MATERI KULIAH SANGGAR SASTRA
MEMBACA CERKAK Suwardi
I. Pambuka warana: Paraga koor SATU: 1. Crita cekak : 2 1 2 1 65 disaut kendang jenggleng: dl b dl p (kenong 5), 2. Ja-wa: 2 2 2 3 2 16 disaut kendang jenggleng: t dl t dl (kenong 2) sambung t dl t dl kenong 5) 3. p p p p p b b b b disaut genjleng saron 6 (gong gedhe). II. Murwa kandha Lancaran Bendrong SL 9 Balungan: . 5- 2 . 5 – 2 3/3 . 3/3 (G) . 5 – 3 . 5 – 2 . 5 – 2 . 5 – (3) A . 5 – 3 . 5 – 2 . 5 – 2 . 5 – (6) B . 1 – 6 . 1 – 5 . 1 – 5 . 1 – (6) C . 1 – 6 . 1 – 5 . 1 – 5 . 1 – (6) D . 2 – 3 . 2 – 1 . 6 – 5 . 2 – (3) E 1. Paraga A (laki-laki) muncul ke posisi tengah membawa dua gunungan/daun kluwih, dijogedkan ke kanan kekiri, suara gong besar bunyi berhenti, gunungan didada, jejeg. 2. Paraga koor DUA: hong ilaheng, hong ilheng, hong ilaheng, diikuti paraga B (perempuan), keluar menjemput paraga A, dengan menyiratkan air bunga. Mengikuti alunan lagu, paraga A mengobatabitkan gunungan, di belakang para B, menuju pembaca geguritan U disiram air bunga terakhir menuju panggung, menyebar. Paraga U keluar, mengikuti lagu model suluk jugag: Aja dipleroki. Lalu membaca brjudul berjudul: ................... III. Murwapada: Paraga koor SATU dan DUA: Serempak: J-A-W-A (dieja): KANG KAJAWI (saron: 5 2 5 2 5 3 2 1 (G). e dha suka suka e kareben lega 5 2 3 5 6 1 5 2 5 3 2 1 kt pb p (G) IV. Pembacaan cerkak: memilih satu judul dari Senthir (menyesuaikan, dipilih terangkai tematik) 1. Kenong japan ditabuh 7 kali, pelan-pelan, mengiringi paraga C menuju panggung. Membaca judul dan pengarang. 2. Paraga D dari arah pengrawit membaca 1 bait, diikuti: Bonang barung : 5/5 5/5 5/5 2/6 3 5 6 (3 kali). Saron: 2 3 5 6 2 1 6 5 (3 kali), Kendang : t t p b . p p p (gong). V. Donga Mintasih: POCUNG SL 9 2 2 2 2. 6 6 6 1 5 5 32.0 kang pinucung mring Gusti kang Maha Agung 6 1. 5 2 1 6 Tansah amanggiha 6 1 1 1.66 5 5.0 Widada suka basuki 5 6 1 2.1 1 6 5 6 1 21.0 Nggelar sekar memetri guritan Jawa VI. Nganseg Pada: 1. Rambangan gender: Paraga koor SATU (tarian bebas ke kiri)jdan DUA (tarian bebas ke kanan) Wus wancine (2 1 2 6 2 1), padha dielingke (3 2 1 2 3 5), maca geguritan (6 1 2 1 6 5), maju bebarengan (2 3 5 3 2 1)
He..he…he…he…! (Putra) Hos.. hos… hos….hos (Putri) Wiyaga: “Yes” 4. Jenggleng: b d dl p (saron: 5) gong gedhe VII. PAMUJI RAHAYU 1. Diikuti slenthem: 2 3 5 6 15 2 3 5 3 2 1 (3 kali). (gongg) 2. Gangsaran, kendhang: t t b t b t b b (1) 3. Bonang barung: 6/2 35 6/2 35 6l2 35 612 (g)
Teks Puisi Utuh Jaman: Muhammad Yamin MS “Jaman gger aku ngungsi ketewer-tewer ndhelik sor ngemper ngerti-ngerti ketiban genter alah bapak balung sate uripku ijen-ijenan” Nong-ning, nong neng, nong ning, neng nung Rekasane urip jaman geger Ati ora jenjem mangan ora tentrem Turu ora bisa merem Pating jledhor bedhil mriyem Oh , Paiyem … Paiyem, bojoku sing mati kaliren Bubar nglairke anak wadon nalika perang rame Mula bocah wadon mau dakjenengake “Rame” Oh, Rame-Rame kowe saiki wis genti duwe anak cacah lima Semega-semega Urip jaman merdika, enake apa-apa ana Kliwat edan dadi brandhalan Omben-omben, mabuk-mabukan Tan ngerti bedhahing kamardikan Aku tumbaling putuku Lelabuhan jebul aji watu
Saiki jaman maju Apa-apa kolu “Jaman mau wong urip sarwa kesusu mlebu metu neng hotel nyandhing wong ayu lah bapak ra ngerti saru sing neng ngomah padha padu Damen-damen, pari-pari Biyen-biyen, saiki-saiki O, slamet-slamet Jamane bundhet ruwet Ora eling labuh labet “E, bocah-bocah … jaman rongewu neng ngarepmu mangsa borong, neng pundhakmu jaman dadi abang biru aku ora ngaru siku, wis, simbah turu” (Pengilon, antologi puisi FKY)
Fragmen Minak Jinggo Dayun: Suwardi Endraswara Kembang menur kembang jagung Nong Ning Nong Ning Prawan kencur, kanggo tamba wuyung Nong Ning Nong Gung Ha…ha…ha..Yun, iyung-iyung-iyung Endi dyah Suba Siti
Ratu cethut Kencana Wungu seka Majapuit Yunn??? “Weee, ratu iku panutan, empun gampil keyungyun mangke mindhak dados Yuyu Rumpung, eh Yuyun Kangkang, napa omah yuyun... keyungyun kuwi duweke sapa wae, Yun ratu batur si wuta sing urip keyungyun kuwi ototing urip ratu kuwi wenang bebas, wis ana rumuse, Yun bebas iku wenang enang iku ngganyang E…e…e, pong-pong bolong ndhog merang ndhog sapi pecah-pecah ndhoge siji O, sambel diuleg-uleg, huuu, ujare raja simpenane riyel (lho, senes randha riyel, lho) (jaman maju paling enak dadi ratu turon tangi neng kursi nyandhing wong ayu ala bapak balung randhu wis tuwek kok pethenthengan) Minakjingga keplayu Ngoyak ayang-ayang sak sada Perang tandhing ngundha kamurkan Damarwulan aja sira ngucireng ayuda Tangia ingsun enteni Tandhing lawan ingwang Padha mangsa podhaa Tadhahana pedhang mami Mangsa kuwata Kena mesthi ngemamsi
Minakjingga, nglumpruk kaku lumbu Mripate kethap-kethap, nrawang adoh Sumurup Damarwulan iku obor sejati Dayun iku kendhaline greget Wahita-Puyengan mripat kiwa tengen Pribadine iku nepsu ngobong ati Kencanawungu iku pucuking kanikmatan (Festival Penyair Sastra Jawa Modern di Blitar, 1995) Wengi Ing Pinggir Bengawan: Moch. Nursyahid P -dhuh kowe sapa wanodya netramu sumorot bening ngluluhake atiku (banyu bengawan kang semu abang malerah terus mili nggawa rereged lan sangkrah) +aku kunthi ibumu, dhuh ngger anakku kang nglairake kowe tohing nyawaku (rembulan njedhul seka waliking mendhung bali lelayaran ing langit tumlalwung) -kowe apa kunthi ibune Arjuna mungsuhku geneya ing wengi sepi iki keraya-raya teka mrepegi aku kanthi tanpa cecala nganti gawe kagetku (angin wengi sumiyut nampegi rai nggawa ngambar aruming kembang melathi) -bener kandhamu ngger anakku aku pancen uga ibune Arjuna apa atimu isih rumangsa tidha-tidha (Kunthi atine geter karo tumenga banjur dipandeng suwe putrane kang wis jejer adipati Ngawangga -apa ngimpi ta aku iki
nampa nugraha kang tanpa pepindhan ketemu ibuku kang wis murca tetaunan sing bakal ngentas wong sudra padha papa dadi mulya tanpa wewangenan +awit seka keparenge dewa, aku lan kowe ketemu meneh, anakku kanggo nyuntak rasa kangen lan kapang sawise tetanunan mung kandheg ana rasa lan lelamunan (wengi terus nggremet tumuju pusere anak lan biyung padha ngumbar pangrasane dhewe-dhewe) -dhuh, ibuku, kekasihku, ya pepundhenku selehen astamu kang adhem pindha salju ana bathukku kareben aku bisa nglalekake critane bayi abang sing ditinggal biyunge ing pinggir bengawan -butheke kanggo nutupi isin lan wirang tanpa ngelingi menawa katresnan kuwi regane larang +oh, aja ndedawa lara anakku ayo enggal ndherekake ibu bali kumpul karo kadang-kadang pendhawa ninggalake korawa angkaramurka kanggo memayu hayuning bawana (Karno mandheg mangu karo sedhakep ora keconggah ngampet katrenyuhan kang saya ngruket) -kasinggihan, aku bakal mundhi dhawuhmu ibu nanging sawise aku penjenengan tuntun tekan tepis wiringe bengawan kana apa bakal ketemu biyungku kang wis murca sesidheman yen mengkono rak kaya impen tengah wengi kang kecunthel tekane raina kang mrusa lakune takdireing dewa bathara sawise aku lan Arjuna wis kadhung dadi mungsuh bebuyutan +aja nambahi dosaku dhuh anakku
sanajan aku wis jejer ibune Pandhawa, nanging durung rumangsa mulya yen anakku mbarep isih ngulandara aku pancen biyung duraka kang wis nyelaki lairmu ing donya mula gelema kowe angluberna sih pangaksama lan tekaku mrene ora mung arep ngrangkul kowe nanging uga kepengin nglungguhake marang jejer kang samesthine (eluh trenyuhan ora bisa dibendung muwuhi wengine saya tumlawung) -oh, ora bisa dhuh Kunthi ibuku kasunyatan aku mung anak kusir Adirata kang sudra papa kang ora kepengin ngranggeh kaluhuran sing ngliwati ukuran taline katresnan kang wis dipunthes kanthi peksa langka bisa bali mulih karana manising janji lan pangiming-iming apa maneh mung dipameri runtuhing eluh kang wis kadaluwarsa asor banget budiku ngaku-aku anake raja-raja sinatriya kang ambeg utama mula lilakna aku bakal ayun-ayunan ing alaga karo Arjuna +dhuh anakku kang tuhu berbedu geneya kowe nduwa penjaluke ibu kaya wis pesthine dewa, aku kudu nyangga dosa tumekane pati bibit kaluputan sing mung sawiji sawi jebul ngrembaka dadi gedhe sundhul wiyati bayi kang lair seka guwa garbaku ditakdirake dadi mungsuh bebuyutan kadang-kadang dhewe dhuh dewa dhuh bathara banjuten jiwa raga kawula (Kunthi nangis ngguguk ing antarane gebyaring lintang pengarep-arep sakala ilang ing sungapaning bengawan) -dhuh ibuku kang daktresnani aja kebangeten nelangsa penggalihmu mung aku nyuwun puji pangestumu muga-muga aku tansah manggih yuwana
senajan pesthine kudu ngakoni kaunggulane Arjuna dadi bantening perang Baratayuda dhuh ibu, apa garising urip kudu dakprusa klawan degsiya kaya nalika lairku duk semana ditinggal ana pinggir bengawan ijen wuda saengga kudu mecaki papa cintraka lawan wareg pangina mula tinggalen ijen maneh aku anak kene tanpa tidha-tidha kareben bisa ngantepi darmaning satriya tama (Kunthi meh wae ambruk kapidara klawan rereyongan banjur ninggalake bengawan kadiparan nglari sesotya kang wis musna saka embanan) (Antologi puisi 1940-1980, editor Suripan Sadi Hutomo)
