Di» / A U H A K l
ISHAK u».
Buku bacaan bahasa Aceh
untuk Sekolah Dasar »r m a &
PUSTAKA FARABY BANDA ACEH
Kitab beuet basa Acèh
(5j
U -
'A/'
eunta jeumba keu lhèe
neubuet keu aneuk miet glah lhèe sikula dasar
geususôn lé drs jauhari ishak khalid ibrahim abu hani
rakam dua
'%
geupéuteubiet lé
^irma
f^Ç^uàtaka.
Banda Acèh 1974
j-araby*
*
ij
PENGANTAR Kitab bacaan bahasa Acèh "Geunta" telah mendapat pengesahan dari Direktorat Pendidikan Dasar/Prasekolah Direktorat Jendral Pendidikan Dasar Departemen Pendidikan dan Kebudayaan dengan suratnya bertanggal 30 Mei 1968, Nomor : C. 1656/ Set/prasar-s/68, dan telah ditetapkan dan dimasukkan dalam daftar pemakaian buku-buku untuk Sekolah Dasar dalam Propinsi Daerah Istimewa Acèh oleh Kepala Inspeksi Daerah Prasekolah, Sekolah Dasar dan Sekolah Luar Biasa Propinsi Daerah Istimewa Acèh dengan surat-suratnya No. 518/B-3/Um, tanggal 9 April 1968 dan No. 930/B-3/Um tanggal 26—6—1968. Jilid 1 untuk kias II Jilid 2 untuk kias II Jilid 3 untuk kias III Jilid 4 untuk kias IV Jilid 5 untuk kias V Jilid 6 untuk kias VI Dengan adanya pengesahan dari pusat dan daerah kepada usaha dan karya kami ini pertanda bahwa titik terang untuk menempatkan kembali Bahasa Acèh sebagai Bahasa pengantar dan akan terbina pula ia sebagai sendi dan pupuk Basaha Indonesia, *) Maka dengan penuh rasa kerendahan dengan ini kami menyampaikan ucapan terima kasih atas pengesahan tersebut. Keharibaan Kep. Dinas P dan K. Propinsi Daerah Istimewa Aceh kami sampaikan penghargaan dan terima kasih atas kesudian beliau memberikan Kata Sambutan untuk kitab ini. Dalam penyusunan buku ini kami telah berusaha menyesuaikan dengan Rencana Pelajaran terbaru dari Departemen Pendidikan dan Kebudayaan. Walaupun demikian untuk kesem*)
Tambahan : khusus untuk jilid 1 , 2, kami mengalami kesulitan .dalam menggunakan tanda-tanda è — é
— ô karena tidak ada pada percetakan.
Insya A l l a h dalam terbitan selanjutnya dapat terpenuhi.
pumaannya kami harapkan kritik sehat dan saran-saran dari para pendidik khususnya dan cendekiawan pada umumnya, mudah-mudahan buku ini dapat berguna. Akhirnya kepada Direktur Penerbit Firma "Pustaka Faraby" Banda Aceh yang telah sudi menerbitkan kitab ini untuk cetakan kedua, kami sampaikan ucapan terima kasih. Banda Acèh : 1 — 1 — 1974. Para penyusun. Drs Jauhari Ishak. Khalid Ibrahim Abu Hani.
SURAT KETETAPAN No. 930/B-3/Um. Mengingat Bahasa Aceh, salah satu Bahasa Daerah yang harus diajarkan pada Sekolah Dasar dan sesuai pula dengan Surat kami tanggal 4 April 1968, Nomor : 505/H-2/Um, hal : Rancangan Kurikulum Bahasa Daerah beserta contoh roster (leerplan) untuk Sekolah Dasar dari kelas I s/d VI, maka dengan ini kami tetapkan dan kami masukkan dalam daftar bukubuku wajib untuk Sekolah Dasar, buku-buku karya saudara : JAUHARI ISHAK BA. dkk. yaitu :
1. 2. 3. 4. 5. 6.
TULEH TULEH TULEH Bacaan Bacaan Bacaan
BACA Jilid 1 untuk kelas I BACA Jilid 2 untuk kelas I BACA Jilid 3 untuk kelas I GEUNTA Jilid 1 untuk kelas II GEUNTA Jilid 2 untuk kelas II GEUNTA Jilid 3 untuk kelas III
yang diterbitkan oleh P.T. SAKTI Banda Acèh, *) Buku-buku tersebut sesuai dengan Rencana Pelajaran terbaharu, dari Departemen Pendidikan dan Kebudayaan, serta telah memenuhi syarat-syarat yang diperlukan. Surat keputusan ini berlaku sementara menunggu penetapan dari Dipdap Jakarta. BANDA ACEH : 9 April 1968. KEPALA INSPEKSI DAERAH PENDIDIKAN PRASEKOLAH DAN SEKOLAH DASAR PROPINSI DAERAH ISTIMEWA ACEH d.t.o. (Z.A. Ibrahim)
*)
Cetakan kedua diterbitkan oteli Firma "Pustaka Faraby — Banda Aceh
KATA SAMBUTAN Acèh daerah Istimewa. Istimewa dalam bidang agama, peradatan dan pendidikan. Sudah sewajarnya jika Bahasa Acèh kembali kita tempatkan pada fungsinya semula. Sebagai Bahasa Ibu, bahasa pengantar dan bahasa pergaulan dalam masyarakat Acèh. Suatu Bahasa Daerah sebagai sendi dan pupuk dalam perkembangan Bahasa Indonesia. Buku bacaan "GEUTA" bagaikan suluh yang dapat menanam jiwa patriotisme di dalam jiwa anak didik. Setelah kami teliti ternyata buku ini sesuai dengan psychologi anak dan sesuai pula dengan keputusan Konperensi Tugu yang diikuti oleh Kepala-kepala Dinas PD dan K Propinsi dan Kepala-kepala Inspeksi Daerah Pendidikan Prasekolah dan Sekolah Dasar se-Indonesia pada bulan Agustus 1967. Buku ini adalah suatu karya sebagai sumbangan nyata dalam rangka memenuhi otonomi daerah di bidang Pendidikan. Kepada sdr. Jauhari Ishak, yang telah bersusah payah menyusun buku ini kami sampaikan penghargaan dan terima kasih. Dan keharibaan para pendidik kami harapkan kritik yang konstruktif, demi kemajuan anak didik kita khususnya dan pendidikan pada umumnya.
Banda Acèh, 10 April 1968. Kepala Dinas Pendidikan Dasar dan Kebudayaan Propinsi Daerah Istimewa ACEH dto./cap ( DRS. IDRIS ADAMY )
I.
GLAH LHEE (I)
Kamoe barô meuduek glah lhèe. Kitab Geunta dua ka tamat kamoe baca. Teuma jinoe geutuka ngon kitab geunta lhèe. Glah sa kamoe meurunoe ngon kitab tuléh-baca. Glah dua kitab geunta sa ngon kitab geunta dua. Jinoe kitab geunta lhèe. Sabab kamoe ka duek glah lhèe. Ban peuneugah gurèe, glah peuet kitab geunta peuet. Glah limong kitab geunta limong. Glah nam kitab geunta nam. Bandum kitab-kitab nyan le haba-haba nyang jroh-jroh. Teuma na cit gamba nyang gèt-gèt. Jeuet keu teuladan bak geutanyoe bandum. Sabab nyan gurèe geuyue jaga beujroh-jroh. Mangat bèk beukah. Geuyue balot mangat bèk kuto.
7
Seunang that atè kamoe bandum, watèe meukalon kitab geunta lhèe. Jeuet jipeulalè kamoe ngon haba-haba nyang got. Asyhik that kamoe meubaca kitab nyan. Teuma gurèe geubri nasihat keu kamoe : Geunta tabaca beusunggôh-sunggôh, Tasimpan beutrôh bak adoe gâta. Meungnyo Geunta hantom na jîôh, Teuntèe keuh trôh ban pinta gâta. Sunggôh seumimak ngon mubaca, A t é nyang beunak jeuet keu lança, Meungnyo sunggôh tamubaca. Pikéran teuh jroh carong pih teuka.
"""—'" Q y Q w i
8
2.
GLAH LHEE. (2)
Glah Ihèe mubiza ngon glah dua. Peulajaran pih Ie meutamah. Jinoe Icamoe ka geuprunoe basa Indonesia. Lam glah Ihèe na lemari. Teumpat geusimpan bukubuku. Papeuen tuléh leubèh luah nibak papeuen glah dua. Dimïyub papeuen tuléh na saboh kutak. Kutak nyan tempat gapu ingon peunyambôh papeuen. Di keue na miia ngon kurusi. Teumpat geuduuek gurèe. Gurèe kamoe Muhammad Hasan. Lam glah Ihèe na dua plôh boh bangku. Jeueb-jeueb bangku kamoe meuduek dua-dua. Jeumeulah kamoe ban mandum takalon mantong bak papeuen absen. 28 droe agam 12 droe inong. Jeuet 40 droe. Glah kamoe gléh sabé. Sabab jeueh-jeueb uroe na Ihèe droe nyang peugléh. 9
Teuma dilikôt glah na raga brôh. Teumpat reutah-keureutah, atawa laén-laén lom.
boeh keu-
Diateueh mija gurèe na saboh teumpat bungong. Jeueb-jeueb uroe jigantoe bungong nyan lé aneuk inong. Meutuka-tuka bungong nyan. Sabab nyankeuh hantom na bungong nyang mala. Carong that aneuk mîet inong bak cok até gurèe. Digurèe pîh seunang that atégeuh. Bungong meutuka jeueb-jeueb uroe. Meujan mawo, bungong meulati, meujan bungong meulu.
bungong
Ija lapék mija pîh beureuséh sabé. Kamoe bandum seunang that bak meurunoe. Carong that gurèe bak geutueng até kamoe. Kamoe pih meulumba-lumba bak tueng até gobnyan.
10
Glah sabé gléh ngon beureuséh. Ban mandum teuduek bak neuduek droejih. Teuma gurèe geupeuingat : Teumpat beureuséh bajèe beugléh, Tanyoe geunaséh ureueng lingka. Tubôh sihat utak pih ceudah, Geunaséh Allah tanyoe meulia.
3.
SURAT.
Si A t i iiwoe bagah-bagah. Oh Iheueh sikula hana jimeulalè sagai. Sabab uroe tarék that. Ban lamî jiék urumoh mubaréng ngon saleuem, geujaweueb lé majîn : "Alaikôm salam warah matu Ilahi wabaraBagah-bagah jicok surat nyan. Seunang that até si A t i katuh. Na surat sipucôk keudroekeuh di ateueh mija A t i " . Bagah-bagah jicok surat nyan. Seunang that até si A t i oh jitrimong surat nyan. Teuma laju jibuka. Ban saboh rumoh duek deungo si A t i beuet surat nyan.
12
I
Juni 1974.
Sigli : 10 Rabiul akhir 1394. Ati A d o e Ion sayang. di Banda Acèh. Assalamu alaikôm warahmatu Ilahi wabarakatuh. Adoe Ion sayang. Phôn-phôn lôn Iakèe meuah leubèh dilèe. Sabab ka tréb hana lôntuan balah surat droekeuh. Kon jayéh Ion lalè bak meurunoe. Insyak Allah deungon dôa droekeuh Ion ka ék glah peuet. Peue hai teuma droekeuh ? Na ék glah peuet. Meunan cit Cutda Fatimah, cutbang Isa atawa adék Meulu. Peue awaknyan na ék glah bandum ? Peue hai teuma ayahwa deungon makwa ? Mudah-mudahan gobnyan dalam sihat siiahtra. Kamoe ban saboh rumoh di Sigli dalam sihat wal-afiat. Lôn harab lam pré nyoe adék A t i teuka u Sigli. Meunancit cutbang Isa atawa cutda Fatimah. Leubèh jroh, adék Iakèe izin dilèe bak ayahwa ngon makwa. Ayah ngon ma lôn, geuharab that adék A t i teuka u Sigli. Meunancit cutbang ngon cutda. Oh noe keuh mantong surat Ion. Leubèh kureueng lôn Iakèe meuah. Lôn harab that beunalah jih. Alhamdu li Hah. Saleuem cutda ( H a I i m a h)
13
4.
KOPERASI.
Di Sikuia kamoe na feaboh Koperasi. Koperasi nyan Koperasi Sikuia. Kamoe bandum jeuet keuanggèeta Koperasi Sikuia. Bak Koperasi Sikuia Ie macam barang-barang. Kitab-kitab, buku tuléh, pènsè, ron, Geusok gigoe, ubat gigoe, Ie laén lom. Kamoe meuhimat bak beulanja. Sabab nyan na leubèh pèng si uroe-uroe si rupia. Pèng leubèh nyan, kamoe simpan lam Koperasi. Nyang simpan pèng nyan bandum gurèe kamoe. Ngon pèng nyankeuh geubloe barang-barang Koperasi lé gurèe. Jumjih that murah nibak di keudè. Sabab watèe geubloe Ie meusïgo. Meungnyo Ie yumjih murah. Sabab nyankeuh jeueb-jeueb thon Koperasi le meulaba. Hantom na rugoe. Laba nyan geubagi teuma bak anggèeta. 14
Sithôn sigo geupeuna rapat Koperasi. Bak rapat nyan geukira laba rugoe. Teuma nyang mat Koperasi pih geutuka. Peue mantong buet Koperasi geupeutunyok lé gurèe. Nyang mat Koperasi aneuk glah nam ngon aneuk glah limong. Jeueb uroe meugantoe-gantoe. Watèe meuèn-meuèn kamoe mubloe peue nyang peureulèe. Na nyang mubloe ngon pèng droe. Ladum ngon pèng nyang jisimpan. Peue mantong nyang lagôt nateutuléh lam baku. O h lagôt jïtuléh lé, mangat bèk tuwo. Peue lom nyang meuutang. Nyan hanjeuet tïnggaî sagaî. Pèng kamoe cit ka meudum lam buku. Kamoe bandum meulumba-lumba sîmoan pèng lam Koperasi. Meuhîmat bak mubloe keu peunajôh jeueb-jeueb uroe. Soe-soe nyang le simpan pèng bak Koperasi meuteumèe hadiah. Meunan cit soe-soe nyang le mubloe. Raya that untônq kamoe deunqon na Kooerasi di Sikula. Kamoe hana hèk lé ialc mubloe u Ikeudè. Barang murah laén nibaknyan na lom laba. Lam Koperasi cit ka meukri, Bandum asi meuteumèe laba. Pèng tasimpan lam Koperasi, hantom meusi cit meulaba.
15
5.
MOLOD.
Lam sikuia na macam-macam peurayaan. Na peurayaan umum na teuma peurayaan agama. Nyang that gura cit peurayaan molôd. Lam thon nyoe peurayaan molôd leubèh nibak nyang ka. Jiôh jôh gom-lom molod kamoe ka meudeungo riwayat Nabi Muhammad sala llahu alaihi wa sallam. Lam buleuen molôd geupeuna musabaqah atawa tunang beuet Q u r u a n ngon tunang bang atawa azan. 12 Rabiul awal pih teuka. Kamoe bandum seunang ngon meusuka-suka. Sabab bak uroe nyankeuh uroe peurayaan molôd. Aneuk inong bandum sôk bajèe kurông ngon tja sungkèt. Nyang hantuwoe cit ija t ô b ulèe. Aneuk agam meuija krông ngon meukupiah. Bit gura sileupah. 16
Buet nyan ban mandum kamoe nyang pubuet. Lam peurayaan nyan na kanduri bacut. Bu ngon juadah kamoe muba-ba. Kamoe ba leubèh keu jamèe sikada. Jamèe nyan kon ureueng laén. Ayah, ma, atawa cut bang kamoe keudroe. Sigo nyoe nyang peugah riwayat molôd aneuk glah nam. Jikisah riwayat nabi Muhammad mula phôn hingga akhè. Peuet droe mengantoe-gantoe nyang peugah riwayat nyan. Seunang that até kamoe bandum. Bandum jeuet keu teuladan bak kamoe nyang deungo. Meunan cit jamèe bandum. Seunang that até geuh. Deuh takalon bak îe rupa. Lam peurayaan nyoe gurèe keupala geupeumaklum bak kamoe bandum, soe-soe nyang jeuet keu juara dalam musabaqah A l Quran ngon tunang azan. Peurayaan nyoe geutôb deungon geubagi-bagi hadiah ubak juara-juara. Nyang jeuet keu juara seunang lagoena.
—oOo—
17
9.
H I EM.
Cuba peuglah ! !
H
I.
Cuba peugah, Peue nyang geutabu ngon jaroe, geupiléh ngon babah ?
2.
Ureueng nyang jak hana jicok, Ureueng nyang kalon hana jimat, Ureueng nyang mat hana jipajôh, Ureueng nyang pajôh hana jituri, Ureueng duek keudroe turi meurasa. Ban limong na lam tubôh gata.
3.
Saboh nanggroe dua tanglông, Saboh-saboh gampông Ihèe plôh droe, Bak saboh-saboh zat dua sipheuet, Bak saboh-saboh ayat tujôh po nama.
4.
Meunq ék tabôt hana taba, Han ék t a b ô t ka keuh taba.
5.
Maiih teudonq, Aneukjih teuéh, Maiih tagusuek, Aneukjih tagidong.
Ir * i i * * ; *
i#I * .
I* \ *
k*
i
*
19
7.
BLOE KACA
MATA.
Na sidroe ureueng. Ureueng nyan meuareuta sikada. Leupah that tari bak geumeungui. Peukayan gobnyan ija gèt-gèt. Lom pi meuglih that. Sipatu gobnyan sabé meukilat. Bajèe siluweue lam teugeusok sabé. Gobnyan geukeumeung kalon banda Midan. Teuma geujak u Midan ngon Geuritan A p u i . Lam qeuritan geukalonkeuh ureueng jai silagoena. Meusak-sak, ladum dong ladum duek. Oh trôh u banda Langsa Geuritan Apui pîh jipiyôh. Ban lami jipiyôh meukarat-karat aneuk miet jiék lam geuritan. Bak jaroe jih Ie macam surat haba. Aneuk miet nyan jipubloe surat haba lam geuritan A p u i . Rab bandum ureueng bloe surat haba. Sabab na haba barô. Lom pih ngon peulalè droe lam Geuritan. 20
Kalakada nyang baca surat haba bandum meukaca mata. Teuma na sidroe ureueng nyang duek bak binèh gobnyan. Hana meukaca mata, ureueng nyan. Teutapi watèe geubaca surat haba geungui kaca mata. Laie that ureueng nyan bak geubaca surat haba. Meujan geukhém teusinyom. Hana tréb teuma trôh u Midan. Lheueng dua uroe di Banda Midan gobnyan geujak bak saboh keudè Kaca Mata. Sira geujak geubloe siôn surat haba. Geukeumeung baca oh Iheueh geubloe kaca mata. Teuma geutamong keuh lam keudè kaca mata nyan. Geukalon Ie that kaca mata lam keudè nyan. „ N a kaca mata nyang gèt ?" geutanyong bak ureueng po keudè. " N a " kheun rumpo keudè nyan. Dalam bak nyan rumpo keudè pih geujôk dua Ihèe boh kaca mata peuniléh.
/
21
Geucok kaca mata nyan geungui. Teuma geubaca surat haba. Oh hanjeuet geubaca geutuka lé. Geucok lom kaca mata laén. Geubaca lé surat haba. Teutapi hana cît jeuet geubaca. Ka muplôh boh kaca mata, hana meusaboh pih nyang jeuet geungui. Ban mandum hanjeuet geubaca surat haba ngon kaca mata nyan. Teuma keuneulheueh geupeugah bak rumpo keudè : "Teungku, hana meusaboh pih nyang jeuet lôn ngui ! Peue cit neupeugah kaca mata droeneuh got ? " Ban geudeungo lé rumpo keudè, hîreuen that geuh. "Pakon kaca mata nyan jeuet keu hana got ? " Kheun rumpo keudè. "Lôn bloe kaca mata lôn keumeung mubaca. Teutapi ngon kaca mata nyoe bandum, hana meusaboh pih nyang ieuet lôn baca. Nyan keuh sabab lôn peugah hana gèt," kheun ureueng nyan. Rumpo keudè meutamah hîreuen. Teuma jiteumanyong : "Peue droeneu ieuet mubaca ?" "Meungnyo jeuet mubaca, keupeue lôn bloe kaca mata."
22
8.
SEUMAYANG.
Jinoe kamoe na gurèe barô. Gurèe nyan gurèe agama. Ban peueneugah gobnyan ban tamat sikula di Darussalam. Mangat that gurèe nyan bak geupeurunóe agama. Seunang that kamoe bandum ubak gobnyan. Meujan geupeugah lé haba beurakah. Bit gura sileupah. Bah brakah teutapi na paidah bak kamoe bandum. Peulajaran agama le that meuubah nibak nyangka. Jinoe ka geupeuna seumayang meuimeum di Sikula. Teumpat seumayang pih ka geupeudong. Oh teuka watèe leuhô kamoe bandum seumayang meuimeum. Meujampu ngon aneuk glah laén. Nyang bang sabé Muhammad Yusuf. Jih keuh nyang jeut keu juara ban ban nyoe. Su jih pi jroh sileupah na. Jih juara musabaqah A I Quran. Gurèe agama jeuet keu imeum. Kamoe bandum makmum. Gurèe nyang laén bandum pih makmum. 23
Nyang sikula seupôt na cit seumayang meuimeum. O h watèe asa teuka seumayang asa. Nyang bang Abdul Hamid. Jih meuteumeung juara dua lam musabaqah ban ban nyoe. Nyang jeuet keu imeum meutuka-tuka. Meujan gurèe
laén. Meunan keuh sabé jeueb-jeueb uroe. Teuma bak kamoe sabé geupeuingat. Kamoe bèk na nyang tinggai seumayang limong watèe. Sabab seumayang nyan wajéb. Meungnyo tatinggai geutanyoe meudèesa. Teuma geubri nasihat ubak kamoe : Diblang mahsya adeueb peudéh, Muwoe dum keudéh agam dara. Hé aneuk wajéb tapatéh, Adeueb sidéh hana nyang sa. Nyankeuh aneuk bèk lalè that. Taibadat pujoe rabbana. Seumayang limong cit wajéb that, Peureulè that bak tanyoe dumna.
24
9.
TAPE UBI.
Ban ban nyoe gurèe geupeurunoe peugèt tape ubi. Togè, keurupuek cit ka jeuet kamoe peugèt. Ban mandum nyan ka Iheueh meucuba di rumoh droe. Nyang gohlom cit meu tape ubi. Gurèe geuyue ujoe peugèt tape ubi di rumoh. "Ma, gurèe geuyue ujoe peugèt tape ubi. Bunoe kamoe meurunoe peugèt tape ubi di Sikula," kheun si Ati bak ma
jih. "Peugèt keuh, boh ubi pih na," jaweueb ma si Ati. "Ragoe na ma ?" tanyong si Ati. "Nyan keuh nyang peureulèe tabloe," kheun ma. Si A t i ngon si Ali pih jijak bloe ragoe u keudè. Dalam bak nyan si Isa jikueh boh ubi. Ubi lam lampôh
dilikôt moh. Oh woe si Ati bak mubloe, jikalon cut bang jih teungoh puliek boh ubi. Teuma jitumpôh laju, cut bang jih nyan. 25
Lheueh jipuliek, jikléh kulét asoe si udalam. Jikléh ngon sikin. Teuma jikoh-koh, lheueh nyan jirah oh gléh. Oh ka gléh ubi pih jireubôh. Sira hana jibôh sabab ubi keu tape. Hana tréb ubi pih masak. Oh ka masak jirhueng. Teuma jipasoe lam jeuèe mangat sijuek. Jeuèe jilapék ngon on pisang. Dang-dang sijuek si A t i jipéh ragoe. Oh ka alôh bare
jipiyôh. Oh ka sijuek boh ubi jibôh meuatô lam pasu. Lheueng silapéh jiayak ragoe oh mumada. Lheueh nyan jiatô lom boh ubi silapéh treuk. Teuma jiayak lom ragoe. Meunan keuh jipubuet buet. Peuleuheuen-peuleuheuen that buet jih nyan. Bandum boh ubi ka rata meuragoe. Teuma jicok siôn ija putéh nyang gléh. Ngon ija nyan jitôb pasu nyan rapat-rapat.
26
Lheueh nyan jisimpan bak teumpat nyang seupôt. Na Iheueng Ihèe uroe ka mubèe. Tanda ka jeuet keu tapé. Teuma jibuka lé si A t i . Ruparî tapé nyan ka masak. "Karasa dilèe A t i ! " kheun ma. "Mamèh that ma," kheuen si A t i oh lheueh jirasa. Teuma bandum jimeuramien. Bandum rasa tapé ubi si Ati. Keu ayah ka jipeungklèh. "Pajan tapeugèt tapé breueh leukat ma ?" tanyong si A t i nyang teungoh pajôh tape ubi. "Kapeugah bak ayah dilèe", jaweueb ma. "Bah lôn peugèt lom ma boh - " talèh si A t i .
OvJo-"
Oh ban kamoe tamong ka na gamba lalat bak papeuen. "Peue gamba nyoe ? " tanyong gurèe. Meusigo kamoe jaweueb : "Gamba lalat." Teuma gurèe geupeugah haba "lalat". Lalat raya bala ateueh geutanyoe. Meunan gurèe geupu-
phôn haba. Jih jipo keudéh-keunoe. nyang kuto.
Jidong bak
teumpat-teumpat
Jidong bak tumpôk èk. Jaroe gakijih habéh Meulipiek ék ban saboh badan. Bangké nyang meuulat pih jiseuba. Meunan cit bak brôh. Bak boh kayèe brôk.
meuligan.
O h jidong bak teumpat nyang kuto ban saboh badan jih kuto. Peue lom gaki jih. Meunan cit bak babah ngon tu-
bôh jih. 28
Bak bangké a+awa peue mantong nyang kuto nyan na kumeun peunyakét. Kumeun nyan keuh nyang ba bala ateueh geutanyoe. Lalat leupah galak peue mantong nyang kuto-kuto. Bangké-bangké nyang meukumeun cit umpeuen jih. Nyan [euet keupeunajôh. O h troe jipo ho nyang galak jih. Meunjan jitamong lam rumoh. Jimita pat-pat na peuna-
jôh. Jidong bak peunajôh geutanyoe. Teuma peue-peue na bak tubôh jih meukeumat lam peunajôh geutanyoe. Sabab lam peunajôh nyan ka na kumeun peunyakét. Oh tapajôh geutanyoe pih sakét. Sabab nyankeuh beutajaga. Taingat sabé. Peuepeue mantong peunajôh geutanyoe t a t ô b . Bèk sagai tauhah. Tat o b beugèt-gèt. Bèk rôh jitamong lalat.
29
Lalat nyan musôh geutanyoe. Pat mantong na lalat tapoh. Brôh t a t ô t sabé. Leuen rumoh beugléh sabé. Meungnyo gléh lalat hana pat jimeueumpung lé. Sabab bak teumpat-teumpat kuto, disinan jimeueumpung. Teumpat jitôh boh. Tréb-tréb boh iih cèh. Jeuet keu lalat. Bit leupah that ceulaka lalat nyan. Ek jipumaté geutanyoe. Sabab meunan jheut jih na ureueng nyang geukheun "lalat mirah rueng". Ureueng nyan bit lagèe lalat mirah rueng. Sabab ureueng nyan suka that ba peusuna. Suka peutrôh narit keudéh — keunoe. Akhé dudoe jeuet keu pake. Sabab nyan bèk na bak geutanyoe lagèe sipheuet lalat. Sipheuet nyang hana gèt nyan. Mangat that haba lalat nyan. Jeuet keu teuladan bak kamoe bandum.
—oOo—
30
II.
HABA
PEULANDOK.
Bak si uroe meurumpok peulandôk ngon bui. Kheun Peulandôk : "Dalam dônya nyoe manusia nyang teuga. Hana nyang leubèh nibak manusia." Jaweueb buî : "Peue ro ka peugah. Hana kupatèh. Manusia leubèh teuga nibak kèe ? Cuba kapeuleumah nyang toh jih ! Mangat kupeuabéh cuco-cuco jih." "Singoh beunqoh kateuka urumoh kèe ! Mangat kupeuleumah manusia." kheun Peulandôk. Seuningoh nyan ban beungoh ka na bui di rumoh Peulandôk. Jih han ubah janji. Teuma bui jiba lé Peulandôk lam beuluka. Bakbinèh jalan raya. Na siat leumah sidroe aneuk miet. Aneuk sikula. "Nyan, nyang kakheun manusia ?" tanyong bui. "Meungnyo nyan jih sigo kukông reubah teugageueng." 31
"Nyoe goh lom manusia. Keumeung jeuet keu manusia", kheun Peulandôk. Nasiat leumah sidroe ureueng tuha bungkôk. G o b nyan meutungkat. "Nyan nyo manusia ! Meung bacut kucukèh mubalék lam lueng." Seuôt Peulandôk : "iNyoe ka leubèh nibak manusia. Bah tajak ho laén. Mangat meurumpok ngon manusia." Ban dua binatang nyan jitamong lam uteuen.
Meurumpok sidroe pawang rusa. Bak bahô meusandang beudé. Bak keuieng meugantung peudeueng. "Nyan keuh nyang keubit manusia. Coba ka lawan. Kèe kumeusom lam uteuen." kheun Peulandôk. Teuma Bui jilét pawang rusa. 32
Goh lom trôh jirungkom, jitîmbak lé pawang rusa. Keunong pruet. Jitajô sigo treuk. Jihapit peudeueng. Putôh geulunyueng bui siblah. Bui pih jiplueng bak peulandôk. Tanyong Peulandôk : "Cuba peugah pakri hai keu ngon manusia ? " Jaweueb Bui : "Phôn-phôn kutajô. Jibeuôt jaroe jih. J i tunyok ateueh kèe. Teubiet apui keunong pruet kèe. Sakét lagoena. Kuteugom sigo treuk. Jatarék tuleueng rusôk jih sikrèk. Jihapit putôh geulunyueng kèe siblah. Sakét that kuplueng laju keunoe." Teuma kheun Peulandôk : "Kon ka kon. Han soe ék lawan manusia. Salang jidrob lé manusia. Peue lorn an kah Bui Meunan keuh beunalah bak si raya
kupeugah roe bunoe gajah ngon singa ék raja pruet." haba.
33
12.
S U N G L A P.
Bak siuroe teuka sidroe ureueng u sikula kamoe. Ureueng nyan teuka dibanda. Ban peuneugah geujak ngon tapak. Geukeumeung jak ban saboh Acèh. Geukeumeung kalon nanggroe Acèh nyoe ngon mata ulèe. Oh ban trôh u sikula kamoe, kamoe trimong gobnyan deungon get. Kamoe meuduek meusapat. Ban saboh sikula duek meusapat. Phôn-phôn geupeugah kisah gob nyan jak. Geujak ngon tapak. Bit payah sileupah. Bit pih meunan seunang that atégeuh. Sabab ho mantong geujak meuteumeung sèedara. Teuma jeuôh tajak le peue takalon. Oh abéh haba geumeuèn sunglab. Le sunglab geupeuleumah. Ajayéb ngon hireuen teuh. Pèng geuuet teubiet lam baluem. Tungkat meukeumat bak ujông jaroe. Sîôn ija bungkôh jeuet keu mubagoe-bagoe alam. , Na nyang leubèh ajayéb lom. I 34
Anoe jeuet keu saka. Lheueh nyan gobnyan pih geujak. Geubungka laju. Kamoe bandum seunang meukalon sunglab. Kamoe hireuen. Macam-macam teupiké lam até kamoe. Bit carong that ureueng nyan. Le èleumèe gobnyan. Meungnyo meunan mangat that bak geuhareukat. M u dah bak meuteumeung pèng. Keureutah jeuet keu pèng. Anoe di pasi jeuet geuubah keu saka. Soe-soe nyang jeuet meuèn sunglab teuntèe kaya raya. Oh ban tamong glah gurèe teumanyong bak kamoe. Soe nyang ka jeuet meuèn sunglab. Meusidroe pi hana nyang jeuet. Teuma geupeutrangkeuh lé gurèe. Na nyang kheun sunglab nyan sihé. Meungnyo takalon sang nyo meunan. Anoe man tong leuet keu saka. Sunglab jipeusilab geutanyoe. Meungkon meunan han geukheun sunglab. Mustahé anoe jeuet keu saka ! Bunoe ka takalon. Teumpat anoe nyan saboh tèm bulat. Tem nyan hana meuteuntèe babah ngon punggông. Tutôb pih bandua sa. saka.
Diteungoh na mubintéh. Ban dua si meuasoe anoe nqon 3
Phôn geupeuleumah anoe. Lheueh nyan qeutôb. W a t è e geukeumeung puduek geupeulalè geutanyoe. Geupeugah haba. Pura-pura geumeudôa. Oh lalè geutanyoe geupuduek tèm nyan. W a t è e geupuduek nyan geubalék. Dudoe barô geuyue buka. Oh teubuka leumah saka. Nyan keuh geukheun sunglab. Geupeusilab mata geutanyoe. Kon laqèe geukheun lé ureueng tuha-tuha. Sunglab nyan kon sihé. Teutapi bagah jaroe bagah mata. Carong bak peusilab gob. —oOo— 35
13.
MUPAKAT.
Lam dônya nyoe Ie macam jalan mita raseuki. Ladum geuseumuga. Geupeugot lampôh. Na cit meugoe. Ladum galak bak meuniaga. Na nyang tueng upah. Nyang mupakat pih han jeuet han bak ha. Ureueng kaya na pukat droe. Nyang tan pèng geumeurôh droe bak tarék pukat. Pukat Ie yumjih. Sabab le peureulè. Bulèe jôk ngon reuek pukat Beuneung meuntah p i wajèb na. Ngon beuneung nyan taoeugot baluem pukat. Keu taloe pukat tapeugot awé. Peurahô pih beuna. Ulèe kawan ureueng mupukat nakeuh pawang pukat. Gobnyan nyang peuteuntèe watèe. Geukalon watèe nyang jroh bak lhom pukat. Pawang nyan geutupeue pat nyang le eungkôt. 36
Phôn-phôn geugulông pukat lam peurahô pukat. Ban beungoh ka na dilaôt. Oh trôh bak nyang le eungkôt geulhom pukat lam ie. T.aloe pukat geureuntang u darat. Na padum na tréb teuma geupuphôn tarék pukat. Pukat geutarék peuleuheuen-peuleuheuen. Meungnyo teukeujôt meuhat jilumpat ulua jaréng. Taloe pukat geureuntang Siblah-blah taloe pukat na nam atawa tujôh droe ureueng. Bandua blah geutarék sama rata. Peurahô pukat jiprèh bak jaréng di laôt. Jipeurab bacutbacut u binèh. Pawang geuduek lam peurahô. Geukawai eungkôt bèk jilumpat u lua. Oh lheueh pukat geutarék udarat geuparéksa eungkôt. Teuma geubri beuheuek bacut sapo keu ureueng tumpôh. Nyang laén keu pawang pukat. Bit gura ureueng tarék pukat. Nyo ban nyanyi bak Radio :
37
TAREK PUKAT. Tarék pukat jadèh buleuen seupôt Keunong eungkôt cuala deungon jeunara
Tajak u pasi tatarék pukat Ladum bak lamat ladum bak kaja.
Tarék bak sabé bèk keundô pukat Pawang seunang that subra lagoena.
Rôh ngon sure meukawan-kawan Surak dum rakan hâté geumbira.
Punchông ka sarat eungkôt di dalam Lumpat dum rakan peusapat raga.
Dum muge pasi keunan meuhudôm Geutanyong lé yum padum hareuga.
Tamat keu ohnoe haba mupukat. Han ék riwayat panyang lagoena.
38
14
MEURUSA.
Di iaôt na pawang pukat. Di darat na pawang rusa. Pawang rusa le èleumèe. Ureueng meurusa geuba alat. Na nyang ba leumbéng. Na nyang ba tumbak. Na nyang ba ruduh. Nanyang ba parang. Nyang han ieuet han asèe rusa dua Ihèe boh. Asèe rusa kon baranggari asèe. Tapi asèe nyang ka geupeurunoe. Oh trôh u glé asèe cit ka awai jiplueng ukue. Meungnyo lam beuluka na rusa cit ka awai ji tubèe. Laju iitajô. Jatamong tam beuluka nyan. Sira jîmeudrôh {imita rusa. Pawang pih geuyue lingka beuluka bak rakan geuh dumna. Ureueng meurusa wajéb pantah. Meungkon meunan rusa jiteumeung plueng. 39
Rusa oh ka karu jidrôh lé asèe, meuhat jiteubiet. Bak watèe nyan bak got taingat. Mata beulisék. Ban lami leumah rusa bèk lalè lé. Tatumbak laiu. Meungnyo rusa ka rab that tatak ngon ruduh. Bak watèe tatumbak atawa tatak beutajaga. . Bèk keunong asèe. Sabab asèe ka meusui-gamui ngon rusa. Oh ka reubah rusa laju geusie. Teuma geucayéng. Geubulueng bacut sapo. Asèe meuteumeung bagi cit. Mangat jirasa sie rusa. Lom pih jeumot bak jîpeucrok rusa. Jinoe na ureueng meurusa ngon beudé. Bak geutimbak rusa nyan na baya. Meungnyo hana ingat keunong rakan laén.
40
15.
HABA
KAMENG NGON RIMUENG.
Na saboh kawan kamèng. padang raya.
Teungoh jimeurot bak saboh
Di antara kamèng nyan na saboh nyang ka tuha. Bulèeji putéh. Bak keueng jih na janggôt. Watèe seupôt bandum kamèng nyan jimeuwoe-woe. Jilôb lam eumpung droeji maséng-maséng. Bak saboh masa. Uroe cot uroe timang. Langet reudôk lagèe boh jambèe klèng. ^ Jipôt lé angèn puténg beulrong. Jitôh ngon ujeuen tunjai. G ô g ô ngon kilat han peue peugah. Sigo-go tadeungo geulanteue teumeutak. Lagèe su meureuyam meutaga-taga. Bandum kamèng dïteungoh padang jimuplueng-plueng. Jipeusïblah droeji. Na nyang ^ woe lam ; weuè. Na nyang 41
meusilèe diyub bak kayèe. Pat mantong nyang han trôk ujeuen. Kamèng tuha jiplueng cit. Jiplueng ubé na keunuat. Pluengji meunankeuh. Sigo jiplueng sigo reubah. Hingga trôh bak sibak kayèe. Teuma jimeusilèe dijub kayèe nyan. Badan jih buluet. Yo meutat-tat. Bak masa nyan jiteubiet saboh rîmueng dalam tamah. Rimueng nyan jikeumeung jak mita umpeuen. Bak jijak nyan jikeureuléng sigo saho. Deuh jieu kamèng tuha diyub bak kayèe. Rimueng pih jipeurab bak kamèng nyan. Ban saré jikalon rimueng lé kamèng nyan leumah saboh akai. Lam atéjih jiplueng maté. Jidong pih maté. Meungnyo meunan bah keuh maté dong.
42
Kamèng nyan jimita ilah. Mangat leupah nibak baya. Tubôh jih meutamah yo. Lagèe geumpa. Rimueng pih trôh keunan. Oh trôh keunan jîkheun lé rimueng : "Ho kakeumeung plueng ?" Seuôt kamèng : "Kukeumeung grôb ateueh kah. Keureuna ka padum na tréb kutapa disinoe nyo barô trôh eumpeuenku." Oh ban saré jideungo meunan rimueng jiplueng. Teu keujôt leupah jih. Jibôt langkah panyang jiplueng lam uteuen. Kamèng tuha pih seulamat. Lheueh lam baya. Teuma jiwoe lam weue jih.
"
M
Ov^Q *
43
16.
GUOA SADO.
Bak siuroe saboh sado jicok siwa. Uroe nyan jiôh jijak nibak nyang ka. Sado nyan jitarék lé guda. Hèk that guda nyan. Hantom na jirasa meunan. Bak woe geupeujieng padé. Padé meugeunasai. Diteungoh rèt jimeulagèe. Jimeulawan lagèe raya. Han jitém tarék lé. Sabab hèk that ka. Lom pih jiôh. Teuma ,geupiyôh sikeujab. Lheueh nyan geuyue jak lom. Ureueng po sado rab gadoh akai. Sabab oh ban geuyue jak han jitém jak lé. Dalam bak nyan leumah akai bak rumpo sado nyan. Geucok padé saboh geunasai. Geuikat bak taloe seunuet 44
Lheueh nyan taloe seunuet geuikat bak rueng guda. Teuma meujueng u keue guda. Padé nyan teuoat dikeue babah
jih. Padé meutik-tik. Tapi hantrôh jiceupeueb ngon
babah
jih. Sabab guda nyan deuek jih that, teuma jijak saboh tapak. Jikeumeung kab padé nyan. Tapi han cit trôh. Sabab padé pih meuseuk saboh tapak treuk u keue. Lom jijak saboh langkah treuk. Meunan keuh sabé. Keuneulheueh jiplueng. Bak até jih mangat jikeumeung mamoh padé nyan. H o tréb ho bagah lé jiplueng. Nyang padé han cit trôh
jikab. Rumpojih teukhém-khém. "Nyankeuh ! Bunoe han katém jak. Bak até kah panyang akai kah nibak akai kèe," kheun rumpo guda. Guda hana payah geuseunuet lé. Han ék jitheun até. Han ék jîkalon padé dikeue babahji. Leumah rab. Trôh îimamoh han. Jiplueng makén teuga laju. Bak até jih keuneulheueh meuteumeunq cit padé nyan. Asai ék jiplueng. Han tréb dudoe teuma trôh u qamoông. Guda meureuôh ban saboh badan. Hèk that bak jiplueng. Geuploh guda bak sadô. Keu peunayah jih geubri padé siseun troe.
—oOo—
45
17.
POK POK YE.
Pôk pôk yè Masak bu masak gulè Woe bapak di peukan Geupuwoe eungkôt sure. Pôk pôk yè Boh mamplam mirah tangké Nyang putiek lôn prom dibak Nyang masak lôn pajôh lé.
Lôn puduek bak binèh ateueng Lôn kalon ka hana lé Ka jicok lé si Purée Lôn lakèe han jibri lé. 46
Pok Ma Pot Pot
pok yé diblang du diglé boh mè saboh karang boh ram saboh tangké.
Pok pok yé Di lampôh na jambèe Nyang ubit dalam karang Nyang reumbang pajôh dilèe.
Geujaga hantom na geulheueng Han kureueng boh kayèe glé Sira geujak sira geuwoe Masak keudroe boh kayèe glé.
—oOo—
18
H I EM.
Tamat jidong, Tangieng jiplueng Jiplueng keudroe han deuh di mata.
Peue mata nyang meuie sabé ?
Ukeue uateueh, oucôk u miyub. Ladum putéh ladum itam, ßak ureueng agam hana biza.
SINGA toh nyang hana gaki ?
Aneuk soe nyang kayém jipoh ma jih ?
Di rumoh ti Di Lampôh ti Lam mon ti Bubông ti
49
19.
PEUE N A N ?
Na saboh gampông. Gampông nyan dibinèh glè. Di gampông nyan hana rumoh sikula. Rab bandum aneuk miet hana sikula. Na sidroe dua jak sikula u banda. Nyan pih jra that bak Jijak. Sabab jiôh that. Meusakét aneuk gampông nvan nyang tamat bak sikula. Di ureueng tuha hana teupiké bak peudong sikula. Lam gampông nyan na dua boh rumoh rab-rab. Rumoh si Manyak ngon rumoh si Minah. Ban dua aneuk miet nyan rakan that. Sama-sama hana sikula. Yah si Manyak geumeulampôh gulè. Meunan cit ma si Minah. Yah si Minah ka abéh umu. Di yah si Manyak bak uroe Peukan geupubloe gulè u peukan. Teuma ma si Minah geupeuék gulègeuh bak ayah si Manyak. Geuyue publoe u peukan. SO
Oh geuwoe geubloe sira, minyeuk tanoh. Na lom dabeueh laén hyang peureulèe geunab uroe. Bak si uroe kheun yah si Manyak : "Singoh kuba si Manyak u Peukan ! " Ban jideungo nyan galak that até si Manyak. Si Manyak pih geuba u Peukan. Le peue jikalon di Peukan. Siseun jeumeuat dudoe nibak nyan si Manyak ngon si Minah peugah haba. Bandua duek diyub moh. Bak gakijeungki. Tanyong si Minah : " H o kajak dikah uroe jéh Manyak ?" "Kujak u Peukan. Geuba lé yah," jaweueb si Manyak. "Le that peue nyang gura-gura kukalon di Banda." tamah si Manyak lom. Cuba peugah peue nyang gura !" kheun si Minah. Yah si Manyak geudeungo aneuk miet nyan meuhaba. Gobnyan na di rumoh.
51
Kheun si Manyak: "Phôn-phôn kukalon tin-tông, lagèejambô meububông. Jipuplueng lé guda. Tajam leupah. Laén nibak nyan kukalon tut-tut. Jiplueng keudroe. Kon lagèe tin-tông. Nyang hireuenku that rumoh meusambat-sambat. Jiplueng taloe jalan. Nanjih cuit." Oh geudeungo haba si Manyak, jahji teukhém meuhahhah. Lheueh nyan geupeugah peue nan atra nyan. Jinoe cuba ci peugah, Peue nan nyang sah atra nyan teuma ?
—oOo—
52
'
20.
ANEUK
YATIM.
C)
Lam saboh gampông na saboh rumoh. Lam rumoh nyan tinggai sidroe ureueng tuha ngon inonggeuh. Aneuk gobnyan na sidroe. Sidroe aneuk agam. Udéb gobnyan meularat. Han séb pajôh. Dalam bak nyan gobnyan sakét-sakét sabé. Hanjeuet geuhareukat. Aneuk gobnyan mantong ubit. Hana geuantat lom bak sikula. Teukeudi Tuhan maté inong gobnyan. Ka meuntui aneukgeu. Hana tréb nibaknyan habéh umu ureueng tuha nyan. 53
Tinggai keuh aneuk yatim dalam susah. Ka meuntui yatim teuma. Udéb keuh aneuk nyan dalam meularat. Hana soe lé nyang hareukat. Ho trèb ho meutamah susah udéb jih. Hana soe hiro lé si uroe-uroe. Untông keuh na ureueng lingka nyang kira keu aneuk nyan. Tapi padum keuh na. Gaséh gob. Meungkon usaha droe. Oh han ék jitheun lé dibungka. Jiboeh gampông. Jijak ho ngon trôh. Patmalam sinan jipiyôh. Peue nyang na nyan jipajôh. Jijak mita raseuki. Alèh pat pat na keuh bagi. Kadang pih na ureueng nyang teubuka até. Teuka weueh ngon sayang. Dalam jijak-jak nyan meurumpok keuh ngon sidroe ureueng nyang jroh budoe-basa. Oh ban geutupeue hai aneuk nyan, weueh ngon sayang pi teuka. Geupeujamèe aneuk nyan sikada. Lheueh nyan geuba aneuk nyan bak saboh rumoh.
—oOo—
54
21.
ANEUK (2)
YATIM.
Rumoh nyan nakeuh rumoh Yatim-Piatu. Na muplôh droe aneuk hana ma hana ku geuuseuha. Teuma aneuk nyan geupeutamong bak rumoh Yatim-Piatu nyan. Di sinan aneuk nyan geubri peukayan. Geubri bu. Geujôk lam sikula. Geupubeuet Quruan. Di aneuk nyan pi sunggôh han ban dalam meurunoe. Jitupeue droeji aneuk hana ima hana du. Aneuk Yatim-piatu. Bak ibadat hantom tinggai. Sikulaji ho tréb ho manyang Akhé jih aneuk nyan jeuet keu aneuk nyang carong. Aneuk meuèleumèe. Aneuk nyan jeuet keu aneuk nyang gèt budoe-basa. Jeuet keu ureueng meuèleumèe nyang salèh. 55
Oh trôh bak hat jiwoe u gampông droejih. Bandum ureueng gampông hireuen. Hana geusangka aneuk nyan jeuet keu sidroe ureueng nyang meuèleumèe. Sidroe ureueng salèh. Taat bak ibadat keu Allah Taala. Teuma bandum ureueng gampông Isayang that keu aneuk nyan. Jitulông ureueng gampông pi hana reuda. Gampông jih maken tréb maken meutamah maju. Udéb jih pi ho tréb ho meutamah seunang. Keu aneuk yatim sayang jih that. Sabab jitupeue droe jih. Dilèe jih nakeuh sidroe aneuk yatim nyang susah that udéb. Bit sayang that aneuk yatim, gasien lagoena. Seudéh udéb dalam sakét, ateueh rueng dônya. Aneuk yatim beutayakin, aneuk meulia. Tauseuha that meulia : bak Allah Taala. Udéh lam dônya bak sijahtra, ngon mubagia. Amai salèh, Allah peuleubèh, Dalam curuga. Aneuk yatim, that meulia, bak Allah Taala. ( Tamat ) —oOo— 56
ASOE KITAB GEUNTA LHEE Hakman Pengantar Surat Keputusan Kep. Inspeksi Daerah Kata Sambutan Kep. Dinas P.D. dan K. Glah Ihèe I .... Glah lèe II Surat K o p e r a s i M o 1ô d H i e m Bloe Kaca Mata Seumayang Tape Ubi Lalat Haba Peulandôk S u n g 1 a b M u p a k a t M e u r u s a Haba kamèng ngon rimueng Guda Sadô Pôk pôk yé
1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. H i e m 19. Peue Nan ? 20. Aneuk Yatim (1) 21. Aneuk Yatim (2)
-oOo-
3 5 6 7 9 12 14 16 18 20 23 25 28 31 34 36 39 41 44 46 48 50 53 55
Maaih tersedu
..JALAN KEPADA QUR'AN" Oleh : Tgk. M . Amia
is&mv&m*] [
Buku mi adalah methode terbaru belajar huruf 'arab: terutama belajar Al Qurän Yang sesuai untuk anak anak Indonesia. Telah ditetapkan oleh Menteri Agama dengan keputusan No. 104 tahun 1962 untuk dipakai pada „Madrasah Ibudaiyah Negeri" diseluruh Indonesia, dan menjadi bu ku wajib untuk : Kias II M.I.N. dalam Propinsi Da erah Istimewa Aceh dapa: dipakai untuk kias II S.D., dan Meunasah-Meunasah/ Pasantren.
Tebal 56 halaman (Klise Arab) k Ditambah cara mengajar (pegangan) bagi guru-guru 13 hal. j Telah lama dipakai untuk SD/MIN. MINTALAH PENJELASAN PADA !
PENYALUR TUNGGAL
Toko buku p.t.
Sakti
Jl. Bakongan 2 c — Tel. 272 *». BANDA ACEH M
»
