NUREKSAIN WANGUN LAN PAIKETAN SOSIOLOGI SASTRA RING CAKEPAN NASKAH DRAMA JUKUT BE BANO PIKARDIN I MADE WISNAWA

e-Journal JPBB Universitas Pendidikan Ganesha Jurusan Pendidikan Bahasa Bali (Volume: Vol: 3 No: 1 Tahun: 2016)

NUREKSAIN WANGUN LAN PAIKETAN SOSIOLOGI SASTRA RING CAKEPAN NASKAH DRAMA “JUKUT BE BANO” PIKARDIN I MADE WISNAWA Ni Komang Indah, IB Made Ludy Paryatna , Made Sri Indriani Jurusan Pendidikan Bahasa Bali Universitas Pendidikan Ganesha Singaraja, Indonesia (Email: [email protected] [email protected]. [email protected] ) KUUB Tetilik puniki matetujon nlatarang indik (1) wangun intrinsik (wangun sane wenten ring jeroning kria sastra), (2) Sosiologi sastra. Jejering tetilik puniki inggih punika sesuratan drama “Jukut Be Bano”. Penandang tetiliknyane inggih punika wangun lan sosiologi sastra. Tetilik puniki nganggen palihan tetilik kapustakaan saantukan tetilik puniki ngeninin indik daging cakepan. Ring tetilik puniki nganggen tetiga kramaning mupulang data inggih punika kramaning studi pustaka, kramaning dokumentasi, lan kramaning sadu wicara. Data tureksa sane kaanggen minakadi : (1) Identifikasi data, (2) Reduksi data, (3) Klasifikasi data, (4) Deskripsi Data, (5) Interpretasi data, miwah (6) Pamicutet. Pikolih ring tetilik puniki inggih punika : (1) wangun intrinsik kria sastra minakadi : (1) murda, (2) unteng : sosial, (3) lelintihan : ke arep, (4) genah : Ngenenin indik kahanan genah wenten tiga ingih punika genah carita ring pasisi, umah Blenjo, umah Meme Wayan, umah Mang Tebel, ring paon, miwah ring peken. Indik genah manut ring galahnyane kacihnayang wenten semengan, dugase dibi, zaman jani, miwah dugase ento. nyihnayang kahanan inggih punika aduh aduuhhh, kene kenyele ngarap tanah, kenyelan ken ngarap kurenan pedidi, mih ratu dewa, adi lulu gen misi pasihe ne, (5) Wicara, (6) Pragina, (7) piteken : ring aab dumun anak istri sane sampun nganten sepatutnyane nongos di jero kemanten, nanging ring aab mangkin anak istri miwah lanang sane sampun mapiwahan sampun madue kedudukan sane pateh, (2) Paiketan sosiologi sane wenten ring naskah cakepan Jukut Be Bano kacingak saking pangresep (sudut pandang) : sosiologi kriya sastra, sosiologi pangawi, lan sosiologi pengwacen. Kata Kunci : Unsur intrinsik, sosiologi sastra, miwah drama

ABSTRAK Penelitian ini bertujuan untuk mendeskripsikan tentang (1) unsur intrinsik yang terdapat dalam naskah drama Jukut Be Bano, (2) sosiologi sastra. Subjek dalam penelitian ini adalah naskah drama Jukut Be Bano. Objek penelitian ini adalah unsur intrinsik dan sosiologi sastra yang terdapat dalam naskah drama Jukut Be Bano. Penelitian ini dirancang menggunakan rancangan penelitian


kapustakaan karena dalam penelitian ini menjelaskan tentang isi sebuah drama. Penelitian ini menggunakan tiga metode pengumpulan data yaitu: metode studi pustaka, metode dokumentasi, dan metode wawancara. Analisis data yang digunakan adalah kartu data dan pertanyaan dalam wawancara. Analisis data yang digunakan adalah (1) reduksi data, (2) klasifikasi data, (3) deskripsi data, (4) penyimpulan. Dari hasil penelitian disimpulkan: (1) unsur intrinsik yang terdapat dalam naskah drama Jukut Be Bano mencakup (a) Tema: sosial, (b) Alur : maju, (c) Latar: latar tempat (halaman rumah, rumah ibu wayan). (d) Tokoh: Nyoman Jater, Blenjo, Meme wayan, Mang Tebel, dagang sudang. amanat: pada zaman dahulu wanita yang sudah menikah tidak bisa memasak dan mengerjakan pekerjaan rumah tangga sangat dikucilkan dalam kehidupan keluarganya dan masyarakat, sedangkan zaman sekarang wanita dan pria sudah banyak yang bisa memasak dan mengurus rumah tangganya. (2) aspek-aspek sosiologi yang terdapat pada naskah drama Jukut Be Bano dilihat dari sudut pandang : sosiologi karya sastra, sosiologi pengarang, dan sosiologi pembaca. Kata kunci : Unsur intrinsik, sosiologi sastra dan drama

ABSTRACT This research is aimed to describe about (1) the intrinsic element which be found in the drama script Jukut Be Bano, and (2) the relationship drama Jukut Be Bano works I Made Wisnawa if analyzed from the sociology of literature. The subjects of this study was the drama script Jukut Be Bano. The object of this study was the structure and relationship drama Jukut Be Bano if analyzed from the sociology of literature. this research was plant used kapustakaan (library). Research planned because this research explained about the content of drama script. This research used three method incollecting the data, which are: studi pustaka, document tation method, interview method. The data analysis which used are : (1) reduction data, (2) classification data, (3) data description, (4) conclusion. The result of this research are (1) the intrinsic element which found in drama Jukut Be Bano which are found in fife are : (a) theme : social, title: Jukut Be Bano, (b) plot : in front of, (c) setting, (d) character and characterization, and value. (2) And the sociology of literature which are found in fife are : sociology story, sociology writers, and sociology reader. Keyword : intrinsic structure, sociology of literature in drama “Jukut Be Bano”, and drama

PURWAKA Sujatin ipun, sastra medal saking hredaya sang pangawi indik sane karasayang, kacingakin, kapirengang lan kapikayunang, raris kasurat. Lianan ring sikian sastra, punika taler jagi kamedalang ring jangkepan.

Jangkepan punika jagi kalimbakang ring wentuk karya sastra. Artosnyane, kawigunan wentuk karya sastra punika saling mapaiketan. Kasusastraan inggih punika palaning reriptayan sang kawiswara


(hasil daya cipta pengarang besar) malarapan antuk manah utaminyane imajinasi sane kaiket antuk basa miwah aksara sane lengut. Kruna kasusastraan punika mawit saking Basa Sanskerta: linggaipun: sastra, polih pangater “ka” miwah pangiring “an” kasanding dados: kasusastraan. Sastra kawangun antuk kruna “sas” miwah “tra”. Sas mateges nyikut = nyukat (mengukur). Tra mateges: piranti malajahin tutur kaweruhaan (ilmu pengetahuan). Taler dados baosanga sastra punika peplajahan, wewarah utawi pitutur. Susastra teges ipun sesusaratan sane becik, utama, luwih (Gautama, 2007:2). Manut Antara (2010: 2), kasusastraan Bali wantah silih sinunggil tetamian sang pangawi saking dumun ngantos mangkin. Kasusatraan Bali inggih punika kakawian sane nganggen basa Bali manut rerambangan (Imajinatif). Kasusastraan Bali kaepah dados patpat inggih punika: (a) rupa, (b) tata cara maosang, (c) aab lan (c) basanyane. Manut rupanyane kasusastraan Bali kaepah dados tiga, inggih punika gancaran, tembang, palawakia. Manut tata cara maosang kasusastraan Bali kaepah dados kalih inggih punika sastra gantian (sastra lisan sane kaiket luiripun: sastra tembang, kidung/sekar madya, kekawin/sekar agung lan sane nenten kaiket minakadi ipun: satua, gancaran). Manut aabnyane kasusastraan Bali kaepah dados kalih inggih punika kasusastraan Bali purwa lan sastra Bali anyar. Sastra Bali purwa inggih punika sastra sane nyaritayang indik kahuripan ring puri, griya, miwah kerajaan, imbanyane: satua, babad, parwa, kanda, kidung, geguritan, paparikan. Gagendingan tradisional inggih punika pupulan

gagendingan tradisional sane sampun wenten saking dumun (masa prasejarah) marupa gendinggending Sanghyang lan gendinggending Rare. Gagending punika sumingkin kasenengin olih para janane lan gagendingan punika prasida nincapang taler nglimbakang gending-gending sane lianan. Basita Paribasa teges ipun basa rinengga, punika dados rerasmen wiadin panglengut basa rikala mebebaosan kalih magegonjakan sane kaanggen ring pasikrama. Basa rinengga punika sakadi piranti pacang ngamedalang daging pikayunan kalih pangarsa anggen rinengga wiadin sasemon indik kahanan kalih laksana jadma sane kaimbangan ring laksana kalih kahanan barang wiadin buron. Sane ngranjing ring Basita Paribasa inggih punika: sesonggan, sesenggakan, wewangsalan, sloka, bladbadan, pepindan/sesawangan, cecimpedan, cecangkriman, sesimbingan, cecangkitan, raos ngempelin, sipta/sasemon, miwah peparikan, (Simpen, 2005: 5). Manut basanyane kasusastraan Bali kaepah dados pitu inggih punika sastra Bali mabasa Bali Kuna, sastra Bali mabasa Jawa Kuna, sastra Bali mabasa Bali Tengahan, sastra Bali mabasa Bali Aga, sastra Bali mabasa Bali Sanskerta, sastra Bali mabasa Bali Singgih, lan sastra Bali mabasa Bali Sor, (Antara, 2010: 3). Drama wantah sinalih tunggil kasusastraan Bali anyar sane marupa lelampahan carita sane kasolahang olih praginanyane, sane madaging bebaosan sajeroning praginanyane. Naskah drama madue wangun sane mabinayan sareng novel (satua dawa) lan cerpen (satua bawak). Novel lan cerpen nenten kawangun antuk


bebaosan (dialog), sajeroning mligbagang daging caritanyane, kaluwihan naskah drama wantah ring sajeroning pikobet utawi konflik sane ngwangun drama punika. Dadosnyane pabinanyan wangun sane wenten ring drama nenten pateh sakadi wangun ring novel miwah cerpen. Silih sinunggil cakepan drama mamurda “Jukut Be Bano” sane kakawi olih I Made Wisnawa, sane medal ring Singaraja warsa 2014, punika kria sastra drama Bali sane mabuat pisan, saantukan sakadi kawentenan sosial budaya mangkin”. Manut sakadi sejarah medalnyane cakepan drama “Jukut Be Bano”, panilik meled uning wangun lan paiketan sosiologi sastranyane ring drama “Jukut Be Bano” sane kakaryanin olih I Made Wisnawa. Ring panglimbak aab sakadi mangkin, sastra Bali anyar sampun nglimbak tur nincap ring kahuripan. Minab ring aab mangkin sampun akeh wenten makudang-kudang novel, cerpen, puisi lan drama. Ring aab globalisasi utawi aor tanpa wates sakadi mangkin, para yowana Bali akeh sane nenten seneng nonton drama, senengan nonton sinetron lan FTV. Nyingak kawentenan ring ajeng iraga taler uning drama punika taler mabuat pisan sajeroning kahuripan makrama. Ring drama, akeh pisan kawentenan kahuripan sane prasida kapolihang. Pikolihpikolih punika kasiratang antuk pebesen sosial sane kaunggahang pangawi, sane nadosang pangwacen mapikolih sesuluh sane becik indik kahuripan ring krama wiadin kahuripan dados jadma. Cutetnyane, teges drama inggih punika pinaka wentuk kria sastra

Bali anyar sane madue nilai seni yening sampun kasolahang. Drama “Jukut Be Bano” puniki madaging cerita bebanyolan sane nyaritayang indik kaluarga Nyoman Jater lan I Blenjo, Nanging wenten pikobet sane nibenin kaluarga puniki, kakawitin antuk kabelogan I Blenjo sane tusing bisa ngae jukut be bano. Ditu ia lantas paling nyilih panci sane gede anggone wadah be bano. I Blenjo nyilih panci gede ka umahne Meme Wayan, ia macelep ka paone Meme Wayanne, ia malih-malihin panci kewala sing ada ne gedene amen geden be banone. Cutetnyane daging drama “Jukut Be Bano” puniki nyaritayang indik kahuripan grahasta asrama Nyoman Jater sareng I Blenjo sane tuara ade tungkas, lan wenten pikobet sane kakawitin olih I Blenjo sane nenten waged makarya ajengan nasi saking be bano, lan madaging isu-isu sosial sakadi mangkin. Yening sampun nyalanin grahasta asrama mangda maparisolah sakadi ring drama puniki, pastika prasida dados kaluarga sane madue pawatekan sane becik lan dados tatuladan ring parikrama. Tetujonnyane nenten je sios wantah ngicen sesuluh majeng ring sang sane ngwacen. Ring cakepan sosiologi, ngenenin indik kawentenan kria sastra wenten saking pangawi, punika mawinan kria sastra nenten prasida kapasahang saking pangawinyane. Duaning asapunika, nguningin sira pangawinyane mabuat pisan, mangda uning pikenoh ring sajeroning kahuripan pangawi lan paguron-guronnyane. Cutetnyane paiketan sosiologi pangawi ring kawentenan kria sastra inggih punika kria sastra


wenten saking pangawi. Pangwacen prasida ngwacen biografi pangawinyane. Yening pangawi akeh madue pengalaman ring sajeroning kahuripannyane, pastika pangawi punika nguningayang pengalaman-pengalamannyane ring kria sastra sane kakaryanin. Yadiastun ring sajeroning nyurat kria sastra pangawi ngawedarang indik kahuripan ring wewidangannyane. Irika sang pangawi ngawedarang daging pikayunan taler pangalamannyane ring kahuripan sane napek ring sajeroning pangawi, pangawi nyobyahang carita indik masarana antuk praginan lelintihan carita ring drama, Wellek lan Warren (ring sajeroning Heru Kurniawan, 2012:3). Silih sinunggil cakepan drama mamurda “Jukut Be Bano” sane kakawi olih Made Wisnawa, sane medal ring Singaraja warsa 2014, punika kria sastra drama Bali sane mabuat pisan, saantukan sakadi kawentenan sosial budaya mangkin”. Manut sakadi sejarah medalnyane cakepan drama “Jukut Be Bano”, penilik meled mangda uning wangun cakepan drama “Jukut Be Bano” sane kakawi olih I Made Wisnawa punika lan mangda uning sapunapi paiketan sosiologi sastranyane ring drama “Jukut Be Bano” sane kakaryanin olih I Made Wisnawa. Puniki mawinan panilik puniki nilikin indik Wangun lan Paiketan Sosiologi Sastra sane wenten ring silih sinunggil drama. Mungguhin tetilikan puniki mamurda Nureksain Wangun lan Paiketan Sastra ring Cakepan Naskah “Jukut Be Bano” Pikardin I Made Wisnawa. Drama “Jukut Be Bano” nyaritayang kahuripan kaluarga Nyoman Jater sareng I Blenjo sane tuara ade tungkas.

Tetilikan puniki boya ja tetilikan sane kapertama ngenenin indik Wangun lan Paiketan Sosiologi Sastra. Indik tetilikan asoroh sane pateh ngambil Wangun lan Paiketan Sosiologi inggih inggih punika: (1) Skripsi saking I Komang Astu Purnadhita, warsa 2015, sane mamurda Seseleh Wangun Intrinsik lan Sosiologi Kria Sastra ring Pupulan Satua Bawak Lawar Goak Pakardin I Ketut Rida, warsa 2015. (2) Seseleh Wangun lan Pikenoh Pendidikan Karakter ring Sesuratan Drama Mategul Tanpa Tali Pinaka sarana Ngwangun Karakter Bangsa, inggih punika skripsi saking Ni Wayan Deni Setiawati, duk warsa 2015. (3) Tetilik saking Luh Sri Megawati (2010), saking jurusan Pendidikan Sastra lan Bahasa Indonesia Undiksha, sane mamurda Peningkatan Kemampuan Menulis Drama dengan Penerapan Metode Kontekstual Tipe Pemodelan di Kelas XI Bahasa SMA N 4 Singaraja. Sane ngamolihang hasil wenten panglimbak ring sajeroning kawagedan sisia nyurat drama. (4) Tetilik olih Ni Made Dwi Arsyastini (2011), saking jurusan Pendidikan Sastra lan Bahasa Indonesia Undiksha. Murda tetiliknyane Pembelajaran Menulis Drama yang Bersumber dari Pengalaman Pribadi pada Siswa Kelas XI IPS 1 SMAN 2 Singaraja, pikolih tetiliknyane wenten panglimbak hasil belajar ring sisia tur sisia prasida nyurat drama sane becik. (5) Tetilik olih Kadek Meliani (2011), saking jurusan Pendidikan Sastra lan Bahasa Indonesia Undiksha. Murda tetiliknyane Analisis Naskah Drama Karya Siswa Kelas VII H SMPN 1 Sukasada Dikaji dari Segi Struktur Dramatik, Tingkat Keterbacaan dan Tingkat Kesesuaian”. Tetilik puniki ngamolihang hasil struktur


keterbacaan dan struktur dramatik sane wenten ring drama punika ngranjing ring kategori cukup. SEPAT SIKU-SIKU Sepat siku-siku prasida dados dasar ring tetilik anggen muputang pikobet sane kapanggihin. Ring tetilik puniki wenten makudang-kudang sepat siku-siku sane kabaosang minakadi: (1) Wangun intrinsik Sastra Fiksi, (2) Sosiologi Sastra, (3) Drama Bali Antara (2010:16) maosang nilikin tata wangun kria sastra madue tetujon anggen nlatarang paiketan srana-srana ring sajeroning kria sastra mangdane prasida karereh unteng sane jangkep. Wangun intrinsik ring kria sastra fiksi inggih punika srana sane ngwangun saking tengahing kria sastra. Wenten makudang-kudang srana sane ngranjing ring wangun intrinsik kria sastra fiksi minakadi murda, unteng, lelintihan, genah (latar/setting), pragina lan pangabahabahnyane, bebaosan miwah piteket. Abercombie (ring sajeroning Heru Kurniawan, 2012:4), sosiologi mawit saking basa Latin Socius lan Logos (basa Yunani). Socius inggih punika sawitra lan logos artosnyane kaweruhan. Manut teges harfiah sosiologi mateges kaweruhan indik pasawitran. Ring sajeroning teori sosiologi sastra sane pacang kabligbagang (1) hakikat sosiologi sastra. (2) Pangresep Sosiologi Sastra (Paradigma Pendekatan Sosiologi Sastra), (3) Sosiologi Pangawi, (4) Sosiologi Pangwacen, (5) Sosiologi Kria Sastra. Kruna drama mawit saking basa Greek: mawit saking basa Yunani kruna kria sane madue artos

“masolah, ring basa Inggrisnynya to act utawi to do” Morris (Ring Sajeroning Tarigan, 1971:69). Saking etimologinyane, ring drama sane kautamayang inggih punika parilaksana, lan sesolahan. Moulton (ring sajeroning Tarigan, 1971:72) maosang teges drama inggih punika kahuripan sane kacihnayang ring sajeroning sesolahan (life presented in action). Drama punika wentuk kesenian masesolahan manusa, manut Zar Verhagen lan Slametmuljana (Ring sajeroning Tarigan, 1971:70). KRAMANING TETILIK Ring kramaning tetilik wantah nlatarang indik (1) palihan tetilik, (2) jejering lan penandang tetilikan, (3) mupulang data, (4) piranti tetilik, lan (5) data tureksa, manut Wendra (2013:32). Tetilik puniki wantah nganggen tetilik deskriptif kualitatif inggih punika kawedarang nganggen kruna-kruna miwah narasi ri kala nureksain data. Ring tetilik puniki, sane kadadosang jejering tetilik inggih punika cakepan drama “Jukut Be Bano”, miwah sane kadadosang panandang tetilik inggih punika Wangun lan Paiketan Sosiologi Sastra ring sajeroning cakepan drama “ Jukut Be Bano”. Kramaning tetilik sane kamargiang ring tetilik puniki inggih punika kramaning studi pustaka, kramaning dokumentasi, miwah kramaning sadu wicara. Piranti sane kaanggen ring tetilik puniki inggih punika kartu data. Piranti puniki mangda prasida ngwantu muputang pikobet ring sajeroning tetilik sane jagi kamargiang. Data tureksa ri sajeroning nureksain data minakadi (1) Identifikasi data, (2) Reduksi data, (3) Klasifikasi data, (4) Deskripsi Data, (5) Interpretasi data, miwah (6) Pamicutet. PIKOLIH MIWAH TETEPASAN


Data ngenenin indik wangun sane wenten ring drama “Jukut Be Bano” kapupulang tur kapolihang saking kramaning studi pustaka miwah kramaning dokumentasi. Pikolih saking tetilik inggih punika sausan kalaksanayang seseleh ring drama “Jukut Be Bano” kapanggihin wangun ring drama punika minakadi murda, unteng, lelintihan, genah, pragina, piteket, miwah sosiologi sastranyane kapolihang saking kramaning sadu wicara. Manut saking sane sampun kaelatarang ring pikolih tetilik indik wangun intrinsik ring ajeng, inggih punika sane kapertama wenten murda banget mapikenoh ring sajeroning kria sastra, duaning murda nyihnayang indik daging sane wenten ring geguritan punika (Antara, 2011:17). Murda dramnyane inggih punika “Jukut Be Bano”. Waluyo (2001:24), unteng inggih punika daging pikayun sane kasurat olih pangawi. Unteng ring drama “Jukut Be Bano” inggih punika ngenenin indik kahuripan sosial. Lelintihan inggih punika lelampahan satua saking pangawit ngantos pamuput sane mapaiketan sareng pamargin drama punika. Saking lelintihan punika iraga prasida nguningin indik lelampahan carita sane kawedarang olih sang pangawi, manut cakepan kakawian Ridwan (2010:11). Drama “Jukut Be Bano” puniki nganggen lelintihan (alur/plot) maju saantukan sang pangawi ngungahang carita saking kapertama nyantos pamuput. Pangawi ngawitin carita saking pangawit (pengenalan/eksposisi), “Kacarita Nyoman Jater sedek masandekan sik punyan warune usan ngarap tanah, saget ada anak muani mencar”, miwah pamuputnyane “I Jater tuah bisa bengong ningalin kurenane

madaar”.” Ilang suba seduk basangne. I Blenjo jeg engsap ken dewekne busan mapi-mapi gelem”. “Ane kenehanga jani tuah jaane madaar nasi darangne jukut be bano”. “Aooommm” Dagang Sudang : “(ngeliwat mukak umahne I Blenjo) Suudang.. suudang. Sumarjo (ring sajeroning Endah Tri Priyatni, 2012:112), genah drama nyihnayang kahanan genah, galah, lan kahanan ring sajeroning carita nganutin desa, kala, patranyane. Ngenenin indik kahanan genah wenten tiga ingih punika genah carita ring pasisi, umah Blenjo, umah Meme Wayan, umah Mang Tebel, ring paon, miwah ring peken. Indik genah manut ring galahnyane kacihnayang wenten semengan, dugase dibi, zaman jani, miwah dugase ento. nyihnayang kahanan inggih punika aduh aduuhhh, kene kenyele ngarap tanah, kenyelan ken ngarap kurenan pedidi, mih ratu dewa, adi lulu gen misi pasihe ne, Pragina inggih punika sang sane nyolahang daging carita sane madue watek, solah, parilaksana, lan pikayuanan sane malianan. Wenten kakalih sana mabuat pisan indik wangun pangabah-abah pragina. Kapertama mapaiketan ring tata cara pragina-praginanyane. Satoto (2012:30). Indik praginanyane inggih punika wenten Jater sane madue parilaksana banban, taler wicaksana, Blenjo sane maprilaksana dueg ngeka daya, Mang tebel sane maparilaksana sakdi anak istri, Meme Wayan sane demen ngeliak taler miara blerong, miwah dagang ring peken sane marilaksana jemet ngrereh pangupa jiwa. Budiasa (2007:102), nguningayang ceciren drama inggih punika sesuratannyane marupa


bebaosan (dialog). Wicaranyane kabianayang dados tiga mianakdi ipun wenten prolog pinak pangawit bebaosan Kacarita Nyoman Jater sedek masandekan sik punyan warune usan ngarap tanah, saget ada anak muani mencar. Wenten bebaosan marupa dialog, lan epilog pinak pamuput ring drama punika, “I Jater tuah bisa bengong ningalin kurenane madaar”. ”Ilang suba seduk basangne”. “I Blenjo jeg engsap ken dewekne busan mapimapi gelem. Ane kenehanga jani tuah jaane madaar nasi darangne jukut be bano”. Aooommm………………… Dagang Sudang :” (ngeliwat mukak umahne I Blenjo)” Suudang.. suudang..” Waluyo (2007:36), nguningayang piteket inggih punika pabesen sane meled kauningayang olih sang pangawi majeng ring sang sane miarsayang. Indik piteketnyane daging drama “Jukut Be Bano” puniki indik kahuripan sosial ngenenin indik sareng Blenjo sane nyaanin grahasta asrama sane tura ade tungkas, nanging pikobet nebenin kaluarga puniki, kakawitin antuk Jater molihang be bano saking kramaning sadu wicara kawantu olih tape recorder. PAMUPUT Wangun intrinsik sane wenten ring drama “Jukut Be Bano” punika wantah wenten papitu. Wangun intrinsik punika minakadi: murda, unteng, lelintihan, genah, pragina, wicara, miwah piteket. Murda dramanyane inggih punika “Jukut Be Bano”. Unteng ring drama “Jukut Be Bano” inggih punika ngenenin indik kahuripan sosial. Drama “Jukut Be Bano” puniki nganggen lelintihan (alur/plot) maju

Pak Gede sane dados juru pencar, Jater makta be bano punika ka umahne, lan nganikain I Blenjo ngaryanin ajengan nasi. Pikobet puniki kakawitin sawireh I Blenjo nenten prasida ngaryanin ajengan nasi saking be bano, awinan be banone kalintang dawa, selanturnyane ipun paling masilihan panci gede, lantas ipun ngeka daya mapi-mapi kebus dingin. Sepatutnyane sampunang malaksana daya mapi-mapi kebus dingin, yening nenten prasida ngaryanin sampunang kemad metaken sareng anak lian, mangda nenten nemonin sengkala. Paiketan sosiologi sastranyane apolihang saking kramaning sadu wicara. Kramaning sadu wicara wantah sinalih tunggil tata cara ngerereh informasi antuk ngawedarang pitaken majeng ring narawakia (manut Kuntha, 2006:30). Sadu wicara 1, kajeng ring I Made Wisnawa pinaka pangawi drama “Jukut Be Bano”. Sadu wicara 2, majeng ring krama sane uning ring kawentenan I Made Wisnawa kramaning sadu wicara kawantu olih tape recorder. Sadu wicara 3, majeng ring krama sane ngwacen drama “Jukut Be Bano”. Kawantu

saantukan sang pangawi ngungahang carita saking kapertama nyantos pamuput. Ngenenin indik kahanan genah wenten tiga ingih punika genah carita ring pasisi, umah Blenjo, umah Meme Wayan, umah Mang Tebel, ring paon, miwah ring peken. Indik genah manut ring galahnyane kacihnayang wenten semengan, dugase dibi, zaman jani, miwah dugase ento. Wicaranyane kabianayang dados tiga mianakdi ipun wenten pamungkah, bebaosan,


lan epilog.Piteketnyane, sepatutnyane sampunang malaksana daya mapi-mapi kebus dingin, yening nenten prasida ngaryanin sampunang kemad metaken sareng anak lian, mangda nenten nemonin sengkala. Paiketan Sosiologi sastranyane sane wenten ring drama “Jukut Be Bano” yening kasinahang saking sosiologi sastra. Wenten makudang paiketan punika sakadi, (1) Ideologi sosial pangawi mapaiketan sareng kawentenan carita “Jukut Be Bano” puniki sangkaning polih ide-ide saking kahanannyane, ngunggahang isu-isu sosial ring masyarakat. (2) Latar belakang sosial budaya sane ngenein indik sang pangawi sane embas ring kaluarga sane demen pisan masatua, ipun nulad parilaksana kaki lan bapanyane sane waged pisan masatua. (3) Posisi sosial pangawi ring krama inggih punika ipun wantah mahasisia saking Jurusan Pendidikan Bahasa Bali ring Undiksha Singaraja, sane mangkin kari semester 8. (4) Kria sastra puniki nenten lempas majeng ring pangwacennyane, punika sane ngawinan basa sane kaanggen ring kria sastra puniki dangan karesepang lan sarat madaging piteket-piteket. (6) Pakaryan pangawi dados mahasisia ring Jurusan Pendidikan Bahasa Bali, Undiksha Singaraja. KAPUSTAKAAN Antara, I Gusti Putu. 2010. Prosa Fiksi Bali Tradisional. Singaraja. Yayasan Gita Wandana. Aryastini, Dwi Made Ni. 2011. Pembelajaran Menulis Drama yang Bersumber dari Pengalaman Pribadi pada Siswa Kelas XI IPS 1 SMAN 2 Singaraja. Skripsi (tidak diterbitkan). Jurusan

Pendidikan Sastra lan Bahasa Indonesia. Undiksha Singaraja. Budiasa, I Nengah. 2007. Aksara Jurnal Bahasa dan Sastra. Denpasar: Balai Bahasa. Gautama, Wayan Budha. 2007. Kasusatraan Bali: Cakepan Panuntun Mlajahin Kasusastraan Bali. Gianyar: Paramita Surabaya. Kuntha, Nyoman I. 2006. Metodelogi Penelitian Kualitatif. Yogyakarta: Graha Ilmu. Kurniawan, Heru. 2012. Teori, Metode, dan Aplikasi Sosiologi Sastra. Yogyakarta: Graha

Ilmu.

Meliani, Kadek. 2011. Analisis Naskah Drama Karya Siswa Kelas VII H SMPN 1 Sukasada Dikaji dari Segi Struktur Dramatik, Tingkat Keterbacaan dan Tingkat Kesesuaian. Skripsi (tidak diterbitkan). Jurusan Pendidikan Sastra lan Bahasa Indonesia. Undiksha Singaraja. Megawati, Sri Luh. 2010. Peningkatan Kemampuan Menulis Drama dengan Penerapan Metode Kontekstual Tipe Pemodelan di Kelas XI Bahasa SMA N 4 Singaraja. Skripsi (tidak diterbitkan). Jurusan Pendidikan Sastra lan Bahasa Indonesia. Undiksha Singaraja. Priyatni, Tri Endah. 2010. Membaca Sastra dengan Ancangan Literasi Kritis. J akarta. Bumi Aksara. Purnadhita, Astu I Komang. 2015. Seseleh Wangun Intrinsik lan Sosiologi Kriya Sastra ring Pupulan Satua Bawak Lawar Goak Pakardin I Ketut Rida. Skripsi


(tidak diterbitkan). Pendidikan Basa Bali. Singaraja.

Jurusan Undiksha

Simpen, AB. Wayan. 20022. Basita Paribasa. Denpasar: Upada Sastra. Satoto, Soediro. 2012. Analisis Drama dan Teater. Yogyakarta: Ombak. Setiawati, Deni Ni Wayan. 2015. Seseleh Wangun lan Pikenoh Pendidikan K Karakter ring Sesuratan Drama Mategul Tanpa Tali pinaka sarana

Ngwangun Karakter Bangsa. Skripsi (tidak diterbitkan). Jurusan Pendidikan Basa Bali. Undiksha Singaraja. Tarigan, Henry Guntur. 1971. Prinsip-prinsip Dasar Sastra. Bandung: IKIP. Waluyo. Herman J. 2001. Drama: Teori dan Pengajarannya. Jakarta: Hanindita Graha Widia. Wendra, I Wayan. 2013. Penulisan KaryaI lmiah. Singaraja: Undiksha.

NUREKSAIN WANGUN LAN PAIKETAN SOSIOLOGI SASTRA RING CAKEPAN NASKAH DRAMA JUKUT BE BANO PIKARDIN I MADE WISNAWA

Recommend Documents