Geldwassery Ons moet aan die Wet op die Finansiële Intelligensiesentrum voldoen.
Uitwerking daarvan op prosedures by die oopmaak van rekeninge vanaf 1 Julie Geldwassery is internasionaal as die derde grootste sakebedrywigheid geïdentifiseer. Dit het daartoe gelei dat ’n aantal regerings wêreldwyd ingestem het om georganiseerde misdaad en terrorisme te bekamp. Die Finansiële Aksietaakgroep is reeds in 1989 gestig om hierdie saak te bevorder. Suid-Afrika het die 32ste lidland geword wat swaar verpligtinge op banke geplaas het ten einde geldwassery te voorkom. Omskrywing van geldwassery Geldwassery is die proses waarvolgens misdadigers die opbrengste van hulle misdade wegsteek of verbloem sodat dit lyk asof die geld van ’n wettige bron afkomstig is. Dit beteken dat misdadigers die eiendom, wat die voordeel is wat hulle uit hulle misdade ontvang het, kan gebruik sonder om agterdog te verwek of uitgevang te word. Die Wet op die Finansiële Intelligensiesentrum [(WFIS), “Financial Intelligence Centre Act 38 of 2001”] en ander, soortgelyke wette wat lande wêreldwyd gepromulgeer het, maak dit moeiliker om die opbrengs van misdaad te was. Suid-Afrika het nou ’n wet, naamlik die WFIS, wat geldwassery beheer. Dit bring die land in ooreenstemming met wêreldwye neigings ten opsigte van die bekamping van hierdie soort bedrywigheid. Standard Bank is, soos ander banke, een van die sogenaamde verantwoordingspligtige instellings wat aan die WFIS moet voldoen. Ander instellings is eiendom-
3
sagente, langtermyn-versekeringsmakelaars, prokureurs, valutadienspunte en beleggingsmakelaars. Die wet vereis dat ons verskillende maatreëls tref om geldwassery te bekamp. Vanaf 1 Julie 2003 mag banke slegs rekeninge vir nuwe kliënte open as alle vereiste inligting verstrek en dokumente verskaf is. Ons sake-etiek Selfs voor die implementering van die WFIS was ons daartoe verbind om geldwassery en ander misdade te bekamp. Ons besef dat ons ’n morele en etiese verantwoordelikheid het om ons deel te doen om misdaad in die land te bekamp. Die oopmaak van ’n bankrekening Hier is besonderhede oor watter inligting en dokumente nodig is wanneer ’n nuwe kliënt ’n rekening open. Individue moet die volgende verstrek en verskaf: • identiteitsdokument • een van die volgende dokumente (met die individu se naam en woonadres daarop): • elektrisiteits- of waterrekening • belastingopgawe van die Suid-Afrikaanse Inkomstediens (SAID) (minder as ’n jaar oud); • betaalstaat of salaristrokie* • bankstaat* • bruikhuur- of huurooreenkoms • faktuur t.o.v. munisipale belasting* • huisleningstaat • telefoonrekening* • onlangse lewensversekeringspolisdokument • onlangse korttermyn-versekeringsdokument
4
• onlangse korrespondensie van ’n regspersoon of aandeleblokvereniging • ’n geldige TV-lisensie * Hierdie dokumente mag nie ouer as drie maande wees nie. Inligting moet ook verstrek word oor die bron van inkomste, die geld wat vir transaksies gebruik gaan word asook watter tipe transaksies op die rekening gedoen gaan word. As ’n individu die voog van ’n minderjarige is, of as ’n derde party ondertekenaar aangestel word, ’n sekondêrekaart-houer is of iemand anders gaan aanstel om namens hom/haar op te tree, moet bogenoemde inligting ook ten opsigte van die betrokkenes verstrek word en moet magtiging skriftelik bevestig word, sowel as hulle kontakbesonderhede. ’n Huweliksertifikaat sal aanvaarbaar wees vir individue wie getroud is en wie se adresdokumente in die huweliksmaat se naam is. In die geval van individue wat saam met ’n vriend(in), ouer of kind woon en ongetroude paartjies moet die persoon op wie se naam die dokumente is egter ’n beëdigde verklaring aflê om die volgende te bevestig: • die individu se naam en adres; • die naam, geboortedatum, identiteitsnommer en woonadres van die persoon wat die vereiste inligting verstrek; • die individu se verwantskap met die ander persoon; • die feit dat die verstrekte woonadres gedeel word. Beslote korporasies moet die volgende verstrek en verskaf: • geregistreerde naam en registrasienommer • stigtingsverklaring en inkorporasiesertifikaat (vorm
5
CK1) en ’n gewysigde stigtingsverklaring (CK2), indien van toepassing • een van die volgende dokumente (met die handelsnaam en fisiese sakeadres daarop): • ’n oorspronklike briefhoof van die BK • elektrisiteits- of water rekening* • bankstaat* • onlangse bruikhuur- of huurooreenkoms • faktuur t.o.v. munisipale belasting* • Telkom-rekening* • SAID-belastingopgawe (minder as ’n jaar oud) * Hierdie dokumente mag nie ouer as drie maande wees nie. Inligting moet ook verstrek word oor die bron van inkomste, die oorsprong van die geld wat vir transaksies gebruik gaan word en oor watter tipe transaksies op die rekening gedoen gaan word. Alle lede, gemagtigde ondertekenaars of enige persoon wat namens die beslote korporasie mag optree, moet dieselfde inligting verstrek as wat verstrek moet word vir individue (soos hierbo uiteengesit). Hulle moet skriftelik bevestig dat hulle gemagtig is om namens die beslote korporasie op te tree en hulle kontakbesonderhede verstrek. Genoteerde maatskappye moet die volgende verstrek en verskaf: • geregistreerde naam en registrasienommer • jaarlikse finansiële state of enige dokument as bewys van notering op ’n erkende aandelebeurs • besonderhede van fisiese sakeadres of, as die maatskappy meer as een adres het, dié van die hoofkantoor en die kantoor wat aansoek doen om die rekening te gebruik 6
Enige persoon wat gemagtig is om namens die genoteerde maatskappy op te tree, moet ook skriftelik bevestig dat hy/sy gemagtig is om namens die genoteerde maatskappy op te tree. Ongenoteerde maatskappye moet die volgende verstrek en verskaf: • geregistreerde naam en registrasienommer • inlywingssertifikaat (vorm CM1) • kennisgewing van geregistreerde kantoor en posadres (CM22) • een van die volgende dokumente (met die handelsnaam en fisiese sakeadres daarop): • ’n oorspronklike briefhoof van die maatskappy; • elektrisiteits- of waterrekening* • bankstaat* • onlangse bruikhuur- of huurooreenkoms • faktuur t.o.v. munisipale belasting* • Telkom-rekening* • SAID-belastingopgawe (minder as ’n jaar oud) * Hierdie dokumente mag nie ouer as drie maande wees nie. Inligting moet ook verstrek word oor die bron van inkomste die oorsprong van geld wat gebruik gaan word om transaksies ten opsigte van die sakeverhouding aan te gaan en oor watter tipe transaksies op die rekening gedoen gaan word. ’n Buitelandse maatskappy moet sowel die fisiese sakeadres in die land van inlywings as dié van sy SuidAfrikaanse onderneming verstrek. As ’n maatskappy meer as een adres het, moet dié van die hoofkantoor en die plaaslike kantoor wat aansoek doen om die rekening te gebruik, verstrek word.
7
Die volgende persone moet dieselfde inligting verstrek en bewys lewer as dié vir individue, hulle kontakbesonderhede verstrek en skriftelik bevestig dat hulle gemagtig is om namens die ongenoteerde maatskappy op te tree: • aandeelhouers wat 25% of meer van die stemreg by ’n algemene vergadering het • gemagtigde ondertekenaars • hoof uitvoerende beampte • enigiemand anders wat namens die ongenoteerde maatskappy mag optree Vennootskappe (professionele vennootskappe uitgesonder) moet die volgende verstrek en verskaf: • naam van vennootskap • vennootskapsooreenkoms, indien van toepassing • fisiese sakeadres, indien van toepassing Die volgende persone, wat belang by die vennootskap het, moet dieselfde inligting verstrek en bewys lewer as vir individue, hulle kontakbesonderhede verstrek en skriftelik bevestig dat hulle gemagtig is om namens die vennootskap op te tree: • vennote en gemagtigde ondertekenaars • die persoon wat uitvoerende beheer uitoefen • persone wat gemagtig is om namens die vennootskap op te tree Inter vivos-trusts (lewende trusts) moet die volgende verstrek en verskaf: • naam van trust • identifiseringsnommer • trustakte of ander dokument waarvolgens die trust geskep is • lys van die benoemde begunstigdes
8
• lys van die gemagtigde trustees • adres van die Meesterskantoor waar die trust geregistreer is • die magtiging wat die Meesterkantoor gegee het aan elke trustee om in daardie hoedanigheid op te tree (kennisgewing kragtens artikel 7 van die Wet op die Beheer oor Trustgoed, Wet No. 57 van 1988) Die volgende persone, wat belang by die trust het, moet hulle kontakbesonderhede verstrek: • die stigter • begunstigdes wat in die trustakte genoem word • medetrustees • enige persoon wat tot die trust bydra • enige persoon wat gemagtig is om namens die trust op te tree (moet skriftelik bewys lewer dat hy/sy dit mag doen) Inligting moet ook verstrek word oor die bron van inkomste die oorsprong van geld wat gebruik gaan word om transaksies ten opsigte van die sakeverhouding aan te gaan en oor watter tipe transaksies op die rekening gedoen gaan word. Regspersone, byvoorbeeld stokvelle en liefdadigheidsorganisasies, moet die volgende verstrek en verskaf: • naam en regsvorm • stigtingsdokumente, indien beskikbaar • BTW-registrasienommer (indien uitgereik) • inkomstebelastingregistrasienommer (indien uitgereik) • fisiese sakeadres, soos dit op die stigtingsdokument (indien beskikbaar) verskyn 9
Inligting moet ook verstrek word oor die bron van inkomste, die oorsprong van geld wat gebruik gaan word om transaksies ten opsigte van die sakeverhouding aan te gaan en oor watter tipe transaksies op die rekening gedoen gaan word. Die gemagtigde ondertekenaars en persone wat magtiging het om namens die regspersoon op te tree moet skriftelike bewys lewer dat hulle dit mag doen, moet hulle kontakbesonderhede verstrek asook die inligting en dokumente verstrek en verskaf wat onder individue uiteengesit word. Kry meer inligting Vir meer inligting oor hoe die WFIS jou moontlik sal raak, praat asseblief met ’n personeellid by die navraetoonbank in jou tak. Jy kan ook by die regering se webtuiste by www.fic.gov.za meer oor die voorkoming
Standard Bank steun die Kantoor van die Bankberegter. Deeloproepnommer 0860 800 900
www.standardbank.co.za
Die Standard Bank van Suid-Afrika Beperk (Geregistreerde bank) Reg.-no. 1962/000738/06 SBSA 707203 7/03 BD0003
van geldwassery uitvind.
