Lagu Pujian dan Penyembahan kepada Tuhan Praise and Worship Songs
Edisi Pertama, November 2007 First Edition, November 2007
Isu Kenyah Sarawak Bahasa Kenyah, Sarawak Kenyah Language of Sarawak
Ja’ kelimbun ngan na’ Belian di dalem isu Kenyah: Lagu-lagu dikumpul dan diterjemah oleh: Songs gathered and translated by:
Pastor Uchat Tusau (A native speaker of the Lepu’ Aga’ variety of Kenyah from Long Silat, Sarawak) Cover design by Disa Lawai
NYEBELANG DAU Udip tadan ja' tiga sengela dalem Yesus Kristus. Ngan bangen taway i' nyua' sai' kimet pala' Tuhan Yesus ja' nulat kebi'en ja' tiga me ilu man le numbak ngalung belian cin buk belian kenyah (Nyanyi Aliluya) seleket edisi kedua buk ja. Meka pe keri'ut de cin buk belian da' ca, da' ilu na' dalem isu Kenyah lu’te. Aki' numbak ngalung belian da baya' kisi' layan kalung ja' ilu kanan dalem kitab Kenyah ja' ilu nengayet uyan na' ki. Aki' ngelan Tuhan Yesus ngeniga tepat panak mung man belian da' dalem isu le di, ja ne isu ja' uban Tuhan Allah nulat me puu' ilu Kenyah. Dalem kebi'en ji aki' kelu' bada’ tiga taway pala' Kemiti Kitab Kenyah, mung sidang Tuhan, meka pe SIL. Uban mung em pat nengayet meti' gayeng ji (Projek Terjemahan Kitab Kenyah), dalem em mepo man penisen, pengenjay ngan temami'. Nda bang peja tua', un pe da' nulat kebi'en de me gayeng ji, un pe da' petangen man isu ja' pebawa' apan ngelapen mejo gayeng ji, uban nda away gayeng ji lepa lepe. Bada’ tiga taway pala' senganak le da' lepa uyan belian dalem isu Kenyah kena ki de. Meka pe ti tiga taway pala’ senganak-senganak le da’ nemek na’at kisi’ kalung ngan baling belian dalem buk belian ji (editorial team): Alexander Lian, Disa Lawai, Jey (Bulan) Burkhardt, Juergen (Sigaw) Burkhardt, Joriah Lada Ding, Nelson Ngau, Ratius Ula dan Wesley Ancho. Tuhan Yesus ngeniga tepat panak mung.
Uchat Tusau
i
ii
PENADING DAU Aleluya pembaw Tuhan. Uban ku’un kimet ja’ lepa tisen peniga Tuhan, ilu kelunan kelu’ pembaw ngadan Peniga le Yesus Keristus. Ilu tisen sen isu Aleluya. Mung na’an kelunan kusun tana’ ji tisen lu’ung isu Aleluya ja. Nda ja dau isu ka’ bulan mujun tua’. Cin kimet ja’ mala’ pengelesaw Tuhan ja’ lepa lua’ dalem puyan Peniga le Yesus Keristus ilu tuman pisu Aleluya pembaw Tuhan. Nyua’ sai’ kimet keneng Tuhan uban ngajan udip ji kadu’ lepu’ ilu Kenyah lepa tisen pengelesaw Tuhan. Kena perang Jipun menjat lepu’ ilu tisen surat. Keta keta udip le kena dema katuk udip Yesus Keristus nai lua’ kaang ilu. Sen katuk udip dema ji un lua’ dalem Kitap. Un lu’te lingay e lua’ dalem buk Belian Pembaw Nyelama Tuhan. Juku’ ilu nyanyi ngan lan lan teka’ penaway le ngan pekimet dau isu e ngan nggin kimet le nay ngenyeng Tuhan. Buka le tuman tuman nyanyi, ilu ke petangen da’ senganak le. Ja ne puyan ilu ngeniga kimet Tuhan lu’te. La’a ilu ke petangan ida pat da’ i’ut udip apan ida ke lao malay ngan sen katuk. Mung nyanyi ji ke mepo singget singget le tudep baya’ katuk telit ji. Dalaw le tangen ke nyanyi, si’ ilu ke tisen teka’ bangen cin surga. Si’ ilu nekena ke tisen kedi’ut teka’ pengebangen surga lu’te. Bangen ali’ ka’ surga te uban ku’un ca usa kelunan penyala’ ja’ nesen ngan nyepuli’ kimet e. Puyan le tuman nyanyi ke pawang Berua Bui’ dalem kimet ilu da’ ngelan ia. Tenup teka’ le bangan ka’ surga u’o ji. Cin senganak em pa’an dalem pengemala’ Keristus,
Tageng Pendeta Ray Cunningham Galston, New South Wales, Australia
iii
iv
Panduan Ejaan Bahasa Kenyah Semasa Ejaan Bahasa Kenyah ini mengikuti hasil kajian penyelidikan fonologi dan sosiolinguistik yang dikendalikan oleh Juergen Burkhardt dan Hans Combrink berdasarkan logat Kenyah Lepu’ Aga’, Badeng dan Jamuk. Walau bagaimanapun, sistem ejaan ini sesuai untuk logat-logat Kenyah yang lain, seperti Lepu’ Tau, Lepu’ La’ang, Lepu’ Sawa, Lepu’ Tepu dan lain lain. Selain itu, ejaan ini juga adalah hasil daripada keputusan yang dibuat di Bengkel Otografi Bahasa Kenyah yang diadakan pada bulan Mac 2003. Buku BELIAN PEMBAW NGAN NYELAMA TUHAN ini menggunakan ejaan yang dicadangkan dalam panduan ini. Seterusnya ejaan ini digunakan dalam penterjemahan Alkitab bahasa Kenyah, untuk pengumpulan perkataan-perkataan untuk kamus Kenyah dan untuk hal-hal pembangunan sastera Kenyah yang lain.
Huruf-huruf abjad Kenyah A a, B b, C c, D d, E e, É é, G g, I i, J j, K k, ‘, L l, M m, N n, Ng ng, Ny ny, O o, P p, R r, S s, T t, U u, W w, Y y Konsonan-konsonan Huruf
Di awal kata
Di tengah kata
Di akhir kata
Bb
babuy (babi hutan)
abun (awan)
-
Cc
can (tangga)
uco (bujur)
-
Dd
da’a (mengkuang)
kedau (kata)
-
Gg
gera’ (ketawa)
ligit (ringgit)
-
Jj
ja’a (dagu)
kujaw (sayur)
-
Kk
kading (kambing)
kakit (gayung)
batuk (leher)
Ll
lati (cacing)
jela’ (lidah)
-
Mm
mujun (bibir)
amay (bapa)
nem (enam)
v
Nn
nisep (minum)
inan (batang pokok)
adan (bangku)
Ny ny
nyela (jahit)
bunyaw (limau)
-
Ng ng
ngasa (lari)
langaw (lalat)
baing (parang)
Pp
pu’é (pisau)
jipen (gigi)
lep (lutut)
Rr
-
kerien (bakul menuggal)
-
Ss
sa’i (katak)
asu (anjing)
-
Tt
tanjaw (buyung)
betu’en (bintang)
abet (cawat)
Ww
-
leliwa (pelangi)
-
Yy
-
aya (lapan)
-
’
-
li’ip (bahu)
bura’ (kapas)
Nasal Istimewa mb, nd, nj, ngg, nl Mb mb
mbeng (halangan)
mbit tulit (cicak ubin)
mbaw (atas)
Nd nd
nduk (kayu api)
ndung (hidung)
nda (tidak)
Nj nj
njo (pun/juga)
njeng-njeng (macam-macam)
njun (peringkat)
Ngg ngg
nggang (jengkal)
nggin (bawa)
singget (setiap)
Nl nl
sunlep (berlutut)
vi
Vokal-vokal
Vokal biasa [V] a, e, é, i, o, u
Dua vokal [V.V] aa, aé, ai, ao, au, éé, ia, ie, ii, io, iu, ua, ue, ué ui, uu
Vokal meluncur [VV] aw, ay, uy, iw
Vokal Biasa [V] a e
abak (petola) -
é
éé (tali bakul/beg)
i
iap (ayam)
o u
pat (empat, tikar)
beta (petai)
bekilet (kilat)
lepe, ne, de
bit (sikat)
uleng (kalung)
nangé (menangis)
-
busi (buluh betung) lo (jarum)
alut (perahu)
lu (penumbuk)
Dua Vokal [V.V] aa
baa(beras)
ii
miit(tarik)
aé
maé(kurus)
io
sio(kelimpahan)
ai
ait(pasir)
iu
biu’(besar)
ao
selao(ramah)
ua
suat(luka)
vii
au
ngebau(cemburu)
ue
nueng(tunduk)
éé
éé(tali bakul/beg)
ué
jué(hutan kecil)
ia
iap(ayam)
ui
sui(burung)
ie
kerien(bakul)
uu
suut(punggung)
Vokal Meluncur [VV] aw
belabaw (tikus)
bunyaw (limau)
likaw (kening)
ay
amay (bapa)
mesay (mendayung)
anay (anai-anai)
uy
babuy (babi hutan)
paluy (bodoh)
sebakuy (kain gendung anak)
iw
paliw (tukar)
titiw (suluh)
piw (bunga)
Partikel ne
lah
de
sudah berlaku
le
lah
te pe
sesuatu yang jauh also, juga
ke
akan
ce
juga
Tay ne masat ka' dalaw ba'i. Pergilah berjalan didalam hutan. Tay iu u' u'o de ? Pergi apa kau tadi ? Kaya' ali' le kisi' de. Rupanya mereka sangat kaya lah. Ka' ia te. Jauh disana. Ia pe tay. Dia juga pergi. Ia ke na' kidi me iku'. Dia akan memberikannya kepadamu. Ia ce nay ba ne. Ia juga datang katanya. viii
Bunyian Glotis Apabila sesuatu bunyi vokal berhenti di tekak, ini disebabkan oleh dua jenis konsonan. Satu jenis ialah apabila sesuatu perkataan itu berhenti dengan bunyi di belakang ruang mulut; untuk ini simbol k digunakan. Jenis kedua ialah sesuatu perkataan itu berhenti dengan bunyi di kerongkong macam ada hentian udara; untuk ini pula simbol glotis ‘ digunakan. Tanda bunyian glotis dicatat dengan membuat satu tanda pepet di posisi selepas vokalnya. Ia adalah penting untuk menulis tanda glotis meskipun simbol ini hanya kecil sahaja, nilai konsonannya tinggi. Maksud perkataan akan berubah jikalau tanda glotis tidak dicatat. Berikut adalah beberapa contoh perkataan.
taak
ba’an
sarong tradisi kapas ruyung
pa’
mulut
pak
ma’an
pukul
terak
ba’an
kata dia
ta’a bura’
penadah
burak jakan
tuak sejenis minuman upih (pinang) winter melon
taa bura baan paa maan
biji-bijian bazir/sayang karung para-para susah, mahal
Pinjaman Perkataan pinjaman merupakan perkataan-perkataan yang bukan perkataan asli dalam bahasa Kenyah tetapi telah dipinjam ke dalam bahasa Kenyah. Ada beberapa jenis perkataan pinjaman. (1) Jenis yang dipinjam dari Bahasa Melayu, Bahasa Inggeris atau Bahasa Cina dan diKenyahkan. Ia disebut menggunakan bunyi bahasa Kenyah dan dieja dengan ejaan Kenyah.
elektrik Cina cerek
leterik Kina’ kiri’
cawan Jepun Iban
ix
sawan Jipun Imban
(2) Jenis yang dipinjam yang baru kepada masyarakat Kenyah. Bunyi dan ejaan bahasa asal digunakan. Ia ditulis dengan huruf italik (condong) atau digariskan di bawah perkataan tersebut. Jikalau ia sudah biasa digunakan oleh orang ramai dan tidak perlu dibezakan (distinction) daripada bahasa Kenyah, ia tidak perlu ditulis menggunakan huruf italik atau pun digariskan. Jika bunyi cara menyebut perkataan itu berubah menjadi mirip bahasa Kenyah, sila eja menggunakan sistem ejaan yang semasa ini.
injin
komputer
free
relek
moto
mi
(3) Jenis ini adalah nama khas untuk tempat, orang dan lain-lain. Ini tidak semestinya menggunakan ejaan Kenyah tetapi ia mesti menggunakan ejaan asal atau mengikut kad pengenalan.
Yesus Yerusalim Long Jeeh
Henri Eprata En. Ngau
x
Yakup Yurdan Tuhan
Lek Surat Lubun Nyebelang Dau
i
Penading Dau
iii
Panduan Ejaan Bahasa Kenyah Semasa Belian Pembaw Nyelama Tuhan
v-x 1 – 166
Belian Krismas
167 – 178
Lubun Belian (Senarai LaguLagu)
179 - 189
xi
xii
Belian Pembaw Nyelama Tuhan 1.
LESAN TA’AT
Lesan ta’at le tisen kisi’ paren Tuhan le, Ilu pekimet tira’ ja’ pesan ka’ surat E, Lepa tenup bekilet ngan melikat kadu’ da, Atek Tuhan menang: Paren Yesus aliluya, paren Yesus aliluya Paren Yesus aliluya, si’eng daji’ Tuhan. Lesan ta’at le tisen kisi’ bawa cin surga, Kenay ketu’ kadu’ da’ baya’ Tuhan Laja da, Telit ca kiep mata , kua’ telit ca penecu, Atek Tuhan menang: Lesan ta’at le tisen ja’ selawan Tuhan le, Tegu’ le tay pegita, atek paliw layan le, Ayen ca me ilu pambin tip ja’at sitan, Atek Tuhan menang: 2.
AMI’ TENGEN ATEK KETAY LABU’
Ami’ tengen atek ketay labu’, Nda mi’ menjam petubo usa mi’, Bang Yesus ami’ tunuk, Ia lu’te lesaw ami’ Ia ne, ja’ nubo ami’ mung.
1
Na’ pe pengeten kenay siu’ ami’, Nda mi’ i’ut taway pekimet e, Un Amay le ka’ Surga, Ia lu’te na’at ami’, Daa’ Yesus, daa’ Yesus mending ami’. Usa mi’, usa mi’ atek mano, Un Yesus matay saliw penyala’ mi’, Ami’ ngaa’ penyala’ mi’, nyat Yesus pet e la’a, Usa mi’, usa mi’ tay bui’. Tudep mi’, tudep mi’ baya’ Yesus, Ami’ uba’ pebeka taway ngan E, Ia lu’te atek dema, Ia lu’te atek telit, Uba’ mi’, uba’ mi’ mudip dema. 3.
UN KENDA’ SALIP (Berilah hormat namaNya)
Un kenda’ salip Tuhan Yesus Ilu kelunan nesen kimet , Ja uban Tuhan meliwa ilu, Ngebiu’ Yesus: Yesus Kristus liwa lan, Yesus Kristus liwa lan, Daa’ E pesaw ka’ Gulguta, Ngebiu’ Yesus. Berua Tuhan na’ sio milu Apan mesaw mung penyala’ mi’, Un janan udip dema ku’un, Ngebiu’ Yesus.
2
Petuman ne Tuhan meliwa ilu, Petuman E paliw kimet ilu, Pet mung penyala’, ti da’ teneng, Ngebiu’ Yesus. Yesus uba’ na’ Berua E, Apan ke nyalet tebelum le, Nggin ilu neng penyelum E, Tay bangen nilu. 4.
YESUS KRISTUS, IA NUMBAK MUDIP
Yesus Kristus, Ia numbak mudip, Aliluya, aliluya, Ia numbak mudip. 5.
MUDIP ME YESUS TIGA LAN-LAN
Mudip me Yesus, tiga lan lan Cin pengekaya’ usun tana’ ji, Meka pe uma’, ngan mung da’ ca, Aki’ maung da mung, tay baya’ Yesus: Tiga cin ketu’ pengaren biu’ Dalem gaam penyala’, Mudip ngan Yesus, tiga lan lan Cin mung kaya’ tana’ ji. Mudip me Yesus tiga lan lan Cin mung pengaren ngan ngadan biu’, Aki’ nay tudep, ngelan neng Yesus, Apan tay teneng, bui’ ngan Yesus:
3
6.
TUHAN ALLAH PENGUBA’ I’ (How great Thou art)
Aa’ Tuhan i’, aki’ mu’o ne taway, Ta’an ketu’ mung pengepuyan U’, Nilé na’at bulan idang ka’ langit, Sebelang ne puyan U’ tiga lan: Aki’ belian mala’ ne kimet i’, Tuhan Allah, penguba’ i’, Aki’ belian mala’ ne kimet i’, Tuhan Allah penguba’ i’. Dalaw i’ tay masat ka’ dalaw ba’i Ta’an sui ngan pun na’an-na’an, Tay ka’ mudung, ta’an leliwa musang, Salam teka’ pekimet puyan U’: Dalaw i’ tay ka’ dalem peng sebayang Aki’ ngening dau tira’ neng Yesus, Kumbin kisi’, nda u’ mapo Ia, Tegu’ tuyen ka’ dalem tana’ ji: 7.
TIRA’ TUHAN ALLAH TIGA LAN
Tira’ Tuhan Allah tiga lan, Nggin udip ngan dema me ilu, Itung titiw, jaga’ taket mi’, Tiga-tiga masat janan udip mi’.
4
8.
MATIUS, MARKUS, LUKAS YAYA
Matius, Markus, Lukas, Yaya, Pemuyan, Rum, Kurintus, Galatia, Ipesus… Pilipi, Kulusé Kedua Tisalunika, Ca abi’ dua Timutius, Titus, Pelimun, Iberani, Yakup ngan Peterus… Yaya, Yahuda, Kebaya’ e Puyan Lua’. 9.
ILU TUNUK KATA YESUS (Aku berserah NKI 185)
Ilu tunuk kata Yesus, kimet usa berua mung, Ja ne layan ilu nyemba kata Yesus Keristus: Aki’ tunuk mung, aki' tunuk mung, Kata Yesus ja’ peniga, Aki’ tunuk mung. Ilu uba’ Tuhan Yesus, nueng ulu kata Ia, Nggin liba’ taway pala’ Tuhan Yesus Keristus: Ilu mala’ Tuhan Yesus, tunuk salut uban E, Un pe paren lua’ baya’ Laja ca le Keristus: 10.
NGAJAN JI UN NYI’AN KIMET MI’ (In my heart there rings a melody)
Ngajan ji un nyi’an kimet mi’ Uban Tuhan Yesus un dalem kimet mi’, Ngeringa ilu katuk tiga lan, Pekimet ilu sebayang:
5
Yesus, Yesus, Yesus, Ngadan tiga lan, Sukat nyakat sitan, Juku’ kimet mi’ nyi’an. 11.
TUHAN YESUS MUDIP TAW MINGGU
Tuhan Yesus mudip taw minggu, Taw biu’ ngan taw bangen, Napek ka’ salip Yesus matay, Uban nyalay penyala’ ilu: Tay ilu nyanyi bangen-bangen Nyelama Yesus Laja Surga, Uban Ia nay mudip mading, Ilu kelunan mejung ngadan E. Tuhan Yesus uli’ dalem Surga, Muku’ ngan Tuhan Amay E, Cin Surga Yesus mengaw ilu, Na’at ilu singget taw, singget alem: Tuhan Yesus daji’ nay kenda’ la’a, Ilu ngena midan kenay E abi’, Malap le pambin penyala’ ngan sa’é, Kelu’ mi’ pesulo baya’ Tuhan: 12.
AKI’ TUDO KA’I (This world is not my home)
Aki’ tudo ka’i, dalem lepu’ ka’i Uma’ i’ cu’ lan lan, dalem Surga Tuhan, Aki’ masat nuat, ka’ usun tana’ ji, Aki’ pedenga Tuhan i’. 6
Ilu mudip nuat , ka’ usun tana’ ji, Pekimet ne lan-lan, ilu tisen Tuhan, Uban usun tana’ uba’ ketay menyo Tiga ala’ udip Tuhan. Nda majan la’a, aki’ pala’ Tuhan, Mudip majan lan-lan, dalem uma’ Tuhan, Dalem mi’ tay masat, senganak ayen muaw, Aki’ pedenga Tuhan i’. 13.
PEMBAW TUHAN AMAY BIU’ (NKI 9)
Pembaw Tuhan Amay Biu’, Yesus Kristus bang Anak ca, Berua Tuhan ja’ ketelu, Pembaw Tuhan Allah Biu’. Pembaw Tuhan Allah Biu’, Dadu’ kimet lesaw ilu, Ia pudip da’ panak E, Pembaw Tuhan Allah Biu’. Pembaw Tuhan Allah Biu’, Ia kelu’ kelunan mung Tay baya’ Yesus ka’ Surga, Pembaw Tuhan Allah Biu’. Pembaw Tuhan Allah Biu’, Atek pu’un u-dip mi’ Ia mada janan udip, Pembaw Tuhan Allah Biu’.
7
14.
YESUS INAN, NGAN ILU DA’AN E (Yesus pokok)
Yesus inan ngan ilu da’an E detem ne dalem Ia 3X Atek u’ ke ngebu’an sau: Yesus mala’ aki’, Aki’ mala’ iku’ Iku’ mala’ ia. 15.
TUHAN YESUS TU’A ILU (Yesus ada sobat kita NKI 107) (Rum 8:31-39)
Tuhan Yesus Tu’a ilu, teneng lan pekimet le, Un sai’ ngan ilu Kristin, nggin ilu baya’ Ia, Buka sitan piat ilu, nggin ilu tay daru, Yesus ngeringa dau temami’, Peteneng janan la’a. Un em tusa un em sakit, tiga bada’ mung me Ia, Ayen sa’é nay pala’ Ia, senganak le ja’ atek lan, Kuda’ liway daram-daram, uban talu sebayang, Dalaw le pekimet Yesus, Atek un dena’ kimet. Buka lema’ teka’ le, pesendé pala’ Tuhan, Brua Yesus nulung ilu, tuman le nemami’ Ia, Atek supi’ le kelunan tengen ke baya’ Tuhan, Brua Yesus nulung ilu, Nemami’ Allah milu.
8
Yesus atek payo ngan le, supi’ sitan ti ilu, Uban Yesus mala’ ilu, atek ilu un usun, Penusa, taru ngan tuyen, kasip sakit ngan lien, Atek supi’ metat ilu, Cin mala’ Tuhan Yesus. 16.
SAI’ UDIP MADING
Sai’ udip mading, sai’ ku’un Yesus, Ilu pembaw Yesus, nebelum Yesus la’a: Belian, belian, pembaw ngadan E, 3X Tuhan Yesus Kristus. 17.
NYENG SALIP TUHAN YESUS
Nyeng salip Tuhan Yesus, Nuken daa’ petutung, Biu’ kimet Tuhan Allah, Na’ Yesus milu Mui’ ilu, mui’ ilu, Daa’ Yesus pelaya, Sukat ne mui’ kimet, Uyan udip milu. Nuken daa’ Anak Dumba Mending patay milu, Yesus ja’ Anak Dumba Mesaw penyala’ le: Nuken daa’ patay Yesus Tuman saliw ilu, Penyukat penyala’ supi’ Ilu da’ un usun: 9
18.
ILU BELIAN DENGA TIGA (Ku nyanyi ceritera ajaib NKI 282)
Ilu belian denga tiga, neng Yesus Anak Allah, Ia maung amin amay, nay nyu’un penyala’ le: Ilu belian denga tiga, neng Yesus Anak Allah, Ia matay saliw ilu, mudip mading pembaw Ia. Yesus mita ja’ tay daru, ilu ja’ lepa dunjaw, Nyu’un nggin ilu uli’, Ia biu’ lesaw ilu: Ia pagat ida sakit, nay beti’ ida lema’, Kelunan buta’ nay na’at, Ia pebangen ida pe: Yesus ja’ petubo ilu, pabi’ kenay E la’a, Sulo nggin ilu uli’ ka’ amin Amay le ka: 19.
SUI-SUI KA’ MUDUNG PEMBAW TUHAN
Sui-sui ka’ mudung pembaw Tuhan, Depiw-depiw ka’ bekan pembaw Tuhan, Melikat-melikat ka’ Surga pembaw Tuhan, Aki’ pe ca, iku’ pe ca pembaw Tuhan. 20.
TIGA MUNG KELUNAN TISEN (Jangan lupa nama Tuhan NKI 207)
Tiga mung kelunan tisen ngadan Yesus Keristus, Ngadan uyan tiga kimet Buka un kadu’ bisaw: Ngadan E tiga lan Sukat uyan kimet le.
10
Ayen talu Tuhan Yesus, pu’un pengetiga le, Ia sukat pudip ilu Buka le tunuk Ia: Yesus uba’ nulung ilu, dalem ketu’ penusa, Nyendé taway pala’ Ia, Puto nemami’ Yesus: 21.
AKI’ LEPA DARU KA’ JANAN
Aki’ lepa daru ka’ janan, Penyala’ kadu’ na’an, Janan udip sitan ja’ ja’at, Uli’ pala’ Yesus la’a: Uli’ la’a, uli’ la’a, pala’ Keristus Tuhan Yesus na’ udip mading, Uli’ pala’ Yesus la’a: Aki’ lepa muaw neng Yesus, Baya’ usa tengen, Yesus lesaw mengin ilu mung, Uli’ pala’ Yesus la’a: Aki’ ngelan Yesus dalaw ji, Ala’ kimet bui’ Tay pebeka taway ngan Ia, Bangen ne ilu neng Yesus: 22.
TUHAN YESUS UN LESAW (NKI 262)
Tuhan Yesus un lesaw, biu’ lesaw keneng ilu, Surat Tuhan bada’ lan, nggin ilu tisen lan:
11
Lan Yesus un lesaw, lan Yesus un lesaw, Lan Yesus un lesaw, lesaw ilu panak. Tuhan Yesus ja’ matay, Ia mudip cin patay, Penyala’ mi’ tay salay, Yesus na’ bui’ taway: Sai’ kimet Tuhan mi’, ala’ mung anak dumit, Uyan kimet neng bui’, ajak anak baya’ Ia: 23.
AKI’ NAY PALA’ TUHAN (NKI 203)
Aki’ nay pala’ Tuhan, nyat udip ngan bui’ Mesaw ketu’ penyala’ i’, man daa’ Tuhan Yesus: Aki’ nay Tuhan, nay pala’ Iku’, Tiga U’ mui’ Aki’, man daa’ Tuhan Yesus. Aki’ nay pala’ Tuhan, ngakun pengundaw i’, Mesaw ketu’ penyala’ i’, siu’ lesaw Yesus: Aki’ nay pala’ Tuhan, tunuk kata Iku’, Uyan taway mading la’a, na’ kimet i’ muat: 24.
NGAJAN JI PE, CIN BEKADING PE
Ngajan ji pe, cin bekading pe kua’ kimet Tuhan Nda tay pubut, nda tay diwek, Bang kua’ kimet pa’an. Pembaw ne ngadan E, pembaw ne ngadan E, Mung da’ ca ja’ ketay salay, Bang Yesus tua’ pa’an.
12
Nyaap de, taw i pe, utung udip Yesus lesaw ilu, Tuhan Yesus ja’ pudip ilu, Mejung ne ngadan E. Pembaw ne ngadan E, pembaw ne ngadan E, Tuhan Yesus pudip ilu, Pembaw ne ngadan E. 25.
DALAW ILU NGIMET KAYU SALIP (NKI 47)
Dalaw ilu ngimet kayu salip Kuku’ Tuhan mi’ ja’ tuyen matay, Tusa pekimet kelunan la’a Ja’ makang nyakat Anak Allah. Dalaw ilu ngimet kayu salip Pesaw ketu’ pengebalang ilu, Tiga nilu liba’ kimet la’a, Uban pekimet ja’ Peniga le. Dalaw ilu ngimet kayu salip Lepa biu’ Yesus lesaw ilu, Ia ngayang ukum penyala’ le Ia pekimet ke pudip ilu. 26.
BERUA TUHAN CIN YESUS (NKI 38)
Brua Tuhan cin Yesus, Nggin ca udip mading, Dalaw klunan tunuk Ia, Atek un udip mading, Petuk le ngan Berua Allah, Nuken janan pa Surga, Nay ne ilu maung penyala’, Man dau katuk Brua Allah. 13
Brua Allah atek Tuhan, Baya’ Yesus tading kenay, Apan na’ penyukat mami’, Sukat tay denggep kimet, Dalaw un penusa iu-iu, Brua E mepit ilu, Nay ne maung penyala’, Man dau katuk Brua Allah. Brua Yesus, Brua Allah, Na’ pelesan kimet le, Tuken dau katuk Tuhan le, Na’ penisen milu la’a, Dalaw siu’ ten kimet le, Brua Allah un ngan le, Nay ne maung penyala’, Man dau katuk Brua Allah. 27.
YESUS SALIW ILU KELUNAN (Jesus loves the little children)
Yesus saliw ilu kelunan Mung le kusun tana’ ji, Kenya, Alu’ ngan Penan, Kua’ da mung ba’an dau Tuhan, Yesus sukat uyan kimet bui’ lan. 28.
NULUNG AMI’ TUHAN ALLAH (NKI 155)
Nulung ami’ Tuhan Allah, tiga kimet mi’ Tuhan, Uban kadu’ puyan nyingan ja’ pedena’ kimet mi’, Nggin ami’ menjam belian, baling belian ja’ tiga, Apan ami’ panak kristin, Mejung ngadan U’ Tuhan. 14
Cin dalaw ami’ kelunan, ala’ udip ngeriman, Utung udip abi’ baya’, Tuhan nubo ami’ mung, Midan ami’ daru ka’ janan, siu’ tusa ngan ja’at, Tuhan Yesus mita ami’ Nggin uli’ ngan sai’. Ami’ supi’ mesaw utang, ngan Tuhan Peniga mi’ Uban biu’ pengelesaw keneng ami’ kelunan, Uban lema’ ketu’ usa mi’, Tuhan Yesus Keristus, Ami’ kelu’ tunuk usa, Kimet, brua neng Tuhan. 29.
MATET AMI’ TUHAN ALLAH (NKI 132)
Matet ami’ Tuhan Allah, matet ami’ da’ turan, Ami’ napi Iku’ ja’ un sukat, nggin ami’ ka’ Surga, Udip sio, udip sio Nyangan dalem brua mi’ Nyangan dalem brua mi’. Matet ami’ Tuhan Allah, ajak ami’ lapa ten, Ayen dayo ami’ paba kimet, bang teto baya’ Iku’, Nding bila, nding batu, Tuhan ja’ nyengaw ami’ Tuhan ja’ nyengaw ami’. Matet ami’ Tuhan Allah, dalaw takut ngan bisaw, Tiga taway ku’un Tuhan Allah, dena’ kimet utung taw, Pada Allah, pada Allah, Peniga ilu atek lan, Peniga ilu atek lan.
15
30.
UN CA TANA’ JA' TIGA LAN LAN
Un ca tana’ ja’ tiga lan lan, Ja ne tana’ mi’ mudip baya’, Buka ilu ngelan Tuhan le Atek tay le pegita ngan E: Ku’un daa’, Tuhan le Mawang udip nyio baya’ ji, Ku’un daa’, Tuhan le Mawang udip nyio baya’ ji. Un ca tana’ ja’ tiga lan lan Sukat kuku’ ilu mung-mung, Buka ilu nyelikut sitan Ala’ udip sai’ ngan Yesus: Un ca tana’ ja’ tiga lan lan Lepa tiga ku’un Tuhan mi’, Penyakit ngan tusa mi’ pesaw Bang le mudip sai’ ngan Yesus: 31.
UTUNG UDIP TUHAN NUBO
Utung udip Tuhan nubo, ajak ilu panak mung Buka tay ngalut ka’ sungay, Tuhan Yesus man ilu. Buka daram daram kimet, Brua Tuhan atek un Sebelang ne kimet Tuhan, Atek nubo ilu mung. Utung udip Tuhan nubo, mending ilu panak mung Buka ilu uyan uma Tuhan Yesus man ilu. 16
Ilu minda tira’ Tuhan, tudep neng katuk teneng Ja ne uban Tuhan nubo, Nubo ilu panak mung. 32.
TIGA KIMET AKI’ BELIAN (Selamatlah hari NKI 231)
Tiga kimet aki’ belian, uban Yesus mui’ kimet, Aki’ kelu’ bada’ mung mung, Uban aki’ tiga kimet: Taw biu’ taw tiga, tegu’ Yesus mui’ kimet, Yesus uyan kimet bui’, Ia nggin aki’ belian, Taw biu’, taw tiga, tegu’ Yesus mui’ kimet. Aki’ lepa ngelan Tuhan, Ia nggin aki’ baya’, Nda ami’ kelu’ petat, Uban ami’ tiga kimet: Aki’ lepa maung kimet i’ dalem uju’ Peniga mi’ Nda pubut kimet la’a, Yesus tua’ man udip i’: 33.
PENIGA ILU LEPA NYALIW ILU
Peniga ilu lepa nyaliw ilu, Ka’ Gulguta, ka’ salip E, Menjam ne Ia pudip ilu mung mung, Buka nesen kimet le. Supi’ ne sitan mapo Tuhan le, Yesus Kristus, Anak Allah, Pesaw ne Yesus cin dalem liang E, Mudip Ia pa majan. 17
Peniga ilu ja ne Yesus Kristus, Teneng ne Ia, telit ne Ia, Menjam ne Ia nggin ilu mung mung. Baya’ janan ja’ telit. Peniga ilu atek naway daji’, Nay kenda’ la’a, nay lua’ la’a, Atek un paren ngan tuyaw biu’, Peging Peniga ilu. 34.
ATEK YESUS KE NAY LA’A (NKI 258)
Atek Yesus ke nay la’a, baya’ daji’ E ngan le, Ngeringa dau tebada’ E, Bada’ janan le mudip: Malap tecu ta’an Yesus, Malap sa’é pambin ja’at, Tiga tepat minda tira’, Ja’ un penjo cin kitap. Un mung melikat ka’ Surga, bang pada ngadan Yesus, Tay kenda’ Ia mung da’ ca, Atek mbaw ne Kristus: Penyala’ u’ lepa salay, meka dau tira’ Yesus, Iku’ sukat tay ka’ Surga, La’a ngelini’ ngan E:
18
35.
UYAN KIMET MI’ (NKI 102) (Have Thine own way Lord)
Uyan kimet mi’ kua’ kimet U’ Ami’ sebayang pala' Tuhan mi’ Mui’ kimet mi’, tu’ sala’ mi’ Pekatuk ami’ neng ja’ teneng. Uyan kimet mi’ kua’ kimet U’ Iku’ te tisen penyala’ mi’, Iku’ mui’ mi’ neng ja’ bui’ Apan pengelan mi’ tay salet. Uyan kimet mi’ kua’ kimet U’ Iku’ matay ka’ kayu salip, Nakaw ami’ cin tu’ sala’ mi’ Uyan ca janan tay ka’ Surga. Uyan kimet mi’ kua’ kimet U’ Berua Tuhan nggang kimet mi’, Apan mi’ baya’ penguba’ U’ Apan mi’ mudip sai’ ngan tadan. 36.
TUHAN JA’ UBAN UYAN ILU
Tuhan ja’ uban uyan ilu, Tuhan uyan ilu tiga ali’ cin kena, Bali ja’ ja’at pelabu’ ilu, Kedau cin Tuhan ilu kelunan penyala’. Uban ne biu’ lesaw Tuhan Allah, Uyan janan udip milu dalem Tuhan Yesus, Nay ne tepat mung ngelan Ia, Nay ne sanggit, ayen un ca milu tapa. 19
Tuhan ja’ pawang udip mading, Tuhan pawang udip sukat maliw kimet ilu, Yesus ja’ menjam nyupi’ sitan, Yesus ja’ menjam nubo ilu panak mung. Tira’ cin Yesus ilu uba’, Tira’ cin Yesus sukat uyan kimet ilu, Nay ne tepat mung pekalay ja, Nay ne sanggit, ayen un ca milu mendam. 37.
NDA MI’ NAPI IU DA’ CA (NKI 78)
Nda mi’ napi iu da’ ca, bang daa’ Yesus ja’ bui’ lan Nda mi’ nina iu da’ ca Bang ngadan Keristus Tuhan: Atek Yesus ngeket salet, Mung mung da’ ca bang panyi le Mung mung da’ ca bang panyi le. Dalaw tegu’ udip pali’, sungay lembam layam kasa, Yesus tua’ ngelidung mi’, Man kimet, usa, brua mi’: Midan Yesus ke nay la’a, ami’ ketay pemung ngan E, Ia ke na’ gelam mading, Maliw ami’ kua’ layan E:
20
38.
KA’ ALLAH UN PAREN (Terpujilah Allah hikmatNya besar NKI 289) (To God be the glory)
Ka’ Allah un paren ngan ngadan biu’ Ia nggin ilu neng penyelum E, Uban Tuhan Yesus ja’ saliw ilu, Ngan pawang me ilu sio ja’ biu’: Pembaw E, pembaw E, pembaw Peniga le, Pembaw E, pembaw E, tiga sai’ le, Nay ne tepat mung nyelama Allah, Ngan pada Peniga le, Yesus Kristus. Neng Allah un bangen ngan kimet sai’, Nda E mulen ca usa nay pala’ Ia, Kelunan penyala’ ja’ tunuk Yesus, Tay nalan udip ngan Berua mading: Neng Allah un kimet ngan katuk teneng, Tay tiga kelunan ja’ tunuk ka’ ja, Ngan baya’ un tiga ja’ tiga lan lan, Tegu’ le pegita ngan Yesus Kristus: 39.
SENGANAK MI’ DALEM TUHAN
Senganak mi’ dalem Tuhan, Pembaw ne ngadan Tuhan le, Ja’ uban uyan langit ngan tana’, Peging ngan ilu kelunan:
21
Pembaw ne ngadan Tuhan; Puy, amay, ui’, sadin, tuyang, Ayen em nyelawan, Nda majan Tuhan Yesus ke nay kenda’, Petenup ne tiga taway, Nda majan Yesus ke nay; Mita bua’, bua’ taway; Puy, amay, ui’, sadin, tuyang. Senganak mi’ dalem Tuhan, Baya’ ne katuk Tuhan le, Ja’ uban petubo pengudip le, Pabi’ uman ja’ mading ji: Senganak mi’ dalem Tuhan, Nengayet ne mudip bui’, Dadu’ taway Tuhan na’ ca awang, Pigay katuk udip Tuhan: 40.
AYEN U’ TAKUT PENUSA IU (MKI 216)
Ayen u’ takut penusa iu, Tuhan penubo le, Kata Tuhan un dena’ taway, Tuhan penubo le: Denggep ne kimet em, Atek Tuhan nubo ilu, Atek nubo ilu, Utung pengudip le. Dalaw tu'a le ke pet ilu, Tuhan penubo le, Dalaw du ke ngeja’at ilu, Tuhan penubo le: Tuhan ja’ tisen temami' le, Tuhan penubo le, Ia kelu’ na’ ja’ tiga lan, Tuhan penubo le: 22
41.
TEMBA TEKA’ KIMET TEPAT (Di salib baru celik mata ku NKI 230)
Temba teka’ kimet tepat, nay nuken Tuhan le, Nyekang sitan ngan mung ja’at, Penjo denga Tuhan: Salip E, salip E, kuku’ mata mi’ pesik, Pelapa kimet mi’ nesen ngan dema, Uban Yesus tay nyaliw ami’ ka, Tiga teka’ ne taway singget taw. Peniga mi’ Tuhan Yesus, ja’ kuku’ tina mi’, Daji’ E atek sebelang, Pa’an pa’an baya’: Tegu’ mi’ abi’ taw biu’, Yesus nuken ami’, Nda sa’é pawang ami’, Nay pala’ Amay le: 42.
BUKA EM NGIMET MESAW TIP SITAN (Jika mau masuk dalam kebebasan NKI 244)
Buka em ngimet mesaw tip sitan, Penyukat ja’ un ka’ daa’ Keristus, Buka em ngimet teto ka’ Surga, Daa’ Keristus un sukat: Un penyukat, daa’ Keristus, pet penyala’ ilu, Un penyukat daa’ Keristus, Sukat pet mung penyala’ le.
23
Buka em supi’ ku’un ten sitan, Penyukat ja’ un ka’ daa’ Keristus, Buka melak neng janan ja’ ja’at, Daa’ Keristus un sukat: Dalaw tegu’ em nyeripa Tuhan, Penyukat ja’ un ka’ daa’ Keristus, Buka kelu’ un bui’ dalaw ja, Daa’ Keristus un sukat: 43.
AKI’ TAY KA’ GULGUTA (Laba di joljuta NKI 271)
Aki’ tay ka’ Gulguta, nggin sakit ngan lema’ Ka’ salip atek nalan, udip Kristus ngan bangen: Anak Allah senalip, nyu’un ukum jakat mi’, Anak Allah Peniga, pudip ami’ da’ sala’. Majan kimet mi’ tepa, lelat uban ja’ sala’, Na’ki ami’ un lingaw, ka’ Yesus Peniga mi’: Keneng puyan da’ ke nay, nda mi’ bisaw la’a, Keristus ka’ Gulguta, pawang ca udip dema: 44.
NAY NE ILU NYENDÉ PALA’ KERISTUS (Sandar akan perjanjian Tuhan Yesus NKI 169)
Nay ne ilu nyendé pala’ Keristus, Pembaw ngan pada ngadan Tuhan Yesus, Ku’un tira’ Allah ilu un usun, Penjo le nebelum ka’ patek E:
24
Nyendé, nyendé, Nay ne nyendé pala’ patek Tuhan Yesus Nyendé, nyendé, Aki’ nay nyendé patek Peniga. Ketu’ ilu sukat un tabo kimet, Buka le penjo ngelan ka’ patek E, Nay ne ala’ puyan ja’ sukat pudip, Éi’ ja’ nebelum ka’ patek E: Un kelunan mung da’ kelu’ un usun, Pecap patek Tuhan ngan ngelan e pe, Ja ne nyatap le ngan kelembit lu’te, Nda le tekep supi’ la’a: 45.
NAY NE TEPAT PEMBAW YESUS
Nay ne tepat pembaw Yesus, Nay ne tepat belian Ia, Nay ne tepat napi Tuhan Yesus, Uban Yesus petakaw ilu, Pada ngadan E, pada ngadan E. 46.
UN PI’EN PULU’ PI’EN DUMBA (Sembilan puluh sembilan NKI 284)
Un pi’en pulu’ pi’en dumba, linek lelan teka’, Bang ca tua’ ja’ nda un, uban tapa ka’ mudung, Daru ka’ tana’ miang ngan batu Miat mita janan nay uli’ la’a. 2X Penubo mawa’ ka’ dumba ja, bamba pekimet ia, Ia maung da’ pi’en pulu’ pi’en, mita dumba ja’ daru Pa abi’ nalan ngan pudip e, Dumba awen ja pendang dalaw sua’. 2X 25
Keta ngan tuyen Penubo ja, daa’ e musa ka’ janan, Kua’ daa’ Yesus musa neng salip meliwa pudip ilu, Ia mita ilu pa abi’ nalan, Nggin ilu uli’ ngan bangen lan lan. 2X Penubo Yesus ke cuk ilu da’ uli’ cin daru, Cuk ilu tay mita da’ turan, daru ku’un penyala’, Uban ji ne kuku’ le bangen taway, Ajak ida uli’, ayen ca matay. 2X 47.
MIDAN MIDAN MAPI’ LANGIT (Kalau bunyi sangkakala NKI 200)
Midan midan mapi’ langit ngan pelua’ Tuhan le, Tay mu’o ne asi’ bali dalaw ja, Nay dema ngan paren Yesus tipo kusun tana’ ji, Juku’ petenup ne taway le na’ki: Midan Yesus pecap ilu, Midan Yesus pecap ilu, Midan Yesus pecap ilu, Midan Yesus pecap ilu un lu’ ti’. Midan midan lua’ ukum ngan kejakat Keristus, Ngeregen ngan naret jipen du da’ ca, Juku’ bada’ janan udip baya’ daa’ Peniga le, Apan kadu’ ilu sai’ dalaw ja: Midan midan dau melikat tay melalu’ Keristus, Atek tay betep tebuku tana’ ji, Penjo nay beti’ senganak le da’ ading tay lundu’, Kua’ le tay pegita ngan Tuhan Yesus:
26
48.
BATU BILA KERISTUS (NKI 150)
Batu bila Keristus, kuku’ udip kelunan, Ayen nina usa le, nebelum Peniga le, Kelangan uju’ mi’ nay, Nyat lesaw neng Keristus. Usa Yesus saliw mi’, nyu’un ukum jakat mi’, Magang sigut brua mi’, pawang udip ngeriman, Batu bila Keristus, Pudip ami’ kelunan. Batu bila Keristus, ja’ Keniga udip le, Kenuen bali ja’at, kenuen kenay pali’, Atek ilu un usun, Ngan ngelan Peniga le. Batu bila nyelembaw, putung alem putung taw, Utung udip pa mukun, nina salip Keristus, Pelaya ami’ neng bui’, Batu bila Keristus. 49.
AMI’ NGELAN IKU’ YESUS
Ami’ ngelan iku’ Yesus, Penyala’ mi’ lepa pesaw, Ia mesaw beka mi’,
3X, Peniga mi’. 3X, ku’un Yesus. 3X, mawang udip mi’ 3X, pengudip mi’. 3X, Peniga mi’.
Ami’ menjay pala’ iku’, Belian mejung ngadan E,
27
50.
TEGU’ TUHAN YESUS ABI’ (Pertemuan orang-orang beriman NKI 248)
Tegu’ Tuhan Yesus abi’, nay ngan mung melikat E, Pegita ngan mung kelunan da’ ngelan, Ja ne ku’o mung penusa sakit, bamba ngan mendam, Bang pemung ngan Keristus pa’an pa’an: Bangen taway ilu, Pekua’ mudip ngan Yesus pa-pa majan, Sanget taway ilu, O senganak ayen ca le tay tepa. Tegu’ Tuhan Yesus abi’ nay ngan mung pengaren E, Kaya’ le ka’ tana’ ji ketay salay, Juku’ lao le mita kimet, petubo baya’ Tuhan, Peremun kaya’ ja’ salet ka’ Surga: Uban udip ka’ Surga supi’ mung ligit meli, Bang daa’ musa Tuhan Yesus liwa le, Ia ketay ca pu’un udip saliw patay ilu di, Apan ilu senganak ke pembaw Ia: 51.
TAY NE BUKA, TAY MITA KATUK TUHAN
Tay ne buka, tay mita katuk Tuhan, Tay ne buka pekalay cin Kitap, Tay ne buka, apan em sangan ku’un Tira’ Yesus ja’ mawang udip le, Tay nggin denga Tira’ Tuhan, Apan mung kelunan ke tisen, Ngan ngelan Yesus Peniga le cin surga, Nggin ne udip ja’ tiga. 28
Tay ne la’a, nggin denga cin Tuhan, Tay ne la’a, bada’ tira’ tiga, Tay ne buka, di mung kelunan ngelan Injil Tuhan Yesus, Peniga le: 52.
UBA’ ILU TAY KA’ SURGA (NKI 272)
Uba’ ilu tay ka’ Surga, mudip neng ca udip tumbak, Kimet penaway pekaliw, uban ku’un tuket Tuhan: Ala’ udip mading, ala' udip mading Tay pebulung ngan Tuhan le, Ala’ udip mading. Ayen mawa’ udip pu’un, tay durat berua ku’un, Ayen besé dua kimet, malap ja’a neng dau tuket: Udip mading dalem Yesus, ca le penaway ngan Tuhan, Petuk berua ngan Yesus, atek pemung pabi’ baya’: Na’ pe bali sitan munan, salet le neng gaam Tuhan, Na’ pe taru neng kerusan, tadan udip ku’un Tuhan: 53.
MUSA DAA’ TUHAN YESUS (NKI 152)
Musa daa’ Tuhan Yesus, sua’ kelunan mung, Tuman Yesus mending ilu, Lesaw kelunan mung. Tuhan Yesus ngiin keta, ngan tuyen pa matay, Lua’ uban Yesus lesaw, Uba’ pudip ilu.
29
Ku’un penyala’ kelunan, tay Yesus neng salip, Keriding pa ketay taup, Tuman penyala’ le. Yusup Aramatia ne, muno patay Yesus, Maung E dalem liang E, Pekep pa taw minggu. Yesus ja’ nay mudip la’a, palup dau tuket E, Nyu’un penyala’ kelunan, Saw ilu cin ja’at. 54.
AYEN LE TAY I’UT TAWAY
Ayen le tay i’ut taway, Tuhan ja’ un jaga’ ilu, Ceng dadu’ taw ngan alem, Tuhan ke petubo ilu: Nay mung kelunan ja’ tapa, Nay mung, nay mung ne kelunan, Nay mung, nay mung, Tuhan ke saw penyala’ le. Nay ne kelunan ja’ tapa, da’ daru baya’ Tuhan, Nay ne pala’ salip Tuhan, Ja’ Keniga udip le: Na’ pe kumbin kadu’ pengeten, ja’ ke nay piat ilu, Tuhan ilu ke nebelum, Ke ngecu’ ketu’ penusa: Masat nilu ngan ja’ tiga, janan uku’ le pebeka, Baya’ isu Tuhan Allah, Amay le ka’ Surga: 30
55.
TAY LE TISEN YESUS JA’ BUI’ LAN
Tay le tisen Yesus ja’ bui’ lan-lan, tisen tuman Ia musit daa’, Tay mesaw sigut, tay mesaw penyala’, Dayo Yesus mui’ kimet le: Tay bui’, ngan Yesus, ayen ilu muaw Keristus Ayen pambin jameng ngan ja’at la’a, Tay bui’ man daa’ Yesus. Tay le tisen tira’ cin surat Tuhan, tisen dau cin katuk tiga lan, Tay pekalay kidi pa le tisen lan, Dayo Yesus mesaw mung ndem: Tay le bada’ kimet me Amay Biu’, tay le tuman nemami’ pala’ Ia, Tay mesik kimet ngan bada’ mung taway, Dayo Yesus nggang kimet le: 56.
NAY PEMBUN NE MI’, NGIMET TUHAN UN (I stand O Lord in this Holy Place)
Nay pembun ne mi’, ngimet Tuhan un Nay ngenyeng Tuhan, sili’ silung E, Uba’ tunuk baya’ katuk Berua E Ke pelua’ nyingan Tuhan. Nekejeng nemi’, ngimet Tuhan un Nay ngenyeng Tuhan sili’ silung E, Uba’ tunuk baya’ Berua E, Ke pelua’ nyingan Tuhan.
31
57.
TUHAN UN AMI’, NGAN LESAW AMI’
Tuhan un ami’, ngan lesaw ami’, lua’ mala’ neng ami’, Biu’ selama mi’ neng Tuhan Yesus, Uba’ malay lan ngan E: Nyeng Tuhan mi’, Tay mi’ malay ngan tisen sen neng patay E, Nyeng Tuhan mi’, nyeng ne, nyeng pala’ Tuhan, Tisen sen neng patay E. Un pebulung mi’ dalem Keristus, nuyan ca le usa mi’, Tay denggep ami’ dalem Keristus, Tay teneng pengudip mi’: Tay panak nemi’ dalem Keristus, tiga sai’ kaang ami’, Uban lan kimet mi’ ngenyeng Tuhan, Tay pekatap puyan E: 58.
CA KELUNAN MASAT PUNO
Ca kelunan, masat puno Cin lepu’, cin lepu’ Yerusalim. Uba’ ketay, ka’ lepu’ Yeriko, Kenay kelunan, kenay kelunan mabang ia. Ida meseng, ia kaang janan, Penjo de merit, penjo de merit sapay ka’ ia. Ida metung, ia pe la’a, Kecé ke matay, kecé ke matay ka’ sada janan. Nay ca da’ta’u, lepu’ Yerusalim, Tisen ia, tisen ia, penjo lapa ia. 32
Nay ca laki, Liwi ngadan e, Tisen ia, tisen ia, mekep silung e. Nay ca laki, Samaria, Ngedung dembaw, ngedung dembaw likut kuda. Ia tisen, ia meken, Ia lesaw, ia lesaw ta’an kisi’ e. Ia ngayang ia kembaw kuda, Nggin ia uli’, nggin ia uli’ ka’ uma’ sakay. Ia na’, balun me ia: “Buka mu’o, buka mu’o, nyat ka’ aki’ la’a”. Yesus kuma: “Ja’ nggé ja’ tiga, Mida telu, mida telu da’ tisen ia?” Laki Samaria, ja’ tiga mida, Uban Yesus, uban Yesus bada’ kimet E. 59.
TUEN KISI’ KERISTUS (NKI 52)
Tuen kisi’ Keristus, keriding neng kayu salip, Uyan udip me kelunan, Aliluya, mala’ Yesus. Kua’ ba’an njay liwa, matay Yesus neng salip, Si’ penyala’ mi’ lekak Aliluya, mala' Yesus. Tuhan Yesus Keristus, un lesaw pa-pa matay, Malap ilu tay salay, Aliluya, mala' Yesus. 33
Nay Yesus mudip la’a, un usun cin mung da’ ca, Peniga uyan udip le, Aliluya, mala' Yesus. 60.
BIU’ LESAW TUHAN ALLAH (Sangat besar anugerahMu NKI 71)
Biu’ lesaw Tuhan Allah, Ia na’ udip milu, Lenja nilu neng penyala’, Tuhan ngayang ilu. Biu’ lan pengelesaw U’, pedena’ taway mi’, Un tadan ka’ berua mi’, Lepa ne mi’ ngelan. Dalaw le ke siu’ tuen, Tuhan ngepali le, Pengelesaw Tuhan ke na’, Tiga neng udip le. Ilu tunuk pala’ Tuhan, uban Tuhan lesaw, Tuhan mengaw, Tuhan mending, Ketu’ pengudip le. Ilu pembaw Tuhan Yesus, uban Ia un lesaw, Petubo le tu’ udip le, Neng singget penaru. Dalaw le ke mecin tana’, tay uli’ ngan Tuhan, Tuhan lesaw ke na’ milu, Kelini’ pa majan.
34
61.
KENA KETAY YESUS KEMBAW (NKI 26)
Kena ketay Yesus kembaw Un taway neng ilu Ia cuk Berua E kenay Kenay ca njay milu
2X
Tegu’ taw Pentakusta ne Kenay njay Yesus Mesun neng kelunan ja’ tenup Tenup ke ala’ E 2X Ngan puyan nyingan lua’ E Na’ tiga lan denga Beti’ kelunan ke bada’ e, bada’ e tipo tana’
2X
Un puyan Tuhan neng ilu Ke na’ njay biu’ Mesun neng kelunan ja’ tenup Tenup ke ala’ E 2X 62.
PEJA NE LEPA SENGANAK (Cukuplah sudah saudara)
Peja ne lepa senganak Peja ne lepa senganak Pengeketa Yesus nyu’un ka’ salip E: Mung e lepa Ia tisen Pengudip u’ bang pelolo, Menjay ne pengudip u’ pala’ Ia.
35
Ayen u’ du’ay la’a, nay na’ki Nesen kena ukum labu’, Ji ne kebi’en me iku’ nay pala’ Ia. 63.
AKI’ NGELENGAP PALA’ IKU’
Aki’ ngelengap pala’ Iku’, Lesaw ne aki’, Yesus Tuhan, Bang Iku’ Tu’a i’, Penubo i’, Na’ki i’ ngelengap, pala’ Iku’, Aki’ un lema’, O mepo ni’, Ajak ne aki’, cin pengeten, Ngepali ne aki’, Penubo i’, Na’ki i’ ngelengap, pala’ Iku’. Aki’ ngena Iku’, meti’ aki’, Peteneng asat i’, neng ja’ pejo, Na’ belian mading, dalem pa’ i’, Aki’ pembaw Iku’, Penubo i’. 64.
ILU BELIAN NGENDAW YESUS (NKI 17)
Ilu belian ngendaw Yesus, ilu pembaw Tuhan, Awa’ ca ibu le belian Tiga le kua’ dau ti, Tuhan Yesus Peniga le, na’ peniga milu, Tiga teka’ penaway le, Naway peniga Yesus. Tuhan Yesus ilu uba’, pembaw ne ngadan E, Atek mbaw Tuhan Yesus Peniga kelunan mung. 36
Menjam Yesus nakaw ilu, cin tu’ beka sitan, Aa’ ilu tunuk kimet Ala’ dau Yesus lan lan. Tekep ketu’ kelunan mung, nay nyelama Yesus, Uban Yesus uyan udip Na’ tadan udip milu. 65.
NAY TE PENIGA CIN AMAY BIU’
Nay te peniga cin Amay Biu’, puyan teneng ngan telit, Puyan ja’ nuju’ ka’ nggé un tiga, mala’ penguba’ Yesus, Atek tiga katuk cin Tuhan le, Telit neng kimet le mung, Mala’ dema E, ngan migay denga E, Nay udip dema cin Yesus: Un ne dema ka’ dalem kimet le, Tuman Yesus mending pengudip le, Matay saliw ilu, Un awang dema nyeraan, Nay cin Surga dema peniga lan. Nay te peniga cin Amay Biu’, puyan ja’ ilu denga, Denga neng udip ja’ ala’ sio, denga neng singget lepu’, Pasak biu’ ne peniga Allah, Telit neng kimet le mung, Lekak penyala’ pesaw beka ja’at, Nay udip dema cin Surga.
37
66. YESUS PEMUNG NGAN MI’ DALAW SEBAYANG
Yesus pemung ngan mi’, dalaw sebayang, Ami’ mita Iku’, man kelimbun ji. Nay nu’ uyan taway, ngan teneng kimet, Ami’ nay ngeringa, minda tira’ U’. Mui’ mesaw mung apet, singget usa mi’, Ayen bua’ ami’ salaw, bang ngimet dau U’. 67.
NAY MI’ ANAK-ANAK
Nay mi’ anak-anak, nay mi’ ba’an Tuhan, Nay mi’ bangen-bangen, kua’ serengan, Ia nyekalung ami’, na’ sio mami’, Sio atek bui’, nggin udip sai’: Mubi’ ne sio, mubi' ne sio Sio Tuhan mubi’ mami’ anak U’, Tuhan. 68.
MUNG ADET SUPI’ (NKI 157)
Mung adet supi’, na’ pe adet tiga Nda nyatan puyan adet ke pudip ilu: Aliluya, pembaw Tuhan, Aliluya Amin, Aliluya, pembaw Tuhan, ja’ pudip ilu. Nay pembaw Allah, ja’ na’ Yesus milu, Tuman matay na’ udip ke pudip ilu: Nay nemami’ Allah, ala’ kimet liba’ Napi taway pala’ Yesus ja’ peniga ilu: 38
Dau Brua Allah, bada’ katuk teneng, Uyan kimet kelunan dema ngan bui’: 69.
DENGA UDIP SURGA NDA UN JA’AT (Di surga ramai yang besar NKI 233)
Denga udip Surga nda un ja’at, Nda un palo-palo ka’ ia te, Pamen Surga nay pesik ku’un Yesus, Nda un dilu’-dilu’ janan e: Amay tiga lan peniga u’, Amay ngadan u’ atek biu’, Ami’ uba’ surga, tugung ngan Yesus, Ja’ keniga udip kelunan. Denga udip Surga nda un mendem, Nda un uku’ ilu ke daru, Udip pesenganak ilu ngan Yesus, Bang puto ilu bangen-bangen: Denga udip Surga nda un singen, Nda un Yesus kelu’ ca tapa, Buka tunuk Yesus tay le ka’ Surga, Tuhan Allah atek Amay lan: Denga udip Surga nda un keta, Nda un nyara-nyara ka’ia te, Udip dalem Surga pemung ngan Yesus, Nda un sukat tay petat la’a:
39
70.
DAA’ YESUS MUI’ MUNG PENYALA’ MI’
Daa’ Yesus mui’ mung penyala’ mi’, Yesus te ja’ ami’ tunuk lan, Tuman E tay matay saliw penyala’ mi’ Uban E biu’ lesaw ami’: Daa’ Yesus, mui’ ami’, Ia te pu’un Peniga mi’. Yesus un lesaw ami’, Na’ ca dema neng dalem kimet mi’ Uban Yesus un lesaw ami’. Pembaw ngadan Yesus ngan bangen kimet mi’ Kua’ nilu belian pembaw Ia, Bada’ bangen kimet le pala’ Yesus te, Ia pu’un peniga le: Kadu’ isu ja’ nay ngetaba kimet mi’, Sebelang sala’ te puyan mi’ Ami’ nebelum daa’ Yesus mui’ ami’, Apan mi’ mudip ngan ja’ sai’: 71.
AMI’ NYAT LESAW PALA’ YESUS (Kami minta ampuni oleh Yesus)
Ami’ nyat lesaw pala’ Yesus Keristus Pet ketu’ penyala’ na’ dema ngan bui’ Apan tay teneng ne kimet mi’ ngan sai’ Uban biu’ lesaw Yesus neng ami’: Yesus Tuhan mi’, mesik kimet mi’ Dalem udip mi’, kusun tana’ ji, Ia lesaw ami’, utung udip mi’, Pa tay mi’ tisen, mi’ tisen katuk Tuhan. 40
Kua’ nilu ngeliba’ kimet pala’ Yesus Ayen le uba’ baya’ puyan ja’ sala’ Tiga nilu ala’ Yesus neng kimet le, Apan le tay teneng mudip ngan sai’: Ilu nay ala’ dau katuk Tuhan Yesus Ayen uba’ pepiat taway pepi’a Kuda’ pengeten uyan kimet le tusa Tiga nilu ala’ Yesus neng kimet. 72.
TUHAN JA’ UN LESAW ILU
Tuhan ja’ un lesaw ilu, tuman uban E matay Keniga udip kelunan, pa-pa majan Atek kenay E o, ke mejung ilu o, Pemung le ngan E o, pa-pa majan. Tuhan ja’ un jaga’ ilu, da’ tudep baya’ dau E, Pebeka taway ngan le, pa-pa majan, Tiga nilu baya’, dau katuk Tuhan le, Ayen le uba’ baya’ janan daru. Tuhan ja’ un mala’ ilu, Ia matay saliw ilu, Ia nyu’un penyala’ le, pa-pa majan, Atek kenay E o, nay ala’ ilu o, Pemung le ngan E o, tay ka’ Surga. 73.
PENGETEN JA’ KADU’
Pengeten ja’ kadu’ nggin taway sala’ Paing pengelan le nda un tay lema’ Petubo udip le neng janan ja’ siu’, Jaga’ pengeten piat kimet pa sala’:
41
Ayen le sala’ pekimet Pengeten piat ilu, ilu ke ngecu’ e. Mudip kusun tana’ sangan ku’un tusa Ja’ piat kimet le baya’ janan tiga, Pengeten ngetaba kimet le tay tusa Taway pepi’a nggin tuyang le ngerada: Tuhan cuk le tay mita tuyang lesaw taway Keliwa lesaw kaang ilu pa matay, Pengeten nay mita kelunan ja’ lema’ Ngetaba kimet pa tira’ Tuhan salay: 74.
TAY SANGAN KIMET KU’UN BERUA BUI’
Tay sangan kimet ku’un Brua Bui’ Ngendaw pembaw Tuhan ngan bangen taway, Apan mung kendaw ngan belian le Ke pembaw Tuhan. 75.
ANAK JA’ TAY MASAT (Anak yang hilang)
Anak ja’ tay masat ka’ lepu’ ja’ cu’ Tay kanjaw ngan undaw kimet e, Amay da tay tusa pekimet ia o, Ligit ngan umbat e tay mu’o: Uli’ ne anak i’, tuen I’ bimbin iku’, Uli’ ne anak i’, atek I’ lesaw iku’. Ngan bamba ja’ biu’ amay da pekena Anak e tay ka’ lepu’ ja’ cu’, Amay u’ nda sukat tay lingo iku’ Na’ pu’ nda un uba’ dau e: 42
Udip i’ nda un tay teneng teka’ Kimet i’, janan i’ tay sala’, Aki’ uba’ tay uli’ ka’ amay i’ Amay i’ ja’ lesaw neng aki’: Ilu mung lepa pupa nyelikut Tuhan Tay baya’ penguba’ usa le, Ngan bamba kimet Amay Biu’ pekena Ilu uli’ neng sekalung E: 76.
ALILUYA
Aliluya, 4X, Yesus mudip, 4X, Nakaw aki’, 4X, Mala’ Yesus, 4X, Yesus Tuhan, 4X, Aliluya, 4X. 77.
SIDANG INJIL
Sidang Injil, Sidang ______ Bada’ bangen kimet le mung pala’ Tuhan: Pembaw ne Tuhan ngan bangen kimet, Ia mamung ilu ceng utung udip le. Tiga nilu ngan bangen kimet le, Ala’ katuk Tuhan dalem Kitap Bui’: Pemung tay ngan pebeka taway, Cin utung le pekalay ca isu Tuhan: Mung le nay ca pebulung kimet, Pekalay isu Tuhan dalem udip le:
43
78.
UN CA LEPU’ JA’ ATEK TIGA KITA
Un ca lepu’ ja’ atek tiga kita, Paang taw ja’ nda un ka te, Ka te ilu mudip ngan Yesus, Taway le ke bangen pa’an pa’an: Ka’ Surga ja’ dema, ban peniga ja’ na’ Ca dema me ilu pa’an pa’an, Surga ja ca amin le da’ ngelan Tuhan Ka te ilu mudip ngan Tuhan. Un ca tana’ ja’ uku’ le penga’ ke tay, Tiga ne mita e singget le, Buka le sanget ke mita Surga, Ilu te ja’ ke tay kidi o: 79.
TAGA SIDANG TUHAN
Taga sidang Tuhan, tiga bangen bangen Ilu pembaw Tuhan ja’ atek bui’, Ngan bangen kimet mi’, ngan bangen kimet le, Ilu pembaw Tuhan ja’ atek bui’: Nay ne sidang i’ut ngan biu’, Ngan bangen bangen pembaw Tuhan, Ilu pembaw Tuhan ja’ atek biu’, Cin usun tana’ penjo tay ka’ Surga. Nay ne mung kelunan da’ tapa, Nay ne ngan bangen kimet le, Ilu pembaw Tuhan cin usun tana’ ji, Penjo tay ka’ Surga ja’ dema.
44
80.
PETEGU’
Petegu’ ngan ca le usa ikem do Tay pesiu’ petegu’ taway, Ngan bangen le taway ikem do Mudip ngan udip ja’ melay, Ayen uba’ tay payo ngening ja’ sala’ Ala’ ja’ tiga ngan udip ja’ kua’ Ngan nyat Tuhan ajak, nggin ngan jaga’ Ayen uba’ em do tay sala’. Petegu’ ngan ca le usa ikem do Kua’ dau katuk dalem Kitap, Tiga ja’ laki mala’ neng leto e, Kua’ neng usa u’ tengen, Tiga ja’ leto petunuk neng ja’ laki e Meka pe tekep neng ilu da’ ngelan, Ngan atek Tuhan na’ sio neng ikem Ayen em do uba' tay sala’. 81.
PENYELUM MI’ LEPA ULI’
Penyelum mi’ lepa uli’, tay kuku’ ja’ tiga, Cin ami’ lepa lenja, petem mi’ bimbin ia, Ia tay pala’ Keristus, Tu’a ja’ mamung udip le, Tay e neng udip ja’ tadan neng sekalung Amay le: Nda ne ca’ le nangé Senganak ja’ penyelum le, Uban lepa penusa e, baya’ petegu’ ngan e. Penyelum mi’ ngelan Tuhan, tay E mecin tana’ ji, Penjo Yesus mamung ia, nda ne ca’ nangé nangé, Ida ka te nyelama ia, na’ gelam ja’ mading me ia, Ngaliw ia neng ja’ bui’ tay neng ja’ bangen bangen: 45
Un ca taw ilu nda tisen, daji’ le mecin tana’ ji, Menga’ ngan nemami’ Tuhan, tenup le nyeripa Ia, Ke petubo pengelan le, tudep baya’ katuk lan lan, Tay le petegu’ senganak kua’ le bangen ngan Tuhan. 82.
PENIGA BERUA TUHAN
(NKI 263)
Peniga Berua Tuhan ja’ penguba’ kimet le, Ayen ca milu tapa, Kua’ le nganun mung peniga baya’ tuket Keristus, Udip sai’ kelini’: Nay ne ilu tunuk kimet le taw ini (ji), Bang kelangan luan le, nyat peniga Tuhan le, Sangan Berua ja’ Bui’ neng kimet le, Ala’ penyukat Tuhan le. Nggin ne pengelema’ usa le nay pala’ Tuhan le, Pesendé taway neng Ia, Nay puyan musa daa’ Yesus tuman ban ilu, Nemami’ juma Tuhan: Pebeka ne taway ilu dalem Yesus Keristus, Pedenga peniga E, Tuman bada’ katuk udip apan ilu mung tisen, Udip sai’ kelini’: 83.
BANGEN NE ILU SINGGET TAW
Bangen nilu singget taw, pembaw Tuhan Yesus Ami’ ngelan Iku’ Yesus, Peniga udip mi’:
46
Puto nilu pembaw Tuhan, kena E kenay kenda’, Tay nggin ilu ka’ Surga, Mudip neng udip ja’ tadan. Majan lepa tay dunjaw, baya’ penguba’ mi’, Peniga usun tana’ ne Pedaru usa mi’: Tay nilu mita Yesus, tunuk penguba’ E, Tay paso neng gaam Yesus, Ia tubo udip le: Yesus ja’ nepay ilu, nay ne ilu na’ki, Tay baya’ Yesus ka’ Surga, Peniga udip le: 84.
MAJAN NE AKI’ LEPA MITA TUHAN YESUS
Majan naki’ lepa mita Tuhan Yesus, Lepa naki’ mita ngan miat teka’, Ca intan ja’ tiga nyeraan si’ kedema E, Na’ ca bangen pala’ mung kelunan: Intan ja ne Yesus, Yesus Janan Udip, Ja’ mui’ penyala’ mung kelunan. Aki’ nda kuma Ia nuyan da’ anun i’, Kedema udip i’ ja’ atek tiga, Aki’ tisen kaya’ ngan Ia nuyan anun i’, Intan tiga, aki’ mala’ Ia:
47
85.
YESUS MAN AKI’ DALEM PENARU (Come to the water )
Yesus man aki’ dalem penaru, ngan petubo dalem pengudip i’, Na’ pe aki’, tay muaw Ia, Na’ki i’ nesen, nyepuli’ kimet , nay mita Ia: Yesus nepay: Nay pala’ Aki’, pemung ngan I’ Nay niku’ nisep, cin sungay udip, Aki’ ngening dau tangé, tegu’ u’ daru, Ke cuk u’ tay tisen, ku’un u’ I’ matay. Pengemala’ Tuhan, ja’ atek biu’, nay meti’ aki’ ja’ lepa labu’ Ia na’ ca udip, ja’ atek pejo Nakaw aki’ cin penyala’ i’, bangen teka’ i’: Na’ki i’ menjay, usa me Yesus, bang Iku’ sukat maliw udip i’, Lepa ne Iku’ mesik janan i’, Aki’ pembaw Iku’, ngan liba’ kimet, ala’ ne aki’: 86.
AMI’ UBA’ KE NYAT LESAW
Ami’ uba’ ke nyat lesaw, pala’ Tuhan Yesus, Uban Tuhan ja’ un lesaw, matay saliw ami’: Yesus, Yesus, Yesus ja’ un lesaw Yesus, Yesus, Yesus ja’ un lesaw. Tiga nilu nay ne ka’i, nay ka’ amin bui’, Nay nggin kimet le ja’ liba’, pala’ Amay Biu’:
48
Kua’ nilu ala’ tira’, dalem Kitap Bui’, Apan le tay teneng kimet, pala’ Amay le: Bangen nilu pembaw Yesus, neng dalem kimet le, Uban Yesus atek ke nay, ala’ ilu ngan E: 87.
AKI’ NGENUPI TAY KA’ SURGA
Aki’ ngenupi tay ka’ Surga, aki’ na’at uma’ ja’ tiga Aki’ nda uba’ uli’ la’a, Tuket i’ nda un ketay abi’: Nay ne, nay ne, ayen em du’ay la’a Nay ne pala’ Tuhan. Dalaw ja aki’ nilé na’at, ka’ dipa ja’ kadu’ kelunan, Tusa teka’ pekimet ida, Uban ida nangé ngan keta: Tira’ Tuhan ja’ lepa bada’, iu le pebetep kusun tana’ Ja lu’te pebetep ka’ Surga, Ngimet ilu tunuk neng Tuhan: 88.
ILU NAY PALA’ YESUS (We have come into His house)
Ilu nay pala’ Yesus, pembun man ngadan E, nyelama Ia,}2X Ilu nay pala’ Yesus, pembun man ngadan E Nyelama Keristus, nyelama Keristus Tuhan. Un teneng ku’un Yesus, denggep puyan udip, nyelama Ia,}2X Un teneng ku’un Yesus, denggep puyan udip Nyelama Keristus, nyelama Keristus Tuhan. 49
Man bui’ penaway le, ilu mejung uju’, nyelama Ia,}2X Man bui’ penaway le, ilu mejung uju’ Nyelama Keristus, nyelama Keristus Tuhan. 89.
TUHAN TIGA (God is so good)
Tuhan tiga, Tuhan tiga Atek tiga ne Tuhan Yesus. Pesaw penyala’, pesaw penyala’ Pesaw penyala’ mi’ ku’un Yesus. Udip pejo, udip pejo Udip pejo dalem Keristus. Tuhan tiga, pesaw penyala’ Udip pejo dalem Keristus. 90.
PEMBAW NGADAN YESUS (Praise the name of Jesus)
Pembaw ngadan Yesus 2X Nding bila, nding batu, Sengaw ngelingaw le, ilu napi Ia, Pembaw ngadan Ye-e-sus. 91.
TUHAN ALLAH MENJAY ANAK E YESUS
Tuhan Allah menjay Anak E Yesus: 3X Ia janan, Ia teneng, Ia udip. Tuhan Yesus biu’ lesaw neng ilu: 3X Ia janan, Ia teneng, Ia udip 50
Tuhan Yesus Ia pudip ilu: 3X Ia janan, Ia teneng, Ia udip Tuhan Yesus beti’ cin dalem liang: 3X Ia janan, Ia teneng, Ia udip Tuhan Yesus ngelini’ ka’ Surga: 3X Ia janan, Ia teneng, Ia udip Tuhan Yesus mubi’ Berua Bui’: 3X Ia janan, Ia teneng, Ia udip Tuhan Yesus daji’ ke nay la’a: 3X Ia janan, Ia teneng, Ia udip Tuhan Yesus ala’ da’ ngelan Ia: 3X Ia janan, Ia teneng, Ia udip Tiga nilu bangen nay pala’ Yesus: 3X Ia janan, Ia teneng, Ia udip Iu ja’ aki’ tekep menjay me Yesus: 3X Ia janan, Ia teneng, Ia udip Pengudip i’ aki’ menjay me Yesus: 3X Ia janan, Ia teneng, Ia udip Aliluya, Aliluya, Yesus: 3x Ia janan, Ia teneng, Ia udip
51
92.
YESUS PETUBO ILU (Yesus idih ruyung tau)
Yesus petubo ilu, O Yesus petubo ilu, Yesus petubo ilu. 2X Nay nilu mala’ Ia, O nay nilu mala’ Ia, Nay nilu mala’ Ia. 2X Baya’ ne tepay Tuhan, O baya’ ne tepay Tuhan, Baya’ ne tepay Tuhan. 2X Naway ne tira’ Tuhan, O naway ne tira’ Tuhan, Naway ne tira’ Tuhan. 2X Bada’ ne tira’ Tuhan, O bada’ ne tira’ Tuhan, Bada’ ne tira’ Tuhan. 2X Mala’ ne senganak le, O mala’ ne senganak le, Mala’ ne senganak le. 2X Lesaw ne kelunan mung, O lesaw ne kelunan mung, Lesaw ne kelunan mung. 2X 93.
PENGEBAAT LE PESAW KA’ GULGUTA (Burdens are lifted at Calvary)
Dalaw ilu janga taway, kadu’ pengebaat, Ngimet Yesus ka’ Gulguta, Ngayang baat ilu Pengebaat le lepa pesaw, ka’ Gulguta, Gulguta, Pengebaat le lepa pesaw, Yesus un nyeng ilu.
52
Mung mbin ja’ ilu nyu’un, na’ me Tuhan Yesus, Ayen ne janga ngan mendam, Yesus un nyeng ilu: Yesus tisen penaru le, singget lulu’ mata, Ia menjam petangen ilu, Yesus un nyeng ilu: 94.
PENGELESAW TUHAN NYEREMA NENG ILU (I will sing of the mercies of the Lord )
Pengelesaw Tuhan nyerema neng ilu, pembaw Ia, pembaw Ia, Pengelesaw Tuhan nyerema neng ilu, Nggin ilu belian pembaw Ia: Aki’ uba’ bada’ mung, peniga U’, peniga U’ Aki’ uba’ bada’ mung, Peniga U’ neng ketu’ kelunan: Pengelesaw Tuhan (Ngeliwet cin mbaw) 95.
AKI’ BAYA’ YESUS (Saya ikut Yesus)
Aki’ baya’ Yesus, aki’ baya’ Yesus, Dalaw tusa ngan tiga, Aki’ baya’ Yesus. Aki’ mejuy Yesus, aki’ mejuy Yesus, Dalaw magat ngan sakit, aki’ mejuy Yesus. Aki’ pala’ Yesus, aki’ pala’ Yesus, Nggin mung penusa i’, aki’ pala’ Yesus.
53
Aki’ nay na’ki, aki’ nay na’ki, Lepo mung penyala’ i’, aki’ nay na’ki. Pembaw ngadan Yesus, pembaw ngadan Yesus, Brua Bui’ un ngan mi’, pembaw ngadan Yesus. Aliluya Yesus, Aliluya Yesus, Iku’ un pemung ngan mi’, Aliluya Yesus. 96.
AMAY TERIMA KASIH (Bapa terima kasih)
Amay tiga taway, Amay tiga taway, Amay ja’ na’at cin Surga, Aki’ nyua’ sai' kimet. 97.
NAY NYELAMA (Come bless the Lord)
Nay nyelama, ngejuma Tuhan, Mejung uju’, nyelama Tuhan, Liba’ taway juma Tuhan, Nay nyelama, pala’ Tuhan. Nay nyat lesaw, pala’ Tuhan, Nyat peniga, Berua Tuhan, Mesik mata penaway mi’, Ta’an dema, juma Tuhan. 98.
ILU NUYAN AMIN UKU’ TUHAN (Know ye not (2X) you’re the temple)
Ayen talu, ayen ngesa amin palan: 3X Ilu nuyan amin uku’ Tuhan. 54
Tay penjeng, tay nyalay asam usa: 3X Ilu nuyan amin uku’ Tuhan. Un sukat un pali nyakat bali: 3X Ilu nuyan amin uku’ Tuhan. Un bui’ un magat ku’un Yesus: 3X Ilu nuyan amin uku’ Tuhan. Un dena’ un bangen dalem Yesus: 3X Ilu nuyan amin uku’ Tuhan. Un teka’ kenay un pit paren Yesus: 3X Ilu nuyan amin uku’ Tuhan. 99.
NAY TEDENG NE AMIN PALAN ALLAH (For I’m building a people of power)
Nay tedeng ne amin palan Allah, kanan ilu da’ tunuk kimet, Tuhan kanan ilu kua’ ba’an imba, Tiga tuk le ku’un Tuhan le: Tay teneng le, tiga tuk le, Singget usa un penjay, Brua Tuhan, na’ penjay E, Apan ilu tay denggep. 100.
NESUN NENG AMI’, O BERUA YESUS (Sweep over my soul)
Nesun neng ami’, O Berua Yesus, Ami’ menga’ puyan U’ nay, Dena’ kimet mi’, buka nuso Yesus, Ami’ menga’ Berua Yesus. 55
101.
YESUS, YESUS, BIU’ TEKA’ MI’ NGIMET IKU’ (Jesus, Jesus, let me tell You how I feel)
Yesus, Yesus, biu’ teka’ mi’ ngimet Iku’ Ami’ tisen uban penjay U’, Berua Yesus. 102.
NGADAN NE KUA’ TELANG SIO (His name is as ointment poured forth)
Ngadan ne kua’ telang sio Yesus, Yesus, Yesus, Yesus, Ngadan ne kua’ telang sio, 2X 103.
PA LIBUT TANA’ UN PUYAN BERUA ( All over the world the Spirit is moving)
Pa libut tana’ un puyan Berua, Pa libut tana’ kua’ dau pegawa bada’ Pa libut tana’ puyan Brua Tuhan lua’ Pa serema peniga E, ke tay tipo singget lepu’. 104.
NAY MAN AMI’ NA’KI NE YESUS (To get a touch from the Lord)
Nay man ami’ na’ki ne Yesus, Napu’ uju’ U’ neng ulu mi’, Si’ mi’ ngenyeng Iku’, Iku’ ngenyeng ami’, Nay man ami’ na’ki ne Yesus: Aliluya, Aliluya, Atek Yesus ja’ ke pagat ami’ Aliluya, Aliluya, Yesus ja’ pagat ami’.
56
105.
O DAA’ TUHAN YESUS (Oh the blood of Jesus)
O daa’ Tuhan Yesus, 3X Na’ taway mi’ bui’. Tiga Ia petubo, bangen pa-pa majan, Kimet bangen sai’, O pembaw Tuhan Yesus. O tira’ Tuhan Yesus, 3X Na’ kimet mi’ bui’: O pengelesaw Yesus, 3X Uyan sidang bui’: 106.
PEMBAW ALLAH JA’ NGAYANG AKI’ (Glory to God He lifted me up)
Pembaw Allah ja’ ngayang aki’, Ja’ lenja neng penaru, Ia menjay uju’ ngan ngayang aki’, Juku’ i’ mala’ neng Ia, Aki’ mala’ Ia, aki’ mala’ Ia, Tegu’ aki’ pejaka’ ka’ Surga, Sukung i’ mala’ Ia. 107.
NYANGAN AKI’, AA’ TUHAN (Fill me Jesus)
Nyangan aki’, aa’ Tuhan, Nyangan aki’ man penyukat Brua U’, Tuhan un aki’, ke ngaren usa i’, Nesun neng aki’, Tuhan. 57
108.
YESUS UN NGAN ILU (Jesus is here)
Yesus un ngan ilu, 2X Kimet i’ tisen, Yesus un ngan ilu. Yesus un penyukat, 2X Kimet i’ tisen, Yesus un penyukat. Yesus saw penyala’, 2X Kimet i’ tisen, Yesus saw penyala’. Yesus ngayang aki’,2X Kimet i’ tisen, Yesus ngayang aki’. Yesus Tu’a ilu,2X Kimet i’ tisen, Yesus Tu’a ilu. 109.
DALEM NGADAN YESUS (In the name of Jesus)
Dalem ngadan Yesus, dalem ngadan Yesus, Ilu ke un usun, Dalem ngadan Yesus, dalem ngadan Yesus, Sitan ja’ tay supi’, Dalem ngadan Tuhan Yesus, bali tay kelap ilu, Dalem ngadan Tuhan Yesus, Ilu ke un usun. 110.
PAP UJU’ MUNG KELUNAN (Clap your hands all you people)
Pap uju’ mung kelunan, Lengap dau le pembaw Tuhan, Pap uju’ mung kelunan, Lengap dau le pembaw Ia, 58
Hosana, Hosana, Lengap dau le pembaw Tuhan, Yesus, Yesus, Lengap dau le pembaw Ia. 111.
O,O,O, TUHAN JA’ TIGA (Oh,oh,oh, how good is the Lord)
O,O,O, Tuhan ja’ tiga, 3X Atek biu’ mung pengepuyan E maki’. Un puyan ja’ pudip tegu’ le ngelan, 3X Atek biu’ mung pengepuyan E maki’. Berua ja’ Bui’ metuk brua mi’, 3X Atek biu’ mung pengepuyan E maki’. Ia nggin mi’ baya’ janan ja’ telit, 3X Atek biu’ mung pengepuyan E maki’. Mung udip mi’ tunuk penguba’ Tuhan, 3X Atek biu’ mung pengepuyan E maki’. O,o,o, Tuhan ja’ tiga, 3X Atek biu’ mung pengepuyan E maki’. 112.
AYEN NIKEM MENDAM KIMET (Yaya 14:2)
Ayen nikem mendam pekimet, } Ngelan ka’ Allah, ngelan ka’ Aki’,}2X Ka’ uma’ Amay I’ ka, un kadu’ amin E, Buka nda lan, nda I’ bada’, Ayen nikem mendam pekimet, Ngelan ka’ Allah, ngelan ka’ Aki’. 59
113.
NAY NILU KELIMBUN PALA’ IA (We are gathering unto Him)
Nay ne ilu kelimbun pala’ Ia, 2X Ngan ca le penaway nay pala’ Yesus, Nay ne ilu kelimbun pala’ Ia. 114.
IA TUHAN, IA TUHAN (He is Lord)
Ia Tuhan, Ia Tuhan, Ia mudip cin patay, Ia Tuhan, Ketu’ kelunan mung teto dau ngaa’ Yesus atek Tuhan. Ia Tu’a, Tu’a mi’, Tuhan Yesus ja’ atek Tu’a mi’, Ami’ tunuk sunlep, teto dau ngaa’, Yesus ja’ Tu’a mi’. 115.
PENGUDIP LE KELUNAN
Aliluya, Aliluya, Aliluya-luya, 2X Pengudip le kelunan, Ala’ kata keneng udu, Udu ma’ang, piw e lero, Meka ne layan le kelunan. 116.
CIN TADING KENAY DEMA (From the rising of the sun)
Cin tading kenay dema, pabi’ ketay e taw taup,} Ngadan Tuhan, tay pedenga: }2X
60
Pembaw Tuhan, ketu’ da’ anak E, Pembaw ne ngadan Tuhan, Ngebiu’ ne ngadan Tuhan, Cin na’ki ngan pabi’ baya’. 117.
NGALA DALEM KIMET (Mendidih di hati)
Ngala dalem kimet, ngala dalem kimet, ngala dalem kimet i’, Aki’ bangen, bangen, aki’ bangen belian, pesaw ne tusa i’, Aki’ supi’ pekimet pengemala’ Tuhan, Neng puyan udip i’, Pegayeng, pegayeng, pegayeng, pegayeng, pegayeng Neng kimet i’. 118.
AKI’ BELIAN BELIAN, AKI’ MEJUY MEJUY
Aki’ belian belian, aki’ mejuy, mejuy Aki’ belian, aki’ mejuy, pembaw Tuhan, Buka pamen ke pesik, aki’ adung tembing Yesus, Aki’ belian, aki’ mejuy, pembaw Tuhan. Nepap uju’ uju’, nuyaw uju’ uju’, Nepap uju’, nuyaw uju’, pembaw Tuhan, Buka pamen ke pesik, aki’ adung tembing Yesus, Nepap uju’, nuyaw uju’, pembaw Tuhan. Aki’ madang madang, tay pejung ka’ langit, Aki’ madang ketay pejung, pembaw Tuhan, Buka pamen ke pesik, aki’ adung tembing Yesus, Aki’ madang ketay pejung pembaw Tuhan. 61
119.
O TUHAN NGGANG UJU’ I’ (Precious Lord take my hand)
O Tuhan nggang uju’ i’, nubo aki’ ngan salet, Aki’ nyara ngan lema’ ngan supi’, Cin udip ja’ pelolo, nggin neng udip pejo, Nggang uju’ i’ Yesus, nggin uli’. Dalaw kimet i’ babak, Tuhan nay ngenyeng aki’ Malap i’ ketay daru neng janan, Ngening dau temami’ i’, nggin aki’ ngan salet Nggang uju’ i’ Yesus, nggin uli’. 120.
NA’ ME AMI’ PENISEN NENG SALIP TUHAN (Fill my eyes O my Lord)
Na’ mami’ penisen neng salip Tuhan Yesus, Apan kimet mi’ ke puto mala’ Ia, Pa’ mi’ ke pembaw Ia, nyua’ sai’ pala’ Ia, Ngan menjay usa brua me Yesus. 121.
UDIP JA’ I’UT TAWAY NDA UN TENENG (Hidup baru)
Udip ja’ i’ut taway nda un teneng, Mudip ngan ja’ nda un tebelum, Uju’ Yesus ja’ un lubang tapek Nay maliw nuyan udip mading. Patay Yesus ka’ salip nyaliw ilu, Cin udip sangan ku’un penyala’, Aki’ pembaw Tuhan i’ pa-pa majan Uban Yesus maliw udip i’.
62
Aki’ ngelan daa’ Yesus ja’ bui’, Ja’ lepa musa ka’ Gulguta, Tegu’ udip tay ku’o, tana’ ji tay menyo Aki’ ca’ nyalet keneng Yesus. Aki’ ngelan pengelesawYesus ka’ salip, Nuyan liwa petakaw aki’, Udip i’ atek penjo pekaliw mading Aki’ ca’ nyalet keneng Yesus. 122. YESUS JANAN UDIP I’ PENUBO DUMBA JA’ TENENG
Yesus janan udip i’, Penubo dumba ja’ teneng Ia na’ maki’ mung na’an ja’ tiga, Ia puto tay nggin aki’ kata udu bileng Ia nubo aki’ ngan puyan tiga. Ia matay neng salip sua’ uban penyala’ i’ Ia ja’ pemangé berua i’, Ayen em mendam la’a, uban Yesus ja’ un ngan le Ia ngelidung udip i’ pa’an pa’an. Yesus Penubo ja’ telit ja’ sangan ku’un lesaw Ia uyan ilu da’ panak E, Ia na’ ca tulat gayeng milu, ca gayeng tiga Ketay mita da’ daru, pa-pa nalan, Na’ pe tuen ngan taru, ilu nengayet ngiin Uban ku’un pengelesaw Tuhan, Ayen em mendam la’a, uban Yesus ja’ un ngan le, Ngepali ngan nubo ilu neng gayeng.
63
123.
BADA’ NE TIRA’ TUHAN
Bada’ ne tira’ Tuhan , Pala’ kelunan da’ tay daru Ayen ngelinget bada’ e, Uban pengecuk Tuhan milu: Pekimet ne, katuk Tuhan sangan ku’un lesaw, Pengecuk Tuhan…. Bada’ ne tira’ Tuhan Pala’ kelunan da’ tay daru, Ayen ngelinget bada’ e, Uban pengecuk Tuhan milu. 124.
YESUS MENGIN IKU’ O SENGANAK
Yesus mengin iku’ O senganak, Ngening ne isu E nay pala’ ia, Ia ke na’ ca udip ja’ ngeriman, Nay senganak menjay ne kimet u’: Nay ne na’ki Tuhan ca’ ngena Ayen baya’ janan penguba’ u’ Yesus ngena, ngena kenay u’, Ayen du’ay, senganak nay na’ki. Janan usun tana’ atek nawa, Janan Tuhan singen ngan maan masat, Na’ pe meka ia sangan tiga, Janan ja’ tay ka’ Surga ngeriman: Menjay ne kimet u’ pala’ Yesus, Ia nepay iku’ man pengelesaw, Nay ne, Ia ke pekaliw udip u’, Numbak pembet ku’un Berua E: 64
125.
KENA ILU KE TAY PETAT (Auld Lang Syne)
Kena ilu ke tay petat, tiga pembaw Tuhan, Uban biu’ pengelesaw Ia menjay me ilu: Nay ne ilu nemami’ mung, singget-singget usa Apan ilu mala’ Yesus, Cin na’ki pa-pa majan. Buka nda petegu’ la’a, kena Yesus ke nay, Pembaw ngadan Tuhan, ilu ke petegu’ ka’ Surga: 126.
TUHAN ALLAH UYAN TANA’.
Tuhan Allah uyan tana’, uyan langit ngan sungay Uyan Adem dedo Awa, Lan te, laaaaaan te. Penading ilu kelunan, nuyan cin abu tana’ Tuhan na’ laset ngan berua, Lan te, laaaaaan te. Tuhan Allah cuk kelunan, nubo mengaw kebun bua’ Kenay sitan ngaken Awa, Lan te, laaaaaan te. Buka tepun le nda sala’, nda un cin kuku’ le keta Baat pegayeng singget taw, Lan te, laaaaaan te. Tepun le tay siu’ kesa, siu’ i’a Tuhan Allah Ja penading ilu tay tusa, Lan te, laaaaaan te. Na’ki Yesus lepa matay, nakaw ilu cin penyala’ Nakaw cin i’a Tuhan Allah, Lan te, laaaaaan te.
65
127.
PENGETIGA I’ NGAN BANGEN TAWAY
Pengetiga i’ ngan bangen taway, Tuhan na’ penjay pala’ aki’ Singget taw Ia petubo aki’, Singget jam Ia niga kimet i’ Baya’ penguba’ kimet E tengen, Ia menjay ca puyan ja’ tiga Penuyen ngan tusa ja’ kenay o, Apan ngepali pengelan i’. Singget taw ne Tuhan pemung ngan i’, Ia petubo aki’ singget jam Ia meti’ aki’ midan i’ tay labu’, Ia pekarap ayaw cin aki’, Ia Tuhan ja’ mbaw penyukat, Amay Biu’ ja’ un pa-pa majan, Ia ngaliw tusa nuyan bangen, Keniga kimet da’ un tusa. 128.
TUHAN MEDENG AMIN
Tuhan medeng amin, Tuhan medeng amin, Tuhan medeng amin ja’ salet, Pengelu’ Yesus kanan, ilu panak kua’ ba’an Batu mudip dalem amin E. Yesus Tu’a amin, Yesus Tu’a amin, Yesus Tu’a amin ja’ salet, Ia mamung pemanak E, Ia nubo pemanak E, Yesus Tu’a amin ja’ salet.
66
Ilu pemung amin, ilu pemung amin, Ilu pemung amin ja’ salet, Ia nepay singget puu’, uyan ida ca lepu’, Nuyan ca dalem amin Tuhan. 129.
AKI’ LEPA TAKAW KU’UN PENYUKAT E
Aki’ lepa takaw, ku’un penyukat E Aki’ lepa takaw cin penyala’ Brua Tuhan neng aki’, aki’ nuyan mading, Aki’ lepa takaw, na’ki, ku’un penyukat E. Ia nggang aki’, man penyukat E Ia nggang aki’ na’ki lu’te Brua Tuhan neng aki’, aki’ nuyan mading, Ia nggang aki’, na’ki, man penyukat E. Ia ke na’ udip, man penyukat E, Ia ke na’ udip pa-pa majan, Brua Tuhan neng aki’, aki’ nuyan mading, Ia ke na’ udip na’ki, Ia nggang aki’ na’ki, Aki’ lepa takaw na’ki, ku’un penyukat E. 130.
MASAT PEMUNG NGAN YESUS
Masat pemung ngan Yesus, Dalem mung pengasat i', Takaw cin penyukat bali Nekejeng ngan Yesus. Masat pemung ngan Yesus, Pebeka kimet ngan E, Ngepakat dalem Ia, Pebesun neng Yesus. 67
Midan lema’ teka’ le, Ia ngening temami’ le, Ngepali pengelan le, Salet dalem Yesus. Midan laset i’ pesaw, Aki’ tay pala’ Surga, Janan ja ja’ selawan, Masat tugung Yesus. 131.
DALAW LE MUDIP KA’ USUN TANA’ JI
Dalaw le mudip kusun tana’ ji, Mala’ ne mita puyan teneng Bang Yesus sukat menjay udip teneng, Nyanggit ne ala’ peniga Yesus: Nay nilu man uju’ Yesus 3X, ngan salet Janan i’ lepa tay pesik, aki’ na’at Surga pesik Aki’ baya’ janan ja’ atek teneng. Ayen ilu babak teka’ kimet, Tuhan patek ke puto un ngan le Na’ pilu tuen, penaru ngan keta, Nda ja ja’ metat ilu cin Ia: Tuhan patek uba’ ke nay la’a, Nggin da’ panak E tay ka’ Surga Mung da’ ngelan Yesus, tay dalem Surga, Bangen sai’ ne ketu’ anak E:
68
132.
PEMBAW ALLAH PU’UN PENIGA (Praise God from whom all blessing flow)
Pembaw Allah pu’un peniga, Pembaw Ia mung le ka’ tana’ Pembaw Ia mung da’ ka’ Surga Pembaw Amay, Anak ngan Berua Bui’. 133.
UN NE PENGEBUI’ CIN YESUS JA’ NUYAN
Un ne pengebui’, cin Yesus ja’ nuyan Penjay liwa ca liway, ke saw penyala’, Tiga ne mudip bui’, ngan pekuto lesaw Naway ne dau tira’ Tuhan, ayen lingo ja: Nay ne pala’ Yesus, nyat puyan pengebui’ Ngan ketu’ kimet u’, nay ne, O Tuhan mepo ne, Aki’ ngelengap, Tuhan, Ia ne Peniga i’: Tuhan ja’ nepay 2X, Tuhan lesaw kelunan penyala’ Tuhan ja’ lesaw iku’. (Ngeliwet belian cin ta’ mbaw) 134.
TUNUK NE ILU NENG SALIP TUHAN
Tunuk nilu neng salip Tuhan, Tuhan ja’ un ngena Maung ne mung penyala’ ilu Nyepuli’ kimet le: Tunuk nilu neng salip Tuhan, Tunuk nilu, Yesus ke ala’ ilu.
69
Nesen ne ngan nyepuli’ kimet, apan le tay teneng Lepa tenup udip ngeriman Neng ilu da’ ngelan: Nesen ne ngan nyepuli’ kimet, cin puyan ja’ sala’ Mudip baya’ penguba’ Tuhan Apan nda tay daru: 135.
ILU PEMBAW NGADAN TUHAN (NKI 206)
Ilu pembaw ngadan Tuhan, Kelimbun pala’ Ia, (kelimbun pala’ Ia), Ngening ngan nina katuk Tuhan: Ngan tunuk, tunuk, tunuk, tunuk (tunuk, tunuk, tunuk,) ngan tunuk pala’ Ia. Mung le da’ uba’ tay denggep, Kelimbun pala’ Ia, ( kelimbun pala’ Ia), Nay cin singget puu’ kelunan: Ngan tunuk…………… Mung le da’ takaw cin penyala’ Kelimbun pala’ Ia, ( kelimbun pala’ Ia), Naway ne daa’ Yesus ja’ bui’: Ngan tunuk………… Mudip tadan pa-pa majan Ka’ lepu’ ja’ bui’, ( ka’ lepu’ ja’ bui’), Bangen taway le pembaw Ia: Ngan tunuk……………..
70
136.
BUSEK NE SIDANG PA ABI’ KU’O GAYENG
Busek ne sidang, pabi’ ku’o gayeng, Denga Tiga migay ne ngan sanggit Pala’ mung kelunan da’ Tuhan uyan, Penguba’ E mung de ala’ udip: Migay ne katuk, ngan ja’ teneng Pedenga ne Yesus, Ia pudip da’ ngelan. Na’at ne kadu’ da’ ca’ ti penyala’ Ja’ tay daru, tay masat dalaw ndem, Nda away ngening Denga Tiga Yesus Nda away beti’ cin pengelundu’ de: Tay ne pala’ ketu’ puu’ kelunan, Pedenga neng pengelesaw Tuhan, Bada’ Yesus un penyukat maliw ida Cin ja’ ja’at, tay pala’ ja’ dema: Na’ anak-anak le migay ne katuk, Na’ galen le mepo neng gayeng de, Ayen le melak dalem temami’ le Tu’ gayeng le, Tuhan ja’ nyua’ e: 137. SELAMAT NE, SELAMAT NE, SELAMAT MASAT NE (Nyai’ ne, nyai’ ne nyai’ ne masat)
Selamat ne, selamat ne, selamat masat ne Nebelum nay ca liway la’a, ilu petegu’ baya’: O ya, tiga kimet ilu 2X, Bang Yesus tua’ neng kimet le Juku’ bangen teka’ kimet le. 71
Selamat ne, selamat ne, selamat tay petat Nebelum Tuhan nubo ilu Cin na’ki pabi’ baya’: 138.
ANAK-ANAK DUMIT, TUHAN MALA’
Anak-anak dumit, Tuhan mala’ Anak-anak biu’, Tuhan mala’, Demanay ngan amay, Tuhan mala’, Deki’it, ui’, uko, Tuhan mala’. 139. NGIMET KADU’ KELUNAN NDA TISEN YESUS (Dengan iman yang sungguh)
Ngimet kadu’ kelunan nda tisen Yesus Lesaw ida da’ petem mudip daru Ala’ kebi’en le tay nemami’ Yesus, Ngimet mung kelunan da’ lepa daru: Ilu puto nemami’ ngan tangen ngelan Singget liway ilu tay pala’ Tuhan, Nyat Ia ke cuk lawa E tay pedenga Ca udip mading sangan ngan peniga. Nemami’ ne me da’ nda un away ngelan, Ida da’ petem penjit ku’un patay, Ayen ne ilu bua’ ida tay salay Ngimet mung kelunan da’ lepa daru: Senganak menjay pengudip le me Tuhan, Pedenga katuk Yesus me tuyang le Na’at ne kadu’ kelunan da’ ca’ turan, Ngimet mung kelunan da’ lepa daru: 72
140.
PENGUDIP LE DALEM TUHAN
Pengudip le dalem Tuhan, pekata kua’ ba’an pasa, Nay nilu pekateng pasa, apan ala’ tapung peneneng: Nay ne ilu bangen-bangen ayen le beto nemami’, Nyua’ tiga sai’ singget taw, Mudip pebeka le ngan Tuhan. Nyalet ta’at le neng Tuhan, ayen leko man katuk E, Ngemuga usa le cin mung ja’ ke nyambet ilu ka’ janan: Ja’ lapa, ayen pesingo, ta’ tena, nengayet nilu, Pekateng le ngasa pala’ tana’ klini’ le ja’ ka’ Surga: 141.
BUKA U’ MENDAM KIMET
Buka u’ mendam kimet, mita puyan ja’ salet Salip Tuhan kuku’ kelini’, Buka daru neng janan, baya’ penguba’ tengen Salip Tuhan kuku’ kelini’: Salip Tuhan kuku’ kelini’ 2X, Yesus nuyan liwa le, pemagé berua le Salip Tuhan kuku’ kelini’. Un u’ takut neng sitan, ja’ ke puto nay nyanam? Salip Tuhan kuku’ kelini’ Buka u’ jengan teka’, uban mbin penyala’, Salip Tuhan kuku’ kelini’: Tegu’ le lema’ teka’, penyukat E nay lua’ Salip Tuhan kuku’ kelini’ Tegu’ le lema’ teka’, penyukat E nay lua’, Salip Tuhan kuku’ kelini’: 73
142.
AMAY BIU’ AKI’ MALA’ IKU’ (Heavenly Father I appreciate You)
Amay Biu’, aki’ mala’ Iku’ 2X, Man kelu’ung kimet i’, aki’ tunuk Iku’ Amay Biu’ aki’ mala’ Iku’. Anak Allah, aki’ pembaw Iku’ 2X, Man kelu’ung kimet i’, aki’ tunuk Iku’, Anak Allah, aki’ mala’ Iku’. Berua Bui’, nay pebangen aki’ 2X, Iku’ nubo aki’, ngan mudip neng aki’, Berua Bui’, nay pebangen aki’. Telu dalem ca, ja’ Keniga aki’ 2X, Iku’ ajak aki’, ngan mudip neng aki’, Telu dalem ca, ja’ Keniga aki’. 143.
YESUS MUDIP, AKI’ BANGEN KIMET (Because He lives)
Amay Biu’ na’ Tuhan Yesus, Peniga i’, sangan lesaw Ia matay ke pudip aki’, Liang E kelangan bada’ Ia atek mudip: Yesus mudip, aki’ bangen kimet Yesus mudip, pesaw takut, Uban Yesus man tebuku udip Un sen pengudip i’, uban Ia mudip. Neng ca taw o, aki’ tay uli’, Ia petubo, nda i’ bisaw Ku’un patay E, aki’ un usun, Uban i’ cuk Ia ngaren pengudip i’. 74
144.
AKI’ BELIAN KE PEMBAW NGADAN U’ (I lift my voice in song unto Thy name)
Aki’ belian, ke pembaw ngadan U’ Mejung uju’ bada’ kimet me Iku’, Nyagan aki’ na’ki Tuhan Yesus, Bangen pa’ i’ pisu pembaw Iku’: Belian Aliluya dalem berua i’} Pembaw ngan tunuk Iku’……} 2X 145.
ME IKU’ TUHAN, AKI’ MENJAY BERUA I’ (Unto Thee O Lord do I lift up my soul)
Me Iku’ Tuhan, aki’ menjay brua i’ 2X: Tuhan i’ aki’ ngelan, ayen bua’ aki’ sa’é Ayen bua’ ayaw i’ ngaren aki’. Un sedep Tuhan, anun da’ takut Ia 2X: Tuhan i’ aki’ ngelan, ayen bua’ aki’ sa’é Ayen bua’ ayaw i’ ngaren aki’. Ayen bua’ ja’ menga’, tay lu’ap neng Iku’ 2X: Tuhan i’ aki’ ngelan, ayen bua’ aki’ sa’é Ayen bua’ ayaw i’ ngaren aki’. Bada’ janan U’, me aki’ O Tuhan 2X: Tuhan i’ aki’ ngelan, ayen bua’ aki’ sa’é Ayen bua’ ayaw i’ ngaren aki’. 146.
AMAY AKI’ PELEK NENG GAAM U’
Amay aki’ pelek neng gaam U’, mung da’ aki’ supi’ ti Amay aki’ pelek neng gaam U’, mung da’ lepa lapa, Amay aki’ pelek neng gaam U’, janan pengudip i’ Uban Iku’ ja’ tudep lemuto. 75
Amay aki’ pelek neng gaam U’, mung da’ senganak i’ Amay aki’ pelek neng gaam U’, mung da’ piat aki’, Amay aki’ pelek neng gaam U’, mung janan asat i’ Uban Iku’ ja’ tudep lemuto. Amay ami’ kelu’ na’at puyan U’, ngan ke ngening dau U’ Amay ami’ kelu’ pembaw Iku’, ngan bangen ku’un U’, Amay ami’ ke masat ngan U’, ngan detem neng Iku’ Uban Iku’ ja’ tudep lemuto. Amay aki’ kelu’ tay tugung Iku’, baya’ penguba’ U’ Amay aki’ kelu’ bada’ tira’ U’, kua’ dau Iku’ bada’, Amay aki’ kelu’ lesaw ida da’ nay pala’ Iku’, Uban aki’, mudip dalem Iku’. 147.
KU’UN TUHAN (Through our God)
Ku’un Tuhan ami’ ke un usun Ia ja’ ke pesupi’ mung ayaw mi’, Nay melalu’ ngan bangen taway, Yesus laja: Yesus lepa nyupi’ ayaw ngan ami’ ke takaw, Tira’ E petunuk bunu’ mi’ Du da’ kadu’ na’at, ku’un Tuhan, ami’ ke un usun Ia ja’ ke pesupi’ mung ayaw mi’ Nay melalu’ ngan bangen taway, Yesus laja:
76
Yesus lepa nyupi’ ayaw ngan ami’ ke takaw, Tira’ E petunuk bunu’ mi’ Du da’ kadu’ na’at, ku’un Tuhan, ami’ ke un usun Ia ja’ ke pesupi’ mung ayaw mi’, Nay melalu’ ngan bangen taway, Yesus laja, Yesus laja, Yesus laja-a-a-a, Ui! 148.
TUHAN YESUS NYENG NE KENAY (Tuhan Yesus hampir datang)
Tuhan Yesus nyeng ne kenay, Nay ala’ da’ ngelan Ia, Dalem meka O senganak, Nay nilu mejo gayeng E, Semamet pegayeng me Ia, Pabi’ kenay E la’a, Ilu tay pemung ngan E Ka’ dalem pengaren E. 149.
TUHAN YESUS NAKAW AKI’
Tuhan Yesus nakaw aki’, Cin mung ukum penyala’ i’ Ia na’ tadan neng udip i’, Detem ngelini’ neng aki’. Ngening Yesus nepay Iku’, Ngan dau ja’ atek selawan Ia megu’ pamen kimet u’, Mesik kimet u’ me Tuhan. Yesus ne janan ja’ teneng, Ia penubo ja’ atek lan Nggin ilu neng udu bileng, Kuku’ udip sai’ pa majan. 77
Nawa ne janan tana’ ji, Ja’ tay pala’ ukum luten Buka tay neng pamen singen, Ilu tay neng udip ngeriman. 150.
O TUHAN I’ MITA JANAN U’ (Oh Tuhan ku cari jalanMu)
O Tuhan, i’ mita janan U’, Ngan mung pengaren U’ Aki’ mejuy na’ki….} 2X: Pembaw ngadan U’, Aki’ ala’ Tuhan na’ki Dalem pengudip i’…..} 2X. Mesaw ne mung ketu’ sala’ i’, Ja’ nyakit kimet U’ Tuhan peniga i’….} 2X: Ngepali pengelan i’ Tuhan, Dalem pengasat i’ Neng puyan penaru…..} 2X: 151.
AKI’ NAWAY CA LEPU’ JA’ BUI’
Aki’ naway ca lepu’ ja’ bui’, kuku’ selawan, Bang Yesus tua’ sendeng pawang janan: Ading le tunuk neng kayu salip, Apan pesaw mung mbin penyala’ le Tudep baya’ Yesus, Ia petubo, Kelap cin asam penguba’ usa le:
78
Pebeka ne taway dalem Yesus, tay kuku’ selawan, Ka’ lepu’ ja’ bui’, mudip ngan tadan: Ilu pepatay ngan kadu’ na’an, Puto kanan kelembit pengelan Apan le nyekang tu’ sudup bunu’, Puto kanan baing Berua Tuhan: Ilu masat pemung ngan Yesus, tay kuku’ selawan, Ka’ lepu’ ja’ bui’, mudip pa majan } 2X. 152.
UN CA AMIN KUKU’ LE BANGEN (Ada tempat sangat mulia)
Un ca amin kuku’ le bangen, Amin ja ja’ un ka’ Surga, Kimet i’ uba’ ketay ka’ ia te Amin udip sai’ ngeriman: Nay ne ilu kua’ serengan, Ilu kelunan da’ ngelan, Nda un amin la’a uku’ le bangen, Kua’ ba’an ja’ dalem Surga. Nay ngening belian ja’ mading, Cin singget puu’ kelunan, Ida jeng teliling padung pengaren, Pembaw biu’ penyukat Tuhan:
79
153.
IU ILU MITA KA’ USUN TANA’? (Cari apa didalam dunia?)
Iu ilu mita ka’ usun tana’? 2X, Usun tana’ atek ke tasa’ Mita Yesus ja’ mala’ ilu. 154. O SENGANAK NA’AT TERANA’ TENUYAN KA’ TANA’ (Oh saudara, lihat tanda yang terjadi)
O senganak, na’at terana’ tenuyan ka’ tana’ Tiga jaga’, Tuhan Yesus atek nyeng nay lua’ Nyat Brua E detem ngelini’ neng dalem kimet u’ O senganak, Tuhan Yesus, Ia ke nay ngan tecu. 155.
AJAK I’ TUHAN CIN JANAN PENYAI’ USA (Pimpin ku Tuhan)
Ajak i’ Tuhan, cin janan penyai’ usa, Aki’ uli’ pala’ Iku’ Aki’ lema’, O Tuhan ngepali ni’, Aki’ nay mita janan U’: Aki’ daru, ke mita janan uli’, Aki’ sala’ keneng Tuhan, Aki’ lema’, O Tuhan ngepali ni’ Aki’ nay mita janan U’. Dalaw aki’ bang, baya’ penyai’ usa i’, Kua’ pengalay du da’ ca Tegu’ i’ tisen, uban iu Tuhan matay, Aki’ tisen penyala’ i’:
80
Udip i’ ngata baya’ kimet i’ tengen, Aki’ baya’ janan kileng Aki’ nay neng, salip U’ ka’ Gulguta, Tuhan, Iku’ nyaliw aki’: 156.
UN CA ALUT JA’ BIU’ (Ada sebuah bahtera)
Un ca alut ja’ biu’ Tuhan Allah na’ milu, Sukat ke pudip, mung da’ ngelan, Uban nda majan la’a, lembam ke nay nasa’ Mung da’ nda away, ka’ dalem alut: Tuhan Yesus ja, Allah na’ milu Yesus kua’ ngan alut pudip ilu, Buka ngelini’, ka’ dalem alut, Ilu mudip nda tasa’ pa-pa majan. 157.
KELUNAN PENYALA’ TAY KELAP KA’ NGGÉ (Oh! Sinner man, where will you run to)
Kelunan penyala’, tay kelap kenggé 3X, Ku’o udip. Kelap ka’ mudung, nda un kelidung 3X, Ku’o udip. Kelap ka’ banget, mbaw luyak e 3X, Ku’o udip. Kelunan penyala’, tay pala’ Yesus 3X, Na’ki, na’ki.
81
158.
NA’ PE AKI’ UN LEMA’ (Ku lemah Tuhan ku kuat) (I am weak but Thou art strong)
Na’ pe aki’ un lema’, Tuhan i’ atek pali, Ngelidung neng penyala’ Uban aki’ masat ngan Ia: Aki’ masat ngan Tuhan, Yesus ngening lengap i’, Pemung ngan U’ singget taw Atek Tuhan ja’ pemung ngan i’. Kusun tana’ un taru, aki’ labu’ éi’ mepo? Éi’ ja’ nyu’un penusa i’? Yesus tua’, Iku’ te Tuhan: Udip i’ nyeng tay ku’o, ji ne kebi’en me aki’, Nalan udip ja’ pa majan, Dalem puyan pengaren Tuhan: 159.
UN CA LIWAY, DALAW I’ NGIMET (Suatu ketika bila ku terkenang)
Un ca awang e, dalaw i’ ngimet, senganak i’ ja’ tay cu’, Aki’ mu’up sunlep ta’ tena Tuhan, “O Tuhan lesaw ne kelunan di” Aki’ un ngening, tuyaw cin cu’ Tuyaw selawan, uku’ ba’an ca teli’, Aki’ na’at kembaw, ngan teka’ kelesaw, Aki’ ngimet kelunan da’ daru.
82
160.
KADU’ PENUSA NAY NESUK KIMET I’
Kadu’ penusa nay nesuk kimet i’, Puto puto nay, singget singget taw, Un pe kelunan, adung teliling ilu Nda tisen ida un penyala’: Nda majan la’a, ilu ke tay tisen, Nda majan ilu, ke tisen kumbin, Uba’ u’ senganak, mudip dalem dema? Tiga nilu mung, mita Tuhan. 161.
UKUM JA’ MADING (Yaya 13:34-35) (New commandment I give you)
Ukum ja’ mading, aki’ na’ mikem, Mala’ ca ngan ca usa, kua’ ngan mala’ I’ Mala’ ca ngan ca usa, kua’ ngan mala’ I’, Ngan ji kelunan tisen ikem anak I’ Buka ikem keliwa mala’, Ngan ji kelunan tisen ikem anak I’ Buka ikem keliwa mala’. 162.
NA’AT YESUS MASAT DEMBAW SUNGAY
Na’at Yesus, Ia masat dembaw sungay, Ia meti’ u’, apan u’ nekejeng, Na’at Yesus, Ia Tuhan dembaw luyak Na’at Yesus Ia pudip iku’. 163.
MAS, PIREK NDA UN KA’ AKI’
Mas, pirek nda un kaki’, nda un aki’ ke na’ miku’, Man ngadan Yesus Keristus, beti’ nu' ngan tay ne masat:
83
Ia nepejuk, pembaw Tuhan Ketu’ bangen e, pembaw Tuhan, Man ngadan Yesus Keristus, beti’ nu’, ngan tay ne masat. 164.
BUKA U’ TISEN TUHAN (Jika kau tahu Tuhan)
Buka u’ tisen Tuhan, nda ngelan iu da’ ca Malap u’ penjo masat neng sala’, Tegu’ u’ ketay masat, ngelan Tuhan tua’ Mepo iku’ dalem asat u’: Ala’ bi’en nemami’ singget taw, Ngan midan u’ uli’ Ia bada’ janan, Tegu’ u’ ketay masat, ngelan Tuhan tua’ Na’at u’ dema, dema E tiga. 165. I’
O TUHAN NUBO AKI’ DALEM DADU’ JANAN
O Tuhan nubo aki’ dalem dadu’ janan i’, Apan i’ nda tay sala’ ka’ asat i’, O Tuhan mepo aki’ dalem ketu’ gayeng i’ Apan i’ nda tay sala’ neng asat i’: Na’ki kimet i’ bangen, pembaw Ia Aliluya, Uban Yesus lesaw aki’ neng asat i’, Na’ki kimet i’ bangen, pembaw Ia Aliluya, Uban Yesus peteneng janan udip i’.
84
166. MIDAN UDIP I’ KU’O, AKI’ PE KE TAY MADANG
Midan udip i’ ku’o, aki’ pe ke tay madang, Tay ngejuma Tuhan i’, peman uju’ ngan Ia, Midan ketu’ gayeng i’ lepa ku’o ka’ tana’ Aki’ uli’ ka’ Surga, ngan Tuhan pa’an baya’. Dalaw ja Ia nepay, aki’ pe nda un tapa Dalaw ja aki’ masat, ngejuma Ia ka’ dipa, Mecin mung da’ tuyang i’, ja juku’ aki’ lesaw, Aki’ uli’ ka’ Surga, ngan Tuhan pa’an baya’. Midan Tuhan nay kenda’, ke nay ala’ da’ ngelan Ngan kelunan matay pe, beti’ ngejuma Ia, Ngan kimet le ja’ bangen, ilu petegu’ Tuhan, Belian ngan bangen-bangen, dalem Surga pa-pa majan. 167.
CA PUYAN LUA’ KA’ DALEM UDIP I’
Ca puyan lua’ ka’ dalem udip i’, Udip i’ tay paliw ku’un Yesus, Aki’ lepa takaw cin penyala’, Uban Yesus sangan ku’un lesaw: Iu ja’ ilu ke mita la’a, Dalem usun tana’ ja’ ke tasa’ Buka kelunan nda kenay nesen, Penyala’ e nda ketay pesaw
} } } } 2X
O,O,O Yesus menjay tebelum pekutat } O,O,O Yesus ngena kelunan penyala’ } O,O,O Yesus, nyingan U’ atek maren }
85
168.
O TUHAN MIDAN AKI’ PEKIMET E
O Tuhan, midan aki’ pekimet e, Aki’ uba’ neng pengaren U’, Kimet i’ tay pesik ku’un tira’ U’ Aki’ ca kelunan sala’: Tuhan i’ patay U’ ja’ nuyan liwa i’ Aki’ tisen lesaw cin Iku’, aki’ pembaw, Aki’ patek pekimet e, tudep ne singget taw. O Tuhan, aki’ ke menjay usa i’, Mung ketu’ pala’ Iku’ Tuhan, Pengelesaw biu’, paget un jaga’, Ketu’ usa berua i’: Salip U’, Yesus, terana’ lesaw U’ Keneng aki’ ja’ penyala’ ji, Aki’ ca kelunan nyeng ketay lenja, O Tuhan, lesaw ne aki’: Pembaw ne Aliluya, Aliluya, pembaw ne Amin. 169.
BUKA NDA UN LESAW, NDA DENA’ TAWAY (Kalau bukan kasih)
Buka nda un lesaw, nda dena’ taway Mi’i neng kelunan, buka nda un lesaw, Buka nda un lesaw, nda tay ka’ Surga Nda un dena’ taway, buka nda un lesaw. Yesus maung peniga Surga, Nay kenda’ kasip ka’ tana’ Ia ngeliba’ kimet E la’a, Ngan Ia tudep baya’ dau Amay: 86
Tegu’ E keta ka’ salip, Ia naway dau ja’ bekelaw ja Ia pisu ngan lesaw neng ia, “Taw ji iku’ mudip ka’ Surga”: 170.
SURAT PENGUDIP LE KE PESIK BAYA’
Surat pengudip le ke pesik baya’, Ketay ku’o udip ji Mung kelunan ke nyeripa pengaren, Ngan ketu’ le ngeregen: Yesus nyurat ngadan kelunan Da’ lepa nuyan anak E, Lepa ne ngadan u’ senurat mu? Dalem surat pengudip. Ketu’ puu’ atek ke siu’ ukum, Ta’ tena ladung Allah, Da’ senurat dalem surat pengudip, Ida te ke ala’ udip: Lepa ne iku’ mui’ mung penyala’, Man daa’ Tuhan Yesus? Buka nda un away nuyan anak E, Menjay ne udip me Ia: Ilu tisen ngadan lepa senurat, Keneng surat pengudip, Uban ilu lepa pekaliw mading, Dalem puyan udip le:
87
171.
KA’ DALEM SURGA DEMA SELAWAN
Ka’ dalem Surga, dema selawan, Pemung ngan Tuhan pa-pa majan, Usun tana’ ji lao ke salay Ka’ dalem Surga, nda un patay. Ka’ dalem Surga, nda un ja’ jameng, Nda un penakut, nda un nyara, Nda un da’ mabuk, nda un pebunu’, Ka’ dalem Surga mudip tiga. Ka’ dalem Surga, ilu pegita Ngan senganak le, ja’ lepa tay Peniga Allah, ngedema ilu Ka’ dalem Surga, bangen ngan sai’. 172.
O,O,O,O TUHAN
O, O, O, O Tuhan, O, O, O lesaw ne, La, la, la, la, la, la, la, la, la Yesus Keristus, La, la, la, la, la, la, la, la, la pembaw ngadan U’: Pengudip ilu ji, pengenjay cin Tuhan Tiga naki’ menjay, usa ji me Iku’, O Tuhan, ala’ ne udip ji, aki’ na’ usa, Kanan aki’ neng gayeng Tuhan, neng penguba’ U’: O Yesus, kenay i’ mu’up neng salip U’, Aki’ nay nyat bui’ neng mung penyala’ i’ Mui’ ne penyala’ i’ Tuhan, aki’ anun U’, Tiga na’ Berua U’ maki’, na’ aki’ teneng:
88
O, O, O, O Tuhan, O, O, O lesaw ne La, la, la, la, la, la, la, la, la Yesus Keristus La, la, la, la, la, la, la, la, la pembaw ngadan U’: Petakaw aki’ na’ki Tuhan, cin puyan tana’. 173.
TALIPUN NGAN TUHAN
O anak Tuhan, ayen le leko Tay dalem tilung mu’up nemami’ Talipun Tuhan le, ja ne temami’ Ayen le beto ke nemami’ pala’ Ia Talipun ngan Tuhan, tiga singget taw Ala’ ne kebi’en, nda ilu lugi, Tuhan nepay ilu, tudep ngan salet Nemami’ neng Yesus apan ngecu’ pengeten. 174.
PEMUYAN LAWA INJIL 16:31
Ngelan ne keneng Tuhan Yesus Apan u’ sukat ke ala’ udip, Iku’ ngan ketu’ da’ pengamin u’. 175.
BAYA’ BAYA’ NE YESUS NA’KI
Baya’ baya’ ne Yesus na’ki Ka’ Surga pa-pa majan Tegu’ ilu siu’ tuen Ia jaga’ pabi’ Surga. 176.
BUKA MATAY KA’ NGGÉ U’ TAY?
Buka matay ka’ nggé u’ tay, Surga ataw Neraka? Tuen, bangen, mung e pa’an, Ayen sala’ mili’: 89
Tiga baya’, tiga baya’ katuk Tuhan le, Apan ilu ke un udip, mudip pa majan. 177.
TUHAN NAY KA’ DEMBAW ABUN
Tuhan nay ka’ dembaw abun Ke nay ala’ kelunan da’ ngelan, Tegu’ Taw Biu’ Yesus atek nay Pejung ne ilu panak mung. 178.
TAW MINGGU PENGEBETI’ TUHAN YESUS
Taw minggu pengebeti’ Tuhan Yesus cin aang da’ matay Ia un usun cin penyala’, cin patay, Aliluya, un usun: Kelunan kristin, nay ne ilu mung Pembun nyelama, tegu’ taw minggu, Apan le naway Yesus nay beti’ Cin liang E, tegu’ taw minggu: (Ngeliwet la’a cin mbaw) 179.
IA PU’UN DEMA
Ia nay kusun tana’, kelunan nda ke tisen Ia, Uban de mala’ neng sala’, Kelunan da’ ngelan Ia, ke nuyan anak Allah, Ku’un penyukat Tuhan Allah: Ia pu’un dema, Ia ne dema } Uban nay cin Allah Amay } 2X Aki’ pembaw ngadan E, uban i’ anun Tuhan, Ke un pengaren neng Surga, Nda ku’un pemuyan le, nda ku’un pengenjam le Bang ca penjay cin Tuhan Allah: 90
180.
AKI’ NGERINGA CA KATUK
Aki’ ngeringa ca katuk, Bada’ neng Yesus un udip Kimet i’ uba’ nay pala’ Ia, Kumbin kisi’ janan e. Ta’ tena le un ca salip, Kuku’ Tuhan Yesus matay Buka kelu’ tisen éi’ Yesus Pecap ne dalem kitab. Lua’ Yesus Anak Allah, Uban E mudip cin patay Berua uba’ nay dalem ilu, Ngan pekaliw udip le. Bangen taway i’ ngan ketu’ lan lan Uban i’ un udip mading, Tebelum i’ Yesus pemung ngan i’ Nuyan janan udip i’. 181.
PENGENJAY TUHAN ATEK TIGA (Anugerah Tuhan sungguh indah)
Pengenjay Tuhan atek tiga, Pengemala’ E atek maren, Yesus janan le tay pebeka taway ngan E: Bui’, bui’, bui’ ne Iku’ Tuhan, Serema peniga U’, melikat Tuhan belian Serema peniga U’, penyukat Tuhan biu’.
91
182.
YESUS PENUBO I’, NDA I’ TAKUT
Yesus penubo i’, nda i’ takut, Tegu’ i’ pesut, Ia meti’ aki’ Yesus gembala i’, Ia nubo aki’ Tay kuku’ ja’ tiga, pemung ngan Yesus. Yesus lesaw aki’, mala’ aki’ Tegu’ i’ taru, Ia nubo aki’ Yesus nakaw aki’, matay ka’ salip Apan i’ un udip, pembaw ne Tuhan. 183. NGELAN NE, NGELAN NE PA ABI’ KA’ SURGA
Ngelan ne, ngelan ne, pa abi’ ka’ Surga 2X, Pemung ka’ amin Tuhan 2X, } Bangen taway petegu’ la’a. } 2X 184.
AKI’ NDA TISEN TAW NEMBAM
Aki’ nda tisen taw nembam, mudip taw ji peja ne, Uban le nda tisen mabat awang na’am pekaliw, Aki’ nda tisen taw nembam, baya’ ne penguba’ E Baya’ ne dau katuk Yesus Ia ja’ tisen ja’ nuyan: Keneng taw ja’ ke nay nembam, Nda le tisen iu nuyan, Bang le baya’ penguba’ E, Tuhan ja’ ajak ilu. Aki’ nda tisen taw nembam, atek Ia ja’ uyan ja, Ia ngenyi’an mbin ja’ baat, ngaliw neng udip tadan, Ia cuk bui’ neng udip le, baya’ penguba’ Tuhan, Ilu mi’i neng ja’ sala’, mudip bui’ pa majan: 92
185. BERUA BUI’ KE NAY CIN YESUS NESUN NENG ILU
Brua Bui’, kenay cin Yesus, nesun neng ilu Apan le ke sangan, ku’un penyukat Brua Tuhan Ja’ ke nay mepo ilu: Nay ne Yesus, na’ maki’, na’ ne Berua Bui’ Apan i’ ke un penyukat, Bada’ tuken neng Iku’. Brua Bui’, tiga nay ngening ne dau isu E, Penga’ penga’ Ia, nyat E nay nesun neng ilu Apan E mepo ilu: 186.
SEBELANG NE TUHAN, TIRA’ U’ MAREN
Sebelang ne Tuhan, tira’ U’ maren Ja’ uban menjay udip me kelunan, Penyala’, aki’ tisen, aki’ uli’ cin penguba’ i’ Ja’ lepa cu’ cin janan Tuhan: Tuhan, aki’ pembaw Iku’, Uban Iku’ Tuhan ja’ maren Aki’ uli’ keneng janan udip pejo } Lepa takaw cin mbin penyala’. } 2X 187.
BANGEN SURGA UN DALEM KIMET I’ (Damai surga ada dalam hatiku)
Bangen Surga un dalem kimet i’ 3X Pembaw Tuhan Aliluya.
93
188.
O TUHAN AJAK NE ASAT I’ (Oh Tuhan pimpinlah langkahku)
O Tuhan ajak ne asat i’, aki’ nda makang masat tengen, Pemung ngan i’ ja ne lengap i’, apan i’ ngeliba’ kimet i’, Baya’ dau kitap U’ singget taw, ja’ nuyan titiw neng asat i’, Tay mita kelunan ja’ daru, meka ne penguba’ berua i’. 189.
YERUSALIM LEPU’ MADING
Yerusalim, lepu’ mading, ca kuku’ atek selawan, Kimet i’ uba’ tay ka'ia, ka'ia te ja’ aki’ uba’, Usun tana’ sangan tusa, keta ngan taru pa majan, Surga lepu’ ja’ atek bui’, ka'ia te ja’ aki’ uba’. 190.
PEDENGA INJIL PA KENAY TUHAN (Bersaksi terus sampai Tuhan datang)
Pedenga Injil pa kenay Tuhan 2X, Pedenga, pedenga, pedenga Aliluya, Pedenga Injil pa kenay Tuhan. Nemami’ pa kenay Tuhan abi’ 2X Nemami', nemami', nemami' aliluya, Nemami' pa kenay Tuhan abi'. Pegayeng pa kenay Tuhan abi’ 2X Pegayeng, pegayeng, pegayeng aliluya, Pegayeng pa kenay Tuhan abi' Belian pa kenay Tuhan abi’ 2X Belian, belian, belian aliluya Belian pa kenay Tuhan abi'.
94
Nyelama pa kenay Tuhan abi’ 2X Nyelama, nyelama, nyelama aliluya Nyelama pa kenay Tuhan abi'. 191.
TERANA’ YESUS KE NAY (Dunia yang kita diami)
Tana’ kuku’ le ngelini’, taru ngan un pe takut, Kelunan baya’ penguba’ de, kadu’ da’ lepa daru, Puyan ji lepa tenuyan, bada’ Yesus nyeng ke nay, Ji ne terana’ ja’ lua’, bada’ nda majan la’a: Un pepatay kaang dalé, pepatay nda un tay lepa, Anak pe ke ti ngan amay, amay ke ti ngan anak, Kadu’ taru ngan penuyen, du sangan ku’un keregen, Ji ne terana’ Yesus ke nay, bada’ nda majan la’a. Kadu’ kelunan nda ngelan, gera’ ngan ngelunyi’ dau Un pe guru palo lua’, ida bada’ Yesus salay, Mung da nda sukat nda nuyan, un tuyaw lapa biu’, Ji ne terana’ Yesus ke nay, daji’ nda majan la’a. 192.
MIDAN NA’AT SALIP, ATEK LE UN AGAT (Bila pandang salib, jadi sembuh)
Midan na’at salip, atek le un agat, Na’ kimet le nda kawa’ teka’, Kitab lepa patek me kelunan sakit, Un pengagat ja’ atek lan: Ka’ Gulguta mung e lepa nuyan Pesaw cin penyala’ ngan un pengagat Tuhan ca’ pagat kelunan sakit, Nggin ne mung penaru le. 95
Aki’ kua' dumba ja’ tay daru cin mbun, Mu’o suat ni’ siu’ sua’, Penubo i’ ja’ lan, nay mita aki’, Na’ pengagat neng usa i’: Aki’ tunuk penjo baya’ Peniga i’, Ku’un daa’ E aki’ un magat, Ketu’ penisen i’ maung neng Tuhan, Nyelama Ia ngan bangen: 193. MIDAN LE TAY MASAT KENENG JANAN JA’ MENDEM (Hanya pencobaan yang lazim)
Midan le tay masat keneng janan ja’ mendem, Ngiin pengeten ja’ ti iku’, Ayen u’ kawa’ neng pengelesaw cin Tuhan, Uban Tuhan ja’ mepo iku’: Bang ca pengeten ja’ ngelayan Lepa nuyan dembaw udip u’, Tuhan na’ pengali miku’ apan u’ ngiin, Nuju’ janan ke nakaw iku’. Midan lipak ngan luyak ngan bayu ja’ kasa Mepit ne nyalet pengelan u’, Ngelan neng Tuhan ja’ mala’ lesaw neng ilu, Uban Ia ngelidung ilu:
96
194.
MESIK NE KIMET U’
Mesik ne kimet u’, Yesus tay dalem Ngening ne isu E, atek selawan, Mesik ne kimet u’, ayen ca’ ngena, Ji ne kebi’en le, nay ne ilu ala’ Ia. 195.
MIDAN I’ TAY LAPA ASEP NDEM (Bila ku melalui lembah gelap)
Midan i’ tay lapa asep ndem, Bang ngetu le udip i’, Tuhan, aki’ uba’ Iku’ ngan i’, Uban i’ nda sukat masat tengen: Aki’ nda sukat masat tengen, Tuhan mepo ne aki’, Tiga ne Iku’ ngedema janan i’, Uban i’ nda sukat masat tengen. Midan tegu’ layam siu’ aki’, Tuhan mepo ne aki’, Na’ uju’ U’ dembaw aki’, Uban i’ nda sukat masat tengen: 196.
DENGA INJIL TUHAN YESUS
Denga Injil Tuhan Yesus 3X, Atek tiga me aki’. Maliw ilu lesaw kelunan 3X, Atek tiga me aki’. Sebali E kua’ langan luten 3X, Atek tiga me aki’. 97
Nggin brua i’ ka’ Surga 3X, Atek tiga me aki’. 197.
DALAW TUHAN PELEMBAM USUN TANA'
Dalaw Tuhan pelembam usun tana’, Ia mesi’ Noh dalem kapen Ngan tuyaw biu’, awang pe tay mendem, Tuhan bada’ penyukat E: Tuhan bada’ penyukat E, Pala’ kelunan da’ ngelan, Pala’ mung kelunan da’ baya’ dau katuk E, Tuhan bada’ penyukat E. Dalaw Danil ka’ dalem lubang singa, Melikat Tuhan mengaw ia, Nyain melut ne singa da’ minget da, Tuhan bada’ penyukat E: Tuhan ja’ nakaw kelunan Israil, Cin ula’ ka’ tana’ Mesir, Tay nggin ida ka’ tana’ Kanaan, Tuhan bada’ penyukat E: Daud ja’ i’ut pesupi’ Guliat, Ja’ pali ngan biu’ usa, Daud pali ku’un penyukat Tuhan, Tuhan bada’ penyukat E:
98
198.
NDA UN TEKEP TUSA KIMET (Apa guna susah hati)
Nda un tekep tusa kimet, nda un tekep tusa kimet, Anak Tuhan ayen tusa kimet, Nda un tekep tusa kimet. Nda un tekep mi’et mi’et … Nda un tekep i’ut taway … Nda un tekep mi’a mi’a … Nda un tekep sakit sai’ … Nda un tekep i’ ngebau… 199.
DALEM TEMAMI’ I’ TUHAN
Dalem temami’ i’ Tuhan, aki’ nyat neng Iku’, Pekatuk aki’ pekimet puyan mala’ U’ neng aki’, Pekatuk aki’ ngetisen, dalem udip i’ Pekatuk aki’ ngedalem, pengelesaw U’: Na’ pi’ pegayeng me Iku’ cin dadu’ udip i’ Buka nda un mala’ neng kimet i’ Nda un bang e maki’: (Ngeliwet cin mbaw) 200.
TAGA TAGA NE NYANGGIT (Bangun, bangunlah segera)
Taga taga ne nyanggit, taga ne ngan sanggit, Peteneng layan pengudip u’, Na’ki ji ne kebi’en ja’ tiga me iku’, Ala’ ne kebi’en mita ne:
99
Nay ne, nay ne ngan sanggit, O nay ne ngan sanggit, Pekaliw layan pengudip u’, Na’ki Yesus nepay iku’ nay pala’ Ia, Yesus mita iku’ ja’ daru: Anak kristin masat ngan temba, pedenga ngadan Tuhan Yesus, Kenuen pilu nda un gaji, bang le ja’ biu’ ka’ Surga, Tana’ ji ke tay tasa’, ku’un mung gayeng penyala’, Biu’ ban lesaw Yesus, ja’ peketu’ ilu lan. 201. AKI’ MASAT TENGEN DALEM ASEP MENDEM
Aki’ masat-masat tengen dalem asep mendem, Aki’ tengen ba’ mbin i’, nyara ne udip i’ Puto i’ ngelengap Yesus, du nda ala’ dau i’ Kedau Yesus mipa dau neng aki’: “Taket I’ nyara masat ka’ janan Gulguta Salip I’ atek baat, pelenyun ka’ tana’, Ngepali ne pengelan u’, Berua I’ mepo, Nyu’un salip u’ nay baya’ aki’ ” Aki’ pegayeng me Yesus, bang ali’ pekimet, Galen kadu’ tenaung ne, dalaw i’ baya’ Ia, Aki’ menjay me da’ kasip, baya’ penepet de, Aki’ ngening Yesus pisu aki’: “Aki’ pelek pengaren, nay kusun tana’ ji Uju’ lepa tenapek, keriding neng salip, Masat nu’ nay baya’ Aki’, Aki’ ajak iku’, Nyu’un salip u’ nay baya’ Aki’ ”. 100
O Yesus nggang ne aki’, apan i’ nda daru, Aki’ nda sukat tay baya’, janan ja’ pukat ja, Aki’ nyat Iku’ ke nuju’ janan ja’ nda taru, Kedau Yesus mipa dau neng aki’: “Janan ja’ iku’ baya’, ca janan ja’ maan, Ayen u’ i’ut taway, Berua I’ mepo, Un ca bang ja’ atek biu’, un tenup ka’ Surga Nyu’un salip u’ nay baya’ Aki’ ”. 202. TEGU’ ALEM MENDEM TAY KAWANG NE YESUS (Pada malam yang gelap keluarlah Yesus)
Tegu’ alem mendem, tay kawang ne Yesus Penjo pukat ka’ mudung Zaitun, Bang ca Ia tengen, ban da’ ngan E lundu’, Ia mu’up sunlep ngan nemami’: Kenda’ pu’un kayu ka’ kebun Gesemani, Kuku’ Yesus sunlep nemami’, “Penguba’ U’ nuyan”, dau Yesus me Amay, Dalaw ka’ kebun Gesemani. Baat kimet Yesus nyeng teka’ ke matay Nemami’ ne ngan ja’ atek lan, Pa nidu’ sana E ku’ ba’an si’ daa’, Ja’ nay nité ka’ dembaw tana’: O Yesus Tuhan i’, tiga ni’ pa majan Baya’ Iku’ ngan tudep kisi’, Uban sua’ sala’ i’ Iku’ siu’ keta Dalaw ka’ kebun ka’ Gesemani: 101
203.
PESENDÉ NENG YESUS SINGGET JAM (Waktu ku sesat)
Tegu’ i’ sala’, pesendé neng Yesus, Yesus ke nakaw aki’ cin sala’ Apan i’ ke un udip tadan pa-pa majan Pesendé neng Yesus nuyan janan pengudip i’: Pesendé neng Yesus singget jam Tegu’ baat ngan tiga pe nyi’an, Dalaw i’ siu’ tusa ngan dalaw i’ bangen Pesendé neng Yesus, cin na’ki pabi’ baya’. Tegu’ i’ takut, pesendé neng Yesus, Yesus nggang ketu’ jang taket i’ Apan i’ pa’an masat neng ja’ dema, Pesendé neng Yesus, Ia ja’ nuyan Penubo i’: Tegu’ i’ taru, pesendé neng Yesus, Yesus maliw taru nuyan dena’ Aki’ nay pala’ Yesus, udip i’ un lidung Pesendé neng Yesus ke mesaw ketu’ mbin i’: Tegu’ i’ bangen, pesendé neng Yesus, Yesus pedapit pengebangen i’ Aki’ nay pala’ Yesus, udip i’ un bangen Pesendé neng Yesus, Ia menjay udip maki’:
102
204.
DALEM UDIP I’ AKI’ BANGEN ALI’ (Dalam hidupku ku merasa bahagia)
Dalem udip i’, aki’ bangen ali’ Dalaw i’ ala’ Yesus neng kimet i’ Penyala’ i’ tay pesaw, tay paliw mading dalem Udip kusun tana’ ja’ jameng: Na’ki ne aki’ anun Tuhan Yesus Tusa ngan tiga Ia ajak aki’, Kedalem pengeketa, tegu’ pengeten ke nay Penguat Ia ke na’ maki’: Nda i’ kuma dalem udip i’ Tuhan ja’ ke mengin aki’ Ban tuman tira’ E, aki’ bangen-bangen 2X. 205.
MUDIP MALA’ MUNG KELUNAN (Hidup berkasih-kasihan)
Mudip mala’ mung kelunan, lesaw ne senganak le, Selama keneng ilu mung, ayen mi’i ngan mi’a: Mepo ne, senganak le, naway ne katuk Yesus, Lesaw keneng kelunan mung Kua’ ba’an usa u’. Ayen uba’ mudip tengen, nda nyingo senganak u’ Nda ngelan Yesus mala’ ia, bang pekimet usa u’: Buka sengenak le sala’, labu’ ku’un pengeten Naway pengemala’ Tuhan, nggin ia uli’ me Tuhan: Na’at ne mung uma Tuhan, paday e lepa mesak, Tuhan mita kelunan majaw, tiga ne menjay usa: 103
206.
PA MAJAN AKI’ SIU’ KETA (Bertahun aku menderita)
Pa majan aki’ siu’ keta, udip i’ sangan tusa, Nda un éi’ ja’ ke mepo aki’ Mesaw kimet ja’ tusa: Yesus tuyang i’ ja’ atek lan Mepo aki’ neng singget na’an, Ia matay saliw kelunan, kelunan da’ penyala’. Aki’ lemuto mita Yesus, Ia ke niga kimet i’ Tegu’ Taw Biu’ ja’ ke nay o Ilu ke tay petegu’: Aki’ un bangen teka’ kimet, dalaw ala’ Yesus Nay nilu pala’ Yesus Tuhan Yesus tuyang pa majan: 207.
PALA’ TUHAN I’ NEMAMI’
Pala’ Tuhan i’ nemami', ngan aki’ nyat Menjay ne uju’ pengelesaw pala’ aki’, Apan i’ tisen Iku’ pa’an tembing aki’, O Tuhan i’, ngening ne dau temami’ i’ pala’ Iku’: Na’ ne maki’ penyukat U’, sebali U’, O mepit ne ngan ngepali ne pengelan i’, Uyan ne aki’ ji ula’ U’ ja’ tudep lan, Apan ne aki’ ke un udip pa’an tembing Tuhan: Uban i’ tisen, aki’ tisen lan, O Tuhan, Iu iu pe kusun tana’ ji, Buka U’ nda Tuhan, mung e ja ketay pelulo O Tuhan i’, ngening ne dau temami’ i’ pala’ Iku’. 104
208.
O TUHAN NGGANG NE UJU’ I’ (Oh Tuhan peganglah tanganku)
O Tuhan nggang ne uju’ i’, Asat i’ nda un tuman, Lumay aki’ ku’un penusa, Aki’ ngelan Tuhan mepo aki’: Nda i’ sukat ke masat tengen, Buka Tuhan nda un nyeng kaki’ Lumay aki’ ku’un penusa, Tebelum i’ Tuhan mepo aki’: Katuk E bada’: “Nemami’ ngan jaga’, Ayen u' leko nyat Tuhan ajak iku’, Apan nda siu’ ten, Apan nda siu’ ten”. 209.
NDA I’ TEKEP TALU NENG DAJI’ YESUS
Nda i’ tekep talu neng daji’ Yesus Daji’ atek salet ngan teneng lan lan Dena’ kimet i’ dalem mung penusa, Uban aki’ naway neng daji’ Yesus: Tekep i’ ke naway daji’ Yesus Ia nda maung aki’, Ia nda lingo aki’ Ia ngelidung aki’ pa’an pa’an Ia ke nggin aki’ pala’ uma’ E. Nda i’ tekep talu neng daji’ Yesus Ja’ bada’ Ia mui’ penyala’ i’ Ia ngaliw aki’ neng ca udip tadan Uyan aki’ pesenganak ngan Tuhan: 105
Nda i’ tekep talu neng daji’ Yesus Ia ja’ na’ Berua Bui’ maki’ Ja’ mepo aki’ ngan petangen aki’ Ia ja’ nubo aki’ pabi’ baya’: Nda i’ tekep talu neng daji’ Yesus Ia lepa uyan amin ka’ Surga Ia ke nay la’a nay ala’ aki’ Nggin aki’ mudip maren neng amin E: 210.
NEMAMI’ NE IKEM PALA’ KERISTUS
Nemami’ ne ikem pala’ Keristus Tiga sanget neng temami’ Sunlep ngan mendung nemami’: Buka ilu un dalem Yesus, ngan isu E un dalem ilu, Nyat iu ilu uba’ ngan ikem ke un e, Meka ne Yesus patek dau me ilu. Midan ilu siu’ taru, midan pe teka’ bangen Nemami’ ne pala’ Yesus Bada’ kimet le neng Ia: 211.
INJIL NDA LE KAWA’
Injil nda le kawa’ ke bada’ me kelunan mung Ca penyukat Allah, ja’ ke pudip kelunan Ja’ lemuto ngelan keneng Tuhan ngan salet Kelunan tay teneng, ku’un pengelan neng Ia.
106
O da’ penyala’, ngan da’ lepa daru, Ngening ne Denga Tiga Tuhan, Ayen tay metat, nay ne ngenyeng ngan sanggit, Katuk Tuhan nggin ilu neng janan udip. 212.
UDIP ILU JI ATEK UN SEN (Hidup mu ini ada erti)
Udip ilu ji atek un sen, atek lan, atek lan, Udip Tuhan sukat anun le, atek lan, atek lan: Ayen tay kelap cin pengudip ilu ji Udip ilu ji atek un sen, Yesus megu’ pamen kimet u’, Mesik ne kimet u’. Yesus sukat mui’ penyala’, atek lan, atek lan Man daa’ E ja’ lepa musa, atek lan, atek lan: Yesus kelu’ nuyan Tu’a u’, atek lan, atek lan Ia uba’ nay dalem kimet u’, atek lan, atek lan: Yesus uba’ ngaren kimet u’, atek lan, atek lan Tuhan Yesus ja’ biu’ penyukat, atek lan, atek lan: 213.
AKI’ MALA’ NENG IKU’ TUHAN (I love you Lord and I lift my voice)
Aki’ mala’, neng Iku’ Tuhan Cin berua i’, nyelama…..Iku’ Apan Tuhan, uba’ dau belian Maliw e nuyan selawan dau me Iku’.
107
214.
YESUS NGADAN ATEK MBAW (Jesus, name above all names)
Yesus, ngadan atek mbaw Peniga udip mi’, Tuhan ja’ maren, Imanuel, Allah ja’ ngan mi’, Liwa atek bui’, Tira’ udip. 215.
MESIK MATA MI’ KE TA’AN YESUS
Mesik mata mi’, ke ta’an Yesus Apan nyelama, ami’ mala Ia, Mesik telinga mi’, ke ngening dau E, Mesik mata mi’, ke ta’an Yesus. Mesik mata i’, ke ta’an Iku’ Apan nyelama, aki’ mala’ Iku’, Mesik telinga i’, ke ngening dau U’ Mesik mata i’, ke ta’an Iku’. 216.
NENG UDIP MI’ NGEMAREN TUHAN
Neng udip mi’, ngemaren Tuhan, ngemaren Tuhan, Neng udip mi’ ngemaren Tuhan taw i. Neng amin mi’ ngemaren Tuhan, ngemaren Tuhan, Neng amin mi’, ngemaren Tuhan taw i. Neng kelimbun mi’, ngemaren Tuhan, ngemaren Tuhan, Neng kelimbun mi’, ngemaren Tuhan taw i. Neng gayeng mi’ ngemaren Tuhan, ngemaren Tuhan, Neng gayeng mi’, ngemaren Tuhan taw i.
108
217.
UDIP I’ NDA JI AKI’ LA’A (Hidupku bukannya aku lagi)
Udip i’ nda ji aki’ la’a, Yesus un dalem aki’, Udip i’ nda ji aki’ la’a, Yesus un dalem aki’: Yesus, Yesus, Yesus Kristus neng aki’ Udip i’ nda ji aki’ la’a, Yesus un dalem aki’. 218.
TUHAN, IA JA’ PENUBO I’ (Tuhan adalah gembalaku)
Tuhan, Ia ne penubo i’, nda i’ tay tepet teka’ Ia lu’te peken aki’, dembaw udu bileng ka’ lasan: Peteneng aki’ ka’ sungay ja’ kelini’, Ia na’ peniga berua i’ Ia tay nggin aki’ pala’ janan teneng, Uban ku’un ngadan E; Na’ pe aki’ ke tay masat neng dalem penusa ngan tuen. Aki’ nda takut penusa, uban Tuhan pemung ngan i’ Sekut E ja’ penina i’, ja’ na’ peniga neng kimet i’: 219. PENGUDIP ILU KELUNAN KUA’ NGAN BUNGA'
Pengudip ilu kelunan kua’ ngan bunga' Pengudip kelunan kua’ ngan bunga' Ja’ nelecuk taw i, ngan nembam ma’ang Bunga' ngan kelunan Tuhan uyan.
109
Bunga' ja’ mudip selawan kita e Ja pe tenubo ku’un Tuhan Allah, Allah uyan kelunan kua’ ngan layan E, Ngan un udip ja’ bangen-bangen. Bunga' tay nuyan ku’un Allah Kelunan tay nuyan ku’un Allah, Ku’un penyukat E ja’ ngeriman Ja’ pedenggep neng udip ja’ teneng. 220.
KUA’ NGAN PIW BUNGA' KA’ KEBUN (Bagai sekuntum bunga di taman)
Kua’ ngan ca piw bunga' ka’ kebun, Selawan kisi’ ngan menat kimet i’, Na’ki aki’ tisen puyan ja’ tenuyan Kusun tana’ ilu ja’ na’ki: Ngajan i re aki’ pelé udip i’ Mudip pepuk dalem penyala’ i’, Ku’un mala’ Tuhan keneng pengudip i’ Mui’ aki’ cin ketu’ sala’ i’: Atek bimbin kimet i’ neng Iku’ Tuhan, Ngajan i re aki’ tay cu’ cin Iku’ Ngan na’ ne mala’ U’ me aki’ Tuhan, Ajak ne tu’ dadu’ udip i’.
110
221.
KANAN TIRA’ JA’ BUI’
Kanan tira’ ja’ bui’, kaang udip ikem do, Ca penaway em baya’ janan Tuhan; Tading kelunan tenuyan, ida un mala’ ca ngan ca, Atek denggep kisi’ udip ilu O,O,O, Tuhan uban uyan ilu, apan le mala’ ilu mung, Apan tay denggep puyan pengudip ilu; Mala’ ne neng kelunan mung Kua’ ba’an neng usa u’ tengen, Tiga le keliwa mala’ ilu Baya’ ja’ Tuhan cuk ilu ti. 222.
NGENING NE NGAN MEJO NE
Ngening ne ngan mejo ne, baya’ dau tira’ Tuhan, Ayen muaw katuk ja; O senganak, mejo ne, lan te maan baya’ e, Ilu nengayet ngiin ja, atek le tay un usun, Neng puyan ja pa’an baya’, Mesik ne kimet u’, pawang ne Yesus Ngan ngaa’ man pa’ u’, ngelan man kimet. Ngening ne ngan mejo ne baya’ dau tira’ Tuhan, Ayen muaw katuk ja; O senganak, mejo ne, nay ne mejang taket u’ Tay pedenga tira’ Tuhan, na’ pe tusa asat ja, Bang u’ atek biu’ lan; Nda e ca melay tua’ le mejo tira’ E Tapi’ un pengebangen, dalem udip le.
111
223.
PENGEMALA’ DADU’ TAWAY (Kasih itu lemah lembut)
Pengemala’ dadu’ taway, nda balang taway e, Pengemala’ liba’ taway, miin neng penaru: Pekatuk ne ami’ keneng puyan mala’ Apan ami’ sukat pebeka kimet kaang ami’, Pekatuk ne ami’, keneng puyan mala’ Apan ami’ sukat ca kimet. Kenuen pe aki’ menjay mung ketu’ umbat i’ Buka nda un pengemala’, nda un bang e maki’: Kenuen pe aki’ tisen pisu isu bulen, Buka nda un pengemala’, nda un bang e maki’: 224.
NGGIN NE PALA’ YESUS, UDIP U’
Nggin ne pala’ Yesus, udip u’ Ngan menjay ne kenda’ taket E, Ia ne janan, pengudip i’, Ja ne udip usa berua i’. Pelé ne Yesus pemung ngan u’ Nggang uju’ E ngan nyalet pa majan, Peniga Ia ke na’ peketu’ kimet u’ Nggin serema peniga pala’ Ia. O, O nay ne, pala’ Tuhan le O menjay ne, tusa, kawa’ kimet u’-u’ Yesus ngena iku’ nay pala’ Ia Nda E tay lupaw kelunan ja’ daru.
112
O tuyang i’, ja’ atek maren Pengudip E, penguba’ kimet le, Nggin ne kelunan ja’ tusa kimet Nay uli’ pala’ amin Tuhan le. 225.
PENGUDIP JI NDA UN CA BANG E (Hidup ini tiada bererti tanpa kasih)
Pengudip ji nda un ca bang e, Meka pe pengebangen, nda un ka’ tana’ ji, Pengudip ji ke tay un tiga, Buka un pengemala’ ka’ dalem udip le: Sanget le nemami’ nyat pala’ Tuhan le, Apan E nda pelé ilu, Tay daru neng udip. Lepa pi’ tay pelawat banget, Lepa pi’ tay pukat mudung, Ka’ nggé un tadan udip ilu? 226.
TEGU’ PENUSA NGAN PENGETEN (Ketika aku…)
Tegu’ penusa ngan pengeten ja’ siu’ aki’ Yesus mepo ngan majak udip i’, Udip i’ atek kelini’, pa-pa majan, Ja’ lua’ keneng pengudip i’. Na’ pe mendem neng udip i’, Un tadan dalem udip i’ Un kedema ku’un Tuhan le, Dalem udip ja’ un tusa.
113
Ia pedena’ kimet ja’ tay binga’ Man mala’ E ja’ pa majan, Ja’ lua’ ka’ salip E Kelu’ pudip mung kelunan ka’ tana’. 227.
ALA’ NE YESUS NAY DALEM KIMET U’
Ala’ ne Yesus nay dalem kimet u’ Ia ne janan ja’ teneng, ngan udip, Cin kena re ilu lepa tay daru Baya’ puyan sala’ tana’ ji; Pawang ne Yesus nay dalem kimet u’ Ia megu’ pamen kimet u’: Yesus janan ja’ teneng, ngan udip} Ala’ ne Ia neng kimet u’ } 2X O Tuhan, ngening ne dau lengap i’ Pala’ Iku’ tua’ aki’ menjay udip i’, O, O, O, O, Mending ne aki’ siu’ pengeten Man penyukat U’, O Tuhan i’. 228.
NDA UN KELUNAN KUSUN TANA’ (Alangkah besarnya kemuliaanMu Tuhan)
Nda un kelunan kusun tana’ Ja’ ngetisen penguba’ Tuhan, Nda un kelunan kusun tana’ Sukat nakaw usa e: Kenggé-kenggé ketay le, Kenggé-kenggé tay asat le, Ilu daru ku’un sala’ Buka le nda nesen kimet: 114
Atek biu’ peniga E pengaren Tuhan Allah, Ja’ uban Ia uyan me anak E, Na’at langit ja’ kembaw, Mudung-mudung ja’ mbaw Mung da tenuyan ku’un Tuhan le. 229.
TUMAN PENGUDIP I’ TUHAN (Kerana hidupku, Tuhan)
Tuman pengudip i’ Tuhan, Iku’ menjay usa berua U’, Tuman penisen i’ Tuhan, Iku’ un tapung ja’ un sua’: Tuhan kenay i’ pala’ Iku’, Nesen keneng puyan udip i’ Tuhan na’ serema berua U’ Ngedema udip i’ ja’ mendem. Tuman uju’ i’ ja’ jameng Asat i’ ja’ nda un tuman, Iku’ pelé uju’, taket U’ siu’ tapek Pa musa daa’ U’ ka’ salip: Tuman penyala’ i’ Tuhan, Iku’ siu’ kelunyi’ kelunan, Tuman kimet i’ ja’ mbaw Musa ne daa’ U’ ja’ bui’:
115
230.
KA’ JUMA U’ TUHAN (Di hadirat Mu Tuhan)
Ka’ juma U’ Tuhan, nay i’ nggin kimet i’ Ngan menjay udip i’, aki’ mejung uju’ Tegu’ i’ ngejuma Ia, tay penyeng ngan Tuhan Pelé mata i’ na’at peniga Tuhan. Ka’ juma U’ Tuhan, sunlep i’ pembaw Ia Belian mejung ngadan E, belian cin Tuhan i’, Gayeng U’ ka’ salip ja ne penjay tua’, Nay mi’ pala’ Iku’, Tuhan Laja. 231.
TUHAN LEPA MUBI’ BERUA BUI’ E
Tuhan lepa mubi’ Berua Bui’ E kusun tana’ ji 3X, O, O, O, Kua’ ngan sungay ja’ nipo banget 4X, 232.
KADU’ NA’AN PENGETEN TELILING IKU’ (Apakah kau payah mencari-cari?)
Kadu’ na’an pengeten teliling iku’, Miat niku’ mita, janan tay takaw, Nggin ne pala’ Yesus, mung penusa u’ Kenda’ taket Yesus, ngan maung ne: Menjay ne, menjay ne-e-e, menjay pala’ Yesus Ketu’ mbin ja’ menyek dembaw pengudip u’, Menjay ne, menjay ne-e-e, menjay pala’ Yesus Ia ke nyaliw penusa u’, tay nuyan bangen.
116
Nda E petuket bang lemuto magat, Nda E petuket ke na’ peniga, Tapi’ dau tuket E, ke na’ pengali Tegu’ pengeten nay siu’ ilu: 233.
LAJA PENGEBUI' (Putri Sion)
Laja pengebui' bangen nilu, Nay ne nyelama Ia Mung kelunan kristin Na'at ne ilu peniga le, Laja teneng Yesus Tuhan le. (Ngeliwet cin mbaw la'a) 234.
TUHAN YESUS NAKAW AKI' (Yesus Tuhan Penebusku)
Tuhan Yesus nakaw aki', ji temami' i' Ayen U' tay lingo aki', na' peniga U': Yesus, Yesus, ngening temami' i' Ayen U' tay lingo aki', na' peniga U'. Iku' Tuhan ja' un mala', ajak ne aki' Ngepali ne pengelan i', aki' anun U': Tebelum i' keneng Tuhan, na' pengenjay E, Ia keniga berua i', mui' ne aki': Iku' pu'un pengebangen, keniga kimet, Cin ketu' galen tana' ji, Iku' paren i':
117
235.
O BETI' NE DA'MANAY NGAN DEKI'IT LETO (Hai bangkitlah pemuda dan pemudi)
O beti' ne da'manay ngan deki'it leto Peging ngan da' leto tinen pe, Da' tamen pe ayen em ngelini' Kua' nilu tay pedenga tira' Tuhan Yesus Pala' kelunan da' nda ngelan. Tay pedenga keneng janan pengudip, Dalem peniga Tuhan Yesus, Un peniga, penyala' tay pesaw Tekep ne ilu nesen kimet cin penyala' Apan ilu ke ala' udip. 236.
YESUS PAWANG DAA' E MUSA (Yesus mencurah darahNya NYK. 1)
Yesus pawang daa' E musa Dembaw kayu salip, Ku'un daa' E, kelunan Pesaw cin penyala' 3X Ku'un daa' E kelunan Pesaw cin penyala'. Ja' bekelaw ka' salip E Pesaw cin penyala' Meka lu’te penyala' le Sendeng te ke pesaw 3X meka lu’te penyala' le Sendeng te ke pesaw.
118
O Tuhan Yesus, daa' U' Biu' penyukat E Me kelunan da' ngelan Ia Bangen biu' cin Surga 3X Me kelunan da' ngelan Ia, Bangen biu' cin Surga. Mung peniga cin daa' E Lua' neng udip mi' Ami' kelu' pedenga Ia Pa ku'o udip mi' 3X Ami' kelu' pedenga Ia Pa ku'o udip mi'. 237.
YESUS NE KEDEMA (Yesuslah terangku)
Yesus ne kedema dalem pengudip i' Yesus ja' petubo pengasat i' Apan i' nda labu' keneng puyan sala' Bang mudip singget taw neng ja' bui': O Tuhan, mepo ngan nubo asat i' } Apan i' nda tay baya' kimet i' }2X Tuhan, ajak aki' dalem pengelema', Atek lan teka' i' ketay supi' Dalaw penaru nay nanda' pengudip i' Ajak ne uju' i' Tuhan Yesus.
119
238.
KA' MUDUNG GULGUTA. (Jauh di atas salibNya – YTB)
Ka' mudung Gulguta, Yesus siu' salip Tuman ban sala' ilu kelunan, Na' pe nda un sala', tapi' ban mala' E, Ia ngiin pa matay ka' salip E. Nay ne ngakun tu' pengundaw le, Pala' salip Tuhan Yesus, Ngan menjay usa berua le, Uyan Yesus paren udip le. Tuman E senalip sua' pengundaw le, Apan le takaw cin penyala', Ngaa' ne Tuhan le nay ke dalem kimet Nggin ca janan ja' dema milu. Tegu' E senalip, daa' E nay musa Uban ku'un nyatap ngan tapek Ia siu' kelunyi' ngan siu' keta, Tapi' nda E mipa kelunan da. 239.
TUHAN YESUS MITA AKI' (Cinta Tuhan cari saya PSK 477)
Tuhan Yesus mita aki' Ia nggin uli' pala' Ia, Na'ki aki' pemung ngan E, Yesus mala' ilu: Tuhan mala', ilu pa-pa majan, Pembaw ngadan Tuhan Uban Tuhan, mala' keneng ilu. 120
Dalaw ilu un penusa Nda le tay i'ut taway, Uban Tuhan nakaw ilu, Yesus mala' ilu: Pengemala' Tuhan Yesus Ia petubo udip le, Nggin ilu neng ja' dena' Yesus mala' ilu: Ilu takaw cin penyala' Ku'un daa' Tuhan Yesus, Bangen nilu pembaw Tuhan Yesus mala' ilu: 240.
TUHAN YESUS LEPA SIU' PATAY (Terpaku di salib)
Tuhan Yesus lepa siu' patay senalip Sua' penyala' ilu kelunan, Ia ne Anak Allah ja' biu' lesaw Pabi' E matay ka' salip E: Tenapek ka' salip 2X Tuman nyu'un ketu' sala' le, Daa' E nay musa, nuyan liwa ilu, Ca liway tua', pa-pa majan. Nda sukat le nyua' pengelesaw Tuhan Ia ngiin keta ka' salip E, Ia tay siu' patay tuman ban sala' le Na'ki ilu takaw cin jakat E:
121
Na' pe bali sitan bada' penyala' i' Aki' tisen Yesus siu' patay, Penyala' i' bui' ku'un daa' Yesus Bangen kimet i' lepa takaw: 241.
UDIP JA' MADING ATEK TIGA (Betapa cerah hari ini)
Udip ja' mading atek tiga, Aki' nda uba' ke lingo e, Udip ja' pu'un nda un tuman, Baya' penyai' usun tana': Na'ki' udip i' atek tiga, Uban i' ngelan Tuhan Yesus, Pasak biu' lesaw E neng aki', Nay ne ilu mung ngelan Yesus: Aki' nyua' sai' kimet, Pala' iku' Tuhan i', Uban Iku' lepa nakaw aki' cin sala', Aki' pelek mung udip i', Puyan undaw ngan sala', Nda i' uba' ngeliwet ti puyan ja la'a. Yesus ja' nubo mung udip le, Kimet i' bangen nda un tusa, Yesus pemung ngan le da' ngelan, Ia nuyan kedema udip le:
122
242.
YESUS LEPA BETI' CIN DALEM LIANG E (Di dalam kubur gelap)
Yesus lepa beti' cin dalem liang E, Yesus numpak mudip cin patay E: Yesus mudip cin patay Penyukat bali supi' ku'un E, Yesus un usun cin liang ngan patay Da' ngelan Ia ke un penyukat ja, Pembaw ne ngadan E, Tuhan Yesus un usun. Da' mengaw liang E ngening tuyaw biu' Tegu' Yesus beti' cin liang E: Melikat Tuhan nay, ngelumbing kep liang E Tuhan Yesus beti' cin patay E: 243.
AKI' TISEN TUHAN MESIK JANAN (I know the Lord will make a way for me)
Aki' tisen Tuhan mesik janan, Aki' tisen Tuhan mesik janan, Buka i' mudip bui' Nda baya' puyan sala', Aki' tisen Tuhan mesik janan. Petubo ne, petubo ngan ja' tudep, Petubo ne, petubo ngan ja' tudep, Ban Tuhan nubo ilu Neng udip le singget taw, Petubo ne, petubo ngan ja' tudep.
123
244.
ATEK TUHAN NE PENUBO I' (Bahwa Tuhanlah gembalaku)
Atek Tuhan ne penubo i', Nda i' tay tepet teka' Ia nggin aki' ka' lasan ja' bileng, kuku' sungay ja' lendeng, Ia nggin aki' keneng janan ja' telit, Ia pemagé berua i': Tuhan Yesus Penubo ja' tiga Na' udip E saliw dumba E Ia nggin uli' dumba pala' uma', Ida bangen lan pa-pa majan. 245.
NDA UN SENUUK PENYUKAT TUHAN ( Tak tersembunyi kuasa Tuhan)
Nda Tuhan mecin ilu neng Pengudip le, neng penaru, Tuhan ke na' penyukat E Apan ilu nda tay supi': Nda un senuuk penyukat Allah Ia lesaw da’ ca, ngan aki' ca, Ia menjay uju' meti' aki', Nda un senuuk penyukat Allah. Un penyukat uju' Tuhan, Ajak ilu, neng pengasat, Ia lemuto na'at ilu, Pedena' ne neng pengeten:
124
Yesus na' penyukat milu Ngan Berua Bui', apan makang Tay pedenga katuk Tuhan Cin na'ki ngan pa-pa majan: Menjay ketu' pengudip le, Ia petubo, ayen takut Yesus ngan le singget jam Un penyukat nyupi' sitan: 246.
TAGA NE SIDANG ALLAH (Majulah sidang Allah)
Taga ne sidang Allah 3X Taga ne sidang Allah, taga, Tuhan lepa un usun Bali ja'at lepa supi', Sidang Tuhan O taga ne, Ayen em lundu' ngan ca' turan Tuhan lepa un usun, Taga ne sidang Allah, taga: Taga ne sidang Allah 2X Tuhan ja' un usun, Bali ja'at supi' O taga ne sidang Tuhan, Ayen mendam kimet Tuhan ja' un usun, Sidang Allah, O taga ne.
125
247.
O TUHAN PEMUNG NGAN MI' (Bersertalah dengan kami Tuhan PSK 45)
O Tuhan Yesus pemung ngan ami' Dalem pengudip kusun tana' ji, Ami' napi taway mi' neng Iku' Nggin udip mi' dalem ja' kelini': O Tuhan Yesus nay ngan mi' Ami' menjay berua mi' Ajak ne uju' mi' Tuhan Pabi' udip ja' ngeriman. O Tuhan Yesus pemung ngan ami' Ami' supi' nyu'un penyala' Bang Iku' tua' kuku' tina mi', Ketay nggin ami' kuku' kelini': Katuk Tuhan mesaw penakut mi' Midan mi' siu' tuen ngan sakit Un dena' teka' dalem kimet mi' Ku'un penyukat katuk Tuhan le: 248.
MIAT TEKA' I' MITA (Aku puas mencari)
Miat teka' i' mita Ketay sen pengudip ji, Uban kusun tana' ji Aki' ngula' usa i': O nay ne pala' Aki', Aki' ke na' dena' Yesus nepay ngan nepay aki' Na'ki mudip me Tuhan. 126
Galen usun tana' ji Pedaru pengelan i' Nggin aki' i'ut taway, Utung taw pekimet ja: 249.
USUN TANA' KUA' NGAN BANGET (Dunia sekarang seperti lautan)
Usun tana' kua' ngan banget Bang nay ngepit pengeja'at, Kelunan da' ngelan Tuhan Mudip salet ngan ti ja' teneng: Jaga' ne ngan sangan Berua Bui' Ayen tay baya' sala' tana' ji Kelunan teneng takaw cin ja' ja'at Jaga' ne ngan sangan Berua Bui': Un pepatay kaang dalé, Puyan ja' nggin pala' patay, Kelunan da' ngelan Tuhan Ketay dalem udip pa'an: Tiga sanget neng temami' Baya' ajak Berua Tuhan Atek le takaw cin ja'at Ku'un penyukat Berua Tuhan: 250.
UN CA TANA' MADING (Ada dunia baru)
Un ca tana' mading, ja' Tuhan petuket Aki' ke tay kidi o, tay pemung ngan Tuhan Midan udip i' ku'o ka' usun tana' ji Aki' tay uli' pemung ngan Tuhan: 127
Yesus ne atek janan ketay pala' udip Mudip kusun tana' ji, Yesus ja' petubo, Peniga ka' tana' ji ke salay lao ja, Un tepe katuk Tuhan, ia salet pa majan Buka le ke pecap e, ia nuju' janan le Ketay i' uli' pemung ngan Tuhan. Kedau Tuhan Yesus, ayen mendam kimet Ngelan nem keneng Aki', ngan ngelan neng Allah Ka' uma' amin Amay, un kadu' kuku' le, Buka tay uli' pemung ngan Tuhan. 251. TAW
PENGEMALA' TUHAN KUA' DEMA NGAN (KasihNya Tuhan putih seperti hari)
Pengemala' Tuhan kua' dema ngan taw, Ngedema pengasat i' Pengemala' Tuhan kua' kepu bayu, Ja' nyengim penaway i': Ka' dalem serema Tuhan Yesus peniga udip i', Pengemala' Tuhan pesani' kimet i' Cuk aki' tay mita Ia. Pengemala' Tuhan kua' dalem banget Ngan Berua E dalem aki', Pengemala' Tuhan kua' bui' bunga', Selawan na'at singget taw:
128
Ca le penaway ngan Tuhan, Yesus ja' nay ka' tana' ji, Bang pala' Yesus aki' menjay usa, Ngan berua i' dalem Ia. 252.
MITA ADING PENGAREN TUHAN ALLAH (Carilah dulu kerajaan Allah)
Mita ading pengaren Tuhan Allah, Ngan penguba' E neng ilu, Mung da’ ca pe, Tuhan kelu' na' milu, O alilu-aliluya: Aliluya, 3X, O, Alilu-aliluya. Nyat ne, apan le ilu ke ala' e, Mita ne ilu ke un e, Éi' da' megu', pamen ke pesik me ida, O alilu-aliluya: Kelunan nda mudip ku'un ma' tua', Bang ku'un tira' Tuhan Ja' Ia pisu dalem kitap Bui', O alilu-aliluya: 253.
TUHAN YESUS LEPA BADA' (Firman Allah telah katakan)
Tuhan Yesus lepa bada' Tay ne ikem tipo usun tana' ji, Uyan mung puu' kelunan ngelan Aki', Ngebatis ida man ngadan Amay, Anak ngan Berua Bui', Aki' ngan em pabi' ketay ku'o udip: 129
O da’manay ngan kedi'it O kedi'it ngan da'manay, Nay dalem uma E, Ayen pelé ngan bang ngena, Ayen ngena ngan bang pelé, Kebi'en ja ku'o tua', Pedenga ne katuk Tuhan. 254.
TETO NE TAWAY KU'UN GALEN I' (Aku telah puas dengan miliku)
Teto ne taway ku'un galen i' na'ki Galen nda kadu', amin pe ja'at, Ketay ku'o udip, aki' ke un amin Ka' dalem Surga, tiga ngan bui': Ca amin maren, lepa tenup me aki', Ka' dalem Surga, udip ja' pa'an Ka te ilu o ke mudip pemung ngan Tuhan Yesus ja' peniga le. Na' pe siu' keta, kadu' na'an penusa, Kusun tana' ji ilu ngeraing Aki' ngelan neng Tuhan Yesus ka' Surga Lepa petenup ca amin maki': Kadu' kelunan lunyi' dau keneng ilu Da' ngelan Tuhan, nda de tisen iu, Sen keneng udip ilu da' ngelan Tuhan Tay pala' udip pemung ngan Tuhan. 255.
YESUS O YESUS, TIGA NGADAN U'
Yesus, O Yesus, tiga ngadan U' Yesus, O Yesus, ja' mala' aki': 130
Ku'un ngadan U', pesaw takut, Ku'un daji' U', aki' bangen, Ku'un mala' U', aki' belian, Yesus ja' Tuhan i'. 256.
AKI' KELU' NUYAN KERISTIN (Ku ingin menjadi Kristen)
Aki' kelu' nuyan kristin ja' atek lan Neng kimet i', neng kimet i' Aki' kelu' nuyan kristin ja' atek lan Aki' kelu' un lesaw ja' atek lan Neng kimet i', neng kimet i' Aki' kelu' un lesaw ja' atek lan: Aki' kelu' ala' Yesus ja' Tuhan i' Neng kimet i', neng kimet i' Aki' kelu' ala' Yesus ja' Tuhan i': 257.
NAY NE ILU KELUNAN KRISTIN (Bangunlah anak-anak tebusan PSK 54)
Nay ne ilu kelunan kristin Da' mala' Tuhan Yesus, Un penyukat peneti ngan bunu', Ku'un penyukat Tuhan Yesus: Na'ki menjay ne ketu' kimet u' Pala' Yesus Keristus, daa' E ja' liwa ilu, Na'ki ilu un usun, ku'un daa' ja' bui' Ilu mung lepa un usun, bangen ne, Aliluya.
131
Kelunan kristin da' ban ading ngelan Nyalet ne pengelan u' Udip pa'an lepa tenup milu, Dalem Surga ja' ngeriman: Ayen le un takut pengepatay, Pelé ne penguba' E, Tegu' tebuku udip tay ku'o Ilu tay pemung ngan Tuhan: 258.
PENGELESAW TUHAN ALLAH (Kiranya kasih Allah Hu)
Pengelesaw Tuhan Allah, Un dalem penaway u' Tekep ne ikem do u'o Mita pengaren Allah: Tuhan na' ne peniga U' Keneng anak dua di, Ajak ne dedo cin na'ki Neng pengudip de, Tuhan. Tiga ne singget kebi'en Nyat Tuhan pemung ngan u' Tiga pe ngau ngan na' taw Tiga nemami' Tuhan: Tuhan kena' peniga E Keneng ketu' gayeng u' Yesus nubo pengudip u' Ngan mesik tu' janan u':
132
259.
KA' NGGÉ KA' NGGÉ TUHAN NEPAY (Mana-mana Tuhan panggil)
Ka' nggé ka' nggé Tuhan nepay, 3X, Tay pegayeng ka' dalem uma E: Aki' pegayeng 3X, ka' dalem uma E Aki' pegayeng 3X, ka' dalem uma E. Tuhan nepay, aki' pe un 3X, Tay pegayeng ka' dalem uma E: Matay mudip ne me Tuhan 3X, Tay pegayeng ka' dalem uma E: 260.
AMAY AKI' MENJAY USA I' (Bapa ku persembahkan tubuhku)
Amay Aki' menjay usa i' Seleket njay liwa ja' mudip, Bui' ngan siu' neng penguba' U' Seleket ca temami' ja' lan: Aki' tunuk Iku' 2X, Aki' nay menjay pengudip i' me Iku' Apan ngemaren ngadan U'. 261.
TEGU' BANGEN TEGU' BAMBA
Tegu' bangen, tegu' bamba, aki' ngebicem, Ngelunyi' ngan ngeja'at, aki' ngebicem, Uban aki' tisen Tuhan Yesus un ngan i', Iu-iu pe tenuyan, aki' ngebicem.
133
262.
MUDIP DALEM TUHAN YESUS
Mudip dalem Tuhan Yesus, ji ca peniga i', Biu' pengelesaw E ke na' maki' Tegu' Tuhan bada' janan penguba' E, Cin pengelesaw Tuhan, aki' ala' udip: Bangen taway, bangen taway cin U' Tuhan, Aki' belian, belian pembaw Tuhan, Ketu' sala' i' pesaw ku'un daa' Keristus Cin pengelesaw Yesus, Ia un ngan aki'. Tegu' i' ala' Tuhan, nay dalem kimet i' Aki' tisen Ia na' peniga maki', Na' pe kadu' penusa ja' un teliling aki' Tapi' Tuhan Yesus, Ia un ngan aki': 263.
NAY MI' PEMBAW NGAN BELIAN (Kami bawa pujian)
Nay mi' pembaw ngan belian} Dalem uma' Tuhan: } 2x Bang penjay liwa mi' } Belian bada' sai' kimet } 2X 264.
PENGEBUI' U' AMAY (KekudusanMu Bapa)
Pengebui' U' Amay, Penjay usa U' Yesus, Bangen cin Berua Bui', Atek peketu' aki':
134
Nda sukat man isu, Nda sukat man galen, Nda sukat man pengali, Bang pembaw ngan tunuk Iku': Maren, maren me Iku' Yesus Allah ja' bui' pabi' baya'.... O, O, maren, maren, belian Hosana Me Iku' laja, Aliluya. 265.
BIU' NGAN NYINGAN NE GAYENG U' (Besar dan ajaiblah karyaMu)
Biu' ngan nyingan ne gayeng U', Teneng ngan telit ne janan U', Laja dembaw laja ngan mung penyukat, Maren ngadan U', Tekep ne ketu' kelunan Tunuk keneng Iku', Allah ja' atek bui' Tekep nyelama. 266.
IKU' TUHAN I' (Kaulah Tuhanku)
Iku' Tuhan i', Iku' laja i' Iku' atek maren Ka' tana' ngan ka' Surga: Aki' tunuk Iku' 2X, } Aki' pembaw ngemaren ngadan U' } 2X.
135
267.
PEMBAW NGAN NYELAMA YESUS (Ku sembah, ku sanjung Yesus)
Pembaw ngan nyelama Yesus, Atek maren penyukat U', Aki' menjay pengudip i' ji Bang pala' iku' Tuhan: Ka' dalem gaam U' Tuhan, Aki' tisen ja' un dena', Atek selawan udip i' ji, Ka' dalem Tuhan: Nggang ne uju' i', Ajak ne asat i', Pemung ngan U', O Tuhan Dalem lesaw U'. 268.
IKU' NE TUHAN JA' MBAW (Karena Kau Tuhan tinggi)
Iku' ne Tuhan ja' mbaw Pa libut tana' ji, Iku' ja' atek ta' mbaw mung da’ ca: Aki' pembaw Iku' 3X, } O Tuhan.................... } 2X 269.
IA LAJA (Dia Raja)
Ia Laja, tunuk Laja maren, Pala' Yesus pengaren ngan penyukat, Ia Laja, pembaw penyukat E, Ilu pembaw Ia ja' maren, Tuhan Yesus: 136
Nay nilu kua' le pembaw Tuhan le Yesus Nyelama ngan ngemaren Kristus Laja, O, O, Ia Laja, tunuk Laja maren Lepa matay, numbak mudip nuyan Laja. 270.
NAY MI' NYAT BERUA JA' BUI' (Datang Roh Kudus ku doa)
Nay mi' nyat Berua ja' Bui', Berua Bui' ja' selawan, Nay ne ngan mung penyukat U', Bang baya' penguba' U'. 271.
AKI' TUNUK NENG TUHAN (Ku menyembahMu Tuhan)
Aki' tunuk neng Tuhan Ketu' teka' kimet i', Dalaw udip i' daru cin janan U' Tuhan, Iku' nggin aki' uli': Na' pengebangen maki' Tuhan Jinan i' mudip ka' tana' ji, Iku' lebang siu' keta Maren lan ngadan U' Apan ke pudip aki'. Neng usun kayu salip Patay U' nyaliw aki' Mui' mung penyala' i' man daa' ja' bui', Uban mala' Tuhan i':
137
272.
UYAN NE AKI' TUHAN (Jadikan ku ya Tuhan)
Uyan ne aki' Tuhan, Ja' ke ngemaren ngadan U', Aki' mejung uju' me Iku'. } 2X Uyan ne udip i' ji, Apan nuyan ca peniga, Pengelu' Tuhan ja' nuyan. }2X 273.
KANAN NE KEBI'EN JI (Gunakanlah waktumu)
Kanan ne kebi'en ji Kebi'en ja' un keneng udip u', Uban dalaw na'ki udip ja' ja'at, Atek udip ja'at, atek udip ja'at. Pawang ne Yesus mudip, Yesus mudip ka' dalem kimet u', Yesus nuyan Laja ngan Tuhan u' Atek selawan lan, atek selawan lan. 274. DALAW I' NGIMET SALIP JA' TUHAN I' NYU'UN (Bila ku fikir salib yang dipikul Tuhan ku)
Dalaw i' ngimet salip ja' Tuhan i' tay nyu'un, Uban Ia matay saliw aki', Pelapa aki' tunuk, O Tuhan mung puyan da, Patay Tuhan ja' un sukat nyaliw aki':
138
Tiga lan-lan puyan Tuhan nyaliw aki', Penyukat E nggin dena' neng udip i', Ia keta saliw aki' ja' sangan ku'un sala' Nda i' tekep nay ngejuma Iku' Tuhan. Mala' lesaw ja' lua' neng silung U' Tuhan i', Kelunan bekelaw tembing Ia ngelengap, O Amay, naway aki' kelunan ja'at ngan sala', Uyan aki' apan tekep neng juma U': Biu' lan lebang mala' pengelesaw Tuhan i', Uban Ia nemami' maki', O Amay, Iku' mesaw penyala' kelunan di, Uban de nda tisen keneng penyala' ji: 275.
IA ATEK BIU' (Dia terlebih besar)
Ia atek biu', Ia atek biu' Dalem aki', dalem aki' Ia atek biu', Ia atek biu' Neng udip i' pabi'-pabi' baya'. Yesus atek biu', Yesus atek biu' Dalem aki', dalem aki', Yesus atek biu', Yesus atek biu' Neng udip i' pabi'-pabi' baya'. 276.
MATET AMI' TUHAN ALLAH (Pimpin aku Tuhan Hua)
Matet ami' Tuhan Allah Lapa usun tana' ji, Iku' ja' tudep ngan pali, Ajak ami' ja' lema': 139
Luti' Surga, Luti' Surga } Ja' nuyan penguman mi'...} 2X Ngalo sungay ja' nggin udip Na' pengagat berua mi', Yesus ja' un ta' tena mi' Nggin ami' baya' Iku': Sungay udip, sungay udip} Na' pengagat berua mi'.....} 2x Dalaw usa mi' tay tasa' Nda mi' bisaw ngan takut, Iku' ajak pabi' dipa Tay pala' udip surga: Pa'an baya', pa'an baya' } Ami' pembaw ngan belian...}2x 277.
YESUS TUHAN JA' MAN TEBUKU UDIP (Naungan jiwa ku K.I.B)
Yesus Tuhan ja' man tebuku udip, Biu' mala' E neng aki', Kelidung berua i' ja' atek salet, Kelidung tiga ngan dena': Mala' Tuhan i' ja' ngelidung aki', Udip i' tiga ngan dena', Mala' Tuhan i' ja' ngelidung aki', Dalem e aki' nda bisaw, Dalem e aki' nda bisaw.
140
Yesus Tuhan ja' man tebuku udip Ia ja' mejung mbin i', Ia ja' na' pengali mading maki' Nyalet aki' kua' ngan batu: Peniga Tuhan ja' nda ke pekena' Sui' ngalo ngan pa majan, Bangen teka' taway i' pembaw Tuhan, Sebelang Tuhan Peniga i': 278.
SALIP YESUS ATEK BAAT (SalibNya sungguh berat)
Salip E atek baat, Tapung aka un sua' Ja' nyuat ulu E, Usuk E siu' peca' Dalaw E siu' salip ka' Gulguta: Tuhan Yesus siu' keta, Daa' Yesus pe nay musa, Pasak biu' mala' E neng ilu kelunan, Ia pudip ilu cin penyala': Nda un Yesus, udip i' nda un sen, Nda un Yesus, udip i' ke tasa' Nda un Yesus, udip i' siu' keta, Atek nesen i' na'ki, uban tisen tuen E Saliw aki', apan i' un udip. Atek nesen i' na'ki, uban tisen tuen E Saliw aki', apan i' un udip. 279.
IMANUEL
Imanuel, Imanuel, Ngadan Yesus Imanuel, 141
Tuhan i', pemung ngan i', Ngadan Yesus, Imanuel. 280.
UYAN NE AKI' TUHAN (Jadikanku, ya Tuhan)
Uyan ne aki', Tuhan } Ja' ke ngemaren ngadan U', } 2X Aki' mejung uju' me Iku'. } Uyan ne udip i' ji } Apan nuyan ca Peniga, } 2X Pengelu' Tuhan ja' nuyan. } 281.
MALIW NE TUHAN (Ubahkan Tuhan)
Maliw ne Tuhan pengudip i' ji: 2X Iku' ja' uyan baya' kimet U', Uyan ne aki', ji temami' i', Maliw ne Tuhan ketu' kimet i'. 2X 282.
O NA' NE PENYUKAT U' (O curahkan kuasaMu, Rohul Kudus)
O na' ne penyukat U' Berua Bui' O na' ne penyukat U' Berua Bui', Paliw udip ngan nyangan aki', O na' ne penyukat U', Berua Bui'.
142
283.
BANGEN (Damai yang dulu ku impikan)
Bangen cin Yesus aki' uba' Bangen cin Yesus aki' nebelum, Bangen cin Yesus aki' mita e, Na'ki aki' lepa ne ala' e: Bangen teka' kimet i' na'ki, Mudip dena' ka' dalem Yesus, Na' pe pengeten nay piat aki', Aki' tisen Yesus ja' un ngan i': O O bangen, bangen Bangen dalem berua i', O O bangen, bangen Bangen cin Yesus ja' un pa majan. Udip i' na'ki atek un sen, Lepa i' ngelan Tuhan Yesus, Udip i' na'ki Yesus ja' man e, Uban Yesus mudip dalem aki': 284.
YESUS UN PA MAJAN (Selamanya Yesus)
Yesus un pa majan (pa majan) Ka' ladung pengaren (Aliluya) Aki' mu'up sunlep (ngan sunlep) Pala' Iku' Tuhan. Iku' un pa majan (pa majan) Ka' ladung pengaren (Aliluya) Aki' mu'up sunlep (ngan sunlep) Pala' Iku' Tuhan. 143
Aki' nyelama, Yesus liwa i' Aki' nyelama Tuhan peniga i', Aki' nyelama, Anak Dumba Allah, Aki' nay sunlep tunuk pala' Iku'. 285.
BELIAN ME TUHAN BELIAN MADING (Nyanyi bagi Tuhan lagu baru)
Belian me Tuhan belian mading, Belian me Tuhan ketu' kelunan, Allah maren, tekep ilu pembaw: Ngeramay-ramay ne Ngeramay-ramay ne Dalem Allah, O Israil. Ramay ne ngan kanjet ne Ngejuma Tuhan, Ia un usun. 286.
PEBEKA NE NGAN ALLAH (Bahwa dengan Allah)
Pebeka ne ngan Allah Ilu sendeng uyan pemuyan ja' biu', Ilu nyeripa mung na'an, Allah ke nekejat nekejat Ketu' da' ayaw le, Pemuyan ja' biu' tenuyan Buka pebeka ngan Allah.
144
287.
IA NE SINGA CIN YAHUDA (Dialah Singa dari Yehuda)
Ia ne Singa cinYahuda Yesus metep ketu' beka, Nakaw ilu, Ia Mudung Batu, Ami' un usun... Pengali mi' tegu' mi' lema', Ia mending dalaw pepatay, O, Ia tebelum da' anun E. 288.
KA' IU I' KE MEJANG
Ka' iu aki' ke mejang Nyelat pengudip ja' sangan ku'un tusa, Bang tay mendem ne janan ji, Pala' éi' aki' tekep ke napi? Kimet i' lemuto mutu Pala' éi' tekep aki' ke napi? Mung e lepa tay ngecu' Ka' nggé i' ke tay? Aki' pe nda tisen: O Tuhan, na'at ne kula' U' ja' lema', Bang Iku' aki' tekep ke mutu, Ajak ne aki' keneng asat i', Atek i' ke tegu' ca pengebangen Keneng ca taw e.
145
289.
AKI' NAY MU'UP SUNLEP (Ku datang berlutut di kakiMu Tuhan)
Aki' nay mu'up sunlep Neng taket U' Yesus, Pengaren U' na' pengebangen, Nda un iu iu, nda kelunan Sukat pata ngan U', Aki' uba' nyelama Iku' Tuhan. 290.
YESUS JA' NEPAY (Tuhan yang panggil)
Yesus ja' nepay, Yesus ja' nepay Yesus nepay kelunan penyala' Yesus ja' nepay aki'. Tuhan ja' nepay, Tuhan ja' nepay Tuhan nepay kelunan penyala' Tuhan ja' nepay aki'. 291.
PENGEMBAW MBAW E LANGIT (Setingginya langit)
Pengembaw mbaw e langit, Mbaw ka' ja pengelesaw Tuhan, Pengedalem dalem e banget Dalem ka' ja pengelesaw Tuhan, Selawan lawan leliwa Selawan ka' ja pengelesaw Yesus: Pengelesaw Yesus, O, pengelesaw Yesus, Nyelembaw mung ketu' e. 146
292.
YESUS, YESUS, YESUS
Yesus, Yesus, Yesus, Ngadan ja' menat kimet i', Ia mesaw mung penyala' Ngan na' kimet ja' mading, Kimet lelat tay pesaw, Pengebangen Ia na', Kimet kawa' nda un tuman, Udip tadan Ia na' maki'. 293.
NYUA' SAI' KIMET
Nyua' sai' kimet, pekimet pengelesaw U', Singget liway i' naway Iku', Iku' un ngan i', Aki' nengayet baya' penguba' U' Tuhan, Na' pe sangan ku'un penusa Ji temami' i': Bang pala' Iku' aki' menjay Ketu' pengeketa udip i', Uban pala' Iku' tua' aki' nebelum, Mung ketu' daji' Tuhan nuyan Cin na'ki pabi' baya'. 294.
AYEN U' MECIN TUHAN YESUS
Ayen u' mecin Tuhan Yesus, Buka u' nda uba' labu' Ayen u' mecin Tuhan Yesus Buka u' uba' ngelingaw, Puto ilu tay kelimbun Tuhan ke na' bangen, Bang u' biu' ka' Surga o Mudip pa-pa majan. 147
295.
BELIAN NE NGAN KANJET NE (Nyanyilah dan menarilah)
Belian ne ngan kanjet ne me Tuhan Yesus ...2X Mejung uju' u', pembaw ne Tuhan, Ngebiu' ngadan Tuhan, Bangen taway ngan mejuy ne, Oi..... Pembaw Tuhan Aliluya 2X Cin na'ki abi' baya' A...min, A...min, A...min. 296.
AKI' KELU' KE ALA' KATUK TUHAN (Firman Tuhan ingin ku miliki)
Aki' kelu' ke ala' katuk Tuhan, Ja ne janan tay ka' Surga, Uyan ne aki' ngelan katuk Tuhan, Aki' kelu' ke menjay usa i': Katuk U' ke nggin peneneng, Katuk U' ke nggin peniga, Katuk U' bada' janan udip, Aa'..Berua Bui' nyangan ne udip i'. Aki' nda tekep ta' juma Iku', Untepu'o ji ne tebelum i' Mesaw ne sala' i' ngan abi i', Uban udip ji atek ke tay tasa'. 297.
MIDAN BERUA I' LEMA'
Midan berua i' lema', Ngan midan i' un siu' tusa, Aki' pe lupaw keneng temami' Aki' pe lupaw... neng Iku' Tuhan. 148
Midan taw nembam nay beti' Ngan midan kimet i' un bangen, Aki' pe lupaw keneng temami', Aki' pe lupaw... neng Iku' Tuhan. Mui' ne Tuhan, ketu' penyala' i' } Ayen pala'ayo aki' tay cu' cin Iku' } 2X. Menjay ne penyukat U', Apan aki' lemuto salet, Menjay ne pengebangen U', Apan aki'... lemuto salet. 298.
DA'MANAY NGAN DEKI’IT LETO
Da'manay ngan deki’it leto Ayen baya' usun tana', Peniga e sukat pedaru ilu, Uku' ba'an da' lepa lapa Ja ne dalaw Sudum Gemura. Ngening ne katuk Tuhan Apan u' nda un lebo tay labu' Petenup ne kimet u' Uban taw Tuhan nyeng kenay abi'. 299.
NGAN KETU' KIMET I' TUHAN (Betapa hatiku Tuhan)
Ngan ketu' kimet i' Tuhan, Aki' nyua' tiga sai', Iku' penubo i', Tuhan, Iku' ja' un aki'.
149
Bang ji tua' Tuhan, pengenjay i' me Iku Ketu' pengudip i', ngan berua i', Uban nda un ka' aki', kaya' usun tana', Ja' tekep aki' ke menjay pala' Iku', Ngening dau i' Tuhan, pengenyat i' ji, Ala' ne mung Tuhan, pengenjay i' ji, Kanan ne udip i', ke nuyan luan U' Utung pengudip i'. 300.
MIDAN BERUA TUHAN PEMAGÉ KIMET I' (Bila Roh Allah gerak hatiku)
Midan Berua Tuhan pemagé kimet i' Aki' belian pembaw Tuhan Aki' belian, aki' belian ) Aki' belian pembaw Tuhan.)2X Midan Berua Tuhan pemagé kimet i' Aki' pap uju' pembaw Tuhan. Aki' pap uju', aki' pap uju' ) Aki' pap uju' pembaw Tuhan) 2X Midan Berua Tuhan pemagé kimet i' Aki' kanjet pembaw Tuhan. Aki' kanjet, aki' kanjet ) Aki' kanjet pembaw Tuhan.)2X
150
301.
HOSANA JA' ATEK MBAW (Hosana yang ditinggi)
Hosana, Hosana, Hosana ja' atek mbaw, Pembaw ngadan Tuhan, Aki' nyua' sai' kimet Aki' ke ngembaw Tuhan i', Hosana ja' atek mbaw. 302.
UN TEGU' CA ALEM E
Un tegu' ca alem e Yesus uyan ca pemung uman, Apan le ke petaway Yesus menjay usa E tengen milu. Kusun Mudung Gulguta, Yesus keriding sua' penyala' le, Kiu' kiu' jam telu Ngelengap ne Yesus ngan biu' dau: Eloi, Eloi, Eloi lema sabaktani? Allah i', Allah i', adi' U' peteray Aki'? Penjo kenay ndem pa tipo dalé ja, Kadu' da' nda ngetisen Mung da' dalem usun tana' ji. Yesus senalip pa matay, Beti' keneng taw ja' ke telu, Pengenjay E atek biu', Ngelengap ne Yesus ngan biu' dau.
151
303.
PEMBAW NE IA MAN TUYAW KEDIRI' (Maz 150)
Pembaw ne Ia man tuyaw kediri', Pembaw ne Ia man uding ngan lutung, Pembaw Ia man jatung utang Ngan kanjet kanjet ne ... Pembaw Ia man jatung anit Pembaw Ia man keringut Tiga mung da' ngelaset, pembaw Tuhan: Aliluya pembaw Tuhan 2X, Tiga mung da' ngelaset, Pembaw Tuhan. 304.
MIDAN I' NGIMET PENGELESAW U' TUHAN
Midan i' ngimet biu' pengelesaw U' Tuhan, Ja' Iku' bada' ka' mudung Zaitun, Iku' lebang menjay usa U' sua' sala' i', Apan ke mesaw penyala' kelunan. Lepa ku'o ne gayeng U' ka' tana', Ngan Iku' menjay usa U' dalaw ja, Usuk U' seradu meca' man nyatap de, Penjo ngalo ne daa' U', Tuhan i'. Sua' usa i' ja' penyala', Iku' siu' keta, Sua' ke nakaw aki' cin penyala', Tiga taway i' pala' Iku' O Tuhan, Iku' nakaw usa i' ja' jameng ji.
152
305. MUNG LE KE BELIAN PEMBAW NGADAN TUHAN
Mung le ke belian pembaw ngadan Tuhan, Glori, glori, glori, glori, Aliluya, Allah biu' penyukat dembaw surga ngan tana', Bui' ne ngadan U' O Tuhan. Ading de aki' daru, ading de aki' siu' beka Ku'un ambit ambit ja' meka aki', Na'ki aki' lepa pesaw, na'ki aki' lepa takaw, Takaw ku'un penyukat U', O Tuhan. Glori, glori, glori, Aliluya, Aki' pembaw ngadan U', Biu' penyukat U' O Tuhan, Glori, glori, glori Aliluya, Aki' lepa takaw, Takaw cin penyukat bali ja'at. 306.
BERUA BUI' NADING NE
Berua Bui' nading ne 2X, Aki' ngening tuyaw Pu'un merebay nuyaw, Aki' tisen Berua Bui' nading ne. Senganak maju, senganak maju, maju, maju ngan teto, Maju dalem berua u' 2X, Maju, maju ngan teto.
153
307.
ATEK SELAWAN LAN PETEBULUNG TAWAY (Begitu indah terjalin mesra)
Atek selawan lan petebulung taway, Dalem pengemala', Ilu pesenganak, Dalem pengemala' Yesus, Ilu pesenganak, nda un ca kimet ja' kawa', Bang temba teka', Dalem pengemala' Yesus, Ilu pesenganak, tiga nilu tebulung taway, Pabi' kenay Tuhan Yesus kedua liway e. 308.
NAY NILU NYELAMA JA' ATEK LAJA (Mari kita sambut sang Raja)
Nay nilu nyelama ja' atek Laja, Nay nilu pembaw ngadan E, Ia ja' atek Maren, Ia ja' atek Nyebali, Yesus, Yesus, Yesus ngadan E, Pembaw nyelama 3x, Maren ngadan E, Pembaw nyelama 3x, Maren ngadan E.
154
309.
TUHAN JI NE UDIP I' (Tuhan inilah hidup ku)
Tuhan ji ne udip i', Aki' pelek me Iku', Mung ketu' kelamun i', Udip i' baya', mung e miku', Uyan ne ami' kedema U', Ka' belua' ndem usun tana', Apan nggin mung puu' pala' Iku', Tuhan ji ne kelamun i', Ketu' pengudip i' me Iku' Tuhan, Kanan ne Tuhan me pengaren U', Malup ne ketu' sedep U', Pa mung kelunan sangan ku'un pengaren U'. 310.
AKI' NAY TUHAN (Ku datang Tuhan)
Aki' nay Tuhan, Ngan kimet ja' mading, Bang Iku' Tuhan sangan pengelesaw, Aki' tisen Tuhan, Ketu' pengundaw i', Atek ke salay tuman sebali mala' U', Mala' U' ja' mamung aki', Nggin aki' nyeng kata Iku'..... Aki' ke madang uku' ba'an pelaki, Pemung pejung ngan U' Berua U' ajak aki', Tuman sebali mala' U'. 155
311.
AKI' NAY LIWAY JI LA'A (Saat ini ku datang lagi)
Aki' nay liway ji la'a, Pala' Tuhan ja' Keniga udip i', Aki' mejung uju' i', Pembaw ngadan U', Yesus aki' nyelama Iku' Tuhan, Singget taw da' lepa lapa, Pemung ngan U' Tuhan bangen kimet i', Nggang ne uju' i' ajak ne asat i', Tuhan Iku' tapi taway i', Pembaw Tuhan melalu' nyelama, Pembaw Tuhan ja' atek maren, Pembaw Tuhan melalu' nyelama, Ami' pembaw ngadan U'. 312.
PETEGU' DALEM PENGEMALA' (Bertemu dalam kasihNya)
Petegu' dalem mala' E, Petebulung dalem pengelesaw E, Tiga nilu bangen mung, Nay dalem uma' Tuhan. Oh..senganak i' ngan panak i', Tuhan mala' atek mala' neng ilu, Tiga nilu bangen mung, Nay dalem uma' Tuhan.
156
313.
ILU PEGITA LA'A PEMBAW TUHAN (Kita bersama lagi memuji Tuhan)
Ilu pegita la'a pembaw Tuhan, Ilu pegita la'a dalem pengemala', Ja' tiga atek ke nuyan me tepat panak mung, Ilu pegita la'a pembaw Tuhan, Ka' nggé tua' i' pembaw Ia, Midan tua' i' pembaw Ia, Pengemala' E kua' nawa banget, Aki' pembaw ngadan Yesus, Aki' pada ngadan Yesus, Ngadan E pemagé berua i'. 314.
AKI' UN CA TUYANG JA' TUDEP LAN (Ada satu sobat ku yang setia)
Aki' un ca tuyang ja' tudep lan, Ia nda peteray aki', Tegu' i' siu' tusa tegu' i' tengen ali', Ia pa'an nyerengan aki' Ngadan E Yesus, ngadan E Yesus, Ngadan Yesus ja' pesalaw kimet i' 2x. 315.
LEPA TENUP KIMET I' TUHAN (Ku siapkan hatiku Tuhan)
Lepa tenup ne kimet i' Tuhan, Ke ngeringa tira' U', neng kelimbun ji Aki' sunlep nyelama Iku' Tuhan, Nyeripa pengaren U', neng kelimbun ji,
157
Na' ne Berua Bui' Tuhan, Mami' anak U', neng kelimbun ji, Lepa tenup ne kimet i' Tuhan, Ke ngeringa tira' U', Tira' U' Tuhan nda pekaliw, Bekading, na'ki ngan pabi' baya' nda pekaliw, Tira' U' Tuhan ja' maliw pengudip i', Lepa tenup ne kimet i' Tuhan, Ke ngeringa tira' U'. 316.
MALA' LESAW U' NENG PENGUDIP I' (Kasih setiaMu yang ku rasakan)
Mala' lesaw U' neng pengudip i', Atek mbaw cin langit bileng, Peniga U' ja' Iku' pelua', Atek dalem cin banget, Peniga ja' Iku' lepa na', Atek peketu' kimet i', Iu da' aki' peletu' nda ngimet, Da ne Iku' petenup maki', Atek demun Tuhan neng aki', Kua' demun neng luang mata E, Man iu ni' nyua' Iku' Tuhan, Bang pembaw ngan nyelama Iku'.
158
317.
SEBELANG TUKEN PENGEMALA' ALLAH I' (Kasih Allahku sungguh telah terbukti)
Sebelang tuken pengemala' Allah i', Tegu' E menjay Anak E, Tuman pengemala' Ia matay Maki' ngan miku', Atek nda un mala' kua' ngan pengemala' E, Tiga taway, tiga taway, tiga taway Tuhan, Tiga taway tuman mala' lesaw U', Aki' nyelama, nyelama, nyelama ngan nyelama, Utung udip i' nyelama Iku' Tuhan. 318.
AKI' MINDA TIRA' U' (Ku rindu firmanMu)
Aki' minda tira' U', Aki' minda tebada' U', Tira' Tuhan Yesus nyingan ngan nyebali, Petira' ne Tuhan, Man sebali Berua U', Pala' Iku' i' pelek kimet i'. Petira' ne, petira' ne Tuhan, Berua Bui' nyeluan ula' U', Petira' ne, petira' ne Tuhan, Aki' kelu' mudip baya' tira' U', 319.
TIGA TAWAY TUHAN (Terima kasih Tuhan)
Tiga taway Tuhan, Tuman mala' lesaw U', Ja' aki' tisen neng udip i', 159
Tiga taway Yesus, Tuman peniga U', Utung pengudip i', Tiga taway Yesus i', Tuman biu' pengelesaw U', Uban tuman Tuhan, ilu un taw i Tiga taway Tuhan. 320.
IA YESUS MATAY SALIW AKI' (Dia Yesus telah mati bagiku)
Ia Yesus matay saliw aki', Ia Tuhan pudip berua i', Bang Ia ja' aki' pembaw, Atek supi' i' nyua' pengemala' E, Ia mamung aki' nuyan anak E, Na' dena' dalem pengudip i', Bang Ia ja' aki' nyelama, Atek Ia ne mung e maki', Bang me Ia ketu' puyan pembaw, Tunuk nyua' sai' kimet pa'an baya', Bang me Ia ketu' puyan pembaw, Tunuk nyua' sai' kimet pa'an baya'. 321.
AKI' MALA' IKU' YESUS (Aku mengasihi Engkau Yesus)
Aki' mala' Iku' Yesus, Ngan tu' kimet i', Aki' mala' Iku' Yesus, Ngan ketu' penaway i'. 160
Aki' ngimet tira' U' na' taw ngan ngau, Aki' nggang tebada' U' ngan baya' e, Iku' tisen aa' Tuhan pengu'un udip i', Bang ke pebangen kimet U'. 322.
IKU' NE PENGALI I' (Engkaulah kekuatanku)
Iku' ne pengali i', Nya'ung ngelidung aki', Kenuen udip pali' Nda i' ke supi' 2x, Uban Tuhan nyerengan aki'. Kua' cu' langit cin tana', Meka ne biu' pengemala' U', Iku' nyangan kimet mi' ja' bimbin, Nyelama Iku' Yesus, Kua' cu' langit cin tana', Meka ne biu' pengelesaw U', Iku' Tuhan pengali i', pengebangen i'. 323.
PEKATA' CA JEMAN MINGA' TENUYAN (Bagaikan bejana siap dibentuk)
Pekata' ca jeman minga' tenuyan Meka ne udip i' neng uju' U', Ku'un sebali' Berua U' Iku' maliw pengudip i', Uyan ni' senganan dalem uma' U' Ji ne udip i' neng uju' U', Uyan ne baya' penguba' U', Siu' neng sedep U'. 161
Kelu' i' uku' ba'an Yesus Ja' pa'an da'am, Dalem tu' pengudip i' Bang ngemaren ngadan U'. 324.
UDIP DENA' DALEM BERUA I' (Ada damai dalam jiwa ku)
Udip dena' dalem berua i' Atek tiga ngan bangen Cin pengebangen usun tana' Aki' lepa un udip: Mudip dena', pembaw Tuhan, Udip dena' dalem berua i' Tuman daa' Yesus lepa mui' Mudip dena' ngan Tuhan. Un belian dalem berua i' S'lawan ali' ngan sani' Uban Yesus nuyan laja i' Ja' mala' neng aki': Un peniga dalem berua i' Man tebelum ngan pengelan Sangan ku'un bua' Berua Bui' Siu' neng pena'at Tuhan:
162
325.
NEKEJENG TUMAN YESUS (Berdiri kerana Yesus)
Nekejeng tuman Yesus Ikem da' pepatay Medeng ne belira' E Atek Tuhan menang, Yesus julung tena Nggin seradu E Ti pa ayaw supi’ Ngan Yesus ne Laja Nekejeng tuman Yesus Ngening tekepip E Beti' ngan pepatay ne Nyupi' ayaw em, Buka maan ali' Ngan ayaw pe kadu', Klunan da' baya' Yesus Pelua' akang em. Nekejeng tuman Yesus Nebelum keneng Ia Ngelan ne sebali E Nda sebali da’ ca, Kanan tenup Allah Ngan ja' atek denggep Apan nda ngedut Dalem tu' penusa.
163
Nekejeng tuman Yesus Nuat le pepatay Nda majan la'a Iku' melalu' menang, Tuhan ke na' miku' Tapung udip ngeriman Mudip dalem surga Neng udip ngeriman. 326.
TEBELUM I' BANG YESUS TUA' (Pengharapan ku hanya Yesus)
Tebelum i' bang Yesus tua' Ja' matay ka' gulguta Ia penubo berua i' atek lan Yesus Ia tebelum i': Yesus tebelum berua i' Yesus mesaw penyala' i' Ia keniga udip pebangen aki' Yesus Ia tebelum i'. Ia mepo aki' dalem tu' pengeten Nakaw aki' man sebali E Ia nyalet aki' tageng kua' batu Yesus Ia tebelum i': Ia petenup me aki' ka' surga Amin ja' selawan ngan tiga Pasak bangen lan tegu' ngelan neng Ia Yesus Ia tebelum i':
164
327.
AMI' NAY PEPENG (Kami berkumpul untuk memujiMu)
Ami' nay pepeng nay pembaw Iku' Ami' nay pepeng nay nyelama Iku' Iku' ja' ngaren ketu' pengudip mi' Ngeniga ami', kanan ne ami' Mesik ne Tuhan ketu' kimet mi' Apan ngetisen mung tira' U' Tira' U' Tuhan nyupi' tu' pengeten Talan ne maren ngadan U' 328.
PETEGU' NGAN SENGANAK LE (Bertemu dengan saudara)
Petegu' ngan senganak le dalem mala' Tuhan Belian pembaw ngadan E ngan bangen taway Tabi' nilu panak mung dalem pengemala' Tuhan Yesus pemung ngan le ki: Aliluya, aliluya, aliluya pembaw Ia Aliluya, aliluya, aliluya pembaw Ia. 329.
TEBULUNG NE PENAWAY MI' (Satukanlah hati kami)
Tebulung ne penaway mi' Nay pembaw ngan nyelama Oh Yesus Tuhan ngan Laja mi' Pedenggep ne pengemala' Apan mala' neng ami' mung Oh Yesus Tuhan ngan Laja mi' 165
Peman uju' nilu dalem pengemala' Peman uju' nilu dalem ca pengelan Pekeliwa mala' kaang ilu Pemanak dalem pengaren Tuhan
166
Belian Krismas
330.
NGENING NE MELIKAT BELIAN (PSK 97) (Dengarlah malaikat nyanyi PSK 97)
Ngening ne melikat belian, Tegu' alem ja' lenga, Anak Allah lepa pembet, Nuyan titay udip le: Nyelama, ilu un udip Singget puu' kelunan nda un serepi', Tiga mung melikat kua' le belian, Anak Allah pembet, nay nyelama Ia. Lua' pengelesaw Allah Yesus Keristus liwa le, O Tuhan mui' sala' i' Nyaliw neng udip mading: Nyelama ne Anak Allah Ja' nyu'un penyala' le, Nggin dena' neng kimet le Nakaw ilu cin ja'at:
167
331.
BETU'EN E JA' DEMA (Bintang-bintangNya teranglah)
Betu'en E ja' dema ja, terana' kuku' E Kelunan menjam nay mita Ia, Ka' lepu' Betlahim, Kimet de bangen petegu' ngan Anak ja, Ia ja' lepa lua' tegu' alem ja, Aliluya, aliluya, aliluya. Dalaw de tegu' Anak ja ken ka' taan sapi' Kimet de ngan bangen-bangen, Tegu' Anak ngan ui’ Da, Ida menjay mas ngan mur ja' maan Ida menjay ngan kimet ja' lebang teka', Aliluya, aliluya, aliluya. 332.
PEMBAW NE YESUS TUHAN (Pujilah Yesus Tuhanku PSK 370)
Pembaw ne Yesus Tuhan le, Paren ja' atek mbaw, Ia nay kusun tana' ji, Pembet dalem taan sapi', Ia nggin pengudip ja' tadan ka' usun tana' ji, Ilu pembaw Tuhan Yesus, Paren ja' atek mbaw :
168
Yesus mesik janan Udip tay ka' Surga Nay ne ilu mung pembaw Yesus ja' nuyan pengeparen le, Nay nilu nyelama, ngan menjay usa le, Ilu belian ngan ja' bangen, Belian ja' selawan. Nylama (Nyelama), Nylama (Nyelama) Yesus ne paren le, Nylama, (Nyelama) Nylama (Nyelama) Paren ja' atek mbaw. Mudip ka' usun tana' ji, I'ut taway ngan tuen, Yesus ja' nay nggin kedema, Ja' ngedema udip le, Yesus paren, nyu'un penyala', Ilu ke un udip, Ilu pembaw Tuhan Yesus, Paren ja' atek mbaw: 333.
O NGENING NE DENGA TIGA TUHAN (Sekali terdengar di Efrata)
O ngening ne denga tiga Tuhan Ku'un belian melikat da' pembaw Ia, Nyelama Allah, nyelama Ia, Penubo dumba sanggit tay mita ka' nggé Tuhan pembet:
169
Ngan bangen-bangen ketay de Pedenga kusun tana' ji, Bada' Yesus nay pembet, Bangen ne ngan belian ne, Udip tadan ka' tana' me kelunan da' ngelan (udip tadan) Tiga nilu kua' tay pedenga Bada' keneng Yesus nay pembet. Penubo ka' lasan, belua' alem, Ida ngening melikat belian pembaw Ia, Nyelama Allah, nyelama Ia, Penubo da' mengaw dumba ngening belian melikat: Nay nilu kelunan da' ngelan Tuhan, Pembaw ngan pada ne ngadan Tuhan le, Nyelama Allah, nyelama Ia, Uban Ia nay dalem penaway le man Berua E: 334.
O NGENING NE KA' EPRATA (Hai dengarlah di Efrata)
O ngening ne ka' Eprata, ca kendaw selawan, Ca denga ja' atek lua', neng kendaw melikat: Nyelama Ia (nyelama Ia) Nyelama Alah ja' maren Ngan bangen kimet ilu da' ngelan, Uban mala' Tuhan. O na'at ne ka' Eprata, penubo ja' teneng Tiga nilu nay pembaw Ia, man kendaw ja' selawan: 170
O nay ne pala' Tuhan le, kelunan da' nyara Ia ke mesaw tu' sala' u', ke un udip pa'an: Pengudip le dalem Tuhan pebesun neng kitab Ja' nuju' janan udip le, tiga baya' dau E. 335.
ALEM LENGA (Sunyi senyap PSK)
Alem lenga, alem lenga, Tuhan Yesus lepa pembet Ka' Betlahim kuku' E pembet, Nggin peniga me kelunan mung: Alem bui', alem lenga, Anak ja' atek bui' Ja' ketay nggin ilu ka' Surga Ia meken ka' taan sapi' Ia un penyukat biu' 2X. Uban biu' mala' Tuhan Lesaw kelunan penyala' Pabi' E menjay Anak E Matay saliw penyala' le: Anak Allah, Anak Bui' Ja' nuyan liwa ilu Tiga nilu nyelama Ia, Ngan ngelan pala' Yesus Tuhan, Nay ne ilu pembaw Ia 2X.
171
Daji' Allah lepa sukung Keneng puyan Tuhan Yesus Ja' ngelan Ia ala' udip Ngan takaw cin beka ja'at: Alem bui', alem lenga, Tadan udip lepa nay Kusun tana' ja' mudip neng ndem, "Amin" Pembaw ne Allah 2X. 336.
NGENING NE MELIKAT BELIAN (Dengarlah melaikat nyanyi)
Ngening ne melikat belian Bangen biu' me kelunan, Tuhan Yesus ja' nay pembet Nggin ca udip me kelunan, Mung puu' un bangen biu' Mendung ngan kua' dau belian, Yesus Anak Allah ja Pembet ka' dalé Betlahim, Kua' nilu nyelama Ia, Pembaw ngan pada Kristus. Bawa surga lemuto de Sunlep nyelama Ia, Na'ki Yesus lepa ngaliw Allah nuyan kelunan, Paren ji nggin ca peniga, Ia ke mesaw penyala' le, Allah pemung ngan ilu, Ngadan E ja ne Imanuel, Nay nilu nyelama Ia, Pembaw ngan pada Keristus. 172
Paren janan udip pa'an Lepa nay kusun tana', Nuyan ca kedema udip Sai' klini' dalem Ia, Allah mala' kelunan mung, Ia nay kenda' ka' tana' ji Apan ilu takaw cin beka ja'at ngan penyala', Nay nilu nyelama Ia, Pembaw ngan pada Keristus. 337.
ALEM LENGA ALEM BUI' (Malam sunyi senyap)
Alem lenga bui' betu'en nyeraan Ngan un dau tuyaw, bada' denga tiga: Yesus janan udip } Pembet ka' Betlahim }2X Alem lenga bui', ta'an da' mengaw dumba Serema ja' biu', ida pembaw Tuhan: 338.
KENAY MELIKAT CIN SURGA (Hai malaikat dari surga – NKB)
Kenay melikat cin surga, Pedenga kusun tana' Ca peniga ja' ke nakaw Ilu cin penyala' le: Nay nyelama, nay nyelama Yesus ja' nay cin surga.
173
Nay penubo da' mengaw dumba, Nay de nuken denga ja, Ta'an Anak ja' tenino, meken neng taan sapi': Kelunan Keristin da' ngelan Ia Nemami' ngan pembaw Ia, Uban un ca janan udip Ja' nay kusun tana' ji: Kelunan menjam, ayen nyendé keneng penisen u' tengen, Tiga mita Keniga le, Yesus ja' Anak Allah. 339.
SINGGET LIU’ NGAN DALÉ (Dari pulau dan benua)
Singget dalé ngan lepu’u’ Lepa ngening ngan tay migay Denga tiga Yesus Tuhan Ja’ ke nakaw cin sala’: Ba-a-a-a-a-a-a-a-angen taway Nay nyelama Tuhan Ba-a-a-a-a-a-a-a-angen taway Nay nyelama Tuhan. Cin Surga un tuyaw selawan Melikat Tuhan belian, Nggin denga me penubo Da’ manan dumba ka’ lasan:
174
Bawa Tuhan un penyukat Maren ngan nda un takut Belian pembaw ngan pada Ia, Tay pala’ puu’ kelunan: 340.
PENGEMALA’ ALLAH LUA’ (Bagi kita Putra dilahir)
Pengemala’ Allah lua’ Cin Yesus ja’ lepa nay musang, Ia paren ka’ Surga ngan tana’ ji, Ja’ pudip, ja’ mepo kelunan, Pengemaren E ja ka’ li’ip E, Atek Anak Tuhan Allah. 341.
ÉI’ MEKEN KA’ TAAN SAPI’?
Éi’ meken ka’ taan sapi’, tegu’ melikat belian? Ia Tuhan pu’un peniga, Ia Tuhan pungu pengudip Nay ne nyelama Ia, petunuk neng Yesus ja. Éi’ ja’ tengen tay ngiin pat pulu’ taw ngelien? Éi’ nangé ngan da’ taru, tegu’ Lasarus matay? Éi’ ja’ baat taway nemami’ ka’ kebun Gesemani? Éi’ ja’ tay siu’ patay apan ilu nda salay? 342.
ALEM BUI’, ALEM LENGA (Malam kudus, sunyi senyap)
Alem bui’, alem lenga, betu’en ngedema Dembaw amay ngan ui’ Anak ja, kuku’ Anak bui’ nay pembet, Lundu’ Ia ngan tiga, lundu’ Ia ngan tiga.
175
Alem bui’, alem lenga, peketu’ penubo Ngening dau melikat da’ kadu’, “Serema peniga me Allah” Tuhan Yesus nay lua’, Tuhan Yesus nay lua’. Alem bui’, alem lenga, dema ja nyerema Silung Anak ja atek bui’, pengelesaw Tuhan nay abi’, Tegu’ Yesus nay lua’, tegu’ Yesus nay lua’. Alem bui’, alem lenga, betu’en ngedema Tay le pemung penubo dumba, tunuk le neng Yesus, nyelama Peniga lepa lua’, Peniga lepa lua’. 343.
ALEM LENGA KA’ BETLAHIM,
Alem lenga ka’ Betlahim, betu’en nyeraan dema, Pembet kusun tana’, Anak ja’ bui’, Bangen taway: Nay ne kelimbun ka’ Betlahim, nyelama Anak Peneneng, Pu’un pengudip kelunan, Bangen taway: Bangen ja’ bui’ nakaw ilu cin, penyala’ ilu kelunan, Taru ngan keta siu’ usa E, Ia ngiin pa-pa matay. Alem lenga ka’ Betlahim, betu’en nyeraan dema, Pembet kusun tana’, Anak ja’ bui’, Bangen taway: 176
344.
ANAK ALLAH JA’ ATEK MAREN
Anak Allah ja’ atek maren, Ja’ nay ka’ usun tana’ ji, Nay pudip ilu da’ ngelan, pembaw ngadan E: Pembet ne, Tuhan i’, Yesus nay pembet Tiga nilu, pembaw ngadan E. Ka’ Betlahim kenay E pembet, Pengaren Amay E pelek Nuyan kua’ layan kelunan, pembaw ngadan E: Nay sakay cin sek taw pala’ Ia, Betu’en bada’ janan da Ida na’ pengenjay me Ia, tunuk pala’ Ia: 345.
NAY NILU KRISTIN KA’ BETLAHIM (Mari orang saleh NKI 40)
Nay nilu kristin, nay ngan sai’ kimet, Nay ka’ lepu’ Betlahim, na’at Anak ja, Nay ne nyelama Laja ja’ kembaw le mung: Nay ne nyelama Yesus Nay ne nyelama Yesus Nay ne nyelama Yesus Peniga le. Atek mung melikat pada puyan Allah, Ketu’ da’ ka’ Surga ngendaw ngan belian, Pada ne Allah tipo tana’ ngan langit: Pembaw Anak Allah ja’ ngaliw kelunan, Sio Biu’ ja’ lua’ ka’ Betlahim, Nay ne nyelama Laja ja’ kembaw le mung: 177
346.
UN ANAK TADING LUA’ (Away in a manger)
Un anak tading lua’, dalem lepaw pakan, Anak ja nay cin Surga, atek Anak Allah, Sai’ nilu kelunan, ta’an Anak tiga, Un ngadan E Yesus, Anak Tuhan Allah. Nay ca melikat Tuhan, nggin denga tiga Pala’ da’ manan dumba, ka’ lasan Betlahim, Alem ji un nay lua’, Peniga udip em, Bangen biu’ kelunan, ja’ tay tunuk Ia. Beleka’ melikat kadu’, belian ngendaw biu’, Peging serema Tuhan, ngedema uku’ da, Pembaw ne Amay Biu’ ja’ na’ Peniga E, Ja’ nggin udip tadan, baya’ Yesus Tuhan.
178
Lubun Belian (Senarai Lagu-Lagu) Belian Pembaw Nyelama Tuhan Lubun Belian 155. 296. 256. 321. 318. 311. 289. 310. 243. 271. 314. 95. 118. 144. 21. 129. 213. 201. 151. 23. 184. 63. 87. 180. 43. 12. 227. 76. 260. 146. 142.
Ngadan Belian
Li’ap surat AJAK I’ TUHAN CIN JANAN PENYAI’ USA 80 AKI' KELU' KE ALA' KATUK TUHAN 148 AKI' KELU' NUYAN KERISTIN 131 AKI' MALA' IKU' YESUS 160 AKI' MINDA TIRA' U' 159 AKI' NAY LIWAY JI LA'A 156 AKI' NAY MU'UP SUNLEP 146 AKI' NAY TUHAN 155 AKI' TISEN TUHAN MESIK JANAN 123 AKI' TUNUK NENG TUHAN 137 AKI' UN CA TUYANG JA' TUDEP LAN 157 AKI’ BAYA’ YESUS 53 AKI’ BELIAN BELIAN, AKI’ MEJUY MEJUY 61 AKI’ BELIAN KE PEMBAW NGADAN U’ 75 AKI’ LEPA DARU KA’ JANAN 11 AKI’ LEPA TAKAW KU’UN PENYUKAT E 67 AKI’ MALA’ NENG IKU’ TUHAN 107 AKI’ MASAT TENGEN DALEM ASEP MENDEM 100 AKI’ NAWAY CA LEPU’ JA’ BUI’ 78 AKI’ NAY PALA’ TUHAN (NKI 203) 12 AKI’ NDA TISEN TAW NEMBAM 92 AKI’ NGELENGAP PALA’ IKU’ 36 AKI’ NGENUPI TAY KA’ SURGA 49 AKI’ NGERINGA CA KATUK 91 AKI’ TAY KA’ GULGUTA 24 AKI’ TUDO KA’I 6 ALA’ NE YESUS NAY DALEM KIMET U’ 114 ALILUYA 43 AMAY AKI' MENJAY USA I' 133 AMAY AKI’ PELEK NENG GAAM U’ 75 AMAY BIU’ AKI’ MALA’ IKU’ 74 179
Lubun Belian 96. 327. 49. 71. 2. 86. 75. 138. 307. 244. 34. 54. 112. 294. 40. 123. 283. 83. 187. 48. 175. 285. 295. 306. 185. 26. 265. 60. 42. 176. 169. 141. 164. 136. 58. 167.
Ngadan Belian AMAY TERIMA KASIH AMI' NAY PEPENG AMI’ NGELAN IKU’ YESUS AMI’ NYAT LESAW PALA’ YESUS AMI’ TENGEN ATEK KETAY LABU’ AMI’ UBA’ KE NYAT LESAW ANAK JA’ TAY MASAT ANAK-ANAK DUMIT, TUHAN MALA’ ATEK SELAWAN LAN PETEBULUNG TAWAY ATEK TUHAN NE PENUBO I' ATEK YESUS KE NAY LA’A (NKI 258) AYEN LE TAY I’UT TAWAY AYEN NIKEM MENDAM KIMET AYEN U' MECIN TUHAN YESUS AYEN U’ TAKUT PENUSA IU (MKI 216) BADA’ NE TIRA’ TUHAN BANGEN BANGEN NE ILU SINGGET TAW BANGEN SURGA UN DALEM KIMET I’ BATU BILA KERISTUS (NKI 150) BAYA’ BAYA’ NE YESUS NA’KI BELIAN ME TUHAN BELIAN MADING BELIAN NE NGAN KANJET NE BERUA BUI' NADING NE BERUA BUI’ KE NAY CIN YESUS NESUN NENG ILU BERUA TUHAN CIN YESUS (NKI 38) BIU' NGAN NYINGAN NE GAYENG U' BIU’ LESAW TUHAN ALLAH BUKA EM NGIMET MESAW TIP SITAN BUKA MATAY KA’ NGGÉ U’ TAY? BUKA NDA UN LESAW, NDA DENA’ TAWAY BUKA U’ MENDAM KIMET BUKA U’ TISEN TUHAN BUSEK NE SIDANG PA ABI’ KU’O GAYENG CA KELUNAN MASAT PUNO CA PUYAN LUA’ KA’ DALEM UDIP I’ 180
Li’ap surat 54 165 27 40 1 48 42 72 154 124 18 30 59 147 22 64 143 46 93 27 89 144 148 153 93 13 135 34 23 89 86 73 84 71 32 85
Lubun Belian 116. 70. 274. 25. 131. 197. 109. 199. 204. 298. 196. 69. 301. 275. 269. 287. 179. 114. 320. 322. 268. 266. 18. 64. 88. 98. 313. 135. 9. 279. 211. 153. 288. 238. 259. 38.
Ngadan Belian CIN TADING KENAY DEMA DAA’ YESUS MUI’ MUNG PENYALA’ MI’ DALAW I' NGIMET SALIP JA' TUHAN I' NYU'UN DALAW ILU NGIMET KAYU SALIP (NKI 47) DALAW LE MUDIP KA’ USUN TANA’ JI DALAW TUHAN PELEMBAM USUN TANA' DALEM NGADAN YESUS DALEM TEMAMI’ I’ TUHAN DALEM UDIP I’ AKI’ BANGEN ALI’ DA'MANAY NGAN DEKI’IT LETO DENGA INJIL TUHAN YESUS DENGA UDIP SURGA NDA UN JA’AT HOSANA JA' ATEK MBAW IA ATEK BIU' IA LAJA IA NE SINGA CIN YAHUDA IA PU’UN DEMA IA TUHAN, IA TUHAN IA YESUS MATAY SALIW AKI' IKU' NE PENGALI I' IKU' NE TUHAN JA' MBAW IKU' TUHAN I' ILU BELIAN DENGA TIGA ILU BELIAN NGENDAW YESUS (NKI 17) ILU NAY PALA’ YESUS ILU NUYAN AMIN UKU’ TUHAN ILU PEGITA LA'A PEMBAW TUHAN ILU PEMBAW NGADAN TUHAN (NKI 206) ILU TUNUK KATA YESUS IMANUEL INJIL NDA LE KAWA’ IU ILU MITA KA’ USUN TANA’? KA' IU I' KE MEJANG KA' MUDUNG GULGUTA. KA' NGGÉ KA' NGGÉ TUHAN NEPAY KA’ ALLAH UN PAREN 181
Li’ap surat 60 40 138 13 68 98 58 99 103 149 97 39 151 139 136 145 90 60 160 161 136 135 10 36 49 54 157 70 5 141 106 80 145 120 133 21
Lubun Belian 171. 230. 232. 160. 273. 221. 157. 125. 61. 147. 220. 233. 315. 1. 84. 316. 281. 163. 130. 276. 29. 8. 145. 215. 194. 248. 297. 300. 304. 195. 193. 47. 192. 166. 252.
Ngadan Belian KA’ DALEM SURGA DEMA SELAWAN KA’ JUMA U’ TUHAN KADU’ NA’AN PENGETEN TELILING IKU’ KADU’ PENUSA NAY NESUK KIMET I’ KANAN NE KEBI'EN JI KANAN TIRA’ JA’ BUI’ KELUNAN PENYALA’ TAY KELAP KA’ NGGÉ KENA ILU KE TAY PETAT KENA KETAY YESUS KEMBAW (NKI 26) KU’UN TUHAN KUA’ NGAN PIW BUNGA' KA’ KEBUN LAJA PENGEBUI' LEPA TENUP KIMET I' TUHAN LESAN TA’AT MAJAN NE AKI’ LEPA MITA TUHAN YESUS MALA' LESAW U' NENG PENGUDIP I' MALIW NE TUHAN MAS, PIREK NDA UN KA’ AKI’ MASAT PEMUNG NGAN YESUS MATET AMI' TUHAN ALLAH MATET AMI’ TUHAN ALLAH (NKI 132) MATIUS, MARKUS, LUKAS YAYA ME IKU’ TUHAN, AKI’ MENJAY BERUA I’ MESIK MATA MI’ KE TA’AN YESUS MESIK NE KIMET U’ MIAT TEKA' I' MITA MIDAN BERUA I' LEMA' MIDAN BERUA TUHAN PEMAGÉ KIMET I' MIDAN I' NGIMET PENGELESAW U' TUHAN MIDAN I’ TAY LAPA ASEP NDEM MIDAN LE TAY MASAT KENENG JANAN JA’ MENDEM MIDAN MIDAN MAPI’ LANGIT MIDAN NA’AT SALIP, ATEK LE UN AGAT MIDAN UDIP I’ KU’O, AKI’ PE KE TAY MADANG MITA ADING PENGAREN TUHAN ALLAH 182
Li’ap surat 88 116 116 83 138 111 81 65 35 76 110 117 157 1 47 158 142 83 67 139 15 5 75 108 97 126 148 150 152 97 96 26 95 85 129
Lubun Belian 262. 205. 5. 68. 305. 53. 120. 158. 162. 104. 270. 263. 67. 257. 44. 45. 113. 308. 97. 56. 65. 99. 209. 37. 228. 245. 198. 325. 210. 216. 100. 102. 24. 10. 117. 299.
Ngadan Belian MUDIP DALEM TUHAN YESUS MUDIP MALA’ MUNG KELUNAN MUDIP ME YESUS TIGA LAN-LAN MUNG ADET SUPI’ (NKI 157) MUNG LE KE BELIAN PEMBAW NGADAN TUHAN MUSA DAA’ TUHAN YESUS (NKI 152) NA’ ME AMI’ PENISEN NENG SALIP TUHAN NA’ PE AKI’ UN LEMA’ NA’AT YESUS MASAT DEMBAW SUNGAY NAY MAN AMI’ NA’KI NE YESUS NAY MI' NYAT BERUA JA' BUI' NAY MI' PEMBAW NGAN BELIAN NAY MI’ ANAK-ANAK NAY NE ILU KELUNAN KRISTIN NAY NE ILU NYENDÉ PALA’ KERISTUS NAY NE TEPAT PEMBAW YESUS NAY NILU KELIMBUN PALA’ IA NAY NILU NYELAMA JA' ATEK LAJA NAY NYELAMA NAY PEMBUN NE MI’, NGIMET TUHAN UN NAY TE PENIGA CIN AMAY BIU’ NAY TEDENG NE AMIN PALAN ALLAH NDA I’ TEKEP TALU NENG DAJI’ YESUS NDA MI’ NAPI IU DA’ CA (NKI 78) NDA UN KELUNAN KUSUN TANA’ NDA UN SENUUK PENYUKAT TUHAN NDA UN TEKEP TUSA KIMET NEKEJENG TUMAN YESUS NEMAMI’ NE IKEM PALA’ KERISTUS NENG UDIP MI’ NGEMAREN TUHAN NESUN NENG AMI’, O BERUA YESUS NGADAN NE KUA’ TELANG SIO NGAJAN JI PE, CIN BEKADING PE NGAJAN JI UN NYI’AN KIMET MI’ NGALA DALEM KIMET NGAN KETU' KIMET I' TUHAN 183
Li’ap surat 134 103 3 38 153 29 62 82 83 56 137 134 38 131 24 25 60 154 54 31 37 55 105 20 114 124 99 163 106 108 55 56 12 5 61 149
Lubun Belian 183. 222. 224. 139. 28. 107. 17. 293. 235. 105. 282. 154. 188. 150. 168. 208. 119. 165. 247. 111. 172. 103. 206. 207. 110. 286. 190. 62. 323. 106. 132. 303. 90. 267.
Ngadan Belian NGELAN NE, NGELAN NE PA ABI’ KA’ SURGA NGENING NE NGAN MEJO NE NGGIN NE PALA’ YESUS, UDIP U’ NGIMET KADU’ KELUNAN NDA TISEN YESUS NULUNG AMI’ TUHAN ALLAH (NKI 155) NYANGAN AKI’, AA’ TUHAN NYENG SALIP TUHAN YESUS NYUA' SAI' KIMET O BETI' NE DA'MANAY NGAN DEKI'IT LETO O DAA’ TUHAN YESUS O NA' NE PENYUKAT U' O SENGANAK NA’AT TERANA’ TENUYAN KA’ TANA’ O TUHAN AJAK NE ASAT I’ O TUHAN I’ MITA JANAN U’ O TUHAN MIDAN AKI’ PEKIMET E O TUHAN NGGANG NE UJU’ I’ O TUHAN NGGANG UJU’ I’ O TUHAN NUBO AKI’ DALEM DADU’ JANAN I’ O TUHAN PEMUNG NGAN MI' O,O,O, TUHAN JA’ TIGA O,O,O,O TUHAN PA LIBUT TANA’ UN PUYAN BERUA PA MAJAN AKI’ SIU’ KETA PALA’ TUHAN I’ NEMAMI’ PAP UJU’ MUNG KELUNAN PEBEKA NE NGAN ALLAH PEDENGA INJIL PA KENAY TUHAN PEJA NE LEPA SENGANAK PEKATA' CA JEMAN MINGA' TENUYAN PEMBAW ALLAH JA’ NGAYANG AKI’ PEMBAW ALLAH PU’UN PENIGA PEMBAW NE IA MAN TUYAW KEDIRI' PEMBAW NGADAN YESUS PEMBAW NGAN NYELAMA YESUS 184
Li’ap surat 92 111 112 72 14 57 9 147 118 57 142 80 94 78 86 105 62 84 126 59 88 56 104 104 58 144 94 35 161 57 69 152 50 136
Lubun Belian 13. 174. 93. 264. 258. 94. 251. 223. 291. 181. 73. 127. 219. 225. 140. 115. 82. 33. 81. 203. 312. 328. 80. 16. 278. 186. 317. 137. 39. 77. 19. 170. 246. 79. 200.
Ngadan Belian
Li’ap surat PEMBAW TUHAN AMAY BIU’ (NKI 9) 7 PEMUYAN LAWA INJIL 16:31 89 PENGEBAAT LE PESAW KA’ GULGUTA 52 PENGEBUI' U' AMAY 134 PENGELESAW TUHAN ALLAH 132 PENGELESAW TUHAN NYEREMA NENG ILU 53 PENGEMALA' TUHAN KUA' DEMA NGAN TAW 128 PENGEMALA’ DADU’ TAWAY 112 PENGEMBAW MBAW E LANGIT 146 PENGENJAY TUHAN ATEK TIGA 91 PENGETEN JA’ KADU’ 41 PENGETIGA I’ NGAN BANGEN TAWAY 66 PENGUDIP ILU KELUNAN KUA’ NGAN 109 BUNGA' PENGUDIP JI NDA UN CA BANG E 113 PENGUDIP LE DALEM TUHAN 73 PENGUDIP LE KELUNAN 60 PENIGA BERUA TUHAN (NKI 263) 46 PENIGA ILU LEPA NYALIW ILU 17 PENYELUM MI’ LEPA ULI’ 45 PESENDÉ NENG YESUS SINGGET JAM 102 PETEGU' DALEM PENGEMALA' 156 PETEGU' NGAN SENGANAK LE 165 PETEGU’ 45 SAI’ UDIP MADING 9 SALIP YESUS ATEK BAAT 141 SEBELANG NE TUHAN, TIRA’ U’ MAREN 93 SEBELANG TUKEN PENGEMALA' ALLAH I' 159 SELAMAT NE, SELAMAT NE, SELAMAT 71 MASAT NE SENGANAK MI’ DALEM TUHAN 21 SIDANG INJIL 43 SUI-SUI KA’ MUDUNG PEMBAW TUHAN 10 SURAT PENGUDIP LE KE PESIK BAYA’ 87 TAGA NE SIDANG ALLAH 125 TAGA SIDANG TUHAN 44 TAGA TAGA NE NYANGGIT 99 185
Lubun Belian 173. 178. 55. 51. 74. 326. 329. 261. 202. 226. 50. 41. 191. 254. 32. 20. 319. 7. 59. 91. 6. 126. 36. 72. 309. 231. 128. 177. 89. 57. 253. 240. 239. 11. 234. 149.
Ngadan Belian TALIPUN NGAN TUHAN TAW MINGGU PENGEBETI’ TUHAN YESUS TAY LE TISEN YESUS JA’ BUI’ LAN TAY NE BUKA, TAY MITA KATUK TUHAN TAY SANGAN KIMET KU’UN BERUA BUI’ TEBELUM I' BANG YESUS TUA' TEBULUNG NE PENAWAY MI' TEGU' BANGEN TEGU' BAMBA TEGU’ ALEM MENDEM TAY KAWANG NE YESUS TEGU’ PENUSA NGAN PENGETEN TEGU’ TUHAN YESUS ABI’ TEMBA TEKA’ KIMET TEPAT TERANA’ YESUS KE NAY TETO NE TAWAY KU'UN GALEN I' TIGA KIMET AKI’ BELIAN TIGA MUNG KELUNAN TISEN TIGA TAWAY TUHAN TIRA’ TUHAN ALLAH TIGA LAN TUEN KISI’ KERISTUS (NKI 52) TUHAN ALLAH MENJAY ANAK E YESUS TUHAN ALLAH PENGUBA’ I’ TUHAN ALLAH UYAN TANA’. TUHAN JA’ UBAN UYAN ILU TUHAN JA’ UN LESAW ILU TUHAN JI NE UDIP I' TUHAN LEPA MUBI’ BERUA BUI’ E TUHAN MEDENG AMIN TUHAN NAY KA’ DEMBAW ABUN TUHAN TIGA TUHAN UN AMI’, NGAN LESAW AMI’ TUHAN YESUS LEPA BADA' TUHAN YESUS LEPA SIU' PATAY TUHAN YESUS MITA AKI' TUHAN YESUS MUDIP TAW MINGGU TUHAN YESUS NAKAW AKI' TUHAN YESUS NAKAW AKI’ 186
Li’ap surat 89 90 31 28 42 164 165 133 101 113 28 23 95 130 17 10 159 4 33 50 4 65 19 41 155 116 66 90 50 32 129 121 120 6 117 77
Lubun Belian 148. 15. 22. 218. 229. 134. 52. 324. 217. 212. 241. 121. 161. 156. 152. 78. 159. 250. 30. 3. 133. 46. 302. 249. 31. 35. 272. 280. 189. 14. 290. 122. 4. 242. 85. 124.
Ngadan Belian TUHAN YESUS NYENG NE KENAY TUHAN YESUS TU’A ILU TUHAN YESUS UN LESAW (NKI 262) TUHAN, IA JA’ PENUBO I’ TUMAN PENGUDIP I’ TUHAN TUNUK NE ILU NENG SALIP TUHAN UBA’ ILU TAY KA’ SURGA (NKI 272) UDIP DENA' DALEM BERUA I' UDIP I’ NDA JI AKI’ LA’A UDIP ILU JI ATEK UN SEN UDIP JA' MADING ATEK TIGA UDIP JA’ I’UT TAWAY NDA UN TENENG UKUM JA’ MADING UN CA ALUT JA’ BIU’ UN CA AMIN KUKU’ LE BANGEN UN CA LEPU’ JA’ ATEK TIGA KITA UN CA LIWAY, DALAW I’ NGIMET UN CA TANA' MADING UN CA TANA’ JA' TIGA LAN LAN UN KENDA’ SALIP UN NE PENGEBUI’ CIN YESUS JA’ NUYAN UN PI’EN PULU’ PI’EN DUMBA UN TEGU' CA ALEM E USUN TANA' KUA' NGAN BANGET UTUNG UDIP TUHAN NUBO UYAN KIMET MI’ (NKI 102) UYAN NE AKI' TUHAN UYAN NE AKI' TUHAN YERUSALIM LEPU’ MADING YESUS INAN, NGAN ILU DA’AN E YESUS JA' NEPAY YESUS JANAN UDIP I’ PENUBO DUMBA JA’ TENENG YESUS KRISTUS, IA NUMBAK MUDIP YESUS LEPA BETI' CIN DALEM LIANG E YESUS MAN AKI’ DALEM PENARU YESUS MENGIN IKU’ O SENGANAK 187
Li’ap surat 77 8 11 109 115 69 29 162 109 107 122 62 83 81 79 44 82 127 16 2 69 25 151 127 16 19 138 142 94 8 146 63 3 123 48 64
Lubun Belian 143. 237. 214. 255. 236. 66. 182. 92. 27. 277. 108. 284. 101. 292.
Ngadan Belian YESUS MUDIP, AKI’ BANGEN KIMET YESUS NE KEDEMA YESUS NGADAN ATEK MBAW YESUS O YESUS, TIGA NGADAN U' YESUS PAWANG DAA' E MUSA YESUS PEMUNG NGAN MI’ DALAW SEBAYANG YESUS PENUBO I’, NDA I’ TAKUT YESUS PETUBO ILU YESUS SALIW ILU KELUNAN YESUS TUHAN JA' MAN TEBUKU UDIP YESUS UN NGAN ILU YESUS UN PA MAJAN YESUS, YESUS, BIU’ TEKA’ MI’ NGIMET IKU’ YESUS, YESUS, YESUS
188
Li’ap surat 74 119 108 130 118 38 92 52 14 140 58 143 56 147
Belian Krismas Lubun Belian 342. 335. 337. 343. 344. 331. 341. 338. 345. 336. 330. 333. 334. 332. 340. 339. 346.
Ngadan Belian ALEM BUI’, ALEM LENGA ALEM LENGA ALEM LENGA ALEM BUI' ALEM LENGA KA’ BETLAHIM, ANAK ALLAH JA’ ATEK MAREN BETU'EN E JA' DEMA ÉI’ MEKEN KA’ TAAN SAPI’? KENAY MELIKAT CIN SURGA NAY NILU KRISTIN KA’ BETLAHIM NGENING NE MELIKAT BELIAN NGENING NE MELIKAT BELIAN (PSK 97) O NGENING NE DENGA TIGA TUHAN O NGENING NE KA' EPRATA PEMBAW NE YESUS TUHAN PENGEMALA’ ALLAH LUA’ SINGGET LIU’ NGAN DALÉ UN ANAK TADING LUA’
189
Li’ap surat 175 171 173 176 177 168 175 173 177 172 167 169 170 168 175 174 178
190
191
192
193
194