MARHATA SINAMOT DI JABODETABEK

MARHATA SINAMOT DI JABODETABEK OLEH JANRIHAT MARBUN, SH

MARHATA SINAMOT DI JABODETABEK Oleh Janrihat Marbun, SH

Berikut adalah isi pembicaraan sekaligus urutan Marhata Sinamot yang umum dilakukan di Jakarta, Bogor, Depok, Tangerang, dan Bekasi (JABODETABEK).

Contoh: Rumang ni ulaon Alap Jual atau ulaon di Parboru sehingga inisiatif pakkataion ada pada Parboru. Apabila rumang ni ulaon Taruhon Jual atau ulaon di Paranak, maka inisiatip pakkataion ada di Paranak. Isi pembicaraan baik rumang ni ulaon Alap Jual atau Taruhon Jual prinsipnya adalah sama. Contoh berikut: rumang ni ulaon Alap Jual.

Protokol: 1. Protokol Parboru (setelah selesai makan, mambagi jambar, dan pasahat tumpak tu Paranak): Di hamu pamoruon nami raja … (didok Margani Paranak), ala mardalan do tikki, boha rajani boru, nunga boi tauduti tu pakkataion?

Protokol Paranak: Nauli rajanami.

Protokol Parboru: Andorang so pinataripar pakkataion tu hamu, asa lean hamu jolo tikki di hami namarhaha-maranggi asa marsipasangapan hami.

Protokol Paranak: Nauli rajanami, ulahon hamu ma.

Protokol Parboru: Di hita namarhaha-maranggi … (didok Margani Parboru), di akka ulaon na marsintuhu sisongon on, didok natua-tua: “Nitallik huling-huling tarida holi-holi, molo anggi doli na gabe hasuhuton, haha doli ma antong na gabe panamboli”, suang songoni do antong nang sabalikna. Takkas taboto nuaeng hami anggi doli ma, nagabe hasuhuton di ulaonta sadarion, alani i antong, hupasahat hami ma tu hamu haha doli nami pomparan ni da oppung .. (didok panggoaran ni ompu), asa mardos ni roha hamu nagabe

1


parsinabul, laho manukkun haroro ni Pamoruonta raja … (didok Margani Paranak) di ulaonta sadari on. Hupasahat hami ma tu hamu haha doli. Butima. (Haha doli kemudian sepakat menunjuk Parsinabul secara resmi, meskipun sebenarnya Parsinabul ini sudah ditetapkan sebelum acara Marhata Sinamot dilakukan). 2. Parsinabul Parboru (“Parboru”): Gabe ma jala horas! Hujalo ma nagabe parsinabul di ulaonta sadari on. Di amanta raja dohot inanta soripada, ala naeng tamulai makkatai dohot Pamoruonta raja … (didok Margani Paranak), asa martangi-tangian ma hita. Suang songonima di hamu saluhut horong ni Hula-Hula dohot Tulang nami na huparsangapi hami: 1) Hula-Hula, rajai … (digorahon Margana) 2) Tulang, rajai … (digorahon Margana) 3) Tulang Rorobot, rajai … (digorahon Margana) 4) Bona Tulang, rajai … (digorahon Margana) 5) Bonani Ari, rajai … (digorahon Margana) 6) Hula-Hula Namarhaha-Maranggi: (1) Rajai … (digorahon Margana) (2) Rajai … (digorahon Margana) (3) Dst. (kalau ada). 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada) Raja nami raja bolon didok situa-tua: “Di jolo hamu raja siaduon, di pudi hamu raja sipaimaon, di tongatonga hamu raja sihaliangan”. Boha raja nami, nunga tipak parhundul muna? (Biasanya dijawab oleh rajani Hula-Hula: “Nunga be Amang Boru” dan/atau dengan mengacungkan tangan tanda persetujuan).

Mauliate, jumpang do annon tikkina, dinalaho mangido panuturion dohot poda hami sian hamu saluhut horong ni Hula-Hula dohot Tulang nami. Asa sahalinai, mauliate ma di hamu raja nami. Nuaeng pe di hamu Pamoruon nami raja … (didok Margani Paranak), molo dung mangarade hamu asa tapukka makkatai.

3. Protokol Paranak: Nauli raja nami. Alai andorang so hualusi hami hamu rajanami, mangido tikki hami satokkin, asa jolo marsipasangapan hami namarhaha-maranggi. (Dialusi Parboru: nauli Amangboru).

2


Ido di hita namarhaha-maranggi pomparan ni ompunta raja … (didok Margani Paranak), toho do songon nidok ni Hula-Hulanta raja … (didok Margani Parboru), molo di akka ulaon namarsintuhu, didok natua-tua: “Nitallik huling-huling tarida holi-holi, molo anggi doli nagabe hasuhuton, haha doli ma antong nagabe panamboli”. Takkas taboto nuaeng, hami anggi doli ma nagabe hasuhuton di ulaonta sadari on, alani i antong, hupasahat hami ma tu hamu haha doli nami nagabe Parsinabul laho mangalusi sukkun-sukkun ni rajani Hula-Hulanta, rajai … (didok Margani Parboru) . (Horong hahadoli sepakat menunjuk Parsinabul, yang sebenarnya telah ditetapkan sebelum acara Marhata Sinamot). 4. Parsinabul Paranak (“Paranak”): Gabe ma jala horas, hujalo ma di bagasan lasni roha, nagabe Parsinabul di ulaonta sadarion, nalaho mangalusi sukkun-sukkun ni rajani Hula-Hulanta. Ipe di hita namarhaha-maranggi pomparan ni ompunta raja … (didok Margani Paranak), molo tung ahu pe namangalusi sukkun-sukkun ni raja ni Hula-Hulanta raja … (didok Margani Parboru), naung si sada hata ma hita ate!

Suang songoni ma di hamu saluhut horong ni Hula-Hula dohot Tulang nami na huparsangapi hami: 1) Hula-Hula, rajai … (digorahon Margana) 2) Tulang, rajai … (digorahon Margana) 3) Tulang Rorobot, rajai … (digorahon Margana) 4) Bona Tulang, rajai … (digorahon Margana) 5) Bonani Ari, rajai … (digorahon Margana) 6) Hula-Hula Namarhaha-Maranggi: (1) Rajai … (digorahon Margana) (2) Rajai … (digorahon Margana) (3) Dst. (kalau ada) 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada) Raja nami raja bolon, andorang so humulai hami makkatai dohot rajani Hula-Hula nami raja … (didok Margani Parboru), marpanakkasi hami rajanami, boha rajanami nunga tipak parhundul muna? (Biasanya dijawab oleh Hula-Hula: “nunga be Amang Boru” dan/atau dengan mengacungkan tangan tanda persetujuan). Mauliate. Jumpang do anon tikkina di nalaho mangido panuturion dohot poda hami sian hamu saluhut horong ni Hula-Hula dohot Tulang nami. Asa sahalinai, mauliate ma di hamu rajanami. Nuaeng pe, di hamu raja ni Hula-Hula nami raja … (didok Margani Parboru): nunga mangarade be hami raja nami. Butima.

3


5. Parboru: Amangboru, didok situa-tua: “Artia bona ni ari, sipahasada bona ni bulan; binsar mata ni ari, rondang mata ni bulan; ala naeng tamulai makkatai, pasahat hamu ma pinggan panukkunan”.

6. Paranak: Mauliate raja nami. “Baris-baris ni gaja di rura pangaloan, molo marsuru raja, denggan ma antong oloan”. Boru nami, pasahat hamu pinggan panukkunan tu raja i.

7. Parboru: Di son nunga sahat jala takkas hujalo hami pinggan panukkunan, pinggan pasu nahot di hundulanna. Asa sukkun ma tutu mulani uhum, sise mula nihata, mamasu-masu ma antong Amanta Debata di hita saluhut, jala hot ma hita di akka uhum paradatonta. Dison adong boras si pirni tondi, boras si riburribur, asa torop maribur ma pinomparta. “Asa pirma pokki bahul-bahul pansaloman, pirma tondinta, ditambai Tuhan akka pansamotan”. Adong di son demban tiar, napuran sirara uruk napuran rata, asa lam tiarma parnidaanta tujoloan on, jala ra ma di hita hagabeon dohot parhorasan. Adong muse do di son ringgit sitio soara, nanicetak ni negaranta, hasoloman ni amanta raja dohot inanta soripada. Asa dohonon ma hatani situa-tua: “Bona ni aek puli ma di dolok sitapongan, sai tubu ma di hamu akka nauli, tu gandana akka pansamotan”. Sada ma on tu pomparan ni daompung siakkangan (manang didok panggoaran ni ompui), sada ma on tu pomparan ni da ompung siampudan (manang didok panggoaran ni ompui). Huhajuti ma sada di ahu. Ala naung sahat takkas pinggan panukkunan, dohonon ma muse hata ni natua-tua: “Nibutbut duhutduhut laos dapot dohot halosi, nunga sahat pinggan panukkunan, mulak ma muse gabe pinggan pangalusi”. Boru nami, pasahat hamu pinggan pangalusi.

8. Paranak: Di son nunga sahat be pinggan pangalusi raja nami. Sada pangisina, asa sada hami tutu nalaho mangalusi sukkun-sukkun ni rajai. Mauliate ma raja nami. (Uang yang ada di piring dimasukkan ke dalam kantong Parsinabul Paranak kemudian piring tersebut disimpan).

9. Parboru: Amangboru didok situa-tua: “Sai jolo ninang-nang do asa ninung-nung, sai jolo pinangan do asa nisukkun”. Nunga butong hami mangan indahan na las, minum aek sitio-tio, sagat marlompan juhut na tabo, disi do landina disi do landona, disi do daina, disi muse do nang tabona. Sai anggiat ma sipanganon naung tapangani pamurnas tu daging saudara tu bohi, sipansidak panaili jala sipaneang holi-holi. Namanukkun ma hami nuaeng Amangboru di sintuhi ni sipanganon masak naung tapangani, dia ma laklakna dia ma unok na, dia ma hatana jala dia ma nanidokna. Butima.

4


10. Paranak: Mauliate ma disukkun-sukkun ni rajai. Alai parjolo ma dohonon nami raja nami, hata ni sipanganon, didok natua-tua: “Mardakka tanduk marbuhu holi-holi, godang sibutong-butong otik sipirni tondi, sai anggiat ma sipanganon naung tapangani pamurnas tu daging saudara tu bohi, sipasindak panaili jala sipanenang holi-holi. Asa bagot namarhalto naniagatan di robean, horas ma hamu raja nami namanganton, tu gandana di hami namangalean. Molo hatana rajanami: panggabean parhorasan do. Butima.

11. Parboru: Mauliate ma Amangboru, panggabean parhorasan do hape sintuhu ni ulaonta sadarion. Alai didok natua-tua: “Marakkup do nauli mardongan do na denggan, siakkup songon na hundul, siudur songon na mardalan. Akkup ni panggabean akkup ni parhorasan, manukkun jala manakkasi hami Amangboru songan hata na mandok asa takkas uju purba takkasan uju angkola, takkas hita maduma, takkasan ma nang mamora”. Laos dipatakkas Amangboru ma. Butima.

12. Paranak: Mauliate ma rajanami. Marpanakkasi ma antong rajai disintuhi ni ulaonta sadari on. Dohonon ma hata ni natua-tua: “Tinaba bulu godang bahen hite-hite, molo dung magodang anak, dengganma i antong marhot ripe”. Di ari-ari naung salpu rajanami, nunga takkas ro hami mandapothon hamu hula-hula nami, ima di napatua hata dohot marhusip. Jala nasogot rajanami, nunga rap mangudurhon hita tu gareja ima anak nami nagabe hela muna, boru muna nagabe parumaen nami, manjalo pasu-pasu parbagason sian naposo ni Tuhanta. Ihut tusi rajanami, namanukkun utang nami ma hami nuaeng, songon somba ni uhum somba ni adat, marhite-hite sinamot ni boruni rajai. Jadi na marhata sinamot ma haroro nami mandapothon hamu rajanami. Udut tusi rajanami, molo siat elek-elek dohot pangidoan, asa sisahali manombahon manang si sahali mangelekkon hami rajanami jala laos ulaon sadari. Butima. [Catatan Penulis: sebaiknya permintaan marha sinamot, sisahali manombahon, dan ulaon sadari dilakukan sekaligus agar tidak terjadi pengulangan pembicaraan]. Namun demikian, ada kalanya Parsinabul Paranak (Paranak) hanya menyampaikan permintaan pertama terlebih dahulu yaitu marhata sinamot saja. Dalam hal demikian silahkan lanjut ke urutan nomor 13 di bawah ini. Namun apabila permintaan sudah disampaikan sekaligus, maka silahkan langsung lanjut ke urutan nomor 15 di bawah ini].

13. Parboru: Mauliate ma di Tuhanta, mauliate ma di hamu Amangboru, namarha sinamot do hape sintuhu ni ulaonta sadari on. Antong dohonon ma hata ni natua-tua: “Nunga pitu lili nami paualu jogian nami, nunga uli

5


nipi nami, ai gokma sinamot di hajut nami”. Barita ni lappedang mardakka bulung bira, barita ni hamoraon muna, tarbarita rodi dia. Alani i antong, asa pintor parade hamu hian sinamot ni boru nami, ima horbo sabara, lombu salondut, hoda sarura, mas dohot sere saampang, dohot ringgit sitio soara sarumbi, asa pintor las rohanami hula-hula muna. Butima Amangboru.

14. Paranak: Toho do i rajanami di akka pangidoan muna i. Alai molo siat elek-elek dohot pangidoan, marsomba hami sampulu jari-jari pasampulusadahon simajujung, asa sisahali manombahon sisahali mangelekkon hami di sinamot ni boru ni rajai, jala laos ulaon sadari. Butima rajanami.

15. Parboru: Mauliate ma Amangboru. Nunga takkas hubege hami elek-elek dohot pangidoan muna, ima dinamakkatai sinamot ni boru nami jala didok hamu sisahali manombahon dohot ulaon sadari. Antong dohonan ma hata ni natua-tua: “Nunga pitu lili nami paualu jogian nami, nunga uli nipi nami, ai gokma sinamot di hajut nami, ai namarhata sinamot do hape hita Amangboru”. Asa andorong so hupasahat elek-elek dohot pangidoan muna tu akka dongan tubukku dison, tu boru nami dohot berenami, tarlumobi tu hula-hula dohot tulang nami, asa pintor parade hamu hian sinamot ni boru nami, ima: horbo sabara, lombu salondut, hoda sarura, mas dohot sere saampang, dohot ringgit sitio soara sarumbi, asa pintor las rohanami hula-hula muna. Alai nang pe songoni, hupasahat ma jolo pakkataion on, naparjolo tu boru dohot berenami. Pinasahat pakkataion tu Boru dohot Bere ni … (didok Margani Parboru). [Hata sian Boru/Bere: “Mauliate ma di hamu rajani hula-hula nami raja … (didok Margani Parboru), namangalehon partikkian tu hami Boru dohot Bere. Molo hata sian hami Boru dohot Bere: rade ma hami rajanami nalaho mangulahon akka siulaon nami. Aek godang tu aek laut dos ni roha sibaen nasaut. Butima rajanami”]. Mauliate ma di hamu Boru dohot Bere nami. Nuaeng pe sahat ma tu hita namarhaha-maranggi. Boha sisada hatama hita? [Biasanya pertanyaan ini dijawab oleh para tetua/yang dituakan yang duduk di baris depan dengan mengatakan: sisada hata ma hita, sehingga tidak perlu lagi secara khusus namarha-maranggi berbicara karena memang sudah diwakili oleh parsinabul]. Mauliate ma di hita namarhaha-maranggi. Nuaeng pe, sahat ma pakkataion on tu Hula-Hula dohot Tulang nami. Di hamu saluhutna horong ni Hula-Hula dohot Tulang nami nahuparsangapi hami: 1) Hula-Hula, rajai … (digorahon Margana) 2) Tulang, rajai … (digorahon Margana)

6


3) Tulang Rorobot, rajai … (digorahon Margana) 4) Bona Tulang, rajai … (digorahon Margana) 5) Bonani Ari, rajai … (digorahon Margana) 6) Hula-Hula Namarhaha-Marangi: (1) Rajai … (digorahon Margana) (2) Rajai … (digorahon Margana) (3) Dst. (kalau ada) 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada) Rajanami raja bolon, didok natua-tua: “Obuk do jambulan nidandan baen samara, pasu-pasu dohot poda sian Hula-Hula dohot Tulang, pintu sundut soada mara”. Nunga takkas dibege hamu rajanami akka pakkataion nami dohot rajani pamoruon nami raja … (didok Margani Paranak), ima dinamakkatai sinamot ni borunami ima beremuna/pahompu muna, jala didok nasida sisahali manombahon laos ulaon sadari. Hombar tusi rajanami, mangido panuturion dohot poda hami sian hamu saluhut horong ni hulahula dohot tulang nami, asa dohot on, hupasahat hami ma partikkian tu rajai. Butima. Boru nami, pasahat hamu microphone tu Hula-Hula dohot Tulang nami. [Dung marsipasangapan horong ni Hula-Hula dohot Tulang, songon on ma hira-hira hata sian HulaHula: “Di hamu pamoruoan nami raja … (didok Margani Parboru), nunga mansai uli hupaihut-ihut hami akka pakkataion muna. Molo hata sian hami horong ni Hula-Hula dohot Tulang muna: ”Balintang ma pagabe tumandalhon sitadoan, ari muna ma antong gabe, alas takkas do hamuna marsipaolo-oloan. Mauliate, butima]. Mauliate malambok pusu ma dipasahat rohanami tu hamu saluhut horong ni hula-hula dohot tulang nami, namangalehon panuturion dohot poda tu hami pamoruon muna. Sahalinai, mauliatema rajanami. Nuaeng pe di suhut bolon nami, didok natua-tua: “Lata pe nipalata-lata duhut-duhut do sibutbuton, hatape dipahata-hata akka raja, hasuhuton ma napasautton”. Hupasahat ma muse tu suhut nami. [Hata sian suhut manang sian paidua ni suhut hira-hira songon on: “Mauliate ma di Parsinabul nami. Tandok muna do tandok nami, pandok muna do pandok nami, gabe ma jala horas, ditorusson damang ma. Butima]. Tampunak ni sibaganding didolokna pangiringan, horas do hita namarhaha-marangi ala takkas do hita marsipairing-iringan. Nuaeng pe di hamu pamoruon nami raja … (didok Margani Paranak), nunga takkas dibege hamu akka pakkataion sian hami, tarlumobi panuturion sian hula-hula dohot tulang nami, asa hujalo hami jala huoloi hami ma pangidoan muna. Hupasahat hami ma muse tu hamu, asa takkas ma tariasson hamu siani. Butima.

7


16. Paranak: Mauliatema dirajai. Alai andorang so hutariasson hami godang ni sinamot nalaho sipasahaton nami, mangido tikki hami rajanami laho mangalap hata sian borunami dohot berenami, sian hami namarhahamarangi, tarlumobi panuturion sian hula-hula dohot tulang nami. [Parboru menjawab: “Ulahon hamu ma Amangboru”]. Parjolo, pinasahat partikkian tu boru dohot bere ni … (Didok Margani Paranak). [Hata sian Boru/Bere: “Mauliatema rajanami di partikkian nanilehon muna tu hami Boru/Bere. Molo hata sian hami boru/bere: rade ma hami mangulahon akka siulaon nami. Gabe ma jala horas. Butima rajanami].

Sahat ma muse tu hita namarhaha-maranggi. Boha di hita namarhaha-maranggi? Hata nasian jabui ma ate, sisada hata ma hita! [Biasanya, jawaban sian namarhaha-maranggi diwakili oleh yang duduk di barisan depan dengan mengatakan: “olo, sisada hata ma hita”].

Nuaeng pe sahat ma tu horong ni hula-hula dohot tulang nami. Di hamu saluhut horong ni Hula-Hula dohot Tulang nami nahuparsangapi hami: 1) Hula-Hula, rajai … (digorahon Margana) 2) Tulang, rajai … (digorahon Margana) 3) Tulang Rorobot, rajai … (digorahon Margana) 4) Bona Tulang, rajai … (digorahon Margana) 5) Bonani Ari, rajai … (digorahon Margana) 6) Hula-Hula Namarhaha-Maranggi: (1) Rajai … (digorahon Margana) (2) Rajai … (digorahon Margana) (3) Dst. (kalau ada) 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada). Rajanami raja bolon didok situa-tua: “Obuk do jambulan nidandan baen samara, pasu-pasu dohot poda sian hula-hula dohot tulang pitu sundut soada mara”. Nunga takkas dibege hamu rajami akka pakkataion nami dohot rajani hula-hula nami raja … (didok Margani Parboru) ima dongan parhundul muna. Dang barani hami rajanami laho patariasson sinamot ni parumaen nami, ianggo so jolo mangido panuturion dohot poda sian hamu Hula-Hula dohot Tulang nami. Asa dohot on hupasahat hami ma partikkian tu rajai asa lehon hamu panuturion dohot poda tu hami. Butima.

8


Borunami, pasahat hamu microphone tu Hula-Hula dohot Tulang nami. [Dung marsipasangapan horong ni Hula-Hula dohot Tulang, hira-hira songon on ma hata sian HulaHula: “Mauliate ma di hamu pamoruon nami raja … (didok Margani Paranak). Nunga takkas hupaihut-ihut hami akka pakkataion muna dohot rajani hula-hula muna raja … (didok Margani Parboru) ima dongan parhundul nami. Molo hata sian hami, dohonon ma hata ni natua-tua: “Balintang ma pagabe tumandalhon sitadoan, ari mu ma antong gabe namarhula-hula marboru, ala takkas do hamu marsipaolo-oloan. Butima].

Mauliate malambok pusu ma dipasahat rohanami tu hamu saluhut horong ni Hula-Hula dohot Tulang nami naung mangalehon panuturion dohot poda tu hami pamoruon muna. Sahalinai, mauliate ma rajanami. Nuaeng pe di hamu rajani hula-hula nami raja … (didok Margani Parboru), nunga barani be hami rajanami laho patariasson somba ni uhum somba ni adat, marhite-hite sinamot ni boru ni rajai, godangna Rp. … (disebutkan jumlahnya dalam Rupiah) sitombol; disima horbona, disima lombuna, disima hoda na, jala disima mas dohot serena. Oloi jala gabehon hamu ma rajanami. Butima.

17. Parboru: Mauliate ma Amangboru. Nunga takkas hubege hami godang ni sinamot nalaho sipasahaton muna tu hami. Ipe di hita namarhaha-maranggi, nunga rap mambege hita godang ni sinamot ni borunta nalaho pasahaton ni rajani pamoruonta tu hita, godangna … (didok dalam Rupiah) sitombol. Ala naung taoloi nakkin pangidoan ni rajani pamoruonta, tajalo jala tagabehon ma ate! Jadi Amangboru, hujalo hami jala hugabehon hami sinamot ni boru nami godangna … (didok dalam Rupiah) sitombol. Alai Amangboru, molo akka jambar nagok, ima suhi ni ampang naopat dohot akka panandaion, takkas do pasahaton muna ate di tonga ni mangajana!

18. Paranak: Nauli rajanami. Takkas do pasahaton nami suhi ni ampang naopat dohot akka panandaion. Digorahon rajai ma annon.

19. Parboru: Nuaeng pe Amangboru, ala naung huoloi hami sinamot ni borunami, pasahat hamu ma sinamot ni borunami tu suhut nami. Alai jolo boan hamu ma jolo tuson asa huetong hami. Di hamu suhut nami, asa mangarade ma hamu laho manjalo sinamot ni borunta. [Suhut Paranak membawa sinamot di atas beras di dalam piring beralaskan ulos sambil diiringi musik, memperlihatkan kepada Parsinabul Parboru terlebih dahulu untuk dihitung, kemudian menyerahkannya kepada suhut Parboru]. Pasahat hamu ma muse Amangboru tu suhi ni ampang naopat:

9


Naparjolo: upa si jalo bara; Napaduahon: upa simandokkon; Napatoluhon: upa pariban Napaopathon: upa tulang. [Catatan: pada saat pasahatton upa tulang ini, maka suhut Parboru sekaligus pasahatton jambor nagok tu sude horong ni hula-hula dohot tulang na). Pasahat hamu ma muse Amangboru panandaion. [Sesuai jumlah panandaion yang sudah disepakati sebelumnya oleh Paranak dan Parboru biasanya lengkap dengan daftarnya]. Pasahat hamu ma muse Amangboru, pinggan panganan nami. [Catatan: Amplop Pinggan Panganan ini sebenarnya disediakan oleh Parboru sesuai jumlah undangannnya. Pihak Parboru memberikan terlebih dahulu amplop Pinggan Panganan kepada Paranak tanpa diketahui umum. Selanjutnya Paranak pasahathon (memberikan) Pinggan Panganan tersebut kepada Parboru].

[Dung sahat pinggan panganan] Di hita namarhaha-maranggi … (didok Margani Parboru), boru/bere, dongan sahuta, ale-ale, dohot sude raja naginokkon. Dison nunga sahat be pinggan panganan tu hita saluhutna. Dibagi pe annon jala dipasahat tu hasahatanna.

Nueang pe Amangboru, sahat ma hita tu napasahatton tintin marakkup tu Tulang ni Hela nami. Pangidoan Amangboru, hami ma na pasahatton hamu ma na patandahon.

20. Paranak: Di hamu suhut nami, borhat ma hamu laho pasahatton tintin marakkup. [Catatan: pada saat pasahatton tintin marakkup, maka suhut Paranak sekaligus pasahatton jambar nagok tu sude horong ni hula-hula dohot tulang na].

21. Parboru (Hata sian suhut Parboru sebelum pasahat tintin marakkup): Di hamu haha parhundul nami raja … (didok Margani Tulang ni Hela), tulang ni helanami. Marnatampak do hami dison laho pasahatton jambar nagok tu hamu sian sinamot ni borunta. Otik sosadia pe on, las ma rohamuna manjalo. Butima. Hata sian Tulang sijalo Tintin Marakkup: Mauliate ma di hamu dongan parhundul nami raja … (didok Margani Parboru). Marnatampak hamu tutu ro dohot pamoruon nami raja … (didok Marganani Paranak), mandapothon hami dison pasahatton jambar nagok ima Tintin Marakkup. Nunga las rohanami manjalo tintin marakkup napinasat muna. Asa mulai sadarion si sada boru ma hita tutu. Asa dohonon ma hatani umpasa: “Hot pe jabui tong doi margulang-gulang, boru ni ise pe dialap berei tong doi boru ni tulang”. Mauliate, Butima.

10


Nueang pe, di hamu rajani pamoruoan nami raja … (didok Margani Paranak), nunga sahat be takkas jambar nagok dohot akka panandaion tu hami. Asa dos nakkokna dohot tuatna, molo tung adong nanaeng sipangidoon muna Amangboru, hupasahat hami partikkian tu hamu.Butima.

22. Paranak: Mauliate ma rajanami, pintor boi do diadu hamu nadiroha nami. Adong ma tutu sipangidoon nami tu rajai, ima disihol ni rohanami di akka pasu-pasu marhite-hite tangiang muna tu Tuhanta pardenggan basai, suang songoni di ulos herbang na mambaen las badan nami. Molo siat elek-elek dohot pangidoan rajanami, asa sudema hami ulosi hamu. Butima.

23. Parboru: Naulimai rajani boru. Sude do hamu pasu-pasuon nami, marhite-hite tangiang nami tu Amanta Debata. Alai molo ulos herbang naboi pasahaton nami tu hamu apala ditikki on, godangna 17 bulung ma Amangboru. Akkup ni i, pasahaton nami do antong tu sude hamu ima ulos-ulos tinonun sadari. Asa ulima rohamu Amangboru jala gabehon hamu ma. Butima.

24. Paranak: Mauliate ma rajanami, nunga uli be i jala nunga las be rohanami manjaloi.

25. Parboru: Antong mangarade ma hamu asa hupasahat hami akka ulos herbang tu hamu. Gorai Amangborukku ma siani.

26. Paranak: Pasahat hamu ma rajanami: 1) Ulos Pansamot. 2) Ulos Hela (biasana dohot mandar) 3) Ulos tu Pamarai 4) Ulos tu Simandokkon 5) Ulos tu Sihunti Ampang 6) Ulos tu Hahana / Anggina 7) Ulos tu Ibotona 8) Ulos tu Amangtuana 9) Ulos tu Amangudana 10) Ulos tu Namboruna 11) Ulos tu … (contoh: Bapa Martinodohon) 12) Ulos tu … (contoh: Ompung Martinodohon)

11


13) Ulos tu … (contoh: Bapa ni Ompung Martinodohon) 14) Ulos tu Haha Doli / Dongan Tubu (Contoh: pomparan ni Ompung siakkangan sebelum parsadaan Marga) 15) Ulos tu Anggi Doli / Dongan Tubu (Contoh: pomparan ni Ompung siampudan sebelum parsadaan Marga) 16) Ulos tu Punguan ni Ompung namakkasuhutton ulaon 17) Ulos tu Punguan Parsadaan Marga. [Catatan: urutan No. 1 s/d 5 dan No. 17 sudah tetap. Sedangkan urutan No. 6 s/d 16 dapat berubah sesuai keperluan dan kesepakatan dari suhut bolon].

27. Parboru: Suru hamu ma Amangboru, Hela dohot Borunami asa hundul tu jolo on. Di hita namardongan tubu … (didok Margani Parboru), suang songoni di hamu borunami, nuaeng pe jumpang ma tikkina dapot ma ombasna dinalaho pasahat ulos hita tu hela dohot borunta. Songon on ma partordingna: di jolo ma hasuhuton, dungi mangihut ma hita namarhaha-maranggi dohot borunami.

Nuaeng pe, di hamu saluhut horong ni Hula-Hula dohot Tulang nami nahuparsangapi hami: 1) Hula-Hula nami rajai … (digorahan Margana) 2) Tulang nami rajai … (digorahon Margana) 3) Tulang Rorobot nami rajai … (digorahon Margana) 4) Bona Tulang nami rajai … (digorahon Margana) 5) Bonani Ari nami rajai … (digorahon Margana) 6) Hula-Hula Namarhaha-Maranggi: (1) Rajai … (digorahon Margana) (2) Rajai … (digorahon Margana) (3) Dst. (kalau ada) 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada) Rajanami raja bolon, molo adong nalaho sipasahaton muna ima akka parbue ni holong tu beremuna/pahompu muna, hupasahat hami ma partikkian tu rajai. Jala molo siat elek-elek dohot pangidoan

rajanami,

asa

laos

di

tikki

on

ma

pasahat

hamu

hata

pasu

gabe

tu

beremuna/pahompumuna, jala hamu ma namarsiaturan rajanami. Alai molo suman di rohani rajai, hamu Hula-Hula nami, rajai … (didok margani Hula-Hula) nagabe pargomgom. Butima. [Biasanya, urutan napasahat ulos dari Hula-Hula dan Tulang Parboru adalah dari bawah ke atas]: 1) Hula-Hula Anak Manjae

12


2) Hula-Hula Namarhaha Maranggi 3) Bonani Ari 4) Bona Tulang 5) Tulang Rorobot 6) Tulang 7) Hula-Hula, songon pargomgom]

[Dung sidung mangulosi horong ni hula-hula dohot tulang ni Parboru] Mauliate malombok pusu ma dipasahat rohanami tu hamu saluhut horong ni Hula-Hula dohot Tulang nami naung pasahat parbue ni holong marhite-hite ulos herbang dohot akka tangiang tu Hela dohot Boru nami. Asa dohonon ma hata ni natua-tua: “Tikko ma inggir-inggir bulungnai rata-rata, hata nauli hata nadenggan napinasahat muna tu hami saluhut tarlumobi ma tu Hela dohot Boru nami, napasautton ma antong Amanta Debata”. Asa mangerbang bunga-bunga toho di torang ni ari, selamat jalan ma di hamu selamat tinggal ma dihami. Horas ma dihamu akka Tulang nami dohot Nantulang nami. Butima.

Di hamu rajani Pamoruon nami, ala naung sikkop pasahat ulos herbang sian horong ni Hula-Hula dohot Tulang nami, hupasahat hami ma muse partikkian tu hamu. Butima.

28. Paranak: Mauliate ma rajanami.

Nueang pe di hamu saluhut horong ni Hula-Hula dohot Tulang nami nahuparsangapi hami: 1) Hula-Hula nami rajai … (digorahon Margana) 2) Tulang nami rajai … (digorahon Margana) 3) Tulang Rorobot nami rajai … (digorahon Margana) 4) Bona Tulang nami rajai … (digorahon Margana) 5) Bonani Ari nami rajai … (digorahon Margana) 6) Hula-Hula Namarhaha-Maranggi: (1) Rajai … (digorahon Margana) (2) Rajai … (digorahon Margana) (3) Dst. (kalau ada) 7) Hula-Hula Anak Manjae: (1) Rajai … (digorahon Margana) (2) Rajai … (digorahon Margana) (3) Dst. (kalau ada)

13


Rajanami raja bolon, molo tung adong nalaho sipasahaton muna tu beremuna/pahompu muna, ima akka parbue ni holong, hupasahat hami ma partikkian tu rajai. Jala molo suman dirohani rajai, laos di tikki on ma pasahat hamu hata pasu gabe tu beremuna/pahompu muna laos hamu ma namarsiaturan rajanami. Alai marpangidoan hamai rajanami, hamu Hula-Hula nami, rajai … (didok margani Hula-Hula) nagabe pargomgom. Butima.

[Horong Hula-Hula dohot Tulang ni Paranak pasahat ulos, biasanya dengan urutan: 1) Hula-Hula Anak Manjae 2) Hula-Hula Namarhaha Maranggi 3) Bonani Ari 4) Bona Tulang 5) Tulang Rorobot 6) Tulang 7) Hula-Hula, songon pargomgom

[Dung sidung horong ni Hula-Hula dohot Tulang ni Paranak pasahat ulos, mulak ma nasida]. Mauliate malombok pusu ma di hamu saluhut horong ni Hula-Hula dohot Tulang nami naung pasahatton parbue ni holong tu parumaen dohot anak nami. Antong dohonon ma hata ni situa-tua: “Tikko ma inggir-inggir bulangnai rata-rata, hata nauli hata nadenggan napinasahat muna tu hami pamoruon muna tarlumobi tu Parumaen dohot Anak nami, napasautton ma antong Amanta Debata”. Asa mangerbang bunga-bunga toho di torang ni ari, selamat jalan ma di hamu selamat tinggal ma di hami. Horas ma di hamu Tulang horas ma di hamu Nantulang nami. Butima. Di hamu Hula-Hula nami raja … (didok Margani Parboru). Ala nunga sikkop be Hula-Hula dohot Tulang nami pasahat ulos holong tu Parumaen dohot Anak nami, hupasahat hami ma muse partikkian tu hamu, hamu ma namangatur rajanami. Butima.

29. Parboru: Nauli Amangboru. Molo dos rohanta, antar songon on ma nian konsep ni ulaonta namangihut: Naparjolo: Marhata sigabe-gabe ma sian hami, hamu ma namangampu Napaduahon: Mardalan ma olop-olop Napatoluhon: Mardalan ma ulaon sadari (Paulak une / Manikkir tangga) Napaopathon: Ditutup ma dibagasan ende dohot tangiang.

30. Paranak: Nunga tung uli be i, rajanami. Butima.

14


31. Parboru: Gabe ma jala horas. Nuaeng sahat ma hita tu namarhata sigabe-gabe. Didok natua-tua sada silompa gadong dua silompa ubi, tung sadape namakkatahon, sude ma hita dapotan uli. Pinasahat ma langsung tu suhut nami. [Suhut Parboru mandok hata mauliate tu dongan tubu, boru, bere, dohot tu sude uduranni Paranak]. Songon panimpuli ni hata sigabe-gabe, dohonon ma hatani natua-tua: “Aek marjullak-jullak, marjullakjullak sian tonga-tonga ni batu, jullak-jullaknai binaen tu tabu-tabu, hata nauli hata nadenggan naung pinasahat nami, ampu hamu ma antong martonga-tonga ni jabu”. Butima.

32. Paranak: Maulaite ma rajanami. Nuaeng pe sahat ma tu hita na laho mangampu hata nauli hata nadenggan sian Hula-Hulanta raja … (didok Margani Parboru). Didok natua-tua, sada silompa gadong dua silompa ubi, tung sada pe namakkatahon, sude ma hita dapotan uli. Hata pangampuan langsung ma tu suhut nami. [Suhut Paranak mandok hata mauliate tu Hula-Hula Parboru, dungi hata mauliate tu dongan tubu, boru, bere na]. [Dilanjutkan dengan Hata mauliate sian Pengantin Perempuan diikuti hata mauliate sian Pengantin Laki-Laki]. Songon panimpuli hata pangampuon sian hami pamoruon muna rajanami, dohonon ma hata ni natuatua: “Horbo sitikko tanduk horbo sisapang naualu, parbutuha mangalilit marmata pangalu-alu, dibalian manggagat duhut dihuta marngalu-ngalu, hata nauli hata nadenggan napinasahat muna hulahulanami, ampuon nami ma i antong martonga-tonga ni jabu”. Butima.

33. Parboru: Amangboru, saonari sahat ma hita tu napadalanton olop-olop. Boan hamu ma piring muna tu son. [Piring berisikan uang pecahan Rp. 2000 atau pecahan Rp. 5000 sekitar 50 lembar dan satu pecahan Rp. 100000 paling atas masing-masing di dalam piring Paranak dan Parboru]. Kemudian Parsinabul Parboru mandok hata: Ala nunga uli jala renta mardalan ulaonta, asa marolop-olop roha dohot tondinta mandok mauliate tu Tuhanta pardenggan basai, asa dohonon ma hata ni umpasa: “Silanlan aek uruk silanlan aek toba, nametmet dang marungut-ungut namagodang marlas ni roha. Binanga ni sihombing binokkak ni tarabunga, tu sanggar ma amporik tu lubang ma satua, sinurma ma pinahan gabe nataula. Asa sitorop ma dakkana sitorop do nang bulungna, gabe jala horas ma hulahulana songoni ma nang boruna. Rap mandok ma hita 3 hali: “Olop-olop”. Olop-olop, Olop-olop, Olop-olop!

15


[Pecahan Rp. 100000 tersebut terlebih dahulu dimasukkan oleh Parsinabul Parboru ke kantong Parsinabul Paranak kemudian Parsinabul Paranak memasukkan pecahan Rp. 100000 tersebut ke kantong Parsinabul Parboru]. [Dungi dibagi ma olop-olop pecahan Rp. 2000 atau Rp. 5000 i tu natorop].

Di hamu rajani Pamoruoan nami, ala naung dos rohanta, saonari ma taulahon ulaon sadari.

34. Paranak: Nauli rajanami. Tapasahat ma boan-boanta tu Hula-Hulanta raja … (didok Marganani Parboru). [Boan-boan di sini adalah berisi tudu-tudu ni sipanganon namarsaudara]

35. Parboru: Tapasahat ma dekke dohot boras sipirni tondi tu pamoruoanta raja … (didok Margani Paranak). Nuaeng pe, tapataru ma borunta, jala unang lupa hamu manjalo upa panaru dohot pasituak natonggi. Ala naung sikkop mardalan ulaonta, asa ditutup ma dohot tangiang. Tangiang Panutup. Amin.

(Tamat)

16

MARHATA SINAMOT DI JABODETABEK

Recommend Documents