Iti diti, ka di Yakub, a-kavasa ong sid piumpugan dot ulun Kristian, ka dau. I kovonuso dot ulun o tanda dot elo it ulun, okonko i gama momuruvak ko humasak o gama mongunang, tu retanko bai iosido o kihukum, ka. Sid ayat 14 mad tumoguvang i Yakub dot ulun: Ikau, ka. Na amu elaan tokou do varo hal sid piumpugan diri, ko bai vaza di Yakub do kondulon i boros banal dot okonko bai malu-kalu ko bai ihimpaha o gama momoros. 17-18: Minsanko iadino o gama dau manarang dit ongokosusaan dit antad sid dila dot ulun, kakali aso cadangon diYakub dot, Osuhul ong otosi it ulun. Tu varo-po kogunaan vokon do dila ponong sid kavantango om katagan. Tu i dila nga antad sid palad di Minamangun ponong sid keloo om kovosihan om kovonuso dot ulun. Ino keloo om kovosihan om kovonuso om kobinsianan pogili i Yakub sid piumpugan, supaya kembulai do kabanaran di posurut di kopioondusan. 4,1-12: IT INANTADON DO PIODUHAN Aso kiroon tokou dot i gama di Yakub tumoguvang dit kobuatano dot ulun do varo kiis dit ovit dau siti. Mamakai i Yakub di vaza do khotbah om tudukan di manala di kobuatano dit aso tantu-tantu sampai mangarait ombo i sid tanga do razat. Elaan-no dau dot i piumpugan nakatanga sid razat sampai oruhai rumaliu i koubasan do razat sid piumpugan, retanko iti-no i vazaan masi om kavazao om bahazan tokou, ka. Mad oholian i gama di Yakub mamajal, nga harapan dau dot it ulun di tumorima di surat dau, mamakai di pajal dino ponong sid gama mangatag ombo it amu atag. Tu isono ot atalahas, inot ongopiumpugan diri o nokotimpuun do sumuhut di hoturan di razat dot amu ensanan sumokot-po sid hoturan di Habal do Kovosihan. Antad sid gama tumohiang sid hoturan om undang-undang do sandad riniba nokembulai do pioduhan om kopigogutan. Minsanko i gama minta dua sid tanga do piumpugan, nga nakaraat-no, tu napakai-no do pahaba dit obpinai, retanko iosido amu atag, tu amu minta dua isuhu di dau do hoturan. Minta dua-kou iadko milawan dot isai it elo-no banal om osukup kanaru o gama dau minta dua. Nokogili-no dau i karaatan di sumaap di kenginan do Kinoringan, amu abasan i Yakub mongonsug mangatag om pemumui. Sid gama tumolikud di karaatan, aso tenganan do bai ngaran-no tumolikud. Iadko sid Momogun, ong bai ngaran mengkod do sumamba om mokiuripon do kinomol, nga iri-no ko iri, atarik-no vagu magavuk om mongorungoi dit ivou om kosihatan do guvas. Na okonko i hukum di moniag minum do kinomol o kadapat mangatag di kobuatano dino, suvaiko it ulun Kristian kondiri tumatap om jumanji sid kondiri do tumolikud om amu mokipalid ko sumulung sid kinomol. Suvaiko oupus tantu sid gama di mongorungoi di ngaran di Kristus om varo-ogi katagan om kemumuzan. Bang pakaraat tokou di ngaran do gorija sid tanga do razat (tu ong varo hal di mimbulai antad di gama di bai isot ulun, ponulung, tumpuk ko pandita, okonko i dau do ngaran ot orungoi, inoi nga i ngaran do gorija orungoi om i-po ngaran di Kristus, tu iosido ot okihi om ousiba sid tinoguvangon dot ulun. 11-12: Iso-po hal mongovit i Yakub siti, ino-no i gama mongindaraat dot ulun sid vaza mongusul dit amu otopot. Varo boros laid sid Kitab dot it ulun di mongindaraat dot ulun mad mongindaraat om mongorungoi di ngaran do 174
Kinoringan. Miabal di Yesus sid Mat. 7,1 moniag i Yakub di gama manala om mongohukum dot ulun. Bai i Kinoringan ot abanal. Manjadi it ulun di mongohukum, mangasau om mongunang di gama do Kinoringan mongohukum. Sabap i hukum do Kinoringan mogihim di katagan dot ulun, okonko i kobinasaan dot ulun ot tomodon. Topot i gama dit ulun mongohukum om manala, iadko mamatai dit ulun dino. 4,13-5,6 KANANGANKO IT ULUN DI HUMARAP SID KONDIRI OM IT ONGOLUMUNDU Insan-po i Yakub tumoguvang dot ongohal, ino-no: mamahanda iosido dit ulun dit humarap sid kondiri om it ulun di lumundu, supaya tumolikud ioti sid kobuatano dau om muli-no vagu ioti sid Kinoringan. Mad mangajal iosido dioti sampai i vaza dau tumoguvang dit ongoulun do iadino, amu monongobpinai iosido dioti dino iadko sid ongofasal vokon.(1,2; 2,1; 2,14; 3,1; 4,11) Na isai-ka banal inot ulun di pinajal di Yakub sino dino? Ino-no it ongoulun di midagang sampai osodu o rikoton dioti do dumagang om padagang do barang o tomodon. Kagi sid gama mirimpanau kaharati ioti do siombo it barang dit omura om siombo o kolokuan dot amahal o horogo. Oholian o gama dioti mamakal om mangahatul di hiza om koposizan iadko iosido kondiri, nga amu-no engat o rontob dit umul om sukud dau. Olingan dioti dot ioti nga sid palad do Kinoringan om i Kinoringan o mavid-kavid di timbagos dioti. Ioti iadko it ulun di paparazon di minongitung do, huzason dit ongogudang dau om pengkakat do gudang dit agazo mantadko it ongogudang laid, supaya orusod it parai dau om kikosukupan-no dau dot aso-no kovian. (Luk. 12) Na boros do Kinoringan sid ulun dino, Lovong-ko, Sodop biano nga matai-ko-no, ka di Yesus. Na i Yakub iadko i nabi di pentahan dit amu-po najadi. Pemot iosido di lulungung om i kavazao om kobuatano dot ulun. Okonko bai i noumba dioti o mad lisun ko inambun do kavut minsanko ioti kondiri, i sukud dioti, nga amu atantu. Tigogi, obinasa it ulun sampai tumanus. Sabap ino, i gama dioti momuruvak, banalko aso guna. Na okonko ensanan it ulun sid piumpugan, ulun do lumundu. Topot manahak i Yakub do boros sid ulun do lumundu dot atarang om talahasan. Sabap ioti diri, oholian ko ilo mongoguna di hiza om i kobuatano do pomogunan sid vaza mangaladtak di mosikim om it okugui om orukung. I hiza di kodori diri, ombo it orimpanau sid ongopomogunan vokon sampai elo do kumavid do siin, oruhai do lumundu, tu elo iosido momituving-tuving om mongohorogo do barang, elaan dau dot siombo it amahal om siombo ot omura, ko isai o varo kosusaan do sampai osusa pojuval di tana, ko valai om savo dau, tu ioisodo o monobus di tana dino sampai ajadi do lobipo mosikim it ulun do nasampit. Sabap ino, ino-no i boroson di Yakub dot, 4,15 Ong sukul keng-inan di Tuhan, apasi tokou om posurut di iaditi om iadino, ka. Na i kobuatano dit a-ko piro ot ulun sid piumpugan, mad soumul mokisasavat, mokigagaral, mokihormat sid isai-nopo i sid suvang do piumpugan. Kaagi minsanko biano, nga kakal varo pensubaan do iadino sid ulun Kristian di kagavul sid retanko business, tu ka dioti, Ong sid business, okonko i Kitab om i Habal do Kovosihan o kadapat mancadang dit atag om amu. I hal do business, varo hoturan kondiri. Banal-no, ino hoturan dino, i hoturan do himbaan, kodung amu-ko mang-akan di vokon, akanon-ko di vokon. Ong amu-ko mongorugi di vokon sid gama mokihuhuntung, ikau o rugizon. Suvai opud ong mongorugi di vokon om mogihim do kohuntungan om kosurutan do kohuntungan. Tu bai-ko i siin om i vaza pogumu di siin o mangahatul sampai ino-no i monguasa di ginavo om pongitungan dot ulun. Topot, ka di Yakub, Suvaiko i tokou, nga sid tinoguvangon-nopo do Kinoringan om engat dot sid palad tokou dau. Om i Kinoringan manahak sid di tokou do koriatan om kasampatan posurut di kenginan do Kinoringan, sampai i kenginan kondiri, nga nakasahau-no sid kenginan do Kinoringan. Varo-no laid boros di Paulus do iadino Usuran 18,21 om 1. Kor. 4,19) Sid harapan di iadino amu momuruvak it ulun Kristian, tu andaman dot ensanan iosido opud ong antad sid kovosihan om kenginan do Kinoringan. ayat 17: Iri-ogi it ulun okonko suvai kisala, ong kotimbaru iosido do sala om karaatan, inoi nga i kobuatano om kavazao dit amu engat i kosusaan dit ulun vokon, i sid somok-ku, mad sala-ku om vaza do pakaso di kenginan do Kinoringan. I hal dit amu toguvangon-ku, minsanko elaan-ku dot atag do gamaon, ino nga nokosuvang-no do sala-ku. Sabap nunu-nopo i varo sid dohon, varo-po kogunaan sid ulun vokon. Ino barang ko hal okonko bai tomodi do varo dau, inoi nga apakai-po sid vokon, okonko bai sumahau. Ino hal dino, okon baiko barang o panangan, inoi nga i keloo tokou om i pangalaman tokou, nga kadapat-po mamakai do kosuruto om kosinango dot ulun vokon. Banal-no ong varo mogindaradan-nopo iosido, amu atag do iri-no ko iri o tahakan, inoi nga monulung dit ulun dino supaya iosido poriat di dau do kosukupan om mogihim di dau do katagan. I harati, tanid i tanggung jawab ponong sid ulun do iadino om tanid sid ulun dit osusa..(Andaman-ku i tuturan dot ulun, varo manaud puruvan do kodung kavaliu sid station vokon, tinagad-no dau i sokoviai i punti sid station laid om it a-ko piro o pazas, tu, ka dau, ioku o minanom, amu-okuno kadapat mongotu dino, ka. Rinubat dau i dau do ginama. A-kakun dot ulun vokon o mangakan di dau do longon (tanom). 5,1-6: Na nasakup-no kavi momoros ino. Lobi-po minsomok i Yakub sid ulun di kibarang. Iadko i Yesus sid Lukas 6,24-26 tumoguvang i Yakub dit ulun do lumundu, boros dau, Osusa-kou-no, ka. Pogili iosido sid dioti dit agazo o pensubaan kananganko i kolunduo dioti dino. Mad mogkorudu i Yakub gima it ulun dino dit oholian mopud antad sid gama kumavid do siin sampai ino siin dino iadko rogon sid palad di mamalid di ginavo dioti dino. Sabap asadapan osuvaban ioti dot osusa mongon-tupat di kosuruto di siin dino, amu-no otibang-po dioti mongimot it ulun vokon. I siin dioti o najadi do harapan dioti. Topot, ka di Yakub, ino siin dino di sid palad dikou tumogol, tu amu apakai ino bahagi di kosinango om kopudan dot ulun, inoi nga bai rontob mahu-tahu sid lundu dit isot ulun ko it ongkob dau. Ino gama mongindukut do barang om siin do manahu o tomodon, jumadi do harapan sampai monguasa di ginavo dot ulun. Ino pongitungan dino iadko apui dit aso tenganan momisok. Kenginan di Yakub, it ulun masi sid tinoguvangon di Tuhan di rumikot vagu. Sabap it umul tokou okonko sampai penlaid, varo sukud tokou om i timbagos tokou sid palad do Kinoringan. Kagi kiniro di Yakub dot osomok it hoturan om karajaan do Kinoringan (it adau di Tuhan nokensomok-no). Ong i tokou biano, hiza dit Abad ko-20, na lobipo kaharati di boros diri, tu i riniba didino mad mangavi banal di kosukupan do pomogunan dot amu engat do varo-po 175
solumpak vagu om anganak sid tohudi dit engin masi sid suvang do pomogunan. Mangavi it ongoulun mokihuhuntung sid ongohimbaan, sampai mavi i vaig om darun om it umau tana sampai lumisun-no i barat sampai sumimban i pomogunan om i buatano do pomogunan om rahat dot amu-no elaan tokou o kosondoto. ayat 4: It ongoulun sid ponong Utara om Barat mangavi banal dinot ongo-kosukupan do pomogunan, i basi om i tima om it ongosada sid rahat, tazon-ko ovukakangan do vizau. Topot it ongobansa vokon sumurut mosikim om i barang dioti nga humino ko kumurang-no it ongohorogo. ayat 5-6: It Usuran do gorija sompomogunan antad di hiza di Yesus sampai biano, manalahas dot ino tudukan di Yakub banalko kiguna om kiontok.Tu vokon-no ong kalandu i gorija sid gama mogihim di kosinangan kondiri dot amu-no engat i razat do piumpugan, sukul avantang i valai gorija om it ongoalad do gorija, om i gaji di pandita om it ongostation om i iadino, nga amu-no engat it ongokosusaan om korukungo dot ipat-ipat it ulun Kristian, ko it ongopiumpugan sid pomogunan vokon dit osusa om mosikim om aladtakan dit ongobansa vokon. I Paulus minongonsug sid 2. Kor. 8,9, supaya varo piniizaan sid barang om kosukupan dit ongoulun Kristian sompomogunan. Ong i Yakub patalang di rodus om hungot do Kinoringan ponong sid isai-nopo i retanko ulun iosido di dang Kinoringan, ong i gama dau mad atalahas-no dot dang rogon siin om kolunduo. Sid hal dino a-milo-milo momorisa i gorija om mongimpuras di kondiri do siombo i gorija pengkakat, ponong sid kolundu ko ponong sid ulun dit norugino om naladtakan do razat vokon. 5,7-20: I hiza di monginud Sid kovian di Surat di Yakub varo-po't a-ko piro o bahanda, ino-no i vaza monginud di korikatan di Tuhan (7-11) Koubasan di Paulus do manarang-po di hal dino sid kovian di dau dot ongosurat, iadko sid 1.Tess. 5, Gal. 6, 1.Kor. 15) Kananganko it adau do hukuman do penlaid, iadko noboros-no laid sid F. 2,12f. om sid 4,12 sampai 5,1-6, insanpo dino tarango di Yakub dot ensanan i kobuatano om kavazao dot ulun Kristian, guvas om ginavo, gama om kosipan-po, engutan sid gama sumuhut om tumurut di kenginan do Kinoringan. Okudik nga asot nalazan ko a-nokosuvang sid kuasa om hoturan di Yesus. Sabap ino, suvai otopot i gama mumbongut (12). Hiza dot osinang om hiza dot osusa ko varo sakit, nga tumoguvang it ulun Kristian sid Kinoringan sid gama minta dua do mindamo om monorima kaseh (13) Ong varo sala ko varo sakit, nga palanta sid piumpugan sampai poromut sid Kinoringan (5,14-18). Sabap it ulun di songumul-umul sid tinoguvangon do Kinoringan om kumiboros do Kinoringan sid pomintaan dua dau, nga ulun dot arangkap (1,4-5) it okonko mipiduvo o ginavo. Sid ayat 7-11 tumoguvang i Yakub vagu dit ensanan it ulun Kristian sid piumpugan om mangarait dioti dot, Ot Ongobpinai. Suvai alanut o ginavo om i pomuhobo om kogoos-ogi minud dit adau di Tuhan.(7) I suntuan, ino-no i gama mananom om mongotu o mananrang di hiza dit atag minud di kaansako do kouvaan om i korikatan dit adau di Tuhan. Iri-ogi it ongonabi om i Ayub o suntuan di gama minud om tumahan om lumanut sid kosipan om harapan. Ong sukul atarang i gama om kobuatano dot ulun Kristian, amu-no osusa-po iosido monumpa dot ipomihot di boros dau o tomodon. Kodung oho, i harati o, om it Amu, nga amu, sampai amu-no osusa-po do momihot dino gama mongoho ko i mangamu. ayat 13-18: kananganko i gama minta dua: okonko suvai minta dua ong hiza do sumakit ko varo kosusaan vokon, inoi nga it ulun Kristian kotibang om agazo o ginavo tumoguvang sid Kinoringan do mangarazou om sid gama tumatap, do mongohormat iosido do Kinoringan. Ong varo kosusaan do sakit sampai olungui it ulun dot amu katama ko amu kogoos iosido minta dua, it ongoobpinai sid piumpugan tumabang om mongontok minta dua. (14) Iti-no i tugas dit ongokotua Gorija om it ongoponulung om Tumpuk om Manaud puruvan om isai-nopo it ulun Kristian di kitanggung jawab (imatai sid U.R. 14,23; 20,17 om 28; 1. Petr. 5,1-4) It umau, it noboros siti, baiko ubat koubasan diri bahagi mongumau. Sid Mark. 6,13 it kinoruhangan di Yesus minamakai dot umau sid gama pengkod do sakit dot ulun. Ong siti apatong o boros dot i gama mongumau sid ngaran di Tuhan pagama, supaya atalahas dot okonko varo kuasa dot ulun polingos ko pengkod do sakit, inoi nga sid saralom di gama dit ulun mongumau dino mongusaha i Tuhan do kosihatan dot ulun. It osukod do piumpugan bai pakakas di kuasa di Yesus. Pengkaa dino, sabap vokon-no ong varo kagavul i sakit do guvas om ginavo antad sid kasalaan om karaatan, hiza-no dino it ulun di kisakit o kadapat mangakun di karaatan dau sampai kemot do kaadaan di kasalaan om karaatan dau. Tu suvaiko osihat it ulun sid guvas om ginavo om banal-ogi kosihat iosido vagu. Noboros-po i kanangako i kosusaan om karaatan dot isot ulun sid piumpugan, popuhondom-no om mongonsug-no i Yakub dioti dot amu engkod do mangatag ombo it amu atag sid tanga do piumpugan. Suvaiko it ongoulun Kristian mongimbulai di dau om dau do karaatan sid tinoguvangon do piumpugan om iri-ogi i piumpugan mongontok minta dua mindamo di kaadaan di karaatan dino, iri-ogi osihat om osinang i piumpugan dot ulun Kristian. Tu sokoviai i karaatan dot ulun Kristian mangazau om mongunang sampai posusa di piniizaan dot ulun Kristian. 17-18 I Yakub momihot-po di kogunaan do pomintaan sid suntuan di Elia om i gama dau minta dua. 19-20: Ino kovian banal di surat di Yakub amu minanarang dot salamat ko barakat. Gamko mongimuhun iosido dit ongoulun Kristian insan-po dino, supaya amu kalandu sid pensubaan; ino-no i sid tudukan di mamalid ko i nunu-nopo, sampai manarang-no vagu di tanggung jawab di sokoviai it ulun Kristian ponong sid koruhang supaya iso nga aso malid ko lumisang ko tumohiang, inoi nga sumuhut-no kavi. Sabap minsanko iso-not ulun sid piumpugan do tumohiang sampai malid, nga ensanan-no i piumpugan ot anangan di kopolidan dino. Ensanan i piumpugan nga varo tugas do mangagazad om monunda dit ipat-ipat it ulun, supaya varo rikoton om varo kemumuzan. Iti-no mad tajuk dit ensanan i surat di Yakub, antad sid Fasal satu sampai kovian.
176
PONGOSUSUZAN
nalad
Panarangan dit Injil Lukas: Umpatod
2
I. 1,5-2,52 It usul dit anganak-po i Yahya om Yesus
3
II. 3,1-9,50 I gama di Yesus sid tanga do razat
11
III. 9,51-19,27 Sid tanga do ralan kumaa sid Yerusalim A. 9,51-13,21 I keso bahagi di kinapamanahan di Yesus B. 13,22-17,19 I koduvo bahagi di kinapamanahan di Yesus C. 17,11-19,27 I kotolu bahagi di kinapamanahan kumaa sid Yerusalim ).
30
IV. 19,28-24,53 I kasansaraan, kapatazan om kogulianan di Yesus A. 19,28-21,28 It a-ko piro ot adau sid Yerusalim i Yesus Panarangan bahagi di korikatan vagu di Yesus sitid pomogunan. B. 22,1-23,56 I kapagasan om kapatazan di Yesus Kananganko i kapatazan di Yesus sid kazu do sangkap C. 24,1-53 I kinogulianan di Yesus
56 77 90 94 96 97 102
RINGKASAN DARI PENERANGAN INJIL LUKAS. (I nisurat di Pendeta OttoDilger toun 1970 ontok bahagi dit ongotudukan sid ongopiumpugan diri) 105 I Surat di Paulus pakaa sid Efesus
128
I Keso Surat di Paulus pakaa sid Tesalonika
149
Keso om koduvo surat di Paulus pakaa sid di Timotius
157
Tafsiran di Surat di Yakub
167
Pongosusuzan
175
177
