2015 Bumiyaken Basa cerbon Liwat Cerkak

tabloid edisi kedua / Juni / tahun I / 2015

Bumiyaken Basa cerbon Liwat Cerkak Saka tatal Masjid Sang Cipta Rasa Geguritan chaerul Salam Gegesik Kampung Seni Budaya

Diterbitkan : Balai Pengembangan Bahasa daerah dan Kesenian Dinas Pendidikan Provinsi Jawa Barat Kerjabareng Lembaga Basa lan Sastra Cerbon (LBSC)

ISSN : 2442 - 7977 Penanggung Jawab : Kepala Balai Pengembangan Bahasa daerah dan Kesenian Dinas Pendidikan Provinsi Jawa Barat, Ketua Lembaga Basa lan Sastra Cerbon (LBSC) Dewan Redaksi : Drs.H. Husen R. Hasan, M.P.d, Sumbadi Sastra Alam , Nurdin M. Noer, Supali kasim, M.P.d. Pemimpin Umum/ Pemimpin Redaksi : SUMBADI SASTRA ALAM Redaktur Pelaksana : SUPALI KASIM, M.P.d. Liputan :Dessy Persia Distribusi :Edo Kandar Keuangan :Oon Konaah,SE, MM Tata Letak : Hasnan

Alamat Redaksi : Jl. Gunung Agung D I no 2 Perumnas Kota Cirebon , Komplek Asrama Putri Pondok Pesantren Al-Ishlah Bobos Desa Bobos Dukupuntang Kabupaten Cirebon 45652 Tlp. (0231) 8344723 Hp. 085224372766

Cover : Setupatok (foto Liyandra Rustam)

2

Gegesik “Kampung Seni lan Budaya”

M

asyarakat Gegesik Kabupaten Cirebon kelayan upayanipun milai mangun “Kampung Seni lan Budaya” ning wewengkone. Boten sareng bantuwan saking pemréntah, sanajan sepésér, para seniman teng wewengkon wau nggalang kekiyatan seninipun, Minggu énjing (19/4/15) Bupati Sunjaya Purwadi nglakukaken samuwa (dengan upacara resmi, pen) nyatakaken minangka “kampung seni lan budaya”. Gelar budaya ingkang kaping kalihé niku ditongton éwuwan masyarakat kang wonten teng riku. Masyarakat nikmati suguhan keseniyan daerah/tradisional, kadosdéné tayuban, tarén topeng klana, sampyong,debus, pencak silat, rudat, rampak gendang, ronggéng bugis, parade singa,tarling klasik,genjring brai lan keseniyan sanésé. Gegesik pancén maksih lebet teng kubengan kabudayan Cerbon. Prabawa utawi pengaruhipun kentara sanget, kadosdéné wayang kulit, tetarén topeng, seni ukir lan sanés-sanésé dados cirri lan anggadahi greget ingkang ageng. Gegesik ngrupiyaken sawiji kecamatan teng Kabupaten Cirebon kang paling amba, sesampuné Kecamatan Gunung Jati ingkang gadahi 15 désa, sementawis Gegesik nggadahi 14 désa.Teng antawis kawan welas désa wau, wonten enem désa ingkang nggadahi potensi ageng kanggé kelanggengan keseniyan tradisonal, antawisé Gegesik Kidul, Gegesik Lor, Gegesik Wetan, Gegesik Kulon lan Bayalangu. Ningali potensi wau, masyarakat Gegesik ingkang kreatif cocok dicalonaken minangka “Kampung Seni lan Budaya” Cirebon. Perkawis niku ditingal saking sedanten jinis keseniyan tradisional ingkang digadahi Gegesik. Sanésé kasugihan keseniyan kang wonten, Gegesik uga sampun nengeraken minangka ”wewengkon budaya”. Wontené acara adat uga dalan-dalan utawi babasan ingkang sampun nganggé wasta gegedug pewayangan, kadosdéné teng kubengan Désa Gegesik Kidul, dalan Samiaji, Nakula, Sadewa lan Janaka sarta Siliwangi. Gegesik pancén sampun dados jujugan kalangan mahasiswa lan pelancong ingkang dugi lan bade ginau keseniyan teng wewengkon wau, paling kawentar Matthew Isaac Cohen ingkang saniki sampun dados dalang wayang katungga (terkemuka, pen) teng undagan internasional lan guru ageng seni tongtonan teng Universitas Glasgow lan London Inggris.Mekoten uga pelajar sanésé saking Jepang, Australia, Amerika, Inggris ingkang pancén sengaja dugi kanggé saba, ningali langsung parapelakuseni utawi ginau kanggé ndalemi keseniyan. Dinten Senén (11/5) pada gegedug Gegesik pada kempal teng kantor kecamatan wewengkon wau bahas kawontenan peparengan wau. Teng rancananipun,Gegesik ditetepiminangka “Kampung Seni lan Budaya” kelayan catetan sedanten masyarakaté sadar seni lan wisata. (NMN)***

BALE BASA : EDISI DUA - Tahun I - JUNI 2015

Bumiyaken basa Cerbon Liwat Cerkak

A

Dening : SUMBADI SASTRA ALAM Penyerat cerkak lan Wakil Sekretaris Lembaga Basa lan Sastra Cerbon (LBSC)

PA kang disebut karo “crita cekak”? “Cerkak akéh ditulis lan dimot ning pirang-pirang koran, majalah, radio atawa diwacakaken langsung déning sawiji wong.Cerkak, mangrupa narasi fiksi kentel kelayan jinis prosa. Biyasané nyangkut jumlah watek tembung ingkang cekak lan fokus teng sawiji tema. Sewaliké novel, biyasané nyajikaken katah karakter tembung kelayan langkung luwes dimegaraken ngliwati pirang-pirang alur crita lan konflik kang bisa ngadegaken emosi.

Ning wewengkon Cerbon, crita cekak diawiti kelayan dongéng lésan kang biyasa dikocapaken déning mama lan mimi atawa aki lan nini. Dongéng-dongéng kayadéné kisah kepahlawanan sering ditetélakaken déning “dalang catur”. Pramucarita mau ndongékaken sawisé bakda salat Isya. Dalang lan tetabuhan kabéh kanggo cangkem atawa lésan. Dongéng-dongéng, kayadéné “Pangumbaran Pengéran Walangsungsang” atawa “Lintang Kerti Jéjér Satus” kang ditulis déning Ki Masduki Sarpin lan Mang Bodong ning taun 1970an masih sering dirungokaken ning radio-radio swasta sekubengé wewengkon Cerbon. Crita cekak kelebet karya sastra lésan atawa tulis kang sekiyen masih dadi tetenger anané kabudayaan (basa) manungsa ning salah sawiji wewengkon. Lan wewengkon Cerbon keceluk sugih crita-crita mau. Crita “Man Bagong Punuké Ilang” sedurungé didongéngaken déning jenaté H. Abdul Adjib wis sering didongéngaken wong-wong tuwa bengiyén. Mengkonon uga crita saking BALE BASA : EDISI DUA - Tahun I - JUNI 2015

mancanegara, kayadéné saking Timur Tengah wis ora adoh maning karo bocah-bocah zaman mau atawa sekiyen. Dongéng kayadéné “Aladin”, “Sinbad” lan dongéng-dongéng mitos kayadéné “Hercules” lan dongéng para déwa Yunani kuno lan India pernah jaya ning wewengkon Cerbon.

Dongéng-dongéng mau ning wayah sekiyen di”metaformosa”kaken dadi dongéng Cerbon kang nduwéni ciri kas. Crita karangan (carangan) kang tegesé crita “babad” kang dimegaraken lan metu saking “galur” (induk crita, pen) crita. Ning ngisoriki, sawiji crita cekak (dongéng) kang ucul saking galur. Wong nom Ki Jaya kang élmu kedigjayaané bli diragunang maning. malah duweni ati cilik. Lawas bli wani nyampenang rasa cintae ning wong wadon nom.Gara-garae Ki Jaya waktu cilik duwe pasuryan kasep, sekien dadikatone burak rantak. Rai Ki Jaya akeh codetan bekas kenang goresan pedang waktu melu perang. Nanging Ki Jaya masih nduweni semangat nuntut elmu kang bli mandeg-mandeg. Ki Jaya duwe prinsip yen wong urip aja mandeg guleti elmu sampe jasad manjing ning liyang kubur. Dina namba bengi, wulan masih tanggal patbelasé, langité masih katon padang blendrang. Ki Jaya ngapus banyu mataé. Tangi sing ndodok, nyruntul mlaku ngincig. Ki jaya duwé niat arep namba élmu kedigjayaan.

3

Gelisé lan gancangé wong sakti ngincig, Ki Jaya masih waya bengi nyampe ning pengguron Leuweung Gajah, kang langsung binaane Ki Kuwu Cerbon Pangéran Cakrabuwana. Atawa dikenal karo julukan Ki Gedé Pertapa. Wewulanan Ki Jaya ngaji blajar ning Penggoron Leuweung Gajah, Durung setaun, élmu kedigjayaan Ki Jaya namba ningkat.

“

Sanajan mengkonon crita cekak Cerbonan anduwéni kekasan déwék, yaniku basa, watek lan alur crita.

“

4

Ki Kuwu Cerbon Pangéran Cakrabuwana ngrasa seneng duwé murid Ki Jaya, wong nom kang taat ngamalaken élmu kedigjayaan lan élmu keagamaan. Nanging nambaé élmu kedigjayaan kang diserep sing Ki Kuwu Cerbon Pangéran Cakarabuwana, bli namba sumringah atiyé Ki Jaya (DEMEN BLI KLAKON, KI JAYA NYLENÉH, Sumbadi S.A) Prabawa babad lan Mahabharata

Crita cekak Cerbon nyatané ora bisa ucul saking babad lan kisah pewayangan. Diinté saking kumpulan karya kang lagi dibedar, kisah galur (induk, pen) Mahabharata masih kékét ning imajinasiné penulis. Kayadéné cerkak kang ditulis déning Radén Karno, “Dina Kaping Pitulas” nyritakaken perlayané Radén Gatotkaca lan Adhipati Karna.

cekak kang sering nggambaraken gaya sastra kang lagi usum wayah kiyen.

Ning isor iki contoh sawiji cerkak modern ingkang ana pautané karo kaanan kauripan manungsa sekiyen. “Darpan mlaku mondar-mandir ning adepan ruang lairan ning sawijiné klinik bersalin, persis kaya adegan sinetron ning tipi. Déwéké lagi nonggoni Warsini, rabié, kang arep nglairaken anak kesiji. Rainé Darpan katoné kuyu lan kepegelen. Nalika kentongan ning pos ronda muni rong kali, rabié manjing klinik bersalin kuwen. Rabié lagi nahan rasa mules wetengé. Jare bidan kang tugas ning klinik nembé buka papat. Mungkin wayah Subuh bisa ngelairaken. Darpan masih mlaku mondar-mandir, sedélat-sedélat ndeleng jam kang némpél ning témbok klinik. Perasaan Darpan Jarum jam témbok kang ning klinik muteré kaya alon. Cangkemé komat kamit maca donga kanggo keslametan rabi lan anakké kang masih ning jero weteng.

“Perang gedhé-gedhéyan antara Pandawa lan Kurawa kang disebut Perang Jaya manjing ning dina kaping pitulas. Ari ning Cerbon disebuté dudu Perang Bharatayudha, tapi perang Jaya, sebab bisae perang dudu rebutan negara, tapi perang negakaken kebeneran. Ning dina kang kaping pitulas, sing dadi senapati sing pihak Kurawa, Adipati Karna. Ari Adipati Karna sebenere kakange Pandawa beda Bapa. Adipati Karna putrae Kuntinalibrata karo Betara Surya, ari Pandawa putraé Ibu Kuntinalibrata karo Pandu Dewanata” (Dina Kaping Pitulas, Raden Karno). Kisah-kisah kuno saking India, jagat Arab kadosdéné “Séwu siji bengi” masih dadi imajinasi para penulis nom-noman. Nanging teng pandengan séjéné crita cekak wayah saniki kang kawentar ngrupakaken pangembangan saking abad kaping nembelas, nalika majalah popular lan sastra mulai nerbitaken crita BALE BASA : EDISI DUA - Tahun I - JUNI 2015

“

Katah masyarakat adat lan pakar basa ingkang gadah damel kanggé ngandegaken kacondongan wau, ingkang ngancam kanggé ngirangi warisan jagat budaya lan basa.

Lamat-lamat krungu swarané adzan subuh saut-sautan. Terus incig-incig bidan mau katoné sibuk. Jantung Darpan nambah deg-degan, raié katon tegang. Darpan ngiringi karo donga atié wis pasrah maring Allah, sebab kelairan, kematian, rejeki lan blai, kabeh wis diatur dening Gusti Murbeng Dumadi.” (NUTUP DALAN, cerkak Wawat Daengwati). Crita mau kepanjing crita populer kang biyasa ngisi kaca majalah kusus wanodya.Crita kang mambu kamanungsan lan gampang dicerna déning pemacané. Sanajan mengkonon crita cekak Cerbonan anduwéni kekasan déwék, yaniku basa, watek lan alur crita. Ndeleng tangtangan basa Cerbon ning wayah global, bener-bener watiraken yén basa mau bakal ilang. Crita cekak ning kéné bisa nyegah kailangan basa mau. “Icalé sawiji basa wewengkon kedah ditafsiraken kelayan icalé uga sawiji kabudayaan ingkang inggil ajiné. Wajar, yén W United Nations (Persatuan Bangsa Bangsa) netepaken 21 Februari minangka Dinten Basa se-Jagat. Selaras sareng isi Perda Jawa Barat no.5/2003 ingkang sampun diubah dados Perda 14 Tahun 2014

“

BALE BASA : EDISI DUA - Tahun I - JUNI 2015 lomba dongeng tingkatKabupaten Cirebon (foto: dok disporabudpar kab. crb)

teng provinsi wau wonten tigang basa wewengkon, yaniku Sunda, Cerbon-Dermayu lan Melayu Betawi,”(Nurdin M.Noer, makalah Bedaran basa Cerbon, 2014). Teng millennium kaping kalih ingkang pungkasan, langkung saking 6.000 basa manungsa ingkang bénten-bénten dienggé teng jagat. Katah pakar basa ingkang ngira-ngirakaken teng taun 2.100,mung kantun separoh saking basa-basa puniku maksih digunemaken lan unggal 12 dinten bakal ical setunggal basa. Kénging punapa basa ical? Alesan paling dasar, yaniku mundaké kontak antawis masyarakat manungsa ingkang sedéréngé dikucilaken. Basa pancén,miturut teore pakar wau, basa perlu dikucilaken kanggé megaraken lan netepaken jatidiri kas piyambeké. Nalika “pengucilan” rampung, basa lokal condong ical sesarengan kegesangan sacara tradisisonal. Katah masyarakat adat lan pakar basa ingkang gadah damel kanggé ngandegaken kacondongan wau, ingkang ngancam kanggé ngirangi warisan jagat budaya lan basa. Katah sejarah masyarakat lan budaya ingkang ngandung teng lebet basanipun. Kanggé kaicalan basa leluhur, yaniku kanggé ngringkihaken tautan kanggé leluhuripun piyambek. Kadosdéné basa ingkang ical, bandha kaya budaya, seni lan élmu kaweruh ical sareng piyambeké (ibid).***

5

Pedati Gedé Pekalangan

Keobong, nalika Gégér Kampung 1937 PEDATI Gede Pekalangan (foto: dok.NMN)

B

ANDHA mangrupa pedati raksasa punika saniki maksih disimpen lan diopeni déning sawiji kuncén kang dianggep maksih wonten keturunan saking Kesultanan Cirebon. Tilasan kadosdéné roda, pilarpilar kajeng lan sanésé sengaja disimpen teng sawiji kamer kanggé pengamanan saking “tangan usil”. Genahé wonten teng kubengan kampung rapet penduduk, yaniku Kampung Pekalangan Selatan Kelurahan Pekalangan Kota Cirebon. Pedati Gedé ngrupiyaken tilasan saking Pangeran

6

Cakrabuwana putra Prabu Siliwangi Pajajaran, uwanipun Sunan Gunung Jati. Pedati niki pernah dienggé Pangeran Cakrabuwana kanggé sarana angkut bandha material kanggé mangun Masjid Agung Sang Cipta Rasa nalika abad 14 Masehi. Gadahi panjang sangang meter lan lébar kalih méter. Pedati niki didamel sedatené saking kayu jati lan ditarik kalih kebo bulé. Miturut kapercayan juru kunci, pedati wau saged mabur, amargi antawis roda ajeng lan wingking boten saged némpél dados setunggal.


Piyambeké disukani dedamelan saking Ki Kuwu Cerbon kanggé damel pedati gedé

Miturut juru kunci Pekalangan, Nyai Taryi (61) teng taun 1937 “pedati gedé” pernah keobong, akibat gégér wentara (antar) kampung teng kubengan Désa Pekalangan, nanging saniki sampun dibérési. “Lan kajeng-kajeng tilasan kebakaran maksih disimpen rapi teng kamer genah nyimpen pedati wau,” capé Nyai Taryi. “Tilasan kang maksih wonten saniki lan dirawat mangrupa séla (watu) kanggé nginumé kebo bulé.” Miturut Taryi uga, wonten sawiji turis saking Denmark kang dugi teng kampung punika nyebutaken, “pedati gedé” Pekalangan ngrupiyaken pedati paling sepuh lan paling ageng teng dunya. Wonten sawiji kedadosan ingkang ajib, nalika sawiji tiyang saking wewengkon Dermayu nglakukaken tirakatan teng genah wau lan nalika wangsul bakta sawiji pecahan kajeng saking riku. Bénjingé tiyang kang tirakat wau kepaksa balikaken malih kajeng wau, amargi ngrasa didugihi Pengeran Cakrabuwana. Sebab,, miturut juru junci, kajeng kang kebakar kedah caket lan boten saged tebih saking pedati wau. Miturut babad Cerbon, nalika mangsa semonten lan awal ajaran Islam megar teng Bumi Cerbon. Wonten sawiji gegedug, Ki Pengalang-alang.


Nalika munggah kaji, Ki Pengalang-alang niti prau jukung, nanging nalika wonten teng tengah segara praunipun diserang ombak ageng lan pecah berantakan. Ki Pengalang-alang piyambek slamet rahayu ditulung sawiji akiaki kang bakta piyambeké teng dasar laut. Teng riku Ki Pengalang-alang katah disukani wejangan élmu kaweruh lan dinasihati supados sesampuné dugi teng pedukuhan Cerbon kanggé wasta “Ki Gedé Pekalangan:. Teng Tanah Suci kelayan kusus nglakoni ibadah haji. Selajengé sawiji syekh nyukani gelar sareng wasta “H. Abdul Karim.” Sedéréngé mlebet Islam, Ki Pengalang-alang nggadahi wasta “Ki Danu Séla”, sawiji pepatih saking Nagari Pajajaran. Piyambeké disukani dedamelan saking Ki Kuwu Cerbon kanggé damel pedati gedé kang kagunaané ngangkut kajeng saking wana bahan damel Mesigit Agung Sang Cipta Rasa. (NMN)***

Pedati Gede Duplikat (foto.dok)

7

“Gedong Bunder” Kebumen 1920

G

Gedong Bunder, sawiji wangunan kang wonten alun-alun Kebumen Kota Cirebon.

8

edong mirip peluru punika ngrupiyaken tetenger kota Cirebon lan sampun dados situs ingkang kedah diopeni lan dilanggengaken kawontenané. Gedong kang ngadeg teng alun-alun Kebumen niki wonten teng wilayah Kelurahan lan Kecamatan Lemahwungkuk.“Gedong Bunder” diadegaken taun 1920 sesarengan Pemrétah Kota Cirebon wayah saniku mangun riol teng prapatan Cangkol. Jl.Merdeka ingkang nyambungaken gedong wau sedéréngé ngrupiyakan alur “Kali Bacin” kang ngrupakaken bibité penyakit malaria. Nalika Pemréntah Hindia Welanda mangun saluran pembuangan teng laut. Saged ditebak,yén gedong wau nggadahi fungsi nganggé ngawasi alur riol utawi buangan limbah nganti pompa riol teng pojok Jl. Ade Irma Suryani (saniki). Seleresé gedong niki ngadepi srengéngé utawi madep ngétan. Diadegaken teng inggil lemah daratan kang sengiyéné diwastani “Kebon Praja”. Anggadahi 14

jendéla. Saniki jendéla teng gangsal sisi tembok sampun dirurup lan diplester. Saking sekawan jendéla tilasan wau, kalih sisi wonten teng bang lér lan kalih malih wonten teng sisi kdul. Miturut data saking Disbudparpora Kota Cirebon, nalika masa pemréntahan Hindia Welanda, gedong niki didadosaken pos jaga. Komando Rayon Militer (Korem) Sunan Gunungjati Cirebon mangpataken kanggé kantor radio lan telegraf lan teng taun 1980an fungsinipun dados griya hunian sawiji staf Korem 063/SGJ. Teng taun 1990an Korem 063/SGJ masrahaken gedong punika dumateng Pemréntah Kota Cirebon lan dimangpaataken kanggé Kantor Gapensi. Sesampuné Gapensi nggadadhi kantor piyambek taun 2001 Gapensi masrahaken malih teng Pemréntah Kota Cirebon lan sejajengé didadosaken kanggé sekretariat Unit Pelaksana Daerah Pusat Informasi Pariwisata Dinas Kebudayaan dan Pariwasata Kota Cirebon. Ditingal saking wujudé,”gedong bunder” anggadahi keunikan ingkang boten wonten padanané teng sekubengan jagat. Mung setunggal-setunggalé wonten teng Cirebon. Wangunan niki didamel kelayan kalih umbagan. Teng umbagan kaping setunggal wonten kalih kamer ingkang salah sawijiné kanggé paturasan, sementawis teng umbagan (loteng) kalih ngrupiyaken sawiji kamer mawon. Teng ajengan lawang saking arah kidul lan lér ingkang sisi jabané ditutup sareng tembok “gunungan” werna ijo lan sedantené ditutup sareng lawang wesi. Nganti saniki gedong mungil wau ketingalé diopéni kelayan saé. (NMN)***


“Per Aspera ad Astra”

BALAIKOTA Cirebon 1924 (foto :dok.NMN)

S

“

Pancén nalika awal abad kaping sangalas, Cirebon ngrupiyaken kota kang jorok lan ruwed ngampred.

ERATAN kang wonten teng inggil lawang ageng kamer kerja Walikota Cirebon, maksih ajeg ditémpél teng potongan kaca. Seratan wau mungelé “Per Aspera Ad Astra”. Sayang seratan wau sering ketutup lawon gorden lawang, dados arang-arang tiyang kang saged maos seratan wau. Lan uga arang-arang tiyang ingkang paham makna lan sejarah seratan wau. Ukara wau dipendet saking basa Latin lan upami dialihbasakaken kelayan bebas dados, “Sesampuné ruwed ngampred, dados terang kinclongkinclong” utawi teng basa Indonesia dados “setelah jorok menuju

“


bintang”. Pancén nalika awal abad kaping sangalas, Cirebon ngrupiyaken kota kang jorok lan ruwed ngampred. Sampé mlebet awal abad kalihdasa gambaran punika dereng owah saking pandengan tiyang Welanda. Kawontenanipun kota boten teratur, kotor, bicak, katah lumpur lan combéran uga mboten nggadahi kalen biratan toya limbah rumahtangga. Akibaté, unggal taun nalika usum rendeng Cirebon dados kebanjiran sareng keinggilan toya saged semester teng lebeté griya.

9

“

Sanésé niku teng genahgenah ingkang asring kénging banjir didamelaken solokansolokan kang saged mbirat toya limbah kelayan saé. Awit taun 1925 Kota Cirebon bebas saking bencana banjir lan saged ngirangi serangan pinten-pinten penyakit

“

10

Aliran lépén wau leres-leres ngandelaken teng pasang-suruté toya laut. Nalika laut pasang, sungkrah lan kotoran kang kérem teng laut mlebet teng selebeté lépén lan dados tumpukan kekotoran ingkang kandel teng muara lépén. Kotoran wau nyebaraken mambet bacin. Milaniku warga kang griyaé wonten teng sekubengé nyebat lépén wau sareng wasta :Kali Bacin.” Lingkungan teng sekubengé pesisir kraos gersang lan langkung panas. Milaniku teng kalangan masyarakat Cirebon wonten sebutan, “Sinten mawon kang netep teng Cirebon, kedah kenalan rumiyin sareng penyankit panas (malaria). Upami sampun ketimpa lan lulus saking kepejahan, nembé diakui sah dados warga Cirebon,” makaten pepajaré gegedug Cerbon Dahlan teng selebeté katrangan nalika préngetan tanggap warsa Kota Cirebon kaping séket naun (1906 – 1956). “Kali Bacin” sampun ngrupiyaken wasta ingkang kawentar teng kota-kota kang wonten teng Nusa Jawi waktos punika. Alirané wonten teng sedawané Jl. Merdeka (saniki). Amargi kawontenanipun ingkang kotor boten sawon malih, upami lamuk-lamuk malaria tan wonten gangguan angsal ngembang sareng subur lan unggal waktos ngamuk kelayan cokotané. Boten wonten sawiji tiyang uga ingkang lolos saking serangané. Ningali wargi pribumi ingkang katah kénging penyakit malaria lan prambosia, akibat saking kondisi lingkungan ingkang tebih saking standar kabersihan lan kasihatan, pemréntah munggahaken peratianipun dumateng kampung-kampung wau, sanajan yatra kang wonten kewates jumlahé. Milaniku kedah dipilih dalan lan selokan kampung pundi ingkang kedah dileresaken, capé sejarawan IAIN Cirebon Zaenal Masduqi. Zaenel piyambek sengaja mendet tesis S2-nipun kelayan judul “Pemerintahan Kota Cirebon 1906-1942” teng program pascasarjana Universitas Gadjah Mada Yogyakarta, 2010. Program-program gemeente kanggé ngubah pandengan Kota Cirebon ingkang kotor lan semrawut dados bersih lan tertib diawiti dening Asisten Residen J.H. Eycken nalika taun 1917 kelayan nutup “Kali Batjin”. Nalika Kota Cirebon sampun nggadahi burgermester (walikota) ingkang tetep teng taun 1920, pawangunan dilajengaken. J.H. Johan minangka

walikota kang kawitan nunjukaken peratianipun nangani perkawis kasihatan kota. Langkah ingkang didamelé, inggih punika damel gorong-gorong teng andapé lemah dijejegi mesin pompa kanggé nyaluraken toya jawo, toya tilasan siram, kumbahan lan sanés-sanésé. Sanésé niku teng genah-genah ingkang asring kénging banjir didamelaken solokan-solokan kang saged mbirat toya limbah kelayan saé. Awit taun 1925 Kota Cirebon bebas saking bencana banjir lan saged ngirangi serangan pinten-pinten penyakit, capé Zaenal Masduqi malih. Mlebet teng taun-taun kawitan, pemréntah kota ingkang dipingpin dening asisten-residen boten ketingal teng arah bebérés. Nembé teng taun 1917 waktos asisten-residen dilinggihi J.H. Eycken (1917 – 1920) pemréntah kota milai nggerakaken programénipun. Kaping kawitan kang ngrupiyaken kaowahan ageng kanggé kepriogiyan kota nutup “Kali Bacin” ingkang dianggep petarangan pinten-pinten penyakit. Pedamelan puniki pesta teng taun 1920. Sesampuné lépén ingkang kawentar mambeté niku ical, bekas-bekasé dados margi (saniki Jl. Bahagia, Jl. Kantor lan Jl. Merdeka) dan gedong-gedong antawisé pabrik rokok BAT. Teng taun 1920 Kota Cirebon dipingpin burgemeester kang kawitan, yaiku J.H. Johan (1920 – 1935) kang musataken pandengané teng bidang kasihatan. Kanggé nyaluraken toya jawoh, siram, kumbahan lan sanésé diwangun bis-bis riol teng andapé daratan kelayan pompané. Uga teng genah-genah ingkang asring dados genangan toya, kadosdéné teng Cirebon bang kidul didamel solokansolokan ingkang saged ngaliraken toya kelayan saé. Awit taun 1925 Kota Cirebon sampun bébas saking bencana banjir lan serangan penyakit panas. Teng wewengkon Kesambi diadegaken griya sakit teng taun 1921 lan saged ngrawat 133 tiyang (saniki RSUD Gunung Jati). Sementawis wewengkon Kesambi kang sedéréngé ngrupiyaken sabin milai ramé lan teng kiwé tengené diwangun gedong lan griya saking pring, capé Zaenal ngutip saking katrangan gegedug Cerbon Dahlan. (NMN).***


Ora Nana Bagus Rangin Ora nana bagus rangin Ning sejeroné mal magrong-magrong sepirang-pirang Menusa pating sliwer gegulat kasenengan mangrupa dedunya Separate-parat Ora nana bagus rangin Ning mobil tetumpakané para gegedug pating sliwer mobat-mabit Gegulat pengakoné rerayat kabéan sedalan-dalan Ora nana bagus rangin Ning pendongané para kyai lan sesantri kabéh: pondok plipiran Alas wiwitan jati kalenan banyu bening adem-ademan Ora nana bagus rangin Ning angka-angka APBD lelakué para gusti kaula wewakil rerayat dening :Chaerul Salam

Ora nana bagus rangin Ning témoan para pangréh selawas-lawas Ning catetan sedawa-dawa wewaktu Ora nana bagus rangin Rangin ora bagus nana Nana bagus ora rangin Bagus ora nana rangin Bagus rangin: ORA ! Februari, 2010

Guritan Khusnul Khotimah Duh Senok Ning antawis mega lan siti Awak mungan bisa nguteri Baturi waktos dateng sakedik ilang teng jaman Nunggu alesan kang gawe bimbang teng idaman Duh senok cah ayu… Apa sampéyan persis kalian kula? Apa sampéyan péngén nutup rapet – rapet dalan setapaké kula? Ndeleng na angin nutup kula karo awu lan pasiré Ngelawan topan Ngeleburaken ati kang wis kaku Duh senok cah ayu... Kula ora sanggup Ati kula kanggo sampean tapi sakiyen jiwa kula boten sareng awaké senok kang kakang idamaken Cirebon, Januari 2013


11

Mider

12

Kirab Gegesik


Kirab Gegesik


Mider

13

WACANA Aksara Urip lan Aksara Mati Basa Cerbon

déning : SUPALI KASIM

Ning élmu tatabasa (paramasastra) ana istilah fonem, yaiku “kesatuan” muniné basa paling cilik sing bisa mbédakaken arti; utawa fonem iku muniné basa sing bisa gawé guna.Perkara mengkénén, kasebut ning paramasastra Cerbon ana aksara urip (fonem vokal), la ana aksara mati (fonem konsonan).Miturut Keraf (1986:34), vokal iku unén-unén sing dadi, sebabé ana hawa metu sing paru-paru, lan ora ana alangan. Vokal utawa aksara urip ning basa Cerbon dikenal enem macem, yaiku a, i, u, é, o, e. Perkara mengkénén beda dibanding basa Indonesia. Senajan kocapé vokal ning basa Indonesia ana enem, nanging wujud tulisan vokal ning basa Indonesia mung ana lima, yaiku a, i, u, e, o. Vokal é lan ening basa Indonesia mung e baé wujud tulisané.

Aksara é lan e enulisan aksara urip é kudu beda karo e. Perkara mengkénén supaya bisa mbédakaken bébék (itik) karo bebek (tumbuk);anténg (keras, seru) karo anteng (tenang); cécék (kulit matang) karo cecek (cicak), lan séjén-séjéné. Yén niténi aksara urip iku, ana siji BALAIKOTA Cirebon 1924sing (foto ora :dok.NMN) pernah dienggo ning guri. Sebabé? Langka tembung ning basa Cerbon sing nganggo aksara akhiré e. Yen e dienggo ning arep, ana. Contohé: endog, endas, entok, lan séjéné. Yen dienggo ning tengah, akéh pisan. Contohé: beras, sega, laler, lan séjén-séjéné. Tapi, e ning guri tembung, nyatané langka.Durung pernah nemu. Perkara séjéné yaiku diftong utawa vokal loro urut-urutan sing diucapakené mung siji ning siji waktu sekaligus. Kaya-kayané ning basa Cerbon ora ngenal diftong.Yén ning basa Indonesia ana tembung pulau, diucapaken pulaw.Kuwen ana diftong au, sing diuacapken dadi aw. Pantai, diuacapakené pantay. Ning kono ana diftong ai, sing dicapaken dadi ay. Ning paramasastra Cerbon, ora ngenal sing kaya konon. Langka loro

P

14

aksara urip urut-urutan sing diucapakené mung siji ning siji waktu sekaligus. Tulisan lan kocap pada baé, kayadene balé, tulisané dudu balai, tapi balé. Pulo, tulisané dudu pulau, tapi pulo.Gulé, tulisané dudu gulai, tapi gulé. Ana istilah aksara urip, ana maning istilah aksara mati utawa vokal konsonan.Miturut Keraf maning (1986:35) fonem konsonan iku muninéujaran sing dadi sebabé hawa sing metu sing paru-paru olih halangan.Ning kenyataan paramasastra Cerbon sing ana masyarakat, akéh bedané yén dibandingaken karo basa Indonesia. Aksara mati sing dienggo ning basa Cerbon, jumblahé ana 20 aksara, yaiku: b, c, d, dh, g, h, j, k, l, m, n, p, r, s, t, th, w, y, ng, ny.Ana aksara mati sing ora dienggo, yaiku f lanv, sebabe biasa diuacapakené p; aksara mati z biasa diucapakené j; aksara mati q biasa diucapaken k; x biasa diuacapken s. Perkara mengkénén rada ruwed, sebab aksara-aksara mati kaya mengkonon asalé sing serapan basa séjén, sing ning zaman kiyen pancéné dienggo ning masyarakat Cerbon.


WACANA

“

Perkara mengkénén rada ruwed, sebab aksara-aksara mati kaya mengkonon asalé sing serapan basa séjén, sing ning zaman kiyen pancéné dienggo ning masyarakat Cerbon.

Nimbang zaman Yén /q/ ora dienggo, engko pribén yén nulis Alquran? Yén /f/ ora dienggo pribén sing arané Faridah, Safi'i, Rafi? Yén /v/ ora dienggo, priben sing arané Eva? Yén /z/ ora dienggo, pribén penulisan zakat? Yén /x/ ora dienggo, pribén penulisan mesin potokopi Xerox?Utawa ana aran bocah, arané Nixon?Ahiré, nimbangnimbang megaré jaman, kaya-kaya aksara-aksara f, v, q, x, z kudu dienggo, sebab mélu ning zaman sing mlayu. Ana maning tambahan jumblah aksara mati. Asalé sing aksara Carakan utawa Dntawyanjana, utawa luwih dikenalé aksara hanacaraka. Aksara mati kudu ana aksara dh, th, ng lan ny. Aksara dh béda karo d, sebabé

“


kudu bisa mbédakaken wedi (takut) lan wedhi (pasir). Aksara th béda karo t, sebabé kudu bisa mbédakaken thothok (kulit keras pada hewan kurakura) lan totok (jitak).

Perkara sing bisa dadi ingetan, yaiku ana limang perkara. Kesiji, arang-arang aksara mati h dienggo ning arep.Keloro, arangarang aksara mati f, v, q, x, z dienggo.Ketelu, langka aksara mati c, dh, j, th, ny ning akhir tembung.Kepapat, aksara mati dh lanth arang-arang dienggo. Kelima, arang-arang nganggo aksara mati w lan y ning akhir tembung, kecuali kanggo tembung sing anténg, kayadene aow!, héy!***

15

Nyungsebe Raksasa Ombak Selon Gludug glemeder bli mandeg-mandeg gawe oyeg jagad. Waya bengi,langit kang katon peteng dedet seklentaban padang grindang, kenang tralape kilat. Jagat kang masi dadi alas waya bengi namba peteng rubet. Seklentaban ana wong wujude gede duwur putih kulite, slusupan ning wiwitan rungkeb sejerone alas. Kedeleng ning lampahe yen wong kede duwur iku arane Ki Surya Angkasa . Deweke ora wedi jagad peteng, ora maras ngrungu gludug glemeder. Mlakue gancang kaya ning jagad padang glondang. Dening : Sumbadi Sastra Alam

16

B

ismillah...” Ki Surya Angkasa ngucap awitan babad alas. Karo ilmu aji kedigjayaane kang diarani “Bandung Bandawasa” lan cuman bekel tombak Sigagak, sedelat pisan alas kang akeh wiwitan gede dan rungkeb dadi kedeleng padang grindang. Sejenoe alas Ki Surya Angkara kaget nemukaken kali sedawane teka ning pinggir laut, banyue surud. Kang kedeleng cuman pasir pating gunduk. Pancen Ki Surya dudu wong awam, nanging jare kocape wong kanda anake selir Raja Pajajaran sing Garut. Keblasar ning jaga Astanajapura, sedelat singgah malah oli elmu aji kedigjayaan “Bandung Bandawasa”. Ki Surya Angkara mlaku nelusuri kaliwedi. Setekae pucuk kali ning pesisir cerbon, Ki Surya Angkasa numpak “prau mancung” nelusuri laut Cerbon. Jagad masi katon peteng dedet, trongol ning adepane prau

mucnung ana wujud wong gede ireng blegedegan ngadangngadangi muluncure prau kang ditumpaki Ki Surya Angkasa. “Hua...ha...ha.......wong Kidul, ana apa waya bengi peteng dedet blusukan ning jagad kaler, he ?” kocap raksasa ombak selon ngawiti ngomong karo Ki Surya Angkasa. “Punten sederek, kawula bli ngawiiti ngeganggu lan bli bakal ngawiti nglawan panjenengan wong sakti mandraguna,” Ki Surya Angasa sembari ngrunduknang awake ngormati Raksasa Ombak Selon. “ ha..ha...ha......, sira wong endi asale ?”jare Raksasa ketus. “ Punten kawula aslie sing Garut.Sengaja mlember sanjang ning jagad waliyullah arep gulati sedulur sebapa kang lagi luru elmu ning pengguron Cerbon yaiku arane Pengeran Walangsungsang lan Nyi Mas Rara Santang.


“

Waktu Raksasa Ombak Selon nyerang maning, Ki Surya Angkasa nglolos tombak Sigagak si werangka. Cleb, tombak sigagak nancep ning wetenge Raksasa Ombak Selon.

Nanging kawula ngrasa seneng meneng ning jagad iki. Kawula pengen gawe padukuhan ning jagad kang tek arani Kaliwedi (sungai penuh pasir), mulane kawula tek lakoni babad alas kiyen,” kocap Ki Surya Angkasa alias Ki Kaliwedi sembari tetep nunduk. “Kurang ajar. Sira wong jagad kidul wani-wani kadabrugan ngrusak kerajaane isun ning alas Kaliwedi. Sira kudu weru, isun arane Raksasa Ombak Selon. Bagen isun menenge ning tenga-tenga laut, alas Kaliwedi iku tempat peristirahatane para dedemit kang tunduk ning prentah isun.” Kocap Raksasa Ombak Selon. Ujug-ujug Raksasa Ombak Selon nyerang Ki Surya Angkasa kang masi ning seduwure prau mancung. Masi untung Ki Surya Angkasa kang lagi waspada bli kegembang ning serangane Raksasa Ombak Selon. Nanging Ki Surya

Angkasa ngrasa ning krentege ati yen serangan Raksasa Ombak Selon iki sekedar kanggo medeni bae, naning bisa blaeni, bisa gawe celaka lamun bli cepet-cepet cegah karo elmu kedigjayaan Cerbon kang oli mlajari sing astanajapura lan njajal bedama pusaka. Waktu Raksasa Ombak Selon nyerang maning, Ki Surya Angkasa nglolos tombak Sigagak si werangka. Cleb, tombak sigagak nancep ning wetenge Raksasa Ombak Selon. Sembari klojotan Raksasa Ombak Selon sesumbar. “He wong Kidul, inget isun bli bakal nyerah. Isun bli bakal tunduk ning kesakten sampeyan. Inget, besuk anak putue sampeyan lamun ngliwani jagad laut, tek udag-udag mangsa wurunga mendi bae parane,” sesumbar Raksasa Ombak Selon sembari klojotan terus nglosor kelelep ning sejerone laut cerbon. Ki Surya Angkasa bli maras lan ora wedi ning sesumbare Raksasa Ombak Selon. Sedawane ngelmu ning penguron Gunungjati Cerbon karo sedulure Pangeran Walangsungsang lan Nyi Rara Santang, Ki Surya Angkasa bisa mangkat ibadah haji nglewati laut cerbon. Slamet balik maning teka ning pedukuhan Kaliwedi lan olih gelar Haji Syekh Mangkujati. @

“

foto : dok batamtoday.com


17

Obat Lara Weteng MASIH ésuk Lamsijan matané wis pendelak-pendelik munjuk, pikirané nglamun bli puguh. Bli nglamuni duwit jamsosték, bank béngék atawa sétan téték, tapi kepéngén duwé watu ali-ali kang akéh manfaaté. "Waduh kaya-kaya lamun kita duwé ali-ali kang bisa ngobati macem-macem penyakit bakal sugih duwit. Wong kang pada sakit pada jaluk tulung ning kita, bisa saingan mbari dokter atawa dukun kecetit," jaré lamsijan. "Jan masih ésuk wis nglamun baé, kepéngén kawin tah ?" takoné Garéng ngagétaken Lamsijan. "Waduh boro-boro kanggo kawin Réng, padu saben minggué bli ngutang ning warung gan untung," jaré Lamsijan. "Réng terus terang baé, bisané kita ésuk-ésuk nglamun kuh, yén énté percaya kah jawané sih lagi bisnis cilik-cilikan. Lumayan lah kaggo nambahnambah kebutuan urip, Yén ngandelaken duwit saking pabrik kécap sih bisa-bisa mangap," jare 'Lamsijan. "Dadi kita sekien wis bli butuh pecingan seng énté, butuné modal gedhé," jaré Lamsijan. "Dudu sira lagi bisnis apa ?" "Bisnis watu ali-ali," "Gaya pisan, olih pengalaman seng endi ?" "Arané gan pengalaman, bisa seng dalan, kenalan, demenan, beli kudu geguru kaya ilmu teluh," jaré Lamsijan. Lagi énak ngobrol ngalor-ngidul ujug-ujug Abdul Gepuk teka. "Jan jaré sira arep luru watu

18

alai-ali kang bisa ngobati lara ?" takoné Abdul Gepuk. "Iya, ning endi anané Dul ?" "Wis dibayari ning Misnén," "Wislah ning Misnén sih gampang," jaré lamsijan. Seterusé, Lamsijan, Abdul Gepuk marani umahé Misnén. foto: gambaranehunik.com


“

Sekien Lamsijan bli langsung némpélaken watu ali ning wetengé Abdul gepuk, tapi watu ali dikum dikit ning banyu putihm terus banyu diborehaken ning wetengé Abdul Gepuk.

“

foto: punyasaya.co

"N'en, jaré énté duwé watu aliali kang olih tuku rongatus seket éwuh. Sekien tulung nembé tek bayari baé rongatus pitung puluh lima éwuh," jaré Lamsijan kang mumpung lagi duwé Bos Garéng. "Yaw is bérés, ceg, kang penting durung sepuluh menit wis olih bati selawé éwuh," jaré Misnen. Toli glotak dibayari ning Garéng. "Kesuwun Bos Gareng, kesuwun," Lamsijan seneng. "Kasiyaté ali-ali kien kuh kanggo apa baé Nén ?" takoné Lamsijan. "Kang pasti bisa ngobati lara weteng," jawab Misnén. "Penyakit séjén'e kepribén ?" "Ya bisa. Manastis, endas puyeng, demen wong wadon gembleng gan bisa diobati ngenggo ali-ali," jawab Misnén. Buru-buru Lamsijan balik. "Wah kien sih bakalé gelis sugih duwit, bli kalah bari dukun kecetit." Jaré Lamsijan ning jero ati. Teka ning umah péngén dicoba. "Énté lagi puyeng beli endasé Réng ?" "Rada puyeng," jawab Garéng. Lamsijan langsung uji coba watu ali-ali warna ireng kang embanembané warna emas, tapi sayang bli mempan waktu ditémpélaken ning endasé Garéng. Dadak sekala Abdul Gepuk kang rupané telat mangan kuh lara weteng. "Waduh jan jaluk tulung, nyacak obatana


wetengé kita lara pisan," jaré Abdul Gepuk. Sekien Lamsijan bli langsung némpélaken watu ali ning wetengé Abdul gepuk, tapi watu ali dikum dikit ning banyu putihm terus banyu diborehaken ning wetengé Abdul Gepuk. Tapi Abdul Gepuk angger lara. Seteruse dicoba diinumaken, asilé angger bae "Wah kien sih penipuan. Ayuh Réng, sekien ngoncog Misnén," jaré Lamsijan. "Nen enti kuh pribén masa batur déwék arep ditipu ?" jaré Lamsijan. "Sabar sabar…. Apa persoalané?" takone Misnén. "Jaré énté watu ali kien bisa ngobati lara weteng, endas puyeng, malah ngemat bocah wadon gembleng tapi buktié nol !" jaré Lamsijan. "Waduh waduh…. Wis pada metu kumisé kedik kuh masih bodoh baé. Ali-ali kien kuh bener bisa ngobati lara weteng. Caraé tinggal ngedol baé ning toko emas, sebab embanembane; kih emas pat blikur karat. Endas puyeng, lara weteng tinggal didol, wis dadi duwit tuku obat atawa teka ning dokter," jare; Misnen. "Ye;n ngemat bocah wadon kepribe;n?" takone; Garéng. "Gampang, sewisé ali-ali didol temtu dadi duwit, tinggal bocah wadon dibujuk toli diiming-imingi duwit akéh masa sih bli gelem dolan bareng… beres kan…," jaré Misnén. "Kemplud ! Bli sida maning nukué ah…," jaré Lamsijan kang wurung dadi dukun. (mama ilik)***

19

Saka Tatal lan Azan Pitu

W

ASTANË “saka tatal”, yaniku kumpulan tatal ingkang dibengket dados setunggal lan didadosaken saka kanggé penyanggah. Genahé wonten teng pojok bang lér kubengan mesigit Agung Sang Ciptarasa Kasepuhan Cirebon. Saka Tatal kang tegesé, saka = tihang, tatal = potongan kajeng. Potonganpotongan kajeng wau dibengket

20

dados setunggal teng pojok tengen lan kiwé mesigit Agung. Saniki saka tatal diiket dados setunggal lan ngrupapaken simbul kemajemukan ingkang ngiket sedanten aliran (sekte) ingkang wonten teng wewengkon punika. Sanésé “saka tatal” teng mesigit wau wonten kaunikan ingkang boten wonten ditemoni teng mesigit sanésé. Pitung muazin teng unggal badé salat Jemuah nglantunaken azan wau. Miturut hikayat, azan wau dilakukaken awit awal ngembangé agama Islam teng bumi Caruban kanggé ngusir satria jahat kang wastané Menjangan Wulung. Sinatria wau ingkang damel “goro-goro” (keributan) dumateng mesigit jamaah mesigit ingkang badé salat Subuh. Saking awaké mampu medalaken gas racun, saéngga ngracuni para jemaah ingkang badé mlebet teng mesigit. Atas nasihat saking sesepuh Cirebon, Pangeran Cakrabuwana lan Sunan Gunung Jati kanggé ngusir sinatria jahat wau kedah nyuwaraken “azan pitu”.Milaniku n a l i k a “ a z a n p i t u ” dikumandangaken. Saking gema azan wau,koten memolo (kubah) mesigit pecah lan meledak. Potongan-potonganipun rigél nganti teng Bumi Banten. Sesarengan rontogé kubah mesigit, ancur uga awak sinatria Menjangan Wulung (NMN)***


Gunung Kuda tan Ora Pernah Kilem

I

RAMA palu lan godam para perajin teng Gunung Kuda Kecamatan Dukuhpuntang Kabupaten Cirebon kang ora mandeg siyang lan dalu saniki mandeg. Irama tetalu boten kepireng malih. Para perajin ingkang biyasa dedamelan kelayan hastanipun ingkang lincah lan kelatih wau mendet napas kasengsaran, amargi pinten-pinten réncang sepedamelan perlaya keurug lungsuran watu alam gunung. Gunung Kuda sampun dados “tetenger” giri (bukit,pen) tapel wates antawis Kabupaten Cirebon lan Majalengka. Koten wasta “kuda” dipendet saking zaman Daendels, nalika linggih dados Gubernur Jenderal kintenkinten awal taun 1800an minangka genah pengandegan jaran-jaran penganter serat saking arah Cirebon nuju Majalengka lan Bandung. Gunung

Kuda saniki nangis, amargi lungsuré giri wau. “Boten sanés akibat ulah manungsa wau piyambek,”capé sawiji pengelola Koperasi Al-Ishslah Bobos ingkang nglola sebagiyan giti séla wau.” “Boten wonten korban saking jajaran utawi Koperasi Al-Ishlah, BALE BASA : EDISI DUA - Tahun I - JUNI 2015

amargi piyambeké siweg nglirénaken karyawanipun unggal dinten Minggu. Korban kang wonten ngrupiyaken para penyambut damel saking Bogor,” capé Sumbadi. “Kula saranaken unggal pengusaha watu (séla) Gunung Kuda kedah katah sedekah. Sanés mung teng lebet jinis yatra mawon, nanging uga teng lebet tata cara mendet watu, supados sampun sewaya-waya. Pratikaken kaanan kubengan kang wonten.” Wonten tuga prusahan ingkang nglola giri wau sacara resmi. Antawisé Kopontren Al-Ishlah Bobos, KUD BumiKarya Palimanan lan Koperasi Al-Zariyah Majalengka. Sedeng genah galiyan C ingkang lungsur Minggu siyang wingi mlebet teng wewengkon Desa Cipanas Kecamatan Dukuhpuntang, gadahipun KUD Bumi Karya. Saniki pengilaran korban urugan maksih teras dilakukaken.Maklum maksih wonten pinten-pinten korban ingkang déréng ditemokaken. (NMN)***

21

Ayuning sang Dyah Pitaloka DYAH Pitaloka pancén keceluk teng Tatar Sunda, amargi keayuanipun. Kabar keayuan niku ingkang ndamel Raja Wilwatikta (Majapahit), Hayam Wuruk nggadahi pamrih badé nyunting sekantenan uga minangka upaya diplomasi pulitik kanggé ngasoraken Pajajaran. Dyah Pitaloka disebataken teng kisah Tatar Pasundan minangka putri ingkang ayu wandhané, kadosdéné widadari saking suwargaloka. aking maéstrinipun sareng praméswari Dewi Lara Lisning aliyas Nay Ratna nggadahi putra kawan istri lan jaler, antawisé ingkang pambayun (kawitan, red) déning éyangipun disukani wasta Ratna Citraresmi, sedeng ramanipun nyukani wasta Dyah Pitaloka. Putri Dyah Pitaloka nggadahi anggara raras (cantik luar biasa, red) kadosdéné widadari s a k i n g suwargaloka. Ketingal nggadahi cahya medal s a k i n g badanipun nalika medal kanggé busana busana kerajaan. Sinten mawon jaleré pasti

S

22

atinipun rigél nalika ningali keayuan wandhané ingkang mémper sareng ibunipun, Nay Lara Lisning, uga ketingal sampurna keayuwanipun kadosdéné wulan tanggal kawanwelasé. Milaniku sang Prabhu Maharaja Pajajaran leres-leres sayang dumateng putrinipun, yaniku Citraresmi utawi Dyah Pitaloka minangka putri pembayun, Putri Mahkota Kerajaan Sunda. Déning Maharaja Majapahit, Sri Rajasanagara, Dyah Pitaloka dijenengi kelayan sebatan “Glédég saking Kilén”. Putri Dyah Pitaloka lair taun séwu rongatus ném puluh sati tarikh Saka. Sementawis niku, teng ujung wétan Nusa Jawa, angadeg sawiji kerajaan ageng ingkang diwastani Wilwatikta utawi Majapahit sareng mahapatihipun Gajah Mada. Wasta Gajah Mada, kadung disebat teng lebet sejarah Indonesia minangka sosok pahlawan ingkang nunggalaken Nusantara.


“

Anapon baginda Majapahit Prabhu Rajasanagara utawi Prabhu Hayam Wuruk, ngraosaken derita batin, amargi piyambeké nresnani Retna Citraresmi, wanodya ingkang paripurna keayuanipun kadosdéné widadari.

Jawa minangka pusat sejarah Indonesia awit sengiyén sampun maténaken wasta Mahapatih Gajah Mada saking Majapahit minangka pahlawan iangkang saged nunggalaken Nusantara kelayan “Sumpah Palapa” nipun, Gajah Mada dipun kagumi lan dipuji amargi kesangaripun. Nanging kanggé rayat Pasundan, sumpah teng abad kawan welas niku ngrupiyaken malapetaka. Kedadosan Perang Bubat teng dinten kaping tigalas (tanggal 28) sasi Badra 1249 Saka (4 Okrtober 1327 Masehi), akibat ulah Patih Mada ingkang ngingkari kasepakatan maéstri sareng putri Raja Sunda, Maharaja Linggabuwana ingkang nggadahi wasta Dyah Pitaloka aliyas Dewi Citraresmi sareng Raja Wilwatikta (Majapahit), Sri Rajasanagara aliyas Hayam Wuruk. Teng lebet kedadosan niku Maharaja Sunda, putri Dyah Pitaloka sareng pengiringipun perlaya. Te n g b r u b u h ( p e r t e m p u r a n dahsyat, pen) teng wewengkon Bubat, pasukan Pajajaran katah ngasoraken musuh, amargi daksa (mahir, red) teng élmu olah senjata lan ahli perang. Piyambeké boten sudi diasoraken. Wantun ngadepi serangan wadyabalad Patih Mada. Nanging mekoten, Prabhu Linggabuwana lan sedanten pengiringipun perlaya boten wonten sisa. Hyang Semaranta nyritakaken kelayan gamblang sedanten kedadosan Pasunda Bubat lan sedanten lelaku Patih Mada ingkang boten anggadahi rasa welas asih dumateng Prabhu Maharaja Sunda. Dumugi saniki, lelaku Patih Mada nyebabaken kasedihan ingkang

“

sanget, kelebet tiyang Sunda teng Jawi Kilén. BALE BASA : EDISI DUA - Tahun I - JUNI 2015

Sementawis niku, duka nestapa lan kasedihan dirasakaken rayat Tatar Sunda. Para raja teng pintenpinten wewengkon mélet ngaosaken duka. Amargi Prabhu Maharaja Sunda, ingkang perlaya teng Bubat ngrupiyaken gelar penobatanipun. Anapon baginda Majapahit Prabhu Rajasanagara utawi Prabhu Hayam Wuruk, ngraosaken derita batin, amargi piyambeké nresnani Retna Citraresmi, wanodya ingkang paripurna keayuanipun kadosdéné widadari. Ingkang perlaya teng Bubat leres-leres kadosdéné simbul sawiji raja ingkang unggul teng sedanten Tanah Sunda ingkang dipréntah déning maharaja ingkang kebek sareng kadilan. Awit Pasunda Bubat, Prabhu Maharaja Sunda, Prabhu Linggabhuwana, ingkang perlaya teng Bubat wastanipun wangi teng sedanten Tanah Sunda, amargi gugur minangka kstaria, ingkang béla Negara.

Ambisi Patih Mada, nyatanipun sanés ambisi Hayam Wuruk. Gajah Mada nggadahi ambisi pulitik, sedeng Hayam Wuruk nggadahi ambisi tresna. Kalihané boten saged disetunggalaken. Dikisahaken, Prabhu Hayam Wuruk gering lan atiné ngrasa sakit. Keluwarga ageng kerajaan, rama sareng ibu sekeluwarga sarta sedanten pengageng, penggedé kerajaan lan raja-raja asoran mélet murka, lan neda Patih Mada ingkang nggadahi kesawonan kedah diukum. Akibat kedadosan wau, Prabhu Hayam Wuruk mréntahaken kanggé nagkep Patih Mada. Nanging Patih Mada énggal-énggal mérad, mlebet teng wana kanggé ngumpet. (NMN)***

23

tabloid

edisi kedua/Juni /tahun I/2015

Irma Dharmawangsa “Kedinginan”

I

RMA Dharmawangsa (30) penembang dangdut kelairan Jakarta niki wedalaken “tembang tunggal” (album solo) ingkang énggal, judulipun “Kedinginan” sesampuné album perdananipun ingkang dijuduli “Jessica”. Piyambeké ngaku albuménipun saniki bénten sareng tembang-tembang sedéréngé. Teng album puniki Irma damel sawiji ingkang sanés. Tembang “Kedinginan” piyambek nyritakaken perkawis sepasang kekasih ingkang siweg mendem rasa kangen, amargi kalihané sanatyasa kepanggih. “Kula ngraos pas medalaken album puniki, amargi pas sareng kawontenan ati kula,” capé Irma nalika wonten teng Radio Malala Cirebon. Sanésé wonten panggungan teng Kapringan Indramayu, Irma nyempataken dumugi teng Radio Malala kanggé tanggap taken (wawancara) tembang promonipun “Kedinginan”. Teng lebet album wau Irma langkung katah mlebetaken unsur etnik (lokal).. Album solo”Kedinginan” ngrupiyaken

24

damelan Ahmed Sinar saking Label CNB Production. Album niki ngrupiyaken ingkang kaitung saking Irma Dharmawangsa sesampuné Irma medalaken album ingkang judulipun “Sir Gobang Gosir”, “Tuan Takur”,”Awas Ulet Bulu”. Disinggung perkawis genre musik campuran, wanodya keturunan Makasar niku anggadahi alesan méleti trén anyar dangdut saniki. “Sedanten kalangan suka dangdut, saking kalangan inggil, elite nganti masyarakat katah suka dangdut, amargi iramanipun ngajak kanggé goyang, ngrakyat lan nyenengaken,” ujar penembang ingkang sampun nggadahi kiprah awit awal taun 2005 niku. Irma boten nyangka piyambeké bakal dados penembang dangdut. “Awité waktos alit mung nyaluraken bakat mawon, éh, lami-lami dados ketagihan, yén nembang dangdut niku ngasyikaken. Punapa malih dangdut koplo ingkang megar kelayan cepet,” capé penyuka kuliner empal gentong niku dumateng Balébasa. (echie rhein)*** BALE BASA : EDISI DUA - Tahun I - JUNI 2015

2015 Bumiyaken Basa cerbon Liwat Cerkak

Recommend Documents