LAMPIRAN Acara Ngembah Belo Selambar A
: enggo pulung kam krina anak beru Ginting ras sangkepngeluh Ginting mergana ndai?
B
: enggo
A
: adi enggo pulung kam kerina enda isap kami anak beru Sembiring
B A
: enggo isap kami anak beru Ginting isap si brekendu kai dage kata isap? : enggom kap lit ertima kam entisik gelah isungkun kami lebe kalimbubu kami
B
: eak mama, silih kami enda enggo reh penungkunen anak beru kalimbubuta Ginting mergana. Kai dage sura-suradu reh maka merari kam reh ku jabu Ginting mergana.
C
: enggo kap ngerana ras permendu janah enggo nge ikatakenna surasurana man bandu e peseh man anak beru Ginting
A
: ma, ma peseh kami sura-suranta man anak beruKalimbubuta Ginting mergana
A
: dalan-dalanna kami reh mama, silih, mami, bengkila apai pe kam labo erkendobahen erkiteken enggo ersada arih kami ras permen kami emaka atena manteki perjabun si mbaru ras si beru Ginting bagem percakapen kami ras permen kami Sembiring mergana kami labo iteh kami entah tuhu entah lahang enggo lit arih permen kami Sembiring mergana ras permen kami si beru Ginting i jabu kalimbubunta Ginting mergana enda
B
: adi enggo lit arih-arih permenndu Sembiring mergana ras permen kami si beru Ginting si apai nge tepetenna permen kami si beru Ginting enda sebab enterem permen kami enda
A
: kerehen kami enggo nge ertepeten bagi cakap kami ras permen kami gelarna si pitri any
B
: enggo iorati kami anak beru Sembiring enggo ertepeten kerehenna ku jabu kalimbubuta Ginting mergana nina lit permen kami si pitri any ma payo nge lit arih-arihndu ras bekasndu ertenah Sembiring mergana maka ia reh ku jabuta permen?
D
: ue bengkila aku nge si ertenah maka enggo reh Sembiring ras temanna sendalanen krina ibas wari sendah enda
Universitas Sumatera Utara
B
: enggo orati kami permen kami si beru Ginting maka enggo payo lit ariharihna ras Sembiring mergana tambah tolena kai nari sura-surandu?
A
: gelah banci terdauhen perjumpanta enda ercakap kita emaka ersurasura kel kami ras kalimbubu kami Sembirig mergana pedalan kami ate kami kampil kehamaten kampil peradaten tuhu kerehen kami ibas wari sendah ras kalimbubu kami Sembiring mergana sesuai ras ngikutken peradaten merga si lima beru si lima tuturna si waluh rakutna si telu perkade-kaden si sepulu dua tambah sada igelari maba belo selambar tapi amin bagegia mindo kel kami perkuah ate kalimbubunta Ginting mergana ras sangkepna ngeluh la ketadingen kam anak beru Ginting tingkatken min perjumpanta ibas wari sendah teruslah kita banci ersinget-singet gelah teh kami ersikap ras kalimbubu kami Sembiring mergana endam sura-sura kami arih kam krina anak beru Ginting
B
: eak mama, impal Ginting mergana krina kam apai pe labo pilihi kami bagepe sibiak turangku kami endam sura-sura Sembiring mergana erkelang-kelangken anak beruna enggom iturikenna lanai pe ulihi kami enggom jelas man bandu krina ibas bage sura-surana ugange ning kami anak berundu krina arih dage kam krina
B
:eak sesuai sura-surandu kam krina Sembiring mergana erkelangkelangken anak berundu kai sura-surandu ndai enggom nungnungi kami sangkep ngeluh kalimbubu kami Ginting mergana enggo me ersada ariharih kami krina enggo banci pedalandu kampil
B
: eak kerna kampil kehamate kampil peradaten si pedalanndu enggo menda seh man sangkep ngeluh kami Ginting mergana bage pe anak beruna sirembah ku lau enggo ngisap si ngisap enggo entabeh perpan belo sibiak mami ras turangku kami krina kai dage kata kampil
A
: eak kalimbubu kami Sembiring mergana kerna kampilta enggo me erdua tan anak beru Ginting ras Ginting mergana ngalokensa kai nge surasuranta
C
: e turiken sura-suranta ndai nakku
A
: si pemena kel iorati kami ibas sura-sura kalimbubu kami Sembiring mergana tumbuk ate permen kami ras si beru Ginting emkapken kesenangan ras keriahen ukur kalimbubuta Ginting mergana
B
: enda enggo lit arih dirindu beru Ginting mama ras Sembiring margana si reh enda maka atena njabuken bana genduari nungku Sembiring mergana ma senang nge atendu tumbuk beru Ginting ras Sembiring mergana e?
E
: man bandu krina anak beru kami tuhu utang mupus kami nge kalimbubundu tapi si beru Ginting si ersura-sura erjabu ibas wari enda
Universitas Sumatera Utara
kam kap si peluar kam si pekarang kam nge si metehsa krina emaka kam lah lebe arih kerina F
: Sitik pe la ukur kami meriah anak kami pe enggo mbelin kegalangen adi dokter pe atena lit nge adi polisi pe atena lit nge impalna enda asakai uang keluar Sembiring mergana enda pitu kali lipat pe ngasup kami ngalarisa
G
: bagekel sura-sura anakta e ras permenta e sebab kami pe enggo meriah kel ukur kami sebab enggo orati kami anak kami Sembiring mergana maka ia enggo tutus kel atena njabuken bana bekas arinna ersada ngenda maka kami reh ibas bagidie enggo me bage perpadanen anakta e ras permen ena emaka sura-sura kami enda kai pe renggo-enggo maka banci enda kampil kami man belo lah kam krina
F
: kami enggo meriah ukur kami sikap kel ndai baba temanta ras pendudurkenna belona dage apai dage si empo e?
D1
: aku bibi
F
: adi buatndu kin permen kami enda adi erkerja pagi Kalimbubuta Ginting mergana enda me mejingkat nge kam pagi reh
D1
: jam enem pagi tenahken kalimbubuta Ginting mergana kami pagi ras permendu e jam lima kami enggo seh bas kerja e
F
: kami enggo meriah ukur kami sebab enggo iorati kami si empo enda ndai ia pe tutus nge atena njabuken bana ia pe pagi nggit ras kami guna numpat-numpat kam emaka adi enggo bage nina kami pe enggo meriah ukur kami
E
: adi kam enggo meriah ukurndu kami langabo beluh ngataken meriah ukur ras senang ukur kami ma ku jenda nge singalo ulu emas mama si empo ena
B
: eak mama i jenda nge singalo ulu emas si empo enda ndai kai kin surasurandu
E
:sungkun dage cubaken teman kami sendalanen ena ndai emkapkensingalo ulu emas arah si empo ia gia ma meriah ukurna tumbuk beberena ras diri kami permenndu e?
H
: kami pe singalo ulu emas meriah kel nge ukur kami peberkat kami nge ia pagi ku jabundu kam senina kami Ginting mergana si enterem enda radu seh nge kita pagi
Universitas Sumatera Utara
Acara Mata Kerja (Hari-H Pesta Perkawinan) P
: Bujur man bandu anak beru Sembiring ras anak beru Ginting ija ibegi kami kerna percakapenndu la lit si rontang ersada arihndu ibas bage irakut kami me kerna percakapenndu enda gelah enggo enteguh perjabun Sembiring mergana ras beru Ginting sijalapen dage kita lebe
D
: Enda i sehken ibas perjabunku ibas wari si sendah mami ras mama gia kam krina gelah mejuah-juah kel aku ibas jabuku pagi ku sehken utang adat nangdangi kam krina kalimbubuku gelah ibas perjabun kami pe pagi krina kam tetap ertoto guna perjabun kami gelah kami pe tetap ersada arih kami mejuah-juah kami ibas jabu kami jumpa pencarin kami krina enda arapen kami i sehken kami utang adat man bandu krina
M
: Ibas bage sura-surandu nakku kami pe krina mamindu ras mamanndu enggo meriah malem kel ate kami emaka ibas perjabunndu lalap kami ertoto gelah kam pe sekula serasi ibas jabundu ersada arihndu mejuah-juah kam seh pagi sura-surandu ibas jabundu jumpa kam bulan ras matawari endam arapen kami ras toto kami mamindu bagepe ras mamandu kerina
A
: Erkelang-kelangken anak beru Ginting tugun sinereh enggo menda dungi kerna peradatan permen kami Sembiring mergana emaka ate kami nehken kehamaten man singalo ulu emas krina la ketadingen singalo ciken-ciken ibas bage sura-sura kami apainge anak berundu kelangkelang kami nehken cakap
A
: Man bandu kam si nihamati kami puang kalimbubu kami emkapken singalo ulu emas kalimbubu kami Sembiring mergana si pemena kel lebe ersentabi kel kami ras kalimbubu kami Sembiring mergana mulai ibas tapak-tapak nahe kami seh ku ujung bu kami entah ija gia kekurangen kami ras kalimbubu Sembiring mergana ula min sangkut-sangkut ukurndu puang kalimbubu kami kin min ndai arusna ija permen kami Sembiring mergana ibas wari sendah njabuken bana reh kel min kami ku rumahndusekalak-sekalak ngataken mata kerja tapi amin bagegia mama impal entah la gia ser-ser i dahi kami kam krina ula kel min sangkut pusuhndu bicara sangkut ukurndu labo akap kami dalih gelah sangkutlah tuahndu nangdangi beberendu Sembiring mergana emaka ibas wari si sendah Bukit mergana teridah kel kam sangap engkai maka bage kami ning kami anak beru Sembiring mergana sebab si eteh kami mbarenda waktu permen kami Sembiring mergana ngidah wari terang ibas pertibi enda kam kap kalimbubu si ndidong-ndoahkensa ku lau ertoto kam asakai kam kemberahen Bukit mergana gelah permen kami pe sehat-sehat mejuah-juah tarum nginget-nginget belinna lupa ia enca ia enggo mbelin seh krina sura-surandu Bukit mergana gelah tumbuk kel ia pagi ras impalna si beru Bukit enterem kerna kai totondu kalimbubu enggo ibegi Dibata tapi sitikkel Bukit mergana kerna perjabun enda perpadanen
Universitas Sumatera Utara
ngeluh padan permen kami Sembiring mergana enggo ersada perpadanenna ras si beru Ginting ibas bage enggo ersada arihna enggo iorati kami permen kami si beru Ginting sebab pengakun permen kami si beru Ginting ngasup kap ia mbaba beru Si enterem adi seh ia pagi ku bukit jadi ia pagi beru Bukit seh ia pagi ku jabu Tarigan mergana salih kang ia jadi beru Tarigan bagendam pengakun permen kami maka kami pang ku jabundu ibas bagidie lah seh kel pagi sura-sura permen kami enda tetap ibabandu ibas toto sehken kami ate kami ulu emas utang peradaten endam sura-sura kalimbubu kami Sembiring mergana ibas bage sura-sura kami enda man bandu dage anak beru Bukit ndai cuba dage orati kalimbubuta I
: enda dage ulu emas endai cuba dage kirandu asakainge isehken Sembiring ergana erkelang-kelangken anak beruna
J
: Enggo i oge kami kalimbubu kerna ulu emas si bereken Sembiring mergana erkelang-kelangken anak beruna buena Rp 610.000 kerna si e ban arihndu krina
I
: enggo me kap mbue ibereken Sembiring mergana erkelang-kelangken anak beruna e kami mindo tambah gelah tambah dolat bebere kami ras ertambahna pagi rejekina ibas ia njabuken bana gelah ia pe pagi malem atena malemen ate kami natap-natap
A
: La kam toganen kalimbubu kami adi mindo tambah kam enda tambahna
I
: adi serpi mehuli ena bas kami pe melala tukur rimo kami pe seh kel lalana emaka serpi mehuli ena bunga-bunga ngeluh kapken ulu emas si kata tuhu ndai nge maka malemna apai si bebere Bukit ndai eng maka malemna
A
: enda kalimbubu ulu emas si kata tuhu nindu ndai si ndai
pang suruh ndu
Universitas Sumatera Utara
