STADSWANDELING VELDEKE KRINK MESTREECH ZOONDAG 15 NOVEMBER 2015
DE VERBEELDING VAAN MESTREECH 2015 Gister, 14 november, höb geer ’t book in han gekrege en vendaog maag geer goon zeuke nao ’n deil vaan de beelde. Wat zien veer Mestreechtenere toch riek. Es veer ins good roondkieke, daan höbbe veer ’n kunsverzameling ‘lek vinger lek doum’. Veer beginne netuurlek bij euze petroen Hendrik van Veldeke op ’t Veldekeplein. En veer winse uuch ’n plezerege wandeling. Veurtot dat beeld dao woort geplaots hètde dat plein aanders. Um aon de geng te koume, Wee wèt dat nog? Vredesplein Noe veur ech! 1 a: Wee is de beeldhouwer vaan Hendrik vaan Veldeke? O Arhur Sproncken O Charles Vos O Appie Drielma 1 b: Wee betaolde de plaquèt die hei gelag is? O de Gemeinte Mestreech O ’t bestuur vaan Veldeke Krink Mestreech O de lede vaan Veldeke Krink Mestreech Noe gaot geer rechts neve de Servaoskèrk de trappe op en aon eur rechterhand stoon twie heilege. 2 a: Wee is hei de kunsteneer gewees dee hun zoe sjoen heet geportrètteerd ? O Desirée Tonnaer O Jef Courtens O Han van Wetering 2 b: Wie neume veer Mestreechtenere die twie bisjoppe? O Flupke en de Bolhoed O Monnie en Gonnie O De Sjele en d’r Tunnis
Noe wandele veer rechtsaof oonder de Baoge door en aon eur linkerhand zeet geer 'nen heilege bove 'n deur stoon. 3: Wee is dat? O Lambertus O Carolus Borromeus O Karel de Grote
Op ’t Kloester moot geer good zeuke en tèlle. Wee good oet z’n ouge heet geloerd, heet versjeie Slevrouwebeeldsjes gezeen. Ze zien groet en klein! 4: Wieväöl höb geer 'rs gezeen?
O3
O4
O5
Oonder aon ’t kloester vint geer de “bron” vaan Sintervaos trök, die stoont vreuger op de Vriethof en woort gemaak door Charles Vos. 5: Wee heet ’t “vizietekeertsje” gegeve? O de gemeinte O Noël Fabry & Vivianne Rijnders O ’nen anoniemen donateur
Geer wandelt noe nao de Vriethof, bekiek uuch ins de gievel vaan d’n theater. In d’n timpaan kinste zien boe d’n hier De Ceuleneer (dee ziech dat pand heet laote bouwe) riek vaan is gewore.
6: Wat vint geer dao trök? O Landbouw en handel O Handel en nijverheid O Nijverheid en handel
Op de Vriethof steit ’n aordege verzameling beelde. Meh ouch nog get wat trök geit nao de twiehieregheid die Mestreech 500 jaor heet bestuurd. 7: Vaan wee is daan dee Perroen? O Karel V O Bisjop vaan Luik O Hertog vaan Braobant
Mesjiens zeet geer touw aon ’n tas koffie, daan höb geer hei käös genóg. Denao gaot geer door nao d’n Entre Deux. 8: Wèt geer nog wat 'nen entre-deux waor? O e kentsje oonder aon d’n oonderrok O e stökske tussen de lakes es versering O e rendsje langs de servèt Geer kint links nao oonder via d’n trap of de roltrap. In e kloester mós me vreuger dèks beie, zelfs ’s nachts. De naome vaan die gebede kint geer hei trök vinde es aondinke aon de Dominicanen.
9: Zeuk ze bijein. Wieväöl höb geer 'rs gevoonde? O 5
O8
O9
Noe goon veer nao euze Merret. Dao vint geer boete eus prachteg stadhoes ouch 't Mooswief vaan Charles Vos. Prins Carnaval seert häör eder jaor mèt 'ne sjoene greuntekrans en e puneke vaan de prins. Ocherm, dao zien ouch lui die häör de leeg tute vaan de fritte veur häör veuj goeje. Meh Charles heet häör verseerd mèt broonze speiers um ’t water in de koep te kriege. 10: Wat veur bieskes höb geer dao gevoonde? O sjroet O hin O bökkem O knien O gaajs O douf O eend O iel O vès O mösj
Eve wijer steit Minckeleers mèt zien vlam. Allewijl moot me betaole um de vlam te gebruke. 11 a: Wienie is dee gooje perfesser gebore in Mestreech? O 1750 O 1748 O 1758 11 b: Wee heet dat beeld gemaak? O Willem van Hoorn O Lex van Horn O Bart van Hove Bekiek ins ’t stadhoes, es niks deveur steit is ’t vaan hei-oet prachteg te zien. ’t Kós e paar cent, meh daan höbste ouch get, dus restaurere ezzebleef! ’t Is e zjuwiel en Mestreech prizzenteert ziech hei! Gaot ins deveur stoon en kiek ins good nao bove. In ’t midde steit netuurlek de stadsingel. Deneve steit links e menneke en rechs e vruike.
12 a: Wee is dat menneke? O de god Zeus O 'ne Kachelpieper O de god Mars
12 b: Wee is ’t vruiwke? O 't Mooswief O de godin Minerva O de godin Venus
Noe goon veer nao de Mäönt en daan links 't Merriejesträötsje in. Es geer rechts good gaot zeuke, vint geer e Slevrouwebeeldsje. 13: Wie neume de Mestreechtenere dit beeldsje? O Maria aon de Mäönt O Maria mèt 't mombakkes O Maria vaan d'n Awwestiene
Gaot ouch ins zeuke bij nómmer 25 nao e gekap portrèt in de gievel neve de deur. 14: Vaan wee is dat portrèt? O de Piele O Thei Dols O Pie de Bökking
Gaot in dit sträötsje ouch ins loere op nómmer 9. In dee kiekoet stoon hiel väöl beeldsjes, ouch vaan 't Mooswief. 15a: Wieväöl Mooswijfkes höb geer hei getèld? O 4 O 5 O 7 Ouch beeldjes vaan de Piele stoon dao. 15b: Wie waor d’n achternaom vaan de Piele? O Janssen O Klaasen O Hameleers
Noe kint geer eve doorloupe nao de Vèssersmaos en dao kortbij zeet geer de Mestreechter Geis stoon (es heer neet is umgerije). 16: Wee is de broonsgeter vaan dit beeld? O Binder in Haarlem O Bakker in Breusselt O Sijen in Geverik Es geer noe de Stokstraot doorgaot komp geer bij e pleinsje boe e sjoen beeld steit wat veurzeen is vaan 'ne sjoene “väörkant”. ’t Is wat me neump e boegbeeld. 't Sleit op de vrouw vaan de reder vaan de sjepe nao Luik. 17: Wie woort ze geneump in Mestreech? O de Ziemeermin O Nètteke oet de Stokstraot O Maj vaan Bonhomme
Ezzebleef, gaot door de Plaankstraot, daan vint geer op 'ne stópstein (straotpäölke) e veugelke. 18: Wat is dat veur e pieteke? O 'n mösj O 'n eekster O 'ne gier
Eindelek, ’t Slevrouweplein, dat heet me verdeend nao zoe’n wandeling. Meh nog eve. Midde tösse de terreske steit e beeld vaan Jupiter op ’ne zuil. 19: Wat heet dee in z’n hand? O 'ne boezjie O 'ne perreplu O 'n bliksemsjiech
Vaan ’t Slevrouweplein gaot geer nao d’n awwe Theater, de Bonbonnière. Geer zeet ze sebiet, dao zitte twie reliëfs tege de gievel neve de deur. 20: Wee heet die gemaak? O Van Schoffelen O Frans Carlier O Desirée Tonnaer
Eve wijer steit achter ’n hèk e beeld mèt drei komediante. ’t Sleit op meziek, toneel en zaank. 21: Vaan wee zouw dat noe weer zien? O Charles Vos O Appie Drielsma O Han van Wetering
Loup noe nao Breistraot 19. In de zaol vaan de “Koninklijke Harmonie Ster van Maastricht” kint geer uuch get drinke veur ’t Veldeke-muntsje dat g’r höb gekrege. Venaovend kint geer op de website www.veldekemestreech.nl kieke of geer alles wis. Anders zeuk geer dat op in dat sjoen book wat geer zjus höb gekoch. En dao stoon nog väöl mie prachtege beelde in Mestreech. Dao kint geer nog hiel get wandelinge veur goon doen. Teks Historie Foto’s Umslaag Rangatie
O Rita Bartels O Servé Minis O Jef Loontjens O Jo Hendriks O Iwan Bruijnzeels
© Veldeke Krink Mestreech Mestreech, 15 november 2015
