DURNA PICIS KI HADI SUGITA Kaserat Dening: Puthut Santoso Nugroho, S.Sn
1. JEJER NGESTINA Prabu Duryudana kaadhep patih Sengkuni, Dorna, Baladewa. Rembug Prabu Duryudana menggalihake bab Janaka nagih janji negara Ngastina bakal dibagi loro sigar semangka. Durna saguh ngreka daya sirnaning Janaka. DAYOH JANAKA. Janaka matur menawa anggone njaluk negara among kinarya srana utawa ila-ila supaya manunggaling garwa putra. Durna merga kepingin bebungah sapertelon negara Ngestina, mateni
Janaka sarana pusaka cundhamanik. Baladewa duka jengkar, matur ana negara Ngamarta.BUDAL. Durna ndhadagi tanggung jawab bab matine Janaka. Prabu Duryudana utusan patih Sengkuni supaya Adipati Karna nyegat lakuning Prabu Baladewa. Durna nyuwun pamit bakal nglebur ana ing samudra. KONDUR NGEDHATON. 2.PASEBAN NJAWI Patih Sengkuni nyaritaake kedadean ing Ngestina. Dursasana duwe panemu Karna kudu ditimbali.BIDAL.Adipati Karno ngudarasa karo rayine Durta kok mangu-mangu anggone bakal sowan ana ing Negara Ngastina. Prabu Baladewa ketemu Adipati Karna, nyaritaake kedadean ing pasewakan negara Ngastina. Nampa palapurane Prabu Baladewa, Adipati Karna nedya mateni Durna.BIDAL. Adipati Karna ketemu Sengkuni didhawuhi ra gelem malah tetep arep Durna. BIDAL. 3. PERANG Durna perang karo Durna, Durna dipulasara.Adipati Karna ditamani senjata cundhamanik pejah. Kuwandane R Janaka saha Adipati Karna kabuang ing samodra, salah kedaden kuandane Janaka dadi sardula dene kuandane Adipati Karno dadi ula gede, kekarone pada tumuju Negara Ngastina nedya mbales.BIDAL. Sukmane R Janaka lan Adipati Karna padha sowan ing kahyangan bakal minta suwarga. 4.JEJER NEGARA SONYA LURI Nalendra wanita Kumalawati kaadhep ingkang rayi patih Andayapati saha ingkang raka Prabu Anggana Dewa ratu ing Jong Parang . Rembag: Prabu Kumalawati nedya ngupaya pangluaring pageblug ing negari Sonya Luri. Wangsit kang tinampi saged sirna pagebluking praja lamun kadunungan bocah kang kadunungan wahyu (Abimanyu). Patih
Andayapati bidal ing Ngamarta ngupaya lare kang kadunungan wahyu. BUDAL. Prabu Anggana Dewa minta pamit nganthi wadya raseksa sedya ngawat-awati lakuning patih Andayapati. BUDAL. Budalan Togog Bilung saha wadya raseksa. BUDAL. 5.PERANG R Gathutkaca kang lagi njaga Negara uninga barisan mungsuh sigra nimblis barisan. Gathutkaca tanding karo Anggana Dewa. Anggana Dewa kalah. Gathutkaca kataman jemparinge patih Andayapati kontal. Prabu Anggana Dewa lan Patih Andayapati bakal nerusake laku.BUDAL. 6. GARA-GARA 7. SEBA PERTAPAN WUKIRATAWU/ SAPTAARGA Begawan Abiyasa kaadhep R Abimanyu. Begawan Abiyasa dhawuh kabeh lelakon kang nemahi R Janaka iku among minangka pacoban kang besuk bakal antuk nugrahaning Dewa. Durung titi wancine Janaka tumekeng pati. Begawan Abiyasa uga dhawuh supaya R Abimanyu tapa lelana aja pati-pati jugar anggone tapa lamun durung tekan Negara Sunya Luri. R Abimanyu pamit. BUDHAL. 8. PERANG R Abimanyu kepethuk Dewa Ratu perang. Dewa Ratu Kalah, patih Andayapati mateg aji pangapesan R Abimanyu digawa mabur tumuju Negara Sonya Luri. Punakawan golek pinta srayan kanggo ngrebut R Abimanyu.BUDAL. 9. JEJER KAYANGAN NGONDAR-ANDIR BAWANA
Sang Ywang Pada Wenang nampi sowaning sukma jati. Suksma kepingin pinanggih lawan para garwa lan kewiyak wewadining kang tumindak culika. Sukma Janaka lan Adipati Karna kadhawuhan tumuru lan angglakoni tapa ngrame tetulung marang sapa wae, lan diparingi aran Sukma Sakti lan Sukma Lelana. Pamit. BUDAL. MENYURA. Suksma Sakti lan Suksma Lelana ketemu Semar. Semar minta sraya supaya ngupaya R Abimanyu kang digawa ing Kraton Sunya Luri. 10. ADEGAN KRATON SONYA LURI R Abimanyu ora diperjaya nanging malah dipundut putra dening Prabu Kumalawati. PRAPTANE Sukma Sakti lan Sukma Lelana njaluk Abimanyu. PERANG. P Kumalawati prasetya lamun ta kuwat nampani jemparing Garuda Sengkali bakal teluk. R Sukma Sakti katampan jemparing mboten napa-napa, Prabu Kumalawati teluk sak wadya balane. P Kumalawati kautus supaya bisa nyowan Pandita Durna.BUDAL. 11.ADEGAN NEGARA NGAMARTA Prabu Puntadewa nampi rawuhnya Prabu Kresna. Rebag Prabu Kresna nerangaken menawa pacoban kang dilakoni R Janaka kuwi ora apa-apa. Katungka praptane P Baladewa nglapurake Janaka kang dipateni Pandhita Durna ing setinggil Negara Ngasteni. Prabu Kresna R Werkudara Gathutkaca pamit bidhal tumuju ana Negara Ngastina kang saperlu ngepung kraton. 12.ADEGAN NEGARA NGASTINA Prabu Duryudana dangu Pandhita Dorna apa pandhawa padha glagat Ngraman. Dorna njawab ora ana. Katungka Praptane Prabu Kumalawati kang saperlu nyuwun rawuhipun Pandhita Durna kanggo srana
tentreming praja Sonya Luri. Prabu Kumalawati kapurih ngenteni ana ing njaba, bidhal. Pandhita Durna pamit bidhal. Tekan njaba Durna dipala R Suksma Sakti. Sukma lelana pasrah Petruk supaya ngejur Dorna. Suksma Sakti lan Suksma Lelana mlebu kraton supaya Duryudana lengsser keprabon, bidhal. Pandhita Durna ditaleni petruk dikencang ing ngisor uwit ditulisi sapa liwat kudu ngiris Durna nek rak gelem kudu mbayar. Durna padha diiris satriya pendhawa. Prabu Duryudana kalah pasrah kalepatan kaliyan Prabu Kresna. Prabu kresna golek pinta sraayan kepethuk Macan Jati Pitutur lan Ula Pitutur Jati kang kepingin nggarwa Dewi Banowati. Prabu Kresna Paring dhawuh saguh dhaupake lamunta bisa mateni satriya kang ngamuk ana ing Negara Ngastina, bidal. Macan lan Ula ketemu Sukma Sakti lan lan Sukma Lelalana, PERANG. Badhar dados R Janaka lan R Karno. Janaka kempal lan para Garwa, Karno gelem ngumpul ana ing ngestina lamun Durna wis gelem ing ngawangga njaluk ngapura., bidal. GALONG. PERANG AMPYAK Werkudra perang lan wadya raseksa sisa wadya Sonya Luri. TANCEP KAYON.
